ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠰᠢᠨ᠎ᠡ ᠬᠦᠳᠡᠭᠡ
ᠠᠬ᠎ᠠ ᠲᠡᠭᠦᠤ ᠬᠤᠶᠠᠷ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020/10/29
ᠯᠶᠦ᠋ᠪ᠂ ᠨᠢᠺᠦᠯᠸᠢᠴᠢ᠂ ᠲᠤᠯᠰᠲ᠋ᠤᠢ ᠠᠬ᠎ᠠ ᠲᠡᠭᠦᠤ ᠬᠤᠶᠠᠷ ᠤᠢ ᠲᠤᠮᠳᠠᠭᠤᠷ ᠨᠠᠭᠠᠳᠤᠵᠦ ᠶᠠᠪᠤᠭᠰᠠᠭᠠᠷ ᠤᠨᠳᠠᠭᠠᠳ ᠦᠭᠴᠢᠬᠡᠵᠡᠢ᠃ ᠰᠡᠷᠢᠬᠦ ᠶᠢᠨ ᠬᠢᠨᠢ ᠦᠶ᠎ᠡ ᠳᠤ ᠬᠠᠵᠠᠭᠤ ᠳᠤᠨᠢ ᠨᠢᠭᠡᠨ ᠲᠤᠮᠤ ᠴᠢᠯᠠᠭᠤ ᠪᠠᠶᠢᠵᠦ ᠲᠡᠭᠡᠷ᠎ᠡ ᠨᠢ ︽ᠡᠨᠡ ᠴᠢᠯᠠᠭᠤ ᠶᠢ ᠢᠯᠡᠷᠡᠭᠦᠯᠦᠭᠰᠡᠨ ᠬᠦᠮᠦᠨ᠂ ᠨᠠᠷᠠ ᠮᠠᠨᠳᠤᠬᠤ ᠦᠶ᠎ᠡ ᠪᠠᠷ ᠤᠢ ᠤᠨ ᠵᠠᠮ ᠪᠠᠷ ᠠᠰᠬᠠᠨ ᠶᠠᠪᠤ᠂ ᠤᠢ ᠲᠤᠳᠤᠷ᠎ᠠ ᠨᠢᠭᠡᠨ ᠭᠤᠤᠯ ᠲᠠᠭᠠᠷᠠᠨ᠎ᠠ᠂ ᠡᠨᠡᠬᠦ ᠭᠤᠤᠯ ᠶᠢ ᠬᠡᠳᠦᠯᠦᠭᠡᠳ ᠴᠠᠭᠠᠳᠦ ᠡᠷᠭᠢ ᠲᠡᠭᠡᠷ᠎ᠡ ᠨᠢ ᠭᠠᠷ᠂ ᠲᠡᠨᠳᠡ ᠨᠢᠭᠡ ᠡᠮ᠎ᠡ ᠪᠠᠭᠠᠪᠠᠭᠠᠢ ᠬᠡᠳᠦᠨ ᠵᠤᠯᠵᠠᠭ᠎ᠠ ᠲᠠᠢ ᠪᠠᠨ ᠪᠠᠶᠢᠨ᠎ᠠ᠂ ᠲᠡᠳᠡᠭᠡᠷ ᠵᠤᠯᠵᠠᠭ᠎ᠠ ᠨᠢ ᠡᠬᠡ ᠪᠠᠨ ᠲᠤᠭᠤᠷᠢᠵᠦ ᠨᠠᠭᠠᠳᠤᠵᠦ ᠪᠠᠶᠢᠬᠤ ᠳᠤᠨᠢ ᠰᠢᠭᠦᠷᠡᠵᠦ ᠠᠪᠤᠭᠠᠳ᠂ ᠠᠭᠤᠯᠠᠨ ᠤᠷᠭᠢᠯ ᠳᠤ ᠨᠢᠭᠡᠯᠡ ᠠᠮᠢᠰᠬᠤᠭ᠎ᠠ ᠪᠠᠷ ᠬᠦᠶᠦᠵᠦ ᠭᠠᠷ᠂ ᠡᠷᠭᠢᠵᠦ ᠬᠠᠷᠠᠵᠦ ᠪᠤᠯᠬᠤ ᠦᠭᠡᠢ᠂ ᠠᠭᠤᠯᠠᠨ ᠤᠷᠭᠢᠯ ᠲᠡᠭᠡᠷ᠎ᠡ ᠨᠢᠭᠡᠨ ᠭᠡᠷ ᠪᠤᠢ᠂ ᠲᠡᠨᠳᠡ ᠠᠴᠠ ᠲᠠ ᠵᠤᠯ ᠵᠢᠷᠭᠠᠯ ᠪᠤᠯᠤᠨ ᠠᠵᠠ ᠵᠢᠷᠭᠠᠯ ᠶᠢ ᠤᠯᠬᠤ ᠪᠤᠯᠤᠨ᠎ᠠ᠃︾ ᠭᠡᠰᠡᠨ ᠪᠢᠴᠢᠭᠡᠰᠦ ᠲᠠᠢ᠃ ᠲᠡᠭᠦᠤ ᠨᠢ᠄ ︽ᠬᠤᠶᠠᠭᠤᠯᠠ ᠪᠠᠨ ᠶᠠᠪᠤᠶ᠎ᠠ᠂ ᠠᠭᠤᠯᠠᠨ ᠤᠷᠭᠢᠯ ᠳᠠᠬᠢ ᠲᠡᠷᠡ ᠭᠡᠷ ᠠᠴᠠ ᠠᠵᠠ ᠵᠢᠷᠭᠠᠯ ᠪᠤᠯᠤᠨ ᠵᠤᠯ ᠵᠢᠷᠭᠠᠯ ᠶᠢ ᠤᠯᠤᠶ᠎ᠠ᠃︾ ᠭᠡᠵᠠᠢ᠃ ᠠᠬ᠎ᠠ ᠎ ᠨᠢ᠄ ︽ᠪᠢ ᠤᠴᠢᠬᠤ ᠦᠭᠡᠢ᠃ ᠴᠢ ᠪᠠᠰᠠ ᠪᠢᠳᠡᠭᠡᠢ ᠤᠴᠢᠭᠠᠷᠠᠢ᠃ ᠪᠢ ᠴᠢᠮᠠᠳᠦ ᠬᠡᠯᠡᠵᠦ ᠦᠭᠭᠦᠶ᠎ᠡ᠃ ᠨᠢᠭᠡ ᠳᠤ ᠄ ᠡᠨᠡ ᠴᠢᠯᠠᠭᠤᠨ ᠲᠡᠭᠡᠷ᠎ᠡ ᠪᠢᠴᠢᠵᠦ ᠪᠠᠶᠢᠭ᠎ᠠ ᠨᠢ ᠦᠨᠡᠨ ᠶᠤᠮ ᠤᠤ ᠬᠤᠳᠠᠯ ᠶᠤᠮ ᠤᠤ ᠬᠡᠨ ᠴᠦ ᠮᠡᠳᠡᠬᠦ ᠦᠭᠡᠢ᠃ ᠬᠤᠶᠠᠷ ᠳᠤ᠄ ᠦᠨᠡᠨ ᠪᠠᠷ ᠪᠤᠳᠤᠬᠤ ᠳᠤ ᠪᠢᠳᠡ ᠲᠡᠷᠡᠬᠦ ᠭᠠᠵᠠᠷ ᠤᠴᠢᠳᠠᠯ᠎ᠠ ᠬᠠᠷᠠᠩᠭᠤᠢ ᠪᠤᠯᠴᠢᠬᠠᠨ᠎ᠠ᠂ ᠲᠡᠷᠡ ᠭᠤᠤᠯ ᠢ ᠨᠢ ᠤᠯᠵᠦ ᠴᠢᠳᠠᠬᠤ ᠦᠭᠡᠢ ᠲᠦᠭᠡᠷᠢᠨ᠎ᠡ᠃ ᠭᠤᠤᠯ ᠶᠢ ᠤᠯᠴᠢᠬᠠᠬᠤ ᠪᠠᠷ ᠪᠤᠳᠤᠭᠰᠠᠨ ᠴᠦ ᠭᠤᠤᠯ ᠤᠨ ᠤᠯᠤᠮ ᠨᠢ ᠦᠷᠭᠡᠨ ᠮᠦᠷᠳᠡᠭᠡᠨ ᠤᠷᠤᠰᠬᠠᠯ ᠨᠢ ᠰᠢᠷᠦᠭᠦᠨ᠃ ᠯᠠᠪ ᠬᠡᠳᠦᠯᠤᠵᠦ ᠲᠡᠶᠢᠯᠬᠦ ᠦᠭᠡᠢ᠃ ᠭᠤᠷᠪᠠ ᠳᠤ᠄ ᠬᠡᠳᠦᠯᠦᠵᠦ ᠴᠢᠳᠠᠬᠤ ᠪᠠᠷ ᠪᠤᠳᠤᠭᠰᠠᠨ ᠴᠦ ᠡᠬᠡ ᠤᠨ ᠬᠢᠨᠢ ᠬᠠᠵᠠᠭᠤ ᠠᠴᠠ ᠲᠡᠳᠡᠭᠡᠷ ᠵᠤᠯᠵᠠᠭ᠎ᠠ ᠶᠢ ᠨᠢ ᠠᠪᠬᠤ ᠭᠡᠳ ᠪᠠᠭᠠᠪᠠᠭᠠᠢ ᠳᠤ ᠠᠯᠠᠭᠤᠯᠤᠨ᠎ᠠ᠃ ᠠᠪᠵᠦ ᠴᠢᠳᠠᠬᠤ ᠪᠠᠷ ᠪᠤᠳᠤᠭᠰᠠᠨ ᠴᠦ ᠨᠢᠭᠡᠯ᠎ᠡ ᠠᠮᠢᠰᠬᠤᠭ᠎ᠠ ᠪᠠᠷ ᠠᠭᠤᠯᠠᠨ ᠤᠷᠭᠢᠯ ᠳᠤ ᠬᠦᠷᠴᠦ ᠴᠢᠳᠠᠬᠤ ᠦᠭᠡᠢ᠃ ᠬᠠᠮᠤᠭ ᠭᠤᠤᠯ ᠨᠢ ᠠᠭᠤᠯᠠᠨ ᠤᠷᠭᠢᠯ ᠳᠠᠬᠢ ᠲᠡᠷᠡ ᠭᠡᠷ ᠠᠴᠠ ᠶᠠᠮᠠᠷ ᠠᠵᠠ ᠵᠢᠷᠭᠠᠯ ᠢ ᠤᠯᠬᠤ ᠶᠢ ᠪᠠᠰᠠ ᠡᠨᠡ ᠴᠢᠯᠠᠭᠤᠨ ᠲᠡᠭᠡᠷ᠎ᠡ ᠪᠢᠴᠢᠭᠡ ᠴᠦ ᠦᠭᠡᠢ︾ ᠭᠡᠵᠠᠢ᠃ ᠲᠡᠭᠦᠤ ᠨᠢ᠄ ︽ᠬᠦᠮᠦᠨ ᠯᠠᠪ ᠶᠠᠮᠠᠷᠴᠦ ᠤᠴᠢᠷ ᠰᠢᠯᠳᠠᠭᠠᠨ ᠦᠭᠡᠢ ᠪᠠᠷ ᠡᠨᠡ ᠶᠢ ᠪᠢᠴᠢᠬᠦ ᠦᠭᠡᠢ᠃ ᠪᠢ ᠪᠠᠰᠠ ᠲᠤᠷᠰᠢᠵᠦ ᠦᠵᠡᠭᠦ ᠰᠢᠯᠳᠠᠭᠠᠨ ᠲᠠᠢ᠃ ᠨᠢᠭᠡ ᠳᠤ᠄ ᠲᠤᠷᠰᠢᠵᠦ ᠦᠵᠡᠯ᠎ᠡ ᠴᠦ ᠭᠡᠰᠡᠨ ᠶᠠᠮᠠᠷ ᠴᠦ ᠬᠤᠬᠢᠷᠠᠯ ᠪᠠᠶᠢᠬᠤ ᠦᠭᠡᠢ᠃ ᠬᠤᠶᠠᠷ ᠎ ᠳᠤ᠄ ᠬᠡᠷᠪᠡ ᠲᠤᠷᠰᠢᠵᠦ ᠦᠵᠡᠬᠦ ᠦᠭᠡᠢ ᠪᠤᠯ ᠦᠭᠡᠷ᠎ᠡ ᠬᠦᠮᠦᠨ ᠲᠤᠷᠰᠢᠨ᠎ᠠ᠃ ᠲᠡᠭᠡᠪᠡᠯ ᠪᠢᠳᠡ ᠬᠤᠶᠠᠷ ᠦᠪᠡᠷ ᠎ ᠲᠡᠭᠡᠨ ᠲᠤᠬᠢᠶᠠᠯᠳᠤᠭᠰᠠᠨ ᠠᠵᠠ ᠵᠠᠪᠰᠢᠶᠠᠨ ᠢ ᠠᠯᠳᠠᠬᠤ ᠪᠤᠯᠤᠨ᠎ᠠ᠃ ᠭᠤᠷᠪᠠ ᠳᠤ᠄ ᠴᠢᠷᠮᠠᠶᠢᠬᠤ ᠦᠭᠡᠢ ᠪᠤᠯ ᠶᠠᠮᠠᠷᠴᠦ ᠶᠠᠭᠤᠮ᠎ᠠ ᠶᠢ ᠬᠢᠵᠦ ᠲᠡᠶᠢᠯᠬᠦ ᠦᠭᠡᠢ᠃ ᠲᠦᠷᠪᠡ ᠳᠤ᠄ ᠪᠢ ᠦᠭᠡᠷ᠎ᠡ ᠬᠦᠮᠦᠰ ᠪᠢᠳᠡᠨ ᠢ ᠠᠶᠤᠮᠳᠠᠭᠠᠢ ᠭᠡᠵᠦ ᠬᠡᠯᠡᠬᠦ ᠶᠢ ᠬᠦᠰᠡᠬᠦ ᠦᠭᠡᠢ︾ ᠭᠡᠵᠠᠢ᠃ ᠢᠩᠭᠢᠭᠡᠳ ᠠᠬ᠎ᠠ ᠲᠡᠭᠦᠤ ᠬᠤᠶᠠᠷ ᠬᠡᠰᠡᠭ ᠮᠠᠷᠭᠤᠯᠳᠤᠭᠠᠳ ᠲᠡᠭᠦᠤ ᠨᠢ ᠲᠡᠷᠡᠬᠦ ᠭᠠᠵᠠᠷ ᠢ ᠴᠢᠭᠯᠡᠵᠦ᠂ ᠠᠬ᠎ᠠ ᠨᠢ ᠬᠤᠴᠤᠷᠪᠠ᠃ ᠤᠢ ᠳᠤ ᠤᠷᠤᠭᠰᠠᠨ ᠤ ᠲᠠᠷᠠᠭ᠎ᠠ ᠲᠡᠭᠦᠤ ᠦᠨᠦᠬᠢ ᠭᠤᠤᠯ ᠢ ᠤᠯᠵᠦ ᠠᠪᠤᠭᠠᠳ ᠭᠤᠤᠯ ᠤᠨ ᠴᠠᠭᠠᠳᠦ ᠡᠷᠭᠢ ᠳᠤ ᠤᠮᠪᠠᠨ ᠭᠠᠷᠤᠭᠠᠳ ᠦᠨᠦᠬᠢ ᠡᠮ᠎ᠡ ᠪᠠᠭᠠᠪᠠᠭᠠᠢ ᠶᠢᠨ ᠤᠨᠳᠠᠵᠦ ᠪᠠᠶᠢᠬᠤ ᠲᠠᠢ ᠨᠢ ᠲᠠᠭᠠᠷᠠᠭᠠᠳ ᠡᠬᠡ ᠪᠠᠨ ᠲᠤᠭᠤᠷᠢᠭᠠᠳ ᠲᠤᠭᠯᠠᠵᠦ ᠪᠠᠶᠢᠭᠰᠠᠨ ᠬᠤᠶᠠᠷ ᠵᠤᠯᠵᠠᠭ᠎ᠠ ᠶᠢ ᠨᠢ ᠰᠢᠭᠦᠷᠦᠨ ᠠᠪᠤᠭᠠᠳ ᠠᠭᠤᠯᠠᠨ ᠤᠷᠭᠢᠯ ᠵᠦᠭ ᠬᠦᠶᠦᠵᠠᠢ᠃ ᠠᠭᠤᠯᠠᠨ ᠤᠷᠭᠢᠯ ᠳᠤ ᠪᠠᠶᠢᠭ᠎ᠠ ᠭᠡᠷ ᠤᠨ ᠡᠭᠦᠳᠡᠨ ᠳᠤ ᠬᠦᠷᠬᠦ ᠳᠤ ᠨᠢᠭᠡ ᠬᠦᠮᠦᠨ ᠭᠠᠷᠴᠦ ᠢᠷᠡᠭᠡᠳ ᠲᠡᠭᠦᠨ ᠢ ᠮᠤᠷᠢᠨ ᠲᠡᠷᠭᠡᠨ ᠳᠤ ᠰᠠᠭᠤᠯᠭᠠᠭᠠᠳ ᠨᠢᠭᠡᠨ ᠬᠤᠳ᠋ᠨ ᠳᠤ ᠬᠦᠷᠴᠦ ᠲᠡᠷᠡ ᠬᠤᠳᠠ ᠶᠢᠨ ᠬᠦᠮᠦᠰ ᠲᠡᠭᠦᠨ ᠢ ᠤᠯᠤᠰ ᠤᠨ ᠸᠠᠩ ᠡᠷᠭᠦᠮᠵᠢᠯᠡᠵᠠᠢ᠃ ᠢᠩᠭᠢᠭᠡᠳ ᠲᠡᠭᠦᠤ ᠨᠢ ᠤᠯᠤᠰ ᠤᠨ ᠸᠠᠩ ᠪᠤᠯᠤᠭᠠᠳ ᠲᠠᠪᠤᠨ ᠵᠢᠯ ᠎ ᠢ ᠦᠩᠭᠡᠷᠡᠭᠡᠵᠠᠢ᠃ ᠵᠢᠷᠭᠤᠳᠠᠬᠢ ᠵᠢᠯ ᠨᠢᠭᠡᠨ ᠬᠦᠮᠦᠨ ᠤᠷᠪᠠᠯᠭ᠎ᠠ ᠭᠠᠷᠭᠠᠭᠠᠳ ᠲᠡᠭᠦᠨ ᠢ ᠬᠦᠭᠡᠭᠡᠨ ᠶᠠᠪᠤᠭᠤᠯᠪᠠ᠃ ᠢᠩᠭᠢᠭᠡᠳ ᠲᠡᠭᠦᠤ ᠨᠢ ᠲᠡᠨᠦᠭᠦᠯᠴᠢᠨ ᠪᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃ ᠲᠡᠨᠦᠭᠦᠴᠢᠯᠡᠨ ᠶᠠᠪᠤᠭᠰᠠᠭᠠᠷ ᠨᠢᠭᠡ ᠡᠳᠦᠷ ᠠᠬ᠎ᠠ ᠶᠢᠨ ᠎ ᠢᠶᠠᠨ ᠭᠡᠷ ᠤᠨ ᠡᠭᠦᠳᠡᠨ ᠳᠤ ᠢᠷᠡᠵᠠᠢ᠃ ᠠᠬ᠎ᠠ ᠨᠢ ᠨᠢᠭᠡᠨ ᠲᠤᠰᠬᠤᠨ ᠳᠤ᠂ ᠶᠠᠳᠠᠭᠤ ᠳᠤ ᠪᠠᠭᠳᠠᠬᠤ ᠦᠭᠡᠢ ᠴᠦ ᠪᠠᠶᠠᠨ ᠳᠤ ᠲᠤᠭᠤᠴᠠᠭᠳᠠᠬᠤ ᠦᠭᠡᠢ ᠪᠠᠷ ᠠᠮᠢᠳᠤᠷᠠᠵᠦ ᠪᠠᠶᠢᠵᠠᠢ᠃ ᠠᠬ᠎ᠠ ᠲᠡᠭᠦᠤ ᠬᠤᠶᠠᠷ ᠠᠭᠤᠯᠵᠠᠭᠠᠳ ᠶᠡᠬᠡᠯ᠎ᠡ ᠪᠠᠶᠠᠷᠯᠠᠵᠦ ᠦᠨᠦᠬᠢ ᠴᠢᠯᠠᠭᠤᠨ ᠤ ᠲᠡᠷᠭᠡᠳᠡ ᠠᠴᠠ ᠰᠠᠯᠤᠭᠰᠠᠨ ᠤ ᠲᠠᠷᠠᠭᠠᠬᠢ ᠦᠩᠭᠡᠷᠡᠯᠳᠡ ᠪᠠᠨ ᠬᠦᠦᠷᠨᠢᠵᠡᠢ᠃ ᠠᠬ᠎ᠠ ᠨᠢ᠄ ︽ᠪᠢ ᠲᠡᠷᠡ ᠦᠶ᠎ᠡ ᠳᠤ ᠬᠡᠯᠡᠭᠰᠡᠨ ᠦᠨᠡᠨ ᠪᠤᠯᠤᠯ᠎ᠠ ᠪᠢᠵᠠ᠃ ᠪᠢ ᠡᠳᠡᠭᠡᠷ ᠵᠢᠯ ᠠᠮᠤᠷ ᠲᠠᠶᠢᠪᠤᠩ ᠠᠵᠦ ᠲᠦᠷᠦᠯ᠎ᠡ᠃ ᠴᠢ ᠬᠡᠳᠦᠶᠢᠪᠡᠷ ᠤᠯᠤᠰ ᠤᠨ ᠸᠠᠩ ᠪᠤᠯᠤᠭᠰᠠᠨ ᠪᠤᠯᠪᠠᠴᠦ ᠤᠯᠠᠨ ᠠᠷᠪᠢᠨ ᠬᠦᠴᠢᠷ ᠵᠤᠪᠠᠯᠠᠩ ᠎ ᠶᠢ ᠠᠮᠰᠠᠭᠰᠠᠨ︾ ᠭᠡᠵᠠᠢ᠃ ᠲᠡᠭᠦᠤ ᠨᠢ ᠰᠤᠨᠤᠰᠤᠭᠠᠳ᠄ ︽ᠪᠢ ᠬᠠᠷᠠᠮᠰᠠᠬᠤ ᠦᠭᠡᠢ᠃ ᠤᠳᠦ ᠪᠢ ᠶᠠᠭᠤ ᠴᠦ ᠦᠭᠡᠢ ᠪᠤᠯᠤᠭᠰᠠᠨ ᠴᠦ ᠡᠷᠭᠢᠴᠡᠭᠦᠯᠵᠦ ᠲᠤᠷᠠᠰᠬᠤ ᠶᠠᠭᠤᠮ᠎ᠠ ᠲᠠᠢ᠃ ᠬᠠᠷᠢᠨ ᠲᠠᠨ ᠳᠤ ᠪᠠᠶᠢᠬᠤ ᠦᠭᠡᠢ᠃︾ ᠬᠡᠪᠡ ᠃ ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ  
  
ᠢᠷᠡᠯᠲᠡ᠄ ᠲᠣᠰ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
︽ᠲᠤᠩᠭᠠᠯᠠᠭ ᠲᠠᠮᠢᠷ︾᠎ ᠤᠨ ᠭᠤᠴᠤ ᠬᠡᠯᠡᠯᠭᠡ ᠨᠦᠭᠦᠳ
ᠡᠪᠣᠭᠡᠳ ᠤᠨ ᠣᠬᠠᠭᠠᠨ ᠦᠭᠡᠳᠡᠯᠡᠭᠦ ᠶᠢᠨ ᠵᠤᠯᠨ
ᠴᠢᠬᠢᠨ ᠴᠢᠨᠡᠭᠡ ᠬᠦᠦ ᠶᠢᠨ ᠦᠯᠢᠭᠡᠷ
ᠤᠯᠠᠷᠢᠯ ᠵᠢᠷᠤᠭᠴᠢ
ᠰᠦᠨᠢ ᠪᠤᠯᠬᠤ ᠶᠢ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号