| | | ᠬᠠᠳᠠᠭ ᠪᠤᠯ ᠰᠠᠶᠢᠬᠠᠨ ᠪᠦᠬᠦᠨ ᠤ ᠢᠯᠡᠳᠬᠡᠯ ᠪᠤᠯᠤᠨᠠ᠃ ᠮᠤᠩᠭᠤᠯᠴᠤᠳ ᠬᠠᠳᠠᠭ ᠢ ᠤᠶᠤᠨ ᠰᠠᠨᠠᠭᠠᠨ ᠤ ᠪᠠᠨ | ᠬᠠᠮᠤᠭ ᠤᠨ ᠡᠷᠬᠢᠮ ᠰᠠᠶᠢᠬᠠᠨ ᠤ ᠪᠡᠯᠬᠡᠰᠢᠶᠡᠯ ᠪᠤᠯᠭᠠᠨ ᠳᠡᠭᠡᠳᠦᠯᠡᠵᠤ᠂ ᠠᠮᠢᠳᠤᠷᠠᠯ ᠦᠢᠯᠡ ᠶᠠᠪᠤᠳᠠᠯ ᠤᠨ ᠢᠶᠠᠨ | ᠦᠭᠡᠳᠡ ᠡᠰᠡᠷᠡᠭ᠂ ᠦᠯᠵᠡᠢ ᠬᠡᠶᠢᠮᠤᠷᠢ᠂ ᠡ᠊ᠩᠬᠡ ᠮᠡᠨᠳᠦ ᠶᠢ ᠢᠯᠡᠳᠭᠡᠳᠡᠭ ᠠᠵᠢ᠃ ᠬᠠᠳᠠᠭ ᠤᠨ ᠰᠤᠶᠤᠯ | ᠮᠤᠩᠭᠤᠯᠴᠤᠳ ᠤᠨ ᠳᠤᠮᠳᠠ ᠤᠯᠠᠮᠵᠢᠯᠠᠭᠳᠠᠨ ᠳᠡᠭᠡᠳᠦᠯᠡᠭᠳᠡᠭᠡᠳ ᠨᠡᠯᠢᠶᠡᠳ ᠤᠷᠲᠤ ᠤᠳᠠᠭᠠᠨ ᠤᠨ ᠵᠠᠭᠤᠨ ᠢ | ᠦᠩᠭᠡᠷᠡᠭᠡᠵᠤ ᠪᠤᠢ᠃ ᠭᠡᠬᠦ ᠳᠤ ᠬᠠᠳᠠᠭ ᠤᠨ ᠡᠷᠬᠢᠮ ᠰᠠᠶᠢᠬᠠᠨ ᠰᠤᠶᠤᠯ ᠨᠢ ᠵᠠᠷᠢᠮ ᠭᠠᠵᠠᠷ ᠤᠷᠤᠨ ᠳᠤ ᠬᠡᠭᠡᠭᠳᠡᠨ | ᠪᠠᠯᠠᠷᠠᠵᠤ᠂ ᠬᠠᠳᠠᠭ ᠢ ᠳᠡᠭᠡᠳᠦᠯᠡᠬᠦ ᠶᠤᠰᠤ ᠵᠢᠷᠤᠮ ᠡᠪᠳᠡᠭᠳᠡᠨ᠂ ᠡᠨᠡᠬᠦ ᠡᠷᠬᠢᠮ ᠳᠡᠭᠡᠳᠤ ᠰᠤᠶᠤᠯ ᠤᠨ ᠡᠴᠢᠨᠡ | ᠭᠠᠶᠢᠬᠠᠮᠰᠢᠭᠲᠤ ᠦᠨᠡ ᠴᠠᠨᠠ ᠶᠢ ᠠᠯᠳᠠᠭᠳᠠᠭᠤᠯᠵᠤ ᠪᠤᠢ᠃ | ᠮᠤᠩᠭᠤᠯᠴᠤᠳ ᠠᠯᠢ ᠡᠷᠲᠡ ᠠᠴᠠ ᠬᠠᠳᠠᠭ ᠤᠨ ᠰᠤᠶᠤᠯ ᠢ ᠳᠡᠭᠡᠳᠦᠯᠡᠨ ᠬᠦᠭᠵᠢᠭᠦᠯᠵᠤ᠂ ᠬᠠᠳᠠᠭ ᠢᠶᠠᠷ ᠢᠶᠠᠨ | ᠬᠦᠮᠦᠨ ᠬᠦᠮᠦᠨ ᠤ ᠬᠤᠭᠤᠷᠤᠨᠳᠤᠬᠢ ᠬᠠᠷᠢᠯᠴᠠᠭᠠᠨ ᠤ ᠬᠤᠯᠪᠤᠭᠠᠰᠤ ᠪᠤᠯᠭᠠᠨ ᠠᠯᠢᠪᠠ ᠢᠷᠦᠭᠡᠯ ᠵᠦᠩᠨᠡᠯ ᠢᠶᠠᠨ | ᠬᠠᠳᠠᠭ ᠲᠤ ᠪᠠᠨ ᠰᠢᠩᠭᠡᠭᠡᠵᠤ ᠪᠠᠶᠢᠭᠰᠠᠨ᠃ ᠲᠡᠶᠢᠮᠤ ᠠᠴᠠ ᠬᠠᠳᠠᠭ ᠡᠷᠬᠦᠭᠦ ᠨᠢ ᠤᠯᠠᠨ ᠰᠠᠶᠢᠬᠠᠨ ᠢᠷᠦᠭᠡᠯ | ᠵᠦᠩᠨᠡᠯ ᠢ ᠡᠷᠭᠦᠵᠤ᠂ ᠬᠠᠳᠠᠭ ᠲᠤᠰᠬᠤ ᠨᠢ ᠴᠤ ᠤᠯᠠᠨ ᠰᠠᠶᠢᠬᠠᠨ ᠢᠷᠦᠭᠡᠯ ᠵᠦᠩᠨᠡᠯ ᠢ ᠲᠤᠰᠤᠨ ᠠᠪᠴᠤ ᠪᠠᠶᠢᠭᠠ | ᠶᠠᠪᠤᠳᠠᠯ ᠪᠤᠯᠤᠨᠠ᠃ ᠵᠠᠷᠢᠮ ᠬᠦᠮᠦᠰ ᠬᠠᠳᠠᠭ ᠤᠨ ᠡᠶᠢᠮᠤᠷᠬᠦ ᠡᠴᠢᠨᠡ ᠭᠠᠶᠢᠬᠠᠮᠰᠢᠭᠲᠤ ᠶᠤᠰᠤ ᠤᠴᠢᠷ ᠢ | ᠤᠢᠢᠯᠠᠭᠠᠬᠤ ᠦᠭᠡᠢ ᠠᠴᠠ ᠪᠤᠯᠵᠤ᠂ ᠬᠠᠳᠠᠭ ᠢ ᠠᠯᠳᠠᠯᠠᠵᠤ ᠠᠪᠤᠭᠠᠳ ᠯᠡ ᠵᠤᠴᠢᠨ ᠭᠡᠶᠢᠴᠢᠳ ᠤᠨ ᠢᠶᠠᠨ | ᠬᠦᠵᠦᠭᠦᠨ ᠳᠤ ᠵᠡᠭᠦᠯᠭᠡᠵᠤ ᠪᠤᠢ᠃ ᠮᠤᠩᠭᠤᠯᠴᠤᠳ ᠡᠷᠬᠢᠮ ᠬᠦᠨᠳᠦᠲᠦ ᠵᠤᠴᠢᠳ ᠢᠶᠠᠨ ᠤᠭᠲᠤᠬᠤ ᠦᠶᠡᠰ | ᠬᠠᠳᠠᠭ ᠤᠨ ᠢᠶᠠᠨ ᠠᠮᠠ ᠶᠢ ᠵᠤᠴᠢᠨ ᠤ ᠪᠠᠨ ᠵᠦᠭ ᠬᠠᠨᠳᠤᠭᠤᠯᠤᠨ ᠠᠯᠠᠭᠠᠨ ᠳᠡᠭᠡᠷᠡ ᠨᠢ ᠳᠡᠪᠰᠢᠭᠦᠯᠳᠡᠭ᠃ | ᠬᠡᠬᠦ ᠳᠤ ᠪᠠᠨ ᠲᠤᠰᠬᠤ ᠬᠦᠮᠦᠨ ᠨᠢ ᠮᠡᠭᠦ᠋ᠢᠰᠭᠡᠨ ᠬᠤᠶᠠᠷ ᠠᠯᠠᠭᠠ ᠪᠠᠷ ᠢᠶᠠᠨ ᠲᠤᠰᠴᠤ ᠮᠦᠨ ᠯᠡ ᠬᠠᠳᠠᠭ ᠤᠨ | ᠠᠮᠠ ᠶᠢ ᠭᠠᠳᠠᠭᠰᠢ ᠬᠠᠨᠳᠤᠭᠤᠯᠤᠨ ᠶᠤᠰᠤ ᠭᠦᠢᠴᠡᠳᠭᠡᠭᠰᠡᠨ ᠢᠶᠠᠨ ᠲᠤᠬᠤᠢ ᠳᠡᠭᠡᠷᠡ ᠪᠠᠨ ᠬᠦᠨᠳᠦᠳᠭᠡᠨ ᠲᠠᠯᠪᠢᠬᠤ | ᠪᠤᠶᠤ ᠡᠪᠬᠡᠭᠡᠳ ᠠᠪᠳᠠᠷᠡ ᠬᠤᠷᠭᠤ ᠳᠡᠭᠡᠷᠡ ᠳᠠᠯᠪᠢᠳᠠᠭ ᠵᠠᠩᠰᠢᠯ ᠲᠠᠢ᠃ ᠬᠠᠮᠢᠶᠠ ᠨᠠᠮᠢᠶᠠ ᠦᠭᠡᠢ ᠪᠦᠭᠡᠮᠨᠡᠨ | ᠬᠠᠶᠠᠵᠤ ᠪᠤᠯᠳᠠᠭ ᠦᠭᠡᠢ᠃ ᠤᠴᠢᠷ ᠨᠢ ᠲᠤᠰᠤᠭᠰᠠᠨ ᠲᠡᠷᠡ ᠬᠠᠳᠠᠭ ᠤᠨ ᠴᠢᠨᠢ ᠲᠤᠲᠤᠷᠠ ᠤᠯᠠᠨ ᠠᠷᠪᠢᠨ | ᠪᠡᠯᠬᠡᠰᠢᠶᠡᠯᠲᠤ ᠰᠠᠨᠠᠭᠠ ᠠᠭᠤᠯᠤᠭᠳᠠᠵᠤ ᠪᠠᠶᠢᠳᠠᠭ ᠶᠤᠮ᠃ ᠵᠠᠷᠢᠮ ᠶᠤᠰᠤ ᠮᠡᠳᠡᠬᠦ ᠦᠭᠡᠢ ᠬᠦᠮᠦᠰ ᠬᠠᠳᠠᠭ ᠤᠨ | ᠡᠷᠬᠢᠮ ᠦᠨᠡᠲᠡᠢ ᠰᠤᠶᠤᠯ ᠢ ᠤᠮᠳᠤᠭᠠᠢᠢᠯᠠᠵᠤ᠂ ᠦᠭᠡᠷ ᠬᠤᠨᠢᠨ ᠤ ᠡᠪᠡᠷ ᠲᠤᠯᠤᠭᠠᠢ ᠳᠤ ᠵᠠᠩᠬᠢᠳᠬᠤ᠂ ᠮᠠᠯ ᠤᠨ | ᠬᠠᠰᠢᠶᠠ ᠬᠤᠷᠤᠭᠠᠨ ᠤ ᠡᠭᠦᠳᠡᠨ ᠳᠤ ᠤᠶᠠᠬᠤ ᠮᠡᠲᠦ ᠪᠠᠷ ᠬᠦᠨᠳᠦᠳᠭᠡᠯ ᠤᠳᠬᠠ ᠶᠢ ᠨᠢ ᠠᠯᠳᠠᠭᠳᠠᠭᠤᠯᠵᠤ ᠪᠤᠢ᠃ | ᠮᠤᠩᠭᠤᠯᠴᠤᠳ ᠬᠠᠳᠠᠭ ᠤᠨ ᠰᠤᠶᠤᠯ ᠢ ᠳᠡᠭᠡᠳᠦᠯᠡᠬᠦ ᠳᠤ ᠪᠠᠨ ᠬᠠᠳᠠᠭ ᠤᠨ ᠦᠩᠭᠡ ᠪᠤᠶᠤ ᠴᠢᠨᠠᠷ ᠬᠢᠴᠡ ᠶᠢ ᠴᠤ | ᠢᠯᠭᠠᠨ ᠳᠡᠭᠡᠳᠦᠯᠡᠳᠡᠭ ᠵᠠᠩᠰᠢᠯ ᠲᠠᠢ᠃ ᠮᠤᠩᠭᠤᠯᠴᠤᠳ ᠴᠠᠭᠠᠨ ᠦᠩᠭᠡ᠂ ᠬᠦᠬᠡ ᠦᠩᠭᠡ ᠶᠢ ᠳᠡᠭᠡᠳᠦᠯᠡᠳᠡᠭ ᠤᠨ | ᠤᠴᠢᠷ ᠤᠯᠠᠩᠬᠢ ᠳᠤ ᠪᠠᠨ ᠴᠠᠭᠠᠨ ᠪᠠ ᠴᠡᠩᠭᠡᠷ ᠬᠠᠳᠠᠭ ᠢ ᠬᠡᠷᠡᠭᠯᠡᠳᠡᠭ᠃ ᠰᠢᠷᠠ ᠦᠩᠭᠡ ᠶᠢᠨ ᠬᠠᠳᠠᠭ ᠢ ᠪᠤᠯ ᠨᠤᠮ | ᠰᠤᠳᠤᠷ ᠵᠠᠯᠠᠬᠤ ᠳᠤ ᠬᠡᠷᠡᠭᠯᠡᠬᠦ ᠪᠤᠶᠤ ᠪᠤᠷᠬᠠᠨ ᠭᠡᠭᠡᠨ᠂ ᠡᠷᠲᠡᠨ ᠤ ᠠᠯᠳᠠᠷᠲᠤ ᠬᠠᠭᠠᠳ᠂ ᠪᠠᠭᠠᠲᠤᠷᠴᠤᠳ ᠤᠨ | ᠬᠦᠷᠦᠭ ᠵᠢᠷᠤᠭ ᠤᠨ ᠡᠮᠦᠨᠡ ᠲᠠᠯᠪᠢᠳᠠᠭ ᠵᠠᠩᠰᠢᠯ ᠲᠠᠢ᠃ ᠬᠠᠳᠠᠭ ᠤᠨ ᠬᠢᠴᠡ ᠴᠢᠨᠠᠷ ᠨᠢ ᠴᠤ ᠤᠯᠠᠨ ᠬᠤᠪᠢᠶᠠᠷᠢ | ᠲᠠᠢ ᠪᠠᠶᠢᠳᠠᠭ᠃ ᠤᠳᠤ ᠵᠠᠷᠢᠮ ᠬᠦᠮᠦᠰ ᠬᠠᠳᠠᠭ ᠢ ᠬᠢᠴᠡ ᠴᠢᠨᠠᠷ ᠢᠶᠠᠷ ᠨᠢ ᠢᠯᠭᠠᠨ ᠬᠡᠷᠡᠭᠯᠡᠬᠦ ᠶᠤᠰᠤ ᠶᠢ | ᠤᠢᠢᠯᠠᠭᠠᠳᠠᠭ ᠦᠭᠡᠢ ᠲᠤᠯᠠ ᠰᠢᠯᠦᠭ ᠵᠤᠬᠢᠶᠠᠯ ᠪᠢᠴᠢᠬᠦ ᠪᠤᠶᠤ ᠢᠷᠦᠭᠡᠯ ᠮᠠᠭᠲᠠᠭᠠᠯ ᠤᠩᠰᠢᠬᠤ ᠳᠤ ᠪᠠᠨ ︽ᠰᠠᠮᠪᠠᠢ | ᠬᠠᠳᠠᠭ ᠢᠶᠠᠨ ᠳᠡᠯᠭᠡᠵᠤ᠂ ᠰᠠᠶᠢᠬᠠᠨ ᠤ ᠢᠷᠦᠭᠡᠯ ᠢᠶᠠᠨ ᠬᠤᠷᠦ᠋ᠢᠯᠠᠵᠤ︾ ᠭᠡᠵᠤ ᠪᠤᠢ᠃ ᠰᠠᠮᠪᠠᠢ ᠬᠠᠳᠠᠭ ᠪᠤᠯ ᠬᠢᠴᠡ | ᠪᠦᠳᠦᠴᠡ ᠪᠠ ᠡᠳ᠋ ᠤᠨ ᠬᠢᠨᠢ ᠴᠢᠨᠠᠷ ᠴᠢᠨᠰᠠᠭᠠ ᠶᠢᠨ ᠲᠠᠯᠠ ᠪᠠᠷ ᠬᠠᠮᠤᠭ ᠤᠨ ᠡᠭᠡᠯ ᠶᠡᠷᠦᠮᠳᠡᠭ ᠪᠠᠶᠢᠳᠠᠭ᠃ ᠰᠠᠮᠪᠠᠢ | ᠬᠠᠳᠠᠭ ᠢ ᠭᠤᠤᠯᠳᠠᠭᠤ ᠪᠦᠳᠦᠭᠦᠯᠢᠭ ᠶᠤᠷᠤᠭ ᠪᠦᠰ ᠢᠶᠠᠷ ᠬᠢᠵᠤ᠂ ᠪᠤᠰᠤᠳ ᠬᠠᠳᠠᠭ ᠢ ᠪᠤᠳᠤᠪᠠᠯ ᠬᠢᠴᠡ ᠪᠦᠲᠦᠴᠡ | ᠨᠢ ᠪᠦᠷ ᠪᠠᠷᠤᠭᠲᠠᠢ ᠪᠠᠶᠢᠳᠠᠭ᠃ ᠲᠡᠶᠢᠮᠤ ᠶᠢᠨ ᠲᠤᠯᠠ ᠰᠠᠮᠪᠠᠢ ᠬᠠᠳᠠᠭ ᠢ ᠤᠤᠯ ᠳᠤ ᠪᠠᠨ ᠭᠤᠶᠢᠷᠠᠨᠴᠢ ᠴᠠᠭᠠᠴᠢᠨ | ᠪᠤᠶᠤ ᠪᠠᠳᠢᠷᠴᠢᠨ ᠯᠠᠮᠠ ᠳᠤ ᠪᠠᠷᠢᠳᠠᠭ ᠵᠠᠩᠰᠢᠯ ᠲᠠᠢ ᠪᠠᠶᠢᠵᠠᠢ᠃ ᠤᠳᠤ ᠬᠠᠷᠢᠨ ᠰᠠᠮᠪᠠᠢ ᠬᠠᠳᠠᠭ ᠢ ᠬᠠᠮᠤᠭ ᠤᠨ | ᠡᠷᠬᠢᠮ ᠳᠡᠭᠡᠳᠦ ᠬᠠᠳᠠᠭ ᠪᠤᠯᠭᠠᠨ ᠰᠢᠯᠦᠭᠯᠡᠵᠦ ᠪᠢᠴᠢᠬᠦ ᠨᠢ ᠬᠠᠳᠠᠭ ᠤᠨ ᠰᠤᠶᠤᠯ ᠢ ᠤᠢᠢᠯᠠᠭᠠᠳᠠᠭ ᠦᠭᠡᠢ | ᠬᠦᠮᠦᠰ ᠤᠨ ᠡ᠊ᠨᠳᠡᠬᠦᠷᠡᠯ ᠪᠤᠯᠤᠨᠠ᠃ | ᠡᠶᠢᠮᠤ ᠠᠴᠠ ᠪᠢᠳᠡ ᠬᠠᠳᠠᠭ ᠤᠨ ᠰᠤᠶᠤᠯ ᠢ ᠳᠡᠭᠡᠳᠦᠯᠡᠨ ᠤᠯᠠᠮᠵᠢᠯᠠᠬᠤ ᠳᠤ ᠪᠠᠨ ᠲᠡᠷᠡ ᠰᠤᠶᠤᠯ ᠳᠤ ᠠᠭᠤᠯᠤᠭᠳᠠᠨ | ᠰᠢᠩᠭᠡᠵᠤ ᠪᠠᠶᠢᠭᠠ ᠡᠷᠬᠢᠮ ᠰᠠᠶᠢᠬᠠᠨ ᠶᠤᠰᠤ ᠤᠴᠢᠷ ᠢ ᠭᠦᠨᠵᠡᠭᠡᠢ ᠤᠢᠢᠯᠠᠭᠠᠵᠤ᠂ ᠦᠷᠡ ᠬᠤᠶᠢᠴᠢᠰ ᠲᠤ ᠪᠠᠨ | ᠠᠷᠢᠭᠤᠨ ᠳᠠᠷᠬᠠᠨ ᠬᠡᠪ ᠢᠶᠠᠷ ᠨᠢ ᠤᠯᠠᠮᠵᠢᠯᠠᠨ ᠳᠡᠯᠭᠡᠷᠡᠭᠦᠯᠬᠦ ᠶᠢ ᠬᠢᠴᠢᠶᠡᠬᠦ ᠴᠢᠬᠤᠯᠠᠲᠠᠢ᠃ ᠢᠩᠬᠢᠪᠡᠯ ᠰᠠᠶ᠋ᠢ ᠮᠠᠨ ᠤ | ᠤᠯᠠᠮᠵᠢᠯᠠᠯᠲᠤ ᠰᠢᠯᠢᠳᠡᠭ ᠰᠤᠶᠤᠯ ᠨᠡᠩ ᠲᠤᠳᠤᠷᠠᠵᠤ᠂ ᠦᠪᠡᠷᠮᠢᠴᠡ ᠭᠠᠶᠢᠬᠠᠯᠲᠠᠢ᠂ ᠦᠨᠡ ᠦᠷᠲᠡᠭ ᠢᠶᠠᠷ ᠢᠶᠠᠨ | ᠳᠡᠯᠡᠬᠡᠢ ᠶᠢᠨ ᠪᠠᠭ᠋ᠠᠷᠬᠠᠯ ᠲᠠᠭᠠᠰᠢᠶᠠᠯ ᠳᠤ ᠬᠦᠷᠬᠦ ᠪᠤᠯᠤᠨᠠ᠃ | |