| ᠷᠠ᠊ · ᠨᠠᠰᠤᠨᠴᠣᠭᠲᠤ | ᠤᠶᠠᠭᠠᠨ ᠤ ᠭᠠᠩᠭᠠᠩ ᠭᠦᠯᠦᠭ | | ᠲᠡᠭᠷᠢ ᠵᠦᠭ ᠤᠷᠭᠤᠵᠤ ᠰᠠᠨᠠᠭᠳᠠᠬᠤ ᠮᠥᠩᠬᠡ ᠶᠢᠨ ᠪᠣᠰᠤᠭᠠ ᠤᠶᠠᠭᠠᠨ ᠳᠡᠭᠡᠷᠡ | ᠳᠡᠭᠦᠯᠢᠬᠦ ᠨᠢᠰᠬᠦ ᠶᠢᠨ ᠲᠦᠷᠭᠡᠨ ᠬᠤᠷᠳᠤᠴᠠ ᠵᠢᠭᠦᠷ ᠢᠶᠠᠨ ᠬᠤᠮᠢᠵᠤ ᠵᠣᠭᠰᠣᠨᠠ | ᠲᠠᠬᠢ ᠬᠤᠯᠠᠨ ᠤ ᠰᠣᠷᠭᠤᠭ ᠰᠣᠨᠣᠷ ᠲᠠᠭᠠᠨ ᠲᠦᠷᠪᠡᠨ ᠵᠦᠭ ᠤᠨ ᠠᠨᠢᠷ ᠢ ᠬᠤᠷᠢᠶᠠᠵᠤ | ᠲᠡᠯ ᠲᠠᠢ ᠰᠢᠪᠠᠭᠤᠨ ᠤ ᠲᠤᠩᠭᠠᠯᠠᠭ ᠠᠯᠳᠠᠷ ᠲᠠᠭᠠᠨ ᠬᠤᠭᠤᠷ ᠤᠨ ᠰᠦᠭ ᠢ ᠰᠡᠷᠭᠦᠭᠡᠨ ᠮᠠᠨᠳᠤᠭᠠᠨᠠ | | ᠲᠡᠮᠦᠷ ᠲᠦᠷᠪᠡᠨ ᠲᠤᠭᠤᠷᠠᠢ ᠳᠣᠣᠷᠠ ᠪᠠᠨ ᠲᠡᠦᠬᠡ ᠶᠢᠨ ᠬᠠᠭᠤᠳᠠᠰᠤ ᠶᠢ ᠲᠡᠩᠴᠡᠭᠦᠯᠦᠨ ᠭᠢᠰᠬᠢᠵᠦ | ᠲᠡᠭᠰᠢ ᠰᠠᠶᠢᠬᠠᠨ ᠵᠣ ᠳᠡᠭᠡᠷᠡ ᠪᠠᠨ ᠳᠡᠯᠭᠡᠷ ᠢᠷᠡᠭᠡᠳᠦᠢ ᠶᠢᠨ ᠴᠡᠩᠭᠡᠯ ᠪᠠᠶᠠᠷ ᠢ ᠲᠣᠭᠲᠠᠭᠠᠨ ᠡᠷᠭᠦᠨᠡ | ᠲᠤᠷᠠᠨ ᠬᠤᠶᠠᠷ ᠨᠢᠳᠦᠨ ᠳᠡᠭᠡᠨ ᠲᠣᠯᠣᠭᠠᠳ ᠤᠨ ᠪᠠᠷᠠ ᠶᠢ ᠦᠦᠷᠰᠡᠨ ᠲᠣᠪᠴᠢᠯᠠᠵᠤ | ᠲᠤᠬ ᠰᠡᠭᠦᠯ ᠤᠨ ᠲᠣᠷᠭᠠᠨ ᠨᠠᠮᠢᠷᠠᠭᠠᠨ ᠳᠠᠭᠠᠨ ᠲᠠᠯᠠ ᠶᠢᠨ ᠠᠶᠠᠯᠭᠤ ᠶᠢ ᠰᠡᠪᠭᠢᠭᠡᠨ ᠵᠠᠳᠠᠷᠠᠭᠠᠨᠠ | ᠳ᠋ᠠᠶᠢᠷ ᠪᠣᠷᠣ ᠠᠴᠠ ᠲᠣᠯᠢᠨ ᠬᠤᠯᠠ ᠭᠡᠵᠦ ᠴᠤᠪᠤᠷᠠᠵᠤ ᠤᠳᠤᠮᠯᠠᠭᠰᠠᠨ ᠭᠠᠯ ᠣᠭᠰᠢᠯ | ᠳ᠋ᠠᠩᠰᠢᠭ ᠨᠠᠭᠠᠳᠤᠮ ᠠᠴᠠ ᠣᠷᠣᠨ ᠠᠶᠢᠮᠠᠭ ᠭᠡᠵᠦ ᠰᠤᠪᠤᠷᠠᠵᠤ ᠬᠤᠷᠳᠤᠯᠠᠭᠰᠠᠨ ᠬᠥᠬᠡ ᠰᠣᠯᠢᠷ | ᠲᠣᠭᠤᠷᠢᠭ ᠤᠶᠠᠭᠠᠨ ᠳᠠᠭᠠᠨ ᠤᠷᠠᠯᠠᠨ ᠵᠢᠷᠤᠵᠤ ᠲᠠᠩᠨᠠᠢ ᠱᠠᠬᠰᠢᠭᠠᠬᠤ ᠭᠠᠩᠭᠠᠩ ᠭᠠᠯᠪᠢᠷ | ᠲᠡᠪᠡᠯ ᠲᠠᠢ ᠡᠵᠡᠨ ᠳᠡᠭᠡᠨ ᠲᠣᠯᠣᠭᠠᠢ ᠬᠠᠶᠠᠯᠠᠨ ᠬᠦᠵᠦᠭᠦᠦ ᠱᠦᠷᠭᠦᠭᠡᠬᠦ ᠡᠭᠡᠯᠢ ᠲᠠᠢ ᠠᠭᠠᠯᠢ | | ᠦᠦᠷ ᠢ ᠴᠠᠪᠴᠢᠯᠠᠵᠤ᠂ ᠦᠳᠡᠰᠢ ᠪᠠᠷ ᠴᠤᠪᠬᠤᠴᠠᠳᠠᠬ ᠡᠷᠳᠡᠨᠢ ᠶᠢᠨ ᠴᠠᠭᠠᠨ ᠠᠮᠢᠰᠬᠤᠭᠠ | ᠡᠭᠦᠯᠡᠰ ᠢ ᠰᠡᠮᠡᠯᠡᠵᠦ᠂ ᠡᠭᠡᠰᠢᠭᠯᠡᠩᠲᠦ ᠰᠠᠯᠬᠢ ᠲᠠᠢ ᠦᠶᠡᠷᠬᠡᠳᠡᠭ ᠬᠡᠭᠡᠷᠡ ᠶᠢᠨ ᠵᠠᠳᠠᠭᠠᠢ ᠰᠠᠨᠠᠭᠠ | ᠠᠯᠤᠰ ᠢ ᠡᠪᠬᠡᠵᠦ᠂ ᠠᠯᠲᠠᠨ ᠬᠠᠷᠭᠤᠢ ᠲᠤᠭᠤᠯᠬᠤ ᠬᠤᠯᠠ ᠶᠢᠨ ᠴᠡᠯᠡᠭᠡᠷ ᠮᠥᠷᠥᠭᠡᠳᠦᠯ | ᠠᠷᠠᠳ ᠤᠨ ᠳᠠᠭᠤᠤ ᠳᠤ ᠠᠷᠪᠠᠳ ᠤᠨ ᠰᠠᠷᠠᠨ ᠤ ᠴᠢᠮᠡᠭ ᠨᠡᠮᠡᠬᠦ ᠠᠮᠠᠷᠠᠭ ᠤᠨ ᠤᠴᠠᠷᠠᠯᠳᠤ ᠬᠡᠯᠬᠢᠶᠡ | | ᠡᠪᠦᠭᠡᠳ ᠤᠨ ᠵᠣᠭᠤᠭ ᠤᠨ ᠬᠡᠢ ᠬᠥᠭᠡᠷᠭᠡᠭᠰᠡᠨ ᠬᠤᠨᠳᠠᠭᠠ ᠬᠤᠨᠳᠠᠭᠠ ᠦᠯᠢᠭᠡᠷ ᠤᠨ ᠬᠠᠯᠠᠭᠤᠨ | ᠠᠶᠢᠯ ᠭᠡᠷ ᠤᠨ ᠴᠤᠬ ᠪᠠᠳᠠᠷᠠᠭᠠᠭᠰᠠᠨ ᠠᠰᠢᠳᠠ ᠠᠰᠢᠳᠠ ᠬᠡᠶᠢᠮᠣᠷᠢ ᠶᠢᠨ ᠰᠣᠯᠣᠩᠭᠠ - | ᠴᠠᠭᠠᠨ ᠲᠡᠷᠡᠰᠦᠨ ᠤ ᠨᠠᠮᠠᠭᠠ ᠴᠠᠭ ᠤᠨ ᠠᠶᠠᠰ ᠰᠡᠪᠢᠭᠦᠷᠳᠡᠬᠦ ᠳᠤ ᠤᠨᠠᠭᠠᠨ ᠳᠤᠷᠠᠰᠤᠯ ᠭᠠᠵᠠᠷᠯᠠᠨᠠ | ᠴᠤᠤᠲᠤ ᠭᠦᠯᠦᠭ ᠤᠨ ᠴᠤᠯᠪᠤᠭᠤᠷ ᠠᠯᠳᠠᠷᠠᠭᠠᠬᠤ ᠳᠤ ᠳᠡᠯᠡᠬᠡᠢ ᠶᠢᠨ ᠨᠢᠷᠤᠭᠤ ᠠᠭᠵᠠᠰᠬᠢᠨᠡ ᠁ |