| ᠳᠠᠪᠬᠤᠷᠪᠠᠶᠠᠷ | | | | | | | ᠥᠭᠡᠳᠡᠯᠡᠬᠦ ᠨᠠᠷᠠᠨ ᠳᠣᠷᠤᠨᠠ ᠲᠡᠭᠷᠢ ᠠᠴᠠ ᠤᠯᠠᠪᠤᠷ ᠲᠤᠶᠠᠭᠠ ᠲᠠᠲᠠᠨ ᠮᠠᠨᠳᠤᠵᠤ | ᠥᠩ ᠳᠡᠯᠡᠬᠡᠢ ᠳᠤ ᠭᠡᠷᠡᠯ ᠢᠪᠡᠭᠡᠵᠦ ᠮᠢᠩᠭᠠᠨ ᠪᠣᠳᠠᠰ ᠢ ᠪᠦᠯᠢᠶᠡᠰᠬᠡᠨᠡ | ᠪᠥᠭᠡᠷᠡᠭ ᠤᠨ ᠨᠥᠮᠥᠷᠢ ᠳᠤ ᠬᠤᠨᠣᠭᠰᠠᠨ ᠲᠠᠤᠯᠠᠢ ᠪᠡᠭᠡᠷᠡᠭᠰᠡᠨ ᠪᠡᠶᠡ ᠪᠠᠨ ᠰᠤᠨᠢᠶᠠᠵᠤ | ᠠᠭᠤᠯᠠᠨ ᠬᠢᠷᠠ ᠶᠢ ᠳᠠᠭᠠᠵᠤ ᠴᠠᠰᠤᠨ ᠭᠢᠯᠲᠠᠭᠠᠨᠠᠭᠤᠷ ᠬᠡᠶᠢᠰᠦᠨᠡ | ᠳᠡᠯᠭᠡᠭᠰᠡᠨ ᠵᠢᠷᠤᠭ ᠰᠢᠭ᠋ ᠵᠡᠭᠦᠳᠦᠨ ᠭᠤᠪᠢ | ᠮᠢᠨᠤ ᠨᠤᠲᠤᠭ ᠤᠨ ᠡᠪᠦᠯ ᠤᠨ ᠦᠷᠦᠭᠦᠨ ᠠᠮᠢᠵᠢᠷᠠᠯ ᠵᠢᠷᠭᠠᠯ ᠳᠦᠭᠦᠷᠡᠩ | | ᠰᠠᠭᠰᠤᠷᠭᠠ ᠣᠶᠢᠭᠰᠠᠨ ᠮᠥᠩᠭᠦᠨ ᠲᠠᠯᠠ ᠳᠤ ᠴᠠᠩ ᠲᠠᠲᠠᠭᠰᠠᠨ ᠠᠳᠤᠭᠤᠳ ᠢᠨᠴᠠᠭᠠᠯᠳᠤᠵᠤ | ᠨᠠᠷᠠ ᠳᠤᠰᠤᠭᠰᠠᠨ ᠲᠡᠮᠡᠭᠡᠳ ᠤᠨ ᠵᠣᠭᠳᠣᠷ ᠭᠠᠯ ᠳᠦᠷᠡᠯᠵᠡᠭᠰᠡᠨ ᠰᠢᠭ ᠳᠤᠯᠠᠭᠠᠬᠠᠨ | ᠰᠠᠶᠢᠬᠠᠨ ᠤ ᠢᠷᠦᠭᠡᠯ ᠰᠢᠩᠭᠡᠭᠡᠭᠰᠡᠨ ᠲᠠᠯᠠ ᠶᠢᠨ ᠵᠢᠪᠠᠷ ᠮᠢᠷᠠᠯᠵᠠᠭᠠᠳ | ᠠᠯᠤᠰ ᠰᠤᠨᠤᠭᠰᠠᠨ ᠵᠠᠮ ᠤᠨ ᠦᠵᠦᠭᠦᠷ ᠲᠡᠭᠷᠢ ᠶᠢᠨ ᠬᠠᠶᠠᠭᠠᠨ ᠳᠤ ᠬᠤᠯᠪᠣᠯᠳᠤᠨ | ᠲᠠᠰᠭᠢᠮᠠ ᠬᠦᠢᠲᠡᠨ ᠲᠡᠷᠭᠡᠯ ᠬᠥᠳᠡᠭᠡ | ᠮᠢᠨᠤ ᠨᠤᠲᠤᠭ ᠤᠨ ᠡᠪᠦᠯ ᠤᠨ ᠲᠠᠯᠠ ᠠᠯᠤᠰ ᠤᠨ ᠬᠠᠷᠠᠭᠠᠨ ᠳᠤ ᠠᠭᠤᠳᠠᠮ ᠴᠡᠯᠡᠭᠡᠷ | | ᠴᠠᠰᠤᠲᠠᠢ ᠠᠭᠤᠵᠢᠮ ᠬᠥᠨᠳᠡᠢ ᠰᠢᠯᠢ ᠪᠠᠷ ᠰᠦᠷᠦᠭ ᠤᠳ ᠪᠡᠯᠴᠢᠭᠡᠷᠯᠡᠨ | ᠬᠠᠭᠳᠠ ᠡᠪᠡᠰᠦ ᠬᠠᠷᠭᠠᠨᠠ ᠶᠢᠨ ᠪᠤᠷᠠᠭᠠᠨ ᠳᠤ ᠪᠥᠭᠡᠮᠨᠡᠷᠡᠨᠡ | ᠤᠷᠲᠤ ᠶᠢᠨ ᠳᠠᠭᠤᠤ ᠳᠤ ᠭᠠᠷᠳᠠᠭ ᠦᠯᠢᠭᠡᠷ ᠴᠦ ᠶᠤᠮ ᠰᠢᠭ | ᠤᠨᠢᠶᠠᠷ ᠮᠠᠨᠠᠨ ᠤ ᠳᠤᠮᠳᠠ ᠵᠢᠰᠦᠨ ᠴᠣᠬᠤᠷ ᠵᠡᠭᠡᠷᠡ ᠴᠠᠭᠢᠯᠤᠨᠠ | ᠪᠤᠳᠤᠯ ᠳᠤ ᠬᠤᠨᠤᠭᠰᠢᠭᠰᠠᠨ ᠪᠤᠭᠤᠷᠤᠯ ᠡᠪᠦᠯᠵᠢᠶᠡ | ᠮᠢᠨᠤ ᠨᠤᠲᠤᠭ ᠤᠨ ᠡᠪᠦᠯ ᠤᠨ ᠬᠥᠳᠡᠭᠡ ᠨᠢᠳᠦ ᠤᠨᠠᠭᠠᠬᠤ ᠬᠠᠶᠢᠷᠠ ᠶᠢᠨ ᠪᠦᠪᠡᠢ | | ᠨᠤᠭᠲᠤᠷᠤ ᠶᠢᠨ ᠪᠠᠭᠤᠴᠠᠨ ᠤ ᠵᠢᠵᠢᠭᠬᠡᠨ ᠳᠤᠭᠤᠢ ᠬᠤᠩᠬᠤᠷ ᠤᠳ ᠨᠢ | ᠰᠢᠪᠠᠭᠤᠨ ᠡᠯᠢᠭᠡᠨ ᠤ ᠬᠠᠶᠢᠷᠠ ᠶᠢᠨ ᠢᠯᠴᠢᠨ ᠳᠤ ᠳᠤᠯᠠᠭᠠᠴᠠᠨᠠ | ᠰᠢᠳᠦ ᠲᠠᠴᠢᠭᠢᠨᠠᠭᠤᠯᠤᠭᠰᠠᠨ ᠬᠠᠲᠠᠭᠤ ᠴᠢᠯᠳᠡᠩ ᠰᠠᠯᠬᠢ ᠨᠢ | ᠬᠠᠳᠠᠨ ᠵᠠᠪᠰᠠᠷ ᠢᠶᠠᠷ ᠱᠤᠤᠭᠢᠨ ᠢᠷᠠᠭᠤ ᠠᠶᠠᠰ ᠤᠶᠠᠩᠭᠠᠷᠠᠨᠠ | ᠭᠠᠩᠭᠠᠩ ᠪᠠᠶᠢᠭᠠᠯᠢ ᠳᠤ ᠬᠤᠣᠰ ᠦᠭᠡᠢ ᠥᠯᠥᠭᠡᠢ | ᠮᠢᠨᠤ ᠨᠤᠲᠤᠭ ᠤᠨ ᠡᠪᠦᠯ ᠤᠨ ᠪᠡᠯᠴᠢᠭᠡᠷ ᠣᠮᠣᠭᠲᠤ ᠮᠠᠯᠴᠢᠳ ᠤᠨ ᠳᠣᠮᠣᠭᠲᠤ ᠲᠠᠯᠠ | | ᠭᠡᠷ ᠤᠨ ᠲᠣᠭᠤᠨᠣ ᠪᠠᠷ ᠭᠠᠯ ᠤᠨ ᠣᠴᠢ ᠣᠭᠲᠠᠷᠭᠤᠢ ᠳᠤ ᠲᠦᠭᠡᠨ ᠠᠨᠢᠪᠴᠢᠭᠠᠳ | ᠬᠠᠶᠠᠭᠠ ᠳᠡᠷᠡᠯᠡᠭᠰᠡᠨ ᠵᠢᠷᠦᠬᠡ ᠴᠠᠭᠠᠨ ᠭᠠᠷᠵᠢ ᠰᠡᠭᠦᠯ ᠢᠶᠠᠨ ᠡᠪᠬᠡᠨ ᠵᠣᠭᠤᠰᠤᠯᠠᠨᠠ | ᠬᠤᠲᠠᠨ ᠵᠠᠬᠠ ᠪᠠᠷ ᠥᠨᠳᠥᠷ ᠵᠠᠭ ᠤᠳ ᠰᠦᠭᠯᠡᠶᠢᠨ | ᠡᠪᠦᠭᠡᠳ ᠤᠨ ᠢᠨᠢᠶᠡᠳᠦ ᠰᠥᠨᠢ ᠶᠢᠨ ᠠᠭᠠᠷ ᠲᠤ ᠴᠤᠤᠷᠢᠶᠠᠲᠤᠨᠠ | ᠲᠡᠭᠷᠢᠯᠢᠭ ᠳᠡᠭᠡᠳᠦᠰ ᠤᠨ ᠮᠢᠨᠢ ᠪᠤᠶᠠᠨ ᠰᠢᠩᠭᠡᠭᠰᠡᠨ | ᠮᠢᠨᠤ ᠨᠤᠲᠤᠭ ᠤᠨ ᠡᠪᠦᠯ ᠤᠨ ᠠᠰᠬᠠᠨ ᠠᠮᠤᠭᠤᠯᠠᠩ ᠲᠠᠶᠢᠪᠤᠩ ᠳᠤᠭᠵᠢᠷᠠᠨᠠ᠃ |