| | ● ᠰᠡᠴᠡᠨ ᠂ ᠡᠷᠳᠡᠨᠢᠬᠦᠦ | ᠬᠥᠭᠡᠮᠡᠢ ᠪᠣᠯ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠢᠵᠠᠭᠤᠷ ᠡᠷᠲᠡᠨ ᠤ ᠳᠠᠭᠤᠯᠠᠬᠤ ᠤᠷᠠᠯᠢᠭ ᠤᠨ ᠨᠢᠭᠡ | ᠭᠡᠯᠪᠡᠷᠢ ᠪᠠᠶᠢᠵᠤ᠂ ᠲᠡᠷᠡ ᠨᠢ ᠶᠠᠮᠠᠷᠴᠤ ᠬᠥᠭᠵᠢᠮᠳᠡᠭᠦᠷ ᠤᠨ ᠬᠠᠪᠰᠤᠷᠤᠯ ᠦᠭᠡᠢ ᠪᠠᠷ ᠬᠥᠮᠥᠨ ᠤ ᠬᠤᠭᠤᠯᠠᠢ ᠶᠢᠨ | ᠡᠷᠬᠡᠲᠡᠨ ᠠᠴᠠ ᠨᠢᠭᠡᠨ ᠮᠥᠴᠡ ᠳᠤ ᠵᠡᠷᠭᠡ ᠪᠠᠷ ᠭᠠᠷᠬᠤ ᠬᠤᠶᠠᠷ ᠪᠤᠶᠤ ᠬᠤᠶᠠᠷ ᠠᠴᠠ ᠳᠡᠭᠡᠭᠰᠢᠬᠢ ᠤᠯᠠᠨ ᠵᠦᠢᠯ ᠤᠨ | ᠲᠠᠭᠤ ᠠᠪᠢᠶᠠ ᠶᠢ ᠨᠡᠷᠡᠯᠡᠳᠡᠭ᠃ ᠤᠷᠳᠤ ᠶᠢᠨ ᠳᠠᠭᠤᠤ ᠲᠠᠢ ᠠᠳᠠᠯᠢ ᠪᠠᠷ ︽ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠠᠷᠠᠳ ᠤᠨ | ᠢᠵᠠᠭᠤᠷ ᠤᠷᠠᠯᠢᠭ ᠤᠨ ᠠᠮᠢᠳᠤ ᠴᠢᠯᠠᠭᠤᠵᠢᠮᠠᠯ︾ ᠬᠡᠮᠡᠭᠳᠡᠭᠰᠡᠨ ᠬᠥᠭᠡᠮᠡᠢ ᠤᠷᠠᠯᠢᠭ ᠢᠶᠠᠨ ᠥᠪᠯᠡᠵᠦ ᠤᠯᠠᠮᠵᠢᠯᠠᠵᠤ | ᠶᠠᠪᠤᠭᠠ ᠦᠶᠡ ᠪᠦᠯᠦ ᠠᠬᠠ ᠳᠡᠭᠦᠦ ᠬᠤᠶᠠᠷ ᠬᠥᠭᠡᠮᠡᠶᠢᠴᠢᠨ ᠶᠢᠨ · ᠲᠠᠯᠠᠢ ᠪᠣᠯᠣᠨ ᠰᠦᠷᠦᠩᠵᠠᠪ ᠠᠴᠠ | ᠰᠣᠷᠪᠤᠯᠵᠢᠯᠠᠭᠠ ᠠᠪᠴᠤ᠂ ᠬᠥᠭᠡᠮᠡᠢ ᠤᠷᠠᠯᠢᠭ ᠨᠢ ᠠᠯᠠᠱᠠ ᠠᠶᠢᠮᠠᠭ ᠲᠤ ᠬᠡᠵᠢᠶᠡ ᠣᠷᠣᠵᠤ ᠢᠷᠡᠭᠰᠡᠨ᠂ ᠬᠢᠷᠢ ᠵᠡᠷᠭᠡ | ᠤᠯᠠᠮᠵᠢᠯᠠᠭᠳᠠᠵᠤ ᠪᠠᠶᠢᠭᠠ ᠶᠢ ᠣᠶᠢᠯᠠᠭᠠᠵᠤ ᠪᠢᠯᠡ᠃ | ᠬᠥᠭᠡᠮᠡᠢ ᠭᠡᠳᠡᠭ ᠤᠷᠠᠯᠢᠭ ᠮᠠᠨ ᠤ ᠬᠢᠨ ᠳᠤ ᠬᠡᠵᠢᠶᠡ ᠢᠷᠡᠪᠡ︖ | ᠠᠯᠠᠱᠠ ᠠᠶᠢᠮᠠᠭ ᠤᠨ ᠰᠣᠶᠣᠯ ᠤᠨ ᠣᠷᠳᠣᠨ ᠳᠤ ᠠᠵᠢᠯᠯᠠᠳᠠᠭ ᠶᠢᠨ · ᠲᠠᠯᠠᠢ ᠪᠣᠯ ᠣᠳᠣᠬᠠᠨ ᠳᠤ | ᠠᠯᠠᠱᠠ ᠠᠶᠢᠮᠠᠭ ᠤᠨ ᠬᠥᠭᠡᠮᠡᠢ ᠤᠷᠠᠯᠢᠭ ᠢ ᠤᠯᠠᠮᠵᠢᠯᠠᠨ ᠵᠢᠭᠠᠬᠤ ᠠᠵᠢᠯ ᠢ ᠭᠤᠣᠯᠴᠠᠭᠤ ᠭᠠᠷᠳᠠᠨ ᠬᠢᠵᠦ ᠪᠠᠶᠢᠭᠠ | ᠬᠥᠮᠥᠨ᠃ ᠲᠡᠷᠡ ᠮᠠᠨᠢ ᠳᠠᠭᠤᠤ ᠤᠷᠠᠯᠢᠭ ᠲᠤ ᠳᠤᠷᠠ ᠪᠠᠬᠠ ᠲᠠᠢ ᠠᠪᠤ ᠡᠵᠢ ᠶᠢᠨ ᠢᠶᠠᠨ ᠨᠥᠯᠥᠭᠡ ᠪᠠᠷ ᠬᠠᠷᠠᠬᠠᠨ | ᠪᠠᠭᠠ ᠠᠴᠠ ᠪᠠᠨ ᠳᠠᠭᠤᠤ ᠤᠷᠠᠯᠢᠭ ᠤᠨ ᠲᠠᠯᠠ ᠪᠠᠷ ᠮᠡᠳᠡᠷᠡᠮᠵᠢ ᠰᠠᠶᠢᠲᠠᠢ ᠨᠢᠭᠡᠨ ᠪᠠᠶᠢᠵᠠᠢ᠃ 2001 ᠣᠨ ᠤ | ᠦᠶᠡᠰ ᠳᠠᠭᠤᠤ ᠶᠢᠨ ᠪᠦᠰᠡ ᠳᠡᠭᠡᠷᠡ ᠠᠴᠠ ᠬᠥᠭᠡᠮᠡᠢ ᠶᠢᠨ ᠠᠶᠠᠯᠭᠤ ᠶᠢ ᠠᠩᠬᠠ ᠤᠳᠠᠭᠠ ᠪᠠᠨ ᠰᠣᠨᠣᠰᠴᠤ᠂ ︽ | ᠬᠥᠭᠡᠮᠡᠢ ᠭᠡᠵᠦ ᠶᠠᠮᠠᠷ ᠭᠠᠶᠢᠬᠠᠯᠲᠠᠢ ᠤᠷᠠᠯᠢᠭ ᠪᠤᠢ︖︾ ᠭᠡᠵᠦ ᠶᠡᠬᠡᠳᠡ ᠱᠣᠬᠤᠭᠤᠷᠬᠠᠨ ᠰᠣᠨᠢᠭᠤᠴᠢᠯᠠᠵᠤ᠂ | ᠬᠥᠭᠡᠮᠡᠢ ᠶᠢᠨ ᠠᠶᠠᠯᠭᠤ ᠳᠤ ᠰᠡᠳᠬᠢᠯ ᠳᠣᠭᠳᠣᠯᠵᠤ ᠪᠠᠶᠢᠭᠰᠠᠨ ᠭᠡᠳᠡᠭ᠃ ᠲᠤᠬᠠᠢ ᠶᠢᠨ ᠦᠶᠡᠰ ᠲᠤ ᠠᠯᠠᠱᠠ | ᠠᠶᠢᠮᠠᠭ ᠲᠡᠷᠡᠴᠢᠯᠡᠨ ᠪᠦᠭᠦ ᠥᠪᠥᠷ ᠮᠣᠩᠭᠤᠯ ᠳᠤ ᠬᠥᠭᠡᠮᠡᠶᠢᠯᠡᠵᠦ ᠴᠢᠳᠠᠳᠠᠭ ᠬᠥᠮᠥᠨ ᠬᠤᠪᠣᠷ ᠪᠠᠶᠢᠭᠰᠠᠨ ᠲᠤᠯᠠ᠂ | ᠬᠥᠭᠡᠮᠡᠢ ᠤᠷᠠᠯᠢᠭ ᠢ ᠰᠤᠷᠬᠤ ᠨᠥᠬᠦᠴᠡᠯ ᠦᠭᠡᠢ᠂ ᠵᠦᠭᠡᠷ ᠯᠠ ᠳᠠᠭᠤᠤ ᠶᠢᠨ ᠪᠦᠰᠡ ᠳᠠᠭᠤᠷᠢᠶᠠᠯᠭᠠᠨ ᠭᠡᠯᠡ ᠪᠠᠨ | ᠡᠪᠯᠡᠭᠦᠯᠵᠦ ᠬᠤᠭᠤᠯᠠᠢ ᠪᠠᠨ ᠰᠢᠬᠠᠨ ᠬᠠᠴᠢᠨ ᠵᠢᠭᠲᠡᠢ ᠲᠠᠭᠤ ᠭᠠᠷᠭᠠᠵᠤ᠂ ᠬᠠᠶᠠ ᠨᠢᠭᠡ ᠢᠰᠭᠡᠷᠦᠭᠡ ᠲᠠᠢ | ᠣᠶᠢᠷᠠᠲᠤᠭᠰᠠᠨ ᠲᠠᠭᠤ ᠭᠠᠷᠬᠤ ᠳᠤ ᠬᠠᠭᠠ ᠪᠠᠶᠠᠷᠯᠠᠨ᠂ ︽ᠬᠡᠷᠪᠡ ᠨᠠᠳᠠᠳᠤ ᠬᠥᠭᠡᠮᠡᠢ ᠵᠢᠭᠠᠳᠠᠭ ᠪᠠᠭᠰᠢ ᠪᠠᠶᠢᠭᠰᠠᠨ | ᠰᠠᠨ ᠪᠣᠯ ᠡᠭᠦᠨ ᠢ ᠪᠢ ᠯᠠᠪᠲᠠᠢ ᠰᠤᠷᠤᠭᠠᠳ ᠠᠪᠴᠢᠬᠠᠵᠤ ᠴᠢᠳᠠᠨᠠ︾ ᠭᠡᠰᠡᠨ ᠬᠦᠰᠡᠯ ᠡᠪᠦᠷᠯᠡᠵᠦ ᠪᠠᠶᠢᠵᠠᠢ᠃ ︽ | ᠰᠠᠨᠠᠵᠤ ᠶᠠᠪᠤᠪᠠᠯ ᠪᠦᠳᠦᠨᠡ᠂ ᠰᠠᠵᠢᠯᠠᠵᠦ ᠶᠠᠪᠤᠪᠠᠯ ᠭᠦᠷᠦᠨᠡ︾ ᠭᠡᠳᠡᠭ ᠤᠨ ᠤᠴᠢᠷ ᠪᠢᠵᠡ᠃ 2004 ᠣᠨ ᠳᠤ | ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠰᠣᠶᠣᠯ ᠤᠨ ᠣᠷᠳᠣᠨ ᠳᠤ ᠠᠵᠢᠯᠯᠠᠵᠤ ᠪᠠᠶᠢᠭᠰᠠᠨ ᠠᠯᠠᠱᠠ | ᠨᠤᠲᠤᠭ ᠤᠨ ᠰᠣᠶᠣᠯ ᠤᠨ ᠵᠢᠳᠬᠦᠯᠲᠡᠨ ᠡ᠊ · ᠪᠣᠯᠣᠳ ᠭᠤᠸᠠᠢ᠂ ᠥᠪᠥᠷ ᠮᠣᠩᠭᠤᠯ ᠤᠨ ᠠᠯᠳᠠᠷᠲᠤ ᠬᠥᠭᠵᠢᠮ ᠤᠨ | ᠵᠣᠬᠢᠶᠠᠯᠴᠢ᠂ ᠤᠯᠤᠰ ᠤᠨ ᠨᠢᠭᠡᠳᠦᠭᠡᠷ ᠲᠡᠰ ᠤᠨ ᠠᠶᠠᠯᠭᠤ ᠵᠣᠬᠢᠶᠠᠭᠴᠢ ᠰᠰ᠊ · ᠡ᠊ᠩᠭᠡᠪᠠᠶᠠᠷ ᠲᠠᠢ ᠬᠠᠮᠲᠤᠷᠠᠨ | ᠮᠣᠩᠭᠤᠯ ᠤᠯᠤᠰ ᠤᠨ ᠨᠡᠷᠡᠳᠦ ᠬᠥᠭᠡᠮᠡᠢ ᠤᠷᠠᠯᠢᠭ ᠤᠨ ᠪᠠᠭᠰᠢ ᠤᠳᠤᠰᠦ᠋ᠷᠦᠩ ᠢ ᠠᠯᠠᠱᠠ ᠳᠤ ᠤᠷᠢᠵᠤ ᠠᠪᠴᠢᠷᠠᠨ | ᠬᠤᠷᠢᠨ ᠬᠡᠳᠦᠨ ᠡᠳᠦᠷ ᠤᠨ ᠬᠥᠭᠡᠮᠡᠢ ᠶᠢᠨ ᠪᠣᠯᠪᠠᠰᠤᠷᠠᠯ ᠡᠷᠭᠢᠯᠡᠭᠦ ᠮᠡᠳᠡᠭᠳᠡᠯ ᠭᠠᠷᠬᠤ ᠳᠤ ᠶᠢᠨ · ᠲᠠᠯᠠᠢ ᠨᠡᠷᠡ ᠪᠠᠨ | ᠮᠡᠳᠡᠭᠦᠯᠵᠦ ᠬᠥᠭᠡᠮᠡᠢ ᠭᠡᠰᠡᠨ ᠤᠷᠠᠯᠢᠭ ᠲᠠᠢ ᠵᠢᠩᠬᠢᠨᠢ ᠪᠠᠷ ᠲᠠᠨᠢᠯᠴᠠᠬᠤ ᠨᠢ ᠲᠡᠷᠡ᠃ | ᠬᠥᠭᠡᠮᠡᠢ ᠭᠡᠭᠴᠢ ᠮᠠᠰᠢ ᠬᠦᠨᠳᠦ ᠤᠷᠠᠯᠢᠭ᠃ ᠬᠥᠭᠡᠮᠡᠢ ᠶᠢᠨ ᠬᠢᠷᠬᠢᠷᠡᠭᠡ᠂ ᠬᠠᠷᠭᠢᠷᠠᠭᠠ᠂ ᠢᠰᠭᠡᠷᠦᠭᠡ | ᠂ ᠦᠶᠡᠯᠵᠡᠭᠡ᠂ ᠰᠢᠯᠤᠭᠤᠨ ᠢᠰᠭᠡᠷᠦᠭᠡ᠂ ᠲᠡᠨᠳᠡᠷᠡᠭᠡ ᠢᠰᠭᠡᠷᠦᠭᠡ᠂ ᠬᠠᠮᠠᠷ ᠤᠨ ᠢᠰᠭᠡᠷᠦᠭᠡ ᠵᠡᠷᠭᠡ ᠤᠯᠠᠨ | ᠵᠦᠢᠯ ᠤᠨ ᠬᠥᠭᠡᠮᠡᠶᠢᠯᠡᠬᠦ ᠠᠷᠭᠠ ᠶᠢ ᠪᠦᠭᠦᠳᠡ ᠰᠤᠷᠴᠤ ᠡᠵᠡᠮᠰᠢᠨᠡ ᠭᠡᠪᠡᠯ ᠮᠠᠰᠢ ᠤᠳᠠᠭᠠᠨ ᠴᠠᠭ ᠬᠤᠭᠤᠴᠠᠭᠠ | ᠵᠠᠷᠤᠬᠤ ᠠᠭᠠᠳ ᠰᠤᠷᠴᠤ ᠪᠠᠶᠢᠭᠠ ᠬᠥᠮᠥᠨ ᠤ ᠤᠷᠠᠯᠢᠭ ᠤᠨ ᠮᠡᠳᠡᠷᠡᠮᠵᠢ ᠮᠠᠰᠢ ᠴᠢᠬᠤᠯᠠ ᠬᠡᠷᠡᠭᠴᠡᠭᠡ ᠲᠠᠢ᠃ | ᠪᠦᠭᠦᠶᠢᠯᠡ 21 ᠡᠳᠦᠷ ᠤᠨ ᠰᠤᠷᠤᠯᠴᠠᠯᠭᠠ ᠳᠠᠭᠤᠰᠬᠤ ᠳᠤ ᠨᠢᠭᠡ ᠲᠠᠭᠤ ᠴᠤ ᠭᠠᠷᠭᠠᠵᠤ ᠴᠢᠳᠠᠬᠤ ᠦᠭᠡᠢ | ᠰᠤᠷᠤᠯᠭᠠᠲᠠᠨ ᠪᠠᠶᠢᠬᠤ ᠳᠤ ᠶᠢᠨ · ᠲᠠᠯᠠᠢ ᠬᠠᠷᠢᠨ ᠬᠤᠭᠤᠯᠠᠢ ᠶᠢᠨ ᠮᠡᠳᠡᠷᠡᠮᠵᠢ ᠪᠠᠷ ᠮᠠᠰᠢ ᠰᠠᠶᠢᠨ ᠨᠢᠭᠡ ᠨᠢ ᠪᠠᠶᠢᠵᠠᠢ᠃ | ᠤᠤᠯ ᠠᠴᠠ ᠪᠠᠨ ᠬᠥᠭᠡᠮᠡᠢ ᠶᠢᠨ ᠠᠩᠬᠠᠨ ᠤ ᠰᠠᠭᠤᠷᠢ ᠶᠢ ᠥᠪᠡᠷ ᠤᠨ ᠬᠠᠷᠠ ᠤᠬᠠᠭᠠᠨ ᠢᠶᠠᠷ ᠢᠶᠠᠨ ᠲᠤᠩᠭᠠᠵᠤ᠂ | ᠢᠰᠭᠡᠷᠦᠭᠡ ᠭᠠᠷᠭᠠᠵᠤ ᠰᠤᠷᠤᠬᠰᠠᠨ ᠠᠴᠠ 21 ᠡᠳᠦᠷ ᠤᠨ ᠪᠣᠯᠪᠠᠰᠤᠷᠠᠯ ᠨᠢ ᠲᠡᠭᠦᠨ ᠳᠤ ᠮᠠᠰᠢ ᠶᠡᠭᠡ ᠳᠡᠮᠵᠢᠯᠭᠡ | ᠪᠣᠯᠤᠭᠰᠠᠨ ᠪᠠᠶᠢᠯᠠ᠃ ᠬᠤᠶᠠᠷ ᠵᠢᠯ ᠳᠠᠷᠠᠭᠠᠯᠠᠨ ᠶᠠᠪᠤᠭᠳᠠᠭᠰᠠᠨ ᠪᠣᠯᠪᠠᠰᠤᠷᠠᠯ ᠢ ᠥᠩᠭᠡᠷᠡᠭᠡᠭᠡᠳ ᠤᠳᠤᠰᠦ᠋ᠷᠦᠩ | ᠪᠠᠭᠰᠢ ︽ᠬᠥᠭᠡᠮᠡᠢ ᠭᠡᠰᠡᠨ ᠢᠵᠠᠭᠤᠷ ᠤᠷᠠᠯᠢᠭ ᠠᠯᠠᠱᠠᠴᠤᠳ ᠤᠨ ᠴᠢᠰᠤ ᠮᠢᠬᠠᠨ ᠳᠤᠨᠢ ᠪᠠᠶᠢᠭᠠ ᠶᠤᠮ ᠪᠠᠶᠢᠨᠠ᠃ | ᠠᠯᠠᠱᠠ ᠨᠤᠲᠤᠭ ᠲᠤ ᠪᠠᠰᠠ ᠬᠥᠭᠡᠮᠡᠶᠢᠴᠢᠨ ᠭᠠᠷᠬᠤ ᠶᠤᠮ ᠪᠠᠶᠢᠨᠠ︾ ᠭᠡᠰᠡᠨ ᠥᠨᠳᠥᠷ ᠦᠨᠡᠯᠡᠯᠲᠡ ᠥᠭᠴᠦ | ᠪᠠᠶᠢᠯᠠ ᠭᠡᠳᠡᠭ᠃ | ᠮᠥᠨ ᠡᠨᠡ ᠬᠦ ᠵᠣᠷᠢᠭᠵᠢᠭᠤᠯᠤᠯ ᠢᠶᠠᠷ ᠶᠢᠨ · ᠲᠠᠯᠠᠢ ᠭᠤᠸᠠᠢ 2005 ᠣᠨ ᠠᠴᠠ ᠡᠬᠢᠯᠡᠨ ᠮᠣᠩᠭᠤᠯ | ᠤᠯᠤᠰ ᠤᠨ ᠰᠣᠶᠣᠯ ᠤᠷᠠᠯᠢᠭ ᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠬᠥᠭᠡᠮᠡᠢ ᠶᠢᠨ ᠠᠩᠭᠢ᠂ ᠮᠣᠩᠭᠤᠯ ᠤᠯᠤᠰ ᠤᠨ ᠶᠡᠭᠡ | ᠰᠤᠷᠭᠠᠭᠤᠯᠢ ᠶᠢᠨ ᠤᠷᠠᠯᠢᠭ ᠰᠤᠳᠤᠯᠤᠯ ᠤᠨ ᠮᠡᠷᠭᠡᠵᠢᠯ ᠳᠤ ᠬᠥᠭᠡᠮᠡᠢ ᠤᠷᠠᠯᠢᠭ ᠢ ᠰᠢᠰᠲ᠋ᠧᠮ ᠲᠠᠢ ᠰᠤᠷᠤᠯᠴᠠᠵᠦ᠂ | 2012 ᠣᠨ ᠳᠤ ᠮᠡᠷᠭᠡᠵᠢᠯ ᠤᠨ ᠬᠥᠭᠡᠮᠡᠶᠢᠴᠢᠨ ᠴᠣᠯᠠ ᠬᠠᠮᠠᠭᠠᠯᠠᠭᠠᠳ ᠬᠠᠷᠢᠵᠤ ᠢᠷᠡᠨ ᠠᠯᠠᠱᠠ ᠠᠶᠢᠮᠠᠭ ᠤᠨ | ᠰᠣᠶᠣᠯ ᠤᠨ ᠣᠷᠳᠣᠨ ᠤ ᠬᠥᠭᠡᠮᠡᠢ ᠤᠷᠠᠯᠢᠭ ᠢ ᠤᠯᠠᠮᠵᠢᠯᠠᠨ ᠵᠢᠭᠠᠬᠤ ᠪᠠᠭᠰᠢ ᠪᠠᠷ ᠠᠵᠢᠯᠯᠠᠵᠠᠢ᠃ | ᠬᠥᠭᠡᠮᠡᠢ ᠤᠷᠠᠯᠢᠭ ᠠᠯᠠᠱᠠ ᠳᠤ ᠬᠢᠷᠢ ᠵᠡᠷᠭᠡ ᠬᠥᠭᠵᠢᠵᠦ ᠪᠠᠶᠢᠭᠠ ᠪᠣᠯ︖ | ᠶᠡᠷᠦᠨᠢ ᠬᠥᠭᠡᠮᠡᠢ ᠤᠷᠠᠯᠢᠭ ᠨᠢ ᠰᠤᠷᠴᠤ ᠡᠵᠡᠮᠰᠢᠬᠦ ᠳᠤ ᠮᠠᠰᠢ ᠬᠦᠴᠢᠷ ᠪᠣᠯᠬᠤᠷ ᠨᠢᠭᠡᠨ ᠦᠶᠡ | ᠳᠡᠯᠡᠬᠡᠢ ᠶᠢᠨ ᠬᠡᠪᠴᠢᠶᠡᠨ ᠳᠤ ᠴᠤ ᠭᠡᠭᠡᠭᠳᠡᠵᠦ ᠣᠷᠬᠢᠭᠳᠠᠬᠤ ᠬᠡᠮᠵᠢᠶᠡᠨ ᠳᠤ ᠬᠦᠷᠴᠦ ᠪᠠᠶᠢᠭᠰᠠᠨ ᠢᠶᠠᠨ ᠰᠣᠶᠣᠯ ᠢᠶᠠᠨ | ᠭᠡᠰᠡᠨ ᠤᠷᠠᠯᠢᠭᠴᠢᠳ ᠤᠨ ᠴᠢᠷᠮᠠᠶᠢᠯᠭᠠ ᠪᠠᠷ ᠣᠳᠣᠬᠠᠨ ᠳᠤ ᠨᠡᠯᠢᠶᠡᠳ ᠬᠥᠭᠵᠢᠯᠲᠡ ᠲᠠᠢ ᠪᠣᠯᠤᠭᠰᠠᠨ ᠪᠠᠶᠢᠳᠠᠭ᠃ | ᠶᠠᠭᠤ ᠴᠤ ᠪᠣᠯᠤᠭᠰᠠᠨ ᠬᠠᠮᠢᠭᠠ ᠭᠠᠵᠠᠷ ᠬᠤᠷᠢᠮ ᠤᠨ ᠶᠣᠰᠣᠯᠠᠯ᠂ ᠨᠠᠶᠢᠷ ᠨᠠᠭᠠᠳᠤᠮ ᠳᠤ ᠣᠷᠤᠯᠴᠠᠬᠤ ᠳᠤ ᠭᠠᠶᠢᠭᠤᠢ | ᠰᠠᠶᠢᠬᠠᠨ ᠬᠥᠭᠡᠮᠡᠶᠢᠯᠡᠳᠡᠭ ᠤᠷᠠᠯᠢᠭᠴᠢᠨ ᠨᠡᠯᠢᠶᠡᠳ ᠣᠯᠠᠰᠢᠷᠠᠵᠤ᠂ ︽ᠬᠥᠮᠥᠨ ᠬᠥᠭᠵᠢᠮ︾ ᠭᠡᠭᠳᠡᠭᠰᠡᠨ ᠬᠥᠭᠡᠮᠡᠢ | ᠤᠷᠠᠯᠢᠭ ᠮᠠᠨᠢ ᠠᠯᠠᠱᠠ ᠨᠤᠲᠤᠭ ᠲᠤ ᠵᠢᠯ ᠠᠴᠠ ᠵᠢᠯ ᠥᠷᠨᠢᠨ ᠬᠥᠭᠵᠢᠵᠦ ᠡᠬᠢᠯᠡᠭᠰᠡᠨ᠃ ᠡᠨᠡ ᠨᠢ ᠶᠠᠷᠢᠶᠠᠨ ᠦᠭᠡᠢ | ᠦᠨᠳᠦᠰᠦᠲᠡᠨ ᠤ ᠢᠵᠠᠭᠤᠷ ᠤᠷᠠᠯᠢᠭ ᠢᠶᠠᠨ ᠰᠡᠷᠭᠦᠭᠡᠶᠡ᠂ ᠤᠯᠠᠮᠵᠢᠯᠠᠶᠠ ᠬᠡᠮᠡᠨ ᠴᠢᠷᠮᠠᠶᠢᠭᠰᠠᠨ ᠦᠢ ᠤᠯᠠᠨ | ᠬᠥᠮᠥᠰ ᠤᠨ ᠭᠦᠳᠡᠯᠮᠦᠷᠢ ᠵᠢᠳᠬᠦᠯ ᠪᠤᠶᠠ᠃ | ᠶᠢᠨ · ᠲᠠᠯᠠᠢ ᠠᠵᠢᠯ ᠤᠨ ᠪᠠᠶᠢᠷᠢᠨ ᠳᠤ ᠭᠠᠷᠤᠭᠰᠠᠨ ᠤ ᠲᠠᠷᠠᠭᠠ 2014 ᠣᠨ ᠠᠴᠠ ᠡᠬᠢᠯᠡᠨ ᠵᠢᠯ | ᠪᠣᠯᠭᠠᠨ 2 - 3 ᠤᠳᠠᠭᠠᠨ ᠤ ᠬᠥᠭᠡᠮᠡᠢ ᠶᠢᠨ ᠪᠣᠯᠪᠠᠰᠤᠷᠠᠯ ᠤᠨ ᠠᠩᠭᠢ ᠡᠷᠭᠢᠯᠡᠵᠦ᠂ ᠡᠳᠦᠭᠡ ᠪᠤᠯᠳᠠᠯᠠ 300 | ᠭᠠᠷᠤᠢ ᠬᠥᠮᠥᠨ ᠳᠤ ᠬᠥᠭᠡᠮᠡᠢ ᠤᠷᠠᠯᠢᠭ ᠢ ᠤᠯᠠᠮᠵᠢᠯᠠᠨ ᠵᠢᠭᠠᠵᠤ᠂ ᠬᠥᠭᠡᠮᠡᠢ ᠤᠷᠠᠯᠢᠭ ᠤᠨ ᠠᠶᠢᠮᠠᠭ ᠤᠨ ᠲᠡᠰ ᠤᠨ | ᠪᠣᠳᠠᠰ ᠤᠨ ᠪᠤᠰᠤ ᠰᠣᠶᠣᠯ ᠤᠨ ᠥᠪ ᠢ ᠥᠪᠯᠡᠨ ᠤᠯᠠᠮᠵᠢᠯᠠᠭᠴᠢ ᠪᠣᠯᠤᠭᠰᠠᠨ ᠪᠠᠶᠢᠨᠠ᠃ ︽ᠠᠩ ᠠᠮᠢᠳᠠᠨ ᠪᠤᠶᠤ | ᠬᠥᠮᠥᠨ ᠤ ᠬᠤᠭᠤᠯᠠᠢ ᠠᠴᠠ ᠴᠡᠭᠡᠵᠢ ᠬᠦᠷᠬᠦ ᠬᠡᠰᠡᠭ ᠢ ᠬᠥᠭᠡᠮᠡᠢ ᠭᠡᠳᠡᠭ ᠪᠣᠯᠬᠤᠷ ᠢᠶᠠᠨ ᠬᠥᠭᠡᠮᠡᠢ ᠭᠡᠰᠡᠨ ᠦᠭᠡ ᠨᠢ | ᠬᠥᠮᠥᠨ ᠤ ᠬᠤᠭᠤᠯᠠᠢ ᠶᠢᠨ ᠬᠡᠰᠡᠭ ᠢ ᠵᠢᠭᠠᠵᠤ ᠪᠠᠶᠢᠭᠠ ᠤᠴᠢᠷ ᠲᠠᠢ᠃ ᠡ᠊ᠩ ᠤᠨ ᠳᠠᠭᠤᠤ ᠤᠷᠠᠯᠢᠭᠴᠢᠳ | ᠠᠶᠠᠯᠭᠤᠯᠠᠨ ᠳᠠᠭᠤᠯᠠᠬᠤ ᠳᠠᠭᠠᠨ ᠨᠢᠭᠡᠨ ᠬᠤᠪᠢ ᠶᠢᠨ ᠬᠦᠴᠦ ᠭᠠᠷᠭᠠᠬᠤ ᠪᠣᠯ ᠬᠥᠭᠡᠮᠡᠢ ᠤᠷᠠᠯᠢᠭᠴᠢᠨ ᠪᠣᠯ | ᠲᠡᠭᠦᠨ ᠠᠴᠠ ᠨᠢᠭᠡ ᠲᠠᠭᠢᠨ ᠬᠦᠴᠦ ᠭᠠᠷᠭᠠᠵᠤ᠂ ᠪᠦᠭᠦ ᠪᠡᠶᠡ ᠳᠡᠭᠡᠨ ᠰᠢᠬᠠᠯᠲᠠ ᠥᠭᠭᠦᠨ ᠳᠤᠤᠭᠠᠷᠭᠠᠵᠤ | ᠬᠥᠭᠡᠮᠡᠶᠢᠯᠡᠳᠡᠭ᠃ ᠲᠡᠶᠢᠮᠤ ᠳᠡᠭᠡᠨ ᠬᠥᠭᠡᠮᠡᠢ ᠶᠢ ᠬᠥᠮᠥᠨ ᠪᠣᠯᠭᠠᠨ ᠰᠤᠷᠴᠤ ᠡᠵᠡᠮᠰᠢᠬᠦ ᠪᠣᠯᠣᠮᠵᠢ ᠦᠭᠡᠢ᠃ | ᠠᠮᠢᠰᠬᠤᠯ᠂ ᠬᠤᠭᠤᠯᠠᠢ᠂ ᠭᠡᠯᠡ᠂ ᠪᠦᠭᠦ ᠪᠡᠶᠡ ᠪᠠᠨ ᠤᠳᠤᠷᠢᠳᠴᠤ ᠵᠣᠬᠢᠴᠠᠭᠤᠯᠵᠤ ᠪᠠᠶᠢᠮᠠᠨᠵᠢᠨ ᠰᠠᠶ᠋ᠢ ᠬᠥᠭᠡᠮᠡᠢ ᠶᠢ | ᠲᠣᠭᠯᠠᠵᠤ ᠴᠢᠳᠠᠳᠠᠭ᠃ ᠣᠳᠣᠬᠠᠨ ᠳᠤ ᠮᠠᠨ ᠤ ᠠᠯᠠᠱᠠ ᠶᠢᠨ ᠭᠤᠷᠪᠠᠨ ᠬᠤᠰᠢᠭᠤᠨ ᠳᠤ ᠠᠷᠪᠠ ᠭᠠᠷᠤᠢ ᠰᠠᠶᠢᠨ | ᠬᠥᠭᠡᠮᠡᠶᠢᠴᠢᠨ ᠭᠠᠷᠤᠭᠠᠳ ᠪᠤᠢ︾ ᠭᠡᠵᠦ ᠶᠢᠨ · ᠲᠠᠯᠠᠢ ᠬᠥᠭᠡᠮᠡᠢ ᠤᠷᠠᠯᠢᠭ ᠢ ᠶᠠᠭᠠᠬᠢᠭᠠᠳ ᠬᠦᠨᠳᠦ ᠤᠷᠠᠯᠢᠭ ᠭᠡᠵᠦ | ᠨᠡᠷᠡᠯᠡᠳᠡᠭ ᠤᠨ ᠲᠤᠬᠠᠢ ᠶᠠᠷᠢᠯᠠ᠃ | ᠲᠡᠭᠦᠨ ᠲᠠᠢ ᠬᠠᠮᠲᠤ ᠬᠥᠭᠡᠮᠡᠢ ᠶᠢᠨ ᠪᠣᠯᠪᠠᠰᠤᠷᠠᠯ ᠤᠨ ᠠᠩᠭᠢ ᠳᠤ ᠬᠠᠮᠲᠤ ᠰᠤᠷᠤᠯᠴᠠᠬᠰᠠᠨ | ᠰᠦᠷᠦᠩᠵᠠᠪ ᠭᠤᠸᠠᠢ ᠲᠤᠬᠠᠢ ᠶᠢᠨ ᠦᠶᠡᠰ ᠤᠯᠠᠭᠠᠨᠮᠥ᠋ᠴᠢᠷ ᠤᠨ ︽ᠨᠢᠭᠡ ᠳᠤ ᠴᠠᠭᠠᠷᠠᠵᠤ᠂ ᠤᠯᠠᠨ ᠲᠠᠯᠠ ᠳᠤ | ᠮᠡᠷᠭᠡᠰᠢᠬᠦ︾ ᠠᠵᠢᠯ ᠤᠨ ᠱᠠᠭᠠᠷᠳᠠᠯᠭᠠ ᠪᠠᠷ ᠬᠥᠭᠡᠮᠡᠢ ᠰᠤᠷᠴᠤ᠂ ᠮᠡᠷᠭᠡᠵᠢᠯ ᠪᠣᠯᠪᠠᠰᠤᠷᠠᠯ ᠢᠶᠠᠨ ᠲᠠᠰᠤᠷᠠᠯᠳᠠ ᠦᠭᠡᠢ | ᠳᠡᠭᠡᠭᠰᠢᠯᠡᠭᠦᠯᠦᠨ᠂ ᠮᠣᠷᠢᠨ ᠬᠤᠭᠤᠷ᠂ ᠮᠠᠭᠲᠠᠭᠠᠯ ᠵᠡᠷᠭᠡ ᠳᠤ ᠬᠥᠭᠡᠮᠡᠢ ᠬᠠᠪᠰᠤᠷᠭᠠᠨ ᠲᠣᠭᠯᠠᠵᠤ᠂ ᠤᠷᠢᠳ | ᠬᠤᠵᠢᠳ ᠹᠷᠠᠨᠼᠢ᠂ ᠭᠧᠷᠮᠠᠨ᠂ ᠺᠤᠷᠢᠶᠠ ᠵᠡᠷᠭᠡ ᠤᠯᠤᠰ ᠪᠠ ᠮᠠᠨ ᠤ ᠤᠯᠤᠰ ᠤᠨ ᠰᠢᠶᠠᠩᠭᠠᠩ᠂ ᠣᠣᠮᠧᠨ᠂ | ᠲᠠᠶᠢᠸᠠᠨ ᠢ ᠪᠠᠭᠲᠠᠭᠠᠭᠰᠠᠨ ᠪᠦᠭᠦ ᠤᠯᠤᠰ ᠤᠨ ᠡᠯᠡ ᠮᠤᠵᠢ ᠣᠷᠣᠨ᠂ ᠬᠤᠳᠠ ᠪᠠᠷ ᠲᠣᠭᠤᠷᠢᠨ ᠲᠤᠬᠯᠠᠯᠳᠠ ᠬᠢᠵᠦ᠂ | ᠬᠥᠭᠡᠮᠡᠢ ᠤᠷᠠᠯᠢᠭ ᠢ ᠳᠡᠯᠡᠬᠡᠢ ᠶᠢᠨ ᠬᠥᠮᠥᠰ ᠤᠨ ᠰᠣᠨᠣᠷ ᠲᠤ ᠬᠦᠷᠲᠡᠭᠡᠵᠦ ᠶᠠᠪᠤᠭᠰᠠᠭᠠᠷ ᠢᠷᠡᠵᠡᠢ᠃ ︽ᠪᠢᠳᠠ | ᠭᠠᠳᠠᠭᠠᠳᠤ ᠳᠤ ᠲᠤᠬᠯᠠᠯᠳᠠ ᠬᠢᠵᠦ ᠶᠠᠪᠤᠬᠤ ᠳᠤ᠂ ᠬᠥᠮᠥᠰ ᠬᠤᠭᠤᠯᠠᠢ ᠠᠴᠠ ᠭᠠᠷᠬᠤ ᠬᠡᠳᠦᠨ ᠵᠦᠢᠯ ᠤᠨ ᠲᠠᠭᠤ | ᠠᠶᠠᠯᠭᠤ ᠶᠢ ᠮᠠᠰᠢ ᠶᠡᠭᠡ ᠭᠠᠶᠢᠬᠠᠵᠤ᠂ ᠬᠠᠮᠲᠤ ᠲᠤᠬᠯᠠᠯᠳᠠ ᠬᠢᠵᠦ ᠪᠠᠶᠢᠭᠠ ᠬᠥᠮᠥᠰ ᠴᠸ ᠵᠢᠷᠤᠭ ᠰᠡᠭᠦᠳᠡᠷ | ᠲᠠᠲᠠᠭᠤᠯᠤᠨ᠂ ᠬᠥᠭᠡᠮᠡᠢ ᠶᠢᠨ ᠲᠤᠬᠯᠠᠯᠳᠠ ᠶᠢ ᠣᠯᠵᠤ ᠰᠣᠨᠣᠰᠤᠭᠰᠠᠨ ᠳᠠᠭᠠᠨ ᠶᠡᠭᠡ ᠤᠯᠵᠠᠭᠤᠷᠬᠠᠳᠠᠭ ᠪᠠᠶᠢᠯᠠ᠃ | ᠡᠨᠡ ᠨᠢ ᠮᠠᠨ ᠤ ᠤᠯᠠᠭᠠᠨᠮᠥ᠋ᠴᠢᠷ ᠤᠨ ᠲᠣᠭᠯᠠᠭᠴᠢᠳ ᠲᠤ ᠠᠪᠴᠤ ᠬᠡᠯᠡᠪᠡᠯ ᠮᠠᠰᠢ ᠶᠡᠭᠡ ᠵᠣᠷᠢᠭᠵᠢᠭᠤᠯᠤᠯ ᠪᠤᠯᠳᠠᠭ | ᠰᠢᠤ︾ ᠭᠡᠵᠦ ᠰᠦᠷᠦᠩᠵᠠᠪ ᠭᠤᠸᠠᠢ ᠶᠠᠷᠢᠨᠠ᠃ | ᠬᠥᠭᠡᠮᠡᠢ ᠶᠢ ᠪᠠᠰᠠ ︽ᠬᠤᠭᠤᠯᠠᠢ ᠶᠢᠨ ᠴᠤᠭᠤᠷ︾ ᠪᠤᠶᠤ ︽ᠴᠤᠭᠤᠷ︾ ᠭᠡᠳᠡᠭ᠃ ᠲᠡᠷᠡ ᠨᠢ | ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠳᠤ ᠯᠠ ᠪᠠᠶᠢᠳᠠᠭ ᠭᠠᠭᠴᠠ ᠬᠥᠮᠥᠨ ᠤᠯᠠᠨ ᠠᠶᠠ ᠭᠠᠷᠭᠠᠬᠤ ᠳᠠᠭᠤᠤ ᠶᠢᠨ ᠤᠷᠠᠯᠢᠭ | ᠪᠠᠶᠢᠵᠤ᠂ ᠭᠠᠭᠴᠠ ᠬᠥᠮᠥᠨ ᠬᠥᠭᠡᠮᠡᠶᠢᠯᠡᠵᠦ ᠪᠤᠯᠬᠤ ᠠᠴᠠ ᠭᠠᠳᠠᠨᠠ ᠤᠯᠠᠨ ᠬᠥᠮᠥᠨ ᠬᠥᠭᠡᠮᠡᠶᠢᠯᠡᠵᠦ ᠴᠤ ᠪᠣᠯᠣᠨᠠ᠃ | ᠭᠤᠣᠯᠳᠠᠭᠤ ᠠᠯᠲᠠᠢ ᠨᠢᠷᠤᠭᠤ ᠠᠴᠠ ᠡᠬᠢ ᠠᠪᠤᠭᠰᠠᠨ ᠮᠠᠨ ᠤ ᠤᠯᠤᠰ ᠤᠨ ᠰᠢᠨᠵᠢᠶᠠᠩ ᠨᠤᠲᠤᠭ᠂ ᠮᠣᠩᠭᠤᠯ | ᠤᠯᠤᠰ ᠤᠨ ᠪᠠᠷᠠᠭᠤᠨ ᠣᠷᠣᠨ ᠪᠣᠯᠣᠨ ᠤᠷᠤᠰ ᠤᠨ ᠲᠤᠸᠠ ᠵᠡᠷᠭᠡ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠲᠥᠪᠯᠡᠷᠡᠨ ᠰᠠᠭᠤᠵᠤ | ᠪᠠᠶᠢᠭᠠ ᠭᠠᠵᠠᠷ ᠣᠷᠣᠨ ᠳᠤ ᠤᠯᠠᠮᠵᠢᠯᠠᠭᠳᠠᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠣᠶᠢᠷᠠ ᠶᠢᠨ ᠠᠷᠪᠠ ᠭᠠᠷᠤᠢ ᠵᠢᠯ ᠤᠨ ᠲᠠᠭᠢᠨ | ᠰᠡᠷᠭᠦᠯᠲᠡ᠂ ᠤᠯᠠᠮᠵᠢᠯᠠᠯ ᠢᠶᠠᠷ ᠲᠠᠮᠵᠢᠨ᠂ ᠥᠪᠥᠷ ᠮᠣᠩᠭᠤᠯ ᠤᠨ ᠡᠯᠡ ᠠᠶᠢᠮᠠᠭ ᠬᠤᠳᠠ᠂ ᠰᠢᠨᠵᠢᠶᠠᠩ᠂ ᠭᠠᠨᠰᠤ᠂ | ᠰᠧᠴᠤᠸᠠᠨ ᠵᠡᠷᠭᠡ ᠭᠠᠵᠠᠷ ᠣᠷᠣᠨ ᠲᠡᠷᠡᠴᠢᠯᠡᠨ ᠤᠯᠤᠰ ᠤᠨ ᠭᠠᠳᠠᠭᠠᠳᠤ ᠳᠤ ᠴᠤ ᠤᠯᠠᠮᠵᠢᠯᠠᠭᠳᠠᠨ᠂ ᠭᠠᠳᠠᠭᠠᠳᠤ | ᠤᠯᠤᠰ ᠲᠤ ᠴᠤ ᠬᠥᠭᠡᠮᠡᠢ ᠤᠷᠠᠯᠢᠭ ᠢ ᠤᠯᠠᠮᠵᠢᠯᠠᠨ ᠰᠤᠷᠬᠤ ᠰᠢᠨᠡ ᠤᠷᠤᠰᠬᠠᠯ ᠪᠤᠢ ᠪᠣᠯᠤᠭᠰᠠᠨ ᠪᠠᠶᠢᠨᠠ᠃ | ᠬᠥᠭᠡᠮᠡᠢ ᠤᠷᠠᠯᠢᠭ ᠢᠶᠠᠨ ᠬᠥᠭᠵᠢᠭᠦᠯᠬᠦ ᠳᠤ ᠪᠢᠳᠠ ᠶᠠᠭᠤ ᠬᠢᠬᠦ ᠬᠡᠷᠡᠭᠲᠡᠢ ᠪᠠᠶᠢᠨᠠ︖ | ᠬᠥᠭᠡᠮᠡᠢ ᠶᠢᠨ ᠲᠤᠮᠤᠭ ᠲᠤ᠂ ᠡᠷᠲᠡ ᠪᠠᠯᠠᠷ ᠴᠠᠭ ᠲᠤ ᠥᠨᠳᠥᠷ ᠠᠭᠤᠯᠠ ᠠᠰᠬᠠ ᠬᠠᠪᠴᠢᠯ ᠳᠤ | ᠰᠠᠭᠤᠷᠢᠰᠢᠭᠠ ᠨᠡᠭᠦᠳᠡᠯᠴᠢᠨ ᠠᠷᠠᠳ ᠠᠭᠤᠯᠠᠨ ᠬᠥᠨᠳᠡᠢ ᠠᠴᠠ ᠭᠠᠷᠬᠤ ᠡᠯᠳᠡᠪ ᠤᠨ ᠢᠰᠭᠡᠷᠦᠭᠡ᠂ ᠠᠩ ᠠᠮᠢᠳᠠᠨ᠂ | ᠤᠰᠤᠨ ᠤᠷᠤᠰᠬᠠᠯ᠂ ᠡᠬᠡ ᠪᠠᠶᠢᠭᠠᠯᠢ ᠶᠢᠨ ᠲᠠᠭᠤ ᠴᠢᠮᠡᠭᠡ ᠪᠣᠯᠭᠠᠨ ᠢ ᠳᠠᠭᠤᠷᠢᠶᠠᠯᠭᠠᠨ ᠳᠤᠤᠭᠠᠷᠴᠤ ᠪᠠᠶᠢᠭᠰᠠᠨ ᠠᠴᠠ | ︽ᠬᠥᠭᠡᠮᠡᠢ︾ ᠭᠡᠰᠡᠨ ᠤᠷᠠᠯᠢᠭ ᠮᠡᠨᠳᠦᠯᠡᠭᠰᠡᠨ ᠭᠡᠳᠡᠭ ᠪᠤᠯᠪᠠᠴᠦ ᠡᠨᠡ ᠨᠢ ᠵᠦᠪᠭᠡᠨ ᠠᠷᠠᠳ ᠤᠨ ᠠᠮᠠᠨ | ᠦᠯᠢᠭᠡᠷ ᠢᠶᠠᠷ ᠳᠠᠮᠵᠢᠭᠳᠠᠨ ᠢᠷᠡᠭᠰᠡᠨ ᠪᠣᠯᠬᠤᠷ ᠬᠥᠭᠡᠮᠡᠢ ᠭᠡᠰᠡᠨ ᠦᠭᠡ ᠶᠠᠭᠤᠨ ᠠᠴᠠ ᠢᠷᠡᠯᠲᠡ ᠲᠠᠢ᠂ | ᠬᠥᠭᠡᠮᠡᠢ ᠶᠢᠨ ᠬᠥᠭᠵᠢᠯᠲᠡ ᠶᠢᠨ ᠲᠡᠦᠬᠡᠨ ᠶᠠᠪᠤᠴᠠ ᠨᠢ ᠶᠠᠭᠤ ᠪᠤᠯᠬᠤ ᠶᠢ ᠬᠠᠷᠠᠬᠠᠨ ᠢᠯᠡᠷᠡᠭᠦᠯᠦᠭᠡ ᠦᠭᠡᠢ᠃ | ᠲᠡᠶᠢᠮᠤ ᠳᠡᠭᠡᠨ ᠶᠢᠨ · ᠲᠠᠯᠠᠢ ︽ᠬᠥᠭᠡᠮᠡᠢ ᠶᠢ ᠰᠤᠷᠴᠤ ᠡᠵᠡᠮᠰᠢᠬᠦ ᠳᠤ ᠮᠠᠰᠢ ᠬᠦᠴᠢᠷ᠃ ᠢᠯᠠᠩᠭᠤᠶᠠ ᠬᠥᠭᠡᠮᠡᠢ ᠶᠢᠨ | ᠲᠤᠬᠠᠢ ᠰᠤᠳᠤᠯᠤᠭᠠ ᠨᠢ ᠰᠤᠷᠬᠤ ᠠᠴᠠ ᠪᠦᠷ ᠬᠡᠴᠡᠭᠦᠦ︾ ᠭᠡᠵᠦ ᠶᠠᠷᠢᠭᠰᠠᠨ ᠰᠠᠨ᠃ | ᠳᠠᠭᠤᠤ ᠶᠢᠨ ᠤᠬᠠᠭᠠᠨ ᠤ ᠶᠣᠰᠣ ᠵᠦᠢ ᠶᠢᠨ ᠲᠠᠯᠠ ᠠᠴᠠ ᠬᠡᠯᠡᠪᠡᠯ᠂ ᠬᠥᠭᠡᠮᠡᠢ ᠪᠣᠯ ᠬᠤᠣᠰ | ᠠᠪᠢᠶᠠ ᠪᠠᠷ ᠳᠠᠭᠤᠯᠠᠭᠳᠠᠳᠠᠭ ᠴᠤᠷ ᠤᠨ ᠭᠠᠭᠴᠠ ᠤᠯᠠᠮᠵᠢᠯᠠᠯᠲᠤ ᠤᠷᠠᠯᠢᠭ ᠠᠵᠢ᠃ ᠵᠠᠷᠢᠮ ᠰᠤᠳᠤᠯᠤᠭᠠᠴᠢᠳ | ᠬᠥᠭᠡᠮᠡᠢ ᠶᠢ ︽ᠥᠭᠦᠯᠡᠬᠦ ᠡᠷᠬᠡᠲᠡᠨ᠂ ᠠᠮᠢᠰᠬᠤᠭᠠ ᠶᠢᠨ ᠤᠷᠠᠯᠢᠭ︾ ᠭᠡᠵᠦ ᠨᠡᠷᠡᠯᠡᠳᠡᠭ ᠠᠴᠠ ᠲᠡᠷᠡ ᠨᠢ | ᠰᠤᠳᠤᠯᠤᠭᠠᠴᠢᠳ ᠤᠨ ᠠᠩᠬᠠᠷᠤᠯ ᠢ ᠨᠡᠩ ᠶᠡᠭᠡ ᠪᠠᠷ ᠲᠠᠲᠠᠳᠠᠭ ᠤᠷᠠᠯᠢᠭ ᠤᠨ ᠨᠢᠭᠡ ᠪᠤᠯᠬᠤ ᠶᠤᠮ᠃ ᠬᠥᠭᠡᠮᠡᠢ ᠶᠢ | ᠠᠩᠬᠠ ᠮᠣᠩᠭᠤᠯ ᠨᠤᠲᠤᠭ᠂ ᠲᠤᠬᠠᠶᠢᠯᠠᠪᠠᠯ ᠤᠳᠤ ᠶᠢᠨ ᠲᠤᠸᠠ ᠣᠷᠴᠢᠮ ᠡᠭᠦᠰᠦᠭᠰᠡᠨ ᠬᠡᠮᠡᠨ ᠳᠡᠯᠡᠬᠡᠢ ᠶᠢᠨ ᠤᠯᠠᠨ | ᠰᠤᠳᠤᠯᠤᠭᠠᠴᠢᠳ ᠦᠵᠡᠳᠡᠭ ᠪᠥᠭᠡᠳ ᠬᠥᠭᠡᠮᠡᠢ ᠡᠭᠦᠰᠬᠦ ᠳᠤ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠪᠠᠶᠢᠭᠠᠯᠢ ᠳᠡᠯᠡᠬᠡᠢ ᠪᠠᠨ | ᠰᠢᠳᠦᠨ ᠳᠡᠭᠡᠳᠦᠯᠡᠳᠡᠭ ᠵᠠᠩᠰᠢᠯ ᠶᠡᠭᠡ ᠨᠥᠯᠥᠭᠡᠯᠡᠵᠡᠢ ᠭᠡᠳᠡᠭ᠃ ᠬᠥᠭᠡᠮᠡᠢ ᠨᠢ ᠠᠷᠠᠳ ᠲᠦᠮᠡᠨ ᠤ ᠬᠥᠭᠵᠢᠮ ᠢᠷᠠᠭᠤ | ᠨᠠᠶᠢᠷᠠᠭ ᠤᠨ ᠮᠡᠳᠡᠷᠡᠮᠵᠢ᠂ ᠲᠥᠪᠥᠩᠬᠡᠢ ᠪᠠᠷ ᠳᠠᠭᠤᠯᠠᠬᠤ ᠤᠨᠴᠠᠭᠠᠢ ᠴᠢᠳᠠᠪᠤᠷᠢ ᠶᠢᠨ ᠳ᠋ᠦᠩ ᠳᠤ ᠪᠤᠢ ᠪᠣᠯᠤᠭᠰᠠᠨ | ᠤᠷᠠᠯᠢᠭ ᠪᠠᠶᠢᠵᠤ᠂ ᠮᠣᠩᠭᠤᠯ ᠭᠠᠵᠠᠷ ᠣᠷᠣᠨ ᠳᠤ ᠥᠪᠡᠷ ᠤᠨ ᠣᠨᠴᠠᠯᠢᠭ ᠢ ᠬᠠᠳᠠᠭᠠᠯᠠᠨ ᠬᠥᠭᠵᠢᠵᠦ᠂ ᠲᠦᠷᠦᠯ | ᠵᠦᠢᠯ ᠤᠨ ᠬᠤᠪᠢ ᠳᠤ ᠴᠤ ᠬᠠᠮᠤᠭ ᠤᠨ ᠪᠠᠶᠠᠯᠢᠭ ᠪᠣᠯᠤᠭᠰᠠᠨ ᠪᠥᠭᠡᠳ 2009 ᠣᠨ ᠳᠤ ︽ᠬᠥᠮᠥᠨ | ᠲᠥᠷᠥᠯᠬᠢᠲᠡᠨ ᠤ ᠠᠮᠠᠨ ᠶᠠᠷᠢᠶᠠᠨ ᠤ ᠪᠣᠯᠣᠨ ᠳᠡᠯᠡᠬᠡᠢ ᠶᠢᠨ ᠪᠣᠳᠠᠰ ᠤᠨ ᠪᠤᠰᠤ ᠰᠣᠶᠣᠯ ᠤᠨ ᠥᠪ︾ ᠲᠤ | ᠪᠦᠷᠢᠳᠬᠡᠭᠦᠯᠵᠡᠢ᠃ | ︽ᠬᠥᠭᠡᠮᠡᠢ ᠨᠢ ᠤᠯᠠᠨ ᠦᠨᠳᠦᠰᠦᠲᠡᠨ ᠶᠠᠰᠤᠳᠠᠨ ᠤ ᠠᠬᠤᠢ ᠠᠮᠢᠳᠤᠷᠠᠯ᠂ ᠡᠬᠡ ᠪᠠᠶᠢᠭᠠᠯᠢ ᠶᠢᠨ | ᠲᠠᠭᠤ ᠴᠢᠮᠡᠭᠡ ᠶᠢ ᠠᠶᠠᠯᠭᠤ ᠪᠠᠷ ᠢᠯᠡᠷᠬᠡᠶᠢᠯᠡᠵᠦ᠂ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ ᠤᠶᠤᠨ ᠰᠠᠨᠠᠭᠠᠨ ᠳᠤ ᠮᠣᠷᠢᠨ | ᠬᠤᠭᠤᠷ ᠤᠨ ᠠᠶᠠᠯᠭᠤ ᠲᠠᠢ᠂ ᠮᠥᠨ ᠤᠷᠳᠤ ᠶᠢᠨ ᠳᠠᠭᠤᠤ ᠲᠠᠢ᠂ ᠢᠷᠦᠭᠡᠯ ᠮᠠᠭᠲᠠᠭᠠᠯ ᠲᠠᠢ ᠬᠤᠣᠰᠯᠠᠨ | ᠳᠠᠭᠤᠯᠠᠭᠳᠠᠵᠤ ᠬᠤᠨᠤᠭᠰᠢᠭᠰᠠᠨ ᠭᠠᠶᠢᠬᠠᠯᠲᠠᠢ ᠤᠷᠠᠯᠢᠭ᠃ ᠮᠥᠨᠴᠦ ᠪᠢᠳᠠᠨ ᠤ ᠡᠪᠦᠭᠡ ᠳᠡᠭᠡᠳᠦᠰ ᠤᠨ | ᠦᠯᠡᠳᠡᠭᠡᠭᠰᠡᠨ ᠥᠪ ᠬᠥᠷᠥᠩᠭᠡ ᠪᠣᠯᠬᠤᠷ ᠤᠯᠠᠮᠵᠢᠯᠠᠨ ᠬᠥᠭᠵᠢᠭᠦᠯᠬᠦ᠂ ᠭᠡᠭᠡᠭᠳᠡᠭᠦᠯᠦᠯ ᠦᠭᠡᠢ ᠠᠪᠴᠤ ᠶᠠᠪᠤᠬᠤ | ᠡᠭᠦᠷᠭᠡ ᠬᠦᠨᠳᠦ ᠪᠤᠢ︾ ᠭᠡᠵᠦ ᠡᠳᠦᠭᠡ ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠠᠬᠠᠮᠠᠳ ᠺᠠᠳ᠋ᠷᠴᠤᠳ ᠤᠨ ᠬᠥᠳᠡᠯᠭᠡᠭᠡᠨ ᠤ | ᠲᠥᠪ ᠲᠤ ᠠᠷᠠᠳ ᠤᠨ ᠳᠠᠭᠤᠤ᠂ ᠮᠣᠷᠢᠨ ᠬᠤᠭᠤᠷ ᠵᠢᠭᠠᠨ ᠤᠯᠠᠮᠵᠢᠯᠠᠵᠤ ᠪᠠᠶᠢᠭᠠ ᠰᠦᠷᠦᠩᠵᠠᠪ ᠭᠤᠸᠠᠢ ᠶᠠᠷᠢᠯᠠ᠃ | | ᠨᠠᠮ ᠲᠠᠶᠢᠪᠤᠩ᠂ ᠤᠶᠠᠩᠭᠠᠯᠢᠭ᠃ ᠭᠤᠣᠯ ᠤᠨ ᠤᠰᠤ ᠦᠯᠦ ᠮᠡᠳᠡᠭ ᠤᠷᠤᠰᠬᠤ ᠰᠢᠭ᠋᠂ ᠤᠶᠠᠬᠠᠨ | ᠰᠠᠯᠬᠢ ᠡᠪᠡᠰᠦᠨ ᠤ ᠲᠣᠯᠣᠭᠠᠢ ᠱᠦᠷᠭᠦᠬᠦ ᠰᠢᠭ᠂ ᠨᠠᠮᠵᠢᠭᠤᠬᠠᠨ ᠠᠶᠠᠯᠭᠤ ᠲᠠᠢ᠃ ᠡᠬᠡ ᠪᠠᠶᠢᠭᠠᠯᠢ ᠶᠢᠨ ᠲᠠᠭᠤ | ᠠᠪᠢᠶᠠ ᠶᠢ ᠴᠡᠪᠡᠷ᠂ ᠠᠷᠢᠭᠤᠨ ᠲᠠᠭᠱᠠᠨ ᠢᠶᠠᠷ ᠬᠥᠮᠥᠰ ᠲᠤ ᠬᠦᠷᠭᠡᠳᠡᠭ ︽ᠬᠥᠮᠥᠨ ᠬᠥᠭᠵᠢᠮ︾ - ᠬᠥᠭᠡᠮᠡᠢ | ᠤᠷᠠᠯᠢᠭ ᠢ ᠤᠯᠠᠮᠵᠢᠯᠠᠵᠤ ᠥᠪᠯᠡᠬᠦ ᠵᠠᠮ ᠮᠥᠷ ᠮᠥᠨ ᠬᠦ ᠬᠤᠯᠠ ᠪᠠᠶᠢᠭᠰᠠᠭᠠᠷ᠂᠂᠂᠂ | ᠰᠣᠶᠣᠯ ᠪᠣᠯ ᠬᠥᠮᠥᠨ ᠬᠥᠮᠥᠨ ᠤ ᠬᠤᠭᠤᠷᠤᠨᠳᠤᠭᠢ ᠰᠡᠳᠬᠢᠯ ᠪᠣᠯᠣᠨ ᠬᠠᠶᠢᠷᠠ ᠶᠢᠨ ᠬᠥᠭᠦᠷᠭᠡ᠂ | ᠮᠥᠨᠴᠦ ᠤᠯᠤᠰ ᠪᠣᠯᠣᠨ ᠤᠯᠤᠰ ᠤᠨ ᠬᠤᠭᠤᠷᠤᠨᠳᠤᠭᠢ ᠢᠲᠡᠭᠡᠯ ᠣᠶᠢᠯᠠᠭᠠᠯᠲᠠ ᠶᠢᠨ ᠬᠤᠯᠪᠣᠭᠠᠰᠤ᠃ ᠰᠢᠯᠢᠳᠡᠭ | ᠤᠯᠠᠮᠵᠢᠯᠠᠯᠲᠤ ᠰᠣᠶᠣᠯ ᠢᠶᠠᠨ ᠤᠯᠠᠮᠵᠢᠯᠠᠵᠤ᠂ ᠢᠵᠠᠭᠤᠷ ᠰᠣᠶᠣᠯ ᠢᠶᠠᠨ ᠬᠡᠮᠡᠨ ᠮᠡᠷᠡᠶᠢᠵᠦ᠂ ᠬᠦᠴᠦᠨ ᠵᠢᠳᠬᠦᠯ ᠢᠶᠠᠨ | ᠡᠷᠭᠦᠵᠦ ᠶᠠᠪᠤᠭᠠ ᠰᠣᠶᠣᠯ ᠤᠨ ᠵᠢᠳᠬᠦᠯᠲᠡᠨ᠂ ᠤᠷᠠᠯᠢᠭᠴᠢᠳ ᠲᠠᠭᠠᠨ ᠬᠦᠨᠳᠦᠳᠬᠡᠯ ᠳᠡᠪᠰᠢᠭᠦᠯᠦᠶᠡ︕ | | | | |