ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
﹇ᠳᠥᠷᠪᠡᠨ ᠣᠶᠢᠷᠠᠳ﹈ ᠰᠢᠨᠵᠢᠶᠠᠩ ᠤᠨ ᠣᠶᠢᠷᠠᠳ ᠠᠶᠠᠯᠭᠤᠨ ᠤ ᠥᠪᠡᠷᠮᠢᠴᠡ ᠬᠡᠯᠡᠴᠡ ᠶᠢᠨ ᠲᠣᠪᠴᠢ ᠲᠠᠶᠢᠯᠪᠤᠷᠢ ︵ᠠᠷᠪᠠᠨ ᠲᠤᠯᠤᠭ᠎ᠠ︶
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2025/5/8
                                ᠣ  ·  ᠲᠠᠶᠢᠪᠤᠩ ᠴᠤᠭᠯᠠᠭᠤᠯᠤᠨ ᠲᠠᠶᠢᠯᠪᠤᠷᠢᠯᠠᠪᠠ          ᠬᠡᠢ ᠮᠣᠷᠢ ᠨᠢ ᠬᠡᠶᠢᠰᠬᠦ᠄ ᠰᠠᠨᠠᠭᠰᠠᠨ ᠬᠡᠷᠡᠭ ᠨᠢ ᠰᠠᠭᠠᠳ ᠦᠭᠡᠢ ᠪᠦᠲᠦᠬᠦ᠃          ᠬᠡᠢ ᠮᠣᠷᠢᠨ ᠨᠢ ᠬᠡᠪᠲᠡᠬᠦ᠄ ᠶᠠᠮᠠᠷᠴᠤ ᠪᠦᠲᠦᠮᠵᠢ ᠦᠭᠡᠢ᠃ ᠠᠵᠢᠯ ᠠᠮᠢᠳᠤᠷᠠᠯ ᠤᠷᠤᠭᠰᠢ ᠦᠭᠡᠢ᠃          ᠬᠡᠢ ᠮᠣᠷᠢᠨ ᠦᠭᠡᠢ ᠵᠠᠯᠠᠭᠤ᠄ ᠬᠢᠭᠰᠡᠨ ᠨᠢ ᠪᠦᠲᠦᠮᠵᠢ ᠦᠭᠡᠢ ᠵᠠᠯᠠᠭᠤ᠃          ᠬᠡᠢ ᠮᠣᠷᠢ ᠲᠠᠢ ᠵᠠᠯᠠᠭᠤ᠄ ᠬᠢᠭᠰᠡᠨ ᠨᠢ ᠪᠦᠲᠦᠮᠵᠢᠲᠡᠢ ᠵᠠᠯᠠᠭᠤ᠃          ᠬᠡᠢ ᠮᠣᠷᠢ ᠨᠢ ᠭᠦᠶᠦᠬᠦ᠄ ᠰᠠᠨᠠᠭᠰᠠᠨ ᠬᠡᠷᠡᠭ ᠨᠢ ᠰᠠᠭᠠᠳ ᠦᠭᠡᠢ ᠪᠦᠲᠦᠬᠦ᠃ ︵ᠲᠠᠨ ᠨᠠᠷ ᠤᠨ ᠬᠡᠢ ᠮᠣᠷᠢ ᠭᠦᠶᠦᠵᠦ᠂ ᠬᠡᠰᠢᠭ ᠪᠤᠶᠠᠨ ᠢᠷᠡᠭᠰᠡᠨ ᠶᠠᠩᠵᠤ ᠲᠠᠢ ᠭᠡᠪᠡ᠃ - ︽ᠵᠠᠩᠭᠠᠷ ᠤᠨ ᠡᠬᠡ ᠮᠠᠲ᠋ᠧᠷᠢᠶᠠᠯ ︵7︶︾ ᠂ P.82︶          ᠬᠡᠢ ᠲᠣᠷᠯᠣᠩ ᠴᠣᠬᠢᠬᠤ᠄ ᠤᠳᠠᠭᠠᠨ ᠬᠤᠭᠤᠴᠠᠭ᠎ᠠ ᠠᠷᠢᠬᠢ ᠤᠤᠭᠤᠭᠰᠠᠨ ᠠᠴᠠ ᠪᠣᠯᠵᠤ ᠭᠠᠯᠵᠠᠭᠤᠷᠠᠬᠤ ᠪᠤᠶᠤ ᠪᠡᠶ᠎ᠡ ᠲᠠᠮᠢᠷ ᠨᠢ ᠶᠡᠬᠡᠳᠡ ᠮᠠᠭᠤᠳᠠᠬᠤ᠃          ᠬᠡᠢ ᠴᠣᠬᠢᠬᠤ᠄ ᠬᠤᠭᠤᠰᠤᠨ ᠢᠶᠠᠷ ᠦᠯᠢᠶᠡᠵᠦ ᠬᠥᠭᠡᠷᠭᠡᠳᠡᠬᠦ ︵︿ᠴᠢᠨᠦ ᠠᠰᠠᠷᠠᠭᠰᠠᠨ ᠴᠡᠴᠡᠭ ᠰᠠᠶᠢᠨ ᠤᠷᠭᠤᠳᠠᠭ ᠶᠤᠮ ᠪᠠᠶᠢᠨ᠎ᠠ﹀ ᠭᠡᠵᠦ ᠨᠠᠮ᠎ᠠ ᠪᠠᠨ ᠬᠡᠢ ᠴᠣᠬᠢᠨ ᠬᠥᠬᠡᠷᠡᠭᠦᠯᠵᠦ ᠮᠡᠳᠡᠯ᠎ᠡ᠃ - ᠲ᠊  ·  ᠨᠠᠮᠵᠢᠯ᠄ ︽ᠵᠡᠭᠦᠳᠦᠨ ᠤ ᠬᠤᠩᠭᠤᠷ ᠭᠤᠪᠢ︾᠂ P.188︶          ᠬᠡᠭᠡᠷ᠎ᠡ ᠪᠠᠨ ᠠᠯᠠᠭ ᠭᠡᠬᠦ ᠪᠤᠢ᠄ ᠢᠯᠭᠠᠰ ᠦᠭᠡᠢ᠃          ᠬᠡᠨ ᠢᠶᠠᠨ ᠬᠡᠨ ᠭᠡᠬᠦ ᠪᠤᠢ︖᠄ ᠡᠰᠡ ᠢᠯᠭᠠᠬᠤ ᠰᠠᠶᠢᠬᠠᠨ ᠰᠡᠳᠬᠢᠯ᠃ ᠨᠢᠭᠡ ᠨᠢᠭᠡ ᠪᠠᠨ ᠬᠡᠯᠡᠯᠭᠡᠨ ᠦᠭᠡᠢ᠂ ᠨᠢᠭᠡ ᠲᠦᠪᠰᠢᠨ ᠤ ᠬᠥᠮᠥᠰ᠃          ᠬᠡ ᠭᠤᠣ ᠳᠤ ᠤᠳᠠᠭ᠄ ᠪᠠᠶᠢᠭ ᠶᠡᠷᠦ ᠨᠢ᠃          ᠬᠡ ᠭᠤᠤ ᠶᠢᠨ ᠦᠭᠡ᠄ ᠥᠩᠭᠡ ᠲᠠᠯ᠎ᠠ ᠵᠠᠰᠠᠭᠰᠠᠨ ᠬᠤᠭᠤᠰᠤᠨ ᠦᠭᠡ᠃ ︵ᠬᠤᠭᠤᠰᠤᠨ ᠦᠭᠡ ᠬᠡᠯᠡᠵᠦ ᠬᠡᠷᠡᠭ ᠦᠭᠡᠢ᠂ ᠪᠢ ᠲᠠᠶᠢᠮᠤ ᠬᠡ ᠭᠤᠤ ᠶᠢᠨ ᠦᠭᠡ ᠳᠤ ᠲᠤᠶᠢᠯ ᠤᠨ ᠶᠡᠭᠡ ᠳᠤᠷ᠎ᠠ ᠦᠭᠡᠢ ᠶᠤᠮ︾᠃ - ᠳ᠋ᠤ᠊  ·  ᠨᠠᠶᠢᠳᠠᠢ᠄ ︽ᠮᠥᠩᠬᠡ ᠶᠢᠨ ᠬᠠᠶᠢᠷ᠎ᠠ︾᠂ P.11︶          ᠭᠡᠯᠡ ᠠᠮᠠ ᠦᠭᠡᠢ᠄① ᠬᠡᠯᠡᠨ ᠳᠤ ᠣᠷᠤᠭ᠎ᠠ ᠦᠭᠡᠢ ᠨᠢᠯᠬ᠎ᠠ ᠬᠡᠦᠬᠡᠳ᠃② ᠬᠡᠯᠡᠨ ᠤ ᠠᠪᠢᠶᠠᠰ ᠳᠤᠲᠠᠮᠠᠭ᠂ ᠦᠭᠡ ᠬᠡᠯᠡᠨ ᠳᠡᠭᠡᠨ ᠪᠢᠳᠠᠭᠤ᠃③ ᠬᠡᠯᠡᠨ ᠤ ᠪᠡᠷᠬᠡᠰᠢᠶᠡᠯ ᠲᠠᠢ ᠵᠡᠮᠳᠡᠭ ᠬᠥᠮᠥᠨ᠃ ︵ᠠᠳᠠᠭ ᠨᠠᠭᠠᠲᠤ ᠵᠠᠬ᠎ᠠ ᠳᠠᠭᠠᠨ ᠬᠤᠶᠠᠷ ᠨᠢᠯᠬ᠎ᠠ ᠭᠡᠯᠡ ᠠᠮᠠ ᠦᠭᠡᠢ ᠬᠥᠪᠡᠭᠦᠨ ᠢᠶᠠᠨ ᠪᠤᠳᠤᠳᠠᠭ ᠦᠭᠡᠢ ᠶᠠᠭᠠᠬᠢᠪᠠ︖᠃ - ᠬᠠ᠊  ·  ᠬᠥᠮᠦᠵᠢᠯ᠄ ︽ᠪᠤᠳᠤᠯ ᠤᠨ ᠳᠤᠮᠳᠠᠬᠢ ᠪᠦᠷᠭᠦᠳ ᠲᠠᠢ ᠬᠠᠳᠠ︾᠂ P.197︶          ᠭᠡᠯᠡ ᠲᠠᠢ ᠬᠥᠮᠥᠨ ᠬᠡᠯᠡᠵᠦ ᠪᠣᠯᠣᠰᠢ ᠦᠭᠡᠢ᠄ ᠬᠡᠴᠡᠭᠦᠦ ᠠᠮᠢᠲᠠᠨ ， ᠶᠠᠭᠤᠮᠠᠨ ᠲᠤᠷᠰᠢᠬᠤ ᠶᠢᠨ ᠠᠷᠭ᠎ᠠ ᠦᠭᠡᠢ ᠬᠡᠴᠡᠭᠦᠦ ᠠᠮᠢᠲᠠᠨ᠃ ᠦᠭᠡ ᠭᠡᠯᠡ ᠪᠠᠷ ᠵᠦᠢᠷᠯᠡᠬᠦ ᠶᠢᠨ ᠠᠷᠭ᠎ᠠ ᠦᠭᠡᠢ᠃          ᠭᠡᠪᠭᠡᠷ ᠭᠡᠪᠭᠡᠷ ᠭᠡᠳ᠄ ᠠᠮᠠ ᠨᠢ ᠠᠭᠠᠵᠢᠮ ᠬᠥᠳᠡᠯᠵᠦ ᠶᠠᠭᠤᠮ᠎ᠠ ᠢᠳᠡᠬᠦ ᠪᠤᠶᠤ ᠦᠭᠡ ᠶᠠᠷᠢᠬᠤ ᠪᠠᠶᠢᠳᠠᠯ᠃          ᠬᠡᠪᠲᠡᠷᠢ ᠳᠤ ᠣᠷᠣᠬᠤ᠄ ᠪᠡᠶ᠎ᠡ ᠮᠠᠭᠤᠳᠠᠵᠤ ᠪᠣᠰᠴᠤ ᠴᠢᠳᠠᠬᠤ ᠦᠭᠡᠢ ᠪᠤᠯᠬᠤ᠃ ︵ᠭᠡᠲᠡᠯ᠎ᠡ ᠣᠳᠣᠬᠢ ᠡᠮᠡᠭᠡᠨ ᠴᠠᠭ ᠢ ᠨᠢ ᠣᠯᠣᠭᠰᠠᠨ ᠰᠢᠭ᠋ ᠬᠡᠪᠲᠡᠷᠢ ᠳᠤ ᠣᠷᠣᠭᠰᠠᠨ ᠪᠠᠶᠢᠨ᠎ᠠ᠃ - ᠳᠤ  ·  ᠨᠠᠶᠢᠳᠠᠢ᠄ ︽ᠭᠢᠯᠢᠴᠠᠭᠠᠨ ᠨᠠᠭᠤᠷ ᠤᠨ ᠵᠡᠷᠭᠡᠯᠭᠡᠨ︾᠂ P.619︶          ᠭᠡᠯᠡ ᠠᠮᠠ ᠪᠠᠨ ᠠᠪᠤᠯᠴᠠᠬᠤ᠄ ᠬᠠᠷᠢᠯᠴᠠᠨ ᠣᠶᠢᠯᠠᠭᠠᠯᠴᠠᠬᠤ᠃ ︵ᠬᠠᠳᠠᠮ ᠡᠬᠡ ᠪᠠᠷᠢ ᠬᠤᠶᠠᠷ ᠨᠣᠮ ᠬᠠᠶᠠᠯᠴᠠᠵᠤ ᠴᠣᠶᠢᠷᠸ᠎ᠠ ᠲᠠᠯᠪᠢᠯᠴᠠᠬᠤ ᠶᠤᠮ ᠪᠢᠰᠢ᠃ ᠠᠯᠭᠤᠷ ᠠᠭᠠᠵᠢᠮ ᠭᠡᠯᠡ ᠠᠮᠠ ᠪᠠᠨ ᠠᠪᠤᠯᠴᠠᠬᠤ ᠪᠢᠵᠡ᠃ - ᠪᠠ᠊᠆  ·  ᠵᠠᠰᠠᠨ᠎ᠠ᠄ ︽ᠬᠠᠯᠠᠭᠤᠨ ᠨᠠᠭᠤᠷ︾ P.266︶          ᠭᠡᠯᠡ ᠠᠮᠠ ᠪᠠᠨ ᠳᠣᠯᠢᠶᠠᠯᠴᠠᠬᠤ᠄ ᠶᠡᠬᠡᠳᠡ ᠳᠣᠲᠣᠨᠣᠰᠣᠨ ᠨᠢᠯᠠᠭᠤᠷᠠᠬᠤ᠃ ︵ᠬᠠᠷᠢ ᠭᠠᠵᠠᠷ ᠠᠴᠠ ᠢᠷᠡᠭᠰᠡᠨ ᠬᠥᠮᠥᠨ᠂ ᠬᠤᠶᠠᠷ ᠵᠠᠷᠭᠤᠴᠢ ᠲᠠᠢ ᠰᠠᠳᠤᠨ ᠪᠢᠰᠢ ᠴᠤ᠂ ᠬᠡᠷᠴᠡᠭᠡᠢ ᠮᠡᠬᠡᠲᠦ ᠲᠡᠨᠦᠭᠦᠯᠴᠢᠨ ᠲᠠᠢ᠂ ᠭᠡᠯᠡ ᠠᠮᠠ ᠪᠠᠨ ᠳᠣᠯᠢᠶᠠᠯᠴᠠᠭᠰᠠᠨ ᠢ᠂ ᠬᠠᠷ᠎ᠠ ᠮᠤᠩᠬᠠᠭ ᠪᠤᠭᠤᠷᠤᠯ ᠡᠪᠦᠭᠡᠨ᠂ ᠬᠡᠷᠬᠢᠨ ᠲᠠᠭᠠᠵᠤ ᠮᠡᠳᠡᠬᠦ ᠪᠢᠯᠡ︖ - ᠨᠢᠮ᠎ᠠ᠂ ᠮᠧᠨᠳᠧ ᠴᠤᠭᠯᠠᠭᠤᠯᠵᠤ ᠡᠮᠬᠢᠳᠬᠡᠪᠡ᠄ ︽ᠠᠷᠳᠠᠭ ᠬᠦᠷᠡᠩ ᠮᠣᠷᠢ ᠲᠠᠢ ᠠᠯᠲᠠᠢ ᠲᠠᠶᠢᠵᠢ︾᠂ P.130︶          ᠭᠡᠯᠡ ᠠᠮᠠ ᠰᠤᠭᠤᠯᠤᠮᠠᠷ᠄ ᠠᠮᠲᠠ ᠰᠢᠮᠳᠡ ᠨᠢ ᠭᠤᠶᠢᠳᠠ ᠰᠠᠶᠢᠬᠠᠨ᠃ ︵ᠲᠢᠺᠸᠡᠯᠢᠭ ᠤᠨ ᠭᠤᠸᠠ ᠶᠢ ᠢᠳᠡᠬᠦᠯ᠎ᠡ ᠭᠡᠯᠡ ᠠᠮᠠ ᠰᠤᠭᠤᠯᠤᠮᠠᠷ ᠠᠮᠲᠠᠲᠠᠶᠢᠬᠠᠨ ᠢ ᠨᠢ ᠬᠡᠯᠡᠵᠦ ᠬᠡᠷᠡᠭ ᠦᠭᠡᠢ᠃ - ᠳᠤ  ·  ᠨᠠᠶᠢᠳᠠᠢ᠄ ︽ᠠᠮᠢᠯᠠᠭᠰᠠᠨ ᠭᠤᠪᠢ︾᠂ P.158︶          ᠭᠡᠯᠡ ᠠᠮᠠ ᠰᠤᠭᠤᠯᠤᠮ᠎ᠠ᠄ ᠠᠮᠲᠠ ᠰᠢᠮᠳᠡ ᠨᠢ ᠭᠤᠶᠢᠳᠠ ᠰᠠᠶᠢᠬᠠᠨ᠃ ︵ᠢᠩᠭᠢᠵᠦ ᠬᠠᠳᠠᠭᠠᠬᠰᠠᠨ ᠮᠢᠬ᠎ᠠ ᠶᠢ ᠢᠳᠡᠬᠦ ᠳᠤ ᠭᠡᠯᠡ ᠠᠮᠠ ᠰᠤᠭᠤᠯᠤᠮ᠎ᠠ ᠠᠮᠲᠠ ᠲᠠᠢ ᠪᠠᠶᠢᠳᠠᠭ᠃ - ᠴᠢ᠊  ·  ᠡᠷᠢᠨᠴᠠᠢ᠂ ᠲ᠊  · ᠨᠠᠮᠵᠢᠯ᠄ ︿ᠣᠶᠢᠷᠠᠳ ᠤᠨ ᠵᠠᠩ ᠵᠠᠩᠰᠢᠯ﹀᠂ P.146︶          ᠭᠡᠯᠡ ᠠᠮᠠ ᠪᠠᠨ ᠪᠢᠯᠡᠭᠦᠳᠡᠬᠦ᠄ ①ᠦᠭᠡ ᠪᠤᠯᠢᠶᠠᠯᠳᠤᠬᠤ᠃② ᠦᠭᠡ ᠭᠡᠯᠡ ᠪᠠᠷ ᠪᠤᠰᠤᠳ ᠢ ᠥᠳᠥᠭᠡᠨ ᠬᠠᠳᠬᠤᠵᠤ ᠬᠡᠷᠡᠭ ᠡᠳᠦᠭᠦ᠃          ᠭᠡᠯᠡ ᠠᠮᠠ ᠠᠪᠤᠯᠴᠠᠬᠤ᠄ ᠬᠠᠷᠢᠯᠴᠠᠵᠤ ᠬᠤᠯᠪᠤᠭ᠎ᠠ ᠪᠠᠷᠢᠬᠤ᠃ ︵ᠲᠠᠳᠠᠨ ᠪᠢᠳᠠᠨ ᠢ ᠨᠢᠯᠬ᠎ᠠ ᠶᠢᠨ ᠬᠤᠪᠢᠰᠬᠠᠯ ᠲᠠᠢ ᠭᠡᠯᠡ ᠠᠮᠠ ᠠᠪᠤᠯᠴᠠᠵᠤ ᠪᠠᠶᠢᠬᠤ ᠶᠢ ᠪᠠᠷᠤᠭᠴᠠᠭᠠᠳ ᠮᠡᠳᠡᠵᠤ ᠤᠷᠭᠢᠬᠤ ᠮᠠᠭᠠᠳ ᠦᠭᠡᠢ᠃ - ᠬᠤᠩᠭᠤᠷ ᠤᠨ ᠪᠠᠳᠠᠢ᠄ ︽ᠳᠣᠯᠭᠢᠶᠠᠨᠲᠤ ᠬᠠᠶᠢᠳᠠᠭ︾᠂ P.67︶          ᠭᠡᠯᠡ ᠠᠮᠠᠨ ᠣᠷᠣᠬᠤ᠄ ᠭᠠᠶᠢᠭᠤᠢ ᠪᠤᠯᠬᠤ᠃          ᠬᠡᠯᠡᠨ ᠠᠮᠠᠨ ᠪᠤᠯᠬᠤ᠄ ᠢᠯᠡᠭᠦᠦ ᠳᠤᠲᠠᠭᠤ ᠦᠭᠡ ᠪᠣᠯᠣᠯᠴᠠᠬᠤ᠃ ᠪᠤᠰᠤᠳ ᠤᠨ ᠶᠠᠷᠢᠶᠠᠨ ᠤ ᠰᠡᠳᠦᠪ ᠪᠤᠯᠬᠤ᠃ ︵ᠪᠠᠭ᠎ᠠ ᠡᠬᠡᠨᠡᠷ ᠠᠴᠠ ᠴᠢᠨᠢ ᠪᠡᠶ᠎ᠡ ᠳᠡᠭᠡᠨ ᠨᠣᠣᠰᠣ ᠲᠠᠢ ᠨᠣᠬᠠᠢ ᠶᠢᠨ ᠭᠢᠴᠢᠭ ᠭᠠᠷᠪᠠ᠃ ᠬᠥᠮᠥᠨ ᠠᠮᠢᠳᠠᠨ ᠤ ᠬᠡᠯᠡᠨ ᠠᠮᠠᠨ ᠪᠤᠯᠬᠤ ᠠᠴᠠ ᠢᠴᠢᠭᠡᠳ ᠪᠢ ᠪᠤᠯᠠᠵᠤ ᠬᠠᠶᠠᠭᠠᠳ ᠠᠷᠢᠯᠭᠠᠪᠠ ᠭᠡᠬᠦ ᠳᠤ᠃ - ᠨᠥ᠋᠊  ·  ᠵᠣᠷᠢᠭᠲᠤ ᠡᠮᠬᠢᠳᠬᠡᠨ ᠨᠠᠶᠢᠷᠠᠭᠤᠯᠪᠠ᠄ ︽ᠬᠤᠪᠤᠬᠰᠠᠶᠢᠷ ᠮᠣᠩᠭᠤᠯ ᠠᠷᠠᠳ ᠤᠨ ᠠᠮᠠᠨ ᠵᠣᠬᠢᠶᠠᠯ ᠤᠨ ᠳᠡᠭᠡᠵᠢ︾᠂ ᠰᠢᠨᠵᠢᠶᠠᠩ ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶ᠎ᠠ᠂ 2004 ᠣᠨ᠃ P.119︶          ᠬᠡᠯᠡᠨ ᠠᠮᠠ ᠪᠠᠷ ᠨᠢ ᠭᠠᠷᠭᠠᠬᠤ᠄ ᠦᠭᠡ ᠶᠢ ᠨᠢ ᠬᠠᠷᠢᠭᠤ ᠪᠤᠴᠠᠭᠠᠨ ᠬᠡᠯᠡᠵᠦ ᠰᠣᠨᠣᠰᠬᠠᠬᠤ᠃ ︵ᠬᠡᠯᠡᠭᠰᠡᠨ ᠦᠭᠡ ᠶᠢ ᠨᠢ᠂ ᠬᠡᠯᠡᠨ ᠠᠮᠠ ᠪᠠᠷ ᠨᠢ ᠭᠠᠷᠭᠠᠭᠠᠳ᠃ - ᠲᠤ᠋  ·  ᠪᠠᠳᠮ᠎ᠠ᠂ ᠪᠤᠶᠠᠨᠬᠡᠰᠢᠭ ᠨᠠᠷ ᠡᠮᠬᠢᠳᠬᠡᠨ ᠨᠠᠶᠢᠷᠠᠭᠤᠯᠪᠠ᠄ ︽ᠵᠠᠩᠭᠠᠷ︾᠂ P.345︶᠃          ᠬᠡᠯᠡᠨ ᠤᠳᠤᠭ᠎ᠠ ᠠᠴᠠ ᠬᠤᠷᠴᠠ᠄ ᠬᠤᠤᠷᠠᠨ ᠭᠡᠯᠨ ᠲᠠᠢ᠃ ᠦᠭᠡ ᠭᠡᠯᠡ ᠪᠣᠯ ᠬᠥᠮᠥᠨ ᠢ ᠠᠮᠢᠳᠤᠷᠠᠭᠤᠯᠵᠤ ᠦᠬᠦᠭᠦᠯᠵᠦ ᠪᠤᠯᠳᠠᠭ ᠰᠦᠷ ᠬᠦᠴᠦᠨ ᠲᠠᠢ ᠭᠡᠰᠡᠨ ᠤᠳᠬ᠎ᠠ ᠲᠠᠢ᠃          ᠬᠡᠯᠡᠨ ᠦᠭᠡᠢ ᠳᠤ ᠪᠡᠯᠡᠨ ᠦᠭᠡᠢ᠄ ᠦᠭᠡ ᠳᠤ ᠬᠠᠰᠢᠩ᠃          ᠭᠡᠯᠡ ᠪᠠᠨ ᠪᠠᠯᠳᠠᠶᠢᠬᠤ᠄ ︽ᠪᠠᠶᠢᠳᠠᠯ ᠡᠶᠢᠮᠦ︾ ︽ᠬᠡᠷᠡᠭ ᠨᠢᠭᠡᠨᠲᠡ ᠮᠠᠭᠤᠳᠠᠯ᠎ᠠ︾ ︽ᠠᠯᠳᠠᠭ᠎ᠠ ᠭᠠᠷᠭᠠᠭᠰᠠᠨ ᠳᠠᠭᠠᠨ ᠬᠠᠷᠠᠮᠰᠠᠵᠤ ᠪᠠᠶᠢᠨ᠎ᠠ︾ ᠭᠡᠰᠡᠨ ᠤᠳᠬ᠎ᠠ ᠲᠠᠢ ᠳᠣᠬᠢᠶ᠎ᠠ᠃ ︵᠁ ᠪᠡᠭᠡᠵᠢᠩ ᠬᠤᠳᠠ ᠳᠤ ᠪᠤᠯᠬᠤ ᠬᠠᠭᠤᠴᠢᠨ ᠨᠣᠮ ᠤᠨ ᠲᠠᠩᠭᠠᠷᠢᠭ ᠤᠨ ᠴᠤᠭᠯᠠᠭᠠᠨ ᠤ ᠨᠠᠶᠢᠷ ᠲᠤ ᠣᠷᠤᠯᠴᠠᠬᠤ ᠪᠠᠷ ᠦᠦᠷ ᠤᠨ ᠡᠮᠦᠨ᠎ᠡ ᠭᠠᠷᠤᠭᠠᠳ ᠶᠠᠪᠤᠭᠠᠳ ᠥᠭᠭᠦᠯ᠎ᠡ︾ ᠭᠡᠳ ᠭᠡᠯᠡ ᠪᠠᠨ ᠪᠠᠯᠳᠠᠭᠠᠪᠠ᠃ - ᠬᠠ᠊  ·  ᠬᠥᠮᠦᠵᠢᠯ᠄ ︽ᠬᠠᠶᠢᠷᠠᠨ ᠨᠠᠢᠮᠠᠨ ᠡᠳᠦᠷ︾᠂ P.28︶          ᠬᠡᠯᠡᠨ ᠤ ᠰᠢᠷᠬ᠎ᠠ ᠡᠳᠡᠭᠡᠳᠡᠭ ᠦᠭᠡᠢ᠂ ᠮᠠᠯᠢᠶ᠎ᠠ ᠶᠢᠨ ᠰᠢᠷᠬ᠎ᠠ ᠡᠳᠡᠭᠡᠳᠡᠭ᠄ ᠬᠤᠤᠷᠠᠨ ᠦᠭᠡ ᠬᠥᠮᠥᠨ ᠢ ᠭᠤᠮᠣᠳᠠᠭᠠᠬᠤ᠃ ᠦᠭᠡ ᠪᠠᠷ ᠪᠤᠰᠤᠳ ᠢ ᠭᠤᠮᠣᠳᠠᠭᠠᠪᠠᠯ ᠮᠠᠭᠤ ᠨᠥᠯᠥᠭᠡ ᠨᠢ ᠬᠡᠵᠢᠶ᠎ᠡ ᠴᠤ ᠠᠷᠢᠯᠬᠤ ᠦᠭᠡᠢ᠃          ᠭᠡᠯᠡ ᠪᠠᠷ ᠢᠶᠠᠨ ᠭᠡᠯᠳᠡᠭᠦᠷ ᠬᠢᠬᠦ᠄ ᠭᠡᠯᠨ ᠠᠮᠠ ᠪᠠᠷ ᠢᠶᠠᠨ ᠬᠥᠮᠥᠨ ᠢ ᠮᠠᠭᠤᠯᠠᠵᠤ ᠬᠠᠶᠠᠬᠤ᠃ ᠦᠭᠡ ᠭᠡᠯᠡ ᠪᠠᠷ ᠪᠤᠰᠤᠳ ᠢ ᠬᠤᠣᠷᠯᠠᠬᠤ᠃          ᠬᠡᠯᠡᠨ ᠳᠡᠭᠡᠷ᠎ᠡ ᠴᠢᠨᠢ ᠮᠤᠤᠮᠢ ᠭᠠᠷᠬᠤ᠄ ᠮᠠᠭᠤ ᠮᠠᠭᠤᠬᠠᠢ ᠦᠭᠡ ᠶᠢ ᠨᠢ ᠵᠢᠭᠰᠢᠭᠰᠡᠨ᠃ ᠵᠦᠢ ᠵᠣᠬᠢᠰ ᠦᠭᠡᠢ ᠦᠭᠡ ᠶᠠᠷᠢᠪᠠᠯ ᠠᠯᠳᠠᠰ ᠪᠤᠯᠬᠤ ᠶᠢ ᠰᠡᠷᠡᠮᠵᠢᠯᠡᠭᠦᠯᠦᠭᠰᠡᠨ ᠦᠭᠡ᠃          ᠬᠡᠯᠡᠨ ᠳᠡᠭᠡᠷᠡᠬᠢ ᠪᠠᠯ ᠪᠤᠷᠠᠮ ᠭᠦᠪᠡᠷᠳᠡᠭ ᠳᠣᠲᠣᠷᠠᠬᠢ ᠬᠦᠳᠡᠷ ᠴᠢᠯᠠᠭᠤᠨ᠄ ᠠᠮᠠᠨ ᠳᠠᠭᠠᠨ ᠬᠡᠯᠡᠬᠦ ᠨᠢ ᠰᠠᠶᠢᠬᠠᠨ ᠴᠤ ᠳᠣᠲᠣᠷ᠎ᠠ ᠪᠠᠨ ᠮᠠᠭᠤ ᠶᠢ ᠪᠤᠳᠤᠬᠤ᠃          ᠬᠡᠯᠡᠨ ᠳᠤ ᠶᠠᠰᠤᠨ ᠦᠭᠡᠢ᠄ ᠭᠡᠯᠡ ᠵᠥᠭᠡᠯᠡᠨ ᠪᠤᠯᠪᠠᠴᠤ ᠰᠢᠷᠦᠭᠦᠨ ᠦᠭᠡ ᠬᠡᠯᠡᠵᠦ ᠭᠠᠷᠭᠠᠬᠤ ᠷᠢᠳᠢ ᠰᠢᠳᠢ ᠲᠠᠢ᠃          ᠬᠡᠯᠡᠭᠰᠡᠨ ᠦᠭᠡ᠂ ᠬᠡᠷᠴᠢᠭᠰᠡᠨ ᠮᠣᠳᠣᠨ᠄ ᠠᠮᠠᠯᠠᠭᠰᠠᠨ ᠠᠴᠠ ᠪᠠᠨ ᠪᠤᠴᠠᠬᠤ ᠦᠭᠡᠢ᠃          ᠬᠡᠯᠡᠭᠰᠡᠨ ᠢᠶᠠᠨ ᠬᠢᠵᠦ ᠬᠡᠷᠴᠢᠭᠰᠡᠨ ᠢᠶᠠᠨ ᠢᠳᠡᠬᠦ᠄ ᠵᠣᠷᠢᠭᠰᠠᠨ ᠢᠶᠠᠷ ᠢᠶᠠᠨ ᠶᠠᠪᠤᠬᠤ᠃ ᠦᠨᠡᠨᠴᠢ ᠰᠢᠳᠤᠷᠭᠤ᠂ ᠬᠢᠷᠢ ᠳᠡᠭᠡᠨ ᠵᠥᠪ ᠠᠮᠢᠳᠤᠷᠠᠬᠤ᠃          ᠬᠡᠯᠡᠭᠰᠡᠨ ᠦᠭᠡ ᠪᠠᠨ ᠢᠳᠡᠬᠦ᠄ ᠠᠮᠠᠯᠠᠭᠰᠠᠨ ᠢᠶᠠᠨ ᠦᠭᠡᠶᠢᠰᠭᠡᠭᠦ᠂ ᠠᠮᠠᠯᠠᠯᠲᠠ ᠠᠴᠠ ᠪᠠᠨ ᠪᠤᠴᠠᠬᠤ᠃          ᠬᠡᠯᠡᠭᠰᠡᠨ ᠳᠡᠭᠡᠨ ᠭᠦᠷᠦᠭᠡᠳ᠂ ᠬᠡᠭᠡᠷ ᠢᠶᠠᠨ ᠲᠤᠬᠤᠬᠤ᠄ ᠵᠣᠷᠢᠯᠭ᠎ᠠ ᠳᠠᠭᠠᠨ ᠬᠦᠷᠬᠦ᠃          ᠬᠡᠯᠲᠡᠭᠡᠢ ᠨᠢᠮᠠᠨ ᠶᠠᠰᠤᠨ᠄ ᠡᠴᠡᠩᠬᠡᠢ ᠲᠤᠷᠠᠩᠬᠠᠢ᠃          ᠬᠡᠯᠡᠳᠡᠭ ᠬᠢᠳᠡᠭ ᠢᠶᠠᠨ ᠣᠯᠵᠤ ᠶᠠᠳᠠᠬᠤ᠄① ᠲᠡᠰᠬᠡᠯ ᠠᠯᠲᠠᠷᠬᠠᠤ᠃ ② ᠬᠢᠳᠡᠯ ᠠᠯᠳᠠᠵᠤ ᠬᠡᠷᠡᠭ ᠡᠳᠦᠭᠦ᠃ ︵ᠬᠥᠮᠥᠨ ᠢ ᠦᠵᠡᠪᠡᠯ ᠠᠶᠠᠨᠳᠠᠭᠠᠨ ᠳᠤᠷ᠎ᠠ ᠦᠭᠡᠶᠢᠴᠡᠨ ︿ᠬᠡᠯᠡᠳᠡᠭ ᠬᠢᠳᠡᠭ ᠢᠶᠠᠨ ᠣᠯᠵᠤ ᠡᠰᠡ ᠴᠢᠳᠠᠭᠰᠠᠨ ᠲᠣᠭᠠᠲᠤ ᠤᠳ﹀ ᠭᠡᠵᠦ ᠪᠤᠳᠤᠳᠠᠭ ᠪᠠᠶᠢᠭᠰᠠᠨ ᠶᠤᠮ᠃ - ᠲ᠊  ·  ᠨᠠᠮᠵᠢᠯ᠄ ︽ᠵᠡᠭᠦᠳᠦᠨ ᠤ ᠬᠤᠩᠭᠤᠷ ᠭᠤᠪᠢ︾᠂ P.187︶          ᠬᠡᠳᠦᠢ ᠡᠩᠬᠦᠷᠡᠢ ᠪᠤᠯᠪᠠᠴᠤ ᠮᠠᠭᠤ ᠪᠠᠨ ᠪᠢᠲᠡᠭᠡᠢ ᠦᠵᠡᠭᠦᠯᠡ᠄ ᠶᠠᠮᠠᠷ ᠳᠣᠲᠣᠨᠣ ᠪᠠᠶᠢᠭᠰᠠᠨ ᠴᠤ ᠨᠢᠭᠤᠴᠠ ᠪᠠᠨ ᠪᠤᠤ ᠵᠠᠳᠠᠷᠠᠭᠤᠯᠠ᠃          ᠬᠡᠯᠬᠢᠶ᠎ᠡ ᠨᠠᠢᠮᠠᠨ ᠶᠠᠰᠤᠨ᠄ ᠡᠳᠴᠡᠨ ᠲᠤᠷᠠᠩᠬᠠᠢ᠃          ᠬᠡᠩᠭᠡᠷᠭᠡ ᠶᠢ ᠲᠠᠭᠤ ᠲᠠᠢ ᠲᠠᠭᠤᠨ ᠦᠭᠡᠢ ᠶᠢ ᠨᠢ ᠴᠣᠬᠢᠵᠤ ᠦᠵᠡᠭᠡᠳ ᠮᠡᠳᠡᠳᠡᠭ᠄ ᠬᠥᠭᠡᠷᠭᠡᠳᠡᠵᠦ ᠪᠠᠶᠢᠭᠠᠳ ᠮᠡᠳᠡᠨ᠎ᠡ᠃ ᠬᠡᠷᠡᠭ ᠤᠴᠢᠷ ᠤᠨ ᠦᠨᠡᠨ ᠮᠥᠨ ᠴᠢᠨᠠᠷ ᠢ ᠪᠣᠳᠠᠲᠤ ᠦᠢᠯᠡᠳᠦᠯᠭᠡ ᠪᠠᠷ ᠭᠡᠷᠡᠴᠢᠯᠡᠨ᠎ᠡ᠃          ᠬᠡᠭᠡᠷ᠎ᠡ ᠬᠤᠨᠣᠭᠠᠳ ᠬᠡᠴᠡ ᠳᠡᠷᠡᠯᠡᠭᠡᠳ ᠶᠠᠪᠤᠬᠤ᠄ ᠴᠥᠬᠦᠷᠡᠯ ᠦᠭᠡᠢ ᠲᠡᠮᠡᠦᠯᠵᠦ ᠶᠠᠪᠤᠬᠤ᠃ ᠵᠣᠷᠢᠯᠭ᠎ᠠ ᠳᠠᠭᠠᠨ ᠬᠦᠷᠬᠦ ᠶᠢᠨ ᠲᠥᠯᠥᠭᠡ ᠬᠠᠨᠤᠲᠠᠯ᠎ᠠ ᠵᠣᠪᠠᠯᠠᠩ ᠠᠮᠰᠠᠬᠤ᠂ ᠵᠣᠪᠠᠵᠤ ᠵᠦᠳᠡᠷᠡᠬᠦ᠃ ︵ᠠᠪᠤ ᠡᠵᠢ ᠴᠢᠨᠢ ᠴᠢᠮᠠᠶᠢ ᠰᠤᠷᠭᠠᠭᠤᠯᠢ ᠳᠤ ᠤᠩᠰᠢᠭᠤᠯᠤᠨ᠎ᠠ ᠭᠡᠳ ᠬᠡᠭᠡᠷ᠎ᠡ ᠬᠤᠨᠣᠭᠠᠳ ᠬᠡᠴᠡ ᠳᠡᠷᠡᠯᠡᠭᠡᠳ ᠶᠠᠪᠤᠵᠤ ᠪᠠᠶᠢᠬᠤᠯ᠎ᠠ ᠴᠢ ᠡᠭᠦᠨ ᠳᠤ ᠶᠠᠭᠤ ᠬᠢᠵᠦ ᠰᠠᠭᠤᠵᠤ ᠪᠠᠶᠢᠭ᠎ᠠ ᠪᠠᠨ ᠦᠵᠡ᠃︶          ᠬᠡᠭᠡᠷ ᠠᠯᠠᠭ ᠠᠴᠠ ᠰᠢᠭᠢᠷ᠎ᠡ ᠠᠯᠠᠭ᠄ ᠠᠯᠠᠭ ᠲᠠᠢ ᠪᠤᠯᠠᠭ ᠲᠠᠢ ᠦᠵᠡᠬᠦ᠃ ᠶᠠᠮᠠᠷ ᠡᠬᠢ ᠡᠭᠦᠰᠪᠦᠷᠢ ᠲᠠᠢ ᠪᠣᠯ ᠶᠠᠮᠠᠷ ᠦᠷ᠎ᠡ ᠳ᠋ᠦᠩ ᠲᠠᠢ᠃          ᠭᠡᠭᠡᠷᠡᠭᠰᠡᠨ ᠢᠶᠠᠨ ᠵᠠᠯᠭᠢᠭᠠᠳ᠂ ᠬᠡᠯᠡᠭᠰᠡᠨ ᠢᠶᠠᠨ ᠢᠳᠡᠬᠦ᠄ ᠦᠭᠡ ᠳᠡᠭᠡᠨ ᠬᠦᠷᠬᠦ ᠦᠭᠡᠢ᠃ ︵ᠮᠢᠨᠤ ᠳᠡᠭᠦᠦ ᠬᠡᠦᠬᠡᠨ ᠡᠪᠡᠳᠴᠢᠨ ᠲᠠᠢ ᠳᠤᠮᠳᠠᠭᠤᠷ ᠪᠣᠯᠬᠤᠯ᠎ᠠ᠂ ᠲᠠᠨᠠᠶᠢᠬᠢᠨ ᠭᠡᠭᠡᠷᠡᠭᠰᠡᠨ ᠢᠶᠠᠨ ᠵᠠᠯᠭᠢᠭᠠᠳ᠂ ᠬᠡᠯᠡᠭᠰᠡᠨ ᠢᠶᠠᠨ ᠢᠳᠡᠭᠡᠳ᠂ ᠠᠮᠠ ᠠᠯᠳᠠᠭᠰᠠᠨ ᠠᠪᠤ ᠡᠵᠢ ᠬᠤᠶᠠᠷ ᠠᠮᠢᠳᠤ ᠰᠡᠷᠡᠭᠦᠨ ᠴᠠᠭ ᠲᠤ ᠁᠃ - ᠳ᠋ᠤ᠊  ·  ᠨᠠᠶᠢᠳᠠᠢ᠄ ︽ᠠᠪᠠᠭ᠎ᠠ ᠡᠭᠡᠴᠢ ᠶᠢᠨ ᠥᠯᠢᠭᠡᠷ︾᠂ P.343︶          ᠬᠡᠷᠢᠶ᠎ᠡ ᠨᠢᠳᠦ ᠲᠠᠢ᠄ ᠥᠯᠥᠨ ᠨᠢᠳᠦ ᠲᠠᠢ᠃          ᠬᠡᠷᠢᠶ᠎ᠡ ᠴᠣᠬᠢᠳᠠᠭ ᠪᠤᠷᠴᠠ ᠦᠭᠡᠢ᠄ ᠶᠠᠭᠤ ᠴᠤ ᠦᠭᠡᠢ ᠬᠤᠭᠤᠰᠤᠨ᠃          ᠬᠡᠷᠢᠶ᠎ᠡ ᠲᠠᠭᠠᠮ᠎ᠠ ᠲᠣᠰᠣᠲᠠᠢ ᠬᠡᠯᠡᠨ ᠡᠭᠡᠳᠡᠷᠡᠮ᠎ᠡ ᠠᠭ ᠲᠠᠢ ᠴᠠᠢ᠄ ᠲᠣᠰᠣᠲᠠᠢ ᠰᠠᠶᠢᠬᠠᠨ ᠴᠠᠢ᠃          ᠬᠡᠷᠢᠶ᠎ᠡ ᠬᠡᠷᠢᠶᠡᠨ ᠤ ᠪᠠᠨ ᠨᠢᠳᠦ ᠶᠢ ᠴᠣᠬᠢᠳᠠᠭ ᠦᠭᠡᠢ᠄          ᠬᠡᠷᠢᠶ᠎ᠡ ᠬᠡᠳᠦᠢ ᠪᠠᠭᠠᠭᠢᠪᠠ ᠬᠢᠵᠦ ᠬᠠᠪᠤᠷ ᠪᠤᠯᠬᠤ ᠦᠭᠡᠢ᠄ ᠴᠠᠭ ᠨᠢ ᠪᠣᠯᠤᠭ᠎ᠠ ᠦᠭᠡᠢ᠃          ᠬᠡᠷᠢᠶ᠎ᠡ ᠠᠴᠠ ᠨᠠᠴᠢᠨ ᠳᠦᠷᠦᠳᠡᠭ᠄ ᠮᠠᠭᠤ ᠠᠴᠠ ᠰᠠᠶᠢᠨ ᠳᠦᠷᠦᠳᠡᠭ᠃          ᠬᠡᠷᠡᠭ ᠠᠴᠠ ᠭᠠᠷᠬᠤ᠄ ᠡᠯᠡᠭᠳᠡᠵᠦ ᠡᠪᠳᠡᠷᠡᠵᠦ ᠬᠡᠷᠡᠭ ᠦᠭᠡᠢ ᠪᠤᠯᠬᠤ᠃ ︵ᠶᠠᠮᠠᠷ ᠰᠢᠨ᠎ᠡ ᠮᠠᠰᠢᠨ ᠲᠡᠷᠭᠡᠨ ᠪᠤᠯᠪᠠᠴᠤ ᠬᠡᠷᠡᠭ ᠠᠴᠠ ᠭᠠᠷᠬᠤ ᠶᠤᠮ ᠭᠡᠨ᠎ᠡ᠃ - ᠳ᠋ᠤ᠊  ·  ᠨᠠᠶᠢᠳᠠᠢ᠄ ︽ᠭᠢᠯᠢᠴᠠᠭᠠᠨ ᠨᠠᠭᠤᠷ ᠤᠨ ᠵᠡᠷᠭᠡᠯᠭᠡᠨ︾᠂ P.576︶          ᠬᠡᠷᠡᠭ ᠤᠨ ᠲᠤᠯᠤᠮ᠄ ᠬᠡᠷᠡᠭ ᠵᠠᠷᠭᠤ ᠶᠢᠨ ᠡᠵᠡᠨ᠃          ᠬᠡᠦᠬᠡᠨ ᠬᠡᠦᠬᠡᠨ ᠭᠡᠵᠦ ᠪᠠᠶᠢᠭᠠᠳ ᠬᠥᠮᠥᠨ ᠢ ᠮᠡᠬᠡᠯᠡᠳᠡᠭ᠄ ᠠᠷᠭ᠎ᠠ ᠲᠠᠢ ᠡᠪ ᠲᠠᠢ᠃          ᠬᠡᠦᠬᠡ ᠪᠠᠨ ᠥᠭᠭᠦᠭᠰᠡᠨ ᠠᠴᠠ ᠪᠢᠰᠢ ᠬᠡᠰᠢᠭ ᠢᠶᠠᠨ ᠥᠭᠭᠦᠭᠰᠡᠨ ᠦᠭᠡᠢ ᠪᠢ᠄          ᠬᠡᠦᠬᠡᠳ ᠤᠨ ᠰᠠᠳᠠᠭ᠎ᠠ ᠤᠳᠳᠤᠭ᠄ ᠮᠠᠭᠤᠰᠢᠶᠠᠭᠰᠠᠨ ᠤᠳᠬ᠎ᠠ ᠲᠠᠢ ᠦᠭᠡ᠃          ᠬᠡᠦᠬᠡᠳ ᠨᠢ ᠡᠰᠡ ᠤᠭᠢᠯᠠᠬᠤᠯ᠎ᠠ ᠡᠬᠡ ᠨᠢ ᠬᠤᠭᠤᠯᠠ ᠥᠭᠳᠡᠭ ᠦᠭᠡᠢ᠄ ᠵᠣᠪᠠᠯᠠᠩ ᠲᠦᠷᠡᠮᠵᠢ ᠪᠠᠨ ᠬᠡᠯᠡᠵᠦ ᠮᠡᠳᠡᠭᠦᠯᠬᠦ᠃ ᠶᠠᠮᠠᠷ ᠨᠢᠭᠡ ᠵᠠᠪ ᠳᠣᠭᠢᠶᠠᠯ ᠢ ᠥᠪᠡᠷ ᠲᠡᠭᠡᠨ ᠰᠠᠨᠠᠭᠠᠴᠢᠯᠠᠭ᠎ᠠ ᠲᠠᠢ ᠪᠠᠷ ᠲᠡᠮᠡᠴᠡᠨ ᠣᠯᠬᠤ᠃          ᠬᠡᠦᠬᠡᠨ ᠠᠴᠠ ᠪᠠᠨ ᠠᠷᠢᠬᠢ ᠤᠤᠭᠤᠬᠤ᠄ ᠬᠥᠪᠡᠭᠦᠨ ᠲᠠᠢ ᠠᠶᠢᠯ ᠬᠡᠦᠬᠡᠨ ᠲᠠᠢ ᠠᠶᠢᠯ ᠳᠤ ᠬᠤᠳᠠ ᠪᠣᠯᠣᠯᠴᠠᠬᠤ ᠪᠠᠷ ᠰᠠᠨᠠᠭ᠎ᠠ ᠪᠠᠨ ᠢᠯᠡᠳᠬᠡᠵᠦ ᠠᠷᠢᠬᠢ ᠡᠷᠭᠦᠵᠦ ᠢᠷᠡᠬᠦ ᠬᠤᠷᠢᠮ ᠤᠨ ᠶᠣᠰᠣ ᠶᠢ ᠬᠡᠯᠡᠵᠦ ᠪᠤᠢ᠃          ᠬᠡᠦᠬᠡᠨ ᠢᠶᠠᠨ ᠥᠭᠭᠦᠭᠰᠡᠨ ᠬᠥᠮᠥᠨ ᠰᠢᠢᠭᠡ ᠪᠠᠨ ᠬᠠᠷᠠᠮᠨᠠᠳᠠᠭ ᠦᠭᠡᠢ᠄ ᠶᠠᠭᠤ ᠴᠤ ᠬᠠᠷᠠᠮᠨᠠᠳᠠᠭ ᠦᠭᠡᠢ - ᠰᠠᠶᠢᠬᠠᠨ ᠦᠭᠡ᠃ ᠨᠢᠭᠡᠨᠲᠡ ᠶᠡᠭᠡ ᠶᠠᠭᠤᠮ᠎ᠠ ᠥᠭᠭᠦᠭᠰᠡᠨ ᠶᠤᠮ ᠴᠢᠨᠢ ᠵᠢᠵᠢᠭ ᠰᠠᠵᠢᠭ ᠶᠠᠭᠤᠮ᠎ᠠ ᠪᠠᠨ ᠴᠤ ᠬᠠᠷᠠᠮᠨᠠᠬᠤ ᠦᠭᠡᠢ᠃          ᠬᠡᠦᠬᠡᠨ ᠳᠤ ᠬᠡᠯᠡᠬᠦᠯ᠎ᠡ ᠪᠡᠷᠢ ᠰᠣᠨᠣᠰᠳᠠᠭ᠄ ᠥᠭᠡᠷ᠎ᠡ ᠶᠠᠭᠤᠮ᠎ᠠ ᠪᠠᠷ ᠳᠠᠮᠵᠢᠭᠤᠯᠵᠤ ᠥᠪᠡᠷ ᠤᠨ ᠦᠭᠡ ᠪᠠᠨ ᠮᠡᠳᠡᠭᠦᠯᠬᠦ᠃ ᠬᠡᠯᠡᠭᠰᠡᠨ ᠦᠭᠡ ᠪᠦᠭᠦᠨ ᠰᠤᠷᠠᠭ ᠵᠠᠩᠭᠢ ᠪᠣᠯᠵᠤ ᠠᠮᠠ ᠳᠠᠮᠵᠢᠨ ᠶᠠᠷᠢᠭᠳᠠᠳᠠᠭ ᠲᠤᠯᠠ ᠦᠭᠡ ᠶᠠᠷᠢᠶ᠎ᠠ ᠪᠠᠨ ᠠᠩᠬᠠᠷᠴᠤ ᠬᠡᠷᠰᠡᠦ ᠪᠣᠯᠭᠤᠮᠵᠢᠲᠠᠢ ᠪᠠᠶᠢᠬᠤ᠃          