| ᠴᠠᠭᠠᠨ ᠰᠠᠷᠠ ᠳᠤ᠂ ᠢᠯᠠᠩᠭᠤᠶᠠ ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠢᠭᠡᠨ ᠳᠤ ᠴᠡᠭᠡᠷᠯᠡᠨ ᠪᠤᠯᠭᠤᠮᠵᠢᠯᠠᠳᠠᠭ | ᠶᠤᠰᠣᠨ᠃ ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠢᠭᠡᠨ ᠪᠣᠯ ᠣᠨ᠂ ᠰᠠᠷᠠ᠂ ᠡᠳᠦᠷ ᠤᠨ ᠡᠬᠢ ᠪᠤᠯᠬᠤᠷ ᠰᠠᠶᠢᠨ | ᠰᠠᠶᠢᠬᠠᠨ ᠢᠶᠠᠷ ᠡᠬᠢᠯᠡᠬᠦ ᠶᠢ ᠦᠯᠵᠡᠢ ᠪᠡᠯᠭᠡ ᠪᠠᠷ ᠦᠵᠡᠵᠦ ᠮᠠᠭᠤ ᠮᠠᠭᠤᠬᠠᠢ ᠵᠤᠶᠢᠯ ᠢ ᠮᠠᠭᠤ ᠶᠢᠨ ᠪᠡᠯᠭᠡ ᠪᠠᠷ | ᠦᠵᠡᠵᠦ᠂ ᠮᠠᠭᠤ ᠮᠠᠭᠤᠬᠠᠢ ᠵᠤᠶᠢᠯ ᠢ ᠮᠠᠭᠤ ᠶᠢᠨ ᠪᠡᠯᠭᠡᠳᠡᠯ ᠭᠡᠵᠦ ᠮᠠᠰᠢ ᠴᠡᠭᠡᠷᠯᠡᠳᠡᠭ᠃ | ᠪᠤᠵᠠᠷ᠂ ᠮᠠᠭᠤᠬᠠᠢ᠂ ᠴᠣᠭᠤᠷᠣᠬᠠᠢ ᠬᠤᠪᠴᠠᠰᠣ ᠡᠮᠦᠰᠬᠦ ᠶᠢ ᠴᠡᠭᠡᠷᠯᠡᠨᠡ᠃ ᠭᠡᠷ ᠲᠡᠷᠭᠡ᠂ ᠬᠦᠷᠢᠶᠠ ᠬᠠᠰᠢᠶᠠ | ᠂ ᠬᠤᠭ ᠨᠤᠪᠰᠢ ᠲᠠᠢ ᠪᠠᠶᠢᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠠᠭᠤᠷᠯᠠᠬᠤ᠂ ᠬᠠᠷᠢᠶᠠᠬᠤ᠂ ᠬᠡᠷᠡᠯᠳᠦᠬᠦ᠂ ᠴᠣᠬᠢᠯᠳᠣᠬᠤ ᠶᠢ | ᠴᠡᠭᠡᠷᠯᠡᠨᠡ᠃ ᠲᠡᠷᠡᠴᠢᠯᠡᠨ ︽ᠦᠭᠡᠢ︾᠂ ︽ᠬᠤᠭᠤᠰᠣᠨ︾᠂ ︽ᠦᠬᠦᠬᠦ︾᠂ ︽ᠮᠦᠬᠦᠬᠦ︾᠂ ︽ᠣᠨᠲᠠᠷᠠᠬᠤ︾ | ᠮᠡᠳᠦ ᠶᠢᠨ ᠪᠡᠯᠭᠡ ᠳᠡᠮᠪᠡᠷᠡᠯ ᠦᠭᠡᠢ ᠦᠭᠡᠰ ᠢ ᠴᠦ ᠴᠡᠭᠡᠷᠯᠡᠳᠡᠭ᠃ ᠵᠠᠶᠢᠯᠠᠰᠢ ᠦᠭᠡᠢ ᠬᠡᠯᠡᠬᠦ ᠴᠢᠬᠤᠯᠠᠲᠠᠢ ᠦᠭᠡᠰ ᠢ | ᠠᠯᠢ ᠪᠤᠯᠬᠤ ᠪᠠᠷ ᠡᠶᠡᠷᠡᠭᠦᠯᠵᠦ ᠬᠡᠯᠡᠬᠦ ᠪᠤᠶᠤ ᠳᠠᠯᠲᠠ ᠣᠳᠬᠠ ᠲᠠᠢ ᠦᠭᠡ ᠪᠠᠷ ᠳᠠᠮ ᠮᠡᠳᠡᠭᠳᠡᠨᠡ᠃ ᠡᠶᠢᠮᠦ ᠠᠴᠠ | ᠮᠤᠩᠭᠤᠯᠴᠣᠳ ᠰᠠᠶᠢᠬᠠᠨ ᠦᠭᠡ ᠶᠠᠷᠢᠬᠤ ᠶᠢ ᠶᠡᠷᠦ ᠳᠡᠭᠡᠨ ︽ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠢᠭᠡᠨ ᠤ ᠦᠭᠡ︾ | ᠶᠠᠷᠢᠵᠦ ᠪᠠᠶᠢᠨᠠ ᠭᠡᠳᠡᠭ᠃ ᠲᠡᠭᠦᠨᠴᠢᠯᠡᠨ ᠮᠠᠯ ᠤᠨᠤᠭᠠ ᠠᠷᠠᠴᠢᠯᠠᠵᠤ ᠬᠠᠷᠢᠭᠤᠯᠬᠤ ᠳᠠᠭᠠᠨ ᠴᠦ ᠮᠠᠭᠤ ᠮᠠᠭᠤᠬᠠᠢ | ᠦᠭᠡ ᠪᠠᠷ ᠬᠠᠷᠢᠶᠠᠵᠤ ᠵᠦᠬᠡᠳᠡᠭ ᠦᠭᠡᠢ ᠶᠤᠮ᠃ ᠬᠡᠦᠬᠡᠳ ᠪᠠᠭᠠᠴᠣᠳ ᠢᠶᠠᠨ ᠰᠣᠷᠭᠠᠵᠣ ᠬᠡᠯᠡᠬᠦ ᠳᠡᠭᠡᠨ ᠴᠦ ᠠᠯᠢ | ᠪᠤᠯᠬᠤ ᠪᠠᠷ ᠵᠦᠪ ᠰᠠᠶᠢᠬᠠᠨ ᠵᠦᠭᠡᠯᠡᠨ ᠦᠭᠡ ᠪᠠᠷ ᠣᠳᠣᠷᠢᠳᠣᠨ ᠶᠠᠷᠢᠨᠠ᠃ ᠭᠤᠨᠢᠭᠷᠠᠬᠤ᠂ ᠭᠠᠰᠠᠯᠬᠤ᠂ ᠣᠭᠢᠯᠠᠬᠤ | ᠶᠢ ᠮᠠᠭᠤ ᠢᠷᠸᠠ ᠭᠡᠳᠡᠭ᠃ ᠢᠯᠠᠩᠭᠤᠶᠠ ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠢᠭᠡᠨ ᠳᠤ ᠡᠶᠢᠮᠦᠷᠬᠦ ᠦᠵᠡᠭᠳᠡᠯ ᠭᠠᠷᠪᠠᠯ | ᠪᠦᠬᠦᠯᠢ ᠵᠢᠯ ᠳᠤ ᠮᠠᠭᠤ ᠢᠷᠸᠠ ᠪᠤᠯᠤᠨᠠ ᠭᠡᠳᠡᠭ᠃ | ᠡᠴᠢᠬᠡ ᠡᠬᠡ ᠨᠢ ᠦᠩᠭᠡᠷᠡᠭᠰᠡᠨ ᠵᠢᠯ ᠨᠠᠰᠣ ᠪᠠᠷᠠᠭᠰᠠᠨ ᠪᠣᠯ ᠴᠠᠭᠠᠨ ᠰᠠᠷᠠ ᠳᠤ ᠬᠠᠳᠠᠭ ᠰᠠᠮᠪᠠᠢ ᠪᠠᠷᠢᠵᠦ | ᠵᠤᠯᠭᠠᠵᠤ ᠰᠢᠨᠡᠯᠡᠬᠦ᠂ ᠠᠶᠢᠯᠴᠢᠯᠠᠨ ᠶᠠᠪᠤᠬᠤ᠂ ᠭᠡᠵᠢᠭᠡ ᠦᠰᠦ ᠪᠠᠨ ᠠᠪᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ ᠢᠯᠠᠩᠭᠤᠶᠠ ᠠᠷᠢᠬᠢ | ᠳᠠᠷᠠᠰᠣ ᠣᠣᠭᠤᠵᠣ ᠳᠠᠭᠤᠯᠠᠯᠳᠣᠨ ᠬᠦᠭᠡᠷᠦᠯᠳᠦᠬᠦ ᠶᠢ ᠴᠡᠭᠡᠷᠯᠡᠳᠡᠭ᠃ ᠦᠨᠳᠦᠷ ᠨᠠᠰᠣᠲᠠᠨ ᠠᠬᠠᠮᠠᠳ ᠬᠦᠮᠦᠨ ᠲᠠᠢ | ᠵᠤᠯᠭᠠᠬᠤ ᠳᠠᠭᠠᠨ ︽ᠰᠢᠨᠡ ᠶᠢᠨ ᠲᠤᠯᠤᠭᠠᠢ ᠮᠦᠷᠭᠦᠵᠦ ᠪᠠᠶᠢᠨᠠ︕︾ ᠭᠡᠵᠦ ᠬᠡᠯᠡᠭᠡᠳ ᠮᠦᠷᠭᠦᠨᠡ᠃ ᠪᠤᠰᠣᠳ | ᠬᠦᠮᠦᠨ ᠮᠦᠨ ᠠᠶᠢᠯᠴᠢᠯᠠᠨ ᠬᠦᠷᠳᠡᠭ ᠴᠦ ᠲᠡᠭᠡᠵᠦ ᠨᠠᠶᠢᠷᠯᠠᠵᠤ ᠰᠠᠭᠤᠳᠠᠭ ᠦᠭᠡᠢ᠃ ᠴᠠᠢ᠂ ᠬᠤᠭᠤᠯᠠ ᠠᠮᠰᠠᠨ | ᠶᠤᠰᠣ ᠭᠦᠢᠴᠡᠳᠬᠡᠪᠡᠯ ᠪᠤᠯᠴᠢᠬᠠᠨᠠ᠃ ᠪᠤᠰᠣᠳ ᠬᠦᠮᠦᠨ ᠮᠡᠳᠡᠬᠦ ᠦᠭᠡᠢ ᠪᠤᠶᠤ ᠠᠳᠡᠭᠦᠷᠡᠭᠡᠳ ᠬᠠᠳᠠᠭ ᠰᠠᠮᠪᠠᠢ | ᠪᠠᠷᠢᠵᠦ ᠵᠤᠯᠭᠠᠬᠤ ᠭᠡᠪᠡᠯ ︽ᠨᠠᠳᠠ ᠳᠤ ᠡᠨᠡ ᠵᠢᠯ ᠰᠢᠨᠡ ᠦᠭᠡᠢ ᠶᠤᠮ︾ ᠭᠡᠳ ᠭᠠᠷ ᠢᠶᠠᠨ ᠠᠷᠣ ᠳᠠᠭᠠᠨ ᠨᠢᠭᠤᠨᠠ | ᠃ ᠢᠩᠭᠢᠪᠡᠯ ᠡᠴᠢᠭᠡ ᠡᠬᠡ ᠨᠢ ᠦᠩᠭᠡᠷᠡᠭᠡᠳ ︽ᠴᠠᠭᠠᠨ︾ ᠲᠠᠢ ᠪᠠᠶᠢᠬᠤ ᠶᠢ ᠮᠡᠳᠡᠴᠢᠬᠡᠳᠡᠭ᠃ ᠡᠨᠡ ᠦᠶᠡ ︵ | ᠴᠠᠭᠠᠨ ᠰᠠᠷᠠ ᠶᠢᠨ ᠵᠤᠯᠭᠠᠯᠲᠠ︶ ᠳᠤ ᠬᠡᠵᠢᠶᠡ᠂ ᠶᠠᠮᠠᠷ ᠬᠦᠮᠦᠨ ᠴᠢᠨᠢ ᠶᠠᠭᠠᠬᠢᠵᠦ ᠨᠠᠰᠣ ᠪᠠᠷᠠᠪᠠ ᠭᠡᠵᠦ | ᠣᠬᠤᠴᠢᠯᠠᠵᠤ ᠠᠰᠠᠭᠤᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ | ᠴᠠᠭᠠᠨ ᠰᠠᠷᠠ ᠳᠤ ᠭᠠᠳᠠᠭᠰᠢ ᠡᠳ᠋ ᠶᠠᠭᠤᠮᠠ ᠵᠢᠭᠡᠯᠡᠭᠦᠯᠵᠦ ᠦᠭᠪᠡᠯ ᠭᠠᠷᠣᠵᠠ ᠭᠠᠷᠣᠯᠭᠠ ᠶᠢᠨ ᠡᠭᠦᠳᠡ | ᠨᠡᠭᠡᠭᠡᠭᠳᠡᠨᠡ ᠭᠡᠵᠦ ᠴᠡᠭᠡᠷᠯᠡᠳᠡᠭ᠃ | ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠢᠭᠡᠨ ᠤ ᠦᠷᠯᠦᠭᠡ ᠶᠢᠨ ᠵᠤᠯᠠ ᠶᠢᠨ ᠭᠠᠯ ᠢ ᠬᠠᠭᠤᠴᠢᠨ ᠭᠠᠯ ᠤᠨ ᠴᠤᠭ | ᠴᠣᠴᠠᠯᠢ ᠪᠠᠷ ᠠᠰᠠᠭᠠᠬᠤ ᠶᠢ ᠴᠡᠭᠡᠷᠯᠡᠵᠦ ᠵᠠᠪᠠᠯ ᠰᠢᠨᠡ ᠭᠠᠯ ᠢᠶᠠᠷ ᠠᠰᠠᠭᠠᠨᠠ᠃ ᠣᠴᠢᠷ ᠨᠢ ᠰᠢᠨᠡ ᠣᠨ ᠳᠤ | ᠠᠯᠢᠪᠠ ᠪᠦᠬᠦᠨ ᠰᠢᠨᠡ ᠪᠠᠷ ᠡᠬᠢᠯᠡᠬᠦ ᠶᠢᠨ ᠪᠡᠯᠭᠡ ᠳᠡᠮᠪᠡᠷᠡᠯ ᠪᠤᠯᠭᠠᠨ ᠪᠡᠯᠭᠡᠰᠢᠶᠡᠳᠡᠭ᠃ | ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠢᠭᠡᠨ ᠳᠤ ᠠᠶᠢᠯ ᠳᠤ ᠬᠤᠨᠣᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠬᠡᠷᠪᠡ ᠬᠤᠨᠤᠪᠠᠯ | ᠲᠡᠷᠡ ᠵᠢᠯ ᠳᠡᠭᠡᠨ ᠭᠡᠷ ᠲᠡᠭᠡᠨ ᠲᠣᠭᠲᠠᠬᠤ ᠦᠭᠡᠢ ᠬᠡᠰᠦᠭᠦᠴᠢᠯᠡᠨᠡ ᠭᠡᠳᠡᠭ᠃ | |