| | ● ᠡᠷᠳᠡᠨᠢᠴᠡᠴᠡᠭ | ᠬᠥᠮᠥᠰ ᠤᠨ ᠬᠦᠰᠡᠨ ᠬᠦᠯᠢᠶᠡᠳᠡᠭ ᠴᠠᠭᠠᠨ ᠰᠠᠷᠠ ᠬᠦᠷᠴᠦ ᠢᠷᠡᠬᠦ ᠲᠠᠰᠢᠷᠠᠮ ᠢᠶᠠᠷ ᠮᠠᠯᠴᠢᠨ | ᠨᠠᠰᠤᠨᠴᠢᠮᠡᠭ ᠤᠨ ᠬᠢᠨ ᠡᠳᠦᠷᠵᠢᠨ ᠶᠠᠭᠠᠷᠠᠯᠲᠠᠢ ᠪᠠᠷ ᠴᠠᠭᠠᠨ ᠰᠠᠷᠠ ᠶᠢᠨ ᠪᠤᠭᠤᠷᠰᠤᠭ ᠬᠢᠵᠦ᠂ 20 ᠡᠳᠦᠷ | ᠰᠢᠷᠠᠭᠰᠠᠨ ᠪᠤᠭᠤᠷᠰᠤᠭ ᠤᠨ ᠤᠷᠤᠯᠭᠠ ᠨᠢ 2 ᠲᠦᠮᠡᠨ ᠲᠥᠭᠦᠷᠢᠭ ᠲᠤ ᠬᠦᠷᠴᠡᠢ᠃ | ᠨᠠᠰᠤᠨᠴᠢᠮᠡᠭ ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠵᠢᠷᠠᠲᠠᠢ ᠪᠠᠯᠭᠠᠰᠤᠨ ᠤ ᠵᠠᠬᠠᠪᠤᠯᠠᠭ ᠭᠠᠴᠠᠭᠠᠨ ᠳᠤ | ᠨᠤᠲᠤᠭ ᠲᠠᠢ᠃ ᠲᠡᠷᠡ 2004 ᠣᠨ ᠳᠤ ᠬᠤᠳᠠ ᠳᠤ ᠣᠷᠣᠵᠤ᠂ 2014 ᠣᠨ ᠠᠴᠠ ᠡᠬᠢᠯᠡᠨ ᠬᠤᠪᠢ ᠪᠠᠷ ᠢᠶᠠᠨ | ᠬᠤᠭᠤᠯᠠᠨ ᠭᠡᠷ ᠨᠡᠭᠡᠭᠡᠵᠦ ᠪᠠᠶᠢᠭᠰᠠᠨ ᠢᠶᠠᠨ 2019 ᠣᠨ ᠠᠴᠠ ᠡᠬᠢᠯᠡᠨ ᠪᠠᠶᠠᠨᠬᠤᠲᠠ ᠳᠤ ᠪᠤᠭᠤᠷᠰᠤᠭ ᠬᠢᠵᠦ | ᠤᠷᠤᠯᠭᠠ ᠪᠠᠨ ᠨᠡᠮᠡᠭᠳᠡᠭᠦᠯᠵᠦ᠂ ᠪᠤᠰᠤᠳ ᠴᠠᠭ ᠢᠶᠠᠷ ᠨᠢ ᠬᠤᠭᠤᠯᠠᠨ ᠭᠡᠷ ᠲᠤ ᠦᠢᠯᠡᠴᠢᠯᠡᠭᠡᠨ ᠤ ᠠᠵᠢᠯ ᠬᠢᠳᠡᠭ᠃ | ᠨᠠᠰᠤᠨᠴᠢᠮᠡᠭ ᠤᠨ ᠬᠢᠨ ᠬᠡᠷᠡᠭᠯᠡᠭᠴᠢᠳ ᠤᠨ ᠬᠡᠷᠡᠭᠴᠡᠭᠡ ᠶᠢ ᠦᠨᠳᠦᠰᠦᠯᠡᠵᠦ ᠰᠢᠬᠢᠷ ᠲᠠᠢ ᠪᠤᠭᠤᠷᠰᠤᠭ᠂ | ᠰᠢᠬᠢᠷ ᠦᠭᠡᠢ ᠪᠤᠭᠤᠷᠰᠤᠭ᠂ ᠬᠤᠷᠣᠬᠠᠢ ᠪᠤᠭᠤᠷᠰᠤᠭ᠂ ᠴᠢᠪᠠᠭᠠ ᠲᠠᠢ ᠳᠠᠪᠬᠤᠷ ᠮᠤᠰᠬᠢᠮᠠᠯ ᠪᠤᠭᠤᠷᠰᠤᠭ᠂ ᠳᠠᠩ | ᠮᠤᠰᠬᠢᠮᠠᠯ ᠪᠤᠭᠤᠷᠰᠤᠭ᠂ ᠡᠭᠦᠯᠡᠨ ᠪᠤᠭᠤᠷᠰᠤᠭ ᠵᠡᠷᠭᠡ ᠪᠣᠣᠪᠤ ᠪᠤᠭᠤᠷᠰᠤᠭ ᠬᠢᠬᠦ ᠠᠴᠠ ᠭᠠᠳᠠᠨᠠ ᠪᠠᠰᠠ ᠥᠪᠡᠷ ᠢᠶᠠᠨ | ᠬᠢᠵᠦ ᠨᠠᠶᠢᠷᠠᠭᠤᠯᠤᠭᠰᠠᠨ ᠯᠠᠵᠤᠤ᠂ ᠤᠯᠠᠭᠠᠨ ᠭᠤᠶᠣᠣ ᠲᠠᠢ ᠰᠢᠬᠢᠷ ᠵᠡᠷᠭᠡ ᠪᠠᠨ ᠭᠠᠷ ᠤᠲᠠᠰᠤᠨ ᠤ ᠨᠠᠶᠢᠵᠠ ᠶᠢᠨ | ᠲᠣᠭᠤᠷᠢᠭ ᠲᠤ ᠵᠠᠷᠤᠵᠤ᠂ ᠬᠡᠷᠡᠭᠯᠡᠭᠴᠢᠳ ᠤᠨ ᠲᠠᠭᠠᠰᠢᠶᠠᠯ ᠢ ᠭᠥᠷᠳᠡᠭᠰᠡᠨ ᠪᠠᠶᠢᠨᠠ᠃ ᠳᠡᠳᠡᠨ ᠤ ᠬᠢᠨ ᠳᠤ | ᠬᠦᠷᠬᠦ ᠳᠤ ᠪᠤᠭᠤᠷᠰᠤᠭ ᠢᠶᠠᠨ ᠲᠦᠷᠦᠯ ᠬᠤᠪᠢᠶᠠᠷᠢᠯᠠᠨ ᠤᠭᠤᠲᠠ ᠤᠭᠤᠲᠠ ᠪᠠᠷ ᠰᠠᠪᠠᠯᠠᠨ ᠡᠩᠨᠡᠭᠦᠯᠦᠨ ᠲᠠᠯᠪᠢᠭᠰᠠᠨ | ᠪᠠᠶᠢᠯᠠ᠃ ᠡᠩ ᠤᠨ ᠮᠤᠰᠬᠢᠮᠠᠯ ᠪᠤᠭᠤᠷᠰᠤᠭ ᠨᠢ ᠵᠢᠩ ᠪᠦᠷᠢ ᠳᠡᠭᠡᠨ 15 ᠲᠥᠭᠦᠷᠢᠭ᠂ ᠳᠠᠪᠬᠤᠷ ᠮᠤᠰᠬᠢᠮᠠᠯ | ᠪᠤᠭᠤᠷᠰᠤᠭ ᠨᠢ ᠵᠢᠩ ᠪᠦᠷᠢ ᠳᠡᠭᠡᠨ 18 ᠲᠥᠭᠦᠷᠢᠭ ᠢᠶᠠᠷ ᠪᠣᠷᠣᠯᠠᠭᠤᠯᠵᠤ ᠪᠠᠶᠢᠯᠠ᠃ ᠨᠠᠰᠤᠨᠴᠢᠮᠡᠭ ᠨᠢᠭᠡ | ᠡᠳᠦᠷ ᠲᠤ ᠲᠠᠪᠢ ᠠᠴᠠ ᠵᠠᠭᠤᠨ ᠵᠢᠩ ᠤᠨ ᠭᠤᠯᠢᠷ ᠨᠤᠬᠤᠵᠤ᠂ ᠳᠣᠲᠣᠷᠠ ᠨᠢ ᠥᠨᠳᠡᠭᠡ᠂ ᠲᠣᠰᠣ ᠵᠡᠷᠭᠡ ᠶᠢ | ᠬᠤᠯᠢᠨ ᠬᠢᠳᠡᠭ ᠪᠠᠶᠢᠨᠠ᠃ | ᠨᠠᠰᠤᠨᠴᠢᠮᠡᠭ᠄ ︽ᠪᠢ ᠴᠠᠭᠠᠨ ᠰᠠᠷᠠ ᠶᠢᠨ ᠪᠤᠭᠤᠷᠰᠤᠭ ᠬᠢᠵᠦ ᠬᠤᠳᠠᠯᠳᠤᠭᠠᠳ ᠵᠢᠷᠭᠤᠭᠠ ᠲᠤᠯᠤᠭᠠᠠ | ᠵᠢᠯ ᠪᠣᠯᠵᠤ ᠪᠠᠶᠢᠨᠠ᠃ ᠪᠤᠭᠤᠷᠰᠤᠭ ᠤᠨ ᠥᠩᠭᠡ ᠶᠢ ᠣᠨᠴᠠᠭᠠᠶᠢᠯᠠᠨ ᠠᠩᠬᠠᠷᠳᠠᠭ᠃ ᠲᠤᠰᠤᠨ ᠤ ᠬᠠᠯᠠᠭᠤᠨ ᠤ | ᠬᠡᠮᠵᠢᠶᠡ ᠶᠢ ᠲᠠᠭᠠᠷᠠᠭᠤᠯᠤᠨ ᠬᠠᠭᠠᠷᠢᠪᠠᠯ ᠥᠩᠭᠡ ᠰᠠᠶᠢᠬᠠᠨ ᠪᠤᠯᠳᠠᠭ᠃ ᠲᠤᠰᠤᠨ ᠤ ᠬᠠᠯᠠᠭᠤᠨ ᠤ ᠬᠡᠮᠵᠢᠶᠡ ᠶᠢ | ᠲᠠᠭᠠᠷᠠᠭᠤᠯᠬᠤ ᠳᠤ ᠪᠤᠭᠤᠷᠰᠤᠭ ᠬᠠᠭᠠᠷᠢᠭᠰᠠᠨ ᠬᠠᠯᠠᠭᠤᠨ ᠲᠤᠰᠤᠨ ᠠᠴᠠ ᠪᠠᠨ ᠨᠢᠭᠡ ᠪᠦᠳᠦᠭᠦᠨ ᠰᠢᠨᠠᠭᠠ ᠠᠪᠴᠤ | ᠬᠥᠷᠥᠭᠡᠭᠡᠳ ᠲᠠᠭᠢᠨ ᠲᠣᠭᠤᠭᠠᠨ ᠳᠠᠭᠠᠨ ᠬᠢᠵᠦ ᠬᠠᠯᠠᠭᠤᠨ ᠤ ᠬᠡᠮᠵᠢᠶᠡ ᠪᠠᠨ ᠲᠣᠬᠢᠷᠠᠭᠤᠯᠳᠠᠭ᠃ ᠤᠳᠤ ᠵᠠᠬᠢᠶᠠᠯᠠᠭᠠ | ᠠᠷᠪᠢᠳᠤᠭᠠᠳ ᠬᠥᠮᠥᠰ ᠤᠨ ᠬᠡᠷᠡᠭᠴᠡᠭᠡ ᠶᠢ ᠬᠠᠩᠭᠠᠵᠤ ᠴᠢᠳᠠᠬᠤ ᠪᠠᠨ ᠪᠣᠯᠢᠵᠤ ᠪᠠᠶᠢᠨᠠ᠃ ᠪᠢᠳᠡ ᠬᠤᠶᠠᠷ ᠪᠦᠲᠦᠨ | ᠡᠳᠦᠷ ᠮᠠᠰᠢ ᠶᠠᠭᠠᠷᠠᠯᠲᠠᠢ ᠠᠵᠢᠯᠯᠠᠭᠠᠳ ᠲᠠᠭᠠᠷᠠᠴᠢᠬᠠᠳᠠᠭ ᠪᠣᠯᠬᠤᠷ ᠬᠥᠮᠥᠰ ᠤᠨ ᠠᠪᠤᠨᠠ ᠭᠡᠰᠡᠨ ᠪᠤᠭᠤᠷᠰᠤᠭ ᠢ | ᠬᠦᠷᠭᠡᠵᠦ ᠥᠭᠬᠦ ᠵᠠᠪ ᠪᠠᠶᠢᠳᠠᠭ ᠦᠭᠡᠢ᠂ ᠯᠠ ᠰᠠᠷᠠ ᠶᠢᠨ ᠬᠤᠷᠢᠨ ᠲᠠᠪᠤᠨ ᠪᠤᠯᠳᠠᠯᠠ ᠪᠤᠭᠤᠷᠰᠤᠭ ᠬᠢᠬᠦ | ᠰᠠᠨᠠᠭᠠ ᠲᠠᠢ︾ ᠭᠡᠵᠦ ᠪᠠᠶᠢᠪᠠ᠃ | |