| ᠪᠣᠷᠵᠢᠭᠢᠨ ᠲᠤᠷᠤᠨᠠᠰᠢᠯᠢ | ᠤᠶᠠᠭᠠᠨ ᠤ ᠭᠠᠩᠭᠠᠩ ᠭᠦᠯᠦᠭ | | ᠪᠤᠭᠤᠷᠤᠯ ᠡᠪᠦᠭᠡᠳ ᠤᠨ ᠤᠶᠠᠭᠠᠨ ᠠᠴᠠ ᠤᠳᠤᠨ ᠳᠤ ᠲᠣᠭᠤᠰᠣᠯᠠᠬᠤ ᠭᠦᠨ ᠠᠶᠢᠵᠠᠮ | ᠪᠣᠷᠤᠭ ᠡᠪᠡᠰᠦᠨ ᠤ ᠰᠤᠷ ᠢ ᠲᠤᠭᠤᠷᠠᠢ ᠪᠠᠷ ᠢᠶᠠᠨ ᠲᠣᠪᠰᠢᠭᠰᠠᠨ ᠴᠡᠩᠬᠡᠷ ᠠᠶᠠᠯᠭᠤ | ᠪᠤᠷᠬᠠᠨ ᠤ ᠠᠯᠠᠭᠠᠨ ᠠᠴᠠ ᠳᠡᠯᠭᠡᠷᠡᠭᠰᠡᠨ ᠰᠠᠷᠠᠨ ᠲᠠᠮᠠᠭᠠ ᠲᠠᠢ ᠴᠠᠴᠠᠨ ᠲᠣᠪᠴᠢᠶᠠᠨ | ᠪᠤᠶᠠᠨᠲᠤ ᠮᠠᠯᠴᠢᠳ ᠤᠨ ᠬᠡᠰᠢᠭ ᠬᠤᠷᠤᠶᠢᠯᠠᠭᠰᠠᠨ ᠮᠣᠷᠢ ᠪᠠᠷ ᠡᠬᠢᠯᠡᠳᠡᠭ ᠬᠡᠭᠡᠷᠡ ᠲᠠᠯᠠ | | ᠭᠡᠷᠡᠯ ᠢᠶᠠᠨ ᠰᠢᠯᠭᠡᠭᠡᠬᠦ ᠨᠠᠮᠤᠷ ᠤᠨ ᠰᠠᠷᠠᠨ ᠭᠦᠯᠦᠭ ᠤᠨ ᠲᠡᠯ ᠳᠡᠭᠡᠷᠡ ᠵᠢᠩᠳᠡᠬᠦ ᠪᠠᠷ | ᠭᠡᠭᠡᠨ ᠲᠤᠩᠭᠠᠯᠠᠭ ᠰᠠᠯᠬᠢᠨ ᠤ ᠠᠭᠠᠰᠢ ᠤᠶᠠᠭᠠᠨ ᠤ ᠵᠠᠯᠠᠨ ᠳᠤ ᠴᠤᠪᠬᠤᠴᠠᠨᠠ | ᠭᠡᠷ ᠤᠨ ᠬᠠᠶᠠᠭᠠᠨ ᠠᠴᠠ ᠨᠡᠭᠦᠳᠡᠯ ᠦᠷᠭᠦᠭᠡᠬᠦ ᠨᠤᠲᠤᠭ ᠤᠨ ᠰᠢᠷᠭᠠᠯ ᠲᠡᠨᠵᠢᠨ ᠠᠴᠠ | ᠬᠡᠶᠢᠷᠬᠡᠵᠦ ᠵᠣᠭᠰᠣᠭᠰᠠᠨ ᠭᠠᠩᠭᠠᠩ ᠭᠦᠯᠦᠭ ᠤᠨ ᠤᠨᠠᠭᠠᠨ ᠲᠠᠭᠤ ᠡᠭᠡᠰᠢᠭᠯᠡᠨᠡ | | ᠢᠷᠦᠭᠡᠯ ᠵᠠᠩᠭᠢᠳᠤᠨ ᠬᠡᠶᠢᠮᠣᠷᠢ ᠰᠡᠷᠭᠦᠭᠡᠬᠦ ᠮᠣᠷᠢᠲᠠᠢ ᠠᠶᠢᠯ ᠤᠨ ᠤᠶᠠᠭᠠᠨ ᠠᠴᠠ | ᠢᠷᠠᠭᠤ ᠰᠣᠨᠤᠰᠬᠤᠯᠠᠩᠲᠤ ᠬᠤᠭᠤᠷ ᠤᠨ ᠭᠦᠭ ᠬᠢᠯᠭᠠᠰᠤᠨ ᠴᠢᠪᠬᠠᠳᠠᠰᠤᠨ ᠳᠤ ᠪᠤᠶᠢᠯᠠᠨᠠ | ᠢᠲᠡᠭᠡᠯ ᠵᠠᠩᠭᠢᠶᠠᠯᠠᠨ ᠰᠡᠳᠬᠢᠯ ᠰᠣᠯᠢᠯᠴᠠᠬᠤ ᠮᠣᠩᠭᠤᠯ ᠬᠥᠮᠥᠨ ᠤ ᠤᠬᠠᠭᠠᠨ ᠠᠴᠠ | ᠡᠭᠡᠰᠢᠭ ᠨᠢ ᠡᠮᠪᠦᠷᠢᠳᠦᠭᠰᠡᠨ ᠬᠥᠭᠡᠮᠡᠢ ᠶᠢᠨ ᠠᠶᠠᠯᠭᠤ ᠶᠢᠰᠦᠨ ᠲᠡᠭᠷᠢ ᠶᠢ ᠭᠡᠭᠡᠯᠡᠨᠡ | | ᠴᠠᠭᠠᠨ ᠲᠣᠯᠣᠭᠠᠢ ᠠᠴᠠ ᠦᠷᠭᠦᠯᠵᠢᠯᠡᠬᠦ ᠲᠡᠪᠡᠯ ᠲᠠᠢ ᠦᠰᠦᠭ ᠤᠨ ᠵᠢᠪᠬᠤᠭᠠ ᠨᠢ | ᠴᠠᠪᠴᠢᠯᠠᠬᠤ ᠲᠤᠭᠤᠷᠠᠢ ᠶᠢᠨ ᠣᠮᠣᠭᠯᠠᠩ ᠠᠶᠠᠰ ᠢᠶᠠᠷ ᠴᠠᠴᠠᠨ ᠤᠬᠠᠭᠠ ᠶᠢ ᠰᠣᠷᠢᠨᠠ | ᠴᠠᠭᠢᠯᠬᠤ ᠭᠦᠶᠦᠳᠦ ᠶᠢᠨ ᠬᠤᠷᠳᠤᠨ ᠳᠤ ᠰᠠᠯᠬᠢᠳᠠᠬᠤ ᠭᠠᠩᠭᠠᠩ ᠭᠦᠯᠦᠭ ᠤᠨ ᠲᠡᠯ ᠨᠢ | ᠴᠠᠭᠠᠨ ᠰᠦᠯᠳᠡᠨ ᠤ ᠭᠦᠭᠦᠯ ᠳᠤ ᠨᠠᠮᠢᠷᠠᠵᠤ ᠡᠷᠲᠡᠨ ᠤ ᠲᠤᠮᠤᠭ ᠢ ᠬᠦᠦᠷᠨᠢᠨᠡ | | ᠪᠠᠭᠤᠴᠠᠨ ᠴᠢᠯᠠᠭᠤᠳ ᠠᠴᠠ ᠠᠮᠢᠯᠠᠬᠤ ᠨᠤᠲᠤᠭ ᠤᠨ ᠴᠡᠪᠡᠷ ᠠᠮᠢᠰᠬᠤᠭᠠ ᠨᠢ | ᠪᠤᠷᠬᠠᠨ ᠠᠭᠤᠯᠠᠰ ᠤᠨ ᠠᠮᠤᠭᠤᠯᠠᠩ ᠰᠦᠷ ᠲᠤ ᠣᠲᠣᠷ ᠤᠨ ᠤᠶᠠᠭᠠ ᠶᠢ ᠴᠢᠮᠡᠨᠡ | ᠪᠤᠶᠠᠨ ᠤ ᠵᠦᠭ ᠲᠤ ᠢᠳᠠᠮᠯᠠᠭᠠᠳ ᠦᠯᠡᠮᠵᠢ ᠶᠢᠨ ᠬᠡᠰᠢᠭ ᠢ ᠬᠤᠷᠤᠶᠢᠯᠠᠬᠤ ᠪᠠᠷ | ᠪᠣᠰᠤᠭᠠ ᠳᠥᠷᠥᠭᠡᠨ ᠠᠴᠠ ᠨᠠᠷᠠᠨ ᠥᠨᠳᠡᠶᠢᠵᠦ ᠭᠦᠯᠦᠭ ᠤᠨ ᠰᠢᠨᠳᠠᠰᠤ ᠴᠢᠩᠭᠠᠯᠠᠨᠠ |