| ᠳᠠᠭᠤᠳᠠᠭᠠᠴᠢ ᠡ᠊ᠩᠭᠡᠬᠠᠲᠠ | | ᠪᠡᠭᠡᠵᠢᠩ ᠤᠨ ᠴᠠᠭ ᠢᠶᠠᠷ 2024 ᠣᠨ ᠤ 12 ᠰᠠᠷᠠ ᠶᠢᠨ 4 ᠤ ᠡᠳᠦᠷ᠂ ᠮᠠᠨ ᠤ ᠤᠯᠤᠰ ᠤᠨ | ᠮᠡᠳᠡᠭᠦᠯᠦᠭᠰᠡᠨ ︽ᠴᠠᠭᠠᠨ ᠰᠠᠷᠠ - ᠳᠤᠮᠳᠠᠳᠤᠴᠤᠳ ᠤᠨ ᠤᠯᠠᠮᠵᠢᠯᠠᠯᠲᠤ ᠰᠢᠨᠡ ᠵᠢᠯ ᠢᠶᠠᠨ ᠪᠡᠯᠭᠡᠯᠡᠬᠦ ᠨᠡᠶᠢᠭᠡᠮ ᠤᠨ | ᠦᠢᠯᠡᠳᠦᠯᠭᠡ︾ ᠨᠢ ᠫᠠᠷᠠᠭᠤᠸᠠᠢ ᠶᠢᠨ ᠠᠰᠦ᠋ᠨ ᠳᠤ ᠶᠠᠪᠤᠭᠳᠠᠭᠰᠠᠨ ᠣᠯᠠᠨ ᠤᠯᠤᠰ ᠤᠨ ᠬᠤᠯᠪᠣᠭᠠᠲᠤ | ᠪᠠᠶᠢᠭᠤᠯᠭᠠ ᠶᠢᠨ ᠪᠣᠳᠠᠰ ᠤᠨ ᠪᠤᠰᠤ ᠰᠣᠶᠣᠯ ᠤᠨ ᠥᠪ ᠢ ᠬᠠᠮᠠᠭᠠᠯᠠᠬᠤ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠬᠤᠭᠤᠷᠣᠨᠲᠣᠭᠢ | ᠵᠥᠪᠯᠡᠯ ᠤᠨ 19 ᠳ᠋ᠦ᠋ᠭᠡᠷ ᠬᠤᠭᠤᠴᠠᠭᠠᠨ ᠤ ᠪᠠᠶᠢᠩᠭᠤ ᠶᠢᠨ ᠬᠤᠷᠠᠯ ᠢᠶᠠᠷ ︽ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ ᠪᠣᠳᠠᠰ ᠤᠨ | ᠪᠤᠰᠤ ᠰᠣᠶᠣᠯ ᠤᠨ ᠥᠪ ᠤᠨ ᠲᠥᠯᠥᠭᠡᠯᠡᠭᠴᠢ ᠪᠦᠲᠦᠭᠡᠯ ᠤᠨ ᠨᠡᠷᠡᠰ ᠤᠨ ᠵᠢᠭᠰᠠᠭᠠᠯᠲᠠ︾ ᠳᠤ ᠣᠷᠣᠵᠠᠢ᠃ | ᠡ᠊ᠨᠲᠡ ᠶᠠᠷᠢᠵᠤ ᠪᠠᠶᠢᠭᠠ ︽ᠴᠠᠭᠠᠨ ᠰᠠᠷᠠ - ᠳᠤᠮᠳᠠᠳᠤᠴᠤᠳ ᠤᠨ ᠤᠯᠠᠮᠵᠢᠯᠠᠯᠲᠤ ᠰᠢᠨᠡ ᠵᠢᠯ︾ | ᠭᠡᠲᠡᠭ ᠨᠢ ᠡᠯᠡ ᠦᠨᠳᠦᠰᠦᠲᠡᠨ ᠤ ᠠᠷᠠᠳ ᠲᠦᠮᠡᠨ ᠤ ᠰᠠᠷᠠ ᠰᠢᠨᠡ ᠪᠠᠨ ᠥᠩᠭᠡᠷᠡᠭᠦᠯᠬᠦ ᠪᠠᠶᠠᠷ ᠳᠤᠷᠠᠰᠬᠠᠯ ᠤᠨ | ᠡᠳᠦᠷ ᠢ ᠬᠡᠯᠡᠵᠦ ᠪᠠᠶᠢᠭᠠ ᠶᠤᠮ᠃ ᠡ᠊ᠨᠲᠡ ᠥᠭᠦᠯᠡᠨ ᠪᠤᠢ ︽ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ ᠪᠣᠳᠠᠰ ᠤᠨ ᠪᠤᠰᠤ | ᠰᠣᠶᠣᠯ ᠤᠨ ᠥᠪ ᠤᠨ ᠨᠡᠷᠡᠰ ᠲᠤ ᠵᠢᠭᠰᠠᠭᠠᠭᠳᠠᠯᠠ︾ ᠭᠡᠲᠡᠭ ᠨᠢ ᠲᠣᠮᠲᠠᠲᠣ ᠶᠢᠨ ᠡᠯᠡ ᠦᠨᠳᠦᠰᠦᠲᠡᠨ ᠤ | ᠬᠠᠮᠲᠤ ᠶᠢᠨ ᠪᠦᠲᠦᠭᠡᠭᠰᠡᠨ ᠣᠯᠠᠨ ᠲᠦᠷᠦᠯ ᠤᠨ ᠰᠠᠷᠠ ᠰᠢᠨᠡ ᠶᠢᠨ ᠪᠠᠶᠠᠷ ᠤᠨ ᠶᠣᠰᠣᠯᠠᠯ᠂ ᠵᠠᠩ ᠵᠠᠩᠰᠢᠯ | ᠳᠡᠯᠡᠬᠡᠢ ᠶᠢᠨ ᠪᠣᠳᠠᠰ ᠤᠨ ᠪᠤᠰᠤ ᠰᠣᠶᠣᠯ ᠤᠨ ᠰᠠᠩ ᠳᠤ ᠬᠤᠪᠢ ᠨᠡᠮᠡᠷᠢ ᠪᠠᠨ ᠡᠷᠭᠦᠯᠡ ᠭᠡᠰᠡᠨ ᠦᠭᠡ ᠰᠢᠦ᠃ | ᠲᠡᠭᠡᠪᠡᠯ ᠨᠡᠭᠦᠳᠡᠯᠴᠢᠨ ᠮᠣᠩᠭᠤᠯᠴᠤᠳ ᠶᠠᠭᠠᠬᠢᠭᠠᠳ ᠴᠠᠭᠠᠨ ᠰᠠᠷᠠ ᠪᠠᠨ ︽ᠴᠠᠭᠠᠨ︾ ᠭᠡᠵᠦ | ᠲᠣᠳᠣᠳᠬᠠᠬᠤ ᠪᠣᠯᠤᠭᠰᠠᠨ ᠪᠤᠢ︖ ᠴᠠᠭᠠᠨ ᠥᠩᠭᠡ ᠪᠣᠯ ᠰᠠᠶᠢᠨ ᠰᠠᠶᠢᠬᠠᠨ ᠤ ᠪᠡᠯᠭᠡᠳᠡᠯ᠂ ᠠᠷᠢᠭᠤᠨ ᠴᠠᠭᠠᠨ ᠤ | ᠪᠡᠯᠭᠡᠳᠡᠯ᠂ ᠠᠭᠤᠤ ᠶᠡᠭᠡ ᠡᠬᠡᠴᠦᠦᠯ ᠤᠨ ᠪᠦᠪᠡᠢ ᠶᠢᠨ ᠳᠠᠭᠤᠤ ᠡᠨᠡ ᠥᠩᠭᠡ ᠪᠠᠷ ᠠᠶᠠᠯᠭᠤ ᠪᠠᠨ ᠡᠬᠢᠯᠡᠭᠦᠯᠵᠦ ︽ | ᠡᠬᠡ ᠶᠢᠨ ᠴᠠᠭᠠᠨ ᠰᠦ︾ ᠡᠨᠡ ᠠᠶᠠᠯᠭᠤ ᠠᠴᠠ ᠯᠡ ᠠᠰᠬᠠᠷᠠᠵᠤ᠂ ᠬᠤᠷᠸᠠ ᠶᠢ ᠰᠦᠯᠡᠳᠡᠭ᠃ ᠡᠶᠢᠮᠦ ᠶᠢᠨ ᠲᠤᠯᠠᠳᠠ | ᠡᠵᠢ ᠬᠥᠮᠥᠨ ᠤ ︽ᠠᠷᠢᠭᠤᠨ ᠴᠠᠭᠠᠨ ᠰᠦ︾᠂ ︽ᠠᠷᠢᠭᠤᠨ ᠴᠠᠶᠢᠯᠭᠠᠨ ᠰᠡᠳᠬᠢᠯ︾ ᠬᠤᠶᠠᠷ ᠡᠨᠡ ᠬᠦ | ᠳᠡᠯᠡᠬᠡᠢ ᠶᠢᠨ ᠰᠡᠭᠦᠳᠡᠷ ᠢ ᠦᠷᠭᠦᠭᠡᠵᠦ᠂ ᠪᠠᠷᠠᠭᠠᠨ ᠢ ᠠᠷᠴᠢᠳᠠᠭ ᠰᠢᠦ᠃ | ᠲᠡᠦᠬᠡ ᠶᠢᠨ ᠤᠯᠪᠠᠭᠠᠨ ᠠᠴᠠ ᠬᠠᠷᠠᠬᠤ ᠳᠤ᠂ ᠴᠠᠭᠠᠨ ᠨᠢ ᠠᠷᠭᠠ ᠦᠭᠡᠢ ᠦᠨᠡᠨᠴᠢ ᠥᠩᠭᠡ᠂ ᠠᠮᠢ | ᠨᠠᠰᠣᠨ ᠤ ᠡᠬᠢᠯᠡᠯ ᠢ ᠲᠣᠳᠣᠷᠬᠠᠶᠢᠯᠠᠳᠠᠭ᠃ ᠲᠦᠷᠪᠡᠨ ᠤᠯᠠᠷᠢᠯ ᠳᠣᠲᠣᠷᠠ ᠬᠠᠪᠤᠷ ᠪᠣᠯ ᠠᠷᠭᠠ ᠦᠭᠡᠢ ᠠᠮᠢᠯᠠᠯ ᠢᠶᠠᠷ | ᠪᠢᠯᠬᠠᠭᠰᠠᠨ ᠤᠯᠠᠷᠢᠯ᠃ ᠠᠮᠢᠯᠠᠯ ᠤᠨ ᠥᠩᠭᠡ ᠪᠣᠯ ︽ᠴᠠᠭᠠᠨ︾᠂ ︽ᠴᠠᠭᠠᠨ ᠠᠴᠠ ᠤᠷᠭᠤᠭᠰᠠᠨ ᠨᠣᠭᠤᠭᠠᠨ | ᠥᠩᠭᠡ︾ ᠪᠤᠶᠤ᠃ ᠬᠤᠷᠠᠭᠠ ᠪᠠᠨ ᠬᠥᠬᠦᠭᠦᠯᠵᠦ ᠪᠠᠶᠢᠭᠠ ᠬᠤᠨᠢᠨ ᠤ ᠰᠦ ᠴᠠᠭᠠᠨ᠂ ᠬᠤᠷᠸᠠ ᠳᠤ ᠤᠳᠠᠯ ᠦᠭᠡᠢ | ᠠᠮᠢᠯᠠᠯ ᠤᠨ ᠰᠦ ᠪᠣᠯᠣᠨ ᠤᠷᠤᠰᠬᠤ ᠭᠡᠵᠦ ᠪᠠᠶᠢᠭᠠ ᠴᠠᠰᠤ ᠮᠥᠰᠥ ᠴᠦ ᠴᠠᠭᠠᠨ᠂ ᠬᠠᠪᠤᠷ ᠤᠨ ᠤᠷᠢᠬᠠᠨ ᠰᠠᠯᠬᠢ | ᠰᠡᠪᠡᠯᠵᠡᠬᠦ ᠡᠷᠢᠨ ᠢᠶᠠᠷ ᠰᠣᠶᠣᠭᠠᠯᠠᠨ ᠪᠠᠶᠢᠭᠠ ᠨᠢᠯᠬᠠ ᠨᠣᠭᠤᠭᠠ ᠶᠢ ᠬᠠᠯᠲᠤ ᠬᠠᠷᠠᠬᠤ ᠳᠤ ᠨᠢᠯᠬᠠ ᠨᠠᠬᠢᠶᠠ ᠨᠢ | ᠴᠠᠰᠤᠨ ᠳᠣᠣᠷᠠ ᠠᠴᠠ ᠴᠣᠬᠤᠶᠢᠬᠤ ᠭᠱᠠᠨ ᠠᠨᠤ ᠨᠣᠭᠤᠭᠠᠨ ᠳᠤᠷ ᠠᠭᠤᠰᠤᠭᠰᠠᠨ ᠴᠠᠭᠠᠨ ᠭᠡᠮᠡᠷ᠃ ᠡᠶᠢᠮᠦ ᠶᠢᠨ | ᠤᠴᠢᠷ ᠰᠠᠶᠢᠨ ᠰᠠᠶᠢᠬᠠᠨ ᠤ ᠡᠬᠢᠯᠡᠯ᠂ ᠠᠷᠢᠭᠤᠨ ᠴᠠᠭᠠᠨ ᠤ ᠪᠡᠯᠭᠡᠳᠡᠯ ᠪᠣᠯᠤᠭᠰᠠᠨ ᠬᠠᠪᠤᠷ ᠤᠨ ᠲᠡᠷᠢᠭᠦᠨ ᠰᠠᠷᠠ ᠪᠠᠨ | ᠮᠣᠩᠭᠤᠯᠴᠤᠳ ︽ᠴᠠᠭᠠᠨ ᠰᠠᠷᠠ︾ ᠬᠡᠮᠡᠨ ᠨᠡᠷᠡᠯᠡᠭᠰᠡᠨ ᠨᠢ ᠪᠠᠶᠢᠭᠠᠯᠢ ᠡᠬᠡ ᠶᠢᠨ ᠮᠣᠩᠭᠤᠯᠴᠤᠳ ᠲᠤ | ᠬᠠᠶᠢᠷᠠᠯᠠᠭᠰᠠᠨ ︽ᠠᠷᠢᠭᠤᠨ ᠥᠩᠭᠡ︾ ᠪᠤᠶᠤ ︽ᠠᠰᠢᠳᠠ ᠶᠢᠨ ᠨᠡᠷᠡ︾ ᠠᠪᠠᠢ᠃ ᠡᠨᠡ ᠬᠦ ᠴᠠᠭᠠᠨ ᠰᠠᠷᠠ ᠶᠢᠨ ︽ | ᠴᠠᠭᠠᠨ︾ ᠳᠤ ᠡᠬᠡ ᠪᠠᠶᠢᠭᠠᠯᠢ ᠶᠢᠨ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠳᠤ ᠰᠣᠶᠣᠷᠬᠠᠵᠤ ᠪᠠᠶᠢᠭᠠ ︽ᠬᠡᠰᠢᠭ ᠪᠤᠶᠠᠨ︾ ᠤ | ᠲᠥᠯᠥᠭᠡᠯᠡᠯ ᠪᠤᠢ᠃ ᠡᠨᠡ ᠦᠭᠡᠨ ᠳᠤ ︽ᠤᠷᠢᠨ ᠳᠤᠯᠠᠭᠠᠨ︾ ᠭᠡᠰᠡᠨ ᠤᠳᠬᠠ ᠬᠠᠳᠠᠭᠠᠯᠠᠭᠳᠠᠵᠤ ᠪᠠᠶᠢᠭᠠ | ᠪᠣᠯᠬᠤᠷ ᠬᠠᠪᠤᠷ ᠤᠨ ᠡᠬᠢᠨ ᠰᠠᠷᠠ ᠴᠠᠭᠠᠨ ᠪᠠᠶᠢᠬᠤ ᠳᠠᠭᠠᠨ ᠲᠠᠭᠠᠷᠠᠨᠠ᠃ ᠬᠠᠪᠤᠷ ᠤᠨ ᠡᠬᠢᠨ ᠰᠠᠷᠠ ᠠᠴᠠ ᠯᠡ | ᠡᠬᠢᠯᠡᠨ ᠲᠦᠮᠡᠨ ᠪᠣᠳᠠᠰ ᠰᠡᠷᠭᠦᠨ ᠪᠣᠶᠢᠵᠢᠵᠤ᠂ ᠠᠭᠤᠵᠢᠮ ᠬᠤᠷᠸᠠ ᠤᠷᠭᠤᠴᠠ ᠪᠠᠨ ᠡᠬᠢᠯᠡᠭᠰᠡᠨ ᠢᠶᠠᠨ ︽ᠴᠠᠭᠠᠨ︾ | ᠢᠶᠠᠷ ᠢᠯᠡᠷᠬᠡᠶᠢᠯᠡᠳᠡᠭ᠃ | ︽ᠬᠠᠭᠤᠴᠢᠨ ᠣᠨ ᠤᠯᠠ ᠪᠣᠯᠵᠤ᠂ ᠰᠢᠨᠡ ᠣᠨ ᠵᠤᠯᠠ ᠪᠤᠯᠬᠤ︾ ᠶᠢᠨ ᠳᠣᠬᠢᠶᠠ ᠴᠠᠭᠠᠨ ᠰᠠᠷᠠ | ᠳᠤ ᠯᠡ ᠮᠡᠳᠡᠷᠡᠭᠳᠡᠨ᠂ ᠬᠥᠮᠥᠨ ᠪᠦᠭᠦᠲᠡ ᠥᠩᠭᠡᠷᠡᠭᠰᠡᠨ ᠨᠢᠭᠡ ᠵᠢᠯ ᠤᠨ ᠭᠤᠨᠢᠭ ᠤᠶᠢᠳᠬᠠᠷ᠂ ᠭᠤᠲᠣᠷᠠᠯ | ᠵᠣᠪᠠᠯᠠᠩ ᠢᠶᠠᠨ ᠣᠷᠣ ᠮᠥᠷ ᠦᠭᠡᠢ ᠭᠦᠪᠢᠵᠦ᠂ ᠰᠢᠨᠡ ᠣᠨ ᠤ ᠪᠣᠱᠣᠭᠠᠨ ᠳᠡᠭᠡᠷᠡ ᠰᠢᠨᠡ ᠲᠥᠷᠬᠦ ᠪᠠᠷ᠂ ᠴᠣ | ᠰᠢᠨᠡ ᠪᠠᠷ ᠡᠬᠢᠯᠡᠬᠦ ᠶᠢ ᠵᠥᠩᠨᠡᠨ᠂ ᠰᠠᠶᠢᠨ ᠰᠠᠶᠢᠬᠠᠨ ᠢ ᠬᠦᠰᠡᠭᠰᠡᠨ ᠪᠤᠲᠣᠯ ᠰᠡᠳᠬᠢᠯ ᠢᠶᠠᠨ ︽ᠴᠠᠭᠠᠨ ᠰᠠᠷᠠ︾ | ᠳᠠᠭᠠᠨ ᠯᠠ᠂ ᠬᠤᠶᠢᠮᠤᠷ ᠵᠠᠯᠠᠭᠰᠠᠨ ᠠᠮᠢᠳᠤ ᠪᠤᠷᠬᠠᠨ ᠠᠪᠤ ᠡᠵᠢ᠂ ᠬᠠᠨᠠᠭᠠᠷ ᠬᠤᠷᠸᠠ ᠶᠢᠨ ᠠᠮᠢᠯᠠᠯ ᠪᠦᠭᠦᠨ ᠳᠤ | ᠰᠢᠪᠡᠨᠡᠳᠡᠭ᠃ | ᠴᠠᠭᠠᠨ ᠰᠠᠷᠠ ᠳᠠᠭᠠᠨ ᠯᠠ ᠬᠠᠰᠢᠶᠠ ᠬᠤᠷᠤᠭᠠ ᠪᠠᠨ ᠴᠡᠪᠡᠷ ᠴᠡᠮᠴᠡᠭᠡᠷ ᠪᠠᠶᠢᠯᠭᠠᠵᠤ᠂ ᠲᠠᠪᠠᠬ ᠰᠢᠷᠡᠭᠡ | ᠪᠠᠨ ᠴᠠᠭᠠᠨ ᠢᠲᠡᠭᠡ ᠪᠠᠷ ᠴᠢᠮᠡᠨ ᠵᠠᠰᠠᠵᠤ᠂ ᠥᠲᠡᠭᠦᠰ ᠪᠤᠭᠤᠷᠤᠯ ᠠᠴᠠ ᠪᠠᠨ ᠢᠷᠦᠭᠡᠯ ᠤᠨ ᠬᠠᠲᠠᠬ ᠢ ᠴᠠᠭᠠᠨ | ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠢᠭᠡᠨ ᠳᠤ ᠯᠡ ᠲᠣᠰᠴᠣ᠂ ᠢᠷᠡᠬᠦ ᠡᠳᠦᠷ ᠤᠨ ᠰᠠᠶᠢᠬᠠᠨ ᠢ ᠪᠡᠯᠭᠡᠰᠢᠶᠡᠨ᠂ ᠢᠷᠮᠡᠭᠦᠨ | ᠦᠢᠯᠡᠰ ᠪᠠᠳᠠᠷᠠᠩᠭᠤᠢ᠂ ᠢᠳᠡᠷᠡᠭᠦᠨ ᠮᠠᠬᠠᠪᠤᠳ ᠡᠷᠡᠭᠦᠯ ᠪᠠᠶᠢᠬᠤ ᠪᠠᠨ ᠪᠡᠯᠭᠡᠳᠡᠨ ᠠᠭᠤᠯᠠ ᠬᠠᠶᠢᠷᠬᠠᠨ ᠳᠠᠭᠠᠨ | ᠠᠷᠢᠭᠤᠨ ᠢᠲᠡᠭᠡᠨ ᠤ ᠳᠡᠭᠡᠵᠢ ᠪᠠᠨ ᠰᠡᠷᠵᠢᠮᠯᠡᠨ᠂ ᠠᠰᠢᠳᠠ ᠶᠢᠨ ᠰᠠᠶᠢᠨ ᠰᠠᠶᠢᠬᠠᠨ ᠢᠶᠠᠨ ᠪᠡᠯᠭᠡᠰᠢᠶᠡᠳᠡᠭ᠃ ︽ | ᠠᠮᠠᠨ ᠤ ᠪᠡᠯᠭᠡ ᠠᠴᠠ ᠠᠰᠢᠳᠠ ᠶᠢᠨ ᠪᠡᠯᠭᠡ︾ ᠭᠡᠲᠡᠭ ᠢᠶᠠᠷ ᠴᠠᠭᠠᠨ ᠰᠠᠷᠠ ᠳᠤ ᠯᠠ ᠴᠠᠭᠯᠠᠰᠢ ᠦᠭᠡᠢ | ᠪᠠᠶᠠᠷᠯᠠᠵᠠᠭᠠᠳᠠᠭ ᠤᠨ ᠤᠴᠢᠷ ᠶᠠᠭᠤᠨ ᠭᠡᠪᠡᠰᠦ ᠪᠦᠲᠦᠨ ᠨᠢᠭᠡ ᠵᠢᠯ ᠤᠨ ᠢᠶᠠᠨ ᠭᠦᠲᠡᠯᠮᠦᠷᠢ ᠶᠢᠨ ᠦᠷᠡ ᠪᠦᠲᠦᠭᠡᠯ | ᠢᠶᠠᠨ ᠬᠤᠪᠢᠶᠠᠯᠴᠠᠵᠤ ᠪᠠᠶᠢᠭᠠ ᠪᠠᠶᠠᠷ ᠤᠨ ᠰᠠᠷᠠ ᠮᠥᠨ᠃ | ᠴᠠᠭᠠᠨ ᠥᠩᠭᠡ ᠪᠣᠯ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ ᠴᠢᠩ ᠰᠡᠳᠬᠢᠯ ᠤᠨ ᠥᠩᠭᠡ | ︵ ᠴᠠᠶᠢᠯᠭᠠᠨ ᠰᠡᠳᠬᠢᠯ ᠬᠡᠮᠡᠬᠦ︶ | ᠴᠠᠭᠠᠨ ᠥᠩᠭᠡ ᠪᠣᠯ ᠠᠮᠢ ᠨᠠᠰᠣᠨ ᠤ ᠪᠡᠯᠭᠡᠳᠡᠯ ᠤᠨ ᠥᠩᠭᠡ | ︵ ᠴᠠᠭᠠᠨ ᠰᠦ ᠬᠡᠮᠡᠬᠦ︶ | ᠴᠠᠭᠠᠨ ᠥᠩᠭᠡ ᠪᠣᠯ ᠡᠬᠡ ᠪᠠᠶᠢᠭᠠᠯᠢ ᠶᠢᠨ ᠰᠣᠶᠣᠷᠬᠠᠯ ᠤᠨ ᠥᠩᠭᠡ | ︵ ᠴᠠᠭᠠᠨ ᠳᠡᠯᠡᠬᠡᠢ ᠬᠡᠮᠡᠬᠦ︶ | ᠬᠥᠮᠥᠨ ᠤ ᠰᠡᠳᠬᠢᠯ ᠭᠬᠢᠷᠲᠦᠪᠡᠰᠦ ᠴᠠᠭᠠᠨ ᠢ ᠦᠭᠡᠶᠢᠰᠬᠡᠭᠰᠡᠨ ︽ᠬᠠᠷᠠ︾ ᠪᠣᠯᠣᠮᠤ︕ | ᠪᠠᠶᠢᠭᠠᠯᠢ ᠭᠬᠢᠷᠲᠦᠪᠡᠰᠦ ᠴᠠᠭᠠᠨ ᠢ ᠲᠠᠯᠬᠠᠳᠠᠭᠰᠠᠨ ︽ᠪᠣᠬᠢᠷ︾ ᠪᠣᠯᠣᠮᠤ︕ | ᠬᠥᠮᠥᠨ ᠤ ᠪᠤᠷᠬᠠᠨ ᠰᠡᠳᠬᠢᠯ ᠪᠣᠯ ︽ᠴᠠᠭᠠᠨ ᠢ ᠡᠷᠭᠢᠮᠯᠡᠭᠦ︾ | ᠪᠠᠶᠢᠭᠠᠯᠢ ᠶᠢᠨ ᠪᠤᠶᠠᠨᠰᠠᠭ ᠰᠡᠳᠬᠢᠯ ᠪᠣᠯ ︽ᠴᠠᠭᠠᠨ ᠢ ᠥᠭᠬᠦ︾ | ᠡᠶᠢᠮᠦ ᠶᠢᠨ ᠲᠤᠯᠠᠳᠠ ᠲᠡᠭᠷᠢ ᠰᠢᠲᠦᠵᠦ ᠪᠠᠶᠢᠭᠠᠯᠢ ᠲᠠᠢ ᠰᠢᠲᠦᠯᠴᠡᠨ ᠠᠮᠢᠳᠤᠷᠠᠭᠰᠠᠭᠠᠷ ᠢᠷᠡᠭᠰᠡᠨ | ᠮᠣᠩᠭᠤᠯᠴᠤᠳ ᠲᠤ ᠠᠪᠴᠤ ᠬᠡᠯᠡᠪᠡᠯ ︽ᠴᠠᠭᠠᠨ︾ ᠠᠴᠠ ᠰᠠᠯᠤᠭᠠ ᠦᠭᠡᠢ ᠶᠤᠮ᠃ | ᠠᠰᠬᠠᠷᠠᠭᠰᠠᠨ ᠣᠲᠣᠨ ᠤ ᠰᠦ ᠴᠠᠭᠠᠨ | ᠠᠰᠬᠠᠨ ︵ ᠰᠥᠨᠢ︶ ᠳᠠᠭᠠᠨ ᠳᠡᠯᠭᠡᠷᠡᠬᠦ ᠴᠡᠴᠡᠭ ᠤᠨ ᠥᠩᠭᠡ ᠴᠠᠭᠠᠨ | ᠠᠷᠬᠠᠳ ᠲᠤ ᠢᠰᠦᠭᠰᠡᠨ ᠠᠶᠢᠷᠠᠭ ᠤᠨ ᠱᠤᠤᠭᠢᠶᠠ ᠴᠠᠭᠠᠨ | ᠠᠯᠢᠶᠠ ᠵᠢᠭᠠᠯ ᠤᠨ ᠵᠡᠭᠦᠳᠦ ᠴᠦ ᠴᠠᠭᠠᠨ | ᠠᠷᠭᠠᠮᠵᠢᠶᠠ ᠲᠠᠢ ᠮᠣᠷᠢᠨ ᠤ ᠲᠣᠷᠭᠢᠶᠠ ᠴᠠᠭᠠᠨ | ᠠᠷᠭᠠᠯ ᠳᠤ ᠶᠠᠪᠤᠭᠰᠠᠨ ᠡᠵᠢ ᠶᠢᠨ ᠮᠥᠷ ᠴᠠᠭᠠᠨ | ᠠᠶᠠᠨ ᠠᠴᠠ ᠢᠷᠡᠭᠰᠡᠨ ᠡᠪᠦᠭᠡ ᠶᠢᠨ ᠦᠢᠯᠡ ᠴᠠᠭᠠᠨ | ᠠᠶᠠᠭᠠᠨ ᠳᠤ ᠪᠢᠯᠬᠠᠭᠰᠠᠨ ᠰᠦ ᠴᠠᠭᠠᠨ | ᠡᠶᠢᠮᠦᠷᠬᠦᠦ ᠵᠢᠷᠤᠭ ᠯᠡ ᠪᠢᠳᠡᠨ ᠤ ᠠᠮᠢᠳᠤᠷᠠᠯ ᠠᠴᠠ ᠰᠠᠯᠤᠭᠠ ᠦᠭᠡᠢ ᠪᠣᠯᠬᠤᠷ ᠬᠠᠮᠤᠭ ᠤᠨ ᠲᠣᠮᠣ | ᠪᠠᠶᠠᠷ ᠳᠤᠷᠠᠰᠬᠠᠯ ᠤᠨ ᠡᠳᠦᠷ ᠢᠶᠠᠨ ︽ᠴᠠᠭᠠᠨ ᠰᠠᠷᠠ︾ ᠭᠡᠵᠦ ᠨᠡᠷᠡᠯᠡᠬᠦ ᠦᠭᠡᠢ ᠶᠠᠭᠠᠬᠢᠬᠤ ᠪᠤᠢ︖ ᠲᠡᠭᠷᠢ ᠨᠢ | ᠣᠶᠢᠷᠠᠬᠠᠨ᠂ ᠲᠡᠷᠲᠡᠭᠡ ᠰᠦᠮᠡᠯᠵᠡᠬᠦ ᠠᠭᠤᠯᠠ ᠲᠣᠯᠣᠭᠠᠳ ᠨᠢ ᠰᠡᠷᠡᠭᠦᠨ ᠬᠤᠨᠣᠳᠠᠭ ᠮᠣᠩᠭᠤᠯ ᠨᠤᠲᠤᠭ ᠤᠨ ᠰᠥᠨᠢ | ᠪᠠᠨ ᠭᠦᠷᠲᠡᠯᠡ ︽ᠴᠠᠭᠠᠨ ᠰᠥᠨᠢ︾ ᠭᠡᠵᠦ ᠬᠡᠨ ᠬᠥᠮᠥᠨ ᠴᠦ ᠠᠲᠠᠭᠠᠷᠬᠠᠮᠠᠷ ᠳᠦᠷᠰᠦᠯᠡᠵᠦ ᠴᠢᠳᠠᠳᠠᠭ ᠨᠢ ᠥᠭᠡᠷᠡ | ᠬᠡᠨ ᠪᠠᠶᠢᠬᠤ ᠪᠤᠢ︖ ᠪᠢᠳᠡ ᠨᠢᠭᠡ ᠵᠢᠯ ᠤᠨ ᠡᠬᠢᠨ ᠰᠠᠷᠠ ᠪᠠᠨ ︽ᠴᠠᠭᠠᠨ︾ ᠬᠡᠮᠡᠨ ᠪᠡᠯᠭᠡᠰᠢᠶᠡᠵᠦ ᠪᠠᠶᠢᠭᠠ ᠨᠢ ︽ | ᠴᠠᠭᠠᠨ ᠰᠠᠷᠠ︾ ᠵᠦᠪᠭᠡᠨ ᠴᠠᠭ ᠲᠣᠭᠠᠯᠠᠯ ᠤᠨ ᠪᠢᠴᠢᠭ ᠲᠡᠳᠦᠢ ᠪᠢᠰᠢ᠂ ᠴᠠᠶᠢᠯᠭᠠᠨ ᠰᠡᠳᠬᠢᠯ ᠲᠠᠢ ᠠᠷᠠᠳ ᠲᠦᠮᠡᠨ | ᠪ᠊ ᠪᠠᠶᠢᠭᠠᠯᠢ ᠲᠠᠢ ᠪᠠᠨ ᠰᠢᠲᠦᠯᠴᠡᠨ ᠣᠷᠣᠰᠢᠬᠤ ᠶᠢᠨ ᠪᠡᠯᠭᠡ ᠲᠡᠮᠳᠡᠭ᠃ ᠮᠥᠨ ᠴᠦ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ | ᠪᠣᠳᠠᠰ ᠤᠨ ᠪᠤᠰᠤ ᠰᠣᠶᠣᠯ ᠳᠤ ᠬᠠᠨᠳᠢᠪᠯᠡᠭ᠌ᠰᠠᠨ ᠰᠣᠶᠣᠯ ᠤᠨ ᠥᠪ ᠮᠥᠨ᠃ ᠡᠳᠦᠭᠡ ᠡᠨᠡ ᠬᠦ ᠪᠠᠶᠠᠷ | ᠳᠤᠷᠠᠰᠬᠠᠯ ᠤᠨ ᠡᠳᠦᠷ ᠪᠤᠶᠤ ᠴᠠᠭᠠᠨ ᠰᠠᠷᠠ ᠶᠢ ᠣᠯᠠᠨ ᠤᠯᠤᠰ ᠤᠨ ᠬᠤᠯᠪᠣᠭᠠᠲᠤ ᠪᠠᠶᠢᠭᠤᠯᠭᠠ ᠶᠢᠨ ᠰᠣᠶᠣᠯ ᠤᠨ | ᠥᠪ ᠢᠶᠠᠷ ᠪᠦᠷᠢᠳᠬᠡᠭᠰᠡᠨ ᠶᠠᠪᠤᠳᠠᠯ ᠨᠢ ᠡᠭᠦᠨ ᠢ ᠪᠦᠷᠢᠨ ᠪᠠᠲᠤᠯᠠᠭᠰᠠᠨ ᠤᠴᠢᠷ ᠪᠦᠯᠦᠭᠡ᠃ | ᠡᠪᠦᠭᠡ ᠳᠡᠭᠡᠳᠦᠰ ᠠᠴᠠ ᠤᠯᠠᠮᠵᠢᠯᠠᠵᠤ ᠢᠷᠡᠭᠰᠡᠨ ᠴᠠᠭᠠᠨ ᠰᠠᠷᠠ ᠪᠠᠨ ᠡᠳᠦᠭᠡ ᠪᠢᠳᠡ ᠨᠡᠩ ᠲᠡᠭᠦᠯᠳᠡᠷ᠂ | ᠪᠦᠷᠢᠨ ᠠᠭᠤᠯᠭᠠ ᠪᠠᠷ ᠨᠢ ᠥᠩᠭᠡᠷᠡᠭᠦᠯᠬᠦ ᠶᠠᠪᠤᠳᠠᠯ ᠪᠣᠯ ᠲᠣᠮᠲᠠᠲᠣ ᠶᠢᠨ ᠦᠨᠳᠦᠰᠦᠲᠡᠨ ᠤ ᠪᠣᠳᠠᠰ ᠤᠨ ᠪᠤᠰᠤ | ᠰᠣᠶᠣᠯ ᠤᠨ ᠥᠪ ᠢ ᠳᠡᠯᠡᠬᠡᠢ ᠶᠢᠨ ᠬᠠᠷᠠᠭᠠᠨ ᠳᠤ ᠳᠡᠯᠭᠡᠨ ᠦᠵᠡᠭᠦᠯᠵᠦ ᠪᠠᠶᠢᠭᠠ ᠶᠠᠪᠤᠳᠠᠯ ᠪᠤᠶᠤ᠃ | ᠥᠭᠡᠯᠦᠨ ᠡᠵᠢ ᠶᠢᠨ ᠤᠷᠠᠯᠠᠨ ᠪᠦᠲᠦᠭᠡᠭᠰᠡᠨ ᠲᠡᠪᠡᠯ ᠮᠠᠯᠠᠭᠠᠢ ᠪᠠᠷ ᠢᠶᠠᠨ ᠭᠤᠶᠤᠵᠠᠭᠠᠶᠠ ︕ ᠴᠠᠭᠠᠨ | ᠰᠠᠷᠠ ᠳᠠᠭᠠᠨ ᠪᠢᠳᠡ ᠪᠦᠭᠦᠲᠡ᠃ ᠦᠭᠭᠦᠭᠡᠵᠢ ᠪᠠᠶᠠᠨ ᠪᠠᠶᠢᠭᠠᠯᠢ ᠡᠬᠡ ᠶᠢᠨ ᠬᠠᠶᠢᠷᠠᠯᠠᠭᠰᠠᠨ ᠴᠠᠭᠠᠨ ᠢᠲᠡᠭᠡ ᠪᠠᠷ | ︽ᠴᠠᠭᠠᠨ ᠰᠠᠷᠠ︾ ᠶᠢᠨ ᠰᠢᠷᠡᠭᠡ ᠲᠠᠪᠠᠬ ᠢᠶᠠᠨ ᠴᠢᠮᠡᠵᠡᠭᠡᠶᠡ︕ ᠥᠨᠳᠥᠷ ᠵᠠᠶᠠᠭᠠ ᠲᠠᠢ ᠥᠲᠡᠭᠦᠰ ᠪᠤᠭᠤᠷᠤᠯ | ᠳᠠᠭᠠᠨ ᠲᠣᠯᠣᠭᠠᠢ ᠮᠥᠷᠭᠦᠨ ᠵᠣᠯᠭᠠᠶᠠ︕ ᠥᠨᠳᠥᠷ ᠬᠥᠬᠡ ᠲᠡᠭᠷᠢ ᠶᠢᠨ ᠥᠩᠭᠡ ᠲᠠᠢ ᠬᠠᠲᠠᠬ ᠢᠶᠠᠨ ᠢᠷᠦᠭᠡᠯ ᠲᠠᠢ | ᠨᠢ ᠬᠠᠮᠲᠤ ᠲᠣᠰᠴᠣ ᠪᠠᠶᠢᠶᠠ︕ | ᠡᠨᠡ ᠪᠦᠭᠦᠨ ᠪᠣᠯ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ ᠪᠣᠳᠠᠰ ᠤᠨ ᠪᠤᠰᠤ ᠰᠣᠶᠣᠯ ᠤᠨ ᠥᠪ ᠢ ᠬᠥᠷᠥᠰᠥᠲᠦ | ᠠᠯᠲᠠᠨ ᠳᠡᠯᠡᠬᠡᠢ ᠳᠤ ᠮᠥᠩᠬᠡᠳᠡ ᠪᠠᠶᠢᠯᠭᠠᠵᠤ ᠬᠠᠳᠠᠭᠠᠯᠠᠵᠤ ᠴᠢᠳᠠᠵᠤ ᠪᠠᠶᠢᠭᠠ ᠶᠢᠨ ᠭᠡᠷᠡᠴᠢ︕ | ᠴᠠᠭᠠᠨ ᠰᠠᠷᠠ ᠶᠢᠨ ︽ᠴᠠᠭᠠᠨ︾ ᠢ ᠡᠷᠭᠢᠮᠯᠡᠭᠦ ᠭᠡᠭᠴᠢ ᠴᠠᠭᠯᠠᠰᠢ ᠦᠭᠡᠢ ᠴᠠᠶᠢᠯᠭᠠᠨ ᠰᠡᠳᠬᠢᠯ ᠲᠠᠢ | ᠮᠣᠩᠭᠤᠯᠴᠤᠳ ᠤᠨ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ ᠰᠣᠶᠣᠯ ᠤᠨ ᠮᠠᠷᠭᠠᠰᠢ ᠳᠤ ᠡᠷᠭᠦᠭᠰᠡᠨ ᠰᠠᠴᠤᠯᠢ ᠪᠤᠶᠤ᠃ | ᠴᠠᠭᠠᠨ ᠰᠠᠷᠠ ᠶᠢᠨ ︽ᠴᠠᠭᠠᠨ︾ ᠬᠡᠮᠡᠭᠴᠢ ᠁ |