| ᠲ᠊ · ᠪᠠᠲᠤᠪᠤᠶᠠᠨ | | | | | ᠲᠦᠷᠦᠭᠰᠡᠨ ᠨᠤᠲᠤᠭ ᠤᠨ ᠮᠢᠨᠢ ᠬᠠᠪᠤᠷ ᠠ᠋ ᠭᠡᠵᠦ | ᠲᠥᠯ ᠤᠨ ᠲᠠᠭᠤ ᠲᠠᠢ ᠤᠶᠠᠷᠠᠵᠤ ᠢᠷᠡᠭᠡ ᠤᠤ | ᠲᠦᠮᠡᠨ ᠪᠣᠳᠠᠰ ᠨᠢᠯᠬᠠᠷᠠᠨ ᠵᠥᠭᠡᠯᠡᠷᠡᠭᠡᠳ | ᠲᠦᠭᠡᠮᠡᠯ ᠬᠠᠶᠢᠷᠠ ᠳᠠᠭᠤᠤ ᠪᠠᠷ ᠴᠠᠯᠭᠢᠯᠠᠨᠠ ᠤᠤ | ᠬᠤᠯᠠ ᠶᠢᠨ ᠪᠠᠷᠠ ᠣᠶᠢᠷᠠᠲᠤᠨ ᠴᠡᠩᠬᠡᠷᠲᠦᠭᠡᠳ | ᠬᠤᠨ ᠤ ᠮᠥᠷᠥᠭᠡᠳᠦᠯ ᠢᠶᠠᠷ ᠢᠵᠢᠯᠢ ᠪᠠᠨ ᠦᠭᠡᠶᠢᠯᠡᠭᠡ ᠤᠤ | | ᠲᠣᠷᠭᠤᠳ ᠨᠤᠲᠤᠭ ᠤᠨ ᠮᠢᠨᠢ ᠬᠠᠪᠤᠷ ᠠ᠋ ᠭᠡᠵᠦ | ᠳᠤᠷᠠᠯᠠᠯ ᠤᠨ ᠥᠩᠭᠡ ᠪᠠᠷ ᠨᠠᠮᠢᠷᠠᠵᠤ ᠢᠷᠡᠭᠡ ᠤᠤ | ᠲᠤᠩ ᠬᠤᠯᠠ ᠶᠢᠨ ᠠᠮᠠᠷᠠᠭ ᠢᠶᠠᠨ ᠳᠤᠷᠠᠰᠤᠭᠠᠳ | ᠲᠣᠣᠷᠠᠢ ᠶᠢᠨ ᠨᠠᠮᠢᠷᠠᠭᠠᠨ ᠳᠤ ᠬᠠᠶᠢᠷᠠ ᠪᠠᠨ ᠰᠢᠩᠭᠡᠭᠡ ᠤᠤ | ᠦᠨᠡᠨᠴᠢ ᠬᠠᠶᠢᠷᠠ ᠪᠠᠨ ᠨᠡᠬᠡᠨ ᠰᠠᠨᠠᠭᠠᠯᠵᠠᠭᠠᠳ | ᠤᠷᠢᠨ ᠰᠠᠯᠬᠢᠨ ᠳᠤ ᠳᠤᠷᠠᠯᠠᠯ ᠢᠶᠠᠨ ᠰᠢᠪᠡᠨᠡᠭᠡ ᠤᠤ | | ᠤᠨᠠᠭᠰᠠᠨ ᠨᠤᠲᠤᠭ ᠤᠨ ᠮᠢᠨᠢ ᠬᠠᠪᠤᠷ ᠠ᠋ ᠭᠡᠵᠦ | ᠤᠶᠠᠩᠭᠠ ᠶᠢᠨ ᠬᠦᠰᠡᠯ ᠲᠠᠢ ᠳᠠᠭᠤᠯᠠᠵᠤ ᠢᠷᠡᠭᠡ ᠤᠤ | ᠤᠴᠢᠷ ᠪᠢᠲᠡᠭᠦᠦ ᠬᠤᠷᠸᠠ ᠶᠢᠨ ᠲᠣᠭᠤᠰᠣ ᠨᠢ | ᠤᠬᠠᠭᠠᠨ ᠰᠠᠨᠠᠭᠠᠨ ᠳᠤ ᠳᠤᠷᠠᠯᠠᠯ ᠰᠢᠪᠡᠨᠡᠭᠡ ᠤᠤ | ᠬᠠᠶᠢᠷᠠ ᠪᠠᠨ ᠮᠠᠨᠠᠭᠰᠠᠨ ᠤᠶᠠᠩᠭᠠ ᠶᠢᠨ ᠡᠭᠡᠰᠢᠭ | ᠬᠠᠵᠠᠭᠤ ᠬᠠᠶᠠᠭᠠᠨ ᠠᠴᠠ ᠮᠥᠷᠥᠭᠡᠳᠦᠯ ᠨᠡᠭᠡᠭᠡ ᠤᠤ |