| | ︽ᠮᠤᠩᠭᠤᠯ ᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠬᠠᠭᠤᠳᠠᠰᠤ ᠰᠡᠬᠦᠮᠡᠭᠴᠡ ᠴᠢᠩᠭᠢᠰ ᠬᠠᠭᠠᠨ ᠤ ᠢᠵᠠᠭᠤᠷ | ᠠᠨᠤ ᠲᠡᠭᠡᠳᠦ ᠲᠡᠭᠷᠢ ᠠᠴᠠ ᠵᠠᠶᠠᠭᠠᠵᠤ ᠲᠦᠷᠦᠭᠰᠡᠨ ᠪᠦᠷᠳᠡ ᠴᠢᠨ᠋ᠸᠠ᠂ ᠬᠡᠷᠬᠡᠢ ᠭᠤᠸᠠ ᠮᠠᠷᠠᠯ ᠠᠵᠢ᠃ | ᠲᠠᠩᠭᠢᠰ ᠠᠴᠠ ᠬᠡᠲᠦᠯᠦᠨ ᠢᠷᠡᠵᠤ ᠤᠨᠤᠨ ᠮᠦᠷᠡᠨ ᠤ ᠡᠬᠢ᠂ ᠪᠤᠷᠬᠠᠨ ᠬᠠᠯᠲᠤᠨ ᠳᠤ ᠨᠤᠲᠤᠬᠯᠠᠵᠤ ᠬᠦᠪᠡᠭᠦᠨ | ᠪᠠᠳᠠᠴᠢ ᠬᠠᠨ ᠢ ᠲᠦᠷᠦᠪᠡ ᠭᠡᠵᠤ ᠮᠤᠩᠭᠤᠯ ᠠᠶᠢᠮᠠᠭ ᠤᠨ ᠬᠠᠮᠤᠭ ᠤᠨ ᠡᠷᠲᠡᠨ ᠤ ᠲᠡᠭᠡᠳᠦᠰ ᠪᠦᠷᠳᠡ ᠴᠢᠨ᠋ᠸᠠ ᠶᠢ | ᠲᠡᠮᠲᠡᠭᠯᠡᠭᠰᠡᠨ ᠪᠠᠶᠢᠨᠠ᠃ ᠬᠡᠲᠡᠯᠡ ᠠᠷᠪᠠᠨ ᠲᠤᠯᠤᠳᠤᠭᠠᠷ ᠵᠠᠭᠤᠨ ᠠᠴᠠ ᠡᠬᠢᠯᠡᠨ ᠮᠤᠩᠭᠤᠯ ᠤᠨ ᠲᠡᠤᠬᠡᠴᠢᠨ | ᠮᠤᠩᠭᠤᠯ ᠤᠨ ᠲᠡᠤᠬᠡ ᠶᠢ ᠪᠢᠴᠢᠬᠦ ᠳᠤ ᠪᠠᠨ ᠮᠤᠩᠭᠤᠯ ᠬᠠᠭᠠᠳ ᠤᠨ ᠤᠭ ᠲᠡᠭᠡᠳᠦ ᠪᠦᠷᠳᠡ ᠴᠢᠨ᠋ᠸᠠ ᠭᠤᠸᠠ | ᠮᠠᠷᠠᠯ ᠨᠢ ᠲᠦᠪᠡᠳ ᠤᠨ ︽ᠠᠯᠲᠠᠨ ᠰᠠᠨᠳᠠᠯᠢᠲᠤ ᠬᠠᠭᠠᠨ ᠤ ᠤᠳᠬᠤᠨ ᠬᠦᠪᠡᠭᠦᠨ︾ ᠬᠡᠵᠤ ᠲᠡᠮᠲᠡᠭᠯᠡᠵᠡᠢ᠃ ᠡᠨᠡ | ᠪᠤᠯ ᠲᠡᠤᠬᠡ ᠶᠢᠨ ᠪᠤᠳᠠᠳᠤ ᠬᠡᠷᠡᠭ ᠲᠠᠢ ᠡᠰᠡ ᠨᠡᠶᠢᠴᠡᠬᠦ ᠦᠭᠦᠯᠡᠯ ᠶᠤᠮ᠃ ᠯᠢᠤ ᠶᠢᠨ ᠰᠦᠸᠧ ᠨᠦᠬᠦᠷ ᠲᠡᠭᠦᠨ ᠤ ︽ | ᠠᠷᠪᠠᠨ ᠭᠤᠷᠪᠠ — ᠠᠷᠪᠠᠨ ᠲᠤᠯᠤᠳᠤᠭᠠᠷ ᠵᠠᠭᠤᠨ ᠤ ᠮᠤᠩᠭᠤᠯ ᠤᠨ ᠲᠡᠤᠬᠡ ᠪᠢᠴᠢᠯᠭᠡ︾ ᠬᠡᠬᠦ ᠨᠤᠮ ᠳᠤ ᠪᠠᠨ | ᠡᠨᠡ ᠬᠦ ᠬᠡᠢ ᠦᠵᠡᠯ ᠤᠨ ᠢᠷᠡᠯᠲᠡ ᠶᠢᠨ ᠲᠤᠬᠠᠢ ᠰᠢᠨᠵᠢᠯᠡᠭᠡ ᠬᠢᠵᠤ ᠦᠭᠦᠯᠡᠭᠰᠡᠨ ᠨᠢ᠄ ︽ᠡᠨᠡᠳᠬᠡᠭ | ᠲᠦᠪᠡᠳ ᠠᠴᠠ ᠦᠨᠳᠦᠰᠦᠯᠡᠭᠰᠡᠨ ᠭᠡᠳᠡᠭ ᠦᠵᠡᠯ ᠠᠩᠬᠠ ᠲᠡᠷᠢᠭᠦᠨᠡ ᠫᠠᠭᠫᠠ ᠯᠠᠮᠠ᠂ ᠯᠠᠮᠠ ᠶᠢᠨ ᠱᠠᠰᠢᠨ ᠢ | ᠮᠤᠩᠭᠤᠯ ᠬᠠᠭᠠᠳ ᠲᠦᠰᠢᠮᠡᠳ ᠲᠤ ᠰᠡᠳᠦᠭᠦᠯᠬᠦ ᠶᠢᠨ ᠲᠦᠯᠦᠭᠡ ᠮᠤᠩᠭᠤᠯ ᠬᠠᠭᠠᠳ ᠪᠤᠯ ᠡᠷᠬᠢᠨ ᠪᠤᠳᠢᠰᠤᠩ | ᠨᠠᠷ ᠤᠨ ᠲᠦᠷᠦᠯᠲᠡᠨ — ᠡᠨᠡᠳᠬᠡᠭ ᠲᠦᠪᠡᠳ ᠠᠴᠠ ᠦᠨᠳᠦᠰᠦᠯᠡᠭᠰᠡᠨ ᠭᠡᠵᠤ ᠦᠭᠦᠯᠡᠭᠰᠡᠨ ᠪᠠᠶᠢᠨᠠ᠃ ᠭᠡᠪᠡᠴᠤ | ᠫᠠᠭᠫᠠ ᠯᠠᠮᠠ ᠶᠢᠨ ᠡᠨᠡ ᠦᠵᠡᠯ ᠨᠢ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠵᠦᠪᠬᠡᠨ ᠬᠠᠭᠠᠨ ᠤᠷᠳᠤᠨ ᠪᠤᠶᠤ ᠲᠡᠭᠡᠳᠦ | ᠲᠠᠪᠬᠤᠷᠭᠠᠲᠠᠨ ᠤ ᠲᠤᠮᠳᠠ ᠯᠠ ᠲᠡᠯᠭᠡᠷᠡᠭᠰᠡᠨ ᠠᠴᠠ ᠪᠢᠰᠢ᠂ ᠨᠡᠶᠢᠬᠡᠮ ᠨᠡᠶᠢᠲᠡ ᠳᠤ ᠲᠡᠯᠭᠡᠷᠡᠭᠰᠡᠨ ᠦᠭᠡᠢ ᠪᠠᠶᠢᠯᠠ᠃ | ᠮᠦᠨ ᠲᠡᠭᠦᠨᠴᠢᠯᠡᠨ ᠲᠡᠤᠬᠡ ᠶᠢᠨ ᠤᠬᠠᠭᠠᠨ ᠳᠤ ᠴᠤ ᠨᠤᠶᠠᠷᠬᠠᠬᠤ ᠪᠠᠶᠢᠷᠢ ᠶᠢ ᠡᠵᠡᠯᠡᠭᠡᠳᠦᠢ ᠪᠠᠶᠢᠵᠠᠢ᠃ ᠠᠷᠪᠠᠨ | ᠲᠠᠪᠤᠳᠤᠭᠠᠷ ᠵᠠᠭᠤᠨ ᠤ ᠦᠶᠡ ᠳᠤ ᠪᠢᠴᠢᠭᠳᠡᠭᠰᠡᠨ ᠮᠤᠩᠭᠤᠯ ᠤᠨ ᠲᠡᠤᠬᠡ ︽ᠬᠦᠬᠡ ᠲᠡᠪᠲᠡᠷ︾ ᠲᠤ ᠮᠤᠩᠭᠤᠯ ᠤᠨ | ᠲᠡᠭᠡᠳᠦᠰ ᠪᠤᠯ ᠪᠦᠷᠳᠡ ᠴᠢᠨ᠋ᠸᠠ ᠭᠡᠵᠤ ᠪᠢᠴᠢᠭᠰᠡᠨ ᠠᠴᠠ ᠪᠢᠰᠢ᠂ ᠲᠡᠭᠦᠨ ᠢ ᠡᠨᠡᠳᠬᠡᠭ ᠲᠦᠪᠡᠳ ᠤᠨ ᠭᠠᠷᠤᠯ ᠲᠠᠢ | ᠭᠡᠵᠤ ᠪᠢᠴᠢᠭᠰᠡᠨ ᠦᠭᠡᠢ᠃ ᠠᠷᠪᠠᠨ ᠵᠢᠷᠭᠤᠳᠤᠭᠠᠷ ᠵᠠᠭᠤᠨ ᠤ ᠰᠡᠭᠦᠯᠴᠢ ᠶᠢᠨ ᠦᠶᠡ᠂ ᠪᠤᠷᠬᠠᠨ ᠱᠠᠰᠢᠨ ᠮᠤᠩᠭᠤᠯ | ᠤᠷᠤᠨ ᠳᠤ ᠲᠡᠯᠭᠡᠷᠡᠨ ᠮᠤᠩᠭᠤᠯ ᠤᠨ ᠤᠶᠤᠲᠠᠳ᠂ ᠰᠡᠭᠡᠭᠡᠲᠡᠨ ᠨᠠᠷ ᠴᠤ ᠪᠤᠷᠬᠠᠨ ᠨᠤᠮ ᠢ ᠰᠤᠷᠴᠤ ᠪᠤᠷᠬᠠᠨ | ᠱᠠᠰᠢᠨ ᠢ ᠰᠢᠲᠦᠲᠡᠭ ᠪᠤᠯᠪᠠ᠃ ᠮᠤᠩᠭᠤᠯ ᠤᠨ ᠲᠡᠤᠬᠡ ᠪᠢᠴᠢᠯᠭᠡ ᠴᠤ ᠪᠤᠷᠬᠠᠨ ᠱᠠᠰᠢᠨ ᠳᠤ ᠬᠦᠨ ᠶᠡᠭᠡ | ᠨᠦᠯᠦᠭᠡᠯᠡᠭᠳᠡᠪᠡ᠃ ᠠᠷᠪᠠᠨ ᠲᠤᠯᠤᠳᠤᠭᠠᠷ ᠵᠠᠭᠤᠨ ᠠᠴᠠ ᠡᠬᠢᠯᠡᠨ ᠮᠤᠩᠭᠤᠯ ᠤᠨ ᠲᠡᠤᠬᠡᠴᠢᠨ ᠮᠤᠩᠭᠤᠯ ᠤᠨ | ᠲᠡᠤᠬᠡ ᠶᠢ ᠪᠢᠴᠢᠬᠦ ᠳᠤ ᠪᠠᠨ ᠫᠠᠭᠫᠡ ᠯᠠᠮᠠ ᠶᠢᠨ ᠦᠵᠡᠯ ᠢ ᠪᠠᠷᠢᠮᠲᠠᠯᠠᠨ ᠡᠨᠡᠳᠬᠡᠭ — ᠲᠦᠪᠡᠳ — | ᠮᠤᠩᠭᠤᠯ ᠤᠨ ᠬᠠᠭᠠᠳ ᠪᠤᠯ ᠢᠵᠠᠭᠤᠷ ᠨᠢᠭᠡᠲᠡᠢ ᠭᠡᠵᠤ ᠪᠢᠴᠢᠳᠡᠭ ᠪᠤᠯᠵᠠᠢ︾ ᠭᠡᠵᠡᠢ᠃ ᠡᠶᠢᠮᠤ ᠠᠴᠠ ᠪᠢᠳᠠ | ᠮᠤᠩᠭᠤᠯ ᠤᠨ ᠲᠡᠭᠡᠳᠦᠰ ᠢ ᠪᠢᠴᠢᠬᠦ ᠳᠤ ᠪᠠᠨ ᠡᠷᠬᠡᠪᠰᠢ ︽ᠮᠤᠩᠭᠤᠯ ᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠢ ᠪᠠᠷᠢᠮᠲᠠᠯᠠᠬᠤ | ᠴᠢᠬᠤᠯᠠᠲᠠᠢ ᠪᠤᠢ᠃ | | |