| | ᠭᠠᠭ᠋ᠠᠢ ᠶᠢᠨ ᠮᠢᠬᠠᠨ ᠴᠢᠯᠠᠭᠤ ᠨᠢ ᠪᠠᠶᠢᠭᠠᠯᠢ ᠶᠢᠨ ᠮᠠᠨᠤ ᠴᠢᠯᠠᠭᠤ ᠪᠥᠭᠡᠳ ᠥᠪᠥᠷ ᠮᠣᠩᠭᠤᠯ ᠤᠨ ᠠᠯᠠᠱᠠ | ᠵᠡᠭᠦᠨ ᠬᠤᠰᠢᠭᠤᠨ ᠠᠴᠠ ᠭᠠᠷᠤᠯᠲᠠᠢ ᠃ ᠡᠨᠡ ᠬᠦ ᠴᠢᠯᠠᠭᠤ ᠨᠢ ᠴᠢᠩ ᠭᠦᠷᠦᠨ ᠤ ᠡᠩᠬᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠤ | ᠦᠶᠡ ᠳᠤ ︵ 1697 ᠣᠨ ︶ ᠬᠠᠭᠠᠨ ᠤ ᠣᠷᠳᠣᠨ ᠳᠤ ᠡᠷᠭᠦᠵᠦ ᠪᠠᠶᠢᠭᠰᠠᠨ ᠪᠥᠭᠡᠳ ᠣᠳᠣ ᠪᠠᠷ ᠲᠠᠶᠢᠪᠧᠢ ᠳᠠᠬᠢ | ᠦᠨᠳᠦᠰᠦᠨ ᠤ ᠣᠷᠳᠣᠨ ᠤ ᠮᠦᠽᠧᠢ ᠳᠤ ᠬᠠᠳᠠᠭᠠᠯᠠᠭᠳᠠᠵᠤ ᠪᠠᠶᠢᠨᠠ ᠃ | ᠭᠠᠭ᠋ᠠᠢ ᠶᠢᠨ ᠮᠢᠬᠠᠨ ᠤ ᠬᠡᠯᠪᠡᠷᠢᠲᠡᠢ ᠴᠢᠯᠠᠭᠤᠨ ᠤ ᠥᠨᠳᠥᠷ ᠨᠢ 5.73 ᠰᠡᠨᠲ᠋ᠢᠮᠧᠲᠷ ᠂ ᠥᠷᠭᠡᠨ ᠨᠢ 6.6 | ᠰᠡᠨᠲ᠋ᠢᠮᠧᠲᠷ ᠂ ᠵᠤᠵᠠᠭᠠᠨ ᠨᠢ 5.3 ᠰᠡᠨᠲ᠋ᠢᠮᠧᠲᠷ ᠪᠥᠭᠡᠳ ᠮᠢᠬᠠᠯᠢᠭ ᠂ ᠲᠣᠳᠣ ᠪᠦᠲᠦᠴᠡ ᠲᠠᠢ ᠲᠤᠯᠠ ᠬᠠᠷᠠᠬᠤ ᠳᠤ | ᠠᠮᠲᠠᠲᠠᠢ ᠬᠠᠷᠠᠭᠳᠠᠳᠠᠭ ︽ᠭᠠᠭ᠋ᠠᠢ ᠶᠢᠨ ᠮᠢᠬᠠ ︾ ᠰᠢᠭ ᠪᠠᠶᠢᠳᠠᠭ ᠤᠴᠢᠷ ᠠᠴᠠ ᠡᠶᠢᠮᠦ ᠨᠡᠷᠡ ᠲᠠᠢ ᠪᠣᠯᠵᠠᠢ ᠃ ᠡᠨᠡ | ᠬᠦ ᠴᠢᠯᠠᠭᠤ ᠨᠢ ᠮᠠᠨ ᠤ ᠤᠯᠤᠰ ᠤᠨ ᠳᠥᠷᠪᠡᠨ ᠭᠠᠶᠢᠬᠠᠮᠰᠢᠭᠲᠤ ᠴᠢᠯᠠᠭᠤᠨ ᠤ ᠨᠢᠭᠡ ᠲᠡᠳᠦᠢ ᠦᠭᠡᠢ ᠲᠠᠶᠢᠪᠧᠢ | ᠦᠨᠳᠦᠰᠦᠨ ᠤ ᠣᠷᠳᠣᠨ ᠤ ᠮᠦᠽᠧᠢ ᠶᠢᠨ ︽ᠭᠤᠷᠪᠠᠨ ᠭᠤᠣᠯ ᠦᠨᠡᠲᠦ ᠡᠳ᠋ᠯᠡᠯ ︾ ᠤᠨ ᠨᠢᠭᠡ ᠶᠤᠮ ᠃ | ᠭᠠᠭ᠋ᠠᠢ ᠶᠢᠨ ᠮᠢᠬᠠᠨ ᠴᠢᠯᠠᠭᠤ ᠨᠢ ᠬᠡᠳᠦᠨ ᠰᠠᠶᠠ ᠵᠢᠯ ᠤᠨ ᠡᠮᠦᠨᠡ ᠭᠠᠯᠲᠤ ᠠᠭᠤᠯᠠ ᠶᠢᠨ ᠳᠡᠯᠪᠡᠷᠡᠯᠲᠡ ᠶᠢᠨ | ᠦᠷᠡ ᠳ᠋ᠦᠩ ᠳᠤ ᠪᠤᠢ ᠪᠣᠯᠣᠭᠰᠠᠨ ᠴᠢᠯᠠᠭᠤᠯᠢᠭ ᠤᠨ ᠨᠢᠭᠡ ᠬᠡᠰᠡᠭ ᠪᠥᠭᠡᠳ ᠴᠠᠭ ᠬᠤᠭᠤᠴᠠᠭᠠᠨ ᠤ ᠶᠠᠪᠤᠴᠠ ᠳᠤ | ᠭᠠᠵᠠᠷ ᠵᠦᠢ ᠶᠢᠨ ᠥᠭᠡᠷᠡᠴᠢᠯᠡᠯᠲᠡ ᠂ ᠪᠠᠶᠢᠭᠠᠯᠢ ᠶᠢᠨ ᠨᠥᠯᠥᠭᠡᠨ ᠳᠤ ᠡᠯᠡᠭᠳᠡᠵᠦ ᠂ ᠭᠠᠶᠢᠬᠠᠮᠰᠢᠭᠲᠤ ᠮᠠᠨᠤ ᠴᠢᠯᠠᠭᠤ | ᠪᠣᠯᠣᠭᠰᠠᠨ ᠃ 1697 ᠣᠨ ᠳᠤ ᠠᠯᠠᠱᠠ ᠬᠤᠱᠣᠳ ᠬᠤᠰᠢᠭᠤ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠠᠴᠠ ᠬᠤᠶᠢᠰᠢ ᠴᠢᠩ | ᠭᠦᠷᠦᠨ ᠵᠢᠯ ᠪᠦᠷᠢ ᠶᠢᠨ ᠡᠪᠦᠯ ᠤᠨ ᠰᠡᠭᠦᠯᠴᠢ ᠪᠠᠷ ᠣᠷᠣᠨ ᠨᠤᠲᠤᠭ ᠠᠴᠠ ᠬᠠᠭᠠᠨ ᠤ ᠣᠷᠳᠣᠨ ᠳᠤ ᠦᠨᠡᠲᠦ | ᠴᠢᠯᠠᠭᠤ ᠂ ᠮᠠᠨᠤ ᠴᠢᠯᠠᠭᠤ ᠵᠡᠷᠭᠡ ᠶᠢ ᠡᠷᠭᠦᠬᠦ ᠡᠭᠦᠷᠭᠡ ᠲᠠᠢ ᠪᠠᠶᠢᠭᠰᠠᠨ ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠭᠠᠭ᠋ᠠᠢ ᠶᠢᠨ ᠮᠢᠬᠠᠨ | ᠴᠢᠯᠠᠭᠤ ᠶᠢ ᠬᠤᠶᠠᠳᠤᠭᠠᠷ ᠦᠶᠡ ᠶᠢᠨ ᠸᠠᠩ ᠠᠪᠤᠤ ᠨᠣᠶᠠᠨ ᠤ ᠣᠷᠳᠣᠨ ᠳᠤ ᠡᠷᠭᠦᠭᠰᠡᠨ ᠪᠥᠭᠡᠳ ᠨᠠᠶᠢᠷᠠᠯᠲᠤ ᠲᠥᠪ | ᠬᠠᠭᠠᠨ ᠤᠭ ᠴᠢᠯᠠᠭᠤ ᠶᠢ ᠦᠵᠡᠭᠡᠳ ᠶᠡᠬᠡᠳᠡ ᠲᠠᠭᠠᠯᠠᠭᠰᠠᠨ ᠲᠤᠯᠠ ᠠᠪᠤᠤ ᠨᠣᠶᠠᠨ ᠢ ᠶᠡᠭᠡ ᠪᠠᠷ ᠱᠠᠩᠨᠠᠵᠠᠢ ᠃ | 1925 