| | ᠾᠦᠩᠨᠦ ᠪᠣᠯᠣᠨ ᠬᠠᠨ ᠣᠯᠣᠰ ᠤᠨ ᠬᠤᠭᠤᠷᠣᠨᠳᠣ ᠡᠭᠦᠰᠦᠭᠰᠡᠨ ᠪᠠᠢ ᠳ᠋ᠧᠩ ᠤᠨ ᠲᠠᠶᠢᠨ ᠪᠣᠯ ᠲᠡᠣᠬᠡᠨ ᠳᠤ ᠮᠠᠰᠢ | ᠠᠯᠳᠠᠷ ᠲᠠᠢ ᠶᠡᠭᠡ ᠲᠠᠶᠢᠨ ᠶᠣᠮ᠃ ᠡᠨᠡᠬᠦ ᠲᠠᠶᠢᠨ ᠤ ᠡᠭᠦᠰᠦᠭᠰᠡᠨ ᠨᠢ ᠪᠠᠰᠠ ᠮᠠᠰᠢ ᠨᠠᠷᠢᠨ ᠪᠣᠳᠣᠯᠢᠶᠠᠨ ᠲᠠᠢ | ᠶᠠᠪᠣᠴᠠ ᠶᠢ ᠦᠩᠭᠡᠷᠭᠡᠵᠡᠢ᠃ ᠲᠣᠣᠷᠠ ᠡᠭᠦᠨ ᠢ ᠦᠯᠢᠭᠡᠷᠴᠢᠯᠡᠨ ᠪᠢᠴᠢᠵᠦ ᠣᠯᠠᠨ ᠳᠤ ᠰᠣᠨᠢᠷᠳᠠᠭᠤᠯᠣᠶᠠ᠄ ᠾᠦᠩᠨᠦ | ᠶᠢᠨ ᠮᠣᠳᠣᠨ ᠴᠠᠨ ᠢᠥᠢ ᠶᠡᠭᠡ ᠰᠠᠭᠤᠷᠢᠨ ᠳᠤ ᠰᠠᠭᠤᠭᠠᠳ᠂ ᠣᠮᠠᠷᠠᠰᠢ ᠪᠣᠢ ᠪᠦᠬᠦᠢ ᠵᠢᠵᠢᠭ ᠬᠡᠰᠡᠭᠯᠡᠨ ᠡᠵᠡᠯᠡᠯᠳᠡ | ᠬᠢᠵᠦ ᠪᠠᠶᠢᠭᠰᠠᠨ ᠪᠣᠰᠣᠳ ᠠᠶᠢᠮᠠᠭ ᠪᠦᠯᠦᠭ ᠢᠶᠠᠨ ᠪᠦᠷ ᠨᠢᠭᠡᠳᠭᠡᠨ ᠠᠪᠴᠣ᠂ ᠾᠦᠩᠨᠦ ᠶᠢᠨ ᠲᠡᠣᠬᠡᠨ ᠳᠠᠬᠢ | ᠠᠩᠬᠠᠳᠣᠭᠴᠢ ᠶᠡᠭᠡ ᠨᠢᠭᠡᠳᠦᠯ ᠢ ᠪᠡᠶᠡᠯᠡᠭᠦᠯᠦᠨ᠂ ᠣᠯᠣᠰ ᠬᠦᠷᠦᠨ ᠨᠢ ᠬᠠᠮᠤᠭ ᠬᠦᠭᠵᠢᠯ ᠢᠶᠠᠨ ᠣᠯᠵᠣ ᠪᠠᠶᠢᠭᠰᠠᠨ | ᠴᠠᠭ ᠦᠶᠡ᠂ ᠪᠣᠳᠠᠳᠠᠢ ᠪᠠᠷ ᠬᠡᠯᠡᠪᠡᠯ ᠮᠣᠳᠣᠨ ᠴᠠᠨ ᠢᠥᠢ ᠶᠢᠨ ᠰᠠᠭᠤᠷᠢᠨ ᠳᠤ ᠰᠠᠭᠤᠭᠰᠠᠨ ᠤ ᠲᠠᠷᠠᠭᠠ | ᠲᠣᠯᠣᠳᠣᠭᠠᠷ ᠣᠨ ᠳᠤ᠂ ᠬᠠᠨ ᠣᠯᠣᠰ ᠤᠨ ᠠᠩᠬᠠᠨ ᠤ ᠬᠠᠭᠠᠨ ᠯᠢᠥ ᠪᠠᠩ ᠴᠦ ᠬᠠᠨ ᠸᠠᠩ ᠠᠴᠠ ᠪᠠᠨ ᠲᠡᠪᠰᠢᠵᠦ | ᠂ ᠬᠠᠨ ᠣᠯᠣᠰ ᠤᠨ ᠬᠤᠸᠠᠩᠳᠢ ᠶᠢᠨ ᠰᠠᠭᠤᠷᠢᠨ ᠳᠤ ᠰᠠᠭᠤᠪᠠ᠃ ᠲᠡᠭᠡᠭᠡᠳ ᠲᠡᠷᠡ ᠯᠢᠥ ᠣᠪᠣᠭ ᠠᠴᠠ ᠪᠣᠰᠣ | ᠬᠠᠷᠢ ᠣᠪᠣᠭᠳᠣ ᠭᠠᠪᠢᠶᠠᠳᠣ ᠰᠠᠶᠢᠳ᠂ ᠰᠣᠷᠪᠣᠯᠵᠢᠳᠣ ᠢᠵᠠᠭᠤᠷᠳᠠᠨ ᠪᠣᠯᠬᠤ ᠲᠣᠯᠣᠭᠠᠨ ᠬᠦᠮᠦᠨ ᠢ ᠸᠠᠩ | ᠡᠷᠭᠦᠮᠵᠢᠯᠡᠵᠡᠢ᠃ ᠪᠣᠰᠣᠳ ᠣᠯᠠᠨ ᠭᠠᠪᠢᠶᠠᠳᠠᠨ ᠰᠠᠶᠢᠳ ᠢᠶᠠᠨ ᠴᠦ ᠵᠡᠷᠭᠡ ᠵᠢᠩᠰᠡ ᠵᠡᠭᠦᠯᠭᠡᠨ᠂ ᠹᠦᠩᠯᠦ ᠬᠡᠷᠬᠢᠮ | ᠢᠶᠠᠷ ᠱᠠᠩᠨᠠᠭᠰᠠᠨ ᠠᠵᠠᠢ᠃ ᠡᠨᠡᠬᠦ ᠸᠠᠩ ᠡᠷᠭᠦᠮᠵᠢᠯᠡᠭᠰᠡᠨ ᠲᠣᠯᠣᠭᠠᠨ ᠬᠦᠮᠦᠨ ᠤ ᠲᠣᠲᠣᠷᠠ ᠨᠢᠭᠡᠨ ᠬᠠᠨ ᠰᠢᠨ | ᠭᠡᠳᠡᠭ ᠬᠦᠮᠦᠨ ᠪᠣᠢ᠃ ᠡᠨᠡ ᠬᠠᠨ ᠰᠢᠨ ᠪᠣᠯ ᠲᠣᠬᠠᠢ ᠶᠢᠨ ᠦᠶᠡ ᠶᠢᠨ ᠯᠢᠥ ᠪᠠᠩ ᠤᠨ ᠲᠣᠣᠷᠠᠬᠢ ᠶᠡᠭᠡ ᠴᠡᠷᠢᠭ | ᠤᠨ ᠡᠷᠳᠡᠮᠳᠡᠨ ᠬᠡᠮᠡᠭᠳᠡᠭᠴᠢ ᠬᠠᠨ ᠰᠢᠨ ᠯᠤᠭᠠ ᠠᠳᠠᠯᠢ ᠨᠡᠷᠡ ᠲᠠᠢ ᠪᠣᠯᠪᠠᠴᠣ ᠨᠢᠭᠡ ᠬᠦᠮᠦᠨ ᠪᠢᠰᠢ᠂ ᠡᠳᠡ | ᠬᠤᠶᠠᠭᠤᠯᠠ ᠶᠢ ᠢᠯᠭᠠᠬᠤ ᠶᠢᠨ ᠲᠦᠯᠦᠭᠡ᠂ ᠴᠡᠷᠢᠭ ᠤᠨ ᠡᠷᠳᠡᠮᠳᠡᠨ ᠬᠠᠨ ᠰᠢᠨ ᠢ ᠪᠣᠯ ᠲᠡᠭᠦᠨ ᠤ ᠬᠡᠷᠬᠢᠮ ᠢ | ᠲᠠᠭᠠᠭᠤᠯᠣᠨ᠂ ᠬᠤᠸᠠᠢ ᠶᠢᠨ ᠾᠸᠥ ᠬᠠᠨ ᠰᠢᠨ ᠭᠡᠳᠡᠭ᠂ ᠮᠠᠨ ᠤ ᠠᠳᠡ ᠬᠡᠯᠡᠵᠦ ᠪᠠᠶᠢᠭᠠ ᠬᠠᠨ ᠰᠢᠨ ᠢ ᠪᠣᠯ ᠬᠠᠨ | ᠸᠠᠩ ᠬᠠᠨ ᠰᠢᠨ ᠭᠡᠳᠡᠭ᠂ ᠬᠠᠨ ᠸᠠᠩ ᠬᠠᠨ ᠰᠢᠨ ᠪᠣᠯ ᠪᠠᠶᠢᠯᠳᠣᠭᠠᠨᠳᠣ ᠣᠯᠣᠰ ᠤᠨ ᠡᠴᠦᠰ ᠤᠨ ᠦᠶᠡ ᠶᠢᠨ ᠬᠠᠨ | ᠣᠯᠣᠰ ᠤᠨ ᠡᠵᠡᠨ ᠬᠠᠨ ᠰᠢᠶᠠᠩ ᠽᠢ ᠶᠢᠨ ᠬᠤᠶᠢᠴᠢᠰ ᠶᠣᠮ᠂ ᠡᠶᠢᠮᠦ ᠠᠴᠠ ᠲᠡᠬᠦᠨ ᠢ ᠲᠦᠭᠦᠮᠴᠢᠯᠡᠭᠡᠳ ᠬᠠᠨ | ᠸᠠᠩ ᠰᠢᠨ ᠭᠡᠳᠡᠭ ᠠᠵᠠᠢ᠃ ᠬᠠᠨ ᠸᠠᠩ ᠰᠢᠨ᠂ ᠸᠠᠩ ᠡᠷᠭᠦᠮᠵᠢᠯᠡᠭᠳᠡᠭᠰᠡᠨ ᠨᠢ ᠭᠤᠣᠯᠳᠠᠭᠤ ᠯᠢᠥ ᠪᠠᠩ ᠤᠨ | ᠪᠣᠰᠣᠯᠭᠠ ᠶᠢ ᠴᠣᠣᠷᠢᠶᠠᠳᠣᠨ ᠲᠠᠭᠠᠭᠰᠠᠨ ᠭᠠᠪᠢᠶᠠ ᠲᠠᠢ ᠠᠴᠠ ᠪᠣᠯᠵᠠᠢ᠃ ᠲᠡᠭᠦᠨ ᠤ ᠡᠷᠭᠦᠮᠵᠢᠯᠡᠭᠳᠡᠭᠰᠡᠨ ᠨᠣᠳᠤᠭ | ᠨᠢ ᠠᠩᠬᠠ ᠡᠬᠢᠯᠡᠨ ᠣᠳᠣᠬᠢ ᠾᠧ ᠨᠠᠨ ᠮᠣᠵᠢ ᠶᠢᠨ ᠢᠥᠢ ᠵᠸᠥ ᠣᠷᠴᠢᠮ ᠤᠨ ᠨᠡᠯᠢᠶᠡᠳ ᠪᠠᠶᠠᠨ ᠴᠢᠨᠡᠭᠡᠯᠢᠭ | ᠣᠷᠣᠨ ᠪᠠᠶᠢᠭᠰᠠᠨ ᠪᠦᠭᠡᠳ᠂ ᠨᠦᠬᠦᠭᠡ ᠲᠠᠯᠠ ᠪᠠᠷ ᠡᠨᠡᠬᠦ ᠣᠷᠣᠨ ᠨᠢ ᠪᠣᠯ ᠬᠢᠳᠠᠳ ᠤᠨ ᠲᠦᠪ ᠬᠦᠢᠰᠦ ᠣᠷᠣᠨ | ᠪᠣᠯᠬᠤ ᠠᠵᠠᠢ᠃ ᠭᠡᠪᠡᠴᠦ ᠯᠢᠥ ᠪᠠᠩ ᠤᠨ ᠦᠵᠡᠬᠦ ᠪᠠᠷ ᠬᠠᠨ ᠸᠠᠩ ᠰᠢᠨ ᠪᠣᠯ ᠨᠢᠭᠡ ᠳᠤ ᠬᠦᠮᠦᠨ ᠨᠢ ᠨᠡᠶᠢᠳᠡᠪᠣᠷᠢ | ᠦᠭᠡᠢ᠂ ᠬᠤᠶᠠᠷ ᠲᠤ ᠣᠣᠯ ᠳᠠᠭᠠᠨ ᠦᠪᠡᠷ ᠤᠨ ᠬᠢᠨᠢ ᠢᠳᠡᠭᠡᠮᠵᠢ ᠲᠠᠢ ᠰᠢᠲᠠᠷ ᠬᠦᠴᠦᠨ ᠴᠣ᠋ ᠪᠢᠰᠢ ᠠᠵᠠᠢ᠂ | ᠡᠶᠢᠮᠦ ᠠᠴᠠ ᠲᠡᠷᠡ ᠬᠡᠷᠪᠡ ᠡᠨᠡᠬᠦ ᠲᠦᠪ ᠨᠣᠳᠤᠭ ᠢ ᠨᠣᠶᠠᠯᠠᠭᠠᠳ᠂ ᠬᠤᠶᠠᠷ ᠰᠡᠳᠬᠢᠯ ᠡᠪᠦᠷᠯᠡᠳᠡᠭ ᠶᠣᠮ ᠪᠣᠯ ᠮᠠᠰᠢ | ᠠᠶᠣᠮᠰᠢᠭ ᠲᠠᠢ ᠬᠡᠷᠡᠭ ᠪᠣᠯᠣᠨᠠ ᠭᠡᠵᠦ ᠪᠣᠳᠣᠵᠠᠢ᠃ ᠡᠨᠡᠬᠦ ᠪᠣᠳᠣᠯᠬᠢᠯᠠᠯ ᠠᠴᠠ ᠡᠭᠦᠰᠴᠦ᠂ ᠯᠢᠥ ᠪᠠᠩ ᠣᠳᠠᠯ | ᠦᠭᠡᠢ ᠬᠠᠨ ᠸᠠᠩ ᠰᠢᠨ ᠤ ᠨᠣᠳᠤᠭ ᠢ ᠪᠣᠯᠢᠶᠠᠨ ᠠᠪᠴᠣ᠂ ᠲᠡᠭᠦᠨ ᠳᠤ ᠲᠠᠬᠢᠨ ᠾᠦᠩᠨᠦ ᠯᠤᠭᠠ ᠬᠢᠯᠢ ᠵᠠᠯᠭᠠᠵᠣ | ᠪᠠᠶᠢᠭᠠ ᠳ᠋ᠠᠢ ᠭᠠᠵᠠᠷ ᠢ ᠬᠤᠪᠢᠯᠠᠨ ᠦᠭᠴᠦ᠂ ᠮᠠ ᠶᠢ ︵ᠬᠤᠵᠢᠮ ᠤᠨ ᠰᠦᠸᠧ ᠵᠸᠥ ᠬᠤᠳᠠ︶ ᠭᠡᠳᠡᠭ ᠵᠢᠵᠢᠭ | ᠬᠤᠳᠠ ᠳᠤ ᠨᠡᠶᠢᠰᠯᠡᠳᠦᠭᠡᠢ ᠭᠡᠵᠦ ᠶᠠᠪᠣᠭᠤᠯᠪᠠ᠃ ᠡᠨᠡ ᠨᠢ ᠬᠡᠯᠡᠯᠭᠡᠨ ᠦᠭᠡᠢ ᠬᠠᠨ ᠸᠠᠩ ᠰᠢᠨ ᠪᠠ ᠲᠠᠭᠦᠨ ᠤ | ᠳᠠᠭᠠᠭᠰᠠᠳ ᠤᠨ ᠮᠠᠰᠢ ᠶᠡᠭᠡ ᠲᠣᠷᠠ ᠦᠭᠡᠶᠢᠴᠡᠯ ᠢ ᠬᠦᠷᠭᠡᠬᠦ ᠨᠢ ᠲᠠᠮᠵᠢᠭ ᠦᠭᠡᠢ᠃ ᠶᠠᠭ ᠡᠨᠡᠬᠦ ᠦᠶᠡᠰ ᠢᠶᠠᠷ | ᠾᠦᠩᠨᠦ ᠬᠦᠴᠦᠷᠭᠡᠭᠵᠢᠨ ᠡᠬᠢᠯᠡᠵᠦ᠂ ᠴᠢᠨ ᠣᠯᠣᠰ ᠲᠤ ᠪᠣᠯᠢᠶᠠᠭᠳᠠᠨ ᠡᠵᠡᠯᠡᠭᠳᠡᠭᠰᠡᠨ ᠨᠣᠳᠤᠭ ᠣᠰᠣ ᠪᠠᠨ | ᠡᠭᠡᠬᠦᠯᠦᠨ ᠠᠪᠴᠣ ᠪᠠᠶᠢᠭᠰᠠᠨ ᠴᠠᠭ ᠦᠶᠡ ᠢᠷᠡᠵᠡᠢ᠃ ᠡᠶᠢᠮᠦ ᠠᠴᠠ ᠾᠦᠩᠨᠦᠴᠦᠳ ᠭᠤᠣᠯ ᠤᠨ ᠡᠮᠦᠨᠡᠬᠢ | ᠨᠣᠳᠤᠭ᠂ ᠲᠠᠷᠣᠢ ᠣᠳᠣᠬᠢ ᠣᠷᠳᠣᠰ ᠢ ᠪᠠᠭᠳᠠᠭᠠᠭᠰᠠᠨ ᠣᠷᠣᠨ ᠢᠶᠠᠨ ᠠᠮᠵᠢᠯᠳᠠ ᠲᠠᠢ ᠪᠣᠴᠠᠭᠠᠨ ᠠᠪᠴᠣ᠂ ᠲᠠᠬᠢᠨ | ᠳ᠋ᠠᠢ ᠭᠠᠵᠠᠷ ᠢ ᠪᠣᠴᠠᠭᠠᠨ ᠠᠪᠬᠤ ᠪᠠᠷ ᠲᠡᠮᠡᠴᠡᠵᠦ ᠪᠠᠶᠢᠭᠰᠠᠨ ᠴᠠᠭ ᠦᠶᠡ ᠪᠣᠯᠪᠠ᠃ ᠢᠩᠬᠢᠭᠡᠳ ᠾᠦᠩᠨᠦ ᠶᠢᠨ | ᠴᠡᠷᠢᠭ ᠬᠠᠨ ᠸᠠᠩ ᠰᠢᠨ ᠤ ᠨᠡᠶᠢᠰᠯᠡᠯ ᠮᠠ ᠶᠢ ᠶᠢ ᠪᠦᠰᠡᠯᠡᠨ ᠲᠠᠭᠠᠷᠢᠭᠰᠠᠨᠠ᠂ ᠬᠠᠨ ᠸᠠᠩ ᠰᠢᠨ ᠰᠠᠨᠳᠣᠷᠣᠨ ᠯᠢᠥ | ᠪᠠᠩ ᠠᠴᠠ ᠲᠣᠰᠠᠯᠠᠬᠤ ᠴᠡᠷᠢᠭ ᠭᠤᠶᠣᠴᠢᠯᠠᠭᠰᠠᠨ ᠴᠣ᠋ ᠯᠢᠥ ᠪᠠᠩ ᠲᠡᠭᠦᠨ ᠳᠤ ᠲᠣᠰᠠᠯᠠᠮᠵᠢ ᠦᠵᠡᠭᠦᠯᠦᠭᠰᠡᠨ ᠦᠭᠡᠢ | ᠪᠣᠯᠬᠤᠷ᠂ ᠭᠠᠴᠢᠭᠳᠠᠭᠰᠠᠨ ᠬᠠᠨ ᠸᠠᠩ ᠰᠢᠨ ᠾᠦᠩᠨᠦ ᠳᠤ ᠪᠠᠭᠤᠨ ᠦᠭᠴᠦ ᠠᠮᠢ ᠭᠠᠷᠬᠤ ᠵᠠᠮ ᠪᠣᠯᠭᠠᠵᠠᠢ᠃ | ᠾᠦᠩᠨᠦ ᠴᠣ᠋ ᠬᠠᠨ ᠸᠠᠩ ᠰᠢᠨ ᠳᠤ ᠨᠣᠳᠤᠭ ᠢ ᠨᠢ ᠡᠭᠡᠭᠦᠯᠦᠨ ᠦᠭᠴᠦ᠂ ᠬᠠᠨ ᠣᠯᠣᠰ ᠲᠠᠢ ᠲᠠᠶᠢᠳᠣᠬᠤ ᠦᠶᠡ | ᠳᠤ ᠵᠠᠪᠠᠯ ᠴᠡᠷᠢᠭ ᠭᠠᠷᠴᠣ ᠬᠠᠷᠢᠯᠴᠠᠨ ᠬᠠᠪᠰᠣᠷᠣᠯᠴᠠᠬᠤ ᠪᠠᠷ ᠨᠦᠬᠦᠴᠡᠯ ᠪᠣᠯᠭᠠᠨ ᠲᠡᠭᠦᠨ ᠢ ᠲᠠᠯᠪᠢᠨ ᠶᠠᠪᠣᠭᠤᠯᠵᠠᠢ᠃ | ᠾᠦᠩᠨᠦ ᠶᠢᠨ ᠲᠡᠮᠵᠢᠯᠭᠡ ᠶᠢ ᠣᠯᠣᠭᠰᠠᠨ ᠬᠠᠨ ᠸᠠᠩ ᠰᠢᠨ ᠤ ᠵᠣᠷᠢᠭ ᠨᠢ ᠪᠦᠳᠦᠭᠦᠷᠡᠨ᠂ ᠲᠠᠬᠢᠨ ᠲᠠᠪᠳᠠᠨ ᠬᠠᠨ | ᠣᠯᠣᠰ ᠤᠨ ᠬᠢᠯᠢ ᠳᠤ ᠣᠷᠣᠵᠣ ᠲᠡᠭᠡᠷᠡᠮᠳᠡᠯᠭᠡ ᠬᠢᠬᠦ ᠪᠣᠯᠪᠠ᠃ ᠡᠨᠡ ᠨᠢ ᠠᠩᠬᠠ ᠬᠠᠭᠠᠨ ᠲᠦᠷᠦ ᠪᠠᠶᠢᠭᠤᠯᠣᠨ᠂ | ᠲᠣᠲᠣᠭᠠᠳᠣ ᠶᠢᠨ ᠰᠠᠮᠠᠭᠤᠷᠠᠯ ᠢᠶᠠᠨ ᠠᠷᠠᠢ ᠴᠠᠷᠠᠢ ᠵᠦᠭᠰᠢᠷᠡᠭᠦᠯᠵᠦ ᠴᠢᠳᠠᠭᠠ ᠦᠭᠡᠢ ᠪᠠᠶᠢᠭᠰᠠᠨ ᠬᠠᠨ ᠣᠯᠣᠰ ᠤᠨ | ᠯᠢᠥ ᠪᠠᠩ ᠳᠤ ᠪᠣᠯ ᠦᠬᠦᠯ ᠮᠦᠬᠦᠯ ᠤᠨ ᠠᠶᠣᠮᠰᠢᠭ ᠲᠠᠢ ᠶᠡᠭᠡ ᠬᠡᠷᠡᠭ ᠪᠣᠯᠣᠭᠰᠠᠨ ᠨᠢ ᠰᠡᠵᠢᠭᠯᠡᠰᠢ ᠦᠭᠡᠢ᠃ | ᠡᠶᠢᠮᠦ ᠠᠴᠠ ᠯᠢᠥ ᠪᠠᠩ ᠬᠠᠨ ᠣᠯᠣᠰ ᠤᠨ ᠶᠡᠬᠡᠩᠬᠢ ᠴᠡᠷᠢᠭ ᠢᠶᠠᠨ ᠴᠣᠭᠯᠠᠭᠤᠯᠣᠨ᠂ ᠨᠡᠶᠢᠳᠡ ᠭᠤᠴᠢᠨ ᠬᠤᠶᠠᠷ | ᠲᠦᠮᠡᠨ ᠶᠡᠭᠡ ᠴᠡᠷᠢᠭ ᠪᠠᠶᠢᠭᠤᠯᠣᠨ᠂ ᠾᠦᠩᠨᠦ ᠯᠤᠭᠠ ᠨᠢᠭᠡᠮᠦᠰᠦᠨ ᠦᠵᠡᠯᠴᠡᠬᠦ ᠪᠠᠷ ᠵᠣᠷᠢᠭ ᠰᠢᠭᠤᠳᠴᠣ᠂ ᠦᠪᠡᠷ | ᠤᠨ ᠪᠡᠶᠡ ᠪᠠᠷ ᠢᠶᠠᠨ ᠴᠡᠷᠢᠭ ᠣᠳᠣᠷᠢᠳᠣᠨ ᠮᠣᠷᠳᠠᠨ ᠭᠠᠷᠴᠠᠢ᠃ ᠬᠠᠨ ᠣᠯᠣᠰ ᠤᠨ ᠴᠡᠷᠢᠭ ᠨᠢ ᠬᠡᠳᠦᠶᠢᠪᠡᠷ ᠣᠯᠠᠨ | ᠪᠣᠯᠪᠠᠴᠣ᠂ ᠣᠯᠠᠩᠬᠢ ᠨᠢ ᠶᠠᠪᠠᠭᠠᠨ ᠴᠡᠷᠢᠭ ᠪᠠᠶᠢᠪᠠ᠃ ᠪᠠᠰᠠ ᠲᠣᠬᠠᠢ ᠶᠢᠨ ᠦᠶᠡ ᠶᠢᠨ ᠬᠠᠨ ᠣᠯᠣᠰ ᠤᠨ | ᠣᠯᠠᠩᠬᠢ ᠬᠦᠮᠦᠰ ᠪᠣᠯ ᠦᠮᠦᠳᠦ ᠡᠮᠦᠰᠬᠦ ᠲᠠᠳᠬᠠᠯ ᠦᠭᠡᠢ᠂ ᠵᠦᠪᠬᠡᠨ ᠣᠷᠳᠣ ᠬᠤᠷᠮᠣᠢ ᠲᠠᠢ ᠲᠡᠪᠡᠯ ᠡᠮᠦᠰᠳᠡᠭ | ᠠᠵᠠᠢ᠃ ᠡᠶᠢᠮᠦ ᠠᠴᠠ ᠲᠠᠶᠢᠨ ᠤ ᠮᠣᠷᠢ ᠴᠦᠬᠡᠨ᠂ ᠮᠣᠷᠢ ᠣᠨᠣᠬᠤ ᠲᠣᠨᠤᠭ ᠴᠦᠬᠡᠨ᠂ ᠮᠣᠷᠢ ᠣᠨᠣᠵᠣ | ᠲᠠᠶᠢᠯᠠᠯᠳᠣᠵᠣ ᠴᠢᠳᠠᠬᠤ ᠬᠦᠮᠦᠨ ᠴᠦ ᠴᠦᠬᠡᠨ ᠪᠣᠯᠬᠤᠷ ᠮᠣᠷᠢᠳᠣ ᠴᠡᠷᠢᠭ ᠨᠢ ᠦᠨᠡᠬᠡᠷ ᠴᠦᠬᠡᠨ ᠪᠠᠶᠢᠵᠠᠢ᠃ | ᠭᠡᠪᠡᠴᠦ ᠬᠢᠳᠠᠳ ᠤᠨ ᠲᠠᠳᠬᠠᠯ ᠢᠶᠠᠷ ᠪᠠᠰᠠ ᠨᠡᠯᠢᠶᠡᠳ ᠬᠡᠮᠵᠢᠶᠡᠨ ᠤ ᠮᠣᠷᠢᠨ ᠲᠡᠷᠭᠡᠳᠦ ᠴᠡᠷᠢᠭ ᠪᠠᠶᠢᠪᠠ᠃ ᠭᠡᠪᠡᠴᠦ | ᠯᠢᠥ ᠪᠠᠩ ᠨᠢᠭᠡᠨᠳᠡ ᠪᠡᠶᠡᠯᠡᠵᠦ ᠪᠠᠶᠢᠭᠠ ᠨᠢᠭᠡ ᠨᠠᠰᠣᠨ ᠤ ᠦᠢᠯᠡᠰ ᠢᠶᠠᠨ ᠦᠬᠦᠨ ᠬᠠᠮᠠᠭᠠᠯᠠᠬᠤ ᠪᠠᠷ ᠵᠣᠷᠢᠭ | ᠰᠢᠭᠤᠳᠣᠭᠰᠠᠨ ᠪᠣᠯᠬᠤᠷ ᠰᠢᠳᠦ ᠵᠠᠭᠤᠨ ᠴᠡᠷᠢᠭ ᠭᠠᠷᠪᠠ᠃ ᠯᠢᠥ ᠪᠠᠩ ᠣᠷᠢᠳᠠᠪᠠᠷ ᠬᠠᠨ ᠸᠠᠩ ᠰᠢᠨ ᠢ | ᠰᠢᠢᠳᠪᠦᠷᠢᠯᠡᠭᠡᠳ ᠲᠠᠬᠢᠨ ᠾᠦᠩᠨᠦ ᠲᠠᠢ ᠦᠵᠡᠯᠴᠡᠬᠦ ᠪᠠᠷ ᠲᠣᠭᠳᠠᠵᠣ᠂ ᠣᠳᠣᠬᠢ ᠲᠠᠢ ᠶᠣᠸᠠᠨ ᠣᠷᠴᠢᠮ ᠳᠤ᠂ | ᠬᠠᠨ ᠸᠠᠩ ᠰᠢᠨ ᠲᠠᠢ ᠭᠠᠭᠴᠠᠬᠠᠨ ᠲᠠᠶᠢᠯᠠᠯᠳᠣᠮᠠᠭᠴᠠ᠂ ᠬᠠᠨ ᠸᠠᠩ ᠰᠢᠨ ᠤ ᠴᠡᠷᠢᠭ ᠶᠡᠬᠡᠯᠡ ᠲᠠᠷᠣᠭᠳᠠᠨ᠂ | ᠵᠠᠩᠵᠣᠨ ᠴᠡᠷᠢᠭ ᠶᠡᠬᠡᠳᠡ ᠬᠤᠬᠢᠷᠠᠵᠣ᠂ ᠾᠦᠩᠨᠦ ᠶᠢᠨ ᠴᠡᠷᠢᠭ ᠢ ᠡᠷᠢᠨ ᠣᠮᠠᠷᠠᠰᠢ ᠪᠣᠷᠣᠭᠤᠯᠣᠨ ᠣᠳᠪᠠ᠃ ᠯᠢᠥ | ᠪᠠᠩ᠂ ᠾᠦᠩᠨᠦ ᠶᠢᠨ ᠴᠡᠷᠢᠭ ᠲᠠᠢ ᠶᠣᠸᠠᠨ ᠢ ᠴᠣᠬᠢᠬᠤ ᠪᠠᠷ ᠢᠷᠡᠬᠡᠳ ᠨᠢᠭᠡᠨᠳᠡ ᠶᠢᠨ ᠶᠠᠩ ᠳᠤ ᠬᠦᠷᠦᠭᠡᠳ | ᠪᠠᠶᠢᠨᠠ ᠬᠡᠵᠦ ᠰᠣᠨᠣᠰᠣᠭᠠᠳ᠂ ᠢᠯᠡᠯᠳᠡ ᠣᠯᠣᠭᠰᠠᠨ ᠶᠡᠭᠡ ᠴᠡᠷᠢᠭ ᠢᠶᠠᠨ ᠲᠠᠭᠠᠭᠤᠯᠣᠨ ᠰᠦᠷ ᠮᠠᠨᠳᠣᠭᠤᠯᠣᠨ ᠲᠠᠢ | ᠶᠣᠸᠠᠨ ᠢ ᠴᠢᠭᠯᠡᠨ ᠣᠷᠣᠭᠰᠢᠯᠠᠪᠠ᠃ ᠲᠠᠢ ᠶᠣᠸᠠᠨ ᠳᠤ ᠬᠦᠷᠬᠦᠶᠡ ᠾᠦᠩᠨᠦ ᠬᠦᠮᠦᠰ ᠴᠦᠬᠡᠨ ᠲᠣᠭᠠᠨ ᠤ ᠴᠡᠷᠢᠭ | ᠭᠠᠷᠭᠠᠨ ᠳᠡᠳᠡᠨ ᠲᠠᠢ ᠬᠠᠯᠳᠣ ᠵᠣᠯᠭᠠᠨ ᠪᠠᠶᠢᠯᠳᠣᠮᠠᠭᠴᠠ᠂ ᠣᠮᠠᠷᠠᠰᠢ ᠪᠣᠷᠣᠭᠤᠯᠣᠨ ᠶᠠᠪᠣᠪᠠ᠃ ᠬᠠᠨ ᠣᠯᠣᠰ ᠤᠨ | ᠴᠡᠷᠢᠭ ᠲᠠᠶᠢᠰᠣᠨ ᠤ ᠪᠠᠨ ᠲᠣᠳᠠᠭᠠᠭᠰᠠᠨ ᠢ ᠦᠵᠡᠭᠡᠳ᠂ ᠾᠦᠩᠨᠦ ᠨᠡᠷ ᠪᠣᠰᠣᠳ ᠤᠨ ᠬᠡᠯᠡᠯᠴᠡᠬᠦ ᠰᠢᠭ ᠲᠡᠶᠢᠮᠦ | ᠰᠦᠷᠡᠬᠡᠢ ᠪᠢᠰᠢ ᠪᠠᠶᠢᠨᠠ ᠬᠡᠵᠦ ᠦᠷᠬᠦᠯᠵᠢᠯᠡᠨ ᠨᠡᠬᠡᠮᠵᠢᠯᠡᠵᠡᠢ᠃ ᠡᠨᠡ ᠮᠡᠳᠦ ᠪᠠᠷ ᠾᠦᠩᠨᠦ ᠪᠠ ᠬᠠᠨ ᠣᠯᠣᠰ | ᠬᠡᠳᠦᠨ ᠣᠳᠠᠭᠠ ᠴᠡᠷᠢᠭ ᠵᠣᠯᠭᠠᠨ ᠪᠠᠶᠢᠯᠳᠣᠵᠣ ᠦᠵᠡᠭᠰᠡᠨ ᠳᠤ ᠬᠠᠨ ᠣᠯᠣᠰ ᠣᠳᠠᠭᠠ ᠪᠦᠷᠢ ᠪᠦᠷ ᠢᠯᠡᠵᠦ ᠯᠠ | ᠪᠠᠶᠢᠵᠠᠢ᠃ ᠡᠶᠢᠮᠦ ᠠᠴᠠ ᠯᠢᠥ ᠪᠠᠩ ᠴᠡᠷᠢᠭ ᠲᠡᠭᠡᠨ ᠲᠦᠷᠭᠡᠨ ᠣᠷᠣᠭᠰᠢᠯᠠᠬᠤ ᠵᠠᠷᠯᠢᠭ ᠦᠭᠴᠦ᠂ ᠦᠪᠡᠷ ᠢᠶᠠᠨ | ᠭᠤᠣᠯ ᠬᠦᠴᠦᠨ ᠪᠣᠯᠬᠤ ᠠᠷᠪᠠᠭᠠᠳ ᠲᠦᠮᠡᠨ ᠮᠣᠷᠢᠳᠣ ᠴᠡᠷᠢᠭ ᠪᠠ ᠲᠡᠷᠭᠡᠳᠦ ᠴᠡᠷᠢᠭ ᠢᠶᠠᠨ ᠣᠲᠣᠷᠢᠳᠣᠨ᠂ | ᠾᠦᠩᠨᠦᠴᠦᠳ ᠢ ᠬᠠᠨ ᠣᠯᠣᠰ ᠤᠨ ᠬᠢᠯᠢ ᠠᠴᠠ ᠭᠠᠷᠬᠤ ᠠᠴᠠ ᠡᠮᠦᠨᠡ ᠵᠠᠪᠳᠣᠨ ᠲᠠᠷᠣᠵᠣ ᠠᠪᠣᠶᠠ ᠭᠡᠵᠦ | ᠰᠠᠨᠠᠭᠠᠷᠬᠠᠨ ᠲᠦᠷᠭᠡᠨ ᠨᠡᠭᠡᠮᠵᠢᠯᠡᠪᠡ᠃ ᠡᠭᠦᠨ ᠤ ᠬᠠᠮᠳᠣ ᠬᠠᠨ ᠣᠯᠣᠰ ᠪᠠᠰᠠ ᠠᠷᠪᠠᠨ ᠬᠡᠳᠦᠨ ᠣᠳᠠᠭᠠ ᠡᠯᠴᠢ | ᠲᠣᠮᠢᠯᠠᠨ᠂ ᠾᠦᠩᠨᠦ ᠳᠤ ᠣᠴᠢᠭᠤᠯᠣᠨ ᠬᠡᠯᠡᠯᠴᠡᠭᠡᠷ ᠬᠢᠬᠦ ᠨᠡᠷᠡ ᠪᠠᠷ ᠾᠦᠩᠨᠦ ᠶᠢᠨ ᠪᠠᠶᠢᠳᠠᠯ ᠢ ᠲᠠᠩᠨᠠᠵᠣ ᠮᠡᠳᠡᠬᠦ | ᠪᠠᠷ ᠠᠵᠢᠯᠯᠠᠪᠠ᠃ ᠭᠡᠪᠡᠴᠦ ᠮᠣᠳᠣᠨ ᠴᠠᠨ ᠢᠥᠢ ᠠᠯᠢ ᠬᠡᠵᠢᠶᠡᠨᠡᠢ ᠪᠡᠯᠡᠳᠭᠡᠨ ᠠᠮᠵᠢᠵᠣ᠂ ᠵᠡᠬᠦᠨ ᠮᠡᠷᠭᠡᠨ ᠸᠠᠩ | ᠳᠠᠭᠠᠨ ᠲᠣᠷᠣᠢ ᠪᠠᠭᠤᠷᠠᠢ ᠨᠢᠭᠡ ᠲᠦᠮᠡᠨ ᠴᠡᠷᠢᠭ ᠦᠭᠴᠦ᠂ ᠬᠠᠨ ᠣᠯᠣᠰ ᠤᠨ ᠴᠡᠷᠢᠭ ᠲᠠᠢ ᠠᠷᠭᠠᠴᠠᠵᠣ᠂ ᠳᠡᠳᠡᠨ | ᠢ ᠦᠪᠡᠷ ᠤᠨ ᠪᠦᠭᠬᠦᠯᠳᠡ ᠳᠡᠭᠡᠨ ᠬᠠᠭᠤᠷᠣᠨ ᠣᠷᠣᠭᠤᠯᠬᠤ ᠪᠠᠷ ᠶᠠᠪᠣᠭᠤᠯᠪᠠ᠃ ᠡᠳᠡᠭᠡᠷ ᠴᠡᠷᠢᠭ ᠨᠢ ᠬᠠᠨ ᠣᠯᠣᠰ | ᠤᠨ ᠴᠡᠷᠢᠭ ᠢ ᠦᠨᠡᠬᠡᠷ ᠠᠮᠵᠢᠯᠳᠡ ᠲᠠᠢ ᠰᠠᠶᠢᠬᠠᠨ ᠲᠡᠳᠡᠨ ᠠᠪᠴᠢᠷᠠᠵᠣ᠂ ᠪᠦᠭᠭᠦᠯᠳᠡ ᠠᠴᠠ ᠮᠠᠰᠢ ᠣᠶᠢᠷᠬᠠᠨ | ᠢᠷᠡᠭᠡᠳ ᠮᠣᠳᠣᠨ ᠴᠠᠨ ᠢᠥᠢ ᠳᠤ ᠲᠦᠷᠭᠡᠨ ᠮᠣᠷᠢᠳᠠᠨ ᠲᠣᠮᠢᠯᠠᠨ ᠮᠡᠳᠡᠭᠡ ᠬᠦᠷᠭᠡᠪᠡ᠃ ᠨᠦᠬᠦᠭᠡ ᠲᠠᠯᠠ ᠪᠠᠷ ᠴᠠᠨ | ᠢᠥᠢ ᠪᠠᠰᠠ ᠬᠠᠨ ᠸᠠᠩ ᠰᠢᠨ ᠤ ᠵᠠᠩᠵᠣᠨ ᠪᠣᠯᠬᠤ ᠸᠠᠩ ᠬᠤᠸᠠᠩ ᠪᠣᠯᠣᠨ ᠵᠣᠤ ᠯᠢ ᠬᠤᠶᠠᠭᠤᠯᠠ ᠲᠠᠢ ᠪᠠᠢ ᠳ᠋ᠧᠩ | ᠳᠤ ᠴᠡᠷᠢᠭ ᠨᠡᠶᠢᠯᠡᠨ᠂ ᠬᠠᠨ ᠣᠯᠣᠰ ᠤᠨ ᠴᠡᠷᠢᠭ ᠲᠠᠢ ᠰᠢᠢᠳᠪᠦᠷᠢᠳᠦ ᠲᠠᠶᠢᠨ ᠬᠢᠬᠦ ᠪᠠᠷ ᠪᠣᠯᠵᠣᠨ ᠲᠣᠭᠳᠠᠵᠠᠢ᠃ | ᠯᠢᠥ ᠪᠠᠩ ᠾᠦᠩᠨᠦ ᠶᠢᠨ ᠦᠨᠡᠨ ᠬᠤᠳᠠᠯ ᠢ ᠣᠯᠵᠣ ᠮᠡᠳᠡᠭᠰᠡᠨ ᠦᠭᠡᠢ ᠪᠠᠶᠢᠳᠠᠯ ᠲᠣᠣᠷᠠ᠂ ᠵᠦᠪᠬᠡᠨ ᠨᠢᠳᠦᠨ | ᠡᠮᠦᠨᠡ ᠪᠠᠶᠢᠭᠠ ᠾᠦᠩᠨᠦ ᠶᠢᠨ ᠴᠡᠷᠢᠭ ᠤᠨ ᠦᠩᠭᠡᠨ ᠲᠠᠯᠠ ᠶᠢᠨ ᠪᠠᠶᠢᠳᠠᠯ ᠢ ᠦᠨᠳᠦᠰᠦᠯᠡᠨ᠂ ᠬᠡᠳᠦᠷᠬᠡᠢ ᠭᠡᠨᠡᠨ | ᠴᠦᠯᠢᠰ ᠢᠶᠠᠷ ᠴᠡᠷᠢᠭ ᠢᠶᠠᠨ ᠲᠦᠷᠭᠡᠯᠡᠨ ᠰᠢᠪᠠᠳᠠᠵᠣ᠂ ᠾᠦᠩᠨᠦ ᠨᠡᠷ ᠢ ᠬᠢᠯᠢ ᠭᠠᠷᠬᠤ ᠠᠴᠠ ᠡᠮᠦᠨᠡ ᠠᠮᠵᠢᠨ | ᠣᠰᠠᠳᠬᠠᠬᠤ ᠪᠠᠷ ᠰᠠᠨᠠᠭᠠᠷᠬᠠᠨ ᠲᠣᠪᠳᠣᠯᠪᠠ᠃ ᠲᠣᠬᠠᠢ ᠶᠢᠨ ᠦᠶᠡ ᠳᠤ ᠶᠠᠭ ᠰᠠᠶᠢᠬᠠᠨ ᠡᠪᠦᠯ ᠤᠨ ᠬᠦᠢᠳᠡᠨ | ᠪᠣᠯᠵᠣ᠂ ᠬᠡᠳᠦᠨ ᠡᠳᠦᠷ ᠢᠶᠠᠷ ᠴᠠᠰᠣ ᠪᠣᠷᠣᠭᠠᠨ ᠬᠤᠯᠢᠯᠳᠣᠨ ᠣᠷᠣᠵᠣ᠂ ᠬᠠᠨ ᠣᠯᠣᠰ ᠤᠨ ᠴᠡᠷᠢᠭ ᠤᠨ ᠡᠷᠡᠰ ᠤᠨ | ᠭᠠᠷ ᠤᠨ ᠬᠤᠷᠣᠭᠤ ᠨᠢ ᠬᠦᠯᠳᠡᠵᠦ ᠣᠨᠠᠭᠰᠠᠨ ᠬᠦᠮᠦᠨ ᠤ ᠲᠤᠭᠠ ᠭᠡᠳᠦᠶᠢᠪᠡᠷ ︽ᠰᠣᠳᠣᠷ ᠲᠡᠮᠳᠡᠭᠯᠡᠯ︾ ᠳᠤ | ᠬᠡᠯᠡᠭᠰᠡᠨ ᠮᠡᠳᠦ ᠠᠷᠪᠠᠨ ᠤ ᠬᠤᠶᠠᠷ ᠭᠤᠷᠪᠠ ᠬᠦᠷᠦᠯᠡ ᠭᠡᠳᠡᠭ ᠲᠠᠢ ᠠᠷᠠᠢ ᠨᠡᠶᠢᠴᠡᠬᠦ ᠦᠭᠡᠢ ᠪᠣᠯᠪᠠᠴᠣ᠂ ᠬᠦᠯᠳᠡᠵᠦ | ᠰᠢᠷᠠᠭᠳᠣᠭᠰᠠᠨ ᠬᠦᠮᠦᠨ ᠯᠠᠪ ᠣᠯᠠᠨ ᠪᠠᠶᠢᠭᠰᠠᠨ ᠨᠢ ᠯᠠᠪ ᠰᠡᠵᠢᠭᠯᠡᠰᠢ ᠦᠭᠡᠢ ᠬᠡᠷᠡᠭ ᠪᠣᠶᠠ᠃ ᠨᠦᠬᠦᠬᠡ ᠲᠠᠯᠠ ᠪᠠᠷ | ᠣᠯᠠᠩᠬᠢ ᠶᠠᠪᠠᠭᠠᠨ ᠴᠡᠷᠢᠭ ᠨᠢ ᠠᠯᠣᠰ ᠬᠤᠯᠠ ᠶᠢᠨ ᠲᠠᠢ ᠶᠣᠸᠠᠨ ᠠᠴᠠ ᠳ᠋ᠠ ᠲᠦᠩ ᠣᠷᠴᠢᠮ ᠬᠦᠷᠴᠦ ᠢᠷᠡᠳᠡᠯᠡ | ᠶᠠᠪᠠᠭᠠᠨ ᠬᠦᠶᠦᠵᠦ᠂ ᠵᠣᠪᠠᠵᠣ ᠵᠦᠳᠡᠷᠡᠬᠦ ᠨᠢ ᠮᠡᠳᠡᠭᠡᠵᠢ ᠶᠢᠨ ᠬᠡᠷᠡᠭ ᠪᠣᠯᠠᠢ᠃ ᠬᠠᠨ ᠣᠯᠣᠰ ᠤᠨ ᠴᠡᠷᠢᠭ ᠾᠦᠩᠨᠦ | ᠶᠢᠨ ᠴᠡᠷᠢᠭ ᠢ ᠨᠡᠬᠡᠮᠵᠢᠯᠡᠨ ᠶᠠᠪᠣᠭᠰᠠᠭᠠᠷ ᠣᠳᠣᠬᠢ ᠳ᠋ᠠ ᠲᠦᠩ ᠠᠴᠠ ᠬᠤᠯᠠ ᠦᠭᠡᠢ ᠪᠠᠢ ᠳ᠋ᠧᠩ ᠱᠠᠨ ᠭᠡᠳᠡᠭ | ᠠᠭᠤᠯᠠᠨ ᠬᠤᠷᠮᠣᠢ ᠳᠤ ᠢᠷᠡᠬᠦ ᠳᠤ ᠾᠦᠩᠨᠦ ᠶᠢᠨ ᠴᠡᠷᠢᠭ ᠲᠡᠮᠡᠢ ᠬᠤᠯᠠ ᠦᠭᠡᠢ ᠡᠮᠦᠨᠡ ᠨᠢ ᠪᠣᠷᠣᠭᠤᠯᠠᠵᠣ | ᠪᠠᠶᠢᠭᠠ ᠨᠢ ᠬᠠᠷᠠᠭᠳᠠᠵᠠᠢ᠃ ᠬᠠᠨ ᠣᠯᠣᠰ ᠤᠨ ᠬᠠᠭᠠᠨ ᠯᠢᠥ ᠪᠠᠩ ᠵᠠᠷᠯᠢᠭ ᠪᠠᠭᠤᠯᠭᠠᠨ ᠲᠠᠶᠢᠰᠣᠨ ᠤ ᠲᠡᠷᠢᠭᠦᠨ ᠢ | ᠴᠠᠪᠴᠢᠨ ᠠᠪᠴᠢᠷᠠᠭᠰᠠᠨ ᠬᠦᠮᠦᠨ ᠪᠦᠬᠦᠨ ᠳᠤ ᠬᠦᠨᠳᠦᠳᠡ ᠱᠠᠩ ᠪᠣᠢ ᠬᠡᠮᠡᠨ ᠴᠡᠷᠢᠭ ᠢᠶᠠᠨ ᠬᠦᠬᠢᠭᠡᠨ ᠣᠷᠣᠭᠰᠢ | ᠲᠠᠭᠠᠷᠢᠨ ᠢᠷᠡᠳᠡᠯᠡ᠂ ᠠᠭᠤᠯᠠᠨ ᠤ ᠬᠤᠶᠠᠷ ᠲᠠᠯᠠ ᠪᠠᠷ ᠾᠦᠩᠨᠦ ᠶᠢᠨ ᠰᠢᠯᠢᠳᠡᠭ ᠮᠣᠷᠢᠳᠣ ᠴᠡᠷᠢᠭ ᠲᠠᠭᠠᠷᠢᠨ | ᠭᠠᠷᠴᠣ ᠢᠷᠡᠯᠡ᠃ ᠨᠢᠳᠦ ᠡᠷᠭᠦᠨ ᠦᠵᠡᠬᠦᠯᠡ᠂ ᠾᠦᠩᠨᠦ ᠶᠢᠨ ᠡᠳᠡᠭᠡᠷ ᠴᠡᠷᠢᠭ ᠤᠨ ᠵᠢᠳᠡ ᠢᠯᠳᠦ ᠨᠢ ᠨᠠᠷᠠᠨ ᠳᠤ | ᠬᠢᠯᠪᠠᠯᠵᠠᠨ᠂ ᠬᠤᠶᠠᠭ ᠲᠣᠭᠤᠯᠭᠠ ᠠᠴᠠ ᠨᠢ ᠭᠡᠷᠡᠯ ᠰᠴᠣᠷᠠᠵᠣ᠂ ᠠᠷᠳᠠᠭ ᠲᠣᠭᠰᠢᠨ ᠠᠭᠳᠠ ᠬᠦᠯᠦᠭ ᠨᠢ ᠰᠠᠯᠬᠢᠨ | ᠭᠠᠯ ᠮᠡᠳᠦ ᠲᠣᠪᠳᠣᠯᠣᠨ᠂ ᠡᠶᠢᠵᠦ ᠶᠠᠭᠠᠬᠢᠬᠤ ᠶᠢᠨ ᠵᠠᠪ ᠦᠭᠭᠦᠯ ᠦᠭᠡᠢ ᠬᠠᠨ ᠣᠯᠣᠰ ᠤᠨ ᠴᠡᠷᠢᠭ ᠢ ᠨᠢᠭᠡᠯᠡ | ᠲᠡᠭᠡᠷᠡ ᠬᠤᠮᠣᠷᠭᠠᠯᠠᠨ ᠪᠦᠰᠡᠯᠡᠪᠡ᠃ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |