ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
﹇ᠳᠥᠷᠪᠡᠨ ᠣᠶᠢᠷᠠᠳ﹈ ᠰᠢᠨᠵᠢᠶᠠᠩ ᠤᠨ ᠣᠶᠢᠷᠠᠳ ᠠᠶᠠᠯᠭᠤᠨ ᠤ ᠥᠪᠡᠷᠮᠢᠴᠡ ᠬᠡᠯᠡᠴᠡ ᠶᠢᠨ ᠲᠣᠪᠴᠢ ᠲᠠᠶᠢᠯᠪᠤᠷᠢ ︵ᠠᠷᠪᠠᠨ ᠵᠢᠷᠭᠤᠭ᠎ᠠ︶
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2025/4/7
                             ᠣ  ·  ᠲᠠᠶᠢᠪᠤᠩ ᠴᠤᠭᠯᠠᠭᠤᠯᠤᠨ ᠲᠠᠶᠢᠯᠪᠤᠷᠢᠯᠠᠪᠠ          ᠬᠠᠷ᠎ᠠ ᠮᠥᠷ ᠲᠠᠢ᠄ ᠬᠠᠷ᠎ᠠ ᠬᠠᠭᠠᠯᠭ᠎ᠠ ᠲᠠᠢ᠂ ᠪᠡᠯᠭᠡ ᠳᠡᠮᠪᠡᠷᠢᠯ ᠮᠠᠭᠤᠲᠠᠢ᠃ ︵ᠬᠠᠢ᠂ ᠡᠨᠡ ᠴᠢᠨᠢ ᠶᠠᠭᠠᠬᠢᠭᠰᠠᠨ ᠡᠶᠢᠮᠦ ᠬᠠᠷ᠎ᠠ ᠮᠥᠷ ᠲᠠᠢ ᠶᠠᠪᠤᠳᠠᠯ ᠪᠣᠯᠵᠤ ᠣᠳᠪᠠ︾ ᠭᠡᠳ ᠰᠠᠨᠠᠭ᠎ᠠ ᠠᠯᠳᠠᠭᠰᠠᠨ ᠡᠯᠪᠡᠭ ᠡᠪᠦᠭᠡᠨ ᠁᠃ - ᠬᠠ᠊  ·  ᠬᠥᠮᠦᠵᠢᠯ᠄ ︽ᠬᠠᠶᠢᠷᠠᠨ ᠨᠠᠢᠮᠠᠨ ᠡᠳᠦᠷ︾᠂ P.17︶          ᠬᠠᠷ᠎ᠠ ᠰᠡᠭᠡᠷ᠄ ᠬᠥᠮᠥᠨ ᠤ ᠭᠠᠢ᠂ ᠬᠠᠷ᠎ᠠ ᠰᠠᠨᠠᠭ᠎ᠠ ᠲᠠᠢ ᠬᠥᠮᠥᠨ ᠢ ᠬᠡᠯᠡᠳᠡᠭ ᠦᠭᠡ᠃          ᠬᠠᠷ᠎ᠠ ᠰᠢᠷ᠎ᠠ ᠦᠭᠡᠢ᠄ ① ᠮᠠᠭᠤ ᠦᠭᠡᠢ᠃ ② ᠯᠠᠮᠠ ᠬᠠᠷ᠎ᠠ ᠪᠦᠭᠦᠳᠡᠭᠡᠷ ᠢᠶᠠᠨ᠂ ᠪᠤᠢ ᠪᠦᠭᠦ ᠬᠥᠮᠥᠰ᠃          ᠬᠠᠷ᠎ᠠ ᠳᠠᠷᠤᠬᠤ᠄ ᠮᠠᠭᠤ ᠵᠡᠭᠦᠳᠦ ᠵᠡᠭᠦᠳᠦᠯᠡᠬᠦ᠃          ᠬᠠᠷ᠎ᠠ ᠲᠣᠯᠣᠭᠠᠢ ᠪᠠᠨ ᠵᠠᠯᠭᠢᠬᠤ᠄ ᠥᠪᠡᠷ ᠤᠨ ᠰᠢᠯᠲᠠᠭᠠᠨ ᠠᠴᠠ ᠪᠣᠯᠵᠤ ᠠᠮᠢ ᠪᠠᠨ ᠠᠯᠳᠠᠬᠤ᠃ ︵ᠲᠡᠭᠷᠢ ᠡᠰᠢ ᠲᠠᠢ᠂ ᠲᠡᠮᠦᠷ ᠭᠤᠣᠯ ᠲᠠᠢ᠂ ᠳᠡᠭᠡᠳᠦ ᠨᠣᠶᠠᠨ ᠤ ᠵᠠᠷᠯᠢᠭ ᠢ ᠴᠢ ᠡᠰᠡᠷᠭᠦᠴᠡᠪᠡᠯ ᠬᠠᠷ᠎ᠠ ᠲᠣᠯᠣᠭᠠᠢ ᠪᠠᠨ ᠵᠠᠯᠭᠢᠳᠠᠭ ᠪᠣᠯᠣᠨ᠎ᠠ ᠰᠢᠤ᠃ - ᠠ᠊  ·  ᠳᠠᠶᠢᠪᠠᠢ᠄ ︽ᠭᠡᠭᠡᠳᠡᠷᠡᠭᠰᠡᠨ ᠵᠠᠬᠢᠶ᠎ᠠ︾᠂ P.71︶          ᠬᠠᠷ᠎ᠠ ᠴᠠᠭᠠᠨ ᠢ ᠢᠯᠭᠠᠯ ᠦᠭᠡᠢ᠄ ᠦᠨᠡᠨ ᠬᠤᠳᠠᠯ ᠢ ᠢᠯᠭᠠᠬᠤ ᠦᠭᠡᠢ᠂ ᠵᠥᠪ ᠪᠤᠷᠤᠭᠤ ᠶᠢ ᠢᠯᠭᠠᠬᠤ ᠦᠭᠡᠢ᠃          ᠬᠠᠷ᠎ᠠ ᠲᠣᠯᠣᠭᠠᠢ ᠪᠠᠷ ᠴᠢᠨᠢ ᠭᠠᠷᠤᠭ᠄ ᠬᠤᠬᠢᠷᠠᠯ ᠭᠠᠷᠤᠵᠠ ᠴᠢᠮ᠎ᠠ ᠪᠠᠷ ᠭᠠᠷᠲᠤᠭᠠᠢ ᠭᠡᠰᠡᠨ ᠬᠠᠷᠢᠶᠠᠯ ᠤᠨ ᠦᠭᠡ᠃          ᠬᠠᠷ᠎ᠠ ᠲᠣᠯᠣᠭᠠᠢ ᠪᠠᠷ ᠴᠢᠨᠢ ᠭᠠᠷᠭᠠᠰᠤ ᠪᠢ᠄ ᠬᠤᠬᠢᠷᠠᠯ ᠭᠠᠷᠤᠵᠠ ᠴᠢᠮ᠎ᠠ ᠪᠠᠷ ᠭᠠᠷᠲᠤᠭᠠᠢ ᠭᠡᠰᠡᠨ ᠬᠠᠷᠢᠶᠠᠯ ᠤᠨ ᠦᠭᠡ᠃ ︵ᠬᠠᠷᠢᠶᠠᠯ ᠠᠨᠳᠠᠭᠠᠷ ᠢ ᠴᠢᠨᠢ᠂ ᠬᠠᠷ᠎ᠠ ᠲᠣᠯᠣᠭᠠᠢ ᠪᠠᠷ ᠴᠢᠨᠢ ᠭᠠᠷᠭᠠᠰᠤ ᠪᠢ ᠭᠡᠳ ᠴᠠᠰᠤᠨ ᠠᠴᠠ ᠴᠠᠭᠠᠨ᠂ ᠴᠠᠭᠠᠰᠤᠨ ᠠᠴᠠ ᠨᠢᠮᠭᠡᠨ᠂ ᠴᠠᠶᠢᠪᠤᠷ ᠴᠠᠭᠠᠨ ᠢᠯᠳᠦ ᠪᠠᠨ ᠠᠪᠤᠭᠠᠳ᠃ - ︽ᠵᠠᠩᠭᠠᠷ ᠤᠨ ᠡᠬᠡ ᠮᠠᠲ᠋ᠧᠷᠢᠶᠠᠯ ︵5︶︾᠂ P.306︶          ᠬᠠᠷ᠎ᠠ ᠲᠣᠯᠣᠭᠠᠢ ᠪᠠᠨ ᠪᠤᠳᠤᠭᠠᠳ ᠬᠠᠮᠠᠷ ᠤᠨ ᠦᠵᠦᠭᠦᠷ ᠢᠶᠠᠨ ᠱᠠᠭᠠᠶᠢᠬᠤ᠄ ᠬᠤᠪᠢᠨᠴᠢᠷ᠃          ᠬᠠᠷ᠎ᠠ ᠴᠠᠭᠠᠨ ᠲᠠᠭᠤ ᠦᠭᠡᠢ᠄ ᠦᠭᠡ ᠬᠡᠯᠡᠬᠦ ᠦᠭᠡᠢ᠃ ︵᠁ ᠤᠳᠤ ᠲᠡᠭᠦᠨ ᠤ ᠬᠠᠷ᠎ᠠ ᠴᠠᠭᠠᠨ ᠲᠠᠭᠤ ᠴᠤ ᠦᠭᠡᠢ ᠤᠭᠢᠯᠠᠨ ᠪᠠᠶᠢᠬᠤ ᠶᠢ ᠦᠵᠡᠵᠦ ᠲᠠᠷᠠ ᠵᠠᠯᠠᠭᠤ ᠤᠶᠠᠷᠠᠭᠠᠳ᠃ - ᠪᠠ᠊᠆  ·  ᠵᠠᠰᠠᠨ᠎ᠠ᠄ ︽ᠲᠠᠭᠢᠯᠭ᠎ᠠ ᠪᠢᠯᠡ︾᠂ P.73︶          ᠬᠠᠷ᠎ᠠ ᠴᠠᠭᠠᠰᠤ ᠪᠠᠨ ᠠᠪᠬᠤ᠄ ᠤᠷᠤᠭ ᠤᠨ ᠪᠠᠲᠤᠯᠠᠪᠤᠷᠢ ᠪᠠᠨ ᠠᠪᠬᠤ᠃          ᠬᠠᠷ᠎ᠠ ᠴᠡᠭᠡᠵᠢ᠄ ᠶᠠᠷᠢᠵᠤ ᠪᠤᠷᠠᠬᠤ ᠠᠴᠠ ᠥᠭᠡᠷ᠎ᠡ ᠶᠠᠭᠤ ᠴᠤ ᠮᠡᠳᠡᠬᠦ ᠦᠭᠡᠢ ᠴᠡᠭᠡᠵᠢ ᠰᠠᠶᠢᠨ ᠬᠥᠮᠥᠨ᠃          ᠬᠠᠷ᠎ᠠ ᠶᠠᠰᠤ ᠲᠠᠢ᠄ ᠰᠢᠷᠪᠦᠰᠦᠯᠢᠭ᠃          ᠬᠠᠷᠠᠮ ᠰᠡᠳᠬᠢᠯ᠄ ᠰᠠᠨᠠᠭ᠎ᠠ ᠣᠷᠭᠢᠬᠰᠠᠨ᠂ ᠬᠠᠯᠠᠮᠵᠢᠯᠠᠵᠤ ᠳᠣᠲᠣᠨᠣᠴᠢᠯᠠᠭᠰᠠᠨ ᠰᠡᠳᠬᠢᠯ᠃ ︵ᠬᠤᠲᠠ ᠪᠠᠨ ᠢᠳᠡᠭᠰᠡᠨ ᠪᠣᠯᠪᠠᠤ᠂ ᠪᠢᠲᠡᠭᠡᠢ ᠬᠤᠭᠤᠰᠤᠨ ᠬᠤᠨᠣᠲᠤᠭᠠᠢ ᠭᠡᠵᠦ ᠪᠤᠳᠣᠭᠠᠳ ᠰᠤᠷᠠᠭᠰᠠᠨ ᠬᠠᠷᠠᠮ ᠰᠡᠳᠬᠢᠯ ᠪᠣᠯᠵᠤ ᠪᠠᠶᠢᠨ᠎ᠠ︶          ᠬᠠᠷᠠᠮᠴᠢ ᠶᠢᠨ ᠲᠤᠯᠤᠮ ᠬᠠᠭᠠᠷᠬᠠᠢ᠄ ᠬᠠᠷᠠᠮᠴᠢ ᠬᠥᠮᠥᠨ ᠬᠡᠵᠢᠶᠡᠳᠡ ᠬᠤᠭᠤᠰᠤᠨ᠃          ᠬᠠᠷᠠᠮᠴᠢ ᠠᠪᠤᠭᠠᠢ ᠬᠠᠭᠠᠨ ᠤ ᠬᠤᠷᠢᠮ ᠬᠠᠷᠠᠮᠨᠠᠬᠤ᠄ ᠬᠡᠵᠢᠶᠡᠳᠡ ᠬᠤᠪᠢᠷᠠᠬᠤ ᠦᠭᠡᠢ ᠬᠠᠷᠠᠮᠴᠢ ᠬᠤᠪᠠᠭ᠋ᠠᠢ ᠵᠠᠩ᠃          ᠬᠠᠷ᠎ᠠ ᠭᠠᠵᠠᠷ ᠤᠨ ᠠᠩ᠄ ᠬᠤᠯᠨ ᠭᠠᠵᠠᠷ᠃          ᠬᠠᠷᠢᠶᠠᠯ ᠢᠷᠦᠭᠡᠯ ᠲᠠᠯᠪᠢᠬᠤ᠄ ᠬᠠᠨᠤᠮᠵᠢ ᠦᠭᠡᠢ ᠰᠡᠳᠬᠢᠯ ᠢᠶᠠᠨ ᠦᠭᠡ ᠴᠤᠪᠤᠷᠠᠭᠤᠯᠤᠨ ᠢᠯᠡᠳᠬᠡᠬᠦ᠃ ︵ᠪᠢ ᠬᠠᠷᠢᠶᠠᠯ ᠢᠷᠦᠭᠡᠯ ᠲᠠᠯᠪᠢᠵᠤ ᠶᠠᠪᠤᠭᠰᠠᠭᠠᠷ ᠦᠬᠡᠷ ᠳᠣᠷᠵᠢ ᠶᠢᠨ ᠳᠤ ᠤᠳᠤᠯ᠎ᠠ᠃ - ᠪᠠ᠊᠆  ·  ᠵᠠᠰᠠᠨ᠎ᠠ᠄ ︽ᠬᠦᠢᠲᠡᠨ ᠬᠠᠷ᠎ᠠ ᠰᠢᠷᠣᠢ︾᠂ P.402︶          ᠬᠠᠷᠢᠶᠠᠯ ᠨᠢ ᠬᠠᠷᠢᠭᠤ ᠪᠡᠶ᠎ᠡ ᠪᠠᠷ ᠨᠢ ᠭᠠᠷᠤᠭ᠄ ᠬᠥᠮᠥᠨ ᠳᠤ ᠪᠠᠷᠠᠨ᠎ᠠ ᠭᠡᠳ ᠥᠪᠡᠷ ᠤᠨ ᠪᠡᠶ᠎ᠡ ᠪᠠᠨ ᠪᠠᠷᠠᠬᠤ᠃ ᠬᠠᠷᠢᠶᠠᠵᠤ ᠵᠦᠬᠡᠭᠰᠡᠨ ᠦᠭᠡᠰ ᠨᠢ ᠪᠡᠶ᠎ᠡ ᠳᠤᠨᠢ ᠪᠡᠶᠡᠯᠡᠯ ᠢᠶᠠᠨ ᠣᠯᠲᠤᠭᠠᠢ ᠭᠡᠰᠡᠨ ᠤᠳᠬ᠎ᠠ ᠲᠠᠢ᠃          ᠬᠠᠷᠢᠶᠠᠯ ᠨᠢ ᠢᠷᠦᠭᠡᠯ ᠪᠣᠯᠤᠭ᠄ ᠬᠥᠮᠥᠨ ᠳᠤ ᠪᠠᠷᠠᠨ᠎ᠠ ᠭᠡᠳ ᠪᠠᠷᠠᠵᠤ ᠴᠢᠳᠠᠬᠤ ᠦᠭᠡᠢ᠃ ᠬᠠᠷᠢᠶᠠᠯ ᠤᠨ ᠮᠠᠭᠤ ᠰᠡᠳᠬᠢᠯ ᠨᠢ ᠪᠢᠳᠡᠨ ᠤ ᠦᠢᠯᠡ ᠬᠡᠷᠡᠭ ᠢᠶᠠᠨ ᠠᠮᠵᠢᠯᠲᠠ ᠲᠠᠢ ᠪᠡᠶᠡᠯᠡᠭᠦᠯᠬᠦ ᠶᠢᠨ ᠵᠣᠷᠢᠭᠵᠢᠭᠤᠯᠤᠯ ᠪᠣᠯᠲᠤᠭᠠᠢ ᠭᠡᠰᠡᠨ ᠤᠳᠬ᠎ᠠ ᠲᠠᠢ᠃          ᠬᠠᠷᠠᠭᠠᠨ ᠪᠠᠷᠠᠭᠠᠨ ᠦᠭᠡᠢ᠄ ᠴᠢᠭ ᠴᠢᠮᠡᠭᠡ ᠦᠭᠡᠢ ᠪᠤᠯᠬᠤ᠂ ᠣᠷᠣ ᠰᠤᠷᠠᠭ ᠦᠭᠡᠢ᠃          ᠬᠠᠷᠢ ᠠᠴᠠ ᠬᠠᠪᠢᠰᠤ ᠬᠤᠭᠤᠯᠬᠤ᠄ ᠬᠠᠷᠢ ᠭᠠᠵᠠᠷ ᠲᠠᠭᠠᠨ ᠤᠷᠤᠭ ᠭᠤᠶᠤᠬᠤ᠃ ︵ᠬᠠᠭᠠᠨ ᠨᠣᠶᠠᠨ ᠪᠣᠭᠳᠠ ᠵᠠᠩᠭᠠᠷ ᠮᠢᠨᠢ᠂ ᠬᠠᠨᠴᠤᠨ ᠪᠣᠯᠤᠭᠰᠠᠨ ᠪᠤᠭᠤᠷᠤᠯ ᠲᠠᠢ᠂ ᠬᠠᠭᠠᠨ ᠰᠠᠭᠤᠷᠢ ᠬᠥᠪᠡᠭᠦᠨ ᠲᠠᠨᠢ᠂ ᠬᠠᠷᠢ ᠠᠴᠠ ᠬᠠᠪᠢᠰᠤ ᠬᠤᠭᠤᠯᠵᠤ᠂ ᠴᠠᠯᠭᠢᠶ᠎ᠠ ᠴᠠᠪᠢᠳᠠᠷ ᠮᠣᠷᠢᠨ ᠳᠤ᠂ ᠵᠠᠭᠤᠪᠴᠢ ᠶᠢᠨ ᠴᠠᠭᠠᠨ ᠬᠠᠭᠠᠨ ᠤ᠂ ᠵᠢᠷᠤᠮᠠᠯ ᠴᠠᠭᠠᠨ ᠪᠢᠯᠢᠭ ᠭᠡᠳᠡᠭ ᠬᠡᠦᠬᠡᠨ ᠢ ᠤᠨᠤᠭᠤᠯᠤᠭᠠᠳ᠂ ᠬᠠᠷᠢ ᠬᠤᠯᠠ ᠠᠴᠠ ᠠᠭᠠᠰᠢᠵᠤ ᠶᠠᠪᠤᠨ᠎ᠠ᠃ - ︽ᠵᠠᠩᠭᠠᠷ ᠤᠨ ᠡᠬᠡ ᠮᠠᠲ᠋ᠧᠷᠢᠶᠠᠯ ︵7︶︾᠂ P.145-146︶          ᠬᠠᠷᠢ ᠳᠤ ᠤᠳᠬᠤ᠄ ᠬᠤᠯᠨ ᠭᠠᠵᠠᠷ ᠬᠤᠷᠢᠮᠯᠠᠬᠤ᠃          ᠬᠠᠷᠢ ᠳᠤ ᠭᠠᠷᠬᠤ᠄ ᠬᠤᠯᠨ ᠭᠠᠵᠠᠷ ᠬᠤᠷᠢᠮᠯᠠᠬᠤ᠃          ᠬᠠᠷ ᠬᠤᠷ ᠬᠢᠬᠦ᠄① ᠢᠯᠡᠭᠦᠦ ᠳᠤᠲᠠᠭᠤ ᠪᠤᠯᠴᠠᠬᠤ᠃ ② ᠪᠦᠳᠦᠭᠦᠯᠢᠭ ᠭᠦᠳᠡᠯᠴᠡ ᠪᠠᠷ ᠠᠨᠢᠷ ᠴᠢᠮᠡᠭᠡ ᠭᠠᠷᠭᠠᠬᠤ᠃ ︵ᠪᠢ ᠠᠭᠠᠭᠢ ᠳᠤ ᠠᠩᠬᠠᠷᠠᠭᠤᠯᠬᠤ ᠳᠤ ᠵᠥᠪᠲᠡᠢ ᠭᠡᠰᠡᠨ ᠶᠤᠮ ᠭᠡᠳ ᠭᠡᠷ ᠤᠨ ᠡᠭᠦᠳᠡ ᠶᠢ ᠬᠠᠷ ᠬᠤᠷ ᠭᠡᠲᠡᠯ᠎ᠡ ᠳᠤᠤᠭᠠᠷᠭᠠᠭᠠᠳ ᠭᠠᠷᠤᠭᠠᠳ ᠶᠠᠪᠤᠵᠤ ᠣᠳᠪᠠ᠃ - ᠬᠤ  ·  ᠪᠠᠳᠠᠢ᠄ ︽ᠠᠮᠠ ᠲᠠᠢ ᠪᠣᠷᠣ︾᠂ P.23︶          ᠬᠠᠷᠲ ᠬᠤᠷᠲ ᠬᠢᠬᠦ᠄ ᠢᠯᠡᠭᠦᠦ ᠳᠤᠲᠠᠭᠤ ᠪᠤᠯᠴᠠᠬᠤ ② ᠱᠦᠭᠦᠢ ᠬᠤᠷᠭᠤ ᠠᠭᠤᠳᠠᠯᠬᠤ ᠵᠡᠷᠭᠡ ᠬᠥᠳᠡᠯᠦᠯ ᠳᠤ ᠭᠠᠷᠬᠤ ᠠᠨᠢᠷ ᠴᠢᠮᠡᠭᠡ᠃          ᠬᠠᠷᠠᠩᠭᠤᠢ ᠬᠥᠮᠥᠨ᠄ ᠰᠣᠶᠣᠯ ᠦᠭᠡᠢ ᠬᠥᠮᠥᠨ᠃          ᠬᠠᠷᠪᠤᠭᠰᠠᠨ ᠫᠤᠤ ᠶᠢᠨ ᠰᠤᠮᠤᠨ ᠰᠢᠩᠭᠢ᠄ ᠰᠢᠭᠤᠳ ᠰᠢᠯᠤᠭᠤᠨ᠂ ᠲᠦᠷᠭᠡᠨ᠃          ᠬᠠᠷᠢᠭ ᠲᠠᠲᠠᠭ ᠭᠡᠭᠰᠡᠭᠡᠷ᠄ ᠢᠴᠢᠵᠦ ᠡᠮᠢᠶᠡᠬᠦ᠂ ᠡᠷᠡᠭᠡᠯᠵᠡᠨ ᠲᠠᠲᠠᠭᠠᠯᠵᠠᠬᠤ᠃ ︵ᠬᠡᠦᠬᠡᠨ ᠰᠢᠩᠭᠢ ᠬᠠᠷᠢᠭ ᠲᠠᠲᠠᠭ ᠭᠡᠭᠰᠡᠭᠡᠷ ᠠᠯᠬᠤᠯᠠᠨ ᠬᠠᠵᠠᠭᠤ ᠶᠢᠨ ᠠᠶᠢᠯ ᠳᠠᠭᠠᠨ ᠣᠷᠣᠯ᠎ᠠ᠃ - ᠮ᠊  ·  ᠵᠠᠯᠰᠠᠷᠠᠢ᠂ ︽ᠶᠠᠰᠤ ᠮᠢᠬᠠᠨ ᠤ ᠲᠠᠰᠤᠷᠬᠠᠢ︾᠂ ︽ᠨᠤᠲᠤᠭ ᠤᠨ ᠴᠡᠩᠬᠡᠷ ᠤᠳᠤᠭᠠᠨ︾᠂ P.102︶          ᠬᠠᠷᠢᠭ ᠵᠠᠩ ᠲᠠᠢ᠄ ᠢᠴᠢᠵᠦ ᠡᠮᠢᠶᠡᠳᠡᠭ᠂ ᠨᠢᠮᠭᠡᠨ ᠨᠢᠭᠤᠷ ᠲᠠᠢ᠃ ︵ᠭᠡᠭᠡᠨ ᠴᠠᠭᠠᠨ ᠡᠳᠦᠷ ᠢᠶᠠᠷ ᠴᠤ ᠬᠡᠦᠬᠡᠨ ᠬᠥᠮᠥᠨ ᠤ ᠬᠠᠵᠠᠭᠤ ᠳᠤ ᠢᠷᠡᠪᠡᠯ ᠭᠠᠵᠠᠷ ᠲᠤ ᠣᠷᠣᠵᠤ ᠣᠴᠢᠮᠠᠷ ᠢᠴᠢᠮᠡᠳᠤᠭᠡᠢ ᠬᠠᠷᠢᠭ ᠵᠠᠩ ᠲᠠᠢ ᠬᠥᠮᠥᠨ ᠪᠢ᠃ - ᠫᠥ᠌᠊  ·  ᠯᠠᠬᠪᠠ᠄ ︽ᠪᠥᠷᠲᠥᠯᠵᠡᠨ ᠬᠠᠷᠠᠭᠳᠠᠬᠤ ᠬᠠᠨ ᠠᠭᠤᠯᠠ ᠶᠢᠨ ᠪᠠᠷ᠎ᠠ︾᠂ ︽ᠰᠡᠬᠡᠭᠡᠷᠡᠭᠰᠡᠨ ᠲᠠᠯ᠎ᠠ - ᠰᠢᠨ᠎ᠡ ᠵᠠᠭᠤᠨ ᠤ ᠰᠢᠨᠵᠢᠶᠠᠩ ᠤᠨ ᠮᠣᠩᠭᠤᠯ ᠥᠭᠦᠯᠡᠯᠭᠡ ᠶᠢᠨ ᠰᠣᠩᠭᠤᠮᠠᠯ︾᠂ P.394︶          ᠭᠡ᠊᠆          ᠬᠡᠢ ᠡᠵᠡᠯᠡᠬᠦ᠄ ᠬᠤᠭᠤᠰᠤᠨ ᠪᠠᠶᠢᠬᠤ᠃          ᠬᠡᠢ ᠣᠭᠤᠴᠢᠯᠠᠬᠤ᠄① ᠰᠠᠨᠠᠭᠠᠨ ᠠᠴᠠ ᠭᠠᠳᠠᠭᠤᠷ ᠵᠦᠢᠯ ᠬᠠᠷᠠᠭᠠᠳ ᠭᠠᠶᠢᠬᠠᠬᠤ᠃② ᠨᠢᠭᠡ ᠵᠦᠢᠯ ᠭᠡᠨᠡᠳᠲᠡ ᠰᠠᠨᠠᠭᠳᠠᠬᠤ᠃          ᠬᠡᠢ ᠭᠶᠢᠯᠡᠭᠦ᠄ ᠬᠤᠭᠤᠰᠤᠨ ᠪᠠᠶᠢᠬᠤ᠃          ᠬᠡᠶᠢᠮᠣᠷᠢ ᠶᠢ ᠨᠢ ᠦᠬᠡᠷ ᠭᠡᠪᠭᠰᠡᠨ᠄ ᠠᠵᠢᠯ ᠦᠢᠯᠡᠰ ᠨᠢ ᠪᠦᠲᠦᠮᠵᠢ ᠦᠭᠡᠢ᠃          ᠬᠡᠢ ᠬᠠᠪᠯᠠᠭᠠᠳ ᠦᠯᠡᠳᠡᠬᠦ᠄ ᠬᠤᠭᠤᠰᠤᠨ ᠬᠤᠴᠣᠷᠬᠤ᠃          ᠬᠡᠢ ᠭᠠᠢ ᠳᠤ ᠣᠳ᠄ ᠮᠠᠭᠤ ᠳᠤ ᠣᠴᠢᠲᠤᠭᠠᠢ᠃          ᠬᠡᠢ ᠨᠢ ᠨᠢᠭᠡ᠄ ᠬᠡᠯᠡᠯᠴᠡᠵᠦ ᠲᠣᠬᠢᠷᠠᠬᠤ᠃ ︵ᠠᠮᠪᠠᠨ ᠯᠤᠭ᠎ᠠ ᠬᠡᠢ ᠨᠢ ᠨᠢᠭᠡ᠃ - ᠡ᠊  ·  ᠭᠡᠨᠵᠡᠢ᠄ ︽ᠦᠷ ᠤᠨ ᠡᠮᠦᠨ᠎ᠡ︾᠂ P.328︶          ᠬᠡᠢ ᠪᠠᠨ ᠨᠢᠭᠡᠳᠬᠡᠬᠦ᠄ ᠬᠡᠯᠡᠯᠴᠡᠵᠦ ᠲᠣᠬᠢᠷᠠᠬᠤ᠃ ︵ᠭᠡᠪᠰᠢ ᠯᠠᠮᠠ ᠯᠤᠭ᠎ᠠ ᠬᠡᠢ ᠪᠠᠨ ᠨᠢᠭᠡᠳᠬᠡᠵᠦ᠂ ᠬᠦᠢᠰᠦ ᠪᠠᠨ ᠬᠤᠯᠪᠣᠵᠤ ᠠᠪᠤᠭᠠᠳ ᠶᠠᠭᠠᠭᠢᠰᠤ ᠭᠡᠵᠦ ᠪᠠᠶᠢᠨ᠎ᠠ ᠴᠢ᠃ - ᠡ᠊  ·  ᠭᠡᠨᠵᠡᠢ᠄ ︽ᠦᠷ ᠤᠨ ᠡᠮᠦᠨ᠎ᠡ︾ ᠂ P.122︶          ᠬᠡᠢ ᠳᠤᠨᠢ ᠲᠠᠭᠠᠷᠠᠬᠤ᠄ ᠪᠤᠳᠤᠯ ᠰᠡᠳᠬᠢᠯ ᠳᠤᠨᠢ ᠨᠡᠶᠢᠴᠡᠬᠦ᠃ ︵ᠲᠡᠭᠦᠨ ᠤ ᠬᠡᠯᠡᠭᠰᠡᠨ ᠦᠭᠡ ᠬᠡᠢ ᠳᠤᠨᠢ ᠲᠠᠭᠠᠷᠠᠬᠰᠠᠨ ᠰᠢᠭ᠋ ᠠᠮᠤᠷᠪᠠᠶᠠᠷ ᠬᠡᠯᠡᠬᠦ ᠳᠤ ᠁᠃ - ᠬᠠ᠊  · ᠬᠥᠮᠦᠵᠢᠯ᠄ ︽ᠰᠣᠶᠣᠯ ᠤᠨ ᠪᠠᠳᠢᠷᠴᠢ︾᠂ P.106︶          ᠬᠡᠢ ᠪᠠᠨ ᠲᠠᠰᠤᠯᠬᠤ ᠦᠭᠡᠢ᠄ ᠦᠭᠡ ᠶᠠᠷᠢᠶ᠎ᠠ ᠶᠡᠭᠡ ᠲᠠᠢ᠃ ︵ᠪᠦᠰᠡ ᠶᠢᠨ ᠢᠶᠠᠨ ᠦᠵᠦᠭᠦᠷ ᠢᠶᠠᠷ ᠴᠢᠷᠠᠢ ᠪᠠᠨ ᠠᠷᠴᠢᠬᠤ ᠶᠢᠨ ᠵᠠᠭᠤᠷ᠎ᠠ ᠬᠡᠢ ᠪᠠᠨ ᠲᠠᠰᠤᠯᠤᠯ ᠦᠭᠡᠢ ᠪᠤᠷᠠᠵᠤ ᠶᠠᠪᠤᠨ᠎ᠠ᠃ - ᠡ᠊  · ᠭᠡᠨᠵᠡᠢ᠄ ︽ᠦᠷ ᠤᠨ ᠡᠮᠦᠨ᠎ᠡ︾᠂ P.363︶          ᠬᠡᠢ ᠨᠢ ᠭᠠᠷᠬᠤ᠄ ᠬᠦᠴᠦᠨ ᠴᠢᠳᠠᠯ ᠦᠭᠡᠢ ᠪᠤᠯᠬᠤ᠂ ᠲᠠᠭᠤᠨ ᠦᠭᠡᠢ ᠪᠤᠯᠬᠤ᠃          