ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
﹇ᠤᠷᠠᠨ ᠵᠣᠬᠢᠶᠠᠯ﹈  ᠮᠢᠨᠤ ᠬᠠᠶᠢᠷ᠎ᠠ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2025/5/20
         ᠳᠠᠪᠬᠤᠷᠪᠠᠶᠠᠷ                                 ︵ᠭᠠᠳᠠᠨ᠎ᠠ ᠨᠢᠭᠡ︶                    ᠳᠡᠭᠡᠳᠦᠰ ᠬᠤᠯᠤᠨᠴᠠ ᠶᠢᠨ ᠮᠢᠨᠢ ᠲᠡᠭᠷᠢ ᠳᠡᠭᠡᠨ ᠡᠷᠭᠦᠭᠰᠡᠨ ᠰᠠᠴᠤᠯᠢ ᠰᠦᠨ ᠳᠤ          ᠮᠢᠨᠤ ᠬᠠᠶᠢᠷ᠎ᠠ ᠪᠠᠶᠢᠳᠠᠭ          ᠳᠡᠷᠭᠡᠳᠡᠭᠦᠷ ᠤᠷᠤᠰᠤᠨ ᠤᠳᠬᠤ ᠰᠠᠯᠬᠢᠨ ᠤ ᠲᠣᠷᠭᠠᠨ ᠮᠢᠷᠠᠯᠵᠠᠭᠠᠨ ᠳᠤ          ᠮᠢᠨᠤ ᠬᠠᠶᠢᠷ᠎ᠠ ᠪᠠᠶᠢᠳᠠᠭ          ᠠᠯᠤᠰ ᠨᠤᠲᠤᠭ ᠠᠴᠠ ᠬᠥᠪᠴᠦ ᠢᠷᠡᠭᠰᠡᠨ ᠬᠤᠷ᠎ᠠ ᠶᠢᠨ ᠡᠭᠦᠯᠡᠨ ᠤ ᠤᠭᠠᠯᠵᠠᠨ ᠳᠤ          ᠮᠢᠨᠤ ᠬᠠᠶᠢᠷ᠎ᠠ ᠪᠠᠶᠢᠳᠠᠭ          ᠠᠯᠠᠭ ᠳᠡᠯᠡᠬᠡᠢ ᠪᠠᠨ ᠡᠰᠡᠨᠢᠭᠦᠯᠵᠦ ᠠᠮᠢᠯᠠᠭᠤᠯᠳᠠᠭ ᠪᠣᠷᠣᠭᠠᠨ ᠤ ᠢᠯᠳᠠᠮᠬᠠᠨ ᠲᠤᠰᠤᠯ ᠤᠳ ᠲᠤ          ᠮᠢᠨᠤ ᠬᠠᠶᠢᠷ᠎ᠠ ᠪᠠᠶᠢᠳᠠᠭ          ᠠᠮᠠᠷᠠᠭ ᠬᠤᠩᠭᠤᠷᠬᠠᠨ ᠴᠢᠨᠦ ᠮᠢᠨᠢ ᠤᠷᠤᠭᠤᠯ ᠠᠨᠢᠰᠬ᠎ᠠ ᠶᠢᠨ ᠬᠤᠭᠤᠷᠣᠨᠳᠤ          ᠮᠢᠨᠤ ᠬᠠᠶᠢᠷ᠎ᠠ ᠪᠠᠶᠢᠳᠠᠭ          ᠠᠮᠢᠲᠠᠨ ᠪᠦᠭᠦᠨ ᠢ ᠪᠠᠶᠠᠰᠬᠠᠵᠤ ᠵᠢᠷᠭᠠᠭᠤᠯᠬᠤ ᠤᠶᠠᠬᠠᠨ ᠠᠭᠠᠰᠢᠨ ᠳᠤ ᠴᠢᠨᠢ          ᠮᠢᠨᠤ ᠬᠠᠶᠢᠷ᠎ᠠ ᠪᠠᠶᠢᠳᠠᠭ                    ᠲᠠᠯ᠎ᠠ ᠶᠢᠨ ᠢᠶᠠᠨ ᠡᠯᠢᠭᠡᠨ ᠳᠤ ᠭᠤᠩᠬᠠᠨ ᠨᠠᠶᠢᠭᠤᠬᠤ ᠪᠤᠮᠠᠨ ᠴᠡᠴᠡᠭ ᠤᠨ ᠲᠡᠯᠪᠢᠭᠡᠨ ᠳᠠᠬᠢ          ᠰᠢᠭᠦᠳᠡᠷᠢ ᠶᠢᠨ ᠮᠡᠯᠲᠡᠭᠡᠨᠡᠭᠰᠡᠨ ᠮᠥᠬᠦᠯᠢᠭ ᠤᠳ ᠲᠤ ᠮᠢᠨᠤ ᠬᠠᠶᠢᠷ᠎ᠠ ᠪᠠᠶᠢᠳᠠᠭ          ᠲᠠᠯ᠎ᠠ ᠳᠠᠭᠠᠨ ᠬᠤᠷᠭᠤᠳᠠᠵᠤ ᠠᠭᠤᠯᠠ ᠪᠠᠨ ᠡᠷᠬᠡᠯᠡᠭᠦᠯᠦᠭᠰᠡᠨ          ᠰᠠᠷᠠᠨ ᠤ ᠮᠥᠩᠭᠦᠨ ᠲᠤᠶᠠᠭᠠᠨ ᠤ ᠲᠦᠮᠡᠨ ᠰᠠᠴᠤᠷᠠᠭ ᠲᠤ ᠮᠢᠨᠤ ᠬᠠᠶᠢᠷ᠎ᠠ ᠪᠠᠶᠢᠳᠠᠭ          ᠣᠩᠭᠤᠨ ᠲᠡᠭᠷᠢ ᠣᠷᠴᠢᠯᠠᠩ ᠳᠡᠯᠡᠬᠡᠢ ᠶᠢᠨ ᠰᠢᠲᠦᠭᠡᠨ ᠲᠠᠭᠢᠯᠭ᠎ᠠ          ᠣᠪᠣᠭᠠᠨ ᠤ ᠰᠢᠷᠬᠡᠭ ᠴᠢᠯᠠᠭᠤ ᠪᠣᠯᠭᠠᠨ ᠳᠤ ᠮᠢᠨᠤ ᠬᠠᠶᠢᠷ᠎ᠠ ᠪᠠᠶᠢᠳᠠᠭ          ᠰᠣᠯᠢᠷ ᠬᠠᠷᠪᠤᠨ ᠭᠢᠯᠠᠰᠭᠢᠬᠤ ᠲᠦᠨᠡᠷ ᠰᠥᠨᠢ ᠶᠢᠨ ᠣᠳᠣᠳ ᠤᠨ ᠳᠠᠯᠠᠢ          ᠲᠡᠭᠷᠢ ᠶᠢᠨ ᠣᠶᠣᠳᠠᠯ ᠤᠨ ᠮᠥᠩᠭᠦᠨ ᠭᠤᠣᠯ ᠳᠤ ᠮᠢᠨᠤ ᠬᠠᠶᠢᠷ᠎ᠠ ᠪᠠᠶᠢᠳᠠᠭ          ᠭᠦᠪᠡᠭᠡ ᠨᠢ ᠬᠠᠷᠠᠭᠳᠠᠬᠤ ᠦᠭᠡᠢ ᠡᠯᠡᠰᠦᠨ ᠮᠠᠩᠬ᠎ᠠ ᠲᠠᠢ          ᠵᠠᠭ ᠲᠠᠢ ᠰᠢᠷᠭᠠᠯ ᠭᠤᠪᠢ ᠶᠢᠨ ᠥᠷᠥᠴᠡᠨ ᠳᠤ ᠮᠢᠨᠤ ᠬᠠᠶᠢᠷ᠎ᠠ ᠪᠠᠶᠢᠳᠠᠭ          ᠬᠥᠬᠦᠭᠡ ᠰᠢᠪᠠᠭᠤ ᠳᠣᠩᠭᠤᠳᠤᠨ ᠳᠠᠭᠤᠯᠠᠳᠠᠭ          ᠬᠥᠪᠴᠢ ᠶᠢᠨ ᠣᠢ ᠶᠢᠨ ᠮᠣᠳᠣᠳ ᠤᠨ ᠬᠡᠶᠢᠷᠬᠡᠯ ᠳᠤ ᠮᠢᠨᠤ ᠬᠠᠶᠢᠷ᠎ᠠ ᠪᠠᠶᠢᠳᠠᠭ          ᠨᠠᠯᠠᠭᠠᠷ ᠲᠠᠯ᠎ᠠ ᠳᠠᠭᠠᠨ ᠰᠤᠮᠤᠳᠠᠵᠤ ᠳᠣᠪᠲᠤᠯᠤᠭᠰᠠᠨ ᠬᠤᠷᠳᠤᠨ ᠭᠦᠯᠦᠭ ᠤᠨ          ᠨᠠᠭᠠᠰᠢᠯᠠᠵᠤ ᠢᠷᠡᠬᠦ ᠲᠤᠭᠤᠷᠠᠢ ᠶᠢᠨ ᠲᠣᠭᠤᠰᠣᠨ ᠤ ᠮᠠᠨᠠᠷᠠᠭᠠᠨ ᠳᠤ ᠮᠢᠨᠤ ᠬᠠᠶᠢᠷ᠎ᠠ ᠪᠠᠶᠢᠳᠠᠭ          ᠨᠠᠭᠠᠳᠴᠤ ᠲᠣᠭᠯᠠᠨ ᠦᠶᠡᠷᠬᠡᠭᠰᠡᠨ ᠪᠠᠭ᠎ᠠ ᠶᠢᠨ ᠳᠤᠷᠠᠳᠬᠠᠯ ᠳᠤ ᠭᠡᠷᠡᠯᠳᠤᠭᠦ          ᠨᠠᠭᠠᠯᠢᠩᠬᠠᠢ ᠴᠢᠨᠦ ᠬᠠᠴᠠᠷ ᠲᠠᠭᠠᠨ ᠪᠠᠭᠤᠭᠰᠠᠨ ᠭᠡᠵᠢᠭᠡᠨ ᠤ ᠰᠢᠷᠬᠡᠭ ᠲᠤ ᠮᠢᠨᠤ ᠬᠠᠶᠢᠷ᠎ᠠ ᠪᠠᠶᠢᠳᠠᠭ                    ᠪᠢᠴᠢᠵᠦ ᠤᠳᠠᠭᠰᠠᠨ ᠵᠠᠬᠢᠳᠠᠯ ᠤᠨ ᠰᠢᠷᠠᠯᠠᠵᠤ ᠬᠠᠭᠤᠴᠢᠷᠠᠭᠰᠠᠨ ᠴᠠᠭᠠᠰᠤᠨ ᠤ          ᠪᠠᠯᠠᠷᠬᠠᠢ ᠬᠠᠷᠠᠭᠳᠠᠬᠤ ᠦᠰᠦᠭ ᠤᠨ ᠬᠢᠨᠢ ᠠᠴᠤᠭ ᠴᠠᠴᠤᠯᠭ᠎ᠠ ᠳᠤ ᠮᠢᠨᠤ ᠬᠠᠶᠢᠷ᠎ᠠ ᠪᠠᠶᠢᠳᠠᠭ          ᠦᠨᠦᠰᠴᠦ ᠶᠡᠷᠦᠳᠡᠭᠡᠨ ᠬᠠᠨᠤᠳᠠᠭ ᠦᠭᠡᠢ ᠬᠥᠭᠡᠷᠦᠬᠦᠨ ᠪᠣᠷᠣ ᠬᠠᠴᠠᠷ ᠤᠨ ᠴᠢᠨᠢ          ᠬᠤᠣᠰ ᠬᠤᠶᠠᠷ ᠬᠤᠨᠳᠠᠭᠠᠨ ᠳᠤ ᠮᠢᠨᠤ ᠬᠠᠶᠢᠷ᠎ᠠ ᠪᠠᠶᠢᠳᠠᠭ          ᠬᠤᠯᠠ ᠶᠢ ᠵᠣᠷᠢᠵᠤ ᠠᠯᠤᠰ ᠲᠤ ᠭᠠᠷᠬᠤ ᠳᠤ          ᠬᠤᠶᠢᠨ᠎ᠠ ᠠᠴᠠ ᠮᠢᠨᠢ ᠳᠠᠯᠠᠯᠵᠤ ᠬᠤᠴᠣᠷᠤᠭᠰᠠᠨ ᠠᠯᠴᠢᠭᠤᠷ ᠤᠨ ᠴᠢᠨᠢ ᠦᠵᠦᠭᠦᠷ ᠲᠤ ᠮᠢᠨᠤ ᠬᠠᠶᠢᠷ᠎ᠠ ᠪᠠᠶᠢᠳᠠᠭ          ᠪᠢᠴᠢᠭᠰᠡᠨ ᠰᠢᠯᠦᠭ ᠢ ᠤᠩᠰᠢᠵᠤ ᠮᠡᠯᠮᠡᠢ ᠳᠦᠭᠦᠷᠭᠡᠵᠦ ᠠᠰᠬᠠᠷᠠᠬᠤ          ᠪᠢᠷ ᠪᠡᠬᠡᠰ ᠤᠨ ᠰᠣᠳᠣᠨ ᠦᠨᠦᠷ ᠲᠤ ᠮᠢᠨᠤ ᠬᠠᠶᠢᠷ᠎ᠠ ᠪᠠᠶᠢᠳᠠᠭ          ᠠᠭᠤᠳᠠᠮ ᠲᠠᠯ᠎ᠠ ᠬᠥᠨᠳᠡᠢ ᠪᠠᠨ ᠢᠵᠠᠭᠤᠷ ᠬᠥᠭᠵᠢᠮ ᠢᠶᠠᠷ ᠴᠢᠪᠬᠠᠳᠠᠳᠠᠭ          ᠠᠭᠤᠯᠠ ᠶᠢᠨ ᠪᠤᠶᠢᠯᠠᠯᠭ᠎ᠠ ᠴᠤᠤᠷᠢᠶᠠᠲᠤᠭᠰᠠᠨ ᠠᠭᠤᠵᠢᠮ ᠬᠥᠳᠡᠭᠡ ᠳᠤ ᠮᠢᠨᠤ ᠬᠠᠶᠢᠷ᠎ᠠ ᠪᠠᠶᠢᠳᠠᠭ          ᠠᠶᠢᠯ ᠠᠴᠠ ᠮᠣᠷᠳᠠᠨ ᠭᠠᠷᠬᠤ ᠳᠤ ᠠᠭᠰᠤᠮ ᠮᠣᠷᠢ ᠴᠣᠷᠣᠶᠢᠨ ᠴᠤᠪᠬᠤᠴᠠᠳᠠᠭ          ᠠᠭᠤᠷᠮᠠᠭ ᠭᠦᠯᠦᠭ ᠤᠨ ᠠᠮᠠᠭᠠᠢ ᠶᠢᠨ ᠲᠠᠲᠠᠯᠭ᠎ᠠ ᠳᠤ ᠮᠢᠨᠤ ᠬᠠᠶᠢᠷ᠎ᠠ ᠪᠠᠶᠢᠳᠠᠭ          ᠡᠭᠦᠷ ᠲᠠᠬᠢ ᠠᠩᠭᠠᠬᠠᠢ ᠳᠠᠭᠠᠨ ᠠᠮᠢᠵᠢᠷᠠᠯ ᠢᠶᠠᠨ ᠲᠡᠭᠡᠭᠡᠵᠦ          ᠤᠰᠤ ᠰᠢᠩᠭᠡᠭᠡᠭᠰᠡᠨ ᠰᠢᠪᠠᠭᠤᠨ ᠤ ᠡᠯᠢᠭᠡᠨ ᠦᠰᠦᠨ ᠳᠤ ᠮᠢᠨᠤ ᠬᠠᠶᠢᠷ᠎ᠠ ᠪᠠᠶᠢᠳᠠᠭ                    
 
ᠢᠷᠡᠯᠲᠡ᠄ ᠠᠯᠠᠱᠠ ᠶᠢᠨ ᠡᠳᠦᠷ ᠤᠨ ᠰᠣᠨᠢᠨ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号