| | ᠰᠡᠴᠡᠨ | ︽ᠭᠡᠨᠡᠳᠲᠡ ᠶᠢᠨ ᠬᠠᠯᠳᠠᠪᠤᠷᠢᠳᠤ ᠬᠢᠵᠢᠭ ᠲᠤ ᠲᠠᠭᠠᠷᠢᠬᠳᠠᠵᠦ᠂ ᠬᠡᠳᠦᠨ ᠡᠳᠦᠷ ᠶᠠᠰᠤ ᠦᠰᠦ ᠡᠪᠡᠳᠦᠨ | ᠶᠣᠰᠣᠲᠠᠢ ᠯᠠ ᠡᠷᠭᠢᠭᠡᠳ ᠰᠢᠨᠡ ᠲᠢᠲᠢᠮᠯᠢᠭ ᠠᠭᠤᠰᠬᠢᠨ ᠦᠷᠪᠢᠰᠦᠯ ᠳᠤ ᠬᠠᠯᠳᠠᠪᠤᠷᠢᠯᠠᠭᠰᠠᠨ ᠤᠤ ᠭᠡᠮᠡᠷ ᠵᠤᠪᠠᠯᠠᠩ | ᠪᠣᠯᠣᠯᠠ᠃ ᠳᠥᠷᠪᠡ ᠲᠠᠪᠤᠨ ᠡᠳᠦᠷ ᠡᠮ ᠶᠡᠭᠦᠯᠡᠵᠦ᠂ ᠵᠡᠭᠦᠦ ᠴᠣᠬᠢᠬᠤ ᠶᠢᠨ ᠰᠠᠶᠢᠨ ᠢᠶᠠᠷ ᠬᠠᠯᠳᠠᠪᠤᠷᠢᠳᠦ | ᠬᠢᠵᠢᠭ ᠠᠴᠠ ᠰᠠᠯᠤᠮᠠᠷ ᠪᠤᠯᠬᠤ ᠳᠤ ᠤᠤᠯ ᠠᠴᠠ ᠪᠠᠨ ᠠᠭᠤᠰᠬᠢ ᠮᠠᠭᠤ ᠬᠥᠮᠥᠨ ᠴᠢᠨᠢ ᠬᠠᠨᠢᠶᠠᠳᠤᠨ ᠳᠤ | ᠪᠠᠷᠢᠭᠳᠠᠴᠢᠬᠠᠯᠠ᠃ ᠨᠠᠶᠢᠵᠠ ᠨᠤᠭᠤᠳ ︿ᠡᠯᠵᠢᠭᠡᠨ ᠬᠠᠨᠢᠶᠠᠳᠤ ᠪᠣᠯᠴᠢᠬᠠᠭᠰᠠᠨ ᠪᠠᠶᠢᠭᠠ ᠪᠢᠰᠢ ᠪᠢᠵᠡ᠃ ᠣᠴᠢᠵᠤ | ᠡᠯᠵᠢᠭᠡᠨ ᠰᠦ ᠠᠪᠴᠤ ᠤᠤᠭᠤ﹀ ᠭᠡᠵᠦ ᠰᠠᠨᠠᠭᠤᠯᠤᠭᠰᠠᠨ ᠢᠶᠠᠷ ᠡᠯᠵᠢᠭᠡᠨ ᠰᠦ ᠬᠠᠶᠢᠵᠤ ᠬᠠᠨᠢᠶᠠᠳᠤ ᠪᠠᠨ ᠵᠠᠰᠠᠬᠤ | ᠠᠷᠭᠠ ᠡᠷᠢᠭᠰᠡᠨ ᠶᠤᠮ᠃ ᠳᠡᠭᠡᠭᠰᠡᠨ ᠴᠢᠨᠢ ᠡᠯᠵᠢᠭᠡᠨ ᠰᠦ ᠶᠡᠭᠡ ᠬᠡᠷᠡᠭ ᠲᠤ ᠭᠦᠷᠳᠡᠭ ᠶᠤᠮ ᠪᠠᠶᠢᠨᠠ︾ ᠭᠡᠵᠦ | ᠰᠠᠶ᠋ᠢᠬᠠᠨ ᠬᠦᠨᠳᠦ ᠨᠣᠴᠢᠲᠠᠢ ᠬᠠᠯᠳᠠᠪᠤᠷᠢᠳᠦ ᠬᠢᠵᠢᠭ ᠲᠤ ᠲᠠᠭᠠᠷᠢᠬᠳᠠᠨ ᠬᠤᠷᠢ ᠭᠠᠷᠤᠢ ᠡᠳᠦᠷ ᠡᠪᠡᠳᠴᠢᠨ | ᠵᠤᠪᠠᠯᠠᠩ ᠳᠤ ᠤᠶᠠᠭᠳᠠᠭᠰᠠᠨ ᠤᠶᠠᠩᠭᠠ ᠡᠯᠵᠢᠭᠡᠨ ᠰᠦ ᠶᠢᠨ ᠲᠤᠬᠠᠢ ᠶᠡᠭᠡ ᠰᠣᠨᠢᠭᠤᠴᠢᠯᠠᠵᠤ ᠶᠠᠷᠢᠨᠠ᠃ | ᠶᠡᠷᠦᠨᠢ ᠪᠢᠳᠠ ᠴᠠᠬᠢᠮ ᠮᠡᠳᠡᠭᠡ ᠠᠴᠠ ᠡᠯᠵᠢᠭᠡᠨ ᠰᠦ ᠨᠢ ᠬᠥᠮᠥᠨ ᠤ ᠪᠡᠶᠡ ᠶᠢᠨ ᠲᠠᠷᠬᠠᠯᠠᠭᠠ ᠶᠢ | ᠰᠠᠶᠢᠵᠢᠷᠠᠭᠤᠯᠵᠤ᠂ ᠲᠠᠪᠤᠨ ᠴᠤᠯᠤ ᠶᠢ ᠬᠠᠮᠠᠭᠠᠯᠠᠬᠤ ᠦᠢᠯᠡᠳᠦᠯ ᠲᠠᠢ᠃ ᠠᠭᠤᠰᠬᠢᠨ ᠤ ᠰᠦᠷᠢᠶᠡ ᠡᠪᠡᠳᠴᠢᠨ᠂ | ᠠᠭᠰᠠᠭᠠ᠂ ᠬᠤᠳᠣᠭᠤᠳᠤᠨ ᠦᠷᠪᠢᠰᠦᠯ ᠵᠡᠷᠭᠡ ᠡᠪᠡᠳᠴᠢᠨ ᠢ ᠡᠮᠨᠡᠬᠦ ᠳᠤ ᠡᠮᠴᠢᠯᠡᠭᠡᠨ ᠤ ᠢᠳᠡᠪᠬᠢ ᠦᠢᠯᠡᠳᠦᠯ ᠲᠠᠢ | ᠪᠥᠭᠡᠳ ᠬᠠᠴᠠᠷ ᠨᠢᠭᠤᠷ ᠴᠠᠶᠢᠷᠠᠭᠤᠯᠬᠤ᠂ ᠠᠷᠠᠰᠤ ᠮᠢᠬᠠ ᠶᠢ ᠲᠥᠯᠵᠢᠭᠦᠯᠬᠦ ᠦᠢᠯᠡᠳᠦᠯ ᠲᠠᠢ ᠭᠡᠵᠦ ᠰᠣᠨᠣᠰᠤᠭᠰᠠᠭᠠᠷ | ᠢᠷᠡᠭᠰᠡᠨ᠃ ᠠᠯᠳᠠᠨ ᠮᠣᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠲᠤᠰᠬᠠᠢ ᠮᠡᠷᠭᠡᠵᠢᠯ ᠤᠨ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠤ ᠳᠠᠷᠤᠭᠠ | ᠠᠯᠲᠠᠨᠲᠤᠶᠠᠭᠠ ᠡᠷᠭᠢᠯᠡᠭᠴᠢ ᠡᠮᠴᠢ ᠠᠴᠠ ᠡᠯᠵᠢᠭᠡᠨ ᠰᠦ ᠶᠢᠨ ᠦᠢᠯᠡᠳᠦᠯ ᠤᠨ ᠲᠤᠬᠠᠢ ᠠᠰᠠᠭᠤᠬᠤ ᠳᠤ ︽ᠶᠡᠷᠦᠨᠢ | ᠠᠮᠢᠳᠠᠨ ᠤ ᠰᠦ ᠪᠣᠯᠭᠠᠨ ᠨᠢ ᠬᠥᠮᠥᠨ ᠤ ᠳᠣᠲᠣᠷ ᠡᠷᠬᠡᠲᠡᠨ ᠳᠤ ᠰᠢᠮᠡ ᠲᠡᠵᠢᠭᠡᠯ ᠥᠭᠴᠦ᠂ ᠠᠭᠤᠰᠬᠢ ᠮᠠᠭᠤ | ᠬᠥᠮᠥᠨ᠂ ᠰᠦᠷᠢᠶᠡ ᠡᠪᠡᠳᠴᠢᠨ ᠲᠠᠢ ᠪᠤᠶᠤ ᠠᠭᠰᠠᠭᠠ ᠲᠠᠢ ᠬᠥᠮᠥᠨ ᠳᠤ ᠰᠦ ᠶᠡᠭᠡ ᠰᠠᠶᠢᠨ ᠪᠠᠶᠢᠳᠠᠭ᠃ | ᠢᠯᠠᠩᠭᠤᠶᠠ ᠡᠯᠵᠢᠭᠡᠨ ᠰᠦ᠂ ᠢᠩᠭᠡᠨ ᠰᠦ ᠨᠢ ᠠᠭᠰᠠᠭᠠ ᠡᠪᠡᠳᠴᠢᠨ᠂ ᠬᠠᠨᠢᠶᠠᠳᠤ ᠶᠢ ᠵᠠᠰᠠᠬᠤ ᠲᠠᠯᠠ ᠪᠠᠷ | ᠢᠳᠡᠪᠬᠢ ᠦᠢᠯᠡᠳᠦᠯ ᠲᠠᠢ︾ ᠭᠡᠵᠦ ᠶᠠᠷᠢᠯᠠ᠃ | ᠡᠯᠵᠢᠭᠡᠨ ᠰᠦ ᠶᠢᠨ ᠬᠠᠨᠢᠶᠠᠳᠤ ᠵᠠᠰᠠᠬᠤ ᠭᠠᠶᠢᠬᠠᠮᠰᠢᠭᠲᠤ ᠦᠢᠯᠡᠳᠦᠯ ᠢ ᠣᠶᠢᠯᠠᠭᠠᠬᠤ ᠡᠭᠦᠳᠡᠨ ᠠᠴᠠ | ᠪᠠᠶᠠᠨᠬᠤᠲᠠ ᠶᠢᠨ ᠲᠡᠭᠦᠷᠭᠡ ᠳᠤ ᠡᠯᠵᠢᠭᠡᠨ ᠰᠦ ᠰᠠᠭᠠᠵᠤ ᠬᠤᠳᠠᠯᠳᠤᠵᠤ ᠪᠠᠶᠢᠭᠠ ᠮᠣᠩᠭᠤᠯ ᠪᠦᠰᠡᠭᠦᠢ | ᠵᠢᠮᠢᠰᠤᠩᠬᠤᠸᠠᠷ ᠢ ᠬᠠᠶᠢᠵᠤ ᠣᠴᠢᠯᠠ᠃ ᠵᠢᠮᠢᠰᠤᠩᠬᠤᠸᠠᠷ ᠪᠣᠯ ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠪᠠᠶᠠᠨᠨᠢᠷᠤᠭᠤᠨ | ᠰᠤᠮᠤᠨ ᠤ ᠲᠣᠯᠢ ᠭᠠᠴᠠᠭᠠᠨ ᠤ ᠬᠥᠮᠥᠨ᠃ ᠲᠡᠳᠡᠨᠡᠶᠢᠬᠢ ᠤᠤᠯ ᠠᠴᠠ ᠪᠠᠨ ᠡᠯᠵᠢᠭᠡ ᠤᠯᠠᠨ ᠲᠠᠢ ᠠᠶᠢᠯ᠃ ᠬᠠᠮᠤᠭ | ᠤᠯᠠᠨ ᠳᠠᠭᠠᠨ 170 ᠭᠠᠷᠤᠢ ᠡᠯᠵᠢᠭᠡ ᠬᠠᠷᠢᠭᠤᠯᠵᠤ ᠪᠠᠶᠢᠵᠠᠢ᠃ ᠨᠢᠳᠤᠨᠤᠨ ᠵᠢᠯ ᠬᠦᠦ ᠨᠢ ᠡᠪᠡᠳᠴᠢᠨ ᠳᠤ | ᠨᠡᠷᠪᠡᠭᠳᠡᠵᠦ᠂ ᠤᠳᠠᠭᠠᠨ ᠬᠤᠭᠤᠴᠠᠭᠠᠨ ᠤ ᠡᠮ ᠤᠤᠭᠤᠭᠰᠠᠨ ᠠᠴᠠ ᠡᠮ ᠤᠨ ᠬᠤᠣᠷᠳᠠᠯ ᠪᠣᠯᠵᠤ ᠡᠮᠴᠢ ᠠᠴᠠ | ᠡᠯᠵᠢᠭᠡᠨ ᠰᠦ ᠬᠤᠣᠷ ᠲᠠᠶᠢᠯᠬᠤ ᠦᠢᠯᠡᠳᠦᠯ ᠲᠠᠢ ᠭᠡᠰᠡᠨ ᠵᠥᠪᠯᠡᠮᠵᠢ ᠣᠯᠣᠭᠠᠳ ᠡᠯᠵᠢᠭᠡ ᠪᠠᠨ ᠰᠠᠭᠠᠵᠤ ᠡᠬᠢᠯᠡᠭᠰᠡᠨ | ᠪᠠᠶᠢᠨᠠ᠃ ᠠᠩᠬᠠ ᠬᠦᠦ ᠶᠢᠨ ᠢᠶᠠᠨ ᠡᠪᠡᠳᠴᠢᠨ ᠢ ᠵᠠᠰᠠᠬᠤ ᠵᠣᠷᠢᠯᠭᠠ ᠲᠠᠢ ᠡᠯᠵᠢᠭᠡ ᠰᠠᠭᠠᠭᠰᠠᠨ ᠪᠣᠯ᠂ ᠰᠡᠭᠦᠯᠡᠷ | ᠨᠢ ᠥᠪᠡᠷ ᠤᠨ ᠪᠡᠶᠡ ᠶᠢᠨ ᠤᠳᠠᠭᠠᠨ ᠵᠢᠯ ᠤᠨ ᠠᠭᠰᠠᠭᠠ ᠡᠪᠡᠳᠴᠢᠨ ᠢᠶᠠᠨ ᠴᠤ ᠡᠯᠵᠢᠭᠡᠨ ᠰᠦ ᠪᠠᠷ ᠡᠳᠡᠭᠡᠷᠡᠭᠦᠯᠵᠦ᠂ | ᠡᠯᠵᠢᠭᠡᠨ ᠰᠦ ᠶᠢᠨ ᠦᠢᠯᠡᠳᠦᠯ ᠢ ᠣᠶᠢᠯᠠᠭᠠᠳᠠᠭ ᠬᠥᠮᠥᠰ ᠴᠤ ᠲᠡᠭᠦᠨ ᠠᠴᠠ ᠡᠯᠵᠢᠭᠡᠨ ᠰᠦ ᠬᠤᠳᠠᠯᠳᠤᠵᠤ ᠠᠪᠬᠤ | ᠪᠣᠯᠵᠠᠢ᠃ | ︽ᠮᠠᠨ ᠤ ᠠᠳᠡ ᠤᠳᠤ ᠡᠯᠵᠢᠭᠡᠨ ᠰᠦ ᠠᠪᠬᠤ ᠭᠡᠵᠦ ᠭᠠᠳᠠᠨᠠ ᠣᠷᠣᠨ ᠠᠴᠠ ᠢᠷᠡᠳᠡᠭ ᠬᠥᠮᠥᠨ ᠴᠤ | ᠤᠯᠠᠨ ᠪᠣᠯᠤᠭᠰᠠᠨ᠃ ᠠᠭᠤᠰᠬᠢᠨ ᠤ ᠰᠤᠳᠠᠰᠤ ᠬᠠᠲᠠᠭᠤᠷᠠᠭᠰᠠᠨ᠂ ᠠᠭᠤᠰᠬᠢᠨ ᠦᠮᠡᠨ ᠳᠤ ᠨᠡᠷᠪᠡᠭᠳᠡᠭᠰᠡᠨ᠂ | ᠰᠦᠷᠢᠶᠡ ᠡᠪᠡᠳᠴᠢᠨ ᠲᠠᠢ᠂ ᠠᠭᠰᠠᠭᠠ ᠲᠠᠢ᠂ ᠬᠠᠨᠢᠶᠠᠳᠤ ᠲᠠᠭᠰᠢᠭᠤᠷ ᠲᠤ ᠨᠡᠷᠪᠡᠭᠳᠡᠭᠰᠡᠨ᠂ ᠬᠤᠳᠣᠭᠤᠳᠤᠨ ᠤ | ᠡᠪᠡᠳᠴᠢᠨ ᠳᠤ ᠨᠡᠷᠪᠡᠭᠳᠡᠭᠰᠡᠨ ᠶᠠᠩᠵᠤ ᠶᠠᠩᠵᠤ ᠶᠢᠨ ᠡᠪᠡᠳᠴᠢᠨ ᠬᠠᠭᠤᠴᠢ ᠲᠠᠢ ᠬᠥᠮᠥᠨ ᠢᠷᠡᠵᠦ ᠰᠦ ᠠᠪᠤᠨᠠ᠃ | ᠵᠠᠷᠢᠮ ᠨᠢ ᠮᠢᠨᠤ ᠠᠳᠡ ᠠᠴᠠ ᠰᠦ ᠠᠪᠴᠤ ᠤᠤᠭᠤᠭᠠᠳ ᠡᠪᠡᠳᠴᠢᠨ ᠨᠢ ᠨᠡᠯᠢᠶᠡᠳ ᠢᠯᠠᠷᠢ ᠪᠣᠯᠤᠭᠰᠠᠨ | ᠤᠴᠢᠷ ᠠᠴᠠ ᠵᠢᠯ ᠢᠶᠠᠷ ᠦᠷᠭᠦᠯᠵᠢ ᠵᠠᠬᠢᠶᠠᠯᠠᠵᠤ ᠠᠪᠬᠤ ᠨᠢ ᠴᠤ ᠤᠯᠠᠨ︾ ᠭᠡᠵᠦ ᠵᠢᠮᠢᠰᠤᠩᠬᠤᠸᠠᠷ | ᠲᠠᠨᠢᠯᠴᠠᠭᠤᠯᠤᠨᠠ᠃ ᠢᠷᠭᠠᠢ ᠬᠤᠳᠠ ᠶᠢᠨ ᠨᠢᠭᠡᠨ ᠪᠦᠰᠡᠭᠦᠢ ᠠᠭᠤᠰᠬᠢᠨ ᠤ ᠰᠤᠳᠠᠰᠤ ᠨᠢ ᠬᠠᠲᠠᠭᠤᠷᠠᠭᠰᠠᠨ | ᠡᠪᠡᠳᠴᠢᠨ ᠳᠤ ᠨᠡᠷᠪᠡᠭᠳᠡᠵᠦ᠂ ᠶᠡᠭᠡ ᠬᠤᠳᠠ ᠪᠠᠷ ᠡᠮᠴᠢᠯᠡᠭᠡ ᠬᠢᠵᠦ ᠶᠠᠪᠤᠭᠠᠳ ᠡᠮᠴᠢ ᠠᠴᠠ ︽ᠡᠳᠡᠭᠡᠷᠡᠭᠦᠯᠵᠦ | ᠴᠢᠳᠠᠬᠤ ᠦᠭᠡᠢ︾ ᠭᠡᠰᠡᠨ ᠦᠭᠡ ᠰᠣᠨᠣᠰᠤᠭᠠᠳ ᠠᠷᠭᠠ ᠪᠤᠰᠤ ᠬᠠᠷᠢᠵᠤ ᠢᠷᠡᠵᠡᠢ᠃ ᠰᠡᠭᠦᠯᠡᠷ ᠨᠢ ᠬᠥᠮᠥᠨ ᠠᠴᠠ | ᠡᠯᠵᠢᠭᠡᠨ ᠰᠦ ᠠᠭᠤᠰᠬᠢᠨ ᠳᠤ ᠰᠠᠶᠢᠨ ᠭᠡᠰᠡᠨ ᠢ ᠰᠣᠨᠣᠰᠤᠭᠠᠳ ᠲᠤᠰᠠᠬᠠᠶᠢᠯᠠᠨ ᠢᠷᠭᠠᠢ ᠬᠤᠳᠠ ᠠᠴᠠ ᠠᠯᠠᠱᠠ ᠳᠤ | ᠢᠷᠡᠵᠦ᠂ ᠡᠯᠵᠢᠭᠡᠨ ᠰᠦ ᠠᠪᠴᠤ ᠤᠤᠭᠤᠭᠰᠠᠨ ᠢᠶᠠᠷ ᠵᠢᠯ ᠤᠨ ᠲᠠᠷᠠᠭᠠ ᠲᠠᠭᠢᠵᠦ ᠣᠴᠢᠵᠤ ᠪᠠᠶᠢᠴᠠᠭᠠᠬᠤ ᠳᠤ | ᠡᠪᠡᠳᠴᠢᠨ ᠨᠢ ᠦᠷᠭᠦᠯᠵᠢᠯᠡᠨ ᠬᠦᠨᠳᠦᠷᠡᠭᠰᠡᠨ ᠦᠭᠡᠢ᠂ᠡᠯᠡ ᠲᠠᠯᠠ ᠶᠢᠨ ᠲᠤᠭᠠ ᠪᠠᠷᠢᠮᠲᠠ ᠨᠢ ᠲᠣᠭᠲᠠᠪᠤᠷᠢᠲᠠᠢ | ᠪᠠᠶᠢᠨᠠ ᠭᠡᠰᠡᠨ ᠦᠷᠡ ᠳ᠋ᠦᠩ ᠣᠯᠵᠠᠢ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠱᠠᠩᠬᠠᠢ᠂ ᠴᠧᠩᠳᠦ᠋᠂ ᠯᠠᠨᠵᠧᠦ᠂ ᠭᠦᠭᠡᠬᠤᠳᠠ᠂ | ᠪᠠᠶᠠᠨᠨᠠᠭᠤᠷ ᠵᠡᠷᠭᠡ ᠣᠷᠣᠨ ᠤ ᠳᠣᠲᠣᠨᠠ ᠭᠠᠳᠠᠨᠠ ᠠᠴᠠ ᠡᠯᠵᠢᠭᠡᠨ ᠰᠦ ᠵᠠᠬᠢᠶᠠᠯᠠᠵᠤ ᠠᠪᠬᠤ ᠬᠥᠮᠥᠨ ᠴᠤ ᠡᠳᠦᠷ | ᠢᠷᠡᠬᠦᠶᠡ ᠣᠯᠠᠰᠢᠷᠠᠭᠰᠠᠨ ᠪᠠᠶᠢᠨᠠ᠃ | ᠵᠢᠮᠢᠰᠤᠩᠬᠤᠸᠠᠷ ᠣᠳᠣᠬᠠᠨ ᠳᠤ ᠲᠠᠪᠤᠨ ᠡᠯᠵᠢᠭᠡ ᠰᠠᠭᠠᠵᠤ ᠪᠤᠢ᠃ ᠪᠦᠷ ᠨᠤᠲᠤᠭ ᠤᠨ ᠡᠯᠵᠢᠭᠡ ᠪᠣᠯᠬᠤᠷ | ᠰᠦ ᠶᠢᠨ ᠤᠨᠠᠯᠳᠠ ᠨᠢ ᠲᠡᠶᠢᠮᠤ ᠶᠡᠭᠡ ᠪᠢᠰᠢ᠂ ᠡᠯᠵᠢᠭᠡ ᠪᠠᠨ 10 ᠴᠠᠭ ᠠᠴᠠ ᠢᠯᠡᠭᠦᠦ ᠠᠮᠠᠷᠠᠭᠠᠵᠤ᠂ ᠲᠡᠵᠢᠭᠡᠯ | ᠪᠣᠷᠳᠤᠭᠠ ᠶᠢ ᠨᠢ ᠰᠠᠶᠢᠨ ᠥᠭᠭᠦᠭᠰᠡᠨ ᠪᠣᠯ ᠲᠠᠪᠤᠨ ᠡᠯᠵᠢᠭᠡ ᠠᠴᠠ ᠨᠢᠭᠡ ᠤᠳᠠᠭᠠ 3 - 4 ᠵᠢᠩ ᠰᠦ ᠰᠠᠭᠠᠨᠠ᠃ | ᠡᠳᠦᠷ ᠲᠤ ᠬᠤᠶᠠᠷ ᠤᠳᠠᠭᠠ ᠰᠠᠭᠠᠪᠠᠯ ᠪᠠᠷᠤᠭ 7 - 8 ᠵᠢᠩ ᠰᠦ ᠰᠠᠭᠠᠳᠠᠭ᠃ ᠭᠡᠬᠦ ᠳᠤ ᠵᠠᠷᠢᠮ ᠳᠠᠭᠠᠨ ᠪᠠᠰᠠ | ᠲᠡᠭᠷᠢ ᠬᠦᠢᠲᠡᠷᠡᠭᠰᠡᠨ ᠠᠴᠠ ᠰᠦ ᠲᠠᠲᠠᠷᠠᠬᠤ᠂ ᠲᠡᠷᠭᠡ ᠮᠠᠰᠢᠨ ᠤ ᠲᠠᠭᠤ᠂ ᠬᠥᠮᠥᠨ ᠬᠠᠷᠠ ᠠᠴᠠ ᠦᠷᠭᠦᠵᠦ | ᠰᠣᠴᠢᠬᠤ᠂ ᠢᠪᠢᠯᠬᠦ ᠦᠭᠡᠢ ᠵᠡᠷᠭᠡ ᠤᠯᠠᠨ ᠪᠠᠶᠢᠳᠠᠯ ᠭᠠᠷᠤᠨᠠ᠃ ᠲᠦᠷᠦᠭᠦᠦ ᠡᠳᠦᠷ ᠨᠢ 8 ᠯᠠᠩ ᠰᠦ ᠤᠨᠠᠭᠰᠠᠨ | ᠪᠣᠯ ᠲᠠᠷᠠᠭᠠ ᠡᠳᠦᠷ ᠨᠢ ᠬᠤᠶᠠᠷ ᠯᠠᠩ ᠰᠦ ᠤᠨᠠᠬᠤ ᠤᠴᠢᠷ ᠴᠤ ᠵᠥᠩᠳᠡᠭᠡᠨ᠃ ︽ᠳᠡᠭᠡᠭᠰᠡᠨ ᠴᠤ ᠪᠣᠯᠵᠤ ᠪᠠᠶᠢᠨᠠ | ᠃ ᠡᠨᠡ ᠠᠵᠢᠯ ᠢ ᠡᠬᠢᠯᠡᠵᠦ ᠬᠢᠬᠦ ᠳᠤ ᠵᠣᠭᠤᠰ ᠣᠯᠣᠶᠠ ᠭᠡᠰᠡᠨ ᠵᠣᠷᠢᠯᠭᠠ ᠲᠠᠢ ᠬᠢᠭᠰᠡᠨ ᠪᠢᠰᠢ᠃ | ᠬᠡᠦᠬᠡᠳ ᠤᠨ ᠢᠶᠠᠨ ᠡᠪᠡᠳᠴᠢᠨ ᠢ ᠵᠠᠰᠠᠶᠠ ᠭᠡᠰᠡᠨ ᠪᠤᠳᠤᠯ ᠲᠠᠢ ᠡᠬᠢᠯᠡᠭᠦᠯᠦᠭᠰᠡᠨ ᠪᠣᠯᠬᠤᠷ ᠤᠳᠤ ᠡᠯᠵᠢᠭᠡ ᠪᠠᠨ | ᠰᠠᠭᠠᠬᠤ ᠶᠢᠨ ᠳᠠᠭᠠᠤ ᠪᠡᠶᠡ ᠪᠠᠨ ᠰᠤᠪᠢᠯᠠᠨ᠂ ᠣᠯᠣᠭᠰᠠᠨ ᠵᠣᠭᠤᠰ ᠨᠢ ᠬᠡᠦᠬᠡᠳ ᠪᠢᠳᠠ ᠬᠤᠶᠠᠷ ᠤᠨ ᠭᠠᠷ | ᠵᠠᠷᠤᠯᠭᠠ ᠳᠤ ᠬᠠᠩᠭᠠᠮᠵᠢᠲᠠᠢ ᠭᠦᠢᠴᠡᠵᠦ ᠪᠠᠶᠢᠨᠠ᠂ ᠪᠣᠯᠵᠤ ᠯᠠ ᠪᠠᠶᠢᠨᠠ︾ ᠭᠡᠵᠦ ᠵᠢᠮᠢᠰᠤᠩᠬᠤᠸᠠᠷ ᠰᠡᠳᠬᠢᠯ | ᠬᠠᠨᠤᠮᠵᠢᠳᠠᠢ ᠶᠠᠷᠢᠵᠤ ᠪᠠᠶᠢᠯᠠ᠃ | ᠡᠯᠵᠢᠭᠡᠨ ᠰᠦ ᠪᠠ ᠲᠡᠮᠡᠭᠡᠨ ᠰᠦ ᠶᠢᠨ ᠲᠠᠷᠠᠭ ᠤᠭᠤᠷᠠᠭ ᠤᠨ ᠳᠣᠲᠣᠷᠠ ᠠᠴᠠ ᠫᠧᠫᠲ᠋ᠢᠳ᠋ ︵肽︶ ᠶᠢ | ᠢᠯᠭᠠᠷᠠᠭᠤᠯᠵᠤ ᠰᠤᠳᠤᠯᠬᠤ ᠳᠤ ᠡᠯᠵᠢᠭᠡᠨ ᠰᠦ ᠪᠠ ᠲᠡᠮᠡᠭᠡᠨ ᠰᠦ ᠶᠢᠨ ᠫᠧᠫᠲ᠋ᠢᠳ᠋ ᠨᠢ ᠮᠠᠰᠢ ᠴᠢᠩᠭᠠ | ᠢᠰᠦᠯᠳᠦᠬᠦ ᠶᠢ ᠡᠰᠡᠷᠭᠦᠴᠡᠬᠦ ᠢᠳᠡᠪᠬᠢ ᠴᠢᠨᠠᠷ ᠲᠠᠢ᠃ ᠡᠶᠢᠮᠦ ᠠᠴᠠ ᠲᠡᠮᠡᠭᠡᠨ ᠰᠦ ᠪᠠ ᠡᠯᠵᠢᠭᠡᠨ ᠰᠦ ᠨᠢ ᠰᠢᠬᠢᠷ | ᠰᠢᠵᠢᠮ ᠡᠪᠡᠳᠴᠢᠨ ᠢ ᠡᠰᠡᠷᠭᠦᠴᠡᠬᠦ ᠳᠤ ᠠᠰᠢᠭᠲᠠᠢ ᠭᠡᠰᠡᠨ ᠤᠨᠤᠯ ᠢ 2020 ᠣᠨ ᠳᠤ ᠲᠦᠷᠺᠠ ᠤᠯᠤᠰ ᠤᠨ | ᠰᠦ ᠶᠢᠨ ᠲᠦᠷᠦᠯ ᠤᠨ ᠰᠤᠳᠤᠯᠭᠠᠲᠠᠨ ᠠᠴᠠ ᠲᠣᠳᠣᠯᠠᠭᠰᠠᠨ ᠭᠡᠳᠡᠭ᠃ ᠪᠢᠳᠠ ᠡᠯᠵᠢᠭᠡᠨ ᠰᠦ ᠶᠢᠨ ᠲᠤᠬᠠᠢ | ᠬᠠᠷᠠᠬᠠᠨ ᠰᠠᠶᠢᠨ ᠣᠶᠢᠯᠠᠭᠠᠭᠠ ᠦᠭᠡᠢ ᠪᠤᠯᠪᠠᠴᠦ᠂ ᠬᠠᠨᠢᠶᠠᠳᠤᠨ ᠳᠤ ᠠᠷᠪᠠᠭᠠᠳ ᠡᠳᠦᠷ ᠪᠠᠷᠢᠭᠳᠠᠵᠤ ᠪᠠᠶᠢᠭᠰᠠᠨ | ᠬᠥᠮᠥᠨ ᠬᠤᠶᠠᠷ ᠭᠤᠷᠪᠠᠨ ᠵᠢᠩ ᠡᠯᠵᠢᠭᠡᠨ ᠰᠦ ᠠᠪᠴᠤ ᠤᠤᠭᠤᠬᠤ ᠳᠤ ᠵᠦᠭᠡᠷ ᠪᠣᠯᠵᠤ ᠪᠠᠶᠢᠨᠠ ᠭᠡᠰᠡᠨ ᠦᠨᠡᠯᠡᠮᠵᠢ | ᠤᠯᠠᠨ ᠯᠠ ᠰᠣᠨᠣᠰᠤᠯᠠ᠃ ︽ᠡᠯᠵᠢᠭᠡᠨ ᠰᠦ ᠴᠢᠨᠢ ᠬᠥᠮᠥᠨ ᠤ ᠪᠡᠶᠡ ᠳᠤ ᠶᠡᠭᠡ ᠰᠠᠶᠢᠨ ᠶᠠᠭᠤᠮᠠ᠂ ᠲᠡᠶᠢᠮᠤ | ᠪᠣᠯᠬᠤᠷ ᠲᠠᠷᠠᠭᠠ ᠠᠯᠬᠤᠮ ᠳᠤ ᠤᠮᠳᠠᠭᠠᠨ ᠪᠤᠶᠤ ᠡᠮ ᠲᠠᠩ ᠰᠢᠭ᠋᠂ ᠵᠢᠭᠠᠬᠠᠨ ᠰᠠᠪᠠᠨ ᠳᠤ ᠪᠣᠭᠤᠳᠠᠯᠯᠠᠭᠠᠳ ᠵᠠᠬᠠ | ᠳᠡᠯᠭᠡᠭᠦᠷ ᠲᠤ ᠭᠠᠷᠭᠠᠬᠤ ᠪᠤᠳᠤᠯ ᠲᠠᠢ ᠪᠠᠶᠢᠨᠠ᠃ ᠲᠡᠭᠡᠪᠡᠯ ᠬᠠᠨᠢᠶᠠᠳᠤ ᠲᠠᠢ ᠬᠥᠮᠥᠰ ᠰᠢᠭᠤᠳ ᠳᠡᠯᠭᠡᠭᠦᠷ ᠠᠴᠠ | ᠬᠤᠳᠠᠯᠳᠤᠵᠤ ᠠᠪᠤᠭᠠᠳ ᠤᠤᠭᠤᠴᠢᠬᠠᠵᠤ ᠪᠤᠯᠬᠤ ᠪᠢᠰᠢᠦ︕ ᠵᠣᠭᠤᠰ ᠮᠥᠩᠭᠦ ᠲᠤᠲᠠᠭᠳᠠᠵᠤ ᠪᠠᠶᠢᠭᠠ ᠪᠣᠯᠬᠤᠷ | ᠠᠷᠠᠢ ᠡᠬᠢᠯᠡᠭᠦᠯᠵᠦ ᠪᠣᠯᠤᠭᠠ ᠦᠭᠡᠢ ᠪᠤᠢ︾ ᠭᠡᠵᠦ ᠵᠢᠮᠢᠰᠤᠩᠬᠤᠸᠠᠷ ᠡᠯᠵᠢᠭᠡᠨ ᠤ ᠪᠠᠨ ᠰᠦ ᠪᠠᠷ ᠨᠡᠩ ᠤᠯᠠᠨ | ᠬᠥᠮᠥᠰ ᠤᠨ ᠬᠠᠨᠢᠶᠠᠳᠤ ᠠᠷᠬᠠᠭ ᠢ ᠵᠠᠰᠠᠬᠤ ᠠᠯᠤᠰ ᠬᠤᠯᠠ ᠶᠢᠨ ᠬᠦᠰᠡᠯ ᠮᠥᠷᠥᠭᠡᠳᠦᠯ ᠲᠠᠢ ᠪᠠᠶᠢᠯᠠ᠃ |