ᠬᠡᠢ ᠨᠢ ᠭᠠᠷᠤᠭᠰᠠᠨ ᠪᠥᠮᠪᠦᠭᠡ ᠬᠡᠪᠲᠡᠢ᠄ ᠦᠭᠡ ᠲᠠᠭᠤᠨ ᠦᠭᠡᠢ ᠪᠤᠯᠬᠤ᠃ ︵᠁ ᠪᠢ ᠠᠭᠠᠵᠢᠮ ᠠᠭᠠᠵᠢᠮ ᠢᠶᠠᠷ ᠨᠣᠮᠣᠬᠠᠷᠠᠨ᠂ ᠣᠳᠣᠬᠠᠨ ᠰᠢᠭ᠋ ᠳᠣᠭᠰᠢᠷᠠᠨ ᠠᠭᠤᠷᠯᠠᠬᠤ ᠦᠭᠡᠢ ᠪᠣᠯᠵᠤ᠂ ᠬᠡᠢ ᠨᠢ ᠭᠠᠷᠤᠭᠰᠠᠨ ᠪᠥᠮᠪᠦᠭᠡ ᠰᠢᠭ ᠲᠡᠭᠦᠨ ᠤ ᠡᠮᠦᠨ᠎ᠡ ᠵᠣᠭᠰᠣᠯ᠎ᠠ᠃ - ᠳᠤ  ·  ᠨᠠᠶᠢᠳᠠᠢ᠄ ︽ᠠᠮᠢᠯᠠᠭᠰᠠᠨ ᠭᠤᠪᠢ︾᠂ P.147︶          ᠬᠡᠢ ᠭᠠᠷᠭᠠᠬᠤ ᠦᠭᠡᠢ᠄ ① ᠪᠢᠴᠢᠬᠠᠨ ᠴᠤ ᠮᠠᠭᠤ ᠪᠠᠨ ᠮᠡᠳᠡᠭᠦᠯᠬᠦ ᠦᠭᠡᠢ᠂ ᠨᠢᠭᠤᠴᠠ ᠪᠠᠨ ᠪᠠᠲᠤ ᠰᠠᠬᠢᠵᠤ ᠴᠢᠳᠠᠳᠠᠭ᠃② ᠵᠠᠬᠢᠷᠤᠨ ᠵᠠᠩᠳᠤᠷᠴᠤ ᠦᠭᠡ ᠶᠠᠷᠢᠭᠤᠯᠬᠤ ᠦᠭᠡᠢ᠃ ︵ᠲᠡᠷᠡ ᠳᠣᠬᠰᠢᠨ ᠡᠮᠡᠭᠡᠨ ᠪᠡᠷᠢ ᠪᠠᠨ ᠬᠡᠢ ᠭᠠᠷᠭᠠᠭᠤᠯᠬᠤ ᠦᠭᠡᠢ︶          ᠬᠡᠢ ᠨᠢ ᠬᠥᠳᠡᠯᠬᠦ᠄ ① ᠠᠭᠤᠷᠯᠠᠵᠤ ᠪᠠᠴᠢᠮᠳᠠᠨ ᠲᠣᠭᠲᠠᠪᠤᠷᠢ ᠠᠯᠳᠠᠵᠤ ᠠᠭᠠᠰᠢ ᠵᠠᠩ ᠨᠢ ᠮᠠᠭᠤᠳᠠᠬᠤ᠃ ② ᠮᠢᠬ᠎ᠠ ᠱᠥᠯᠥ ᠳᠤᠲᠠᠭᠰᠠᠨ ᠠᠴᠠ ᠪᠣᠯᠵᠤ ᠪᠡᠶ᠎ᠡ ᠮᠠᠭᠤᠳᠠᠬᠤ᠃ ︵ᠡᠨᠡ ᠬᠥᠬᠡ ᠠᠪᠠᠭᠠᠢ ᠶᠢᠨ ᠬᠡᠢ ᠨᠢ ᠬᠥᠳᠡᠯᠦᠭᠰᠡᠨ ᠰᠡᠨᠵᠢ ᠰᠢᠤ᠃ - ᠡ᠊  ·  ᠭᠡᠨᠵᠡᠢ᠄ ︽ᠦᠷ ᠤᠨ ᠡᠮᠦᠨ᠎ᠡ︾᠂ P.103︶                     ︵ᠦᠷᠭᠦᠯᠵᠢᠯᠡᠯ ᠪᠤᠢ︶      
 
ᠢᠷᠡᠯᠲᠡ᠄ ᠠᠯᠠᠱᠠ ᠶᠢᠨ ᠡᠳᠦᠷ ᠤᠨ ᠰᠣᠨᠢᠨ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号