| | | ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠤ ᠴᠡᠬᠡᠵᠢᠯᠡᠬᠦ ᠴᠢᠳᠠᠪᠦᠷᠢ ᠴᠤᠬᠤᠮ ᠬᠡᠳᠦᠢ ᠤᠷᠳᠤ ᠨᠠᠰᠤ ᠲᠠᠢ ᠪᠠᠶᠢᠳᠠᠭ ᠪᠤᠯ︖ | ᠲᠡᠯᠡᠬᠡᠢ ᠶᠢᠨ ᠠᠯᠢ ᠨᠢᠬᠡᠨ ᠦᠨᠳᠦᠰᠦᠳᠡᠨ ᠤᠶᠤᠨ ᠤ ᠴᠢᠳᠠᠪᠬᠢ ᠤᠢ ᠲᠤᠭᠳᠠᠭᠠᠯ ᠢᠶᠠᠷ ᠢᠶᠠᠨ ᠲᠡᠷᠢᠬᠦᠯᠡᠬᠦ ᠪᠤᠯ︖ | ᠡᠳᠡᠬᠡᠷ ᠲᠤ ᠵᠦᠪ ᠬᠠᠷᠢᠭᠤᠯᠳᠠ ᠪᠠᠶᠢᠬᠤ ᠪᠤᠯ ᠤᠤ︖ | ᠬᠦᠮᠦᠨ ᠤ ᠴᠡᠬᠡᠵᠢᠯᠡᠬᠦ ᠴᠢᠳᠠᠪᠬᠢ ᠂ ᠤᠶᠢᠨ ᠳᠤ ᠪᠠᠨ ᠮᠡᠳᠡᠯᠬᠡ ᠮᠡᠳᠡᠴᠡ᠂ ᠰᠤᠷᠠᠭ ᠴᠢᠮᠡᠭᠡ ᠲᠤᠭᠳᠠᠭᠠᠬᠤ | ᠴᠢᠳᠠᠪᠤᠷᠢ ᠲᠧᠭᠨᠢᠭ ᠤᠨ ᠬᠦᠭᠵᠢᠯᠳᠡ ᠶᠢ ᠲᠠᠭᠠᠯᠳᠤᠭᠠᠳ ᠠᠶᠤᠮᠰᠢᠭᠳᠠᠢ ᠪᠠᠭᠤᠷᠠᠯᠳᠠ ᠶᠢᠨ ᠱᠠᠳᠤᠨ ᠳᠤ ᠪᠠᠨ | ᠤᠷᠤᠵᠤ ᠪᠠᠶᠢᠭᠠ ᠬᠡᠳᠡᠭ ᠢ ᠦᠨᠦᠬᠡᠳᠦᠷ ᠲᠡᠯᠡᠬᠡᠢ ᠳ᠋ᠠᠬᠢᠨ ᠤ ᠬᠢᠨ ᠲᠠᠭᠤᠨ ᠨᠢᠬᠡ ᠲᠠᠢ ᠵᠦᠪᠰᠢᠶᠡᠷᠡᠬᠡᠳ | ᠪᠠᠶᠢᠨᠠ᠃ ᠡᠨᠡ ᠴᠤᠬᠤᠮ ᠶᠠᠭᠤᠨ ᠠᠴᠠ ᠪᠤᠯᠪᠠ︖ ᠬᠡᠨ ᠲᠡᠳᠡᠨ ᠤ ᠴᠡᠬᠡᠵᠢᠨ ᠳᠤ ᠪᠠᠶᠢᠬᠤ ᠶᠤᠰᠤᠳᠠᠢ | ᠬᠠᠳᠠᠭᠠᠯᠠᠮᠵᠢ ᠠᠴᠠ ᠬᠢᠮᠤᠰᠤᠯᠠᠪᠠ︖ ᠬᠡᠨ ᠲᠡᠳᠡᠨ ᠤ ᠬᠠᠳᠠᠭᠠᠯᠠᠮᠵᠢ ᠶᠢᠨ ᠲᠤᠭᠠ ᠪᠠᠨ ᠦᠰᠬᠡᠬᠦ ᠡᠷᠬᠡ ᠶᠢ | ᠬᠠᠰᠤᠪᠠ︖ | ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠴᠡᠬᠡᠵᠢᠨ ᠳᠤ ᠪᠠᠨ ᠬᠠᠳᠠᠭᠠᠯᠠᠬᠤ ᠶᠤᠰᠤᠳᠠᠢ ᠵᠦᠢᠯ ᠢᠶᠠᠨ ᠦᠨᠦᠬᠡᠳᠦᠷ ᠲᠤᠩ | ᠲᠦᠬᠦᠮᠬᠡᠨ ᠢᠶᠠᠷ ᠺᠦᠮᠫᠢᠤᠲ᠋ᠧᠷ᠂ ᠭᠠᠷ ᠤᠳᠠᠰᠤ ᠵᠡᠷᠬᠡ ᠳᠤ ᠪᠠᠨ ᠬᠠᠳᠠᠭᠠᠯᠠᠵᠤ ᠵᠠᠩᠰᠢᠭᠰᠠᠨ ᠮᠦᠷᠳᠡᠬᠡᠨ | ᠬᠡᠷᠡᠭᠴᠡᠭᠡ ᠲᠠᠢ ᠶᠠᠭᠤᠮᠠ ᠪᠦᠬᠦᠨ ᠢᠶᠠᠨ ᠬᠡᠳᠦᠬᠡᠨ ᠬᠤᠷᠤᠮ ᠤᠨ ᠲᠤᠳᠤᠷᠠ ᠰᠦᠯᠵᠢᠶᠡᠨ ᠠᠴᠠ ᠠᠪᠴᠤ | ᠴᠢᠳᠠᠳᠠᠭ ᠪᠤᠯᠵᠡᠢ᠃ ᠡᠶᠢᠮᠤ ᠠᠴᠠ ᠲᠡᠳᠡᠨ ᠤ ᠴᠡᠬᠡᠵᠢᠨ ᠳᠤ ᠶᠠᠭᠤ ᠴᠤ ᠬᠤᠨᠤᠭᠰᠢᠬᠤ ᠪᠠᠨ ᠪᠤᠯᠢᠵᠤ᠂ ᠴᠡᠬᠡᠵᠢᠨ | ᠳᠤ ᠪᠠᠨ ᠶᠠᠮᠠᠷ ᠴᠤ ᠬᠠᠳᠠᠭᠠᠯᠠᠮᠵᠢ ᠦᠬᠡᠢ ᠤᠯᠤᠰ ᠤᠳ ᠰᠦᠯᠵᠢᠶᠡ ᠦᠬᠡᠢ ᠪᠠᠷ ᠶᠠᠭᠤ ᠴᠤ ᠬᠢᠵᠤ ᠪᠦᠳᠦᠬᠡᠵᠤ | ᠴᠢᠳᠠᠬᠤ ᠦᠬᠡᠢ ᠪᠤᠯᠵᠡᠢ᠂ ᠡᠬᠦᠨ ᠢ ᠲᠠᠭᠠᠯᠳᠤᠨ ᠴᠡᠬᠡᠵᠢᠯᠡᠬᠦ ᠴᠢᠳᠡᠪᠦᠷᠢ ᠨᠢ ᠤᠷᠢᠳ ᠡᠮᠦᠨᠡ ᠪᠠᠶᠢᠭᠠ ᠦᠬᠡᠢ | ᠲᠤᠷᠦᠶᠢᠳᠡᠵᠤ᠂ ᠴᠡᠬᠡᠵᠢᠨ ᠳᠤ ᠬᠠᠳᠠᠭᠠᠯᠠᠭᠰᠠᠨ ᠵᠦᠢᠯᠡᠰ ᠢᠶᠠᠨ᠂ ᠲᠡᠷᠢᠬᠢᠨ ᠳᠤ ᠪᠠᠨ ᠬᠦᠮᠦᠷᠬᠡᠯᠡᠭᠰᠡᠨ ᠬᠦᠷᠦᠩᠬᠡ | ᠪᠠᠨ ᠨᠡᠮ ᠰᠡᠯᠡᠬᠦᠦ ᠤᠷᠴᠢᠨ ᠳᠤ ᠪᠠᠶᠢᠬᠤ ᠳᠤ ᠪᠠᠨ ᠨᠡᠬᠡᠨ ᠰᠠᠨᠠᠵᠤ᠂ ᠤᠶᠤᠨ ᠤᠬᠠᠭᠠᠨ ᠳᠤ ᠪᠠᠨ ᠪᠢᠰᠢᠯᠭᠠᠨ | ᠲᠡᠨᠳᠡ ᠠᠴᠠ ᠶᠠᠭᠤ ᠨᠢᠬᠡ ᠶᠢ ᠰᠡᠷᠡᠨ ᠮᠡᠳᠡᠷᠡᠵᠤ᠂ ᠵᠦᠪ ᠵᠦᠢᠯ ᠢ ᠨᠡᠬᠡᠬᠡᠬᠦ ᠬᠡᠮᠡᠨ ᠵᠢᠳᠬᠦᠳᠡᠭ ᠡᠷᠳᠡᠨ ᠤ ᠮᠡᠷᠬᠡᠳ | ᠤᠨ ᠠᠶᠢᠯᠠᠳᠬᠠᠯ ᠦᠨᠦ ᠶᠢᠨ ᠬᠦᠮᠦᠰ ᠲᠤ ᠲᠠᠭ ᠠᠯᠠᠭᠠ ᠪᠤᠯᠵᠡᠢ᠃ ᠬᠦᠮᠦᠨ ᠤᠩᠰᠢᠬᠤ ᠪᠠᠨ ᠪᠠᠶᠢᠪᠠᠯ | ᠤᠬᠠᠮᠰᠠᠷᠠᠬᠤ ᠪᠠᠨ ᠪᠤᠯᠢᠨᠠ᠂ ᠬᠦᠮᠦᠨ ᠴᠡᠬᠡᠵᠢᠯᠡᠬᠦ ᠪᠠᠨ ᠪᠤᠯᠢᠪᠠᠯ ᠴᠢᠳᠠᠪᠤᠷᠢ ᠪᠠᠨ ᠠᠯᠳᠠᠨᠠ᠃ | ᠦᠨᠦ ᠶᠢᠨ ᠬᠡᠦᠬᠡᠳ ᠤᠳ ᠤᠨ ᠬᠠᠮᠤᠭ ᠠᠴᠠ ᠲᠤᠯᠤᠭᠠᠢ ᠡᠪᠡᠳᠳᠡᠭ ᠵᠦᠢᠯ ᠪᠤᠯ ᠬᠢᠴᠢᠶᠡᠯ ᠲᠠᠰᠬᠠᠯ ᠢᠶᠠᠨ | ᠴᠡᠬᠡᠵᠢᠯᠡᠬᠦ ᠶᠠᠪᠤᠳᠠᠯ᠃ ᠭᠠᠭᠴᠠ ᠲᠠᠭᠤᠤ ᠲᠠᠭᠤᠯᠠᠭᠠᠳ ᠠᠯᠢ ᠬᠡᠬᠦ ᠳᠤ ᠦᠬᠡ ᠶᠢ ᠨᠢ ᠲᠤᠭᠳᠠᠭᠠᠭᠰᠠᠨ ᠦᠬᠡᠢ | ᠬᠡᠳ ᠭᠠᠷ ᠤᠳᠠᠰᠤ ᠪᠠᠨ ᠨᠡᠬᠡᠬᠡᠵᠤ ᠲᠠᠭᠤᠯᠠᠨᠠ᠂ ᠭᠠᠭᠴᠠ ᠰᠢᠯᠦᠭ ᠤᠡᠭᠰᠢᠭᠠᠳ ᠬᠠᠶᠢᠷᠠᠯᠠ ᠬᠡᠬᠦ ᠳᠤ ᠭᠠᠷ | ᠤᠳᠠᠰᠤᠨ ᠤ ᠲᠡᠮᠳᠡᠭᠯᠡᠯ ᠢᠶᠠᠨ ᠡᠷᠢᠵᠤ ᠲᠦᠩᠬᠢᠨᠡᠨᠡ᠃ ᠡᠨᠡ ᠴᠤᠬᠤᠮ ᠬᠦᠮᠦᠨ ᠤ ᠪᠤᠷᠤᠭᠤ ᠤᠤ︖ ᠬᠦᠭᠵᠢᠵᠤ | ᠪᠠᠶᠢᠭᠠ ᠴᠠᠭ ᠡᠷᠡᠨ ᠤ ᠪᠤᠷᠤᠭᠤ ᠤᠤ︖ ᠪᠢᠳᠠ ᠬᠡᠷᠪᠡ ᠰᠠᠷᠮᠠᠭᠴᠢᠨ ᠠᠴᠠ ᠬᠦᠭᠵᠢᠵᠤ ᠢᠷᠡᠭᠰᠡᠨ ᠬᠡᠳᠡᠭ ᠪᠤᠯ | ᠵᠦᠪᠬᠡᠨ ᠲᠦᠷᠪᠡᠨ ᠮᠦᠴᠢ ᠨᠢ ᠬᠦᠭᠵᠢᠭᠰᠡᠨ ᠬᠡᠳᠡᠭ ᠦᠩᠬᠡᠨ ᠲᠠᠯᠠ ᠠᠴᠠ ᠤᠶᠢᠯᠠᠭᠠᠵᠤ ᠪᠤᠯᠬᠤ ᠤᠤ︖᠂ ᠮᠡᠨ | ᠤ ᠤᠢ ᠲᠤᠭᠳᠠᠭᠠᠯ ᠬᠠᠷᠢᠨ ᠦᠨᠳᠦᠷ ᠬᠦᠭᠵᠢᠯᠳᠡ ᠪᠠᠨ ᠤᠯᠵᠤ ᠤᠯᠠᠷᠢᠵᠤ ᠢᠷᠡᠭᠰᠡᠨ ᠰᠢᠤ᠂ ᠮᠡᠨ ᠤ ᠶᠡᠷᠦ ᠶᠢᠨ | ᠠᠮᠢᠳᠤᠷᠠᠯ ᠳᠤ ᠤᠢ ᠰᠠᠶᠢᠨ ᠬᠡᠦᠬᠡᠳ ᠬᠡᠳᠡᠭ ᠨᠢ ᠴᠡᠬᠡᠵᠢᠯᠡᠬᠦ ᠴᠢᠳᠡᠪᠦᠷᠢ ᠰᠠᠶᠢᠨ ᠮᠦᠷᠳᠡᠬᠡᠨ ᠦᠵᠡᠭᠰᠡᠨ᠂ | ᠬᠠᠷᠠᠭᠰᠠᠨ᠂ ᠤᠡᠭᠰᠢᠭ᠌ᠰᠠᠨ ᠢᠶᠠᠨ ᠠᠮᠠᠷᠬᠠᠨ ᠴᠡᠬᠡᠵᠢᠨ ᠳᠤ ᠪᠠᠨ ᠲᠤᠭᠳᠠᠭᠠᠳᠠᠭ ᠬᠡᠦᠬᠡᠳ ᠢ ᠯᠡ ᠬᠡᠯᠡᠳᠡᠭ ᠪᠠᠶᠢᠬᠤ᠃ | | ᠬᠡᠳᠦᠨ ᠡᠳᠦᠷ ᠢᠶᠠᠷ ᠲᠤᠤᠯᠢ ᠬᠠᠶᠢᠯᠵᠤ᠂ ᠬᠤᠭᠤᠷ ᠤᠨ ᠦᠯᠢᠬᠡᠷ ᠶᠠᠷᠢᠳᠠᠭ ᠬᠦᠮᠦᠰ ᠮᠡᠨ ᠤ ᠪᠤᠭᠤᠷᠤᠯᠴᠤᠳ ᠤᠨ | ᠲᠤᠮᠳᠠ ᠪᠠᠶᠢᠵᠤ ᠯᠡ ᠪᠠᠶᠢᠭᠰᠠᠨ᠂ ᠪᠠᠶᠢᠵᠤ ᠯᠡ ᠪᠠᠶᠢᠨᠠ᠃ ᠭᠤᠷᠪᠠᠨ ᠰᠦᠨᠢ ᠨᠠᠶᠢᠷ ᠲᠤ ᠰᠠᠭᠤᠴᠢᠬᠠᠭᠠᠳ ᠲᠠᠭᠤᠤ | ᠲᠠᠪᠳᠠᠳᠠᠭ ᠦᠬᠡᠢ ᠪᠤᠭᠤᠷᠤᠯ ᠲᠠᠭᠤᠴᠢᠳ ᠮᠠᠨ ᠤ ᠲᠡᠷᠬᠡᠳᠡ ᠦᠨᠦᠬᠡᠳᠦᠷ ᠴᠤ ᠠᠮᠢᠳᠤ ᠲᠡᠤᠬᠡ ᠪᠤᠯᠤᠨ ᠪᠠᠭ᠋ᠠᠷᠬᠠᠯ | ᠲᠦᠷᠦᠬᠦᠯᠦᠨ ᠬᠠᠨᠠ ᠲᠠᠢ ᠬᠡᠷ ᠤᠨ ᠮᠢᠨᠢ ᠬᠤᠶᠢᠮᠤᠷ ᠲᠦᠬᠦᠷᠬᠡᠨ ᠬᠠᠨᠠᠶᠢᠭᠰᠠᠭᠠᠷ ᠯᠡ ᠪᠠᠶᠢᠨᠠ᠃ ᠡᠳᠦᠷ ᠤᠨ | ᠤᠳᠤ ᠰᠢᠭ᠋ ᠴᠦᠬᠡᠷᠡᠭᠰᠡᠬᠡᠷ ᠯᠡ ᠪᠠᠶᠢᠭᠠ ᠨᠢ ᠬᠠᠷᠠᠮᠰᠠᠯ ᠲᠦᠷᠦᠬᠦᠯᠬᠦ ᠶᠤᠮ᠃ ᠲᠡᠷᠡ ᠶᠡᠭᠡ ᠴᠡᠴᠡᠨ ᠴᠡᠯᠮᠡᠭ ᠤᠢ | ᠤᠬᠠᠭᠠᠨ ᠢ ᠦᠨᠦ ᠶᠢᠨ ᠪᠢᠳᠡ ᠶᠠᠭᠠᠬᠢᠭᠠᠳ ᠬᠦᠨᠳᠦᠡᠯᠬᠦ ᠦᠬᠡᠢ᠂ ᠬᠦᠢᠴᠡᠬᠦ ᠦᠬᠡᠢ ᠪᠠᠶᠢᠨᠠ᠃ ᠡᠨᠡ ᠨᠢ | ᠭᠠᠷᠴᠠᠭᠠ ᠦᠬᠡᠢ ᠦᠨᠳᠦᠷ ᠬᠦᠭᠵᠢᠯᠳᠡ ᠪᠢᠳᠡᠨ ᠢ ᠵᠠᠯᠬᠠᠭᠤ᠂ ᠶᠠᠭᠤ ᠨᠢᠬᠡᠨ ᠳᠤ ᠨᠠᠶᠢᠳᠠᠮᠳᠠᠭᠠᠢ ᠪᠤᠯᠭᠠᠵᠤ | ᠰᠤᠷᠭᠠᠭᠰᠠᠭᠠᠷ᠃ | ᠠᠯᠢ ᠠᠮᠠᠷᠬᠠᠨ ᠤᠯᠵᠤ ᠢᠷᠡᠭᠰᠡᠨ ᠶᠠᠭᠤᠮᠠ ᠠᠯᠢ ᠠᠮᠠᠷᠬᠠᠨ ᠮᠠᠷᠳᠠᠭᠳᠠᠨᠠ᠂ ᠴᠡᠬᠡᠵᠢᠯᠡᠬᠦ ᠴᠢᠳᠠᠪᠤᠷᠢ | ᠲᠤᠷᠤᠶᠢᠳᠠᠬᠤ ᠲᠤᠳᠤᠮ ᠬᠦᠮᠦᠨ ᠤ ᠬᠤᠯᠪᠤᠨ ᠪᠤᠳᠤᠬᠤ ᠴᠢᠳᠠᠪᠦᠷᠢ ᠪᠠᠭᠤᠷᠠᠯᠳᠠ ᠤᠷᠤᠭᠤ ᠪᠠᠨ ᠲᠦᠬᠦᠨᠡ᠂ | ᠴᠡᠬᠡᠵᠢᠨ ᠳᠤ ᠬᠠᠳᠠᠭᠠᠯᠠᠭᠰᠠᠨ ᠵᠦᠢᠯ ᠢᠶᠠᠨ ᠬᠦᠮᠦᠰ ᠡᠮᠬᠢᠯᠡᠵᠤ ᠴᠡᠭᠴᠡᠯᠡᠬᠦ ᠲᠤᠳᠤᠮ ᠴᠡᠬᠡᠵᠢᠯᠡᠬᠦ ᠤᠷᠮᠠᠰ | ᠲᠠᠶᠢᠴᠢᠯᠠᠭᠳᠠᠨ ᠠᠵᠠ ᠵᠢᠷᠭᠠᠯ ᠮᠡᠳᠡᠷᠡᠭᠳᠡᠨᠡ᠃ ᠤᠷᠮᠠ ᠪᠠᠬᠠ ᠲᠠᠢ ᠬᠦᠯᠢᠶᠡᠨ ᠠᠪᠤᠭᠰᠠᠨ ᠵᠦᠢᠯ ᠢ ᠬᠦᠮᠦᠨ | ᠠᠮᠠᠷᠬᠠᠨ ᠤᠢ ᠴᠡᠬᠡᠵᠢᠨ ᠳᠤ ᠪᠠᠨ ᠲᠤᠭᠳᠠᠭᠠᠵᠤ ᠴᠢᠳᠠᠳᠠᠭ ᠢᠶᠠᠷ ᠦᠯᠦ ᠪᠠᠷᠠᠨ ᠡᠬᠦᠨ ᠢᠶᠠᠷ ᠲᠠᠮᠵᠢᠭᠤᠯᠤᠨ ᠦᠬᠡ | ᠬᠡᠯᠡ᠂ ᠦᠢᠯᠡ ᠠᠵᠢᠯᠯᠠᠭᠠ᠂ ᠬᠡᠷᠡᠭ ᠪᠤᠳᠠᠰ ᠲᠤ ᠰᠤᠨᠢᠭᠤᠴᠢ ᠰᠡᠳᠬᠢᠯᠬᠡ ᠠᠮᠠᠷᠬᠠᠨ ᠲᠦᠷᠦᠵᠤ ᠴᠢᠳᠠᠳᠠᠭ᠃ | ᠲᠡᠳᠡᠬᠡᠷ ᠰᠤᠨᠢᠭᠤᠴᠢ ᠰᠡᠳᠬᠢᠯ ᠠᠴᠠ ᠠᠵᠠ ᠵᠢᠷᠭᠠᠯ ᠲᠦᠷᠦᠳᠡᠭ᠂ ᠦᠨᠦ ᠶᠢᠨ ᠬᠦᠮᠦᠰ ᠤᠨ ᠠᠮᠠᠷᠬᠠᠨ | ᠪᠤᠬᠢᠨᠢᠳᠤᠬᠤ ᠵᠠᠩ ᠨᠢ ᠲᠡᠳᠡᠨ ᠤ ᠴᠡᠬᠡᠵᠢᠯᠡᠬᠦᠢ ᠲᠤᠷᠦᠶᠢᠳᠠᠭᠰᠠᠨ ᠠᠴᠠ ᠲᠤᠷᠠᠰᠤᠮᠵᠢ ᠨᠢ ᠶᠠᠳᠠᠭᠤ ᠪᠤᠯᠵᠤ᠂ | ᠲᠤᠷᠠᠰᠤᠮᠵᠢ ᠨᠢ ᠶᠠᠳᠠᠭᠤ ᠪᠤᠯᠤᠭᠰᠠᠨ ᠠᠴᠠ ᠰᠠᠶᠢᠨ ᠰᠠᠶᠢᠬᠠᠨ᠂ ᠵᠢᠷᠭᠠᠯ ᠠᠮᠳᠠᠯᠠᠭᠳᠠᠭᠰᠠᠨ ᠵᠦᠢᠯ ᠮᠡᠳᠡᠷᠡᠭᠳᠡᠬᠦ ᠪᠠᠨ | ᠪᠠᠶᠢᠭᠰᠠᠨ ᠲᠠᠢ ᠬᠤᠯᠪᠤᠭᠠ ᠲᠠᠢ᠃ | ᠴᠡᠬᠡᠵᠢᠯᠡᠬᠦ ᠴᠢᠳᠠᠪᠦᠷᠢ ᠪᠠᠷ ᠦᠨᠳᠦᠷ᠂ ᠶᠠᠭᠤᠮᠠ ᠪᠦᠬᠦᠨ ᠢ ᠠᠮᠠᠷᠬᠠᠨ ᠲᠤᠭᠳᠠᠭᠠᠨ ᠠᠪᠴᠤ᠂ ᠲᠡᠬᠦᠨ ᠢ | ᠪᠠᠨ ᠵᠠᠳᠠᠯᠦᠨ ᠰᠢᠵᠢᠯᠡᠵᠤ ᠴᠢᠳᠠᠳᠠᠭ ᠬᠦᠮᠦᠨ ᠲᠡᠨᠳᠡ ᠠᠴᠠ ᠠᠵᠠ ᠵᠢᠷᠭᠠᠯ ᠢ ᠠᠮᠠᠷᠬᠠᠨ ᠤᠯᠵᠤ ᠡᠳ᠋ᠯᠡᠵᠤ | ᠴᠢᠳᠠᠳᠠᠭ᠃ | ᠬᠦᠮᠦᠨ ᠤ ᠠᠵᠠ ᠵᠢᠷᠭᠠᠯ ᠤᠨ ᠡᠬᠢ ᠡᠬᠦᠰᠪᠦᠷᠢ ᠶᠢᠨ ᠨᠢᠬᠡ ᠤᠮᠳᠠᠭᠠᠶᠢᠯᠠᠵᠤ ᠪᠤᠯᠤᠰᠢ ᠦᠬᠡᠢ ᠵᠦᠢᠯ ᠪᠤᠯ | ᠰᠠᠶᠢᠨ ᠰᠠᠶᠢᠬᠠᠨ ᠲᠤᠷᠠᠰᠤᠮᠵᠢ᠂ ᠲᠤᠷᠠᠳᠬᠠᠯ ᠢᠶᠠᠷ ᠠᠮᠢᠳᠤᠷᠠᠵᠤ ᠪᠠᠶᠢᠭᠠ ᠴᠠᠭ ᠦᠶᠡ ᠪᠠᠨ ᠪᠠᠶᠠᠯᠢᠭᠵᠢᠭᠤᠯᠬᠤ | ᠶᠠᠪᠤᠳᠠᠯ ᠮᠦᠨ᠃ ᠤᠳᠤ ᠴᠠᠭ ᠲᠤ ᠪᠠᠨ ᠯᠡ ᠬᠦᠯᠢᠭᠳᠡᠨ ᠪᠠᠷᠢᠭᠳᠠᠬᠤ ᠪᠢᠰᠢ ᠬᠠᠷᠢᠨ ᠴᠡᠬᠡᠵᠢᠨ ᠤ ᠬᠠᠳᠠᠭᠠᠯᠠᠮᠵᠢ | ᠪᠠᠨ ᠨᠡᠬᠡᠬᠡᠨ ᠲᠤᠷᠭᠠᠨ ᠲᠤᠷᠠᠳᠬᠠᠯ ᠤᠳ ᠤᠨ ᠢᠶᠠᠨ ᠰᠠᠯᠬᠢ ᠶᠢ ᠬᠠᠭᠠᠯᠵᠤ ᠰᠠᠶᠢᠨ ᠰᠠᠶᠢᠬᠠᠨ ᠵᠦᠢᠯ ᠢᠶᠠᠨ | ᠮᠦᠷᠦᠬᠡᠳᠴᠤ ᠲᠡᠬᠦᠨ ᠠᠴᠠ ᠵᠦᠪ ᠡᠨᠧᠷᠬᠢ ᠠᠪᠴᠤ ᠴᠢᠳᠠᠳᠠᠭ ᠪᠤᠯ ᠠᠵᠠ ᠵᠢᠷᠭᠠᠯ ᠢ ᠮᠡᠳᠡᠷᠡᠭᠰᠡᠨ ᠬᠦᠮᠦᠰ᠂ | ᠡᠶᠢᠮᠤ ᠠᠵᠠ ᠵᠢᠷᠭᠠᠯ ᠢ ᠴᠡᠬᠡᠵᠢᠨ ᠳᠤ ᠪᠠᠨ ᠬᠠᠳᠠᠭᠠᠯᠠᠮᠵᠢ ᠦᠬᠡᠢ ᠵᠠᠯᠬᠠᠭᠤ ᠬᠤᠶᠢᠷᠭᠤ ᠬᠦᠮᠦᠰ ᠪᠤᠯ ᠬᠡᠵᠢᠶᠡᠳᠡ | ᠴᠤ ᠤᠯᠵᠤ ᠬᠦᠷᠳᠡᠵᠤ ᠴᠢᠳᠠᠬᠤ ᠦᠬᠡᠢ ᠪᠠᠶᠢᠵᠤ ᠮᠡᠳᠡᠨᠡ᠃ ᠬᠦᠮᠦᠨ ᠨᠠᠰᠤ ᠠᠬᠢᠬᠤ ᠶᠢ ᠲᠠᠭᠠᠯᠳᠤᠨ ᠠᠮᠠᠷᠬᠠᠨ | ᠮᠠᠷᠳᠠᠬᠤ ᠶᠢᠨ ᠡᠪᠡᠳᠴᠢᠨ ᠳᠤ ᠠᠪᠳᠠᠬᠤ ᠨᠢ ᠦᠳᠡᠯᠦᠬᠡ ᠨᠠᠰᠤᠨ ᠤ ᠦᠶᠡ ᠶᠢᠨ ᠬᠠᠮᠤᠭ ᠤᠨ ᠶᠡᠭᠡ ᠪᠤᠬᠢᠨᠢᠳᠤᠯ᠃ | ᠡᠨᠡ ᠨᠢ ᠲᠠᠷᠦᠢ ᠴᠡᠬᠡᠵᠢᠯᠡᠬᠦᠢ ᠳᠤ ᠨᠢ ᠬᠠᠳᠠᠭᠠᠯᠠᠮᠵᠢ ᠦᠬᠡᠢ ᠪᠤᠯᠤᠭᠰᠠᠨ ᠠᠴᠠ ᠪᠤᠯᠵᠤ ᠦᠩᠬᠡᠷᠡᠬᠦᠯᠦᠭᠰᠡᠨ ᠰᠠᠶᠢᠨ | ᠰᠠᠶᠢᠬᠠᠨ ᠵᠦᠢᠯ ᠢᠶᠠᠨ ᠡᠷᠬᠢᠨ ᠰᠠᠨᠠᠬᠤ ᠪᠤᠯᠤᠮᠵᠢ ᠴᠦᠬᠡᠨ ᠪᠤᠯᠤᠭᠰᠠᠨ ᠤ ᠠᠷᠬᠠᠭ ᠪᠤᠶᠤ᠃ | ᠬᠠᠷᠢᠨ ᠦᠨᠦᠬᠡᠳᠦᠷ ᠮᠡᠨ ᠤ ᠲᠡᠷᠬᠡᠳᠡ ᠭᠠᠯ ᠵᠠᠯᠠᠭᠤ ᠪᠠᠷ ᠢᠶᠠᠨ ᠪᠠᠭᠠ ᠨᠠᠰᠤ ᠪᠠᠨ ᠴᠤ ᠬᠦᠷᠳᠡᠯᠡ | ᠮᠠᠷᠳᠠᠴᠢᠬᠠᠮᠠᠷ ᠶᠠᠪᠤᠭᠠ ᠬᠦᠮᠦᠰ ᠤᠯᠠᠨ ᠯᠡ ᠬᠠᠷᠠᠭᠳᠠᠬᠤ ᠪᠤᠯᠤᠭᠰᠠᠨ᠂ ᠡᠬᠦᠨ ᠠᠴᠠ ᠦᠭᠰᠦᠬᠦᠯᠦᠨ ᠨᠤᠳᠤᠭ ᠤᠰᠤ | ᠂ ᠡᠵᠢ ᠠᠪᠤ ᠪᠠᠨ ᠴᠤ ᠮᠠᠷᠳᠠᠬᠤ ᠬᠦᠮᠦᠰ ᠪᠠᠰᠠ ᠪᠠᠶᠢᠨᠠ᠃ | ᠪᠠᠰᠠ ᠨᠢᠬᠡ ᠰᠢᠯᠳᠠᠭᠠᠨ ᠪᠤᠯ ᠪᠢᠳᠠᠨ ᠪᠠᠶᠢᠭᠠᠯᠢ ᠠᠴᠠ ᠲᠡᠩᠳᠡᠬᠦᠦ ᠬᠤᠯᠠᠳᠠᠭᠰᠠᠨ ᠠᠴᠠ ᠴᠡᠬᠡᠵᠢᠯᠡᠬᠦᠢ | ᠬᠦᠭᠰᠢᠷᠡᠵᠤ ᠪᠠᠶᠢᠭᠠ ᠶᠤᠮ᠃ ᠪᠠᠶᠢᠭᠠᠯᠢ ᠪᠤᠯ ᠬᠦᠮᠦᠨ ᠤ ᠴᠡᠬᠡᠵᠢᠯᠡᠬᠦᠢ᠂ ᠤᠢ ᠤᠬᠠᠭᠠᠨ ᠢ ᠰᠡᠷᠬᠦᠬᠡᠳᠡᠭ | ᠤᠪᠠᠳᠢᠰᠳᠡᠨ᠂ ᠦᠨᠦᠬᠡᠳᠦᠷ ᠪᠢᠳᠠ ᠵᠦᠪᠬᠡᠨ ᠪᠠᠶᠢᠭᠠᠯᠢ ᠶᠢ ᠬᠠᠷᠠᠵᠤ ᠰᠤᠨᠢᠷᠬᠠᠳᠠᠭ ᠲᠡᠳᠦᠢ ᠪᠠᠶᠢᠵᠤ ᠬᠠᠷᠢᠨ | ᠮᠡᠳᠡᠷᠡᠵᠤ ᠴᠢᠳᠠᠬᠤ ᠪᠠᠨ ᠪᠤᠯᠢᠵᠡᠢ᠃ ᠵᠢᠷᠭᠠᠬᠤ ᠨᠠᠷᠠᠨ ᠤ ᠵᠢᠷᠤᠭᠰᠠᠨ ᠤᠯᠠᠨ ᠦᠩᠬᠡ ᠶᠢᠨ ᠡᠬᠦᠯᠡᠰ᠂ ᠵᠤᠨ ᠤ | ᠰᠡᠷᠢᠬᠦᠨ ᠰᠠᠯᠬᠢ ᠰᠡᠪᠡᠯᠵᠡᠬᠦ ᠦᠶᠡ ᠶᠢᠨ ᠬᠢᠯᠡᠭᠠᠨᠠ ᠶᠢᠨ ᠪᠦᠵᠢᠭ᠂ ᠠᠭᠤᠯᠠ ᠶᠢᠨ ᠦᠶᠡᠷ ᠶᠡᠭᠡ ᠬᠤᠯᠠ ᠠᠴᠠ | ᠢᠷᠡᠬᠦ ᠳᠤ ᠪᠠᠨ ᠨᠠᠶᠢᠷᠠᠯ ᠬᠦᠭᠵᠢᠮ ᠬᠦᠭᠵᠢᠮᠳᠡᠳᠡᠭ ᠬᠡᠬᠦ ᠮᠡᠳᠦ ᠪᠠᠷ ᠮᠡᠳᠡᠷᠡᠬᠦ ᠳᠤ ᠬᠦᠷᠪᠡᠯ ᠪᠢᠳᠡᠨ ᠤ | ᠴᠡᠬᠡᠵᠢᠯᠡᠬᠦᠢ ᠳᠤ ᠪᠠᠶᠢᠭᠠᠯᠢ ᠶᠢᠨ ᠶᠠᠭᠤ ᠪᠦᠬᠦᠨ ᠠᠮᠢ ᠲᠠᠢ ᠦᠯᠡᠳᠡᠵᠤ ᠴᠢᠳᠠᠬᠤ ᠶᠤᠮ᠃ ᠢᠩᠬᠢᠵᠤ ᠰᠡᠳᠬᠢᠬᠦ | ᠪᠠᠨ ᠪᠤᠯᠢᠭᠰᠡᠨ ᠠᠴᠠ᠂ ᠢᠩᠬᠢᠵᠤ ᠮᠡᠳᠡᠷᠡᠬᠦ ᠪᠠᠨ ᠪᠤᠯᠢᠭᠰᠠᠨ ᠠᠴᠠ ᠪᠢᠳᠡᠨ ᠤ ᠨᠢᠳᠤᠨ ᠳᠤ ᠶᠠᠭᠤ ᠪᠦᠬᠦᠨ | ᠦᠬᠦᠮᠡᠯ ᠬᠠᠷᠠᠭᠳᠠᠵᠤ ᠴᠡᠬᠡᠵᠢᠨ ᠳᠤ ᠪᠠᠨ ᠬᠠᠳᠠᠭᠠᠯᠠᠮᠵᠢ ᠦᠬᠡᠢ ᠬᠦᠮᠦᠰ ᠠᠮᠢᠳᠤᠷᠠᠯ ᠢ ᠲᠠᠩᠴᠤ ᠤᠳᠬᠠ ᠦᠬᠡᠢ | ᠮᠡᠳᠦ ᠦᠩᠬᠡᠷᠡᠬᠦ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | ᠴᠡᠬᠡᠵᠢᠨ ᠳᠤ ᠪᠠᠨ ᠬᠠᠳᠠᠭᠠᠯᠠᠮᠵᠢ ᠦᠬᠡᠢ ᠬᠦᠮᠦᠰ ᠶᠢᠷᠲᠢᠨᠴᠤ ᠶᠢᠨ ᠲᠦᠷᠪᠡᠨ ᠤᠯᠠᠷᠢᠯ ᠢ ᠲᠦᠬᠦᠷᠬᠡᠵᠤ᠂ | ᠴᠠᠬᠢᠯᠭᠠᠨ ᠰᠤᠷᠢᠨᠵᠢᠨ ᠤ ᠡᠷᠡᠨ ᠠᠴᠠ ᠠᠷᠬᠠᠯᠠᠭᠠᠳᠠᠢ ᠶᠠᠩᠵᠤ ᠪᠠᠷ ᠢᠶᠠᠨ᠂᠂᠂᠂᠂ ᠪᠢᠳᠡ ᠦᠨᠳᠦᠷ ᠬᠦᠭᠵᠢᠯᠳᠡ | ᠬᠡᠳᠡᠭ ᠢ ᠴᠤᠬᠤᠮ ᠶᠠᠭᠠᠬᠢᠵᠤ ᠬᠦᠯᠢᠶᠡᠵᠤ ᠠᠪᠬᠤ ᠪᠤᠢ︖ ᠭᠠᠵᠠᠷ ᠰᠠᠢ ᠦᠬᠡᠢ ᠲᠦᠬᠡᠭᠰᠡᠨ ᠰᠤᠷᠢᠨᠵᠢᠨ ᠠᠴᠠ | ᠤᠢ ᠤᠬᠠᠭᠠᠨ ᠢᠶᠠᠨ ᠶᠠᠭᠠᠬᠢᠵᠤ ᠬᠠᠮᠠᠭᠠᠯᠠᠬᠤ ᠪᠤᠢ︖ |