| ᠰᠡᠴᠡᠨ᠂ ᠡᠷᠳᠡᠨᠢᠬᠦᠦ | | ᠰᠣᠷᠪᠤᠯᠵᠢᠯᠠᠬᠴᠢ ᠰᠡᠴᠡᠨ | | ᠠᠵᠢᠯ ᠠᠵᠢᠯ ᠤᠨ ᠳᠣᠲᠣᠷᠠ ᠦᠢᠯᠡᠴᠢᠯᠡᠭᠡᠨ ᠤ ᠠᠵᠢᠯ ᠨᠢ ᠬᠠᠮᠤᠭ ᠠᠮᠠᠷ ᠦᠭᠡᠢ ᠪᠠᠶᠢᠳᠠᠭ ᠪᠠᠶᠢᠬᠠ᠃ | ᠲᠡᠷᠡ ᠨᠢ ᠶᠠᠭᠠᠷᠠᠤ᠂ ᠶᠠᠳᠠᠷᠠᠯᠲᠠᠢ᠂ᠬᠠᠶᠠ ᠬᠥᠮᠥᠨ ᠤ ᠬᠦᠢᠲᠡᠨ ᠴᠢᠷᠠᠢ ᠦᠵᠡᠵᠦ᠂ ᠴᠡᠪᠳᠡᠭ ᠦᠭᠡ | ᠰᠣᠨᠣᠰᠴᠢᠬᠠᠭᠠᠳ ᠪᠠᠰᠠ ᠰᠣᠨᠣᠰᠤᠭᠰᠠᠨ ᠦᠭᠡᠢ ᠶᠤᠮᠰᠢᠭ ᠢᠨᠢᠶᠡᠮᠰᠦᠭᠯᠡᠨ ᠦᠷᠭᠦᠯᠵᠢᠯᠡᠨ ᠵᠣᠴᠢᠯᠠᠬᠤ ᠯᠠ ᠬᠡᠷᠡᠭ᠃ | ᠥᠨᠢᠷᠴᠡᠴᠡᠭ ᠡᠨᠡ ᠠᠵᠢᠯ ᠢ ᠬᠢᠭᠡᠳ ᠨᠢᠭᠡ ᠮᠡᠳᠡᠬᠦ ᠳᠤ 15 ᠵᠢᠯ ᠤᠨ ᠨᠢᠭᠤᠷ ᠦᠵᠡᠴᠢᠬᠡᠵᠡᠢ᠃ | ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠥᠯᠵᠡᠢ ᠰᠤᠮᠤᠨ ᠤ ᠦᠨᠳᠦᠷᠮᠤᠳᠤ ᠭᠠᠴᠠᠭᠠᠨ ᠳᠤ ᠨᠤᠲᠤᠭᠲᠠᠢ | ᠥᠨᠢᠷᠴᠡᠴᠡᠭ ᠶᠡᠭᠡ ᠰᠤᠷᠭᠠᠭᠤᠯᠢ ᠪᠠᠨ ᠲᠡᠭᠦᠰᠴᠦ ᠢᠷᠡᠭᠰᠡᠨ ᠤ ᠲᠠᠷᠠᠭᠠ ᠠᠯᠠᠱᠠ ᠠᠶᠢᠮᠠᠭ ᠤᠨ ᠵᠣᠴᠢᠳ ᠤᠨ | ᠪᠠᠭᠤᠳᠠᠯ ᠳᠤ ᠡᠯᠰᠡᠭᠳᠡᠨ ᠠᠵᠢᠯᠯᠠᠵᠤ᠂ ᠣᠳᠣᠬᠠᠨ ᠳᠤ ᠬᠤᠷᠠᠯ ᠴᠤᠭᠯᠠᠭᠠᠨ ᠤ ᠵᠣᠴᠢᠯᠠᠭᠠ ᠪᠠ ᠬᠤᠯᠠ ᠶᠢᠨ | ᠵᠣᠴᠢᠨ ᠤ ᠲᠠᠶᠢᠯᠠᠯᠭᠠ ᠶᠢᠨ ᠠᠵᠢᠯ ᠢ ᠬᠠᠷᠢᠭᠤᠴᠠᠨ ᠪᠡᠶᠡᠯᠡᠭᠦᠯᠵᠦ ᠪᠤᠢ᠃ ᠵᠢᠯ ᠪᠦᠷᠢ ᠶᠢᠨ ᠴᠠᠭᠠᠨ ᠰᠠᠷᠠ ᠪᠠᠷ 24 | ᠴᠠᠭ ᠢᠶᠠᠷ ᠠᠵᠢᠯᠯᠠᠬᠤ ᠪᠠᠶᠢᠭᠤᠯᠭᠠ ᠶᠢᠨ ᠢᠶᠠᠨ ᠲᠣᠬᠢᠷᠠᠭᠤᠯᠭᠠ ᠶᠢ ᠲᠤᠰᠳᠠᠭ ᠪᠣᠯᠬᠤᠷ ᠡᠨᠡ ᠵᠢᠯ ᠮᠥᠨ ᠯᠠ | ᠵᠤᠷᠰᠢᠯ ᠶᠣᠰᠣᠭᠠᠷ ᠠᠵᠢᠯ ᠤᠨ ᠪᠠᠶᠢᠷᠢᠨ ᠳᠠᠭᠠᠨ ᠶᠠᠭᠠᠷᠠᠨᠠ᠃ | ᠴᠠᠭᠠᠨ ᠰᠠᠷᠠ ᠪᠤᠯᠪᠠᠴᠦ ᠠᠯᠠᠱᠠ ᠠᠶᠢᠮᠠᠭ ᠤᠨ ᠵᠣᠴᠢᠳ ᠤᠨ ᠪᠠᠭᠤᠳᠠᠯ ᠨᠢ ᠶᠠᠭᠠᠷᠠᠤ ᠶᠣᠰᠣᠭᠠᠷ᠃ | ᠪᠢᠲᠡᠭᠦᠨ ᠠᠴᠠ ᠰᠢᠨᠡ ᠶᠢᠨ ᠨᠠᠢᠮᠠᠨ ᠬᠦᠷᠲᠡᠯᠡᠬᠢ ᠬᠤᠭᠤᠯᠠᠨ ᠪ᠊ ᠵᠠᠬᠢᠶᠠᠯᠠᠭᠠ ᠳᠦᠭᠦᠷᠴᠦ᠂ ᠬᠤᠨᠤᠭ ᠰᠠᠭᠤᠴᠠ ᠶᠢᠨ | ᠲᠠᠯᠠ ᠪᠠᠷ ᠵᠣᠴᠢᠳ ᠢᠷᠡᠭᠰᠡᠭᠡᠷ ᠪᠤᠢ᠃ ︽ᠨᠢᠳᠤᠨᠤᠨ ᠪᠢ ᠰᠢᠨᠡ ᠶᠢᠨ ᠬᠤᠶᠠᠷ ᠲᠤ ᠵᠢᠵᠢᠭᠦᠷᠯᠡᠭᠰᠡᠨ᠂ ᠥᠨᠥ ᠵᠢᠯ | ᠰᠢᠨᠡ ᠶᠢᠨ ᠲᠠᠪᠤᠨ ᠳᠤ ᠲᠠᠭᠠᠷᠠᠵᠡᠢ᠃ ᠪᠢᠳᠠ ᠵᠢᠯ ᠪᠣᠯᠭᠠᠨ ᠢᠩᠭᠢᠵᠦ ᠡᠭᠡᠯᠵᠢᠯᠡᠵᠦ ᠵᠢᠵᠢᠭᠦᠷᠯᠡᠳᠡᠭ ᠪᠣᠯᠬᠤᠷ | ᠨᠢᠭᠡᠨᠲᠡ ᠡᠨᠡ ᠠᠵᠢᠯ ᠳᠠᠭᠠᠨ ᠳᠠᠳᠴᠢᠬᠠᠵᠠᠢ᠃ ᠶᠠᠮᠠᠷ ᠠᠵᠢᠯ ᠢ ᠴᠤ ᠤᠳᠠᠭᠠᠨ ᠵᠢᠯ ᠢᠶᠠᠷ ᠬᠢᠪᠡᠯ ᠥᠪᠡᠷ ᠤᠨ | ᠡᠷᠭᠢᠯᠡᠭᠰᠡᠨ ᠠᠵᠢᠯ ᠳᠠᠭᠠᠨ ᠭᠠᠷᠰᠢᠵᠤ᠂ ᠠᠵᠢᠯ ᠳᠠᠭᠠᠨ ᠬᠠᠶᠢᠷᠠᠲᠠᠢ ᠪᠤᠯᠳᠠᠭ ᠤᠨ ᠤᠴᠢᠷ ᠪᠢ ᠴᠤ ᠡᠨᠡ ᠬᠦ | ᠠᠵᠢᠯ ᠳᠠᠭᠠᠨ ᠮᠠᠰᠢ ᠬᠠᠶᠢᠷᠠᠲᠠᠢ᠃ ᠬᠡᠳᠦᠶᠢᠪᠡᠷ ᠵᠠᠷᠢᠮ ᠦᠶᠡᠰ ᠬᠥᠮᠥᠨ ᠤ ᠴᠢᠷᠠᠢ ᠦᠵᠡᠵᠦ ᠮᠠᠭᠤᠬᠠᠢ ᠦᠭᠡ | ᠰᠤᠨᠤᠰᠬᠤ ᠪᠤᠯᠪᠠᠴᠦ ᠠᠵᠢᠯ ᠢᠶᠠᠨ ᠰᠠᠶᠢᠬᠠᠨ ᠬᠢᠵᠦ᠂ ᠭᠠᠳᠠᠨᠠ ᠣᠷᠣᠨ ᠠᠴᠠ ᠠᠯᠠᠱᠠ ᠳᠤ ᠢᠷᠡᠭᠰᠡᠨ ᠬᠥᠮᠥᠰ ᠲᠤ | ᠠᠯᠠᠱᠠ ᠶᠢᠨ ᠬᠠᠮᠤᠭ ᠤᠨ ᠰᠠᠶᠢᠬᠠᠨ ᠰᠠᠭᠤᠭᠳᠠᠯ ᠢ ᠣᠯᠭᠤᠬᠤ ᠪᠠᠷ ᠴᠢᠷᠮᠠᠶᠢᠳᠠᠭ︾ ᠭᠡᠵᠦ ᠥᠨᠢᠷᠴᠡᠴᠡᠭ ᠶᠠᠷᠢᠨᠠ᠃ | ᠠᠯᠠᠱᠠ ᠠᠶᠢᠮᠠᠭ ᠤᠨ ᠵᠣᠴᠢᠳ ᠤᠨ ᠪᠠᠭᠤᠳᠠᠯ ᠨᠢ ᠠᠯᠠᠱᠠ ᠨᠤᠲᠤᠭ ᠤᠨ ᠨᠢᠭᠡᠨ ᠴᠣᠩᠬᠤᠪᠴᠢ ᠪᠠᠶᠢᠭᠠ ᠶᠤᠮ᠂ | ᠲᠡᠭᠡᠭᠦᠯᠡᠷ ᠢᠶᠠᠨ ᠭᠠᠳᠠᠨᠠ ᠮᠤᠵᠢ ᠣᠷᠣᠨ ᠪᠤᠶᠤ ᠭᠠᠳᠠᠭᠠᠳᠤ ᠤᠯᠤᠰ ᠤᠨ ᠵᠣᠴᠢᠨ ᠴᠤ ᠡ᠊ᠨᠳᠡ ᠢᠷᠡᠵᠦ ᠰᠠᠭᠤᠳᠠᠭ᠃ | ᠠᠯᠠᠱᠠ ᠨᠤᠲᠤᠭ ᠴᠢᠨᠢ ᠭᠠᠩ ᠬᠠᠭᠤᠷᠠᠢ ᠠᠭᠤᠷ ᠠᠮᠢᠰᠬᠤᠯ ᠲᠠᠢ ᠪᠣᠯᠬᠤᠷ ᠢᠶᠠᠨ ᠡᠮᠦᠨᠡᠲᠦ ᠣᠷᠣᠨ ᠤ ᠵᠠᠷᠢᠮ | ᠵᠣᠴᠢᠳ ᠢᠷᠡᠴᠢᠬᠡᠭᠡᠳ ᠬᠠᠭᠤᠷᠠᠶᠢᠰᠢᠵᠤ ᠪᠠᠶᠢᠨᠠ᠂ ᠳᠠᠳᠬᠤ ᠦᠭᠡᠢ ᠪᠠᠶᠢᠨᠠ ᠭᠡᠰᠡᠨ ᠰᠠᠨᠠᠯ ᠭᠠᠷᠭᠠᠳᠠᠭ᠃ ᠡᠨᠡ | ᠦᠶᠡᠰ ᠭᠠᠳᠠᠨᠠᠬᠢ ᠶᠢᠨ ᠵᠣᠴᠢᠳ ᠤᠨ ᠲᠠᠶᠢᠯᠠᠯᠭᠠ ᠶᠢ ᠬᠠᠷᠢᠭᠤᠴᠠᠳᠠᠭ ᠥᠨᠢᠷᠴᠡᠴᠡᠭ ᠬᠠᠮᠲᠤ ᠠᠵᠢᠯᠲᠠᠨ ᠲᠠᠢ ᠪᠠᠨ | ᠬᠠᠮᠲᠤ ᠨᠠᠶᠢᠳᠠᠪᠤᠷᠢ ᠲᠠᠢ ᠪᠠᠷ ᠬᠠᠷᠢᠭᠤᠯᠲᠠ ᠥᠭᠴᠦ᠂ ᠵᠣᠴᠢᠳ ᠤᠨ ᠬᠦᠰᠡᠭᠰᠡᠨ ᠨᠠᠶᠢᠳᠠᠭᠰᠠᠨ ᠪᠦᠭᠦᠨ ᠢ ᠠᠯᠢ | ᠪᠤᠯᠬᠤ ᠪᠠᠷ ᠪᠡᠶᠡᠯᠡᠭᠦᠯᠵᠦ ᠦᠭᠳᠡᠭ ᠠᠵᠢ᠃ | ︽ᠠᠪᠤ ᠡᠵᠢ᠂ ᠭᠡᠷ ᠤᠨ ᠬᠥᠮᠥᠰ ᠲᠠᠢ ᠪᠠᠨ ᠬᠠᠮᠲᠤ ᠪᠠᠶᠢᠪᠠᠯ ᠬᠠᠮᠢᠭᠠ ᠰᠢᠨᠡᠯᠡᠭᠰᠡᠨ ᠴᠤ ᠠᠳᠠᠯᠢᠬᠠᠨ᠃ | ᠪᠢᠳᠠᠨ ᠤ ᠵᠢᠵᠢᠭᠦᠷ 24 ᠴᠠᠭ ᠤᠨ ᠪᠣᠯᠬᠤᠷ᠂ ᠠᠵᠢᠯᠯᠠᠵᠤ ᠪᠠᠶᠢᠭᠠ 24 ᠴᠠᠭ ᠤᠨ ᠬᠤᠭᠤᠷᠣᠨᠳᠤ ᠡᠭᠦᠰᠦᠭᠰᠡᠨ | ᠠᠯᠢᠪᠠ ᠤᠴᠢᠷ ᠢ ᠵᠣᠬᠢᠴᠠᠭᠤᠯᠬᠤ ᠨᠢ ᠮᠠᠨ ᠤ ᠡᠭᠦᠷᠭᠡ︾ ᠭᠡᠵᠦ ᠴᠠᠭᠠᠯᠠᠵᠤ ᠳᠠᠭᠤᠰᠤᠭᠠ ᠦᠭᠡᠢ ᠪᠠᠷ ᠠᠵᠢᠯ ᠤᠨ | ᠪᠠᠶᠢᠷᠢᠨ ᠳᠠᠭᠠᠨ ᠭᠠᠷᠤᠭᠰᠠᠨ ᠥᠨᠢᠷᠴᠡᠴᠡᠭ ᠶᠠᠷᠢᠵᠤ ᠪᠠᠶᠢᠯᠠ᠃ ᠥᠨᠢᠷᠴᠡᠴᠡᠭ ᠤᠨ ᠠᠵᠢᠯ ᠨᠢ ᠶᠠᠭᠠᠷᠠᠤ᠂ | ᠳᠡᠭᠡᠷᠡ ᠠᠴᠠ ᠳᠡᠭᠦᠦ ᠶᠢᠨ ᠬᠢᠨᠢ ᠪᠡᠶᠡ ᠲᠠᠭᠠᠷᠠᠤ ᠤᠴᠢᠷ ᠥᠨᠥ ᠵᠢᠯ ᠠᠪᠤ ᠡᠵᠢ ᠨᠢ ᠴᠤ ᠠᠩᠬᠠ ᠤᠳᠠᠭᠠ ᠪᠠᠨ | ᠪᠠᠶᠠᠨᠬᠤᠲᠠ ᠳᠤ ᠢᠷᠡᠵᠦ ᠲᠡᠳᠡᠨᠡᠷ ᠲᠠᠢ ᠬᠠᠮᠲᠤ ᠴᠠᠭᠠᠯᠠᠵᠤ᠂ ᠲᠡᠭᠦᠨ ᠢ ᠶᠡᠭᠡ ᠪᠠᠶᠠᠷᠯᠠᠭᠤᠯᠤᠯᠠ᠃ ᠪᠠᠰᠠ ᠨᠢᠭᠡᠨ | ᠪᠠᠶᠠᠷᠯᠠᠭᠤᠰᠢᠲᠠᠢ ᠤᠴᠢᠷ ᠭᠡᠪᠡᠯ ᠥᠨᠥ ᠵᠢᠯ ᠥᠨᠢᠷᠴᠡᠴᠡᠭ ᠪᠠᠶᠢᠭᠤᠯᠭᠠ ᠶᠢᠨ ᠢᠶᠠᠨ ᠰᠢᠯᠢᠳᠡᠭ ᠠᠵᠢᠯᠲᠠᠨ ᠢᠶᠠᠷ | ᠰᠣᠩᠭᠤᠭᠳᠠᠵᠠᠢ᠃ ᠶᠣᠰᠣᠲᠠᠢ ᠯᠠ ᠪᠠᠶᠠᠷ ᠳᠡᠭᠡᠷᠡ ᠠᠴᠠ ᠪᠠᠶᠠᠷ ᠭᠡᠳᠡᠭ ᠨᠢ ᠡᠨᠡ ᠪᠢᠵᠡ᠃ | ︽ᠬᠡᠳᠦᠶᠢᠪᠡᠷ ᠪᠠᠶᠠᠨᠬᠤᠲᠠ ᠳᠤ ᠮᠠᠰᠢ ᠤᠯᠠᠨ ᠬᠡᠭᠡᠮᠰᠦᠭ ᠵᠣᠴᠢᠳ ᠤᠨ ᠪᠠᠭᠤᠳᠠᠯ ᠪᠠᠶᠢᠭᠠ ᠪᠤᠯᠪᠠᠴᠤ | ᠮᠠᠨ ᠤ ᠵᠣᠴᠢᠳ ᠤᠨ ᠪᠠᠭᠤᠳᠠᠯ ᠨᠢ ᠠᠯᠠᠱᠠ ᠠᠶᠢᠮᠠᠭ ᠤᠨ ᠢᠶᠠᠨ ᠨᠡᠷᠡ ᠲᠦᠷᠦ ᠶᠢ ᠲᠥᠯᠥᠭᠡᠯᠡᠬᠦ ᠴᠢᠨᠠᠷᠲᠠᠢ | ᠲᠠᠶᠢᠯᠠᠯᠭᠠ ᠶᠢᠨ ᠭᠠᠵᠠᠷ ᠪᠠᠶᠢᠭᠠ ᠪᠣᠯᠬᠤᠷ ᠡᠨᠡ ᠠᠵᠢᠯ ᠢᠶᠠᠨ ᠰᠠᠶᠢᠬᠠᠨ ᠭᠢᠶᠡ ᠭᠡᠵᠦ ᠪᠤᠳᠤᠳᠠᠭ᠃ ᠠᠵᠢᠯ ᠤᠨ | ᠪᠠᠶᠢᠷᠢᠨ ᠳᠤ ᠭᠠᠷᠬᠤ ᠳᠠᠭᠠᠨ ︿ᠵᠣᠴᠢᠨ ᠪᠣᠯ ᠲᠡᠭᠷᠢ﹀ ᠭᠡᠰᠡᠨ ᠦᠭᠡ ᠶᠢ ᠠᠬᠢᠨ ᠲᠠᠭᠢᠨ ᠪᠡᠶᠡ ᠳᠡᠭᠡᠨ ᠰᠠᠨᠠᠭᠤᠯᠳᠠᠭ︾ | ᠭᠡᠵᠦ ᠥᠨᠢᠷᠴᠡᠴᠡᠭ ᠡᠷᠭᠢᠯᠡᠭᠰᠡᠨ ᠠᠵᠢᠯ ᠢᠶᠠᠨ ᠭᠡᠭᠰᠡᠨ ᠥᠨᠳᠥᠷ ᠣᠪᠣᠷ ᠢᠶᠠᠷ ᠶᠠᠷᠢᠯᠠ᠃ ᠲᠡᠷᠡ ᠮᠠᠨᠢ ᠠᠯᠢ | ᠭᠠᠵᠠᠷ ᠤᠨ ᠵᠣᠴᠢᠨ ᠢᠷᠡᠭᠰᠡᠨ ᠴᠤ ᠰᠢᠯᠢᠳᠡᠭ ᠰᠠᠶᠢᠨ ᠦᠢᠯᠡᠴᠢᠯᠡᠭᠡ ᠬᠢᠵᠦ᠂ ᠠᠯᠠᠱᠠ ᠨᠤᠲᠤᠭ ᠤᠨ ᠢᠶᠠᠨ ᠬᠥᠮᠥᠨ | ᠠᠷᠠᠳ ᠤᠨ ᠶᠣᠰᠣ ᠵᠠᠩᠰᠢᠯ᠂ ᠵᠠᠩ ᠠᠷᠠᠨᠰᠢᠨ ᠢ ᠭᠠᠳᠠᠨᠠᠬᠢ ᠶᠢᠨ ᠬᠥᠮᠥᠰ ᠲᠤ ᠲᠠᠨᠢᠭᠤᠯᠤᠨ᠂ ᠬᠠᠯᠠᠭᠤᠮᠰᠤᠭ᠂ | ᠳᠣᠲᠣᠨᠣᠰᠤᠭ ᠦᠢᠯᠡᠴᠢᠯᠡᠭᠡ ᠪᠠᠷ ᠠᠵᠢᠯ ᠤᠨ ᠪᠠᠶᠢᠷᠢᠨ ᠳᠠᠭᠠᠨ ᠭᠠᠷᠮᠠᠭᠠᠶᠢᠯᠠᠭᠰᠠᠭᠠᠷ᠁ |