| | | | ᠰᠣᠷᠪᠤᠯᠵᠢᠯᠠᠬᠴᠢ ᠡᠷᠳᠡᠨᠢᠴᠡᠴᠡᠭ | ᠮᠣᠩᠭᠤᠯ ᠬᠤᠭᠤᠯᠠ ᠵᠠᠭᠤᠰᠢ᠂ ᠭᠠᠳᠠᠭᠠᠳᠤ ᠬᠤᠭᠤᠯᠠ ᠵᠠᠭᠤᠰᠢ ᠶᠢ ᠠᠭᠤᠰᠤᠯᠴᠠᠭᠤᠯᠤᠨ ᠣᠷᠣᠨ | ᠨᠤᠲᠤᠭ ᠤᠨ ᠣᠨᠴᠠᠯᠢᠭᠲᠤ ᠬᠤᠭᠤᠯᠠ ᠵᠠᠭᠤᠰᠢ ᠪᠣᠯᠭᠠᠨ ᠪᠠᠵᠠᠭᠠᠵᠤ᠂ ᠬᠦᠷᠦᠯᠴᠡᠨ ᠢᠷᠡᠭᠰᠡᠨ ᠵᠣᠴᠢᠳ ᠲᠠᠭᠠᠨ | ᠬᠠᠯᠠᠭᠤᠮᠰᠤᠭ ᠦᠢᠯᠡᠴᠢᠯᠡᠭᠡ ᠬᠠᠩᠭᠠᠵᠤ ᠶᠠᠪᠤᠭᠠ ᠵᠠᠯᠠᠭᠤ ᠶᠢ ᠭᠠᠳᠠᠮᠠᠶᠢᠷᠠᠨ ᠭᠡᠳᠡᠭ᠂ ᠲᠡᠷᠡᠪᠡᠷ ᠠᠯᠠᠱᠠ ᠵᠡᠭᠦᠨ | ᠬᠤᠰᠢᠭᠤᠨ ᠤ ᠣᠯᠠᠨᠪᠤᠯᠠᠭ ᠪᠠᠯᠭᠠᠰᠤᠨ ᠤ ᠴᠠᠭᠠᠨᠳᠠᠷᠡᠰᠤ ᠭᠠᠴᠠᠭᠠᠨ ᠳᠤ ᠨᠤᠲᠤᠭ ᠲᠠᠢ ᠪᠢᠯᠡ᠃ | ᠭᠠᠳᠠᠮᠠᠶᠢᠷᠠᠨ ᠤ ᠡᠵᠡᠩᠨᠡᠵᠦ ᠪᠠᠶᠢᠭᠠ ︽ᠤᠴᠠᠷᠠᠯ︾ ᠬᠤᠭᠤᠯᠠᠨ ᠭᠡᠷ ᠨᠢ ᠪᠠᠶᠠᠨᠬᠤᠲᠠ ᠶᠢᠨ ᠭᠤᠣᠯ | ᠵᠡᠭᠡᠯᠢ ᠶᠢᠨ ᠺᠠᠢ ᠶᠤᠸᠠᠨ ᠭᠡᠳᠤ ᠳᠡᠯᠭᠡᠭᠦᠷ ᠤᠨ ᠵᠡᠭᠦᠨ ᠬᠤᠶᠢᠨᠠ ᠲᠠᠯᠠ ᠳᠤ ᠪᠠᠶᠢᠷᠢᠯᠠᠵᠤ ᠪᠠᠶᠢᠭᠠ ᠪᠣᠯᠬᠤᠷ ᠨᠠᠭᠠᠰᠢ | ᠴᠠᠭᠠᠰᠢ ᠵᠣᠷᠴᠢᠬᠤ ᠬᠥᠮᠥᠰ ᠤᠨ ᠠᠩᠬᠠᠷᠤᠯ ᠳᠤ ᠭᠦᠷᠳᠡᠭ᠃ ᠬᠡᠳᠦᠶᠢᠪᠡᠷ ᠬᠤᠭᠤᠯᠠᠨ ᠭᠡᠷ ᠨᠢ ᠳᠡᠶᠢᠮᠣ ᠶᠡᠭᠡ ᠪᠢᠰᠢ | ᠪᠤᠯᠪᠠᠴᠣ ᠡᠳᠦᠷ ᠪᠦᠷᠢ ᠵᠣᠴᠢᠳ ᠢᠶᠠᠷ ᠳᠦᠭᠦᠷᠴᠦ᠂ ᠠᠮᠲᠠᠲᠤ ᠵᠠᠭᠤᠰᠢ ᠪᠠᠷ ᠢᠶᠠᠨ ᠬᠤᠯᠠ ᠣᠶᠢᠷᠠ ᠶᠢᠨ | ᠬᠥᠮᠥᠰ ᠤᠨ ᠲᠠᠭᠠᠰᠢᠶᠠᠯ ᠢ ᠣᠯᠵᠤ᠂ ᠬᠥᠮᠥᠰ ᠤᠷᠢᠳᠴᠢᠯᠠᠨ ᠪᠣᠯᠵᠣᠭᠠᠳ ᠪᠡᠯᠡᠨ ᠪᠤᠯᠭᠤᠬᠰᠠᠨ ᠮᠢᠬᠠ᠂ ᠪᠢᠲᠡᠭᠦᠦ | ᠱᠥᠯᠥ᠂ ᠫᠢᠰᠠ᠂ ᠦᠬᠡᠷ ᠤᠨ ᠮᠢᠬᠠ ᠲᠠᠢ ᠭᠤᠯᠢᠷ᠂ ᠪᠠᠩᠰᠢ᠂ ᠬᠠᠮᠪᠦ᠋ᠷᠡᠭ ᠵᠡᠷᠭᠡ ᠠᠮᠲᠠᠲᠤ ᠵᠠᠭᠤᠰᠢ ᠶᠢ ᠭᠦᠷᠳᠡᠳᠡᠭ | ᠪᠢᠯᠡ᠃ | ᠭᠠᠳᠠᠮᠠᠶᠢᠷᠠᠨ ᠠᠷᠪᠠᠭᠠᠳ ᠵᠢᠯ ᠶᠠᠫᠤᠨ ᠤᠯᠤᠰ ᠲᠤ ᠠᠵᠢᠯᠯᠠᠵᠤ ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ ᠠᠵᠢ᠃ ᠲᠡᠷᠡᠪᠡᠷ | 2006 ᠣᠨ ᠳᠤ ᠶᠠᠫᠤᠨ ᠤᠯᠤᠰ ᠤᠨ ᠳᠣᠺᠢᠤ᠋ ᠬᠤᠳᠠ ᠳᠤ ᠣᠴᠢᠵᠤ ᠭᠠᠳᠠᠭᠠᠳᠤ ᠬᠡᠯᠡᠨ ᠤ ᠲᠤᠰᠬᠠᠢ ᠮᠡᠷᠭᠡᠵᠢᠯ ᠤᠨ | ᠰᠤᠷᠭᠠᠭᠤᠯᠢ ᠳᠤ ᠰᠣᠷᠣᠯᠴᠠᠨ᠂ 2010 ᠣᠨ ᠳᠤ ᠳᠣᠺᠢᠤ᠋ ᠬᠤᠳᠠ ᠶᠢᠨ vernes ᠲᠠᠮᠢᠷ ᠤᠨ ᠰᠤᠷᠭᠠᠭᠤᠯᠢ ᠳᠤ | ᠰᠣᠷᠣᠯᠴᠠᠵᠣ᠂ 2012 ᠣᠨ ᠳᠤ ᠲᠣᠺᠢᠤ᠋ ᠬᠤᠳᠠ ᠶᠢᠨ ᠯᠢ ᠵᠧᠩ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠠᠵᠤ ᠠᠬᠤᠢ ᠶᠢᠨ | ᠰᠠᠯᠪᠤᠷᠢ ᠠᠴᠠ ᠰᠤᠳᠤᠯᠬᠤ ᠰᠤᠷᠤᠬᠴᠢ ᠪᠠᠷ ᠲᠡᠭᠦᠰᠦᠭᠡᠳ᠂ 2015 ᠣᠨ ᠳᠤ ᠳᠣᠺᠢᠤ᠋ ᠬᠤᠳᠠ ᠶᠢᠨ ᠭᠠᠵᠠᠷ ᠢ | ᠬᠡᠮᠵᠢᠵᠦ ᠵᠢᠷᠤᠭᠯᠠᠨ ᠲᠥᠰᠥᠪᠯᠡᠬᠦ ᠺᠤᠮᠫᠠᠨᠢ ᠳᠤ ᠨᠢᠭᠡ ᠵᠢᠯ ᠠᠵᠢᠯᠯᠠᠵᠠᠢ᠃ ᠳᠡᠷᠡ 2016 ᠣᠨ ᠳᠤ ᠥᠪᠡᠷ ᠢᠶᠠᠨ | ᠠᠳᠠᠯ ᠦᠢᠯᠡᠰ ᠪᠣᠰᠬᠠᠨ ︽ᠠᠵᠢᠨᠠᠢ ᠪᠠᠷᠢᠯᠭᠠ ᠶᠢᠨ ᠺᠤᠮᠫᠠᠨᠢ︾ ᠶᠢ ᠡᠭᠦᠰᠬᠡᠨ ᠪᠠᠶᠢᠭᠤᠯᠵᠤ᠂ ᠠᠰᠢᠭ ᠣᠷᠣᠯᠭᠠ | ᠰᠠᠶᠢᠲᠠᠢ ᠬᠡᠳᠦᠨ ᠵᠢᠯ ᠢ ᠥᠩᠭᠡᠷᠡᠭᠡᠭᠰᠡᠨ ᠠᠵᠢ᠃ ᠲᠡᠶᠢᠨᠬᠦ 2019 ᠣᠨ ᠳᠤ ᠠᠯᠠᠱᠠ ᠨᠤᠲᠤᠭ ᠲᠠᠭᠠᠨ ᠬᠠᠷᠢᠵᠤ | ᠴᠠᠭᠠᠯᠠᠬᠤ ᠲᠠᠰᠢᠷᠠᠮ ᠳᠤ ᠬᠢᠵᠢᠭ ᠤᠨ ᠬᠥᠯ ᠬᠤᠷᠢᠭᠠ ᠪᠣᠯᠤᠭᠰᠠᠨ ᠠᠴᠠ ᠣᠳᠣ ᠪᠤᠯᠳᠠᠯᠠ ᠳᠠᠭᠢᠵᠣ ᠶᠠᠫᠤᠨ | ᠤᠯᠤᠰ ᠲᠤ ᠪᠤᠴᠠᠭᠰᠠᠨ ᠦᠭᠡᠢ ᠪᠠᠶᠢᠵᠠᠢ᠃ ᠬᠥᠮᠥᠨ ᠤ ᠭᠠᠵᠠᠷ ᠬᠥᠨᠳᠡᠯᠡᠨ ᠤ ᠨᠤᠲᠤᠭ ᠲᠤ ᠬᠠᠯᠠ ᠦᠵᠡᠵᠦ | ᠬᠠᠯᠠᠭᠤᠨ ᠴᠢᠯᠠᠭᠤ ᠳᠣᠯᠢᠶᠠᠵᠤ ᠶᠠᠪᠤᠭᠰᠠᠨ ᠬᠦᠴᠢᠷ ᠵᠤᠪᠠᠯᠠᠩ ᠢ ᠭᠠᠳᠠᠮᠠᠶᠢᠷᠠᠨ ᠠᠨᠳᠠᠬᠤ ᠦᠭᠡᠢ ᠮᠡᠳᠡᠨᠡ᠂ | ᠳᠡᠭᠡᠭᠦ ᠪᠠᠷ ᠠᠵᠢᠯ ᠳᠠᠭᠠᠨ ᠭᠠᠷᠮᠠᠭᠠᠢ ᠳᠠᠳᠮᠠᠭᠠᠢ ᠪᠣᠯᠵᠤ᠂ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠᠨ ᠳᠤ ᠴᠢᠳᠠᠮᠠᠭᠠᠢ | ᠪᠣᠯᠴᠢᠬᠠᠭᠰᠠᠨ ᠨᠢ ᠢᠯᠡᠷᠬᠡᠢ ᠪᠠᠶᠢᠯᠠ᠃ | ᠡᠳᠡᠭᠡᠷ ᠵᠢᠯ ᠤᠳ ᠲᠤ ᠭᠠᠳᠠᠮᠠᠶᠢᠷᠠᠨ ᠬᠥᠳᠡᠭᠡ ᠨᠤᠲᠤᠭ ᠲᠠᠭᠠᠨ ᠪᠤᠴᠠᠨ ᠢᠷᠡᠵᠣ᠂ ᠲᠡᠮᠡᠭᠡ ᠮᠠᠯ ᠢᠶᠠᠨ | ᠠᠬᠤᠶᠢᠯᠠᠨ ᠡᠵᠢ ᠳᠡᠭᠡᠨ ᠳᠡᠮ ᠲᠤᠰᠠ ᠪᠣᠯᠵᠤ ᠶᠠᠪᠤᠵᠠᠢ᠃ ᠬᠦᠦ ᠪᠠᠨ ᠰᠠᠨᠠᠵᠤ ᠰᠠᠷᠪᠠᠶᠢᠳᠠᠭ ᠨᠢ ᠡᠵᠢ ᠬᠥᠮᠥᠨ ᠯᠠ | ᠳ᠋ᠡ᠂ ᠬᠦᠦ ᠪᠠᠨ ᠬᠠᠷᠢ ᠤᠯᠤᠰ ᠲᠤ ᠶᠠᠪᠤᠭᠤᠯᠬᠤ ᠦᠭᠡᠢ ᠭᠡᠰᠡᠨ ᠡᠵᠢ ᠶᠢᠨ ᠢᠶᠠᠨ ᠰᠡᠳᠬᠢᠯ ᠢ ᠭᠦᠨᠳᠡᠵᠣ ᠴᠢᠳᠠᠭᠠ | ᠦᠭᠡᠢ ᠳᠡᠷᠠ ᠡᠵᠢ ᠶᠢᠨ ᠢᠶᠠᠨ ᠠᠶᠠ ᠪᠠᠷ ᠲᠡᠮᠡᠭᠡ ᠮᠠᠯ ᠢᠶᠠᠨ ᠮᠠᠯᠯᠠᠬᠰᠬᠠᠷ ᠶᠠᠪᠤᠵᠠᠢ᠃ ᠵᠦᠭᠡᠷ ᠰᠠᠭᠤᠬᠤ ᠪᠠᠷ | ᠵᠦᠯᠭᠦᠵᠦ ᠰᠠᠭᠤᠪᠠᠯ ᠳᠡᠭᠡᠷᠡ ᠪᠠᠶᠢᠬᠠ᠂ ᠶᠠᠭᠤ ᠨᠢᠭᠡ ᠶᠢ ᠭᠢᠶᠡ ᠭᠡᠰᠡᠨ ᠪᠤᠳᠣᠯ ᠳᠠᠭᠠᠨ ᠲᠠᠲᠠᠭᠳᠠᠨ ᠭᠠᠳᠠᠮᠠᠶᠢᠷᠠᠨ | ᠪᠠᠶᠠᠨᠬᠤᠲᠠ ᠶᠢᠨ ᠬᠤᠭᠤᠯᠠᠨ ᠭᠡᠷ ᠤᠳ ᠲᠤ ᠪᠠᠶᠢᠴᠠᠭᠠᠯᠲᠠ ᠬᠢᠵᠦ᠂ ᠣᠷᠣᠨ ᠨᠤᠲᠤᠭ ᠤᠨ ᠣᠨᠴᠠᠯᠢᠭ ᠲᠠᠢ᠂ ᠡᠷᠡᠭᠦᠯ | ᠬᠤᠭᠤᠯᠠ ᠵᠠᠭᠤᠰᠢ ᠪᠠᠨ ᠪᠡᠯᠡᠳᠬᠡᠵᠦ᠂ ᠬᠥᠮᠥᠨ ᠣᠯᠠᠨᠲᠠᠢ ᠵᠡᠭᠡᠯᠢ ᠶᠢᠨ ᠬᠠᠵᠠᠭᠤ ᠳᠤ ᠬᠤᠭᠤᠯᠠᠨ ᠭᠡᠷ ᠢᠶᠠᠨ | ᠪᠠᠶᠢᠷᠢᠰᠢᠭᠤᠯᠵᠠᠢ᠃ | ᠳᠡᠷᠡ ᠡᠷᠡᠭᠦᠯ ᠬᠤᠭᠤᠯᠠ ᠵᠠᠭᠤᠰᠢ ᠶᠢ ᠶᠠᠫᠤᠨ ᠤᠯᠤᠰ ᠲᠤ ᠠᠵᠢᠯᠯᠠᠵᠤ ᠠᠮᠢᠳᠤᠷᠠᠵᠤ ᠪᠠᠶᠢᠬᠤ ᠳᠠᠭᠠᠨ | ᠰᠣᠷᠣᠯᠴᠠᠬᠰᠠᠨ ᠠᠵᠢ᠃ ᠳᠡᠶᠢᠮᠣ ᠪᠣᠯᠬᠤᠷ ᠡᠳᠡᠭᠡᠷ ᠲᠣᠰᠣ ᠪᠠᠭᠠ ᠲᠠᠢ᠂ ᠡᠷᠡᠭᠦᠯ ᠵᠠᠭᠤᠰᠢ ᠨᠢ ᠲᠡᠭᠦᠨ ᠤ | ᠬᠠᠮᠤᠭ ᠤᠨ ᠬᠢᠵᠦ ᠴᠢᠳᠠᠬᠤ ᠭᠠᠷᠮᠠᠭᠠᠢ ᠠᠵᠢᠯ ᠨᠢ ᠪᠠᠶᠢᠭᠰᠠᠨ ᠳ᠋ᠠᠭ᠃ ᠴᠢᠨᠠᠭᠰᠠᠨ ᠬᠤᠨᠢᠨ ᠮᠢᠬᠠ᠂ ᠦᠬᠡᠷ ᠤᠨ | ᠮᠢᠬᠠ ᠲᠠᠢ ᠭᠤᠯᠢᠷ᠂ ᠪᠢᠲᠡᠭᠦᠦ ᠱᠥᠯᠥ ᠲᠠᠢ ᠪᠠᠩᠰᠢ ᠪᠣᠯᠣᠨ ᠰᠢᠷᠠ ᠲᠣᠰᠣ ᠲᠠᠢ ᠣᠷᠢᠶᠠᠮᠠᠭ᠂ ᠠᠮᠧᠷᠢᠺᠠ | ᠮᠠᠶ᠋ᠢᠭ ᠤᠨ ᠦᠬᠡᠷ ᠤᠨ ᠮᠢᠬᠠ ᠲᠠᠢ ᠬᠠᠮᠪᠦ᠋ᠷᠡᠭ᠂ ᠰᠡᠯᠡᠳ᠋ ᠨᠣᠭᠤᠭᠠ᠂ ᠬᠤᠨᠢᠨ ᠮᠢᠬᠠ ᠲᠠᠢ ᠭᠤᠯᠢᠷ ᠵᠡᠷᠭᠡ | ᠬᠤᠭᠤᠯᠠ ᠵᠠᠭᠤᠰᠢ ᠶᠢ ᠬᠢᠵᠦ ᠬᠥᠮᠥᠰ ᠤᠨ ᠲᠠᠭᠠᠰᠢᠶᠠᠯ ᠳᠤ ᠬᠦᠷᠴᠦ ᠪᠠᠶᠢᠨᠠ᠃ ︽ᠣᠷᠴᠢᠮᠬᠠᠨ ᠰᠢᠨᠡ ᠪᠠᠷ ᠨᠢᠭᠡ | ᠢᠵᠢ 198 ᠲᠥᠭᠦᠷᠢᠭ ᠤᠨ ᠭᠤᠷᠪᠠ ᠠᠴᠠ ᠲᠥᠷᠪᠠᠨ ᠬᠥᠮᠥᠨ ᠢᠳᠡᠵᠦ ᠭᠦᠢᠴᠡᠬᠦ ᠵᠠᠭᠤᠰᠢ ᠶᠢ ᠭᠠᠷᠭᠠᠵᠠᠢ᠂ | ᠳᠣᠲᠣᠷᠠ ᠨᠢ ᠴᠢᠨᠠᠭᠰᠠᠨ ᠬᠤᠨᠢᠨ ᠮᠢᠬᠠ᠂ ᠲᠥᠮᠥᠰᠥ᠂ ᠠᠮᠲᠠᠲᠤ ᠲᠥᠮᠥᠰᠥ᠂ ᠰᠢᠷᠠᠭᠰᠠᠨ ᠪᠤᠭᠤᠷᠰᠤᠭ᠂ | ᠱᠥᠭᠦᠷᠮᠡᠭ᠂ ᠰᠡᠯᠡᠳ᠋ ᠨᠣᠭᠤᠭᠠ᠂ 10 ᠪᠠᠩᠰᠢ ᠲᠠᠢ᠂ ᠡᠨᠡ ᠨᠢ ᠬᠠᠷᠢᠨ ᠬᠥᠮᠥᠰ ᠲᠤ ᠣᠨᠴᠠᠭᠠᠢ ᠲᠠᠭᠠᠯᠠᠭᠳᠠᠵᠤ | ᠪᠠᠶᠢᠨᠠ︾ ᠭᠡᠵᠦ ᠭᠠᠳᠠᠮᠠᠶᠢᠷᠠᠨ ᠶᠠᠷᠢᠨᠠ᠃ | ᠭᠠᠳᠠᠮᠠᠶᠢᠷᠠᠨ ᠠᠵᠢᠯ ᠳᠠᠭᠠᠨ ᠭᠠᠷᠮᠠᠭᠠᠢ ᠬᠤᠷᠳᠤᠨ ᠬᠥᠮᠥᠨ ᠪᠠᠶᠢᠯᠠ᠃ ᠴᠣᠬᠤᠮ ︽ᠶᠠᠫᠤᠨ ᠬᠤᠷᠳᠤᠴᠠ︾ | ᠪᠠᠷ ᠠᠵᠢᠯᠯᠠᠨ᠂ ᠬᠥᠮᠥᠰ ᠢ ᠤᠳᠠᠭᠠᠨ ᠬᠦᠯᠢᠶᠡᠯᠭᠡᠬᠦ ᠠᠴᠠ ᠬᠡᠷᠰᠡᠦᠯᠡᠨ᠂ ᠴᠡᠪᠡᠷ ᠨᠠᠷᠢᠯᠢᠭ ᠢᠶᠠᠷ ᠭᠠᠯ ᠲᠣᠭᠤᠭᠠᠨ ᠤ | ᠠᠵᠢᠯ ᠳᠠᠭᠠᠨ ᠳᠠᠳᠮᠠᠭᠠᠢ ᠠᠵᠢᠯᠯᠠᠵᠤ᠂ ᠬᠤᠭᠤᠯᠠ ᠵᠠᠭᠤᠰᠢ ᠶᠢ ᠥᠪᠡᠷ ᠢᠶᠠᠨ ᠪᠠᠵᠠᠭᠠᠨ᠂ ᠠᠮᠲᠠᠲᠠᠢ ᠰᠠᠶᠢᠬᠠᠨ | ᠬᠢᠳᠡᠭ ᠮᠥᠷᠲᠡᠭᠡᠨ ᠬᠥᠮᠥᠰ ᠤᠨ ᠰᠠᠨᠠᠭᠠᠨ ᠳᠤ ᠲᠣᠬᠢᠷᠠᠭᠰᠠᠨ ᠡᠷᠡᠭᠦᠯ ᠬᠤᠭᠤᠯᠠ ᠶᠢ ᠭᠠᠷᠭᠠᠳᠠᠭ᠃ ︽ᠬᠤᠭᠤᠯᠠᠨ | ᠭᠡᠷ ᠤᠨ ᠢᠶᠠᠨ ᠬᠤᠨᠢᠨ ᠮᠢᠬᠠ᠂ ᠦᠬᠡᠷ ᠤᠨ ᠮᠢᠬᠠ ᠪᠠᠨ ᠣᠯᠠᠨᠪᠤᠯᠠᠭ ᠲᠤ ᠰᠠᠭᠤᠭᠠ ᠡᠭᠡᠴᠢ ᠶᠢᠨ ᠢᠶᠠᠨ | ᠬᠤᠲᠠᠨ ᠠᠴᠠ ᠠᠪᠴᠢᠷᠠᠳᠠᠭ ᠪᠣᠯᠬᠤᠷ ᠮᠢᠬᠠ ᠨᠢ ᠴᠣᠯ ᠪᠠᠶᠢᠭᠠᠯᠢᠯᠢᠭ ᠶᠤᠮ᠃ ᠮᠢᠨᠤ ᠬᠠᠮᠤᠭ ᠠᠴᠠ ᠪᠠᠷᠢᠮᠲᠠᠯᠠᠳᠠᠭ | ᠨᠢ ᠮᠢᠬᠠᠨ ᠤ ᠴᠢᠨᠠᠷ ᠴᠢᠨᠰᠠᠭᠠ ᠶᠢ ᠪᠠᠲᠤᠯᠠᠬᠤ ᠶᠠᠪᠤᠳᠠᠯ ᠪᠣᠯᠣᠨᠠ᠃ ᠢᠩᠭᠢᠵᠦ ᠬᠢᠭᠰᠡᠨ ᠠᠴᠠ ᠬᠤᠭᠤᠯᠠᠨ ᠭᠡᠷ ᠢᠶᠠᠨ | ᠠᠩᠬᠠ ᠨᠡᠭᠡᠭᠡᠭᠰᠡᠨ ᠠᠴᠠ ᠨᠢᠭᠡ ᠬᠤᠶᠠᠷ ᠬᠥᠮᠥᠨ ᠢᠷᠡᠳᠡᠭ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠬᠥᠮᠥᠰ ᠤᠯᠠᠮ ᠣᠯᠠᠰᠢᠷᠠᠵᠤ᠂ | ᠨᠢᠭᠡ ᠰᠠᠷᠠ ᠶᠢᠨ ᠳᠣᠲᠣᠷᠠ ᠬᠤᠭᠤᠯᠠᠨ ᠭᠡᠷ ᠤᠨ ᠢᠶᠠᠨ ᠨᠢᠭᠡ ᠵᠢᠯ ᠤᠨ ᠲᠦᠷᠢᠶᠡᠰᠦᠨ ᠮᠥᠩᠭᠦ ᠪᠠᠨ ᠣᠯᠣᠭᠠᠳ | ᠢᠷᠡᠴᠢᠬᠡᠭᠰᠡᠨ᠂ ᠣᠳᠣ ᠤᠷᠤᠯᠭᠠ ᠭᠠᠶᠢᠭᠤᠢ ᠰᠠᠶᠢᠨ ᠪᠠᠶᠢᠨᠠ︾ ᠭᠡᠵᠦ ᠭᠠᠳᠠᠮᠠᠶᠢᠷᠠᠨ ᠢᠨᠢᠶᠡᠮᠰᠦᠭᠯᠡᠨ ᠶᠠᠷᠢᠨᠠ᠃ | ︽ᠡᠨᠡ ᠵᠢᠵᠢᠭ ᠬᠤᠭᠤᠯᠠᠨ ᠭᠡᠷ ᠲᠤ ᠦᠷᠭᠦᠯᠵᠢ ᠢᠷᠡᠳᠡᠭ᠂ ᠬᠤᠭᠤᠯᠠ ᠵᠠᠭᠤᠰᠢ ᠨᠢ ᠮᠠᠰᠢ ᠠᠮᠲᠠᠲᠠᠢ᠂ | ᠭᠠᠳᠠᠭᠠᠳᠤ ᠶᠢᠨ ᠮᠠᠶ᠋ᠢᠭ ᠤᠨ ᠵᠠᠭᠤᠰᠢ ᠨᠢ ᠨᠠᠳᠠ ᠳᠤ ᠰᠠᠶᠢᠬᠠᠨ ᠰᠠᠨᠠᠭᠳᠠᠯᠠ᠃ ᠪᠢᠳᠠᠨ ᠳᠤ ᠶᠡᠭᠡ ᠲᠣᠬᠢᠷᠠᠭᠰᠠᠨ | ᠬᠤᠭᠤᠯᠠ ᠵᠠᠭᠤᠰᠢ ᠪᠠᠶᠢᠨᠠ᠂ ᠦᠨᠡ ᠬᠠᠩᠰᠢ ᠨᠢ ᠬᠠᠷᠢᠴᠠᠩᠭᠤᠢ ᠪᠠᠷ ᠬᠢᠮᠳᠠ ᠪᠠᠶᠢᠳᠠᠭ᠂ ᠳᠥᠷᠪᠡ ᠲᠠᠪᠤᠭᠤᠯᠠ | ᠢᠷᠡᠵᠣ ᠢᠳᠡᠬᠦ ᠳᠤ ᠶᠠᠭ ᠲᠣᠬᠢᠷᠠᠮᠵᠢᠲᠠᠢ︾ ᠭᠡᠵᠦ ᠠᠯᠲᠠᠨᠲᠤᠶᠠᠭᠠ ᠶᠠᠷᠢᠨᠠ᠃ |