| | ᠬᠠᠳᠠᠮ ᠡᠴᠢᠬᠡ᠂ ᠪᠡᠷᠢ ᠬᠤᠶᠠᠷ ᠤᠨ ᠬᠤᠭᠤᠷᠤᠨᠳᠤ ᠨᠠᠷᠢᠨ ᠴᠢᠩᠳᠠ ᠰᠠᠬᠢᠳᠠᠭ ᠤᠯᠠᠨ ᠬᠤᠷᠢᠭᠠ ᠴᠡᠬᠡᠷ᠂ ᠪᠠᠶᠠ | ᠪᠠᠶᠡᠰ ᠢᠶᠠᠨ ᠬᠦᠳᠤᠯᠡᠭᠰᠡᠨ ᠵᠠᠩᠰᠢᠯ ᠤᠯᠠᠮᠵᠢᠯᠠᠭᠳᠠᠵᠤ ᠪᠠᠶᠢᠵᠠᠢ᠃ ᠪᠡᠷᠢ᠂ ᠬᠠᠳᠠᠮ ᠡᠴᠢᠬᠡ ᠶᠢᠨ ᠳᠤ ᠠᠩᠬᠠ | ᠤᠷᠤᠬᠤ ᠳᠠᠭᠠᠨ ᠪᠤᠷᠬᠠᠨ ᠰᠢᠳᠦᠬᠡᠨ᠂ ᠭᠠᠯ ᠭᠤᠯᠤᠮᠳᠠ ᠳᠤ ᠨᠢ ᠮᠦᠷᠬᠦᠬᠦ ᠠᠴᠠ ᠭᠠᠳᠠᠨᠠ ᠬᠠᠳᠠᠮ ᠡᠴᠢᠬᠡ᠂ ᠡᠬᠡ᠂ | ᠠᠬᠠ ᠡᠬᠡᠴᠢ ᠨᠠᠷ ᠲᠤ ᠮᠦᠷᠬᠦᠳᠡᠭ ᠶᠤᠰᠤ ᠲᠠᠢ᠃ ᠮᠦᠷᠬᠦᠬᠦ ᠶᠤᠰᠤᠯᠠᠯ ᠳᠠᠭᠤᠰᠤᠭᠰᠠᠨ ᠢᠶᠠᠷ ᠪᠡᠷᠢ ᠬᠠᠳᠠᠮ ᠤᠨ | ᠬᠡᠷ ᠪᠦᠯᠢ ᠶᠢᠨ ᠪᠦᠷᠢᠨ ᠡᠷᠬᠡᠳᠤ ᠬᠡᠰᠢᠬᠦᠨ ᠪᠤᠯᠳᠠᠭ᠃ ᠡᠨᠡ ᠶᠤᠰᠤᠯᠠᠯ ᠨᠢ ᠡᠷᠳᠡᠨ ᠤ ᠡᠬᠦᠰᠦᠯ ᠲᠠᠢ ᠪᠦᠬᠡᠳ | ᠤᠪᠤᠭ ᠤᠨ ᠪᠠᠶᠢᠭᠤᠯᠤᠯ ᠤᠨ ᠦᠶᠡ ᠶᠢᠨ ᠳᠦᠰᠦᠬᠡᠯᠡᠯ ᠶᠤᠰᠤᠭᠠᠷ ᠬᠠᠷᠢ ᠤᠪᠤᠭ ᠤᠨ ᠬᠦᠮᠦᠨ ᠢ ᠦᠪᠡᠷ ᠤᠨ | ᠤᠪᠤᠭ ᠲᠠᠭᠠᠨ ᠡᠯᠰᠡᠬᠦᠯᠦᠨ ᠠᠪᠴᠤ ᠪᠤᠢ ᠶᠢᠨ ᠤᠴᠢᠷ ᠤᠳᠬᠠ ᠶᠢ ᠢᠯᠡᠷᠬᠡᠶᠢᠯᠡᠵᠤ ᠪᠠᠶᠢᠵᠠᠢ᠃ ᠳᠡᠬᠡᠵᠤ ᠮᠦᠷᠬᠦᠬᠦ | ᠵᠠᠩ ᠦᠢᠯᠡᠳᠦᠭᠰᠡᠨ ᠪᠠᠷᠢ ᠶᠢ ᠬᠠᠳᠠᠮ ︽ᠳᠠᠷᠬᠠᠨ ᠪᠠᠷᠢ︾ ᠪᠤᠯᠤᠯᠠ ᠬᠡᠵᠤ ᠬᠡᠯᠡᠪᠡᠯ ᠪᠠᠷᠢ ᠬᠤᠵᠢᠮ ᠬᠠᠳᠠᠮ ᠡᠴᠢᠬᠡ | ᠂ ᠡᠬᠡ᠂ ᠠᠬᠠ᠂ ᠡᠬᠡᠴᠢ ᠨᠠᠷ ᠲᠠᠢ ᠵᠤᠯᠭᠠᠬᠤ ᠳᠠᠭᠠᠨ ᠮᠦᠷᠬᠦᠳᠡᠭ ᠦᠬᠡᠢ᠂ ᠬᠠᠷᠢᠨ ᠳᠡᠳᠡᠨ ᠢ ᠤᠷᠤᠵᠤ ᠢᠷᠡᠬᠦ ᠳᠤ | ᠪᠤᠰᠴᠤ ᠬᠦᠨᠳᠤᠳᠬᠡᠳᠡᠭ ᠪᠦᠬᠡᠳ ᠳᠡᠷᠬᠡᠳᠡ ᠨᠢ ᠵᠠᠪᠠᠯ ᠤᠭᠤᠵᠢ ᠡᠮᠤᠰᠴᠤ᠂ ᠳᠤᠯᠤᠭᠠᠢ ᠶᠢᠨ ᠪᠦᠷᠢᠨ ᠬᠡᠷᠡᠭᠯᠡᠯ᠂ | ᠭᠤᠶᠤᠯ ᠢᠶᠠᠨ ᠵᠡᠬᠦᠭᠰᠡᠨ ᠪᠠᠶᠢᠳᠠᠭ ᠶᠤᠰᠤ ᠲᠠᠢ ᠠᠵᠢ᠃ | ᠮᠦᠨ ᠪᠡᠷᠢ ᠬᠠᠳᠠᠮ ᠡᠴᠢᠬᠡ᠂ ᠡᠬᠡ ᠨᠠᠷ ᠤᠨ ᠳᠡᠷᠬᠡᠳᠡ ᠵᠠᠷᠬᠡᠴᠠᠨ ᠰᠠᠭᠤᠬᠤ ᠦᠬᠡᠢ᠂ ᠡᠯᠳᠡᠪ ᠵᠤᠬᠢᠰ ᠦᠬᠡᠢ | ᠦᠬᠡᠰ᠂ ᠬᠠᠷᠢᠶᠠᠯ ᠬᠡᠯᠡᠬᠦ ᠦᠬᠡᠢ᠂ ᠬᠡᠷᠪᠡ ᠬᠠᠳᠠᠮ ᠡᠴᠢᠬᠡ ᠪᠠᠨ ᠳᠠᠮᠠᠬᠢᠯᠠᠬᠤ ᠪᠤᠯᠪᠠᠯ ᠬᠦᠮᠦᠨ ᠢᠶᠠᠷ ︵ᠪᠡᠷᠭᠡᠨ ᠢᠶᠠᠷ | ︶ ᠳᠠᠮᠵᠢᠭᠤᠯᠤᠨ ᠳᠠᠮᠠᠬᠢᠯᠠᠬᠤ᠂ ᠬᠠᠳᠠᠮ ᠢ ᠭᠠᠳᠠᠭᠠ ᠶᠠᠪᠤᠬᠤ ᠦᠶᠡ ᠳᠤ ᠮᠤᠷᠢ ᠦᠵᠡᠬᠦ ︵ᠪᠠᠶᠠ ᠵᠠᠰᠠᠬᠤ︶ ᠵᠡᠷᠬᠡ | ᠴᠡᠬᠡᠷᠯᠡᠯ ᠲᠠᠢ ᠶᠢᠨ ᠵᠡᠷᠬᠡᠴᠡᠭᠡ ᠬᠠᠳᠠᠮ ᠤᠳ ᠪᠠᠷᠢ ᠶᠢᠨ ᠤᠯᠠᠮᠵᠢᠯᠠᠨ ᠰᠠᠬᠢᠵᠤ ᠢᠷᠡᠭᠰᠡᠨ ᠶᠤᠰᠤ ᠶᠢ ᠪᠠᠷᠢᠮᠳᠠᠯᠠᠨ | ᠪᠠᠷᠢ ᠲᠠᠢ ᠪᠠᠨ ᠮᠦᠨ ᠬᠦᠨᠳᠤᠳᠬᠡᠭᠰᠡᠨ ᠪᠠᠶᠢᠳᠠᠯ ᠢᠶᠠᠷ ᠬᠠᠷᠢᠯᠴᠠᠳᠠᠭ ᠠᠵᠢ᠃ ᠬᠠᠳᠠᠮ ᠡᠴᠢᠬᠡ᠂ ᠡᠬᠡ ᠪᠡᠷᠢ ᠶᠢᠨ | ᠰᠡᠳᠬᠢᠯ ᠳᠤ ︽ᠰᠡᠪ ᠰᠠᠭᠤᠨᠠ︾᠂ ︽ᠪᠡᠷᠢ ᠶᠢ ᠵᠤᠪᠠᠭᠠᠨᠠ︾ ᠬᠡᠵᠤ ᠠᠵᠢᠯ ᠳᠦᠷᠦᠯ ᠬᠢᠵᠤ ᠪᠠᠶᠢᠬᠤ | ᠦᠶᠡᠰ ᠲᠤ᠂ ᠦᠰᠤ ᠬᠡᠵᠢᠬᠡ ᠪᠠᠨ ᠶᠠᠩᠵᠤᠯᠠᠵᠤ ᠪᠠᠶᠢᠬᠤ ᠦᠶᠡᠰ ᠲᠤ ᠰᠠᠭᠠᠳ ᠪᠤᠯᠬᠤ ᠦᠬᠡᠢ ᠶᠢ ᠬᠢᠴᠢᠶᠡᠳᠡᠭ | ᠪᠠᠶᠢᠭᠰᠠᠨ ᠪᠦᠬᠡᠳ ᠶᠡᠷᠤ ᠨᠢ ᠬᠠᠳᠠᠮ ᠡᠴᠢᠬᠡ ᠬᠦᠤ ᠶᠢᠨ ᠬᠡᠷ ᠢᠶᠠᠷ ᠴᠦᠬᠡᠨ ᠤᠷᠤᠳᠠᠭ ᠵᠠᠩᠰᠢᠯ ᠲᠠᠢ ᠪᠠᠶᠢᠵᠠᠢ᠃ | ᠬᠠᠳᠠᠮ ᠡᠴᠢᠬᠡ ᠶᠢᠨ ᠬᠢ ᠲᠠᠢ ᠨᠢᠭᠡ ᠬᠤᠳᠠ ᠳᠤ ᠠᠮᠢᠳᠤᠷᠠᠳᠠᠭ ᠪᠤᠯ ᠪᠡᠷᠢ ᠦᠷᠯᠦᠬᠡ ᠡᠷᠳᠡᠯᠡᠨ ᠪᠤᠰᠴᠤ | ᠬᠠᠳᠠᠮ ᠤᠨ ᠡᠷᠦᠬᠡ ᠶᠢ ᠳᠠᠳᠠᠵᠤ ᠴᠠᠢ ᠶᠢ ᠨᠢ ᠴᠢᠨᠠᠵᠤ ᠦᠭᠳᠡᠭ ᠪᠠ ᠬᠠᠳᠠᠮ ᠤᠨ ᠬᠡᠷ ᠤᠨ ᠪᠠᠷᠠᠭᠤᠨ ᠳᠠᠯᠠ ᠪᠠᠷ | ᠡᠷᠬᠢᠬᠦ᠂ ᠳᠤᠭᠤᠷᠢᠵᠤ ᠶᠠᠪᠤᠬᠤ ᠶᠢ ᠡᠷᠡᠰ ᠴᠡᠬᠡᠷᠯᠡᠨ ᠬᠤᠷᠢᠭᠯᠠᠳᠠᠭ ᠪᠠᠶᠢᠵᠠᠢ᠃ ᠡᠨᠡ ᠪᠤᠯ ᠮᠦᠨᠬᠦ | ᠮᠤᠩᠭᠤᠯᠴᠤᠳ ᠤᠨ ᠪᠠᠷᠠᠭᠤᠨ ᠳᠠᠯᠠ ᠶᠢ ᠳᠡᠬᠡᠳᠦᠯᠡᠬᠦ ᠶᠤᠰᠤ ᠲᠠᠢ ᠬᠤᠯᠪᠤᠭᠠ ᠲᠠᠢ ᠠᠵᠢ᠃ | ᠬᠠᠳᠠᠮ᠂ ᠪᠠᠷᠢ ᠶᠢᠨ ᠬᠤᠭᠤᠷᠤᠨᠳᠤ ᠶᠢᠨ ᠬᠠᠷᠢᠯᠴᠠᠭᠠᠨ ᠳᠤ ᠨᠡᠶᠢᠳᠡᠯᠢᠭ ᠬᠡᠪᠰᠢᠯ ᠪᠤᠯᠤᠭᠰᠠᠨ ᠦᠬᠡᠷᠡ ᠨᠢᠬᠡᠨ ᠶᠤᠰᠤ | ᠬᠡᠪᠡᠯ ᠪᠡᠷᠢ᠂ ᠬᠠᠳᠠᠮ ᠡᠴᠢᠬᠡ᠂ ᠡᠬᠡ᠂ ᠠᠬᠠ ᠨᠡᠷ ᠤᠨ ᠨᠡᠷᠡ ᠶᠢ ᠴᠡᠬᠡᠷᠯᠡᠵᠤ᠂ ᠪᠦᠬᠦ ᠬᠡᠤᠬᠡᠳ ᠤᠳ ᠤᠨ ᠠᠳᠠᠯᠢ | ᠠᠪᠤᠭᠠᠶᠢᠯᠠᠨ ︵ᠠᠪᠠᠭᠠᠶᠢᠯᠠᠨ︶ ᠨᠡᠷᠡᠯᠡᠳᠡᠭ ᠶᠤᠰᠤ ᠶᠤᠮ᠃ ᠬᠠᠳᠠᠮ ᠡᠴᠢᠬᠡ ᠨᠢ ︽ᠢᠷᠤᠬᠡᠯᠳᠤ︾ ᠬᠡᠳᠡᠭ ᠨᠡᠷᠡ | ᠲᠠᠢ ᠪᠤᠯ ᠢᠷᠦᠬᠡᠯ ᠬᠡᠳᠡᠭ ᠦᠬᠡ ᠶᠢ ᠬᠡᠵᠢᠶᠡ ᠴᠤ ᠬᠡᠯᠡᠬᠦ ᠦᠬᠡᠢ ᠪᠠᠶᠢᠬᠤ᠃ ᠬᠠᠳᠠᠮ ᠡᠬᠡ ︽ᠠᠯᠠᠭ ᠡ︾ ᠬᠡᠳᠡᠭ | ᠨᠠᠷᠠ ᠲᠠᠢ ᠪᠠᠶᠢᠯᠠ ᠬᠡᠬᠦ ᠳᠤ ᠳᠡᠬᠦᠨ ᠤ ᠨᠠᠷᠠ ᠪᠠᠷ ᠨᠡᠷᠡᠯᠡᠬᠦ ᠦᠬᠡᠢ ᠠᠯᠠᠭ ᠬᠡᠳᠡᠭ ᠦᠬᠡ ᠶᠢ ᠴᠡᠬᠡᠷᠯᠡᠵᠤ ᠴᠤᠬᠤᠷ | ᠬᠡᠵᠤ ᠨᠠᠷᠡᠯᠡᠬᠦ ᠵᠢᠱᠢᠶᠠ ᠲᠠᠢ᠃ | ᠪᠠᠷᠢ᠂ ᠬᠠᠳᠠᠮ ᠡᠴᠢᠬᠡ ᠶᠢᠨ ᠳᠤ ᠤᠷᠤᠭᠠᠳ ︽ᠰᠠᠭᠤ︕︾ ᠬᠡᠬᠦ ᠠᠴᠠ ᠡᠮᠤᠨᠡ ᠳᠤᠷᠠ ᠮᠡᠳᠡᠨ ᠰᠠᠭᠤᠬᠤ | ᠦᠬᠡᠢ᠂ ︽ᠬᠦᠤ ᠮᠢᠨᠢ ᠰᠠᠭᠤ︕︾ ᠬᠡᠬᠦ ᠪᠠᠷ ᠨᠢ ᠬᠡᠷ ᠤᠨ ᠵᠡᠬᠦᠨ ᠳᠠᠯᠠ ᠳᠤ᠂ ᠬᠠᠳᠠᠮ ᠡᠬᠡ ᠶᠢᠨ ᠳᠤᠤᠷᠠᠳᠤ | ᠳᠠᠯᠠ ᠳᠤ ᠰᠠᠭᠤᠳᠠᠭ ᠶᠤᠰᠤ ᠲᠠᠢ ᠠᠵᠢ᠃ | ᠬᠠᠳᠠᠮ ᠳᠤ ᠤᠴᠢᠭᠰᠠᠨ ᠬᠦᠤ ᠬᠦᠮᠦᠨ ᠭᠤᠷᠪᠠᠨ ᠵᠢᠯ ᠪᠤᠯᠳᠠᠯᠠ ᠦᠪᠡᠷ ᠤᠨ ᠡᠴᠢᠬᠡ ᠶᠢᠨ ᠬᠡᠷ ᠲᠤ ᠤᠴᠢᠬᠤ | ᠶᠤᠰᠤ ᠪᠠᠶᠢᠭᠰᠠᠨ ᠦᠬᠡᠢ᠃ ᠬᠠᠳᠠᠮ ᠳᠤ ᠤᠴᠢᠭᠰᠠᠨ ᠪᠡᠷᠢ ᠶᠢᠨ ᠡᠷᠬᠡ ᠮᠡᠳᠡᠯ ᠳᠤᠬᠠᠢ ᠶᠢᠨ ᠬᠡᠷ ᠪᠦᠯᠢ᠂ ᠠᠵᠤ | ᠪᠠᠶᠢᠳᠠᠯ ᠳᠤ ᠦᠷᠡ ᠬᠡᠤᠬᠡᠳ ᠳᠦᠷᠦᠬᠦᠯᠦᠭᠰᠡᠨ ᠤ ᠬᠤᠶᠢᠨᠠ ᠨᠡᠯᠢᠶᠡᠳ ᠪᠠᠳᠤᠵᠢᠵᠤ᠂ ᠨᠠᠮᠡᠭᠳᠡᠳᠡᠭ ᠪᠠᠶᠢᠵᠠᠢ᠃ | ᠵᠢᠱᠢᠶᠠᠯᠡᠪᠡᠯ᠂ ᠵᠠᠷᠢᠮ ᠨᠤᠳᠤᠭ ᠢᠶᠠᠷ ᠰᠢᠨᠡ ᠪᠠᠷᠢ ᠦᠷᠯᠦᠬᠡ ᠪᠦᠷᠢ ᠳᠡᠷᠡ ᠡᠳᠤᠷ ᠴᠢᠨᠠᠬᠤ ᠬᠠᠭᠤᠷᠠᠢ ᠴᠠᠢ | ᠬᠠᠳᠠᠮ ᠤᠨ ᠬᠢ ᠠᠴᠠ ᠠᠪᠬᠤ ᠪᠦᠭᠡᠳ ᠲᠡᠶᠢᠨᠬᠦ ᠴᠠᠢ ᠭᠤᠶᠤᠬᠤ ᠳᠠᠭᠠᠨ ᠤᠭᠤᠷ ᠢᠶᠠᠨ ᠬᠤᠳᠠᠨ ᠳᠤᠳᠤᠷᠠ | ᠳᠠᠯᠪᠢᠴᠢᠬᠠᠭᠠᠳ ᠬᠠᠳᠠᠮ ᠡᠬᠡ ᠶᠢ ᠴᠠᠢ ᠬᠢᠭᠰᠡᠨ ᠬᠤᠶᠢᠨᠠ ᠨᠢ ᠠᠪᠳᠠᠭ ᠶᠤᠰᠤ ᠴᠤ ᠪᠠᠶᠢᠭᠰᠠᠨ ᠪᠠᠶᠢᠨᠠ᠃ ᠬᠠᠷᠢᠨ | ᠦᠷᠡ ᠬᠡᠤᠬᠡᠳ ᠳᠦᠷᠦᠬᠦᠯᠵᠤ ᠪᠠᠶᠢᠵᠤ ᠬᠡᠷ ᠪᠦᠯᠢ — ᠠᠵᠤ ᠠᠬᠤᠢ ᠳᠤ ᠵᠤᠬᠢᠬᠤ ᠮᠡᠳᠡᠯ ᠲᠠᠢ ᠪᠤᠯᠵᠤ | ᠤᠯᠠᠮ ᠢᠶᠠᠷ ᠬᠡᠷ ᠠᠬᠤᠢ ᠪᠠᠨ ᠪᠠᠶᠠᠴᠢᠯᠡᠨ ᠬᠦᠳᠦᠯᠬᠦ ᠪᠤᠯᠳᠠᠭ᠃ ᠤᠯᠠᠨ ᠬᠡᠤᠬᠡᠳ ᠲᠠᠢ ᠡᠮᠡᠭᠳᠡᠢ ᠬᠡᠷ ᠤᠨ ᠳᠤᠳᠤᠷᠠ | ᠳᠡᠳᠦᠢ ᠦᠬᠡᠢ᠂ ᠠᠶᠢᠯ ᠰᠠᠭᠠᠬᠠᠯᠳᠠ ᠨᠤᠳᠤᠭ ᠤᠰᠤᠨ ᠳᠠᠭᠠᠨ ᠬᠦᠨᠳᠤᠳᠡᠢ ᠪᠠᠶᠢᠬᠤ ᠶᠢᠨ ᠬᠠᠮᠳᠤ ᠦᠷᠡ | ᠬᠡᠤᠬᠡᠳ ᠤᠳ ᠨᠢ ᠬᠦᠨᠳᠤᠯᠡᠵᠤ᠂ ᠠᠰᠠᠷᠠᠵᠤ ᠶᠠᠪᠤᠳᠠᠭ ᠤᠯᠠᠮᠵᠢᠯᠠᠯ ᠠᠷᠣ ᠬᠠᠯᠬᠠ ᠳᠠᠶᠠᠭᠠᠷ ᠨᠡᠶᠢᠳᠡᠯᠢᠭ ᠪᠠᠶᠢᠵᠠᠢ᠃ | |