| | | ● ᠰᠡᠴᠡᠨ᠂ ᠡᠷᠳᠡᠨᠢᠬᠦᠦ | | ︽ᠥᠨᠥᠳᠥᠷ ᠤᠨ ᠰᠡᠷᠢᠭᠦᠨ ᠨᠣᠭᠤᠭᠠ ᠵᠠᠬᠢᠶᠠᠯᠠᠭᠰᠠᠨ ᠬᠥᠮᠥᠨ ᠪᠣᠯ ᠮᠠᠨᠠᠶᠢᠬᠢ ᠠᠴᠠ ᠬᠤᠶᠠᠳᠠᠭᠢ | ᠤᠳᠠᠭᠠ ᠪᠠᠨ ᠨᠣᠭᠤᠭᠠ ᠵᠠᠬᠢᠶᠠᠯᠠᠵᠤ ᠪᠠᠶᠢᠭᠠ ᠬᠠᠭᠤᠴᠢᠨ ᠵᠣᠴᠢᠨ ᠰᠢᠤ︕ ᠬᠤᠶᠠᠷ ᠬᠡᠦᠬᠡᠳ ᠢᠶᠠᠨ ᠬᠠᠷᠠᠵᠤ | ᠬᠠᠷᠠᠭᠠᠯᠵᠠᠬᠤ ᠴᠢᠬᠤᠯᠠᠲᠠᠢ ᠨᠠᠳᠠᠳᠤ ᠡᠨᠡ ᠠᠵᠢᠯ ᠴᠢᠨᠢ ᠪᠤᠯᠬᠤ ᠯᠠ ᠶᠤᠮ ᠪᠠᠶᠢᠨᠠ︾ ᠭᠡᠵᠦ ᠠᠯᠲᠠᠨᠴᠡᠴᠡᠭ ᠤᠯᠠᠨ | ᠰᠠᠪᠠ ᠲᠠᠢ ᠰᠡᠷᠢᠭᠦᠨ ᠨᠣᠭᠤᠭᠠ ᠳᠠᠭᠠᠨ ᠠᠮᠲᠠ ᠲᠠᠭᠠᠷᠠᠭᠤᠯᠵᠦ ᠶᠠᠭᠠᠷᠠᠬᠤ ᠵᠠᠭᠤᠷᠠ ᠰᠣᠷᠪᠤᠯᠵᠢᠯᠠᠭᠠ ᠬᠦᠯᠢᠶᠡᠯᠡ᠃ | | ᠣᠶᠢᠷᠠ ᠶᠢᠨ ᠡᠳᠦᠷ᠂ ᠸᠢᠴᠠᠲ ᠤᠨ ᠨᠠᠶᠢᠵᠠ ᠶᠢᠨ ᠲᠣᠭᠤᠷᠢᠭ ᠲᠤ ︽ᠰᠡᠷᠢᠭᠦᠨ ᠨᠣᠭᠤᠭᠠ ᠬᠢᠬᠦ | ᠦᠢᠯᠡᠴᠢᠯᠡᠭᠡ ᠬᠠᠩᠭᠠᠨᠠ᠃ ᠠᠮᠲᠠ ᠰᠢᠮᠳᠠ ᠨᠢ ᠰᠠᠶᠢᠨ᠂ ᠦᠨᠡ ᠬᠠᠩᠰᠢ ᠨᠢ ᠲᠣᠬᠢᠷᠠᠮᠵᠢᠲᠠᠢ᠂ ᠠᠷᠢᠭᠤᠨ ᠴᠡᠪᠡᠷ᠂ | ᠡᠯᠳᠡᠪ ᠤᠨ ᠠᠮᠲᠠᠯᠠᠭᠴᠢ ᠬᠤᠯᠢᠬᠤ ᠦᠭᠡᠢ︾ ᠭᠡᠰᠡᠨ ᠵᠠᠷ ᠮᠡᠳᠡᠭᠡ ᠶᠢ ᠣᠯᠵᠤ ᠬᠠᠷᠠᠭᠠᠳ ᠪᠠᠶᠠᠨᠬᠤᠲᠠ | ᠪᠠᠯᠭᠠᠰᠤᠨ ᠳᠤ ᠰᠡᠷᠢᠭᠦᠨ ᠨᠣᠭᠤᠭᠠ ᠬᠢᠵᠦ ᠪᠣᠷᠣᠯᠠᠭᠤᠯᠵᠤ ᠪᠠᠶᠢᠬᠤ ᠮᠣᠩᠭᠤᠯ ᠪᠦᠰᠡᠭᠦᠢ ᠠᠯᠲᠠᠨᠴᠡᠴᠡᠭ ᠲᠠᠢ | ᠠᠭᠤᠯᠵᠠᠵᠤ ᠰᠣᠷᠪᠤᠯᠵᠢᠯᠠᠭᠠ ᠠᠪᠤᠭᠰᠠᠨ ᠨᠢ ᠡᠨᠡ᠃ ᠠᠯᠲᠠᠨᠴᠡᠴᠡᠭ ᠪᠣᠯ ᠠᠯᠠᠱᠠ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ | ᠪᠠᠶᠠᠨᠭᠤᠣᠯ ᠰᠤᠮᠤᠨ ᠤ ᠬᠥᠮᠥᠨ᠃ 2022 ᠣᠨ ᠳᠤ ᠬᠤᠶᠠᠷ ᠬᠡᠦᠬᠡᠳ ᠲᠡᠭᠡᠨ ᠨᠡᠩ ᠰᠠᠶᠢᠨ ᠰᠤᠷᠭᠠᠨ ᠬᠥᠮᠦᠵᠢᠯ | ᠭᠦᠷᠳᠡᠭᠦ ᠨᠥᠬᠦᠴᠡᠯ ᠪᠦᠷᠢᠳᠦᠭᠦᠯᠬᠦ ᠪᠠᠷ ᠡᠷᠡ ᠨᠥᠬᠦᠷ ᠲᠠᠢ ᠪᠠᠨ ᠬᠠᠮᠲᠤ ᠪᠦᠬᠦᠯᠢ ᠠᠷᠪᠠᠨ ᠵᠢᠯ ᠬᠢᠭᠰᠡᠨ | ᠬᠤᠪᠢ ᠶᠢᠨ ᠠᠵᠤ ᠠᠬᠤᠶᠢᠯᠠᠯ ᠤᠨ ᠠᠵᠢᠯ ᠢᠶᠠᠨ ᠤᠷᠭᠢᠭᠠᠳ ᠪᠠᠶᠠᠨᠬᠤᠲᠠ ᠶᠢ ᠵᠣᠷᠢᠵᠤ ᠢᠷᠡᠭᠰᠡᠨ ᠨᠢ ᠡᠨᠡ | ᠠᠶᠢᠯ ᠤᠨ ᠬᠢᠨ ᠤ ᠬᠤᠯᠠᠴᠢ ᠪᠤᠳᠤᠯ ᠠᠵᠢ᠃ | ᠬᠥᠮᠥᠨ ᠥᠪᠡᠷ ᠤᠨ ᠲᠣᠭᠲᠠᠭᠰᠠᠨ ᠠᠮᠢᠳᠤᠷᠠᠯ ᠤᠨ ᠭᠡᠯᠪᠡᠷᠢ ᠪᠠᠨ ᠬᠤᠪᠢᠷᠠᠭᠤᠯᠬᠤ ᠳᠤ ᠠᠮᠠᠷ ᠴᠤ | ᠰᠢᠨᠡ ᠠᠮᠢᠳᠤᠷᠠᠯ ᠢᠶᠠᠨ ᠡᠬᠢᠯᠡᠭᠦᠯᠵᠦ ᠲᠠᠭᠢᠨ ᠠᠵᠢᠯ ᠡᠷᠢᠵᠦ ᠦᠢᠯᠡᠰ ᠪᠣᠰᠬᠠᠨᠠ ᠭᠡᠭᠴᠢ ᠲᠡᠶᠢᠮᠤ ᠠᠮᠠᠷ ᠪᠠᠶᠢᠬᠤ | ᠦᠭᠡᠢ᠃ ᠠᠯᠲᠠᠨᠴᠡᠴᠡᠭ ᠤᠤᠯ ᠨᠢ ᠠᠵᠤ ᠠᠬᠤᠶᠢᠯᠠᠯ ᠳᠤ ᠲᠤᠭᠠ ᠪᠦᠷᠢᠳᠬᠡᠯ ᠤᠨ ᠠᠵᠢᠯ ᠬᠢᠵᠦ᠂ ᠠᠯᠪᠠᠨ ᠤ | ᠰᠢᠷᠡᠭᠡ ᠡᠯᠢᠭᠡᠳᠡᠵᠦ ᠴᠠᠯᠢᠩ ᠬᠥᠯᠥᠰᠦ ᠬᠠᠩᠭᠠᠮᠵᠢᠲᠠᠢ ᠰᠠᠶᠢᠨ ᠪᠠᠶᠢᠭᠰᠠᠨ ᠪᠤᠯᠪᠠᠴᠦ ᠬᠤᠶᠠᠷ ᠬᠡᠦᠬᠡᠳ ᠢᠶᠠᠨ ᠨᠡᠩ | ᠰᠠᠶᠢᠨ ᠬᠠᠷᠠᠭᠠᠯᠵᠠᠶᠠ ᠭᠡᠪᠡᠯ ᠭᠠᠳᠠᠭᠰᠢ ᠭᠠᠷᠴᠤ ᠵᠠᠪᠰᠢᠶᠠᠨ ᠡᠷᠢᠵᠦ᠂ ᠠᠮᠤᠷ ᠲᠠᠶᠢᠪᠤᠩ ᠠᠮᠢᠳᠤᠷᠠᠯ ᠢᠶᠠᠨ | ᠲᠠᠶᠠᠭᠳᠠᠬᠤ ᠯᠡ ᠴᠢᠬᠤᠯᠠᠲᠠᠢ᠃ ᠤᠴᠢᠷ ᠨᠢ ᠦᠷᠡ ᠬᠡᠦᠬᠡᠳ ᠢᠶᠠᠨ ᠬᠠᠶᠢᠷᠠ ᠬᠠᠯᠠᠮᠵᠢ ᠪᠠᠷ ᠳᠤᠲᠠᠭᠤᠯᠬᠤ ᠦᠭᠡᠢ᠂ | ᠬᠢᠴᠢᠶᠡᠯ ᠰᠤᠷᠤᠯᠭᠠ ᠶᠢ ᠨᠢ ᠣᠰᠣᠯᠳᠠᠭᠤᠯᠬᠤ ᠦᠭᠡᠢ᠂ ᠪᠡᠶᠡ ᠡᠷᠡᠭᠦᠯ ᠤᠬᠠᠭᠠᠨ ᠰᠠᠷᠠᠭᠤᠯ ᠬᠥᠮᠥᠨ ᠤ ᠵᠡᠷᠭᠡ ᠳᠤ | ᠬᠦᠷᠭᠡᠬᠦ ᠪᠣᠯ ᠠᠪᠤ ᠡᠵᠢ ᠪᠣᠯᠣᠭᠰᠠᠳ ᠤᠨ ᠬᠠᠮᠤᠭ ᠤᠨ ᠶᠡᠭᠡ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠪᠢᠯᠡ᠃ ᠨᠢᠭᠡ ᠭᠡᠷ ᠤᠨ | ᠬᠤᠶᠠᠭᠤᠯᠠ ᠪᠠᠨ ᠵᠥᠪᠳᠡᠯᠴᠡᠭᠰᠡᠨ ᠤ ᠡᠴᠦᠰ ᠲᠤ ᠡᠷᠡ ᠨᠥᠬᠦᠷ ᠨᠢ ᠭᠠᠳᠠᠭᠰᠢ ᠭᠠᠷᠴᠤ ᠠᠵᠢᠯᠯᠠᠬᠤ ᠪᠠᠷ ᠪᠣᠯᠵᠤ | ᠠᠯᠲᠠᠨᠴᠡᠴᠡᠭ ᠭᠡᠷ ᠬᠡᠦᠬᠡᠳ ᠢᠶᠠᠨ ᠳᠣᠳᠣᠮᠳᠠᠬᠤ ᠪᠣᠯᠣᠯᠠ᠃ ᠭᠡᠬᠦ ᠳᠤ ᠠᠯᠲᠠᠨᠴᠡᠴᠡᠭ ᠤᠤᠯ ᠠᠴᠠ ᠪᠠᠨ ᠵᠦᠭᠡᠷ | ᠰᠠᠭᠤᠵᠤ ᠴᠢᠳᠠᠳᠠᠭ ᠦᠭᠡᠢ ᠬᠥᠮᠥᠨ ᠪᠣᠯᠬᠤᠷ ︽ᠶᠠᠮᠠᠷ ᠠᠵᠢᠯ ᠭᠢᠶᠡ︖︾ ᠭᠡᠵᠦ ᠤᠯᠠᠨ ᠬᠤᠨᠤᠭ ᠪᠤᠳᠤᠯ | ᠪᠣᠯᠵᠠᠢ᠃ ᠴᠠᠭᠠᠨ ᠰᠠᠷᠠ ᠪᠠᠷ ᠬᠠᠳᠠᠮ ᠤᠨ ᠳᠠᠭᠠᠨ ᠬᠦᠷᠴᠦ ᠬᠠᠳᠠᠮ ᠤᠨ ᠲᠠᠯᠠ ᠶᠢᠨ ᠠᠬᠠ ᠳᠡᠭᠦᠦ ᠣᠯᠠᠭᠤᠯᠠ ᠪᠠᠨ | ᠬᠠᠮᠲᠤ ᠴᠠᠭᠠᠯᠠᠬᠤ ᠳᠤ ᠠᠯᠲᠠᠨᠴᠡᠴᠡᠭ ᠨᠣᠭᠤᠭᠠ ᠵᠠᠭᠤᠰᠢ ᠪᠡᠯᠡᠳᠬᠡᠬᠦ ᠠᠵᠢᠯ ᠢ ᠳᠠᠭᠠᠭᠠᠵᠤ᠂ ᠲᠡᠭᠦᠨ ᠤ ᠬᠢᠭᠰᠡᠨ | ᠰᠡᠷᠢᠭᠦᠨ ᠨᠣᠭᠤᠭᠠ ᠨᠢ ᠭᠡᠷ ᠤᠨ ᠬᠥᠮᠥᠰ ᠤᠨ ᠮᠠᠭᠲᠠᠭᠠᠯ ᠰᠠᠶᠢᠰᠢᠶᠠᠯ ᠢ ᠣᠯᠣᠭᠰᠠᠨ ᠢᠶᠠᠷ ᠭᠡᠨᠡᠳᠲᠡ ︽ | ᠪᠠᠶᠠᠨᠬᠤᠲᠠ ᠳᠤ ᠰᠡᠷᠢᠭᠦᠨ ᠨᠣᠭᠤᠭᠠ ᠬᠢᠵᠦ ᠬᠤᠳᠠᠯᠳᠤᠪᠠᠯ ᠶᠠᠭᠠᠬᠢᠬᠤ ᠪᠣᠯ︖ ᠤᠳᠤ ᠶᠢᠨ ᠬᠥᠮᠥᠰ ᠠᠵᠢᠯ | ᠠᠮᠢᠳᠤᠷᠠᠯ ᠭᠡᠳ ᠪᠦᠷ ᠯᠡ ᠶᠠᠭᠠᠷᠠᠤ᠂ ᠭᠡᠷ ᠵᠠᠭᠤᠷᠠ ᠪᠠᠨ ᠬᠥᠮᠥᠨ ᠳᠠᠶᠢᠯᠠᠶᠠ ᠭᠡᠬᠦ ᠳᠤ ᠨᠣᠭᠤᠭᠠ ᠵᠠᠭᠤᠰᠢ | ᠪᠡᠯᠡᠳᠬᠡᠬᠦ ᠵᠠᠪ ᠴᠢᠯᠦᠭᠡ ᠪᠠᠶᠢᠬᠤ ᠦᠭᠡᠢ᠂ ᠲᠡᠷᠡ ᠠᠵᠢᠯ ᠢ ᠨᠢ ᠪᠢ ᠬᠢᠴᠢᠬᠡᠪᠡᠯ ᠬᠥᠮᠥᠰ ᠲᠤ ᠲᠦᠭᠦᠮ ᠳᠥᠲᠡ | ᠦᠢᠯᠡᠴᠢᠯᠡᠭᠡ ᠬᠠᠩᠭᠠᠵᠤ ᠴᠢᠳᠠᠬᠤ ᠮᠥᠷᠲᠡᠭᠡᠨ ᠥᠪᠡᠷ ᠲᠡᠭᠡᠨ ᠴᠤ ᠪᠠᠭᠠ ᠰᠠᠭᠠ ᠤᠷᠤᠯᠭᠠ ᠣᠯᠵᠤ ᠪᠣᠯᠣᠨᠠ᠃ | ᠬᠡᠦᠬᠡᠳ ᠲᠤᠰᠴᠦ ᠬᠦᠷᠭᠡᠬᠦ ᠴᠠᠭ ᠢ ᠴᠤ ᠰᠠᠭᠠᠲᠠᠭᠠᠬᠤ ᠦᠭᠡᠢ ᠁︾ ᠭᠡᠰᠡᠨ ᠪᠤᠳᠤᠯ ᠰᠠᠨᠠᠭᠠᠨ ᠳᠤᠨᠢ | ᠤᠷᠭᠤᠯᠠ᠃ ᠢᠩᠭᠢᠭᠡᠳ ᠯᠠ ᠡᠷᠡ ᠨᠥᠬᠦᠷ ᠪᠠ ᠨᠠᠶᠢᠵᠠ ᠨᠥᠬᠦᠳ ᠤᠨ ᠢᠶᠠᠨ ᠳᠡᠮᠵᠢᠯᠭᠡ ᠪᠠᠷ ᠭᠡᠷ ᠲᠡᠭᠡᠨ ᠰᠡᠷᠢᠭᠦᠨ | ᠨᠣᠭᠤᠭᠠ ᠬᠢᠵᠦ ᠬᠤᠳᠠᠯᠳᠤᠬᠤ ᠪᠠᠷ ᠪᠣᠯᠵᠠᠢ᠃ | ᠠᠯᠲᠠᠨᠴᠡᠴᠡᠭ ᠤᠤᠯ ᠠᠴᠠ ᠪᠠᠨ ᠭᠠᠯ ᠲᠣᠭᠤᠭᠠᠨ ᠤ ᠠᠵᠢᠯ ᠳᠤ ᠭᠠᠶᠢᠭᠤᠢ ᠳᠡᠮᠲᠡᠢ᠃ ᠭᠡᠷ | ᠵᠠᠭᠤᠷᠠ ᠪᠠᠨ ᠬᠡᠳᠦᠨ ᠨᠣᠭᠤᠭᠠ ᠵᠠᠭᠤᠰᠢ ᠪᠡᠯᠡᠳᠬᠡᠵᠦ ᠵᠣᠴᠢᠨ ᠢᠶᠠᠨ ᠳᠠᠶᠢᠯᠠᠴᠢᠬᠠᠬᠤ ᠳᠤ ᠠᠯᠵᠢᠳᠠᠭ ᠦᠭᠡᠢ | ᠤᠴᠢᠷ ᠠᠴᠠ ᠥᠨᠥ ᠵᠢᠯ ᠤᠨ ᠰᠢᠨᠡ ᠰᠤᠷᠤᠯᠭᠠ ᠶᠢᠨ ᠬᠤᠭᠤᠴᠠᠭᠠ ᠡᠬᠢᠯᠡᠮᠡᠭᠴᠡ ᠪᠤᠳᠤᠵᠦ ᠪᠠᠶᠢᠭᠰᠠᠨ ᠠᠵᠢᠯ ᠢᠶᠠᠨ | ᠡᠬᠢᠯᠡᠭᠦᠯᠵᠡᠢ᠃ ︽ᠰᠡᠷᠢᠭᠦᠨ ᠨᠣᠭᠤᠭᠠ ᠬᠢᠭᠡᠳ ᠬᠠᠭᠠᠰ ᠰᠠᠷᠠ ᠪᠣᠯᠵᠤ ᠠᠷᠪᠠᠭᠠᠳ ᠬᠥᠮᠥᠨ ᠤ ᠵᠠᠬᠢᠶᠠᠯᠠᠭᠠ | ᠲᠤᠰᠤᠨ ᠮᠢᠩᠭᠠᠭᠠᠳ ᠲᠥᠭᠦᠷᠢᠭ ᠤᠨ ᠤᠷᠤᠯᠭᠠ ᠡᠭᠦᠳᠦᠯᠡ᠃ ᠪᠢ ᠰᠡᠷᠢᠭᠦᠨ ᠨᠣᠭᠤᠭᠠ ᠬᠢᠬᠦ ᠳᠡᠭᠡᠨ ᠠᠮᠲᠠᠨ ᠤ | ᠤᠭᠢ ᠮᠡᠲᠦ ᠶᠢᠨ ᠠᠮᠲᠠ ᠣᠷᠣᠭᠤᠯᠤᠭᠴᠢ ᠲᠠᠭ ᠬᠢᠳᠡᠭ ᠦᠭᠡᠢ ᠤᠴᠢᠷ ᠠᠴᠠ ᠢᠳᠡᠵᠦ ᠥᠩᠭᠡᠷᠡᠭᠰᠡᠨ ᠬᠥᠮᠥᠰ | ᠶᠡᠭᠡ ᠳᠤᠷᠠᠲᠠᠢ᠂ ᠬᠡᠮᠵᠢᠶᠡ ᠨᠢ ᠴᠤ ᠶᠡᠭᠡ ᠪᠠᠶᠢᠨᠠ ᠭᠡᠵᠦ ᠬᠤᠶᠠᠷ ᠭᠤᠷᠪᠠᠨ ᠬᠥᠮᠥᠨ ᠶᠠᠷᠢᠬᠤ ᠶᠢ ᠰᠣᠨᠣᠰᠤᠯᠠ᠃ | ᠬᠡᠦᠬᠡᠳ ᠢᠶᠠᠨ ᠬᠠᠷᠠᠵᠤ ᠬᠠᠷᠠᠭᠠᠯᠵᠠᠬᠤ ᠶᠢᠨ ᠬᠠᠮᠲᠤ ᠪᠠᠭᠠ ᠰᠠᠭᠠ ᠤᠷᠤᠯᠭᠠ ᠣᠯᠵᠤ ᠠᠵᠤ ᠠᠮᠢᠳᠤᠷᠠᠯ ᠳᠠᠭᠠᠨ | ᠨᠡᠮᠡᠷᠢ ᠪᠤᠯᠭᠠᠵᠦ ᠪᠠᠶᠢᠭᠠ ᠶᠤᠮ ᠴᠢᠨᠢ ᠰᠡᠳᠬᠢᠯ ᠶᠡᠭᠡ ᠬᠠᠨᠤᠮᠵᠢᠳᠠᠢ ᠪᠠᠶᠢᠨᠠ︾ ᠭᠡᠵᠦ ᠠᠯᠲᠠᠨᠴᠡᠴᠡᠭ ᠶᠠᠷᠢᠨᠠ᠃ | ᠨᠣᠭᠤᠭᠠ ᠵᠠᠭᠤᠰᠢ ᠶᠢᠨ ᠲᠦᠷᠦᠯ ᠵᠦᠢᠯ ᠤᠯᠠᠨ ᠪᠣᠯ ᠵᠣᠴᠢᠳ ᠥᠪᠡᠷ ᠤᠨ ᠳᠤᠷᠠᠲᠠᠢ ᠨᠣᠭᠤᠭᠠ ᠵᠠᠭᠤᠰᠢ ᠪᠠᠨ | ᠰᠣᠩᠭᠤᠵᠤ ᠪᠣᠯᠣᠨᠠ᠃ ᠠᠯᠲᠠᠨᠴᠡᠴᠡᠭ ᠣᠳᠣᠬᠠᠨ ᠳᠤ ᠨᠡᠶᠢᠳᠡ ᠠᠷᠪᠠᠨ ᠬᠡᠳᠦᠨ ᠵᠦᠢᠯ ᠤᠨ ᠰᠡᠷᠢᠭᠦᠨ ᠨᠣᠭᠤᠭᠠ | ᠬᠢᠵᠦ ᠴᠢᠳᠠᠳᠠᠭ ᠪᠤᠯᠪᠠᠴᠦ ᠲᠢᠺ ᠲᠤᠺ ᠲᠠᠪᠴᠠᠩ ᠢ ᠠᠰᠢᠭᠯᠠᠨ ᠰᠢᠨᠡ ᠨᠣᠭᠤᠭᠠ ᠬᠢᠵᠦ ᠰᠤᠷᠬᠤ ᠪᠠᠷ ᠴᠢᠷᠮᠠᠶᠢᠵᠤ | ᠪᠤᠢ᠃ ︽ᠪᠢ ᠪᠠᠭᠠ ᠠᠴᠠ ᠪᠠᠨ ᠪᠠᠳᠠᠢ ᠶᠢᠨ ᠵᠢᠷᠠᠨ ᠪᠠᠯᠭᠠᠰᠤᠨ ᠳᠤ ᠥᠰᠴᠦ ᠲᠣᠮᠣᠭᠠᠵᠢᠵᠤ᠂ ᠮᠥᠨ ᠲᠡᠨᠳᠡ ᠪᠠᠨ | ᠤᠳᠠᠭᠠᠨ ᠵᠢᠯ ᠠᠵᠢᠯᠯᠠᠵᠤ ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ ᠪᠣᠯᠬᠤᠷ ᠪᠠᠶᠠᠨᠬᠤᠲᠠ ᠳᠤ ᠨᠠᠶᠢᠵᠠ ᠨᠥᠬᠦᠳ᠂ ᠲᠦᠷᠦᠯ | ᠰᠠᠳᠤᠨ ᠭᠡᠵᠦ ᠴᠥᠭᠡᠨ᠃ ᠭᠡᠯᠡ ᠴᠤ ᠲᠠᠨᠢᠳᠠᠭ ᠭᠡᠳᠦ ᠨᠢ ᠨᠠᠳᠠᠳᠤ ᠲᠡᠮ ᠪᠣᠯᠵᠤ ᠵᠠᠷ ᠮᠡᠳᠡᠭᠡ ᠶᠢ ᠮᠢᠨᠢ ᠰᠠᠶᠢᠨ | ᠲᠠᠷᠬᠠᠭᠠᠵᠤ ᠥᠭᠳᠡᠭ᠃ ᠤᠯᠠᠨ ᠤ ᠬᠦᠰᠡᠯ ᠨᠠᠶᠢᠳᠠᠯᠭᠠ ᠪᠠ ᠳᠡᠮᠵᠢᠯᠭᠡ ᠶᠢ ᠬᠥᠰᠡᠷᠳᠡᠭᠦᠯᠬᠦ ᠦᠭᠡᠢ ᠪᠠᠷ ᠬᠤᠶᠢᠰᠢᠳᠠ | ᠨᠣᠭᠤᠭᠠ ᠵᠠᠭᠤᠰᠢ ᠬᠢᠬᠦ ᠳᠡᠭᠡᠨ ᠠᠷᠢᠭᠤᠨ ᠴᠡᠪᠡᠷ ᠢ ᠤᠯᠠᠮ ᠰᠠᠶᠢᠨ ᠠᠩᠬᠠᠷᠴᠤ᠂ ᠴᠢᠨᠠᠷ ᠴᠢᠨᠰᠠᠭᠠ ᠪᠠᠨ ᠪᠠᠲᠤᠯᠠᠨ᠂ | ᠠᠮᠲᠠ ᠰᠢᠮᠳᠠ ᠶᠢ ᠡᠷᠬᠢᠮᠯᠡᠨᠡ᠃ ᠬᠥᠮᠥᠰ ᠶᠡᠷᠦᠨᠢ ᠬᠢᠵᠦ ᠪᠠᠶᠢᠭᠠ ᠠᠵᠢᠯ ᠢᠶᠠᠨ ᠨᠠᠨᠳᠢᠩᠨᠠᠵᠤ᠂ ᠬᠦᠴᠦ | ᠬᠥᠯᠥᠰᠦ ᠪᠠᠨ ᠤᠷᠤᠰᠬᠠᠨ ᠴᠢᠷᠮᠠᠶᠢᠳᠠᠭ ᠯᠠ ᠪᠣᠯ ᠯᠠᠪᠲᠠᠢ ᠪᠦᠲᠦᠮᠵᠢ ᠭᠠᠷᠭᠠᠵᠤ ᠴᠢᠳᠠᠨᠠ︾ ᠭᠡᠵᠦ ᠠᠯᠲᠠᠨᠴᠡᠴᠡᠭ | ᠠᠮᠢᠳᠤᠷᠠᠯ ᠳᠠᠭᠠᠨ ᠢᠲᠡᠭᠡᠯ ᠳᠦᠭᠦᠷᠡᠩ ᠶᠠᠷᠢᠨᠠ᠃ | ᠠᠯᠲᠠᠨᠴᠡᠴᠡᠭ ᠤᠨ ᠬᠡᠦᠬᠡᠨ ᠨᠢ ᠪᠠᠭᠠ ᠰᠤᠷᠭᠠᠭᠤᠯᠢ ᠠᠴᠠ ᠠᠩᠬᠠ ᠲᠤᠮᠳᠠᠳᠤ ᠳᠤ ᠲᠠᠪᠰᠢᠨ ᠰᠢᠨᠡ | ᠰᠤᠷᠤᠯᠭᠠ ᠶᠢᠨ ᠱᠠᠲᠤᠨ ᠳᠤ ᠠᠯᠬᠤᠨ ᠣᠷᠣᠵᠤ᠂ ᠬᠦᠦ ᠨᠢ ᠴᠤ ᠬᠡᠦᠬᠡᠳ ᠤᠨ ᠴᠡᠴᠡᠷᠯᠢᠭ ᠠᠴᠠ ᠪᠠᠭᠠ | ᠰᠤᠷᠭᠠᠭᠤᠯᠢ ᠶᠢᠨ ᠪᠣᠱᠤᠭᠠ ᠶᠢ ᠠᠯᠬᠤᠨ ᠣᠷᠣᠯᠠ᠃ ᠠᠯᠲᠠᠨᠴᠡᠴᠡᠭ ᠴᠤ ᠡᠷᠡ ᠨᠥᠬᠦᠷ ᠲᠠᠢ ᠪᠠᠨ ᠬᠠᠮᠲᠤ | ᠰᠢᠨᠡ ᠪᠠᠷ ᠡᠬᠢᠯᠡᠭᠦᠯᠵᠦ ᠪᠠᠶᠢᠭᠠ ᠠᠵᠢᠯ ᠦᠢᠯᠡᠰ᠂ ᠠᠮᠢᠳᠤᠷᠠᠯ ᠳᠠᠭᠠᠨ ᠤᠷᠮᠠᠲᠠᠢ ᠵᠣᠷᠢᠭᠲᠠᠢ ᠮᠡᠷᠡᠶᠢᠨᠡ᠃ | | |