| | ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠢᠭᠡᠨ ᠭᠡᠭᠴᠢ ᠠᠩᠬᠠᠨ ᠳᠠᠭᠠᠨ ᠪᠣᠯ ᠶᠡᠭᠡ ᠬᠢᠵᠢᠭ ᠤᠨ ᠡᠵᠡᠨ | ᠣᠷᠴᠢᠯᠠᠩ ᠳᠡᠯᠡᠬᠡᠢ ᠶᠢᠨ ᠬᠠᠷᠠ ᠲᠡᠷᠢᠭᠦᠲᠡᠨ ᠳᠤ ᠦᠬᠦᠯ ᠤᠨ ᠡᠪᠡᠳᠴᠢᠨ ᠲᠠᠬᠤᠯ᠂ ᠬᠢᠵᠢᠭ ᠲᠣᠮᠣᠭᠤ ᠬᠠᠯᠳᠠᠭᠠᠵᠤ | ᠶᠢᠷᠲᠢᠨᠴᠦ ᠶᠢ ᠦᠬᠦᠯ ᠤᠨ ᠲᠠᠯᠠᠢ ᠳᠤ ᠵᠢᠪᠦᠭᠦᠯᠭᠦ ᠭᠡᠰᠡᠨ ᠠᠯᠢ ᠮᠠᠭᠤ ᠢᠷᠸᠠ ᠶᠢᠨ ᠥᠯᠵᠡᠢ ᠦᠭᠡᠢ ᠡᠳᠦᠷ ᠪᠠᠶᠢᠵᠠᠢ | ᠃ ᠤᠷᠢᠳᠤ ᠡᠳᠦᠷ ᠨᠢ ᠲᠡᠭᠷᠢ ᠶᠢᠨ ᠣᠷᠣᠨ ᠳᠤ ᠪᠤᠷᠬᠠᠨ ᠰᠠᠬᠢᠭᠤᠯᠰᠤᠨ ᠴᠤᠭᠯᠠᠵᠤ ᠰᠠᠭᠤᠭᠠᠳ ᠬᠠᠮᠤᠭ ᠢ | ᠡᠵᠡᠮᠰᠢᠭᠴᠢ ᠳᠡᠭᠡᠳᠦ ᠲᠢᠪ᠂ ᠬᠥᠮᠥᠨ ᠤ ᠣᠷᠴᠢᠯᠠᠩ ᠤᠨ ᠲᠤᠮᠳᠠᠳᠤ ᠶᠢᠷᠲᠢᠨᠴᠦ᠂ ᠯᠤᠤᠰ ᠤᠨ ᠣᠷᠣᠨ ᠤ ᠤᠰᠤᠨ | ᠶᠢᠷᠲᠢᠨᠴᠦ ᠶᠢᠨ ᠶᠡᠭᠡ ᠦᠢᠯᠡ ᠬᠡᠷᠡᠭ ᠢ ᠵᠥᠪᠳᠡᠵᠦ ᠰᠠᠭᠤᠵᠤ ᠪᠠᠶᠢᠵᠠᠢ᠃ ᠭᠡᠨᠡᠳᠲᠡ ᠨᠢᠭᠡ ᠰᠠᠬᠢᠭᠤᠯᠰᠤᠨ ᠳᠤᠨᠢ | ᠮᠠᠭᠤ ᠰᠤᠪᠢᠩ ᠲᠠᠲᠠᠭᠰᠠᠨ ᠳᠤ ᠮᠡᠷᠭᠡ ᠲᠥᠯᠭᠡ ᠪᠠᠨ ᠪᠠᠷᠢᠵᠤ ᠦᠵᠡᠭᠡᠳ ᠬᠥᠮᠥᠨ ᠤ ᠶᠢᠷᠲᠢᠨᠴᠦ ᠳᠤ ᠨᠢᠭᠡ ᠶᠡᠭᠡ | ᠠᠶᠤᠯ ᠭᠠᠮᠰᠢᠭ ᠲᠤᠯᠭᠠᠷᠠᠬᠤ ᠪᠣᠯᠴᠢᠬᠠᠭᠰᠠᠨ ᠪᠠᠶᠢᠬᠤ ᠶᠢ ᠮᠡᠳᠡᠵᠡᠢ᠃ ᠡᠨᠡ ᠨᠢ ᠶᠠᠭᠤ ᠪᠣᠯᠤᠭᠠ ᠪᠤᠢ︖ ᠭᠡᠪᠡᠯ | ᠬᠢᠵᠢᠭ ᠤᠨ ᠡᠵᠡᠳ ᠭᠡᠳᠡᠭ ᠴᠢᠨᠢ ᠨᠢᠰᠤ ᠨᠢᠯᠪᠤᠰᠤ᠂ ᠴᠡᠷ ᠰᠢᠯᠦᠰᠦ ᠶᠢ ᠰᠠᠭᠤᠯᠠᠭᠠ ᠰᠠᠭᠤᠯᠠᠭᠠ᠂ ᠳᠠᠮᠵᠢᠭᠤᠷ | ᠳᠠᠮᠵᠢᠭᠤᠷ ᠢᠶᠠᠷ ᠳᠡᠮᠵᠢᠯᠴᠡᠨ ᠳᠠᠪᠬᠢᠯᠳᠤᠵᠤ ᠡᠪᠡᠳᠴᠢᠨ ᠲᠣᠮᠣᠭᠤ ᠲᠠᠷᠬᠠᠭᠠᠬᠤ ᠪᠠᠷ ᠬᠥᠯ ᠦᠢᠮᠡᠭᠡᠨ ᠪᠣᠯᠵᠤ | ᠪᠣᠰᠤᠭᠠ ᠨᠢᠰᠬᠡᠭᠡ ᠪᠠᠷ ᠵᠢᠷᠢᠢᠯᠭᠡᠵᠦ ᠶᠠᠪᠤᠨᠠ ᠭᠡᠨᠡ᠃ ᠪᠦᠭᠦ ᠣᠷᠴᠢᠯᠠᠩ ᠤᠨ ᠤᠯᠠᠨ ᠬᠥᠮᠥᠰ ᠬᠤᠪᠢ ᠬᠤᠪᠢᠨ ᠤ | ᠳᠣᠣᠷᠠ ᠳᠣᠣᠷᠠ ᠶᠢᠨ ᠠᠵᠢᠯ ᠳᠠᠭᠠᠨ ᠪᠦᠯᠢᠳᠡᠭᠰᠡᠨ ᠠᠴᠠ ᠬᠢᠵᠢᠭ ᠤᠨ ᠡᠵᠡᠨ ᠢ ᠴᠢᠯᠦᠭᠡ ᠵᠠᠪ ᠲᠠᠢ ᠪᠣᠯᠭᠠᠵᠠᠢ᠃ | ᠲᠡᠭᠡᠭᠡᠳ ᠡᠳᠡᠨᠦᠰ ᠴᠢᠨᠢ ᠮᠠᠨ ᠢ ᠪᠠᠷᠤᠭ ᠮᠡᠳᠡᠬᠦ ᠬᠥᠮᠥᠨ ᠦᠭᠡᠢ ᠪᠣᠯᠣᠯᠠ᠂ ᠡᠨᠡ ᠶᠠᠪᠤᠳᠠᠯ ᠰᠠᠭᠠᠷ ᠦᠭᠡᠢ | ᠪᠦᠲᠦᠪᠡᠯ ᠴᠤ ᠪᠠᠶᠠᠷ ᠵᠢᠷᠭᠠᠯ ᠢᠷᠡᠬᠦ ᠪᠣᠯᠣᠯᠠ ᠭᠡᠵᠦ ᠪᠠᠶᠢᠲᠠᠯᠠ ᠰᠠᠬᠢᠭᠤᠯᠰᠤᠨ ᠳᠤ ᠮᠡᠳᠡᠭᠳᠡᠭᠰᠡᠨ ᠨᠢ ᠡᠨᠡ ᠪᠠᠶᠢᠵᠠᠢ | ᠃ | ᠡᠨᠡ ᠬᠦ ᠲᠦᠭᠰᠢᠭᠦᠷᠢ ᠶᠢᠨ ᠡᠮᠦᠨᠡ ᠲᠡᠭᠷᠢ ᠶᠢᠨ ᠣᠷᠣᠨ ᠠᠴᠠ ᠪᠠᠴᠢᠮ ᠵᠠᠷᠯᠢᠭ ᠪᠠᠭᠤᠯᠭᠠᠵᠤ᠄ ︽ | ᠶᠢᠷᠲᠢᠨᠴᠦ ᠶᠢᠨ ᠤᠯᠠᠨ ᠳᠠᠶᠠᠭᠠᠷ ᠰᠠᠶᠢᠨ ᠰᠣᠨᠣᠰ᠂ ᠮᠠᠷᠭᠠᠰᠢ ᠶᠢᠨ ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠢᠭᠡᠨ ᠭᠡᠵᠦ | ᠪᠠᠶᠢᠬᠤ ᠪᠣᠯᠣᠨᠠ᠃ ᠬᠥᠮᠥᠨ ᠪᠣᠯᠭᠠᠨ ᠵᠠᠪᠠᠯ ᠬᠠᠮᠤᠭ ᠤᠨ ᠰᠢᠨᠡ ᠲᠡᠪᠡᠯ ᠬᠤᠪᠴᠠᠰᠤ ᠪᠠᠨ ᠭᠠᠷᠭᠠᠵᠤ ᠡᠮᠦᠰᠦᠭᠡᠳ | ᠦᠷᠦᠭᠦᠨ ᠬᠠᠷᠠᠩᠭᠤᠢ ᠪᠠᠷ ᠪᠣᠰᠴᠤ ᠠᠶᠢᠯ ᠪᠣᠯᠭᠠᠨ ᠲᠣᠯᠣᠭᠠᠢ ᠶᠢᠨ ᠣᠷᠣᠢ ᠳᠤ ᠭᠠᠷᠴᠤ ᠶᠡᠭᠡ ᠭᠠᠯ ᠥᠷᠳᠡᠵᠦ | ᠰᠠᠩ ᠳᠠᠭᠠᠨ ᠮᠥᠷᠭᠦᠭᠲᠦᠨ︕ ᠲᠡᠭᠡᠭᠡᠳ ᠭᠠᠯ ᠪᠤᠷᠬᠠᠨ᠂ ᠲᠡᠭᠷᠢ ᠭᠠᠵᠠᠷ᠂ ᠡᠵᠡᠳ ᠰᠠᠬᠢᠭᠤᠯᠰᠤᠨ ᠳᠠᠭᠠᠨ ᠰᠠᠶᠢᠨ | ᠳᠠᠭᠠᠳᠬᠠ᠂ ᠠᠯᠢ ᠶᠡᠭᠡ ᠲᠠᠭᠤ ᠴᠢᠮᠡᠭᠡ ᠭᠠᠷᠭᠠᠬᠤ ᠠᠷᠭᠠ ᠬᠢᠬᠦ ᠬᠡᠷᠡᠭᠲᠡᠢ᠃ ᠦᠭᠡᠢ ᠪᠣᠯ ᠲᠠᠨᠤᠰ ᠲᠤ ᠳᠠᠭᠠᠭᠠᠵᠤ | ᠳᠠᠪᠠᠰᠢ ᠦᠭᠡᠢ ᠬᠠᠷᠠ ᠠᠶᠤᠯ ᠪᠠᠭᠤᠨᠠ ᠭᠡᠵᠦ ᠮᠡᠳᠡ᠃ ᠢᠩᠭᠢᠪᠡᠯ ᠰᠠᠶ᠋ᠢ ᠡᠨᠡ ᠲᠤᠯᠵᠤ ᠢᠷᠡᠮᠡᠷ ᠪᠠᠶᠢᠬᠤ ᠬᠡᠴᠡᠭᠦᠦ | ᠠᠶᠤᠯ ᠢ ᠲᠤᠭᠤᠯᠵᠦ ᠴᠢᠳᠠᠨᠠ᠃ ᠮᠠᠷᠭᠠᠰᠢ ᠬᠡᠨ ᠨᠢ ᠴᠤ ᠤᠷᠤᠭᠤ ᠴᠢᠷᠠᠶᠢᠯᠠᠵᠤ ᠤᠬᠳᠤ ᠪᠤᠯᠬᠤ ᠦᠭᠡᠢ᠃ ᠠᠯᠢ | ᠪᠠᠶᠠᠷ ᠭᠦᠷ ᠲᠠᠢ ᠪᠠᠶᠢᠪᠠᠯ ᠲᠡᠳᠦᠢ ᠰᠠᠶᠢᠨ︾ ᠭᠡᠰᠡᠨ ᠭᠡᠨᠡ᠃ | ᠬᠥᠮᠥᠰ ᠡᠨᠡ ᠴᠢᠮᠡᠭᠡ ᠶᠢ ᠣᠯᠣᠮᠠᠭᠴᠠ ᠢᠷᠡᠵᠦ ᠮᠡᠳᠡᠬᠦ ᠬᠡᠴᠡᠭᠦᠦ ᠭᠠᠢ ᠵᠤᠪᠠᠯᠠᠩ ᠠᠴᠠ ᠵᠠᠶᠢᠯᠠᠬᠤ ᠶᠢᠨ | ᠲᠥᠯᠥᠭᠡ ᠡᠩ ᠤᠨ ᠡᠳᠦᠷ ᠠᠴᠠ ᠪᠠᠨ ᠪᠠᠶᠠᠷ ᠭᠦᠷ ᠲᠠᠢ ᠪᠠᠶᠢᠬᠤ ᠶᠢ ᠪᠤᠳᠤᠵᠦ᠂ ᠦᠷᠦᠭᠦᠨ ᠡᠷᠲᠡ ᠭᠤᠶᠣᠯᠠᠵᠤ | ᠵᠠᠰᠠᠭᠠᠳ ᠰᠠᠩ ᠳᠠᠭᠠᠨ ᠮᠥᠷᠭᠦᠬᠦ ᠪᠠᠷ ᠭᠠᠷᠴᠤ ᠭᠠᠯ ᠢᠶᠠᠨ ᠪᠠᠳᠠᠷᠠᠭᠠᠨ ᠬᠥᠭᠵᠢᠭᠡᠭᠡᠳ ᠠᠪᠠ ᠶᠢᠨ ᠫᠤᠤ ᠪᠠᠨ | ᠳᠤᠤᠭᠠᠷᠭᠠᠵᠠᠢ᠃ ᠥᠨᠥᠬᠢ ᠤᠯᠠᠨ ᠨᠢᠰᠤ ᠰᠢᠯᠦᠰᠦ ᠳᠠᠮᠨᠠᠵᠤ ᠭᠦᠶᠦᠯᠳᠦᠭᠰᠡᠨ ᠮᠠᠭᠤ ᠰᠠᠶᠢᠨ ᠠᠮᠢᠲᠠᠰ ᠥᠴᠥᠬᠡᠨ | ᠴᠤ ᠰᠠᠨᠠᠭᠠᠨ ᠳᠤ ᠦᠭᠡᠢ ᠶᠠᠪᠤᠵᠤ ᠪᠠᠶᠢᠲᠠᠯᠠ ᠲᠡᠭᠷᠢ ᠲᠤᠯᠤᠮᠠ ᠭᠠᠯ ᠠᠰᠠᠵᠤ ᠴᠢᠬᠢ ᠳᠦᠯᠡᠶᠢᠷᠡᠮᠡ ᠫᠤᠤ ᠶᠢᠨ ᠲᠠᠭᠤ | ᠭᠠᠷᠤᠭᠰᠠᠨ ᠳᠤ ᠨᠢᠭᠡᠮᠦᠰᠦᠨ ᠰᠦᠷᠳᠡᠭᠡᠳ ᠣᠷᠣ ᠪᠠᠷᠠ ᠦᠭᠡᠢ ᠳᠤᠲᠠᠭᠠᠵᠤ ᠠᠷᠢᠯᠵᠠᠢ᠃ ᠲᠡᠭᠡᠭᠡᠳ ᠬᠥᠮᠥᠨ | ᠲᠥᠷᠥᠯᠬᠢᠲᠡᠨ ᠲᠡᠳᠡᠨᠤᠰ ᠤᠨ ᠬᠤᠣᠷᠯᠠᠯ ᠳᠤᠨᠢ ᠲᠤᠰᠤᠯ ᠦᠭᠡᠢ ᠮᠡᠨᠳᠦ ᠭᠡᠳᠦᠯᠵᠦ ᠴᠢᠳᠠᠵᠠᠢ᠃ ᠬᠡᠷᠪᠡ ᠡᠨᠡ | ᠡᠳᠦᠷ ᠢ ᠢᠩᠭᠢᠵᠦ ᠥᠩᠭᠡᠷᠡᠭᠦᠯᠦᠭᠰᠡᠨ ᠦᠭᠡᠢ ᠪᠣᠯ ᠲᠤᠮᠳᠠᠳᠦ ᠲᠢᠪ ᠤᠨ ᠬᠥᠮᠥᠰ ᠪᠠᠶᠢᠰᠢ ᠦᠭᠡᠢ ᠶᠡᠭᠡ ᠦᠬᠦᠵᠦ | ᠦᠷᠡᠬᠦ ᠭᠠᠢ ᠵᠤᠪᠠᠯᠠᠩ ᠳᠤ ᠤᠨᠠᠵᠤ ᠳᠠᠭᠤᠰᠬᠤ ᠪᠠᠶᠢᠭᠰᠠᠨ ᠭᠡᠨᠡ᠃ ᠲᠡᠶᠢᠮᠦ ᠳᠡᠭᠡᠨ ᠰᠢᠨᠡ ᠶᠢᠨ ᠨᠢᠭᠡᠨ ᠳᠤ | ᠮᠣᠩᠭᠤᠯᠴᠤᠳ ᠵᠠᠪᠠᠯ ᠴᠣ ᠰᠢᠨᠡ ᠪᠠᠷ ᠬᠤᠪᠴᠠᠰᠤᠯᠠᠵᠤ ᠭᠤᠶᠣᠯᠠᠭᠠᠳ ᠰᠠᠩ ᠳᠠᠭᠠᠨ ᠮᠥᠷᠭᠦᠬᠦ ᠪᠣᠯᠵᠤ ᠰᠠᠴᠤᠯᠢ | ᠳᠡᠭᠡᠵᠢ᠂ ᠰᠡᠷᠴᠢᠮ ᠨᠠᠩᠴᠢᠳ ᠢᠶᠠᠨ ᠡᠷᠭᠦᠵᠦ᠂ ᠰᠠᠩ ᠳᠠᠭᠠᠨ ᠮᠥᠷᠭᠦᠬᠦ ᠳᠡᠭᠡᠨ ᠪᠦᠭᠦ ᠨᠢᠭᠡ ᠵᠢᠯ ᠤᠨ ᠬᠡᠰᠢᠭ | ᠪᠤᠶᠠᠨ᠂ ᠥᠯᠵᠡᠢ ᠥᠭᠡᠳᠡ ᠲᠠᠢ ᠶᠠᠪᠤᠬᠤ᠂ ᠪᠠᠶᠠᠨ ᠲᠠᠩᠰᠤᠭ ᠪᠤᠯᠬᠤ ᠵᠡᠷᠭᠡ ᠠᠯᠢ ᠤᠯᠠᠨ ᠰᠠᠶᠢᠨ ᠰᠠᠶᠢᠬᠠᠨ | ᠬᠦᠰᠡᠯ ᠮᠥᠷᠥᠭᠡᠳᠦᠯ ᠪᠠ ᠭᠠᠢ ᠪᠠᠷᠴᠢᠳ ᠠᠴᠠ ᠰᠠᠯᠭᠠᠬᠤ᠂ ᠠᠶᠤᠯ ᠭᠠᠮᠰᠢᠭ ᠠᠴᠠ ᠠᠪᠤᠷᠠᠵᠤ ᠥᠷᠥᠰᠢᠶᠡᠬᠦ ᠶᠢ | ᠮᠥᠩᠬᠡ ᠬᠥᠬᠡ ᠲᠡᠭᠷᠢ᠂ ᠡᠵᠡᠨ ᠰᠠᠬᠢᠭᠤᠰᠤ᠂ ᠭᠠᠯ ᠤᠨ ᠪᠤᠷᠬᠠᠨ᠂ ᠭᠠᠵᠠᠷ ᠤᠰᠤᠨ ᠤ ᠨᠢᠪᠳᠠᠭ ᠰᠠᠪᠳᠠᠭ ᠲᠠᠭᠠᠨ | ᠰᠢᠪᠰᠢᠨ ᠨᠠᠮᠠᠨᠴᠢᠯᠠᠬᠤ ᠪᠣᠯᠵᠠᠢ᠃ ᠬᠢᠵᠢᠭ ᠤᠨ ᠡᠵᠡᠳ ᠢ ᠠᠶᠤᠯᠭᠠᠬᠤ ᠭᠡᠵᠦ ᠫᠤᠤ ᠲᠠᠯᠪᠢᠳᠠᠭ ᠠᠴᠠ ᠪᠠᠨ ᠬᠤᠵᠢᠮ | ᠨᠢ ᠴᠠᠭᠠᠰᠤᠨ ᠫᠤᠤ ᠲᠠᠯᠪᠢᠬᠤ ᠪᠣᠯᠵᠠᠢ᠃ ᠤᠳᠤ ᠠᠯᠠᠱᠠ ᠮᠣᠩᠭᠤᠯᠴᠤᠳ ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ | ᠨᠢᠭᠡᠨ ᠳᠤ ᠫᠤᠤ ᠶᠢᠨ ᠲᠠᠭᠤ ᠶᠢ ᠶᠡᠭᠡ ᠠᠩᠬᠠᠷᠴᠤ ᠰᠢᠨᠵᠢᠳᠡᠭ ᠪᠣᠯᠵᠤ᠂ ᠫᠤᠤᠵᠢᠩ ᠨᠢ ᠭᠦᠢᠴᠡᠳ ᠮᠥᠷᠲᠡᠭᠡᠨ | ᠴᠢᠩᠭᠠ ᠳᠤᠤᠭᠠᠷᠴᠤ ᠪᠠᠶᠢᠪᠠᠯ ᠲᠡᠷᠡ ᠨᠢᠭᠡ ᠵᠢᠯ ᠳᠡᠭᠡᠨ ᠡᠷᠡᠭᠦᠯ ᠡᠩᠬᠡ᠂ ᠬᠡᠶᠢᠮᠣᠷᠢ ᠲᠠᠢ ᠠᠵᠢᠭ ᠦᠭᠡᠢ ᠰᠠᠶᠢᠨ | ᠶᠠᠪᠤᠬᠤ ᠪᠠᠨ ︽ᠴᠢᠯᠠᠭᠤ ᠪᠠᠷ ᠴᠣᠬᠢᠪᠠᠴᠤ ᠠᠵᠢᠷᠠᠬᠤ ᠪᠠᠷ ᠦᠭᠡᠢ ᠥᠯᠵᠡᠶᠢᠲᠡᠢ ᠰᠠᠶᠢᠨ ᠶᠠᠪᠤᠬᠤ ᠵᠢᠯ ᠪᠠᠶᠢᠨᠠ︾ | ᠭᠡᠵᠦ ᠪᠡᠯᠭᠡᠰᠢᠶᠡᠵᠦ ᠶᠠᠷᠢᠨᠠ᠃ ᠲᠡᠶᠢᠮᠦ ᠳᠡᠭᠡᠨ ᠬᠡᠳᠦᠨ ᠡᠳᠦᠷ ᠤᠨ ᠤᠷᠢᠳ ᠠᠴᠠ ᠴᠠᠭᠠᠰᠤᠨ ᠫᠤᠤ ᠪᠠᠨ | ᠴᠢᠭᠲᠠᠭᠠᠨ ᠠᠴᠠ ᠪᠠᠨ ᠤᠶᠠᠵᠤ ᠴᠢᠭᠢᠭ ᠢ ᠨᠢ ᠭᠠᠷᠭᠠᠭᠠᠳ ᠬᠠᠲᠠᠭᠤ ᠳᠤᠤᠭᠠᠷᠭᠠᠬᠤ ᠭᠡᠳᠡᠭ᠃ ᠲᠡᠭᠡᠭᠡᠳ ︽ | ᠫᠤᠤ ᠶᠢᠨ ᠲᠠᠭᠤ ᠰᠠᠶᠢᠨ᠂ ᠪᠤᠤᠵᠠ ᠶᠢᠨ ᠠᠮᠲᠠ ᠰᠠᠶᠢᠨ︾ ᠭᠡᠵᠦ ᠰᠢᠨᠡ ᠶᠢᠨ ᠠᠮᠤᠷ ᠠᠰᠠᠭᠤᠬᠤ ᠳᠠᠭᠠᠨ ᠶᠠᠷᠢᠳᠠᠭ | ᠪᠢᠯᠡ᠃ | ᠡᠭᠦᠨ ᠠᠴᠠ ᠬᠤᠶᠢᠰᠢ ᠤᠯᠠᠮᠵᠢᠯᠠᠯᠲᠤ ᠴᠠᠭᠠᠨ ᠰᠠᠷᠠ ᠶᠢᠨ ᠪᠠᠶᠠᠷ ᠭᠡᠰᠡᠨ ᠪᠠᠰᠠ ᠨᠢᠭᠡ ᠪᠠᠶᠠᠷ | ᠳᠤᠷᠠᠰᠬᠠᠯ ᠤᠨ ᠡᠳᠦᠷ ᠲᠠᠢ ᠪᠣᠯᠵᠤ ᠭᠡᠨᠡ᠃ | | 2005 ᠣᠨ ᠤ 2 ᠰᠠᠷᠠ ᠶᠢᠨ 3 ᠳᠤ ᠬᠠᠨᠳᠠᠵᠠᠪ ᠭᠠᠨᠢᠶᠠ ᠶᠠᠷᠢᠪᠠ᠃ | ︽ᠠᠯᠠᠱᠠ ᠠᠷᠠᠳ ᠤᠨ ᠠᠮᠠᠨ ᠵᠣᠬᠢᠶᠠᠯ ᠤᠨ ᠴᠣᠮᠤᠭ︾ ︵ᠨᠢᠭᠡ︶ ᠠᠴᠠ ᠠᠪᠤᠪᠠ᠃ | | |