| | ᠡᠭᠦᠯᠡᠰ ᠡᠪᠬᠡᠷᠡᠯᠳᠦᠨ ᠪᠤᠷᠤᠭᠠᠨ ᠤᠷᠤᠬᠤ ᠦᠭᠡᠢ ᠵᠤᠨ ᠪᠠᠷ | ᠡᠪᠦᠯ ᠤᠨ ᠲᠤᠮᠳᠠᠴᠢ ᠪᠤᠯᠤᠭᠠᠳ ᠠᠩᠬᠠᠨ ᠤ ᠴᠠᠰᠤ ᠬᠠᠶᠠᠯᠬᠤ ᠦᠭᠡᠢ ᠬᠤᠲᠠ ᠳᠤ | ᠪᠢ ᠤᠳᠠᠭᠠᠨ ᠵᠢᠯ ᠪᠠᠷ ᠳᠠᠰᠤᠯᠴᠠᠯᠠ | ᠰᠤᠯᠤᠭᠠᠢ ᠬᠤᠭᠤᠯᠠᠢ ᠪᠠᠷ ᠳᠠᠭᠤᠤ ᠠᠶᠠᠯᠵᠤ ᠶᠠᠪᠤᠯᠠ | ᠨᠤᠶᠢᠷ ᠦᠭᠡᠢ ᠬᠤᠨᠤᠨ ᠺᠤᠨᠰᠤᠷᠲ ᠦᠵᠡᠵᠤ ᠰᠠᠭᠤᠯᠠ | ᠴᠢᠮᠠ ᠶᠢ ᠵᠡᠭᠦᠳᠦᠯᠡᠭᠡᠳ ᠰᠡᠷᠢᠮᠡᠷ ᠦᠭᠡᠢ ᠦᠦᠷ ᠢ ᠤᠯᠠᠨ ᠦᠳᠡᠯᠡ | ᠭᠡᠬᠦ ᠳᠤ ᠪᠠᠨ ᠪᠢ ᠵᠠᠶᠢᠳᠠᠮᠠᠷ ᠪᠠᠶᠢᠨᠠ | | ᠮᠤᠳᠤᠳ ᠵᠢᠭᠳᠡᠷᠡᠭᠰᠡᠨ ᠴᠦ ᠲᠤᠭᠤᠵᠤ ᠲᠤᠩᠭᠤᠳᠬᠤ ᠰᠢᠪᠠᠭᠤᠳ ᠦᠭᠡᠢ ᠡᠯᠡᠢ ᠰᠢᠭᠤᠢ ᠳᠤ | ᠮᠦᠷᠦᠢ ᠲᠠᠢ ᠲᠤᠭᠯᠠᠭᠠᠮ ᠳᠤ ᠰᠢᠨᠤᠵᠤ ᠬᠦᠷᠦᠩᠭᠡ ᠪᠠᠨ ᠪᠠᠷᠠᠭᠰᠠᠨ ᠲᠠᠩᠬᠠᠶᠢᠴᠤᠤᠯ ᠤᠨ ᠭᠤᠳᠤᠮᠵᠢ ᠪᠠᠷ | ᠪᠢ ᠤᠯᠠᠨ ᠨᠠᠮᠤᠷ ᠢ ᠡᠯᠡᠭᠡᠯᠡ | ᠭᠠᠷ ᠭᠠᠷ ᠢᠶᠠᠨ ᠬᠦᠲᠦᠯᠦᠯᠴᠡᠭᠰᠡᠨ ᠠᠩᠬᠠᠨ ᠤ ᠪᠤᠯᠵᠤᠭᠠ ᠳᠠᠯᠠᠨ ᠬᠠᠷᠠ ᠶᠢᠨ ᠡᠩᠭᠡᠷ ᠲᠤ ᠪᠤᠢ | ᠤᠬᠢᠯᠠᠵᠤ ᠬᠤᠨᠤᠭᠰᠠᠨ ᠦᠳᠡᠰᠢ ᠪᠦᠬᠦᠨ ᠳᠡᠷᠡᠨ ᠤ ᠳᠡᠷᠭᠡᠳᠡ ᠪᠤᠢ | ᠬᠡᠭᠦ ᠳᠤ ᠪᠠᠨ ᠪᠢ ᠵᠠᠶᠢᠳᠠᠮᠠᠷ ᠪᠠᠶᠢᠨᠠ | | ᠨᠠᠷᠠ ᠮᠠᠨᠳᠤᠭᠰᠠᠨ ᠴᠦ ᠢᠯᠴᠢ ᠨᠢ ᠵᠢᠪᠡᠭᠦᠨ ᠦᠳᠡᠰᠢ ᠪᠠᠷ | ᠨᠠᠪᠴᠢ ᠨᠢ ᠰᠠᠯᠬᠢᠨ ᠳᠤ ᠴᠤᠬᠢᠭᠳᠠᠨ ᠤᠨᠠᠵᠤ ᠪᠠᠶᠢᠬᠤ ᠠᠴᠠ ᠪᠢᠰᠢ᠂ ᠨᠠᠮᠤᠷ ᠪᠤᠯᠤᠭᠠᠳ ᠵᠤᠯᠭᠠᠷᠠᠵᠤ ᠪᠠᠶᠢᠭᠠ ᠪᠢᠰᠢ | ᠂ ᠡᠨᠡ ᠵᠠᠮ ᠪᠠᠷ | ᠪᠢ ᠠᠳᠡ ᠶᠠᠭᠤᠮᠠ ᠪᠦᠬᠦᠨ ᠲᠠᠢ ᠨᠢ ᠳᠠᠰᠤᠯᠴᠠᠯᠠ | ᠰᠠᠷᠠᠨ ᠤ ᠳᠤᠤᠷᠠ ᠢᠯᠡᠭᠦᠦ ᠬᠡᠳᠦᠨ ᠰᠢᠯᠥᠭ ᠪᠢᠴᠢᠮᠡᠷ | ᠰᠠᠷᠠ ᠪᠦᠷᠢ ᠶᠢᠨ ᠠᠷᠪᠠᠨ ᠳᠦᠷᠪᠡᠨ ᠪᠠᠷ ᠴᠢᠮᠠᠳᠠᠭᠠᠨ ᠰᠠᠷᠭᠠᠢ ᠬᠦᠷᠭᠡᠵᠤ ᠡᠷᠬᠡᠯᠡᠮᠡᠷ | ᠰᠠᠶᠢᠬᠠᠨ ᠪᠠᠶᠢᠭᠰᠠᠨ ᠡᠨᠡ ᠪᠦᠬᠦᠨ ᠠᠴᠠ ᠵᠠᠶᠢᠳᠠᠮᠠᠷ ᠡ | | ᠠᠰᠠᠷ ᠰᠦᠨᠳᠦᠷᠯᠡᠭᠰᠡᠨ ᠴᠦ ᠦᠨᠳᠦᠷ ᠲᠤ ᠪᠠᠨ ᠪᠠᠶᠢᠳᠠᠭ ᠦᠭᠡᠢ ᠶᠤᠮ | ᠲᠡᠷᠭᠡ ᠨᠢ ᠲᠦᠭᠵᠢᠷᠡᠭᠰᠨ ᠴᠦ ᠴᠠᠭ ᠤᠨ ᠡᠷᠬᠢᠮᠨᠡᠯ ᠪᠢᠰᠢ | ᠪᠢ ᠡᠳᠦᠷ ᠪᠦᠷᠢ ᠡᠨᠡ ᠪᠦᠬᠦᠨ ᠢ ᠦᠵᠡᠳᠡᠭ | ᠰᠡᠷᠢᠭᠦᠨ ᠵᠢᠪᠠᠷ ᠪᠠᠷ ᠳᠤᠷᠠᠳᠬᠠᠯ ᠤᠳ ᠨᠠᠳᠠ ᠲᠠᠢ ᠵᠦᠷᠢᠯᠳᠤᠨᠠ | ᠰᠡᠳᠬᠢᠯ ᠤᠨ ᠦᠭᠡ ᠪᠠᠨ ᠰᠢᠪᠡᠨᠡᠵᠤ ᠪᠠᠶᠢᠨ ᠪᠠᠶᠢᠨ ᠪᠢᠳᠠ ᠠᠭᠤᠯᠵᠠᠭᠠᠨᠠ | ᠬᠡᠬᠦ ᠳᠤ ᠪᠠᠨ ᠪᠢ ᠵᠠᠶᠢᠳᠠᠮᠠᠷ ᠪᠠᠶᠢᠨᠠ | | ᠭᠤᠨᠢᠭ ᠶᠢᠨ ᠦᠭᠡᠰ ᠵᠠᠬᠢᠶᠠᠨ ᠳᠤ ᠦᠷᠦᠭᠳᠡᠵᠤ | ᠪᠠᠶᠠᠷ ᠤᠨ ᠢᠨᠢᠶᠡᠳᠦ ᠴᠡᠭᠡᠵᠢᠨ ᠳᠤ ᠪᠠᠨ ᠪᠠᠭ᠋ᠠᠷᠳᠠᠵᠤ | ᠪᠢ ᠤᠳᠠᠭᠠᠨ ᠬᠤᠨᠤᠭ ᠪᠠᠷ ᠲᠡᠨᠤᠯᠡ | ᠵᠠᠯᠠᠭᠤ ᠨᠠᠰᠤ ᠬᠠᠶᠢᠷᠠ ᠶᠢᠨ ᠭᠡᠭᠡᠨ ᠳᠤ ᠪᠠᠳᠮᠠᠯᠠᠨᠠ | ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠭᠤᠸᠠ ᠦᠬᠢᠳ ᠲᠦᠷᠬᠦᠮ ᠳᠤ ᠪᠠᠨ ᠬᠠᠷᠢᠴᠢᠬᠠᠯᠠ | ᠪᠢ ᠁ | ᠪᠢ ᠵᠠᠶᠢᠳᠠᠮᠠᠷ ᠪᠠᠶᠢᠨᠠ︕ |