| ᠪᠠᠶᠠᠭᠤᠳ ᠰᠦᠷ | | | ᠤᠶᠠᠭᠠᠨ ᠤ ᠭᠠᠩᠭᠠᠩ ᠭᠦᠯᠦᠭ ᠨᠠᠭᠠᠳᠤᠮ ᠤᠨ ᠳᠡᠪᠵᠢᠶᠡᠨ ᠢᠶᠠᠷ ᠬᠡᠶᠢᠷᠬᠡᠳᠡᠭ | ᠠᠮᠤᠭᠤᠯᠠᠩ ᠲᠠᠶᠢᠪᠤᠩ ᠲᠠᠯᠠ ᠠᠨᠢᠷ ᠠᠪᠤᠨ ᠰᠡᠷᠭᠦᠳᠡᠭ | ᠠᠯᠤᠰ ᠤᠨ ᠬᠡᠷᠡᠯᠳᠦ ᠣᠳᠣᠳ ᠴᠢᠮᠡᠭᠡ ᠴᠢᠩᠨᠠᠨ ᠲᠣᠷᠮᠣᠯᠵᠠᠳᠠᠭ | ᠠᠭᠢ ᠡᠪᠡᠰᠦᠨ ᠤ ᠰᠢᠭᠦᠳᠡᠷᠢ ᠪᠤᠳᠤᠯ ᠠᠯᠳᠠᠭᠤᠷᠠᠵᠤ ᠮᠡᠯᠮᠡᠷᠡᠳᠡᠭ | | ᠭᠢᠩᠭᠤ ᠤᠶᠠᠩᠭᠠᠯᠠᠭᠰᠠᠨ ᠰᠢᠷᠤᠩᠬᠠᠢ ᠳᠤ ᠴᠢᠨ᠋ᠸᠠ ᠶᠢᠨ ᠴᠢᠬᠢ ᠰᠣᠷᠲᠣᠯᠵᠠᠳᠠᠭ | ᠭᠠᠵᠠᠷ ᠲᠣᠪᠴᠢᠯᠠᠨ ᠳᠠᠪᠬᠢᠬᠤ ᠳᠤ ᠲᠣᠷᠭᠠᠨ ᠵᠢᠯᠣᠭᠤ ᠨᠠᠮᠢᠷᠠᠳᠠᠭ | ᠵᠠᠳᠠᠭᠠᠢ ᠴᠠᠭᠠᠨ ᠰᠠᠯᠬᠢ ᠬᠥᠯ ᠢᠶᠠᠨ ᠬᠤᠷᠢᠶᠠᠨ ᠬᠤᠴᠣᠷᠳᠠᠭ | ᠵᠣᠷᠢᠭᠰᠠᠨ ᠪᠠᠷᠢᠶᠠᠨ ᠤ ᠭᠠᠵᠠᠷ ᠵᠡᠷᠭᠡᠯᠭᠡᠨ ᠤ ᠴᠠᠭᠠᠨᠠ ᠠᠴᠠ ᠰᠦᠮᠡᠯᠵᠡᠳᠡᠭ | | ᠤᠤᠬᠠᠢ ᠨᠡᠮᠡᠬᠦ ᠤᠷᠢᠶᠠ ᠳᠤ ᠠᠭᠤᠯᠠᠰ ᠭᠦᠷᠳᠡᠯᠡ ᠥᠨᠳᠡᠯᠵᠡᠳᠡᠭ | ᠠᠭᠤᠳᠠᠮ ᠴᠡᠩᠬᠡᠷ ᠲᠠᠯᠠ ᠠᠮᠢᠰᠬᠤᠭᠠ ᠳᠠᠷᠤᠨ ᠴᠢᠩᠨᠠᠳᠠᠭ | ᠣᠨᠣᠭᠰᠠᠨ ᠬᠡᠦᠬᠡᠳ ᠤᠨ ᠴᠢᠷᠠᠢ ᠳᠤ ᠪᠠᠶᠠᠷ ᠤᠨ ᠮᠦᠰᠢᠶᠡᠳᠦ ᠭᠢᠯᠠᠯᠵᠠᠳᠠᠭ | ᠤᠶᠠᠩᠭᠠ ᠶᠢᠨ ᠲᠦᠷᠢᠯᠭᠡ ᠲᠠᠢ ᠡᠭᠡᠰᠢᠭ ᠨᠠᠶᠢᠷ ᠤᠨ ᠲᠠᠯᠠᠪᠠᠢ ᠴᠢᠮᠡᠳᠡᠭ | | ᠲᠣᠭᠤᠰᠣᠨ ᠳᠤᠮᠳᠠ ᠠᠴᠠ ᠰᠤᠭᠤᠷᠠᠵᠤ ᠲᠡᠷᠢᠭᠦᠨ ᠮᠠᠩᠯᠠᠢ ᠳᠤ ᠲᠣᠳᠣᠷᠠᠬᠤ ᠳᠤ | ᠲᠦᠪᠡᠷᠭᠡᠨ ᠴᠠᠯᠭᠢᠭᠰᠠᠨ ᠠᠶᠢᠵᠠᠮ ᠳᠤ ᠳᠡᠯᠡᠬᠡᠢ ᠠᠮᠤᠷᠰᠢᠵᠦ ᠲᠠᠶᠢᠪᠤᠰᠢᠷᠠᠳᠠᠭ | ᠲᠤᠮᠤᠭ ᠤᠨ ᠰᠠᠶᠢᠬᠠᠨ ᠠᠯᠳᠠᠷ ᠨᠢ ᠳᠠᠭᠤᠤ ᠳᠤ ᠤᠶᠠᠩᠭᠠᠷᠠᠵᠤ ᠦᠯᠡᠳᠡᠬᠦ ᠳᠤ | ᠲᠤᠬᠰᠢᠨ ᠪᠣᠰᠤᠭᠠ ᠬᠡᠶᠢᠮᠣᠷᠢ ᠨᠢ ᠨᠠᠷᠠᠨ ᠵᠦᠭ ᠲᠤ ᠳᠡᠭᠦᠯᠢᠳᠡᠭ | | ᠡᠷᠲᠡᠨ ᠤ ᠪᠠᠭᠠᠲᠤᠳ ᠢ ᠰᠠᠨᠠᠭᠳᠠᠭᠤᠯᠤᠭᠰᠠᠨ ᠠᠷᠭᠤᠮᠠᠭ ᠭᠦᠯᠦᠭ ᠤᠨ ᠠᠯᠳᠠᠷ ᠮᠢᠨᠤ | ᠡᠮᠨᠢᠭ ᠣᠭᠰᠢᠯ ᠢ ᠭᠠᠶᠢᠬᠠᠭᠤᠯᠤᠭᠰᠠᠨ ᠲᠡᠯ ᠲᠠᠢ ᠰᠢᠪᠠᠭᠤᠨ ᠤ ᠰᠦᠷ ᠮᠢᠨᠤ | ᠡᠵᠡᠨ ᠵᠢᠪᠬᠤᠭᠠ ᠶᠢ ᠡᠷᠭᠦᠭᠰᠡᠨ ᠡᠷᠡᠮᠡᠭ ᠭᠡᠭᠦᠦ ᠶᠢᠨ ᠤᠨᠠᠭᠠ ᠮᠢᠨᠤ | ᠡᠷᠡᠮᠡᠬᠡᠢ ᠬᠤᠷᠳᠤ ᠶᠢ ᠦᠵᠡᠭᠦᠯᠦᠭᠰᠡᠨ ᠬᠤᠯᠠᠨ ᠲᠠᠬᠢ ᠶᠢᠨ ᠤᠳᠤᠮ ᠮᠢᠨᠤ︕ |