| | ᠰᠤᠷᠪᠤᠯᠵᠢᠯᠠᠬᠴᠢ ᠶᠠᠩ ᠭᠤᠸᠠ | ᠴᠠᠭᠠᠨ ᠰᠠᠷᠠ ᠠᠷᠤ ᠭᠡᠷ ᠲᠡᠭᠡᠨ ᠬᠠᠷᠢᠵᠤ ᠠᠪᠤ ᠡᠵᠢ ᠠᠬᠠ ᠳᠡᠭᠦᠦ ᠰᠠᠳᠤᠨ ᠲᠠᠢ ᠪᠠᠨ ᠬᠠᠮᠲᠤ | ᠰᠢᠨᠡᠯᠡᠬᠦ ᠨᠢ ᠬᠥᠮᠥᠰ ᠤᠨ ᠬᠦᠰᠡᠯ ᠪᠠᠶᠢᠭᠰᠠᠨ ᠪᠣᠯ ᠭᠠᠳᠠᠭᠰᠢ ᠭᠠᠷᠴᠤ ᠲᠣᠭᠤᠷᠢᠨ ᠵᠤᠭᠠᠴᠠᠵᠤ ᠰᠢᠨᠡᠯᠡᠬᠦ ᠨᠢ ᠪᠠᠰᠠ | ᠴᠦ ᠬᠥᠮᠥᠰ ᠤᠨ ᠰᠢᠨᠡ ᠰᠣᠩᠭᠤᠯᠲᠠ ᠪᠣᠯᠵᠠᠢ᠃ ᠤᠯᠤᠰ ᠤᠨ ᠵᠢᠭᠤᠯᠴᠢᠯᠠᠯ ᠤᠨ ᠲᠣᠪᠴᠢᠶᠠ ᠶᠢᠨ ᠲᠤᠭᠠ | ᠪᠠᠷᠢᠮᠲᠠ ᠶᠢᠨ ᠲᠥᠪ ᠤᠨ ᠪᠦᠷᠢᠳᠬᠡᠭᠰᠡᠨ ᠢᠶᠠᠷ᠂ ᠡᠨᠡ ᠵᠢᠯ ᠤᠨ ᠴᠠᠭᠠᠨ ᠰᠠᠷᠠ ᠶᠢᠨ ᠬᠤᠭᠤᠴᠠᠭᠠᠨ ᠳᠤ᠂ ᠮᠠᠨ ᠤ | ᠤᠯᠤᠰ ᠨᠡᠶᠢᠲᠡ 5.01ᠳ᠋ᠦᠩᠰᠢᠭᠤᠷ ᠬᠥᠮᠥᠨ ᠤᠳᠠᠭᠠᠨ ᠤ ᠵᠤᠭᠠᠴᠠᠭᠰᠠᠳ ᠢ ᠭᠥᠯᠢᠶᠡᠨ ᠠᠪᠴᠤ᠂ 6770.02 | ᠳ᠋ᠦᠩᠰᠢᠭᠤᠷ ᠲᠥᠭᠦᠷᠢᠭ ᠤᠨ ᠤᠷᠤᠯᠭᠠ ᠶᠢ ᠡᠭᠦᠳᠦᠭᠰᠡᠨ ᠪᠠᠶᠢᠨᠠ᠃ | ᠵᠢᠭᠤᠯᠴᠢᠯᠠᠯ ᠤᠨ ᠲᠠᠷᠬᠠᠨ ᠣᠷᠣᠨ ᠪᠣᠯᠤᠭᠰᠠᠨ ᠬᠠᠶᠢᠨᠠᠨ ᠠᠷᠠᠯ ᠨᠢ ᠡᠷᠳᠡᠨᠢᠴᠢᠯᠠᠭᠤ᠂ ᠨᠠᠷᠠᠨᠬᠦᠦ᠂ | ᠴᠣᠯᠮᠣᠨ᠂ᠣᠳᠣᠩᠭᠤᠸᠠ᠂ ᠲᠤᠩᠭᠠᠯᠠᠭ ᠵᠡᠷᠭᠡ ᠬᠥᠮᠥᠰ ᠤᠨ ᠴᠠᠭᠠᠨ ᠰᠠᠷᠠ ᠶᠢᠨ ᠬᠤᠭᠤᠴᠠᠭᠠᠨ ᠳᠤ ᠭᠠᠳᠠᠭᠰᠢ | ᠭᠠᠷᠴᠤ ᠲᠣᠭᠤᠷᠢᠨ ᠵᠤᠭᠠᠴᠠᠬᠤ ᠲᠡᠷᠢᠭᠦᠨ ᠰᠣᠩᠭᠤᠯᠲᠠ ᠪᠣᠯᠵᠠᠢ᠃ ᠡᠷᠳᠡᠨᠢᠴᠢᠯᠠᠭᠤ ᠨᠠᠷᠠᠨᠬᠦᠦ ᠬᠤᠶᠠᠭᠤᠯᠠ ᠪᠣᠯ | ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠡᠷᠬᠡᠬᠠᠰᠢᠬᠠ ᠰᠤᠮᠤᠨ ᠤ ᠦᠨᠡᠭᠡᠲᠦ ᠭᠠᠴᠠᠭᠠ ᠪᠠᠷ ᠨᠤᠲᠤᠭᠲᠠᠢ᠂ ᠥᠬᠢᠨ ᠪᠠᠶ᠋ᠢ ᠨᠢ | ᠬᠠᠶᠢᠨᠠᠨ ᠮᠤᠵᠢ ᠶᠢᠨ ᠰᠠᠨᠶᠠ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠨᠡᠶᠢᠭᠡᠮ ᠵᠦᠢ ᠶᠢᠨ ᠪᠠᠭᠰᠢ ᠪᠠᠷ ᠠᠵᠢᠯᠯᠠᠵᠤ ᠪᠠᠶᠢᠳᠠᠭ᠃ | ᠤᠤᠯ ᠨᠢ ᠪᠠᠶ᠋ᠢ ᠵᠢᠯ ᠪᠦᠷᠢ ᠨᠤᠲᠤᠭ ᠲᠠᠭᠠᠨ ᠬᠠᠷᠢᠵᠤ ᠰᠢᠨᠡᠯᠡᠳᠡᠭ᠂ ᠡᠨᠡ ᠵᠢᠯ ᠲᠡᠷᠡᠪᠡᠷ ᠠᠪᠤ ᠡᠵᠢ᠂ ᠠᠬᠠ ᠪᠡᠷᠭᠡᠨ | ᠂ ᠠᠴᠢ ᠬᠡᠦᠬᠡᠨ ᠢᠶᠠᠨ ᠬᠠᠶᠢᠨᠠᠨ ᠮᠤᠵᠢ ᠳᠤ ᠤᠷᠢᠨ ᠬᠠᠮᠲᠤ ᠪᠠᠷ ᠰᠢᠨᠡᠯᠡᠵᠡᠢ᠃ ︽ᠡᠨᠡ ᠵᠢᠯ ᠬᠦᠦ ᠬᠡᠦᠬᠡᠨ ᠤ ᠪᠠᠨ | ᠠᠴᠢ ᠪᠠᠷ ᠲᠠᠯᠠᠢ ᠦᠵᠡᠵᠦ ᠳᠤᠯᠠᠭᠠᠬᠠᠨ ᠰᠢᠨᠡᠯᠡᠯᠠ᠂ ᠶᠡᠷᠦᠨᠢ ᠡᠯᠡᠰᠦᠨ ᠥᠷᠥᠴᠡᠨ ᠠᠴᠠ ᠳᠠᠯᠠᠢ ᠶᠢᠨ ᠬᠥᠪᠡᠭᠡᠨ ᠳᠤ | ᠬᠦᠷᠴᠦ ᠰᠢᠨᠡᠯᠡᠨᠡ ᠭᠡᠵᠦ ᠶᠡᠷᠦᠨᠢ ᠪᠤᠳᠤᠵᠤ ᠦᠵᠡᠭᠡ ᠦᠭᠡᠢ᠂ ᠠᠩᠬᠠ ᠤᠳᠠᠭᠠ ᠨᠢᠰᠬᠡᠯ ᠳᠤ ᠰᠠᠭᠤᠵᠤ ᠲᠠᠯᠠᠢ | ᠦᠵᠡᠵᠦ ᠶᠣᠰᠣᠲᠠᠢ ᠪᠠᠶᠠᠷᠯᠠᠭᠰᠠᠨ ᠰᠢᠣ᠃ ᠰᠠᠨᠶᠠ ᠶᠢᠨ ᠠᠭᠤᠷ ᠠᠮᠢᠰᠬᠤᠯ ᠦᠨᠡᠬᠡᠷ ᠰᠠᠶᠢᠬᠠᠨ᠂ ᠵᠢᠮᠢᠰ ᠢᠳᠡᠭᠡᠨ | ᠡᠯᠪᠡᠭ ᠳᠡᠯᠪᠡᠭ᠂ ᠤᠳᠠᠭᠠᠨ ᠡᠳᠦᠷ ᠰᠠᠭᠤᠬᠤ ᠳᠤ ᠵᠢᠭᠠᠬᠠᠨ ᠳᠠᠳᠬᠤ ᠦᠭᠡᠢ ᠪᠣᠯᠵᠠᠢ᠂ ᠪᠢ ᠴᠢᠨᠢ ᠡᠳᠦᠷᠵᠢᠨ ᠰᠦ | ᠴᠠᠭᠠ᠂ ᠮᠢᠬᠠ ᠲᠣᠰᠣ ᠢᠳᠡᠳᠡᠭ ᠪᠣᠯᠬᠤᠷ ᠠᠷᠪᠠᠭᠠᠳ ᠡᠳᠦᠷ ᠰᠠᠭᠤᠭᠠᠳ ᠨᠤᠲᠤᠭ ᠤᠨ ᠢᠶᠠᠨ ᠢᠳᠡᠭᠡᠨ ᠤᠮᠳᠠᠭᠠᠨ᠂ | ᠲᠦᠷᠦᠯ ᠰᠠᠳᠤᠨ᠂ ᠮᠠᠯ ᠰᠦᠷᠦᠭ ᠢᠶᠠᠨ ᠰᠠᠨᠠᠴᠢᠬᠠᠯᠠ᠂ ᠬᠥᠮᠥᠨ ᠤ ᠨᠤᠲᠤᠭ ᠬᠡᠴᠢᠨᠡᠨ ᠰᠠᠶᠢᠬᠠᠨ ᠴᠤ ᠥᠪᠡᠷ ᠤᠨ | ᠨᠤᠲᠤᠭ ᠰᠡᠳᠬᠢᠯ ᠳᠤ ᠤᠶᠠᠭᠠᠲᠠᠢ ᠪᠠᠶᠢᠳᠠᠭ ᠶᠤᠮ ᠪᠠᠶᠢᠨᠠ︾ ᠭᠡᠵᠦ ᠨᠠᠷᠠᠨᠬᠦᠦ ᠢᠨᠢᠶᠡᠮᠰᠦᠭᠯᠡᠨ ᠶᠠᠷᠢᠨᠠ᠃ | ᠴᠠᠭᠠᠨ ᠰᠠᠷᠠ ᠠᠴᠠ ᠡᠮᠦᠨᠡᠬᠡᠨ ᠴᠣᠯᠮᠣᠨ ᠣᠳᠣᠩᠭᠤᠸᠠ ᠬᠤᠶᠠᠭᠤᠯᠠ ᠬᠤᠶᠠᠷ ᠬᠡᠦᠬᠡᠨ ᠲᠠᠢ ᠪᠠᠨ | ᠪᠠᠶᠠᠨᠬᠤᠲᠠ ᠠᠴᠠ ᠮᠣᠷᠳᠠᠵᠤ᠂ ᠬᠠᠶᠢᠨᠠᠨ ᠮᠤᠵᠢ ᠶᠢᠨ ᠰᠠᠨᠶᠠ ᠬᠤᠳᠠ ᠳᠤ ᠬᠦᠷᠴᠦ ᠰᠢᠨᠡᠯᠡᠭᠡᠳ᠂ ᠰᠢᠨᠡ ᠶᠢᠨ | ᠭᠤᠷᠪᠠᠨ ᠳᠤ ᠬᠠᠷᠢᠵᠤ ᠢᠷᠡᠵᠡᠢ᠃ ᠣᠳᠣᠩᠭᠤᠸᠠ ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠳᠤ ᠠᠵᠢᠯ ᠠᠯᠪᠠ ᠲᠠᠢ᠂ ᠨᠥᠬᠦᠷ | ᠴᠣᠯᠮᠣᠨ ᠨᠢ ᠠᠯᠠᠱᠠ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠳᠤ ᠠᠵᠢᠯᠯᠠᠵᠤ ᠪᠠᠶᠢᠳᠠᠭ ᠠᠴᠠ ᠡ᠊ᠩ ᠤᠨ ᠦᠶᠡ ᠳᠤ ᠳᠡᠳᠡ | ᠬᠤᠶᠠᠭᠤᠯᠠ ᠶᠢᠨ ᠬᠠᠮᠲᠤ ᠪᠠᠶᠢᠬᠤ ᠴᠠᠭ ᠨᠢ ᠮᠠᠰᠢ ᠬᠤᠮᠰᠠᠬᠠᠨ ᠪᠠᠶᠢᠳᠠᠭ ᠠᠵᠢ᠃ ︽ᠪᠢ ᠤᠳᠠᠭᠠᠨ ᠵᠢᠯ ᠬᠠᠶᠢᠨᠠᠨ | ᠠᠷᠠᠯ ᠳᠤ ᠣᠴᠢᠵᠤ ᠰᠢᠨᠡᠯᠡᠶᠡ ᠭᠡᠵᠦ ᠪᠤᠳᠤᠵᠤ ᠪᠠᠶᠢᠭᠰᠠᠨ᠂ ᠡᠮᠦᠨᠡ ᠬᠡᠳᠦᠨ ᠵᠢᠯ ᠬᠡᠦᠬᠡᠳ ᠨᠢᠯᠬᠠ | ᠪᠠᠶᠢᠭᠰᠠᠨ ᠠᠴᠠ ᠶᠠᠪᠤᠵᠤ ᠴᠢᠳᠠᠭᠰᠠᠨ ᠦᠭᠡᠢ᠃ ᠪᠢᠳᠠ ᠬᠤᠶᠠᠷ ᠰᠠᠷᠠ ᠶᠢᠨ ᠡᠮᠦᠨᠡ ᠠᠴᠠ ᠰᠠᠨᠶᠠ ᠳᠤ ᠣᠴᠢᠵᠤ | ᠰᠢᠨᠡᠯᠡᠬᠦ ᠪᠠᠷ ᠲᠥᠯᠥᠪᠯᠡᠵᠦ ᠪᠠᠶᠢᠬᠤ ᠳᠤ ᠨᠥᠬᠦᠷ ᠤᠨ ᠮᠢᠨᠢ ᠰᠠᠶᠢᠨ ᠨᠠᠶᠢᠵᠠ ᠬᠠᠶᠢᠨᠠᠨ ᠳᠤ ᠬᠠᠮᠲᠤ ᠰᠢᠨᠡᠯᠡᠶᠡ ᠭᠡᠵᠦ | ᠤᠷᠢᠭᠰᠠᠨ᠂ ᠬᠤᠶᠠᠷ ᠬᠡᠦᠬᠡᠨ ᠲᠠᠢ ᠪᠠᠨ ᠠᠩᠬᠠ ᠤᠳᠠᠭᠠ ᠲᠠᠯᠠᠢ ᠦᠵᠡᠵᠦ ᠰᠡᠳᠬᠢᠯ ᠢᠶᠠᠨ ᠬᠠᠨᠲᠠᠯᠠ ᠲᠣᠭᠤᠷᠢᠨ | ᠵᠤᠭᠠᠴᠠᠵᠤ ᠶᠠᠪᠤᠯᠠ᠂ ᠴᠠᠭ ᠴᠢᠯᠦᠭᠡ ᠭᠠᠷᠪᠠᠯ ᠬᠡᠦᠬᠡᠳ ᠢᠶᠠᠨ ᠤᠰᠤ ᠤᠮᠪᠠᠭᠤᠯᠳᠠᠭ᠂ ᠴᠠᠭᠠᠨ ᠰᠠᠷᠠ ᠪᠠᠨ ᠮᠠᠰᠢ | ᠪᠠᠶᠠᠷ ᠭᠦᠷ ᠲᠠᠢ᠂ ᠤᠳᠬᠠ ᠠᠭᠤᠯᠭᠠ ᠲᠠᠢ ᠥᠩᠭᠡᠷᠡᠭᠦᠯᠦᠯᠡ︾ ᠭᠡᠵᠦ ᠣᠳᠣᠩᠭᠤᠸᠠ ᠪᠠᠶᠠᠷ ᠲᠠᠢ ᠶᠠᠷᠢᠨᠠ᠃ | ᠲᠤᠩᠭᠠᠯᠠᠭ ᠪᠣᠯ ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠰᠤᠷᠭᠠᠭᠤᠯᠢ ᠶᠢᠨ ᠪᠠᠭᠰᠢ | ᠶᠤᠮ᠃ ᠲᠡᠷᠡᠪᠡᠷ ᠦᠷᠭᠦᠯᠵᠢ ᠰᠤᠷᠤᠬᠴᠢ ᠪᠠᠨ ᠳᠠᠭᠠᠭᠤᠯᠤᠨ ᠳᠤᠭᠤᠢ ᠲᠡᠷᠭᠡ ᠤᠨᠤᠵᠤ ᠲᠣᠭᠤᠷᠢᠨ ᠵᠤᠭᠠᠴᠠᠵᠤ | ᠶᠠᠪᠤᠳᠠᠭ᠃ ᠡᠨᠡ ᠤᠳᠠᠭᠠ ᠳᠡᠷᠡ ᠴᠠᠭᠠᠨ ᠰᠠᠷᠠ ᠶᠢ ᠲᠣᠬᠢᠶᠠᠯᠳᠤᠭᠤᠯᠤᠨ ᠰᠤᠷᠤᠬᠴᠢ ᠪᠠᠨ ᠳᠠᠭᠠᠭᠤᠯᠵᠤ ᠬᠠᠶᠢᠨᠠᠨ | ᠮᠤᠵᠢ ᠳᠤ ᠣᠴᠢᠵᠤ ᠰᠢᠨᠡᠯᠡᠵᠡᠢ᠂ 2 ᠰᠠᠷᠠ ᠶᠢᠨ 8 ᠤ ᠡᠳᠦᠷ ᠠᠴᠠ ᠲᠤᠩᠭᠠᠯᠠᠭ ᠰᠣᠷᠣᠬᠴᠢ ᠲᠠᠢ ᠪᠠᠨ ᠲᠤᠬᠠᠢ ᠶᠢᠨ | ᠭᠠᠵᠠᠷ ᠤᠨ ᠳᠤᠭᠤᠢ ᠲᠡᠷᠭᠡᠨ ᠤ ᠺᠢᠯᠤᠪ ᠤᠨ ᠭᠡᠰᠢᠭᠦᠳ ᠲᠠᠢ ᠬᠠᠮᠲᠤ ᠠᠷᠪᠠᠨ ᠡᠳᠦᠷ ᠤᠨ ᠬᠤᠭᠤᠴᠠᠭᠠᠨ ᠤ ᠬᠠᠶᠢᠨᠠᠨ | ᠠᠷᠠᠯ ᠢ ᠳᠤᠭᠤᠢ ᠲᠡᠷᠭᠡ ᠪᠠᠷ ᠲᠣᠭᠤᠷᠢᠬᠤ ᠠᠵᠢᠯᠯᠠᠭᠠ ᠳᠤ ᠣᠷᠣᠯᠴᠠᠵᠠᠢ᠃ ᠲᠤᠩᠭᠠᠯᠠᠭ᠄ ︽ᠪᠢ ᠠᠩᠬᠠ ᠤᠳᠠᠭᠠ | ᠬᠠᠶᠢᠨᠠᠨ ᠳᠤ ᠰᠢᠨᠡᠯᠡᠵᠣ ᠪᠠᠶᠢᠭᠠ ᠨᠢ ᠡᠨᠡ ᠶᠤᠮ᠂ ᠠᠭᠤᠷ ᠠᠮᠢᠰᠬᠤᠯ ᠳᠤᠯᠠᠭᠠᠬᠠᠨ᠂ ᠡᠪᠦᠯ ᠴᠠᠭ ᠲᠤ ᠣᠴᠢᠵᠤ | ᠵᠤᠭᠠᠯᠠᠨ ᠲᠣᠭᠤᠷᠢᠬᠤ ᠳᠤ ᠶᠡᠭᠡ ᠲᠠᠭᠠᠯᠠᠮᠵᠢᠲᠠᠢ ᠪᠠᠶᠢᠨᠠ᠃ ᠳᠤᠭᠤᠢ ᠲᠡᠷᠭᠡ ᠪᠠᠷ ᠪᠢ ᠲᠡᠭᠷᠢ ᠡᠯᠡᠰᠦ ᠶᠢ ᠲᠤᠭᠤᠯᠵᠤ | ᠥᠩᠭᠡᠷᠡᠭᠰᠡᠨ ᠢ ᠪᠤᠳᠣᠪᠠᠯ᠂ ᠠᠩᠬᠠ ᠤᠳᠠᠭᠠ ᠳᠤᠭᠤᠢ ᠲᠡᠷᠭᠡ ᠪᠠᠷ ᠠᠷᠠᠯ ᠢ ᠲᠣᠭᠤᠷᠢᠵᠤ ᠣᠯᠠᠨ ᠰᠠᠶᠢᠬᠠᠨ ᠢ | ᠦᠵᠡᠯᠡ᠂ ᠰᠡᠳᠬᠢᠯ ᠰᠠᠨᠠᠭᠠ ᠠᠭᠤᠵᠢᠷᠠᠨ ᠦᠨᠡᠬᠡᠷ ᠰᠠᠶᠢᠬᠠᠨ ᠪᠠᠶᠢᠯᠠ︾ ᠭᠡᠵᠦ ᠶᠠᠷᠢᠨᠠ᠃ |