| | ᠰ᠊᠂ ᠪᠣᠶᠠᠨᠲᠣᠭᠲᠠᠬᠤ | ᠡᠬᠦᠯᠨ ᠲᠤᠯᠣᠭᠤᠶᠢᠯᠠᠬᠤ ᠳᠤ ᠪᠤᠷᠣᠭᠠᠨ ᠠᠰᠬᠠᠷᠠᠳᠠᠭ ᠠᠯᠠᠱᠠ | ᠰᠠᠯᠬᠢ ᠭᠠᠷᠬᠤ ᠳᠤ ᠮᠠᠨᠣ ᠬᠡᠶᠢᠰᠳᠡᠭ ᠭᠤᠪᠢ ᠶᠢᠨ ᠬᠥᠳᠡᠭᠡ ᠨᠢ | ᠶᠠᠩᠵᠤ ᠶᠢᠨ ᠭᠤᠶᠣ ᠲᠤᠶᠠᠭᠠ ᠪᠣᠲᠠᠷᠠᠳᠠᠭ ᠭᠤᠪᠢ ᠶᠢᠨ ᠴᠢᠯᠠᠭᠤ ᠲᠠᠢ | ᠶᠢᠷᠲᠢᠨᠴᠦᠰ ᠤᠨ ᠦᠩᠭᠡ ᠶᠢ ᠬᠤᠷᠢᠶᠠᠭᠰᠠᠨ ᠨᠠᠯᠠᠭᠠᠷ ᠬᠦᠳᠡᠭᠡ᠃ | ᠠᠯᠠᠱᠠ ᠶᠢᠨ ᠭᠤᠪᠢ ᠶᠢᠨ ᠮᠠᠨᠣ ᠴᠢᠯᠠᠭᠤ ᠪᠣᠯ ᠭᠠᠵᠠᠷ ᠤᠨ ᠬᠦᠷᠦᠰᠦᠨ ᠳᠤ ᠰᠠᠴᠣᠭᠳᠠᠭᠰᠠᠨ ᠲᠡᠭᠷᠢ ᠶᠢᠨ ᠡᠷᠳᠡᠨᠢ᠃ | ᠮᠠᠨᠣ ᠴᠢᠯᠠᠭᠤ ᠪᠣᠯ ᠭᠠᠩᠭᠠᠩ ᠪᠠᠶᠢᠭᠠᠯᠢ ᠶᠢᠨ ᠰᠦᠭ ᠰᠦᠨᠡᠰᠦ ᠲᠠᠢ ᠡᠪᠡᠰᠦ ᠣᠷᠭᠤᠮᠠᠯ ᠤᠨ ᠴᠡᠴᠡᠭ ᠵᠢᠮᠢᠰ ᠤᠨ | ᠦᠩᠭᠡ ᠶᠢ ᠠᠪᠴᠣ ᠬᠠᠳᠠᠭᠠᠯᠠᠭᠰᠠᠨ ᠠᠯᠲᠠ ᠮᠦᠩᠭᠦ ᠪᠠᠷ ᠣᠷᠣᠯᠠᠵᠤ ᠴᠢᠳᠠᠰᠢ ᠦᠭᠡᠢ ᠡᠬᠡ ᠪᠠᠶᠢᠭᠠᠯᠢ ᠶᠢᠨ | ᠭᠠᠵᠠᠷ ᠤᠨ ᠡᠮᠵᠢᠶᠡᠷᠢ ᠳᠤ ᠣᠷᠠᠯᠠᠵᠣ ᠳᠠᠷᠬᠠᠯᠠᠭᠰᠠᠨ ᠰᠦᠨ ᠪᠠᠭᠤᠴᠠ ᠲᠠᠢ ᠰᠢᠬᠢᠳᠭᠡᠭᠡ ᠶᠤᠮ᠃ ᠨᠠᠷᠠᠨ ᠤ ᠭᠡᠷᠡᠯ | ᠬᠤᠭᠤᠷᠠᠭᠰᠠᠨ ᠲᠠᠰᠣᠷᠬᠠᠢ ᠶᠢ ᠰᠢᠩᠭᠡᠭᠡᠨ ᠬᠤᠷᠢᠶᠠᠭᠰᠠᠨ ᠬᠤᠷᠴᠠ ᠦᠩᠭᠡ ᠲᠠᠢ ᠭᠤᠪᠢ ᠶᠢᠨ ᠴᠢᠯᠠᠭᠤ᠂ | ᠦᠳᠡᠰᠢ ᠶᠢᠨ ᠭᠡᠭᠡ ᠦᠦᠷ ᠤᠨ ᠲᠣᠶᠠᠭᠠ ᠲᠠᠢ ᠡᠩᠭᠡᠷ ᠵᠥᠷᠢᠭᠦᠯᠦᠨ ᠭᠡᠷᠡᠯᠲᠦᠵᠦ᠂ ᠪᠠᠷᠠᠭᠠᠠ ᠦᠭᠡᠢ ᠰᠦᠨᠢ | ᠠᠯᠠᠱᠠ ᠳᠤ ᠯᠠ ᠪᠠᠶᠢᠳᠠᠭ ᠬᠤᠪᠤᠷ ᠭᠠᠶᠢᠬᠠᠮᠰᠢᠭ ᠶᠤᠮ ᠰᠠᠨ᠃ ᠭᠤᠪᠢ ᠳᠤ ᠬᠠᠪᠤᠷ ᠡᠷᠲᠡ ᠢᠷᠡᠵᠤ ᠠᠭᠢ | ᠨᠢᠳᠦᠯᠡᠬᠦ ᠶᠢᠨ ᠬᠤᠷᠤᠮᠬᠠᠨ᠂ ᠬᠤᠢ ᠡᠷᠭᠢᠯᠳᠦᠭᠰᠡᠨ ᠬᠤᠵᠢᠷ ᠤᠨ ᠭᠤᠣᠯ ᠢᠶᠠᠷ ᠴᠠᠬᠢᠯᠳᠠᠭ ᠤᠨ ᠴᠡᠴᠡᠭ ᠬᠦᠷᠡᠩ | ᠲᠤᠶᠠᠭᠠ ᠲᠠᠲᠠᠵᠣ᠂ ᠪᠦᠭᠡᠷᠡᠭ ᠲᠠᠢ ᠬᠤᠩᠬᠤᠷ ᠲᠤ ᠴᠠᠭᠠᠨ ᠴᠡᠴᠡᠭ ᠵᠡᠯᠡᠷᠬᠡᠵᠦ᠂ ᠰᠣᠵᠣᠩ ᠤᠨ ᠣᠯᠠᠭᠠᠨ | ᠲᠤᠯᠤᠭᠠᠢ ᠱᠤᠩᠪᠣᠶᠢᠵᠦ᠂ ᠵᠣᠨ ᠤ ᠨᠠᠷᠠᠨ ᠳᠤ ᠳᠡᠯ ᠵᠠᠯᠭᠠᠯᠳᠣᠭᠰᠠᠨ ᠦᠩᠭᠡ ᠶᠢᠨ ᠴᠡᠴᠡᠭ ᠮᠢᠷᠠᠯᠵᠠᠬᠤ ᠳᠤ | ᠭᠤᠪᠢ ᠶᠢᠨ ᠡᠩᠭᠡᠷ ᠲᠤ ᠵᠠᠭᠤᠨ ᠦᠩᠭᠡ ᠶᠢᠨ ᠮᠠᠨᠣ ᠴᠢᠯᠠᠭᠤ ᠭᠡᠷᠡᠯ ᠲᠠᠲᠠᠨ ᠤᠶᠢᠳᠠᠭ ᠪᠠᠶᠢᠯᠠ᠃ ᠨᠠᠷᠠ ᠰᠠᠷᠠ | ᠭᠡᠷᠡᠯ ᠠᠴᠢᠨ ᠢᠷᠡᠬᠦ ᠳᠤ ᠭᠡᠭᠡ ᠲᠡᠪᠡᠷᠢᠭᠰᠡᠨ ᠠᠯᠠᠱᠠ ᠶᠢᠨ ᠬᠦᠳᠡᠭᠡ ᠲᠠᠯᠠ ᠢᠩᠭᠡᠨ ᠪᠣᠶᠢᠯᠠᠭᠠᠨ ᠳᠤ ᠰᠠᠯᠬᠢ | ᠬᠤᠷᠭᠤᠳᠠᠵᠣ᠂ ᠲᠣᠶᠠᠭᠠ ᠪᠣᠲᠠᠷᠠᠭᠰᠠᠨ ᠰᠢᠯᠢᠨ ᠳᠡᠨᠵᠢᠨ ᠳᠡᠭᠡᠷᠡ ᠬᠠᠷᠠᠵᠣ ᠵᠤᠭᠰᠣᠬᠤ ᠳᠤ ᠡᠵᠢ ᠶᠢᠨ ᠪᠤᠶᠠᠨ ᠢᠶᠠᠷ | ᠨᠣᠲᠤᠭ ᠲᠠᠭᠠᠨ ᠲᠣᠭᠯᠠᠵᠣ᠂ ᠨᠣᠲᠤᠭ ᠤᠨ ᠪᠤᠶᠠᠨ ᠳᠤ ᠡᠵᠢ ᠳᠡᠭᠡᠨ ᠡᠷᠬᠡᠯᠡᠬᠦ ᠪᠠᠭᠠ ᠨᠠᠰᠣᠨ ᠳᠠᠭᠠᠨ ᠪᠣᠴᠠᠭᠠᠳ | ᠢᠷᠡᠭᠰᠡᠨ ᠰᠢᠭ᠋ ᠰᠠᠨᠠᠭᠳᠠᠳᠠᠭ ᠶᠤᠮ᠃ ᠬᠠᠷᠠᠭᠠ ᠬᠦᠷᠳᠡᠭ ᠨᠤᠳᠤᠭ ᠤᠨ ᠡᠯᠢᠭᠡᠨ ᠳᠤ ᠡᠯᠠᠰᠣ ᠭᠤᠪᠢ ᠪᠠᠷᠠᠳᠠᠭᠰᠠᠨ | ᠬᠦᠨᠳᠡᠢ ᠲᠡᠨᠵᠢ ᠬᠦᠳᠦᠯ ᠳᠠᠪᠠᠭᠠ ᠲᠤᠪᠤ ᠲᠤᠯᠣᠭᠠᠢ ᠭᠤᠤ ᠵᠢᠯᠠᠭᠠ ᠶᠢᠨ ᠦᠩᠭᠡ ᠲᠠᠢ ᠴᠢᠯᠠᠭᠤᠳ ᠪᠠᠭᠠ ᠶᠢᠨ | ᠲᠣᠷᠠᠰᠣᠮᠵᠢ ᠶᠢ ᠠᠴᠢᠵᠣ ᠰᠦᠨᠢ ᠶᠢᠨ ᠤᠳᠣᠨᠲ᠋ᠠᠢ ᠪᠦᠪᠡᠶᠢᠯᠡᠵᠦ ᠶᠠᠪᠣᠭᠰᠠᠨ ᠶᠤᠮ᠃ | ᠪᠠᠭᠠ ᠪᠠᠶᠢᠬᠤ ᠳᠤ ᠬᠤᠷᠠᠭᠠ ᠶᠢᠨ ᠪᠠᠯᠴᠢᠭᠡᠷ ᠲᠤ ᠭᠠᠷᠭᠠᠵᠣ ᠶᠠᠪᠣᠭᠠᠳ ᠭᠡᠷ ᠲᠡᠭᠡᠨ ᠬᠠᠷᠢᠬᠤ ᠪᠠᠨ ᠮᠠᠷᠲᠠᠵᠤ᠂ | ᠠᠶᠢᠯ ᠤᠨ ᠬᠡᠦᠬᠡᠳ ᠲᠠᠢ ᠦᠭᠡᠬᠦᠨ ᠴᠠᠭᠠᠨ ᠴᠢᠯᠠᠭᠤᠰ ᠢᠶᠠᠷ ᠬᠤᠨᠢ ᠢᠮᠠᠭᠠ ᠬᠤᠲᠠ ᠬᠤᠷᠤᠭᠠ ᠣᠷᠡᠵᠦ ᠪᠣᠶᠠᠨ | ᠬᠡᠰᠢᠭ ᠬᠤᠷᠣᠶᠢᠯᠨᠨ ᠲᠤᠭᠯᠠᠳᠠᠭ ᠪᠠᠶᠢᠯᠠ᠃ ᠰᠢᠬᠢᠷᠰᠢᠭᠰᠡᠨ ᠬᠡᠦᠬᠡᠳ ᠡᠯᠢᠭᠡᠨ ᠳᠡᠭᠡᠨ ᠭᠡᠭᠴᠢ ᠭᠤᠪᠢ ᠶᠢᠨ | ᠬᠠᠶᠢᠰᠠᠨ ᠴᠢᠯᠠᠭᠤᠨ ᠢᠶᠠᠷ ᠲᠠᠪᠠᠭ ᠪᠤᠯᠭᠠᠵᠣ ᠮᠦᠰᠦᠨ ᠰᠢᠬᠢᠷ ᠪᠦᠷᠣᠮ ᠦᠵᠦᠮ ᠴᠢᠪᠠᠭᠠ ᠬᠤᠰᠢᠭᠠ ᠲᠦᠷᠰᠦ | ᠲᠠᠢ ᠭᠤᠪᠢ ᠶᠢᠨ ᠦᠩᠭᠡ ᠲᠠᠢ ᠴᠢᠯᠠᠭᠤ ᠲᠠᠪᠠᠭᠯᠠᠨ ᠦᠷᠡᠵᠣ᠂ ᠡᠯᠡᠰᠦ ᠪᠠᠷ ᠴᠠᠢ ᠴᠢᠨᠠᠵᠣ᠂ ᠵᠣᠴᠢᠨ ᠬᠦᠯᠢᠶᠡᠵᠣ | ᠬᠦᠨᠳᠦᠲᠦᠭᠡᠨ ᠮᠤᠷᠳᠠᠭᠤᠯᠵᠣ᠂ ᠮᠤᠳᠣᠨ ᠤ ᠨᠠᠪᠴᠢ ᠪᠣᠷᠢᠶᠠ ᠲᠠᠰᠣᠳᠠᠵᠣ ᠴᠡᠴᠡᠭ ᠬᠠᠪᠴᠢᠭᠤᠯᠣᠨ ᠭᠦᠷᠦᠭᠡᠳ᠂ | ᠠᠶᠢᠯ ᠤᠨ ᠲᠡᠭᠦᠦ ᠳᠤ ᠲᠤᠯᠣᠭᠠᠢ ᠶᠢᠨ ᠵᠠᠰᠠᠯ ᠲᠠᠮᠣᠵᠣ ᠬᠠᠲᠣᠨ ᠪᠠᠭᠤᠯᠭᠠᠵᠣ ᠪᠠᠶᠢᠨᠠ ᠭᠡᠵᠣ ᠠᠮᠢᠵᠢᠷᠠᠯ ᠤᠨ | ᠰᠠᠶᠢᠬᠠᠨ ᠢᠶᠠᠨ ᠪᠡᠯᠭᠡᠰᠢᠶᠡᠨ ᠪᠠᠶᠢᠳᠠᠭ ᠴᠦ ᠪᠠᠶᠢᠯᠠ᠃ ᠠᠬᠠ ᠳᠡᠭᠦᠦ ᠶᠢᠨ ᠵᠢᠭᠤᠷᠨᠭᠠᠨ ᠠᠶᠠᠭᠠᠨ ᠠᠴᠠ ᠡᠭᠡᠴᠢ | ᠳᠡᠭᠦᠦ ᠶᠢᠨ ᠵᠢᠭᠤᠷᠨᠭᠠᠨ ᠵᠡᠭᠦᠦ ᠣᠲᠠᠰᠣᠨ ᠠᠴᠠ ᠭᠡᠳᠡᠭᠴᠢᠯᠡᠨ ᠬᠤᠶᠠᠷ ᠬᠡᠦᠬᠡᠳᠲ᠋ᠤᠮᠳᠡ ᠪᠠᠨ ᠮᠠᠭᠤᠳᠠᠷᠠᠯᠴᠠᠪᠠᠯ | ᠬᠤᠶᠠᠷ ᠴᠢᠯᠠᠭᠤ ᠶᠢ ᠵᠡᠷᠭᠡ ᠰᠢᠳᠡᠵᠤ ︽ᠠᠭᠤᠷᠯᠠᠭᠰᠠᠨ ᠠᠭᠤᠷ ᠪᠠᠶᠢᠪᠠᠯ ᠠᠭᠤᠯᠠ ᠶᠢᠨ ᠴᠠᠭᠠᠨᠠ ᠬᠠᠶᠠ᠂ | ᠭᠤᠮᠣᠳᠠᠭᠰᠠᠨ ᠭᠤᠮᠣᠳᠠᠯ ᠪᠠᠶᠢᠪᠠᠯ ᠭᠤᠣᠯ ᠤᠨ ᠴᠠᠭᠠᠨᠠ ᠬᠠᠶᠠ︾ ᠭᠡᠵᠣ ᠳᠤᠮᠨᠠᠳᠠᠭ ᠪᠠᠶᠢᠪᠠ᠃ | ᠨᠤᠲᠤᠭ ᠤᠨ ᠴᠠᠭᠠᠨ ᠢᠮᠠᠭᠠ ᠦᠩᠭᠡ ᠲᠠᠢ ᠬᠠᠳᠠᠨ ᠳᠤ ᠡᠪᠡᠷ ᠤᠨ ᠵᠠᠭᠠᠳᠣᠨᠠᠭᠠ ᠶᠢ ᠭᠠᠷᠭᠠᠵᠣ ᠱᠦᠷᠭᠦᠭᠡᠳᠡᠭ ᠠᠴᠠ | ᠰᠠᠷᠠ ᠲᠠᠢ ᠰᠦᠨᠢ ᠠᠭᠤᠯᠠᠨ ᠣᠷᠣᠢ ᠳᠤ ᠬᠠᠩᠬᠠᠶᠢᠳᠠᠨ ᠵᠤᠭᠰᠣᠬᠤ ᠳᠤ ᠡᠪᠡᠷ ᠠᠴᠠ ᠨᠢ ᠭᠡᠷᠡᠯ ᠰᠠᠴᠣᠷᠠᠨ | ᠬᠠᠷᠠᠭᠳᠠᠳᠠᠭ᠃ ᠬᠤᠨᠢᠨ ᠤ ᠰᠠᠷᠠᠪᠴᠢ ᠮᠠᠯ ᠤᠨ ᠬᠠᠰᠢᠶᠠ ᠶᠢ ᠭᠤᠪᠢ ᠶᠢᠨ ᠪᠠᠶᠢᠭᠠ ᠴᠢᠯᠠᠭᠤ ᠪᠠᠷ ᠢᠪᠢᠵᠣ | ᠪᠠᠷᠢᠭᠰᠠᠨ ᠪᠤᠯᠬᠤᠷ ᠨᠠᠷᠠ ᠪᠣᠴᠠᠭᠰᠠᠨ ᠲᠤᠶᠠᠭᠠᠨ ᠳᠤ ᠭᠡᠷ ᠤᠨ ᠬᠠᠶᠠᠭᠠ ᠠᠴᠠ ᠰᠣᠯᠣᠩᠭᠠ ᠠᠰᠬᠠᠷᠠᠭᠰᠠᠨ ᠮᠡᠳᠦ | ᠲᠣᠶᠠᠭᠠ ᠲᠤᠨᠤᠳᠠᠭ᠃ ᠬᠤᠳᠳᠤᠭ ᠪᠠᠨ ᠦᠩᠭᠡ ᠲᠠᠢ ᠴᠢᠯᠠᠭᠤ ᠪᠠᠷ ᠱᠠᠲᠤᠯᠠᠳᠠᠭ ᠪᠤᠯᠬᠤᠷ ᠳᠡᠭᠡᠷᠡ ᠠᠴᠠ ᠨᠢ | ᠦᠩᠭᠦᠶᠢᠬᠦ ᠳᠤ ᠴᠡᠴᠡᠭ ᠲᠣᠨᠣᠯᠵᠠᠭᠰᠠᠨ ᠬᠠᠶᠢᠷᠠ ᠶᠢᠨ ᠨᠢᠯᠪᠣᠰᠣ ᠭᠦᠯᠳᠦᠭᠡᠨᠡᠬᠦ ᠮᠡᠳᠦ ᠪᠢᠳᠢᠷᠢᠶᠡᠨ ᠲᠠᠲᠠᠨᠠ᠃ | ᠠᠩᠭᠠᠯᠠᠨ ᠣᠰᠣᠯᠠᠪᠠᠯ ᠪᠠᠶᠠᠨ ᠣᠨᠳᠣᠷᠣᠮᠡᠯ ᠲᠠᠢ᠂ ᠣᠷᠣᠰᠠᠬᠤ ᠳᠣᠲᠣᠮ ᠤᠰᠣ ᠨᠢ ᠠᠮᠲᠠᠲᠠᠢ ᠪᠤᠯᠤᠨᠠ ᠭᠡᠵᠤ | ᠬᠤᠳᠳᠤᠭ ᠣᠰᠤ ᠪᠠᠨ ᠢᠷᠦᠭᠡᠳᠡᠭ ᠪᠠᠶᠢᠯᠠ᠃ ᠬᠤᠶᠢᠯᠤᠭ ᠰᠢᠪᠠᠭᠤ ᠦᠩᠭᠡ ᠲᠠᠢ ᠶᠠᠭᠤᠮᠠᠨ ᠳᠤ ᠰᠤᠨᠢᠷᠬᠠᠯ ᠲᠠᠢ | ᠪᠠᠶᠢᠳᠠᠭ ᠪᠤᠯᠬᠤᠷ ᠦᠩᠭᠡ ᠲᠠᠢ ᠴᠢᠯᠠᠭᠤ ᠲᠡᠭᠦᠵᠦ ᠬᠤᠨᠢᠨ ᠬᠠᠰᠢᠶᠠᠨ ᠳᠤ ᠡᠭᠦᠷᠯᠡᠳᠡᠭ᠃ ᠬᠤᠯᠠᠨ ᠵᠢᠷᠤᠭᠠ | ᠪᠣᠲᠠᠨ ᠳᠤ ᠡᠭᠦᠷᠯᠡᠬᠦ ᠳᠡᠭᠡᠨ ᠪᠤᠲᠠᠨ ᠤ ᠲᠣᠣᠷᠠ ᠶᠠᠩᠵᠦ ᠶᠢᠨ ᠴᠢᠯᠠᠭᠤ ᠤᠪᠣᠭᠠᠯᠠᠵᠦ ᠭᠡᠷ ᠢᠶᠠᠨ ᠭᠤᠶᠣᠳᠠᠭ᠃ | ᠬᠡᠭᠡᠷᠡ ᠶᠢᠨ ᠰᠢᠪᠠᠭᠤ ᠠᠯᠠᠭ ᠮᠠᠨᠣ ᠴᠢᠯᠠᠭᠤᠨ ᠳᠤ ᠳᠣᠷᠠᠲᠠᠢ ᠪᠤᠯᠬᠤᠷ ᠦᠨᠳᠡᠭᠡ ᠨᠢ ᠴᠣᠬᠤᠷ ᠪᠤᠯᠣᠯᠠ ᠭᠡᠳᠡᠭ᠃ | ᠪᠠᠭᠠ ᠨᠠᠰᠣᠨ ᠳᠤ ᠪᠣᠯᠲᠣᠷᠣᠣ ᠰᠢᠪᠠᠭᠤ ᠤᠯᠠᠨ ᠪᠠᠶᠢᠭᠰᠠᠨ᠃ ᠪᠣᠯᠳᠣᠷᠣᠣ ᠰᠢᠪᠠᠭᠤ ᠠᠯᠠᠭ ᠦᠩᠭᠡᠨ ᠳᠤ ᠬᠤᠷᠣᠬᠠᠢ | ᠲᠠᠢ ᠪᠤᠯᠬᠤᠷ ᠬᠠᠪᠤᠷ ᠴᠠᠰᠣᠨ ᠬᠠᠶᠢᠯᠨᠬᠤ ᠳᠤ ᠬᠦᠳᠡᠭᠡ ᠢᠷᠡᠵᠣ ᠦᠨᠳᠡᠭᠡ ᠪᠠᠨ ᠨᠡᠪᠴᠢᠳᠡᠭ᠃ ᠭᠤᠪᠢ ᠶᠢᠨ | ᠰᠢᠪᠠᠭᠤᠳᠦᠩᠭᠡ ᠲᠠᠢ ᠴᠢᠯᠠᠭᠤᠨ ᠳᠤ ᠪᠠᠭ᠋ᠠᠳᠣᠵᠣ ᠦᠨᠳᠡᠭᠡ ᠪᠠᠨ ᠬᠠᠶᠠᠵᠣ ᠭᠤᠶᠤ ᠴᠢᠯᠠᠭᠤ ᠲᠡᠭᠦᠵᠦ | ᠲᠡᠪᠡᠷᠢᠳᠡᠭ ᠠᠴᠠ ᠬᠦᠳᠡᠭᠡ ᠶᠢᠨ ᠰᠢᠪᠠᠭᠤ ᠴᠦᠭᠡᠬᠡᠷᠡᠯᠡ ᠭᠡᠵᠤ ᠬᠤᠨᠢᠨ ᠳᠤ ᠶᠠᠪᠤᠭᠰᠠᠨ ᠨᠠᠰᠣᠲᠠᠶᠢᠴᠣᠣᠯ ᠲᠡᠭᠡᠵᠤ | ᠶᠠᠷᠢᠳᠠᠭ ᠪᠠᠶᠢᠭᠰᠠᠨ ᠨᠢ ᠨᠣᠲᠤᠭ ᠤᠨ ᠰᠢᠪᠠᠭᠤ ᠪᠠᠨ ᠦᠭᠡᠶᠢᠯᠡᠵᠣ ᠬᠠᠶᠢᠷᠠᠯᠠᠭᠰᠠᠨ ᠳᠠᠭᠠᠨ ᠪᠠᠶᠢᠬᠠ ᠳ᠋ᠠ᠃ ᠬᠠᠷᠢᠨ | ᠴᠢᠯᠠᠭᠤ ᠲᠡᠭᠦᠳᠡᠭ ᠬᠦᠮᠦᠰ ᠤᠯᠠᠰᠢᠷᠠᠵᠤ᠂ ᠨᠣᠲᠤᠭ ᠤᠨ ᠮᠠᠨᠣ ᠴᠢᠯᠠᠭᠤ ᠬᠤᠪᠣᠷᠳᠠᠭᠰᠠᠨ ᠠᠴᠠ ᠪᠤᠯᠲᠣᠷᠣᠣ | ᠬᠤᠪᠣᠷᠳᠠᠭᠰᠠᠨ ᠭᠡᠳᠡᠭ ᠨᠢ ᠦᠨᠡᠨ ᠦᠦ︕ | ᠭᠤᠪᠢ ᠶᠢᠨ ᠬᠥᠮᠦᠰ ᠤᠲᠣᠷ ᠶᠠᠪᠣᠬᠤ ᠳᠤ ᠠᠭᠠᠭ ᠲᠠᠢ ᠴᠠᠢ ᠪᠣᠷᠴᠠ ᠲᠠᠢ ᠤᠮᠳᠠ ᠠᠴᠠ ᠰᠠᠯᠵᠣ | ᠴᠢᠳᠠᠬᠤ ᠦᠭᠡᠢ ᠂ ᠬᠠᠮᠢᠭᠠ ᠶᠠᠪᠣᠭᠰᠠᠨ ᠴᠦ ᠱᠢᠭᠠᠭ ︵ᠰᠠᠪᠠ︶ ᠴᠠᠢ ᠬᠤᠶᠠᠷ ᠪᠠᠨ ᠭᠠᠨᠵᠣᠭᠠᠯᠠᠵᠣ ᠶᠠᠪᠤᠳᠠᠭ | ᠶᠤᠮᠰᠠᠨ᠃ ᠴᠠᠢ ᠪᠠᠨ ᠴᠢᠯᠠᠭᠤ ᠪᠠᠷ ᠨᠦᠳᠦᠬᠦ ᠶᠢ ᠬᠠᠷᠠᠭᠰᠠᠨ ᠵᠠᠮ ᠤᠨ ᠬᠥᠮᠦᠨ ᠴᠢᠯᠠᠭᠤ ᠶᠢ ᠨᠢ ᠱᠠᠩᠬᠠᠢ ᠴᠠᠭ ᠢᠶᠠᠷ | ᠰᠣᠯᠢᠵᠣ ᠠᠪᠣᠯᠠ ᠭᠡᠵᠣ ᠬᠦᠮᠦᠰ ᠶᠠᠷᠢᠳᠠᠭ ᠪᠠᠶᠢᠪᠠ᠃ ᠬᠠᠷᠠ ᠣᠰᠤ ᠪᠢᠲᠡᠭᠡᠢ ᠬᠠᠷᠠᠮᠨᠠ ᠯᠣᠣᠰ ᠤᠨ ᠶᠤᠮ᠂ | ᠬᠠᠷᠭᠤᠢ ᠵᠠᠮ ᠪᠢᠲᠡᠭᠡᠢ ᠲᠠᠭᠯᠠ ᠣᠯᠠᠨ ᠤ ᠬᠢ ᠶᠤᠮ ᠭᠡᠳ ᠨᠢᠭᠡ ᠬᠠᠷᠠᠬᠤ ᠳᠤ ᠮᠦᠩᠭᠦ ᠪᠠᠷ ᠬᠢᠬᠠᠬᠤ ᠬᠦᠮᠦᠨ | ᠪᠠᠶᠢᠬᠤ ᠳᠤ ᠴᠢᠳᠠᠯ ᠢᠶᠠᠷ ᠬᠢᠰᠠᠬᠤ ᠴᠢᠯᠠᠭᠤ ᠲᠡᠭᠦᠳᠡᠭ ᠨᠢ ᠤᠯᠠᠰᠢᠷᠠᠵᠡᠢ᠃ ᠨᠢᠳᠦ ᠨᠢ ᠠᠶᠠᠭᠠ ᠲᠠᠢ ᠰᠦᠨ ᠳᠤ | ᠰᠠᠨᠠᠭᠠ ᠨᠢ ᠢᠪᠡᠯᠡᠭᠰᠡᠨ ᠦᠨᠢᠶᠡᠨ ᠳᠤ ᠭᠡᠳᠡᠭᠴᠢᠯᠡᠨ ᠬᠥᠮᠦᠰ ᠡᠷᠳᠡᠨᠢ ᠬᠠᠪᠲᠠᠭᠠᠯᠠᠬᠤ ᠳᠠᠭᠠᠨ ᠨᠦᠬᠡ ᠣᠬᠤᠵᠣ | ᠮᠠᠯᠲᠠᠲᠠᠭ ᠭᠡᠳᠡᠭ᠂ ᠮᠠᠯᠲᠠᠵᠣ ᠣᠯᠣᠭᠰᠠᠨ ᠢᠶᠠᠨ ᠨᠢᠭᠤᠵᠣ ᠬᠠᠪᠴᠢᠭᠠᠨᠠᠨ ᠬᠤᠯᠣᠭᠠᠨᠠ ᠰᠢᠭ᠋ ᠬᠤᠷᠢᠶᠠᠳᠠᠭ ᠶᠤᠮ | ᠭᠡᠨᠡ᠃ ᠡᠮᠨᠢᠭ ᠪᠠᠶᠢᠬᠤ ᠳᠤᠨᠢ ᠳᠣᠮ ᠪᠤᠯᠬᠤ ᠶᠢ ᠮᠡᠳᠡᠭᠦᠯᠦᠭᠡ ᠦᠭᠡᠢ ᠡᠵᠡᠨ ᠳᠡᠭᠡᠨ ᠡᠷᠯᠢᠭ ᠪᠤᠯᠣᠭᠰᠠᠨ ᠡᠷᠭᠢᠬᠦᠦ | ᠲᠠᠰᠢᠭᠤᠷ ᠢ ᠶᠠᠭᠠᠬᠢᠶᠠ ᠭᠡᠬᠦᠪ︖ ᠰᠠᠨᠠᠭᠠ ᠪᠠᠶᠢᠭᠠᠳ ᠰᠡᠴᠢᠷ ᠭᠦᠷᠬᠦ ᠦᠭᠡᠢ ᠡᠷᠢᠨ ᠳᠤ ᠡᠳ᠋ ᠡᠵᠡᠨ ᠳᠡᠭᠡᠨ | ᠪᠣᠴᠠᠳᠠᠭ᠂ ᠬᠤᠭᠤᠯᠠ ᠪᠤᠯᠬᠤ ᠦᠭᠡᠢ ᠴᠢᠯᠠᠭᠤ ᠶᠢ ᠵᠠᠯᠭᠢᠬᠤ ᠪᠢᠰᠢ ᠳ᠋ᠧ︕ ᠲᠡᠯᠡᠬᠡᠢ ᠪᠠᠷ ᠢᠶᠠᠨ ᠴᠢᠯᠠᠭᠤ ᠲᠣᠭᠯᠠᠬᠤ | ᠡᠬᠢᠯᠡᠭᠰᠡᠨ ᠶᠤᠮ ᠴᠢᠨᠢ ᠬᠡᠦᠬᠡᠳ ᠰᠢᠭ ᠲᠣᠭᠯᠠᠵᠣ ᠯᠠ ᠪᠠᠶᠢᠭ︕ | ᠨᠠᠷᠠᠨ ᠳᠤ ᠴᠢᠯᠠᠭᠤ ᠬᠠᠯᠠᠨᠠ᠃ ᠬᠤᠷᠠ ᠰᠠᠭᠠᠳᠠᠭᠯᠠᠭᠰᠠᠨ ᠪᠤᠷᠣᠭᠠᠨ ᠲᠠᠢ ᠨᠠᠮᠣᠷ ᠬᠤᠷᠠᠨ ᠳᠤ ᠨᠤᠷᠠᠭᠰᠠᠨ | ᠴᠢᠯᠠᠭᠤ ᠠᠮᠢᠯᠠᠵᠣ ︽ᠲᠠᠱ ᠲᠢᠱ︾ ᠳᠣᠣᠭᠠᠷᠴᠣ ᠬᠦᠮᠦᠰ ᠤᠨ ᠤᠶᠢᠳᠬᠠᠷ ᠢ ᠰᠡᠷᠭᠦᠭᠡᠨᠡ᠃ ᠬᠤᠯᠠ ᠶᠢᠨ ᠦᠨᠳᠦᠷ | ᠲᠤ ᠤᠪᠣᠭᠠ ᠬᠠᠶᠢᠷᠠᠬᠠᠨᠨᠢ ᠪᠣᠷᠬᠠᠨ ᠤ ᠤᠷᠣᠨ ᠤ ᠡᠷᠳᠡᠨᠢ ᠶᠢᠨ ᠰᠣᠪᠣᠷᠭᠠ ᠰᠢᠭ᠋ ᠦᠩᠭᠡ ᠤᠨ ᠭᠡᠷᠡᠯ ᠲᠠᠢ | ᠬᠠᠷᠠᠭᠳᠠᠵᠣ ᠠᠭᠤᠯᠠ ᠬᠠᠳᠠᠨ ᠤ ᠡᠩᠭᠡᠷ ᠷᠠᠰᠢᠶᠠᠨ ᠢᠶᠠᠷ ᠠᠷᠴᠢᠭᠰᠠᠨ ᠠᠯᠠᠱᠠ ᠸᠠᠩ ᠤᠨ ᠤᠷᠳᠣᠨ ᠬᠠᠷᠰᠢ ᠭᠡᠮᠡᠷ | ᠭᠡᠷᠡᠯ ᠤᠶᠢᠯᠨᠵᠣ᠂ ᠰᠠᠯᠵᠣ ᠶᠠᠳᠠᠭᠰᠠᠨ ᠬᠤᠩᠭᠤᠷ ᠤᠨ ᠠᠷᠣᠨ ᠠᠴᠠ ᠲᠨᠭᠤᠯᠠᠵᠣ ᠰᠠᠭᠤᠮᠠᠷ ᠰᠠᠨᠠᠭᠳᠠᠬᠤ ᠶᠤᠮ᠃ | ᠵᠢᠷᠠᠨ ᠤ ᠡᠯᠡᠰᠦ ᠳᠣᠯᠣᠭᠠᠨ ᠡᠳᠦᠷ ᠳᠣᠯᠣᠭᠠᠨ ᠰᠦᠨᠢ ᠲᠡᠭᠷᠢ ᠠᠴᠠ ᠦᠩᠭᠡ ᠲᠠᠢ ᠴᠢᠯᠠᠭᠤᠨ ᠪᠤᠷᠤᠭᠠ ᠤᠷᠣᠭᠰᠠᠨ | ᠳᠣᠮᠤᠭ ᠶᠠᠷᠢᠭᠳᠠᠳᠠᠭ᠃ ᠨᠠᠷᠠ ᠰᠠᠷᠠᠨ ᠳᠠᠭᠠᠨ ᠬᠡᠶᠢᠮᠦᠷᠯᠡᠭ ᠨᠤᠲᠤᠭ ᠪᠤᠯᠬᠤᠷ ᠮᠢᠩᠭᠠᠨ ᠠᠳᠣᠭᠤ ᠲᠠᠢ ᠠᠶᠢᠯ ᠠᠴᠠ | ᠬᠦᠯᠦᠭ ᠭᠠᠷᠳᠠᠭ᠂ ᠮᠢᠩᠭᠠᠨ ᠵᠢᠯ ᠳᠤ ᠪᠣᠭᠳᠠ ᠮᠡᠨᠳᠦᠯᠡᠳᠡᠭ ᠤᠴᠢᠷ ᠲᠠᠢ ᠭᠡᠳᠡᠭ ᠠᠴᠠ ᠮᠣᠩᠭᠤᠯ ᠵᠡᠭᠦᠳᠦᠨ ᠳᠤ | ᠮᠣᠷᠢ ᠲᠠᠢ ᠮᠣᠩᠭᠤᠯ ᠴᠢᠯᠠᠭᠤᠨ ᠳᠤ ᠳᠣᠮᠤᠭ ᠲᠠᠢ ᠭᠡᠳᠡᠭ ᠰᠠᠨ᠃ | ᠠᠭᠤᠯᠠ ᠬᠠᠳᠠ ᠭᠤᠪᠢ ᠬᠠᠩᠭᠠᠢ ᠲᠡᠷᠡ ᠴᠢᠭ ᠢᠶᠠᠷ ᠵᠶ᠋ᠡᠨᠣᠷᠠᠯᠠᠵᠦ ᠪᠦᠳᠦᠭᠡᠭᠰᠡᠨ ᠡᠷᠳᠡᠨᠢ ᠶᠢᠨ ᠬᠡᠪᠢᠰ ᠰᠢᠭ᠋ | ᠦᠩᠭᠡ ᠪᠠᠷ ᠲᠣᠳᠣᠷᠠᠭᠰᠠᠨ ᠪᠤᠯᠬᠤᠷ ᠥᠭᠡᠯᠡᠳ ᠬᠤᠱᠤᠳ ᠁ ᠶᠠᠰᠣᠲᠠᠨ ᠤ ᠬᠠᠷᠠᠭᠠ ᠴᠡᠴᠡᠭᠡᠢ ᠨᠢ ᠬᠦᠷᠲᠡᠯᠡ | ᠴᠡᠩᠬᠡᠷ ᠬᠦᠷᠡᠩ ᠰᠢᠷᠠ ᠬᠥᠬᠡ ᠪᠠᠷ ᠲᠣᠨᠣᠯᠵᠡᠵᠣ ᠬᠦᠮᠦᠨ ᠮᠦᠰᠦᠨ ᠤ ᠶᠠᠰᠣᠨ ᠳᠤᠨᠢ ᠣᠷᠣᠲᠠᠯᠠ ᠦᠩᠭᠡ ᠪᠠᠷ | ᠲᠣᠳᠣᠷᠠᠨ ᠢᠯᠭᠠᠷᠠᠵᠣ᠂ ᠳᠦᠯᠵᠢᠬᠦ ᠪᠠᠶᠢᠭᠠᠯᠢ ᠶᠢᠨ ᠡᠷᠬᠢᠮᠰᠦᠭ ᠢ ᠰᠢᠩᠭᠡᠭᠡᠭᠰᠡᠨ ᠪᠠᠶᠢᠳᠠᠭ᠃ ᠠᠯᠠᠱᠠ ᠶᠢᠨ | ᠬᠦᠳᠡᠭᠡ ᠳᠤ ᠬᠦᠯ ᠶᠢᠨ ᠦᠵᠦᠭᠦᠷ ᠠᠴᠠ ᠬᠠᠷᠠᠭᠠ ᠳᠠᠯᠳᠠᠷᠠᠲᠠᠯᠠ ᠤᠩᠭᠤᠨ ᠪᠠᠶᠢᠭᠠᠯᠢ ᠤᠨ ᠡᠳ᠋ ᠡᠷᠳᠡᠨᠢᠰ ᠭᠠᠵᠠᠷ | ᠰᠠᠢ ᠦᠭᠡᠢ ᠪᠠᠶᠢᠳᠠᠭ ᠪᠤᠯᠬᠤᠷ ᠭᠤᠪᠢ ᠶᠢᠨ ᠬᠦᠮᠦᠨ ᠪᠠᠶᠠᠨᠰᠤᠭ ᠵᠠᠩ ᠢᠶᠠᠷ ︽ᠪᠠᠶᠢᠵᠣ ᠪᠠᠶᠢᠭ︕︾ ᠭᠡᠳ | ᠪᠠᠶᠢᠳᠠᠭ ᠶᠠᠭᠤᠮᠠ ᠪᠠᠶᠢᠭᠠ ᠭᠠᠵᠠᠷ ᠲᠠᠭᠠᠨ ᠪᠠᠶᠢᠳᠠᠭ ᠶᠠᠩᠵᠣ ᠪᠠᠷ ᠢᠶᠠᠨ ᠪᠠᠶᠢᠭ ᠭᠡᠰᠡᠨ ᠰᠢᠭ᠋ ᠦᠷᠡᠬᠦ ᠦᠭᠡᠢ | ᠪᠠᠶᠢᠯᠭᠠᠵᠣ ᠴᠢᠳᠠᠭᠰᠠᠨ ᠶᠤᠮ᠃ ᠬᠡᠣᠬᠡᠳ ᠭᠠᠵᠠᠷ ᠠᠴᠠ ᠭᠠᠷ ᠢᠶᠠᠷ ᠢᠶᠠᠨ ᠬᠤᠮᠤᠭᠠᠳ ᠠᠪᠬᠤ ᠳᠤ ᠠᠳᠬᠤ | ᠳᠦᠭᠦᠷᠡᠩ ᠠᠯᠠᠭ ᠮᠠᠨᠣ ᠴᠢᠯᠠᠭᠤ ᠨᠢᠳᠦ ᠰᠡᠳᠭᠢᠯ ᠤᠨ ᠬᠤᠵᠢᠷᠰᠢᠯ ᠲᠠᠶᠢᠯᠤᠨᠠ᠃ ᠤᠯᠳᠠᠭᠰᠠᠨ ᠬᠠᠷᠠᠭᠰᠠᠨ ᠪᠦᠬᠦᠨ | ᠢᠶᠠᠷ ᠡᠳ᠋ ᠡᠷᠳᠡᠨᠢᠰ ᠪᠤᠯᠬᠤᠷ ᠨᠣᠲᠤᠭ ᠤᠨ ᠬᠦᠮᠦᠰ ᠤᠨ ᠰᠡᠳᠭᠢᠯ ᠳᠤ ᠠᠯᠲᠠ ᠮᠦᠩᠭᠦ ᠪᠠᠷ ᠦᠨᠡᠯᠡᠵᠣ ᠴᠢᠳᠠᠰᠢ | ᠦᠭᠡᠢ ᠡᠷᠳᠡᠨᠢ ᠨᠢ ᠴᠢᠯᠠᠭᠤ ᠪᠠᠶᠢᠪᠠ᠃ ᠮᠣᠩᠭᠤᠯᠴᠣᠳ ᠡᠷᠲᠡ ᠠᠴᠠ ᠠᠪᠣᠭᠠᠳ ᠦᠷᠡ ᠬᠡᠦᠬᠡᠳ ᠢᠶᠠᠨ ᠬᠠᠳᠠ | ᠴᠢᠯᠠᠭᠤᠳ ᠰᠢᠭ ᠪᠠᠲᠦ ᠪᠠᠬᠢ ᠪᠤᠯᠬᠤ ᠶᠢ ᠪᠡᠯᠭᠡᠰᠢᠶᠡᠳᠡᠭ ᠤᠴᠠᠷᠲᠠᠢ᠃ ᠣᠯᠠᠨ ᠤ ᠢᠷᠦᠭᠡᠯ ᠳᠦᠯᠦ ᠪᠤᠯᠳᠠᠭ᠂ | ᠣᠯᠠᠶᠢᠭᠰᠠᠨ ᠭᠠᠯ ᠴᠤᠭ ᠲᠠᠢ ᠨᠣᠴᠣᠳᠠᠭ ᠨᠠᠶᠢᠷ ᠬᠤᠢ ᠳᠤ ᠪᠠᠷᠠᠭᠤᠨ ᠭᠠᠷ ᠢᠶᠠᠷ ᠴᠠᠰᠣᠲᠣ ᠠᠭᠤᠯᠠ ᠶᠢ ᠡᠷᠭᠦᠳᠡᠭ᠂ | ᠵᠡᠭᠦᠨ ᠭᠠᠷ ᠢᠶᠠᠷ ᠬᠠᠲᠣᠨ ᠭᠤᠣᠯ ᠢ ᠲᠠᠰᠣᠯᠠᠨ ᠲᠣᠭᠲᠣᠷᠳᠠᠭ ᠠᠪᠣᠷᠭᠤᠴᠣᠳ ᠤᠨ ᠪᠨᠷᠢᠯᠳᠦᠬᠤ ᠦᠶᠡ ᠶᠢᠨ | ᠵᠣᠳᠤᠭ᠂ ᠪᠠᠶᠢᠯᠳᠣᠬᠤ ᠦᠶᠡ ᠶᠢᠨ ᠬᠤᠶᠠᠭ᠂ ᠪᠠᠷᠳᠠᠮ ᠳᠠᠪᠬᠢᠬᠤ ᠬᠦᠯᠦᠭ᠂ ᠪᠠᠷᠮᠠᠬᠠᠨ ᠪᠦᠰᠡᠭᠦᠢ ᠶᠢᠨ ᠳᠠᠷᠣᠯᠠᠭᠠ | ᠲᠡᠷᠡ ᠪᠦᠬᠦᠨ ᠭᠤᠪᠢ ᠶᠢᠨ ᠮᠠᠨᠣ ᠴᠢᠯᠠᠭᠤ ᠵᠢᠩ ᠳᠠᠷᠣᠳᠠᠭ ᠪᠠᠶᠢᠯᠠ᠃ ᠲᠡᠭᠡᠬᠦᠯᠡᠷ ᠨᠣᠲᠤᠭ ᠤᠨ ᠪᠣᠭᠤᠷᠣᠯ | ᠬᠡᠷᠡᠭᠯᠡᠭᠡᠨ ᠳᠤ ᠪᠤᠯᠤᠭᠰᠠᠨ ᠭᠠᠭᠴᠠ ᠬᠤᠶᠠᠷ ᠴᠢᠯᠠᠭᠤ ᠶᠢ ᠢ ᠲᠠᠩᠰᠣᠭᠯᠠᠵᠣ ᠬᠦᠷᠲᠡᠬᠦ ᠳᠡᠭᠡᠨ ᠬᠦᠨᠳᠡᠭᠰᠡᠨ ᠭᠠᠵᠠᠷ | ᠲᠤᠨᠢ ᠰᠦ ᠳᠣᠰᠤᠭᠠᠵᠣ ᠲᠠᠶᠢᠯᠭᠠ ᠥᠭᠳᠡᠭ ᠵᠠᠩᠰᠢᠯ ᠲᠠᠢ ᠪᠠᠶᠢᠪᠠ᠃ ᠳᠤᠮᠤᠭ ᠲᠠᠢ ᠨᠤᠲᠤᠭ᠂ ᠤᠳᠣ ᠰᠠᠴᠣᠨ᠋ᠠᠰᠠᠨ | ᠨᠣᠲᠤᠭ ᠠᠯᠢ ᠪᠦᠬᠦᠨ ᠠᠯᠠᠱᠠ ᠶᠢᠨ ᠭᠤᠪᠢ ᠶᠢᠨ ᠴᠢᠯᠠᠭᠤ ᠲᠠᠢ ᠬᠤᠯᠪᠣᠭᠠ ᠲᠠᠢ ᠣᠴᠢᠷ ᠠᠴᠠ ︽ᠥᠩ ᠦᠷᠭᠡᠨ | ᠠᠯᠠᠱᠠ︾ ᠭᠡᠵᠣ ᠨᠡᠷᠡ ᠨᠢ ᠬᠦᠷᠲᠡᠯᠡ ᠮᠠᠨᠣ ᠴᠢᠯᠠᠭᠤᠨ ᠰᠢᠭᠡᠳᠭᠡ ᠲᠠᠢ ᠲᠣᠰᠣᠯ ᠨᠡᠮᠡᠵᠣ ᠪᠢᠴᠢᠭᠳᠡᠳᠡᠭ ᠪᠤᠯᠣᠭᠰᠠᠨ | ᠭᠡᠮᠡᠷ ᠰᠠᠨᠠᠭᠳᠠᠨᠠ᠃ | ᠡᠨᠡ ᠰᠠᠶᠢᠬᠠᠨ ᠭᠤᠪᠢ ᠶᠢᠨ ᠡᠯᠢᠭᠡᠨ ᠳᠤ ᠰᠠᠯᠬᠢ ᠨᠢ ᠬᠦᠷᠲᠡᠯᠡ ᠦᠩᠭᠡ ᠲᠠᠢ ᠴᠢᠯᠠᠭᠤ ᠪᠣᠳᠤᠭ ᠲᠠᠢ | ᠡᠯᠡᠰᠤ ᠪᠠᠷ ᠬᠡᠶᠢᠰᠳᠡᠭ ᠪᠠᠶᠢᠯᠠ᠃ ᠮᠠᠨᠠᠨ ᠪᠠᠭᠤᠭᠰᠠᠨ ᠭᠠᠵᠠᠷ ᠮᠠᠨᠣ ᠪᠠᠶᠢᠳᠠᠭ᠂ ᠬᠤᠢ ᠡᠷᠭᠢᠭᠰᠡᠨ ᠭᠠᠵᠠᠷ ᠬᠤᠪᠣᠷ | ᠴᠢᠯᠠᠭᠤ ᠪᠠᠶᠢᠳᠠᠭ ᠢ ᠣᠯᠠᠨ ᠣᠯᠠᠨ ᠵᠠᠭᠤᠨ ᠵᠢᠯ ᠤᠨ ᠲᠤᠷᠰᠢ᠂ ᠳᠣᠮᠤᠭ ᠰᠡᠴᠢᠯᠡᠭᠰᠡᠨ ᠭᠤᠪᠢ ᠶᠢᠨ ᠲᠤᠯᠭᠠ | ᠲᠤᠭᠤᠷᠢᠨ ᠨᠠᠰᠤ ᠡᠯᠡᠭᠡᠵᠤ ᠲᠤᠯᠣᠭᠠᠢ ᠲᠤᠭᠤᠷᠢᠨ ᠨᠠᠷᠠ ᠲᠤᠭᠠᠯᠠᠭᠰᠠᠨ ᠬᠦᠭᠰᠢᠴᠦᠳ ᠤᠨ ᠵᠢᠷᠦᠬᠡ ᠰᠡᠳᠭᠢᠯ ᠳᠤ ︽ | ᠰᠠᠶᠢᠨ ᠰᠠᠶᠢᠬᠠᠨ ᠤ ᠢᠷᠦᠭᠡᠯ︾ ᠣᠷᠣᠰᠢᠵᠣ᠂ ᠮᠠᠯᠠᠭᠠᠢ ᠲᠠᠢ ᠶᠠᠪᠤᠵᠣ᠂ ᠮᠠᠨᠤᠨ ᠬᠦᠬᠦᠷ ᠲᠠᠯᠢᠩᠨᠠᠵᠤ᠂ ᠮᠠᠨᠣ | ᠪᠦᠭᠡᠵᠢ ᠲᠠᠢ ᠭᠡᠭᠡᠮᠰᠦᠭᠯᠡᠵᠦ ᠡᠩᠭᠡᠷ ᠳᠡᠭᠡᠨ ᠮᠠᠨᠣ ᠬᠡᠯᠬᠢᠭᠰᠡᠨ ᠠᠮᠢᠨ ᠰᠠᠬᠢᠶᠠ ᠵᠡᠬᠦᠵᠦ᠂ ᠮᠠᠨᠣᠨ ᠭᠡᠯᠬᠢᠶᠡ ᠰᠢᠭ | ᠰᠡᠴᠡ ᠣᠨᠳᠣᠷᠠᠭᠰᠠᠨ ᠲᠡᠤᠬᠡ ᠴᠢᠳᠠᠭ ᠢ ᠣᠯᠠᠮᠵᠢᠯᠠᠵᠤ ᠦᠨᠤ ᠪᠤᠯᠵᠡᠢ᠃ ᠲᠡᠭᠡᠬᠦᠯᠡᠷ ᠨᠤᠲᠤᠭ ᠤᠨ ᠬᠥᠮᠦᠰ ᠠᠯᠲᠠ | ᠮᠦᠩᠭᠦᠨ ᠳᠤ ᠲᠤᠷᠠᠯᠠᠳᠠᠭ ᠦᠭᠡᠢ ᠡᠬᠡᠰ ᠪᠠᠶᠢᠭᠠᠯᠢ ᠪᠠᠨ ᠰᠢᠲᠣᠵᠣ᠂ ᠦᠩᠭᠡ ᠲᠠᠢ ᠮᠠᠨᠣ ᠴᠢᠯᠠᠭᠤ ᠪᠠᠨ | ᠳᠡᠭᠡᠳᠦᠯᠡᠳᠡᠭ ᠶᠤᠮᠰᠠᠨ᠃ |