| | ᠲᠡᠮᠦᠷᠪᠥ᠋ᠬᠡ ᠡᠮᠬᠢᠳᠬᠡᠪᠡ | ᠡᠷᠲᠡ ᠤᠷᠢᠳᠤ ᠴᠠᠭ ᠲᠤ ᠨᠢᠭᠡ ᠲᠡᠭᠡᠳᠭᠡᠨ ᠡᠪᠦᠭᠡᠨ ᠭᠡᠵᠦ ᠬᠥᠮᠥᠨ ᠪᠠᠶᠢᠵᠠᠢ᠃ ᠲᠡᠷᠡ ᠨᠢᠭᠡ | ᠨᠠᠰᠤᠨ ᠳᠠᠭᠠᠨ ᠠᠩ ᠭᠦᠷᠦᠭᠡ ᠬᠢᠵᠦ ᠠᠮᠢᠳᠤᠷᠠᠳᠠᠭ ᠪᠠᠶᠢᠪᠠ᠃ | ᠨᠢᠭᠡ ᠡᠳᠦᠷ᠂ ᠲᠡᠭᠡᠳᠭᠡᠨ ᠡᠪᠦᠭᠡᠨ ᠠᠩ ᠭᠦᠷᠦᠭᠡ ᠪᠠᠨ ᠬᠢᠭᠡᠳ ᠶᠠᠪᠤᠵᠤ ᠪᠠᠶᠢᠲᠠᠯᠠ ᠵᠠᠮ ᠳᠡᠭᠡᠷᠡ ᠨᠢ | ᠨᠢᠭᠡ ᠮᠢᠬᠠᠴᠢᠨ ᠡᠮᠡᠭᠡᠨ ᠲᠠᠭᠠᠷᠠᠯᠳᠤᠵᠤ ᠭᠡᠨᠡ᠃ ᠲᠡᠷᠡ ᠮᠢᠬᠠᠴᠢᠨ ᠡᠮᠡᠭᠡᠨ᠂ ᠲᠡᠭᠡᠳᠭᠡᠨ ᠡᠪᠦᠭᠡᠨ ᠠᠴᠠ᠄ | - ᠬᠥᠶ᠋ᠢ︕ ᠴᠢ ᠶᠠᠭᠤ ᠬᠢᠵᠦ ᠶᠠᠪᠤᠭᠠ ᠶᠤᠮ︖ ᠭᠡᠵᠦ ᠠᠰᠠᠭᠤᠭᠰᠠᠨ ᠳᠤ ᠲᠡᠭᠡᠳᠭᠡᠨ ᠡᠪᠦᠭᠡᠨ | ᠵᠢᠭᠠᠬᠠᠨ ᠴᠤᠴᠢᠰᠭᠢᠵᠤ ᠠᠪᠤᠭᠠᠳ᠄ | - ᠦ᠂ ᠪᠢ ᠭᠦᠷᠦᠭᠡ ᠬᠢᠵᠦ ᠶᠠᠪᠤᠨᠠ ᠭᠡᠵᠦ ᠬᠠᠷᠢᠭᠤᠯᠵᠠᠢ᠃ ᠮᠢᠬᠠᠴᠢᠨ ᠡᠮᠡᠭᠡᠨ ᠲᠡᠭᠦᠨ ᠢ | ᠰᠣᠨᠣᠰᠤᠭᠠᠳ᠄ | - ︽ᠭᠦᠷᠦᠭᠡ ᠬᠢᠵᠦ ᠶᠠᠪᠤᠨᠠ︾ ᠭᠡᠨᠡ︖ ᠡᠴᠢᠭᠡ ᠪᠠᠨ ᠲᠡᠭᠡᠵᠤ ᠭᠡᠯᠡ︕ ᠭᠡᠵᠦ ᠬᠡᠯᠡᠭᠡᠳ | ᠦᠭᠡ ᠲᠠᠭᠤᠨ ᠦᠭᠡᠢ ᠲᠡᠭᠡᠳᠭᠡᠨ ᠡᠪᠦᠭᠡᠨ ᠢ ᠪᠠᠷᠢᠵᠤ᠂ ᠡᠭᠦᠷᠴᠦ ᠶᠠᠪᠤᠭᠰᠠᠨ ᠲᠦᠯᠡᠭᠡᠨ ᠤ ᠪᠠᠨ ᠠᠷᠤᠭ ᠲᠤ | ᠬᠠᠶᠠᠴᠢᠬᠠᠭᠠᠳ ᠭᠡᠷ ᠲᠡᠭᠡᠨ ᠬᠠᠷᠢᠵᠠᠢ᠃ | ᠮᠢᠬᠠᠴᠢᠨ ᠡᠮᠡᠭᠡᠨ ᠭᠡᠷ ᠲᠡᠭᠡᠨ ᠬᠤᠶᠠᠷ ᠵᠢᠭᠠᠬᠠᠨ ᠬᠥᠪᠡᠭᠦᠨ ᠲᠠᠢ ᠶᠤᠮ ᠪᠠᠶᠢᠵᠠᠢ᠃ ᠲᠡᠷᠡ᠂ | ᠲᠡᠭᠡᠳᠭᠡᠨ ᠡᠪᠦᠭᠡᠨ ᠢ ᠡᠭᠦᠷᠴᠦ ᠭᠡᠷ ᠲᠡᠭᠡᠨ ᠬᠦᠷᠴᠢᠬᠡᠭᠡᠳ ᠬᠠᠶᠢᠰᠤᠨ ᠳᠠᠭᠠᠨ ᠤᠰᠤ ᠬᠢᠵᠦ ᠭᠠᠯ ᠳᠡᠭᠡᠷᠡ ᠪᠠᠨ | ᠨᠡᠷᠡᠵᠦ ᠲᠡᠭᠡᠳᠭᠡᠨ ᠡᠪᠦᠭᠡᠨ ᠤ ᠭᠠᠷ ᠬᠥᠯ ᠢ ᠨᠢ ᠠᠲᠤᠷᠢᠲᠠᠯᠠ ᠬᠦᠯᠢᠭᠡᠳ ᠵᠢᠩᠨᠡᠭᠦᠷ ᠳᠡᠭᠡᠷᠡ ᠲᠠᠯᠪᠢᠵᠤ | ᠵᠢᠩᠨᠡᠴᠢᠬᠡᠭᠡᠳ ᠬᠤᠶᠠᠷ ᠵᠢᠭᠠᠬᠠᠨ ᠬᠥᠪᠡᠭᠦᠨ ᠳᠡᠭᠡᠨ᠄ | - ᠵᠠ᠂ ᠬᠤᠶᠠᠷ ᠬᠥᠪᠡᠭᠦᠨ ᠮᠢᠨᠢ ᠬᠠᠶᠢᠰᠤᠨ ᠳᠣᠣᠷᠠ ᠭᠠᠯ ᠰᠠᠶᠢᠨ ᠲᠦᠯᠡᠵᠦ ᠪᠠᠢ᠂ ᠪᠢ ᠬᠤᠳᠳᠤᠭ | ᠳᠡᠭᠡᠷᠡ ᠣᠴᠢᠵᠤ ᠤᠰᠤ ᠡᠭᠦᠷᠦᠭᠡᠳ ᠢᠷᠡᠶᠡ᠂ ᠲᠡᠭᠡᠴᠢᠬᠡᠭᠡᠳ ᠬᠡᠳᠦᠭᠦᠯᠡ ᠪᠠᠨ ᠲᠡᠭᠡᠳᠭᠡᠨ ᠡᠪᠦᠭᠡᠨ ᠤ ᠮᠢᠬᠠ ᠶᠢ | ᠢᠳᠡᠵᠡᠭᠡᠶᠡ᠂ ᠲᠡᠭᠡᠳᠭᠡᠨ ᠡᠪᠦᠭᠡᠨ ᠤ ᠮᠢᠬᠠ ᠭᠡᠵᠦ ᠶᠣᠰᠣᠲᠠᠢ ᠰᠠᠶᠢᠬᠠᠨ ᠠᠮᠲᠠᠲᠠᠢ ᠶᠠᠭᠤᠮᠠ ᠪᠤᠢ ᠰᠢᠤ ᠭᠡᠵᠦ | ᠬᠡᠯᠡᠭᠡᠳ ᠤᠰᠤᠨ ᠳᠠᠭᠠᠨ ᠶᠠᠪᠤᠴᠢᠬᠠᠵᠤ ᠭᠡᠨᠡ᠃ | ᠮᠢᠬᠠᠴᠢᠨ ᠡᠮᠡᠭᠡᠨ ᠤ ᠶᠠᠪᠤᠭᠰᠠᠨ ᠠᠷᠤ ᠳᠤ᠂ ᠲᠡᠭᠡᠳᠭᠡᠨ ᠡᠪᠦᠭᠡᠨ ︽ᠤᠳᠤ ᠶᠠᠭᠠᠬᠢᠭᠰᠠᠨ ᠴᠤ ᠯᠠ | ᠨᠢᠭᠡ ᠠᠷᠭᠠ ᠭᠠᠷᠭᠠᠵᠤ ᠪᠠᠶᠢᠭᠠᠳ ᠠᠮᠢ ᠪᠠᠨ ᠠᠪᠤᠷᠠᠵᠤ ᠭᠠᠷᠤᠶᠠ︾ ᠭᠡᠵᠦ ᠪᠤᠳᠤᠭᠠᠳ ᠨᠢᠭᠡ ᠤᠬᠠᠭᠠᠨ ᠭᠠᠷᠭᠠᠵᠤ | ᠬᠠᠶᠢᠰᠤᠨ ᠳᠣᠲᠣᠷᠠ ᠠᠴᠠ ᠮᠢᠬᠠᠴᠢᠨ ᠡᠮᠡᠭᠡᠨ ᠤ ᠬᠤᠶᠠᠷ ᠬᠦᠦ ᠤᠷᠤᠭᠤ᠄ | - ᠬᠥᠶ᠋ᠢ︕ ᠬᠤᠶᠠᠷ ᠬᠦᠦ᠂ ᠤᠳᠤ ᠲᠡᠭᠡᠳᠭᠡᠨ ᠡᠪᠦᠭᠡᠨ ᠤ ᠭᠤᠶᠠ ᠶᠢᠨ ᠮᠢᠬᠠ ᠰᠠᠶᠢᠬᠠᠨ ᠪᠣᠯᠵᠤ | ᠪᠠᠶᠢᠨᠠ᠂ ᠡᠵᠢ ᠶᠢᠨ ᠴᠢᠨᠢ ᠰᠡᠯᠡᠮᠡ ᠬᠠᠮᠢᠭᠠ ᠪᠢᠯᠡ︖ ᠮᠢᠬᠠ ᠣᠭᠲᠣᠯᠵᠤ ᠦᠭᠭᠦᠶᠡ ᠭᠡᠵᠦ ᠬᠡᠯᠡᠭᠰᠡᠨ ᠳᠤ | ᠬᠤᠶᠠᠷ ᠬᠦᠦ᠄ | - ᠡᠵᠢ ᠶᠢᠨ ᠰᠡᠯᠡᠮᠡ ᠲᠡᠷᠡ ᠣᠷᠣᠨ ᠤ ᠳᠣᠣᠷᠠ ᠳᠠᠷᠤᠭᠠᠲᠠᠢ ᠪᠤᠢ ᠭᠡᠵᠦ ᠬᠡᠯᠡᠵᠡᠢ᠃ ᠲᠡᠭᠡᠳᠭᠡᠨ | ᠡᠪᠦᠭᠡᠨ ᠲᠡᠭᠦᠨ ᠢ ᠰᠣᠨᠣᠰᠤᠭᠠᠳ ᠬᠤᠶᠠᠷ ᠬᠦᠦ ᠳᠤ᠄ | - ᠵᠠ ᠲᠡᠭᠡᠪᠡᠯ ᠲᠡᠷᠡ ᠰᠡᠯᠡᠮᠡ ᠪᠠᠨ ᠨᠠᠭᠠᠷᠠ ᠠᠪᠤᠭᠠᠳ ᠥᠭ᠂ ᠪᠢ ᠭᠤᠶᠠ ᠶᠢᠨ ᠢᠶᠠᠨ ᠮᠢᠬᠠ ᠠᠴᠠ | ᠲᠠᠨᠤᠰ ᠲᠤ ᠬᠡᠷᠴᠢᠵᠦ ᠦᠭᠭᠦᠶᠡ ᠭᠡᠵᠦ ᠬᠡᠯᠡᠵᠡᠢ᠃ ᠬᠤᠶᠠᠷ ᠵᠢᠭᠠᠬᠠᠨ ᠬᠦᠦ ︽ᠮᠢᠬᠠ ᠥᠭᠬᠦ︾ ᠭᠡᠰᠡᠨ ᠢ | ᠰᠣᠨᠣᠰᠤᠭᠠᠳ ᠮᠢᠬᠠ ᠢᠳᠡᠬᠦ ᠭᠡᠵᠦ ᠲᠡᠷᠡ ᠳᠣᠣᠷᠠ ᠨᠢ ᠡᠵᠢ ᠶᠢᠨ ᠢᠶᠠᠨ ᠰᠡᠯᠡᠮᠡ ᠶᠢ ᠭᠠᠷᠭᠠᠵᠤ ᠲᠡᠭᠡᠳᠭᠡᠨ | ᠡᠪᠦᠭᠡᠨ ᠳᠤ ᠥᠭᠴᠡᠢ᠃ ᠲᠡᠷᠡ ᠦᠶᠡᠰ ᠲᠤ ᠲᠡᠭᠡᠳᠭᠡᠨ ᠡᠪᠦᠭᠡᠨ ᠴᠤ ᠭᠠᠷ ᠬᠥᠯ ᠤᠨ ᠢᠶᠠᠨ ᠬᠦᠯᠢᠶᠡᠰᠦ ᠶᠢ | ᠠᠷᠭᠠᠯᠠᠵᠤ ᠪᠠᠶᠢᠭᠠᠳ ᠠᠯᠳᠠᠷᠠᠭᠠᠵᠠᠢ᠃ ᠬᠤᠶᠠᠷ ᠬᠦᠦ ᠶᠢᠨ ᠭᠠᠷ ᠠᠴᠠ ᠰᠡᠯᠡᠮᠡ ᠶᠢ ᠠᠪᠤᠮᠠᠭᠴᠠ ᠲᠡᠷᠡ ᠳᠣᠣᠷᠠ ᠨᠢ | ᠰᠡᠯᠡᠮᠡ ᠪᠠᠷ ᠮᠢᠬᠠᠴᠢᠨ ᠡᠮᠡᠭᠡᠨ ᠤ ᠬᠤᠶᠠᠷ ᠬᠦᠦ ᠶᠢ ᠲᠥᠬᠦᠭᠡᠷᠦᠭᠡᠳ ︵ᠠᠯᠠᠬᠤ ᠭᠡᠰᠡᠨ ᠤᠳᠬᠠ ᠲᠠᠢ ᠦᠭᠡ︶ | ᠮᠢᠬᠠ ᠶᠢ ᠨᠢ ᠬᠠᠶᠢᠰᠤᠨ ᠳᠣᠲᠣᠷᠠ ᠬᠢᠵᠦ ᠲᠠᠯᠪᠢᠭᠠᠳ ᠳᠣᠣᠷᠠ ᠨᠢ ᠭᠠᠯ ᠦᠷᠳᠡᠴᠢᠭᠡᠭᠡᠳ ᠬᠤᠶᠠᠷ ᠬᠦᠦ ᠶᠢᠨ | ᠲᠣᠯᠣᠭᠠᠢ ᠶᠢ ᠨᠢ ᠣᠷᠣᠨ ᠳᠣᠲᠣᠷᠠ ᠨᠢ ᠴᠤᠬᠤᠶᠢᠯᠭᠠᠨ ᠤᠨᠲᠠᠵᠤ ᠪᠠᠶᠢᠬᠤ ᠶᠠᠩᠵᠤ ᠪᠠᠷ ᠬᠤᠴᠢᠵᠤ | ᠲᠠᠯᠪᠢᠴᠢᠬᠠᠭᠠᠳ ᠭᠡᠷ ᠤᠨ ᠠᠷᠤ ᠳᠤᠨᠢ ᠣᠷᠣᠵᠤ ᠮᠢᠬᠠᠴᠢᠨ ᠡᠮᠡᠭᠡᠨ ᠢ ᠬᠦᠯᠢᠶᠡᠵᠦ ᠰᠠᠭᠤᠵᠠᠢ᠃ | ᠮᠢᠬᠠᠴᠢᠨ ᠡᠮᠡᠭᠡᠨ ᠤᠰᠤ ᠪᠠᠨ ᠡᠭᠦᠷᠦᠭᠡᠳ ᠢᠷᠡᠬᠦ ᠳᠤ ᠬᠤᠶᠠᠷ ᠬᠦᠦ ᠨᠢ ᠠᠯᠢ ᠡᠷᠲᠡ ᠣᠷᠣᠨ ᠳᠠᠭᠠᠨ | ᠣᠷᠣᠭᠠᠳ ᠤᠨᠲᠠᠨᠠ ᠭᠡᠨᠡ᠃ ᠬᠠᠶᠢᠰᠤᠨ ᠤ ᠳᠣᠣᠷᠠᠬᠢ ᠭᠠᠯ ᠨᠢ ᠳᠦᠷᠡᠯᠵᠡᠵᠦ ᠰᠠᠶᠢᠬᠠᠨ ᠮᠢᠬᠠᠨ ᠤ ᠦᠨᠦᠷ ᠴᠤ | ᠬᠠᠩᠬᠤᠯᠵᠤ ᠪᠠᠶᠢᠵᠠᠢ᠃ ᠵᠦᠳᠡᠷᠡᠵᠦ ᠶᠠᠳᠠᠷᠠᠵᠤ᠂ ᠬᠠᠷᠠᠩᠭᠠᠯᠠᠵᠤ ᠴᠠᠩᠭᠠᠵᠤ ᠶᠠᠪᠤᠭᠰᠠᠨ ᠮᠢᠬᠠᠴᠢᠨ ᠡᠮᠡᠭᠡᠨ ︽ | ᠤᠨᠲᠠᠵᠤ︾ ᠬᠡᠪᠲᠡᠭᠰᠡᠨ ᠬᠤᠶᠠᠷ ᠬᠦᠦ ᠪᠠᠨ ᠨᠢᠭᠡ ᠬᠠᠷᠠᠴᠢᠬᠠᠭᠠᠳ ᠲᠠᠶᠢᠮᠤ ᠠᠷᠪᠢᠨ ᠶᠠᠭᠤᠮᠠ ᠶᠢ ᠪᠤᠳᠤᠬᠰᠠᠨ | ᠦᠭᠡᠢ᠂ ᠦᠭᠡ ᠲᠠᠭᠤᠨ ᠦᠭᠡᠢ ᠬᠠᠶᠢᠰᠤᠨ ᠤ ᠬᠠᠯᠢᠪ ᠢᠶᠠᠨ ᠰᠡᠬᠦᠵᠦ ᠮᠢᠬᠠ ᠠᠴᠠ ᠪᠠᠨ ᠭᠠᠷᠭᠠᠵᠤ ᠬᠡᠰᠡᠭ ᠢᠳᠡᠵᠦ | ᠵᠢᠭᠠᠬᠠᠨ ᠲᠡᠩᠬᠡᠭᠡ ᠲᠠᠮᠢᠷ ᠣᠷᠣᠴᠢᠬᠠᠭᠠᠳ ᠬᠤᠶᠠᠷ ᠬᠦᠦ ᠤᠷᠤᠭᠤ ᠪᠠᠨ ᠬᠠᠷᠠᠵᠤ᠄ | - ᠬᠥᠶ᠋ᠢ︕ ᠬᠤᠶᠠᠷ ᠬᠥᠪᠡᠭᠦᠨ ᠮᠢᠨᠢ᠂ ᠬᠤᠷᠳᠤᠨ ᠪᠣᠰᠴᠠᠭᠠ᠂ ᠡᠨᠡ ᠲᠡᠭᠡᠳᠭᠡᠨ ᠡᠪᠦᠭᠡᠨ ᠤ ᠮᠢᠬᠠ | ᠴᠢᠨᠢ ᠶᠠᠭᠠᠬᠢᠭᠰᠠᠨ ᠰᠠᠶᠢᠬᠠᠨ ᠠᠮᠲᠠᠲᠠᠢ ᠶᠤᠮ᠂ ᠤᠳᠤ ᠪᠣᠰᠴᠤ ᠮᠢᠬᠠ ᠢᠳᠡᠴᠡᠭᠡ ᠭᠡᠵᠦ ᠬᠠᠰᠬᠢᠷᠴᠠᠢ᠃ ᠬᠤᠶᠠᠷ | ᠬᠦᠦ ᠨᠢ ᠴᠢᠮᠡᠭᠡ ᠦᠭᠡᠢ ᠭᠡᠨᠡ᠃ ᠮᠢᠬᠠᠴᠢᠨ ᠡᠮᠡᠭᠡᠨ ᠮᠢᠬᠠᠨ ᠤ ᠠᠮᠲᠠᠨ ᠳᠤᠨᠢ ᠪᠣᠯᠵᠤ ᠪᠠᠰᠠ ᠬᠡᠳᠦᠨ ᠡᠮᠬᠦ | ᠢᠳᠡᠴᠢᠬᠡᠭᠡᠳ ᠬᠤᠶᠠᠷ ᠬᠦᠦ ᠪᠠᠨ᠄ | - ᠵᠠ᠂ ᠪᠣᠰ ᠪᠣᠰ︕ ᠬᠤᠶᠠᠷ ᠬᠦᠦ ᠮᠢᠨᠢ᠂ ᠤᠳᠤ ᠬᠤᠷᠳᠤᠨ ᠪᠣᠰᠴᠤ ᠬᠡᠳᠦᠭᠦᠯᠡ ᠮᠢᠬᠠ | ᠢᠳᠡᠵᠡᠭᠡᠶᠡ ᠭᠡᠵᠦ ᠳᠠᠭᠤᠳᠠᠵᠠᠢ᠃ ᠬᠤᠶᠠᠷ ᠬᠦᠦ ᠨᠢ ᠮᠥᠨ ᠠᠨᠢᠷ ᠴᠢᠮᠡᠭᠡ ᠦᠭᠡᠢ ᠭᠡᠨᠡ᠃ ᠲᠡᠭᠦᠨ ᠳᠤ ᠮᠢᠬᠠᠴᠢᠨ | ᠡᠮᠡᠭᠡᠨ ᠵᠢᠭᠠᠬᠠᠨ ᠳᠤᠷᠠ ᠦᠭᠡᠶᠢᠴᠡᠭᠰᠡᠨ ᠶᠠᠩᠵᠤ ᠭᠠᠷᠴᠤ᠄ | - ᠬᠥᠶ᠋ᠢ︕ ᠲᠠᠨᠤᠰ ᠴᠢᠨᠢ ᠶᠠᠭᠠᠬᠢᠴᠢᠬᠠᠭᠰᠠᠨ ᠶᠤᠮ︖ ᠤᠳᠤ ᠬᠤᠷᠳᠤᠨ ᠪᠣᠰ ᠪᠣᠰ︕ ᠮᠢᠬᠠ | ᠢᠳᠡᠵᠡᠭᠡᠶᠡ ᠭᠡᠵᠦ ᠬᠡᠯᠡᠭᠡᠳ ᠬᠤᠶᠠᠷ ᠬᠦᠦ ᠶᠢᠨ ᠢᠶᠠᠨ ᠬᠤᠴᠢᠭᠠᠳᠠᠢ ᠪᠠᠶᠢᠭᠰᠠᠨ ᠭᠦᠨᠵᠢᠯᠡ ᠳᠡᠭᠡᠷᠡ ᠠᠴᠠ ᠨᠢ | ᠤᠭᠵᠠ ᠲᠠᠳᠠᠨ ᠰᠡᠭᠰᠦᠷᠦᠭᠰᠡᠨ ᠴᠢᠨᠢ ᠶᠠᠭᠤᠨ ᠤ ᠤᠨᠲᠠᠵᠤ ᠪᠠᠶᠢᠬᠤ ᠪᠤᠢ᠂ ᠬᠤᠶᠠᠷ ᠬᠦᠦ ᠶᠢᠨ ᠲᠣᠯᠣᠭᠠᠢ ᠨᠢ | ᠭᠦᠨᠵᠢᠯᠡ ᠳᠣᠲᠣᠷᠠ ᠠᠴᠠ ︽ᠪᠤᠨᠳᠠᠭᠠᠰ︕︾ ᠭᠡᠵᠦ ᠭᠠᠵᠠᠷ ᠥᠩᠬᠦᠷᠢᠲᠦᠵᠦ ᠤᠨᠠᠪᠠ᠃ ᠮᠢᠬᠠᠴᠢᠨ ᠡᠮᠡᠭᠡᠨ ᠡᠨᠡ | ᠦᠶᠡ ᠳᠤ ᠰᠠᠶ᠋ᠢ ᠤᠬᠠᠭᠠ ᠣᠷᠣᠵᠤ᠂ ᠲᠡᠭᠡᠳᠭᠡᠨ ᠡᠪᠦᠭᠡᠨ ᠤ ᠬᠢᠭᠰᠡᠨ ᠬᠡᠷᠡᠭ ᠭᠡᠳᠡᠭ ᠢ ᠮᠡᠳᠡᠭᠡᠳ᠄ | - ᠲᠡᠭᠡᠳᠭᠡᠨ ᠡᠪᠦᠭᠡᠨ︕ ᠴᠢ ᠶᠠᠭᠠᠬᠢᠭᠰᠠᠨ ᠪᠦᠲᠦᠯ ᠦᠭᠡᠢ ᠡᠯᠢᠮᠡᠷ ︵ᠪᠦᠲᠦᠯ ᠦᠭᠡᠢ ᠠᠮᠢᠳᠠᠨ | ᠭᠡᠰᠡᠨ ᠤᠳᠬᠠ ᠲᠠᠢ ᠦᠭᠡ︶ ᠪᠤᠢ ᠴᠢ ᠬᠠᠮᠢᠭᠠ ᠪᠠᠶᠢᠨᠠ︖ ᠭᠡᠵᠦ ᠬᠠᠰᠬᠢᠷᠤᠭᠰᠠᠨ ᠳᠤ᠂ ᠲᠡᠭᠡᠳᠭᠡᠨ ᠡᠪᠦᠭᠡᠨ | ᠭᠡᠷ ᠤᠨ ᠠᠷᠤ ᠠᠴᠠ᠄ | - ᠠ᠂ ᠪᠢ ᠡ᠊ᠨᠳᠡ ᠪᠠᠶᠢᠨᠠ ᠭᠡᠵᠦ ᠬᠠᠷᠢᠭᠤᠯᠵᠠᠢ᠃ ᠮᠢᠬᠠᠴᠢᠨ ᠡᠮᠡᠭᠡᠨ ᠤᠬᠤᠰᠬᠢᠨ ᠪᠣᠰᠴᠤ | ᠭᠡᠷ ᠤᠨ ᠢᠶᠠᠨ ᠠᠷᠤ ᠳᠤ ᠭᠦᠶᠦᠵᠦ ᠬᠦᠷᠬᠦ ᠳᠤ ᠲᠡᠭᠡᠳᠭᠡᠨ ᠡᠪᠦᠭᠡᠨ ᠠᠯᠢ ᠡᠷᠲᠡ ᠭᠡᠷ ᠤᠨ ᠵᠡᠭᠦᠨ ᠲᠠᠯᠠ ᠳᠤ | ᠭᠠᠷᠴᠢᠬᠠᠭᠠᠳ᠄ | - ᠲᠡᠭᠡᠳᠭᠡᠨ ᠡᠪᠦᠭᠡᠨ ᠡ᠊ᠨᠳᠡ ᠪᠠᠶᠢᠨᠠ ᠭᠡᠵᠦ ᠬᠠᠰᠬᠢᠷᠴᠠᠢ᠃ ᠮᠢᠬᠠᠴᠢᠨ ᠡᠮᠡᠭᠡᠨ ᠶᠠᠭᠤᠨ ᠬᠠᠶᠢᠨ ᠳᠤ | ᠦᠭᠡᠢ ᠭᠡᠷ ᠤᠨ ᠢᠶᠠᠨ ᠵᠡᠭᠦᠨ ᠲᠠᠯᠠ ᠳᠤ ᠳᠠᠪᠬᠢᠵᠤ ᠬᠦᠷᠬᠦ ᠳᠤ ᠲᠡᠭᠡᠳᠭᠡᠨ ᠡᠪᠦᠭᠡᠨ ᠠᠯᠢ ᠡᠷᠲᠡ ᠲᠡᠭᠡ ᠬᠠᠯᠵᠠᠨ | ᠪᠤᠬᠠ ᠪᠠᠨ ᠤᠨᠤᠭᠠᠳ᠂ ᠲᠡᠮᠡᠭᠡᠨ ᠰᠢᠷᠢᠨ ᠬᠠᠪᠳᠠᠷᠭᠠ ᠪᠠᠨ ᠵᠡᠭᠦᠴᠢᠬᠡᠭᠡᠳ ᠳᠤᠲᠠᠭᠠᠭᠠᠳ ᠠᠷᠢᠯᠵᠤ ᠭᠡᠨᠡ᠃ | ᠲᠡᠭᠡᠭᠡᠳ ᠲᠡᠭᠡᠳᠭᠡᠨ ᠡᠪᠦᠭᠡᠨ ᠮᠢᠬᠠᠴᠢᠨ ᠡᠮᠡᠭᠡᠨ ᠳᠤ ᠢᠳᠡᠭᠳᠡᠭᠰᠡᠨ ᠦᠭᠡᠢ ᠮᠥᠷᠲᠡᠭᠡᠨ ᠤᠷᠠᠨ | ᠠᠷᠭᠠ ᠪᠠᠷ ᠮᠢᠬᠠᠴᠢᠨ ᠡᠮᠡᠭᠡᠨ ᠤ ᠬᠤᠶᠠᠷ ᠬᠦᠦ ᠶᠢ ᠳᠠᠷᠤᠴᠢᠬᠠᠭᠠᠳ ᠳᠤᠲᠠᠭᠠᠵᠤ ᠶᠠᠪᠤᠵᠠᠢ᠃ ᠮᠢᠬᠠᠴᠢᠨ ᠡᠮᠡᠭᠡᠨ | ᠴᠤ ᠲᠡᠭᠡᠳᠭᠡᠨ ᠡᠪᠦᠭᠡᠨ ᠢ ᠪᠠᠷᠢᠵᠤ ᠴᠢᠳᠠᠭᠰᠠᠨ ᠦᠭᠡᠢ ᠮᠥᠷᠲᠡᠭᠡᠨ ᠬᠤᠶᠠᠷ ᠬᠥᠪᠡᠭᠦᠨ ᠢᠶᠠᠨ ᠠᠯᠳᠠᠭᠰᠠᠨ ᠳᠠᠭᠠᠨ | ᠠᠭᠤᠷᠯᠠᠵᠤ ᠲᠡᠷᠡ ᠳᠣᠣᠷᠠ ᠨᠢ ᠳᠡᠯᠪᠡᠷᠡᠵᠦ ᠦᠬᠦᠭᠰᠡᠨ ᠭᠡᠨᠡ᠃ | | ︵2007 ᠣᠨ ᠤ 4 ᠰᠠᠷᠠ ᠳᠤ᠂ ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠤᠤᠯ ᠤᠨ | ᠬᠤᠤᠰᠪᠦ᠋ᠷᠢᠳᠤ ᠰᠤᠮᠤᠨ ᠤ ᠨᠠᠶᠠᠨ ᠨᠢᠭᠡᠨ ᠨᠠᠰᠤᠲᠠᠢ ᠵᠢᠨᠪᠤᠤ ᠬᠡᠯᠡᠪᠡ︶ |