| | | ● ᠰᠡᠴᠡᠨ | ᠠᠯᠠᠱᠠ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠲᠠᠩᠰᠤᠬᠪᠤᠯᠠᠭ ᠰᠤᠮᠤᠨ ᠤ ᠦᠦᠷᠢᠨᠳᠤᠶᠠᠭᠠ ᠭᠠᠴᠠᠭᠠᠨ ᠤ | ᠮᠤᠬᠤᠷ ᠤᠨ ᠬᠤᠳᠳᠤᠭ ᠲᠤ ᠰᠠᠭᠤᠷᠢᠰᠢᠳᠠᠭ ᠤᠷᠭᠢᠯ ᠡᠷᠳᠡᠨᠢᠴᠡᠴᠡᠭ ᠤᠨ ᠬᠤᠲᠠᠨ ᠤ ︽ᠬᠤᠷᠣᠨ ᠰᠢᠷᠠ︾ | ᠨᠡᠷᠡ ᠲᠠᠢ ᠢᠩᠭᠡ ᠨᠢ 39 ᠨᠠᠰᠤᠯᠠᠵᠤ ᠪᠠᠶᠢᠬᠤ ᠶᠤᠮ ᠭᠡᠨᠡ᠃ ᠲᠡᠭᠡᠭᠡᠳ ᠰᠦᠷᠦᠭ ᠲᠡᠭᠡᠨ ᠪᠦᠯᠢ ᠨᠡᠮᠡᠵᠦ | ᠭᠠᠪᠢᠶᠠ ᠵᠢᠳᠬᠦᠯ ᠢᠶᠠᠨ ᠭᠦᠢᠴᠡᠳ ᠦᠵᠡᠭᠦᠯᠦᠭᠰᠡᠨ ᠡᠨᠡ ᠢᠩᠭᠡ ᠣᠶᠢᠷᠠ ᠶᠢᠨ ᠬᠡᠳᠦᠨ ᠵᠢᠯ ᠠᠴᠠ ︽ᠲᠡᠳᠬᠦᠪᠦᠷᠢ︾ | ᠳᠡᠭᠡᠨ ᠠᠰᠠᠷᠠᠭᠤᠯᠵᠤ ᠵᠢᠷᠭᠠᠨᠠ᠃ | ᠲᠡᠮᠡᠭᠡ ᠴᠣᠬᠤᠮ ᠬᠡᠳᠦᠢ ᠣᠷᠳᠦ ᠨᠠᠰᠤᠯᠠᠳᠠᠭ ᠠᠮᠢᠳᠠᠨ ᠪᠤᠢ︖ ︽ᠠᠶᠢᠯ ᠤᠨ ᠤᠨᠤᠭᠠᠨ ᠤ ᠠᠳᠠ | ᠭᠤᠴᠢᠨ ᠬᠤᠶᠠᠷ ᠭᠤᠷᠪᠠ ᠨᠠᠰᠤᠯᠠᠵᠤ ᠪᠠᠶᠢᠬᠤ ᠶᠢ ᠰᠣᠨᠣᠰᠤᠭᠰᠠᠨ᠃ 39 ᠨᠠᠰᠤᠯᠠᠵᠤ ᠪᠠᠶᠢᠬᠤ ᠲᠡᠮᠡᠭᠡ ᠶᠢ ᠶᠡᠷᠦᠨᠢ | ᠰᠣᠨᠣᠰᠴᠤ ᠪᠠᠶᠢᠭᠰᠠᠨ ᠦᠭᠡᠢ᠃ ᠮᠠᠨ ᠤ ᠣᠶᠢᠷᠠ ᠬᠠᠪᠢ ᠶᠢᠨ ᠲᠠᠨᠢᠯ ᠲᠠᠰᠤᠯ ᠤᠯᠤᠰ ᠤᠳ ᠪᠦᠷ ᠯᠠ ᠭᠠᠶᠢᠬᠠᠵᠤ | ᠬᠠᠴᠢᠷᠬᠠᠵᠤ ᠪᠠᠶᠢᠬᠤ ᠶᠤᠮ᠃ ᠥᠨᠥ ᠬᠠᠪᠤᠷ ᠮᠠᠨ ᠤ ᠬᠥᠭᠰᠢᠨ ᠢᠩᠭᠡ 39 ᠳᠠᠬᠢ ᠵᠢᠯ ᠤᠨ ᠢᠶᠠᠨ ᠨᠣᠭᠤᠭᠠ | ᠢᠳᠡᠬᠦ ᠪᠣᠯᠣᠨᠠ︾ ᠭᠡᠵᠦ ᠤᠷᠭᠢᠯ ᠶᠠᠷᠢᠨᠠ᠃ | ᠪᠣᠲᠣᠭᠤᠨ ᠠᠴᠠ ᠪᠠᠨ ᠶᠡᠭᠡ ᠪᠠᠷᠬᠢᠷᠠᠭᠠ ᠵᠠᠩ ᠲᠠᠢ ᠪᠣᠯᠬᠤᠷ ᠨᠢ ︽ᠬᠤᠷᠣᠨ ᠰᠢᠷᠠ︾ ᠭᠡᠰᠡᠨ ᠨᠡᠷᠡ | ᠲᠠᠢ ᠪᠣᠯᠤᠭᠰᠠᠨ ᠡᠨᠡ ᠢᠩᠭᠡ ᠤᠤᠯ ᠨᠢ ᠤᠷᠭᠢᠯ ᠤᠨ ᠠᠬᠠ ᠶᠢᠨ ᠬᠢᠨᠢ ᠲᠡᠮᠡᠭᠡ ᠪᠠᠶᠢᠵᠠᠢ᠃ ᠳᠡᠭᠡᠷᠡ ᠵᠠᠭᠤᠨ ᠤ | ᠶᠡᠷᠡᠭᠡᠳ ᠣᠨ ᠤ ᠡᠬᠢ ᠪᠠᠷ ᠤᠷᠭᠢᠯ ᠡᠷᠳᠡᠨᠢᠴᠡᠴᠡᠭ ᠬᠤᠶᠠᠭᠤᠯᠠ ᠲᠡᠮᠡᠭᠡ ᠪᠠᠨ ᠥᠰᠬᠡᠬᠦ ᠪᠠᠷ 880 ᠲᠥᠭᠦᠷᠢᠭ ᠤᠨ | ᠲᠧᠯᠸᠢᠰ᠂ ᠲᠧᠯᠸᠢᠰ ᠦᠵᠡᠬᠦ ᠲᠣᠨᠤᠭ ᠢᠶᠠᠷ ᠡᠨᠡ ᠢᠩᠭᠡ ᠶᠢ ᠰᠣᠯᠢᠵᠤ ᠠᠪᠴᠢᠷᠠᠭᠰᠠᠨ ᠦᠯᠢᠭᠡᠷ ᠲᠠᠢ᠃ ︽ | ᠬᠤᠷᠣᠨ ᠰᠢᠷᠠ︾ ᠨᠡᠶᠢᠳᠡ ᠶᠢᠰᠦ ᠪᠣᠲᠣᠭᠤᠯᠠᠵᠤ᠂ ᠰᠡᠭᠦᠯᠡᠷ ᠨᠢ ᠭᠡᠭᠡᠯ ᠲᠣᠭᠲᠠᠬᠤ ᠪᠠᠨ ᠪᠣᠯᠢᠭᠰᠠᠨ ᠠᠴᠠ ᠡᠳᠡᠨᠡᠷ | ᠴᠤ ᠬᠠᠶᠠᠭᠠᠨ ᠳᠤᠨᠢ ᠪᠠᠶᠢᠯᠭᠠᠵᠤ᠂ ᠵᠢᠯ ᠭᠠᠩ ᠲᠠᠢ ᠪᠣᠯ ᠵᠢᠭᠠᠬᠠᠨ ᠲᠡᠵᠢᠭᠡᠯ ᠪᠣᠷᠳᠤᠭᠠ ᠥᠭᠭᠦᠭᠡᠳ ᠯᠠ | ᠶᠠᠪᠤᠭᠤᠯᠴᠢᠬᠠᠳᠠᠭ᠃ ᠬᠥᠭᠰᠢᠨ ᠢᠩᠭᠡ ᠨᠢ ᠵᠤᠨ ᠪᠣᠯᠣᠭᠰᠠᠭᠠᠷ ᠪᠠᠳᠠᠢ ᠶᠢᠨ ᠵᠢᠷᠠᠨ ᠡᠯᠡᠰᠦᠨ ᠳᠤ ᠶᠠᠪᠤᠭᠠᠳ | ᠣᠷᠣᠴᠢᠬᠠᠨᠠ᠃ ᠬᠠᠮᠢᠭᠠ ᠶᠠᠪᠤᠭᠠᠳ ᠦᠶᠦᠭᠡᠳᠡᠴᠢᠭᠡᠭᠦ ᠠᠴᠠ ᠨᠢ ᠪᠣᠯᠭᠤᠮᠵᠢᠯᠠᠵᠤ ᠬᠡᠳᠦᠨ ᠠᠷᠪᠠᠨ ᠬᠤᠨᠤᠭ ᠢᠶᠠᠷ | ᠰᠤᠷᠠᠭ ᠲᠠᠰᠤᠷᠠᠪᠠᠯ ᠡᠷᠭᠢᠵᠦ ᠲᠣᠭᠤᠷᠢᠵᠤ ᠦᠵᠡᠨᠡ᠃ ᠵᠦᠭᠡᠷ ᠪᠡᠯᠴᠢᠵᠦ ᠪᠠᠶᠢᠪᠠᠯ ᠳᠤᠷᠠ ᠪᠠᠷ ᠨᠢ | ᠶᠠᠪᠤᠭᠤᠯᠴᠢᠬᠠᠭᠠᠳ᠂ ᠬᠡᠪᠲᠡᠵᠦ ᠦᠶᠦᠭᠡᠳᠡᠭᠰᠡᠨ ᠪᠣᠯ ᠲᠡᠷᠭᠡ ᠮᠠᠰᠢᠨ ᠢᠶᠠᠷ ᠭᠠᠳᠠᠨᠠ ᠪᠠᠨ ᠠᠪᠴᠢᠷᠠᠵᠤ ︽ | ᠠᠰᠠᠷᠠᠨᠠ︾᠃ ᠢᠩᠭᠢᠭᠰᠡᠭᠡᠷ ᠪᠠᠶᠢᠲᠠᠯᠠ ᠨᠢᠭᠡ ᠮᠡᠳᠡᠬᠦᠨᠡ ᠭᠤᠴᠢᠨ ᠬᠡᠳᠦᠨ ᠵᠢᠯ ᠪᠣᠯᠵᠠᠢ᠃ | ᠨᠡᠯᠢᠶᠡᠳ ᠬᠡᠳᠦᠨ ᠵᠢᠯ ᠤᠨ ᠡᠮᠦᠨᠡ ᠠᠶᠢᠯ ᠰᠠᠭᠠᠬᠠᠯᠲᠠ ᠶᠢᠨ ᠬᠢᠨᠢ ᠤᠷᠭᠢᠯ ᠤᠨ ᠬᠥᠭᠰᠢᠨ ᠢᠩᠭᠡ ᠶᠢ | ᠦᠵᠡᠴᠢᠬᠡᠭᠡᠳ ︽ᠡᠨᠡ ᠬᠥᠭᠰᠢᠨ ᠢᠩᠭᠡ ᠪᠠᠨ ᠬᠤᠳᠠᠯᠳᠤᠨᠠ ᠪᠢᠵᠡ︾ ᠭᠡᠵᠦ ᠢᠳᠬᠠᠬᠤ ᠳᠤ ᠤᠷᠭᠢᠯ | ᠰᠠᠨᠠᠭᠠᠨ ᠳᠠᠭᠠᠨ ᠠᠪᠤᠭᠰᠠᠨ ᠦᠭᠡᠢ᠃ ᠲᠡᠭᠦᠨ ᠤ ᠰᠠᠨᠠᠭᠠ ᠪᠠᠷ ᠬᠥᠭᠰᠢᠨ ᠢᠩᠭᠡ ᠨᠢ ᠠᠯᠢ ᠨᠢᠭᠡ ᠡᠳᠦᠷ ᠭᠤᠪᠢ | ᠨᠤᠲᠤᠭ ᠲᠠᠭᠠᠨ ᠰᠢᠩᠭᠡᠬᠦ ᠨᠢ ᠲᠦᠮᠡᠨ ᠵᠥᠪ ᠭᠡᠵᠦ ᠪᠤᠳᠤᠳᠠᠭ ᠠᠵᠢ᠃ | ︽ᠮᠠᠨ ᠤ ᠡᠨᠡ ᠢᠩᠭᠡ ᠴᠢᠨᠢ ᠲᠣᠯᠣᠭᠠᠢ ᠶᠢᠨ ᠠᠷᠤ ᠳᠠᠭᠠᠨ ᠤᠳᠤᠭᠠ ᠲᠠᠢ ᠲᠡᠮᠡᠭᠡ᠂ ᠬᠥᠭᠰᠢᠴᠦᠦᠯ | ᠤᠳᠤᠭᠠ ᠲᠠᠢ ᠲᠡᠮᠡᠭᠡ ᠶᠢ ᠪᠤᠶᠠᠨ ᠲᠠᠢ ᠮᠠᠯ ᠭᠡᠵᠦ ᠶᠠᠷᠢᠳᠠᠭ ᠪᠣᠯᠬᠤᠷ ᠪᠢᠳᠠ ᠡᠨᠡ ᠬᠥᠭᠰᠢᠨ ᠢᠩᠭᠡ ᠪᠠᠨ ᠶᠡᠭᠡ | ᠬᠠᠶᠢᠷᠠᠯᠠᠵᠤ᠂ ᠳᠤᠷᠠ ᠵᠣᠷᠢᠭ ᠢᠶᠠᠷ ᠨᠢ ᠶᠠᠪᠤᠭᠤᠯᠳᠠᠭ᠃ ᠡᠨᠡ ᠴᠢᠨᠢ ᠬᠥᠭᠰᠢᠷᠡᠭᠡᠳ ᠰᠢᠳᠦ ᠦᠭᠡᠢ ᠪᠣᠯᠤᠭᠰᠠᠨ | ᠪᠤᠯᠪᠠᠴᠦ ᠶᠡᠭᠡ ᠠᠭᠤᠷ ᠲᠠᠢ᠂ ᠬᠠᠶᠠ ᠡᠪᠡᠰᠦ ᠪᠣᠷᠳᠤᠭᠠ ᠥᠭᠬᠦ ᠨᠢ ᠵᠢᠭᠠᠬᠠᠨ ᠤᠷᠤᠶᠢᠳᠠᠪᠠᠯ ᠠᠭᠤᠷᠯᠠᠵᠤ᠂ | ᠪᠠᠷᠬᠢᠷᠠᠭᠠ ᠵᠠᠩ ᠢᠶᠠᠨ ᠭᠠᠷᠭᠠᠵᠤ᠂ ᠲᠣᠯᠣᠭᠠᠢ ᠳᠡᠭᠡᠷᠡ ᠠᠴᠠ ᠵᠠᠭᠤᠭᠠᠳ ᠠᠪᠤᠨᠠ᠃ ᠮᠠᠯ ᠠᠮᠢᠳᠠᠨ ᠬᠥᠳᠡᠭᠡ ᠪᠠᠨ | ᠶᠠᠰᠤ ᠪᠠᠨ ᠲᠠᠯᠪᠢᠳᠠᠭ ᠶᠣᠰᠣ ᠪᠠᠷ ᠠᠯᠢ ᠨᠢᠭᠡ ᠡᠳᠦᠷ ᠶᠢᠷᠲᠢᠨᠴᠦ ᠶᠢᠨ ᠶᠣᠰᠣ ᠪᠠᠷ ᠬᠥᠳᠡᠭᠡ ᠪᠠᠨ ᠶᠠᠪᠤᠵᠤ ᠪᠠᠶᠢᠭᠠᠳ | ᠯᠠ ᠨᠢᠭᠡ ᠮᠡᠳᠡᠬᠦ ᠳᠤ ᠮᠣᠷᠢᠯᠠᠬᠤ ᠪᠢᠵᠡ︾ ᠭᠡᠵᠦ ᠤᠷᠭᠢᠯ ᠭᠤᠸᠠᠢ ᠬᠥᠭᠰᠢᠨ ᠢᠩᠭᠡ ᠪᠠᠨ ᠦᠭᠦᠭᠡᠷᠳᠦᠨ ᠶᠠᠷᠢᠨᠠ᠃ | ᠲᠡᠮᠡᠭᠡ ᠮᠠᠯ ᠳᠠᠭᠠᠨ ᠠᠮᠢ ᠭᠤᠣᠯ ᠠᠴᠠ ᠬᠠᠶᠢᠷᠠᠲᠠᠢ ᠮᠠᠯᠴᠢᠨ ᠬᠥᠮᠥᠨ᠂ ᠢᠯᠠᠩᠭᠤᠶᠠ 39 ᠵᠢᠯ ᠰᠦᠷᠦᠭ ᠲᠤᠨᠢ | ᠴᠢᠮᠡᠭ ᠪᠣᠯᠵᠤ ᠢᠷᠡᠭᠰᠡᠨ ᠡᠨᠡ ᠢᠩᠭᠡ ᠪᠠᠨ ᠬᠠᠶᠢᠷᠠᠯᠠᠬᠤ ᠶᠢᠨ ᠤᠯᠠᠮ ᠠᠴᠠ ︽ᠪᠤᠶᠠᠨ ᠲᠠᠢ ᠮᠠᠯ︾ ᠭᠡᠰᠡᠨ ᠰᠢᠯᠲᠠᠭ | ᠡᠷᠢᠵᠦ ᠠᠰᠠᠷᠠᠵᠤ ᠪᠠᠶᠢᠬᠤ ᠶᠢᠨ ᠤᠴᠢᠷ ᠪᠢᠵᠡ᠃ ᠲᠡᠶᠢᠮᠤ ᠴᠤ ᠪᠠᠶᠢᠯᠭᠦᠢ᠂ ᠵᠦᠪᠭᠡᠨ ᠡᠨᠡ ᠢᠩᠭᠡᠨ ᠤ | ᠤᠳᠤᠮ ᠠᠴᠠ ᠭᠤᠴᠢ ᠭᠠᠷᠤᠢ ᠲᠡᠮᠡᠭᠡ ᠪᠣᠯᠣᠨ ᠥᠰᠴᠦ᠂ ᠤᠳᠤ ᠤᠷᠭᠢᠯ ᠤᠨ ᠬᠢ 200 ᠭᠠᠷᠤᠢ ᠲᠡᠮᠡᠭᠡ | ᠮᠠᠯᠵᠢᠵᠤ᠂ ᠲᠡᠮᠡᠭᠡᠨ ᠤ ᠨᠣᠣᠰᠣ᠂ ᠰᠦ ᠴᠠᠭᠠ ᠵᠡᠷᠭᠡ ᠠᠰᠢᠭ ᠰᠢᠮᠡ ᠪᠠᠷ ᠠᠵᠤ ᠠᠮᠢᠳᠤᠷᠠᠯ ᠢᠶᠠᠨ ᠴᠣᠭᠴᠠᠯᠠᠵᠤ | ᠶᠠᠪᠤᠨᠠ᠃ | ᠠᠷᠪᠠᠨ ᠬᠤᠶᠠᠷ ᠵᠢᠯ ᠤᠨ ᠠᠮᠢᠳᠠᠨ ᠤ ᠰᠢᠨᠵᠢ ᠶᠢ ᠪᠡᠶᠡ ᠳᠡᠭᠡᠨ ᠪᠦᠷᠢᠳᠦᠭᠦᠯᠦᠭᠰᠡᠨ ᠭᠤᠪᠢ ᠨᠤᠲᠤᠭ ᠤᠨ | ᠡᠷᠳᠡᠨᠢ ᠶᠢᠨ ᠠᠮᠢᠳᠠᠨ ᠲᠡᠮᠡᠭᠡ ᠲᠦᠷᠦᠭᠦ ᠠᠴᠠ ᠪᠠᠨ ᠠᠪᠤᠭᠠᠳ ᠪᠠᠶᠢᠭᠠᠯᠢ ᠭᠤᠪᠢ ᠪᠠᠨ ᠲᠦᠰᠢᠭᠯᠡᠵᠦ ᠶᠠᠪᠤᠳᠠᠭ ᠢᠶᠠᠷ | ᠲᠡᠭᠷᠢ ᠶᠢᠨ ᠠᠮᠢᠳᠠᠨ ᠭᠡᠳᠡᠭ᠃ ᠲᠡᠭᠷᠢ ᠶᠢᠨ ᠠᠮᠢᠳᠠᠨ ᠲᠡᠮᠡᠭᠡ ᠪᠠᠨ ᠠᠯᠠᠱᠠᠴᠤᠳ ᠴᠤ ᠬᠠᠶᠢᠷᠠᠯᠠᠵᠤ ᠳᠣᠳᠣᠮᠳᠠᠨ᠂ | 39 ᠭᠦᠷᠦᠭᠰᠡᠨ ᠬᠥᠭᠰᠢᠨ ᠢᠩᠭᠡ ᠡᠶᠢᠨ ᠬᠦ ︽ᠲᠡᠳᠬᠦᠪᠦᠷᠢ︾ ᠳᠡᠭᠡᠨ ᠭᠠᠷᠴᠢᠬᠠᠭᠠᠳ ᠡᠵᠡᠨ ᠢᠶᠠᠷ ᠢᠶᠠᠨ | ᠠᠰᠠᠷᠠᠭᠤᠯᠵᠤ ᠪᠠᠶᠢᠭᠠ ᠨᠢ ᠡᠨᠡ᠃ | |