| ᠰᠡᠴᠡᠨ᠂ ᠡᠷᠳᠡᠨᠢᠬᠦᠦ | | ᠵᠢᠯ ᠴᠠᠭᠠᠨ ᠰᠠᠷᠠ ᠣᠶᠢᠷᠠᠳᠬᠤ ᠶᠢ ᠳᠠᠭᠠᠯᠳᠤᠨ ᠵᠡᠭᠡᠯᠢ ᠭᠤᠳᠤᠮᠵᠢ ᠪᠠᠷ ᠰᠢᠨᠡ ᠵᠢᠯ ᠤᠨ ᠠᠭᠤᠷ | ᠠᠮᠢᠰᠬᠤᠯ ᠥᠳᠬᠡᠷᠡᠨ᠂ ᠬᠤᠳᠠᠯᠳᠤᠭᠠ ᠳᠡᠯᠭᠡᠭᠦᠷ ᠨᠦᠭᠦᠳ ᠰᠢᠬᠢᠷ ᠵᠢᠮᠢᠰ᠂ ᠪᠣᠣᠪᠤ ᠪᠤᠭᠤᠷᠰᠤᠭ᠂ ᠨᠣᠭᠤᠭᠠ | ᠵᠠᠭᠤᠰᠢ᠂ ᠡᠳ᠋ ᠪᠠᠷᠠᠭᠠ ᠪᠠᠨ ᠣᠪᠣᠭᠠᠷᠠᠲᠠᠯᠠ ᠦᠷᠦᠵᠦ᠂ ᠡᠯᠪᠡᠭ ᠪᠠᠶᠠᠯᠢᠭ ᠰᠢᠨᠡ ᠵᠢᠯ ᠠᠶᠢᠰᠤᠢ ᠨᠢ ᠢᠯᠡᠭᠡᠨ᠃ | ᠪᠠᠶᠠᠨᠬᠤᠲᠠ ᠶᠢᠨ ᠪᠠᠢ ᠾᠥᠸᠧ ᠬᠤᠳᠠᠯᠳᠤᠭᠠᠨ ᠤ ᠠᠰᠠᠷ ᠤᠨ ᠨᠢᠭᠡᠨ ᠪᠤᠯᠤᠩ ᠳᠤ ︽ᠪᠡᠯᠡᠭ︾ | ᠨᠡᠷᠡ ᠲᠠᠢ ᠡᠪᠯᠢᠭᠬᠡᠨ ᠵᠢᠭᠠᠬᠠᠨ ᠳᠡᠯᠭᠡᠭᠦᠷ ᠣᠷᠴᠢᠮ ᠬᠥᠮᠥᠰ ᠤᠨ ᠲᠠᠭᠠᠰᠢᠶᠠᠯ ᠳᠤ ᠣᠷᠣᠵᠤ᠂ ᠠᠷᠠᠯᠵᠢᠶᠠ ᠮᠠᠶᠢᠮᠠᠢ | ᠨᠢ ᠰᠠᠶᠢᠨ ᠪᠠᠶᠢᠬᠤ ᠰᠤᠷᠠᠭ ᠢᠶᠠᠷ ᠣᠴᠢᠵᠤ ᠰᠣᠷᠪᠤᠯᠵᠢᠯᠠᠭᠠ ᠠᠪᠤᠯᠠ᠃ ︽ᠪᠡᠯᠡᠭ︾ ᠳᠡᠯᠭᠡᠭᠦᠷ ᠨᠢ ᠲᠤᠰᠬᠠᠶᠢᠯᠠᠨ | ᠬᠥᠮᠥᠰ ᠲᠤ ᠲᠦᠷᠦᠭᠰᠡᠨ ᠡᠳᠦᠷ ᠤᠨ ᠪᠡᠯᠡᠭ᠂ ᠭᠠᠷ ᠴᠠᠶᠢᠯᠭᠠᠬᠤ ᠪᠡᠯᠡᠭ᠂ ᠴᠠᠭᠠᠨ ᠰᠠᠷᠠ ᠶᠢᠨ ᠪᠡᠯᠡᠭ ᠵᠡᠷᠭᠡ ᠤᠯᠠᠨ | ᠵᠦᠢᠯ ᠤᠨ ᠪᠡᠯᠡᠭ ᠢ ᠪᠦᠭᠦᠳᠡ ᠶᠢ ᠬᠠᠮᠲᠤᠷᠠᠭᠤᠯᠤᠨ ᠬᠤᠳᠠᠯᠳᠤᠭᠰᠠᠨ ᠢᠶᠠᠷ ᠢᠶᠠᠨ ᠬᠥᠮᠥᠰ ᠤᠨ ᠪᠡᠯᠡᠭ ᠰᠣᠩᠭᠤᠵᠤ | ᠠᠪᠬᠤ ᠲᠦᠭᠦᠮ ᠳᠥᠲᠡ ᠰᠣᠩᠭᠤᠯᠲᠠ ᠪᠣᠯᠵᠤ᠂ ᠪᠡᠯᠡᠭ ᠤᠨ ᠤᠭᠤᠲᠠ ᠨᠢ ᠨᠠᠷᠢᠯᠢᠭ ᠬᠢᠴᠡᠲᠡᠢ᠂ ᠪᠡᠯᠡᠭ ᠨᠢ ᠴᠠᠮᠢᠨ | ᠬᠥᠭᠡᠷᠦᠬᠦᠨ᠂ ᠦᠨᠡ ᠬᠠᠩᠰᠢ ᠨᠢ ᠲᠣᠬᠢᠷᠠᠮᠵᠢᠲᠠᠢ ᠪᠠᠶᠢᠳᠠᠭ ᠢᠶᠠᠷ ᠡᠭᠦᠳᠡ ᠪᠠᠨ ᠨᠡᠭᠡᠭᠡᠭᠡᠳ ᠬᠠᠭᠠᠰ ᠰᠠᠷᠠ ᠪᠣᠯᠣᠯ | ᠦᠭᠡᠢ ᠨᠡᠯᠢᠶᠡᠳ ᠰᠠᠶᠢᠨ ᠤᠷᠤᠯᠭᠠ ᠣᠯᠴᠢᠬᠠᠭᠰᠠᠨ ᠪᠠᠶᠢᠭᠠ ᠠᠵᠢ᠃ | ᠳᠡᠯᠭᠡᠭᠦᠷ ᠤᠨ ᠡᠵᠡᠨ ᠢ ᠬᠡᠰᠢᠭᠮᠠ ᠭᠡᠳᠡᠭ᠃ ᠠᠯᠠᠱᠠ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠲᠠᠩᠰᠤᠬᠪᠤᠯᠠᠭ | ᠰᠤᠮᠤᠨ ᠤ ᠠᠯᠲᠠᠨᠲᠤᠶᠠᠭᠠ ᠭᠠᠴᠠᠭᠠᠨ ᠳᠤ ᠨᠤᠲᠤᠭᠲᠠᠢ᠃ 2021 ᠣᠨ ᠳᠤ ᠶᠡᠭᠡ ᠰᠤᠷᠭᠠᠭᠤᠯᠢ ᠪᠠᠨ | ᠲᠡᠭᠦᠰᠬᠡᠭᠡᠳ ᠬᠤᠶᠠᠷ ᠵᠢᠯ ᠠᠯᠪᠠᠨ ᠪᠠᠶᠢᠭᠤᠯᠭᠠ ᠳᠤ ᠠᠵᠢᠯᠯᠠᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠨᠢᠭᠡ ᠨᠠᠰᠤ ᠭᠠᠷᠤᠢ ᠲᠠᠢ | ᠬᠡᠦᠬᠡᠨ ᠢᠶᠠᠨ ᠬᠠᠷᠠᠭᠠᠯᠵᠠᠬᠤ ᠵᠣᠷᠢᠯᠭᠠ ᠪᠠᠷ ᠡᠨᠡ ᠳᠡᠯᠭᠡᠭᠦᠷ ᠢ ᠨᠡᠭᠡᠭᠡᠵᠡᠢ᠃ ᠲᠡᠭᠡᠭᠡᠳ ︽ᠶᠡᠷᠦᠨᠢ ᠪᠠᠶᠠᠨᠬᠤᠲᠠ ᠳᠤ | ᠰᠡᠳᠬᠢᠯ ᠳᠤ ᠲᠠᠭᠠᠯᠠᠭᠳᠠᠭᠰᠠᠨ ᠪᠡᠯᠡᠭ ᠬᠤᠳᠠᠯᠳᠤᠬᠤ ᠭᠠᠵᠠᠷ ᠪᠠᠶᠢᠳᠠᠭ ᠦᠭᠡᠢ᠃ ᠬᠠᠶᠠ ᠨᠠᠶᠢᠵᠠ ᠨᠥᠬᠦᠳ ᠪᠤᠶᠤ | ᠬᠠᠮᠲᠤ ᠰᠤᠷᠤᠯᠭᠠᠲᠠᠨ ᠤ ᠲᠦᠷᠦᠭᠰᠡᠨ ᠡᠳᠦᠷ ᠢᠶᠠᠨ ᠪᠡᠯᠭᠡᠯᠡᠬᠦ ᠤᠷᠢᠯᠭᠠ ᠲᠤᠰᠴᠢᠬᠠᠭᠠᠳ ᠶᠠᠮᠠᠷ ᠪᠡᠯᠡᠭ ᠬᠦᠷᠭᠡᠬᠦ | ᠤᠴᠢᠷ ᠲᠤ ᠪᠠᠭ᠋ᠠᠨ ᠪᠤᠳᠤᠯ ᠪᠤᠯᠳᠠᠭ᠃ ᠲᠡᠭᠡᠭᠡᠳ ᠯᠠ ᠮᠣᠩᠭᠤᠯ ᠣᠨᠴᠠᠯᠢᠭ ᠲᠠᠢ᠂ ᠡᠳ᠋ ᠪᠠᠷᠠᠭᠠ ᠨᠢ ᠴᠠᠮᠢᠨ᠂ | ᠪᠣᠭᠤᠯᠲᠠ ᠨᠢ ᠭᠤᠶᠤ ᠪᠡᠯᠡᠭ ᠤᠨ ᠳᠡᠯᠭᠡᠭᠦᠷ ᠨᠡᠭᠡᠭᠡᠬᠦ ᠪᠠᠷ ᠲᠣᠭᠲᠠᠭᠰᠠᠨ ᠶᠤᠮ︾ ᠭᠡᠴᠢᠬᠡᠭᠰᠡᠨ ᠡᠳ᠋ ᠪᠠᠷᠠᠭᠠ ᠪᠠᠨ | ᠲᠡᠭᠰᠢᠯᠡᠵᠦ ᠶᠠᠭᠠᠷᠠᠨᠠ᠃ | ᠪᠢᠳᠠᠨ ᠤ ᠠᠮᠢᠳᠤᠷᠠᠯ ᠳᠤ ᠥᠩᠭᠡ ᠲᠠᠯᠠ᠂ ᠰᠡᠳᠬᠢᠯ ᠰᠠᠨᠠᠭᠠ ᠪᠠᠨ ᠢᠯᠡᠷᠬᠡᠶᠢᠯᠡᠬᠦ ᠪᠡᠯᠡᠭ ᠲᠤᠲᠠᠭᠳᠠᠵᠤ | ᠪᠣᠯᠣᠰᠢ ᠦᠭᠡᠢ ᠪᠠᠶᠢᠳᠠᠭ ᠤᠨ ᠠᠳᠠᠯᠢ ᠪᠠᠷ ᠤᠯᠠᠮᠵᠢᠯᠠᠯᠲᠤ ᠶᠣᠰᠣ ᠵᠠᠩᠰᠢᠯ ᠢᠶᠠᠨ ᠳᠡᠭᠡᠳᠦᠯᠡᠭᠰᠡᠨ ᠴᠠᠭᠠᠨ ᠰᠠᠷᠠ | ᠪᠤᠯᠬᠤ ᠳᠤ ᠪᠡᠯᠡᠭ ᠰᠡᠯᠲᠡ ᠨᠢ ᠤᠯᠠᠮ ᠴᠢᠬᠤᠯᠠ ᠪᠤᠯᠳᠠᠭ᠃ ᠶᠣᠰᠣᠲᠠᠢ ᠯᠠ ᠠᠭᠤᠯᠵᠠᠵᠤ ᠤᠴᠠᠷᠠᠭᠠ ᠦᠭᠡᠢ | ᠬᠥᠮᠥᠰ ᠲᠠᠢ ᠪᠠᠨ ᠮᠡᠨᠳᠦ ᠶᠢᠨ ᠶᠣᠰᠣ ᠲᠠᠢ ᠠᠭᠤᠯᠵᠠᠵᠤ᠂ ᠨᠠᠰᠤᠲᠠᠢ ᠪᠤᠭᠤᠷᠤᠯᠴᠤᠳ᠂ ᠠᠬᠠ ᠳᠡᠭᠦᠦ ᠲᠦᠷᠦᠯ | ᠰᠠᠳᠤᠨ᠂ ᠬᠡᠦᠬᠡᠳ ᠪᠠᠭᠠᠴᠤᠳ ᠲᠠᠭᠠᠨ ᠨᠢᠩᠵᠢᠨ ᠰᠠᠶᠢᠬᠠᠨ ᠰᠡᠳᠬᠢᠯ ᠤᠨ ᠪᠡᠯᠡᠭ ᠢᠶᠠᠨ ᠭᠠᠷᠳᠠᠭᠤᠯᠳᠠᠭ ᠴᠠᠭ᠃ | ᠲᠡᠶᠢᠮᠤ ᠶᠢᠨ ᠤᠴᠢᠷ ᠲᠤ ᠬᠡᠰᠢᠭᠮᠠ ᠳᠡᠯᠭᠡᠭᠦᠷ ᠨᠡᠭᠡᠭᠡᠨᠡ ᠭᠡᠵᠦ ᠪᠤᠳᠤᠬᠰᠠᠨ ᠢᠶᠠᠨ ᠪᠡᠯᠡᠨ ᠳᠣᠣᠷᠠ ᠪᠠᠨ ᠬᠥᠳᠡᠯᠵᠦ᠂ | ᠴᠠᠭᠠᠨ ᠰᠠᠷᠠ ᠠᠴᠠ ᠡᠮᠦᠨᠡ ᠡᠭᠦᠳᠡ ᠪᠠᠨ ᠨᠡᠭᠡᠭᠡᠬᠦ ᠪᠠᠷ ᠬᠤᠷᠳᠤᠯᠠᠵᠠᠢ᠃ ᠲᠡᠭᠦᠨ ᠤ ᠳᠡᠯᠭᠡᠭᠦᠷ ᠲᠤ ᠴᠠᠭᠠᠨ | ᠰᠠᠷᠠ ᠳᠤ ᠵᠣᠬᠢᠴᠠᠭᠤᠯᠤᠭᠰᠠᠨ ᠰᠠᠷᠠ ᠰᠢᠨᠡ ᠶᠢᠨ ᠪᠡᠯᠡᠭ ᠴᠤ ᠬᠡᠳᠦᠨ ᠵᠦᠢᠯ ᠤᠨ ᠪᠠᠶᠢᠵᠤ᠂ ᠳᠣᠲᠣᠷᠠ ᠨᠢ ᠰᠢᠷᠠ | ᠲᠣᠰᠣ᠂ ᠰᠦᠨ ᠲᠠᠯᠬᠠ᠂ ᠪᠤᠭᠤᠷᠰᠤᠭ ᠵᠡᠷᠭᠡ ᠶᠢ ᠰᠠᠪᠠᠯᠠᠵᠤ᠂ ᠪᠠᠰᠠ ᠵᠠᠷᠢᠮ ᠪᠡᠯᠡᠭ ᠨᠢ ᠬᠡᠳᠦᠨ ᠵᠦᠢᠯ ᠤᠨ ᠴᠠᠭᠠᠨ | ᠢᠳᠡᠭᠡ ᠶᠢ ᠡᠪᠲᠡᠶᠢᠬᠡᠨ ᠬᠠᠶᠢᠷᠴᠠᠭᠯᠠᠭᠰᠠᠨ ᠬᠠᠷᠠᠭᠳᠠᠬᠤ ᠶᠤᠮ᠃ ᠪᠠᠰᠠ ᠰᠢᠨᠡ ᠭᠡᠯᠪᠡᠷᠢ ᠶᠢᠨ ᠬᠡᠦᠬᠡᠳ ᠤᠨ | ᠲᠣᠭᠯᠠᠭᠠᠮ᠂ ᠰᠢᠨᠡ ᠬᠢᠴᠡᠲᠡᠢ ᠲᠣᠷᠭᠠᠨ ᠴᠡᠴᠡᠭ᠂ ᠭᠤᠸᠠ ᠰᠠᠶᠢᠬᠠᠨ ᠤ ᠪᠦᠲᠦᠭᠡᠭᠳᠡᠬᠦᠨ᠂ ᠠᠮᠢᠳᠤᠷᠠᠯ ᠤᠨ | ᠬᠡᠷᠡᠭᠰᠡᠯ᠂ ᠵᠢᠷᠤᠭ ᠳᠤᠷᠠᠰᠬᠠᠯ ᠤᠨ ᠪᠣᠳᠠᠰ᠂ ᠨᠣᠮ ᠵᠡᠷᠭᠡ ᠲᠦᠷᠦᠯ ᠵᠦᠢᠯ ᠤᠯᠠᠨ ᠪᠡᠯᠡᠭ ᠢᠶᠠᠷ ᠵᠢᠵᠢᠭᠬᠡᠨ | ᠳᠡᠯᠭᠡᠭᠦᠷ ᠢᠶᠠᠨ ᠬᠥᠭᠡᠷᠦᠬᠦᠨ ᠴᠢᠮᠡᠵᠡᠢ᠃ | ︽ᠳᠡᠯᠭᠡᠭᠦᠷ ᠢᠶᠠᠨ ᠵᠠᠰᠠᠵᠤ ᠴᠢᠮᠡᠬᠦ ᠪᠠᠷᠤᠭ ᠠᠵᠢᠯ ᠢ ᠥᠪᠡᠷ ᠲᠡᠭᠡᠨ ᠬᠢᠭᠰᠡᠨ ᠪᠣᠯᠬᠤᠷ ᠢᠶᠠᠨ ᠬᠡᠳᠦᠬᠡᠨ | ᠮᠢᠩᠭᠠᠨ ᠲᠥᠭᠦᠷᠢᠭ ᠢᠶᠠᠷ ᠳᠡᠯᠭᠡᠭᠦᠷ ᠢᠶᠠᠨ ᠨᠡᠭᠡᠭᠡᠴᠢᠬᠡᠭᠰᠡᠨ᠃ ᠡᠨᠡ ᠱᠠᠯᠠᠨ ᠤ ᠴᠠᠭᠠᠰᠤ ᠶᠢ ᠪᠢ ᠥᠪᠡᠷ ᠲᠡᠭᠡᠨ | ᠳᠡᠪᠢᠰᠦᠭᠰᠡᠨ᠂ ᠡᠨᠡ ᠬᠤᠷᠭᠤ ᠨᠤᠭᠤᠳ ᠢ ᠰᠦᠯᠵᠢᠶᠡᠨ ᠠᠴᠠ ᠠᠪᠤᠭᠠᠳ ᠥᠪᠡᠷ ᠲᠡᠭᠡᠨ ᠤᠭᠰᠠᠷᠠᠭᠰᠠᠨ᠃ ᠡᠳᠡᠭᠡᠷ | ᠵᠢᠷᠤᠭ ᠴᠤ ᠮᠢᠨᠤ ᠥᠪᠡᠷ ᠤᠨ ᠵᠢᠷᠤᠭᠰᠠᠨ ᠵᠢᠷᠤᠭ᠂᠂᠂᠂︾ ᠭᠡᠬᠦᠴᠢᠯᠡᠨ ᠪᠠᠭᠠᠬᠠᠨ ᠪᠡᠯᠡ ᠤᠷᠤᠭᠤᠯᠤᠯᠳᠠ ᠪᠠᠷ | ᠪᠣᠰᠬᠠᠭᠰᠠᠨ ᠦᠢᠯᠡᠰ ᠲᠡᠭᠡᠨ ᠬᠡᠰᠢᠭᠮᠠ ᠶᠡᠭᠡ ᠬᠠᠨᠤᠮᠵᠢᠳᠠᠢ ᠪᠠᠶᠢᠯᠠ᠃ ︽ᠬᠥᠮᠥᠨ ᠶᠡᠷᠦᠨᠢ ᠶᠠᠭᠤᠮᠠ ᠬᠢᠬᠦ ᠦᠭᠡᠢ᠂ | ᠵᠣᠭᠤᠰ ᠣᠯᠵᠤ ᠠᠮᠢᠳᠤᠷᠠᠯ ᠢᠶᠠᠨ ᠥᠭᠡᠳᠡ ᠲᠠᠲᠠᠶᠠ ᠭᠡᠰᠡᠨ ᠬᠦᠰᠡᠯ ᠮᠥᠷᠥᠭᠡᠳᠦᠯ ᠪᠠᠶᠢᠬᠤ ᠦᠭᠡᠢ ᠪᠤᠯᠬᠤ ᠦᠭᠡᠢ᠃ | ᠬᠡᠦᠬᠡᠳ ᠠᠪᠤᠨᠠ ᠭᠡᠵᠦ ᠬᠤᠶᠠᠷ ᠵᠢᠯ ᠠᠵᠢᠯᠯᠠᠭᠰᠠᠨ ᠦᠭᠡᠢ ᠴᠢᠨᠢ ᠨᠡᠶᠢᠭᠡᠮ ᠠᠴᠠ ᠭᠡᠭᠡᠭᠳᠡᠬᠦ ᠭᠡᠳ ᠪᠤᠯᠳᠠᠭ ᠦᠭᠡᠢ | ᠃ ᠲᠡᠶᠢᠮᠤ ᠳᠡᠭᠡᠨ ᠬᠤᠷᠳᠤᠨ ᠡᠶᠢᠮᠦ ᠨᠢᠭᠡ ᠶᠠᠭᠤᠮᠠ ᠭᠢᠶᠡ ᠭᠡᠰᠡᠨ ᠪᠤᠳᠤᠯ ᠣᠷᠣᠯᠠ᠃ ᠡᠨᠡ ᠳᠡᠯᠭᠡᠭᠦᠷ ᠴᠢᠨᠢ | ᠶᠣᠰᠣᠨ ᠳᠠᠭᠠᠨ ᠥᠪᠡᠷ ᠤᠨ ᠪᠡᠶᠡ ᠳᠡᠭᠡᠨ ᠪᠡᠯᠡᠭᠯᠡᠭᠰᠡᠨ ᠪᠡᠯᠡᠭ ᠰᠢᠤ︾ ᠭᠡᠬᠦ ᠶᠤᠮ᠃ | |