| ᠰᠤᠷᠪᠤᠯᠵᠢᠯᠠᠬᠴᠢ ᠶᠠᠩ ᠭᠤᠸᠠ | | ᠠᠵᠢᠯ ᠤᠨ ᠴᠢᠯᠦᠭᠡ ᠪᠠᠨ ᠠᠰᠢᠭᠯᠠᠨ ᠱᠧᠨᠵᠧᠨ᠂ ᠭᠤᠸᠠᠩᠵᠧᠦ ᠵᠡᠷᠭᠡ ᠶᠢᠰᠦᠨ ᠬᠤᠳᠠ ᠶᠢᠨ ᠮᠠᠷᠠᠽᠤᠨ | ᠤᠷᠤᠯᠳᠤᠭᠠᠨ ᠳᠤ ᠤᠷᠤᠯᠴᠠᠵᠤ ᠶᠠᠪᠤᠭᠰᠠᠨ ᠬᠦᠷᠡᠯ ᠲᠡᠪᠴᠢᠶᠡᠷᠢ ᠰᠠᠶᠢᠲᠠᠢ ᠨᠢᠭᠡᠨ᠃ ᠳᠡᠷᠡ ᠮᠠᠨᠢ ᠡᠳᠦᠷ ᠪᠦᠷᠢ | ᠦᠦᠷ ᠤᠨ ᠭᠡᠭᠡ ᠶᠢ ᠤᠭᠲᠤᠨ ᠬᠤᠯᠠ ᠣᠶᠢᠷᠠ ᠶᠢᠨ ᠭᠦᠶᠦᠯᠲᠡ ᠶᠢᠨ ᠪᠣᠯᠪᠠᠰᠤᠷᠠᠯ ᠳᠤ ᠰᠢᠮᠳᠠᠨ᠂ ᠮᠠᠷᠠᠽᠤᠨ | ᠣᠷᠣᠯᠳᠣᠭᠠᠨ ᠳᠤ ᠣᠷᠤᠯᠴᠠᠬᠤ ᠪᠠᠷ ᠣᠯᠠᠨ ᠳᠠᠪᠠᠭᠠ ᠶᠢ ᠳᠣᠭᠤᠯᠣᠨ ᠴᠢᠳᠠᠮᠠᠭᠠᠢ ᠪᠣᠯᠪᠠᠰᠤᠷᠠᠭᠰᠠᠭᠠᠷ ᠠᠪᠠᠢ᠃ | ᠬᠦᠷᠡᠯ ᠪᠣᠯ ᠠᠯᠠᠱᠠ ᠠᠶᠢᠮᠠᠭ ᠤᠨ ᠬᠠᠮ ᠵᠠᠭᠤᠴᠢᠯᠠᠭᠤᠷ ᠤᠨ ᠲᠥᠪ ᠲᠤ ᠠᠵᠢᠯ ᠤᠨ ᠭᠠᠷᠤᠭᠠ ᠲᠠᠢ᠂ | ᠮᠠᠷᠠᠽᠤᠨ ᠤ ᠠᠵᠢᠯ ᠤᠨ ᠴᠢᠯᠦᠭᠡᠨ ᠤ ᠲᠠᠮᠢᠷᠴᠢᠨ ᠶᠤᠮ᠃ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠪᠡᠶᠡ ᠶᠢᠨ ᠲᠠᠮᠢᠷ ᠲᠤ ᠳᠤᠷᠠ | ᠪᠠᠬᠠ ᠲᠠᠢ ᠲᠡᠷᠡᠪᠡᠷ ᠬᠥᠯ ᠪᠥᠮᠪᠦᠭᠡ᠂ ᠰᠠᠭᠰᠤᠨ ᠪᠥᠮᠪᠦᠭᠡ᠂ ᠥᠳᠥᠨ ᠪᠥᠮᠪᠦᠭᠡ᠂ ᠠᠯᠠᠭᠠᠳᠠᠬᠤ ᠪᠥᠮᠪᠦᠭᠡ᠂ | ᠤᠮᠪᠠᠯᠲᠠ ᠳᠤ ᠰᠠᠶᠢᠨ᠂ ᠣᠷᠴᠢᠮ ᠤᠨ ᠵᠢᠯ ᠤᠳ ᠲᠤ ᠮᠠᠷᠠᠽᠤᠨ ᠨᠢ ᠲᠡᠭᠦᠨ ᠤ ᠠᠮᠢᠳᠤᠷᠠᠯ ᠳᠤ ᠭᠡᠷᠡᠯ ᠭᠡᠭᠡ | ᠨᠡᠮᠡᠷᠢᠯᠡᠭᠰᠡᠨ ᠮᠠᠰᠢ ᠤᠳᠬᠠ ᠠᠭᠤᠯᠭᠠ ᠲᠠᠢ ᠨᠢᠭᠡᠨ ᠲᠠᠮᠢᠷ ᠤᠨ ᠬᠥᠳᠡᠯᠭᠡᠭᠡᠨ ᠪᠣᠯᠤᠭᠰᠠᠨ ᠪᠠᠶᠢᠯᠠ᠃ ᠳᠠᠷᠡ ᠪᠠᠭᠠ | ᠰᠤᠷᠭᠠᠭᠤᠯᠢ ᠳᠠᠭᠠᠨ ︽ᠬᠥᠯ ᠪᠥᠮᠪᠥᠭᠡᠴᠢᠨ ᠵᠢᠭᠠᠯ︾ ᠬᠡᠮᠡᠬᠦ ᠺᠠᠷᠲ᠋ᠣᠨ ᠺᠢᠨᠣ᠋ ᠶᠢ ᠦᠵᠡᠭᠰᠡᠨ ᠠᠴᠠ ᠬᠤᠶᠢᠰᠢ ᠬᠥᠯ | ᠪᠥᠮᠪᠥᠭᠡᠨ ᠳᠤ ᠬᠢᠵᠠᠭᠠᠯᠠᠰᠢ ᠦᠭᠡᠢ ᠳᠤᠷᠠᠲᠠᠢ ᠪᠣᠯᠵᠤ᠂ ᠲᠡᠭᠦᠨ ᠠᠴᠠ ᠬᠦᠰᠡᠯ ᠢᠶᠠᠨ ᠡᠪᠦᠷᠯᠡᠵᠡᠢ᠃ ᠠᠯᠢ ᠨᠢᠭᠡᠨ | ᠡᠳᠦᠷ ᠠᠩᠭ᠍ᠯᠢ ᠶᠢᠨ ᠳᠡᠭᠡᠳᠦ ᠳᠡᠰ ᠤᠨ ᠬᠤᠯᠪᠣᠭᠠᠲᠤ ᠤᠷᠤᠯᠳᠤᠭᠠᠨ᠂ ᠳᠡᠯᠡᠬᠡᠢ ᠶᠢᠨ ᠬᠤᠨᠳᠠᠭᠠᠲᠤ ᠣᠷᠣᠯᠳᠣᠭᠠᠨ᠂ | ᠡᠸᠦ᠋ᠷᠦᠫᠡ ᠶᠢᠨ ᠮᠠᠩᠯᠠᠢ ᠰᠢᠯᠭᠠᠷᠠᠭᠤᠯᠬᠤ ᠤᠷᠤᠯᠳᠤᠭᠠᠨ ᠵᠡᠷᠭᠡ ᠲᠡᠷᠢᠭᠦᠨ ᠳᠡᠰ ᠤᠨ ᠬᠥᠯ ᠪᠥᠮᠪᠥᠭᠡᠨ ᠤ | ᠤᠷᠤᠯᠳᠤᠭᠠᠨ ᠤ ᠲᠤᠬᠠᠢ ᠶᠢᠨ ᠲᠠᠯᠠᠪᠤᠷ ᠲᠤ ᠬᠦᠷᠴᠦ᠂ ᠳᠤᠷᠠᠲᠠᠢ ᠪᠥᠮᠪᠥᠭᠡᠨ ᠠᠩᠭᠢ ᠳᠠᠭᠠᠨ ᠤᠤᠬᠠᠶᠢᠯᠠᠨ | ᠬᠠᠰᠬᠢᠷᠴᠤ᠂ ᠪᠠᠭ᠋ᠠᠷᠬᠠᠳᠠᠭ ᠲᠠᠮᠢᠷᠴᠢᠳ ᠢᠶᠠᠨ ᠣᠯᠵᠤ ᠬᠠᠷᠠᠬᠤ ᠪᠣᠯ ᠬᠡᠮᠡᠨ ᠮᠥᠷᠥᠭᠡᠳᠦᠭᠰᠡᠭᠡᠷ ᠪᠠᠶᠢᠭᠰᠠᠨ᠃ ᠡᠨᠡᠬᠦ | ᠮᠥᠷᠥᠭᠡᠳᠦᠯ ᠨᠢ ᠲᠡᠭᠦᠨ ᠤ ᠠᠵᠢᠯ ᠳᠤ ᠭᠠᠷᠤᠭᠰᠠᠨ ᠤ ᠳᠠᠷᠠᠭᠠᠬᠠᠨ ᠳᠤ ᠪᠡᠶᠡᠯᠡᠭᠳᠡᠵᠡᠢ᠃ ᠳᠡᠷᠡ ᠥᠪᠡᠷ ᠤᠨ | ᠴᠠᠯᠢᠩ ᠢᠶᠠᠨ ᠬᠠᠳᠠᠭᠠᠯᠠᠵᠤ ᠪᠠᠶᠢᠭᠠᠳ ᠭᠤᠷᠪᠠᠨ ᠤᠳᠠᠭᠠ ᠬᠠᠷᠢ ᠤᠯᠤᠰ ᠲᠤ ᠬᠦᠷᠴᠦ᠂ ᠳᠡᠯᠡᠬᠡᠢ ᠶᠢᠨ ᠬᠥᠯ | ᠪᠥᠮᠪᠦᠭᠡ ᠶᠢᠨ ᠤᠷᠤᠯᠳᠤᠭᠠᠨ ᠢ ᠰᠣᠨᠢᠷᠬᠠᠨ᠂ ᠪᠠᠭᠠ ᠨᠠᠰᠣᠨ ᠤ ᠪᠠᠨ ᠬᠦᠰᠡᠯ ᠮᠥᠷᠥᠭᠡᠳᠦᠯ ᠢᠶᠠᠨ | ᠪᠡᠶᠡᠯᠡᠭᠦᠯᠦᠭᠰᠡᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠳᠣᠲᠣᠭᠠᠳᠤ ᠰᠡᠳᠬᠢᠯ ᠤᠨ ᠣᠷᠭᠢᠯᠤᠮᠠ ᠬᠠᠯᠠᠭᠤᠨ ᠪᠠᠶᠠᠷ ᠪᠠᠭ᠋ᠠᠳᠤᠯ ᠢᠶᠠᠨ | ᠮᠡᠳᠡᠷᠡᠵᠦ᠂ ᠲᠠᠮᠢᠷ ᠤᠨ ᠭᠠᠶᠢᠬᠠᠮᠰᠢᠭ ᠢ ᠮᠡᠳᠡᠷᠡᠨ᠂ ᠳᠠᠷᠠ ᠴᠠᠭ ᠠᠴᠠ ᠮᠠᠷᠠᠽᠤᠨ ᠢ ᠣᠶᠢᠯᠠᠭᠠᠬᠤ᠂ ᠮᠠᠷᠠᠽᠤᠨ | ᠤᠷᠤᠯᠳᠤᠭᠠᠨ ᠳᠤ ᠣᠷᠤᠯᠴᠠᠬᠤ ᠰᠢᠨᠡ ᠮᠥᠷᠥᠭᠡᠳᠦᠯ ᠲᠠᠢ ᠪᠣᠯᠵᠤ᠂ ᠰᠢᠨᠡ ᠬᠠᠷᠠᠯᠲᠠ ᠪᠠᠨ ᠲᠣᠭᠲᠠᠭᠠᠭᠰᠠᠨ ᠪᠠᠶᠢᠯᠠ | ᠃ | 2021 ᠣᠨ ᠳᠤ ᠬᠦᠷᠡᠯ ᠨᠠᠶᠢᠵᠠ ᠶᠢᠨ ᠢᠶᠠᠨ ᠰᠠᠨᠠᠭᠤᠯᠭᠠ ᠪᠠᠷ ᠢᠷᠭᠠᠢ ᠬᠤᠳᠠ ᠳᠤ ᠶᠠᠪᠤᠭᠳᠠᠬᠤ ᠬᠠᠭᠠᠰ | ᠵᠠᠮ ᠤᠨ ᠮᠠᠷᠠᠽᠤᠨ ᠤᠷᠤᠯᠳᠤᠭᠠᠨ ᠳᠤ ᠨᠡᠷᠡ ᠪᠠᠨ ᠮᠡᠳᠡᠭᠦᠯᠵᠡᠢ᠃ ᠲᠤᠬᠠᠢ ᠶᠢᠨ ᠦᠶᠡᠰ ᠲᠤ ᠬᠢᠵᠢᠭ ᠤᠨ | ᠨᠥᠯᠥᠭᠡ ᠠᠴᠠ ᠤᠷᠤᠯᠳᠤᠭᠠᠨ ᠨᠢ ᠬᠤᠶᠠᠷ ᠵᠢᠯ ᠬᠤᠶᠢᠰᠢᠯᠠᠭᠳᠠᠵᠤ᠂ ᠳᠠᠷᠠ ᠨᠡᠷᠡ ᠮᠡᠳᠡᠭᠦᠯᠬᠦ ᠦᠶᠡ ᠳᠤ ᠵᠦᠪᠭᠡᠨ | ᠤᠷᠤᠯᠳᠤᠭᠠᠨ ᠳᠤ ᠤᠷᠤᠯᠴᠠᠵᠤ ᠦᠵᠡᠶᠡ ᠭᠡᠰᠡᠨ ᠰᠣᠨᠢᠭᠤᠴᠢ ᠪᠤᠳᠤᠯ ᠲᠠᠢ ᠪᠠᠶᠢᠭᠰᠠᠨ᠃ ᠭᠡᠪᠡᠴᠦ ᠣᠷᠣᠯᠳᠣᠭᠠᠨ | ᠬᠤᠶᠢᠰᠢᠯᠠᠬᠤ ᠲᠤᠳᠦᠮ ᠰᠠᠶᠢᠨ ᠪᠣᠯᠪᠠᠰᠤᠷᠠᠬᠤ ᠳᠤ ᠯᠠ ᠭᠦᠷᠪᠡᠯ ᠯᠠᠪᠲᠠᠢ ᠰᠠᠶᠢᠨ ᠬᠢᠷᠢ ᠪᠦᠳᠦᠮᠵᠢ ᠣᠯᠵᠤ ᠴᠢᠳᠠᠨᠠ | ᠭᠡᠳ ᠪᠣᠯᠪᠠᠰᠤᠷᠠᠯ ᠢᠶᠠᠨ ᠡᠬᠢᠯᠡᠭᠦᠯᠵᠡᠢ᠃ ᠬᠦᠷᠡᠯ ᠭᠦᠶᠦᠯᠲᠡ ᠶᠢᠨ ᠪᠣᠯᠪᠠᠰᠤᠷᠠᠯ ᠤᠨ ᠠᠩᠬᠠᠨ ᠤ ᠡᠳᠦᠷ ᠨᠢᠭᠡ | ᠬᠤᠷᠳᠤᠴᠠ ᠪᠠᠷ ᠪᠠᠶᠠᠨᠬᠤᠲᠠ ᠶᠢᠨ ᠲᠣᠭᠤᠷᠢᠭᠤ ᠵᠠᠮ ᠢᠶᠠᠷ 21 ᠺᠢᠯᠣᠮᠧᠲᠷ ᠭᠦᠶᠦᠵᠡᠢ᠃ ᠨᠢᠭᠡ ᠯᠠ ᠳᠣᠣᠷᠠ | ᠬᠤᠯᠠ ᠭᠦᠶᠦᠭᠰᠡᠨ ᠠᠴᠠ ᠡᠪᠦᠳᠦᠭ ᠨᠢᠷᠤᠭᠤ ᠨᠢ ᠬᠥᠰᠢᠵᠦ ᠡᠪᠡᠳᠦᠨ᠂ ᠶᠠᠪᠤᠵᠤ ᠰᠠᠭᠤᠬᠤ ᠳᠤ ᠳᠦᠭᠦᠮ ᠦᠭᠡᠢ | ᠪᠣᠯᠵᠤ᠂ ᠪᠤᠯᠴᠢᠩ ᠰᠢᠷᠪᠦᠰᠦ ᠨᠢ ᠭᠡᠮᠲᠦᠨ ᠵᠢᠯ ᠰᠢᠬᠠᠭᠤ ᠠᠮᠠᠷᠠᠭᠰᠠᠨ ᠪᠠᠶᠢᠪᠠ᠃ ᠨᠠᠶᠢᠵᠠ ᠶᠢᠨ ᠬᠢᠨᠢ | ᠵᠢᠯᠣᠭᠤᠳᠤᠮᠵᠢ ᠲᠤᠷᠰᠢᠯᠭᠠ ᠪᠠᠷ ᠮᠠᠷᠠᠽᠤᠨ ᠨᠢ ᠳᠠᠶᠢᠮᠣ ᠭᠢᠯᠪᠠᠷᠬᠠᠨ ᠪᠢᠰᠢ ᠭᠡᠳᠡᠭ ᠢ ᠣᠶᠢᠯᠠᠭᠠᠨ᠂ ᠪᠡᠶᠡ | ᠮᠠᠬᠠᠪᠤᠳ ᠤᠨ ᠰᠣᠷᠢᠶᠠ᠂ ᠰᠡᠳᠬᠢᠯ ᠤᠨ ᠰᠣᠷᠢᠶᠠ ᠪᠠᠷ ᠳᠠᠪᠬᠤᠷ ᠳᠠᠪᠬᠤᠷ ᠳᠠᠪᠠᠭᠠ ᠶᠢ ᠳᠠᠪᠠᠨ᠂ ᠭᠦᠶᠦᠯᠲᠡ ᠳᠤ | ᠪᠣᠯᠪᠠᠰᠤᠷᠠᠬᠤ ᠵᠢᠴᠢ ᠣᠷᠣᠯᠳᠣᠭᠠᠨ ᠲᠡᠮᠡᠴᠡᠭᠡᠨ ᠳᠤ ᠶᠠᠮᠠᠷ ᠵᠥᠪ ᠠᠷᠭᠠ ᠤᠬᠠᠭᠠᠨ ᠢᠶᠠᠷ ᠪᠡᠶᠡ ᠰᠡᠳᠬᠢᠯ ᠢᠶᠠᠷ ᠢᠶᠠᠨ | ᠲᠡᠮᠡᠴᠡᠬᠦ ᠶᠢ ᠣᠶᠢᠯᠠᠭᠠᠵᠤ ᠮᠡᠳᠡᠵᠡᠢ᠃ ᠢᠩᠭᠢᠭᠡᠳ ᠲᠡᠷᠡ ᠰᠦᠯᠵᠢᠶᠡᠨ ᠠᠴᠠ ᠮᠠᠷᠠᠽᠤᠨ ᠳᠤ ᠰᠢᠯᠭᠠᠷᠠᠭᠰᠠᠨ ᠨᠡᠷᠡᠳᠣ | ᠲᠠᠮᠢᠷᠴᠢᠨ ᠠᠴᠠ ᠰᠤᠷᠤᠯᠴᠠᠵᠤ᠂ ᠲᠤᠷᠰᠢᠯᠭᠠ ᠵᠢᠯᠣᠭᠤᠳᠤᠮᠵᠢ ᠪᠠᠷ ᠴᠢᠷᠮᠠᠶᠢᠭᠰᠠᠭᠠᠷ ᠪᠠᠶᠢᠵᠤ᠂ ᠰᠠᠨᠠᠭᠠᠨ ᠠᠴᠠ | ᠭᠠᠳᠠᠭᠤᠷ ᠠᠩᠬᠠᠨ ᠤ ᠮᠠᠷᠠᠽᠤᠨ ᠤᠷᠤᠯᠳᠤᠭᠠᠨ ᠳᠤ ᠪᠦᠭᠦ ᠵᠠᠮ ᠢ 2 ᠴᠠᠭ 43 ᠮᠢᠨᠦ᠋ᠲ ᠤᠨ ᠳᠣᠲᠣᠷᠠ ᠭᠦᠶᠦᠵᠦ | ᠳᠠᠭᠤᠰᠬᠠᠨ᠂ ᠦᠷᠭᠦᠯᠵᠢᠯᠡᠨ ᠣᠷᠤᠯᠴᠠᠬᠤ ᠵᠣᠷᠢᠭ ᠢᠶᠠᠨ ᠬᠥᠪᠴᠢᠯᠡᠵᠡᠢ᠃ | ᠬᠦᠷᠡᠯ ᠪᠤᠭᠤᠲᠤ ᠬᠤᠳᠠ ᠶᠢᠨ ᠮᠠᠷᠠᠽᠤᠨ ᠤᠷᠤᠯᠳᠤᠭᠠᠨ ᠳᠤ ᠣᠷᠣᠯᠴᠠᠭᠠᠳ ᠤᠳᠠᠭᠠᠨ ᠵᠢᠯ ᠲᠠᠲᠠᠭᠰᠠᠨ | ᠲᠠᠮᠠᠬᠢ ᠪᠠᠨ ᠵᠣᠭᠰᠣᠭᠠᠭᠰᠠᠨ ᠪᠠᠶᠢᠯᠠ᠃ ᠣᠷᠣᠯᠳᠣᠭᠠᠨ ᠨᠢ ᠵᠣᠨ ᠤ ᠪᠦᠭᠴᠢᠮ ᠬᠠᠯᠠᠭᠤᠨ ᠡᠳᠦᠷ ᠶᠠᠪᠤᠭᠳᠠᠭᠰᠠᠨ | ᠪᠣᠯᠬᠤᠷ ᠭᠦᠶᠦᠬᠦ ᠠᠴᠠ ᠴᠠᠭᠠᠨᠠ ᠠᠯᠬᠤᠬᠤ ᠳᠤ ᠴᠦ ᠮᠠᠰᠢ ᠬᠦᠴᠢᠷᠳᠡᠵᠦ ᠪᠠᠶᠢᠭᠰᠠᠨ᠂ ᠬᠦᠷᠡᠯ ᠤᠳᠠᠭᠠᠨ ᠵᠢᠯ | ᠲᠠᠮᠠᠬᠢ ᠲᠠᠲᠠᠭᠰᠠᠨ ᠠᠴᠠ ᠠᠮᠢᠰᠬᠤᠯ ᠨᠢ ᠶᠡᠬᠡᠪᠡᠷ ᠴᠢᠬᠤᠯᠳᠠᠨ᠂ ᠤᠷᠤᠯᠳᠤᠭᠠᠨ ᠤ ᠪᠦᠭᠦ ᠵᠠᠮ ᠢ 2 ᠴᠠᠭ 45 | ᠮᠢᠨᠦ᠋ᠲ ᠲᠤ ᠭᠦᠶᠦᠵᠦ ᠳᠠᠭᠤᠰᠬᠠᠬᠤ ᠳᠤ ᠪᠦᠭᠦ ᠪᠡᠶᠡ ᠨᠢ ᠶᠠᠭ ᠪᠣᠷᠣᠭᠠᠨ ᠳᠤ ᠨᠣᠷᠣᠭᠰᠠᠨ ᠮᠡᠲᠦ ᠱᠠᠯ ᠬᠥᠯᠥᠷᠡᠨ | ᠱᠣᠯᠳᠠᠶᠢᠵᠡᠢ᠃ ᠣᠷᠣᠯᠳᠣᠭᠠᠨ ᠤ ᠳᠠᠷᠠᠭᠠ ᠲᠡᠷᠡᠪᠡᠷ ᠲᠠᠭᠢᠵᠤ ᠴᠤ ᠮᠠᠷᠠᠽᠤᠨ ᠤᠷᠤᠯᠳᠤᠭᠠᠨ ᠳᠤ ᠣᠷᠤᠯᠴᠠᠬᠤ | ᠦᠭᠡᠢ᠂ ᠡᠶᠢᠮᠦ ᠬᠠᠯᠠᠭᠤᠨ ᠡᠳᠦᠷ ᠪᠡᠶᠡ ᠪᠠᠨ ᠢᠩᠭᠢᠵᠦ ᠵᠣᠪᠠᠭᠠᠭᠠᠳ ᠶᠠᠭᠠᠬᠢᠬᠤ ᠶᠤᠮ ᠭᠡᠵᠦ ᠰᠢᠢᠳᠦᠭᠰᠡᠨ ᠭᠡᠨᠡ᠃ | ᠭᠡᠪᠡᠴᠦ ᠬᠠᠷᠢᠵᠤ ᠢᠷᠡᠭᠡᠳ ᠭᠡᠳᠣ ᠬᠤᠨᠣᠭᠰᠠᠨ ᠦᠭᠡᠢ ᠪᠠᠷ ᠤᠤᠯ ᠤᠨ ᠪᠣᠯᠪᠠᠰᠤᠷᠠᠯ ᠢᠶᠠᠨ ᠡᠬᠢᠯᠡᠭᠦᠯᠦᠨ᠂ | ᠳᠠᠷᠠᠭᠠᠴᠢ ᠶᠢᠨ ᠣᠷᠣᠯᠳᠣᠭᠠᠨ ᠳᠤ ᠨᠡᠷᠡ ᠪᠠᠨ ᠮᠡᠳᠡᠭᠦᠯᠵᠦ ᠬᠠᠷᠠᠯᠲᠠ ᠪᠠᠨ ᠤᠯᠠᠮ ᠲᠣᠳᠣᠷᠬᠠᠢ ᠪᠤᠯᠭᠠᠬᠰᠠᠨ ᠪᠠᠶᠢᠯᠠ᠃ | | ᠬᠤᠯᠠ ᠭᠦᠶᠦᠯᠲᠡ ᠨᠢ ᠬᠥᠮᠥᠨ ᠤ ᠠᠮᠢᠳᠤᠷᠠᠯ ᠢ ᠬᠠᠷᠠᠬᠤ ᠬᠠᠷᠠᠭᠠᠰᠤ ᠶᠢ ᠥᠭᠡᠷᠡᠴᠢᠯᠡᠵᠦ᠂ ᠲᠠᠨᠢᠨ | ᠮᠡᠳᠡᠬᠦᠢ ᠳᠤ ᠬᠦᠴᠦᠲᠡᠢ ᠨᠥᠯᠥᠭᠡ ᠦᠵᠡᠭᠦᠯᠭᠦ ᠰᠡᠳᠬᠢᠯ ᠤᠨ ᠲᠡᠩᠬᠡᠭᠡ ᠲᠠᠢ ᠲᠠᠮᠢᠷ ᠤᠨ ᠬᠥᠳᠡᠯᠭᠡᠭᠡᠨ ᠭᠡᠵᠦ ᠬᠦᠷᠡᠯ | ᠡᠶᠢᠨᠬᠦ ᠣᠶᠢᠯᠠᠭᠠᠵᠠᠢ᠃ ᠳᠡᠷᠡ ᠪᠡᠶᠡ ᠶᠢᠨ ᠵᠢᠩ ᠤᠨ ᠬᠠᠰᠤᠭᠳᠠᠯ᠂ ᠪᠡᠶᠡ ᠭᠠᠯᠪᠢᠷ᠂ ᠰᠡᠳᠬᠢᠴᠡ ᠶᠢᠨ | ᠬᠤᠪᠢᠷᠠᠯᠲᠠ ᠳᠠᠭᠠᠨ ᠮᠠᠰᠢ ᠬᠠᠨᠤᠮᠵᠢᠲᠠᠢ ᠪᠣᠯᠵᠤ᠂ ᠣᠨᠴᠠᠭᠠᠶᠢᠯᠠᠨ ᠪᠡᠶᠡ ᠨᠢ ᠤᠤᠯ ᠤᠨ ᠬᠢ ᠠᠴᠠ ᠬᠦᠴᠦ | ᠲᠡᠩᠬᠡᠭᠡ ᠲᠠᠢ ᠪᠣᠯᠵᠤ᠂ ᠭᠦᠶᠦᠯᠲᠡ ᠳᠤ ᠪᠦᠷᠢᠮᠦᠰᠦᠨ ᠪᠠᠭ᠋ᠠᠲᠠᠢ ᠪᠣᠯᠣᠭᠠᠳ ᠡᠳᠦᠷ ᠡᠳᠦᠷ ᠪᠠᠷᠢᠮᠲᠠᠯᠠᠬᠤ ᠪᠣᠯᠵᠠᠢ᠃ | ᠲᠡᠷᠡ ᠨᠢᠭᠡ ᠰᠠᠷᠠ ᠳᠤ 150 ᠠᠴᠠ 200 ᠺᠢᠯᠣᠮᠧᠲᠷ ᠭᠦᠶᠦᠬᠦ ᠪᠠᠨ ᠪᠠᠲᠤᠯᠠᠵᠤ᠂ ᠵᠢᠯ ᠤᠨ ᠳᠦᠷᠪᠡᠨ | ᠤᠯᠠᠷᠢᠯ ᠳᠤ ᠠᠯᠭᠠᠰᠠᠯ ᠦᠭᠡᠢ ᠪᠣᠯᠪᠠᠰᠤᠷᠠᠨ᠂ ᠬᠦᠴᠦ ᠲᠠᠮᠢᠷ ᠢᠶᠠᠨ ᠨᠥᠭᠡᠴᠡᠯᠡᠬᠦ ᠪᠣᠯᠵᠠᠢ᠃ ᠣᠷᠳᠣ ᠤᠳᠠᠭᠠᠨ | ᠪᠠᠷᠢᠮᠲᠠᠯᠠᠯ ᠢᠶᠠᠷ ᠳᠡᠷᠡ ᠤᠳᠤ ᠬᠠᠭᠠᠰ ᠵᠠᠮ ᠤᠨ ᠮᠠᠷᠠᠽᠤᠨ ︵21 ᠺᠢᠯᠣᠮᠧᠲᠷ︶ ᠤᠷᠤᠯᠳᠤᠭᠠᠨ ᠳᠤ ᠪᠠᠶᠢᠩᠭᠤ | ᠣᠷᠣᠯᠴᠠᠨ᠂ ᠠᠵᠢᠯ ᠤᠨ ᠵᠠᠪ ᠴᠢᠯᠦᠭᠡ ᠪᠠᠨ ᠠᠰᠢᠭᠯᠠᠨ᠂ ᠪᠤᠭᠤᠲᠤ᠂ ᠭᠦᠭᠡᠬᠤᠳᠠ᠂ ᡂᠢ ᠵᠧᠦ᠂ ᠵᠧᠩᠵᠧᠦ᠂ | ᠰᠢᠤᠵᠧᠤ᠂ ᠱᠧᠨᠵᠧᠨ᠂ ᠭᠤᠸᠠᠩᠵᠧᠦ ᠵᠡᠷᠭᠡ ᠶᠢᠰᠦᠨ ᠬᠤᠳᠠ ᠶᠢᠨ ᠮᠠᠷᠠᠽᠤᠨ ᠤᠷᠤᠯᠳᠤᠭᠠᠨ ᠳᠤ ᠤᠷᠤᠯᠴᠠᠵᠤ᠂ | ᠲᠦᠷᠪᠡᠨ ᠤᠳᠠᠭᠠᠨ ᠤ ᠤᠷᠤᠯᠳᠤᠭᠠᠨ ᠳᠤ ᠬᠤᠷᠳᠤᠴᠠ ᠲᠣᠬᠢᠷᠠᠭᠤᠯᠤᠭᠴᠢ ᠪᠠᠷ ᠰᠣᠩᠭᠤᠭᠳᠠᠨ᠂ ᠬᠥᠮᠥᠨ ᠪᠦᠭᠦᠨ ᠤ | ᠬᠦᠰᠡᠨ ᠡᠷᠡᠮᠡᠯᠵᠡᠯᠡᠳᠡᠭ ᠭᠤᠸᠠᠩᠵᠧᠦ ᠶᠢᠨ ᠮᠠᠷᠠᠽᠤᠨ ᠤᠷᠤᠯᠳᠤᠭᠠᠨ ᠳᠤ ᠠᠵᠠ ᠪᠠᠷ ᠵᠢᠷᠭᠤᠭᠠᠨ ᠬᠤᠷᠳᠤᠴᠠ | ᠲᠣᠬᠢᠷᠠᠭᠤᠯᠤᠭᠴᠢ ᠶᠢᠨ ᠨᠢᠭᠡ ᠨᠢ ᠪᠣᠯᠤᠭᠰᠠᠨ ᠶᠤᠮ᠃ ︽ᠮᠠᠷᠠᠽᠤᠨ ᠨᠢ ᠲᠡᠰᠪᠦᠷᠢ ᠲᠡᠪᠴᠢᠶᠡᠷᠢ ᠰᠢᠯᠭᠠᠬᠤ ᠬᠤᠯᠠ | ᠭᠦᠶᠦᠯᠲᠡ ᠶᠢᠨ ᠪᠡᠶᠡ ᠶᠢᠨ ᠲᠠᠮᠢᠷ ᠤᠨ ᠣᠷᠣᠯᠳᠣᠭᠠᠨ ᠶᠤᠮ᠃ ᠣᠷᠣᠯᠳᠣᠭᠠᠨ ᠤ ᠡᠭᠢᠯᠡᠯᠳᠡ ᠶᠢᠨ ᠴᠡᠭ ᠠᠴᠠ | ᠭᠠᠷᠬᠤ ᠳᠤ ᠰᠡᠳᠬᠢᠯ ᠮᠠᠰᠢ ᠳᠣᠭᠳᠣᠯᠤᠨ ᠠᠮᠵᠢᠳᠠ ᠲᠠᠢ ᠪᠠᠷ ᠲᠡᠭᠦᠰᠬᠡᠯ ᠤᠨ ᠴᠡᠭ ᠲᠤ ᠬᠦᠷᠬᠦ ᠪᠠᠨ ᠪᠤᠳᠣᠵᠣ | ᠠᠮᠵᠢᠳᠠᠭ᠃ ᠠᠷᠪᠠᠭᠠᠳ ᠺᠢᠯᠣᠮᠧᠲᠷ ᠭᠦᠶᠦᠭᠰᠡᠨ ᠢᠶᠠᠷ ᠶᠡᠭᠡ ᠶᠠᠳᠠᠷᠠᠨ᠂ ᠤᠷᠤᠭᠰᠢ ᠨᠢᠭᠡ ᠠᠯᠬᠤᠮ ᠶᠠᠪᠤᠬᠤ ᠳᠤ | ᠴᠦ ᠬᠦᠴᠢᠷᠳᠡᠬᠦ ᠪᠣᠯᠵᠤ᠂ ᠵᠢᠷᠦᠬᠡᠨ ᠤ ᠲᠦᠭᠰᠢᠯᠲᠡ ᠬᠤᠷᠳᠤᠰᠬᠤ ᠵᠡᠷᠭᠡ ᠶᠠᠩᠵᠤ ᠪᠦᠷᠢ ᠶᠢᠨ ᠪᠡᠷᠬᠡᠰᠢᠶᠡᠯ | ᠲᠤᠯᠭᠠᠷᠠᠨᠠ᠂ ᠠᠯᠬᠤᠭᠠᠳ ᠶᠠᠪᠤᠬᠤ ᠤᠤ᠂ ᠣᠷᠣᠯᠳᠣᠭᠠᠨ ᠢᠶᠠᠨ ᠵᠣᠭᠰᠤᠭᠠᠬᠤ ᠤᠤ ᠭᠡᠬᠦ ᠡᠯᠳᠡᠪ ᠪᠤᠳᠤᠯ ᠣᠷᠣᠵᠤ | ᠢᠷᠡᠬᠦ ᠶᠢᠨ ᠬᠤᠭᠤᠷᠣᠨᠳᠤ ᠬᠠᠵᠠᠭᠤ ᠬᠠᠪᠢ ᠶᠢᠨ ᠬᠥᠮᠥᠰ ᠠᠴᠠ ᠡᠷᠴᠢ ᠬᠦᠴᠦ ᠠᠪᠴᠤ᠂ ᠰᠢᠳᠣ ᠪᠠᠨ ᠵᠠᠭᠤᠭᠠᠳ | ᠯᠠ ᠤᠷᠤᠭᠰᠢᠯᠠᠳᠠᠭ ᠶᠤᠮ᠃ ᠢᠩᠭᠢᠭᠡᠳ ᠡᠴᠦᠰ ᠤᠨ ᠴᠡᠭ ᠲᠤ ᠭᠦᠷᠦᠭᠡᠳ ᠥᠪᠡᠷ ᠤᠨ ᠪᠡᠶᠡ ᠳᠡᠭᠡᠨ ᠦᠨᠡᠬᠡᠷ | ᠶᠡᠭᠡ ᠲᠠᠯᠠᠷᠬᠠᠳᠠᠭ᠃ ᠲᠡᠭᠦᠰᠬᠡᠯ ᠤᠨ ᠴᠡᠭ ᠢ ᠰᠢᠪᠲᠤᠯᠤᠭᠠᠳ ᠠᠮᠵᠢᠯᠲᠠ ᠣᠯᠣᠭᠰᠠᠨ ᠮᠡᠳᠡᠷᠡᠮᠵᠢ ᠨᠢ ᠮᠠᠰᠢ ᠭᠤᠶᠤ᠂ | ᠪᠠᠶᠠᠷ ᠪᠠᠶᠠᠰᠤᠯ᠂ ᠬᠥᠭᠰᠡᠯ ᠳᠣᠭᠳᠣᠯᠤᠯ᠂ ᠪᠡᠶᠡ ᠰᠡᠳᠬᠢᠯ ᠳᠤ ᠮᠡᠳᠡᠷᠡᠭᠳᠡᠭᠰᠡᠨ ᠪᠦᠭᠦᠨ ᠢ ᠠᠳᠠᠯᠢᠳᠬᠠᠬᠤ ᠶᠢᠨ | ᠠᠷᠭᠠ ᠦᠭᠡᠢ ᠶᠤᠮ᠃ ᠮᠠᠷᠠᠽᠤᠨ ᠨᠢ ᠨᠠᠳᠠᠳᠤ ᠢᠲᠡᠭᠡᠯ ᠵᠣᠷᠢᠭ᠂ ᠪᠠᠶᠠᠷ ᠪᠠᠶᠠᠰᠬᠤᠯᠠᠩ ᠢ ᠠᠪᠴᠢᠷᠠᠭᠰᠠᠨ ᠢᠶᠠᠷ | ᠪᠠᠷᠠᠬᠤ ᠦᠭᠡᠢ ᠳᠠᠷᠤᠭᠠᠰᠤ ᠬᠥᠩᠭᠡᠷᠡᠨ ᠤᠷᠮᠠ ᠰᠡᠷᠭᠦᠵᠦ᠂ ᠲᠡᠰᠪᠦᠷᠢ ᠲᠡᠪᠴᠢᠶᠡᠷᠢ᠂ ᠢᠲᠡᠭᠡᠯ ᠤᠷᠮᠠᠰᠢᠭᠤᠯᠤᠯ ᠢ | ᠣᠯᠭᠤᠭᠰᠠᠨ ᠶᠤᠮ᠃ ᠨᠡᠩ ᠴᠦ ᠠᠮᠢᠳᠤᠷᠠᠯ ᠳᠠᠭᠠᠨ ᠰᠠᠶᠢᠨ ᠰᠠᠶᠢᠬᠠᠨ ᠳᠠᠳᠬᠠᠯ ᠪᠠ ᠵᠥᠪ ᠰᠠᠶᠢᠬᠠᠨ ᠬᠤᠭᠤᠯᠠᠯᠠᠬᠤ | ᠳᠠᠳᠬᠠᠯ ᠲᠠᠢ ᠪᠣᠯᠵᠤ᠂ ᠵᠠᠩ ᠠᠭᠠᠰᠢ ᠴᠦ ᠲᠠᠶᠢᠪᠤᠩ ᠲᠣᠭᠲᠠᠭᠤᠨ ᠪᠣᠯᠵᠠᠢ︾ ᠭᠡᠵᠦ ᠬᠦᠷᠡᠯ ᠮᠠᠷᠠᠽᠤᠨ ᠤ ᠲᠤᠬᠠᠢ | ᠶᠠᠷᠢᠬᠤ ᠳᠤ ᠰᠡᠳᠬᠢᠯ ᠳᠦᠭᠦᠷᠡᠩ ᠪᠠᠶᠢᠯᠠ᠃ | ᠬᠦᠷᠡᠯ ᠦᠷᠭᠦᠯᠵᠢ ᠳᠡᠭᠡᠨ ᠥᠪᠡᠷ ᠤᠨ ᠢᠶᠠᠨ ᠠᠷᠭᠠ ᠭᠡᠯᠪᠡᠷᠢ ᠪᠠᠷ ᠬᠦᠰᠡᠯ ᠮᠥᠷᠥᠭᠡᠳᠦᠯ ᠢᠶᠠᠨ | ᠪᠡᠶᠡᠯᠡᠭᠦᠯᠬᠦ ᠪᠠᠷ ᠵᠣᠷᠢᠳᠠᠭ᠃ ᠮᠠᠷᠠᠽᠤᠨ ᠤᠷᠤᠯᠳᠤᠭᠠᠨ ᠨᠢ ᠨᠢᠭᠡᠨᠲᠡ ᠲᠡᠭᠦᠨ ᠤ ᠬᠦᠰᠡᠯ ᠮᠥᠷᠥᠭᠡᠳᠦᠯ ᠢᠶᠠᠨ | ᠪᠡᠶᠡᠯᠡᠭᠦᠯᠬᠦ᠂ ᠰᠢᠨᠲᠠᠷᠠᠰᠢ ᠦᠭᠡᠢ ᠵᠣᠷᠢᠭ ᠰᠠᠨᠠᠭᠠ ᠪᠠᠨ ᠢᠯᠡᠷᠡᠭᠦᠯᠬᠦ ᠲᠠᠪᠴᠠᠩ ᠪᠣᠯᠵᠠᠢ᠃ ᠬᠦᠷᠡᠯ ᠤᠨ ᠪᠠᠷᠢᠮᠲᠠᠯᠠᠯ᠂ | ᠰᠥᠰᠥ ᠵᠣᠷᠢᠭ ᠨᠢ ᠬᠥᠮᠥᠰ ᠲᠤ ᠳᠠᠭᠤᠷᠢᠶᠠᠯ ᠪᠣᠯᠵᠤ ᠨᠥᠯᠥᠭᠡᠯᠡᠨ᠂ ᠡᠵᠢ᠂ ᠬᠠᠮᠲᠤ ᠠᠵᠢᠯᠲᠠᠨ᠂ ᠰᠠᠶᠢᠨ ᠨᠠᠶᠢᠵᠠ | ᠨᠠᠷ ᠨᠢ ᠴᠦ ᠲᠡᠭᠦᠨ ᠲᠠᠢ ᠬᠠᠮᠲᠤ ᠭᠦᠶᠦᠵᠦ ᠪᠣᠯᠪᠠᠰᠤᠷᠠᠬᠤ ᠪᠣᠯᠵᠠᠢ᠃ ︽ᠭᠠᠳᠠᠨᠠ ᠭᠠᠷᠴᠤ ᠭᠦᠶᠦᠬᠦ ᠳᠤ ᠣᠯᠠᠨ | ᠠᠰᠢᠭ ᠲᠠᠢ ᠲᠠᠯᠠ ᠪᠤᠢ᠂ ᠨᠠᠭᠠᠲᠤ ᠵᠠᠬᠠ ᠨᠢ ᠴᠡᠪᠡᠷ ᠠᠭᠠᠷ ᠢ ᠠᠮᠢᠰᠬᠤᠯᠯᠠᠨ ᠪᠡᠶᠡ ᠪᠠᠨ ᠲᠠᠶᠢᠪᠤᠰᠢᠷᠠᠭᠤᠯᠵᠤ | ᠪᠣᠯᠣᠨᠠ᠃ ᠬᠥᠮᠥᠰ ᠲᠤ ᠬᠤᠯᠠ ᠭᠦᠶᠦᠬᠦ ᠵᠥᠪ ᠠᠷᠭᠠ᠂ ᠰᠢᠷᠬᠠᠲᠤᠵᠤ ᠭᠡᠮᠲᠦᠬᠦ ᠠᠴᠠ ᠰᠡᠷᠭᠡᠶᠢᠯᠡᠬᠦ ᠵᠦᠢᠯ ᠢ | ᠳᠠᠩᠳᠠ ᠬᠤᠪᠢᠶᠠᠯᠴᠠᠳᠠᠭ᠃ ᠲᠡᠰᠪᠦᠷᠢ ᠲᠠᠢ ᠪᠠᠷ ᠪᠣᠯᠪᠠᠰᠤᠷᠠᠯ ᠢᠶᠠᠨ ᠰᠠᠶᠢᠨ ᠬᠢᠵᠦ ᠪᠠᠷᠢᠮᠲᠠᠯᠠᠬᠤ ᠨᠢ ᠴᠢᠬᠤᠯᠠ ᠶᠤᠮ | ︾ ᠭᠡᠵᠦ ᠬᠦᠷᠡᠯ ᠶᠠᠷᠢᠨᠠ᠃ | ᠬᠦᠷᠡᠯ ᠬᠥᠯ ᠪᠥᠮᠪᠥᠭᠡᠨ ᠤ ᠳᠤᠷᠠ ᠪᠠᠬᠠ ᠠᠴᠠ ᠪᠠᠨ ᠮᠠᠷᠠᠽᠤᠨ ᠤᠷᠤᠯᠳᠤᠭᠠᠨ ᠢ ᠪᠡᠶᠡ ᠪᠠᠷ ᠢᠶᠠᠨ ᠳᠣᠭᠤᠯᠵᠣ | ᠢᠷᠡᠬᠦ ᠭᠦᠷᠳᠡᠯᠡ ᠬᠦᠰᠡᠯ ᠮᠥᠷᠥᠭᠡᠳᠦᠯ ᠤᠨ ᠢᠶᠠᠨ ᠲᠥᠯᠥᠭᠡ ᠥᠪᠡᠷ ᠤᠨ ᠪᠡᠶᠡ ᠪᠠᠨ ᠲᠠᠰᠤᠷᠠᠯᠲᠠ ᠦᠭᠡᠢ ᠴᠡᠨᠡᠭᠯᠡᠨ᠂ | ᠳᠠᠰᠣᠷᠠᠯᠳᠠ ᠦᠭᠡᠢ ᠰᠢᠨᠡ ᠰᠢᠪᠲᠤᠯᠤᠯᠲᠠ ᠭᠠᠷᠭᠠᠵᠤ᠂ ᠵᠣᠷᠢᠭ ᠰᠢᠨᠳᠠᠰᠤ ᠪᠠᠨ ᠰᠣᠷᠢᠵᠤ ᠶᠠᠪᠤᠭᠠ ᠨᠢ ᠦᠨᠡᠬᠡᠷ | ᠪᠢᠰᠢᠷᠡᠭᠦᠰᠢᠲᠡᠢ᠃ ︽ᠪᠡᠭᠡᠵᠢᠩ ᠤᠨ ᠮᠠᠷᠠᠽᠤᠨ ᠤᠷᠤᠯᠳᠤᠭᠠᠨ ᠳᠤ ᠣᠷᠣᠯᠴᠠᠨ ᠲᠢᠶᠠᠨ ᠠᠨ ᠮᠧᠨ ᠠᠭᠤᠳᠠᠮ | ᠲᠠᠯᠠᠪᠡᠢ ᠶᠢᠨ ᠡᠮᠦᠨᠡᠭᠦᠷ ᠭᠦᠶᠦᠬᠦ ᠪᠣᠯ ᠮᠢᠨᠤ ᠢᠷᠡᠭᠡᠳᠦᠢ ᠶᠢᠨ ᠬᠠᠷᠠᠯᠲᠠ ᠪᠣᠯᠣᠨᠠ᠃ ᠡᠨᠡ ᠵᠢᠯ ᠪᠣᠯᠪᠠᠰᠤᠷᠠᠯ ᠢᠶᠠᠨ | ᠰᠠᠶᠢᠨ ᠬᠢᠵᠦ ᠪᠦᠬᠦᠯᠢ ᠵᠠᠮ ᠤᠨ ᠮᠠᠷᠠᠽᠤᠨ ᠤᠷᠤᠯᠳᠤᠭᠠᠨ ᠳᠤ ᠤᠷᠤᠯᠴᠠᠵᠤ ᠦᠵᠡᠶᠡ︾ ᠭᠡᠵᠦ ᠬᠦᠷᠡᠯ ᠢᠲᠡᠭᠡᠯ | ᠳᠦᠭᠦᠷᠡᠩ ᠶᠠᠷᠢᠨᠠ᠃ |