| | ● ᠮᠠᠤ ᠲᠦᠮᠡᠨ | | ᠵᠠᠬᠠ ᠶᠢᠨ ᠠᠷᠠᠯᠵᠢᠶᠠ ᠨᠢ ᠶᠡᠷᠦ ᠠᠴᠠ ᠬᠠᠮᠤᠭ ᠤᠨ ᠬᠥᠭᠵᠢᠶᠡᠨ ᠨᠠᠷᠭᠢᠶᠠᠨ ᠲᠠᠢ᠂ ᠠᠮᠢᠳᠤᠷᠠᠯ ᠤᠨ | ᠦᠨᠦᠷ ᠠᠮᠲᠠ ᠪᠠᠷ ᠪᠢᠯᠬᠠᠷᠠᠭᠰᠠᠨ ᠴᠤᠭᠯᠠᠭᠠᠨ ᠪᠠᠶᠢᠳᠠᠭ᠃ ᠮᠢᠨᠤ ᠣᠶᠢᠯᠠᠭᠠᠭᠰᠠᠨ ᠢᠶᠠᠷ᠂ ᠵᠠᠬᠠ ᠶᠢᠨ ᠠᠷᠠᠯᠵᠢᠶᠠ ᠨᠢ | ᠠᠩᠬᠠ ᠡᠬᠢᠨ ᠳᠡᠭᠡᠨ ᠪᠣᠯ ᠬᠥᠳᠡᠭᠡ ᠳᠤᠰᠬᠤᠨ ᠤ ᠬᠥᠷᠰᠢ ᠵᠡᠷᠭᠡᠯᠡᠳᠡᠭᠡ ᠠᠶᠢᠯ ᠳᠤᠰᠬᠤᠨ ᠤ ᠬᠢᠨ ᠰᠠᠷᠠ ᠪᠦᠷᠢ | ᠲᠣᠭᠲᠠᠭᠰᠠᠨ ᠡᠳᠦᠷ ᠲᠤ ᠲᠣᠭᠲᠠᠭᠰᠠᠨ ᠭᠠᠵᠠᠷ ᠲᠤ ᠵᠠᠬᠠ ᠶᠢᠨ ᠴᠤᠭᠯᠠᠭᠠᠨ ᠪᠣᠯᠵᠤ᠂ ᠬᠤᠪᠢᠨ ᠤ ᠪᠠᠨ ᠪᠠᠷᠠᠭᠠ | ᠲᠠᠸᠠᠷ ᠢᠶᠠᠨ ᠠᠪᠴᠢᠷᠠᠨ ᠪᠣᠷᠤᠯᠠᠭᠤᠯᠭᠠ ᠰᠣᠯᠢᠯᠴᠠᠭᠠ ᠬᠢᠵᠦ᠂ ᠥᠪᠡᠷ ᠥᠪᠡᠷ ᠤᠨ ᠬᠡᠷᠡᠭᠴᠡᠭᠡ ᠲᠠᠢ ᠵᠦᠢᠯᠡᠰ ᠢᠶᠠᠨ | ᠬᠤᠳᠠᠯᠳᠤᠨ ᠠᠪᠴᠠᠭᠠᠳᠠᠭ ᠪᠠᠶᠢᠭᠰᠠᠨ᠃ ᠲᠡᠭᠡᠭᠡᠳ ᠴᠤ ᠠᠵᠤ ᠠᠬᠤᠢ ᠨᠡᠶᠢᠭᠡᠮ ᠤᠨ ᠬᠥᠭᠵᠢᠯᠲᠡ ᠬᠤᠪᠢᠰᠤᠯᠲᠠ᠂ | ᠲᠠᠸᠠᠷ ᠪᠣᠳᠠᠰ ᠤᠨ ᠡᠯᠪᠡᠭᠵᠢᠯ᠂ ᠪᠣᠳᠠᠰ ᠤᠨ ᠭᠦᠢᠯᠭᠡᠭᠡᠨ ᠤ ᠰᠢᠯᠤᠭᠤᠳᠬᠠᠯ ᠢ ᠳᠠᠭᠠᠯᠳᠤᠨ ᠡᠶᠢᠮᠦᠷᠬᠦᠦ ᠵᠠᠬᠠ ᠶᠢᠨ | ᠠᠷᠠᠯᠵᠢᠶᠠ ᠨᠢᠭᠡ ᠦᠶᠡ ᠬᠠᠷᠠᠭᠳᠠᠬᠤ ᠪᠠᠨ ᠪᠣᠯᠢᠭᠰᠠᠨ ᠲᠥᠷᠥᠭᠳᠡᠯ ᠥᠭᠴᠦ ᠪᠠᠶᠢᠭᠰᠠᠨ ᠴᠤ ᠣᠶᠢᠷᠠ ᠶᠢᠨ ᠬᠤᠶᠠᠷ | ᠵᠢᠯ ᠳᠤ ᠪᠠᠷᠠᠭᠤᠨ ᠪᠡᠯ ᠪᠠᠯᠭᠠᠰᠤᠨ ᠤ ᠵᠠᠬᠠ ᠶᠢᠨ ᠠᠷᠠᠯᠵᠢᠶᠠ᠂ ᠪᠠᠶᠠᠨᠬᠤᠲᠠ ᠶᠢᠨ ᠵᠠᠬᠠ ᠶᠢᠨ ᠠᠷᠠᠯᠵᠢᠶᠠ ᠶᠢᠨ | ᠰᠡᠷᠭᠦᠯᠲᠡ ᠨᠢ ᠬᠥᠮᠥᠰ ᠤᠨ ᠠᠮᠢᠳᠤᠷᠠᠯ ᠳᠤ ᠪᠠᠰᠠ ᠨᠢᠭᠡᠨ ᠵᠦᠢᠯ ᠤᠨ ᠰᠢᠨᠡ ᠰᠡᠪᠡᠭᠦᠨ ᠠᠭᠤᠯᠭᠠ ᠲᠥᠷᠥᠭᠳᠡᠯ | ᠨᠡᠮᠡᠷᠢᠯᠡᠭᠰᠡᠨ ᠭᠡᠯᠲᠡᠢ᠃ | ᠰᠠᠷᠠ ᠪᠦᠷᠢ ᠶᠢᠨ 4 ᠤ ᠡᠳᠦᠷ᠂ 14 ᠤ ᠡᠳᠦᠷ ᠪᠣᠯᠣᠨ 24 ᠤ ᠡᠳᠦᠷ ᠢ ᠲᠣᠬᠢᠶᠠᠯᠳᠤᠭᠤᠯᠤᠨ | ᠴᠤᠭᠯᠠᠷᠠᠳᠠᠭ ᠪᠠᠶᠠᠨᠬᠤᠲᠠ ᠶᠢᠨ ᠵᠠᠬᠠ ᠶᠢᠨ ᠠᠷᠠᠯᠵᠢᠶᠠ ᠨᠢ ᠣᠶᠢᠷᠠ ᠬᠠᠪᠢ ᠶᠢᠨ ᠰᠤᠮᠤ ᠪᠠᠯᠭᠠᠰᠤ᠂ ᠭᠠᠴᠠᠭᠠ | ᠳᠤᠰᠬᠤᠨ ᠤ ᠰᠠᠭᠤᠭᠠᠯᠢ ᠠᠷᠠᠳ᠂ ᠮᠠᠯᠴᠢᠨ ᠲᠠᠷᠢᠶᠠᠴᠢᠳ ᠤᠨ ᠴᠤᠭᠯᠠᠭᠠ ᠪᠣᠯᠵᠤ᠂ ᠤᠯᠠᠨ ᠲᠦᠷᠦᠯ ᠤᠨ ᠪᠠᠷᠠᠭᠠ | ᠲᠠᠸᠠᠷ ᠤᠨ ᠪᠣᠷᠤᠯᠠᠭᠤᠯᠭᠠ ᠰᠣᠯᠢᠯᠴᠠᠭᠠᠨ ᠤ ᠵᠠᠬᠠ ᠪᠣᠯᠵᠠᠢ᠃ ᠢᠯᠠᠩᠭᠤᠶᠠ ᠡᠪᠦᠯ ᠠᠴᠠ ᠨᠠᠭᠠᠰᠢ ᠰᠢᠨᠡ ᠵᠢᠯ | ᠴᠠᠭᠠᠨ ᠰᠠᠷᠠ ᠪᠤᠯᠬᠤ ᠲᠠᠰᠢᠷᠠᠮ ᠢᠶᠠᠷ ᠮᠠᠯᠴᠢᠳ ᠦᠬᠡᠷ ᠮᠠᠯ ᠢᠶᠠᠨ ᠵᠠᠬᠠ ᠶᠢᠨ ᠠᠷᠠᠯᠵᠢᠶᠠᠨ ᠤ ᠲᠤᠬᠠᠢ ᠶᠢᠨ | ᠲᠠᠯᠠᠪᠤᠷ ᠲᠤ ᠠᠪᠴᠢᠷᠠᠨ ᠨᠢᠲᠤᠯᠵᠤ ᠬᠤᠳᠠᠯᠳᠤᠬᠤ ᠪᠣᠯᠤᠭᠰᠠᠨ ᠨᠢ ᠨᠤᠲᠤᠭ ᠤᠨ ᠮᠠᠯ ᠮᠢᠬᠠᠨ ᠳᠠᠭᠠᠨ ᠳᠤᠷᠠᠲᠠᠢ | ᠬᠥᠮᠥᠰ ᠤᠨ ᠲᠠᠭᠠᠰᠢᠶᠠᠯ ᠢ ᠭᠥᠷᠳᠡᠭᠰᠡᠨ ᠪᠠᠶᠢᠨᠠ᠃ | ᠰᠤᠷᠪᠤᠯᠵᠢᠯᠠᠬᠴᠢ 1 ᠰᠠᠷᠠ ᠶᠢᠨ 14 ᠤ ᠡᠳᠦᠷ ᠤᠨ ᠵᠠᠬᠠ ᠶᠢᠨ ᠠᠷᠠᠯᠵᠢᠶᠠ ᠪᠠᠷ ᠬᠦᠷᠬᠦ ᠳᠤ᠂ ᠮᠠᠯ | ᠮᠢᠬᠠᠨ ᠤ ᠬᠤᠳᠠᠯᠳᠤᠭᠠ ᠪᠠᠷᠤᠭ ᠪᠦᠭᠦ ᠵᠠᠬᠠ ᠶᠢᠨ ᠭᠤᠷᠪᠠᠨ ᠤ ᠨᠢᠭᠡ ᠰᠢᠬᠠᠭᠤ ᠶᠢ ᠡᠵᠡᠯᠡᠭᠰᠡᠨ ᠪᠠᠶᠢᠯᠠ᠃ ︽ᠤᠳᠤ | ᠭᠠᠭᠴᠠᠬᠠᠨ ᠦᠬᠡᠷ ᠤᠨ ᠨᠢᠷᠤᠭᠤ ᠤᠭᠤᠴᠠ ᠯᠡ ᠦᠯᠡᠳᠡᠭᠰᠡᠨ᠂ ᠬᠢᠮᠳᠠ ᠪᠠᠷ ᠬᠤᠳᠠᠯᠳᠤᠨᠠ…︾ ᠦᠳᠡ ᠶᠢᠨ | ᠬᠢᠷᠢ ᠪᠤᠯᠬᠤ ᠳᠤ ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠡᠷᠬᠡᠬᠠᠰᠢᠬᠠ ᠰᠤᠮᠤᠨ ᠤ ᠮᠠᠯᠴᠢᠨ ᠪᠦᠭᠡ ᠶᠠᠭᠤᠮᠠ ᠬᠡᠦᠮᠡ ᠪᠠᠨ | ᠲᠡᠷᠭᠡᠨ ᠳᠡᠭᠡᠨ ᠰᠠᠪᠠᠯᠠᠭᠠᠳ ᠶᠠᠪᠤᠬᠤ ᠪᠠᠷ ᠪᠡᠯᠡᠳᠴᠦ ᠶᠠᠭᠠᠷᠠᠨᠠ᠃ ᠲᠡᠷᠡ ᠪᠠᠷ ᠡᠨᠡ ᠥᠷᠯᠥᠭᠡ ᠭᠤᠷᠪᠠᠨ ᠦᠬᠡᠷ | ᠠᠪᠴᠢᠷᠠᠵᠤ ᠵᠠᠷᠤᠭᠰᠠᠨ ᠭᠡᠨᠡ᠂ ᠪᠦᠷ ᠬᠠᠰᠢᠭ᠋ᠠ ᠶᠢᠨ ᠰᠢᠷᠠ ᠦᠬᠡᠷ ᠪᠥᠭᠡᠳ ᠲᠠᠷᠭᠤ ᠬᠦᠴᠦ ᠰᠠᠶᠢᠲᠠᠢ᠂ ᠮᠢᠬᠠ | ᠨᠢ ᠵᠤᠵᠠᠭᠠᠨ ᠲᠤᠯᠠ ᠴᠤᠯ ᠮᠢᠬᠠ ᠶᠢ ᠵᠢᠩ ᠪᠦᠷᠢ ᠳᠡᠭᠡᠨ 28 ᠲᠥᠭᠦᠷᠢᠭ᠂ ᠶᠠᠰᠤ ᠲᠠᠢ ᠮᠢᠬᠠ ᠶᠢ ᠵᠢᠩ | ᠪᠦᠷᠢ ᠳᠡᠭᠡᠨ 26 ᠲᠥᠭᠦᠷᠢᠭ ᠢᠶᠠᠷ ᠪᠣᠷᠣᠯᠠᠭᠤᠯᠬᠤ ᠳᠤ ᠪᠡᠯᠡᠨ ᠳᠣᠣᠷᠠ ᠨᠢ ᠬᠤᠳᠠᠯᠳᠤᠨ ᠠᠪᠬᠤ ᠬᠥᠮᠥᠨ | ᠴᠤᠭᠯᠠᠷᠠᠵᠤ ᠪᠤᠯᠢᠶᠠᠯᠳᠤᠨ ᠠᠪᠤᠭᠰᠠᠨ ᠪᠠᠶᠢᠨᠠ᠃ ︽ᠡᠨᠡ ᠵᠢᠯ ᠦᠬᠡᠷ ᠤᠨ ᠮᠢᠬᠠᠨ ᠤ ᠦᠨᠡ ᠳᠣᠣᠷᠠ ᠪᠣᠯᠵᠤ᠂ | ᠭᠠᠳᠠᠨᠠ ᠣᠷᠣᠨ ᠤ ᠦᠬᠡᠷ ᠤᠨ ᠮᠢᠬᠠ᠂ ᠭᠠᠳᠠᠭᠠᠳᠤ ᠶᠢᠨ ᠦᠬᠡᠷ ᠤᠨ ᠮᠢᠬᠠ ᠵᠠᠬᠠ ᠳᠡᠯᠭᠡᠭᠦᠷ ᠢ ᠡᠵᠡᠮᠳᠡᠭᠰᠡᠨ ᠠᠴᠠ | ᠡᠪᠦᠯ ᠤᠨ ᠠᠮᠲᠠ ᠭᠠᠷᠭᠠᠬᠤ ᠪᠣᠯᠤᠭᠰᠠᠨ ᠪᠠᠶᠢᠲᠠᠯᠠ ᠮᠢᠬᠠ ᠵᠠᠬᠢᠶᠠᠯᠠᠬᠤ ᠬᠥᠮᠥᠨ ᠪᠠᠶᠢᠲᠤᠭᠠᠢ᠂ ᠠᠰᠠᠭᠤᠵᠤ ᠰᠤᠷᠠᠬᠤ | ᠬᠥᠮᠥᠨ ᠭᠦᠷᠳᠡᠯᠡ ᠠᠯᠠᠭᠠ᠂ ᠴᠣᠬᠤᠮ ᠴᠤ ᠨᠠᠳᠠ ᠶᠢ ᠰᠠᠨᠳᠤᠷᠭᠠᠵᠤ ᠭᠦᠢᠴᠡᠯᠡ᠃ ᠳᠡᠭᠡᠭᠡᠳ ᠪᠢ ᠵᠠᠬᠠ ᠶᠢᠨ | ᠠᠷᠠᠯᠵᠢᠶᠠ ᠶᠢ ᠲᠣᠬᠢᠶᠠᠯᠳᠤᠭᠤᠯᠤᠨ ᠦᠬᠡᠷ ᠢᠶᠠᠨ ᠠᠮᠢᠳᠤ ᠪᠠᠷ ᠨᠢ ᠠᠪᠴᠢᠷᠠᠭᠠᠳ ᠪᠡᠯᠡᠨ ᠳᠣᠣᠷᠠ ᠨᠢ ᠵᠠᠷᠤᠵᠤ | ᠬᠤᠳᠠᠯᠳᠤᠭᠰᠠᠨ ᠴᠢᠨᠢ ᠬᠠᠷᠢᠨ ᠪᠣᠷᠤᠯᠠᠭᠤᠯᠭᠠ ᠮᠠᠰᠢ ᠰᠠᠶᠢᠲᠠᠢ ᠪᠣᠯᠵᠠᠢ᠃ ᠳᠡᠭᠡᠷᠡ ᠤᠳᠠᠭᠠᠨ ᠤ ᠵᠠᠬᠠ ᠶᠢᠨ | ᠠᠷᠠᠯᠵᠢᠶᠠᠨ ᠳᠤ ᠭᠤᠷᠪᠠᠨ ᠦᠬᠡᠷ ᠠᠪᠴᠢᠷᠠᠭᠰᠠᠨ ᠴᠢᠨᠢ ᠪᠦᠷ ᠬᠤᠳᠠᠯᠳᠤᠭᠠᠳ ᠭᠠᠷᠭᠠᠴᠢᠬᠠᠭᠰᠠᠨ᠂ ᠥᠨᠥᠳᠥᠷ | ᠪᠠᠰᠠ ᠭᠤᠷᠪᠠᠨ ᠦᠬᠡᠷ ᠠᠪᠴᠢᠷᠠᠭᠰᠠᠨ ᠴᠢᠨᠢ ᠤᠯᠤᠰ ᠤᠳ ᠬᠠᠭᠠᠰᠬᠠᠨ ᠡᠳᠦᠷ ᠲᠤ ᠪᠤᠯᠢᠶᠠᠯᠳᠤᠭᠠᠳ ᠠᠪᠴᠢᠬᠠᠯᠠ︾ | ᠭᠡᠵᠦ ᠪᠦᠭᠡ ᠲᠡᠷᠭᠡᠨ ᠳᠡᠭᠡᠷᠡᠬᠢ ᠦᠬᠡᠷ ᠤᠨ ᠨᠢᠷᠤᠭᠤ ᠤᠭᠤᠴᠠ ᠶᠢ ᠵᠢᠭᠠᠭᠰᠠᠭᠠᠷ᠄ ︽ᠤᠳᠤ ᠮᠥᠨ ᠡᠳᠦᠶᠢᠬᠡᠨ | ᠯᠡ ᠦᠯᠡᠳᠡᠯᠡ᠂ ᠲᠠ ᠠᠪᠴᠢᠬᠠᠬᠤ ᠦᠭᠡᠢ ᠦᠦ︖ ᠮᠢᠬᠠ ᠶᠢ ᠨᠢ ᠵᠢᠭᠠᠬᠠᠨ ᠴᠤ ᠱᠤᠯᠤᠭᠰᠠᠨ ᠦᠭᠡᠢ ᠵᠤᠵᠠᠭᠠᠨ | ᠰᠠᠶᠢᠬᠠᠨ ᠨᠢᠷᠤᠭᠤ ᠰᠢᠦ᠂ ᠠᠪᠤᠪᠠᠯ 22 ᠲᠥᠭᠦᠷᠢᠭ ᠢᠶᠠᠷ ᠲᠠᠨ ᠳᠤ ᠥᠭᠴᠢᠬᠡᠶᠡ…︾ ᠭᠡᠵᠦ ᠳᠣᠣᠷᠠ | ᠲᠠᠭᠤᠨ ᠢᠶᠠᠷ ᠢᠨᠢᠶᠡᠮᠰᠦᠭᠯᠡᠨ ᠶᠠᠷᠢᠯᠠ᠃ ᠲᠡᠭᠷᠢ ᠬᠦᠢᠲᠡᠷᠡᠭᠡᠳ ᠮᠠᠯ ᠨᠢᠭᠡᠨᠲᠡ ᠮᠠᠭᠤᠳᠠᠭᠰᠠᠨ ᠪᠣᠯᠬᠤᠷ ᠳᠠᠭᠢᠵᠤ | ᠦᠬᠡᠷ ᠵᠠᠷᠤᠬᠤ ᠦᠭᠡᠢ ᠭᠡᠨᠡ᠂ ᠪᠠᠶᠢᠰᠬᠢᠭᠡᠳ ᠴᠠᠭᠠᠨ ᠰᠠᠷᠠ ᠶᠢᠨ ᠪᠠᠷᠠᠭᠠ ᠪᠠᠨ ᠲᠥᠬᠦᠭᠡᠷᠴᠦ ᠠᠪᠤᠭᠠᠳ | ᠬᠥᠳᠡᠭᠡ ᠳᠡᠭᠡᠨ ᠬᠠᠷᠢᠨᠠ ᠭᠡᠵᠦ ᠲᠡᠷᠡ ᠬᠡᠯᠡᠵᠦ ᠪᠠᠶᠢᠯᠠ᠃ | ᠮᠦᠷᠡᠨᠭᠤᠣᠯ ᠳᠤ ᠨᠤᠲᠤᠭᠲᠠᠢ ᠵᠠᠩ ᠣᠪᠣᠭᠲᠤ ᠬᠠᠨᠢ ᠨᠥᠬᠦᠷ ᠬᠤᠶᠠᠭᠤᠯᠠ ᠡᠨᠡ ᠤᠳᠠᠭᠠ ᠠᠷᠪᠠᠭᠠᠳ | ᠡᠮᠡ ᠬᠤᠨᠢ ᠵᠠᠷᠤᠵᠤ ᠠᠪᠴᠢᠷᠠᠭᠠᠳ ᠬᠤᠳᠠᠯᠳᠤᠵᠤ ᠪᠠᠶᠢᠯᠠ᠃ ︽ᠡᠨᠡ ᠡᠪᠦᠯ ᠠᠴᠠ ᠨᠠᠭᠠᠰᠢᠬᠢ ᠵᠠᠬᠠ ᠶᠢᠨ | ᠠᠷᠠᠯᠵᠢᠶᠠᠨ ᠳᠡᠭᠡᠷᠡ ᠮᠠᠨᠠᠶᠢᠬᠢᠨ ᠬᠡᠰᠡᠭ ᠢᠷᠭᠡ ᠪᠠᠨ ᠠᠪᠴᠢᠷᠠᠭᠠᠳ ᠴᠥᠮ ᠢ ᠨᠢ ᠬᠤᠳᠠᠯᠳᠤᠴᠢᠬᠠᠭᠰᠠᠨ᠂ ᠡᠨᠡ | ᠤᠳᠠᠭᠠ ᠬᠡᠳᠦᠨ ᠡᠮᠡ ᠬᠤᠨᠢ ᠵᠠᠷᠤᠭᠠᠳ ᠵᠢᠩ ᠪᠦᠷᠢ ᠶᠢ 28 ᠲᠥᠭᠦᠷᠢᠭ ᠢᠶᠠᠷ ᠬᠤᠳᠠᠯᠳᠤᠵᠤ ᠪᠤᠢ᠃ ᠬᠡᠳᠦᠶᠢᠪᠡᠷ | ᠡᠮᠡ ᠬᠤᠨᠢ ᠪᠤᠯᠪᠠᠴᠤ ᠨᠤᠲᠤᠭ ᠤᠨ ᠮᠠᠯ ᠪᠥᠭᠡᠳ ᠦᠨᠡ ᠨᠢ ᠬᠢᠮᠳᠠ ᠪᠣᠯᠬᠤᠷ ᠬᠥᠮᠥᠰ ᠪᠠᠰᠠ ᠠᠪᠴᠤ ᠪᠠᠶᠢᠨᠠ᠂ | ᠭᠡᠬᠦ ᠳᠤ ᠢᠮᠠᠭᠠᠨ ᠮᠢᠬᠠ ᠶᠢ ᠠᠰᠠᠭᠤᠬᠤ ᠬᠥᠮᠥᠨ ᠤᠯᠠᠨ ᠪᠠᠶᠢᠯᠠ᠃ ᠪᠢᠳᠠ ᠢᠮᠠᠭᠠ ᠪᠠᠨ ᠪᠦᠷ ᠪᠣᠷᠴᠠᠯᠠᠭᠠᠳ | ᠬᠠᠳᠠᠭᠠᠴᠢᠬᠠᠬᠰᠠᠨ ᠪᠣᠯᠬᠤᠷ ᠠᠪᠴᠤ ᠢᠷᠡᠭᠡ ᠦᠭᠡᠢ︾ ᠭᠡᠵᠦ ᠶᠠᠷᠢᠵᠠᠭᠠᠨᠠ᠃ | ᠮᠠᠯ ᠮᠢᠬᠠᠨ ᠤ ᠵᠠᠬᠠ ᠳᠤ ᠬᠤᠨᠢ ᠢᠮᠠᠭᠠ᠂ ᠦᠬᠡᠷ ᠲᠡᠮᠡᠭᠡᠨ ᠤ ᠮᠢᠬᠠ ᠠᠴᠠ ᠭᠠᠳᠠᠨᠠ ᠮᠠᠯ ᠤᠨ | ᠲᠣᠯᠣᠭᠠᠢ ᠰᠢᠭᠢᠷᠡ ᠴᠤ ᠰᠠᠶᠢᠨ ᠪᠣᠷᠣᠯᠠᠭᠤᠯᠤᠭᠳᠠᠵᠤ ᠪᠠᠶᠢᠯᠠ᠃ ᠵᠢᠷᠠᠲᠠᠢ ᠪᠠᠯᠭᠠᠰᠤᠨ ᠤ ᠮᠠᠯᠴᠢᠨ ᠬᠠᠰᠠ᠋ᠭᠤᠯᠠ ᠶᠢᠨ | ᠬᠢᠨ ᠵᠢᠯ ᠪᠦᠷᠢ ᠵᠠᠬᠢᠶᠠᠯᠠᠭᠠ ᠪᠠᠷ ᠬᠤᠲᠠᠨ ᠠᠴᠠ ᠪᠠᠨ ᠲᠠᠪᠢ ᠵᠢᠷᠠᠨ ᠪᠤᠭ ᠮᠠᠯ ᠵᠠᠷᠤᠵᠤ ᠬᠤᠳᠠᠯᠳᠤᠳᠠᠭ ᠪᠣᠯᠬᠤᠷ | ᠮᠠᠯ ᠤᠨ ᠲᠣᠯᠣᠭᠠᠢ ᠰᠢᠭᠢᠷᠡ ᠠᠷᠪᠢᠨ ᠦᠯᠡᠳᠡᠵᠦ᠂ ᠪᠠᠷᠤᠭ ᠲᠠᠭᠠᠨ ᠠᠷᠠᠰᠤ ᠰᠢᠷᠢ ᠬᠤᠷᠢᠶᠠᠳᠠᠭ ᠶᠠᠪᠤᠭᠤᠯ | ᠮᠠᠶᠢᠮᠠᠶᠢᠴᠢᠳ ᠲᠤ ᠬᠢᠮᠳᠠ ᠪᠠᠷ ᠥᠭᠴᠦ ᠶᠠᠪᠤᠭᠤᠯᠳᠠᠭ ᠪᠠᠶᠢᠵᠠᠢ᠃ ᠡᠨᠡ ᠵᠢᠯ ᠲᠡᠷᠡ ᠪᠠᠷ ᠲᠠᠪᠢᠨ ᠬᠡᠳᠦᠨ ᠮᠠᠯ ᠤᠨ | ᠲᠣᠯᠣᠭᠠᠢ ᠰᠢᠭᠢᠷᠡ ᠪᠠᠨ ᠬᠤᠶᠢᠬᠠᠯᠠᠵᠤ ᠤᠬᠢᠶᠠᠵᠤ ᠴᠡᠪᠡᠷᠯᠡᠭᠡᠳ ᠠᠪᠴᠢᠷᠠᠵᠤ ᠬᠤᠳᠠᠯᠳᠤᠭᠰᠠᠨ ᠴᠢᠨᠢ ᠰᠠᠨᠠᠭᠠᠨ ᠠᠴᠠ | ᠭᠠᠳᠠᠭᠤᠷ ᠮᠠᠶᠢᠮᠠᠢ ᠶᠡᠭᠡ ᠰᠠᠶᠢᠨ ᠪᠣᠯᠵᠠᠢ᠃ ︽ᠢᠮᠠᠭᠠᠨ ᠲᠣᠯᠣᠭᠠᠢ ᠨᠢᠭᠡᠪᠦᠷᠢ 58 ᠲᠥᠭᠦᠷᠢᠭ᠂ ᠰᠢᠭᠢᠷᠡ | ᠨᠢᠭᠡᠪᠦᠷᠢ 6 ᠲᠥᠭᠦᠷᠢᠭ ᠰᠢᠦ︕ ᠰᠠᠶ᠋ᠢᠬᠠᠨ ᠢᠷᠭᠠᠢ ᠬᠤᠳᠠ ᠶᠢᠨ ᠬᠡᠳᠦᠨ ᠵᠤᠭᠠᠴᠠᠭᠴᠢ ᠠᠷᠪᠠᠨ ᠢᠵᠢ ᠲᠣᠯᠣᠭᠠᠢ | ᠰᠢᠭᠢᠷᠡ ᠠᠪᠤᠭᠠᠳ ᠶᠠᠪᠤᠭᠰᠠᠨ᠂ ᠪᠢᠳᠠ ᠤᠤᠯ ᠳᠠᠭᠠᠨ ᠨᠢᠭᠡ ᠢᠵᠢ ᠶᠢ ᠨᠢ ᠬᠤᠷᠢ ᠭᠤᠴᠢ ᠪᠠᠷ ᠠᠷᠠᠰᠤᠨ ᠤ | ᠮᠠᠶᠢᠮᠠᠶᠢᠴᠢᠨ ᠳᠤ ᠥᠭᠴᠢᠬᠡᠳᠡᠭ᠂ ᠶᠡᠭᠡ ᠠᠯᠳᠠᠵᠤ ᠪᠠᠶᠢᠵᠠᠢ︾ ᠭᠡᠵᠦ ᠢᠨᠢᠶᠡᠮᠰᠦᠭᠯᠡᠨ ᠶᠠᠷᠢᠵᠤ ᠪᠢᠯᠡ᠃ | ᠮᠠᠯ ᠮᠢᠬᠠᠨ ᠤ ᠦᠨᠡ ᠬᠠᠩᠰᠢ ᠪᠠᠭᠤᠷᠠᠵᠤ᠂ ᠮᠠᠯ ᠤᠨ ᠠᠷᠠᠯᠵᠢᠶᠠᠴᠢᠨ ᠵᠠᠪᠰᠠᠷ ᠤᠨ ᠮᠠᠶᠢᠮᠠᠶᠢᠴᠢᠳ | ᠳᠣᠣᠷᠠ ᠦᠨᠡ ᠪᠠᠷ ᠬᠥᠳᠡᠭᠡᠨ ᠤ ᠮᠠᠯ ᠢ ᠬᠤᠷᠢᠶᠠᠵᠤ᠂ ᠮᠠᠯᠴᠢᠳ ᠤᠨ ᠠᠰᠢᠭ ᠤᠷᠤᠯᠭᠠ ᠶᠢ ᠨᠥᠯᠥᠭᠡᠯᠡᠨ | ᠬᠤᠬᠢᠷᠠᠭᠤᠯᠵᠤ ᠪᠠᠶᠢᠬᠤ ᠳᠤ᠂ ᠵᠠᠷᠢᠮ ᠮᠠᠯᠴᠢᠳ ᠮᠠᠨᠢ ᠵᠠᠬᠠ ᠶᠢᠨ ᠠᠷᠠᠯᠵᠢᠶᠠ ᠶᠢ ᠠᠰᠢᠭᠯᠠᠨ ᠮᠠᠯ ᠮᠢᠬᠠᠨ ᠤ | ᠪᠦᠲᠦᠭᠡᠭᠳᠡᠬᠦᠨ ᠢᠶᠠᠨ ᠥᠪᠡᠷ ᠢᠶᠠᠨ ᠡᠵᠡᠨ ᠮᠡᠳᠡᠵᠤ ᠡᠵᠡᠩᠨᠡᠨ ᠪᠣᠷᠣᠯᠠᠭᠤᠯᠵᠤ᠂ ᠥᠪᠡᠷᠰᠡᠳ ᠤᠨ ᠢᠶᠠᠨ ᠠᠰᠢᠭ | ᠲᠤᠰᠠ ᠪᠠᠨ ᠬᠠᠮᠠᠭᠠᠯᠠᠨ ᠴᠢᠳᠠᠭᠰᠠᠨ ᠨᠢ ᠪᠠᠰᠠ ᠪᠠᠶᠠᠷᠯᠠᠭᠤᠰᠢᠲᠠᠢ ᠶᠠᠪᠤᠳᠠᠯ ᠭᠡᠯᠲᠡᠢ᠃ ᠵᠠᠬᠠ ᠳᠡᠯᠭᠡᠭᠦᠷᠴᠢᠯᠡᠭᠰᠡᠨ | ᠴᠠᠭ ᠦᠶᠡ ᠳᠤ ᠰᠤᠷᠠᠭ ᠵᠠᠩᠭᠢ ᠶᠢ ᠡᠵᠡᠮᠳᠡᠨ᠂ ᠬᠡᠷᠡᠭᠯᠡᠭᠴᠢᠳ ᠤᠨ ᠬᠡᠷᠡᠭᠴᠡᠭᠡ ᠱᠠᠭᠠᠷᠳᠠᠯᠭᠠ ᠶᠢ ᠣᠶᠢᠯᠠᠭᠠᠨ᠂ | ᠠᠵᠠ ᠳᠤᠭᠢᠶᠠᠯ ᠢ ᠰᠣᠷᠭᠤᠭ ᠢᠶᠠᠷ ᠲᠠᠨᠢᠨ ᠣᠯᠵᠤ᠂ ᠠᠵᠢᠯᠴᠢ ᠰᠢᠷᠭᠠᠭᠤ ᠣᠷᠣᠯᠳᠣᠯᠭᠠ ᠲᠠᠢ ᠪᠠᠶᠢᠳᠠᠭ ᠯᠡ ᠶᠤᠮ | ᠪᠣᠯ ᠣᠯᠵᠠ ᠣᠮᠤᠭ ᠲᠠᠢ ᠶᠠᠪᠤᠬᠤ ᠨᠢ ᠮᠡᠳᠡᠭᠡᠵᠢ᠃ | |