ᠬᠡᠦᠬᠡᠳ ᠭᠢᠴᠢᠭ ᠬᠤᠶᠠᠷ ᠤᠨ ᠠᠮᠠᠨ ᠰᠤᠯᠠ ᠦᠭᠡᠢ᠄ ᠶᠠᠭᠤᠮ᠎ᠠ ᠶᠢ ᠨᠢᠭᠤᠵᠤ ᠴᠢᠳᠠᠬᠤ ᠦᠭᠡᠢ᠃          ᠬᠡᠦᠬᠡᠳ ᠨᠣᠬᠠᠢ ᠬᠤᠶᠠᠷ ᠤᠨ ᠬᠤᠩᠰᠢᠶᠠᠷ ᠶᠠᠭᠤᠮᠠᠨ ᠳᠤ ᠬᠠᠨᠤᠳᠠᠭ ᠦᠭᠡᠢ᠄ ᠶᠠᠭᠤᠮ᠎ᠠ ᠨᠢᠭᠤᠵᠤ ᠴᠢᠳᠠᠬᠤ ᠦᠭᠡᠢ᠂ ᠶᠡᠭᠡ ᠦᠭᠡ ᠲᠠᠢ᠃ ᠬᠡᠵᠢᠶᠡᠳᠡ ᠢᠳᠡᠵᠦ ᠤᠤᠭᠤᠬᠤ ᠶᠢ ᠪᠤᠳᠣᠵᠣ ᠪᠠᠶᠢᠳᠠᠭ᠃          ᠬᠡᠰᠢᠭ ᠨᠢ ᠢᠷᠡᠬᠦ᠄ ᠠᠯᠢᠪᠠ ᠨᠢ ᠪᠦᠲᠦᠮᠵᠢᠲᠡᠢ᠃          ᠬᠡᠰᠢᠭ ᠨᠢ ᠢᠷᠡᠭᠡᠳ ᠭᠶᠢᠮ᠎ᠠ ᠭᠤᠯᠢᠶᠠᠬᠤ᠄ ᠬᠡᠷᠡᠭ ᠨᠢ ᠪᠦᠲᠦᠵᠦ ᠶᠡᠭᠡ ᠯᠨ ᠬᠠᠨᠤᠯᠲᠠ ᠲᠠᠢ ᠪᠠᠶᠢᠬᠤ᠃          ᠬᠡᠰᠢᠭ ᠢᠶᠠᠨ ᠪᠠᠷᠠᠬᠤ᠄ ᠠᠵᠠ ᠦᠭᠡᠶᠢᠳᠡᠬᠦ᠂ ᠤᠷᠤᠭᠤᠳᠠᠨ ᠳᠣᠷᠣᠶᠢᠲᠠᠬᠤ᠃ ︵ᠬᠤᠢ᠂ ᠲᠠᠷᠠ ᠬᠡᠰᠢᠭ ᠢᠶᠠᠨ ᠨᠢᠭᠡ ᠯᠠ ᠳᠣᠣᠷ᠎ᠠ ᠪᠠᠷᠠᠴᠢᠬᠠᠯ᠎ᠠ᠃ - ᠫᠤ  ·  ᠪᠠᠳᠮᠠᠷ᠎ᠠ᠄ ︽ᠬᠠᠯᠠ ᠪᠠᠷ ᠬᠠᠯᠲᠤᠷᠢᠭᠰᠠᠨ ᠵᠠᠶᠠᠭ᠎ᠠ︾᠂ P.94︶          ᠬᠡᠰᠢᠭ ᠢᠶᠠᠨ ᠭᠡᠯᠡ ᠪᠠᠷ ᠢᠶᠠᠨ ᠲᠦᠯᠬᠢᠬᠦ᠄ ᠵᠠᠪ ᠳᠣᠭᠢᠶᠠᠯ ᠢ ᠥᠪᠡᠷ ᠲᠡᠭᠡᠨ ᠠᠯᠳᠠᠬᠤ᠃ ︵ᠬᠡᠰᠢᠭ ᠢᠶᠠᠨ ᠭᠡᠯᠡ ᠪᠠᠷ ᠢᠶᠠᠨ ᠲᠦᠯᠬᠢᠭᠰᠡᠨ ᠮᠠᠭᠤ ᠪᠠᠳᠢᠷᠴᠢ ᠲᠤᠯᠤᠭᠠᠨ ᠦᠶ᠎ᠡ ᠪᠠᠷ ᠢᠶᠠᠨ ᠦᠭᠡᠶᠢᠷᠡᠵᠦ ᠪᠠᠶᠢᠭᠰᠠᠨ ᠢᠶᠠᠨ ᠮᠡᠳᠡᠵᠤ ᠪᠠᠶᠢᠨ᠎ᠠ ᠤᠤ︖ - ᠫᠤ  ·  ᠪᠠᠳᠮᠠᠷ᠎ᠠ᠄ ︽ᠬᠠᠯᠠ ᠪᠠᠷ ᠬᠠᠯᠲᠤᠷᠢᠭᠰᠠᠨ ᠵᠠᠶᠠᠭ᠎ᠠ︾᠂ P.213︶          ᠬᠡᠰᠢᠭ ᠪᠤᠶᠠᠨ ᠢᠶᠠᠨ ᠪᠠᠷᠠᠬᠤ᠄ ᠥᠪᠡᠷ ᠤᠨ ᠮᠠᠭᠤ ᠠᠴᠠ ᠪᠣᠯᠵᠤ ᠬᠤᠬᠢᠷᠠᠵᠤ ᠳᠣᠷᠣᠶᠢᠲᠠᠬᠤ᠃ ︵ᠵᠤᠩᠭᠤᠷᠤᠪ ᠵᠠᠯᠠᠨ ᠦᠨᠡᠭᠡᠷᠡᠨ ᠨᠢᠭᠡ ᠯᠠ ᠳᠣᠣᠷ᠎ᠠ ᠬᠡᠰᠢᠭ ᠪᠤᠶᠠᠨ ᠢᠶᠠᠨ ᠪᠠᠷᠠᠪᠠ᠃ - ᠫᠤ  ·  ᠪᠠᠳᠮᠠᠷ᠎ᠠ᠄ ︽ᠬᠠᠯᠠ ᠪᠠᠷ ᠬᠠᠯᠲᠤᠷᠢᠭᠰᠠᠨ ᠵᠠᠶᠠᠭ᠎ᠠ︾᠂ P.94︶          ᠬᠡᠷᠡᠭᠯᠡᠭᠦᠯᠦᠯ᠎ᠡ ᠳᠠᠯᠠᠢ ᠭᠠᠲᠤᠯᠬᠤ᠄ ᠪᠠᠴᠢᠮ ᠲᠣᠬᠢᠶᠠᠯᠳᠤᠯ ᠳᠤ ᠲᠤᠰᠠᠯᠠᠬᠤ ᠶᠢ ᠭᠤᠶᠤᠬᠤ ᠳᠤ ᠵᠣᠷᠢᠭᠤᠳᠠ ᠶᠡᠬᠡᠷᠬᠡᠨ ᠶᠠᠮᠪᠠᠯᠠᠵᠤ ᠠᠭᠠᠰᠢᠯᠠᠬᠤ ᠬᠥᠮᠥᠨ ᠢ ᠶᠥᠭᠡᠳᠡᠭᠰᠡᠨ ᠬᠡᠯᠡᠯᠭᠡ᠃
 
ᠢᠷᠡᠯᠲᠡ᠄ ᠠᠯᠠᠱᠠ ᠶᠢᠨ ᠡᠳᠦᠷ ᠤᠨ ᠰᠣᠨᠢᠨ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号