| | ᠪᠠᠭᠠᠲᠤᠷ ᠡᠷᠬᠡ ᠵᠢᠨᠦᠩ ᠬᠤᠷᠤᠯᠠᠢ ᠬᠤᠱᠤᠳ ᠵᠡᠷᠭᠡ ᠠᠶᠢᠮᠠᠭ ᠢᠶᠠᠨ ᠠᠪᠴᠤ ᠠᠯᠠᠱᠠ ᠨᠤᠲᠤᠭ ᠲᠤ ᠢᠷᠡᠬᠦ ᠠᠴᠠ | ᠡᠮᠦᠨᠡ᠂ ᠲᠤᠰ ᠭᠠᠵᠠᠷ ᠢ ︽ᠠᠯᠠᠱᠠ︾ ᠭᠡᠳᠡᠭ ᠪᠢᠰᠢ ᠪᠠᠶᠢᠵᠡᠢ᠃ ᠲᠤᠬᠠᠢ ᠵᠢᠨᠦᠶᠡ ᠳᠤ ᠡᠳᠡᠭᠡᠷ ᠭᠠᠵᠠᠷ ᠪᠠᠷᠤᠭ | ᠢᠷᠭᠠᠢ᠂ ᠭᠠᠨᠰᠤ ᠳᠤ ᠬᠠᠷᠢᠶᠠᠯᠠᠭᠳᠠᠵᠤ ᠨᠢᠭᠡᠳᠦᠮᠡᠯ ᠨᠡᠷᠡ ᠴᠤ ᠦᠭᠡᠢ ᠪᠠᠶᠢᠪᠠ᠃ | ᠭᠡᠪᠡᠴᠤ ᠣᠳᠣ ᠶᠢᠨ ᠠᠯᠠᠱᠠ ᠨᠤᠲᠤᠭ ᠤᠨ ᠬᠡᠪᠴᠢᠶᠡᠨ ᠳᠤ ᠦᠨᠡᠬᠡᠷ ᠨᠢᠭᠡ ᠭᠠᠵᠠᠷ ᠢ ᠲᠡᠤᠬᠡᠨ ᠠᠴᠠ ᠪᠠᠨ ︽ | ᠠᠯᠠᠱᠠ︾ ᠭᠡᠵᠦ ᠳᠠᠭᠤᠳᠠᠭᠰᠠᠭᠠᠷ ᠢᠷᠡᠵᠡᠢ᠃ ᠡᠨᠡ ᠭᠠᠵᠠᠷ ᠪᠣᠯ ᠣᠳᠣ ᠶᠢᠨ ᠭᠠᠨᠰᠣ ᠮᠤᠵᠢ ᠶᠢᠨ ᠶᠢᠨ ᠴᠠᠩ | ᠬᠤᠲᠠ （金昌市） ᠶᠢᠨ ᠶᠦᠩ ᠴᠠᠩ ᠰᠢᠶᠡᠨ（永昌县）᠂ ᠵᠠᠩ ᠶᠧ ᠬᠤᠲᠠ （张掖 | 市） ᠶᠢᠨ ᠭᠠᠨᠵᠸᠤ ᠲᠤᠭᠤᠷᠢᠭ ᠪᠤᠯᠤᠨ ᠦᠪᠦᠷ ᠮᠣᠩᠭᠤᠯ ᠤᠨ ᠠᠯᠠᠱᠠ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠠᠯᠲᠠᠨᠴᠤᠭ | ᠰᠤᠮᠤᠨ ᠤ ᠬᠡᠪᠴᠢᠶᠡᠨ ᠳᠤ ᠪᠠᠶᠢᠬᠤ ᠯᠦᠩ ᠱᠸᠤ ᠱᠠᠨ ᠠᠭᠤᠯᠠᠰ（龙首山脉） ᠤᠨ ᠬᠤᠶᠢᠲᠤ | ᠦᠵᠦᠭᠦᠷ ᠤᠨ ᠠᠯᠲᠠᠨ ᠲᠡᠪᠰᠢ ᠶᠢᠨ ᠠᠭᠤᠯᠠ ᠶᠢᠨ ᠬᠡᠰᠡᠭ ᠢ ᠵᠢᠭᠠᠵᠤ ᠪᠤᠢ᠃ ᠡᠨᠡ ᠠᠭᠤᠯᠠᠰ ᠤᠨ ᠡᠮᠤᠨᠡ | ᠲᠠᠯᠠ ᠶᠢ ᠮᠤᠩᠭᠤᠯ ᠢᠶᠠᠷ ᠡᠷᠪᠡᠭᠡᠢ ᠶᠢᠨ ᠠᠭᠤᠯᠠ᠂ ᠬᠤᠶᠢᠲᠤ ᠬᠡᠰᠡᠭ ᠢ ᠠᠯᠠᠭ ᠠᠭᠤᠯᠠ ᠠᠯᠲᠠᠨ ᠲᠡᠪᠰᠢ ᠭᠡᠵᠦ | ᠬᠡᠯᠡᠳᠡᠭ᠃ ᠬᠢᠲᠠᠳ ᠢᠶᠠᠷ ᠳ᠋ᠦᠩ ᠳ᠋ᠠ ᠱᠠᠨ（东大山） ᠭᠡᠳᠡᠭ᠃ ︽ᠮᠣᠩᠭᠤᠯ ᠤᠨ ᠨᠢᠭᠤᠴᠠ | ᠲᠤᠪᠴᠢᠶᠠᠨ︾ ᠤ 265 ᠳ᠋ᠤᠭᠠᠷ ᠵᠦᠢᠯ ᠳᠤ ᠲᠤᠰ ᠭᠠᠵᠠᠷ ᠢ ︽ᠠᠯᠠᠱᠠ（阿喇筛 ）︾ ᠭᠡᠵᠦ | ᠲᠡᠮᠳᠡᠭᠯᠡᠵᠦ ᠪᠤᠢ᠃ ᠮᠢᠩ ᠤᠯᠤᠰ ᠤᠨ ᠦᠶᠡ ᠳᠤ ᠣᠷᠳᠣᠰ ᠮᠣᠩᠭᠤᠯ ᠡᠨᠡ ᠭᠠᠵᠠᠷ ᠢᠶᠠᠷ ᠰᠠᠭᠤᠷᠢᠰᠢᠵᠦ | ᠪᠠᠶᠢᠬᠤ ᠳᠤ ᠪᠠᠨᠴᠤ ᠮᠦᠨ ︽ᠠᠯᠠᠱᠠ︾ ᠭᠡᠵᠦ ᠳᠠᠭᠤᠳᠠᠳᠠᠭ ᠪᠠᠶᠢᠵᠡᠢ᠃ | 1682ᠣᠨ ︵ᠡᠩᠬᠡ ᠠᠮᠤᠭᠤᠯᠠᠩ ᠤᠨ ᠬᠤᠷᠢᠨ ᠨᠢᠭᠡᠳᠤᠭᠡᠷ ᠣᠨ︶ ᠳᠤ ᠬᠤᠱᠤᠤᠳ ᠠᠶᠢᠮᠠᠭ᠂ ᠴᠢᠩ | ᠤᠯᠤᠰ ᠠᠴᠠ ︽ᠠᠯᠠᠱᠠ ᠠᠭᠤᠯᠠ ᠶᠢᠨ ᠬᠤᠶᠢᠨᠠ ᠨᠤᠲᠤᠭᠰᠢᠨ᠂ ᠬᠤᠯᠠᠭᠠᠢ ᠰᠠᠮᠠᠭᠤᠨ ᠢ ᠰᠡᠷᠭᠡᠶᠢᠯᠡᠵᠤ ᠰᠠᠭᠤᠶᠠ︾ | ᠭᠡᠵᠦ ᠭᠤᠶᠤᠭᠰᠠᠨ ᠨᠢ ᠮᠦᠨ ᠡᠨᠡ ᠭᠠᠵᠠᠷ ᠢ ᠬᠡᠯᠡᠵᠦ ᠪᠠᠶᠢᠪᠠ᠃ | 1685ᠣᠨ ︵ᠡᠩᠬᠡ ᠠᠮᠤᠭᠤᠯᠠᠩ ᠤᠨ ᠬᠤᠷᠢᠨ ᠳᠦᠷᠪᠡᠳᠦᠭᠡᠷ ᠣᠨ︶ ᠤ ᠶᠢᠰᠦᠨ ᠰᠠᠷᠠ ᠳᠤ ᠠᠯᠠᠱᠠ | ᠨᠤᠲᠤᠭ ᠲᠤ ᠠᠩᠬᠠ ᠢᠷᠡᠭᠡᠳ ᠤᠳᠠᠭᠠᠳᠤᠢ ᠪᠠᠶᠢᠭᠰᠠᠨ ᠬᠤᠷᠤᠯᠠᠢ ᠳᠠᠶᠢᠴᠢᠩ ᠭᠦᠷᠦᠨ ᠤ ᠡᠩᠬᠡ ᠠᠮᠤᠭᠤᠯᠠᠩ | ᠬᠠᠭᠠᠨ ᠳᠤ ᠨᠢᠭᠡᠨ ᠪᠢᠴᠢᠭ ᠶᠠᠪᠤᠭᠤᠯᠵᠤ ᠠᠯᠠᠱᠠ ᠨᠤᠲᠤᠭ ᠢ ᠣᠯᠵᠤ ᠰᠠᠭᠤᠬᠤ ᠪᠠᠷ ᠭᠤᠶᠤᠴᠢᠯᠠᠪᠠ᠃ | 1685ᠣᠨ ︵ᠡᠩᠬᠡ ᠠᠮᠤᠭᠤᠯᠠᠩ ᠤᠨ ᠬᠤᠷᠢᠨ ᠳᠦᠷᠪᠡᠳᠦᠭᠡᠷ ᠣᠨ︶ ᠤ10 ᠰᠠᠷᠠ ᠳᠤ ᠪᠠᠭᠠᠲᠦᠷ ᠡᠷᠬᠡ | ᠵᠢᠨᠦᠩ ᠬᠤᠷᠤᠯᠠᠢ ᠵᠢᠩᠬᠢᠨᠢ ᠪᠠᠷ ᠠᠯᠠᠱᠠ ᠨᠤᠲᠤᠭ ᠲᠤ ᠰᠠᠭᠤᠬᠤ ᠪᠠᠷ ᠭᠤᠶᠤᠵᠦ᠂1686 ᠣᠨ ︵ᠡᠩᠬᠡ | ᠠᠮᠤᠭᠤᠯᠠᠩ ᠤᠨ ᠬᠤᠷᠢᠨ ᠲᠠᠪᠤᠳᠤᠭᠠᠷ ᠣᠨ︶ ᠤ11 ᠰᠠᠷᠠ ᠳᠤ ᠴᠢᠩ ᠤᠯᠤᠰ ᠵᠦᠪᠰᠢᠶᠡᠷᠡᠵᠦ᠂ ᠠᠯᠠᠱᠠ | ᠨᠤᠲᠤᠭ ᠢ ᠬᠤᠱᠤᠳ ᠲᠤ ᠵᠢᠷᠤᠵᠤ ᠲᠦᠷ ᠰᠠᠭᠤᠯᠭᠠᠪᠠ᠃ ᠡᠨᠡ ᠭᠠᠵᠠᠷ ᠤᠨ ᠬᠡᠪᠴᠢᠶᠡ ᠨᠢ ᠠᠯᠠᠭ ᠠᠭᠤᠯᠠ ᠠᠴᠠ | ᠡᠮᠤᠨᠡ᠂ ᠡᠾᠧ ᠯᠠᠨ ᠱᠠᠨ ᠠᠭᠤᠯᠠ ᠠᠴᠠ ᠬᠤᠶᠢᠰᠢ᠂ ᠡᠵᠡᠨᠡ ᠭᠤᠤᠯ ᠠᠴᠠ ᠵᠡᠭᠦᠨᠰᠢ᠂ ᠬᠠᠯᠬᠠ ᠶᠢᠨ | ᠨᠤᠲᠤᠭ ᠠᠴᠠ ᠪᠠᠷᠠᠭᠤᠨᠰᠢ ᠦᠷᠭᠡᠨ ᠠᠭᠤᠳᠠᠮ ᠠᠯᠠᠱᠠ ᠨᠤᠲᠤᠭ ᠪᠤᠯᠤᠨᠠ᠃ | ᠡᠶᠢᠮᠦ ᠠᠴᠠ ︽ᠠᠯᠠᠱᠠ︾ ᠭᠡᠳᠡᠭ ᠨᠡᠷᠡ ᠪᠣᠯ ᠠᠯᠠᠱᠠ ᠬᠤᠱᠤᠳ ᠢᠷᠡᠵᠦ ᠰᠠᠭᠤᠷᠢᠰᠢᠭᠰᠠᠨ ᠠᠴᠠ ᠬᠤᠶᠢᠰᠢ | ᠰᠠᠶ᠋ᠢ ᠵᠢᠩᠬᠢᠨᠢ ᠭᠠᠷᠤᠭᠰᠠᠨ ᠨᠡᠷᠡ ᠮᠦᠨ᠃ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |