| | ᠴᠢᠩ ᠤᠯᠤᠰ ᠤᠨ ᠥᠶᠠ ᠶᠢᠨ ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠶᠢᠳᠤ ᠬᠤᠰᠢᠭᠤᠨ ᠤ ᠵᠠᠰᠠᠭ ᠴᠢᠨ ᠸᠠᠩ᠂ | ᠪᠤᠷᠵᠢᠬᠢᠨ ᠤᠪᠤᠭ ᠲᠠᠢ᠃ ᠳᠥᠷᠤ ᠭᠡᠷᠡᠯᠳᠤ ᠶᠢᠨ 5 ᠳ᠋ᠤᠭᠠᠷ ᠤᠨ ︵1825 ᠤᠨ︶ ᠳᠤ ᠵᠠᠰᠠᠭ ᠳᠥᠷᠤ ᠶᠢᠨ | ᠵᠢᠶᠦ᠋ᠨ ᠸᠠᠩ ᠤᠨ ᠵᠡᠷᠭᠡ ᠶᠢ ᠵᠠᠯᠭᠠᠮᠵᠢᠯᠠᠵᠤ᠂ ᠳᠥᠭᠡᠮᠡᠯ ᠡᠯᠪᠡᠭᠳᠤ ᠶᠢᠨ 3 ᠳ᠋ᠤᠭᠠᠷ ᠤᠨ ︵1853 ᠤᠨ︶ ᠳᠤ | ᠬᠤᠤᠪᠢ ᠶᠢᠨ ᠰᠠᠶᠢᠳ ᠤᠨ ᠳᠥᠰᠢᠶᠠᠯ ᠳᠤ ᠳᠡᠪᠰᠢᠨ᠂ ᠵᠠᠷᠯᠢᠭ ᠢᠶᠠᠷ ᠮᠤᠷᠢᠳᠤ ᠴᠡᠷᠢᠭ ᠳᠠᠶᠢᠴᠢᠯᠠᠵᠤ ᠾᠧᠪᠸᠢ᠂ | ᠱᠠᠨᠳᠦ᠋ᠡᠭ ᠵᠡᠷᠭᠡ ᠭᠠᠵᠠᠷ ᠲᠤ ᠲᠠᠢ ᠫᠢᠡᠭ ᠳᠢᠶᠠᠨ ᠬᠥᠸᠧ ᠶᠢᠨ ᠬᠥᠳᠡᠯᠭᠡᠭᠡᠨ ᠤ ᠤᠮᠠᠷᠠᠰᠢ ᠳᠠᠶᠢᠯᠠᠭᠰᠠᠨ ᠴᠡᠷᠢᠭ ᠢ | ᠬᠤᠷᠢᠭᠯᠠᠨ ᠪᠠᠶᠢᠯᠳᠤᠪᠠ᠃ 5 ᠳ᠋ᠤᠭᠠᠷ ᠤᠨ ᠳᠤ ᠱᠠᠨᠳᠦ᠋ᠡᠭ ᠳᠤ ᠤᠮᠠᠷᠠᠰᠢ ᠳᠠᠶᠢᠯᠠᠭᠰᠠᠨ ᠴᠡᠷᠢᠭ ᠢ ᠢᠯᠠᠵᠤ᠂ ᠯᠢᠨ | ᠹᠸᠡᠭ ᠰᠢᠶᠠᠩ᠂ ᠯᠢ ᠺᠠᠢ ᠹᠠᠨᠭ᠌ ᠵᠡᠷᠭᠡ ᠲᠠᠢ ᠫᠢᠡᠭ ᠵᠢᠶᠦ᠋ᠨ ᠴᠡᠷᠢᠭ ᠤᠨ ᠭᠤᠤᠯ ᠵᠠᠩᠵᠤᠨ ᠨᠠᠷ ᠢ ᠠᠯᠠᠭᠰᠠᠨ ᠳᠤᠯᠠ | ᠪᠤᠳᠤᠯᠭᠠᠳᠠᠢ ᠴᠢᠨ ᠸᠠᠩ ᠡᠷᠬᠦᠮᠵᠢᠯᠡᠭᠳᠡᠵᠡᠢ᠃ | ᠬᠤᠶᠠᠳᠤᠭᠠᠷ ᠤᠳᠠᠭᠠᠨ ᠤ ᠬᠠᠷᠠ ᠳᠠᠮᠠᠬᠢ ᠶᠢᠨ ᠳᠠᠶᠢᠨ ᠳᠡᠭᠳᠡᠭᠰᠡᠨ ᠤ ᠳᠠᠷᠠᠭᠠ᠂ ᠵᠠᠷᠯᠢᠭ ᠢᠶᠠᠷ ᠳᠢᠶᠠᠨᠵᠢᠨ ᠤ | ᠰᠠᠷᠬᠡᠶᠢᠯᠡᠯᠳᠠ ᠶᠢᠨ ᠥᠢᠯᠠ ᠭᠡᠷᠡᠭ ᠢ ᠬᠠᠷᠢᠭᠤᠴᠠᠵᠤ᠂ ᠵᠢᠷᠢᠮ᠂ ᠵᠤᠤ ᠤᠳᠠ᠂ ᠵᠤᠰᠤᠳᠤ ᠶᠢᠨ ᠮᠤᠩᠭᠤᠯ ᠮᠤᠷᠢᠳᠤ | ᠴᠡᠷᠢᠭ ᠪᠤᠯᠤᠨ ᠴᠢᠩ ᠤᠯᠤᠰ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠤᠨ ᠭᠡᠳᠤᠨ ᠮᠢᠩᠭᠠᠨ ᠴᠡᠷᠢᠭ ᠢ ᠤᠳᠤᠷᠢᠳᠤᠨ ᠳ᠋ᠠᠬᠥ᠋ ᠶᠢ | ᠪᠠᠬᠢᠯᠡᠨ ᠰᠠᠬᠢᠪᠠ᠃ 9 ᠳ᠋ᠤᠭᠡᠷ ᠤᠨ ᠳᠤ ᠳ᠋ᠠᠬᠥ᠋ ᠳᠤ ᠴᠡᠷᠢᠭ ᠵᠢᠯᠤᠭᠤᠳᠤᠨ ᠳᠠᠶᠢᠰᠤᠨ ᠯᠤᠭᠠ ᠡᠷᠡᠯᠭᠡᠭ | ᠪᠠᠭᠠᠳᠤᠷᠯᠢᠭ ᠢᠶᠠᠷ ᠰᠢᠷᠤᠬᠦᠨ ᠪᠠᠶᠢᠯᠳᠤᠵᠤ᠂ ᠠᠩᠭ᠍ᠯᠢ ᠹᠷᠠᠨᠼᠢ ᠶᠢᠨ ᠬᠤᠯᠪᠤᠭᠠᠳᠤ ᠴᠡᠷᠢᠭ ᠤᠨ 3 ᠬᠥᠯᠭᠡ | ᠤᠡᠭᠭᠤᠴᠠ ᠶᠢ ᠫᠤᠤᠳᠠᠨ ᠵᠢᠪᠤᠬᠦᠯᠵᠤ᠂ ᠳᠠᠶᠢᠰᠤᠨ ᠤ 464 ᠴᠡᠷᠢᠭ ᠢ ᠤᠰᠠᠳᠬᠠᠵᠤ᠂ ᠠᠩᠭ᠍ᠯᠢ ᠶᠢᠨ ᠴᠡᠷᠢᠭ ᠤᠨ | ᠺᠤᠮᠠᠨᠳ᠋ᠯᠠᠭᠴᠢ ᠶᠢ ᠬᠥᠨᠳᠤ ᠰᠢᠷᠠᠭᠳᠤᠭᠤᠯᠤᠭᠠᠳ᠂ ᠳᠥᠷᠢᠮᠡᠭᠡᠢ ᠴᠡᠷᠢᠭ ᠤᠨ ᠳᠠᠭᠠᠷᠢᠯᠳᠠ ᠶᠢ ᠴᠤᠬᠢᠨ ᠤᠬᠤᠷᠢᠭᠤᠯᠵᠠᠢ | ᠃ | ᠳ᠋ᠠᠬᠥ᠋ ᠶᠢᠨ ᠬᠠᠮᠠᠭᠠᠯᠠᠯᠳᠠ ᠶᠢᠨ ᠳᠠᠶᠢᠨ ᠨᠢ 1840 ᠤᠨ ᠠᠴᠠ ᠨᠠᠰᠢᠬᠢ ᠳᠤᠮᠳᠠᠳᠤ ᠤᠯᠤᠰ ᠤᠨ ᠬᠠᠷᠢ ᠶᠢᠨ | ᠡᠵᠡᠷᠭᠡᠭ ᠳᠥᠷᠢᠮᠡᠭᠡᠶᠢᠳᠡᠨ ᠯᠦᠭᠡ ᠶᠠᠪᠤᠭᠤᠯᠤᠭᠰᠠᠨ ᠳᠠᠶᠢᠨ ᠤ ᠳᠤᠮᠳᠠᠬᠢ ᠠᠩᠬᠠᠳᠤᠭᠴᠢ ᠤᠳᠠᠭᠠᠨ ᠤ ᠠᠤᠭᠠ ᠶᠡᠭᠡ | ᠢᠯᠠᠯᠳᠠ ᠮᠥᠨ᠃ ᠥᠭᠡᠶᠢᠬᠦᠤ ᠠᠩᠭᠢ ᠶᠢᠨ ᠬᠤᠪᠢᠰᠬᠠᠯ ᠤᠨ ᠪᠠᠭᠰᠢ ᠮᠠᠷᠺᠰ ᠴᠤ ᠰᠡᠩᠭᠡᠷᠢᠨᠴᠢᠨ ᠤ ᠡᠷᠡᠯᠭᠡᠭ | ᠪᠠᠭᠠᠳᠤᠷᠯᠢᠭ ᠵᠤᠷᠢᠭ ᠰᠠᠨᠠᠭᠠ ᠪᠠ ᠳ᠋ᠠᠬᠥ᠋ ᠶᠢᠨ ᠬᠠᠮᠠᠭᠠᠯᠠᠯᠳᠠ ᠶᠢᠨ ᠳᠠᠶᠢᠨ ᠢ ᠥᠨᠳᠤᠷ ᠥᠨᠡᠯᠡᠵᠤ ᠥᠡᠭᠭᠡᠷᠡᠵᠠᠢ᠃ | ᠬᠤᠵᠢᠮ ᠨᠢ ᠠᠩᠭ᠍ᠯᠢ ᠹᠷᠠᠨᠼᠢ ᠶᠢᠨ ᠬᠤᠯᠪᠤᠭᠠᠳᠤ ᠴᠡᠷᠢᠭ ᠪᠸᠢ ᠳᠠᠩ ᠢᠶᠠᠷ ᠬᠠᠭᠤᠷᠠᠢ ᠳᠤ ᠭᠠᠷᠴᠤ᠂ ᠠᠷᠤ | ᠥᠪᠤᠷ ᠠᠴᠠ ᠨᠢ ᠬᠠᠪᠴᠢᠨ ᠪᠠᠶᠢᠯᠳᠤᠭᠰᠠᠨ ᠳᠤ ᠰᠡᠩᠭᠡᠷᠢᠨᠴᠢᠨ ᠤ ᠴᠡᠷᠢᠭ ᠢᠯᠠᠭᠳᠠᠯ ᠳᠤ ᠤᠴᠠᠷᠠᠵᠤ᠂ ᠳ᠋ᠠᠬᠥ᠋᠂ | ᠳᠢᠶᠠᠨᠵᠢᠨ ᠢ ᠠᠯᠳᠠᠪᠠ᠃ ᠳᠡᠬᠦᠨ ᠤ ᠳᠠᠷᠠᠭᠠ ᠳᠥᠡᠭᠵᠸᠤ ᠵᠡᠷᠭᠡ ᠭᠠᠵᠠᠷ ᠲᠤ ᠪᠠᠰᠠ ᠠᠩᠭ᠍ᠯᠢ ᠹᠷᠠᠨᠼᠢ ᠶᠢᠨ | ᠳᠥᠷᠢᠮᠡᠭᠡᠢ ᠴᠡᠷᠢᠭ ᠲᠠᠢ ᠭᠡᠳᠤᠨ ᠤᠳᠠᠭᠠ ᠰᠢᠷᠤᠬᠦᠨ ᠪᠠᠶᠢᠯᠳᠤᠭᠰᠨ ᠪᠠᠶᠢᠨᠠ᠃ ᠪᠡᠭᠡᠵᠢᠩ ᠡᠵᠡᠯᠡᠭᠳᠡᠭᠰᠡᠨ ᠤ | ᠳᠠᠷᠠᠭᠠ ᠢᠯᠵᠠᠷᠠᠨ ᠳᠤᠷᠦ᠋ᠢᠳᠠᠭᠰᠠᠨ ᠴᠢᠩ ᠤᠯᠤᠰ ᠤᠨ ᠵᠠᠰᠠᠭ ᠤᠨ ᠤᠷᠳᠤᠨ ᠠᠴᠠ ᠰᠡᠩᠭᠡᠷᠢᠨᠴᠢᠨ ᠤ ᠵᠡᠷᠭᠡ | ᠭᠡᠷᠬᠡᠮ ᠢ ᠨᠢ ᠪᠠᠭᠤᠷᠠᠭᠤᠯᠵᠤ᠂ ᠪᠠᠶᠢᠴᠠᠭᠠᠭᠴᠢ ᠳᠥᠰᠢᠮᠡᠯ ᠢ ᠨᠢ ᠭᠡᠪ ᠢᠶᠠᠷ ᠥᠯᠡᠳᠡᠭᠡᠵᠠᠢ᠃ | 11 ᠤᠨ ᠳᠤ ᠵᠠᠷᠯᠢᠭ ᠢᠶᠠᠷ ᠴᠡᠷᠢᠭ ᠳᠠᠶᠢᠴᠢᠯᠠᠨ᠂ ᠾᠧᠪᠸᠢ᠂ ᠱᠠᠨᠳᠦ᠋ᠡᠭ᠂ ᠾᠧᠨᠠᠨ᠂ ᠠᠨᠾᠦ᠋ᠢ᠂ ᠬᠤᠪᠸᠢ ᠵᠡᠷᠭᠡ | ᠭᠠᠵᠠᠷ ᠲᠤ ᠨᠢᠶᠠᠨ ᠳ᠋ᠠᠩ ᠤᠨ ᠪᠤᠰᠤᠯᠭᠠ ᠶᠢᠨ ᠴᠡᠷᠢᠭ ᠢ ᠳᠠᠷᠤᠩᠭᠤᠢᠢᠯᠠᠵᠤ ᠭᠠᠪᠢᠶᠠ ᠪᠠᠶᠢᠭᠤᠯᠤᠭᠰᠠᠨ ᠢᠶᠠᠷ ᠴᠢᠨ | ᠸᠠᠩ ᠤᠨ ᠵᠡᠷᠭᠡ ᠭᠡᠷᠭᠡᠮ ᠢ ᠨᠢ ᠰᠡᠷᠬᠦᠭᠡᠪᠠ᠃ ᠪᠥᠷᠢᠨ ᠵᠠᠰᠠᠭᠴᠢ ᠶᠢᠨ 4 ᠳ᠋ᠤᠭᠡᠷ ᠤᠨ ︵1865 ᠤᠨ︶ ᠤ 5 | ᠳ᠋ᠤᠭᠠᠷ ᠰᠠᠷᠠ ᠳᠤ ᠱᠠᠨᠳᠦ᠋ᠡᠭ ᠤᠨ ᠽᠤᠤᠵᠸᠤ ︵ᠤᠳᠤ ᠶᠢᠨ ᠾᠧ ᠽᠧ ᠰᠢᠶᠠᠨ︶ ᠶᠢᠨ ᠭᠤᠤ ᠯᠸᠤ ᠵᠠᠢ ᠶᠢᠨ | ᠥᠢᠷᠠᠯᠴᠠᠭᠠ ᠪᠠᠶᠢᠳᠠᠭ ᠡᠤ ᠵᠢᠶᠠ ᠳ᠋ᠢᠶᠠᠨ ᠭᠡᠬᠦ ᠭᠠᠵᠠᠷ ᠲᠤ ᠪᠤᠰᠤᠯᠭᠠ ᠶᠢᠨ ᠴᠡᠷᠢᠭ ᠤᠨ ᠪᠥᠭᠬᠦᠯᠳᠡ ᠳᠤ ᠤᠴᠠᠷᠠᠵᠤ | ᠨᠠᠰᠤ ᠪᠠᠷᠠᠵᠠᠢ᠃ ᠡᠬᠦᠨ ᠠᠴᠠ ᠬᠤᠶᠢᠰᠢ᠂ ᠴᠢᠩ ᠤᠯᠤᠰ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠮᠠᠨᠵᠤ ᠮᠤᠩᠭᠤᠯ ᠨᠠᠢᠮᠠᠨ | ᠬᠤᠰᠢᠭᠤᠨ ᠤ ᠢᠳᠡᠷᠭᠡᠭ ᠴᠡᠷᠢᠭ ᠢᠶᠠᠨ ᠠᠯᠳᠠᠵᠤ᠂ ᠴᠡᠷᠢᠭ ᠤᠨ ᠡᠷᠭᠡ ᠨᠢ ᠠᠭᠠᠵᠢᠮ ᠢᠶᠠᠷ ᠬᠤᠨᠠᠨ ᠠᠨᡁᠦ᠋ᠢ ᠶᠢᠨ | ᠬᠢᠳᠠᠳ ᠤᠨ ᠴᠡᠷᠢᠭ ᠤᠨ ᠡᠷᠭᠡᠳᠡᠨ ᠽᠧᠩ ᠭᠦᠸᠧ ᠹᠠᠨ᠂ ᠽᠦᠸᠧ ᠽᠦᠩ ᠲᠠᠩ᠂ ᠯᠢ ᠬᠤᠩ ᠵᠠᠩ ᠤᠨ ᠭᠠᠷ ᠲᠤ | ᠰᠢᠯᠵᠢᠭᠰᠡᠨ ᠪᠠᠶᠢᠨᠠ᠃ | | |