| ᠭᠦ᠊᠆ · ᠺᠦᠶᠧ | | - ᠲᠠᠯᠠ ᠶᠢᠨ ᠭᠤᠷᠪᠠᠨ ᠭᠥᠷᠥᠭᠡᠰᠦ | ᠳᠡᠯᠭᠡᠷ ᠬᠠᠩᠭᠠᠢ ᠳᠤ ᠪᠠᠭᠲᠠᠵᠤ ᠶᠠᠳᠠᠨᠠ | ᠵᠠᠳᠠᠷᠠᠯ | ︵ᠵᠣᠬᠢᠶᠠᠭᠴᠢ ᠶᠢᠨ ᠡᠪᠦᠷ ᠲᠡᠮᠳᠡᠭᠯᠡᠯ︶ | ᠨᠠᠪᠴᠢ ᠴᠡᠴᠡᠭ ᠳᠡᠯᠭᠡᠷᠡᠭᠰᠡᠨ ᠨᠠᠯᠠᠭᠠᠷ ᠨᠠᠮᠤᠷ ᠤᠨ ᠡᠬᠢ ᠪᠠᠷ ᠪᠠᠷᠠᠭᠤᠨ ᠬᠢᠵᠠᠭᠠᠷ ᠤᠨ ᠲᠠᠪᠢᠯᠭᠠᠳᠣ | ᠬᠤᠳᠠ ᠶᠢᠨ ᠪᠠᠶᠠᠨ ᠵᠣᠴᠢᠳ ᠤᠨ ᠪᠠᠭᠤᠳᠠᠯ ᠤᠨ ᠲᠢᠩᠬᠢᠮ ᠳᠤ ᠤᠯᠠᠨ ᠤᠯᠤᠰ ᠤᠨ ᠲᠠᠸᠠᠷ ᠤᠨ ᠦᠵᠡᠭᠦᠯᠭᠡ | ᠳᠡᠯᠭᠡᠭᠳᠡᠭᠰᠡᠨ ᠶᠠᠪᠤᠳᠠᠯ ᠨᠢ ᠲᠠᠷᠠᠭ ᠠᠶᠢᠷᠠᠭ ᠤᠨ ᠦᠨᠦᠷ ᠲᠠᠢ᠂ ᠲᠠᠩᠰᠤᠭ ᠢᠳᠡᠭᠡᠨ ᠤ ᠳᠡᠭᠡᠵᠢ ᠲᠠᠢ᠂ ᠣᠢ ᠳᠤᠨᠢ | ᠰᠢᠷᠭᠤᠭᠰᠠᠨ ᠲᠠᠶᠢᠭᠠ ᠲᠥᠭᠡᠷᠢᠮᠡ᠂ ᠣᠰᠣᠨ ᠳᠤᠨᠢ ᠱᠤᠮᠪᠠᠭᠰᠠᠨ ᠵᠢᠭᠠᠰᠤ ᠶᠠᠳᠠᠷᠠᠮᠠ ᠰᠦᠷᠯᠢᠭ ᠰᠠᠶᠢᠬᠠᠨ | ᠰᠢᠲᠦᠭᠡᠨᠲᠦ ᠠᠭᠤᠯᠠ ᠬᠠᠶᠢᠷᠬᠠᠳ᠂ ᠨᠤᠲᠤᠭ ᠪᠡᠯᠴᠢᠭᠡᠷ᠂ ᠰᠦᠰᠦᠭᠲᠦ ᠭᠤᠣᠯ ᠮᠥᠷᠡᠨ᠂ ᠨᠠᠭᠤᠷ ᠪᠦᠷᠢᠳᠦ ᠪᠠᠨ | ᠣᠷᠭᠢᠭᠠᠳ᠂ ᠮᠠᠯ ᠰᠦᠷᠦᠭ ᠢᠶᠠᠨ ᠪᠤᠰᠤᠳ ᠲᠤ ᠳᠠᠭᠠᠭᠠᠴᠢᠯᠠᠭᠤᠯᠵᠤ ᠦᠭᠭᠦᠴᠢᠭᠡᠭᠡᠳ᠂ ᠲᠡᠷᠡ ᠴᠦ | ᠮᠦᠷᠳᠡᠯᠠ ᠪᠠᠨ ᠬᠤᠲᠠᠴᠢᠯᠠᠬᠤ ᠠᠮᠢᠳᠤᠷᠠᠯ ᠬᠥᠭᠡᠭᠡᠴᠡᠯᠳᠦᠵᠦ ᠬᠤᠳᠠ ᠳᠤ ᠣᠷᠣᠵᠤ ᠰᠠᠭᠤᠴᠢᠬᠠᠭᠠᠳ᠂ | ᠪᠡᠷᠢᠶᠡᠳ ᠤᠨ ᠬᠢᠨᠢ ᠪᠥᠭᠰᠡ ᠨᠢ ᠪᠦᠳᠦᠭᠦᠷᠡᠵᠦ᠂ ᠪᠠᠭᠠᠴᠤᠤᠯ ᠬᠡᠦᠬᠡᠳ ᠤᠨ ᠬᠢᠨᠢ ᠭᠡᠯᠡ ᠨᠢ ᠬᠠᠵᠠᠶᠢᠴᠢᠬᠠᠭᠰᠠᠨ᠂ | ᠰᠠᠭᠠᠯᠢ ᠶᠢᠨ ᠦᠬᠡᠷ ᠤᠨ ᠳᠡᠯᠡᠩ ᠨᠢ ᠴᠢᠨᠦᠷᠡᠵᠦ᠂ ᠰᠠᠶ᠋ᠢᠭ ᠰᠠᠭᠠᠷᠠᠯ ᠮᠣᠷᠢ ᠨᠢ ᠡᠮᠨᠢᠭᠰᠢᠨ᠂ ᠠᠶᠢᠷᠠᠭ ᠲᠠᠷᠠᠭ ᠤᠨ | ᠬᠥᠨᠥᠭ ᠤᠨ ᠢᠷᠤᠭᠠᠷ ᠨᠢ ᠬᠤᠭᠤᠰᠤᠷᠠᠵᠤ᠂ ᠠᠷᠠᠰᠤᠨ ᠠᠷᠭᠠᠮᠵᠢ ᠵᠡᠯᠡ ᠨᠢ ᠲᠠᠰᠤᠷᠠᠴᠢᠬᠠᠭᠠᠳ ᠤᠯᠠᠮᠵᠢᠯᠠᠯᠲᠤ | ᠨᠡᠭᠦᠳᠡᠯ ᠠᠮᠢᠳᠤᠷᠠᠯ ᠠᠴᠠ ᠪᠠᠨ ᠰᠠᠯᠵᠤ ᠶᠠᠪᠤᠭᠠ ᠲᠠᠪᠢᠯᠭᠠᠳᠣ ᠬᠤᠳᠠ ᠶᠢᠨ ᠴᠥᠭᠡᠬᠡᠨ ᠯᠡ ᠬᠡᠳᠦᠨ ᠮᠣᠩᠭᠤᠯ ᠳᠤ | ᠠᠪᠴᠤ ᠬᠡᠯᠡᠪᠡᠯ᠂ ᠠᠷᠤ ᠥᠪᠥᠷ ᠮᠣᠩᠭᠤᠯ ᠤᠨ ᠪᠠᠷᠠᠭᠠ ᠲᠠᠸᠠᠷ ᠬᠤᠳᠠᠯᠳᠤᠨ ᠠᠪᠬᠤ᠂ ᠮᠣᠩᠭᠤᠯ | ᠬᠤᠳᠠᠯᠳᠤᠭᠠᠴᠢᠳ ᠲᠠᠢ ᠪᠠᠨ ᠲᠠᠨᠢᠯᠴᠠᠬᠤ᠂ ᠠᠷᠠᠯᠵᠢᠶᠠ ᠮᠠᠶᠢᠮᠠᠢ ᠬᠢᠬᠦ᠂ ᠲᠤᠷᠰᠢᠯᠭᠠ ᠰᠤᠷᠭᠠᠮᠵᠢ ᠪᠠᠨ ᠰᠣᠯᠢᠯᠴᠠᠬᠤ | ᠬᠤᠪᠣᠷ ᠨᠠᠨᠳᠢᠨ ᠵᠠᠪᠰᠢᠶᠠᠨ ᠪᠣᠯᠵᠠᠢ᠃ | - ᠵᠠ᠂ ᠡᠨᠡ ᠪᠣᠯ ᠰᠢᠯᠢ ᠶᠢᠨ ᠭᠤᠣᠯ ᠤᠨ ᠪᠠᠶᠢᠭᠠᠯᠢᠯᠢᠭ ᠪᠣᠬᠢᠷᠳᠤᠯ ᠦᠭᠡᠢ ᠴᠠᠭᠠᠨ ᠢᠳᠡᠭᠡᠨ᠂ | ᠶᠠᠮᠠᠷᠴᠤ ᠡᠳ᠋ ᠬᠤᠯᠢᠭᠰᠠᠨ ᠦᠭᠡᠢ᠂ ᠠᠷᠪᠢᠨ ᠠᠪᠤᠪᠠᠯ ᠬᠢᠮᠳᠠᠷᠠᠯ ᠲᠠᠢ ᠁ | - ᠡᠨᠡ ᠪᠣᠯ ᠣᠷᠳᠣᠰ ᠤᠨ ᠴᠠᠭᠠᠨ ᠢᠳᠡᠭᠡᠨ᠂ ᠠᠮᠲᠠᠲᠠᠢ ᠮᠥᠷᠲᠡᠭᠡᠨ ᠰᠢᠮᠡ ᠲᠡᠵᠢᠭᠡᠯ ᠢᠶᠠᠷ ᠳᠡᠭᠡᠷᠡ᠂ | ᠪᠠᠶᠢᠭᠠᠯᠢᠯᠢᠭ᠂ ᠪᠣᠬᠢᠷᠳᠤᠯ ᠦᠭᠡᠢ ᠁ | - ᠵᠠ᠂ ᠡᠨᠡ ᠪᠣᠯ ᠬᠤᠷᠴᠢᠨ ᠤ ᠴᠠᠭᠠᠨ ᠢᠳᠡᠭᠡᠨ᠂ ᠬᠤᠷᠴᠢᠨ ᠤ ᠲᠠᠯᠠ ᠨᠤᠲᠤᠭ ᠤᠨ ᠦᠨᠢᠶᠡᠨ | ᠰᠦ ᠪᠠᠷ ᠡᠳ᠋ᠰᠢᠭᠦᠯᠦᠨ ᠪᠣᠯᠪᠠᠰᠤᠷᠠᠭᠤᠯᠤᠭᠰᠠᠨ ᠢᠳᠡᠭᠡᠨ᠃ | - ᠡᠨᠡ ᠱᠦᠭᠦᠷᠮᠡᠭ ᠵᠢᠩ ᠳᠡᠭᠡᠨ ᠬᠡᠳᠦᠢ ᠲᠥᠭᠦᠷᠢᠭ ᠪᠤᠢ︖ | - ᠦᠨᠡ ᠲᠠᠢ ᠪᠠᠶᠢᠨᠠ ᠳ᠋ᠠ᠂ ᠬᠢᠮᠳᠠᠷᠠᠭᠤᠯᠪᠠᠯ ᠠᠪᠤᠶᠠ︕ | ᠁ | ᠦᠵᠡᠭᠦᠯᠭᠡ ᠶᠢᠨ ᠲᠢᠩᠬᠢᠮ ᠳᠤ ᠲᠠᠪᠢᠯᠭᠠᠳᠣ ᠬᠤᠳᠠ ᠶᠢᠨ ᠠᠰᠠᠷ ᠲᠠᠭᠲᠤ ᠠᠴᠠ ᠪᠠᠨ ᠪᠠᠭᠤᠵᠤ | ᠦᠶᠡᠷ ᠤᠨ ᠤᠰᠤ ᠰᠢᠭ᠋ ᠨᠥᠷᠢᠨ ᠢᠷᠡᠭᠰᠡᠨ ᠴᠥᠭᠡᠨ ᠮᠣᠩᠭᠤᠯᠴᠤᠳ ᠳᠠᠪᠤᠰᠤᠨ ᠳᠤ ᠡᠷᠭᠢᠬᠦ ᠠᠳᠤᠭᠤ ᠰᠢᠭ᠋ | ᠴᠠᠭᠠᠨ ᠢᠳᠡᠭᠡᠨ ᠤ ᠳᠡᠭᠡᠷᠡ ᠬᠤᠷᠠᠵᠤ᠂ ᠠᠷᠠᠯᠵᠢᠶᠠᠴᠢᠨ ᠤ ᠦᠢᠯᠡᠳᠬᠦᠨ ᠢᠶᠠᠨ ᠲᠠᠨᠢᠯᠴᠠᠭᠤᠯᠬᠤ ᠰᠥᠭᠡᠩᠭᠢ ᠳᠠᠭᠤ᠂ | ᠡᠷᠭᠢᠨ ᠦᠵᠡᠭᠴᠢ ᠶᠢᠨ ᠦᠨᠡ ᠠᠰᠠᠭᠤᠬᠤ ᠳᠣᠣᠷᠠᠬᠠᠨ ᠳᠠᠭᠤ ᠭᠦᠭ ᠨᠡᠶᠢᠯᠡᠵᠦ ᠨᠠᠶᠢᠷᠠᠯ ᠬᠥᠭᠵᠢᠮ ᠡᠭᠦᠰᠬᠡᠨᠡ᠃ | ᠰᠤᠭᠤᠨ ᠳᠠᠭᠠᠨ ᠬᠠᠷᠠ ᠠᠷᠠᠰᠤᠨ ᠪᠣᠭᠴᠣ ᠰᠤᠭᠤᠪᠴᠢᠯᠠᠵᠤ᠂ ᠨᠢᠳᠦᠨ ᠳᠡᠭᠡᠨ ᠥᠷᠭᠡᠨ ᠬᠦᠷᠢᠶᠡᠲᠦ | ᠬᠠᠷᠠ ᠨᠢᠳᠦᠨ ᠰᠢᠯ ᠵᠡᠭᠦᠭᠰᠡᠨ ᠭᠤᠴᠢᠭᠠᠳ ᠨᠠᠰᠣᠨ ᠤ ᠨᠢᠭᠡ ᠵᠠᠯᠠᠭᠤ ᠰᠢᠯᠢ ᠶᠢᠨ ᠭᠤᠣᠯ ᠤᠨ ᠴᠠᠭᠠᠨ ᠢᠳᠡᠭᠡᠨ ᠤ | ᠳᠡᠯᠭᠡᠴᠡ ᠶᠢᠨ ᠡᠮᠦᠨᠡ ᠬᠦᠷᠬᠦ ᠳᠤ᠂ ᠳᠡᠯᠭᠡᠴᠡ ᠶᠢᠨ ᠡᠵᠡᠨ ᠲᠣᠯᠣᠭᠠᠢ ᠳᠣᠬᠢᠨ ᠬᠠᠰ ᠴᠠᠭᠠᠨ ᠰᠢᠳᠦ ᠪᠠᠨ | ᠢᠷᠠᠯᠵᠠᠭᠤᠯᠤᠨ ᠢᠨᠢᠶᠡᠵᠦ᠄ | - ᠲᠠ ᠮᠠᠨ ᠤ ᠳᠡᠯᠭᠡᠴᠡ ᠳᠤ ᠮᠣᠷᠢᠯᠠᠨ ᠰᠠᠭᠠᠲᠠᠭᠰᠠᠨ ᠢ ᠪᠠᠶᠠᠷᠯᠠᠨ ᠤᠭᠲᠤᠵᠤ ᠪᠠᠶᠢᠨᠠ ᠭᠡᠵᠦ ᠨᠢᠮᠭᠡᠨ | ᠬᠢᠯᠠᠭᠠᠷ ᠪᠡᠭᠡᠯᠡᠢ ᠵᠡᠭᠦᠭᠰᠡᠨ ᠭᠠᠷ ᠢᠶᠠᠷ ᠢᠶᠠᠨ ᠴᠠᠭᠠᠨ ᠢᠳᠡᠭᠡᠨ ᠠᠴᠠ ᠪᠠᠨ ᠠᠪᠴᠤ ᠠᠮᠰᠠᠭᠤᠯᠤᠨ᠄ | - ᠡᠨᠡ ᠪᠣᠯ ᠰᠢᠯᠢ ᠶᠢᠨ ᠭᠤᠣᠯ ᠤᠨ ᠲᠠᠯᠠ ᠨᠤᠲᠤᠭ ᠤᠨ ᠪᠡᠯᠴᠢᠭᠡᠷ ᠤᠨ ᠢᠩᠭᠡᠨ ᠰᠦ ᠪᠠᠷ ᠨᠠᠷᠢᠯᠢᠭ | ᠡᠳ᠋ᠰᠢᠭᠦᠯᠦᠨ ᠪᠣᠯᠪᠠᠰᠤᠷᠠᠭᠤᠯᠤᠭᠰᠠᠨ ᠴᠠᠭᠠᠨ ᠢᠳᠡᠭᠡᠨ᠂ ᠶᠠᠮᠠᠷᠴᠤ ᠬᠤᠯᠢᠮᠠᠭ ᠡᠳ᠋ ᠦᠭᠡᠢ᠂ ᠢᠳᠡᠬᠦ ᠳᠤ ᠠᠮᠲᠠᠲᠠᠢ | ᠮᠥᠷᠲᠡᠭᠡᠨ ᠰᠢᠮᠡ ᠲᠡᠵᠢᠭᠡᠯ ᠢᠶᠠᠷ ᠰᠠᠶᠢᠨ ᠪᠠᠶᠢᠳᠠᠭ ᠶᠤᠮ᠃ ᠮᠠᠨ ᠤ ᠰᠢᠯᠢ ᠶᠢᠨ ᠭᠤᠣᠯ ᠤᠨ ᠴᠠᠭᠠᠨ ᠢᠳᠡᠭᠡᠨ | ᠤᠷᠢᠳ ᠬᠤᠵᠢᠳ ᠤᠯᠤᠰ ᠤᠨ ᠲᠠᠷᠢᠶᠠᠯᠠᠩ ᠤᠨ ᠪᠦᠲᠦᠭᠡᠭᠳᠡᠬᠦᠨ ᠤ ᠭᠠᠵᠠᠷ ᠵᠦᠢ ᠶᠢᠨ ᠢᠯᠡᠷᠬᠡᠶᠢᠯᠡᠯᠲᠦ | ᠪᠦᠲᠦᠭᠡᠭᠳᠡᠬᠦᠨ ᠪᠠ ᠤᠯᠤᠰ ᠤᠨ ᠭᠠᠵᠠᠷ ᠵᠦᠢ ᠶᠢᠨ ᠢᠯᠡᠷᠬᠡᠶᠢᠯᠡᠯᠲᠦ ᠲᠠᠸᠠᠷ ᠤᠨ ᠲᠡᠮᠳᠡᠭ ᠢᠶᠠᠷ ᠳᠠᠩᠰᠠᠯᠠᠭᠤᠯᠵᠤ | ᠥᠩᠭᠡᠷᠡᠭᠰᠡᠨ ᠪᠦᠲᠦᠭᠡᠭᠳᠡᠬᠦᠨ ᠪᠣᠯᠣᠨᠠ᠃ ᠣᠷᠳᠣᠰ ᠤᠨ ᠴᠠᠭᠠᠨ ᠢᠳᠡᠭᠡ ᠭᠠᠰᠢᠭᠤᠨ ᠮᠥᠷᠲᠡᠭᠡᠨ ᠴᠢᠭᠢᠭᠯᠢᠭ | ᠪᠠᠶᠢᠳᠠᠭ᠃ ᠬᠤᠷᠴᠢᠨ ᠤ ᠴᠠᠭᠠᠨ ᠢᠳᠡᠭᠡᠨ ᠬᠤᠯᠢᠮᠠᠭ ᠡᠳ᠋ ᠲᠠᠢ ᠁ ᠭᠡᠵᠦ ᠥᠪᠡᠷ ᠤᠨ ᠪᠠ ᠦᠰᠦᠳ ᠤᠨ | ᠴᠠᠭᠠᠨ ᠢᠳᠡᠭᠡ ᠶᠢ ᠲᠠᠨᠢᠯᠴᠠᠭᠤᠯᠤᠨᠠ᠃ ᠠᠷᠠᠰᠤᠨ ᠪᠣᠭᠴᠣ ᠰᠤᠭᠤᠪᠴᠢᠯᠠᠭᠰᠠᠨ ᠬᠠᠷᠠ ᠨᠢᠳᠦᠨ ᠰᠢᠯ ᠲᠠᠢ ᠵᠠᠯᠠᠭᠤ | ᠪᠣᠭᠴᠣ ᠪᠠᠨ ᠠᠭᠤᠳᠠᠯᠵᠤ ᠨᠡᠷᠡ ᠶᠢᠨ ᠺᠠᠷᠲ ᠭᠠᠷᠭᠠᠨ ᠳᠡᠯᠭᠡᠴᠡ ᠶᠢᠨ ᠡᠵᠡᠨ ᠳᠤ ᠭᠠᠷᠳᠠᠭᠤᠯᠵᠤ᠄ | - ᠨᠠᠮᠠᠶᠢ ᠴᠢᠯᠠᠭᠤ ᠭᠡᠳᠡᠭ᠃ ᠲᠤᠰ ᠬᠤᠳᠠ ᠳᠤ ᠤᠯᠠᠭᠠᠨ ᠢᠳᠡᠭᠡᠨ ᠤ ᠡᠵᠡᠩᠨᠡᠯᠲᠡ ᠬᠢᠵᠦ ᠪᠠᠶᠢᠨᠠ᠃ | ᠲᠠ ᠨᠠᠷ ᠲᠠᠢ ᠲᠠᠨᠢᠯᠴᠠᠭᠰᠠᠨ ᠳᠠᠭᠠᠨ ᠮᠠᠰᠢ ᠪᠠᠶᠠᠷᠯᠠᠵᠤ ᠪᠠᠶᠢᠨᠠ᠃ ᠪᠢᠳᠡ ᠨᠢᠭᠡ ᠵᠠᠮ ᠤᠨ ᠬᠥᠮᠥᠰ ᠶᠤᠮ ᠴᠢᠨᠢ | ᠵᠠᠪᠰᠢᠶᠠᠨ ᠪᠠᠶᠢᠪᠠᠯ ᠤᠯᠠᠮ ᠨᠢᠭᠡ ᠠᠯᠬᠤᠮ ᠲᠠᠨᠢᠯᠴᠠᠶᠠ ᠭᠡᠬᠦ ᠳᠤ ᠰᠢᠯᠢ ᠶᠢᠨ ᠭᠤᠣᠯ ᠤᠨ ᠴᠠᠭᠠᠨ ᠢᠳᠡᠭᠡ | ᠡᠵᠡᠩᠨᠡᠭᠴᠢ ᠲᠣᠯᠣᠭᠠᠢ ᠳᠣᠬᠢᠨ ᠪᠥᠬᠦᠶᠢᠵᠦ ᠶᠡᠭᠡᠯᠠ ᠪᠠᠶᠠᠷ ᠲᠠᠢ ᠪᠠᠷ᠄ | - ᠵᠠ︕ ᠴᠢᠩᠭᠢᠶᠡ᠂ ᠨᠠᠮᠠᠶᠢ ᠰᠣᠶᠣᠯᠲᠤ ᠭᠡᠳᠡᠭ᠂ ᠳᠦᠭᠦᠮ ᠪᠣᠯ ᠤᠲᠠᠰᠤᠨ ᠳ᠋ᠤᠭᠠᠷ ᠢᠶᠠᠨ ᠁ | ᠭᠡᠬᠦ ᠳᠤ ᠴᠢᠯᠠᠭᠤ ᠴᠤ ᠪᠠᠶᠠᠷ ᠲᠠᠢ ᠪᠠᠷ ᠰᠣᠶᠣᠯᠲᠤ ᠲᠠᠢ ᠤᠲᠠᠰᠤᠨ ᠳ᠋ᠤᠭᠠᠷ ᠢᠶᠠᠨ ᠠᠪᠤᠯᠴᠠᠯᠠ᠃ | ᠴᠢᠯᠠᠭᠤ ᠰᠢᠯᠢ ᠶᠢᠨ ᠭᠤᠣᠯ ᠤᠨ ᠴᠠᠭᠠᠨ ᠢᠳᠡᠭᠡ ᠬᠤᠳᠠᠯᠳᠤᠬᠤ ᠳᠡᠯᠭᠡᠴᠡ ᠠᠴᠠ ᠰᠠᠯᠵᠤ᠂ | ᠣᠷᠳᠣᠰ ᠤᠨ ᠴᠠᠭᠠᠨ ᠢᠳᠡᠭᠡᠨ ᠤ ᠳᠡᠯᠭᠡᠴᠡ ᠶᠢᠨ ᠡᠮᠦᠨᠡ ᠬᠦᠷᠬᠦ ᠳᠤ᠂ ᠣᠷᠳᠣᠰ ᠵᠠᠯᠠᠭᠤ ᠶᠡᠭᠡᠯᠠ | ᠶᠣᠰᠣᠷᠬᠠᠭ ᠢᠶᠠᠷ ᠤᠬᠤᠰᠬᠢᠵᠦ ᠴᠢᠯᠠᠭᠤ ᠥᠭᠡᠳᠡ ᠲᠣᠯᠣᠭᠠᠢ ᠳᠣᠬᠢᠵᠤ ᠢᠨᠢᠶᠡᠮᠰᠦᠭᠯᠡᠨ᠄ | - ᠲᠠᠨ ᠳᠤ ᠠᠮᠤᠷ ᠠᠶᠢᠯᠠᠳᠬᠠᠶᠠ︕ ᠭᠡᠵᠦ ᠡᠮᠦᠨᠡᠬᠢ ᠴᠠᠭᠠᠨ ᠢᠳᠡᠭᠡ ᠠᠴᠠ ᠪᠠᠨ ᠠᠪᠴᠤ | ᠴᠢᠯᠠᠭᠤ ᠳᠤ ᠠᠮᠰᠠᠭᠤᠯᠤᠨ᠄ | - ᠡᠨᠡ ᠪᠣᠯ ᠣᠷᠳᠣᠰ ᠤᠨ ᠥᠨᠳᠦᠷᠯᠢᠭ ᠤᠨ ᠨᠤᠲᠤᠭ ᠤᠨ ᠢᠮᠠᠭᠠᠨ ᠰᠦ ᠪᠠᠷ ᠨᠠᠷᠢᠯᠢᠭ | ᠪᠣᠯᠪᠠᠰᠤᠷᠠᠭᠤᠯᠤᠭᠰᠠᠨ ᠴᠠᠭᠠᠨ ᠢᠳᠡᠭᠡ ᠪᠣᠯᠣᠨᠠ᠂ ᠣᠷᠳᠣᠰ ᠤᠨ ᠣᠨᠴᠠ ᠭᠠᠷᠤᠯᠲᠠ᠂ ᠰᠢᠮᠡ ᠲᠡᠵᠢᠭᠡᠯ ᠢᠶᠠᠷ | ᠰᠠᠶᠢᠨ ᠮᠥᠷᠲᠡᠭᠡᠨ ᠣᠯᠠᠨ ᠵᠦᠢᠯ ᠤᠨ ᠡᠮᠴᠢᠯᠡᠭᠡ ᠶᠢᠨ ᠦᠢᠯᠡᠳᠦᠯ ᠲᠠᠢ᠂ ᠵᠢᠩᠬᠢᠨᠢ ᠪᠠᠶᠢᠭᠠᠯᠢᠯᠢᠭ᠂ ᠪᠣᠬᠢᠷᠳᠤᠯ | ᠦᠭᠡᠢ ᠡᠳ᠋ ᠰᠢᠤ ᠁᠃ ᠰᠢᠯᠢ ᠶᠢᠨ ᠭᠤᠣᠯ ᠤᠨ ᠬᠢᠨ ᠦᠨᠢᠶᠡᠨ ᠰᠦᠨ ᠤ ᠬᠤᠷᠤᠳ ᠲᠣᠰᠣ ᠪᠠᠨ ᠢᠩᠭᠡᠨ | ᠰᠦᠨ ᠤ ᠪᠦᠲᠦᠭᠡᠭᠳᠡᠬᠦᠨ ᠬᠡᠮᠡᠨ ᠪᠣᠷᠣᠯᠠᠭᠤᠯᠳᠠᠭ᠃ ᠬᠤᠷᠴᠢᠨ ᠤ ᠴᠠᠭᠠᠨ ᠢᠳᠡᠭᠡ ᠨᠢ ᠪᠤᠭᠤᠳᠠᠢ ᠶᠢᠨ ᠭᠤᠯᠢᠷ ᠤᠨ | ᠬᠤᠯᠢᠮᠠᠭ ᠲᠠᠢ᠂ ᠬᠢᠴᠢᠶᠡᠬᠦ ᠦᠭᠡᠢ ᠪᠣᠯ ᠲᠠ ᠮᠡᠬᠡᠯᠡᠭᠳᠡᠨᠡ ᠰᠢᠤ︕ ᠭᠡᠵᠦ ᠳᠣᠣᠷᠠ ᠲᠠᠭᠤ ᠪᠠᠷ ᠬᠡᠯᠡᠭᠡᠳ ᠨᠠᠭᠠᠰᠢ | ᠴᠠᠭᠠᠰᠢ ᠬᠠᠷᠠᠭᠤᠯᠳᠠᠪᠠ᠃ ᠴᠢᠯᠠᠭᠤ ᠶᠠᠭᠤ ᠨᠢᠭᠡ ᠶᠢ ᠪᠤᠳᠣᠪᠠ ᠪᠤᠯᠣᠯᠳᠠᠢ ᠬᠡᠰᠡᠭ ᠲᠠᠭᠤ ᠦᠭᠡᠢ ᠵᠣᠭᠰᠣᠭᠰᠠᠨ ᠢᠶᠠᠨ | ᠮᠥᠨ ᠪᠣᠭᠴᠣᠨ ᠠᠴᠠ ᠪᠠᠨ ᠨᠡᠷᠡ ᠶᠢᠨ ᠺᠠᠷᠲ ᠭᠠᠷᠭᠠᠨ ᠣᠷᠳᠣᠰ ᠵᠠᠯᠠᠭᠤ ᠳᠤ ᠭᠠᠷᠳᠠᠭᠤᠯᠵᠤ᠄ | - ᠮᠢᠨᠤ ᠨᠡᠷᠡ ᠴᠢᠯᠠᠭᠤ᠂ ᠲᠤᠰ ᠬᠤᠳᠠ ᠳᠤ ᠁ ᠭᠡᠵᠦ ᠥᠪᠡᠷ ᠤᠨ ᠪᠡᠶᠡ ᠪᠠᠨ | ᠲᠠᠨᠢᠯᠴᠠᠭᠤᠯᠬᠤ ᠳᠤ ᠣᠷᠳᠣᠰ ᠵᠠᠯᠠᠭᠤ ᠶᠡᠭᠡ ᠯᠠ ᠶᠣᠰᠣᠷᠬᠠᠭ ᠢᠶᠠᠷ ᠢᠨᠢᠶᠡᠮᠰᠦᠭᠯᠡᠨ᠄ | - ᠪᠠᠶᠠᠷᠯᠠᠯᠠ ᠪᠠᠶᠠᠷᠯᠠᠯᠠ᠂ ᠨᠠᠮᠠᠶᠢ ᠠᠯᠳᠠᠷ ᠭᠡᠳᠡᠭ᠃ ᠲᠠᠨ ᠯᠤᠭᠠ ᠲᠠᠨᠢᠯᠴᠠᠭᠰᠠᠨ ᠳᠠᠭᠠᠨ ᠮᠠᠰᠢ | ᠪᠠᠶᠠᠷᠯᠠᠵᠤ ᠪᠠᠶᠢᠨᠠ ᠭᠡᠬᠦ ᠳᠤ ᠴᠢᠯᠠᠭᠤ ᠠᠯᠳᠠᠷ ᠤᠨ ᠭᠠᠷ ᠢ ᠴᠢᠩᠭᠠᠬᠠᠨ ᠠᠳᠬᠤᠵᠤ᠄ | - ᠲᠠᠷᠠᠭᠠ ᠪᠠᠷ ᠤᠯᠠᠮ ᠨᠢᠭᠡ ᠠᠯᠬᠤᠮ ᠭᠦᠨᠵᠡᠭᠡᠢ ᠲᠠᠨᠢᠯᠴᠠᠶᠠ ᠭᠡᠯᠡ᠃ | ᠴᠢᠯᠠᠭᠤ ᠬᠤᠷᠴᠢᠨ ᠤ ᠴᠠᠭᠠᠨ ᠢᠳᠡᠭᠡᠨ ᠤ ᠳᠡᠯᠭᠡᠴᠡ ᠳᠤ ᠭᠦᠷᠦᠯᠡ᠃ ᠬᠤᠷᠴᠢᠨ ᠤ ᠴᠠᠭᠠᠨ | ᠢᠳᠡᠭᠡᠨ ᠤ ᠳᠡᠯᠭᠡᠴᠡ ᠶᠢᠨ ᠡᠵᠡᠨ ᠶᠡᠭᠡᠯᠠ ᠶᠣᠰᠣᠷᠬᠠᠭ ᠢᠶᠠᠷ ᠲᠣᠯᠣᠭᠠᠢ ᠳᠣᠬᠢᠨ ᠢᠨᠢᠶᠡᠮᠰᠦᠭᠯᠡᠯ ᠪᠡᠯᠡᠭᠯᠡᠵᠦ᠄ | - ᠵᠠ︕ ᠰᠠᠶᠢᠬᠠᠨ ᠠᠬᠠ ᠮᠢᠨᠢ ᠰᠠᠶᠢᠨ ᠪᠠᠶᠢᠨᠠ ᠤᠤ︖ ᠭᠡᠵᠦ ᠮᠡᠨᠳᠦᠴᠢᠯᠡᠭᠰᠡᠨ ᠢᠶᠠᠨ ᠲᠤᠩ | ᠪᠣᠯᠭᠤᠮᠵᠢᠲᠠᠢ ᠪᠠᠷ ᠡᠮᠦᠨᠡᠬᠢ ᠴᠠᠭᠠᠨ ᠢᠳᠡᠭᠡᠨ ᠠᠴᠠ ᠪᠠᠨ ᠠᠪᠴᠤ ᠴᠢᠯᠠᠭᠤ ᠳᠤ ᠠᠮᠲᠠᠯᠠᠭᠤᠯᠵᠤ᠄ | - ᠡᠨᠡ ᠪᠣᠯ ᠮᠠᠨ ᠤ ᠬᠤᠷᠴᠢᠨ ᠤ ᠲᠠᠯᠠ ᠨᠤᠲᠤᠭ ᠲᠠᠬᠢ ᠨᠤᠲᠤᠭ ᠤᠨ ᠦᠨᠢᠶᠡᠨ ᠰᠦ ᠪᠠᠷ ᠢᠶᠠᠨ | ᠪᠠᠵᠠᠭᠠᠭᠰᠠᠨ ᠴᠠᠭᠠᠨ ᠢᠳᠡᠭᠡ ᠰᠢᠤ᠂ ᠦᠨᠡ ᠨᠢ ᠬᠢᠮᠳᠠ ᠮᠥᠷᠲᠡᠭᠡᠨ ᠠᠮᠲᠠᠲᠠᠢ᠂ ᠰᠢᠮᠡ ᠲᠡᠵᠢᠭᠡᠯ ᠢᠶᠠᠷ ᠳᠡᠭᠡᠷᠡ᠂ | ᠨᠠᠰᠤᠲᠠᠢ ᠬᠥᠮᠥᠰ ᠪᠤᠶᠤ ᠡᠬᠡ ᠨᠢᠯᠬᠠᠰ ᠲᠤ ᠪᠦᠷ ᠵᠣᠬᠢᠨᠠ᠂ ᠶᠣᠰᠣᠲᠠᠢ ᠣᠷᠬᠤᠳᠠᠢ ᠠᠳᠠᠯᠢ ᠠᠶᠤᠮᠠᠷ ᠭᠤᠶᠣ ᠡᠳ᠋ | ᠰᠢᠤ︕ ᠭᠡᠵᠦ ᠲᠠᠸᠠᠷ ᠢᠶᠠᠨ ᠮᠠᠭᠲᠠᠭᠰᠠᠨ ᠢᠶᠠᠨ ᠳᠣᠣᠷᠠ ᠲᠠᠭᠤ ᠪᠠᠷ᠄ | - ᠵᠠ᠂ ᠰᠢᠯᠢ ᠶᠢᠨ ᠭᠤᠣᠯ᠂ ᠣᠷᠳᠣᠰ ᠤᠨ ᠬᠢᠨ ᠪᠦᠷ ᠦᠨᠢᠶᠡᠨ ᠰᠦᠨ ᠤ ᠪᠦᠲᠦᠭᠡᠭᠳᠡᠬᠦᠨ ᠢᠶᠠᠨ | ᠢᠩᠭᠡᠨ ᠰᠦᠨ ᠤ ᠱᠦᠭᠦᠷᠮᠡᠭ ᠲᠣᠰᠣ᠂ ᠢᠮᠠᠭᠠᠨ ᠰᠦᠨ ᠤ ᠴᠠᠭᠠᠨ ᠢᠳᠡᠭᠡ ᠭᠡᠵᠦ ᠬᠥᠮᠥᠨ ᠳᠡᠯᠡᠰᠴᠦ | ᠬᠤᠳᠠᠯᠳᠤᠳᠠᠭ ᠰᠢᠤ᠃ ᠦᠨᠡᠨ ᠢ ᠬᠡᠯᠡᠪᠡᠯ ᠲᠡᠷᠡ ᠴᠢᠨᠢ ᠯᠠ ᠁ ᠰᠢᠣ︕ ᠪᠣᠯᠭᠤᠮᠵᠢᠯᠠᠬᠤ ᠦᠭᠡᠢ ᠪᠣᠯ ᠲᠠ | ᠮᠡᠬᠡᠯᠡᠭᠳᠡᠵᠦ ᠮᠡᠳᠡᠨᠡ ᠳ᠋ᠠ ᠭᠡᠵᠦ ᠶᠠᠷᠢᠭᠰᠠᠨ ᠢᠶᠠᠨ ᠴᠢᠯᠠᠭᠤ ᠶᠢ ᠰᠢᠷᠳᠡᠵᠤ᠄᠄ | - ᠪᠢ ᠰᠢᠳᠠᠷ ᠬᠥᠬᠡᠨᠠᠭᠤᠷ ᠤᠨ ᠭᠤᠣᠯᠮᠣᠳ ᠬᠤᠳᠠ ᠳᠤ ᠪᠠᠶᠢᠬᠤ ᠬᠤᠭᠤᠴᠠᠭᠠᠨ ᠳᠠᠭᠠᠨ ᠲᠠᠨ ᠤ | ᠡ᠊ᠨᠳᠡ ᠨᠢᠭᠡ ᠬᠡᠰᠡᠭ ᠬᠤᠱᠣᠳ ᠮᠣᠩᠭᠤᠯ ᠪᠠᠶᠢᠨᠠ ᠭᠡᠵᠦ ᠰᠣᠨᠣᠰᠤᠯᠠ᠂ ᠲᠡᠶᠢᠮᠤ ᠤᠤ︖ ᠭᠡᠵᠦ ᠰᠢᠨᠤᠯᠲᠠᠶᠢᠬᠠᠨ | ᠠᠰᠠᠭᠤᠨᠠ᠃ ᠴᠢᠯᠠᠭᠤ ᠬᠤᠷᠴᠢᠨ ᠵᠠᠯᠠᠭᠤ ᠶᠢ ᠪᠣᠯᠭᠤᠮᠵᠢᠯᠠᠨ ᠬᠠᠷᠠᠭᠰᠠᠨ ᠢᠶᠠᠨ ᠲᠣᠯᠣᠭᠠᠢ ᠳᠣᠬᠢᠵᠤ᠄ | - ᠲᠡᠶᠢᠮᠤ ᠲᠡᠶᠢᠮᠤ᠂ ᠪᠢ ᠳᠠᠷᠤᠢ ᠬᠤᠱᠣᠳ ᠮᠣᠩᠭᠤᠯ ᠰᠢᠤ ᠭᠡᠬᠦ ᠳᠤ ᠬᠤᠷᠴᠢᠨ ᠵᠠᠯᠠᠭᠤ ᠶᠢᠨ | ᠴᠢᠷᠠᠢ ᠳᠤ ᠪᠠᠶᠠᠰᠤᠯ ᠲᠣᠳᠣᠷᠠᠵᠤ᠄ | - ᠪᠢ ᠪᠤᠣ ᠣᠪᠣᠭ ᠲᠠᠢ ᠬᠤᠷᠴᠢᠨ ᠮᠣᠩᠭᠤᠯ ᠪᠣᠯᠣᠨᠠ᠂ ᠮᠢᠨᠤ ᠨᠡᠷᠡ ᠪᠤᠤ ᠸᠧᠨ ᠬᠤᠸᠠ ᠭᠡᠳᠡᠭ᠃ | ᠪᠢᠳᠡ ᠪᠦᠷ ᠬᠠᠪᠤᠲᠤ ᠬᠠᠰᠠᠷ ᠤᠨ ᠦᠷᠡ ᠬᠤᠶᠢᠴᠢᠰ ᠪᠠᠶᠢᠨᠠ ᠰᠢᠣ᠃ ᠡᠨᠡ ᠴᠢᠨᠢ ᠶᠣᠰᠣᠲᠠᠢ ᠲᠥᠭᠡᠷᠢᠵᠦ | ᠶᠠᠪᠤᠭᠠᠳ ᠲᠥᠷᠥᠯ ᠢᠶᠠᠨ ᠣᠯᠣᠨᠠ ᠭᠡᠳᠡᠭ ᠡᠨᠡ ᠪᠣᠯᠣᠯᠠ᠃ ᠵᠠ᠂ ᠡᠪᠦᠭᠡ ᠳᠡᠭᠡᠳᠦᠰ ᠨᠢᠭᠡᠲᠡᠢ ᠲᠠᠨ ᠯᠤᠭᠠ | ᠲᠠᠨᠢᠯᠴᠠᠭᠰᠠᠨ ᠳᠠᠭᠠᠨ ᠮᠠᠰᠢ ᠪᠠᠶᠠᠷᠯᠠᠵᠤ ᠪᠠᠶᠢᠨᠠ᠂ ᠶᠠᠮᠠᠷ ᠭᠤᠶᠣ ᠶᠤᠮ ᠪᠤᠢ᠂ ᠲᠠᠨ ᠳᠤ ᠬᠢᠮᠳᠠ ᠪᠠᠷ ᠦᠭᠭᠦᠶᠡ | ᠭᠡᠵᠦ ᠴᠠᠭᠠᠨ ᠢᠳᠡᠭᠡ ᠪᠠᠨ ᠰᠦᠯᠢᠶᠥᠦ ᠤᠭᠤᠲᠠ ᠳᠤ ᠰᠠᠪᠠᠯᠠᠬᠤ ᠳᠤ ᠴᠢᠯᠠᠭᠤ ᠴᠤ ᠠᠷᠠᠰᠤᠨ ᠪᠣᠭᠴᠣ ᠪᠠᠨ | ᠣᠩᠭᠢᠴᠢᠵᠤ ᠡᠬᠢᠯᠡᠯᠡ᠃ | ᠲᠠᠪᠢᠯᠭᠠᠳᠣ ᠬᠤᠳᠠ ᠳᠤ ᠬᠡᠳᠦᠨ ᠵᠢᠯ ᠤᠯᠠᠭᠠᠨ ᠢᠳᠡᠭᠡᠨ ᠤ ᠡᠵᠡᠩᠨᠡᠯᠲᠡ ᠬᠢᠬᠦ ᠳᠡᠭᠡᠨ ᠪᠤᠰᠤᠳ ᠠᠴᠠ | ᠬᠤᠳᠠ ᠶᠢᠨ ᠵᠡᠭᠦᠨ ᠲᠣᠭᠤᠷᠢᠭ ᠢᠶᠠᠷ ᠲᠠᠬᠢᠶᠠᠨ ᠮᠢᠬᠠᠨ ᠳᠤ ᠣᠰᠣᠨ ᠵᠡᠭᠦᠦ ᠲᠠᠷᠢᠵᠤ ᠪᠠᠷᠠᠭᠤᠨ ᠲᠣᠭᠤᠷᠢᠭ ᠲᠤ | ᠬᠦᠷᠭᠡᠵᠦ ᠬᠤᠳᠠᠯᠳᠤᠭᠠᠳ ᠠᠰᠢᠭ ᠣᠯᠳᠠᠭ ᠬᠡᠮᠡᠬᠦ ︽ᠬᠢᠴᠢᠶᠡᠯ︾ ᠰᠣᠨᠣᠰᠴᠤ ᠪᠠᠶᠢᠭᠰᠠᠨ ᠴᠢᠯᠠᠭᠤ ᠴᠣ᠋ ᠨᠦᠭᠦᠭᠡ | ᠬᠡᠳᠦᠭᠦᠯᠡ ᠠᠴᠠ ᠬᠤᠴᠣᠷᠬᠤ ᠭᠠᠶᠢᠬᠠᠯ ᠪᠢᠰᠢ ᠠᠵᠢ᠃ | ᠣᠷᠣᠢ ᠨᠢ ᠴᠢᠯᠠᠭᠤ ᠲᠠᠪᠢᠯᠭᠠᠳᠣ ᠬᠤᠳᠠ ᠶᠢᠨ ᠪᠠᠶᠠᠨ ᠵᠣᠴᠢᠳ ᠤᠨ ᠪᠠᠭᠤᠳᠠᠯ ᠤᠨ ︽ᠡᠵᠡᠨ︾ | ᠦᠷᠦᠭᠡ ᠳᠤ ᠰᠢᠷᠡᠭᠡ ᠵᠠᠰᠠᠵᠤ ᠥᠨᠥᠳᠥᠷ ᠲᠠᠨᠢᠯᠴᠠᠭᠰᠠᠨ ᠬᠡᠳᠦᠨ ᠨᠠᠶᠢᠵᠠ ᠪᠠᠨ ᠲᠣᠭᠤᠯᠠ ︵ᠳᠠᠶᠢᠯᠠᠯᠠ︶᠃ | ᠴᠢᠯᠠᠭᠤ ᠬᠤᠨᠳᠠᠭᠠ ᠪᠠᠨ ᠠᠪᠤᠨ ᠪᠣᠰᠴᠤ ᠵᠣᠭᠰᠣᠭᠠᠳ ᠬᠦᠷᠦᠯᠴᠡᠨ ᠢᠷᠡᠭᠰᠡᠨ ᠬᠥᠮᠥᠰ ᠢᠶᠠᠨ ᠨᠢᠭᠡ ᠡᠷᠭᠢᠭᠦᠯᠦᠨ | ᠬᠠᠷᠠᠭᠰᠠᠨ ᠢᠶᠠᠨ᠄ | - ᠪᠢᠳᠡ ᠥᠨᠥᠳᠥᠷ ᠦᠵᠡᠭᠦᠯᠭᠡ ᠶᠢᠨ ᠭᠠᠵᠠᠷ ᠠᠭᠤᠯᠵᠠᠵᠤ ᠨᠡᠷᠡ ᠤᠰᠤ ᠪᠠᠨ ᠮᠡᠳᠡᠯᠴᠡᠨ ᠤᠲᠠᠰᠤᠨ | ᠳ᠋ᠤᠭᠠᠷ ᠢᠶᠠᠨ ᠠᠪᠤᠯᠴᠠᠵᠤ ᠲᠠᠨᠢᠯᠴᠠᠭᠰᠠᠨ ᠪᠢᠯᠡ᠃ ︽ᠢᠷᠦᠭᠡᠯ ᠲᠠᠢ ᠳᠠᠭᠠᠨ ᠤᠴᠠᠷᠠᠵᠤ᠂ ᠢᠷᠤᠭᠠᠯ ᠲᠠᠢ ᠳᠠᠭᠠᠨ | ᠲᠣᠭᠲᠠᠨᠠ︾ ᠭᠡᠳᠡᠭ ᠡᠨᠡ ᠪᠠᠶᠢᠬᠠ᠃ ᠡᠨᠡ ᠤᠳᠠᠭᠠ ᠲᠠᠨᠠᠷ ᠤᠨ ᠢᠷᠡᠭᠰᠡᠨ ᠵᠠᠪᠰᠢᠶᠠᠨ ᠢᠶᠠᠷ ᠲᠠᠨᠢᠯᠴᠠᠭᠰᠠᠨ ᠳᠠᠭᠠᠨ | ᠮᠠᠰᠢ ᠪᠠᠶᠠᠷᠯᠠᠵᠤ ᠪᠠᠶᠢᠨᠠ᠂ ᠲᠡᠭᠡᠭᠡᠳ ᠪᠠᠶᠠᠷᠯᠠᠭᠰᠠᠨ ᠰᠡᠳᠬᠢᠯ ᠢᠶᠠᠨ ᠢᠯᠡᠳᠬᠡᠵᠦ᠂ ᠡᠨᠡ ᠣᠷᠣᠢ ᠡ᠊ᠨᠳᠡ ᠳᠥᠭᠦᠮ | ᠰᠢᠷᠡᠭᠡ ᠵᠠᠰᠠᠵᠤ᠂ ᠲᠠᠨᠠᠷ ᠲᠠᠢ ᠪᠠᠨ ᠤᠯᠠᠮ ᠨᠢᠭᠡ ᠠᠯᠬᠤᠮ ᠲᠠᠨᠢᠯᠴᠠᠶᠠ ᠭᠡᠵᠦ ᠪᠤᠳᠣᠬᠰᠠᠨ ᠶᠤᠮ᠂ ᠲᠠᠨᠢᠯᠴᠠᠭᠰᠠᠨ ᠤ | ᠠᠩᠬᠠᠨ ᠤ ᠬᠤᠨᠳᠠᠭᠠ ᠪᠠᠨ ᠬᠠᠮᠲᠤᠳᠠ ᠪᠠᠯᠭᠤᠶᠠ ᠭᠡᠵᠦ ᠬᠤᠨᠳᠠᠭᠠ ᠮᠥᠷᠭᠦᠯᠳᠦᠭᠦᠯᠵᠦ ︽ᠭᠤᠯᠳ᠋︾ ᠭᠡᠲᠡᠯᠡ | ᠪᠠᠯᠭᠤᠯᠠ᠃ | - ᠪᠠᠶᠠᠷᠯᠠᠵᠤ ᠪᠠᠶᠢᠨᠠ᠂ ᠪᠠᠶᠠᠷᠯᠠᠵᠤ ᠪᠠᠶᠢᠨᠠ᠃ ᠠᠷᠪᠠᠨ ᠬᠥᠮᠥᠨ ᠤ ᠲᠣᠭᠤᠷᠢᠭ ᠰᠢᠷᠡᠭᠡ ᠶᠢ ᠬᠠᠪᠴᠢᠨ | ᠰᠠᠭᠤᠭᠰᠠᠨ ᠬᠡᠳᠦᠭᠦᠯᠡ ᠪᠦᠭᠦᠳᠡᠭᠡᠷ ᠬᠤᠨᠳᠠᠭᠠ ᠡᠷᠭᠦᠨᠡ᠃ ᠬᠡᠰᠡᠭ ᠪᠠᠶᠢᠭᠰᠠᠨ ᠢᠶᠠᠨ ᠴᠢᠯᠠᠭᠤ ᠡᠮᠦᠨᠡᠬᠢ | ᠬᠤᠨᠳᠠᠭᠠ ᠪᠠᠨ ᠠᠪᠴᠤ᠄ | - ᠲᠠᠨᠠᠷ ᠤᠨ ᠲᠤᠷᠰᠢᠯᠭᠠ ᠰᠤᠷᠭᠠᠮᠵᠢ ᠠᠴᠠ ᠰᠣᠷᠣᠯᠴᠠᠨ᠂ ᠬᠤᠶᠢᠰᠢᠳᠠ ᠪᠠᠰᠠ ᠴᠠᠭᠠᠨ ᠢᠳᠡᠭᠡᠨ ᠤ | ᠡᠵᠡᠩᠨᠡᠯᠲᠡ ᠭᠢᠶᠡ ᠭᠡᠵᠦ ᠪᠤᠳᠣᠵᠤ ᠪᠠᠶᠢᠨᠠ᠃ ᠲᠠᠨᠠᠷ ᠲᠤᠷᠰᠢᠯᠭᠠ ᠰᠤᠷᠭᠠᠮᠵᠢ ᠠᠴᠠ ᠪᠠᠨ ᠢᠯᠡᠭᠦᠬᠡᠨ ᠵᠢᠭᠠᠨ | ᠵᠢᠯᠤᠭᠤᠳᠬᠤ ᠶᠢ ᠬᠦᠰᠡᠵᠦ ᠪᠠᠶᠢᠨᠠ᠃ ᠬᠤᠶᠠᠳᠠᠭᠢ ᠬᠤᠨᠳᠠᠭᠠ ᠪᠠᠨ ᠲᠠᠨᠠᠷ ᠲᠠᠭᠠᠨ ᠪᠠᠷᠢᠶᠠ᠃ | - ᠪᠠᠶᠠᠷᠯᠠᠯᠠ᠃ | ᠬᠤᠨᠳᠠᠭᠠ ᠮᠥᠷᠭᠦᠯᠳᠦᠭᠦᠯᠬᠦ ᠲᠠᠭᠤ ᠲᠠᠰᠣᠷᠠᠯᠳᠠ ᠦᠭᠡᠢ ᠦᠷᠭᠦᠯᠵᠢᠯᠡᠵᠤ᠂ ᠡᠨᠡ ᠣᠷᠣᠢ ᠬᠠᠮᠲᠤ | ᠰᠠᠭᠤᠭᠰᠠᠨ ᠬᠡᠳᠦᠭᠦᠯᠡ ᠶᠢᠨ ᠬᠤᠨᠳᠠᠭᠠ ᠳᠠᠬᠢ ᠬᠤᠳᠣᠷᠠᠩ ᠬᠠᠷᠠ ᠬᠤᠳᠣᠭᠤᠳᠤ ᠤᠷᠤᠭᠤ ᠣᠷᠣᠬᠤ ᠳᠤ᠂ | ᠪᠠᠯᠭᠤᠭᠰᠠᠨ ᠬᠡᠳᠦᠭᠦᠯᠡ ᠶᠢᠨ ᠬᠤᠳᠣᠭᠤᠳᠤ ᠨᠢ ᠬᠠᠯᠠᠵᠤ᠂ ᠬᠤᠭᠤᠰᠤᠨ ᠶᠠᠷᠢᠶᠠ ᠨᠢ ᠣᠯᠠᠰᠢᠷᠠᠨᠠ᠃ ᠴᠢᠷᠠᠢ ᠨᠢ | ᠭᠦᠷᠡᠩᠳᠤᠷᠡᠨ ᠤᠯᠠᠶᠢᠵᠤ ᠭᠡᠯᠡ ᠨᠢ ᠴᠤᠯᠴᠠᠷᠢᠭᠰᠠᠨ ᠴᠢᠯᠠᠭᠤ᠄ | - ᠪᠢᠳᠡᠡ ᠪᠦᠷ ᠨᠢᠭᠡ ᠵᠠᠮ ᠤᠨ ᠬᠥᠮᠥᠰ ᠶᠤᠮ ᠴᠢᠨᠢ ᠡᠷᠡᠭᠡ ᠵᠢᠷᠤᠭᠠ ᠦᠭᠡᠢ ᠶᠠᠷᠢᠯᠴᠠᠵᠤ ᠰᠠᠭᠤᠶᠠ᠂ | ᠮᠠᠨ ᠤ ᠡ᠊ᠨᠳᠡᠭᠢ ᠶᠢᠨ ᠨᠥᠬᠦᠴᠡᠯ ᠴᠤ ᠪᠦᠷ ᠡᠶᠢᠮᠦ ᠯᠠ ᠶᠤᠮ᠂ ᠲᠠᠨᠠᠷ ᠬᠤᠳᠠ ︵ᠬᠤᠭᠤᠯᠠ︶ ᠠᠴᠠ ᠪᠠᠨ | ᠲᠠᠪᠠ ᠪᠠᠷ ᠵᠣᠭᠤᠭᠯᠠᠵᠤ᠂ ᠠᠷᠢᠬᠢ ᠰᠠᠷᠬᠤᠳ ᠠᠴᠠ ᠪᠠᠨ ᠶᠠᠩ ᠦᠭᠡᠢ ᠪᠠᠯᠭᠤᠵᠤ ᠲᠠᠭᠠᠲᠠᠢ ᠰᠠᠭᠤᠭᠠᠳ ᠲᠠᠪᠠᠲᠠᠢ | ᠱᠤᠤᠭᠢᠭᠲᠤᠨ ᠭᠡᠯᠡ᠃ | ᠰᠢᠯ ᠲᠠᠢ ᠠᠷᠢᠬᠢ ᠶᠢᠨ ᠲᠦᠪᠰᠢᠨ ᠳᠣᠷᠣᠭᠰᠢᠯᠠᠬᠤ ᠶᠢ ᠳᠠᠭᠠᠯᠳᠤᠨ ᠠᠪᠤ ᠶᠢᠨ ᠬᠦᠦ ᠶᠢᠨ ᠲᠠᠭᠤ ᠨᠢ | ᠳᠡᠭᠡᠭᠰᠢᠯᠡᠵᠦ ᠦᠭᠡ ᠨᠢ ᠣᠯᠠᠰᠢᠷᠠᠨᠠ᠃ | ᠠᠯᠳᠠᠨ ᠤᠤ ᠬᠤᠨᠳᠠᠭᠠᠨ ᠳᠠᠭᠠᠨ | ᠠᠰᠬᠠᠷᠠᠭᠤᠯᠮᠠᠨᠵᠢᠨ ᠰᠠᠶᠢᠬᠠᠨ | ᠰᠠᠶᠢᠬᠠᠨ ᠯᠠ ᠪᠠᠶᠢᠳᠠᠭ ᠰᠠᠶᠢᠨ | ᠠᠬᠠ ᠳᠡᠭᠦᠦ ᠲᠠ ᠨᠠᠷ ᠲᠠᠢ ᠪᠠᠨ | ᠨᠠᠶᠢᠷᠯᠠᠵᠤ ᠰᠠᠭᠤᠶᠠ ᠭᠦ᠋ | ᠵᠢᠷᠭᠠᠵᠤ ᠰᠠᠭᠤᠶᠠ ᠭᠦ᠋ | ᠁ | ᠨᠠᠶᠢᠷ ᠤᠨ ᠳᠠᠭᠤᠤ ᠤᠶᠠᠩᠭᠠᠷᠠᠵᠤ᠂ ᠡᠷᠡᠭᠲᠡᠢ ᠡᠮᠡᠭᠲᠡᠢ ᠶᠢᠨ ᠲᠠᠭᠤ ᠬᠤᠯᠢᠯᠳᠤᠨ ᠴᠢᠬᠢ ᠲᠦᠷᠭᠢᠭᠦᠯᠤᠨ | ᠂ ᠵᠠᠪᠰᠠᠷ ᠢᠶᠠᠷ ᠨᠢ ᠬᠤᠨᠳᠠᠭᠠ ᠮᠥᠷᠭᠦᠯᠳᠦᠭᠦᠯᠦᠭᠰᠡᠭᠡᠷ ᠪᠠᠶᠢᠵᠤ ᠬᠠᠯᠠᠰᠠᠭᠰᠠᠨ ᠬᠡᠳᠦᠭᠦᠯᠡ ᠶᠢᠨ ᠠᠮᠠ ᠣᠷᠣᠯᠳᠣᠬᠤ | ᠲᠠᠭᠤ ᠦᠷᠭᠦᠯᠵᠢᠯᠡᠨᠡ᠃ | - ᠣᠳᠣ ᠶᠢᠨ ᠤᠯᠠᠭᠠᠨ ᠢᠳᠡᠭᠡ ᠶᠢ ᠣᠷᠣᠨ ᠨᠤᠲᠤᠭ ᠤᠨ ᠪᠠᠶᠢᠭᠠᠯᠢᠯᠢᠭ ᠪᠡᠯᠴᠢᠭᠡᠷ ᠤᠨ ᠮᠠᠯ ᠤᠨ ᠮᠢᠬᠠ | ᠪᠠ ᠪᠣᠷᠳᠣᠵᠤ ᠲᠡᠵᠢᠭᠡᠭᠰᠡᠨ ᠮᠠᠯ ᠤᠨ ᠮᠢᠬᠠ ᠭᠡᠵᠦ ᠢᠯᠭᠠᠨ᠂ ᠠᠳᠠᠯᠢ ᠪᠤᠰᠤ ᠦᠨᠡ ᠪᠠᠷ ᠬᠤᠳᠠᠯᠳᠤᠬᠤ ᠦᠭᠡᠢ ᠪᠣᠯ | ᠪᠤᠯᠬᠤ ᠦᠭᠡᠢ᠃ ᠡᠨᠡ ᠨᠢ ᠮᠠᠯᠴᠢᠳ ᠤᠨ ᠠᠰᠢᠭ ᠣᠷᠣᠯᠭᠠ ᠲᠠᠢ ᠰᠢᠭᠤᠳ ᠬᠤᠯᠪᠣᠭᠳᠠᠨᠠ ᠭᠡᠵᠦ ᠴᠢᠯᠠᠭᠤ | ᠬᠤᠨᠳᠠᠭᠠ ᠳᠠᠬᠢ ᠠᠷᠢᠬᠢ ᠪᠠᠨ ᠴᠠᠯᠭᠢᠭᠤᠯᠤᠨ ᠬᠡᠯᠡᠬᠦ ᠳᠤ ᠪᠤᠣ ᠸᠧᠨ ᠬᠤᠸᠠ᠄ | - ᠴᠢᠨᠦ ᠬᠡᠯᠡᠬᠦ ᠲᠡᠭᠠᠷᠠᠵᠦ ᠪᠠᠶᠢᠨᠠ᠃ ᠮᠠᠯᠴᠢᠳ ᠤᠨ ᠪᠠᠶᠢᠭᠠᠯᠢᠯᠢᠭ ᠪᠣᠬᠢᠷᠳᠤᠯ ᠦᠭᠡᠢ ᠢᠳᠡᠭᠡ | ᠰᠠᠭᠠᠯᠢ ᠶᠢ ᠵᠠᠬᠠ ᠳᠡᠯᠭᠡᠭᠦᠷ ᠲᠤ ᠭᠠᠷᠭᠠᠨ ᠪᠣᠷᠣᠯᠠᠭᠤᠯᠵᠤ ᠠᠰᠢᠭ ᠬᠤᠨᠵᠢᠪᠤᠷᠢ ᠣᠯᠬᠤ ᠲᠤᠬᠠᠢ ᠤᠬᠠᠭᠤᠯᠭᠠ ᠶᠢ | ᠰᠠᠶᠢᠲᠤᠷ ᠬᠢᠬᠦ ᠴᠢᠬᠤᠯᠠ ᠲᠠᠢ ᠪᠠᠶᠢᠨᠠ︕ ᠭᠡᠵᠦ ᠲᠠᠶᠢᠪᠠᠯᠵᠠᠨᠠ᠃ ᠲᠡᠭᠡᠲᠡᠯᠡ ᠰᠢᠯᠢ ᠶᠢᠨ ᠭᠤᠣᠯ ᠤᠨ ᠰᠣᠶᠣᠯᠲᠤ | ᠄ | - ᠮᠠᠯᠴᠢᠳ ᠤᠨ ᠣᠷᠣᠯᠭᠠ ᠶᠢ ᠨᠡᠮᠡᠭᠳᠡᠭᠦᠯᠦᠶᠡ ᠭᠡᠪᠡᠯ ᠮᠠᠯᠴᠢᠳ ᠤᠨ ᠬᠤᠳᠠᠯᠳᠤᠵᠤ ᠪᠠᠶᠢᠭᠠ ᠮᠢᠬᠠ | ᠰᠠᠭᠠᠯᠢ ᠶᠢ ᠤᠯᠠᠮ ᠨᠢᠭᠡ ᠠᠯᠬᠤᠮ ᠨᠠᠷᠢᠯᠢᠭᠵᠢᠭᠤᠯᠤᠨ ᠪᠤᠯᠪᠠᠰᠣᠷᠠᠭᠤᠯᠵᠤ ᠰᠠᠪᠠ ᠪᠣᠭᠤᠳᠠᠯ ᠢ ᠨᠢ ᠭᠤᠶᠣᠵᠢᠭᠤᠯᠤᠨ᠂ | ᠥᠪᠡᠷ ᠤᠨ ᠥᠷᠳᠡᠭ ᠢ ᠨᠢ ᠳᠣᠷᠣᠭᠰᠢᠯᠠᠭᠤᠯᠵᠤ ᠨᠡᠮᠡᠯᠲᠡ ᠥᠷᠳᠡᠭ ᠢ ᠨᠡᠮᠡᠭᠳᠡᠭᠦᠯᠬᠦ ᠴᠢᠬᠤᠯᠠ ᠲᠠᠢ ᠪᠠᠶᠢᠨᠠ︕ | ᠭᠡᠵᠦ ᠴᠤᠯᠴᠠᠷᠢᠬᠤ ᠳᠤ ᠠᠯᠳᠠᠷ᠄ | - ᠣᠳᠣ ᠮᠠᠯᠴᠢᠳ ᠲᠤ ᠬᠠᠮᠢᠭᠠ ᠠᠴᠠ ᠲᠡᠶᠢᠮᠤ ᠨᠥᠬᠦᠴᠡᠯ ᠪᠠᠶᠢᠬᠤ ᠪᠤᠢ︖ ᠪᠢᠳᠡᠨ ᠶᠠᠮᠠᠷ ᠮᠡᠳᠡᠬᠦ | ᠦᠭᠡᠢ ᠪᠢᠰᠢ᠃ ᠪᠢᠳᠡᠨ ᠮᠠᠯᠴᠢᠳ ᠤᠨ ᠭᠠᠷ ᠠᠴᠠ ᠠᠪᠴᠤ ᠪᠠᠶᠢᠭᠠ ᠮᠢᠬᠠ ᠰᠠᠭᠠᠯᠢ ᠶᠢᠨ ᠦᠨᠡ ᠪᠠᠰᠠ ᠳᠡᠭᠡᠷᠡ | ᠪᠢᠰᠢ᠃ ᠪᠢᠳᠡᠨ ᠶᠠᠭᠠᠬᠢᠵᠤ ᠥᠪᠡᠷ ᠤᠨ ᠠᠰᠢᠭ ᠣᠷᠣᠯᠭᠠ ᠪᠡᠨᠨᠡᠮᠡᠭᠳᠡᠭᠦᠯᠦᠶᠡ ᠭᠡᠪᠡᠯ ᠵᠠᠪᠠᠯ ᠤᠬᠠᠭᠠ ᠵᠠᠷᠤᠬᠤ | ᠬᠡᠷᠡᠭᠲᠡᠢ ᠭᠡᠬᠦ ᠳᠤ᠂ ᠪᠤᠣ ᠸᠧᠨ ᠬᠤᠸᠠ ᠠᠯᠳᠠᠷ ᠢ ᠰᠢᠷᠳᠡᠨ᠄ | - ᠲᠠ ᠨᠠᠷ ᠶᠣᠰᠣᠲᠠᠢ ᠤᠬᠠᠭᠠ ᠵᠠᠷᠤᠵᠤ ᠥᠪᠡᠷ ᠤᠨ ᠠᠰᠢᠭ ᠣᠷᠣᠯᠭᠠ ᠪᠠᠨ ᠨᠡᠮᠡᠭᠳᠡᠭᠦᠯᠵᠦ ᠪᠠᠶᠢᠨᠠ | ᠰᠢᠤ᠂ ᠮᠠᠯᠴᠢᠳ ᠤᠨ ᠭᠠᠷ ᠠᠴᠠ ᠬᠢᠮᠳᠠ ᠦᠨᠡ ᠪᠠᠷ ᠠᠪᠤᠭᠰᠠᠨ ᠦᠨᠢᠶᠡᠨ ᠰᠦᠨ ᠤ ᠢᠳᠡᠭᠡᠨ ᠢᠶᠠᠨ ᠢᠩᠭᠡᠨ ᠰᠦ᠂ | ᠢᠮᠠᠭᠠᠨ ᠰᠦᠨ ᠤ ᠪᠦᠲᠦᠭᠡᠭᠳᠡᠬᠦᠨ ᠭᠡᠵᠦ ᠪᠣᠷᠣᠯᠠᠭᠤᠯᠵᠤ ᠪᠠᠶᠢᠬᠤ ᠶᠤᠮ ᠴᠢᠨᠢ᠂ ᠲᠠ ᠨᠠᠷ ᠤᠨ ᠠᠰᠢᠭ ᠣᠷᠣᠯᠭᠠ | ᠮᠠᠯᠴᠢᠳ ᠤᠨ ᠠᠰᠢᠭ ᠣᠷᠣᠯᠭᠠ ᠠᠴᠠ ᠬᠡᠳᠦᠨ ᠲᠠᠭᠢᠨ ᠳᠡᠭᠡᠷᠡ ᠪᠠᠶᠢᠭᠠ ᠭᠡᠬᠦ ᠳᠤ ᠰᠣᠶᠣᠯᠲᠤ ᠪᠣᠰᠴᠤ ᠵᠣᠭᠰᠣᠨ | ᠪᠤᠣ ᠸᠧᠨ ᠬᠤᠸᠠ ᠶᠢ ᠦᠬᠡᠷ ᠨᠢᠳᠦ ᠪᠠᠷ ᠰᠢᠷᠳᠡᠨ᠄ | - ᠠ ᠮᠠᠭᠤ ᠴᠢᠰᠤ︕ ᠴᠢ ᠥᠪᠡᠷ ᠢᠶᠠᠨ ᠪᠤᠭᠤᠳᠠᠢ ᠶᠢᠨ ᠭᠤᠯᠢᠷ ᠬᠤᠯᠢᠭᠰᠠᠨ ᠴᠢᠭᠢᠭᠯᠢᠭ ᠴᠠᠭᠠᠨ | ᠢᠳᠡᠭᠡ ᠪᠠᠨ ᠬᠤᠷᠴᠢᠨ ᠤ ᠲᠠᠯᠠ ᠨᠤᠲᠤᠭ ᠤᠨ ᠦᠨᠢᠶᠡᠨ ᠰᠦ ᠪᠠᠷ ᠪᠣᠯᠪᠠᠰᠤᠷᠠᠭᠤᠯᠤᠭᠰᠠᠨ ᠴᠡᠪᠡᠷ ᠪᠠᠶᠢᠭᠠᠯᠢᠯᠢᠭ | ᠴᠠᠭᠠᠨ ᠢᠳᠡᠭᠡᠨ ᠬᠡᠮᠡᠨ ᠬᠤᠳᠠᠯ ᠢᠶᠠᠷ ᠦᠯᠢᠶᠡᠵᠦ ᠪᠣᠷᠣᠯᠠᠭᠤᠯᠤᠨ ᠪᠤᠰᠤᠳ ᠢ ᠮᠡᠬᠡᠯᠡᠵᠦ ᠠᠰᠢᠭ ᠣᠷᠣᠯᠭᠠ ᠪᠠᠨ | ᠨᠡᠮᠡᠭᠳᠡᠭᠦᠯᠵᠦ ᠪᠠᠶᠢᠭᠠ ᠪᠠᠨ ᠡᠨᠡ ᠣᠷᠣᠢ ᠮᠠᠷᠲᠠᠵᠤ ᠣᠷᠭᠢᠪᠠ ᠤᠤ⁈ ᠭᠡᠵᠦ ᠪᠠᠷᠬᠢᠷᠠᠨᠠ᠃ ᠣᠷᠳᠣᠰ ᠤᠨ ᠠᠯᠳᠠᠷ | ᠴᠤ ᠤᠬᠤᠰᠬᠢᠨ ᠪᠣᠰᠴᠤ᠄ | - ᠡᠴᠢᠭᠡ ᠶᠢᠨ ᠴᠢᠨᠢ︕ ᠨᠠᠮᠠ ᠶᠢ ᠦᠨᠢᠶᠡᠨ ᠰᠦ ᠶᠢᠨ ᠢᠳᠡᠭᠡᠨ ᠢᠶᠠᠨ ᠢᠩᠭᠡᠨ ᠰᠦ᠂ ᠢᠮᠠᠭᠠᠨ | ᠰᠦᠨ ᠤ ᠪᠦᠲᠦᠭᠡᠭᠳᠡᠬᠦᠨ ᠢᠶᠠᠷ ᠪᠣᠷᠣᠯᠠᠭᠤᠯᠵᠤ ᠪᠠᠶᠢᠨᠠ ᠭᠡᠨᠡ ᠤᠤ︖ ᠬᠤᠷᠴᠢᠨ ᠤ ᠬᠢᠨ ᠴᠤ ᠲᠡᠷᠡ᠂ ᠰᠢᠯᠢ ᠶᠢᠨ | ᠭᠤᠣᠯ ᠤᠨ ᠬᠢᠨ ᠴᠣ᠋ ᠲᠡᠷᠡ᠂ ᠲᠠ ᠨᠠᠷ ᠪᠦᠭᠦᠳᠡ ᠯᠡ ᠬᠤᠨᠢᠨ ᠤ ᠲᠣᠯᠣᠭᠠᠢ ᠡᠯᠭᠦᠭᠡᠳ ᠨᠣᠬᠠᠢ ᠶᠢᠨ ᠮᠢᠬᠠ | ᠬᠤᠳᠠᠯᠳᠤᠵᠤ ᠪᠠᠶᠢᠭᠠ ᠪᠠᠨ ᠡᠨᠡ ᠣᠷᠣᠢ ᠨᠢᠭᠤᠬᠤ ᠬᠡᠷᠡᠭ ᠦᠭᠡᠢ ᠭᠡᠬᠦ ᠳᠤ᠂ ᠪᠤᠣ ᠸᠧᠨ ᠬᠤᠸᠠ ᠨᠢᠳᠤᠷᠭᠠ ᠪᠠᠨ | ᠵᠠᠩᠭᠢᠳᠤᠨ᠄ | - ᠶᠠᠭᠤ ᠭᠡᠨᠡ⁈ ᠮᠠᠭᠤ ᠴᠢᠭᠢᠶᠡᠲᠦᠷᠦᠦ︕ ᠲᠠᠭᠢᠭᠠᠳ ᠭᠡᠯᠡ ᠁ ᠭᠡᠳ ᠬᠠᠰᠬᠢᠴᠢᠬᠤ ᠳᠤ | ᠴᠢᠯᠠᠭᠤ ᠴᠣ᠋ ᠡᠷᠡ ᠵᠣᠷᠢᠭ ᠠᠷᠢᠬᠢᠨ ᠤ ᠣᠮᠤᠭ ᠢᠶᠠᠨ ᠭᠠᠷᠭᠠᠨ ᠪᠣᠰᠴᠤ ᠵᠣᠭᠰᠣᠨ᠄ | - ᠮᠠᠭᠤ ᠨᠣᠬᠠᠢ︕ ᠲᠠ ᠨᠠᠷ ᠠᠮᠠ ᠪᠠᠨ ᠬᠠᠪᠴᠢ︕ ᠭᠡᠵᠦ ᠬᠠᠶᠢᠬᠤᠷᠤᠨ ᠬᠦᠴᠦᠲᠡᠢ ᠭᠡᠭᠴᠢ | ᠰᠢᠷᠡᠭᠡ ᠠᠯᠠᠭᠠᠳᠠᠬᠤ ᠳᠤ ᠰᠢᠷᠡᠭᠡᠨ ᠳᠡᠭᠡᠷᠡ ᠪᠠᠶᠢᠭᠰᠠᠨ ᠰᠢᠯ ᠲᠠᠢ ᠠᠷᠢᠬᠢ᠂ ᠲᠠᠪᠠᠭ ᠲᠠᠢ ᠨᠣᠭᠤᠭᠠ ᠭᠠᠵᠠᠷ ᠲᠤ | ᠤᠨᠠᠵᠤ ᠵᠦᠭ ᠪᠦᠷᠢ ᠳᠤ ᠰᠠᠴᠤᠭᠳᠠᠯᠠ᠃ | ᠁ | |