| ᠪᠠᠶᠠᠨᠮᠦ᠋ᠷᠡᠨ ᠰᠤᠮᠤ ᠨᠢ ᠠᠯᠠᠱᠠ ᠵᠡᠬᠦᠨ ᠬᠤᠰᠢᠭᠤᠨ ᠤ ᠵᠡᠬᠦᠨ ᠬᠤᠶᠢᠳᠤ ᠪᠡᠶᠡ ᠳᠤ ᠪᠠᠶᠢᠷᠢᠰᠢᠵᠤ᠂ ᠤᠯᠠᠭᠠᠨᠪᠤᠬᠠ | ᠶᠢᠨ ᠡᠯᠡᠰᠤᠨ ᠴᠦᠯ ᠤᠨ ᠦᠷᠦᠴᠡᠨ ᠳᠤ ᠬᠠᠳᠤᠨ ᠭᠤᠤᠯ ᠢ ᠡᠷᠬᠢᠳᠡᠵᠤ ᠪᠠᠶᠢᠳᠠᠭ᠃ ᠬᠤᠶᠢᠳᠤ ᠭᠡᠰᠡᠭ ᠢᠶᠠᠷ ᠢᠶᠠᠨ | ᠤᠯᠠᠨᠪᠤᠯᠠᠭ ᠪᠠᠯᠭᠠᠰᠤ᠂ ᠪᠠᠶᠠᠨᠨᠠᠭᠤᠷ ᠬᠤᠳᠠ ᠶᠢᠨ ᠳ᠋ᠧᠨᠬ᠋ᠺᠸᠤ ᠰᠢᠶᠠᠨ ᠲᠠᠢ ᠬᠦᠷᠰᠢᠯᠡᠨ᠂ ᠵᠡᠬᠦᠨ ᠳᠠᠯᠠ ᠪᠠᠷ ᠢᠶᠠᠨ | ᠦᠬᠠᠢ ᠬᠤᠳᠠ ᠪᠡ ᠤᠷᠳᠤᠰ ᠬᠤᠳᠠ ᠶᠢᠨ ᠤᠳᠤᠭ ᠬᠤᠰᠢᠭᠤ ᠲᠠᠢ ᠬᠠᠳᠤᠨ ᠭᠤᠤᠯ ᠠᠯᠤᠰᠯᠠᠨ ᠪᠠᠷᠠᠳᠠᠵᠤ᠂ | ᠡᠮᠦᠨᠡ ᠳᠠᠯᠠ ᠪᠠᠷ ᠢᠶᠠᠨ ᠤᠰᠤᠳᠡᠢ ᠪᠠᠯᠭᠠᠰᠤ ᠲᠠᠢ ᠵᠠᠯᠭᠠᠯᠳᠤᠨ᠂ ᠪᠠᠷᠠᠭᠤᠨ ᠳᠠᠯᠠ ᠪᠠᠷ ᠢᠶᠠᠨ ᠵᠢᠷᠡᠳᠡᠢ | ᠪᠠᠯᠭᠠᠰᠤᠨ ᠳᠤ ᠳᠤᠯᠵᠤ ᠪᠤᠢ᠃ ᠶᠡᠷᠦᠩᠬᠡᠢ ᠳᠠᠯᠠᠪᠡᠢ ᠨᠢ 2634 ᠬᠠᠪᠳᠠᠭᠠᠢ ᠳᠦᠷᠪᠡᠯᠵᠢᠨ ᠺᠢᠯᠤᠮᠧᠲᠷ ᠪᠠᠶᠢᠵᠤ᠂ | ᠰᠤᠮᠤᠨ ᠤ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠰᠠᠭᠤᠭᠠ ᠭᠠᠵᠠᠷ ᠢ ᠬᠠᠭᠤᠴᠢᠨ ᠳ᠋ᠧᠨᠬ᠋ᠺᠸᠤ ᠭᠡᠳᠡᠭ ᠪᠦᠭᠡᠳ ᠪᠠᠶᠠᠨᠬᠤᠳᠠ ᠠᠴᠠ | 153 ᠺᠢᠯᠤᠮᠧᠲᠷ ᠵᠠᠶᠢᠳᠡᠢ᠂ ᠪᠦᠬᠦ ᠰᠤᠮᠤᠨ ᠳᠤ ᠨᠡᠶᠢᠳᠡ 6 ᠭᠠᠴᠠᠭᠠ ᠲᠠᠢ ᠶᠤᠮ᠃ | ᠮᠠᠨᠵᠤ ᠴᠢᠩ ᠤᠨ ᠰᠠᠶᠢᠰᠢᠶᠠᠯᠳᠤ ᠢᠷᠦᠭᠡᠯᠳᠤ ᠶᠢᠨ ᠬᠤᠷᠢᠨ ᠤᠨ ︵1815 ᠤᠨ︶ ᠳᠤ ᠠᠳᠡ ᠳ᠋ᠧᠨᠬ᠋ᠺᠸᠤ ᠶᠢᠨ | ᠪᠠᠭ ᠪᠤᠯᠤᠨ ᠳᠤᠯᠤᠭᠠᠨᠰᠤᠬᠠᠢ ᠶᠢᠨ ᠪᠠᠭ ᠬᠡᠬᠦ ᠬᠤᠶᠠᠷ ᠪᠠᠭ ᠪᠠᠶᠢᠭᠤᠯᠤᠭᠰᠠᠨ ᠪᠠᠶᠢᠨᠠ᠃ 1926 ᠤᠨ ᠤ ᠡᠪᠦᠯ᠂ | ᠢᠷᠭᠡᠨ ᠤᠯᠤᠰ ᠤᠨ ᠤᠯᠤᠰ ᠠᠷᠠᠳ ᠤᠨ ᠬᠤᠪᠢᠰᠬᠠᠯᠳᠤ ᠴᠡᠷᠢᠭ ᠤᠨ ᠵᠠᠩᠵᠤᠨ ᠹᠧᠩ ᠢᠤᠢ ᠰᠢᠶᠠᠩ ᠳ᠋ᠧᠨᠬ᠋ᠺᠸᠤ | ᠶᠢᠨ ᠪᠠᠭ ᠲᠤ ᠴᠡᠷᠢᠭ ᠤᠨ ᠦᠷᠳᠡᠭᠡ ᠪᠠᠶᠢᠭᠤᠯᠤᠭᠰᠠᠨ ᠪᠡ ᠵᠠᠯᠭᠠᠭᠠᠳ ᠳ᠋ᠧᠨᠬ᠋ᠺᠸᠤ ᠰᠢᠶᠠᠨ ᠪᠠᠶᠢᠭᠤᠯᠤᠭᠰᠠᠨ ᠠᠴᠠ | ᠨᠢᠭᠡ ᠭᠠᠵᠠᠷ ᠬᠤᠶᠡᠷ ᠪᠠᠶᠢᠭᠤᠯᠤᠮᠵᠢ ᠶᠢᠨ ᠵᠠᠬᠢᠷᠦᠯ ᠲᠠᠢ ᠪᠠᠶᠢᠳᠠᠯ ᠢᠯᠡᠷᠡᠭᠰᠡᠨ ᠪᠠᠶᠢᠨᠠ᠃ 1958 ᠤᠨ ᠤ 3 | ᠰᠠᠷᠠ ᠳᠤ᠂ ᠤᠤᠯ ᠤᠨ ᠳᠧᠩᠺᠸᠤ ᠶᠢᠨ ᠪᠠᠭ ᠪᠤᠯᠤᠨ ᠳᠤᠯᠤᠭᠠᠨᠰᠤᠬᠠᠢ ᠶᠢᠨ ᠪᠠᠭ ᠢ ᠨᠠᠶᠢᠯᠡᠬᠦᠯᠦᠭᠡᠳ ᠪᠠᠶᠠᠨᠮᠦ᠋ᠷᠡᠨ | ᠰᠤᠮᠤ ︵ᠬᠠᠳᠤᠨ ᠭᠤᠤᠯ ᠤᠨ ᠬᠦᠪᠡᠭᠡᠨ ᠳᠤ ᠪᠠᠶᠢᠭᠠ ᠪᠤᠯᠬᠤᠷ ᠢᠩᠬᠢᠵᠤ ᠨᠡᠷᠡᠯᠡᠵᠡᠢ︶ ᠭᠡᠵᠤ ᠪᠠᠶᠢᠭᠤᠯᠤᠭᠰᠠᠨ ᠪᠡ | ᠮᠦᠨ ᠵᠢᠯ ᠤᠨ 9 ᠰᠠᠷᠠ ᠳᠤ ᠰᠤᠮᠤ ᠶᠢ ᠦᠭᠡᠷᠡᠴᠢᠯᠡᠨ ᠭᠦᠡᠭᠱᠧ ᠪᠤᠯᠭᠠᠵᠡᠢ᠃ 1959 ᠪᠤᠯᠬᠤ ᠳᠤ ᠳ᠋ᠧᠨᠬ᠋ᠺᠸᠤ | ᠰᠢᠶᠠᠨ ᠤ ᠨᠦᠬᠦᠷᠯᠡᠯ ᠭᠦᠡᠭᠱᠧ ᠲᠠᠢ ᠬᠠᠮᠳᠤᠷᠠᠭᠤᠯᠤᠭᠠᠳ ᠮᠦᠨ ᠬᠦ ᠪᠠᠶᠠᠨᠮᠦ᠋ᠷᠡᠨ ᠭᠦᠡᠭᠱᠧ ᠭᠡᠬᠦ ᠨᠡᠷᠡᠶᠢᠳᠤᠯ ᠢᠶᠠᠷ | ᠳᠠᠭᠤᠳᠠᠵᠤ ᠪᠠᠶᠢᠰᠠᠨ ᠢ 1960 ᠤᠨ ᠤ 6 ᠰᠠᠷᠠ ᠳᠤ ᠤᠳᠠ ᠪᠠᠯᠭᠠᠰᠤᠨ ︵ᠰᠡᠬᠦᠯᠡᠷ ᠨᠢ ᠤᠳᠠ ᠬᠤᠳᠠ | ᠪᠤᠯᠭᠠᠵᠡᠢ᠂ ᠳᠠᠷᠤᠢ ᠤᠳᠤ ᠶᠢᠨ ᠦᠬᠠᠢ ᠬᠤᠳᠠ ᠶᠢᠨ ᠤᠳᠠ ᠳᠤᠭᠤᠷᠢᠭ︶ ᠳᠤ ᠵᠢᠷᠤᠭᠯᠠᠨ ᠬᠠᠷᠢᠶᠠᠯᠠᠭᠤᠯᠵᠡᠢ᠃ | 1964 ᠤᠨ ᠤ 2 ᠰᠠᠷᠠ ᠳᠤ᠂ ᠤᠰᠤᠳᠤ᠂ ᠵᠡᠬᠦᠨ ᠪᠡᠯ ᠰᠤᠮᠤ ᠲᠠᠢ ᠬᠠᠮᠳᠤ ᠳᠠᠬᠢᠨ ᠠᠯᠠᠱᠠ ᠵᠡᠬᠦᠨ | ᠬᠤᠰᠢᠭᠤᠨ ᠳᠤ ᠬᠠᠷᠢᠶᠠᠯᠠᠭᠳᠠᠭᠰᠠᠨ ᠪᠠ 1983 ᠤᠨ ᠤ 11 ᠰᠠᠷᠠ ᠳᠤ ᠭᠦᠡᠭᠱᠧ ᠶᠢ ᠰᠤᠮᠤ ᠬᠡᠵᠤ ᠰᠡᠷᠬᠦᠬᠡᠨ | ᠨᠡᠷᠡᠶᠢᠳᠦᠭᠰᠡᠨ ᠪᠠᠶᠢᠨᠠ᠃ | ᠪᠠᠶᠠᠨᠮᠦ᠋ᠷᠡᠨ ᠰᠤᠮᠤᠨ ᠤ ᠭᠠᠵᠠᠷ ᠤᠨ ᠪᠠᠶᠢᠴᠠ ᠨᠢ ᠡᠮᠦᠨᠡ ᠭᠡᠰᠡᠭ ᠢᠶᠠᠷ ᠢᠶᠠᠨ ᠦᠨᠳᠦᠷ᠂ ᠬᠤᠶᠢᠳᠤ ᠭᠡᠰᠡᠭ ᠢᠶᠠᠷ | ᠢᠶᠠᠨ ᠨᠠᠮᠬᠠᠨ᠂ ᠶᠡᠬᠡᠨᠭᠬᠢ ᠨᠤᠳᠤᠭ ᠳᠡᠪᠢᠰᠭᠡᠷ ᠨᠢ ᠤᠯᠠᠭᠠᠨᠪᠤᠬᠠ ᠶᠢᠨ ᠡᠯᠡᠰᠤᠨ ᠴᠦᠯ ᠤᠨ ᠤᠷᠤᠨ ᠳᠤ ᠪᠠᠶᠢᠵᠤ᠂ | ᠪᠦᠬᠦ ᠳᠠᠯᠠᠪᠡᠢ ᠶᠢᠨ 70％ ᠶᠢ ᠡᠵᠡᠯᠡᠭᠰᠡᠨ ᠪᠠᠶᠢᠨᠠ᠃ ᠬᠠᠳᠤᠨ ᠭᠤᠤᠯ ᠰᠤᠮᠤᠨ ᠤ ᠵᠡᠬᠦᠨ ᠪᠡᠶᠡ ᠪᠠᠷ ᠤᠷᠤᠰᠤᠨ | ᠦᠡᠭᠭᠡᠷᠡᠵᠤ᠂ ᠤᠷᠤᠰᠬᠠᠯ ᠤᠨ ᠤᠷᠤᠨ ᠨᠢ 67 ᠺᠢᠯᠤᠮᠧᠲᠷ ᠪᠠᠶᠢᠳᠠᠭ ᠪᠤᠯᠬᠤᠷ ᠭᠤᠤᠯ ᠤᠨ ᠬᠦᠪᠡᠭᠡ ᠳᠠᠭᠤ ᠦᠩ | ᠰᠢᠮᠡᠯᠢᠭ ᠲᠠᠷᠢᠶᠠᠨ ᠪᠡ ᠭᠤᠤᠯ ᠤᠨ ᠳᠡᠨᠵᠢᠨ ᠤ ᠪᠡᠯᠴᠢᠭᠡᠷ ᠲᠠᠢ ᠶᠤᠮ᠃ 11 ᠲᠦᠮᠡᠨ ᠮᠤ᠋ ᠶᠢᠨ ᠭᠤᠤᠯ ᠤᠨ | ᠳᠡᠨᠵᠢᠨ ᠪᠡᠯᠴᠢᠭᠡᠷ ᠠᠴᠠ ᠵᠢᠯ ᠳᠤ 250 ᠲᠦᠮᠡᠨ ᠺᠢᠯᠦᠭᠷᠡᠮ ᠳᠡᠵᠢᠭᠡᠯ ᠡᠪᠡᠰᠤᠨ ᠤ ᠤᠨᠠᠯᠳᠠ ᠲᠠᠢ ᠪᠡ ᠴᠠᠭᠠᠨ | ᠡᠷᠬᠢ ︵ᠯᠤᠤ ᠶᠠ ᠳᠠᠨ︶ ᠶᠢᠨ ᠬᠠᠳᠤᠨ ᠭᠤᠤᠯ ᠤᠨ ᠤᠰᠤᠯᠠᠯᠳᠠ ᠶᠢᠨ ᠤᠷᠤᠨ ᠢ ᠪᠠᠶᠢᠭᠤᠯᠵᠤ᠂ ᠳᠠᠷᠢᠶᠠᠯᠠᠩ ᠤᠨ | ᠰᠠᠭᠤᠷᠢ ᠲᠦᠬᠦᠭᠡᠷᠦᠮᠵᠢ᠂ ᠢᠵᠢ ᠪᠦᠷᠢᠳᠦᠭᠰᠡᠨ ᠤᠰᠤᠯᠠᠯᠳᠠ ᠶᠢᠨ ᠰᠤᠪᠠᠭ᠂ ᠴᠠᠬᠢᠯᠭᠠᠨ ᠳᠤᠤᠷ ᠤᠨ | ᠲᠦᠯᠦᠪᠵᠢᠬᠦᠯᠬᠡ ᠵᠡᠷᠭᠡ ᠨᠢ ᠪᠦᠷ ᠲᠡᠬᠦᠯᠳᠡᠷᠵᠢᠭᠰᠡᠨ ᠠᠴᠠ ᠨᠡᠶᠢᠳᠡ 20000 ᠭᠠᠷᠦᠢ ᠮᠤ᠋ ᠶᠢᠨ ᠳᠠᠷᠢᠶᠠᠨ ᠭᠠᠵᠡᠷ | ᠲᠠᠢ ᠪᠠᠶᠢᠵᠤ᠂ ᠭᠤᠤᠯᠳᠠᠭᠤ ᠪᠤᠭᠤᠳᠡᠢ᠂ ᠡᠷᠳᠡᠨᠢ ᠰᠢᠰᠢ᠂ ᠪᠤᠷᠴᠠᠭ ᠤᠨ ᠲᠦᠷᠦᠯ᠂ ᠳᠤᠰᠤᠯᠢᠭ ᠨᠡᠷᠡᠨ ᠬᠤᠸᠠᠷ᠂ | ᠦᠷᠠ ᠶᠢᠨ ᠭᠤᠸᠠ ᠵᠡᠷᠭᠡ ᠲᠠᠷᠢᠮᠡᠯ ᠲᠠᠷᠢᠳᠠᠭ᠃ ᠰᠤᠮᠤᠨ ᠤ ᠬᠢᠵᠠᠭᠠᠷ ᠲᠠᠬᠢ ᠠᠭᠤᠷᠬᠠᠢ ᠪᠤᠯᠠᠭᠳᠠᠴᠠ ᠶᠢᠨ | ᠳᠠᠷᠬᠠᠯᠳᠠ ᠦᠷᠭᠡᠨ ᠪᠠᠶᠢᠵᠤ᠂ ᠳᠠᠪᠤᠰᠤ᠂ ᠳᠡᠮᠦᠷ᠂ ᠳᠡᠮᠦᠷᠯᠢᠭ ᠨᠢᠤᠪᠢ᠂ ᠬᠢᠯᠳᠠᠭᠠᠨᠠᠭᠤᠷ ᠵᠡᠷᠭᠡ ᠡᠯᠪᠡᠭ ᠪᠠᠶᠢᠳᠠᠭ᠃ | ᠤᠯᠠᠭᠠᠨᠪᠤᠬᠠ ᠶᠢᠨ ᠡᠯᠡᠰᠤᠨ ᠴᠦᠯ ᠤᠨ ᠤᠷᠤᠨ ᠪᠤᠯ ᠴᠠᠭᠠᠨ ᠭᠤᠶᠤᠤ᠂ ᠤᠯᠠᠭᠠᠨ ᠭᠤᠶᠤᠤ᠂ ᠰᠢᠬᠢᠷ ᠪᠤᠶᠠ᠂ | ᠵᠡᠭᠡᠷᠭᠡᠨᠠ ᠵᠡᠷᠭᠡ ᠪᠠᠶᠢᠭᠠᠯᠢᠯᠢᠬ ᠡᠪᠡᠰᠤᠨ ᠡᠮ ᠤᠨ ᠴᠢᠬᠤᠯᠠ ᠭᠠᠷᠤᠯᠳᠠ ᠶᠢᠨ ᠤᠷᠤᠨ ᠪᠤᠯᠵᠤ᠂ ᠵᠢᠯ ᠤᠨ ᠴᠠᠭᠠᠨ | ᠭᠤᠶᠤᠤ ᠶᠢᠨ ᠭᠠᠷᠤᠯᠳᠠ 5000 ᠭᠠᠷᠤᠢ ᠺᠢᠯᠦᠭᠷᠡᠮ ᠳᠤ ᠬᠦᠷᠳᠡᠭ ᠪᠠᠶᠢᠨᠠ᠃ ᠡᠬᠦᠨ ᠠᠴᠠ ᠭᠠᠳᠠᠨᠠ᠂ | ᠪᠠᠶᠠᠨᠮᠦ᠋ᠷᠡᠨ ᠰᠤᠮᠤᠨ ᠤ ᠬᠠᠳᠤᠨ ᠭᠤᠤᠯ ᠤᠨ ᠮᠦᠷᠬᠦ ᠵᠢᠭᠠᠰᠤ᠂ ᠴᠤᠯᠪᠤᠷᠳᠤ ᠵᠢᠭᠠᠰᠤ᠂ ᠰᠠᠮ ᠬᠤᠷᠤᠬᠠᠢ ᠵᠡᠷᠭᠡ | ᠤᠰᠤᠨ ᠭᠠᠷᠤᠯᠳᠠ ᠨᠢ ᠴᠤ ᠬᠤᠯᠠ ᠦᠢᠷᠠ ᠳᠠᠭᠠᠨ ᠠᠯᠳᠠᠷᠳᠡᠢ ᠪᠢᠯᠡ᠃ ᠪᠠᠶᠠᠨᠮᠦ᠋ᠷᠡᠨ ᠰᠤᠮᠤ ᠪᠤᠯ ᠠᠯᠠᠱᠠ ᠵᠡᠬᠦᠨ | ᠬᠤᠰᠢᠭᠤᠨ ᠤ ᠬᠤᠳᠤᠩ ᠦᠨᠳᠦᠰᠦᠳᠡᠨ ᠭᠤᠤᠯᠯᠠᠨ ᠳᠦᠯᠦᠪᠰᠢᠷᠡᠵᠤ ᠰᠠᠭᠤᠷᠢᠰᠢᠭᠰᠠᠨ ᠰᠤᠮᠤ ᠪᠦᠭᠡᠳ ᠢᠰᠯᠠᠮ ᠤᠨ | ᠰᠢᠳᠦᠬᠡᠨᠳᠤ ᠮᠤᠩᠭᠤᠯᠴᠤᠳ ᠴᠤ ᠨᠡᠯᠢᠶᠡᠳ ᠪᠠᠶᠢᠳᠠᠭ᠃ ᠤᠯᠠᠭᠠᠨᠪᠤᠬᠠ ᠶᠢᠨ ᠡᠯᠡᠰᠤᠨ ᠴᠦᠯ ᠪᠠ ᠬᠠᠳᠤᠨ | ᠭᠤᠤᠯ ᠤᠨ ᠦᠪᠡᠷᠮᠢᠴᠠ ᠦᠡᠭᠭᠡ ᠦᠵᠡᠮᠵᠢ ᠶᠢ ᠪᠦᠷᠢᠳᠦᠬᠦᠯᠦᠭᠰᠡᠨ ᠠᠴᠠ ᠪᠠᠶᠠᠨᠮᠦ᠋ᠷᠡᠨ ᠰᠤᠮᠤᠨ ᠤ ᠵᠤᠭᠠᠴᠠᠯ ᠤᠨ | ᠦᠢᠯᠡᠰ ᠬᠦᠭᠵᠢᠯᠳᠡ ᠶᠢᠨ ᠳᠠᠯᠳᠠ ᠬᠦᠴᠦᠨ ᠲᠠᠢ ᠪᠠᠶᠢᠵᠤ᠂ ᠤᠳᠤᠬᠠᠨ ᠳᠤ ᠳᠤᠰ ᠰᠤᠮᠤᠨ ᠤ ᠬᠤᠯᠪᠤᠭᠠ | ᠭᠠᠴᠠᠭᠠᠨ ᠳᠤ ᠨᠢᠭᠡᠨ ᠬᠠᠳᠤᠨ ᠭᠤᠤᠯ ᠤᠨ ᠠᠮᠢ ᠠᠬᠤᠢ ᠶᠢᠨ ᠵᠤᠭᠠᠴᠠᠯ ᠤᠨ ᠤᠷᠤᠨ ᠢ ᠪᠠᠶᠢᠭᠤᠯᠤᠭᠠᠳ ᠪᠤᠢ᠃ | ᠠᠯᠠᠱᠠ ᠶᠢᠨ ᠳᠡᠤᠬᠡᠨ ᠳᠠᠬᠢ ᠠᠯᠳᠠᠷᠳᠤ ᠬᠦᠮᠦᠨ ᠪᠤᠯᠬᠤ ᠠᠮᠤᠷᠵᠢᠷᠭᠠᠯ ︵ᠠᠨᠵᠤ ᠳ᠋ᠠ ᠷᠧᠨ︶ ᠭᠤᠸᠠᠢ ᠮᠠᠨᠵᠤ | ᠴᠢᠩ ᠤᠨ ᠪᠠᠳᠠᠷᠠᠭᠤᠯᠳᠤ ᠳᠦᠷᠦ ᠶᠢᠨ ᠠᠷᠪᠠᠨ ᠳᠠᠪᠤᠨ ᠤᠨ ︵1889 ᠤᠨ︶ ᠳᠤ ᠪᠠᠶᠢᠭᠤᠯᠤᠭᠰᠠᠨ ᠵᠡᠬᠦᠨ | ᠭᠡᠶᠢᠳ ᠤᠨ ᠬᠠᠷᠢᠶᠠᠳᠤ ᠰᠦᠮᠡ ᠪᠤᠯᠬᠤ ︽ᠫᠦᠨᠼᠤᠭᠳᠠᠷᠵᠢᠯᠢᠩ ᠰᠦᠮᠡ︾ — ᠨᠤᠳᠤᠭ ᠤᠨ ᠬᠦᠮᠦᠰ ᠤᠨ | ᠭᠡᠯᠡᠳᠡᠭ ︽ᠰᠡᠭᠡᠷ ᠤᠨ ᠰᠦᠮᠡ︾ ᠪᠤᠶᠤ ︽ᠠᠨᠵᠤ ᠶᠢᠨ ᠰᠦᠮᠠ︾ ᠪᠤᠯ ᠳᠠᠷᠤᠢ ᠳᠤᠰ ᠰᠤᠮᠤᠨ ᠤ ᠪᠠᠶᠠᠨᠰᠢᠭᠤᠢ | ᠭᠠᠴᠠᠭᠠᠨ ᠳᠤ ᠪᠠᠶᠢᠳᠠᠭ ᠶᠤᠮ᠃ | ᠰᠤᠮᠤᠨ ᠤ ᠰᠠᠭᠤᠭᠠ ᠭᠠᠵᠡᠷ ᠪᠤᠯᠬᠤ ᠬᠠᠭᠤᠴᠢᠨ ᠳ᠋ᠧᠨᠬ᠋ᠺᠸᠤ ᠨᠢ ᠦᠬᠠᠢ ᠬᠤᠳᠠ ᠠᠴᠠ 30 ᠺᠢᠯᠤᠮᠧᠲᠷ ᠵᠠᠶᠢᠳᠡᠢ᠂ | ᠪᠤᠭᠤᠳᠤ — ᠯᠠᠨᠵᠸᠤ ᠳᠡᠮᠦᠷ ᠵᠠᠮ ᠪᠡ 110 ᠤᠯᠤᠰ ᠤᠨ ᠵᠠᠰᠠᠮᠠᠯ ᠵᠠᠮ ᠤᠨ ᠱᠤᠭᠤᠮ ᠠᠴᠠ 2 ᠺᠢᠯᠤᠮᠧᠲᠷ | ᠵᠠᠶᠢᠳᠡᠢ ᠪᠠᠶᠢᠳᠠᠭ᠃ ᠳᠤᠰ ᠰᠤᠮᠤᠨ ᠤ ᠬᠠᠷᠢᠶᠠᠨ ᠳᠠᠬᠢ 6 ᠭᠠᠴᠠᠭᠠ ᠪᠤᠯ ᠳᠤᠰᠪᠦᠷᠢ ᠬᠤᠯᠪᠤᠭᠠ ᠭᠠᠴᠠᠭᠠ᠂ | ᠤᠯᠠᠭᠠᠨᠪᠤᠬᠠ ᠭᠠᠴᠠᠭᠠ᠂ ᠱᠠᠩ ᠳᠠᠨ ᠭᠠᠴᠠᠭᠠ᠂ ᠪᠠᠶᠠᠨᠳᠤᠬᠤᠢ ᠭᠠᠴᠠᠭᠠ᠂ ᠪᠠᠶᠠᠨᠰᠢᠭᠤᠢ ᠭᠠᠴᠠᠭᠠ᠂ | ᠤᠯᠠᠭᠠᠨᠰᠤᠬᠠᠢ ᠭᠠᠴᠠᠭᠠ ᠵᠡᠷᠭᠡ ᠪᠤᠯᠤᠨᠠ᠃ |