| ᠠᠶᠠᠨ ᠳᠤ ᠭᠠᠷᠬᠤ ᠳᠤ ᠵᠠᠪᠠᠯ ᠡᠳᠦᠷ ᠤᠨ ᠰᠠᠶᠢᠨ ᠢ ᠦᠵᠡᠵᠣ᠂ ︽ᠶᠠᠪᠣᠭᠰᠠᠨ ᠨᠣᠬᠠᠢ ᠶᠠᠰᠣ ᠵᠠᠭᠤᠨᠠ︾ | ᠭᠡᠵᠣ ᠨᠣᠬᠠᠢ ᠡᠳᠦᠷ ᠢ ᠰᠣᠩᠭᠤᠬᠤ ᠨᠢ ᠣᠯᠠᠨ ᠪᠠᠶᠢᠳᠠᠭ᠃ ᠡᠨᠡ ᠨᠢ ᠭᠡᠳᠦᠷᠢᠪᠡᠷ ᠭᠡᠪᠰᠢᠭᠰᠡᠨ ᠭᠡᠯᠡᠯᠭᠡ ᠪᠣᠯᠪᠠᠴᠣ | ᠨᠣᠬᠠᠢ ᠪᠣᠯ ᠭᠡᠷᠰᠡᠭ ᠠᠮᠢᠲᠠᠨ ᠲᠣᠯᠠ ᠲᠡᠬᠦᠨ ᠤ ᠰᠠᠨᠠᠭᠠ ᠨᠢ ᠭᠡᠵᠢᠶᠡ ᠡᠬᠦᠷᠢᠳᠡ ᠭᠡᠷ ᠵᠦᠭ ᠢᠶᠠᠨ ᠲᠡᠮᠡᠦᠯᠡᠵᠦ | ᠪᠠᠶᠢᠳᠠᠭ ᠣᠴᠢᠷ ᠠᠴᠠ ᠲᠣᠩ ᠪᠡᠯᠭᠡᠰᠢᠶᠠᠨ ᠦᠵᠡᠬᠦ ᠶᠣᠰᠣᠨ ᠪᠣᠢ᠃ ᠠᠶᠠᠨ ᠳᠤ ᠭᠠᠷᠬᠤ ᠳᠤ ᠭᠡᠷ ᠪᠦᠬᠦᠳᠡᠭᠡᠷ | ᠢᠶᠠᠨ ᠴᠣᠭᠯᠠᠷᠠᠵᠣ᠂ ᠠᠶᠠᠨ ᠤ ᠦᠯᠵᠡᠷ ᠭᠡᠰᠢᠭ᠂ ᠰᠠᠶᠢᠨ ᠰᠠᠶᠢᠬᠠᠨ ᠪᠦᠬᠦᠨ ᠢ ᠪᠡᠯᠭᠡᠳᠡᠵᠣ᠂ ᠠᠶᠠᠨ ᠳᠤ ᠭᠠᠷᠬᠤ | ᠴᠠᠢ ᠵᠣᠭᠤᠭᠯᠠᠨ᠂ ᠠᠶᠠᠨ ᠳᠤ ᠶᠠᠪᠤᠬᠤ ᠬᠦᠮᠦᠨ ᠰᠠᠩ ᠳᠡᠭᠡᠵᠢ ᠡᠷᠬᠦᠵᠣ᠂ ᠨᠣᠲᠤᠭ ᠤᠨ ᠣᠪᠣᠭᠠᠨ ᠳᠤ ᠴᠢᠯᠠᠭᠤ | ᠨᠡᠮᠡᠬᠦ ᠪᠦᠭᠡᠳ ᠴᠠᠭᠠᠨ ᠢᠳᠡᠭᠡᠨ ᠠᠮᠰᠠᠨ᠂ ᠬᠠᠰᠢᠶᠠ ᠬᠤᠲᠠ ᠪᠠᠨ ᠵᠦᠪ ᠡᠷᠬᠢᠨ ᠬᠡᠢ ᠮᠤᠷᠢ ᠶᠢᠨ ᠵᠦᠭ ᠲᠤ | ᠮᠣᠷᠳᠠᠳᠠᠭ᠃ ᠠᠶᠠᠨ ᠳᠤ ᠭᠠᠷᠬᠤ ᠳᠠᠭᠠᠨ ᠭᠡᠷ ᠬᠤᠳᠠᠯᠠ ᠶᠢᠨ ᠲᠣᠮᠣᠭᠠᠳᠠᠳ ᠠᠴᠠ ᠴᠠᠭᠠᠨ ᠢᠳᠡᠭᠡ ᠲᠡᠷᠢᠬᠦᠳᠡᠨ ᠢ | ᠳᠡᠭᠡᠵᠢᠯᠡᠨ᠄ ︽ᠠᠶᠠᠨ ᠵᠦᠭᠡᠯᠡᠨ / ᠠᠴᠢᠶᠠ ᠬᠦᠨᠳᠣ / ᠪᠣᠶᠢᠯᠠ ᠬᠤᠭᠤᠯᠣᠯ ᠦᠭᠡᠢ / ᠪᠤᠷᠠᠨᠳᠠᠭ ᠳᠠᠰᠣᠯᠣᠯ ᠦᠭᠡᠢ | / ᠰᠠᠭᠠᠳ ᠦᠭᠡᠢ / ᠰᠠᠶᠢᠨ ᠶᠠᠪᠣᠭᠠᠳ ᠢᠷᠡᠭᠡᠷᠡᠢ︕︾ ᠭᠡᠮᠡᠨ ᠢᠷᠦᠭᠡᠵᠣ᠂ ᠠᠶᠠᠨ ᠮᠣᠷᠳᠠᠭᠰᠠᠨ ᠵᠦᠭ ᠲᠤ | ᠰᠠᠴᠣᠯᠢ ᠡᠷᠬᠦᠬᠦ ᠪᠣᠶᠣ ᠠᠶᠠᠨ ᠭᠠᠷᠬᠤ ᠳᠤ ᠵᠣᠷᠢᠭᠤᠯᠣᠭᠰᠠᠨ ︽ᠠᠶᠠᠨ ᠤ ᠠᠲᠠᠨ ᠤ ᠢᠷᠦᠭᠡᠯ︾ ᠴᠦ | ᠵᠣᠬᠢᠶᠠᠭᠳᠠᠭᠰᠠᠨ ᠪᠠᠶᠢᠳᠠᠭ᠃ ᠡᠨᠡ ᠨᠢ᠄ ︽ᠣᠸ᠋ᠮ ᠰᠠᠶᠢᠬᠠᠨ ᠠᠮᠣᠭᠤᠯᠠᠩ ᠲᠠᠨᠢ ᠪᠣᠯᠲᠣᠭᠠᠢ︕ ᠠᠯᠲᠠᠨ ᠪᠠᠮᠪᠠᠢ | ᠲᠠᠢ᠂ ᠮᠦᠩᠭᠡᠨ ᠱᠠᠲᠣ ᠲᠠᠢ ᠠᠵᠢᠨᠠᠢ ᠶᠢᠨ ᠴᠠᠭᠠᠨ ᠠᠲᠠ ᠪᠠᠨ ᠠᠪᠴᠢᠷᠠᠭᠰᠠᠨ ᠪᠢᠯᠡ᠃ ᠡᠨᠡ ᠠᠲᠠᠨ ᠤ ᠣᠴᠢᠷ ᠢ | ᠠᠶᠢᠯᠠᠳᠬᠠᠪᠠᠰᠣ᠄ ᠴᠠᠭᠠᠲᠠᠢ ᠬᠠᠭᠠᠨ ᠤ ᠬᠤᠲᠠᠨ ᠳᠤ ᠵᠠᠭᠤ ᠮᠢᠩᠭᠠᠨ ᠢᠩᠭᠡ ᠪᠠᠶᠢᠬᠤ ᠳᠤ ᠲᠡᠬᠦᠨ ᠤ ᠳᠤᠳᠤᠷᠠᠬᠢ | ᠡᠷᠡᠮᠡᠭ ᠴᠠᠭᠠᠨ ᠢᠩᠭᠡ ᠠᠴᠠ ᠬᠤᠨ ᠴᠠᠭᠠᠨ ᠳᠣᠲᠣᠭᠤ ᠭᠠᠷᠣᠭᠰᠠᠨ ᠪᠢᠯᠡ᠃ ᠭᠠᠷᠤᠭᠰᠠᠨ ᠲᠠᠷᠣᠢ ᠳᠠᠭᠠᠨ ᠭᠤᠷᠪᠠᠨ | ᠭᠤᠣᠯ ᠤᠨ ᠣᠰᠣ ᠶᠢ ᠦᠯᠡᠳᠡᠭᠡᠯ ᠦᠭᠡᠢ ᠵᠠᠯᠬᠢᠯᠠᠵᠣ᠂ ᠭᠤᠴᠢᠨ ᠡᠳᠦᠷ ᠤᠨ ᠵᠠᠮ ᠢ ᠬᠤᠲᠣᠷᠢᠯ ᠦᠭᠡᠢ | ᠳᠠᠰᠢᠬᠦᠯᠦᠭᠰᠡᠨ ᠪᠠᠶᠢᠳᠠᠭ᠃ ᠡᠨᠡ ᠠᠲᠠᠨ ᠤ ᠰᠢᠨᠵᠢ ᠶᠢ ᠭᠡᠯᠡᠪᠡᠰᠦ᠄ ᠰᠠᠩᠮᠠᠢ ᠳᠣᠮᠲᠠ ᠪᠠᠨ ᠰᠠᠷᠠ ᠲᠠᠢ᠂ ᠰᠠᠷᠠᠨ | ᠳᠣᠮᠳᠠ ᠪᠠᠨ ᠨᠠᠷᠠ ᠲᠠᠢ᠂ ᠯᠦᠪᠦᠮᠭᠠᠷᠪᠣᠣ ᠲᠠᠮᠠᠭᠠ ᠲᠠᠢ᠂ ᠯᠣᠣᠰ ᠤᠨ ᠬᠠᠭᠠᠨ ᠶᠢᠨ ᠰᠡᠳᠡᠷ ᠲᠠᠢ᠂ ᠬᠤᠯᠣᠭᠠᠨᠠ | ᠶᠢᠨ ᠴᠢᠬᠢ ᠲᠠᠢ᠂ ᠦᠭᠡᠷ ᠤᠨ ᠲᠠᠪᠠᠭ ᠲᠠᠢ᠂ ᠪᠠᠷᠰ ᠤᠨ ᠵᠣᠭᠳᠣᠷ ᠲᠠᠢ᠂ ᠲᠡᠣᠯᠠᠢ ᠶᠢᠨ ᠣᠷᠣᠭᠤᠯ ᠲᠠᠢ᠂ ᠯᠣᠣ | ᠶᠢᠨ ᠬᠦᠵᠦᠬᠦᠦ ᠲᠠᠢ᠂ ᠮᠣᠭᠠᠢ ᠶᠢᠨ ᠨᠢᠳᠣ ᠲᠠᠢ᠂ ᠮᠣᠷᠢᠨ ᠲᠣᠯᠣᠭᠠᠢ ᠲᠠᠢ᠂ ᠬᠤᠨᠢᠨ ᠬᠠᠮᠠᠷ ᠲᠠᠢ᠂ ᠪᠡᠴᠢᠨ ᠪᠦᠬᠦ | ᠲᠠᠢ᠂ ᠲᠡᠬᠢᠶᠠ ᠶᠢᠨ ᠦᠪᠦᠭ ᠲᠠᠢ᠂ ᠨᠣᠬᠠᠢ ᠶᠢᠨ ᠰᠣᠶᠤᠭᠠ ᠲᠠᠢ᠂ ᠭᠠᠭ᠋ᠠᠢ ᠶᠢᠨ ᠰᠡᠬᠦᠯ ᠲᠠᠢ᠂ ᠲᠠᠨ ᠤ ᠬᠤᠳᠠᠨ | ᠤ ᠲᠠᠩᠰᠤᠭ ᠪᠠᠶᠠᠨ ᠲᠡᠮᠡᠭᠡᠨ ᠰᠦᠷᠦᠭ ᠴᠢᠨᠢ ᠪᠠᠭᠤᠷᠠᠯ ᠦᠭᠡᠢ ᠪᠣᠮ ᠬᠦᠷᠴᠣ᠂ ᠲᠦᠳᠡᠯ ᠦᠭᠡᠢ ᠲᠦᠮᠡ ᠬᠦᠷᠴᠣ᠂ | ᠰᠠᠭᠠᠳᠠᠯ ᠦᠭᠡᠢ ᠰᠠᠶᠠ ᠬᠦᠷᠬᠦ ᠴᠣᠭᠲᠣ ᠰᠦᠮᠪᠦᠷ ᠠᠭᠤᠯᠠ ᠶᠢᠨ ᠣᠷᠣᠢ ᠳᠡᠭᠡᠷᠡ ᠪᠠᠭᠤᠭᠰᠠᠨ ᠪᠡᠯᠭᠡ ᠪᠠᠶᠢᠨᠠ᠃ | ᠭᠡᠣᠭᠡᠳ ᠢᠶᠠᠷ ᠪᠠᠷᠢᠭᠤᠯᠣᠭᠰᠠᠨ ᠦᠭᠡᠢ ᠬᠦᠭᠡᠨᠡ ᠳᠡᠭᠡᠨ ᠬᠦᠷᠦᠭᠦᠯᠦᠭᠰᠡᠨ ᠦᠭᠡᠢ ᠬᠦᠪ ᠭᠠᠵᠠᠷ | ᠪᠡᠯᠴᠢᠭᠡᠷᠯᠡᠬᠦᠯᠦᠭᠡᠳ᠂ ᠬᠦᠢᠲᠡᠨ ᠣᠰᠣ ᠪᠠᠷ ᠣᠮᠳᠠᠯᠠᠭᠤᠯᠣᠭᠠᠳ᠂ ᠰᠢᠯᠢ ᠭᠠᠵᠠᠷ ᠪᠡᠯᠴᠢᠭᠡᠷᠯᠡᠬᠦᠯᠦᠭᠡᠳ ᠰᠡᠷᠢᠬᠦᠨ | ᠪᠣᠯᠠᠭ ᠲᠤ ᠣᠮᠳᠠᠯᠠᠭᠤᠯᠣᠭᠠᠳ᠂ ᠲᠣᠷᠣᠮ ᠳᠡᠭᠡᠷᠡ ᠨᠢ ᠲᠣᠭᠯᠠᠭᠤᠯᠣᠭᠠᠳ ᠲᠠᠶᠢᠯᠤᠭ ᠳᠡᠭᠡᠷᠡ ᠨᠢ ᠳᠠᠪᠠᠷᠠᠭᠤᠯᠣᠭᠠᠳ | ᠂ ᠪᠡᠭᠡᠵᠢᠩ ᠤᠨ ᠵᠠᠮ ᠳᠤ ᠪᠡᠶᠡ ᠨᠢ ᠪᠠᠭᠳᠠᠭᠰᠠᠨ ᠦᠭᠡᠢ ᠠᠷᠠᠢ ᠭᠡᠵᠣ ᠡᠷᠬᠢᠵᠣ ᠢᠷᠡᠭᠡᠳ ᠳᠠᠯᠠᠨ ᠬᠤᠨᠤᠭ ᠰᠣᠶᠢᠵᠤ | ᠳ᠋ᠠ ᠬᠦᠷᠢᠶᠠᠨ ᠳᠤ ᠶᠠᠪᠣᠭᠠᠳ ᠲᠠᠪᠠᠭ ᠨᠢ ᠵᠠᠮ ᠳᠤ ᠪᠠᠭᠳᠠᠭᠰᠠᠨ ᠦᠭᠡᠢ᠃ ᠬᠠᠵᠠᠭᠤ ᠲᠠᠯᠠ ᠠᠴᠠ ᠨᠢ ᠬᠠᠷᠠᠬᠤ ᠳᠤ | ᠬᠠᠮ ᠰᠦᠮᠪᠦᠷ ᠪᠦᠬᠦ ᠲᠠᠢ᠂ ᠬᠠᠯᠪᠠᠭᠠᠨ ᠬᠤᠶᠠᠷ ᠰᠢᠳᠣ ᠲᠠᠢ᠂ ᠠᠯᠳᠠᠨ ᠪᠠᠮᠪᠠᠢ ᠲᠠᠢ᠂ ᠮᠦᠩᠭᠦᠨ ᠱᠠᠲᠣ ᠲᠠᠢ | ᠰᠣᠪᠣᠳ ᠤᠨ ᠪᠣᠷᠠᠨᠲᠠᠭ ᠲᠠᠢ᠂ ᠮᠦᠩᠬᠦᠨ ᠪᠦᠢᠯᠠ᠂ ᠳᠠᠯᠠᠢ ᠯᠠᠮᠠ ᠪᠠᠨᠴᠢᠨ ᠡᠷᠳᠡᠨᠢ ᠠᠴᠠ ᠦᠷᠦᠰᠢᠶᠠᠯ ᠲᠠᠢ᠂ | ᠠᠷᠪᠠᠨ ᠬᠤᠶᠠᠷ ᠵᠢᠯ ᠪᠦᠷᠢᠳᠦᠭᠰᠡᠨ ᠡᠷᠳᠡᠨᠢ ᠶᠢᠨ ᠠᠴᠢᠶᠠᠨ ᠲᠡᠮᠡᠭᠡ ᠡᠵᠡᠨ ᠢᠶᠠᠨ ᠳᠠᠭᠠᠭᠠᠳ ᠡᠨᠡ ᠳᠡᠯᠡᠭᠡᠢ ᠳᠤ | ᠠᠶᠠᠯᠠᠵᠣ᠂ ᠦᠯᠵᠡᠢ ᠬᠤᠳᠤᠭ ᠪᠦᠷᠢᠨ ᠣᠷᠣᠰᠢᠳᠣᠭᠠᠢ︕︾ ᠭᠡᠵᠣ ᠪᠠᠶᠢᠳᠠᠭ᠃ ᠨᠢᠭᠡ ᠣᠳᠠᠭᠠᠨ ᠤ ᠠᠶᠠᠨ | ᠡᠷᠬᠢᠵᠣ ᠢᠷᠡᠲᠡᠯᠡ ᠣᠯᠠᠩᠬᠢ ᠳᠠᠭᠠᠨ 2 — 5 ᠰᠠᠷᠠ ᠦᠷᠬᠦᠯᠵᠢᠯᠡᠳᠡᠭ ᠲᠤᠯᠠ ᠭᠡᠷ ᠲᠡᠭᠡᠨ ᠡᠷᠬᠢᠨ ᠢᠷᠡᠵᠣ | ᠴᠠᠭᠠᠯᠠᠬᠤ ︵ᠰᠢᠨᠡᠯᠡᠬᠦ︶ ᠨᠢ ᠴᠦ ᠲᠣᠩ ᠬᠤᠪᠣᠷ ᠪᠠᠶᠢᠳᠠᠭ᠃ ᠠᠶᠠᠨ ᠢᠷᠡᠬᠦ ᠳᠡᠭᠡᠨ ᠵᠠᠪᠠᠯ ᠭᠡᠷ ᠤᠨ ᠢᠶᠠᠨ ᠭᠡᠰᠢᠭ | ᠵᠦᠭ ᠠᠴᠠ ᠢᠷᠡᠳᠡᠭ᠃ ᠠᠶᠠᠨ ᠢᠷᠡᠬᠦ ᠳᠤ ᠭᠡᠷ ᠬᠤᠲᠠᠯᠠ ᠶᠢᠨ ᠬᠢᠨ ᠬᠠᠲᠠᠭ ᠰᠠᠮᠪᠠᠢ ᠪᠠᠨ ᠳᠡᠯᠭᠡᠨ ᠬᠦᠬᠦᠷ | ᠰᠣᠯᠢᠯᠴᠠᠨ ᠵᠣᠯᠭᠠᠵᠣ᠂ ᠠᠶᠠᠨ ᠤ ᠣᠨᠤᠭᠠ ᠲᠡᠮᠡᠭᠡᠳ ᠢ ᠨᠢ ᠳᠡᠮᠵᠢᠯᠴᠠᠨ ᠣᠶᠠᠵᠣ ᠬᠤᠯᠠ ᠶᠠᠪᠣᠵᠣ ᠶᠡᠭᠡ ᠶᠢ | ᠪᠦᠲᠦᠭᠡᠭᠰᠡᠨ ᠠᠶᠠᠨᠴᠢᠳ ᠢᠶᠠᠨ ᠬᠦᠨᠳᠦᠳᠭᠡᠨ ᠣᠭᠳᠣᠵᠣ ᠪᠠᠶᠢᠬᠤ ᠪᠠᠨ ᠢᠯᠡᠳᠭᠡᠳᠡᠭ᠃ ᠠᠶᠠᠨ ᠢᠷᠡᠭᠰᠡᠭᠡᠷ ᠭᠡᠷ | ᠤᠨ ᠬᠢᠨ ᠪᠦᠬᠦᠨ ᠢᠶᠠᠷ ᠢᠶᠠᠨ ᠠᠶᠠᠨ ᠤ ᠴᠠᠢ ᠵᠣᠭᠤᠭᠯᠠᠵᠣ᠂ ᠠᠶᠠᠨᠴᠢᠳ ᠠᠴᠠ᠄ ︽ᠠᠲᠠᠨ ᠲᠡᠮᠡᠭᠡᠨ ᠤ ᠬᠦᠯᠦᠰᠦ | / ᠠᠶᠠᠨ ᠵᠠᠮ ᠤᠨ ᠣᠷᠣᠯᠭᠠ / ᠠᠷᠠᠯᠵᠢᠶᠠ ᠮᠠᠶᠢᠮᠠᠢ ᠶᠢᠨ ᠳᠡᠭᠡᠵᠢ / ᠠᠯᠠᠱᠠ ᠣᠶᠢᠷᠠᠳ ᠤᠨ ᠵᠣᠷᠰᠢᠯ/ ᠬᠤᠸᠠ | ᠲᠡᠮᠡᠭᠡᠨ ᠤ ᠬᠦᠯᠦᠰᠦ / ᠬᠤᠯᠠ ᠶᠢᠨ ᠠᠶᠠᠨ ᠤ ᠣᠷᠣᠯᠭᠠ / ᠬᠤᠲᠠ ᠮᠠᠶᠢᠮᠠᠢ ᠶᠢᠨ ᠳᠡᠭᠡᠵᠢ / ᠬᠤᠱᠤᠳ | ᠲᠣᠷᠭᠤᠳ ᠤᠨ ᠵᠠᠩᠰᠢᠯ︾ ᠭᠡᠮᠡᠨ ᠭᠡᠷ ᠲᠤ ᠪᠠᠶᠢᠯᠴᠠᠭᠰᠠᠨ ᠪᠦᠬᠦᠨ ᠳᠤ ᠳᠡᠪᠡᠯ ᠤᠨ ᠲᠣᠷᠭᠠ᠂ ᠰᠢᠬᠢᠷ ᠪᠣᠷᠠᠮ | ᠲᠦᠷᠦᠬᠦᠲᠠᠢ ᠠᠶᠠᠨ ᠤ ᠳᠡᠭᠡᠵᠢ᠂ ᠭᠠᠷ ᠤᠨ ᠪᠡᠯᠡᠭ ᠪᠠᠷᠢᠳᠠᠭ ᠃ ︽ᠠᠶᠠᠨ ᠤ ᠳᠡᠮᠡᠭᠡᠨ ᠤ ᠨᠢᠷᠦᠭᠤ ᠠᠮᠠᠷᠠᠳᠠᠭ︾ | ᠭᠡᠮᠡᠨ ᠠᠶᠠᠨ ᠢᠷᠡᠭᠰᠡᠨ ᠡᠳᠦᠷ ᠵᠠᠪᠠᠯ ᠠᠶᠠᠨᠴᠢᠨ ᠤ ᠠᠪᠴᠢᠷᠠᠭᠰᠠᠨ ᠬᠦᠨᠡᠰᠦ ᠪᠠᠷ ᠬᠤᠭᠤᠯᠠ ᠬᠢᠵᠣ ᠢᠳᠡᠳᠡᠭ | ᠵᠠᠩᠰᠢᠯ ᠲᠠᠢ᠃ ᠠᠶᠠᠨ ᠠᠴᠠ ᠢᠷᠡᠭᠰᠡᠨ ᠲᠡᠮᠡᠭᠡᠳ ᠤᠨ ᠢᠶᠠᠨ ᠵᠠᠭᠠᠰᠤ ᠶᠢ ᠠᠪᠴᠣ ᠨᠠᠭᠠᠲᠣ ᠵᠠᠬᠠ ᠨᠢ 3 ᠬᠤᠨᠤᠭ | ᠠᠮᠠᠷᠠᠭᠠᠵᠣ᠂ ᠴᠠᠳᠳᠠᠯᠠ ᠢᠳᠡᠰᠢᠯᠡᠬᠦᠯᠦᠭᠡᠳ ᠰᠠᠶ᠋ᠢ ᠣᠰᠣᠯᠠᠵᠣ᠂ ᠵᠠᠭᠠᠰᠣᠨ ᠤ ᠣᠷᠣᠮ ᠢ ᠨᠢ ᠠᠷᠴᠢᠨ ᠠᠷᠢᠯᠭᠠᠵᠣ | ᠂ ᠳᠠᠲᠣᠭᠰᠢᠭᠰᠠᠨ ᠨᠣᠣᠰᠣ ᠶᠢ ᠨᠢ ᠰᠡᠷᠬᠦᠭᠡᠵᠣ᠂ ᠢᠵᠢᠯᠢ ᠳᠤᠨᠢ ᠲᠠᠯᠪᠢᠬᠤ ᠪᠦᠭᠡᠳ ᠠᠶᠠᠨ ᠤ ᠲᠣᠨᠤᠭ ᠢᠶᠠᠨ | ᠳᠠᠷᠣᠢ ᠳᠤᠨᠢ ᠬᠤᠷᠢᠶᠠᠬᠤ ᠲᠠᠯᠪᠢᠳᠠᠭ᠃ |