ᠣᠨ ᠳᠤ ᠣᠷᠳᠣᠨ ᠤ ᠮᠦᠽᠧᠢ ᠶᠢ ᠪᠠᠶᠢᠭᠤᠯᠵᠤ ᠂ ᠲᠡᠨᠳᠡ ᠭᠠᠭ᠋ᠠᠢ ᠶᠢᠨ ᠮᠢᠬᠠᠨ ᠴᠢᠯᠠᠭᠤ ᠶᠢ | ᠨᠡᠶᠢᠲᠡ ᠳᠤ ᠦᠵᠡᠭᠦᠯᠬᠦ ᠪᠣᠯᠣᠮᠵᠢ ᠲᠠᠢ ᠪᠣᠯᠣᠭᠰᠠᠨ ᠃ | 1931 ᠣᠨ ᠳᠤ ᠶᠠᠫᠤᠨ ᠤ ᠡᠵᠡᠷᠬᠡᠭ ᠲᠦᠷᠢᠮᠡᠬᠡᠶᠢᠲᠡᠳ ᠮᠠᠨ ᠤ ᠤᠯᠤᠰ ᠤᠨ ᠤᠮᠠᠷᠠᠲᠤ ᠨᠤᠲᠤᠭ ᠤᠷᠤᠭᠤ | ᠳᠣᠪᠲᠣᠯᠵᠤ ᠡᠬᠢᠯᠡᠭᠰᠡᠨ ᠲᠤᠯᠠ ᠣᠷᠳᠣᠨ ᠤ ᠮᠦᠽᠧᠢ ᠶᠢᠨ ᠳᠠᠷᠤᠭᠠ ᠭᠠᠭ᠋ᠠᠢ ᠶᠢᠨ ᠮᠢᠬᠠᠨ ᠴᠢᠯᠠᠭᠤ ᠪᠣᠯᠣᠨ | ᠪᠤᠰᠤᠳ ᠦᠨᠡᠲᠦ ᠡᠳ᠋ᠯᠡᠯ ᠢ ᠨᠠᠨᠵᠢᠩ ᠤᠷᠤᠭᠤ ᠰᠢᠯᠵᠢᠭᠦᠯᠦᠭᠰᠡᠨ ᠃ 1949 ᠣᠨ ᠳᠤ ᠭᠤᠮᠢᠨᠳᠠᠩ ᠤᠨ ᠵᠠᠰᠠᠭ ᠤᠨ | ᠭᠠᠵᠠᠷ 2979 ᠬᠠᠶᠢᠷᠴᠠᠭ ᠦᠨᠡᠲᠦ ᠡᠳ᠋ᠯᠡᠯ ᠂ ᠳᠤᠷᠠᠰᠬᠠᠯᠲᠤ ᠵᠦᠢᠯ ᠢ ᠲᠠᠶᠢᠸᠠᠨ ᠤᠷᠤᠭᠤ ᠨᠡᠭᠦᠯᠭᠡᠨ | ᠰᠢᠯᠵᠢᠭᠦᠯᠵᠦ ᠂ ᠲᠡᠳᠡᠭᠡᠷ ᠤᠨ ᠳᠤᠮᠳᠠ ᠭᠠᠭ᠋ᠠᠢ ᠶᠢᠨ ᠮᠢᠬᠠᠨ ᠴᠢᠯᠠᠭᠤ ᠶᠢ ᠰᠣᠩᠭᠤᠨ ᠶᠠᠪᠤᠭᠤᠯᠵᠠᠢ ᠃ | ᠢᠩᠭᠢᠭᠰᠡᠨ ᠢᠶᠠᠷ ᠭᠠᠭ᠋ᠠᠢ ᠶᠢᠨ ᠮᠢᠬᠠᠨ ᠴᠢᠯᠠᠭᠤ ᠨᠢ ᠲᠠᠶᠢᠸᠠᠨ ᠮᠤᠵᠢ ᠶᠢᠨ ᠲᠠᠶᠢᠪᠧᠢ ᠶᠢᠨ ᠮᠦᠽᠧᠢ ᠶᠢᠨ ︽ᠭᠤᠷᠪᠠᠨ | ᠭᠤᠣᠯ ᠦᠨᠡᠲᠦ ᠡᠳ᠋ᠯᠡᠯ ︾ ᠤᠨ ᠨᠢᠭᠡ ᠪᠣᠯᠵᠤ ᠂ ᠠᠯᠲᠠ ᠪᠠᠷ ᠤᠷᠠᠯᠠᠭᠰᠠᠨ ᠰᠠᠭᠤᠷᠢᠨ ᠳᠡᠭᠡᠷᠡ ᠲᠠᠯᠪᠢᠭᠳᠠᠨ ᠂ ᠣᠯᠠᠨ | ᠨᠡᠶᠢᠲᠡ ᠶᠢᠨ ᠬᠦᠷᠲᠡᠭᠡᠯ ᠪᠣᠯᠣᠭᠰᠠᠨ ᠪᠠᠶᠢᠨᠠ ᠃ | | | | | | | | | | |