ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠰᠢᠨ᠎ᠡ ᠬᠦᠳᠡᠭᠡ
ᠠᠪᠤ ᠪᠠᠨ ᠰᠢᠭ᠋ ᠪᠠᠶᠢᠬᠤ ᠰᠠᠨ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2019-11-27
ᠦᠪᠡᠷᠳᠡᠭᠡᠨ ᠪᠦᠤᠪᠡᠢ ᠠᠶᠠᠯᠠᠳᠠᠭ ᠦᠭᠡᠢ ᠴᠤ ᠪᠦᠤᠪᠡᠢ ᠵᠠᠯᠭᠢᠯᠠᠬᠤ ᠬᠦᠤ ᠶᠢᠨ ᠢᠶᠠᠨ ᠪᠦᠲᠦᠨ ᠨᠤᠶᠢᠷ ᠢ ᠨᠢ ᠦᠨᠡᠭᠡ ᠪᠠᠷ ᠠᠷᠭᠠᠳᠠᠭᠰᠠᠨ ᠪᠦᠯᠢᠶᠡᠷᠡᠵᠤ ᠬᠠᠯᠠᠭᠤᠷᠠᠬᠤ ᠳᠤ ᠮᠢᠨᠢ ᠳᠡᠷᠭᠡᠲᠡ ᠮᠢᠨᠢ ᠪᠠᠶᠢᠭ᠎ᠠ                       ᠦᠭᠡᠢ ᠴᠤ ᠪᠤᠭᠲᠠ ᠶᠢᠨ ᠠᠳᠤᠭᠤᠨ ᠤ ᠮᠠᠨᠠᠭᠠᠨ ᠳᠤ ᠳᠡᠪᠡᠯ ᠲᠠᠢ ᠪᠠᠨ ᠳᠠᠭᠠᠷᠠᠵᠤ ᠪᠤᠯᠠᠭᠠᠨ ᠨᠤᠲᠤᠭ ᠤᠨ ᠢᠶᠠᠨ ᠵᠢᠩᠳᠡᠬᠦ ᠶᠢ ᠪᠤᠴᠠᠭᠠᠭᠰᠠᠨ ᠪᠤᠶᠠᠨᠲᠠᠢ ᠠᠪᠤ ᠶᠢᠨ ᠢᠶᠠᠨ ᠪᠠᠶᠢᠬᠤ ᠰᠠᠶᠢᠬᠠᠨ ᠢ ᠨᠢ ᠳᠠᠭᠤᠷᠢᠶᠠᠵᠤ ᠠᠮᠢᠳᠤᠷᠠᠬᠤ ᠰᠠᠨ ᠬᠦᠳᠦᠰᠦᠨ ᠮᠠᠯᠠᠭᠠᠢ ᠶᠢᠨ ᠬᠦᠯᠦᠰᠦ ᠬᠦᠨᠳᠦᠯᠡᠵᠤ ᠲᠠᠲᠠᠳᠠᠭ ᠲᠠᠮᠠᠬᠢᠨ ᠤ ᠬᠢᠨᠢ ᠦᠨᠦᠷ                   ᠦᠭᠡᠶᠢᠯᠡᠭᠳᠡᠬᠦ ᠳᠤ ᠡᠵᠢ ᠶᠢᠨ ᠴᠢᠨᠠᠭᠰᠠᠨ ᠴᠠᠢ ᠶᠢᠨ ᠮᠤᠳᠤ ᠰᠤᠪᠢᠩ ᠲᠤᠯᠤᠨ ᠠᠶᠠᠭᠠᠨ ᠳᠤ ᠨᠢ ᠪᠤᠰᠴᠦ ᠡᠮᠡᠭᠡᠯ ᠤᠨ ᠮᠦᠩᠭᠦᠨ ᠲᠤᠨᠤᠭ ᠬᠠᠶᠠᠭ᠎ᠠ ᠳᠡᠷᠡᠯᠡᠨ ᠪᠠᠯ ᠵᠠᠭᠤᠵᠤ ᠦᠷᠦᠭᠡ ᠭᠡᠷ ᠮᠢᠨᠢ ᠨᠢᠭᠡ ᠯᠡ ᠡᠵᠡᠭᠦᠶᠢᠷᠡᠭᠡᠳ ᠡᠪᠦᠭᠡ ᠶᠢᠨ ᠨᠠᠷ᠎ᠠ ᠲᠠᠢ ᠠᠭᠤᠯᠠᠰ ᠤᠨᠢᠶᠠᠷ᠂ ᠤᠶᠢᠳᠬᠠᠷ ᠬᠤᠶᠠᠷ ᠢᠶᠠᠷ ᠬᠤᠴᠢᠭᠳᠠᠭᠰᠠᠨ ᠴᠤ ᠨᠤᠶᠠᠨ ᠱᠤᠩ ᠳᠡᠭᠡᠷ᠎ᠡ ᠪᠠᠨ ᠨᠤᠬᠠᠢ ᠪᠤᠷᠭᠤᠭᠤᠯᠤᠨ ᠪᠠᠭᠤᠬᠤ ᠠᠪᠤ ᠶᠢ ᠮᠢᠨᠢ ᠬᠠᠷᠠᠭᠠᠳ ᠠᠪᠤ ᠲᠠᠢ ᠠᠶᠢᠯ ᠤᠨ ᠬᠡᠤᠬᠡᠳ ᠤᠳ ᠵᠢᠷᠭᠠᠯ ᠲᠠᠢ ᠬᠠᠷᠠᠭᠳᠠᠬᠤ ᠶᠤᠮ ᠡ ᠭᠡᠵᠦ ᠵᠦᠩᠳᠡᠭᠡᠨ ᠱᠠᠭᠰᠢᠷᠠᠬᠤ ᠤᠯᠤᠰ ᠤᠳ ᠤᠨ ᠵᠦᠪ ᠰᠠᠨᠠᠭᠠᠨ ᠳᠤ ᠪᠠᠭᠲᠠᠵᠤ ᠠᠪᠤ ᠪᠠᠨ ᠰᠢᠭ᠋ ᠦᠷ᠎ᠡ ᠪᠠᠨ ᠵᠢᠷᠭᠠᠭᠠᠶ᠎ᠠ ᠵᠢᠷᠭᠠᠯ ᠢ ᠤᠶᠢᠷᠠᠬᠠᠨ ᠠᠴᠠ ᠪᠢᠰᠢ ᠬᠤᠯᠠ ᠠᠴᠠ ᠠᠪᠴᠢᠷᠠᠳᠠᠭ ᠵᠤᠪᠠᠯᠠᠩ ᠤᠨ ᠮᠦᠷ ᠢ ᠨᠢ ᠴᠠᠶᠢᠯᠭᠠᠵᠤ ᠬᠦᠬᠦᠷ ᠤᠨ ᠲᠤᠯᠤᠭᠠᠢ ᠶᠤᠮ ᠰᠢᠤ ᠭᠡᠵᠦ ᠬᠦᠤ ᠪᠠᠨ ᠵᠡᠭᠦᠳᠤᠨ ᠳᠡᠭᠡᠨ ᠦᠬᠦᠭᠡᠷᠳᠦᠭᠰᠡᠨ ᠬᠦᠮᠦᠨ ᠤ ᠨᠠᠴᠢᠨ ᠪᠤᠯᠤᠭᠰᠠᠨ ᠠᠪᠤ ᠪᠠᠨ ᠰᠢᠭ᠋ ᠵᠤᠪᠠᠭ᠋ᠤ ᠶᠢᠨ ᠵᠢᠷᠭᠠᠯ ᠢ ᠡᠳ᠋ᠯᠡᠶ᠎ᠡ ᠬᠡᠭᠡᠷ᠎ᠡ ᠶᠢᠨ ᠡᠪᠡᠰᠦᠨ ᠤ ᠨᠡᠷ᠎ᠡ ᠴᠡᠭᠡᠵᠢᠯᠡᠵᠦ ᠬᠡᠳᠦᠨ ᠮᠠᠯ ᠲᠠᠢ ᠪᠠᠨ ᠬᠡᠷᠡᠭᠦᠯ ᠬᠤᠪᠢᠶᠠᠵᠤ ᠬᠦᠬᠡ ᠰᠠᠯᠬᠢ ᠪᠠᠷ ᠨᠢ ᠲᠡᠪᠡᠯ ᠢᠶᠠᠨ ᠭᠤᠶᠤᠭᠰᠠᠨ ᠬᠦᠳᠡᠭᠡᠯᠢᠭ ᠠᠷᠠᠨᠰᠢᠨ ᠢ ᠨᠢ ᠳᠠᠭᠠᠵᠤ ᠠᠪᠤ ᠪᠠᠨ ᠰᠢᠭ᠋ ᠬᠦᠳᠡᠭᠡ ᠪᠠᠨ ᠪᠠᠶᠠᠰᠬᠠᠶ᠎ᠠ︕ ᠬᠠᠶᠠ ᠬᠠᠯᠠᠰᠭᠤ ᠶᠠᠪᠤᠬᠤ ᠳᠠᠭᠠᠨ ᠬᠠᠵᠠᠭᠠᠢ ᠭᠢᠰᠬᠡᠭᠰᠡᠨ ᠲᠡᠦᠬᠡ ᠪᠠᠨ ᠬᠠᠶᠢᠷᠡᠲᠦ ᠬᠠᠨᠢ ᠳᠠᠭᠠᠨ ᠴᠠᠶᠢᠯᠭᠠᠵᠤ ᠬᠠᠷ᠎ᠠ ᠤᠰᠤ ᠲᠠᠢ ᠠᠶᠠᠭ᠎ᠠ ᠪᠠᠷᠢᠭᠤᠯᠤᠭᠰᠠᠨ ᠠᠶᠢᠯ ᠳᠤ ᠬᠠᠯᠠᠭᠤᠴᠠᠭᠰᠠᠨ ᠡᠪᠡᠰᠦ ᠰᠢᠭ ᠲᠤᠲᠤᠷ᠎ᠠ ᠠᠴᠠ ᠪᠠᠨ ᠲᠦᠢᠮᠡᠷᠳᠡᠨ ᠴᠠᠭᠠᠨ ᠠᠭᠰᠤᠮ ᠪᠠᠭᠤᠯᠭᠠᠳᠠᠭ ᠴᠢᠬᠡ ᠵᠠᠩ ᠢ ᠨᠢ ᠬᠠᠭᠤᠯᠵᠤ ᠠᠪᠤ ᠪᠠᠨ ᠰᠢᠭ᠋ ᠴᠢᠬᠢᠷ᠎ᠡ ᠰᠠᠶᠢᠲᠠᠢ ᠪᠠᠶᠢᠬᠤ ᠰᠠᠨ ᠬᠦᠰᠡᠯ ᠤᠨ ᠢᠶᠠᠨ ᠦᠵᠦᠭᠦᠷ ᠲᠤ ᠬᠦᠷᠴᠦ ᠴᠢᠳᠠᠭ᠎ᠠ ᠦᠭᠡᠢ ᠪᠠᠷ ᠬᠢᠵᠦ ᠪᠦᠲᠦᠬᠡᠭᠰᠡᠡ ᠢᠶᠠᠷ ᠢᠶᠠᠨ ᠲᠤᠰᠬᠤ ᠭᠡᠵᠤ ᠪᠤᠳᠦᠯ ᠢᠶᠠᠨ ᠡᠴᠡᠭᠡᠵᠤ ᠠᠮᠢᠳᠥᠷᠠᠬᠤ ᠳᠤ ᠬᠦᠷᠪᠡᠯ ᠬᠡᠬᠡᠷ᠎ᠠ ᠶᠢᠨ ᠵᠢᠪᠠᠷ ᠰᠢᠭ᠋ ᠬᠡᠯᠪᠡᠷᠢ ᠦᠬᠡᠢ ᠲᠡᠨᠦᠳᠡᠭ ᠶᠤᠮ ᠰᠢᠤ ᠭᠡᠵᠦ ᠬᠡᠮᠨᠡᠵᠦ ᠬᠡᠯᠡᠭᠰᠡᠠ ᠦᠭᠡ ᠶᠢ ᠨᠢ ᠬᠦᠤ ᠳᠡᠭᠡᠨ ᠳᠠᠮᠵᠢᠭᠤᠯᠵᠤ ᠠᠪᠤ ᠪᠠᠨ ᠰᠢᠭ᠋ ᠠᠪᠤ ᠪᠠᠶᠢᠬᠤ ᠰᠠᠨ ᠠᠯᠢ︕ ᠬᠦᠦ ᠮᠢᠨᠢ ᠭᠡᠬᠦ ᠡᠩᠬᠦᠷᠡᠶᠢᠯᠡᠬᠦ ᠳᠠᠭᠤᠳᠠᠯᠭ᠎ᠠ ᠠᠳᠤᠭᠤ ᠢᠰᠬᠢᠷᠴᠦ ᠭᠠᠩᠳᠠᠭᠰᠠᠨ ᠤᠷᠤᠭᠤᠯ ᠢᠶᠠᠷ ᠨᠢ                 ᠳᠠᠪᠠᠭ᠎ᠠ ᠦᠭᠡᠢ ᠴᠤ ᠠᠷᠪᠡᠨ ᠭᠠᠷ ᠲᠡᠮᠡᠭᠡᠳ ᠢᠶᠠᠨ ᠰᠦᠭᠦᠯᠡᠨ ᠠᠴᠢᠶᠠᠯᠠᠬᠤ ᠳᠤ ᠠᠬᠢᠷᠠᠭᠰᠠᠨ ᠭᠤᠪᠢ ᠠᠨᠢᠷᠳᠠᠨ ᠤᠶᠠᠰᠳᠠᠭ ᠢ ᠨᠢ ᠰᠠᠨᠠᠵᠤ ᠠᠪᠤ ᠪᠠᠨ ᠰᠢᠭ᠋ ᠤᠶᠠᠨ ᠪᠠᠶᠢᠬᠤ ᠰᠠᠨ ᠴᠠᠭ ᠦᠶ᠎ᠡ ᠤᠨᠠᠵᠤ ᠪᠠᠶᠢᠭᠰᠠᠨ ᠴᠤ ᠴᠠᠢ ᠶᠢᠨ ᠰᠦ ᠦᠭᠴᠦ ᠪᠠᠶᠢᠭᠰᠠᠨ ᠬᠠᠶᠢᠳᠠᠭᠤᠯ ᠵᠤᠰᠠᠭ ᠤᠨ ᠤᠳᠤᠮ                     ᠢ ᠰᠠᠨᠠᠵᠤ ᠴᠢᠯᠠᠭᠤ ᠨᠢ ᠤᠬᠢᠯᠠᠵᠤ᠂ ᠲᠦᠭᠡᠷᠢᠵᠦ ᠪᠠᠶᠢᠭᠰᠠᠨ ᠴᠤ ᠴᠢᠮᠠᠷᠬᠠᠢ ᠶᠢᠨ ᠰᠤᠳᠠᠰᠤ ᠰᠢᠭ᠋ ᠡᠮᠵᠡᠭᠬᠡᠨ ᠡᠬᠡ ᠤᠷᠤᠨ ᠢᠶᠠᠨ ᠴᠢᠮᠬᠢ ᠴᠢᠮᠬᠢ ᠪᠠᠷ ᠲᠠᠷᠬᠠᠭᠠᠵᠤ ᠪᠤᠯᠳᠠᠭ ᠦᠭᠡᠢ ᠶᠤᠮ ᠭᠡᠰᠡᠨ ᠴᠠᠴᠠᠨ ᠰᠠᠨᠠᠭ᠎ᠠ ᠶᠢ ᠬᠤᠶᠢᠯᠠᠵᠤ ᠴᠦᠪ ᠤᠨ ᠴᠠᠭ ᠤᠨ ᠵᠢᠯᠤᠭᠤ ᠶᠢ ᠬᠤᠶᠢᠰᠢ ᠨᠢ ᠲᠠᠲᠠᠵᠤ ᠴᠦᠭᠡᠨ ᠬᠡᠳᠦᠨ ᠮᠤᠩᠭᠤᠯ ᠢᠶᠠᠨ ᠭᠡᠰᠡᠨ ᠰᠠᠨᠠᠭ᠎ᠠ ᠶᠢ ᠨᠢ ᠴᠦᠴᠦᠭᠡᠢ ᠬᠦᠪᠦᠭᠰᠡᠨ ᠠᠶᠠᠭᠠᠨ ᠠᠴᠠ ᠨᠢ ᠠᠮᠰᠠᠵᠤ ᠠᠪᠤ ᠪᠠᠨ ᠰᠢᠭ᠋ ᠮᠤᠩᠭᠤᠯ ᠪᠠᠶᠢᠶ᠎ᠠ︕
 
ᠢᠷᠡᠯᠲᠡ᠄ ᠲᠣᠲᠣᠷᠬᠠᠢ ᠦᠭᠡᠢ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠡᠬᠡ ᠶᠢᠨ ᠴᠠᠭᠠᠨ ᠰᠥ ᠬᠠᠷᠢᠭᠤᠯᠬᠤ
ᠨᠤᠬᠠᠢ ᠮᠤᠤᠷ ᠦᠰᠢᠶ᠎ᠡ ᠲᠠᠢ ᠪᠤᠯᠤᠭᠰᠠᠨ ᠳᠤᠬᠠᠢ ᠳᠤᠮᠤᠭ
ᠳᠠᠯᠠᠨ ᠬᠤᠳᠠᠯᠴᠢ
ᠤᠢ ᠪᠢᠳᠠᠭᠤ ᠠᠬ᠎ᠠ ᠲᠡᠭᠦᠥ ᠭᠤᠷᠪᠠ ᠤᠬᠠᠭᠠᠨ ᠰᠤᠷᠤᠭᠰᠠᠨ ᠨᠢ
ᠠᠪᠳᠠᠷᠠᠳᠦ ᠶᠢᠨ ᠲᠤᠮᠤᠭ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号