| | | —— ᠡᠵᠢ ᠶᠢᠨ ᠲᠣᠷᠠᠰᠬᠠᠯ ᠳᠤ | ᠶᠡᠭᠡ ᠠᠲᠯᠠᠨᠲ ᠢ ᠡᠬᠦᠯᠨ ᠬᠤᠴᠢᠬᠰᠠᠨ | ᠡᠬᠢᠨ ᠡᠪᠦᠯ ᠤᠨ ᠨᠢᠬᠡᠨ ᠦᠳᠡᠰᠢ | ᠲᠡᠭᠡᠪᠦᠷ ᠲᠤ ᠱᠠᠷᠬᠢᠬᠰᠠᠨ ᠵᠦᠬᠡᠯᠡᠨ ᠪᠣᠷᠣᠭᠠᠨ | ᠲᠡᠩᠳᠡᠭᠦᠣ ᠲᠠᠰᠣᠯᠬᠠᠨ ᠱᠠᠬᠢᠵᠦ ᠬᠤᠨᠣᠯᠠ | ᠦᠡᠭ ᠨᠡᠮᠣᠷ ᠤᠨ ᠲᠣᠷᠠᠳᠬᠠᠯ ᠰᠢᠪᠡᠨᠡᠵᠦ | ᠦᠷ ᠤᠨ ᠡᠮᠦᠨᠡ ᠰᠢᠪᠡᠷᠡᠭᠰᠡᠨ ᠪᠣᠷᠣᠭᠠᠨ | ᠦᠯᠢᠬᠡᠷ ᠤᠨ ᠶᠠᠭᠤᠮᠠ ᠰᠢᠭ᠋ ᠪᠠᠭᠠ ᠨᠠᠰᠣ ᠶᠢ | ᠦᠨᠡᠨ ᠬᠡᠪ ᠢᠶᠠᠷ ᠨᠢ ᠵᠡᠬᠦᠳᠦᠨ ᠪᠠᠷ ᠠᠪᠴᠢᠷᠠᠪᠠ ᠁ | ᠨᠠᠮᠣᠷ ᠲᠡᠰᠢ ᠪᠠᠨ ᠰᠦᠨᠢᠵᠢᠨ ᠵᠦᠰᠡᠷᠡᠬᠦ | ᠨᠠᠷᠢᠨ ᠪᠣᠷᠣᠭᠠᠨ ᠤ ᠱᠠᠬᠢᠬᠤ ᠶᠢ ᠴᠢᠩᠨᠠᠵᠦ | ᠡᠵᠢ ᠶᠢᠨ ᠨᠡᠷᠡᠭᠰᠡᠨ ᠲᠣᠬᠰᠢᠨ ᠠᠷᠠᠵᠠᠨ ᠤ | ᠢᠰᠬᠦᠯᠡᠩ ᠦᠨᠦᠷ ᠲᠤ ᠱᠠᠩᠳᠠᠭᠤᠷᠠᠵᠦ ᠬᠤᠨᠣᠬᠤ ᠶᠤᠮ | ᠣᠰᠣ ᠪᠠᠷ ᠣᠬᠢᠯᠠᠬᠰᠠᠨ ᠲᠡᠷᠨ ᠨᠠᠮᠣᠷ ᠤᠨ | ᠣᠷᠳᠣ ᠬᠡᠳᠡᠭ ᠢ ᠬᠡᠯᠡᠭᠡᠳ ᠶᠠᠭᠠᠭᠢᠨᠠ | ᠠᠭᠠᠷᠣᠣᠯ ᠠᠷᠭᠠᠯ ᠡᠭᠰᠢᠬᠡᠬᠦ ᠴᠢᠯᠦᠬᠡ ᠦᠬᠡᠢ | ᠠᠰᠬᠠᠷᠠᠬᠤ ᠪᠣᠷᠣᠭᠠᠨ ᠤ ᠬᠢᠰᠠᠭᠠᠨ ᠲᠠᠢ ᠶᠢ ᠶᠠᠭᠠᠭᠢᠨᠠ | ᠦᠷ ᠤᠨ ᠬᠠᠷᠠᠩᠭᠤᠢ ᠪᠠᠷ ᠡᠵᠢ ᠮᠢᠨᠢ ᠪᠣᠰᠴᠣ | ᠦᠳᠬᠡᠨ ᠰᠢᠷᠭᠠᠯ ᠴᠠᠢ ᠪᠠᠨ ᠴᠢᠨᠠᠬᠤ ᠳᠤ ᠨᠢ | ᠵᠠᠳᠠᠭᠠᠢ ᠭᠠᠯ ᠤᠨ ᠣᠳᠣᠭᠠᠨ ᠤ ᠦᠨᠦᠷ ᠲᠤ | ᠵᠠᠯᠭᠠᠭᠠᠳ ᠴᠠᠰᠢ ᠨᠢ ᠪᠦᠬᠡ ᠣᠨᠳᠠᠨᠠ | ᠲᠣᠳᠠᠭᠤ ᠨᠣᠶᠢᠷ ᠢᠶᠠᠨ ᠦᠷᠡ ᠳᠡᠭᠡᠨ ᠦᠭᠴᠦ | ᠲᠠᠭᠤᠳᠠᠵᠦ ᠰᠡᠷᠢᠬᠡᠯ ᠦᠬᠡᠢ ᠰᠡᠮᠬᠡᠨ ᠭᠠᠷᠣᠭᠠᠳ | ᠠᠷᠬᠠᠯᠠᠵᠦ ᠬᠤᠨᠣᠬᠰᠠᠨ ᠮᠣᠷᠢᠨ ᠤ ᠮᠢᠨᠢ ᠴᠢᠳᠦᠷ ᠢ | ᠠᠷᠭᠠᠯ ᠤᠨ ᠭᠠᠯ ᠳᠤ ᠠᠪᠴᠢᠷᠠᠵᠦ ᠲᠣᠰᠣᠯᠠᠨᠠ | ᠮᠠᠨᠠᠨ ᠭᠠᠵᠠᠷᠳᠠᠬᠰᠠᠨ ᠵᠢᠬᠡᠬᠦᠨ ᠦᠷᠯᠦᠬᠡ | ᠮᠠᠯ ᠤᠨ ᠢᠶᠠᠨ ᠬᠤᠳᠠᠨ ᠳᠤ ᠡᠷᠳᠡᠯᠡᠨ ᠣᠷᠣᠭᠠᠳ | ᠲᠠᠷᠠᠭ ᠤᠨ ᠰᠠᠭᠠᠮᠠ ᠪᠠᠷ ᠬᠤᠪᠢᠡᠭ ᠢᠶᠠᠨ ᠲᠦᠬᠦᠷᠭᠡᠵᠦ | ᠲᠠᠭᠠᠨᠠ ᠶᠢᠨ ᠰᠦᠯ ᠳᠤ ᠬᠤᠨᠢᠳ ᠢᠶᠠᠨ ᠪᠡᠯᠴᠢᠬᠡᠨᠡ | ᠪᠣᠯᠵᠣᠮᠣᠷ ᠵᠢᠷᠬᠢᠬᠦ ᠠᠴᠠ ᠣᠷᠢᠳᠠᠵᠦ ᠪᠣᠰᠳᠠᠭ | ᠪᠣᠭᠤᠨᠢᠬᠠᠨ ᠪᠦᠭᠳᠦᠷ ᠡᠵᠢ ᠶᠢᠨ ᠪᠡᠶᠡ ᠠᠴᠠ | ᠣᠭᠤᠷᠠᠭ ᠰᠦᠨ ᠤ ᠦᠨᠦᠷ ᠠᠩᠭᠢᠯᠣᠨᠠ | ᠣᠰᠣᠨ ᠪᠣᠷᠣᠭᠠᠨ ᠤ ᠴᠢᠭᠢᠭ ᠬᠠᠨᠭ᠍ᠬᠤᠯᠣᠨᠠ | ᠠᠯᠣᠰ ᠤᠨ ᠡᠷᠢᠯ ᠳᠤ ᠶᠠᠪᠣᠬᠤ ᠬᠦᠣ ᠳᠡᠭᠡᠨ | ᠠᠬᠰᠢᠭᠤᠨ ᠰᠠᠶᠢᠬᠠᠨ ᠴᠠᠢ ᠠᠶᠠᠭᠠᠯᠠᠨᠠ | ᠠᠳᠣᠭᠤ ᠮᠠᠯ ᠤᠨ ᠵᠢᠰᠦ ᠶᠢ ᠲᠠᠨᠢᠬᠤ | ᠠᠷᠪᠢᠨ ᠰᠠᠶᠢᠬᠠᠨ ᠵᠣᠭᠤᠭ ᠲᠡᠯᠬᠡᠨᠡ | ᠠᠶᠠᠨ ᠵᠠᠮ ᠳᠠᠭᠠᠨ ᠦᠯᠦᠰᠬᠦ ᠪᠣᠢ ᠬᠡᠵᠦ | ᠠᠭᠠᠷᠣᠣᠯ ᠬᠤᠷᠣᠳ ᠲᠦᠬᠦᠷᠳᠡᠯᠡ ᠦᠷᠦᠨᠡ | ᠠᠬᠯᠠᠭ ᠬᠡᠬᠡᠷᠡ ᠶᠠᠪᠣᠬᠤ ᠶᠤᠮ ᠬᠡᠵᠦ | ᠠᠯᠢ ᠠᠮᠳᠠᠳᠠᠢ ᠶᠢ ᠲᠦᠷᠦᠵᠦ ᠦᠭᠭᠦᠨᠡ | ᠬᠦᠳᠡᠭᠡ ᠭᠠᠳᠠᠭᠠ ᠵᠢᠩᠳᠡᠨᠡ ᠬᠡᠮᠡᠨ | ᠭᠦᠪᠤᠡᠭ ᠲᠠᠢ ᠲᠡᠷᠯᠢᠭ ᠨᠠᠮᠠᠵᠦ ᠦᠭᠭᠦᠨᠡ | ᠠᠭᠠᠳᠠᠷ ᠤᠨ ᠴᠢᠳᠬᠤᠭᠠᠨ ᠳᠤ ᠣᠰᠣᠭᠤᠨᠠ ᠬᠡᠮᠡᠨ | ᠠᠪᠤ ᠶᠢᠨ ᠴᠣᠪᠠ ᠶᠢ ᠭᠠᠨᠵᠣᠭᠠᠯᠠᠵᠦ ᠦᠭᠭᠦᠨᠡ | ᠬᠦᠢᠳᠡᠨ ᠡᠪᠦᠯ ᠶᠠᠭᠠᠭᠢᠭᠠ ᠴᠦ ᠦᠭᠡᠢ ᠪᠠᠷ | ᠬᠦᠣ ᠮᠢᠨᠢ ᠲᠠᠭᠠᠷᠠᠨᠠ ᠬᠡᠵᠦ ᠲᠦᠳᠦᠨᠡᠵᠦ ᠪᠠᠶᠢᠨᠠ | ᠡᠬᠦᠯᠨ ᠬᠡ ᠲᠠᠢ ᠭᠠᠳᠠᠷ ᠲᠠᠳᠠᠬᠰᠠᠨ | ᠦᠴᠢ ᠲᠡᠪᠡᠯ ᠴᠦ ᠣᠶᠣᠵᠦ ᠪᠠᠶᠢᠨᠠ | ᠬᠤᠷᠠ ᠰᠢᠳᠡᠯᠡᠭᠰᠡᠨ ᠪᠦᠷᠭᠦᠭ ᠡᠳᠦᠷ | ᠬᠤᠯᠣᠰᠣᠨ ᠲᠣᠮᠳᠠᠭᠤᠷ ᠬᠠᠳᠠᠷᠢᠭᠤᠯᠵᠦ ᠶᠠᠪᠣᠳᠠᠯᠠ | ᠬᠤᠯᠠᠭᠠᠢ ᠲᠡᠭᠡᠷᠡᠮ ᠪᠣᠯᠪᠠ ᠤᠤ ᠬᠡᠮᠡᠷ | ᠬᠤᠶᠢᠬᠤᠷ ᠮᠠᠭᠤᠬᠠᠢ ᠬᠦᠮᠦᠨ ᠬᠠᠷᠭᠤᠪᠠ | ᠴᠢᠮᠠᠷᠬᠠᠢ ᠨᠢ ᠬᠦᠷᠡᠶᠢᠭᠰᠡᠨ ᠲᠡᠷᠨ ᠠᠮᠢᠳᠠᠨ | ᠴᠢᠳᠠᠯ ᠢᠶᠠᠷ ᠢᠶᠠᠨ ᠨᠠᠭᠠᠰᠢ ᠦᠰᠦᠷᠪᠠ ᠤᠤ ᠶᠠᠭᠠᠭᠢᠪᠠ | ᠴᠢᠴᠠᠪ ᠬᠡᠳᠡᠯᠡ ᠮᠣᠷᠢ ᠮᠢᠨᠢ ᠦᠷᠭᠦᠭᠦ ᠪᠠᠷ | ᠴᠢᠰᠬᠢᠳᠡᠯᠡ ᠬᠠᠰᠬᠢᠷᠣᠭᠠᠳ ᠰᠣᠴᠢᠨ ᠰᠡᠷᠡᠵᠠᠢ ᠁ | ᠦᠷᠡ ᠶᠢᠨ ᠢᠶᠠᠨ ᠲᠦᠯᠦᠬᠡ ᠰᠠᠨᠠᠭᠠᠰᠢᠷᠠᠬᠤ ᠬᠡᠳᠡᠭ | ᠡᠬᠡ ᠬᠦᠮᠦᠨ ᠤ ︽ᠵᠣᠪᠠᠯᠠᠩ︾ ᠪᠠᠶᠢᠵᠠᠢ | ᠡᠬᠦᠷᠢᠳᠡ ᠨᠢᠯᠬᠠ ᠪᠠᠷ ᠢᠶᠠᠨ ᠪᠠᠶᠢᠭᠠ ᠶᠤᠮ ᠰᠢᠭ᠋ | ᠡᠩᠭᠦᠷᠡᠢ ᠬᠦᠣ ᠪᠠᠨ ᠪᠣᠳᠣᠳᠠᠭ ᠪᠠᠶᠢᠵᠠᠢ | ᠡᠵᠢ ᠲᠠᠢ ᠪᠠᠨ ᠬᠦᠷᠨᠢᠵᠦ ᠴᠠᠶᠢᠯᠠᠬᠤ ᠬᠡᠳᠡᠭ | ᠡᠷᠬᠡ ᠨᠠᠰᠣᠨ ᠤ ᠵᠢᠷᠭᠠᠯ ᠪᠠᠶᠢᠵᠠᠢ | ᠡᠵᠢ ᠶᠢ ᠪᠠᠨ ᠲᠡᠭᠡᠭᠦ ᠳᠤ ᠮᠦᠡᠭᠭᠡᠷᠡᠭᠦ ᠶᠤᠮ ᠰᠢᠭ | ᠡᠷᠬᠢᠬᠡ ᠮᠣᠷᠢ ᠰᠢᠭ᠋ ᠡᠷᠪᠡᠯᠵᠡᠵᠦ ᠶᠠᠪᠣᠵᠠᠢ | ᠡᠵᠢ ᠶᠢᠨ ᠮᠢᠨᠢ ᠪᠠᠶᠢᠬᠰᠠᠨ ᠣᠨ ᠵᠢᠯ ᠤᠳ | ᠦᠷᠦᠰᠢᠶᠡᠯ ᠬᠠᠶᠢᠷᠠ ᠶᠢᠨ ᠴᠢᠳᠬᠤᠯᠠᠩ ᠪᠠᠶᠢᠬᠰᠨᠨ ᠶᠤᠮ | ᠡᠯᠪᠡᠭ ᠲᠡᠪᠡᠯ ᠲᠠᠢ ᠬᠡᠨᠡᠨ ᠬᠦᠣ ᠨᠢ | ᠦᠬᠡᠬᠦᠨ ᠳᠤ ᠴᠣᠬᠯᠠᠬᠰᠠᠨ ᠪᠦᠬᠡᠷᠡ ᠪᠠᠶᠢᠬᠰᠠᠨ ᠶᠤᠮ | ᠡᠵᠢ ᠶᠢ ᠪᠠᠨ ᠶᠠᠪᠣᠴᠢᠬᠠᠬᠤ ᠪᠠᠷ ᠣᠷᠴᠢᠯᠠᠩ ᠬᠤᠷᠸᠠ ᠶᠢᠨ | ᠡᠩᠰᠡᠷᠡᠯ ᠭᠤᠨᠢᠭ ᠢ ᠰᠠᠶ᠋ᠢ ᠯᠨ ᠲᠠᠨᠢᠬᠰᠠᠨ ᠶᠤᠮ | ᠡᠬᠡᠯᠢ ᠲᠠᠢ ᠲᠣᠯᠠᠭᠠᠨ ᠬᠠᠪᠣᠷ ᠤᠨ ᠨᠠᠷᠠᠨ ᠳᠤ | ᠢᠯᠴᠢ ᠬᠡᠷᠡᠯ ᠦᠬᠡᠢ ᠴᠡᠪᠳᠡᠭ ᠪᠣᠯᠣᠬᠰᠠᠨ ᠶᠤᠮ ᠁ | ᠠᠽᠢᠶᠠ ᠶᠢᠨ ᠲᠠᠯᠠ ᠠᠴᠠ ᠨᠠᠮᠣᠷ ᠤᠨ ᠪᠣᠷᠣᠭᠠᠨ | ᠠᠯᠣᠰ ᠤᠨ ᠲᠠᠯᠠᠢ ᠳᠤ ᠡᠪᠦᠯ ᠢᠷᠡᠵᠡᠢ | ᠠᠴᠢᠳᠠᠨ ᠪᠣᠭᠤᠷᠣᠯ ᠡᠵᠢ ᠶᠢ ᠪᠠᠰᠨ | ᠠᠮᠳᠠᠳᠣ ᠵᠡᠬᠦᠳᠦᠨ ᠳᠤ ᠬᠦᠷᠬᠡᠵᠦ ᠢᠷᠡᠵᠡᠢ | ᠦᠳᠡᠰᠢ ᠰᠢᠪᠡᠷᠡᠭᠰᠡᠨ ᠵᠦᠬᠡᠯᠡᠨ ᠪᠣᠷᠣᠭᠠᠨ | ᠦᠷ ᠢᠶᠠᠷ ᠨᠢᠬᠡᠨᠳᠡ ᠬᠤᠯᠠᠳᠠᠬᠰᠠᠨ ᠪᠠᠶᠢᠯᠠ | ᠦᠨᠢ ᠬᠤᠯᠨ ᠶᠢᠨ ᠲᠡᠷᠨ ᠨᠢᠬᠡᠨ ᠨᠠᠮᠣᠷ | ᠦᠢᠮᠡᠬᠡᠨᠳᠦ ᠬᠤᠳᠠ ᠪᠠᠷ ᠰᠣᠯᠢᠬᠳᠠᠬᠰᠠᠨ ᠪᠠᠶᠢᠯᠠ | ᠬᠦᠣ ᠳᠡᠭᠡᠨ ᠢᠷᠡᠭᠰᠡᠨ ᠡᠵᠢ ᠶᠢ ᠪᠠᠨ ᠡᠷᠢᠪᠡᠯ | ᠬᠦᠮᠦᠨ ᠤ ᠬᠦᠷᠦᠨ ᠳᠤ ᠠᠯᠠᠭᠠ ᠪᠠᠶᠢᠯᠠ | ᠬᠦᠷᠡᠯ ᠮᠣᠷᠢ ᠲᠠᠢ ᠸᠠᠰᠢᠩᠲ᠋ᠣᠨ ᠬᠠᠷᠢᠨ | ᠬᠦᠷᠦᠭᠡᠳ ᠢᠷᠡᠴᠢᠭᠡᠭᠰᠡᠨ ᠶᠤᠮ ᠰᠢᠭ ᠵᠣᠬᠰᠣᠵᠦ ᠪᠠᠶᠢᠯᠠ︕ | |