| ᠱᠠᠭᠠ ᠰᠢᠭᠦᠷᠡᠬᠦ ᠲᠣᠭᠯᠠᠭᠠᠮ ᠢᠶᠠᠷ ᠣᠯᠠᠨ ᠬᠥᠮᠥᠨ ᠣᠯᠠᠨ ᠱᠠᠭᠠᠢ ᠪᠠᠷ ᠲᠣᠭᠯᠠᠬᠤ ᠨᠢ ᠥᠷᠢᠰᠦᠯᠳᠦᠭᠡᠨ ᠲᠠᠢ | ᠪᠣᠯᠭᠠᠳᠠᠭ ᠃ ᠣᠯᠠᠨ ᠬᠥᠮᠥᠨ ᠲᠠᠯᠠᠴᠠᠵᠤ ᠲᠣᠭᠯᠠᠵᠤ ᠪᠣᠯᠳᠠᠭ ᠃ ᠵᠤᠵᠠᠭᠠᠨ ᠳᠡᠪᠵᠢᠶᠡ ︵ᠣᠯᠪᠣᠭ ︶ ᠵᠠᠰᠠᠵᠤ | ᠲᠣᠭᠤᠷᠢᠨ ᠰᠠᠭᠤᠭᠠᠳ ᠱᠠᠭᠠᠢ ᠪᠠᠨ ᠳᠡᠪᠵᠢᠶᠡᠨ ᠳᠡᠭᠡᠷᠡ ᠪᠠᠨ ᠲᠠᠷᠬᠠᠭᠠᠵᠤ ᠪᠠᠶᠢᠷᠢᠯᠠᠭᠤᠯᠤᠨᠠ ᠃ | ᠬᠡᠨ ᠡᠬᠢᠯᠡᠵᠦ ᠲᠣᠭᠯᠠᠬᠤ ᠪᠠᠨ ᠲᠣᠭᠲᠠᠭᠠᠳ ᠨᠠᠷᠠ ᠵᠥᠪ ᠲᠣᠭᠤᠷᠢᠨ ᠲᠣᠭᠯᠠᠳᠠᠭ ᠃ ᠲᠣᠭᠯᠠᠭᠴᠢ | ᠰᠤᠮᠤ ᠨᠤᠭᠤᠳ ᠢᠶᠠᠨ ᠪᠠᠭᠲᠠᠬᠤ ︵ᠬᠥ᠋ ᠬᠤᠶᠠᠭ ︶ ᠢᠶᠠᠨ ᠥᠭᠡᠳᠡ ᠨᠢ ᠰᠢᠳᠡᠭᠡᠳ ᠲᠠᠷᠬᠠᠭᠠᠭᠰᠠᠨ | ᠱᠠᠭᠠᠢ ᠶᠢᠨ ᠢᠶᠠᠨ ᠥᠪᠡᠷ ᠤᠨ ᠤᠷᠢᠳᠤ ᠪᠠᠶᠢᠭᠠ ᠵᠠᠬᠠ ᠬᠡᠰᠡᠭ ᠠᠴᠠ ᠠᠳᠬᠤᠨ ᠳᠤ ᠪᠠᠨ ᠪᠠᠭᠲᠠᠬᠤ ᠬᠡᠰᠡᠭ ᠢ | ᠬᠠᠮᠤᠨ ᠠᠪᠴᠤ ᠳᠡᠭᠡᠭᠰᠢ ᠰᠢᠳᠡᠭᠰᠡᠨ ᠰᠤᠮᠤ ᠪᠠᠨ ᠠᠳᠬᠤᠭᠰᠠᠨ ᠱᠠᠭᠠᠢ ᠶᠢᠨ ᠳᠡᠭᠡᠷᠡ ᠪᠠᠨ ᠲᠣᠭᠲᠠᠭᠠᠵᠤ ᠠᠪᠤᠨᠠ ᠃ | ᠱᠠᠭᠠ ᠬᠠᠮᠤᠵᠤ ᠠᠳᠬᠤᠬᠤ ᠳᠤ ᠪᠠᠨ ᠪᠤᠰᠤᠳ ᠱᠠᠭᠠᠢ ᠳᠤ ᠬᠦᠷᠴᠦ ᠂ ᠬᠥᠨᠳᠡᠵᠦ ᠪᠣᠯᠬᠤ ᠦᠭᠡᠢ ᠃ ᠬᠡᠷᠪᠡ ᠣᠶᠢᠷᠠ | ᠣᠷᠴᠢᠮ ᠤᠨ ᠱᠠᠭᠠᠢ ᠳᠤ ᠭᠠᠷ ᠬᠦᠷᠴᠦ ᠬᠥᠳᠡᠯᠭᠡᠬᠦ ᠂ ᠠᠳᠬᠤᠭᠰᠠᠨ ᠱᠠᠭᠠᠢ ᠠᠴᠠ ᠪᠠᠨ ᠤᠨᠠᠭᠠᠪᠠᠯ ᠠᠯᠳᠠᠭᠠ ᠭᠡᠵᠦ | ᠦᠵᠡᠭᠡᠳ ᠬᠦᠴᠦᠨ ᠦᠭᠡᠢ ᠳᠤ ᠲᠣᠭᠠᠴᠠᠵᠤ ᠳᠠᠷᠠᠭᠠ ᠶᠢᠨ ᠬᠥᠮᠥᠨ ᠰᠢᠭᠦᠷᠡᠨᠡ ᠃ | ᠳᠡᠭᠡᠷᠡᠬᠢ ᠠᠯᠳᠠᠭᠠ ᠶᠢ ᠭᠠᠷᠭᠠᠯ ᠦᠭᠡᠢ ᠠᠪᠤᠭᠰᠠᠨ ᠬᠥᠮᠥᠨ ᠱᠠᠭᠠᠢ ᠪᠠᠨ ᠥᠪᠡᠷ ᠢᠶᠠᠨ ᠠᠪᠤᠨᠠ ᠃ ᠢᠩᠭᠢᠵᠦ | ᠨᠠᠭᠠᠳᠤᠭᠰᠠᠭᠠᠷ ᠳᠡᠪᠵᠢᠶᠡᠨ ᠳᠡᠭᠡᠷᠡᠬᠢ ᠱᠠᠭᠠ ᠳᠠᠭᠤᠰᠬᠤ ᠳᠤ ᠬᠠᠮᠤᠭ ᠤᠨ ᠴᠥᠭᠡᠬᠡᠨ ᠱᠠᠭᠠᠢ ᠲᠠᠢ ᠬᠥᠮᠥᠨ ᠤ | ᠱᠠᠭᠠᠶᠢᠨ ᠤ ᠲᠤᠭᠠ ᠲᠠᠢ ᠠᠳᠠᠯᠢ ᠱᠠᠭᠠ ᠨᠡᠶᠢᠯᠡᠭᠦᠯᠦᠨ ᠳᠡᠪᠵᠢᠶᠡᠨ ᠳᠤ ᠰᠠᠴᠤᠵᠤ ᠲᠠᠷᠬᠠᠭᠠᠭᠠᠳ ᠲᠦᠷᠦᠭᠦᠴᠢ ᠶᠢᠨ | ᠲᠣᠭᠯᠠᠯᠲᠠ ᠶᠢᠨ ᠬᠠᠮᠤᠭ ᠤᠨ ᠰᠡᠭᠦᠯᠴᠢ ᠶᠢᠨ ᠱᠠᠭᠠᠢ ᠶᠢ ᠠᠪᠤᠭᠰᠠᠨ ᠬᠥᠮᠥᠨ ᠡᠬᠢᠯᠡᠵᠦ ᠰᠢᠭᠦᠷᠡᠨᠡ ᠃ | ᠱᠠᠭᠠ ᠰᠢᠭᠦᠷᠡᠬᠦ ᠳᠤ ᠬᠠᠮᠤᠭ ᠤᠨ ᠰᠡᠭᠦᠯ ᠳᠤ ᠭᠠᠷ ᠪᠠᠭᠲᠠᠬᠤᠶᠢᠴᠠ ᠴᠥᠭᠡᠨ ᠱᠠᠭᠠ ᠦᠯᠡᠳᠡᠪᠡᠯ ᠲᠡᠭᠦᠨ ᠢ | ᠬᠠᠵᠠᠭᠤ ᠶᠢᠨ ᠬᠥᠮᠥᠨ ᠠᠯᠠᠭᠠᠨ ᠳᠤ ᠪᠠᠨ ᠰᠢᠭᠰᠢᠨ ᠪᠠᠭᠴᠠᠯᠠᠵᠤ ᠥᠭᠳᠡᠭ ᠃ ᠡᠨᠡ ᠪᠠᠭᠴᠠ ᠶᠢ ᠰᠢᠭᠦᠷᠡᠬᠦ ᠳᠤ ᠨᠢᠭᠡ | ᠱᠠᠭᠠ ᠦᠯᠡᠳᠡᠬᠦ ᠶᠢ ᠵᠥᠪᠰᠢᠶᠡᠷᠡᠳᠡᠭ ᠪᠥᠭᠡᠳ ᠡᠭᠦᠨ ᠢ ᠰᠡᠭᠦᠯ ᠭᠡᠵᠦ ᠨᠡᠷᠡᠯᠡᠳᠡᠭ ᠃ ᠬᠡᠷᠪᠡ ᠲᠣᠭᠯᠠᠭᠴᠢ | ᠡᠭᠡᠯᠵᠢᠨ ᠳᠤ ᠪᠠᠨ ᠡᠨᠡ ᠮᠢᠨᠤ ᠠᠯᠠᠭᠠᠨ ᠳᠤ ᠪᠠᠭᠲᠠᠬᠤ ᠦᠭᠡᠢ ᠭᠡᠵᠦ ᠦᠵᠡᠪᠡᠯ ᠪᠠᠭᠴᠠ ᠠᠴᠠ ᠭᠠᠭᠴᠠ ᠱᠠᠭᠠ | ᠠᠪᠤᠭᠠᠳ ᠳᠠᠷᠠᠭᠠ ᠶᠢᠨ ᠬᠥᠮᠥᠨ ᠰᠢᠭᠦᠷᠡᠳᠡᠭ ᠃ | ᠵᠠᠷᠢᠮ ᠲᠣᠬᠢᠶᠠᠯᠳᠤᠯ ᠳᠤ ᠴᠥᠭᠡᠬᠡᠨ 2 — 5 ᠬᠦᠷᠲᠡᠯᠡ ᠱᠠᠭᠠ ᠦᠯᠡᠳᠡᠪᠡᠯ ᠲᠡᠭᠦᠨ ᠢ ᠠᠳᠡ ᠲᠡᠨᠳᠡ | ᠪᠠᠶᠢᠷᠢᠯᠠᠭᠤᠯᠵᠤ ᠰᠤᠮᠤ ᠪᠤᠴᠠᠵᠤ ᠪᠠᠭᠤᠬᠤ ᠬᠤᠭᠤᠷᠣᠨᠳᠤ ᠲᠣᠩᠰᠢᠵᠤ ︵ᠲᠡᠭᠦᠵᠦ ︶ ᠠᠪᠳᠠᠭ ᠃ ᠡᠨᠡ ᠨᠢ ᠮᠠᠰᠢ | ᠬᠤᠷᠳᠤᠨ ᠱᠠᠯᠠᠮᠠᠭ ᠬᠥᠳᠡᠯᠭᠡᠭᠡᠨ ᠂ ᠬᠤᠷᠴᠠ ᠬᠠᠷᠠᠭᠠ ᠂ ᠪᠠᠷᠢᠮᠵᠢᠶᠠ ᠱᠠᠭᠠᠷᠳᠠᠳᠠᠭ ᠶᠤᠮ ᠃ | ᠡᠶᠢᠨ ᠬᠦ ᠨᠠᠭᠠᠳᠴᠤ ᠲᠣᠭᠯᠠᠯᠲᠠ ᠶᠢᠨ ᠶᠠᠪᠤᠴᠠ ᠳᠤ ᠨᠡᠶᠢᠯᠡᠬᠦ ᠱᠠᠭᠠᠢ ᠦᠭᠡᠢ ᠪᠣᠯᠣᠭᠰᠠᠨ ᠨᠢ | ᠬᠠᠰᠤᠭᠳᠠᠭᠰᠠᠨ ᠢᠶᠠᠷ ᠂ ᠪᠦᠬᠦ ᠱᠠᠭᠠᠢ ᠶᠢ ᠥᠪᠡᠷᠲᠡᠭᠡᠨ ᠠᠪᠴᠤ ᠴᠢᠳᠠᠭᠰᠠᠨ ᠨᠢ ᠬᠤᠵᠢᠳᠠᠭ ᠃ ᠰᠢᠭᠦᠷᠡᠬᠦ | ᠱᠠᠭᠠᠢ ᠳᠤ ᠵᠢᠵᠢᠭ ᠱᠠᠭᠠᠢ ᠨᠤᠭᠤᠳ ᠢ ᠲᠡᠭᠦᠵᠦ ᠲᠤᠰ ᠲᠤ ᠨᠢ ᠪᠡᠯᠡᠳᠬᠡᠭᠰᠡᠨ ᠪᠠᠶᠢᠳᠠᠭ ᠃ |