| | ᠰᠤᠷᠪᠤᠯᠵᠢᠯᠠᠬᠴᠢ ᠡᠷᠳᠡᠨᠢᠠ᠋ᠭᠤᠯᠠ ᠴᠢᠮᠡᠭᠡᠯᠡᠭᠴᠢ ᠡᠷᠳᠡᠨᠢᠬᠦᠦ ᠳ᠋ᠠᠷᠰᠢ | | ᠡᠪᠦᠯ ᠤᠨ ᠨᠠᠮᠤᠭᠤᠬᠠᠨ ᠥᠷᠯᠥᠭᠡ ᠲᠡᠮᠡᠭᠡᠨ ᠠᠭᠤᠯᠠ ᠬᠥᠬᠡᠷᠡᠵᠦ ᠲᠤᠨᠤᠷᠠᠵᠤ ᠬᠠᠷᠠᠭᠳᠠᠨᠠ᠃ | ᠲᠡᠭᠦᠨ ᠤ ᠡᠩᠭᠡᠷ ᠲᠤ ᠰᠤᠨᠤᠯᠵᠠᠭᠰᠠᠨ ᠬᠥᠳᠡᠭᠡ ᠶᠢᠨ ᠰᠢᠷᠠ ᠵᠠᠮ ᠢᠶᠠᠷ ᠳᠦᠭᠦᠷᠡᠩ ᠡᠪᠡᠰᠦ ᠠᠴᠢᠭᠰᠠᠨ ᠤᠯᠠᠭᠠᠨ | ᠥᠩᠭᠡᠲᠡᠢ ᠠᠴᠢᠶᠠᠨ ᠪ᠊ ᠮᠠᠰᠢᠨ ᠲᠣᠭᠤᠰᠣ ᠲᠠᠲᠠᠭᠤᠯᠤᠨ ᠳᠠᠪᠬᠢᠭᠤᠯᠤᠨᠠ᠃ ᠵᠢᠯᠣᠭᠤᠴᠢ ᠶᠢ ᠣᠶᠤᠨᠪᠠᠲᠤ ᠭᠡᠳᠡᠭ᠃ | ᠳᠡᠷᠡ ᠲᠠᠨᠢᠯ ᠠᠶᠢᠯ ᠳᠠᠭᠠᠨ ᠵᠠᠬᠢᠶᠠᠯᠠᠭᠰᠠᠨ ᠡᠪᠡᠰᠦ ᠶᠢ ᠨᠢ ᠬᠦᠷᠭᠡᠵᠦ ᠥᠭᠭᠦᠭᠡᠳ ᠦᠳᠡ ᠪᠤᠯᠬᠤ ᠠᠴᠠ ᠡᠮᠦᠨᠡ | ᠠᠮᠵᠢᠭᠤᠯᠤᠨ ᠬᠠᠷᠢᠵᠤ ᠥᠬᠢᠨ ᠳᠡᠭᠡᠨ ᠪᠤᠳᠠᠭᠠ ᠬᠤᠭᠤᠯᠠ ᠶᠢ ᠨᠢ ᠬᠢᠵᠦ ᠥᠭᠬᠦ᠂ ᠴᠠᠭᠢᠯᠭᠠᠨ ᠭᠦᠳᠡᠯᠭᠡᠭᠦᠷᠳᠦ | ᠮᠣᠲ᠋ᠣᠷ ᠵᠠᠰᠠᠬᠤ᠂ ᠲᠠᠷᠢᠶᠠᠨ ᠭᠠᠵᠠᠷ ᠲᠤ ᠡᠪᠡᠰᠦ ᠬᠤᠷᠢᠶᠠᠵᠤ ᠪᠣᠭᠤᠳᠠᠯᠯᠠᠬᠤ ᠮᠡᠲᠦ ᠶᠢᠨ ᠴᠥᠷᠬᠡᠯᠡᠭᠳᠡᠭᠰᠡᠨ ᠣᠯᠠᠨ | ᠠᠵᠢᠯ ᠢᠶᠠᠨ ᠠᠮᠵᠢᠭᠤᠯᠬᠤ ᠪᠠᠷ ᠶᠠᠭᠠᠷᠠᠵᠤ ᠪᠠᠶᠢᠭᠠ ᠠᠵᠢ᠃ | ᠦᠳᠡ ᠣᠶᠢᠷᠠᠳᠬᠤ ᠪᠠᠷ ᠪᠢᠳᠠ ᠣᠶᠤᠨᠪᠠᠲᠤ ᠲᠠᠢ ᠠᠭᠤᠯᠵᠠᠬᠤ ᠰᠠᠨ ᠭᠡᠵᠦ ᠬᠤᠶᠠᠷᠬᠤᠳᠳᠤᠭ ᠤᠨ | ᠬᠥᠳᠡᠭᠡ ᠶᠢᠨ ᠰᠤᠷᠭᠠᠭᠤᠯᠢ ᠶᠢᠨ ᠡᠰᠡᠷᠭᠦ ᠲᠠᠯᠠ ᠳᠤ ᠪᠠᠶᠢᠷᠢᠯᠠᠭᠠ ︽ᠠ ᠯᠠᠩ ᠴᠠᠭᠢᠯᠭᠠᠨ ᠭᠦᠳᠡᠯᠭᠡᠭᠦᠷᠳᠦ ᠲᠡᠷᠭᠡ︾ | ᠭᠡᠬᠦ ᠵᠠᠰᠠᠪᠤᠷᠢ ᠶᠢᠨ ᠭᠠᠵᠠᠷ ᠲᠤ ᠢᠷᠡᠵᠦ ᠬᠦᠯᠢᠶᠡᠪᠡ᠃ ᠤᠳᠠᠯ ᠦᠭᠡᠢ ᠰᠤᠷᠭᠠᠭᠤᠯᠢ ᠲᠠᠷᠬᠠᠬᠤ ᠳᠤ ᠳᠤᠭᠤᠢ | ᠲᠡᠷᠭᠡ ᠶᠢ ᠮᠤᠨᠳᠠᠭ ᠬᠤᠷᠳᠤᠨ ᠤᠨᠤᠳᠠᠭ ᠪᠢᠴᠢᠬᠠᠨ ᠥᠬᠢᠨ ᠰᠠᠯᠬᠢ ᠲᠠᠲᠠᠭᠤᠯᠤᠨ ᠢᠷᠡᠯᠡ᠃ ᠪᠢᠴᠢᠬᠠᠨ ᠥᠬᠢᠨ ᠤ | ᠰᠡᠷᠭᠦᠯᠡᠩ ᠭᠡᠳᠡᠭ ᠨᠢ ᠠᠷᠭᠠ ᠦᠭᠡᠢ᠃ ᠲᠠᠨᠢᠬᠤ ᠦᠭᠡᠢ ᠬᠥᠮᠥᠨ ᠡᠭᠦᠳᠡᠨ ᠳᠤᠨᠢ ᠪᠠᠶᠢᠬᠤᠯᠠᠷ ᠰᠢᠭᠤᠳ | ᠲᠦᠯᠬᠢᠭᠦᠷ ᠢᠶᠠᠨ ᠠᠪᠴᠤ ᠳᠡᠯᠭᠡᠭᠦᠷ ᠲᠡᠭᠡᠨ ᠣᠷᠣᠭᠰᠠᠨ ᠦᠭᠡᠢ᠂ ᠬᠠᠷᠢᠨ ᠠᠪᠤ ᠪᠠᠨ ᠬᠦᠯᠢᠶᠡᠭᠰᠡᠨ ᠪᠠᠶᠢᠳᠠᠯ | ᠭᠠᠷᠭᠠᠨ ᠪᠢᠳᠠᠨ ᠢ ᠠᠵᠢᠭᠯᠠᠵᠤ ᠪᠠᠶᠢᠯᠠ᠃ ᠳᠡᠭᠡᠭᠡᠳ ᠳᠠᠭᠢᠨ ᠳᠤᠭᠤᠢ ᠪᠠᠨ ᠤᠨᠤᠵᠤ ᠨᠡᠯᠢᠶᠡᠳ ᠵᠠᠶᠢᠲᠠᠢ ᠭᠠᠵᠠᠷ | ᠳᠠᠪᠬᠢᠭᠤᠯᠵᠤ ᠭᠠᠷᠤᠭᠠᠳ ᠠᠪᠤ ᠳᠠᠭᠠᠨ ᠤᠲᠠᠰᠤᠳᠠᠵᠤ ᠪᠠᠶᠢᠬᠤ ᠮᠠᠶ᠋ᠢᠭ ᠲᠠᠢ᠂ ᠬᠡᠰᠡᠭ ᠤᠳᠠᠭᠠᠳ ᠳᠠᠪᠬᠢᠭᠤᠯᠵᠤ | ᠢᠷᠡᠭᠡᠳ ᠲᠦᠯᠬᠢᠭᠦᠷ ᠲᠠᠯᠪᠢᠵᠤ ᠪᠠᠶᠢᠭᠰᠠᠨ ᠭᠠᠵᠠᠷ ᠠᠴᠠ ᠪᠠᠨ ᠲᠦᠯᠬᠢᠭᠦᠷ ᠢᠶᠠᠨ ᠠᠪᠴᠤ ᠡᠭᠦᠳᠡ ᠪᠠᠨ ᠨᠡᠭᠡᠭᠡᠭᠡᠳ | ᠪᠢᠳᠠᠨ ᠢ ᠣᠷᠣᠭᠤᠯᠪᠠ᠃ | ᠣᠶᠤᠨᠪᠠᠲᠤ ᠵᠠᠰᠠᠪᠤᠷᠢ ᠶᠢᠨ ᠭᠠᠵᠠᠷ ᠤᠨ ᠨᠢᠭᠡᠳᠦᠭᠡᠷ ᠳᠠᠪᠬᠤᠷᠯᠢᠭ ᠲᠠᠭᠠᠨ ᠠᠷᠢᠬᠢ ᠲᠠᠮᠠᠬᠢ ᠠᠴᠠ | ᠥᠭᠰᠥᠭᠦᠯᠦᠨ ᠡᠳᠦᠷ ᠳᠤᠳᠤᠮ ᠤᠨ ᠬᠡᠷᠡᠭᠯᠡᠭᠡᠨ ᠤ ᠵᠦᠢᠯᠡᠰ᠂ ᠴᠠᠭᠢᠯᠭᠠᠨ ᠭᠦᠳᠡᠯᠭᠡᠭᠦᠷᠳᠦ ᠮᠣᠲ᠋ᠣᠷ ᠤᠨ ᠳᠤᠨᠤᠭ | ᠰᠡᠯᠪᠢᠭ ᠬᠤᠳᠠᠯᠳᠤᠵᠤ᠂ ᠬᠤᠶᠠᠳᠤᠭᠠᠷ ᠳᠠᠪᠬᠤᠷᠯᠢᠭ ᠲᠤ ᠬᠤᠨᠣᠵᠤ ᠰᠠᠭᠤᠵᠤ ᠪᠠᠶᠢᠳᠠᠭ ᠶᠤᠮ ᠪᠠᠶᠢᠨᠠ᠃ ᠪᠢᠴᠢᠬᠠᠨ | ᠥᠬᠢᠨ ᠪᠢᠰᠢᠭᠦᠷᠬᠡᠬᠦ ᠦᠭᠡᠢ ᠪᠣᠯᠵᠤ᠂ ᠪᠢᠳᠠᠨ ᠳᠤ ᠴᠠᠢ ᠵᠠᠰᠠᠵᠤ ᠦᠭᠭᠦᠯᠠ᠃ ᠮᠠᠨᠳᠠᠷᠠᠸᠠ ᠭᠡᠳᠡᠭ ᠨᠡᠷᠡ ᠲᠠᠢ ᠭᠡᠨᠡ | ᠃ | ᠤᠳᠠᠯ ᠦᠭᠡᠢ ᠣᠶᠤᠨᠪᠠᠲᠤ ᠬᠠᠷᠢᠵᠤ ᠢᠷᠠᠯᠠ᠃ ᠭᠠᠷ ᠨᠢᠭᠤᠷ ᠢᠶᠠᠨ ᠤᠬᠢᠶᠠᠵᠤ ᠪᠠᠷᠠᠮᠠᠭᠴᠠ ᠪᠤᠳᠠᠭᠠ | ᠴᠠᠢ ᠪᠡᠯᠡᠳᠬᠡᠨ ᠪᠤᠵᠢᠭᠢᠨᠠᠵᠤ ᠭᠠᠷᠪᠠ᠃ ᠨᠠᠷᠢᠬᠠᠨ ᠪᠡᠶᠡ ᠲᠠᠢ ᠡᠨᠡ ᠡᠷᠡ ᠭᠡᠷ ᠤᠨ ᠪᠦᠭᠦ ᠠᠵᠢᠯ ᠢ ᠪᠦᠷ | ᠠᠮᠵᠢᠭᠤᠯᠤᠨ ᠬᠢᠴᠢᠬᠡᠳᠡᠭ ᠱᠠᠯᠠᠮᠠᠭᠠᠢ ᠬᠥᠮᠥᠨ ᠪᠠᠶᠢᠯᠠ᠃ ︽ᠥᠬᠢᠨ ᠰᠤᠷᠭᠠᠭᠤᠯᠢ ᠳᠤ ᠰᠠᠭᠤᠬᠤ ᠳᠤ ᠳᠦᠭᠦᠮ | ᠭᠡᠵᠦ 50 ᠲᠦᠮᠡᠨ ᠲᠥᠭᠦᠷᠢᠭ ᠢᠶᠠᠷ ᠡᠨᠡ ᠠᠰᠠᠷ ᠢ ᠬᠤᠳᠠᠯᠳᠤᠨ ᠠᠪᠤᠭᠰᠠᠨ ᠶᠤᠮ᠃ ᠠᠰᠠᠷ ᠠᠪᠬᠤ ᠳᠤ ᠵᠣᠭᠤᠰ | ᠵᠢᠭᠡᠯᠡᠵᠦ ᠥᠷᠢ ᠲᠠᠯᠪᠢᠭᠰᠠᠨ ᠲᠤᠯᠠ ᠤᠳᠤ ᠠᠵᠢᠯ ᠪᠠᠶᠢᠪᠠᠯ ᠬᠢᠵᠦ᠂ ᠡᠳᠦᠷᠵᠢᠨ ᠶᠠᠭᠠᠷᠠᠵᠤ ᠯᠡ ᠪᠠᠶᠢᠨᠠ︾ ᠭᠡᠵᠦ | ᠢᠨᠢᠶᠡᠮᠰᠦᠭᠯᠡᠨ ᠬᠡᠯᠡᠨᠡ᠃ | ᠣᠶᠤᠨᠪᠠᠲᠤ᠂ ᠲᠡᠭᠷᠢ ᠡᠯᠡᠰᠦ ᠪᠠᠯᠭᠠᠰᠤᠨ ᠤ ᠲᠡᠮᠡᠭᠡᠨ ᠠᠭᠤᠯᠠ ᠭᠠᠴᠠᠭᠠᠨ ᠤ ᠤᠤᠭᠠᠯ᠃ ᠳᠡᠭᠡᠷᠡ | ᠵᠠᠭᠤᠨ ᠤ ᠶᠡᠷᠡᠭᠡᠳ ᠣᠨ ᠳᠤ ᠮᠠᠯᠴᠢᠳ ᠢ ᠬᠤᠶᠠᠷᠬᠤᠳᠳᠤᠭ ᠤᠨ ᠬᠥᠳᠡᠭᠡ ᠳᠤ ᠨᠡᠭᠦᠯᠭᠡᠬᠦ ᠲᠥᠷᠥ ᠶᠢᠨ | ᠪᠣᠳᠣᠯᠭᠠ ᠶᠢᠨ ᠲᠣᠬᠢᠷᠠᠭᠤᠯᠭᠠ ᠪᠠᠷ ᠵᠢᠷᠭᠠᠯᠰᠠᠶᠢᠬᠠᠨ ᠪᠠᠯᠭᠠᠰᠤᠨ ᠤ ᠬᠠᠳᠤᠠᠭᠤᠤᠯ ᠭᠠᠴᠠᠭᠠᠨ ᠳᠤ ᠨᠤᠲᠤᠭᠰᠢᠵᠠᠢ᠃ | ︽ᠪᠢ 32 ᠮᠦ ᠲᠠᠷᠢᠶᠠᠨ ᠭᠠᠵᠠᠷ ᠲᠠᠢ᠂ ᠥᠩᠭᠡᠷᠡᠭᠰᠡᠨ ᠳᠤ ᠲᠠᠷᠢᠶᠠᠨ ᠤ ᠤᠷᠤᠯᠭᠠ ᠰᠠᠶᠢᠨ ᠪᠢᠰᠢ ᠪᠣᠯᠬᠤᠷ | ᠪᠤᠰᠤᠳ ᠲᠤ ᠲᠦᠷᠢᠶᠡᠰᠦᠯᠡᠵᠦ ᠥᠭᠭᠦᠭᠡᠳ ᠲᠡᠭᠡᠭᠡᠪᠦᠷᠢ ᠶᠢᠨ ᠠᠵᠢᠯ ᠬᠢᠵᠦ ᠪᠠᠶᠢᠭᠰᠠᠨ᠃ ᠥᠬᠢᠨ ᠢ ᠭᠤᠷᠪᠠᠨ | ᠨᠠᠰᠤᠲᠠᠢ ᠳᠤ ᠤᠷᠤᠭ ᠰᠠᠯᠤᠭᠰᠠᠨ ᠠᠴᠠ ᠲᠠᠷᠢᠶᠠᠨ ᠠᠵᠢᠯ ᠢ ᠳᠠᠭᠢᠨ ᠬᠢᠬᠦ ᠪᠣᠯᠤᠭᠰᠠᠨ ᠶᠤᠮ᠃ ᠪᠤᠰᠤᠳ ᠲᠤ | ᠭᠠᠵᠠᠷ ᠢᠶᠠᠨ ᠲᠦᠷᠢᠶᠡᠰᠦᠯᠡᠬᠦ ᠠᠴᠠ ᠥᠪᠡᠷ ᠢᠶᠠᠨ ᠳᠠᠷᠢᠪᠠᠯ ᠤᠷᠤᠯᠭᠠ ᠪᠠᠭᠠ ᠨᠡᠮᠡᠭᠳᠡᠯ ᠲᠠᠢ᠂ ᠲᠡᠷᠡᠴᠢᠯᠡᠨ ᠥᠬᠢᠨ | ᠬᠡᠦᠬᠡᠳ ᠤᠨ ᠴᠡᠴᠡᠷᠯᠢᠭ ᠲᠤ ᠰᠠᠭᠤᠬᠤ ᠪᠣᠯᠤᠭᠰᠠᠨ ᠢᠶᠠᠷ ᠭᠠᠳᠠᠭᠰᠢ ᠭᠠᠷᠴᠤ ᠲᠡᠭᠡᠭᠡᠪᠦᠷᠢ ᠶᠢᠨ ᠠᠵᠢᠯ ᠬᠢᠬᠦ ᠶᠢᠨ | ᠠᠷᠭᠠ ᠦᠭᠡᠢ᠃ ᠳᠡᠭᠡᠭᠡᠳ ᠲᠠᠷᠢᠶᠠᠨ ᠠᠵᠢᠯ ᠬᠢᠬᠦ ᠶᠢᠨ ᠳᠠᠭᠠᠤ ᠣᠶᠢᠷᠠ ᠵᠠᠭᠤᠷᠠ ᠠᠵᠢᠯ ᠣᠯᠵᠤ ᠬᠢᠭᠡᠳ | ᠠᠮᠢᠳᠤᠷᠠᠯ ᠢᠶᠠᠨ ᠪᠣᠰᠬᠠᠵᠤ ᠶᠠᠪᠤᠯᠠ︾ ᠭᠡᠬᠦ ᠳᠤ ᠬᠠᠷᠠ ᠪᠣᠷᠣ ᠠᠵᠢᠯ ᠳᠤ ᠳᠠᠷᠤᠭᠳᠠᠭᠰᠠᠨ ᠬᠥᠷᠥᠰᠦᠯᠢᠭ ᠴᠢᠷᠠᠢ | ᠳᠤᠨᠢ ᠭᠤᠨᠢᠭ ᠮᠠᠨᠠᠨᠳᠠᠵᠦ ᠬᠠᠷᠠᠭᠳᠠᠨᠠ᠃ | ︽ᠡᠷᠡ ᠪᠦᠰᠡᠲᠡᠢ ᠬᠥᠮᠥᠨ ᠭᠠᠭᠴᠠᠭᠠᠷ ᠢᠶᠠᠨ ᠬᠡᠦᠬᠡᠳ ᠥᠰᠬᠡᠨᠡ ᠭᠡᠭᠴᠢ ᠠᠮᠠᠷ ᠦᠭᠡᠢ᠂ ᠢᠳᠡᠵᠦ | ᠡᠮᠦᠰᠬᠦ᠂ ᠤᠬᠢᠶᠠᠵᠤ ᠴᠡᠪᠡᠷᠯᠡᠬᠦ᠂ ᠰᠤᠷᠭᠠᠵᠤ ᠬᠥᠮᠥᠵᠢᠭᠦᠯᠬᠦ ᠤᠯᠠᠨ ᠤᠴᠢᠷ ᠠᠷᠤ ᠠᠷᠤ ᠠᠴᠠ ᠪᠠᠨ ᠴᠤᠪᠤᠷᠠᠨᠠ᠃ | ᠬᠡᠷᠪᠡ ᠡᠪᠡᠳᠴᠢᠯᠡᠵᠦ ᠵᠣᠪᠠᠪᠠᠯ ᠠᠵᠢᠯ ᠬᠠᠶᠠᠭᠳᠠᠵᠤ᠂ ᠬᠠᠷᠠᠵᠤ ᠬᠠᠷᠠᠭᠠᠯᠵᠠᠬᠤ ᠤᠴᠢᠷ ᠲᠤ ᠰᠦᠢᠳ ᠪᠤᠯᠳᠠᠭ᠃ | ᠬᠡᠦᠬᠡᠳ ᠢᠶᠠᠨ ᠡᠷᠡᠭᠦᠯ ᠰᠠᠷᠠᠭᠤᠯ ᠰᠠᠶᠢᠬᠠᠨ ᠠᠪᠴᠤ ᠶᠠᠪᠤᠶᠠ ᠭᠡᠵᠦ ᠵᠢᠳᠬᠦᠭᠰᠡᠭᠡᠷ ᠢᠷᠡᠭᠰᠡᠨ ᠶᠤᠮ᠃ ᠳᠡᠭᠡᠭᠡᠳ | ᠬᠡᠦᠬᠡᠳ ᠢᠶᠠᠨ ᠬᠡᠵᠢᠶᠡᠳᠡ ᠬᠠᠵᠠᠭᠤ ᠳᠠᠭᠠᠨ ᠳᠠᠭᠠᠭᠤᠯᠵᠤ ᠲᠠᠷᠢᠶᠠᠨ ᠠᠵᠢᠯ ᠢᠶᠠᠨ ᠬᠢᠳᠡᠭ᠃ ᠲᠣᠮᠣ ᠬᠥᠮᠥᠨ ᠲᠠᠢ | ᠶᠠᠪᠤᠬᠤ ᠳᠤ ᠬᠡᠦᠬᠡᠳ ᠶᠡᠷᠦᠨᠢ ᠨᠠᠭᠠᠳᠬᠤ ᠬᠠᠨᠢ ᠦᠭᠡᠢ ᠭᠠᠭᠴᠠᠭᠠᠷᠳᠠᠬᠤ ᠶᠤᠮ ᠪᠢᠯᠡ᠂ ᠪᠢ ᠵᠠᠪ ᠭᠠᠷᠤᠭᠰᠠᠭᠠᠷ | ᠬᠡᠦᠬᠡᠳ ᠲᠠᠢ ᠪᠠᠨ ᠨᠠᠭᠠᠳᠴᠤ ᠤᠷᠮᠠ ᠶᠢ ᠨᠢ ᠰᠡᠷᠭᠦᠭᠡᠳᠡᠭ ᠪᠠᠶᠢᠭᠰᠠᠨ︾ ᠭᠡᠳ ᠬᠠᠷᠠᠩᠭᠤᠢ ᠰᠥᠨᠢ ᠪᠠᠭᠤᠯᠭᠠᠭᠰᠠᠨ | ᠨᠢᠭᠡᠨ ᠰᠡᠭᠦᠳᠡᠷ ᠢ ᠵᠢᠭᠠᠭᠠᠳ᠄ ︽ᠡᠨᠡ ᠵᠢᠷᠤᠭ ᠦᠯᠢᠭᠡᠷ ᠲᠠᠢ ᠶᠤᠮ᠃ ᠰᠥᠨᠢ ᠲᠠᠷᠢᠶᠠᠨ ᠳᠤ ᠤᠰᠤ ᠳᠠᠯᠪᠢᠬᠤ | ᠦᠶᠡ ᠳᠤ ᠬᠡᠦᠬᠡᠳ ᠢ ᠲᠡᠷᠭᠡᠨ ᠳᠡᠭᠡᠷᠡ ᠰᠠᠭᠤᠯᠭᠠᠭᠠᠳ ᠪᠢ ᠠᠵᠢᠯ ᠳᠠᠭᠠᠨ ᠶᠠᠭᠠᠷᠠᠭᠰᠠᠨ᠃ ᠪᠤᠴᠠᠵᠤ ᠢᠷᠡᠬᠦᠯᠡᠷ | ᠬᠡᠦᠬᠡᠳ ᠠᠶᠤᠵᠤ ᠡᠮᠢᠶᠡᠨ ᠠᠲᠤᠷᠢᠵᠤ ᠬᠤᠷᠠᠭᠠᠳ ᠶᠡᠭᠡ ᠬᠥᠭᠡᠷᠦᠬᠦᠶᠢᠯᠡᠯᠲᠡᠢ ᠪᠠᠶᠢᠯᠠ᠃ ᠳᠡᠭᠡᠭᠡᠳ ᠬᠡᠦᠬᠡᠳ ᠢᠶᠠᠨ | ᠠᠷᠭᠠᠳᠠᠬᠤ ᠶᠢᠨ ᠳᠠᠭᠠᠤ ᠲᠡᠭᠦᠨ ᠲᠠᠢ ᠨᠢᠭᠤᠯᠴᠠᠭᠠ ᠬᠢᠵᠦ ᠨᠠᠭᠠᠳᠤᠭᠰᠠᠨ᠃ ᠬᠡᠦᠬᠡᠳ ᠭᠡᠭᠴᠢ ᠬᠥᠭᠡᠷᠦᠬᠦᠢ᠂ | ᠨᠠᠭᠠᠳᠤᠨᠠ ᠭᠡᠭᠰᠡᠭᠡᠷ ᠪᠡᠯᠡᠨ ᠤᠷᠮᠠ ᠲᠠᠢ ᠪᠣᠯᠵᠤ ᠠᠪᠤ ᠶᠢᠨ ᠢᠶᠠᠨ ᠳᠡᠷᠭᠡᠳᠡ ᠵᠣᠷᠢᠭ ᠲᠠᠢ ᠪᠣᠯᠴᠢᠬᠠᠳᠠᠭ ᠶᠤᠮ | ᠪᠠᠶᠢᠨᠠ᠂ ᠬᠠᠷᠠᠩᠭᠤᠢ ᠰᠥᠨᠢ ᠪᠢᠳᠠ ᠬᠤᠶᠠᠭᠤᠯᠠ ᠬᠥᠯᠥᠰᠦ ᠭᠠᠷᠳᠠᠯᠠ ᠪᠠᠨ ᠲᠣᠭᠯᠠᠭᠠᠳ ᠠᠮᠠᠷᠠᠬᠤ ᠦᠶᠡ ᠳᠤ ᠡᠨᠡ | ᠰᠡᠭᠦᠳᠡᠷ ᠢ ᠲᠠᠲᠠᠭᠤᠯᠵᠤ ᠪᠢᠯᠡ︾ ᠭᠡᠵᠦ ᠥᠩᠭᠡᠷᠡᠭᠰᠡᠨ ᠤ ᠠᠮᠢᠳᠤᠷᠠᠯ ᠤᠨ ᠬᠡᠰᠡᠭ ᠪᠤᠰᠤᠭ ᠢᠶᠠᠨ ᠡᠷᠭᠢᠴᠡᠭᠦᠯᠦᠨ | ᠶᠠᠷᠢᠨᠠ᠃ ᠠᠪᠤ ᠬᠥᠮᠥᠨ ᠠᠵᠢᠯᠯᠠᠭᠠᠳ ᠬᠡᠳᠦᠢ ᠶᠠᠳᠠᠷᠠᠵᠤ ᠪᠠᠶᠢᠭᠰᠠᠨ ᠴᠦ ᠬᠡᠦᠬᠡᠳ ᠢᠶᠠᠨ ᠬᠠᠷᠠᠮᠠᠭᠴᠠ ᠵᠦᠳᠡᠷᠡᠯ | ᠨᠢ ᠮᠠᠷᠲᠠᠭᠳᠠᠵᠤ ᠲᠡᠭᠦᠨ ᠤ ᠪᠠᠨ ᠲᠥᠯᠥᠭᠡ ᠶᠠᠭᠤᠨ ᠠᠴᠠ ᠴᠦ ᠪᠤᠴᠠᠬᠤ ᠦᠭᠡᠢ ᠪᠣᠯᠴᠢᠬᠠᠳᠠᠭ ᠨᠢ ᠶᠠᠮᠠᠷ ᠨᠢᠭᠡᠨ | ᠷᠢᠳᠢ ᠰᠢᠳᠢ ᠭᠡᠯᠲᠡᠢ᠃ | ᠣᠶᠤᠨᠪᠠᠲᠤ ᠲᠠᠢ ᠶᠠᠷᠢᠯᠴᠠᠬᠤ ᠳᠤ ᠦᠭᠡ ᠶᠠᠷᠢᠶᠠ ᠨᠢ ᠥᠬᠢᠨ ᠤ ᠪᠠᠨ ᠲᠤᠬᠠᠢ ᠰᠡᠳᠦᠪ ᠠᠴᠠ ᠰᠠᠯᠬᠤ | ᠦᠭᠡᠢ ᠪᠠᠶᠢᠯᠠ᠃ ᠳᠡᠷᠡ ᠭᠠᠷ ᠤᠲᠠᠰᠤ ᠪᠠᠨ ᠭᠠᠷᠭᠠᠨ ᠥᠬᠢᠨ ᠤ ᠪᠠᠨ ᠥᠰᠴᠦ ᠪᠣᠶᠢᠵᠢᠭᠰᠠᠨ ᠥᠩᠭᠡᠷᠡᠯᠲᠡ ᠶᠢ | ᠪᠢᠳᠠᠨ ᠳᠤ ᠦᠵᠡᠭᠦᠯᠵᠦ᠂ ᠵᠢᠷᠭᠤᠭᠠᠨ ᠵᠢᠯ ᠤᠨ ᠲᠤᠷᠰᠢᠬᠢ ᠬᠡᠦᠬᠡᠳ ᠢᠶᠠᠨ ᠥᠰᠬᠡᠭᠰᠡᠨ ᠦᠯᠢᠭᠡᠷ ᠢᠶᠠᠨ ᠶᠠᠷᠢᠨᠠ᠃ | ᠪᠢᠴᠢᠬᠠᠨ ᠮᠠᠨᠳᠠᠷᠠᠸᠠ ᠠᠯᠢᠶᠠ ᠳᠡᠭᠵᠢᠨ ᠪᠠᠶᠢᠳᠠᠭ ᠲᠤᠬᠠᠢ᠂ ᠤᠬᠠᠭᠠᠨ ᠲᠣᠮᠤᠭᠠ ᠲᠠᠢ ᠪᠠᠶᠢᠳᠠᠭ ᠲᠤᠬᠠᠢ᠂ ᠬᠡᠳᠦᠢ | ᠱᠠᠩᠨᠠᠯ ᠣᠯᠣᠭᠰᠠᠨ᠂ ᠬᠡᠳᠦᠨ ᠰᠢᠯᠦᠭ ᠴᠡᠭᠡᠵᠢᠯᠡᠭᠰᠡᠨ᠂ ᠬᠡᠳᠦᠨ ᠦᠯᠢᠭᠡᠷ ᠶᠠᠷᠢᠵᠤ ᠴᠢᠳᠠᠳᠠᠭ ᠭᠡᠳ ᠬᠡᠦᠬᠡᠳ ᠤᠨ | ᠲᠤᠬᠠᠢ ᠶᠠᠷᠢᠬᠤ ᠳᠤ ᠦᠭᠡ ᠨᠢ ᠣᠨᠳᠣᠷᠴᠤ ᠰᠡᠳᠬᠢᠯ ᠨᠢ ᠭᠡᠷᠡᠯᠲᠦᠨᠡ᠃ ᠭᠡᠪᠡᠴᠦ ᠥᠪᠡᠷ ᠤᠨ ᠬᠢᠨᠢ ᠲᠤᠬᠠᠢ | ᠶᠠᠷᠢᠬᠤ ᠳᠤ ᠦᠭᠡ ᠨᠢ ᠴᠥᠭᠡᠳᠡᠵᠦ᠂ ᠱᠠᠯᠠᠵᠤ ᠰᠢᠬᠠᠬᠤ ᠶᠢᠨ ᠨᠠᠭᠠᠭᠤᠷ ᠪᠠᠶᠢᠮᠠᠨ ᠰᠠᠶ᠋ᠢ ᠲᠡᠭᠦᠨ ᠤ ᠡᠳᠦᠷ ᠲᠤ | ᠳᠥᠷᠪᠡ ᠲᠠᠪᠤᠨ ᠵᠦᠢᠯ ᠤᠨ ᠠᠵᠢᠯ ᠢ ᠡᠷᠲᠡᠯᠡᠵᠦ ᠣᠷᠣᠶᠢᠯᠠᠨ ᠬᠢᠵᠦ᠂ ᠠᠮᠢᠳᠤᠷᠠᠯ ᠢᠶᠠᠨ ᠥᠭᠡᠳᠡ ᠳᠠᠳᠠᠨ ᠪᠣᠰᠬᠠᠵᠤ | ᠪᠠᠶᠢᠳᠠᠭ ᠢ ᠮᠡᠳᠡᠵᠦ ᠠᠪᠤᠭᠰᠠᠨ ᠶᠤᠮ᠃ | ᠪᠢᠴᠢᠬᠠᠨ ᠮᠠᠨᠳᠠᠷᠠᠸᠠ ᠬᠡᠦᠬᠡᠳ ᠤᠨ ᠴᠡᠴᠡᠷᠯᠢᠭ ᠲᠤ ᠣᠷᠣᠭᠰᠠᠨ ᠠᠴᠠ ᠨᠠᠭᠠᠰᠢ᠂ ᠥᠬᠢᠨ ᠢᠶᠠᠨ | ᠶᠠᠭᠠᠬᠢᠵᠤ ᠬᠥᠮᠥᠨ ᠤ ᠬᠡᠦᠬᠡᠳ ᠲᠠᠢ ᠠᠳᠠᠯᠢᠬᠠᠨ ᠡᠷᠬᠡ ᠵᠢᠷᠭᠠᠯ ᠲᠠᠢ ᠥᠰᠬᠡᠬᠦ ᠪᠢᠯᠡ ᠭᠡᠳᠡᠭ ᠨᠢ ᠣᠶᠤᠨᠪᠠᠲᠤ ᠶᠢᠨ | ᠰᠡᠳᠬᠢᠯ ᠳᠤ ᠤᠶᠠᠭᠠᠲᠠᠢ ᠪᠣᠯᠤᠭᠰᠠᠨ ᠭᠡᠨᠡ᠃ ᠳᠡᠭᠡᠭᠡᠳ ᠳᠡᠷᠡ ᠲᠠᠷᠢᠶᠠᠨ ᠠᠵᠢᠯ ᠤᠨ ᠴᠢᠯᠦᠭᠡ ᠵᠠᠪ ᠢᠶᠠᠷ | ᠬᠥᠳᠡᠭᠡ ᠶᠢᠨ ᠠᠶᠢᠯ ᠳᠤ ᠣᠴᠢᠵᠤ ᠬᠠᠪᠲᠠᠰᠤᠨ ᠭᠡᠷ ᠪᠠᠷᠢᠬᠤ᠂ ᠬᠦᠷᠢᠶᠡ ᠬᠠᠰᠢᠶᠠ ᠵᠠᠰᠠᠬᠤ ᠪᠠ ᠪᠠᠯᠭᠠᠰᠤᠨ ᠳᠡᠭᠡᠷᠡ | ᠳᠡᠯᠭᠡᠭᠦᠷ ᠲᠤ ᠠᠵᠢᠯᠯᠠᠬᠤ᠂ ᠵᠠᠰᠠᠪᠤᠷᠢ ᠶᠢᠨ ᠭᠠᠵᠠᠷ ᠱᠠᠪᠢ ᠣᠷᠣᠬᠤ᠂ ᠲᠡᠷᠭᠡ ᠮᠠᠰᠢᠨ ᠤ ᠰᠡᠯᠪᠢᠭ ᠳᠤᠨᠤᠭ | ᠬᠤᠳᠠᠯᠳᠤᠬᠤ ᠭᠡᠬᠦᠴᠢᠯᠡᠨ ᠠᠵᠢᠯ ᠢ ᠭᠤᠯᠣᠯ ᠦᠭᠡᠢ ᠬᠢᠵᠦ ᠶᠠᠪᠤᠵᠠᠢ᠃ ᠭᠡᠪᠡᠴᠦ ᠥᠬᠢᠨ ᠢᠶᠠᠨ ᠴᠡᠴᠡᠷᠯᠢᠭ ᠲᠤ | ᠬᠦᠷᠭᠡᠬᠦ᠂ ᠬᠠᠷᠠᠵᠤ ᠳᠣᠳᠣᠮᠳᠠᠬᠤ᠂ ᠬᠢᠴᠢᠶᠡᠯ ᠳᠠᠰᠬᠠᠯ ᠢ ᠨᠢ ᠵᠢᠯᠤᠭᠤᠳᠬᠤ ᠲᠤᠯᠠ ᠬᠤᠯᠠ ᠭᠠᠵᠠᠷ ᠶᠠᠪᠤᠵᠤ ᠴᠢᠳᠠᠯ | ᠦᠭᠡᠢ᠂ ᠳᠣᠣᠷᠠ ᠤᠷᠤᠯᠭᠠ ᠲᠠᠢ ᠬᠥᠯᠥᠰᠦᠨ ᠠᠵᠢᠯ ᠬᠢᠵᠦ ᠪᠠᠶᠢᠪᠠ᠃ ᠣᠶᠤᠨᠪᠠᠲᠤ ᠬᠡᠳᠦᠶᠢᠪᠡᠷ ᠰᠤᠷᠤᠯᠭᠠ ᠶᠢᠨ | ᠮᠥᠷ ᠬᠥᠭᠡᠭᠡᠵᠦ ᠪᠢᠴᠢᠭ ᠨᠣᠮ ᠰᠤᠷᠤᠭᠠ ᠦᠭᠡᠢ ᠪᠤᠯᠪᠠᠴᠦ ᠰᠤᠷᠴᠤ ᠰᠤᠳᠤᠯᠬᠤ ᠳᠤᠷᠠᠲᠠᠢ᠂ ᠪᠠᠭᠠ ᠠᠴᠠ ᠪᠠᠨ | ᠲᠡᠷᠭᠡ ᠮᠠᠰᠢᠨ ᠢ ᠵᠠᠰᠠᠵᠤ ᠤᠷᠤᠯᠳᠤᠬᠤ ᠳᠤ ᠪᠠᠭ᠋ᠠᠲᠠᠢ ᠭᠡᠨᠡ᠃ ᠵᠢᠯ ᠭᠠᠷᠤᠢ ᠵᠠᠰᠠᠪᠤᠷᠢ ᠶᠢᠨ ᠭᠠᠵᠠᠷ ᠱᠠᠪᠢ | ᠪᠤᠯᠬᠤ ᠳᠠᠭᠠᠨ ᠴᠠᠭᠢᠯᠭᠠᠨ ᠭᠦᠳᠡᠯᠭᠡᠭᠦᠷᠳᠦ ᠲᠡᠷᠭᠡ ᠶᠢ ᠵᠠᠰᠠᠬᠤ ᠮᠡᠷᠭᠡᠵᠢᠯ ᠢ ᠭᠠᠶᠢᠭᠤᠢ ᠰᠠᠶᠢᠨ ᠡᠵᠡᠮᠰᠢᠵᠦ᠂ | ᠳᠡᠭᠡᠷᠡ ᠨᠢ ᠨᠣᠮ ᠪᠢᠴᠢᠭ᠂ ᠰᠦᠯᠵᠢᠶᠡᠨ ᠳᠡᠭᠡᠷᠡ ᠠᠴᠠ ᠮᠡᠳᠡᠯᠭᠡ ᠰᠤᠷᠤᠯᠴᠠᠭᠠᠳ᠂ ᠥᠪᠡᠷ ᠤᠨ ᠮᠡᠷᠭᠡᠵᠢᠯ ᠢᠶᠠᠨ | ᠶᠡᠬᠡᠬᠡᠨ ᠳᠡᠭᠡᠭᠰᠢᠯᠡᠭᠦᠯᠵᠡᠢ᠃ ᠤᠷᠵᠢᠨᠤᠨ ᠨᠠᠮᠤᠷ ᠪᠢᠴᠢᠬᠠᠨ ᠮᠠᠨᠳᠠᠷᠠᠸᠠ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ ᠣᠷᠣᠬᠤ | ᠪᠤᠯᠬᠤ ᠳᠤ ᠳᠡᠷᠡ ᠰᠤᠷᠭᠠᠭᠤᠯᠢ ᠶᠢᠨ ᠡᠭᠦᠳᠡᠨ ᠤ ᠡᠰᠡᠷᠭᠦ ᠲᠠᠯᠠ ᠳᠤ ᠳᠡᠯᠭᠡᠭᠦᠷ ᠭᠠᠷᠭᠠᠨ ᠵᠠᠰᠠᠪᠤᠷᠢ ᠶᠢᠨ ᠠᠵᠢᠯ ᠬᠢᠬᠦ | ᠪᠣᠯᠵᠠᠢ᠃ ︽ᠮᠠᠨ ᠤ ᠭᠠᠴᠠᠭᠠ ᠰᠤᠷᠭᠠᠭᠤᠯᠢ ᠠᠴᠠ ᠬᠡᠳᠦᠨ ᠺᠢᠯᠣᠮᠧᠲᠷ ᠵᠠᠶᠢᠲᠠᠢ᠂ ᠥᠬᠢᠨ ᠤ ᠰᠤᠷᠭᠠᠭᠤᠯᠢ ᠳᠤ | ᠶᠠᠪᠤᠬᠤ ᠳᠤ ᠳᠦᠭᠦᠮ ᠢ ᠪᠤᠳᠤᠵᠤ᠂ ᠡ᠊ᠨᠳᠡ ᠠᠴᠠ ᠠᠰᠠᠷ ᠠᠪᠴᠤ ᠵᠠᠰᠠᠪᠤᠷᠢ ᠶᠢᠨ ᠭᠠᠵᠠᠷ ᠢᠶᠠᠨ ᠭᠠᠷᠭᠠᠯᠠ᠃ | ᠥᠪᠡᠷ ᠤᠨ ᠭᠡᠬᠦ ᠲᠣᠭᠲᠠᠮᠠᠯ ᠠᠵᠢᠯ ᠬᠢᠪᠡᠯ ᠤᠷᠤᠯᠭᠠ ᠰᠠᠶᠢᠵᠢᠷᠠᠨ᠂ ᠥᠬᠢᠨ ᠢᠶᠠᠨ ᠨᠡᠩ ᠰᠠᠶᠢᠨ ᠠᠮᠢᠳᠤᠷᠠᠭᠤᠯᠵᠤ | ᠴᠢᠳᠠᠨᠠ︾ ᠭᠡᠵᠦ ᠣᠶᠤᠨᠪᠠᠲᠤ ᠶᠠᠷᠢᠨᠠ᠃ | ︽ᠤᠰᠤ ᠠᠷᠪᠢᠯᠠᠬᠤ ᠲᠤᠰᠬᠠᠢ ᠲᠣᠬᠢᠷᠠᠭᠤᠯᠤᠯᠲᠠ ᠲᠠᠢ ᠪᠣᠯᠬᠤᠷ ᠤᠰᠤᠯᠠᠭᠠᠨ ᠳᠤ ᠠᠷᠪᠢᠲᠠᠢ | ᠲᠠᠷᠢᠮᠠᠯ ᠢ ᠨᠢᠭᠡᠳᠦᠯᠲᠡᠢ ᠲᠠᠷᠢᠳᠠᠭ᠃ ᠤᠷᠵᠢᠨᠤᠨ ᠡᠷᠳᠡᠨᠢ ᠰᠢᠰᠢ ᠳᠠᠷᠢᠭᠠᠳ17 ᠳᠤᠨ ᠬᠤᠷᠢᠶᠠᠵᠤ 3.4 ᠲᠦᠮᠡᠨ | ᠲᠥᠭᠦᠷᠢᠭ ᠢᠶᠠᠷ ᠬᠤᠳᠠᠯᠳᠤᠭᠰᠠᠨ᠃ ᠨᠢᠳᠤᠨᠤᠨ ᠪᠠᠰᠠ ᠡᠷᠳᠡᠨᠢ ᠰᠢᠰᠢ ᠳᠠᠷᠢᠬᠤ ᠪᠠᠷ ᠲᠣᠬᠢᠷᠠᠭᠤᠯᠤᠭᠰᠠᠨ᠂ ᠪᠢ | ᠨᠢᠭᠲᠠ ᠰᠢᠭ᠋ ᠳᠠᠷᠢᠭᠰᠠᠨ ᠤ ᠳᠡᠭᠡᠷᠡ ᠬᠤᠷᠠ ᠪᠣᠷᠣᠭᠠᠨ ᠰᠠᠶᠢᠨ ᠪᠣᠯᠬᠤᠷ ᠬᠤᠷᠢᠶᠠᠯᠲᠠ ᠳᠡᠭᠡᠷᠡ ᠵᠢᠯ ᠤᠨ ᠬᠢ ᠠᠴᠠ | ᠰᠠᠶᠢᠨ ᠪᠣᠯᠤᠭᠰᠠᠨ᠂ ᠤᠳᠤ ᠪᠤᠯᠳᠠᠯᠠ ᠡᠷᠳᠡᠨᠢ ᠰᠢᠰᠢ ᠪᠠᠨ ᠬᠤᠳᠠᠯᠳᠤᠭᠠᠳᠤᠢ ᠪᠠᠶᠢᠭᠰᠠᠭᠠᠷ᠃ ᠪᠢᠳᠠ ᠡᠷᠳᠡᠨᠢ | ᠰᠢᠰᠢ ᠶᠢ ᠳᠤᠰᠤᠯᠭᠠᠨ ᠤᠰᠤᠯᠠᠬᠤ ᠮᠡᠷᠭᠡᠵᠢᠯ ᠢᠶᠠᠷ ᠳᠠᠷᠢᠵᠦ ᠪᠠᠶᠢᠨᠠ᠃ ᠪᠤᠰᠤᠳ ᠬᠥᠮᠥᠨ ᠳᠤᠰᠤᠯᠭᠠᠨ ᠤᠰᠤᠯᠠᠬᠤ | ᠭᠤᠤᠷᠰᠤ ᠶᠢ ᠲᠠᠷᠢᠶᠠᠨ ᠳᠠᠭᠠᠨ ᠲᠣᠭᠲᠠᠮᠠᠯ ᠪᠠᠶᠢᠷᠢᠰᠢᠭᠤᠯᠤᠨ ᠲᠠᠯᠪᠢᠳᠠᠭ᠂ ᠪᠢ ᠥᠪᠡᠷ ᠢᠶᠠᠨ ᠡᠪᠬᠡᠵᠦ ᠬᠤᠷᠢᠶᠠᠬᠤ | ᠲᠥᠬᠦᠭᠡᠷᠦᠮᠵᠢ ᠵᠣᠬᠢᠶᠠᠭᠠᠳ ᠬᠤᠷᠢᠶᠠᠵᠤ ᠠᠪᠳᠠᠭ᠃ ᠡᠨᠡ ᠨᠢ ᠨᠠᠷᠠᠨ ᠳᠤ ᠥᠭᠢᠷᠡᠬᠦ᠂ ᠡᠯᠡᠭᠳᠡᠵᠦ ᠴᠤᠭᠤᠷᠠᠬᠤ ᠠᠴᠠ | ᠰᠡᠷᠭᠡᠶᠢᠯᠡᠵᠦ᠂ ᠵᠠᠷᠤᠯᠭᠠ ᠪᠠᠨ ᠭᠠᠮᠨᠠᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠬᠥᠷᠥᠰᠥ ᠰᠢᠷᠣᠢ ᠶᠢ ᠪᠠᠰᠠ ᠦᠷᠡᠭᠡᠳᠡᠭ ᠦᠭᠡᠢ᠂ | ᠣᠷᠴᠢᠨ ᠲᠣᠭᠤᠷᠢᠨ ᠤ ᠬᠠᠮᠠᠭᠠᠯᠠᠯᠲᠠ ᠳᠤ ᠠᠰᠢᠭᠲᠠᠢ ᠪᠠᠶᠢᠳᠠᠭ᠃ ᠡᠪᠦᠯ ᠬᠠᠪᠤᠷ ᠤᠨ ᠴᠠᠭ ᠲᠤ ᠮᠠᠯᠴᠢᠳ ᠲᠤ | ᠡᠪᠡᠰᠦ ᠪᠣᠷᠳᠤᠭᠠ ᠬᠦᠷᠭᠡᠬᠦ ᠠᠵᠢᠯ ᠢ ᠬᠢᠳᠡᠭ᠂ ᠨᠢᠭᠡ ᠤᠳᠠᠭᠠ ᠬᠦᠷᠭᠡᠪᠡᠯ ᠪᠠᠷᠤᠭ 500 ᠲᠥᠭᠦᠷᠢᠭ ᠤᠨ | ᠤᠷᠤᠯᠭᠠ ᠣᠯᠵᠤ ᠴᠢᠳᠠᠨᠠ᠂ ᠵᠤᠨ ᠨᠠᠮᠤᠷ ᠵᠠᠪ ᠴᠢᠯᠦᠭᠡ ᠪᠠᠷ ᠬᠥᠳᠡᠭᠡ ᠶᠢᠨ ᠠᠶᠢᠯ ᠤᠨ ᠬᠠᠰᠢᠶᠠ ᠰᠠᠷᠠᠪᠴᠢ | ᠵᠠᠰᠠᠬᠤ᠂ ᠬᠠᠪᠲᠠᠰᠤᠨ ᠭᠡᠷ ᠬᠥᠮᠥᠷᠭᠡ ᠪᠠᠷᠢᠬᠤ᠂ ᠲᠡᠷᠭᠡ ᠮᠠᠰᠢᠨ ᠢ ᠵᠠᠰᠠᠬᠤ ᠵᠡᠷᠭᠡ ᠪᠠᠷ ᠳᠠᠭᠤᠳᠠᠯᠭᠠ ᠢᠷᠡᠪᠡᠯ | ᠣᠴᠢᠭᠠᠳ ᠬᠢᠵᠦ ᠦᠭᠳᠡᠭ᠃ ᠲᠠᠷᠢᠶᠠᠨ ᠠᠵᠢᠯ ᠳᠡᠭᠡᠷᠡ ᠴᠤ ᠦᠷᠭᠦᠯᠵᠢ ᠪᠤᠰᠤᠳ ᠢ ᠬᠠᠪᠰᠤᠷᠴᠤ ᠪᠠᠶᠢᠳᠠᠭ ᠢᠶᠠᠷ | ᠨᠠᠳᠠ ᠠᠵᠢᠯ ᠳᠤᠲᠠᠭᠳᠠᠳᠠᠭ ᠦᠭᠡᠢ᠃ ᠮᠠᠨ ᠤ ᠡ᠊ᠨᠳᠡᠭᠢ ᠠᠶᠢᠯ ᠪᠣᠯᠭᠠᠨ ᠳᠤ ᠭᠤᠷᠪᠠ ᠳᠦᠷᠪᠡᠨ ᠴᠠᠭᠢᠯᠭᠠᠨ | ᠭᠦᠳᠡᠯᠭᠡᠭᠦᠷᠳᠦ ᠲᠡᠷᠭᠡ ᠲᠠᠢ᠂ ᠡᠪᠳᠡᠷᠡᠪᠡᠯ ᠳᠡᠳᠡ ᠨᠠᠮᠠᠶᠢ ᠡᠷᠢᠵᠦ ᠵᠠᠰᠠᠭᠤᠯᠳᠠᠭ᠃ ᠪᠢ ᠭᠠᠳᠠᠨᠠ ᠠᠵᠢᠯ ᠬᠢᠵᠦ | ᠪᠠᠶᠢᠪᠠᠯ ᠵᠠᠰᠠᠭᠤᠯᠬᠤ ᠲᠡᠷᠭᠡ ᠪᠠᠨ ᠠᠪᠴᠢᠷᠠᠵᠤ ᠲᠠᠯᠪᠢᠭᠠᠳ ᠬᠠᠮᠢᠭᠠ ᠨᠢ ᠪᠤᠯᠬᠤ ᠪᠠᠨ ᠪᠠᠶᠢᠭᠰᠠᠨ ᠭᠡᠵᠦ | ᠸᠢᠴᠠᠲ ᠢᠶᠠᠷ ᠬᠡᠯᠡᠭᠡᠳ ᠶᠠᠪᠤᠴᠢᠬᠠᠨᠠ᠃ ᠪᠢ ᠰᠥᠨᠢ ᠪᠠᠷ ᠵᠠᠰᠠᠵᠤ ᠭᠠᠷᠭᠠᠭᠠᠳ ᠳᠡᠳᠡᠨ ᠤ ᠳᠠᠷᠠᠭᠠ ᠡᠳᠦᠷ ᠨᠢ | ᠬᠡᠷᠡᠭᠯᠡᠬᠦ ᠳᠤ ᠪᠡᠯᠡᠬᠡᠨ ᠪᠣᠯᠭᠠᠴᠢᠬᠠᠳᠠᠭ᠃ ᠡᠨᠡ ᠨᠢ ᠨᠠᠳᠠ ᠵᠢᠯ ᠳᠡᠭᠡᠨ ᠬᠡᠳᠦᠨ ᠲᠦᠮᠡᠨ ᠲᠥᠭᠦᠷᠢᠭ ᠤᠨ ᠤᠷᠤᠯᠭᠠ | ᠣᠯᠭᠤᠵᠤ ᠪᠠᠶᠢᠨᠠ᠃ ᠠᠮᠢᠳᠤᠷᠠᠯ ᠵᠢᠯ ᠠᠴᠠ ᠵᠢᠯ ᠰᠠᠶᠢᠵᠢᠷᠠᠵᠤ ᠪᠠᠶᠢᠨᠠ᠂ ᠤᠳᠠᠯ ᠦᠭᠡᠢ ᠥᠷᠢ ᠰᠢᠷᠢ ᠪᠠᠨ | ᠲᠥᠯᠥᠵᠦ ᠪᠠᠷᠠᠭᠠᠳ᠂ ᠪᠦᠭᠦ ᠶᠠᠭᠤᠮᠠ ᠤᠯᠠᠮ ᠰᠠᠶᠢᠨ ᠪᠣᠯᠣᠨᠠ ᠭᠡᠳᠡᠭ ᠲᠤ ᠢᠲᠡᠭᠡᠯ ᠳᠦᠭᠦᠷᠡᠩ ᠪᠠᠶᠢᠨᠠ︾ | ᠭᠡᠵᠦ ᠰᠡᠳᠬᠢᠯ ᠬᠠᠩᠬᠤᠯᠤᠭᠤᠨ ᠶᠠᠷᠢᠨᠠ᠃ | ᠤᠳᠠᠯ ᠦᠭᠡᠢ ᠦᠳᠡ ᠶᠢᠨ ᠬᠤᠶᠢᠨᠠ ᠶᠢᠨ ᠬᠢᠴᠢᠶᠡᠯ ᠣᠷᠣᠬᠤ ᠴᠠᠭ ᠪᠣᠯᠪᠠ᠃ ᠣᠶᠤᠨᠪᠠᠲᠤ | ᠥᠬᠢᠨ ᠢᠶᠠᠨ ᠳᠠᠭᠤᠳᠠᠨ ᠬᠤᠪᠴᠠᠰᠤ ᠬᠤᠨᠠᠷ ᠢ ᠨᠢ ᠰᠣᠯᠢᠵᠤ ᠡᠮᠦᠰᠬᠡᠨ᠂ ᠦᠰᠦ ᠭᠡᠵᠢᠭᠡ ᠶᠢ ᠨᠢ ᠰᠠᠮᠨᠠᠵᠤ | ᠥᠭᠭᠦᠭᠡᠳ ᠶᠠᠪᠤᠭᠤᠯᠪᠠ᠃ ᠠᠭᠤᠯᠠ ᠰᠢᠭ᠋ ᠲᠦᠰᠢᠭ ᠪᠣᠯᠤᠭᠰᠠᠨ ᠠᠪᠤ ᠶᠢᠨ ᠢᠶᠠᠨ ᠬᠠᠯᠠᠭᠤᠨ ᠵᠢᠷᠦᠬᠡᠨ ᠤ | ᠬᠠᠶᠢᠷᠠ ᠶᠢ ᠨᠢ ᠥᠪᠯᠡᠨ᠂ ᠰᠠᠨᠴᠢᠭ ᠲᠤᠨᠢ ᠨᠡᠮᠡᠭᠳᠡᠬᠦ ᠮᠥᠩᠭᠦᠨ ᠰᠤᠷ ᠤᠨ ᠲᠣᠭᠠᠯᠠᠩ ᠢᠶᠠᠷ ᠡᠷᠬᠡ ᠵᠢᠷᠭᠠᠯ ᠲᠠᠢ | ᠥᠰᠴᠦ ᠪᠣᠶᠢᠵᠢᠭᠠ ᠪᠢᠴᠢᠬᠠᠨ ᠮᠠᠨᠳᠠᠷᠠᠸᠠ ᠦᠰᠦᠷᠴᠦ ᠳᠡᠭᠳᠡᠭᠰᠡᠭᠡᠷ ᠰᠤᠷᠭᠠᠭᠤᠯᠢ ᠵᠦᠭ ᠢᠶᠠᠨ ᠶᠠᠪᠤᠵᠤ ᠣᠳᠪᠠ᠃ | ᠠᠮᠢᠳᠤᠷᠠᠯ ᠰᠣᠶᠣᠯ ᠤᠨ ᠣᠷᠭᠢᠯ ᠰᠠᠨᠰᠠᠷ ᠥᠭᠡᠳᠡ ᠳᠡᠭᠦᠯᠢᠬᠦ ᠵᠠᠮ ᠤᠨ ᠴᠢᠯᠠᠭᠤ ᠪᠦᠭᠦᠨ ᠢ ᠨᠢ ᠵᠥᠭᠡᠯᠡᠯᠡᠵᠦ᠂ | ᠥᠷᠭᠡᠰᠦ ᠪᠦᠭᠦᠨ ᠢ ᠨᠢ ᠲᠡᠭᠦᠬᠦ ᠣᠶᠤᠨᠪᠠᠲᠤ ᠶᠢᠨ ᠴᠢᠷᠠᠢ ᠳᠤ ᠵᠢᠷᠭᠠᠯ ᠤᠨ ᠲᠤᠶᠠᠭᠠ ᠲᠠᠲᠠᠵᠤ᠂ ︽ᠠᠮᠠᠷᠠᠵᠤ | ᠪᠤᠯᠳᠠᠭ ᠦᠭᠡᠢ︾ ᠲᠤᠰᠢᠶᠠᠯ ᠠᠪᠤᠭᠰᠠᠨ ᠰᠢᠭ᠋ ᠥᠪᠡᠷ ᠤᠨ ᠠᠵᠢᠯ ᠳᠠᠭᠠᠨ ᠭᠠᠷᠤᠯᠠ ᠁ | |