| ᠲ᠊ · ᠪᠥᠬᠡᠪᠠᠶᠠᠷ | ᠤᠶᠠᠭᠠᠨ ᠤ ᠭᠠᠩᠭᠠᠩ ᠭᠦᠯᠦᠭ | | ᠭᠤᠷᠪᠠᠨ ᠰᠠᠶᠢᠬᠠᠨ ᠬᠡᠭᠡᠷ ᠤᠨ ᠢᠶᠠᠨ ᠤᠳᠤᠨ ᠲᠤᠤᠯᠢ ᠶᠢ ᠵᠠᠯᠭᠠᠬᠤ | ᠭᠠᠯᠳᠤᠨ ᠬᠠᠶᠢᠷᠬᠠᠨ ᠤ ᠪᠠᠨ ᠬᠡᠶᠢᠮᠣᠷᠢ ᠶᠢ ᠲᠦᠮᠡᠨ ᠤ ᠰᠣᠨᠣᠷ ᠲᠤ ᠲᠤᠭᠤᠯᠭᠠᠬᠤ | ᠭᠠᠯ ᠤᠶᠠᠭᠠᠴᠢᠳ ᠤᠨ ᠢᠶᠠᠨ ᠬᠡᠶᠢᠷᠬᠡᠯ ᠢ ᠤᠯᠠᠨ ᠤ ᠮᠡᠯᠮᠡᠢ ᠳᠤ ᠳᠠᠭᠤᠷᠢᠰᠬᠠᠬᠤ | ᠭᠠᠩᠭᠠᠩ ᠮᠣᠷᠢᠨ ᠤ ᠵᠤᠯᠪᠤᠭᠠ ᠤᠶᠠᠭᠠᠨ ᠤ ᠬᠤᠷᠳᠤᠨ ᠭᠦᠯᠦᠭ ᠮᠢᠨᠢ | | ᠵᠥᠭᠡᠬᠡᠢ ᠰᠢᠷᠭᠠᠯ ᠦᠷ ᠢ ᠤᠭᠲᠤᠨ ᠲᠦᠷᠦᠭᠰᠡᠨ ᠤᠨᠠᠭᠠ | ᠵᠥᠭᠡᠯᠡᠨ ᠴᠠᠭᠠᠨ ᠮᠠᠨᠠᠨ ᠢ ᠬᠥᠯᠭᠡᠯᠡᠨ ᠲᠣᠷᠨᠢᠭᠰᠠᠨ ᠠᠷᠠᠨᠵᠠᠯ | ᠵᠢᠭᠠᠷᠲᠤ ᠴᠡᠴᠡᠭ ᠵᠠᠳᠠᠯᠤᠨ ᠠᠯᠢᠶᠠᠷᠬᠠᠵᠤ ᠥᠰᠦᠭᠰᠡᠨ ᠠᠭᠲᠠ | ᠵᠢᠭᠦᠷᠲᠦ ᠰᠠᠯᠬᠢ ᠴᠤᠴᠠᠭᠠᠨ ᠤᠷᠤᠯᠳᠤᠵᠤ ᠪᠣᠶᠢᠵᠢᠭᠰᠠᠨ ᠠᠵᠢᠨᠠᠢ | | ᠵᠤᠤᠵᠠᠢ ᠠᠪᠤᠨ ᠳᠡᠭᠦᠯᠢᠬᠦ ᠨᠢ ᠬᠠᠷᠪᠤᠬᠤ ᠰᠣᠯᠢᠷ ᠤᠨ ᠡᠷᠴᠢ ᠲᠠᠢ | ᠵᠢᠯᠣᠭᠤ ᠳᠠᠷᠤᠨ ᠴᠠᠭᠢᠯᠬᠤ ᠨᠢ ᠠᠶᠤᠩᠭᠠ ᠭᠢᠯᠪᠢᠭᠡᠨ ᠤ ᠰᠦᠷ ᠲᠠᠢ | ᠵᠠᠳᠠᠭᠠᠢ ᠰᠤᠮᠤᠨ ᠬᠠᠲᠠᠷᠢᠶᠠ ᠨᠢ ᠵᠦᠰᠡᠷ ᠪᠣᠷᠣᠭᠠᠨ ᠤ ᠲᠤᠪᠰᠢᠭᠠᠨ ᠲᠠᠢ | ᠵᠠᠯᠭᠠᠭᠠ ᠲᠡᠯᠡᠮᠡᠨ ᠵᠢᠷᠤᠭᠠ ᠨᠢ ᠶᠠᠲᠤᠭᠠ ᠶᠢᠨ ᠤᠷᠠᠨ ᠰᠢᠳᠤᠷᠭᠠᠨ ᠲᠠᠢ | | ᠨᠠᠶᠢᠷ ᠤᠨ ᠳᠡᠪᠵᠢᠶᠡᠨ ᠢ ᠱᠠᠭᠢᠭᠤᠯᠤᠭᠰᠠᠨ ᠲᠤᠮᠤᠭ ᠤᠨ ᠲᠡᠰ ᠬᠠᠷᠴᠠᠭᠠᠢ | ᠨᠣᠶᠠᠨ ᠠᠶᠠᠯᠭᠤ ᠬᠥᠭᠯᠡᠭᠰᠡᠨ ᠬᠠᠨ ᠬᠤᠭᠤᠷ ᠤᠨ ᠰᠢᠷᠤᠩᠬᠠᠢ | ᠨᠠᠷᠠᠨ ᠤ ᠵᠡᠯᠡᠨ ᠳᠤ ᠲᠣᠭᠯᠠᠭᠰᠠᠨ ᠮᠢᠩᠭᠠᠨ ᠰᠦᠷᠦᠭ ᠤᠨ ᠤᠤᠬᠠᠢ | ᠨᠤᠲᠤᠭ ᠤᠨ ᠥᠩᠭᠡ ᠭᠡᠭᠡᠯᠡᠭᠰᠡᠨ ᠦᠯᠢᠭᠡᠷ ᠲᠡᠦᠬᠡ ᠶᠢᠨ ᠲᠠᠰᠤᠷᠬᠠᠢ | | ᠤᠶᠠᠩᠭᠠᠨ ᠭᠢᠩᠭᠤ ᠶᠢᠨ ᠤᠷᠢᠶᠠ ᠪᠠᠷ ᠮᠠᠩᠨᠠᠢ ᠳᠠᠭᠠᠨ ᠲᠣᠭᠤᠰᠣ ᠦᠭᠡᠢ ᠳᠠᠪᠬᠢᠭᠰᠠᠨ | ᠤᠷᠤᠯᠳᠤᠭᠠᠨ ᠮᠣᠷᠢᠳ ᠤᠨ ᠰᠣᠷᠢᠶᠠ ᠪᠠᠷ ᠲᠠᠷᠬᠠᠨ ᠴᠣᠯᠠ ᠪᠠᠨ ᠴᠠᠳᠢᠭᠯᠠᠭᠰᠠᠨ | ᠤᠷᠠᠳ ᠤᠨ ᠪᠤᠮᠠᠨ ᠠᠳᠤᠭᠤᠳ ᠮᠢᠨᠢ︕ ᠬᠤᠷᠤᠢ ᠬᠤᠷᠤᠢ ᠬᠤᠷᠤᠢ︕ | ᠤᠶᠠᠭᠠᠨ ᠤ ᠭᠠᠩᠭᠠᠩ ᠭᠦᠯᠦᠭ ᠮᠢᠨᠢ︕ ᠭᠤᠷᠤᠢ ᠭᠤᠷᠤᠢ ᠭᠤᠷᠤᠢ︕ |