| ᠵᠡᠭᠦᠠᠭᠠᠷ ᠳ᠋ᠠᠮᠴᠤᠶᠢᠷᠠᠭᠪᠠ | | | ᠬᠦᠲᠡᠭᠡ ᠶᠢᠨ ᠰᠠᠯᠬᠢ ᠰᠢᠭᠦᠲᠡᠷᠢ ᠦᠷᠭᠦᠭᠡᠵᠤ | ᠬᠦᠭᠯᠡᠷᠡᠭᠰᠡᠨ ᠮᠠᠨᠠᠨ ᠤ ᠰᠠᠬᠠᠯ ᠠᠴᠠ ᠵᠤᠯᠭᠠᠭᠠᠳ | ᠬᠦᠯ ᠨᠢᠴᠦᠭᠦᠯᠡᠨ ᠴᠡᠴᠡᠭᠡᠰ ᠭᠢᠰᠭᠢᠯᠡᠭᠰᠡᠭᠡᠷ | ᠬᠦᠲᠦᠯ ᠲᠤᠭᠤᠴᠢᠭᠤᠯᠤᠨ ᠠᠶᠢᠯ ᠪᠠᠷᠠᠲᠠᠪᠠ᠃ | ᠬᠦᠩᠭᠡᠨ ᠵᠡᠷᠭᠡᠯᠭᠡ ᠳᠤ ᠨᠢᠲᠦ ᠨᠢ ᠲᠠᠯᠮᠢᠶᠠᠷᠠᠨ | ᠬᠦᠯᠴᠦᠭᠦᠷᠡᠵᠦ ᠪᠠᠭᠠᠬᠠᠨ ᠦᠵᠡᠮᠵᠢ ᠰᠣᠨᠢᠷᠬᠠᠭᠠᠳ | ᠬᠦᠯᠦᠭ ᠤᠨ ᠵᠥ᠋ ᠲᠡᠭᠡᠷᠡ ᠰᠡᠳᠭᠢᠯ ᠲᠡᠷᠪᠡᠭᠦᠯᠵᠦ | ᠬᠦᠭᠰᠡᠵᠦ ᠪᠠᠶᠠᠷᠯᠠᠬᠤ ᠪᠠᠷ ᠭᠡᠰᠡᠭ ᠬᠥᠮᠡᠶᠢᠯᠡᠪᠡ᠃ | ᠬᠤᠯᠠ ᠵᠠᠮ ᠢ ᠲᠥᠲᠡᠯᠡᠰᠬᠢᠵᠥ ᠦᠩᠭᠡᠷᠡᠭᠡᠳ | ᠬᠤᠲᠠᠨ ᠤ ᠵᠠᠬᠠ ᠪᠠᠷ ᠭᠡᠲᠡᠵᠤ ᠴᠢᠩᠨᠠᠭᠠᠳ | ᠬᠤᠲᠠᠴᠢ ᠪᠠᠩᠬᠠᠷ ᠲᠤ ᠰᠡᠷᠡᠭᠲᠡᠬᠦ ᠠᠴᠠ ᠪᠣᠯᠭᠤᠭᠠᠨ | ᠬᠤᠯᠠᠭᠤᠷ ᠲᠣᠭᠤᠷᠢᠨ ᠭᠡᠷ ᠲᠤ ᠣᠷᠣᠪᠠ᠃ | ᠬᠦᠨᠦᠭ ᠲᠠᠢ ᠠᠶᠢᠷᠠᠭ ᠠᠴᠠ ᠨᠢ ᠲᠠᠮᠰᠢᠶᠠᠯᠠᠵᠦ ᠰᠠᠭᠤᠲᠠᠯᠠ | ᠬᠦᠯ ᠲᠣᠣᠷᠠ ᠠᠴᠠ ᠮᠤᠤᠷ ᠶᠣᠣᠯᠠᠵᠤ | ᠬᠦᠭᠰᠢᠨ ᠡᠵᠢ ᠲᠡᠨᠲᠡ ᠠᠴᠠ ᠬᠦᠶ᠋ᠢ ᠬᠠᠢ ᠤᠤᠯᠭᠠᠯᠠᠬᠤ ᠳᠤ | ᠬᠥᠩᠭᠡᠨ ᠭᠡᠭᠴᠢ ᠲᠦᠷᠭᠡᠯᠡᠨ ᠡᠭᠦᠲᠡ ᠠᠮᠠᠲᠠᠪᠠ᠃ | ᠬᠦᠯᠦᠰᠦ ᠪᠠᠨ ᠠᠷᠴᠢᠬᠤ ᠶᠢᠨ ᠵᠠᠪ ᠪᠣᠯᠣᠯ ᠦᠭᠡᠢ | ᠬᠦᠭᠡᠭᠡᠭᠲᠡᠵᠦ ᠨᠣᠬᠠᠢ ᠠᠴᠠ ᠠᠮᠢ ᠵᠢᠭᠤᠲᠠᠭᠰᠠᠭᠠᠷ | ᠬᠦᠨᠲᠡᠢ ᠳᠤ ᠨᠡᠯᠡᠶᠢᠬᠤ ᠰᠥᠷᠥᠭ ᠤᠨ ᠲᠡᠷᠭᠡᠲᠡ ᠳᠠᠬᠢ | ᠬᠥᠭᠡᠷᠦᠭᠡᠨ ᠭᠡᠤᠭᠡᠨ ᠢ ᠦᠨᠦᠰᠴᠦ ᠠᠮᠵᠢᠪᠠ᠃ | ᠬᠠᠵᠠᠭᠲᠠᠬᠤ ᠠᠴᠠ ᠪᠠᠨ ᠪᠠᠰᠠ ᠠᠶᠤᠮᠠᠲᠠᠬᠠᠢ ᠵᠣᠯᠢᠭ ᠭᠡᠵᠦ | ᠬᠠᠴᠠᠷ ᠢᠶᠠᠨ ᠢᠯᠢᠭᠰᠡᠭᠡᠷ ᠲᠤᠲᠤᠷᠠ ᠪᠠᠨ ᠡᠯᠡᠭᠯᠡᠬᠦ ᠳᠤ | ᠬᠠᠯᠲᠠᠷᠲᠤᠭᠰᠠᠨ ᠢᠶᠠᠨ ᠴᠡᠪᠡᠷᠯᠡᠴᠢᠭᠡ ᠳ᠋ᠠ ᠲᠡᠨᠡᠭ ᠮᠢᠨᠢ ᠭᠡᠵᠦ | ᠬᠠᠵᠠᠭᠤ ᠠᠴᠠ ᠨᠢ ᠬᠠᠷᠠᠭᠠᠳ ᠬᠦᠭᠡ ᠢᠨᠢᠲᠡᠲᠦ ᠠᠯᠲᠠᠪᠠ᠃ | ᠰᠡᠳᠭᠢᠯ ᠤᠨ ᠨᠢᠭᠤᠴᠠ ᠶᠢ ᠨᠢ ᠰᠡᠷᠡᠵᠤ ᠮᠡᠲᠡᠴᠢᠭᠡᠭᠡᠳ | ᠰᠡᠮᠭᠡᠨ ᠭᠡᠲᠤᠨ ᠦᠭᠡ ᠴᠢᠬᠢᠨ ᠪᠠᠷ ᠨᠢ ᠰᠢᠪᠡᠨᠡᠴᠢᠭᠡᠭᠡᠳ | ᠬᠠᠶᠢᠷᠠ ᠶᠢᠨ ᠬᠠᠯᠠᠭᠤᠨ ᠢᠯᠡᠭᠡᠯᠲᠡ ᠶᠢ ᠨᠢ ᠠᠪᠤᠭᠠᠳ | ᠬᠠᠷᠠ ᠬᠦᠦ ᠤᠷᠤᠭᠤ ᠶᠠᠭᠠᠷᠠᠤᠬᠠᠨ ᠬᠠᠲᠠᠷᠢᠭᠤᠯᠪᠠ ᠁ | | | | | | | | | | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |