| | | ᠮᠣᠩᠭᠤᠯᠴᠤᠳ ᠠᠯᠢ ᠡᠷᠲᠡ ᠠᠴᠠ ᠠᠶᠢᠯ ᠭᠡᠷ ᠤᠨ ᠬᠡᠶᠢᠮᠣᠷᠢ᠂ ᠠᠵᠤ ᠠᠮᠢᠳᠤᠷᠠᠯ ᠤᠨ ᠥᠭᠡᠳᠡ | ᠡᠰᠡᠷᠡᠭ ᠢ ᠵᠥᠩᠨᠡᠨ ᠪᠡᠯᠭᠡᠳᠡᠵᠦ᠂ ᠵᠢᠯ ᠪᠣᠯᠭᠠᠨ ᠤ ᠭᠦᠭᠡᠭᠡ ᠰᠠᠷᠠ ᠶᠢᠨ ᠬᠤᠷᠢᠨ ᠭᠤᠷᠪᠠᠨ ᠪᠤᠶᠤ ᠬᠤᠷᠢᠨ | ᠲᠦᠷᠪᠡᠨ ︵ᠯᠠ ᠰᠠᠷᠠ ᠬᠡᠮᠡᠨ ᠪᠠᠰᠠ ᠶᠠᠷᠢᠨᠠ᠂ ᠳᠠᠷᠤᠢ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ 12 ᠰᠠᠷᠠ ᠶᠢᠨ ᠬᠤᠷᠢᠨ | ᠭᠤᠷᠪᠠᠨ ᠪᠤᠶᠤ ᠬᠤᠷᠢᠨ ᠲᠦᠷᠪᠡᠨ︶ ᠤ ᠡᠳᠦᠷ ᠤᠨ ᠣᠷᠣᠢ ᠭᠠᠯ ᠤᠨ ᠪᠤᠷᠬᠠᠨ ᠢᠶᠠᠨ ᠲᠠᠭᠢᠵᠦ᠂ ᠥᠩᠭᠡᠷᠡᠭᠰᠡᠨ | ᠵᠢᠯ ᠤᠨ ᠥᠨᠢᠷ ᠵᠢᠷᠭᠠᠯ ᠢ ᠪᠡᠯᠭᠡᠯᠡᠨ᠂ ᠢᠷᠡᠬᠦ ᠵᠢᠯ ᠳᠡᠭᠡᠨ ᠥᠯᠵᠡᠢ ᠮᠥᠷ ᠲᠠᠢ᠂ ᠬᠡᠰᠢᠭ ᠪᠤᠶᠠᠨ ᠲᠠᠢ᠂ ᠥᠭᠡᠳᠡ | ᠡᠰᠡᠷᠡᠭ᠂ ᠡᠩᠬᠡ ᠲᠠᠶᠢᠪᠤᠩ ᠪᠠᠶᠢᠬᠤ ᠶᠢ ᠬᠦᠰᠡᠨ ᠳᠠᠭᠠᠳᠬᠠᠳᠠᠭ ᠪᠠᠶᠢᠨᠠ᠃ | ᠠᠯᠠᠱᠠ ᠮᠣᠩᠭᠤᠯᠴᠤᠳ ᠭᠠᠯ ᠲᠠᠭᠢᠬᠤ ᠳᠠᠭᠠᠨ ᠥᠪᠡᠷ ᠤᠨ ᠥᠪᠡᠷᠮᠢᠴᠡ ᠣᠨᠴᠠᠯᠢᠭ ᠵᠢᠴᠢ ᠶᠣᠰᠣ | ᠵᠠᠩᠰᠢᠯ ᠲᠠᠢ ᠤᠴᠢᠷ ᠠᠴᠠ ᠡᠨᠡ ᠬᠦ ᠶᠣᠰᠣ ᠭᠤᠷᠢᠮ ᠢᠶᠠᠨ ᠪᠠᠷᠢᠮᠲᠠᠯᠠᠵᠤ᠂ ᠦᠷᠡ ᠬᠤᠶᠢᠴᠢᠰ ᠲᠠᠭᠠᠨ ᠤᠯᠠᠮᠵᠢᠯᠠᠵᠤ | ᠡᠷᠬᠢᠮᠯᠡᠭᠰᠡᠭᠡᠷ ᠢᠷᠡᠭᠰᠡᠨ ᠠᠵᠢ᠃ ᠭᠠᠯ ᠲᠠᠭᠢᠬᠤ ᠡᠳᠦᠷ ᠪᠤᠯᠬᠤ ᠳᠤ ᠣᠯᠠᠨ ᠵᠦᠢᠯ ᠤᠨ ᠠᠵᠢᠯ ᠢᠶᠠᠨ ᠱᠠᠯᠠᠪᠳᠠᠨ | ᠬᠢᠵᠦ᠂ ᠣᠳᠤ ᠦᠵᠡᠭᠳᠡᠬᠦ ᠠᠴᠠ ᠡᠮᠦᠨᠡ ᠠᠯᠢᠪᠠ ᠠᠵᠢᠯ ᠢᠶᠠᠨ ᠳᠠᠭᠤᠰᠬᠠᠬᠤ ᠶᠣᠰᠣ ᠲᠠᠢ ᠶᠤᠮ᠃ ᠡᠨᠡ ᠡᠳᠦᠷ ᠭᠡᠷ | ᠳᠣᠲᠣᠷᠠᠬᠢ ᠥᠩᠭᠡᠷᠡᠭᠰᠡᠨ ᠵᠢᠯ ᠤᠨ ᠬᠤᠭ ᠨᠣᠪᠰᠢ ᠣᠳᠤᠭᠠ ᠲᠣᠭᠤᠰᠣ ᠪᠠᠨ ᠴᠡᠪᠡᠷᠯᠡᠬᠦ ᠠᠴᠠ ᠭᠠᠳᠠᠨᠠ ᠪᠠᠰᠠ | ᠬᠠᠰᠢᠶᠠ ᠰᠠᠷᠠᠪᠴᠢ ᠪᠠᠨ ᠴᠡᠪᠡᠷᠯᠡᠨ ᠭᠡᠷ ᠤᠨ ᠣᠬᠴᠢᠨ ᠳᠠᠬᠢ ᠬᠤᠭ ᠨᠣᠪᠰᠢ ᠪᠠᠨ ᠬᠤᠯᠠ ᠬᠠᠶᠠᠬᠤ ᠪᠤᠶᠤ ᠪᠤᠯᠠᠳᠠᠭ᠃ | ᠡᠨᠡ ᠡᠳᠦᠷ ᠠᠶᠢᠯ ᠪᠣᠯᠭᠠᠨ ᠡᠪᠴᠢᠭᠦᠦ᠂ ᠬᠠ ᠵᠡᠷᠭᠡ ᠶᠢ ᠴᠢᠨᠠᠵᠤ᠂ ᠪᠣᠣᠪᠤ ᠪᠤᠭᠤᠷᠰᠤᠭ ᠰᠢᠷᠠᠵᠤ᠂ ᠡᠪᠴᠢᠭᠦᠨ | ᠮᠢᠬᠠ᠂ ᠪᠣᠣᠪᠤ᠂ ᠦᠵᠦᠮ᠂ ᠴᠢᠪᠠᠭᠠ᠂ ᠥᠷᠥᠮᠡ ᠱᠦᠭᠦᠷᠮᠡᠭ᠂ ᠮᠥᠰᠥᠨ ᠰᠢᠬᠢᠷ᠂ ᠴᠠᠰᠤᠨ ᠰᠢᠬᠢᠷ᠂ ᠬᠠᠷᠠ | ᠰᠢᠬᠢᠷ᠂ ᠪᠠᠯ ᠰᠢᠬᠢᠷ ᠵᠡᠷᠭᠡ ᠶᠢᠨ ᠲᠠᠭᠢᠯᠭᠠ ᠶᠢᠨ ᠪᠣᠳᠠᠰ ᠢᠶᠠᠨ ᠤᠷᠢᠳᠴᠢᠯᠠᠨ ᠪᠡᠯᠡᠳᠬᠡᠳᠡᠭ᠃ | ᠭᠠᠯ ᠲᠠᠭᠢᠬᠤ ᠡᠳᠦᠷ ᠤᠨ ᠣᠷᠣᠢ ᠠᠶᠢᠯ ᠪᠦᠷᠢ ᠨᠠᠷᠠ ᠰᠢᠩᠭᠡᠭᠰᠡᠨ ᠤ ᠲᠠᠷᠠᠭᠠ ᠭᠠᠯ ᠤᠨ ᠪᠤᠷᠬᠠᠨ ᠢᠶᠠᠨ | ᠲᠠᠭᠢᠬᠤ ᠵᠠᠩᠰᠢᠯ ᠲᠠᠢ᠃ ᠠᠯᠠᠱᠠ ᠨᠤᠲᠤᠭ ᠤᠨ ᠲᠠᠶᠢᠵᠢ ᠣᠪᠣᠭᠲᠠᠨ᠂ ᠵᠢᠯ ᠪᠦᠷᠢ ᠬᠤᠷᠢᠨ ᠲᠦᠷᠪᠡᠨ ᠳᠤ ᠭᠠᠯ ᠤᠨ | ᠪᠤᠷᠬᠠᠨ ᠢᠶᠠᠨ ᠲᠠᠭᠢᠳᠠᠭ᠃ ᠡᠨᠡ ᠨᠢ ᠬᠠᠷᠠᠴᠤ ᠠᠷᠠᠳ ᠤᠨ ᠭᠠᠯ ᠤᠨ ᠪᠤᠷᠬᠠᠨ ᠬᠤᠷᠢᠨ ᠭᠤᠷᠪᠠᠨ ᠳᠤ ᠲᠡᠭᠷᠢ ᠳᠤ | ᠪᠤᠴᠠᠵᠤ᠂ ᠲᠠᠶᠢᠵᠢ ᠠᠶᠢᠯ ᠤᠨ ᠭᠠᠯ ᠤᠨ ᠪᠤᠷᠬᠠᠨ ᠬᠤᠷᠢᠨ ᠲᠦᠷᠪᠡᠨ ᠳᠤ ᠲᠡᠭᠷᠢ ᠳᠤ ᠪᠤᠴᠠᠬᠤ ᠲᠤᠮᠤᠭ | ᠶᠠᠷᠢᠶᠠ ᠠᠴᠠ ᠪᠣᠯᠤᠭᠰᠠᠨ ᠠᠵᠢ᠃ ᠵᠢᠯ ᠪᠦᠷᠢ ᠶᠢᠨ ᠨᠠᠮᠤᠷ ᠪᠤᠷᠬᠠᠨ ᠲᠠᠭᠢᠵᠦ ᠲᠠᠯᠠᠯᠭᠠ ᠠᠪᠬᠤ ᠳᠠᠭᠠᠨ ᠯᠠᠮᠠ | ᠵᠠᠯᠠᠳᠠᠭ ᠠᠴᠠ ᠭᠠᠯ ᠲᠠᠭᠢᠬᠤ ᠳᠠᠭᠠᠨ ᠯᠠᠮᠠ ᠵᠠᠯᠠᠬᠤ ᠦᠭᠡᠢ᠂ ᠬᠠᠷᠢᠨ ᠥᠪᠡᠷᠰᠡᠳ ᠢᠶᠠᠨ ᠲᠠᠭᠢᠳᠠᠭ ᠪᠠᠶᠢᠨᠠ᠃ ︽ | ᠬᠥᠭᠵᠢ ᠬᠥᠭᠵᠢ ᠬᠥᠬᠡ ᠢᠮᠠᠭᠠᠨ ᠤ ᠡᠪᠴᠢᠭᠦᠦ᠂ ᠠᠰᠠ ᠠᠰᠠ ᠠᠯᠠᠭ ᠢᠮᠠᠭᠠᠨ ᠤ ᠡᠪᠴᠢᠭᠦᠦ︾ ᠪᠠᠷ ᠭᠠᠯ ᠢᠶᠠᠨ | ᠲᠡᠭᠢᠶᠠ ᠭᠡᠳᠡᠭᠴᠢᠯᠡᠨ ᠶᠡᠷᠦᠳᠡᠭᠡᠨ ᠭᠠᠯ ᠲᠠᠭᠢᠯᠭᠠ ᠶᠢᠨ ᠡᠪᠴᠢᠭᠦᠦ ᠨᠢ ᠡᠩ ᠤᠨ ᠡᠪᠴᠢᠭᠦᠦ ᠠᠴᠠ ᠢᠯᠭᠠᠭᠳᠠᠨ᠂ | ᠣᠯᠠᠨ ᠵᠦᠢᠯ ᠤᠨ ᠶᠣᠰᠣ ᠪᠠᠶᠢᠳᠠᠭ᠃ ᠴᠢᠨᠠᠭᠰᠠᠨ ᠡᠪᠴᠢᠭᠦᠦ ᠶᠢᠨ ᠢᠶᠠᠨ ᠮᠢᠬᠠ ᠶᠢ ᠱᠤᠯᠤᠵᠤ᠂ ᠬᠠᠨᠴᠢᠷ ᠢ ᠨᠢ | ᠨᠠᠷᠢᠬᠠᠨ ᠵᠦᠰᠦᠵᠦ᠂ ᠬᠤᠷᠮᠣᠢ ᠶᠢ ᠨᠢ ᠳᠣᠲᠣᠷᠠ ᠲᠠᠯᠠ ᠠᠴᠠ ᠳᠤᠭᠤᠶᠢᠯᠠᠨ ᠠᠪᠤᠭᠠᠳ ᠬᠤᠶᠠᠷ ᠬᠤᠷᠤᠭᠤ ᠬᠢᠷᠢᠲᠡᠢ | ᠨᠠᠷᠢᠨ ᠴᠠᠭᠠᠷᠢᠭ ᠦᠯᠡᠳᠡᠭᠡᠭᠡᠳ ᠪᠦᠳᠦᠷᠬᠡᠢ ᠠᠴᠠ ᠨᠢ ᠡᠯᠭᠦᠵᠦ ᠮᠣᠳᠣ ᠪᠤᠶᠤ ᠭᠠᠤᠯᠢᠨ ᠲᠠᠪᠠᠭ ᠲᠤ ᠳᠡᠭᠡᠭᠰᠢ | ᠬᠠᠨᠳᠤᠭᠤᠯᠤᠨ ᠲᠠᠪᠠᠭᠯᠠᠳᠠᠭ᠃ ᠡᠪᠴᠢᠭᠦᠦ ᠪᠠᠨ ᠠᠯᠢ ᠨᠠᠷᠢᠨ ᠣᠯᠠᠨ ᠵᠦᠰᠦᠪᠡᠯ ᠲᠡᠳᠦᠢ ᠰᠠᠶᠢᠨ ᠪᠠᠶᠢᠳᠠᠭ᠃ | ᠵᠦᠰᠦᠮ ᠢᠶᠠᠨ ᠳᠥᠷᠪᠡᠯᠵᠢᠨ ᠪᠤᠶᠤ ᠨᠠᠷᠢᠨ ᠣᠷᠳᠦ ᠵᠦᠰᠦᠵᠦ ᠲᠠᠭᠢᠯᠭᠠ ᠶᠢᠨ ᠢᠳᠡᠭᠡᠨ ᠲᠠᠢ ᠬᠤᠯᠢᠳᠠᠭ᠃ | ᠠᠬᠢᠭᠠᠳ ᠡᠪᠴᠢᠭᠦᠦ ᠪᠠᠨ ᠲᠠᠪᠤᠨ ᠥᠩᠭᠡ ᠶᠢᠨ ᠲᠣᠷᠭᠠ ᠲᠤᠷᠳᠤᠩ ᠢᠶᠠᠷ ᠴᠢᠮᠡᠨ ᠬᠥᠪᠥᠩ ᠢᠶᠠᠷ ᠣᠷᠢᠶᠠᠳᠠᠭ᠂ | ᠭᠡᠬᠦ ᠳᠡᠭᠡᠨ ᠣᠷᠢᠶᠠᠯᠲᠠ ᠶᠢᠨ ᠲᠤᠭᠠ ᠨᠢ ᠭᠤᠷᠪᠠ ᠪᠠᠶᠢᠳᠠᠭ᠃ ᠡᠪᠴᠢᠭᠦᠦ ᠶᠢᠨ ᠬᠤᠩᠬᠤᠷ ᠲᠤ ᠲᠣᠷᠭᠠᠨ ᠤ | ᠥᠭᠡᠳᠡᠰᠦ᠂ ᠲᠠᠪᠤᠨ ᠲᠠᠷᠢᠶᠠ᠂ ᠰᠢᠷᠠᠭᠰᠠᠨ ᠪᠤᠭᠤᠷᠰᠤᠭ᠂ ᠰᠢᠷᠠ ᠲᠣᠰᠣ᠂ ᠴᠠᠭᠠᠨ ᠲᠣᠰᠣ᠂ ᠥᠷᠥᠮᠡ᠂ | ᠱᠦᠭᠦᠷᠮᠡᠭ᠂ ᠡᠯᠵᠢᠭᠡᠨ ᠴᠢᠬᠢ᠂ ᠴᠢᠪᠠᠭᠠ᠂ ᠰᠢᠬᠢᠷ ᠵᠡᠷᠭᠡ ᠲᠠᠭᠢᠯᠭᠠ ᠶᠢᠨ ᠪᠣᠳᠠᠰ ᠢᠶᠠᠨ ᠲᠠᠯᠪᠢᠵᠤ᠂ ᠬᠠᠮᠤᠭ | ᠳᠡᠭᠡᠷᠡ ᠨᠢ ᠬᠠᠳᠠᠭ ᠢᠶᠠᠨ ᠲᠠᠯᠪᠢᠨ ᠭᠠᠯ ᠤᠨ ᠪᠤᠷᠬᠠᠨ ᠳᠠᠭᠠᠨ ᠡᠷᠭᠦᠳᠡᠭ ᠪᠠᠶᠢᠨᠠ᠃ | ᠭᠡᠷ ᠤᠨ ᠡᠵᠡᠭᠲᠡᠢ ᠲᠤᠯᠭᠠᠨ ᠤ ᠡᠮᠦᠨᠡ ᠰᠥᠭᠦᠳᠥᠨ ᠰᠠᠭᠤᠵᠤ ᠡᠪᠴᠢᠭᠦᠦ ᠪᠠᠨ ᠭᠠᠯ ᠳᠤ ᠡᠷᠭᠦᠬᠦ ᠶᠢᠨ | ᠬᠠᠮᠲᠤ ᠬᠦᠵᠢ᠂ ᠲᠣᠰᠣ᠂ ᠠᠷᠢᠬᠢ ᠵᠢᠮᠢᠰ ᠮᠡᠲᠦ ᠶᠢᠨ ᠲᠠᠭᠢᠯᠭᠠ ᠶᠢᠨ ᠪᠣᠳᠠᠰ ᠠᠴᠠ ᠬᠥᠮᠥᠨ ᠪᠦᠷᠢ ᠪᠠᠭᠠ ᠪᠠᠭᠠ | ᠠᠪᠴᠤ ᠭᠠᠯ ᠤᠨ ᠪᠤᠷᠬᠠᠨ ᠳᠤ ᠡᠷᠭᠦᠵᠦ᠂ ᠭᠡᠷ ᠤᠨ ᠡᠵᠡᠨ ᠠᠴᠠ ᠭᠠᠯ ᠲᠠᠭᠢᠯᠭᠠ ᠶᠢᠨ ᠢᠷᠦᠭᠡᠯ ᠤᠩᠰᠢᠨ᠂ | ᠭᠤᠯᠣᠮᠲᠠ ᠶᠢᠨ ᠢᠶᠠᠨ ᠡᠮᠦᠨᠡᠭᠦᠷ ᠳᠡᠪᠢᠰᠦᠭᠰᠡᠨ ᠢᠰᠡᠭᠡᠢ ᠪᠤᠶᠤ ᠬᠡᠪᠢᠰ ᠲᠠᠯᠪᠠᠭ ᠳᠡᠭᠡᠷᠡ ᠰᠥᠭᠦᠳᠴᠦ᠂ ᠭᠠᠯ ᠳᠠᠭᠠᠨ | ᠵᠠᠯᠪᠠᠷᠢᠵᠤ ᠮᠥᠷᠭᠦᠨ᠂ ᠢᠷᠡᠬᠦ ᠵᠢᠯ ᠤᠨ ᠰᠠᠶᠢᠨ ᠰᠠᠶᠢᠬᠠᠨ ᠢ ᠳᠠᠭᠠᠳᠬᠠᠳᠠᠭ᠃ ᠭᠠᠯ ᠢᠶᠠᠨ ᠲᠠᠭᠢᠵᠦ ᠪᠠᠷᠠᠭᠰᠠᠨ ᠤ | ᠲᠠᠷᠠᠭᠠ ᠪᠠᠷ ᠭᠠᠯ ᠤᠨ ᠳᠠᠬᠢᠯᠭᠠᠨ ᠤ ᠬᠡᠰᠢᠭ ᠠᠴᠠ ᠬᠠᠨ ᠲᠡᠭᠷᠢ ᠳᠡᠭᠡᠨ ᠡᠷᠭᠦᠵᠦ᠂ ᠠᠶᠢᠯ ᠭᠡᠷ ᠤᠨ ᠬᠥᠭᠰᠢᠨ | ᠨᠢᠯᠬᠠ ᠪᠦᠭᠦᠳᠡᠭᠡᠷ ᠢᠶᠠᠨ ᠰᠠᠭᠤᠵᠠᠭᠠᠵᠤ᠂ ᠭᠠᠯ ᠲᠠᠭᠢᠯᠭᠠ ᠶᠢᠨ ᠴᠠᠢ ᠤᠤᠭᠤᠨ᠂ ᠲᠠᠪᠠᠭ ᠳᠦᠭᠦᠷᠡᠩ ᠳᠠᠬᠢᠯᠭᠠᠨ ᠤ | ᠪᠣᠳᠠᠰ ᠠᠴᠠ ᠠᠮᠰᠠᠨ ᠢᠳᠡᠵᠦ᠂ ᠦᠷᠡ ᠬᠡᠦᠬᠡᠳ ᠤᠳ ᠨᠢ ᠠᠪᠤ ᠡᠵᠢ᠂ ᠠᠬᠠᠰ ᠵᠠᠬᠠᠰ ᠲᠠᠭᠠᠨ ᠭᠠᠯ ᠤᠨ | ᠪᠤᠷᠬᠠᠨ ᠤ ᠲᠠᠭᠢᠯᠭᠠ ᠶᠢᠨ ᠠᠷᠢᠬᠢ ᠳᠡᠭᠡᠵᠢ ᠵᠠᠰᠠᠵᠤ᠂ ᠠᠪᠤ ᠡᠵᠢ ᠠᠬᠠᠰ ᠵᠠᠬᠠᠰ ᠨᠢ ᠪᠠᠰᠠ ᠬᠡᠦᠬᠡᠳ ᠲᠡᠭᠡᠨ | ᠳᠠᠬᠢᠯᠭᠠᠨ ᠤ ᠰᠢᠬᠢᠷ ᠵᠢᠮᠢᠰ ᠠᠴᠠ ᠲᠦᠭᠡᠭᠡᠵᠦ ᠦᠭᠳᠡᠭ ᠶᠤᠮ᠃ ᠭᠠᠯ ᠭᠤᠯᠣᠮᠲᠠ ᠪᠠᠨ ᠠᠷᠢᠭᠤᠨ ᠴᠡᠪᠡᠷ | ᠪᠠᠶᠢᠯᠭᠠᠵᠤ᠂ ᠭᠠᠯ ᠤᠨ ᠪᠤᠷᠬᠠᠨ ᠢᠶᠠᠨ ᠰᠠᠶᠢᠨ ᠲᠠᠭᠢᠵᠦ ᠪᠠᠶᠢᠳᠠᠭ ᠠᠶᠢᠯ ᠥᠭᠡᠳᠡᠯᠡᠨᠡ ᠭᠡᠵᠦ ᠦᠵᠡᠳᠡᠭ ᠠᠵᠢ᠃ | ᠭᠠᠯ ᠲᠠᠭᠢᠬᠤ ᠳᠤ ᠬᠠᠷᠢ ᠣᠪᠣᠭ ᠤᠨ ᠬᠥᠮᠥᠨ ᠢᠷᠡᠭᠰᠡᠨ ᠪᠠᠶᠢᠪᠠᠯ ᠣᠨᠳᠣᠣ ᠭᠡᠷ ᠲᠤ ᠣᠷᠤᠭᠤᠯᠬᠤ | ᠶᠤᠮ ᠤᠤ ᠡᠰᠡᠬᠦᠯᠡ ᠭᠠᠳᠠᠭᠤᠷ ᠶᠠᠪᠤᠭᠤᠯᠵᠤ ᠪᠠᠶᠢᠭᠠᠳ ᠲᠠᠭᠢᠯᠭᠠ ᠳᠠᠭᠤᠰᠤᠭᠰᠠᠨ ᠤ ᠰᠡᠭᠦᠯᠡᠷ ᠣᠷᠣᠵᠤ ᠢᠷᠡᠭᠦᠯᠵᠦ | ᠂ ᠳᠠᠬᠢᠯᠭᠠᠨ ᠤ ᠬᠡᠰᠢᠭ ᠠᠴᠠ ᠠᠮᠲᠠᠯᠠᠭᠤᠯᠤᠨ ᠪᠤᠳᠠᠭᠠ ᠬᠤᠭᠤᠯᠠ ᠢᠳᠡᠭᠦᠯᠳᠡᠭ᠃ ᠠᠶᠢᠯ ᠳᠤ ᠢᠷᠡᠭᠰᠡᠨ ᠭᠡᠶᠢᠴᠢᠨ | ᠵᠣᠴᠢᠨ ᠠᠶᠢᠯ ᠤᠨ ᠭᠠᠯ ᠭᠤᠯᠣᠮᠲᠠ ᠶᠢ ᠭᠦᠨᠳᠡᠭᠦ ᠪᠠ ᠭᠠᠯ ᠭᠤᠯᠣᠮᠲᠠ ᠶᠢᠨ ᠬᠦᠷᠢᠶᠡᠨ ᠳᠣᠲᠣᠷᠠ ᠭᠢᠰᠬᠢᠬᠦ ᠶᠢ | ᠪᠠᠶᠢᠲᠤᠭᠠᠢ ᠲᠤᠯᠭᠠᠨ ᠤ ᠬᠦᠷᠢᠶᠡᠨ ᠮᠣᠳᠣᠨ ᠳᠡᠭᠡᠷᠡ ᠴᠦ ᠭᠢᠰᠬᠢᠳᠡᠭ ᠦᠭᠡᠢ ᠤᠴᠢᠷᠲᠠᠢ᠃ ᠡᠨᠡ ᠨᠢ ᠬᠥᠮᠥᠨ | ᠪᠦᠭᠦᠨ ᠤ ᠮᠡᠳᠡᠭᠡᠵᠢ ᠵᠤᠷᠰᠢᠯ ᠪᠤᠯᠬᠤ ᠲᠤᠯᠠ ᠭᠡᠶᠢᠴᠢᠨ ᠵᠣᠴᠢᠨ ᠴᠦ ᠠᠶᠢᠯ ᠤᠨ ᠭᠠᠯ ᠤᠨ ᠵᠤᠤᠬᠠ ᠪᠠᠷ ᠬᠤᠶᠢᠰᠢ | ᠤᠷᠤᠭᠰᠢ ᠭᠠᠷᠬᠤ ᠳᠠᠭᠠᠨ ᠬᠤᠷᠮᠣᠢ ᠬᠤᠲᠠ ᠪᠠᠨ ᠬᠤᠷᠢᠶᠠᠵᠤ᠂ ᠭᠠᠯ ᠭᠤᠯᠣᠮᠲᠠ ᠳᠡᠭᠡᠭᠦᠷ ᠭᠠᠷᠬᠤ ᠠᠴᠠ | ᠪᠣᠯᠭᠤᠮᠵᠢᠯᠠᠳᠠᠭ᠃ ᠬᠡᠷᠪᠡ ᠠᠶᠢᠯ ᠤᠨ ᠭᠠᠯ ᠤᠨ ᠬᠦᠷᠢᠶᠡ ᠪᠤᠶᠤ ᠲᠤᠯᠭᠠ ᠵᠤᠤᠬᠠ ᠶᠢ ᠨᠢ ᠢᠰᠬᠦᠯᠪᠡᠯ | ᠭᠤᠯᠣᠮᠲᠠ ᠶᠢ ᠭᠦᠨᠳᠡᠵᠦ ᠪᠠᠶᠢᠭᠠ ᠬᠡᠷᠡᠭ ᠪᠤᠯᠬᠤ ᠲᠤᠯᠠ ᠲᠤᠰ ᠠᠶᠢᠯ ᠳᠤ ᠬᠠᠮᠤᠭ ᠶᠡᠭᠡ ᠭᠤᠲᠤᠭᠠᠯ ᠳᠣᠷᠣᠮᠵᠢᠯᠠᠯ | ᠪᠤᠯᠳᠠᠭ ᠪᠠᠶᠢᠨᠠ᠃ ᠭᠠᠯ ᠤᠨ ᠡᠬᠢ ᠪᠠᠷ ᠭᠠᠲᠤᠯᠪᠠᠯ ᠭᠠᠯ ᠤᠨ ᠪᠤᠷᠬᠠᠨ ᠪᠤᠵᠠᠷᠲᠤᠨᠠ ᠭᠡᠵᠦ ᠦᠵᠡᠳᠡᠭ ᠠᠴᠠ | ᠪᠦᠰᠡᠭᠦᠶᠢᠴᠦᠳ ᠶᠡᠷᠦ ᠠᠴᠠ ᠭᠠᠯ ᠤᠨ ᠡᠬᠢ ᠪᠠᠷ ᠭᠠᠲᠤᠯᠳᠠᠭ ᠦᠭᠡᠢ ᠵᠤᠷᠰᠢᠯ ᠲᠠᠢ᠃ ᠭᠠᠯ ᠳᠠᠬᠢᠭᠰᠠᠨ ᠠᠶᠢᠯ | ᠭᠤᠷᠪᠠᠨ ᠡᠳᠦᠷ ᠤᠨ ᠳᠣᠲᠣᠷᠠ ᠦᠨᠡᠰᠦ ᠪᠠᠨ ᠠᠰᠬᠠᠵᠤ ᠭᠠᠯ ᠢᠶᠠᠨ ᠭᠦᠨᠳᠡᠳᠡᠭ ᠦᠭᠡᠢ᠂ ᠭᠠᠳᠠᠭᠰᠢ ᠶᠠᠭᠤᠮᠠ ᠪᠠᠨ | ᠵᠢᠭᠡᠯᠡᠵᠦ ᠥᠭᠬᠦ ᠪᠤᠶᠤ ᠬᠥᠮᠥᠨ ᠳᠤ ᠶᠠᠭᠤᠮᠠ ᠬᠦᠷᠭᠡᠳᠡᠭ ᠦᠭᠡᠢ᠂ ᠭᠠᠯ ᠢᠶᠠᠨ ᠲᠠᠭᠢᠵᠦ ᠪᠠᠶᠢᠬᠤ ᠨᠢ ᠪᠤᠶᠠᠨ | ᠬᠡᠰᠢᠭ ᠢᠶᠠᠨ ᠳᠠᠭᠤᠳᠠᠨ ᠬᠤᠷᠤᠶᠢᠯᠠᠵᠤ ᠪᠠᠶᠢᠭᠠ ᠪᠣᠯᠬᠤᠷ ᠬᠡᠰᠢᠭ ᠪᠤᠶᠠᠨ ᠢ ᠨᠢ ᠠᠪᠠᠴᠢᠬᠤ ᠠᠴᠠ ᠪᠣᠯᠭᠤᠮᠵᠢᠯᠠᠨ | ᠬᠠᠷᠢ ᠣᠪᠣᠭ ᠤᠨ ᠬᠥᠮᠥᠨ ᠢ ᠣᠷᠣᠯᠴᠠᠭᠤᠯᠳᠠᠭ ᠦᠭᠡᠢ᠃ | ᠭᠠᠯ ᠲᠠᠭᠢᠬᠤ ᠠᠵᠢᠯ ᠢ ᠭᠤᠣᠯᠳᠠᠭᠤ ᠡᠮᠡᠭᠲᠡᠢ ᠬᠥᠮᠥᠨ ᠬᠢᠳᠡᠭ᠂ ᠡᠨᠡ ᠨᠢ ᠭᠠᠯ ᠤᠨ ᠪᠤᠷᠬᠠᠨ ᠡᠮᠡᠭᠲᠡᠢ | ᠪᠠᠶᠢᠳᠠᠭ ᠠᠴᠠ ᠪᠣᠯᠵᠠᠢ᠃ ᠭᠠᠯ ᠤᠨ ᠪᠤᠷᠬᠠᠨ ᠢᠶᠠᠨ ᠰᠠᠶᠢᠨ ᠲᠠᠭᠢᠪᠠᠯ ᠭᠠᠯ ᠤᠨ ᠪᠤᠷᠬᠠᠨ ᠲᠡᠭᠷᠢ ᠳᠤ ᠪᠤᠴᠠᠭᠰᠠᠨ ᠤ | ᠲᠠᠷᠠᠭᠠ ᠬᠡᠨ ᠬᠡᠨ ᠤ ᠬᠢᠨ ᠨᠠᠮᠠᠶᠢ ᠰᠠᠶᠢᠨ ᠳᠠᠬᠢᠭᠰᠠᠨ ᠭᠡᠳᠡᠭ ᠢ ᠲᠡᠭᠷᠢ ᠪᠤᠷᠬᠠᠨ ᠳᠤ ᠮᠡᠳᠡᠭᠦᠯᠳᠡᠭ ᠭᠡᠵᠦ | ᠡᠷᠲᠡᠨ ᠠᠴᠠ ᠤᠯᠠᠮᠵᠢᠯᠠᠭᠳᠠᠵᠤ ᠢᠷᠡᠭᠰᠡᠨ ᠠᠴᠠ ᠠᠶᠢᠯ ᠪᠣᠯᠭᠠᠨ ᠭᠠᠯ ᠲᠠᠭᠢᠬᠤ ᠪᠠᠨ ᠣᠨᠴᠠᠭᠠᠶᠢᠯᠠᠨ ᠭᠦᠨᠳᠦᠳᠭᠡᠵᠦ | ᠂ ᠶᠣᠰᠣ ᠵᠠᠩᠰᠢᠯ ᠪᠦᠭᠦᠨ ᠢᠶᠠᠨ ᠭᠦᠢᠴᠡᠳᠬᠡᠳᠡᠭ ᠶᠤᠮ᠃ | ᠠᠯᠠᠱᠠ ᠮᠣᠩᠭᠤᠯᠴᠤᠳ ᠤᠨ ᠵᠠᠩ ᠤᠶᠢᠯᠡ︾ ᠨᠣᠮ ᠠᠴᠠ ᠠᠪᠤᠪᠠ | |