| | ᠡᠸᠤ ᠲᠦᠸᠧ ︵瓯脱︶ ᠭᠡᠳᠡᠭ ᠤᠨ ᠲᠣᠬᠠᠢ᠂ ᠮᠢᠨᠦ ᠬᠤᠪᠢ ᠬᠦᠮᠦᠨ ᠤ ᠦᠵᠡᠬᠦ ᠪᠠᠷ ᠪᠣᠯ ᠣᠭᠳᠣᠭᠤᠯ ᠭᠡᠬᠦ | ᠪᠣᠶᠣ ᠣᠲᠣᠯᠬᠠ ︵ᠲᠣᠮᠳᠠᠬᠢ ᠳ᠋ᠣ ᠶᠢ ᠪᠦᠷ To ᠪᠠᠷ ᠣᠩᠰᠢᠨᠠ︶ ᠭᠡᠳᠡᠭ ᠦᠭᠡ ᠮᠠᠭᠠᠳ ᠭᠡᠵᠦ ᠪᠣᠳᠣᠵᠣ ᠪᠣᠢ᠂ | ᠮᠢᠨᠦ ᠣᠯᠵᠣ ᠦᠵᠡᠭᠰᠡᠨ ᠲᠡᠯᠡᠬᠡᠢ ᠨᠡᠶᠢᠳᠡ ᠶᠢᠨ ᠾᠦᠩᠨᠦ ᠰᠣᠳᠣᠯᠣᠯᠭᠠᠨ ᠤ ᠬᠦᠮᠦᠰ ᠤᠨ ᠦᠬᠦᠯᠡᠯ ᠳᠤ ᠪᠦᠷ | ᠦᠷᠦᠭᠡ ᠪᠣᠶᠣ ᠭᠡᠷ ᠭᠡᠳᠡᠭ ᠣᠳᠬᠠ ᠲᠠᠢ ᠭᠡᠵᠡᠢ᠂ ᠡᠨᠡ ᠨᠢ ᠭᠤᠣᠯᠳᠠᠭᠤ ᠣᠮᠠᠷᠠᠳᠣ ᠶᠢᠨ ᠭᠤᠷᠪᠠᠨ ᠶᠡᠭᠡ ᠬᠡᠯᠡ | ᠪᠣᠯᠬᠤ᠂ ᠮᠣᠩᠭᠤᠯ ᠲᠦᠷᠺ ᠪᠠ ᠲᠦᠩᠭᠦᠰ ᠬᠡᠯᠡᠨ ᠳᠤ ᠬᠠᠷᠢᠴᠠᠭᠤᠯᠣᠨ ᠰᠣᠳᠣᠯᠣᠭᠰᠠᠨ ᠪᠠ ᠬᠢᠳᠠᠳ ᠬᠡᠯᠡᠨ ᠤ | ᠲᠡᠶᠢᠯᠪᠣᠷᠢ ᠳᠤ ᠰᠠᠭᠤᠷᠢᠯᠠᠭᠰᠠᠨ ᠠᠴᠠ ᠪᠣᠯᠵᠠᠢ᠃ ᠣᠮᠠᠷᠠᠳᠣ ᠶᠢᠨ ᠭᠤᠷᠪᠠᠨ ᠶᠡᠭᠡ ᠬᠡᠯᠡ ᠪᠣᠯ ᠨᠢᠭᠡᠯᠡ ᠠᠯᠳᠠᠢ | ᠰᠠᠯᠪᠣᠷᠢ ᠶᠢᠨ ᠬᠡᠯᠡ ᠪᠣᠯᠬᠤᠷ᠂ ᠲᠡᠭᠦᠨ ᠤ ᠬᠤᠭᠤᠷᠣᠨᠳᠣ ᠪᠠᠨ ᠠᠳᠠᠯᠢᠬᠠᠨ ᠦᠭᠡ ᠭᠡᠬᠦ ᠪᠣᠶᠣ ᠬᠠᠮᠳᠣ ᠶᠢᠨ ᠦᠭᠡ | ᠨᠢ ᠬᠠᠮᠤᠭ ᠦᠨᠳᠦᠷ ᠲᠡᠭᠡᠨ ᠵᠠᠭᠤᠨ ᠤ ᠬᠤᠷᠢᠨ ᠲᠠᠪᠤ ᠳᠤ ᠬᠦᠷᠳᠡᠭ ᠭᠡᠳᠡᠭ᠂ ᠡᠶᠢᠮᠦ ᠠᠴᠠ ᠴᠣᠬᠤᠮ ᠠᠯᠢ ᠬᠡᠯᠡᠨ | ᠤ ᠦᠭᠡ ᠪᠣᠯᠬᠤ ᠶᠢ ᠲᠣᠭᠳᠠᠭᠠᠬᠤ ᠳᠤ ᠣᠯᠠᠩᠬᠢ ᠳᠠᠭᠠᠨ ᠡᠭᠡᠳᠡᠷᠭᠡᠨ ᠲᠠᠢ ᠪᠠᠶᠢᠳᠠᠭ ᠨᠢ ᠰᠣᠨᠢᠨ ᠪᠢᠰᠢ᠃ ᠪᠢ | ᠾᠦᠩᠨᠦ ᠪᠣᠯ ᠮᠣᠩᠭᠤᠯ ᠬᠡᠯᠡᠳᠡᠨ ᠭᠡᠵᠦ ᠨᠣᠳᠠᠯᠠᠬᠤ ᠪᠠᠷ ᠴᠢᠷᠮᠠᠶᠢᠵᠣ ᠪᠠᠶᠢᠭᠠ ᠪᠣᠯᠬᠤᠷ ᠡᠨᠡᠬᠦ ᠣᠭᠳᠣᠭᠤᠯ ᠪᠣᠶᠣ | ᠣᠲᠣᠯᠬᠠ ᠭᠡᠳᠡᠭ ᠦᠭᠡ ᠪᠠᠷ ᠲᠠᠶᠢᠯᠪᠣᠷᠢᠯᠠᠬᠤ ᠪᠠᠷ ᠣᠷᠣᠯᠳᠣᠵᠣ ᠪᠠᠶᠢᠨᠠ᠃ ᠣᠭᠳᠣᠭᠤᠯ ᠪᠣᠶᠣ ᠣᠲᠣᠯᠬᠠ ᠭᠡᠳᠡᠭ | ᠨᠢ ᠬᠠᠮᠤᠭ ᠡᠮᠦᠨᠡᠬᠢ ᠬᠤᠰᠢᠭᠤᠴᠢ ᠪᠣᠶᠣ ᠬᠠᠷᠠᠭᠤᠯ ᠭᠡᠵᠦ ᠣᠶᠢᠯᠭᠠᠵᠣ ᠪᠣᠯᠣᠨᠠ᠃ ᠠᠳᠡ ᠮᠢᠨᠦ ᠣᠶᠢᠯᠭᠠᠵᠣ | ᠪᠠᠶᠢᠭᠠ ᠪᠠᠷ ᠣᠭᠳᠣᠭᠤᠯ ᠪᠣᠶᠣ ᠣᠲᠣᠯᠬᠠ ᠭᠡᠳᠡᠭ ᠨᠢ ᠵᠡᠬᠦᠨ ᠬᠣ᠋ ᠪᠣᠯᠣᠨ ᠾᠦᠩᠨᠦ ᠶᠢᠨ ᠬᠤᠭᠤᠷᠣᠨᠳᠣᠬᠢ | ᠬᠦᠮᠦᠨ ᠦᠭᠡᠢ ᠭᠠᠵᠠᠷ ᠢ ᠵᠢᠭᠠᠵᠣ ᠪᠠᠶᠢᠭᠠ ᠪᠢᠰᠢ᠂ ᠬᠠᠷᠢᠨ ᠬᠦᠮᠦᠨ ᠦᠭᠡᠢ ᠭᠠᠵᠠᠷ ᠤᠨ ᠬᠤᠶᠠᠷ ᠲᠠᠯᠠ ᠳᠤ | ᠳᠣᠰᠪᠣᠷᠢ ᠶᠢᠨ ᠵᠠᠬᠠ ᠬᠢᠵᠠᠭᠠᠷ ᠲᠠᠭᠠᠨ ᠰᠡᠷᠭᠡᠶᠢᠯᠡᠨ ᠰᠠᠭᠤᠵᠣ ᠪᠠᠶᠢᠭᠠ ᠬᠠᠷᠠᠭᠤᠯ ᠤᠨ ᠭᠠᠵᠠᠷ ᠢ ᠵᠢᠭᠠᠵᠣ ᠪᠠᠶᠢᠭᠠ | ᠪᠣᠯᠪᠠᠥ ᠭᠡᠵᠦ ᠪᠣᠳᠣᠵᠣ ᠪᠣᠢ᠂ ᠵᠡᠬᠦᠨ ᠬᠣ᠋ ᠪᠠ ᠾᠦᠩᠨᠦ ᠬᠦᠮᠦᠰ ᠪᠦᠷ ᠠᠳᠠᠯᠢᠬᠠᠨ ᠬᠡᠯᠡ ᠲᠠᠢ ᠬᠦᠮᠦᠰ ᠪᠣᠯᠬᠤᠷ | ᠢᠵᠢᠯ ᠬᠡᠷᠡᠭ ᠲᠤ ᠢᠵᠢᠯ ᠨᠢᠭᠡᠨ ᠣᠭᠳᠣᠭᠤᠯ ᠭᠡᠳᠡᠭ ᠨᠡᠷᠡ ᠦᠭᠴᠦ᠂ ᠬᠤᠪᠢ ᠬᠤᠪᠢᠨ ᠤ ᠬᠢᠯᠢ ᠬᠢᠵᠠᠭᠠᠷ ᠢᠶᠠᠨ | ᠰᠠᠬᠢᠵᠣ ᠰᠠᠭᠤᠬᠤ ᠨᠢ ᠣᠶᠢᠯᠭᠠᠮᠵᠢ ᠲᠠᠢ ᠪᠢᠵᠡ᠃ ᠴᠢᠨᠠᠭᠰᠢᠯᠠᠪᠠᠯ ᠠᠷᠪᠠᠨ ᠭᠤᠷᠪᠠᠳᠣᠭᠠᠷ ᠵᠠᠭᠤᠨ ᠪᠠ ᠲᠡᠭᠦᠨ | ᠠᠴᠠ ᠬᠤᠵᠢᠮ ᠤᠨ ᠮᠣᠩᠭᠤᠯᠴᠣᠳ ᠲᠤ ᠡᠨᠡᠬᠦ ᠦᠭᠡ ᠶᠡᠬᠡᠯᠡ ᠢᠳᠡᠪᠬᠢᠳᠡᠢ ᠬᠡᠷᠡᠭᠯᠡᠭᠳᠡᠵᠦ ᠪᠠᠶᠢᠵᠠᠢ᠃ ᠵᠢᠱᠢᠶᠡᠯᠡᠪᠡᠯ | ᠮᠣᠩᠭᠤᠯ ᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ ᠳᠤ ᠲᠠᠶᠢᠨ ᠲᠠᠵᠢᠨ ᠳᠤ ᠬᠡᠨ ᠬᠡᠨ ᠢ ᠣᠭᠳᠣᠭᠤᠯ ᠭᠡᠬᠦ ᠪᠣᠶᠣ ᠣᠲᠣᠯᠬᠠ | ᠳᠤ ᠭᠠᠷᠭᠠᠵᠣ᠂ ᠬᠡᠨ ᠬᠡᠨ ᠢ ᠲᠡᠭᠦᠨ ᠤ ᠬᠤᠶᠢᠨᠠ ᠠᠴᠠ ᠬᠡᠵᠢᠭᠡ ᠳᠤ ᠶᠠᠪᠣᠭᠤᠯᠬᠤ ᠭᠡᠳᠡᠭ ᠦᠭᠡ ᠴᠡᠷᠢᠭ ᠲᠠᠶᠢᠨ | ᠤ ᠲᠣᠰᠬᠠᠢ ᠨᠡᠷᠡ ᠲᠣᠮᠢᠶᠠ ᠪᠣᠯᠵᠣ ᠣᠯᠠᠨ ᠬᠡᠷᠡᠭᠯᠡᠭᠳᠡᠳᠡᠭ ᠶᠣᠮ᠃ ᠡᠶᠢᠮᠦᠷᠬᠦ ᠣᠭᠳᠣᠭᠤᠯ ᠣᠲᠣᠯᠬᠠ ᠳᠤ | ᠭᠠᠷᠣᠭᠰᠠᠳ ᠦᠪᠡᠷ ᠤᠨ ᠬᠢᠵᠠᠭᠠᠷ ᠲᠠᠭᠠᠨ ᠨᠦᠭᠡᠨ ᠭᠡᠷ ᠪᠣᠶᠣ ᠪᠣᠰᠣᠳ ᠬᠡᠯᠪᠡᠷᠢ ᠶᠢᠨ ᠲᠦᠭᠦᠮ ᠣᠷᠣᠴᠠ ᠪᠠᠷᠢᠨ᠂ | ᠡᠭᠡᠯᠵᠢᠯᠡᠨ ᠬᠠᠷᠠᠭᠤᠯᠳᠠᠨ ᠰᠠᠭᠤᠬᠤ ᠪᠣᠯᠬᠤᠷ᠂ ᠰᠢᠷᠣᠢ ᠶᠢᠨ ᠭᠡᠷ ᠨᠦᠬᠡᠨ ᠭᠡᠷ ᠭᠡᠵᠦ ᠲᠠᠶᠢᠯᠪᠣᠷᠢᠯᠠᠬᠤ ᠨᠢ ᠴᠦ ᠶᠠᠭ | ᠪᠣᠷᠣᠭᠤ ᠭᠡᠬᠦ ᠶᠢᠨ ᠠᠷᠭᠠ ᠦᠭᠡᠢ ᠪᠢᠵᠡ᠃ ᠨᠡᠩ ᠴᠢᠨᠠᠭᠰᠢᠯᠠᠨ ᠬᠢᠳᠠᠳ ᠬᠦᠮᠦᠨ ᠢ ᠰᠡᠷᠭᠡᠶᠢᠯᠡᠨ ᠬᠠᠷᠠᠭᠤᠯᠳᠠᠵᠣ | ᠪᠠᠶᠢᠭᠠ ᠴᠡᠷᠢᠭ ᠤᠨ ᠬᠠᠷᠠᠭᠤᠯ ᠤᠨ ᠭᠠᠵᠠᠷ ᠭᠡᠵᠦ ᠣᠶᠢᠯᠭᠠᠬᠤ ᠨᠢ ᠴᠦ ᠪᠣᠷᠣᠭᠤ ᠦᠭᠡᠢ ᠠᠵᠠᠢ᠃ ᠲᠠᠬᠢᠨ ᠬᠡᠯᠡᠬᠦ | ᠨᠢ ᠰᠦᠯᠵᠢᠶᠡᠨ ᠨᠠᠶᠢᠵᠠ ᠬᠤᠯᠪᠣᠭᠠᠴᠢᠨ ᠬᠦᠮᠦᠨᠪᠣᠰᠣ ᠠᠪᠣᠭᠠᠢ ᠲᠣᠰ ᠦᠭᠡ ᠶᠢ ᠣᠲᠣ ︵Oto︶ ᠭᠡᠳᠡᠭ ᠦᠭᠡ | ᠮᠠᠭᠠᠳ ᠭᠡᠵᠦ ᠨᠠᠳᠠ ᠰᠠᠨᠠᠭᠤᠯᠣᠭᠰᠠᠨ ᠢ ᠠᠳᠡ ᠣᠨᠴᠠᠯᠠᠨ ᠲᠡᠮᠳᠡᠭᠯᠡᠨ ᠦᠯᠡᠳᠡᠭᠡᠶᠡ᠃ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |