| ︽ᠬᠡᠨ ᠬᠡᠨ ᠤ ᠮᠠᠯ ᠶᠠᠭᠠᠬᠢᠭᠰᠠᠨ ᠪᠠᠶᠢᠨᠠ︾ ᠬᠡᠬᠦ ᠳᠤ ︽ᠲᠤᠭᠤᠢ ᠲᠤᠭᠤᠢ᠂ ᠬᠠᠮᠤᠭ ᠰᠠᠶᠢᠨ ᠨᠢ ᠡᠰᠡ | ᠮᠡᠳᠡᠭᠴᠢᠨ ᠴᠢᠷᠠᠶᠢᠯᠠᠵᠤ ᠪᠠᠶᠢᠬᠤ ᠨᠢ ᠲᠡᠬᠡᠷᠡ︾ ᠬᠡᠨᠡ᠃ ︽ᠬᠡᠨ ᠬᠡᠨ ᠤ ᠨᠤᠳᠤᠭ ᠬᠡᠨ ᠳᠤ ᠡᠵᠡᠯᠡᠭᠳᠡᠭᠰᠡᠨ | ᠪᠠᠶᠢᠨᠠ ᠰᠢᠤ︾ ᠬᠡᠬᠦᠯᠡᠷ ︽ᠲᠤᠭᠤᠢ ᠲᠤᠭᠤᠢ᠂ ᠬᠠᠮᠢᠶᠠᠷᠬᠤ ᠬᠡᠷᠡᠭ ᠦᠬᠡᠢ︾ ᠬᠡᠨᠡ᠃ ︽ᠬᠡᠨ ᠬᠡᠨ ᠤ ᠬᠡᠤᠬᠡᠳ | ᠶᠠᠭᠠᠬᠢᠵᠤ ᠲᠦᠷᠰᠤᠬᠦᠶᠢᠳᠡᠵᠤ ᠪᠠᠶᠢᠨᠠ ᠰᠢᠤ︾ ᠬᠡᠬᠦᠯᠡᠷ ︽ᠵᠠ᠂ ᠲᠡᠷᠡ ᠤᠳᠤ ᠶᠠᠭᠤ ᠶᠢ ᠨᠢ ᠬᠠᠮᠢᠶᠠᠷᠬᠤ ᠪᠤᠢ︖ | ᠡᠴᠢᠬᠡ ᠡᠬᠡ ᠨᠢ ᠴᠤ ᠬᠦᠴᠤᠷᠬᠦ ᠦᠬᠡᠢ ᠶᠤᠮ ᠴᠢᠨᠢ︾ ᠬᠡᠨᠡ᠃ ︽ᠬᠡᠨ ᠬᠡᠨ ᠤ ᠡᠷᠬᠡ ᠵᠡᠷᠬᠡ ᠶᠢ ᠪᠠᠭᠤᠷᠠᠭᠤᠯᠵᠤ | ᠤᠷᠤᠨ ᠳᠤ ᠨᠢ ᠡᠮᠤᠨᠡ ᠶᠢᠨ ᠬᠢ ᠶᠢ ᠲᠠᠯᠪᠢᠯᠠ ᠰᠢᠤ︾ ᠬᠡᠬᠦᠯᠡᠷ ︽ᠵᠠ᠂ ᠲᠤᠭᠤᠢ ᠲᠤᠭᠤᠢ᠂ ᠲᠤᠯᠤᠮ ᠪᠦᠳᠤᠨ | ᠪᠠᠶᠢᠪᠠᠯ ᠲᠤᠭᠤᠢ ᠪᠠᠶᠢᠪᠠᠯ ᠪᠠᠷᠠᠯᠠ︾ ᠬᠡᠨᠡ᠃ ᠡᠨᠡᠴᠢᠯᠡᠨ ᠮᠤᠩᠭᠤᠯ ᠠᠬᠠ ᠲᠡᠬᠦᠤ ᠨᠠᠷ ᠨᠢᠬᠡ ᠨᠢᠬᠡᠨ ᠤ ᠪᠠᠨ ᠶᠠᠭᠤ | ᠶᠠᠭᠠᠬᠢᠭᠰᠠᠨ᠂ ᠬᠡᠷᠬᠢᠭᠰᠡᠨ ᠬᠡᠳᠡᠭ ᠤᠨ ᠲᠤᠬᠠᠢ ᠤᠯᠠᠮ ᠢᠯᠡᠬᠦᠤ ︽ᠡᠰᠡ ᠮᠡᠳᠡᠭᠴᠢᠨ︾ ᠴᠢᠷᠠᠶᠢᠯᠠᠬᠤ ᠪᠤᠯᠴᠢᠬᠠᠪᠠ᠃ | ᠬᠠᠷᠢᠨ ᠵᠤᠭᠤᠰ ᠲᠠᠢ ᠪᠤᠯᠴᠢᠬᠠᠯᠠ᠂ ᠨᠤᠶᠠᠨ ᠵᠡᠷᠬᠡ ᠲᠠᠪᠰᠢᠴᠢᠬᠠᠯᠠ ᠬᠡᠬᠦ ᠳᠤ ᠨᠢ ᠰᠠᠶᠢᠬᠠᠨ ᠴᠢᠷᠠᠶᠢᠯᠠᠵᠤ | ᠤᠴᠢᠭᠠᠳ ᠵᠤᠪᠠᠯᠠᠩ ᠲᠤᠭᠠᠴᠠᠵᠤ ᠵᠤᠭᠤᠰ ᠵᠢᠬᠡᠯᠡᠬᠦ ᠬᠡᠬᠦ ᠦᠬᠡᠢ ᠪᠤᠯ ᠬᠡᠷᠡᠭ ᠪᠦᠳᠤᠬᠡᠯᠬᠡᠬᠦ ᠬᠡᠨᠡ᠃ ᠬᠠᠷᠢᠨ | ᠪᠤᠴᠠᠭᠠᠳ ᠬᠠᠪᠰᠤᠷᠤᠶᠠ ᠬᠡᠬᠦ ᠪᠤᠶᠤ ᠪᠤᠬᠤᠷ ᠢᠶᠠᠨ ᠠᠯᠠᠭᠠᠳᠠᠭᠠᠳ ᠪᠤᠴᠠᠭᠠᠳ ᠶᠠᠪᠤᠭᠰᠠᠭᠠᠷ ᠯᠡ ᠡᠯᠳᠡᠪ ᠡᠰᠡᠨ | ᠶᠠᠭᠤᠮᠠ ᠲᠤᠭᠠᠴᠠᠵᠤ ᠮᠠᠭᠤᠯᠠᠵᠤ ᠦᠬᠡᠢ ᠯᠡ ᠪᠤᠯ ︽ᠡᠰᠡ ᠮᠡᠳᠡᠭᠴᠢᠨ︾ ᠴᠢᠷᠠᠶᠢᠯᠠᠨᠠ᠃ ᠮᠠᠭᠤ ᠰᠠᠶᠢᠨ᠂ | ᠮᠤᠰᠢᠭᠠᠢ ᠬᠠᠵᠠᠭᠠᠢ ᠶᠠᠪᠤᠭᠰᠠᠠᠳ ᠢ ᠬᠠᠷᠠᠳᠠᠯᠠ ᠬᠡᠯᠡᠬᠦ ᠦᠬᠡᠢ ᠤᠷᠬᠢᠬᠤ ᠵᠠᠩ ᠮᠠᠨᠠᠶᠢᠬᠡᠨ ᠤ ᠲᠤᠳᠤᠷᠠ ᠭᠠᠵᠠᠷ | ᠠᠪᠤᠭᠰᠠᠭᠠᠷ᠂ ᠦᠩᠬᠡᠷᠡᠭᠰᠡᠨ ᠳᠤ ᠮᠠᠭᠤ ᠶᠠᠪᠤᠭᠰᠠᠨ ᠬᠦᠮᠤᠨ ᠢ ᠬᠦᠮᠤᠨ ᠪᠤᠯᠭᠠᠨ ᠬᠡᠯᠡᠵᠤ ᠵᠠᠰᠠᠵᠤ ᠵᠠᠯᠠᠳᠠᠭ ᠪᠠᠶᠢᠬᠤ | ᠳᠤ ᠤᠳᠤ ᠬᠠᠷᠢᠨ ᠪᠦᠷ ᠬᠤᠳᠠ ᠶᠢᠨ ᠵᠢᠵᠢᠭ ᠠᠷᠠᠳ ᠤᠨ ᠬᠦᠢᠳᠡᠨ ᠴᠠᠪᠳᠡᠭ ᠬᠠᠷᠠᠴᠠ ᠪᠠᠷ ᠨᠢᠬᠡ ᠨᠢᠬᠡᠨ ᠢᠶᠠᠨ | ᠬᠠᠷᠠᠬᠤ ᠪᠤᠯᠴᠢᠬᠠᠵᠠᠢ᠃ | ᠲᠡᠷᠡ ᠵᠢᠯ ᠪᠢᠳᠠ ᠪᠡᠬᠡᠵᠢᠩ ᠳᠤ ᠲᠤᠭᠤᠷᠢᠨ ᠰᠤᠷᠤᠯᠴᠠᠵᠤ ᠪᠠᠶᠢᠬᠤ ᠳᠤ ᠭᠠᠵᠠᠷ ᠲᠤᠤᠷᠠᠬᠢ ᠲᠠᠮᠤᠷ ᠵᠠᠮ ᠤᠨ | ᠨᠦᠬᠡᠨ ᠠᠴᠠ ᠭᠠᠷᠬᠤ ᠬᠡᠵᠤ ᠶᠠᠪᠤᠵᠤ ᠪᠠᠶᠢᠬᠤ ᠳᠤ ᠨᠢᠬᠡ ᠪᠦᠰᠡᠬᠦᠢ ᠠᠭᠠᠷ ᠪᠦᠭᠴᠢᠮᠳᠡᠭᠰᠡᠨ ᠠᠴᠠ ᠪᠤᠯᠵᠤ | ᠬᠡᠨᠡᠳᠳᠡ ᠮᠠᠨᠠᠷᠠᠨ ᠤᠨᠠᠬᠤ ᠳᠤ ᠮᠠᠨ ᠤ ᠨᠢᠬᠡ ᠨᠠᠰᠤᠳᠠᠨ ᠪᠠᠷᠢᠭᠰᠠᠨ ᠪᠤᠭᠴᠤ ᠪᠠᠨ ᠰᠢᠳᠠᠵᠤ ᠲᠡᠬᠦᠨ ᠢ ᠲᠦᠰᠢᠨ | ᠠᠪᠤᠭᠠᠳ ᠭᠠᠵᠠᠷ ᠲᠡᠬᠡᠷᠡ ᠬᠡᠪᠳᠡᠬᠦᠯᠵᠤ ᠲᠦᠷᠬᠡᠨ ᠠᠪᠤᠷᠠᠯᠳᠠ ᠬᠢᠬᠦ ᠶᠢᠨ ᠬᠠᠮᠳᠤ ᠮᠠᠨ ᠤ ᠬᠡᠳᠤᠬᠦᠯᠡ ᠶᠢ | ᠲᠠᠭᠤᠳᠠᠵᠤ ᠲᠦᠷᠬᠡᠨ ᠡᠬᠦᠨ ᠢ ᠭᠠᠳᠠᠨᠠ ᠰᠠᠯᠬᠢᠨ ᠳᠤ ᠭᠠᠷᠭᠠᠭᠠᠴᠢ ᠬᠡᠵᠤ ᠪᠢᠯᠡ᠃ ᠲᠡᠷᠡ ᠰᠠᠶᠢᠬᠠᠨ ᠰᠡᠳᠬᠢᠯ ᠤᠨ | ᠲᠤᠰᠠ ᠪᠠᠷ ᠪᠢᠳᠠᠨᠤᠰ ᠴᠤ ᠬᠦᠮᠤᠨ ᠠᠪᠤᠷᠠᠭᠰᠠᠨ ᠬᠦᠮᠤᠨ ᠪᠤᠯᠵᠤ ᠭᠠᠭᠴᠠ ᠨᠢᠬᠡ ᠬᠢᠯᠠᠷᠠᠭᠰᠠᠨ ᠪᠢᠯᠡ᠃ ᠲᠡᠬᠡᠬᠦ | ᠳᠤ ᠵᠠᠷᠢᠮᠠᠳ ᠡᠨᠡ ᠬᠡᠳᠤᠨ ᠬᠦᠳᠡᠭᠡ ᠶᠢᠨ ᠪᠤᠯᠬᠢᠴᠤᠤᠯ ᠢᠯᠡᠬᠦᠴᠡ ᠶᠠᠭᠤᠮᠠᠨ ᠳᠤ ᠲᠤᠷᠠᠯᠠᠭᠠᠳ᠂ ᠬᠡᠷᠡᠭ ᠲᠤ | ᠤᠷᠢᠶᠠᠭᠳᠠᠪᠠᠯ ᠶᠠᠭᠠᠬᠢᠨᠠ ᠬᠡᠵᠤ ᠰᠤᠷᠴᠢᠨ ᠵᠠᠩ ᠭᠠᠷᠭᠠᠵᠤ ᠬᠠᠷᠢᠶᠠᠯ ᠢᠷᠤᠬᠡᠯ ᠲᠠᠳᠠᠯᠠᠵᠤ ᠪᠠᠶᠢᠭᠰᠠᠨ ᠪᠢᠯᠡ᠃ | ᠲᠡᠬᠡᠬᠦ ᠳᠤ ᠮᠠᠨ ᠤ ᠨᠠᠰᠤᠳᠠᠨ᠄ ᠡᠨᠡ ᠲᠡᠯᠡᠬᠡᠢ ᠳᠤ ᠰᠠᠶᠢᠨ ᠬᠦᠮᠤᠨ ᠬᠠᠰᠢᠯᠠ ᠤᠯᠠᠩᠬᠢ ᠲᠤᠭᠠ ᠶᠢ ᠡᠵᠡᠯᠡᠨᠡ ᠬᠡᠵᠤ | ᠬᠠᠷᠢᠭᠤ ᠬᠡᠯᠡᠬᠡᠳ ᠮᠤᠬᠤᠭᠠᠵᠤ ᠪᠠᠶᠢᠭᠰᠠᠨ ᠨᠢ ᠰᠠᠨᠠᠭᠳᠠᠨᠠ᠃ ᠬᠡᠷᠪᠡ ᠲᠡᠷᠡ ᠤᠨᠠᠭᠰᠠᠨ ᠬᠦᠮᠤᠨ ᠨᠢ ᠦᠬᠡᠷᠡ | ᠬᠦᠮᠤᠨ ᠪᠢᠰᠢ ᠪᠢᠳᠠ ᠦᠪᠡᠷ ᠢᠶᠠᠨ ᠪᠠᠶᠢᠭᠰᠠᠨ ᠪᠤᠯ ᠶᠠᠭᠠᠬᠢᠨᠠ᠂ ᠲᠡᠬᠡᠬᠡᠳ ᠦᠬᠦᠬᠡᠳ ᠲᠠᠭᠤᠰᠤᠨᠠ ᠬᠡᠵᠤ ᠤᠤ︖ | ᠮᠠᠨᠠᠶᠢᠬᠡᠨ ᠤ ᠨᠢᠬᠡ ᠵᠠᠯᠠᠭᠤ ᠠᠷᠢᠬᠢ ᠤᠤᠭᠤᠵᠤ ᠪᠠᠶᠢᠨᠠ᠃ ᠦᠵᠡᠭᠰᠡᠨ ᠪᠤᠯᠭᠠᠨ ︽ᠡᠰᠡ ᠮᠡᠳᠡᠭᠴᠢᠨ︾ | ᠴᠢᠷᠠᠶᠢᠯᠠᠵᠤ ᠬᠡᠯᠡᠬᠦ ᠦᠬᠡᠢ ᠦᠩᠬᠡᠷᠡᠨᠡ᠃ ᠶᠠᠭᠠᠬᠢᠭᠠᠳ ᠬᠡᠯᠡᠳᠡᠭ ᠦᠬᠡᠢ ᠪᠤᠢ︖ ᠬᠡᠬᠦ ᠳᠤ ︽ᠬᠡᠯᠡᠬᠡᠳ ᠴᠤ | ᠦᠬᠡ ᠰᠤᠨᠤᠰᠬᠤ ᠦᠬᠡᠢ︾ ᠬᠡᠨᠡ᠃ ᠲᠡᠷᠡ ᠴᠤ ᠮᠠᠭᠠᠳ᠃ ᠬᠡᠳᠡᠯᠡ ᠬᠦᠮᠤᠨ ᠪᠤᠯᠭᠠᠨ ᠲᠡᠬᠦᠨ ᠢ ᠬᠡᠯᠡᠪᠡ ᠤᠤ︖ | ᠬᠡᠳᠡᠭ ᠠᠰᠠᠭᠤᠳᠠᠯ ᠭᠠᠷᠤᠨᠠ᠃ ᠬᠡᠯᠡᠯᠬᠡᠨ ᠦᠬᠡᠢ ᠨᠢᠬᠡ ᠬᠤᠶᠠᠷ ᠬᠦᠮᠤᠨ ᠬᠡᠯᠡᠬᠡᠳ ᠭᠤᠷᠢ ᠦᠬᠡᠢ᠃ ᠬᠡᠪᠡᠴᠤ | ᠬᠦᠮᠤᠨ ᠪᠤᠯᠭᠠᠨ᠂ ᠦᠵᠡᠭᠰᠡᠨ ᠭᠠᠵᠠᠷ ᠪᠤᠯᠭᠠᠨ ᠬᠡᠯᠡᠬᠦ ᠳᠤ ᠬᠦᠷᠪᠡᠯ ᠨᠢᠬᠡ ᠪᠤᠯ ᠲᠡᠷᠡ ᠵᠠᠯᠠᠭᠤ ᠠᠷᠢᠬᠢ ᠪᠠᠨ | ᠵᠤᠭᠰᠤᠨᠠ᠃ ᠦᠬᠡᠢ ᠪᠤᠯ ᠦᠬᠦᠨᠡ᠃ ᠡᠶᠢᠮᠤ ᠬᠤᠶᠠᠷᠬᠠᠨ ᠵᠠᠮ ᠠᠴᠠ ᠲᠡᠷᠡ ᠯᠠᠪᠲᠠᠢ ᠡᠮᠤᠨᠡᠬᠢ ᠶᠢ ᠨᠢ | ᠰᠤᠩᠭᠤᠬᠤ ᠪᠠᠶᠢᠬᠠ︕ | ᠲᠡᠬᠡᠬᠦᠯᠡᠷ ᠨᠢᠬᠡ ᠬᠦᠮᠤᠨ ᠨᠠᠮᠠ ᠳᠤ ᠤᠳᠤ ᠶᠢᠨ ᠬᠦᠮᠤᠨ ᠤᠨᠳᠤᠤ ᠶᠠᠭᠤᠮᠠ ᠪᠤᠯᠤᠭᠰᠠᠨ᠂ ᠲᠡᠭᠷᠢ ᠲᠡᠬᠡᠷᠡ | ᠠᠴᠠ ᠴᠢᠯᠠᠭᠤ ᠤᠨᠠᠬᠤ ᠲᠡᠬᠡᠷᠡ ᠬᠦᠷᠪᠡᠯ ᠠᠷᠪᠠᠨ ᠬᠦᠮᠤᠨ ᠠᠷᠪᠠᠭᠤᠯᠠ ᠪᠠᠨ ᠦᠵᠡᠭᠰᠡᠨ ᠪᠤᠯᠪᠠᠴᠤ ᠦᠪᠡᠷ ᠤᠨ | ᠬᠢᠨᠢ ᠲᠤᠯᠤᠭᠠᠢ ᠲᠡᠬᠡᠷᠡ ᠤᠨᠠᠬᠤ ᠠᠴᠠ ᠨᠠᠰᠢ ᠴᠢᠯᠠᠭᠤ ᠤᠨᠠᠯᠠ ᠬᠡᠵᠤ ᠬᠡᠯᠡᠬᠦ ᠦᠬᠡᠢ ᠬᠡᠵᠤ ᠪᠠᠶᠢᠪᠠ᠃ ᠬᠠᠷᠢᠨ | ᠵᠠᠷᠢᠮ ᠨᠢ ᠦᠪᠡᠷ ᠤᠨ ᠬᠢᠨᠢ ᠲᠤᠯᠤᠭᠠᠢ ᠲᠡᠬᠡᠷᠡ ᠴᠢᠯᠠᠭᠤ ᠤᠨᠠᠭᠰᠠᠨ ᠪᠤᠯᠪᠠᠴᠤ ᠯᠠᠪ ᠦᠬᠡᠷᠡ ᠬᠦᠮᠤᠨ ᠤ ᠲᠤᠯᠤᠭᠠᠢ | ᠲᠡᠬᠡᠷᠡ ᠪᠠᠰᠠ ᠠᠳᠠᠯᠢᠬᠠᠨ ᠤᠨᠠᠭᠠᠬᠤ ᠬᠡᠮᠡᠵᠤ ᠬᠡᠯᠡᠬᠦ ᠦᠬᠡᠢ ᠪᠠᠶᠢᠬᠠ᠃ ᠦᠨᠡᠨᠳᠡᠬᠡᠨ ᠬᠦᠮᠤᠨ ᠤ ᠶᠢᠷᠳᠢᠨᠴᠤ | ᠪᠠᠶᠢᠳᠤᠭᠠᠢ ᠪᠦᠬᠦᠶᠢᠯᠡ ᠪᠠᠶᠢᠭᠠᠯᠢ ᠶᠢᠷᠳᠢᠨᠴᠤ ᠪᠦᠷ ᠬᠠᠷᠢᠯᠴᠠᠨ ᠲᠦᠰᠢᠯᠴᠡᠨ ᠤᠷᠤᠰᠢᠵᠤ ᠪᠠᠶᠢᠳᠠᠭ᠃ ᠪᠠᠶᠢᠭᠠᠯᠢ ᠳᠤ | ᠤᠷᠤᠰᠢᠬᠤ ᠠᠮᠢᠳᠠᠨ ᠪᠤᠳᠠᠰ ᠬᠦᠷᠳᠡᠯᠡ ᠬᠠᠷᠢᠯᠴᠠᠨ ᠲᠦᠰᠢᠯᠴᠡᠵᠤ ᠪᠠᠶᠢᠳᠠᠯᠠ ᠪᠠᠶᠢᠭᠠᠯᠢ ᠶᠢᠷᠳᠢᠨᠴᠤ ᠶᠢᠨ ᠤᠬᠢ | ᠪᠤᠯᠤᠭᠰᠠᠨ ᠬᠦᠮᠤᠨ ᠲᠦᠷᠤᠯᠬᠢᠳᠠᠨ ᠬᠠᠷᠢᠨ ︽ᠡᠰᠡ ᠮᠡᠳᠡᠭᠴᠢᠨ︾ ᠴᠢᠷᠠᠶᠢᠯᠠᠬᠤ ᠬᠡᠭᠴᠢ ᠬᠠᠴᠢᠨ ᠬᠡᠷᠡᠭ | ᠪᠤᠯᠴᠢᠬᠠᠪᠠ᠃ ᠪᠤᠯᠬᠤ ᠪᠤᠯᠬᠤ ᠶᠢᠨ ᠲᠤᠳᠤᠷᠠ ᠵᠠᠭᠤᠨ ᠢ ᠡᠵᠡᠯᠡᠵᠤ ᠶᠠᠪᠤᠭᠰᠠᠨ ᠮᠤᠩᠭᠤᠯᠴᠤᠳ ᠨᠡᠩ ᠡᠶᠢᠮᠤ | ᠪᠤᠯᠴᠢᠬᠠᠬᠤ ᠬᠡᠭᠴᠢ ᠶᠢ ᠦᠬᠦᠯᠡᠬᠦᠶᠡ ᠪᠡᠷᠬᠡ ᠠᠵᠠᠢ᠃ ᠮᠤᠩᠭᠤᠯᠴᠤᠳ ᠮᠠᠨᠢ ᠠᠶᠢᠮᠠᠭ ᠪᠦᠯᠦᠭ ᠬᠡᠮᠡᠨ | ᠦᠷᠢᠰᠤᠯᠳᠤᠵᠤ ᠦᠰᠢᠯᠳᠤᠵᠤ ᠪᠠᠶᠢᠭᠰᠠᠨ ᠪᠤᠯ ᠤᠳᠤ ᠬᠠᠷᠢᠨ ᠠᠶᠢᠯ ᠠᠶᠢᠯ ᠢᠶᠠᠷ ᠢᠶᠠᠨ ᠬᠤᠪᠢᠴᠢᠯᠠᠵᠤ ᠠᠮᠢᠳᠤᠷᠠᠬᠤ | ᠪᠤᠯᠤᠭᠰᠠᠨ ᠪᠤᠶᠤ⁈ ᠬᠡᠷᠪᠡ ᠠᠶᠢᠯ ᠨᠢ ᠵᠠᠳᠠᠷᠠᠭᠠᠳ ᠠᠮᠢ ᠠᠮᠢ ᠪᠠᠨ ᠬᠦᠬᠡᠬᠡᠬᠦ ᠪᠤᠯᠬᠤ ᠦᠶᠡᠰ ᠮᠠᠨᠠᠶᠢᠬᠡᠨ ᠤ | ᠤᠷᠴᠢᠨ ᠴᠤᠬᠤᠮ ᠶᠠᠭᠤ ᠪᠤᠯᠬᠤ ᠶᠢ ᠲᠦᠰᠤᠪᠯᠡᠬᠦᠶᠡ ᠦᠨᠡᠬᠡᠷ ᠪᠡᠷᠬᠡ᠃ ᠲᠡᠬᠡᠬᠦᠯᠡᠷ ᠪᠢᠳᠠ ᠬᠠᠮᠳᠤᠷᠠᠯᠴᠠᠶᠠ᠂ | ᠬᠠᠪᠰᠤᠷᠤᠯᠴᠠᠶᠠ᠃ ᠲᠡᠷᠡᠬᠦ ︽ᠡᠰᠡ ᠮᠡᠳᠡᠭᠴᠢᠨ ᠴᠢᠷᠠᠢ︾ ᠪᠠᠨ ᠤᠷᠬᠢᠵᠤ ᠨᠢᠬᠡ ᠨᠢᠬᠡ ᠶᠢ ᠪᠠᠨ ᠮᠡᠳᠡᠵᠤ | ᠶᠠᠪᠤᠴᠠᠭᠠᠶᠠ︕ | |