| | ᠰᠤᠷᠪᠤᠯᠵᠢᠯᠠᠬᠴᠢ ᠳᠠᠪᠰᠢᠯᠲᠤ | ᠠᠮᠠᠨ ᠪᠡᠯᠭᠡ ᠬᠠᠮᠢᠭᠠᠰᠢ ᠪᠠᠨ ᠪᠣᠯ᠂ ᠠᠰᠢᠳᠠ ᠶᠢᠨ ᠪᠡᠯᠭᠡ ᠲᠡᠶᠢᠰᠢ ᠪᠠᠨ ᠭᠡᠳᠡᠭ ᠪᠢᠯᠡ᠃ ᠡᠨᠡ ᠴᠠᠭᠠᠨ | ᠰᠠᠷᠠ ᠪᠠᠶᠠᠨᠬᠤᠲᠠ ᠶᠢᠨ ᠰᠠᠭᠤᠭᠠᠯᠢ ᠠᠷᠠᠳ ᠪᠠᠳᠮᠠᠴᠡᠴᠡᠭ ︽ᠰᠠᠶᠢᠨ ᠦᠢᠯᠡᠰ ᠰᠠᠨᠠᠭᠠ ᠪᠠᠷ ᠪᠦᠲᠦᠬᠦ ᠥᠯᠵᠡᠶᠢᠲᠦ | ᠵᠢᠯ᠂ ᠰᠠᠶᠢᠬᠠᠨ ᠲᠣᠬᠢᠷᠠᠯ ᠵᠠᠶᠠᠭᠠ ᠪᠠᠷ ᠤᠴᠠᠷᠠᠬᠤ ᠬᠡᠶᠢᠮᠣᠷᠢᠲᠤ ᠣᠨ︾ ᠭᠡᠰᠡᠨ ᠭᠦᠨ ᠤᠳᠬᠠ ᠲᠠᠢ ᠬᠤᠣᠰ | ᠤᠶᠠᠩᠭᠠ ᠶᠢ ᠡᠭᠦᠳᠡᠨ ᠳᠡᠭᠡᠷᠡ ᠪᠠᠨ ᠨᠠᠭᠠᠵᠤ ᠰᠠᠨᠠᠭᠰᠠᠨ ᠣᠶᠢᠯᠡ ᠨᠢ ᠰᠡᠳᠬᠢᠯᠴᠢᠯᠡᠨ ᠪᠦᠲᠦᠬᠦ ᠶᠢ ᠵᠥᠩᠨᠡᠭᠰᠡᠨ | ᠪᠠᠶᠢᠯᠠ᠃ ᠪᠠᠳᠮᠠᠴᠡᠴᠡᠭ᠂ ᠬᠠᠭᠤᠴᠢᠨ ᠵᠢᠯ ᠳᠤ ᠭᠡᠷ ᠣᠷᠣᠨ ᠤ ᠪᠠᠨ ᠬᠤᠭ ᠲᠣᠭᠤᠰᠣ ᠶᠢ ᠰᠠᠶᠢᠬᠠᠨ ᠭᠦᠪᠢᠵᠦ | ᠴᠡᠪᠡᠷᠯᠡᠭᠡᠳ ᠪᠤᠵᠠᠷ ᠪᠤᠷᠲᠠᠭ ᠢ ᠰᠢᠨᠡ ᠵᠢᠯ ᠳᠤ ᠠᠪᠴᠤ ᠣᠷᠣᠳᠠᠭ ᠦᠭᠡᠢ ᠶᠤᠮ᠃ ᠴᠠᠭᠠᠨ ᠰᠠᠷᠠ ᠪᠠᠷ ᠪᠡᠯᠭᠡ ᠲᠠᠢ | ᠦᠭᠡ ᠬᠡᠯᠡᠵᠦ᠂ ᠰᠠᠮᠪᠠᠢ ᠬᠠᠳᠠᠭ ᠢᠶᠠᠨ ᠳᠡᠯᠭᠡᠳᠡᠭ ᠲᠠᠢ ᠠᠳᠠᠯᠢ ᠪᠠᠷ ᠠᠮᠢᠳᠤᠷᠠᠯ ᠦᠢᠯᠡᠰ ᠲᠡᠭᠡᠨ ᠲᠣᠬᠢᠷᠠᠭᠰᠠᠨ | ᠠᠭᠤᠯᠭᠠ ᠲᠠᠢ ᠬᠤᠣᠰ ᠤᠶᠠᠩᠭᠠ ᠶᠢ ᠰᠣᠩᠭᠤᠨ᠂ ᠰᠢᠨᠡ ᠨᠢᠭᠡᠨ ᠵᠢᠯ ᠳᠤ ᠥᠯᠵᠡᠢ ᠬᠡᠶᠢᠮᠣᠷᠢ ᠲᠠᠢ ᠪᠠᠶᠢᠬᠤ | ᠪᠣᠯᠲᠤᠭᠠᠢ ᠭᠡᠵᠦ ᠬᠤᠪᠢᠨ ᠳᠠᠭᠠᠨ ᠵᠥᠩᠨᠡᠨ ᠪᠡᠯᠭᠡᠳᠡᠳᠡᠭ᠃ ᠪᠢ ᠶᠡᠷᠦ ᠨᠢ ᠰᠢᠨᠡ ᠵᠢᠯ ᠳᠤ ᠠᠬᠠᠮᠠᠳ | ᠪᠤᠭᠤᠷᠤᠯᠴᠤᠳ ᠤᠨ ᠠᠮᠠᠨ ᠢᠷᠦᠭᠡᠯ ᠲᠠᠯᠪᠢᠬᠤ᠂ ᠪᠡᠯᠭᠡ ᠳᠡᠮᠪᠡᠷᠢᠯ ᠲᠠᠢ ᠦᠭᠡ ᠬᠡᠯᠡᠬᠦ ᠶᠢ ᠪᠣᠯᠭᠤᠭᠠᠨ ᠰᠣᠨᠣᠰᠴᠤ | ᠪᠡᠯᠭᠡᠰᠢᠶᠡᠳᠡᠭ ᠪᠢᠯᠡ ᠭᠡᠪᠡ᠃ | ᠵᠢᠯ ᠴᠠᠭᠠᠨ ᠰᠠᠷᠠ ᠪᠠᠷ ᠡᠪᠦᠭᠡᠳ ᠪᠤᠭᠤᠷᠤᠯᠴᠤᠳ᠂ ᠠᠬᠠᠮᠠᠳ ᠲᠣᠮᠣᠭᠠᠲᠠᠳ ᠤᠨ ᠠᠮᠠᠨ ᠠᠴᠠ | ᠭᠠᠷᠤᠭᠰᠠᠨ ᠰᠢᠨᠡ ᠶᠢᠨ ᠠᠮᠤᠷ ᠮᠡᠨᠳᠤ᠂ ᠢᠷᠦᠭᠡᠯ ᠮᠠᠭᠲᠠᠭᠠᠯ᠂ ᠬᠤᠯᠪᠤᠭᠠ ᠰᠢᠯᠦᠭ ᠪᠦᠭᠦᠨ ᠨᠢ ᠬᠦᠰᠡᠯ | ᠵᠥᠩᠨᠡᠯ ᠤᠨ ᠥᠩᠭᠡ ᠠᠶᠠᠰ ᠲᠠᠢ ᠪᠠᠶᠢᠵᠤ᠂ ᠰᠢᠨᠡ ᠨᠢᠭᠡᠨ ᠵᠢᠯ ᠳᠤ ᠠᠯᠢᠪᠠ ᠪᠦᠭᠦᠨ ᠰᠠᠶᠢᠨ ᠰᠠᠶᠢᠬᠠᠨ ᠪᠤᠯᠬᠤ ᠶᠢ | ᠵᠥᠩᠨᠡᠨ ᠪᠡᠯᠭᠡᠳᠡᠳᠡᠭ ᠠᠴᠠ ᠭᠠᠳᠠᠨᠠ ᠨᠤᠲᠤᠭ ᠤᠨ ᠮᠠᠯᠴᠢᠳ ᠲᠡᠭᠷᠢ ᠭᠠᠵᠠᠷ ᠢ ᠰᠢᠲᠦᠬᠦ᠂ ᠨᠤᠲᠤᠭ ᠤᠰᠤ ᠪᠠᠨ | ᠳᠡᠭᠡᠳᠦᠯᠡᠬᠦ᠂ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠢᠶᠠᠨ ᠥᠨᠢᠷ ᠥᠰᠬᠡᠬᠦ᠂ ᠡᠪᠡᠰᠦ ᠪᠡᠯᠴᠢᠭᠡᠷ ᠥᠩ ᠰᠢᠮᠡᠯᠢᠭ ᠪᠠᠶᠢᠬᠤ ᠶᠢ | ᠪᠡᠯᠭᠡᠰᠢᠶᠡᠨ ᠮᠠᠰᠢ ᠤᠯᠠᠨ ᠪᠡᠯᠭᠡᠳᠡᠯ ᠤᠨ ᠤᠳᠬᠠ ᠲᠠᠢ ᠥᠢᠯᠠ ᠠᠵᠢᠯᠯᠠᠭᠠ ᠶᠢ ᠥᠷᠨᠢᠭᠦᠯᠳᠡᠭ ᠠᠵᠠᠢ᠃ | ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠵᠢᠷᠠᠲᠠᠢ ᠪᠠᠯᠭᠠᠰᠤᠨ ᠤ ᠵᠤᠭᠤᠰᠳᠤᠯᠤᠭᠠᠢ ᠭᠠᠴᠠᠭᠠᠨ ᠤ ᠮᠠᠯᠴᠢᠨ | ᠡᠷᠳᠡᠨᠢᠠ᠋ᠭᠤᠯᠠ ᠶᠢᠨ ᠬᠢᠨ ᠤᠯᠠᠮᠵᠢᠯᠠᠵᠤ ᠢᠷᠡᠭᠰᠡᠨ ᠵᠤᠷᠰᠢᠯ ᠢᠶᠠᠷ ᠪᠢᠲᠡᠭᠦᠨ ᠤ ᠣᠷᠣᠢ ᠬᠤᠶᠠᠷ ᠪᠦᠯᠦᠭ | ᠲᠣᠷᠤᠮ ᠲᠠᠢ ᠢᠩᠭᠡ ᠪᠠᠨ ᠬᠤᠷᠢᠶᠠᠨ ᠬᠤᠲᠠᠯᠠᠵᠤ ᠬᠤᠨᠣᠳᠠᠭ ᠵᠠᠩᠰᠢᠯ ᠲᠠᠢ ᠶᠤᠮ᠃ ᠡᠷᠳᠡᠨᠢᠠ᠋ᠭᠤᠯᠠ᠄ ︽ᠮᠠᠨᠠᠶᠢᠬᠢᠨ | ᠪᠢᠲᠡᠭᠦᠨ ᠤ ᠰᠥᠨᠢ ᠵᠠᠪᠠᠯ ᠲᠣᠷᠤᠮ ᠲᠠᠢ ᠢᠩᠭᠡ ᠪᠠᠨ ᠬᠤᠲᠠᠯᠠᠵᠤ ᠬᠤᠨᠣᠳᠠᠭ ᠵᠠᠩᠰᠢᠯ ᠲᠠᠢ᠃ ᠡᠨᠡ ᠴᠠᠭᠠᠨ ᠰᠠᠷᠠ | ᠴᠦ ᠭᠡᠰᠡᠨ ᠠᠳᠠᠯᠢ ᠪᠠᠷ ᠪᠢ ᠬᠤᠶᠠᠷ ᠪᠦᠯᠦᠭ ᠲᠣᠷᠤᠮ ᠲᠠᠢ ᠢᠩᠭᠡ ᠪᠠᠨ ᠬᠤᠷᠢᠶᠠᠨ ᠬᠤᠲᠠᠯᠠᠵᠤ ᠬᠤᠶᠠᠷ | ᠪᠤᠤᠷᠠ ᠪᠠᠨ ᠤᠶᠠᠵᠤ ᠬᠤᠨᠣᠭᠤᠯᠤᠭᠠᠳ ᠰᠢᠨᠡ ᠶᠢᠨ ᠨᠢᠭᠡᠨ ᠤ ᠥᠷᠯᠥᠭᠡ ᠴᠠᠭᠠᠯᠠᠬᠤ ᠳᠠᠭᠠᠨ ᠪᠤᠤᠷᠠ ᠪᠠᠨ ᠰᠠᠩ ᠤᠨ | ᠭᠠᠯ ᠢ ᠲᠣᠭᠤᠷᠢᠭᠤᠯᠤᠨ ᠬᠥᠲᠥᠯᠵᠦ ᠷᠠᠪᠨᠢᠯᠠᠯᠠ᠃ ᠡᠨᠡ ᠨᠢ ᠰᠢᠨᠡ ᠵᠢᠯ ᠳᠤ ᠰᠥᠷᠥᠭ ᠤᠨ ᠳᠠᠭᠠᠭᠠᠮᠠᠯ ᠪᠣᠯᠤᠭᠰᠠᠨ | ᠪᠤᠤᠷᠠᠨ ᠲᠡᠮᠡᠭᠡ ᠣᠮᠤᠭ ᠰᠦᠷ ᠲᠠᠢ ᠪᠣᠯᠵᠤ᠂ ᠲᠡᠮᠡᠭᠡᠨ ᠰᠥᠷᠥᠭ ᠲᠤ ᠮᠠᠭᠤ ᠮᠠᠭᠤᠬᠠᠢ ᠵᠦᠢᠯᠡᠰ ᠬᠠᠯᠳᠠᠬᠤ ᠦᠭᠡᠢ᠂ | ᠲᠡᠮᠡᠭᠡᠳ ᠢᠶᠠᠨ ᠤᠯᠠᠮ ᠥᠨᠢᠷ ᠥᠰᠬᠦ ᠶᠢ ᠪᠡᠯᠭᠡᠳᠡᠨ᠂ ᠲᠥᠯ ᠪᠣᠲᠣᠭᠤ ᠪᠠᠨ ᠮᠡᠨᠳᠤ ᠰᠠᠶᠢᠬᠠᠨ ᠣᠨᠳᠣᠷᠣᠭᠤᠯᠬᠤ ᠶᠢ | ᠵᠥᠩᠨᠡᠯᠡ᠃ ᠢᠩᠭᠢᠭᠡᠳ ᠠᠪᠤ ᠡᠵᠢ᠂ ᠠᠬᠠ ᠶᠡᠬᠡᠰ ᠲᠡᠭᠡᠨ ᠰᠢᠨᠡ ᠶᠢᠨ ᠠᠮᠤᠷ ᠠᠶᠢᠯᠠᠳᠬᠠᠭᠠᠳ ᠳᠠᠭᠢᠠ ᠮᠠᠯ | ᠲᠡᠮᠡᠭᠡ ᠪᠠᠨ ᠨᠠᠷᠠᠨ ᠵᠦᠭ ᠪᠡᠯᠴᠢᠭᠡᠳᠡᠭ ᠤᠴᠢᠷ ᠲᠠᠢ᠃ ᠡᠭᠦᠨ ᠤ ᠳᠠᠷᠠᠭᠠ ᠪᠠᠷ ᠰᠤᠪᠠᠢ ᠲᠡᠮᠡᠭᠡ ᠪᠠᠨ ᠵᠣᠳᠣᠷᠯᠠᠳᠠᠭ᠃ | ᠡᠨᠡ ᠪᠦᠭᠦᠨ ᠨᠢ ᠡᠪᠦᠭᠡ ᠳᠡᠭᠡᠳᠦᠰ ᠠᠴᠠ ᠤᠯᠠᠮᠵᠢᠯᠠᠵᠤ ᠢᠷᠡᠭᠰᠡᠨ ᠶᠣᠰᠣ ᠵᠠᠩᠰᠢᠯ ᠪᠠᠶᠢᠭᠠ ᠶᠤᠮ᠃ ᠮᠥᠨ ᠴᠦ | ᠠᠪᠤ ᠡᠵᠢ ᠨᠠᠰᠤᠲᠠᠢ ᠪᠤᠭᠤᠷᠤᠯᠴᠤᠳ ᠤᠨ ᠪᠡᠶᠡ ᠮᠠᠬᠠᠪᠤᠳ ᠡᠷᠡᠭᠦᠯ ᠲᠡᠩᠬᠡᠯᠡᠭᠦᠨ᠂ ᠤᠷᠳᠤ ᠨᠠᠰᠤᠯᠠᠵᠤ ᠤᠳᠠᠭᠠᠨ | ᠵᠢᠷᠭᠠᠬᠤ ᠶᠢ ᠵᠥᠩᠨᠡᠨ ᠢᠷᠦᠭᠡᠵᠦ᠂ ᠮᠠᠯ ᠰᠥᠷᠥᠭ ᠥᠨᠢᠷ ᠥᠳᠬᠡᠨ ᠦᠷᠡᠵᠢᠬᠦ ᠪᠣᠯᠲᠤᠭᠠᠢ ᠬᠡᠮᠡᠨ ᠵᠢᠯ ᠪᠣᠯᠭᠠᠨ | ᠡᠨᠡ ᠬᠦ ᠣᠶᠢᠯᠡ ᠠᠵᠢᠯᠯᠠᠭᠠ ᠪᠠᠨ ᠪᠠᠷᠢᠮᠲᠠᠯᠠᠭᠰᠠᠭᠠᠷ ᠢᠷᠡᠵᠡᠢ︾ ᠭᠡᠵᠦ ᠶᠠᠷᠢᠨᠠ᠃ | ᠶᠡᠷᠦᠨᠢ ᠤᠬᠠᠭᠠᠯᠢᠭ ᠠᠷᠠᠳ ᠲᠦᠮᠡᠨ ᠮᠠᠨᠢ ᠠᠯᠢ ᠡᠷᠲᠡ ᠠᠴᠠ ᠠᠪᠤᠭᠠᠳ ᠪᠡᠯᠭᠡᠰᠢᠶᠡᠬᠦ ᠶᠢ ᠡᠷᠬᠢᠮᠨᠡᠵᠦ᠂ | ᠬᠥᠮᠥᠨ ᠠᠮᠢᠳᠠᠨ᠂ ᠡᠪᠡᠰᠦ ᠤᠷᠭᠤᠮᠠᠯ᠂ ᠪᠤᠯᠠᠭ ᠤᠰᠤ ᠭᠦᠷᠳᠡᠯᠡ ᠳᠡᠯᠡᠬᠡᠢ ᠶᠢᠨ ᠲᠦᠮᠡᠨ ᠪᠣᠳᠠᠰ ᠪᠦᠷ ᠠᠮᠢ ᠲᠠᠢ | ᠪᠠᠶᠢᠭᠠ ᠪᠠᠷ ᠦᠵᠡᠳᠡᠭ ᠪᠣᠯᠬᠤᠷ ᠠᠮᠢ ᠠᠬᠤᠢ᠂ ᠡᠬᠡ ᠪᠠᠶᠢᠭᠠᠯᠢ ᠲᠠᠢ ᠪᠠᠨ ᠡᠶᠡ ᠵᠣᠬᠢᠴᠠᠩᠭᠤᠢ ᠠᠮᠢᠳᠤᠷᠠᠪᠠᠯ ᠰᠠᠶ᠋ᠢ | ᠲᠦᠮᠡᠨ ᠦᠢᠯᠡᠰ ᠰᠡᠳᠬᠢᠯᠴᠢᠯᠡᠨ ᠪᠦᠳᠤᠨᠡ ᠭᠡᠵᠦ ᠦᠵᠡᠳᠡᠭ᠃ ᠡᠨᠡ ᠬᠦ ᠵᠥᠪ ᠡᠨᠧᠷᠭᠢ ᠶᠢᠨ ᠬᠦᠴᠦᠨ ᠢᠶᠠᠷ | ᠰᠠᠶᠢᠬᠠᠨ ᠠᠮᠢᠳᠤᠷᠠᠵᠤ ᠴᠢᠳᠠᠳᠠᠭ ᠨᠢ ᠨᠢᠭᠡᠨ ᠵᠦᠢᠯ ᠤᠨ ᠭᠠᠶᠢᠬᠠᠮᠰᠢᠭ ᠪᠢᠯᠡ᠃ ︽ᠴᠠᠭᠠᠨ ᠰᠠᠷᠠ ᠶᠢᠨ | ᠰᠢᠨᠡᠳ ᠢᠶᠠᠷ ᠭᠦᠭᠡᠬᠤᠳᠠ ᠳᠤ ᠪᠠᠶᠢᠭᠠ ᠠᠴᠢ ᠬᠦᠦ ᠮᠢᠨᠢ ᠭᠡᠷ ᠪᠦᠯᠢ ᠪᠠᠷ ᠢᠶᠠᠨ ᠮᠠᠨ ᠤ ᠳᠤ ᠰᠢᠨᠡᠯᠡᠬᠦ ᠪᠠᠷ ᠢᠷᠡᠯᠡ᠃ | ᠠᠶᠢᠯ ᠭᠡᠷ ᠪᠣᠯᠣᠭᠠᠳ ᠤᠳᠠᠭᠰᠠᠨ ᠴᠦ ᠠᠩᠬᠠ ᠤᠳᠠᠭᠠ ᠮᠢᠨᠤ ᠬᠠᠵᠠᠭᠤ ᠳᠤ ᠰᠢᠨᠡᠯᠡᠵᠣ ᠢᠷᠡᠭᠰᠡᠨ ᠲᠤᠯᠠ ᠪᠡᠯᠡᠭ | ᠰᠡᠯᠲᠡ ᠶᠢ ᠨᠢ ᠲᠤᠰᠤᠭᠠᠳ ᠬᠠᠷᠢᠭᠤ ᠳᠤᠨᠢ ᠬᠠᠯᠠᠭᠤᠨ ᠬᠤᠰᠢᠭᠤᠲᠤ ᠬᠤᠨᠢ ᠠᠮᠠᠯᠠᠭᠠᠳ ᠶᠠᠪᠤᠭᠤᠯᠤᠭᠰᠠᠨ ᠰᠢᠤ᠃ | ᠬᠠᠯᠠᠭᠤᠨ ᠬᠤᠰᠢᠭᠤᠲᠤ ᠬᠤᠨᠢ ᠶᠢ ᠪᠢᠳᠠ ᠡᠷᠬᠢᠮᠯᠡᠨ ᠬᠦᠨᠳᠦᠯᠡᠳᠡᠭ᠂ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠰᠥᠷᠥᠭ ᠲᠠᠢ᠂ | ᠬᠡᠰᠢᠭ ᠪᠤᠶᠠᠨ ᠲᠠᠢ ᠪᠤᠯᠬᠤ ᠪᠣᠯᠲᠤᠭᠠᠢ ᠭᠡᠰᠡᠨ ᠰᠠᠨᠠᠭᠠ ᠲᠠᠢ ᠶᠤᠮ᠃ ᠰᠢᠨᠡ ᠵᠢᠯ ᠢᠶᠠᠷ ᠰᠢᠨᠡᠯᠡᠵᠤ ᠢᠷᠡᠬᠦ ᠪᠣᠯ | ᠨᠢᠭᠡ ᠤᠴᠢᠷ᠂ ᠨᠥᠭᠦᠭᠡ ᠲᠠᠯᠠ ᠪᠠᠷ ᠠᠬᠠᠮᠠᠳ ᠪᠣᠯᠤᠭᠰᠠᠨ ᠤ ᠬᠤᠪᠢ ᠳᠤ ᠵᠠᠪᠠᠯ ᠠᠴᠢ ᠦᠷᠡ ᠪᠠᠨ | ᠤᠷᠮᠠᠰᠢᠭᠤᠯᠤᠨ ᠵᠣᠷᠢᠭᠵᠢᠭᠤᠯᠵᠤ᠂ ᠡᠳ᠋ ᠮᠥᠩᠭᠦ ᠲᠠᠢ᠂ ᠡᠯᠪᠡᠭ ᠪᠤᠶᠠᠨ ᠲᠠᠢ᠂ ᠨᠠᠷᠠ ᠰᠠᠷᠠ ᠮᠡᠲᠦ ᠮᠠᠨᠳᠤᠵᠤ᠂ | ᠨᠠᠪᠴᠢ ᠴᠡᠴᠡᠭ ᠮᠡᠲᠦ ᠳᠡᠯᠭᠡᠷᠡᠵᠦ ᠶᠠᠪᠤᠲᠤᠭᠠᠢ ᠭᠡᠵᠦ ᠰᠠᠶᠢᠬᠠᠨ ᠢᠷᠦᠭᠡᠯ ᠢᠶᠠᠨ ᠥᠭᠬᠦ ᠬᠡᠷᠡᠭᠲᠡᠢ ᠪᠠᠶᠢᠳᠠᠭ᠃ ᠠᠬᠠ | ᠶᠡᠬᠡᠰ ᠬᠥᠮᠥᠨ ᠤ ᠠᠮᠠᠨ ᠪᠡᠯᠭᠡ ᠶᠡᠷᠦ ᠨᠢ ᠤᠳᠠᠭᠠᠨ ᠳᠠᠭᠠᠨ ᠣᠷᠣ ᠲᠠᠢ ᠪᠤᠯᠳᠠᠭ᠂ ᠡᠶᠢᠮᠦ ᠠᠴᠠ ᠰᠢᠨᠡ ᠵᠢᠯ ᠢᠶᠠᠷ | ᠵᠥᠪᠭᠡᠨ ᠰᠢᠨᠡᠯᠡᠭᠡᠳ ᠪᠠᠶᠠᠷᠯᠠᠭᠠᠳ ᠥᠩᠭᠡᠷᠡᠵᠦ ᠤᠳᠬᠤ ᠶᠠᠪᠤᠳᠠᠯ ᠪᠢᠰᠢ᠃ ᠴᠠᠭᠠᠨᠠ ᠪᠠᠨ ᠮᠠᠰᠢ ᠭᠦᠨ ᠵᠤᠵᠠᠭᠠᠨ | ᠵᠥᠩᠨᠡᠯ ᠪᠡᠯᠭᠡᠳᠡᠯ ᠤᠨ ᠰᠠᠨᠠᠭᠠ ᠲᠠᠢ︾ ᠭᠡᠵᠦ ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠵᠢᠷᠠᠲᠠᠢ ᠪᠠᠯᠭᠠᠰᠤᠨ ᠤ ᠲᠤᠬᠯᠢ | ᠭᠠᠴᠠᠭᠠᠨ ᠤ ᠲᠤᠶᠠᠭᠠ ᠨᠠᠰᠤᠲᠠᠨ ᠶᠠᠷᠢᠯᠠ᠃ | ᠦᠢᠯᠡᠰ ᠪᠦᠭᠦᠨ ᠥᠷᠨᠢᠨ ᠬᠥᠭᠵᠢᠭᠰᠡᠨ ᠥᠯᠵᠡᠶᠢᠲᠦ ᠰᠢᠨᠡ ᠵᠢᠯ᠂ ᠥᠷᠭᠡᠨ ᠤᠯᠠᠨ ᠪᠠᠶᠠᠰᠤᠨ | ᠨᠠᠶᠢᠷᠯᠠᠭᠰᠠᠨ ᠪᠠᠶᠠᠷᠲᠤ ᠴᠠᠭᠠᠨ ᠰᠠᠷᠠ ᠪᠠᠶᠠᠷ ᠴᠡᠩᠭᠡᠯ ᠢᠶᠠᠷ ᠪᠢᠯᠬᠠᠨᠠ᠃ ᠡᠶᠢᠨ ᠬᠦ ᠵᠢᠯ ᠴᠠᠭᠠᠨ ᠰᠠᠷᠠ ᠪᠠᠷ ᠠᠯᠳᠠ | ᠴᠠᠭᠠᠨ ᠬᠠᠳᠠᠭ ᠲᠠᠲᠠᠵᠤ᠂ ᠠᠮᠠᠨ ᠴᠠᠭᠠᠨ ᠢᠷᠦᠭᠡᠯ ᠲᠠᠯᠪᠢᠭᠰᠠᠨ ᠬᠥᠮᠥᠨ ᠤ ᠦᠭᠡ ᠪᠣᠯᠭᠠᠨ ᠳᠤ ᠰᠡᠴᠡᠨ ᠴᠡᠯᠮᠡᠭ | ᠤᠷᠠ ᠠᠪᠢᠶᠠᠰ ᠬᠠᠷᠠᠭᠳᠠᠨ᠂ ᠬᠤᠳᠠ ᠰᠥᠷᠥᠭ᠂ ᠮᠠᠯ ᠤᠨᠤᠭᠠ ᠶᠢᠨ ᠠᠷᠠᠴᠢᠯᠠᠭᠠ ᠪᠣᠯᠭᠠᠨ ᠳᠤᠨᠢ ᠪᠡᠯᠭᠡᠰᠢᠶᠡᠯ ᠤᠨ | ᠶᠣᠰᠣᠨ ᠠᠭᠤᠯᠵᠤ᠂ ᠠᠵᠢᠯ ᠦᠢᠯᠡᠰ ᠠᠵᠤ ᠠᠮᠢᠳᠤᠷᠠᠯ ᠪᠦᠭᠦᠨ ᠳᠤ ᠵᠥᠩᠨᠡᠯ ᠪᠡᠯᠭᠡᠳᠡᠯ ᠬᠤᠷᠤᠶᠢᠯᠠᠨ᠂ ᠴᠠᠭᠯᠠᠰᠢ | ᠦᠭᠡᠢ ᠪᠠᠶᠠᠷ ᠪᠠᠶᠠᠰᠤᠯ ᠲᠠᠢ ᠴᠠᠭᠠᠨ ᠰᠠᠷᠠ ᠳᠤ ᠢᠷᠦᠭᠡᠯ ᠵᠥᠩᠨᠡᠯ ᠢᠶᠠᠷ ᠪᠤᠶᠠᠨ ᠲᠡᠭᠦᠰ ᠪᠣᠯᠵᠤ ᠪᠠᠶᠢᠨᠠ᠃ |