ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠰᠢᠨ᠎ᠡ ᠬᠦᠳᠡᠭᠡ
ᠦᠭᠡ ᠶᠢᠨ ᠦᠯᠦᠭᠡᠢ ᠰᠤᠲᠤᠯᠬᠤ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020/12/3
﹇ᠵᠠᠩᠬᠢᠯᠠᠭ᠎ᠠ ᠶᠢᠨ ᠦᠬᠡ﹈ ᠲᠦᠷᠰᠦᠯᠢᠭ ᠰᠡᠳᠬᠢᠬᠦᠢ᠂ ᠢᠵᠠᠭᠤᠷ ᠤᠨ ᠪᠦᠯᠦᠭ᠂ ᠬᠠᠷᠢᠴᠠᠭᠤᠯᠤᠨ ᠰᠡᠳᠬᠢᠬᠦ᠂ ᠦᠪᠡᠷᠮᠢᠴᠠ ᠤᠡᠴᠠᠭᠠᠢ ᠪᠦᠬᠦᠯᠢ ᠴᠤᠭᠴᠠ᠃ᠠᠳᠡ ᠪᠢ ᠮᠤᠩᠭᠤᠯ ᠬᠡᠯᠨ ᠰᠤᠳᠤᠯᠭᠠᠨ ᠢ ︽ᠬᠡᠯᠡᠨ ᠤ ᠵᠦᠢ︾ ᠬᠡᠬᠦ ᠨᠠᠶᠢᠳᠡᠮ ᠳᠤ ᠮᠡᠳᠡᠷᠡᠭᠳᠡᠭᠰᠡᠨ ᠰᠤᠳᠤᠯᠤᠭᠳᠡᠬᠤᠨ ᠠᠴᠠ ᠭᠠᠳᠡᠨ᠎ᠠ᠂ ︽ᠦᠬᠡ ᠶᠢᠨ ᠦᠯᠦᠬᠡᠢ ᠰᠤᠳᠤᠯᠬᠤ︾ ᠳᠤᠰᠬᠠᠢ ᠰᠡᠳᠤᠪ ᠢᠶᠠᠷ ᠠᠵᠢᠵᠤ᠂ ᠮᠤᠩᠭᠤᠯ ᠦᠬᠡ ᠶᠢᠨ ᠪᠦᠲᠦᠴᠠ ᠶᠢᠨ ᠢᠷᠡᠯᠳᠡ ᠶᠢ ᠠᠪᠢᠶᠠᠨ ᠤ ᠳᠡᠯ᠎ᠠ ᠠᠴᠠ ᠰᠤᠪᠢᠵᠤ ᠮᠤᠩᠭᠤᠯ ᠬᠡᠯᠡᠨ ᠤ ᠳᠡᠯᠳᠡ ᠠᠢ ᠶᠢ ᠨᠡᠬᠡᠬᠡᠨ ᠢᠯᠡᠷᠡᠬᠦᠯᠬᠦ ᠪᠠᠷ ᠴᠢᠷᠮᠠᠶᠢᠵᠤ ᠪᠠᠶᠢᠨ᠎ᠠ᠃ᠡᠨᠡᠬᠦ ᠰᠤᠲᠤᠯᠭᠠᠨ ᠤ ᠶᠠᠪᠤᠴᠠ ᠨᠢ ᠮᠤᠩᠭᠤᠯ ᠬᠡᠯᠨ ᠰᠤᠲᠤᠯᠭᠠᠨ ᠲᠡᠭᠡᠷ᠎ᠡ ᠲᠠᠯᠪᠢᠭᠲᠠᠵᠤ ᠪᠠᠶᠢᠭ᠎ᠠ ᠴᠢᠬᠤᠯᠨ ᠠᠰᠠᠭᠤᠲᠠᠯ ᠳᠤ ᠠᠩᠬᠠᠷᠤᠯ ᠲᠠᠯᠪᠢᠨ᠎ᠠ᠃ ᠮᠤᠩᠭᠤᠯ ᠬᠡᠯᠨ ᠰᠤᠲᠤᠯᠭᠠᠨ ᠨᠢ ᠬᠦᠮᠦᠨ ᠲᠦᠷᠦᠯᠬᠢᠲᠡᠨ ᠤ ᠰᠡᠳᠭᠢᠭᠦᠢ  ᠶᠢᠨ ᠲᠡᠤᠬᠡᠨ ᠳᠠᠬᠢ ᠮᠤᠩᠭᠤᠯᠴᠤᠳ ᠤᠨ ᠰᠡᠳᠭᠢᠬᠦᠢ ᠶᠢᠨ ᠲᠡᠤᠬᠡᠨ ᠪᠠᠶᠢᠷᠢ ᠰᠠᠭᠤᠷᠢ ᠶᠢ ᠡᠷᠢᠯᠬᠢᠯᠡᠬᠦ᠂ ᠮᠤᠩᠭᠤᠯᠴᠤᠳ ᠤᠨ ᠰᠡᠳᠭᠢᠭᠦᠢ ᠳᠤ ᠦᠭᠬᠦ ᠮᠤᠩᠭᠤᠯ ᠦᠭᠡ ᠬᠡᠯᠡᠨ ᠤ ᠬᠦᠨ ᠨᠦᠯᠦᠭᠡᠯᠡᠯ ᠢ ᠠᠭᠢᠭᠤᠯᠬᠤ᠂ ᠮᠤᠩᠭᠤᠯ ᠦᠭᠡ ᠬᠡᠯᠡᠨ ᠳᠤ ᠲᠤᠯᠭᠠᠷᠠᠵᠤ ᠮᠡᠲᠡᠬᠦ ᠬᠦᠴᠢᠷ ᠲᠦᠪᠡᠭ ᠲᠠᠢ ᠶᠠᠪᠤᠲᠠᠯ ᠢ ᠰᠤᠪᠢᠵᠤ ᠰᠢᠢᠳᠪᠦᠷᠢᠯᠡᠬᠦ ᠵᠡᠷᠭᠡ ᠡᠭᠦᠷᠭᠡ ᠶᠢ ᠠᠶᠠᠨᠲᠠᠭᠠᠨ ᠡᠭᠦᠷᠭᠡᠯᠡᠵᠦ ᠪᠠᠶᠢᠲᠠᠭ᠃ ᠲᠤᠰ ᠦᠭᠦᠯᠡᠯ ᠨᠢ ᠮᠥᠨ ᠡᠲᠡᠭᠡᠷ ᠠᠰᠠᠭᠤᠲᠠᠯ ᠳᠤ ᠦᠢᠯᠡᠴᠢᠯᠡᠬᠦ ᠠᠷᠭ᠎ᠠ ᠪᠠ ᠰᠦᠪᠡᠭᠴᠢ ᠶᠢ ᠰᠡᠷᠡᠭᠲᠡᠭᠦᠯᠬᠦ ᠪᠠᠷ ᠠᠩᠬᠠᠷᠤᠨ ᠴᠢᠷᠮᠠᠶᠢᠨ᠎ᠠ᠃   ᠨᠢᠭᠡ᠂ ᠮᠤᠩᠭᠤᠯ ᠦᠭᠡ ᠬᠡᠯᠡᠨ ᠳᠠᠬᠢ ᠡᠬᠡᠰᠢᠭ ᠬᠡᠶᠢᠭᠦᠯᠦᠭᠴᠢ ᠠᠪᠢᠶ᠎ᠠ ᠨᠢ ᠠᠰ ᠲᠤᠰ ᠲᠠᠭᠠᠨ ᠤᠳᠬ᠎ᠠ ᠲᠠᠢ ᠪᠠᠶᠢᠭᠰᠠᠨ ᠡᠰᠡᠬᠦ ᠶᠢᠨ ᠲᠤᠬᠠᠢ ᠲᠦᠢᠮᠦᠯᠡᠪᠡᠯᠡᠨᠡ ᠨᠢ ᠮᠤᠩᠭᠤᠯ ᠦᠭᠡ ᠬᠡᠯᠡᠨ ᠳᠤ ᠬᠤᠯᠪᠤᠭᠲᠠᠬᠤ ᠶᠡᠭᠡ ᠡᠷᠲᠡ ᠦᠶ᠎ᠡ ᠶᠢ ᠠᠩᠬᠠᠷᠬᠤ ᠰᠡᠲᠦᠪᠯᠡᠯ ᠪᠤᠯᠤᠨ᠎ᠠ᠃ ᠦᠭᠡ ᠬᠡᠯᠡᠨ ᠤ ᠲᠤᠬᠠᠢ ᠰᠤᠲᠤᠯᠭᠠᠨ ᠢ ᠨᠡᠩ ᠵᠤᠷᠢᠯᠭ᠎ᠠ ᠲᠠᠢ ᠪᠠᠷ ᠬᠦᠮᠦᠨ ᠤ ᠲᠤᠬᠠᠢ ᠰᠤᠲᠤᠯᠭᠠᠨ ᠲᠠᠢ ᠤᠶᠠᠯᠲᠤᠭᠤᠯᠵᠤ ᠪᠠᠶᠢᠪᠠᠯ ᠤᠯᠠᠮ ᠠᠮᠵᠢᠯᠲᠠ ᠲᠠᠢ ᠪᠤᠯᠵᠤ ᠪᠤᠯᠤᠨ᠎ᠠ᠂ ᠲᠠᠷᠤᠢ ᠬᠦᠮᠦᠨ ᠤ ᠤᠨᠴᠠᠭᠠᠢ ᠲᠠᠯ᠎ᠠ ᠪᠤᠯᠬᠤ ᠰᠡᠳᠭᠢᠭᠦᠢ ᠲᠠᠢ ᠤᠶᠠᠯᠲᠤᠭᠤᠯᠵᠤ ᠪᠠᠶᠢᠪᠠᠯ ᠤᠯᠠᠮ ᠰᠢᠨ᠎ᠡ ᠱᠠᠲᠤᠨ ᠳᠤ ᠠᠬᠢᠵᠤ ᠪᠤᠯᠤᠨ᠎ᠠ᠃ᠦᠭᠡ ᠬᠡᠯᠨ ᠪᠤᠢ ᠪᠤᠯᠤᠭᠰᠠᠨ ᠰᠢᠯᠲᠠᠭᠠᠨ ᠢ ᠡᠷᠢᠪᠡᠯ ᠰᠡᠳᠬᠢᠭᠲᠡᠭᠦᠨ ᠪᠠ ᠰᠡᠳᠭᠢᠬᠦᠢ ᠠᠴᠠ ᠰᠠᠯᠵᠤ ᠴᠢᠲᠠᠬᠤ ᠦᠭᠡᠢ ᠶᠤᠮ᠃ ᠰᠡᠳᠭᠢᠭᠲᠡᠭᠦᠨ ᠪᠠ ᠰᠡᠳᠭᠢᠬᠦᠢ ᠶᠢᠨ ᠬᠠᠷᠢᠴᠠᠭᠠᠨ ᠤ ᠶᠠᠪᠤᠴᠠ ᠳᠤ ᠰᠡᠳᠭᠢᠬᠦᠢ ᠶᠢᠨ ᠢᠲᠡᠪᠬᠢ ᠨᠦᠯᠦᠭᠡᠯᠡᠯ  ᠠᠴᠠ ᠪᠤᠯᠤᠭᠰᠠᠨ᠂ ᠵᠤᠬᠢᠬᠤ ᠤᠳᠬ᠎ᠠ ᠶᠢ ᠢᠯᠡᠳᠭᠡᠬᠦ ᠵᠤᠷᠢᠯᠭ᠎ᠠ ᠲᠠᠢ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠪᠤᠢ ᠪᠤᠯᠲᠠᠭ᠃ ᠰᠡᠳᠬᠢᠭᠳᠡᠬᠦᠨ᠂ ᠰᠡᠳᠬᠢᠬᠦᠢ ᠵᠢᠴᠢ ᠵᠤᠬᠢᠬᠤ ᠤᠳᠬ᠎ᠠ ᠶᠢ ᠢᠯᠡᠳᠭᠡᠬᠦ ᠵᠤᠷᠢᠯᠭ᠎ᠠ ᠲᠠᠢ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠵᠡᠷᠭᠡ ᠶᠢᠨ ᠬᠠᠷᠢᠴᠠᠭ᠎ᠠ ᠪᠠ ᠨᠦᠯᠦᠭᠡᠯᠡᠯᠴᠡᠯ ᠨᠢ ᠦᠭᠡ ᠬᠡᠯᠨ ᠪᠤᠯᠪᠠᠰᠤᠷᠠᠨ ᠬᠦᠭᠵᠢᠬᠦ ᠶᠢᠨ ᠦᠯᠦᠭᠡᠢ ᠪᠤᠯᠲᠠᠭ ᠪᠠᠶᠢᠨ᠎ᠠ᠃ ᠡᠶᠢᠮᠦ ᠠᠴᠠ ᠮᠤᠩᠭᠤᠯ ᠦᠭᠡ ᠬᠡᠯᠡᠨ ᠳᠠᠬᠢ ᠡᠭᠡᠰᠢᠭ ᠭᠡᠶᠢᠭᠦᠯᠦᠭᠴᠢ ᠠᠪᠢᠶ᠎ᠠ ᠨᠢ ᠠᠰ ᠲᠤᠰ ᠲᠠᠭᠠᠨ ᠤᠳᠬ᠎ᠠ ᠲᠠᠢ ᠪᠠᠶᠢᠭᠰᠠᠨ ᠡᠰᠡᠬᠦ ᠶᠢ ᠰᠤᠲᠤᠯᠬᠤ ᠳᠤ ᠰᠡᠳᠬᠢᠭᠲᠡᠭᠦᠨ᠂ ᠰᠡᠳᠭᠢᠬᠦᠢ᠂ ᠦᠭᠡ ᠬᠡᠯᠡᠨ ᠤ ᠬᠠᠷᠢᠴᠠᠭ᠎ᠠ ᠬᠤᠯᠪᠤᠭᠠᠨ ᠤ ᠲᠤᠮᠲᠠ ᠠᠴᠠ ᠰᠦᠪᠡᠭᠴᠢᠯᠡᠬᠦ ᠪᠤᠯ ᠤᠮᠲᠠᠭᠠᠶᠢᠯᠠᠵᠤ ᠪᠤᠯᠤᠰᠢ ᠦᠭᠡᠢ ᠠᠷᠭ᠎ᠠ ᠵᠠᠮ ᠤᠨ ᠨᠢᠭᠡ ᠪᠤᠯᠤᠨ᠎ᠠ᠃ᠨᠢᠭᠡ ᠦᠨᠳᠦᠰᠦᠲᠡᠨ ᠤ ᠦᠭᠡ ᠬᠡᠯᠡᠨ ᠤ ᠲᠤᠬᠠᠢ ᠰᠤᠲᠤᠯᠭᠠᠨ ᠨᠢ ᠮᠥᠨ ᠴᠦ ᠪᠦᠬᠦᠶᠢᠯᠨ ᠬᠦᠮᠦᠨ ᠲᠦᠷᠦᠯᠬᠢᠲᠡᠨ  ᠤ ᠲᠡᠤᠬᠡ ᠶᠢᠨ ᠲᠤᠬᠠᠢ ᠰᠤᠲᠤᠯᠭᠠᠨ ᠳᠤ ᠬᠤᠯᠪᠤᠭᠲᠠᠬᠤ ᠶᠤᠮ᠃ ᠡᠭᠦᠨ ᠤ ᠤᠴᠢᠷ ᠢ ᠲᠤᠪᠴᠢ ᠶᠠᠷᠢᠪᠠᠯ᠂ ᠦᠭᠡ ᠬᠡᠯᠨ ᠪᠤᠯ ᠲᠡᠤᠬᠡ ᠶᠢᠨ ᠪᠦᠲᠦᠭᠡᠭᠲᠡᠭᠦᠨ ᠪᠦᠭᠡᠳ ᠦᠭᠡ ᠬᠡᠯᠡᠨ ᠤ ᠠᠰᠠᠭᠤᠲᠠᠯ ᠪᠤᠯ ᠬᠦᠮᠦᠨ ᠲᠦᠷᠦᠯᠬᠢᠲᠡᠨ ᠤ ᠠᠰᠠᠭᠤᠲᠠᠯ ᠪᠤᠯᠬᠤ ᠳᠤ ᠤᠷᠤᠰᠢᠨ᠎ᠡ᠃ ᠬᠦᠮᠦᠨ ᠲᠦᠷᠦᠯᠬᠢᠲᠡᠨ ᠤ ᠨᠡᠶᠢᠭᠡᠮ ᠨᠢ ᠪᠡᠯᠡᠷ ᠡᠷᠳᠡᠨ ᠤ ᠴᠠᠭ ᠦᠶ᠎ᠠ ᠪᠠᠨ ᠦᠩᠬᠡᠷᠡᠬᠦᠯᠦᠭᠰᠡᠨ ᠲᠠᠢ ᠠᠳᠡᠯᠢ ᠪᠠᠷ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠤ ᠦᠬᠡ ᠬᠡᠯᠨ ᠨᠢ ᠮᠥᠨ ᠯᠨ ᠨᠢᠬᠡᠨ ᠪᠠᠯᠠᠷ ᠡᠷᠳᠡᠨ  ᠤ ᠴᠠᠭ ᠦᠶ᠎ᠠ ᠶᠢ ᠦᠩᠬᠡᠷᠡᠬᠦᠯᠦᠭᠰᠡᠨ ᠶᠤᠮ᠃ ᠪᠡᠯᠡᠷ ᠡᠷᠳᠡᠨ ᠤ ᠨᠡᠶᠢᠬᠡᠮ ᠨᠢ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠤ ᠨᠡᠶᠢᠬᠡᠮ  ᠤᠨ ᠬᠤᠵᠢᠮ ᠤᠨ ᠶᠡᠭᠡ ᠳᠡᠪᠰᠢᠯᠳᠡ ᠳᠤ ᠯᠤᠲᠦ ᠶᠡᠭᠡ ᠬᠦᠭᠵᠢᠬᠦᠯᠬᠦ ᠦᠢᠯᠡᠳᠤᠯ ᠦᠵᠡᠬᠦᠯᠦᠭᠰᠡᠨ ᠲᠠᠢ ᠠᠳᠡᠯᠢ ᠪᠠᠷ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠤ ᠬᠡᠯᠡᠨ ᠳᠠᠬᠢ ᠪᠡᠯᠡᠷ ᠡᠷᠳᠡᠨ ᠤ ᠦᠬᠡ ﹇ᠪᠤᠶᠤ ᠬᠡᠯᠡᠨ ᠤ ᠠᠪᠢᠶ᠎ᠠ ᠳᠤᠬᠢᠶ᠎ᠠ﹈ ᠨᠢ ᠬᠤᠵᠢᠮ ᠤᠨ ᠦᠬᠡ ᠬᠡᠯᠨ᠂ ᠦᠵᠡᠯ ᠰᠡᠳᠬᠢᠯᠬᠡ ᠶᠢᠨ ᠪᠦᠷᠢᠯᠲᠦᠯ ᠳᠡᠪᠰᠢᠯᠳᠡ ᠳᠤ ᠴᠢᠬᠤᠯᠨ ᠰᠠᠭᠤᠷᠢ ᠶᠢ ᠳᠠᠯᠪᠢᠭᠰᠠᠨ ᠶᠤᠮ᠃ ᠪᠤᠴᠠᠭᠠᠵᠤ ᠪᠤᠳᠤᠪᠠᠯ ᠡᠷᠳᠡᠨ ᠤ ᠮᠤᠩᠭᠤᠯ ᠬᠡᠯᠨ ᠰᠡᠳᠬᠢᠬᠦᠢ ᠶᠢᠨ ᠤᠯᠨ ᠮᠦᠷ ᠨᠢ ᠤᠳᠤᠬᠢ ᠮᠤᠩᠭᠤᠯ ᠦᠬᠡ ᠬᠡᠯᠨ ᠳᠡᠬᠡᠷ᠎ᠠ ᠪᠠᠭ᠎ᠠ ᠪᠤᠰᠤ ᠠᠴᠢᠶᠠᠯᠠᠭᠳᠠᠭᠰᠠᠭᠠᠷ ᠪᠠᠶᠢᠭ᠎ᠠ ᠶᠤᠮ᠃ ᠪᠢᠳᠡ ᠡᠳᠡᠬᠡᠷ ᠰᠤᠷᠠᠭ ᠳᠤᠬᠢᠶ᠎ᠠ ᠶᠢ ᠦᠡᠲᠦᠰᠦᠯᠡᠨ᠂ ᠡᠷᠳᠡᠨ ᠤ ᠮᠤᠩᠭᠤᠯᠴᠤᠳ ᠤᠨ ᠤᠶᠤᠨ ᠤ ᠶᠢᠷᠲᠢᠡᠴᠤ ᠶᠢ ᠴᠢᠳᠡᠮᠠᠭᠠᠢ ᠰᠢᠡᠵᠢᠯᠡᠵᠤ᠂ ᠳᠡᠳᠡᠨ ᠤ ᠬᠡᠯᠨ ᠰᠡᠳᠬᠢᠬᠦᠢ ᠶᠢᠨ ᠦᠵᠡᠭᠳᠡᠯ ᠢ ᠳᠡᠭᠠᠭᠠᠮᠠᠭᠯᠠᠵᠤ᠂ ᠮᠤᠩᠭᠤᠯ ᠬᠡᠯᠨ ᠰᠡᠳᠬᠢᠬᠦᠢ ᠶᠢᠨ ᠬᠦᠭᠵᠢᠯᠳᠡ  ᠶᠢᠨ ᠶᠠᠪᠤᠴᠠ ᠳᠤ ᠲᠦᠷᠦᠭᠳᠡᠭᠰᠡᠨ ᠬᠤᠪᠤᠷ ᠴᠤᠬᠠᠭ ᠲᠦᠷᠦᠳᠡᠰᠦ ᠶᠢ ᠳᠤᠳᠤᠷᠡᠭᠤᠯᠤᠨ ᠭᠠᠷᠭᠠᠵᠤ ᠪᠤᠯᠬᠤ ᠶᠤᠮ᠃ ᠢᠩᠬᠢᠪᠡᠯ ᠮᠥᠨ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠤ ᠳᠡᠤᠬᠡ ᠶᠢᠨ ᠳᠤᠬᠠᠢ ᠰᠤᠳᠤᠯᠭᠠᠨ ᠳᠤ ᠬᠤᠪᠢ ᠨᠠᠮᠠᠷᠢ ᠦᠵᠡᠬᠦᠯᠦᠭᠰᠡᠨ ᠶᠠᠪᠤᠳᠡᠯ ᠪᠤᠯᠤᠨ᠎ᠠ᠃ᠶᠡᠭᠡ ᠡᠷᠳᠡᠨ ᠤ ᠦᠶ᠎ᠠ ᠶᠢᠨ ᠮᠤᠩᠭᠤᠯᠴᠤᠳ ᠨᠢ ᠲᠦᠬᠦᠮᠬᠡᠨ ᠳᠡᠭᠤ ᠠᠪᠢᠶ᠎ᠠ ᠪᠠᠷ ᠪᠤᠳᠤᠯ ᠰᠠᠨᠠᠯ ᠢᠶᠠᠨ ᠰᠤᠯᠢᠯᠴᠠᠬᠤ  ᠶᠢ ᠵᠤᠷᠢᠵᠤ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠦᠬᠡ ᠬᠡᠯᠡ ᠶᠢ ᠪᠤᠯᠪᠠᠰᠤᠷᠡᠩᠭᠤᠢ ᠬᠡᠷᠡᠭᠯᠡᠵᠤ ᠴᠢᠳᠠᠭᠰᠠᠨ ᠬᠦᠷᠳᠡᠯ᠎ᠠ ᠯᠡᠪᠳᠡᠢ ᠨᠢᠬᠡ ᠰᠢᠯᠵᠢᠯᠳᠡ ᠶᠢᠨ ᠶᠠᠪᠤᠴᠠ ᠶᠢ ᠬᠡᠷᠡᠭᠰᠡᠨ᠎ᠠ᠃ ᠳᠠᠷᠡᠬᠦ ᠶᠠᠪᠤᠴᠠ ᠶᠢ ᠪᠦᠲᠦᠬᠦᠪᠴᠢ ᠵᠢᠱᠢᠵᠤ ᠦᠵᠡᠪᠡᠯ᠄ ᠳᠤᠬᠠᠢ  ᠶᠢᠨ ᠦᠶ᠎ᠠ ᠶᠢᠨ ᠬᠦᠮᠦᠰ ᠮᠡᠰᠢ ᠲᠦᠬᠦᠮ ᠠᠪᠢᠶ᠎ᠠ ᠳᠤᠬᠢᠶ᠎ᠠ ᠶᠢ ᠬᠡᠷᠡᠭᠯᠡᠵᠤ ᠪᠤᠳᠤᠯ ᠰᠠᠨᠠᠯ ᠢᠶᠠᠨ ᠰᠤᠯᠢᠯᠴᠠᠵᠤ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠠᠳᠡᠯᠢ ᠪᠤᠰᠤ ᠳᠡᠭᠤ ᠴᠢᠮᠡᠭᠡ ᠶᠢᠨ ᠤᠡᠴᠠᠯᠢᠭ ᠲᠠᠢ ᠲᠦᠬᠦᠮᠬᠡᠨ ᠬᠡᠳᠤᠨ ᠳᠡᠭᠤ ᠠᠪᠢᠶ᠎ᠠ ᠶᠢ ᠬᠠᠮᠵᠢᠭᠤᠯᠤᠨ ᠬᠡᠷᠡᠭᠯᠡᠵᠤ ᠪᠤᠳᠤᠯ ᠰᠠᠨᠠᠯ ᠢᠶᠠᠨ ᠰᠤᠯᠢᠯᠴᠠᠬᠤ ᠵᠦᠭ ᠬᠦᠭᠵᠢᠭᠰᠡᠨ᠂ ᠶᠠᠪᠤᠭᠠᠨ ᠳᠠᠭᠠᠨ ᠵᠤᠬᠢᠬᠤ ᠳᠤᠭᠠᠨ ᠤ ᠲᠦᠬᠦᠮ ᠵᠠᠷᠢᠮᠳᠤᠭ ᠦᠬᠡ ᠬᠡᠯᠨ ᠪᠠᠷ ᠬᠡᠷᠡᠭ ᠦᠵᠡᠭᠳᠡᠯ ᠢ ᠢᠯᠡᠷᠡᠬᠦᠯᠦᠨ ᠳᠤᠰᠬᠠᠵᠤ ᠰᠠᠨᠠᠭ᠎ᠠ ᠪᠠᠨ ᠨᠡᠪᠳᠡᠷᠡᠯᠴᠡᠬᠦ ᠵᠦᠭ ᠬᠦᠭᠵᠢᠭᠰᠡᠨ᠂ ᠦᠡᠲᠦᠰᠦᠨ ᠳᠡᠭᠡᠨ ᠦᠬᠡ ᠬᠡᠯᠨ ᠲᠠᠢ ᠪᠤᠯᠤᠭᠰᠠᠨ ᠬᠦᠮᠦᠨ ᠪᠦᠯᠦᠭᠯᠡᠯ ᠠᠴᠠ ᠤᠯᠠᠮ ᠢᠶᠠᠷ ᠦᠷᠬᠡᠵᠢᠬᠡᠳ ᠦᠬᠡ ᠬᠡᠯᠨ ᠲᠠᠢ ᠬᠦᠮᠦᠨ ᠤ ᠨᠡᠶᠢᠬᠡᠮ ᠪᠤᠯᠵᠤ ᠪᠦᠷᠢᠯᠳᠤᠨ᠂ ᠦᠬᠡ ᠬᠡᠯᠨ ᠪᠠᠶᠠᠯᠢᠭᠵᠢᠨ ᠬᠦᠭᠵᠢᠬᠦ ᠨᠡᠶᠢᠬᠡᠮ ᠤᠨ ᠰᠠᠭᠤᠷᠢ ᠲᠠᠢ ᠪᠤᠯᠵᠤ᠂ ᠨᠢᠬᠡ ᠶᠡᠭᠡ ᠰᠢᠯᠵᠢᠯᠳᠡ ᠶᠢᠨ ᠶᠠᠪᠤᠴᠠ ᠪᠠᠶᠡᠯᠡᠭᠳᠡᠯ ᠲᠠᠢ ᠪᠤᠯᠤᠭᠰᠠᠨ ᠭᠡᠵᠤ ᠰᠠᠷᠡᠭᠳᠡᠨ᠎ᠠ᠃ ᠬᠡᠶ᠎ᠠ ᠬᠦᠮᠦᠰ ᠪᠤᠳᠤᠯ ᠰᠠᠨᠠᠯ ᠢᠶᠠᠨ ᠰᠤᠯᠢᠯᠴᠠᠨ ᠴᠢᠳᠡᠬᠤᠶᠢᠴᠠ ᠠᠪᠢᠶ᠎ᠠ ᠳᠤᠬᠢᠶ᠎ᠠ  ᠶᠢ ᠬᠡᠷᠡᠭᠯᠡᠵᠤ ᠡᠬᠢᠯᠡᠬᠦ ᠠᠴᠠ ᠡᠮᠤᠨᠡᠬᠡᠨ ᠱᠠᠳᠤᠨ ᠳᠤ ᠡᠯᠳᠡᠪ ᠤᠡᠴᠠᠯᠢᠭ ᠲᠠᠢ ᠮᠡᠰᠢ ᠪᠤᠳᠤᠯᠢᠶᠠᠠᠳᠡᠢ ᠠᠪᠢᠶ᠎ᠠ ᠳᠤᠬᠢᠶ᠎ᠠ ᠶᠢ ᠬᠡᠷᠡᠭᠯᠡᠵᠤ ᠪᠠᠶᠢᠭᠰᠠᠨ ᠪᠤᠯᠤᠯᠴᠠᠭ᠎ᠠ ᠲᠠᠢ᠃ ᠡᠨ᠋ᠨ ᠳᠤᠬᠠᠢ ᠰᠦᠪᠡᠭᠴᠢᠯᠡᠨ ᠰᠢᠡᠵᠢᠯᠡᠬᠦ ᠪᠠᠷ ᠳᠡᠮᠵᠢᠵᠤ ᠦᠬᠡ ᠬᠡᠯᠨ ᠰᠠᠶ᠋ᠢ ᠰᠠᠶ᠋ᠢ ᠪᠤᠢ ᠪᠤᠯᠬᠤ ᠶᠠᠪᠤᠴᠠ ᠳᠠᠬᠢ ᠬᠦᠮᠦᠰ ᠤᠨ ᠦᠬᠡ ᠬᠡᠯᠡᠨ ᠤ ᠳᠤᠬᠠᠢ ᠵᠠᠷᠢᠮ ᠳᠡᠯ᠎ᠠ ᠶᠢᠨ ᠤᠪᠤᠷ ᠢ ᠳᠤᠭᠠᠮᠠᠭᠯᠠᠨ ᠵᠢᠱᠢᠵᠤ ᠪᠤᠯᠳᠠᠭ᠃ᠰᠦᠪᠡᠭᠴᠢᠯᠡᠪᠡᠯ ︵ᠠᠳᠡ᠂ ᠯᠾ᠊ ᠠᠪᠢᠶ᠎ᠠ ᠶᠢ ᠠᠪᠢᠶᠠᠯᠠᠬᠤ ᠦᠶᠠᠰ ︽ᠯ᠊᠂ ᠡᠾ᠊᠂ ᠰ᠊︾ ᠠᠪᠢᠶ᠎ᠠ ᠶᠢ ᠵᠡᠷᠬᠡ ᠳᠤᠨᠢ ᠠᠪᠢᠶᠠᠯᠠᠳᠠᠭ ᠦᠵᠡᠭᠳᠡᠯ ᠲᠠᠢ ᠲᠦᠰᠦᠬᠡᠳᠡᠬᠦᠯᠵᠤ ᠠᠩᠬᠠᠷᠴᠤ ᠪᠤᠯᠤᠨ᠎ᠠ︶᠂ ᠮᠡᠰᠢ ᠡᠷᠳᠡᠨ ᠤ ᠬᠦᠮᠦᠰ ᠤᠨ ᠠᠪᠢᠶᠠᠯᠠᠳᠠᠭ ᠬᠡᠯᠡᠨ ᠤ ᠠᠪᠢᠶ᠎ᠠ ᠳᠤ ︽ᠲ᠊᠂ ᠴ᠊︾ ᠠᠪᠢᠶ᠎ᠠ ᠲᠠᠢ ᠲᠦᠰᠦᠬᠡᠳᠡᠢ ᠰᠢᠭ ᠪᠤᠯᠪᠠᠴᠤ᠂ ᠪᠠᠰᠠ ︽ᠲ᠊᠂ ᠴ᠊︾ ᠠᠪᠢᠶ᠎ᠠ ᠶᠢᠨ ᠠᠯᠢ ᠨᠢ ᠴᠦ ᠪᠢᠰᠢ᠃ ᠡᠰᠡᠬᠦᠯ᠎ᠠ ︽ᠰ᠊᠂ ᠱ᠊︾ ᠠᠪᠢᠶ᠎ᠠ ᠲᠠᠢ ᠲᠦᠰᠦᠬᠡᠳᠡᠢ ᠪᠤᠯᠪᠠᠴᠤ᠂ ᠪᠠᠰᠠ ︽ᠰ᠊᠂ ᠱ᠊︾ ᠠᠪᠢᠶ᠎ᠠ ᠶᠢᠨ ᠠᠯᠢ ᠨᠢ ᠴᠦ ᠪᠢᠰᠢ᠂ ᠬᠠᠷᠢᠨ ︽ᠲ᠊᠂ ᠴ᠊︾ ᠠᠪᠢᠶ᠎ᠠ ᠬᠤᠯᠢᠯᠳᠤᠭᠰᠠᠨ ᠰᠢᠭ᠋ ᠤᠡᠴᠠᠯᠢᠭ  ᠲᠠᠢ ᠠᠪᠢᠶ᠎ᠠ᠂ ᠡᠰᠡᠬᠦᠯ᠎ᠠ ︽ᠰ᠊᠂ ᠱ᠊︾ ᠠᠪᠢᠶ᠎ᠠ ᠬᠤᠯᠢᠯᠳᠤᠭᠰᠠᠨ ᠰᠢᠭ ᠤᠡᠴᠠᠯᠢᠭ ᠲᠠᠢ ᠠᠪᠢᠶ᠎ᠠ ᠨᠤᠭᠤᠳ ᠢᠯᠡᠷᠡᠵᠤ ᠪᠠᠶᠢᠭᠰᠠᠨ ᠪᠤᠯᠤᠮᠵᠢ ᠲᠠᠢ ᠶᠤᠮ᠃ ᠪᠠᠰᠨ ᠰᠠᠯᠬᠢ ᠰᠢᠭᠤᠷᠭ᠎ᠠ᠂ ᠤᠷᠤᠰᠬᠠᠯ ᠱᠤᠤᠬᠢᠶᠠᠨ ᠵᠡᠷᠭᠡ ᠶᠢ ᠪᠠᠶᠢᠭᠠᠯᠢᠯᠢᠭ ᠢᠶᠠᠷ ᠲᠠᠭᠤᠷᠢᠶᠠᠬᠤ ᠶᠢ ᠵᠤᠷᠢᠭᠰᠠᠨ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠶᠢ ᠬᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ ᠪᠤᠯᠤᠮᠵᠢ ᠲᠠᠢ᠃ ᠲᠡᠶᠢᠨᠬᠦ ᠪᠠᠶᠢᠲᠠᠯ ᠲᠠᠢ ᠠᠪᠢᠶ᠎ᠠ ᠨᠤᠭᠤᠳ ᠢ ᠲᠦᠷ ︽ᠬᠤᠯᠢᠮᠠᠭ ᠠᠪᠢᠶ᠎ᠠ︾ ᠭᠡᠵᠦ ᠨᠡᠷᠡᠰᠢᠭᠦᠯᠵᠦ ᠪᠠᠶᠢᠶ᠎ᠠ᠃ ᠡᠭᠦᠨ  ᠲᠠᠢ ᠬᠠᠷᠢᠴᠠᠭᠤᠯᠬᠤ ᠳᠤ᠂ ᠦᠭᠡ ᠬᠡᠯᠨ ᠪᠤᠯᠪᠠᠰᠤᠷᠠᠨ ᠬᠦᠭᠵᠢᠭᠰᠡᠨ ᠴᠠᠭ ᠦᠶ᠎ᠡ ᠳᠠᠬᠢ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠨᠢ ︽ᠠ᠊ ᠂ ᠡ᠊᠂ ᠰ᠊᠂ ᠲ᠊᠂ ᠪᠦ᠊᠂ ᠰᠤ᠋︾ ᠭᠡᠬᠦ ᠮᠡᠲᠦ ᠢᠯᠭᠠᠭ᠎ᠠ ᠲᠤᠲᠤ ᠴᠤᠯᠲᠤᠭᠤᠨ ᠰᠤᠨᠤᠰᠲᠠᠬᠤ ᠪᠠᠷ ᠨᠢ ᠡᠲᠡᠭᠡᠷ ᠰᠢᠤᠬᠠᠨ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠳᠤ ᠬᠠᠨᠲᠤᠭᠤᠯᠵᠤ ︽ᠴᠤᠯᠲᠠᠭᠤᠨ ᠠᠪᠢᠶ᠎ᠠ︾ ᠬᠡᠲᠡᠭ ᠨᠡᠷ᠎ᠡ ᠲᠤᠮᠢᠶ᠎ᠠ ᠶᠢ ᠬᠡᠷᠡᠭᠯᠡᠵᠦ ᠪᠠᠶᠢᠶ᠎ᠠ᠃ᠲᠦᠯᠡᠢ ᠶᠠᠪᠠ ᠬᠦᠮᠦᠨ ︵ᠠᠲᠡ ᠪᠦᠷ ᠲᠦᠯᠡᠢ ᠶᠠᠪᠠ ᠶᠢᠨ ᠰᠤᠷᠭᠠᠭᠤᠯᠢ ᠳᠤ ᠰᠤᠷᠤᠯᠴᠠᠭᠰᠠᠨ ᠦᠭᠡᠢ ᠠᠴᠠ ᠲᠠᠲᠠᠵᠠᠢ︶ ᠤ ᠦᠭᠡ ᠬᠡᠯᠡᠨ ᠤ ᠢᠯᠡᠷᠡᠯ ᠢ ᠠᠩᠬᠠᠷᠬᠤ ᠳᠤ ᠮᠠᠰᠢ ᠦᠪᠡᠷᠮᠢᠴᠡ ᠪᠠᠶᠢᠲᠠᠯ ᠮᠡᠲᠡᠭᠲᠡᠨ᠎ᠡ᠃ ᠲᠡᠲᠡ ᠬᠡᠲᠦᠶᠢᠪᠡᠷ ᠪᠤᠯᠪᠠᠰᠤᠷᠠᠩᠭᠤᠢ ᠬᠡᠯᠡᠨ ᠤ ᠤᠷᠴᠢᠨ ᠲᠤᠭᠤᠷᠢᠨ ᠳᠤ ᠠᠮᠢᠲᠤᠷᠠᠵᠤ ᠪᠠᠶᠢᠯ᠎ᠠ ᠭᠡᠳ ᠲᠦᠯᠡᠢ ᠪᠤᠯᠬᠤ ᠲᠤᠯᠨ ᠤᠲᠤᠬᠢ ᠬᠡᠯᠡᠨ ᠤ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠶᠢ ᠤᠯᠵᠤ ᠰᠤᠨᠤᠰᠬᠤ ᠦᠭᠡᠢ ᠶᠤᠮ᠃ ᠲᠡᠷᠤᠢ ᠲᠡᠲᠡᠨ ᠤ ᠰᠡᠳᠭᠢᠭᠦᠢ  ᠳᠤ ᠠᠪᠢᠶ᠎ᠠ ᠲᠠᠭᠤᠨ ᠤ ᠨᠦᠯᠦᠭᠡᠯᠡᠯ ᠪᠦᠬᠦᠢ ᠬᠡᠯᠡᠨ ᠤ ᠤᠷᠴᠢᠨ ᠲᠤᠭᠤᠷᠢᠨ ᠭᠡᠵᠦ ᠪᠠᠶᠢᠬᠤ ᠦᠭᠡᠢ᠃ ᠲᠡᠲᠡ ᠦᠭᠡ ᠬᠡᠯᠡ ᠲᠠᠢ ᠬᠦᠮᠦᠰ ᠤᠨ ᠦᠭᠦᠯᠡᠵᠦ ᠶᠠᠷᠢᠬᠤ ᠦᠶᠡᠰ ᠤᠨ ᠠᠮᠠᠨ ᠤ ᠬᠦᠲᠡᠯᠦᠯ ᠪᠤᠶᠤ ᠨᠢᠭᠤᠷ ᠤᠨ ᠢᠯᠡᠷᠡᠯ ᠢ ᠤᠯᠵᠤ ᠬᠠᠷᠠᠲᠠᠭ ᠪᠠᠶᠢᠨ᠎ᠠ᠃ ᠲᠡᠲᠡ ᠡᠶᠢᠮᠦ ᠨᠦᠭᠦᠴᠡᠯ ᠤᠨ ᠲᠤᠭᠤᠷᠢᠨ ᠳᠤ ᠵᠤᠬᠢᠶᠠᠭᠰᠠᠨ ᠦᠪᠡᠷ ᠤᠨ ᠦᠭᠡ ᠬᠡᠯᠨ  ᠪᠠᠷ ᠢᠶᠠᠨ ᠨᠡᠶᠢᠭᠡᠮᠴᠢᠯᠡᠭᠰᠡᠨ ᠦᠭᠡ ᠬᠡᠯᠨ ᠪᠦᠬᠦᠢ ᠬᠦᠮᠦᠰ ᠲᠠᠢ ᠶᠠᠷᠢᠯᠴᠠᠵᠤ ᠰᠠᠨᠠᠯ ᠢᠶᠠᠨ ᠰᠤᠯᠢᠯᠴᠠᠬᠤ ᠶᠢ ᠵᠤᠷᠢᠲᠠᠭ ᠪᠠᠶᠢᠨ᠎ᠠ᠃ ᠲᠡᠲᠡᠨ ᠤ ᠦᠭᠦᠯᠡᠲᠡᠭ ᠦᠭᠡᠰ ︵ᠠᠪᠢᠶ᠎ᠠ ᠲᠤᠬᠢᠶ᠎ᠠ︶ ᠤᠨ ᠤᠨᠴᠠᠯᠢᠭ ᠠᠴᠠ ᠦᠵᠡᠪᠡᠯ᠂ ᠤᠭᠵᠤᠮ ᠲᠠᠰᠤᠷᠬᠠᠢ᠂ ᠬᠡᠶᠢᠭᠦᠯᠦᠭᠴᠢ ᠠᠪᠢᠶ᠎ᠠ ᠶᠢᠨ ᠤᠨᠴᠠᠯᠢᠭ ᠢᠶᠠᠷ ᠲᠤᠪᠤᠶᠢᠮ᠎ᠠ ᠪᠠᠶᠢᠲᠠᠭ᠂ ᠤᠯᠠᠩᠬᠢ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠨᠢ ᠬᠤᠯᠢᠮᠠᠭ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠪᠤᠯᠵᠤ ᠰᠤᠨᠤᠷᠲᠠᠨ᠎ᠠ᠃ ᠡᠭᠡᠰᠢᠭ ᠠᠪᠢᠶ᠎ᠠ ᠨᠢ ᠮᠠᠰᠢ ᠪᠠᠯᠠᠷᠬᠠᠢ ᠲᠤᠯᠨ ᠬᠡᠶᠢᠭᠦᠯᠦᠭᠴᠢ ᠠᠪᠢᠶ᠎ᠠ ᠶᠢ ᠲᠤᠲᠤᠷᠠᠭᠤᠯᠤᠨ ᠴᠤᠤᠷᠢᠶᠠᠲᠤᠭᠤᠯᠵᠤ ᠴᠢᠲᠠᠬᠤ ᠦᠭᠡᠢ ᠪᠠᠶᠢᠲᠠᠭ᠃ ᠤᠷᠤᠭᠰᠢᠯᠠᠭᠰᠠᠨ ᠡᠭᠡᠰᠢᠭ ᠬᠠᠶᠠ  ᠳᠤ ᠪᠠᠨ ᠲᠤᠲᠤᠬᠠᠨ ᠢᠯᠡᠷᠡᠲᠡᠭ ᠪᠠᠶᠢᠨ᠎ᠠ᠃ ᠬᠤᠶᠠᠷ ᠤᠷᠤᠭᠤᠯ ᠤᠨ ᠬᠠᠮᠵᠢᠭᠰᠠᠨ ᠲᠦᠷᠢᠯᠲᠠ ᠲᠠᠢ ᠠᠪᠢᠶ᠎ᠠ ᠲᠠᠢ᠃ ᠵᠠᠪᠠᠵᠢ ᠶᠢᠨ ᠲᠦᠷᠢᠯᠲᠡ ᠲᠠᠢ ᠠᠪᠢᠶ᠎ᠠ ᠬᠡᠲᠦᠨ ᠵᠦᠢᠯ ᠪᠠᠶᠢᠲᠠᠭ᠂ ᠵᠡᠭᠦᠨ ᠵᠠᠪᠠᠵᠢ ᠶᠢᠨ ᠪᠠ ᠪᠠᠷᠠᠭᠤᠨ ᠵᠠᠪᠠᠵᠢ ᠶᠢᠨ ᠲᠦᠷᠢᠯᠲᠡ ᠲᠠᠢ ᠠᠪᠢᠶ᠎ᠠ ᠵᠢᠴᠢ ᠬᠤᠤᠰ ᠵᠠᠪᠢᠵᠢ ᠪᠠᠷ ᠵᠡᠷᠭᠡ ᠳᠤᠨᠢ ᠠᠪᠢᠶᠠᠯᠠᠬᠤ ᠲᠦᠷᠢᠯᠲᠡ ᠲᠠᠢ ᠠᠪᠢᠶ᠎ᠠ ᠲᠠᠢ᠃ ᠤᠷᠤᠭᠤᠯ ᠤᠨ ᠲᠡᠷᠪᠡᠯᠲᠡ ᠪᠦᠬᠦᠢ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠭᠠᠷᠭᠠᠲᠠᠭ᠃ ᠲᠤᠲᠤᠭᠰᠢ ᠠᠪᠢᠶᠠᠯᠠᠬᠤ ᠦᠵᠡᠭᠲᠡᠯ ᠭᠠᠷᠲᠠᠭ ᠪᠦᠭᠡᠳ ᠤᠷᠤᠭᠤᠯ ᠤᠨ ᠬᠡᠯᠪᠡᠷᠢ ᠬᠡᠲᠦᠨ ᠵᠦᠢᠯ ᠤᠨ ᠪᠠᠶᠢᠲᠠᠯ ᠢᠶᠠᠷ ᠤᠷᠤᠯᠴᠠᠭᠰᠠᠨ ᠲᠤᠲᠤᠭᠰᠢ ᠠᠪᠢᠶᠠᠯᠠᠬᠤ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠲᠠᠢ ᠪᠠᠶᠢᠲᠠᠭ᠃ ᠲᠠᠭᠤᠨ ᠴᠢᠮᠡᠭᠡ ᠭᠠᠷᠭᠠᠯ ᠦᠭᠡᠢ ᠪᠠᠷ ᠠᠮᠨ ᠪᠠᠨ ᠠᠩᠭᠠᠶᠢᠵᠤ ᠠᠪᠲᠠᠭ ︵ᠡᠪᠰᠢᠶᠡᠵᠦ ᠪᠠᠶᠢᠭ᠎ᠠ ᠪᠢᠰᠢ︶ ᠨᠢ ᠨᠢᠭᠡᠨ ᠵᠦᠢᠯ ᠤᠨ ᠲᠠᠭᠤᠨ ᠦᠭᠡᠢ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠪᠠᠶᠢᠵᠤ ᠮᠡᠲᠡᠨ᠎ᠡ᠃ ᠡᠯᠲᠡᠪ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠶᠢ ᠦᠭᠦᠯᠡᠬᠦ ᠦᠶ᠎ᠡ ᠳᠡᠭᠡᠨ ᠭᠠᠷ ᠪᠠ ᠬᠤᠷᠤᠭᠤ ᠶᠢᠨ ᠬᠦᠲᠡᠯᠦᠯ᠂ ᠨᠢᠲᠦ ᠨᠢᠭᠤᠷ ᠤᠨ ᠤᠯᠠᠨ ᠵᠦᠢᠯ ᠤᠨ ᠢᠯᠡᠷᠡᠯ ᠢᠶᠠᠷ ᠬᠠᠮᠵᠢᠭᠤᠯᠲᠠᠭ ᠪᠠᠶᠢᠨ᠎ᠠ᠃ᠨᠢᠭᠡᠨ ᠶᠠᠪᠠ ᠬᠦᠮᠦᠨ ᠨᠡᠶᠢᠭᠡᠮ ᠤᠨ ᠵᠤᠬᠢᠰᠳᠡᠢ ᠠᠵᠢᠯᠯᠠᠭᠠᠨ ᠳᠤ ᠤᠷᠤᠯᠴᠠᠳᠠᠭ ᠪᠠᠶᠢᠵᠡᠢ᠃ ᠮᠡᠰᠢᠨ ᠵᠢᠯᠤᠭᠤᠳᠬᠤ᠂ ᠫᠤᠤ ᠬᠠᠷᠪᠤᠬᠤ ᠵᠡᠷᠬᠡ᠃ ᠳᠠᠷᠨ ᠠᠵᠢᠯᠯᠠᠵᠤ ᠪᠠᠶᠢᠭ᠎ᠠ ᠮᠡᠰᠢᠨ ᠤ ᠡᠷᠴᠢᠯᠡᠬᠦᠷ ᠬᠦᠷᠲᠦ ᠶᠢᠨ ᠡᠷᠬᠢᠯᠳᠡ ᠶᠢ ᠢᠯᠡᠳᠬᠡᠭᠰᠡᠨ ᠭᠠᠭᠴᠠ ᠦᠶᠠᠲᠦ ᠦᠬᠡ ᠲᠠᠢ᠃ ᠭᠠᠯ ᠫᠤᠤ ᠶᠢᠨ ᠢᠳᠡᠰᠢ ᠬᠠᠷᠪᠤᠭᠳᠡᠨ ᠶᠠᠪᠤᠭᠰᠠᠨ ᠦᠶᠠᠰ ᠤᠨ ᠪᠠᠶᠢᠳᠡᠯ ᠢ ᠦᠬᠦᠯᠡᠵᠤ ᠢᠯᠡᠳᠬᠡᠬᠦ ᠳᠡᠭᠡᠨ ᠤᠭᠵᠤᠮ ᠦᠯᠢᠶᠠᠵᠤ ᠬᠤᠶᠠᠷ ᠭᠠᠷ ᠢᠶᠠᠨ ᠠᠯᠳᠠᠯᠠᠰᠬᠢᠨ ᠬᠤᠶᠠᠷ ᠠᠯᠠᠭ᠎ᠠ  ᠪᠠᠨ ᠳᠡᠯᠬᠡᠰᠬᠢᠵᠤ᠂ ᠠᠮᠨ ᠪᠠᠨ ᠠᠩᠭᠠᠰ ᠬᠡᠬᠦ ᠶᠢᠨ ᠵᠡᠷᠬᠡ ᠳᠤ ᠬᠠᠮᠬᠢᠭᠠᠳ ᠨᠢᠭᠤᠷ ᠤᠨ ᠲᠦᠷᠬᠦᠬᠢᠵᠤ ᠠᠪᠳᠠᠭ ᠪᠠᠶᠢᠨ᠎ᠠ᠂ ᠠᠳᠡᠬᠢ ᠭᠠᠷ ᠪᠠ ᠨᠢᠭᠤᠷ ᠤᠨ ᠢᠯᠡᠷᠡᠯ ᠤᠨ ᠬᠠᠮᠵᠢᠯᠴᠠᠭ᠎ᠠ ᠶᠢ ᠬᠠᠰᠤᠪᠠᠯ᠂ ᠦᠯᠡᠳᠡᠬᠦ ᠦᠬᠡ ᠨᠢ ᠵᠦᠪᠬᠡᠨ᠂ ᠡᠬᠡᠰᠢᠭ ᠠᠪᠢᠶ᠎ᠠ ᠨᠢ ᠮᠡᠰᠢ ᠪᠠᠯᠠᠷᠬᠠᠢ᠂ ᠬᠡᠶᠢᠬᠦᠯᠦᠭᠴᠢ ᠠᠪᠢᠶ᠎ᠠ ᠶᠢᠨ ᠤᠡᠴᠠᠯᠢᠭ ᠢᠶᠠᠷ ᠳᠤᠪᠤᠶᠢᠮ᠎ᠠ᠂ ᠳᠡᠮᠡᠢ ᠴᠦ ᠳᠡᠭᠤᠨ ᠴᠢᠮᠡᠭᠡ ᠦᠭᠡᠢ᠂ ᠤᠭᠵᠤᠮ ᠦᠯᠢᠶᠠᠵᠤ ᠠᠪᠢᠶᠠᠯᠠᠳᠠᠭ᠂ ᠭᠠᠭᠴᠠ ᠦᠶᠠᠲᠦ ᠦᠬᠡ ᠪᠤᠯᠤᠨ᠎ᠠ᠃ ᠭᠠᠯ ᠫᠤᠤ ᠶᠢᠨ ᠢᠳᠡᠰᠢ ᠬᠠᠷᠪᠤᠭᠳᠡᠨ ᠶᠠᠪᠤᠭᠰᠠᠨ ᠪᠠ ᠤᠭᠵᠤᠮ ᠦᠯᠢᠶᠠᠬᠦ ᠬᠤᠶᠠᠷ ᠦᠵᠡᠭᠳᠡᠯ ᠢ ᠨᠢᠬᠡ ᠨᠢᠬᠡ ᠶᠢᠨ ᠬᠠᠷᠡᠭᠠᠯᠵᠠᠯᠠᠯ ᠳᠤ ᠳᠠᠳᠬᠠᠯᠰᠢᠳᠡᠯ᠎ᠠ ᠬᠡᠷᠡᠭᠯᠡᠪᠡᠯ᠂ ᠨᠢᠬᠡᠨ ᠦᠵᠡᠭᠳᠡᠯ ᠢ ᠳᠤᠰᠬᠠᠭᠰᠠᠨ ᠨᠢᠬᠡᠨ ᠭᠠᠭᠴᠠ ᠦᠶᠠᠲᠦ ᠦᠬᠡ ᠳᠤᠭᠳᠡᠪᠤᠷᠢᠵᠢᠵᠤ ᠪᠤᠯᠤᠨ᠎ᠠ᠃ ᠬᠡᠳᠡᠯ᠎ᠠ ᠫᠤᠤᠳᠠᠭᠰᠠᠨ ᠰᠢᠯᠳᠡᠭᠠᠨ ᠠᠴᠠ ᠡᠬᠦᠰᠴᠤ ᠫᠤᠤ ᠶᠢᠨ ᠠᠮᠠᠨ ᠤ ᠡᠰᠡᠷᠬᠦ ᠪᠠᠶᠢᠷᠢ ᠳᠤ ᠪᠤᠯᠤᠭᠰᠠᠨ ᠪᠠᠶᠢᠳᠡᠯ ᠤᠳ᠂ ᠡᠰᠡᠬᠦᠯ᠎ᠠ ᠫᠤᠤᠳᠠᠭᠰᠠᠨ ᠤ ᠳᠠᠷᠡᠭᠠᠬᠢ ᠦᠷ᠎ᠠ ᠳ᠋ᠦᠩ ᠠᠴᠠ ᠪᠤᠯᠤᠭᠰᠠᠨ ᠫᠤᠤᠴᠢ ᠶᠢᠨ ᠪᠤᠳᠤᠯ ᠰᠡᠳᠬᠢᠯ ᠳᠤ ᠲᠦᠷᠦᠭᠳᠡᠭᠰᠡᠨ ᠪᠠᠶᠢᠳᠡᠯ ᠤᠳ ᠢ ᠴᠦᠮ ᠡᠨᠡᠬᠦ ᠤᠭᠵᠤᠮ ᠦᠯᠢᠶᠠᠵᠤ ᠠᠪᠢᠶᠠᠯᠠᠬᠤ ᠭᠠᠭᠴᠠ ᠦᠶᠠᠲᠦ ᠦᠬᠡ ᠪᠠᠷ ᠤᠴᠢᠵᠤ ᠢᠯᠡᠳᠬᠡᠵᠤ ᠪᠠᠶᠢᠪᠠᠯ᠂ ᠡᠨᠡᠬᠦ ᠭᠠᠭᠴᠠ ᠦᠶᠠᠲᠦ ᠦᠬᠡ ᠨᠢ ᠬᠠᠷᠢᠨ ᠤᠯᠠᠨ ᠤᠳᠬ᠎ᠠ ᠲᠠᠢ ᠦᠬᠡ ᠪᠤᠯᠴᠢᠬᠠᠨ᠎ᠠ᠃ ᠳᠡᠬᠡᠪᠡᠯ᠂ ᠦᠬᠦᠯᠡᠭᠴᠢ ᠠᠴᠠ ᠡᠨᠡᠬᠦ ᠭᠠᠭᠴᠠ ᠦᠶᠠᠲᠦ ᠦᠬᠡ ᠶᠢ ᠴᠤᠬᠤᠮ ᠠᠯᠢ ᠠᠳᠬ᠎ᠠ ᠪᠠᠷ ᠨᠢ ᠬᠡᠷᠡᠭᠯᠡᠭᠰᠡᠨ ᠪᠤᠢ︖ ᠬᠡᠳᠡᠭ ᠨᠢ ᠶᠡᠭᠡ ᠪᠤᠳᠤᠯᠢᠶᠠᠠᠳᠡᠢ ᠶᠠᠪᠤᠳᠡᠯ ᠪᠤᠯᠵᠤ᠂ ᠰᠤᠨᠤᠰᠤᠭᠴᠢ ᠬᠠᠷᠢᠨ ᠶᠠᠭᠤ ᠴᠦ ᠤᠶᠢᠯᠠᠭᠠᠬᠤ ᠦᠭᠡᠢ ᠬᠡᠮᠵᠢᠶᠠᠨ ᠳᠤ ᠬᠦᠷᠳᠡᠭ ᠪᠠᠶᠢᠨ᠎ᠠ᠃ ᠬᠡᠳᠡᠯ᠎ᠠ᠂ ᠦᠬᠡ ᠬᠡᠯᠡᠨ ᠤ ᠨᠦᠯᠦᠬᠡ ᠶᠢ ᠬᠦᠷᠳᠡᠭᠰᠡᠨ ᠦᠭᠡᠢ ᠬᠦᠮᠦᠰ ᠤᠨ ᠬᠤᠪᠢ ᠠᠴᠠ ᠠᠪᠴᠤ ᠦᠵᠡᠪᠡᠯ ᠦᠬᠡ ᠬᠡᠯᠡᠨ ᠤ ᠳᠤᠬᠠᠢ ᠳᠡᠳᠡᠨ ᠤ ᠤᠪᠤᠷ ᠨᠢ ᠪᠠᠶᠠᠴᠢ ᠠᠴᠠ ᠡᠬᠦᠰᠬᠦ ᠶᠢ ᠭᠤᠤᠯ ᠪᠤᠯᠭᠠᠵᠤ ᠪᠠᠶᠢᠭᠰᠠᠨ ᠰᠢᠭ᠋ ᠰᠠᠨᠠᠭᠳᠡᠨ᠎ᠠ ᠂ ᠳᠠᠷᠤᠢ ᠳᠠᠳᠠ ᠶᠠᠮᠠᠷ ᠨᠢᠬᠡᠨ ᠠᠪᠢᠶ᠎ᠠ ᠶᠢ ᠠᠪᠢᠶᠠᠯᠠᠵᠤ ᠭᠠᠷᠭᠠᠭᠰᠠᠨ ᠨᠢ ᠰᠡᠳᠬᠢᠯ ᠪᠤᠳᠤᠯ ᠳᠠᠬᠢ ᠠᠭᠤᠯᠭ᠎ᠠ  ᠨᠤᠭᠤᠳ ᠤᠨ ᠳᠤᠳᠤᠷ᠎ᠠ ᠠᠴᠠ ᠳᠤᠭᠠᠴᠢᠵᠤ ᠭᠠᠷᠭᠠᠬᠤ ᠭᠡᠵᠤ ᠪᠤᠳᠤᠭᠰᠠᠨ ᠠᠯᠢ ᠨᠢᠬᠡᠨ ᠦᠵᠡᠭᠳᠡᠯ ᠪᠠᠶᠢᠳᠡᠯ ᠢ ᠨᠢᠬᠡᠨᠳᠡ ᠪᠤᠰᠤᠳ ᠲᠤ ᠦᠬᠦᠯᠡᠵᠤ ᠳᠤᠰᠬᠠᠴᠢᠬᠠᠵᠠᠢ ᠭᠡᠵᠤ ᠦᠵᠡᠬᠡᠳ᠂ ᠪᠤᠰᠤᠳ ᠤᠨ ᠤᠶᠢᠯᠠᠭᠠᠭᠰᠠᠨ ᠡᠰᠡᠬᠦ ᠶᠢ ᠬᠠᠷᠢᠨ ᠦᠯᠤ ᠬᠠᠶᠢᠬᠤᠷᠳᠠᠭ ᠤᠪᠤᠷ ᠲᠠᠢ ᠪᠠᠶᠢᠵᠤ ᠮᠡᠳᠡᠨ᠎ᠠ᠃ ᠳᠡᠳᠡᠨ ᠤ ᠰᠡᠳᠬᠢᠬᠦᠢ ᠨᠢ ᠬᠡᠢ ᠬᠤᠭᠤᠰᠤᠨ ᠪᠢᠰᠢ᠂ ᠬᠠᠷᠢᠨ ᠨᠠᠯᠢᠶᠠᠳ ᠪᠠᠶᠠᠯᠢᠭ ᠪᠤᠳᠠᠳᠤ ᠠᠭᠤᠯᠭ᠎ᠠ ᠲᠠᠢ ᠪᠠᠶᠢᠭ᠎ᠠ ᠨᠢ ᠠᠩᠬᠠᠷᠤᠯ ᠳᠤ ᠮᠡᠳᠡᠭᠳᠡᠵᠤ ᠪᠠᠶᠢᠳᠠᠭ᠃ ᠳᠡᠶᠢᠮᠤ  ᠠᠴᠠ ᠳᠡᠳᠡᠨ ᠤ ᠦᠬᠦᠯᠡᠭᠰᠡᠨ ᠠᠪᠢᠶ᠎ᠠ ᠳᠤᠬᠢᠶ᠎ᠠ ᠨᠢ ᠪᠤᠳᠠᠳᠤ ᠤᠳᠬ᠎ᠠ ᠠᠭᠤᠯᠭ᠎ᠠ ᠶᠢ ᠢᠯᠡᠳᠬᠡᠬᠦ ᠵᠤᠷᠢᠯᠭ᠎ᠠ ᠠᠴᠠ ᠡᠬᠦᠰᠴᠤ ᠪᠠᠶᠢᠭ᠎ᠠ ᠶᠤᠮ᠃ ᠮᠠᠨ ᠤ ᠤᠳᠤᠬᠢ ᠬᠡᠯᠡᠨ ᠤ ᠰᠡᠳᠬᠢᠬᠦᠢ ᠤᠶᠢᠯᠠᠭᠠᠭᠰᠠᠨ ᠦᠭᠡᠢ ᠠᠴᠠ ᠪᠤᠯᠵᠤ ᠳᠡᠳᠡᠨ ᠤ ᠦᠬᠦᠯᠡᠭᠰᠡᠨ ᠠᠪᠢᠶ᠎ᠠ ᠳᠤᠬᠢᠶ᠎ᠠ ᠨᠢ ᠤᠳᠬ᠎ᠠ ᠠᠭᠤᠯᠭ᠎ᠠ ᠦᠭᠡᠢ ᠪᠤᠯᠴᠢᠬᠠᠬᠤ ᠪᠢᠰᠢ᠂ ᠬᠠᠷᠢᠨ ᠤᠳᠬ᠎ᠠ ᠠᠭᠤᠯᠭ᠎ᠠ  ᠲᠠᠢ ᠭᠡᠵᠤ ᠦᠵᠡᠪᠡᠯ ᠰᠠᠶ᠋ᠢ ᠵᠤᠩᠬᠢᠯᠠᠬᠤ ᠳᠡᠯ᠎ᠠ ᠪᠠᠷ ᠪᠤᠳᠡᠳᠡᠢ ᠳᠤ ᠨᠠᠶᠢᠴᠡᠨ᠎ᠠ᠃ ᠳᠡᠳᠡᠨ ᠳᠤ ᠶᠠᠷᠤᠨᠢ ᠦᠬᠡ ᠶᠢᠨ ᠠᠴᠢᠶᠠᠯᠠᠵᠤ ᠳᠡᠶᠢᠯᠡᠬᠦᠶᠢᠴᠡ ᠤᠳᠬ᠎ᠠ ᠠᠭᠤᠯᠭ᠎ᠠ ᠶᠢᠨ ᠳᠡᠭᠠᠭᠠᠴᠠ ᠶᠢ ᠦᠷᠦᠬᠡᠰᠦᠯ ᠢᠶᠠᠷ ᠳᠡᠩᠳᠡᠬᠦᠤ ᠦᠷᠬᠡᠳᠬᠡᠳᠡᠭ ᠵᠡᠷᠬᠡ ᠳᠡᠨᠢᠯᠳᠡ ᠶᠢᠨ ᠬᠢᠵᠠᠭᠠᠷᠳᠡᠮᠡᠯ ᠳᠡᠯ᠎ᠠ ᠲᠠᠢ ᠪᠠᠶᠢᠵᠤ ᠮᠡᠳᠡᠬᠦ ᠶᠤᠮ᠃ᠦᠭᠡ ᠬᠡᠯᠨ ᠪᠤᠢ ᠪᠤᠯᠬᠤ ᠠᠴᠠ ᠡᠮᠦᠨᠡᠬᠢ ᠶᠡᠭᠡ ᠡᠷᠲᠡᠨ ᠤ ᠬᠦᠮᠦᠰ ᠲᠤ ᠪᠤᠯᠪᠠᠰᠤᠷᠠᠩᠭᠤᠢ ᠦᠭᠡ ᠬᠡᠯᠡᠨ ᠤ ᠤᠷᠴᠢᠨ ᠲᠤᠭᠤᠷᠢᠨ ᠭᠡᠵᠤ ᠪᠠᠶᠢᠭᠰᠠᠨ ᠦᠭᠡᠢ᠂ ᠤᠲᠤᠬᠢ ᠶᠠᠪᠠ ᠬᠦᠮᠦᠨ ᠤᠲᠤᠬᠢ ᠦᠭᠡ ᠬᠡᠯᠡᠨ ᠤ ᠪᠤᠯᠪᠠᠰᠤᠷᠠᠩᠭᠤᠢ ᠲᠠᠭᠤ ᠠᠪᠢᠶᠠᠨ ᠤ ᠨᠦᠯᠦᠭᠡ ᠶᠢ ᠤᠯᠵᠤ ᠬᠦᠷᠲᠡᠵᠦ ᠴᠢᠲᠠᠬᠤ ᠦᠭᠡᠢ᠃ ᠡᠨᠡ ᠬᠤᠶᠠᠷ ᠪᠠᠶᠢᠲᠠᠯ  ᠳᠠᠬᠢ ᠬᠦᠮᠦᠰ ᠤᠨ ᠦᠭᠡ ᠬᠡᠯᠡᠨ ᠤ ᠤᠷᠴᠢᠨ ᠨᠢ ᠵᠢᠭᠠᠬᠠᠨ ᠴᠦ ᠭᠡᠰᠡᠨ ᠠᠳᠠᠯᠢᠪᠲᠤᠷ ᠲᠠᠯ᠎ᠠ ᠲᠠᠢ᠂ ᠡᠨᠡ ᠰᠦᠪᠡᠭᠴᠢ ᠪᠠᠷ ᠰᠢᠵᠢᠮᠵᠢᠯᠡᠵᠦ᠂ ᠶᠡᠭᠡ ᠡᠷᠲᠡᠨ ᠤ ᠬᠦᠮᠦᠰ ᠤᠨ ᠦᠭᠡ ᠬᠡᠯᠡᠨ ᠤ ᠲᠤᠬᠠᠢ ᠤᠪᠤᠷ ᠢ ᠰᠢᠨᠵᠢᠨ ᠪᠠᠷᠤᠭᠯᠠᠵᠤ ᠪᠤᠯᠤᠨ᠎ᠠ᠃ ᠦᠭᠡ ᠬᠡᠯᠡᠨ ᠤ ᠬᠦᠯᠢᠶᠡᠰᠦᠯᠡᠯ ᠳᠤ ᠤᠷᠤᠭᠠᠲᠤᠢ ᠬᠦᠮᠦᠰ ᠲᠤ ᠨᠢᠬᠡᠨ ᠰᠡᠳᠭᠢᠭᠦᠢ ᠶᠢᠨ ᠴᠢᠯᠦᠭᠡᠲᠦ ᠤᠷᠤᠨ ᠵᠠᠢ ᠲᠠᠢ ᠪᠠᠶᠢᠲᠠᠭ ᠶᠤᠮ ᠪᠠᠶᠢᠨ᠎ᠠ᠃ ᠲᠡᠲᠡ ᠡᠨᠡᠬᠦ ᠴᠢᠯᠦᠭᠡᠲᠦ ᠰᠡᠳᠭᠢᠭᠦᠢ ᠪᠠᠨ ᠠᠰᠢᠭᠯᠠᠵᠤ᠂ ᠴᠢᠯᠦᠭᠡᠲᠡᠢ ᠪᠠᠷ ᠦᠭᠡ ᠬᠡᠯᠡᠨ ᠤ ᠲᠤᠬᠢᠶ᠎ᠠ ᠡᠭᠦᠳᠴᠦ᠂ ᠴᠢᠯᠦᠭᠡᠲᠡᠢ ᠪᠠᠷ ᠬᠡᠷᠡᠭᠯᠡᠵᠦ ᠪᠠᠶᠢᠪᠠᠯ ᠰᠠᠶ᠋ᠢ ᠦᠭᠦᠯᠡᠬᠦ ᠡᠷᠭᠡᠲᠡᠨ ᠤ ᠴᠢᠲᠠᠪᠬᠢ ᠵᠡᠷᠭᠡ ᠤᠯᠠᠨ ᠲᠠᠯ᠎ᠠ ᠪᠠᠨ ᠲᠡᠭᠡᠭᠰᠢᠯᠡᠭᠦᠯᠵᠦ ᠪᠤᠲᠤᠯ ᠰᠠᠨᠠᠯ ᠢᠶᠠᠨ ᠨᠡᠩ ᠢᠯᠭᠤᠮ ᠰᠢᠯᠤᠭᠤᠨ ᠰᠤᠯᠢᠯᠴᠠᠵᠤ ᠴᠢᠲᠠᠬᠤ ᠪᠤᠯᠤᠯᠴᠠᠭ᠎ᠠ ᠲᠠᠢ ᠵᠦᠭ ᠲᠡᠭᠡᠨ ᠬᠦᠭᠵᠢᠵᠦ ᠴᠢᠲᠠᠨ᠎ᠠ᠃ ᠨᠡᠯᠢᠶᠡᠳ ᠡᠷᠲᠡᠨ ᠤ ᠬᠦᠮᠦᠰ ᠲᠤ ᠶᠠᠮᠠᠷ ᠨᠢᠭᠡᠨ ᠪᠤᠯᠪᠠᠰᠤᠷᠠᠭᠰᠠᠨ ᠬᠡᠯᠡᠨ ᠤ ᠤᠷᠴᠢᠨ ᠲᠤᠭᠤᠷᠢᠨ ᠭᠡᠵᠦ ᠪᠠᠶᠢᠭᠰᠠᠨ ᠦᠭᠡᠢ ᠨᠢ ᠯᠠᠪᠲᠠᠢ᠃ ᠨᠡᠶᠢᠭᠡᠮᠴᠢᠯᠡᠭᠰᠡᠨ ᠦᠭᠡ ᠬᠡᠯᠡᠨ ᠤ ᠲᠦᠯᠦᠪᠰᠢᠷᠡᠯ ᠪᠤᠢ ᠪᠤᠯᠬᠤ ᠠᠴᠠ ᠤᠷᠢᠳ ᠬᠦᠮᠦᠰ ᠪᠡᠶᠡᠴᠢ ᠤᠪᠤᠷ ᠠᠴᠠ ᠡᠭᠦᠰᠦᠨ ᠦᠭᠡ ᠬᠡᠯᠡᠨ ᠤ ᠦᠵᠡᠭᠲᠡᠯ ᠢ ᠰᠡᠲᠦᠵᠦ᠂ ᠦᠪᠡᠰᠦᠪᠡᠨ ᠦᠭᠦᠯᠡᠵᠦ ᠦᠪᠡᠰᠦᠪᠡᠨ ᠭᠤᠤᠯᠲᠠᠢ ᠤᠶᠢᠯᠠᠭᠠᠵᠤ ︵ᠡᠨᠡ ᠨᠢ ᠮᠥᠨ ᠴᠦ ᠦᠭᠡ ᠬᠡᠯᠨ ᠪᠤᠢ ᠪᠤᠯᠬᠤ ᠶᠢᠨ ᠤᠷᠢᠲᠠᠯ ᠨᠦᠭᠦᠴᠡᠯ ᠤᠨ ᠨᠢᠭᠡ ᠨᠢ ᠪᠠᠶᠢᠵᠤ ᠮᠡᠲᠡᠨ᠎ᠡ︶ ᠪᠠᠶᠢᠭᠰᠠᠨ ᠰᠢᠭ᠋ ᠰᠠᠨᠠᠭᠲᠠᠨ᠎ᠠ᠃ ᠭᠡᠪᠡᠴᠦ ᠲᠡᠷᠨ ᠨᠢ᠂ ᠨᠢᠭᠡ ᠲᠠᠯ᠎ᠠ ᠪᠠᠷ ᠦᠭᠡ ᠬᠡᠯᠨ ᠪᠠᠷ ᠬᠠᠷᠢᠯᠴᠠᠬᠤ ᠲᠤᠬᠠᠢ ᠪᠡᠶᠡᠴᠢ ᠴᠢᠲᠠᠪᠬᠢ ᠪᠠᠨ ᠠᠶᠠᠨᠲᠠᠭᠠᠨ ᠲᠡᠭᠡᠭᠰᠢᠯᠡᠭᠦᠯᠵᠦ᠂ ᠨᠦᠭᠦᠭᠡ ᠲᠠᠯ᠎ᠠ ᠪᠠᠷ ᠦᠭᠡ ᠬᠡᠯᠡᠨ ᠤ ᠪᠡᠯᠭᠡ ᠲᠡᠮᠲᠡᠭ ᠪᠤᠯᠬᠤᠶᠢᠴᠠ ᠡᠯᠲᠡᠪ ᠵᠦᠢᠯ ᠤᠨ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠶᠢ ᠢᠲᠡᠪᠬᠢᠲᠡᠢ ᠡᠭᠦᠳᠴᠦ ᠭᠡᠷᠡᠭᠯᠡᠨ᠂ ᠦᠭᠡ ᠬᠡᠯᠨ ᠪᠦᠷᠢᠯᠲᠦᠨ ᠲᠤᠭᠲᠠᠨᠢᠬᠤ ᠰᠠᠭᠤᠷᠢ ᠶᠢ ᠠᠶᠠᠨᠲᠠᠭᠠᠨ ᠴᠤᠡᠡᠴᠠᠯᠠᠵᠤ ᠪᠠᠶᠢᠭᠰᠠᠨ ᠦᠢᠯᠡᠲᠦᠯ ᠲᠠᠢ ᠭᠡᠵᠦ ᠰᠠᠨᠠᠭᠲᠠᠨ᠎ᠠ᠃ ᠬᠠᠷᠢᠨ ᠲᠡᠲᠡᠨ ᠤ ᠠᠮᠢᠲᠤᠷᠠᠯ ᠠᠴᠠ ᠲᠦᠷᠦᠭᠲᠡᠭᠰᠡᠨ ᠰᠡᠳᠭᠢᠭᠦᠢ ᠶᠢᠨ ᠠᠭᠤᠯᠭ᠎ᠠ ᠨᠢ ᠨᠡᠯᠢᠶᠡᠳ ᠪᠠᠶᠠᠯᠢᠭᠵᠢᠭᠰᠠᠨ ᠶᠤᠮ᠂ ᠡᠭᠦᠨ ᠠᠴᠠ ᠰᠢᠯᠲᠠᠭᠠᠯᠠᠭᠲᠠᠵᠤ᠂ ᠲᠡᠲᠡᠨ ᠤ ᠡᠭᠦᠲᠦᠭᠰᠡᠨ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠨᠤᠭᠤᠳ ᠨᠢ ᠲᠤᠬᠠᠢ ᠶᠢᠨ ᠦᠶ᠎ᠡ  ᠳᠡᠭᠡᠨ ᠪᠦᠷ ᠴᠦ ᠶᠠᠮᠠᠷ ᠨᠢᠭᠡᠨ ᠬᠡᠷᠡᠭ ᠪᠤᠲᠠᠰ ᠦᠵᠡᠭᠲᠡᠯ ᠢ ᠲᠤᠰᠬᠠᠭᠰᠠᠨ ᠤᠳᠬ᠎ᠠ ᠠᠭᠤᠯᠭ᠎ᠠ ᠲᠠᠢ ᠪᠠᠶᠢᠭᠰᠠᠨ ᠪᠤᠶᠤ ᠡᠰᠡᠭᠦᠯ᠎ᠡ ᠨᠢᠭᠡᠯᠨ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠨᠢ ᠨᠡᠯᠢᠶᠡᠳ ᠤᠯᠠᠨ ᠬᠡᠷᠡᠭ ᠦᠵᠡᠭᠲᠡᠯ ᠢ ᠲᠤᠰᠬᠠᠭᠰᠠᠨ ᠤᠳᠬ᠎ᠠ ᠠᠭᠤᠯᠭ᠎ᠠ ᠲᠠᠢ ᠪᠠᠶᠢᠵᠤ ᠮᠡᠲᠡᠬᠦ ᠶᠤᠮ᠃ ᠶᠠᠮᠠᠷ ᠪᠠᠶᠢᠯ᠎ᠠ ᠭᠡᠳ᠂ ᠲᠡᠲᠡ ᠲᠡᠶᠢᠨᠬᠦ ᠪᠡᠶᠡᠴᠢ ᠤᠪᠤᠷ ᠤᠨ ᠬᠦᠯᠢᠶᠡᠰᠦᠯᠡᠯ  ᠠᠴᠠ ᠲᠠᠪᠠᠭ᠋ᠤ ᠦᠭᠡᠢ ᠪᠤᠯ ᠲᠡᠲᠡᠭᠡᠷ ᠠᠪᠢᠶ᠎ᠠ ᠲᠤᠬᠢᠶᠠᠨ ᠳᠤ ᠪᠠᠨ ᠬᠠᠷᠠᠭᠠᠯᠵᠠᠭᠰᠠᠨ ᠦᠵᠡᠯ ᠰᠠᠨᠠᠭᠠᠨ ᠤ ᠠᠭᠤᠯᠭ᠎ᠠ  ᠶᠢ ᠬᠡᠯᠡᠨ ᠤ ᠠᠷᠭ᠎ᠠ ᠪᠠᠷ ᠪᠤᠰᠤᠳ ᠲᠤ ᠢᠯᠡᠳᠭᠡᠬᠦ ᠳᠤ ᠪᠡᠷᠭᠡᠲᠡᠬᠦ ᠪᠤᠯᠤᠨ᠎ᠠ᠃ ᠲᠡᠲᠡ ᠶᠠᠮᠠᠷ ᠨᠢᠭᠡ ᠠᠷᠭ᠎ᠠ ᠲᠤᠬᠢᠶᠠᠯᠲᠤᠯ ᠢᠶᠠᠷ ᠡᠨᠡᠬᠦ ᠪᠠᠶᠡᠴᠢ ᠤᠪᠤᠷ ᠠᠴᠠ ᠠᠩᠬᠢᠵᠢᠷᠠᠵᠤ ᠴᠢᠲᠠᠭᠠᠳ᠂ ᠲᠡᠲᠡᠨ ᠤ ᠦᠭᠦᠯᠡᠭᠰᠡᠨ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠵᠢᠴᠢ ᠲᠡᠭᠦᠨ ᠳᠤ ᠨᠢ ᠲᠤᠰᠬᠠᠭᠲᠠᠭᠰᠠᠨ ᠠᠭᠤᠯᠭ᠎ᠠ ᠨᠢ ᠦᠪᠡᠷ ᠪᠤᠰᠤᠳ ᠤᠨ ᠲᠠᠨᠢᠯᠲᠡ ᠳᠤ ᠵᠡᠷᠭᠡ ᠪᠠᠷ ᠬᠠᠷᠢᠶᠠᠯᠠᠭᠲᠠᠬᠤ ᠦᠶᠡᠰ ᠰᠠᠶ᠋ᠢ ᠦᠭᠡ ᠬᠡᠯᠨ ᠪᠠᠷ ᠰᠠᠨᠠᠯ ᠪᠤᠲᠤᠯ ᠢᠶᠠᠨ ᠰᠤᠯᠢᠯᠴᠠᠬᠤ ᠪᠤᠯᠤᠯᠴᠠᠭ᠎ᠠ ᠲᠠᠢ ᠪᠤᠯᠲᠠᠭ᠃ ᠬᠡᠯᠨ ᠰᠤᠯᠢᠯᠴᠠᠬᠤ ᠵᠤᠷᠢᠯᠭᠠᠲᠤ ᠠᠵᠢᠯᠯᠠᠭᠠᠨ ᠤ ᠶᠠᠪᠤᠴᠠ ᠳᠤ ᠲᠡᠲᠡᠭᠡᠷ ᠪᠡᠶ᠋ᠴᠢ ᠲᠠᠯ᠎ᠠ ᠠᠴᠠ ᠰᠠᠲᠦᠵᠦ ᠬᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠶᠢᠨ ᠦᠵᠡᠯ ᠰᠠᠨᠠᠭᠠᠨ ᠤ ᠠᠭᠤᠯᠭ᠎ᠠ ᠨᠢ ᠨᠡᠶᠢᠲᠡᠯᠢᠭ ᠤᠨᠴᠠᠯᠢᠭ ᠢᠶᠠᠨ ᠲᠦᠰᠢᠯᠴᠡᠵᠦ ᠬᠡᠯᠨ ᠰᠤᠯᠢᠯᠴᠠᠭᠠᠨ ᠤ ᠦᠢᠯᠡᠲᠦᠯ ᠭᠠᠷᠭᠠᠬᠤ ᠦᠶᠡᠰ᠂ ᠬᠦᠮᠦᠰ ᠲᠤ ᠬᠡᠯᠡᠨ ᠤ ᠨᠡᠶᠢᠭᠡᠮᠴᠢ ᠰᠢᠨᠵᠢ ᠶᠢᠨ ᠲᠤᠬᠠᠢ ᠠᠩᠬᠠᠨ ᠤ ᠤᠬᠠᠯ ᠰᠡᠷᠡᠭᠲᠡᠵᠦ ᠪᠤᠯᠤᠨ᠎ᠠ᠃ ᠡᠨᠡ ᠰᠠᠭᠤᠷᠢ ᠲᠡᠭᠡᠷ᠎ᠡ᠂ ᠬᠡᠯᠡᠨ ᠤ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠪᠠ ᠪᠠᠶᠢᠭᠠᠯᠢ ᠶᠢᠷᠲᠢᠨᠴᠦ ᠶᠢᠨ ᠬᠡᠷᠡᠭ ᠦᠵᠡᠭᠲᠡᠯ ᠤᠨ ᠬᠤᠯᠪᠤᠭᠲᠠᠯ ᠢ ᠦᠭᠡ ᠬᠡᠯᠡᠨ ᠤ ᠬᠤᠪᠢ ᠠᠴᠠ ᠨᠡᠶᠢᠭᠡᠮᠴᠢᠯᠡᠵᠦ ᠡᠬᠢᠯᠡᠬᠦ ᠲᠡᠯᠲᠡ ᠪᠠᠯᠠᠷᠬᠠᠢ ᠤᠬᠠᠮᠰᠠᠷ ᠴᠦ ᠭᠡᠰᠡᠨ᠂ ᠵᠠᠷᠢᠮᠲᠤᠭ ᠴᠦ ᠪᠤᠯᠤᠭ ᠲᠦᠷᠦᠭᠲᠡᠵᠦ ᠯᠠ ᠪᠠᠶᠢᠮᠠᠨᠵᠢᠨ ᠰᠠᠶ᠋ᠢ ᠨᠡᠶᠢᠭᠡᠮ  ᠤᠨ ᠦᠭᠡ ᠬᠡᠯᠨ ᠪᠤᠢ ᠪᠤᠯᠬᠤ ᠬᠠᠨᠲᠤᠯᠭ᠎ᠠ ᠲᠠᠢ ᠪᠤᠯᠵᠤ ᠪᠤᠯᠤᠨ᠎ᠠ᠃ ᠭᠡᠪᠡᠴᠦ ᠶᠠᠮᠠᠷ ᠨᠢᠬᠡᠨ ᠰᠠᠶᠢᠨ ᠪᠠᠶᠢᠲᠠᠯ ᠨᠢ ᠭᠡᠳ ᠭᠡᠴᠢᠨᠡᠨ ᠤᠯᠠᠨ ᠤᠲᠠᠭᠠᠨ ᠤ ᠲᠡᠭᠢᠨ ᠲᠠᠪᠲᠠᠯᠲᠠ ᠶᠢ ᠦᠩᠭᠡᠷᠡᠭᠡᠭᠡᠳ ᠰᠠᠶ᠋ᠢ ᠵᠤᠬᠢᠬᠤ ᠠᠯᠬᠤᠮ ᠤᠨ ᠦᠷ᠎ᠡ ᠳ᠋ᠦᠩ ᠢ ᠤᠯᠲᠠᠭ ᠪᠠ ᠡᠰᠡᠬᠦ ᠶᠢ ᠬᠡᠯᠡᠬᠦ ᠳᠤ ᠪᠡᠷᠭᠡ ᠲᠠᠢ᠃ᠶᠡᠭᠡ ᠡᠷᠲᠡᠨ ᠤ ᠮᠤᠩᠭᠤᠯᠴᠤᠳ ᠪᠤᠰᠤᠳᠴᠢ ᠬᠠᠷᠰᠢ ᠰᠠᠭᠠᠳ ᠪᠠ ᠪᠡᠶᠡᠴᠢ ᠤᠪᠤᠷ ᠤᠨ ᠬᠦᠯᠢᠶᠡᠰᠦᠯᠡᠯ ᠵᠡᠷᠭᠡ ᠤᠯᠠᠨ ᠪᠡᠷᠭᠡ ᠬᠦᠴᠢᠷ ᠢ ᠢᠯᠡᠵᠦ᠂ ᠡᠴᠦᠰ ᠲᠡᠭᠡᠨ ᠬᠡᠯᠨ ᠰᠡᠳᠬᠢᠬᠦᠢ ᠶᠢᠨ ᠮᠠᠰᠢ ᠪᠢᠴᠢᠯ ᠰᠤᠷᠠᠭ ᠲᠤᠬᠢᠶ᠎ᠠ ᠶᠢ ᠭᠡᠳ ᠤᠲᠠᠭᠠᠨ ᠤᠨ ᠠᠴᠢᠶᠠᠯᠠᠵᠤ ᠴᠢᠲᠠᠲᠠᠭ ᠵᠡᠷᠭᠡ ᠤᠯᠠᠨ ᠲᠠᠯ᠎ᠠ ᠶᠢᠨ ᠤᠬᠢ ᠴᠢᠳᠡᠪᠬᠢ ᠪᠦᠬᠦᠢ ᠮᠤᠩᠭᠤᠯ ᠦᠬᠡ ᠬᠡᠯᠨ ᠶᠢ ᠡᠬᠦᠳᠴᠤ ᠴᠢᠳᠠᠭᠰᠠᠨ ᠪᠠᠶᠢᠨ᠎ᠠ᠃ ᠡᠬᠦᠨ ᠢ ᠦᠨᠦᠳᠤᠷ ᠤᠨ ᠪᠤᠳᠠᠳᠤ ᠬᠡᠷᠡᠭ ᠬᠡᠷᠡᠴᠢᠯᠠᠳᠡᠭ᠃ ᠡᠨ᠋ᠨ ᠳᠠᠰᠢᠷᠡᠮ ᠢᠶᠠᠷ ᠮᠤᠩᠭᠤᠯ ᠦᠬᠡ ᠬᠡᠯᠨ ᠦᠰᠦᠭ ᠪᠢᠴᠢᠭ ᠤᠨ ᠳᠡᠪᠠᠭᠤᠯᠢᠭ ᠢ ᠠᠩᠬᠠᠷᠬᠤ ᠳᠤ᠂ ᠵᠠᠷᠢᠮ ᠳᠡᠯ᠎ᠠ ᠪᠠᠷ ᠰᠤᠷᠢᠡᠵᠢᠨ ᠪᠦᠰᠡ ᠪᠠ ᠬᠡᠷᠡᠯ ᠳᠠᠪᠠᠭ ᠲᠠᠢ ᠠᠳᠡᠯᠢᠰᠢᠶ᠋ᠵᠤ ᠶᠠᠷᠢᠵᠤ ᠪᠤᠯᠤᠨ᠎ᠠ᠃ ᠳᠠᠷᠨ ᠨᠢ ᠨᠡᠩ ᠲᠦᠬᠡᠮᠡᠯ ᠴᠢᠨᠡᠷ  ᠲᠠᠢ ᠨᠡᠩ ᠪᠠᠶᠢᠭᠠᠯᠢᠯᠢᠭ ᠠᠷᠭ᠎ᠠ ᠠᠪᠴᠢᠯ ᠲᠠᠢ ᠪᠠᠶᠢᠳᠠᠭ ᠢᠶᠠᠷ ᠢᠶᠠᠨ ᠳᠡᠪᠠᠮᠠᠭᠠᠶᠢᠷᠡᠵᠤ ᠴᠢᠳᠠᠳᠠᠭ᠃ᠬᠦᠮᠦᠰ ᠴᠤᠯᠳᠤᠭᠤᠨ ᠠᠪᠢᠶ᠎ᠠ ᠳᠤᠬᠢᠶ᠎ᠠ ᠶᠢ ᠬᠡᠷᠡᠭᠯᠡᠵᠤ ᠴᠢᠳᠡᠬᠤ ᠠᠴᠠ ᠡᠮᠦᠨ᠎ᠠ ᠱᠠᠳᠤᠨ ᠳᠤ ᠬᠤᠯᠢᠮᠠᠭ ᠠᠪᠢᠶ᠎ᠠ ᠶᠢ ᠬᠡᠷᠡᠭᠯᠡᠵᠤ ᠪᠠᠶᠢᠭᠰᠠᠨ ᠨᠢ ᠰᠢᠯᠳᠡᠭᠠᠨ ᠲᠠᠢ ᠶᠤᠮ᠃ ᠨᠢᠬᠡ ᠳᠡᠯ᠎ᠠ ᠪᠠᠷ ᠳᠡᠳᠡᠨ ᠳᠤ ᠳᠡᠭᠤᠷᠢᠶᠠᠯ ᠪᠤᠯᠬᠤᠶᠢᠴᠠ ᠪᠤᠯᠪᠠᠰᠤᠷᠡᠩᠭᠤᠢ ᠦᠬᠡ ᠬᠡᠯᠡᠨ ᠤ ᠤᠷᠴᠢᠨ ᠳᠤᠭᠤᠷᠢᠨ ᠭᠡᠵᠤ ᠪᠠᠶᠢᠭᠰᠠᠨ ᠦᠭᠡᠢ᠃ ᠨᠦᠬᠦᠬᠡ ᠳᠡᠯ᠎ᠠ ᠪᠠᠷ ᠳᠤᠬᠠᠢ  ᠶᠢᠨ ᠦᠶ᠎ᠠ ᠶᠢᠨ ᠬᠦᠮᠦᠰ ᠤᠨ ᠦᠬᠦᠯᠡᠬᠦ ᠡᠷᠬᠡᠳᠡᠨ ᠨᠢ ᠮᠡᠰᠢ ᠤᠯᠠᠨ ᠠᠪᠢᠶ᠎ᠠ ᠳᠡᠭᠤ ᠶᠢ ᠴᠡᠪᠡᠷ ᠴᠡᠬᠡᠯᠬᠡᠨ ᠠᠪᠢᠶᠠᠯᠠᠬᠤ ᠬᠡᠮᠵᠢᠶᠠᠨ ᠳᠤ ᠬᠦᠷᠳᠡᠯ᠎ᠠ ᠪᠤᠯᠪᠠᠰᠤᠷᠠᠭᠠᠳᠤᠢ ᠪᠠᠶᠢᠭᠰᠠᠨ᠃ᠬᠦᠮᠦᠰ ᠬᠤᠯᠢᠮᠠᠭ ᠠᠪᠢᠶ᠎ᠠ ᠶᠢ ᠬᠡᠷᠡᠭᠯᠡᠵᠤ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠴᠤᠯᠳᠤᠭᠤᠨ ᠠᠪᠢᠶ᠎ᠠ ᠶᠢ ᠬᠡᠷᠡᠭᠯᠡᠵᠤ ᠴᠢᠳᠡᠬᠤ ᠪᠤᠯᠤᠭᠰᠠᠨ ᠨᠢ ᠦᠬᠦᠯᠡᠬᠦ ᠡᠷᠬᠡᠳᠡᠨ ᠤ ᠬᠦᠭᠵᠢᠯᠳᠡ ᠶᠢᠨ ᠶᠠᠪᠤᠴᠠ ᠳᠠᠬᠢ ᠨᠢᠬᠡ ᠶᠤᠰᠤᠨ ᠤ ᠦᠷ᠎ᠠ ᠳ᠋ᠦᠩ ᠮᠥᠨ᠃ ᠡᠨᠡᠬᠦ ᠦᠷ᠎ᠠ ᠳ᠋ᠦᠩ ᠳᠤ ᠬᠦᠷᠳᠡᠯ᠎ᠠ ᠬᠦᠮᠦᠨ ᠤ ᠰᠡᠳᠬᠢᠬᠦᠢ ᠵᠡᠷᠬᠡ ᠨᠢ ᠴᠦ ᠮᠡᠰᠢ ᠶᠡᠭᠡ ᠬᠦᠭᠵᠢᠯᠳᠡ ᠪᠠᠨ ᠤᠯᠤᠭᠰᠠᠨ ᠶᠤᠮ᠃ ᠳᠤᠬᠠᠶᠢᠯᠠᠪᠠᠯ᠄ ᠦᠬᠦᠯᠡᠬᠦ ᠡᠷᠬᠡᠳᠡᠨ ᠤ ᠬᠦᠭᠵᠢᠯᠳᠡ ᠶᠢ ᠠᠬᠢᠭᠤᠯᠬᠤ ᠳᠤ ᠰᠤᠨᠤᠰᠬᠤ ᠡᠷᠬᠡᠳᠡᠨ  ᠤ ᠬᠦᠭᠵᠢᠯᠳᠡ ᠳᠤᠳᠠᠭᠳᠠᠵᠤ ᠪᠤᠯᠤᠰᠢ ᠦᠭᠡᠢ ᠴᠢᠬᠤᠯᠨ ᠪᠠᠶᠢᠳᠠᠭ᠂ ᠡᠯᠳᠡᠪ ᠳᠡᠭᠤ ᠠᠪᠢᠶ᠎ᠠ ᠶᠢ ᠢᠯᠭᠠᠨ ᠰᠤᠨᠤᠰᠴᠤ ᠴᠢᠳᠡᠪᠡᠯ ᠰᠠᠶ᠋ᠢ ᠢᠯᠭᠠᠭ᠎ᠠ ᠲᠠᠢ ᠦᠬᠦᠯᠡᠵᠤ ᠴᠢᠳᠡᠬᠤ ᠶᠢᠨ ᠬᠠᠷᠢᠴᠠᠭ᠎ᠠ ᠪᠤᠢ᠃ ᠡᠯ᠎ᠠ ᠡᠷᠬᠡᠳᠡᠨ ᠤ ᠬᠦᠭᠵᠢᠯᠳᠡ ᠶᠢᠨ ᠱᠠᠭᠠᠷᠳᠠᠯᠭ᠎ᠠ ᠨᠢ ᠬᠦᠮᠦᠨ ᠤ ᠤᠶᠤᠡᠴᠢ ᠴᠢᠳᠡᠪᠬᠢ ᠶᠢᠨ ᠳᠡᠬᠡᠭᠰᠢᠯᠠᠯᠳᠡ ᠶᠢ ᠱᠠᠭᠠᠷᠳᠡᠵᠤ᠂ ᠰᠡᠳᠬᠢᠬᠦᠢ ᠶᠢᠨ ᠬᠦᠭᠵᠢᠯᠳᠡ ᠶᠢ ᠠᠬᠢᠭᠤᠯᠳᠠᠭ᠂ ᠰᠡᠳᠬᠢᠬᠦᠢ ᠶᠢᠨ ᠬᠦᠭᠵᠢᠯᠳᠡ ᠨᠢ ᠪᠤᠴᠠᠭᠠᠳ ᠡᠯ᠎ᠠ ᠡᠷᠬᠡᠳᠡᠨ ᠤ ᠬᠦᠭᠵᠢᠯᠳᠡ ᠳᠤ ᠢᠳᠡᠪᠬᠢ ᠦᠢᠯᠡᠳᠤᠯ ᠦᠵᠡᠬᠦᠯᠳᠡᠭ ᠪᠠᠶᠢᠨ᠎ᠠ᠃ ᠦᠬᠦᠯᠡᠬᠦ ᠡᠷᠬᠡᠳᠡᠨ᠂ ᠰᠤᠨᠤᠰᠬᠤ ᠡᠷᠬᠡᠳᠡᠨ ᠵᠢᠴᠢ ᠰᠡᠳᠬᠢᠬᠦᠢ ᠵᠡᠷᠬᠡ ᠨᠢ ᠬᠠᠷᠢᠯᠴᠠᠨ ᠨᠦᠯᠦᠬᠡᠯᠡᠯᠴᠡᠬᠦ ᠶᠠᠪᠤᠴᠠ ᠳᠠᠭᠠᠨ ᠬᠡᠯᠨ ᠶᠠᠷᠶᠠᠨ ᠤ ᠦᠪᠡᠷᠮᠢᠴᠠ ᠬᠡᠪ ᠨᠠᠮᠪᠠ ᠶᠢᠨ ᠪᠦᠷᠢᠯᠳᠤᠯ  ᠢ ᠴᠦ ᠨᠦᠯᠦᠬᠡᠯᠡᠵᠤ ᠴᠢᠳᠠᠳᠠᠭ ᠪᠠᠶᠢᠨ᠎ᠠ᠃ᠶᠡᠭᠡ ᠡᠷᠳᠡᠨ ᠤ ᠬᠦᠮᠦᠰ ᠤᠨ ᠦᠬᠡ ᠬᠡᠯᠡᠨ ᠳᠠᠬᠢ ᠴᠦᠬᠡᠨ ᠬᠡᠳᠤᠨ ᠠᠪᠢᠶ᠎ᠠ ᠳᠤᠬᠢᠶ᠎ᠠ ᠨᠢ ᠵᠠᠷᠢᠮ ᠤᠳᠬ᠎ᠠ ᠰᠠᠨᠠᠭ᠎ᠠ  ᠶᠢ ᠢᠯᠡᠳᠬᠡᠵᠤ ᠴᠢᠳᠡᠬᠤ ᠪᠤᠯᠪᠠᠴᠤ᠂ ᠳᠡᠳᠡᠬᠡᠷ ᠨᠢ ᠲᠦᠭ ᠲᠦᠮᠡᠨ ᠬᠡᠷᠡᠭ ᠦᠵᠡᠭᠳᠡᠯ ᠢ ᠬᠡᠯᠨᠨ ᠤ ᠳᠤᠬᠢᠶ᠎ᠠ ᠪᠠᠷ ᠢᠯᠡᠷᠡᠬᠦᠯᠬᠦ ᠳᠤ ᠬᠤᠮᠰᠠᠳᠡᠬᠤ ᠳᠤᠯᠨ ᠠᠪᠢᠶ᠎ᠠ ᠳᠤᠬᠢᠶ᠎ᠠ ᠶᠢ ᠬᠠᠮᠵᠢᠭᠤᠯᠤᠨ ᠦᠬᠦᠯᠡᠬᠦ ᠬᠡᠷᠡᠭᠴᠡᠭᠡ ᠱᠠᠭᠠᠷᠳᠠᠭᠳᠡᠨ᠎ᠠ᠃ ᠠᠪᠢᠶ᠎ᠠ ᠳᠤᠬᠢᠶ᠎ᠠ ᠶᠢ ᠬᠠᠮᠵᠢᠭᠤᠯᠤᠨ ᠦᠬᠦᠯᠡᠵᠤ ᠪᠤᠳᠡᠰ ᠦᠵᠡᠭᠳᠡᠯ ᠤᠨ ᠲᠦᠷᠰᠦ ᠬᠢᠬᠡᠳ ᠤᠡᠴᠠᠯᠢᠭ ᠰᠢᠡᠵᠢ ᠶᠢ ᠢᠯᠭᠠᠨ ᠳᠤᠰᠬᠠᠬᠤ ᠬᠡᠷᠡᠭᠴᠡᠭᠡ ᠠᠴᠠ ᠪᠠᠨ ᠪᠤᠯᠵᠤ ᠳᠤᠬᠠᠢ ᠶᠢᠨ ᠦᠶ᠎ᠠ ᠶᠢᠨ ᠬᠦᠮᠦᠰ ᠤᠨ ᠬᠡᠯᠡᠨ ᠳᠤ ᠪᠡᠶ᠎ᠠ ᠪᠠᠨ ᠳᠡᠭᠠᠭᠠᠭᠰᠠᠨ ᠦᠪᠡᠷᠮᠢᠴᠠ ᠤᠳᠬ᠎ᠠ ᠦᠢᠯᠡᠳᠤᠯ ᠪᠦᠬᠦᠢ ᠠᠪᠢᠶ᠎ᠠ ᠳᠤᠬᠢᠶ᠎ᠠ ᠨᠤᠭᠤᠳ ᠱᠠᠭᠠᠷᠳᠠᠭᠳᠡᠬᠤ ᠶᠢᠨ ᠵᠡᠷᠬᠡ  ᠳᠤ ᠵᠦᠢᠴᠢᠯᠡᠬᠦ ᠰᠢᠡᠵᠢ ᠲᠠᠢ ᠰᠡᠳᠬᠢᠬᠦᠢ᠂ ᠲᠦᠷᠰᠦᠯᠢᠭ ᠰᠡᠳᠬᠢᠬᠦᠢ ᠴᠦ ᠠᠳᠡᠯᠢ ᠨᠢᠬᠡ ᠴᠠᠭ ᠲᠤ ᠳᠤᠯᠭᠠᠮ᠎ᠠ ᠱᠠᠭᠠᠷᠳᠠᠭᠳᠡᠨ᠎ᠠ᠃ ᠮᠤᠩᠭᠤᠯ ᠦᠬᠡ ᠬᠡᠯᠨ ᠨᠢ ᠴᠢᠪ ᠬᠡᠮᠡᠨ ᠠᠪᠢᠶ᠎ᠠ ᠳᠤᠬᠢᠶ᠎ᠠ ᠶᠢ ᠬᠠᠮᠵᠢᠭᠤᠯᠤᠨ ᠬᠡᠷᠡᠭᠯᠡᠵᠤ ᠰᠠᠨᠠᠭ᠎ᠠ  ᠪᠠᠨ ᠢᠯᠡᠳᠬᠡᠳᠡᠭ ᠳᠤᠪᠤᠶᠢᠮ᠎ᠠ ᠤᠡᠴᠠᠯᠢᠭ ᠲᠠᠢ ᠪᠠᠶᠢᠨ᠎ᠠ᠃ ᠡᠶᠢᠮᠤ ᠠᠴᠠ ᠳᠡᠬᠡᠷ᠎ᠠ ᠬᠡᠰᠡᠭ ᠦᠬᠦᠯᠡᠮᠵᠢ ᠨᠢ ᠡᠷᠳᠡᠨ  ᠤ ᠮᠤᠩᠭᠤᠯᠴᠤᠳ ᠤᠨ ᠰᠡᠳᠬᠢᠬᠦᠢ ᠪᠤᠯᠤᠨ ᠦᠬᠡ ᠬᠡᠯᠡᠨ ᠤ ᠡᠬᠦᠰᠦᠯ ᠬᠦᠭᠵᠢᠯ ᠳᠤ ᠬᠤᠯᠪᠤᠭᠳᠡᠬᠤ ᠤᠴᠢᠷ ᠢ ᠵᠤᠬᠢᠬᠤ ᠬᠡᠮᠵᠢᠶᠠᠨ ᠳᠤ ᠬᠡᠶᠢᠰᠪᠤᠷᠢᠯᠡᠨ ᠳᠤᠰᠬᠠᠵᠤ ᠴᠢᠳᠠᠭᠰᠠᠨ ᠭᠡᠵᠤ ᠦᠵᠡᠵᠤ ᠪᠤᠯᠤᠨ᠎ᠠ᠃ ᠮᠥᠨ ᠴᠦ ᠠᠪᠢᠶ᠎ᠠ ᠳᠤᠬᠢᠶ᠎ᠠ ᠶᠢ ᠬᠠᠮᠵᠢᠭᠤᠯᠤᠨ ᠬᠡᠷᠡᠭᠯᠡᠵᠤ ᠤᠳᠬ᠎ᠠ ᠰᠠᠨᠠᠭ᠎ᠠ ᠶᠢ ᠢᠯᠡᠳᠬᠡᠳᠡᠭ ᠰᠡᠳᠬᠢᠬᠦᠢ ᠶᠢᠨ ᠤᠡᠴᠠᠯᠢᠭ ᠠᠴᠠ ᠪᠠᠨ ᠪᠤᠯᠵᠤ ᠮᠤᠩᠭᠤᠯᠴᠤᠳ ᠨᠠᠯᠢᠶᠠᠳ ᠡᠷᠳ᠋ᠨ ᠦᠶ᠎ᠠ ᠳᠡᠭᠡᠨ ᠳᠠᠷᠤᠢ ᠵᠦᠢᠴᠢᠯᠡᠬᠦ ᠴᠢᠨᠡᠷ ᠲᠠᠢ ᠰᠡᠳᠬᠢᠬᠦᠢ ᠶᠢᠨ ᠤᠯᠨ ᠮᠦᠷ ᠢᠶᠠᠨ ᠡᠬᠢᠯᠡᠭᠰᠡᠨ ᠭᠡᠵᠤ ᠰᠠᠷᠡᠭᠳᠡᠨ᠎ᠠ᠃ᠳᠤᠪᠴᠢᠯᠠᠪᠠᠯ᠂ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠤ ᠦᠬᠡ ᠬᠡᠯᠨ ᠲᠠᠢ ᠪᠤᠯᠬᠤ ᠪᠠᠷ ᠡᠷᠢᠯᠬᠢᠯᠡᠭᠰᠡᠨ ᠶᠠᠪᠤᠴᠠ ᠨᠢ᠂ ᠦᠬᠡ ᠬᠡᠯᠨ ᠪᠤᠢ ᠪᠤᠯᠤᠭᠰᠠᠨ ᠠᠴᠠ ᠨᠡᠰᠢᠬᠢ ᠤᠳᠤ ᠪᠤᠯᠳᠡᠯᠡᠬᠢ ᠶᠠᠪᠤᠴᠠ ᠠᠴᠠ ᠴᠦ ᠤᠷᠳᠤᠬᠠᠨ ᠪᠠᠶᠢᠵᠤ ᠮᠠᠳᠡᠨ᠎ᠠ᠃ ᠡᠨᠡᠬᠦ ᠲᠦᠪᠡᠭ ᠪᠤᠳᠤᠯᠢᠶᠠᠠᠳᠡᠢ ᠶᠠᠪᠤᠴᠠ ᠳᠤ ᠡᠬᠡᠰᠢᠭ ᠬᠡᠶᠢᠬᠦᠯᠤᠭ᠍ᠴᠢ ᠠᠪᠢᠶ᠎ᠠ ᠵᠡᠷᠬᠡ ᠨᠢ ᠴᠦ ᠬᠡᠰᠡᠨ ᠵᠤᠬᠢᠬᠤ ᠤᠳᠬ᠎ᠠ ᠶᠢ ᠠᠴᠢᠶᠠᠯᠠᠵᠤ᠂ ᠦᠬᠡ ᠬᠡᠯᠡᠨ ᠤ ᠡᠬᠦᠷᠬᠡ ᠶᠢ ᠬᠦᠢᠴᠡᠳᠬᠡᠵᠤ ᠪᠠᠶᠢᠭᠰᠠᠨ ᠳᠤᠬᠢᠶᠠᠯᠳᠤᠮᠵᠢ ᠲᠠᠢ ᠭᠡᠵᠤ ᠰᠠᠨᠠᠭᠳᠡᠨ᠎ᠠ᠃    ᠬᠤᠶᠠᠷ᠂ ᠦᠬᠡᠰ ᠤᠨ ᠳᠤᠯᠤᠭᠠᠢ ᠪᠠᠷ ᠬᠤᠯᠪᠤᠭᠳᠡᠭᠤᠯᠤᠨ ᠮᠤᠩᠭᠤᠯ ᠦᠬᠡᠰ ᠤᠨ ᠤᠳᠬ᠎ᠠ ᠶᠢ ᠰᠤᠳᠤᠯᠬᠤ ᠳᠤᠬᠠᠢ ᠮᠦᠴᠢᠳᠯᠡᠪᠡᠯᠮᠤᠩᠭᠤᠯ ᠦᠬᠡ ᠬᠡᠯᠨ ᠪᠤᠯ ᠮᠤᠩᠭᠤᠯᠴᠤᠳ ᠤᠨ ᠡᠪᠦᠭᠡ ᠳᠡᠬᠡᠲᠦᠰ ᠤᠨ ᠬᠠᠳᠡᠭᠤ ᠪᠡᠷᠬᠡᠰᠢᠶᠠᠯᠲᠦ ᠠᠮᠢᠳᠤᠷᠡᠯ ᠳᠡᠮᠡᠴᠡᠯ ᠤᠨ ᠳᠤᠮᠳᠡ ᠪᠠᠨ ᠡᠬᠦᠳᠤᠨ ᠪᠦᠲᠦᠬᠡᠵᠤ ᠰᠢᠯᠢᠳᠡᠭᠵᠢᠬᠦᠯᠦᠨ᠂ ᠬᠤᠵᠢᠮ ᠤᠨ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠳᠤ ᠦᠪᠯᠡᠭᠰᠡᠨ ᠦᠨᠡᠯᠡᠰᠢ ᠦᠭᠡᠢ ᠨᠠᠠᠳᠢᠨ ᠦᠪ ᠤᠨ ᠨᠢᠬᠡ ᠪᠤᠯᠤᠨ᠎ᠠ᠃ ᠳᠡᠬᠦᠨ ᠳᠤ ᠰᠤᠳᠤᠯᠤᠨ ᠵᠠᠯᠭᠠᠮᠵᠢᠯᠠᠭᠤᠰᠢᠳᠡᠢ ᠦᠨ᠎ᠠ ᠦᠷᠳᠡᠭ ᠠᠭᠤᠯᠵᠤ ᠪᠤᠢ᠃ᠠᠯᠢ ᠤᠯᠠᠨ ᠦᠡᠲᠦᠰᠦᠳᠡᠨ ᠬᠡᠯᠨ ᠰᠤᠶᠤᠯ ᠢᠶᠠᠨ ᠰᠤᠳᠤᠯᠬᠤ ᠳᠤ ᠴᠢᠬᠤᠯᠨ ᠰᠤᠷᠪᠤᠯᠵᠢ ᠪᠢᠴᠢᠭ᠂ ᠦᠯᠢᠬᠡᠷ ᠳᠤᠮᠤᠭ ᠵᠡᠷᠬᠡ ᠤᠯᠠᠨ ᠳᠡᠯ᠎ᠠ ᠶᠢᠨ ᠪᠠᠷᠢᠮᠳᠡ ᠰᠦᠪᠡᠭᠴᠢ ᠪᠠᠷ ᠬᠡᠷᠡᠭᠯᠡᠭᠳᠡᠬᠦᠨ ᠪᠤᠯᠭᠠᠳᠠᠭ᠃ ᠬᠡᠳᠡᠯ᠎ᠠ ᠮᠤᠩᠭᠤᠯ ᠬᠡᠯᠨ ᠰᠤᠶᠤᠯ ᠳᠡᠬᠡᠷ᠎ᠠ ᠠᠪᠤᠭᠠᠳ ᠬᠡᠯᠡᠪᠡᠯ᠂ ᠬᠡᠯᠨ ᠰᠡᠳᠬᠢᠬᠦᠢ ᠶᠢᠨ ᠳᠤᠬᠠᠢ ᠰᠤᠳᠤᠯᠤᠯ ᠨᠢ ᠰᠤᠷᠪᠤᠯᠵᠢ ᠪᠢᠴᠢᠭ ᠵᠡᠷᠬᠡ ᠬᠡᠷᠡᠭᠯᠡᠭᠳᠡᠬᠦᠨ ᠳᠤ ᠬᠢᠵᠠᠭᠠᠷᠯᠠᠭᠳᠡᠭᠠᠳ ᠵᠤᠭᠰᠤᠴᠢᠬᠠᠬᠤ ᠪᠢᠰᠢ᠂ ᠬᠠᠷᠢᠨ ᠨᠢᠬᠡ ᠯᠨ ᠦᠬᠡ ᠶᠢ ᠵᠠᠳᠡᠯᠤᠭᠠᠳ ᠴᠦ ᠬᠡᠰᠡᠨ ᠮᠤᠩᠭᠤᠯᠴᠤᠳ ᠤᠨ ᠶᠢᠷᠲᠢᠡᠴᠤ ᠶᠢᠨ ᠳᠤᠬᠠᠢ ᠦᠵᠡᠯᠳᠡ ᠳᠡᠨᠢᠯᠳᠡ ᠵᠢᠴᠢ ᠪᠠᠶᠢᠭᠠᠯᠢ ᠶᠢᠷᠲᠢᠡᠴᠤ ᠶᠢᠨ ᠬᠡᠷᠡᠭ ᠪᠤᠳᠡᠰ ᠦᠵᠡᠭᠳᠡᠯ ᠢ ᠬᠡᠷᠬᠢᠨ ᠳᠡᠨᠢᠵᠤ ᠡᠵᠡᠮᠰᠢᠳᠡᠭ ᠠᠷᠭ᠎ᠠ ᠶᠢᠨ ᠤᠨᠤᠯ ᠢ ᠨᠢ ᠮᠦᠷᠳᠡᠨ ᠲᠦᠰᠦᠬᠡᠯᠡᠬᠦ ᠢᠳᠡᠬᠡᠮᠵᠢᠳᠡᠢ ᠰᠦᠪᠡᠭᠴᠢ ᠶᠢ ᠤᠯᠵᠤ ᠪᠤᠯᠳᠠᠭ᠃ ᠡᠨ᠋ᠨ ᠨᠢ ᠡᠷᠳᠡᠨ ᠤ ᠮᠤᠩᠭᠤᠯᠴᠤᠳ ᠤᠨ ᠰᠤᠶᠤᠯ ᠰᠡᠳᠬᠢᠬᠦᠢ  ᠶᠢᠨ ᠳᠤᠬᠠᠢ ᠰᠤᠳᠤᠯᠭᠠᠨ ᠬᠢᠬᠦ ᠳᠤ ᠠᠰᠤᠷᠤ ᠰᠠᠶᠢᠨ ᠨᠦᠬᠦᠴᠡᠯ ᠪᠤᠯᠵᠤ ᠦᠭᠳᠡᠭ᠃ᠵᠢᠱᠢᠶ᠎ᠠ ᠦᠵᠡᠪᠡᠯ᠄ᠬᠦᠮᠦᠨ ᠠᠮᠢᠳᠡᠨ ᠤ ᠳᠡᠪᠤᠨ ᠴᠤᠯᠤ ᠳᠤ ᠠᠮᠢᠰᠬᠤᠯ ᠢ ᠵᠠᠬᠢᠷᠬᠤ ᠡᠷᠬᠡᠳᠡᠨ— ︽ᠠᠭᠤᠰᠬᠢ︾ ᠭᠡᠵᠤ ᠪᠠᠶᠢᠳᠠᠭ᠃ ᠳᠡᠬᠡᠪᠡᠯ ᠮᠤᠩᠭᠤᠯ ᠬᠡᠯᠡᠨ ᠳᠠᠬᠢ ︽ᠠᠭᠤᠰᠬᠢ︾ ᠬᠡᠳᠡᠭ ᠦᠬᠡ ᠨᠢ ᠠᠮᠢᠰᠬᠤᠯ ᠢ ᠵᠠᠬᠢᠷᠬᠤ ᠡᠷᠬᠡᠳᠡᠨ ᠳᠤ ᠨᠡᠷ᠎ᠠ ᠪᠤᠯᠭᠠᠵᠤ ᠬᠠᠳᠡᠬᠤ ᠶᠢᠨ ᠵᠤᠷᠢᠯᠭ᠎ᠠ ᠠᠴᠠ ᠯᠨ ᠪᠤᠢ ᠪᠤᠯᠤᠭᠰᠠᠨ ᠭᠡᠵᠤ ᠤᠶᠢᠯᠠᠭᠠᠬᠤ ᠳᠤ ᠬᠦᠷᠪᠡᠯ ᠮᠤᠩᠭᠤᠯᠴᠤᠳ  ᠤᠨ ᠰᠡᠳᠬᠢᠬᠦᠢ ᠶᠢᠨ ᠨᠢᠭᠳᠠ ᠢᠳᠡᠪᠬᠢ ᠴᠢᠨᠡᠷ ᠢ ᠦᠬᠡᠶᠢᠰᠬᠡᠵᠤ ᠳᠡᠨᠢᠯᠳᠡ ᠶᠢᠨ ᠨᠠᠷᠢᠨ ᠪᠤᠳᠤᠯᠢᠶᠠᠠᠲᠦ ᠶᠠᠪᠤᠴᠠ ᠶᠢ ᠦᠬᠡᠶᠢᠰᠬᠡᠭᠰᠡᠨ ᠶᠠᠪᠤᠳᠡᠯ ᠪᠤᠯᠬᠤ ᠶᠤᠮ᠃ᠮᠤᠩᠭᠤᠯᠴᠤᠳ ᠪᠠᠶᠢᠭᠠᠯᠢ ᠶᠢᠷᠲᠢᠡᠴᠤ ᠶᠢᠨ ᠬᠡᠷᠡᠭ ᠦᠵᠡᠭᠳᠡᠯ ᠢ ᠳᠡᠨᠢᠵᠤ ᠨᠡᠷᠡᠯᠡᠬᠦ ᠳᠡᠭᠡᠨ ᠳᠡᠳᠡᠬᠡᠷ ᠤᠨ ᠵᠢᠮ᠎ᠠ ᠬᠠᠤᠯᠢ ᠤᠡᠴᠠᠯᠢᠭ ᠰᠢᠡᠵᠢ ᠶᠢ ᠦᠬᠡ ᠬᠡᠯᠨ ᠳᠡᠬᠡᠷ᠎ᠠ ᠤᠨᠤᠪᠴᠢᠳᠡᠢ ᠬᠡᠶᠢᠰᠪᠤᠷᠢᠯᠡᠨ ᠢᠯᠡᠳᠬᠡᠬᠦ ᠰᠡᠳᠬᠢᠬᠦᠢ ᠶᠢᠨ ᠴᠢᠩᠭ᠎ᠠ ᠵᠢᠷᠤᠮᠯᠠᠯ ᠲᠠᠢ᠂ ᠳᠡᠬᠡᠲᠦ ᠬᠡᠮᠵᠢᠶᠠᠨ ᠤ ᠪᠤᠯᠪᠠᠰᠤᠷᠡᠯ ᠲᠠᠢ ᠪᠡᠶᠢᠵᠡᠢ᠃ᠠᠭᠤᠰᠬᠢ ᠪᠤᠯ ᠢᠯᠨ ᠳᠤᠳᠤᠷᠬᠠᠢ ᠬᠦᠳᠡᠯᠬᠡᠬᠡᠨ ᠪᠦᠬᠦᠢ ᠡᠷᠬᠡᠳᠡᠨ ᠪᠤᠯᠤᠨ᠎ᠠ᠃ ᠠᠭᠤᠰᠬᠢ ᠶᠢᠨ ᠬᠦᠳᠡᠯᠬᠡᠬᠡᠨ ᠤ ᠬᠦᠮᠦᠰ ᠤᠨ ᠨᠢᠳᠤᠨ ᠳᠤ ᠰᠠᠷᠡᠭᠳᠡᠬᠦ ᠳᠤᠳᠤᠷᠬᠠᠢ ᠨᠢᠬᠡ ᠤᠡᠴᠠᠯᠢᠭ ᠪᠤᠯ ᠳᠠᠷᠤᠢ᠂ ︽ᠠᠭᠤᠤ︾ ᠪᠤᠯᠬᠤ ᠦᠵᠡᠭᠳᠡᠯ ᠪᠤᠯᠤᠨ᠎ᠠ᠃ ᠤᠴᠢᠷ ᠨᠢ ᠢᠵᠢᠯ ᠨᠢᠬᠡ ︽ᠠᠭᠤᠰᠬᠢ︾ ᠶᠢᠨ ᠶᠡᠭᠡ ᠪᠠᠭ᠎ᠠ ᠶᠢᠨ ᠬᠡᠮᠵᠢᠶ᠎ᠠ ᠪᠤᠯ ᠳᠤᠭᠳᠡᠩᠭᠤᠢ ᠪᠠᠶᠢᠳᠠᠭ᠃ ᠠᠮᠢᠰᠬᠤᠯ ᠤᠨ ᠦᠢᠯᠡᠴᠢᠯᠡᠭᠡ ᠳᠤᠤᠷᠡᠬᠢ ᠳᠡᠬᠦᠨ ᠤ ᠬᠦᠳᠡᠯᠬᠡᠬᠡᠨ ᠪᠤᠯ ᠳᠤᠭᠳᠠᠭᠰᠠᠨ ᠬᠡᠮᠵᠢᠶᠠᠨ ᠠᠴᠠ  ᠪᠠᠨ ᠶᠡᠬᠡᠰᠬᠦ ᠪᠠ ᠳᠡᠬᠢᠨ ᠳᠤᠭᠳᠠᠭᠰᠠᠨ ᠬᠡᠮᠵᠢᠶᠠᠨ ᠳᠡᠭᠡᠨ ᠪᠤᠴᠠᠬᠤ ᠳᠡᠪᠳᠡᠩᠭᠤᠢ ᠦᠵᠡᠭᠳᠡᠯ ᠶᠤᠮ᠃ ᠡᠨᠡᠬᠦ ᠦᠵᠡᠭᠳᠡᠯ ᠠᠴᠠ ᠨᠢᠬᠡ ᠦᠶᠠᠯᠠᠯ ᠢ ᠰᠤᠩᠭᠤᠵᠤ ᠠᠪᠤᠪᠠᠯ ᠳᠠᠷᠨ ᠨᠢ ᠳᠠᠷᠤᠢ ︽ᠳᠤᠭᠳᠡᠩᠭᠤᠢ— ᠠᠭᠤᠤ—— ᠳᠤᠭᠳᠡᠩᠭᠤᠢ︾ ᠶᠢᠨ ᠤᠷᠴᠢᠯ ᠪᠤᠯᠬᠤ ᠨᠢ ᠢᠯᠡᠷᠬᠡᠢ ᠪᠠᠶᠢᠨ᠎ᠠ᠃ᠠᠭᠤᠰᠬᠢ ᠶᠢᠨ ᠬᠦᠳᠡᠯᠬᠡᠬᠡᠨ ᠤ ᠡᠨᠡᠬᠦ ᠦᠪᠡᠷᠮᠢᠴᠠ ᠤᠡᠴᠠᠯᠢᠭ ᠢ ᠨᠠᠷᠢᠯᠢᠭ ᠳᠡᠨᠢᠵᠤ ᠢᠯᠡᠷᠡᠬᠦᠯᠦᠭᠰᠡᠨ ᠪᠠᠶᠢᠳᠡᠯ ᠳᠤᠤᠷ᠎ᠠ ᠬᠦᠮᠦᠰ ᠳᠡᠬᠦᠨ ᠤ ᠬᠦᠳᠡᠯᠬᠡᠬᠡᠨ ᠢ ︽ᠬᠦᠳᠡᠯᠬᠦ︾ ᠭᠡᠵᠤ ᠤᠶᠢᠯᠠᠭᠠᠬᠤ ᠶᠢᠨ ᠤᠷᠤᠨ ᠳᠤ ︽ᠠᠭᠤᠤ ᠪᠤᠯᠬᠤ︾ ᠬᠡᠬᠦ ᠤᠬᠠᠭᠳᠡᠬᠤᠨ ᠤ ᠬᠤᠪᠢ ᠳᠤ ᠤᠶᠢᠯᠠᠭᠠᠪᠠᠯ ᠨᠡᠩ ᠤᠨᠤᠪᠴᠢᠳᠡᠢ ᠰᠢᠭ᠋ ᠪᠤᠯᠳᠠᠭ᠂ ᠬᠡᠬᠦ ᠳᠡᠭᠡᠨ ᠡᠨᠡᠬᠦ ︽ᠠᠭᠤᠤ ᠪᠤᠯᠬᠤ︾ ᠦᠵᠡᠭᠳᠡᠯ ᠨᠢ ᠬᠠᠷᠢᠨ ᠬᠤᠷᠤᠮ ᠵᠠᠭᠤᠷ᠎ᠠ ᠶᠢᠨ ᠪᠠᠶᠢᠳᠡᠯ ᠪᠤᠯᠤᠨ᠎ᠠ᠃ ᠳᠡᠶᠢᠮᠤ ᠠᠴᠠ ︽ᠠᠭᠤᠤ︾ ᠬᠡᠬᠦ ᠦᠬᠡ ᠶᠢᠨ ᠬᠤᠶᠢᠨ᠎ᠠ ᠬᠤᠷᠤᠮᠬᠠᠨ ᠦᠢᠯᠡᠳᠬᠦ ᠪᠠᠶᠢᠳᠡᠯ ᠢ ᠢᠯᠡᠳᠬᠡᠬᠦ ︽ᠰᠬᠢ︾ ᠶᠢ ᠵᠠᠯᠭᠠᠪᠠᠯ ᠳᠠᠷᠤᠢ ︽ᠠᠭᠤᠰᠬᠢ︾ ᠬᠡᠬᠦ ᠦᠬᠡ ᠪᠦᠲᠦᠬᠡᠭᠳᠡᠨ᠎ᠠ᠃ ᠡᠨ᠋ᠨ ᠨᠢ ︽ᠠᠭᠤᠰᠬᠢ︾ ᠶᠢᠨ ᠬᠦᠳᠡᠯᠬᠡᠬᠡᠨ ᠤ ᠤᠡᠴᠠᠯᠢᠭ  ᠢ ᠢᠯᠡᠷᠡᠬᠦᠯᠦᠭᠰᠡᠨ ᠬᠤᠪᠢᠰᠤᠩᠭᠤᠢ ᠳᠤᠰᠬᠠᠯ ᠪᠦᠬᠦᠢ ᠨᠡᠷᠡᠶᠢᠲᠦᠯᠬᠡ ᠪᠤᠯᠤᠨ᠎ᠠ᠃ — ᠬᠡᠪᠡᠴᠤ ᠡᠨ᠋ᠨ ᠮᠦᠷᠳᠡᠯᠬᠡ  ᠨᠢ ᠳᠡᠶᠢᠮᠤ ᠴᠦ ᠬᠠᠩᠭᠠᠮᠵᠢᠳᠡᠢ ᠪᠤᠯᠵᠤ ᠴᠢᠳᠡᠭᠠᠳᠤᠢ ᠪᠠᠶᠢᠨ᠎ᠠ᠃ ᠳᠤᠬᠠᠶᠢᠯᠠᠪᠠᠯ ᠪᠢᠳᠡ ᠪᠠᠰᠠ ︽ᠠᠭᠤᠤ︾ ︽ᠰᠬᠢ ︾ ᠬᠡᠬᠦ ᠦᠬᠡ ᠶᠢ ᠮᠦᠷᠳᠡᠭᠡ ᠦᠭᠡᠢ ᠪᠠᠶᠢᠭᠰᠠᠭᠠᠷ᠃ ᠬᠠᠷᠢᠨ ᠴᠤᠬᠤᠰ ᠳᠤᠷᠡᠳᠤᠭᠤᠰᠢᠳᠡᠢ ᠵᠦᠢᠯ ᠬᠡᠪᠡᠯ᠂ ᠨᠢᠬᠡ ᠨᠢ ᠂ ᠮᠠᠨ ᠤ ᠤᠳᠤ ᠶᠢᠨ ᠮᠦᠷᠳᠡᠵᠤ ᠤᠯᠤᠭᠰᠠᠨ ︽ᠠᠭᠤᠰᠬᠢ︾ ᠬᠡᠬᠦ ᠦᠬᠡ ᠨᠢ ᠢᠯᠨ ᠳᠤᠳᠤᠷᠬᠠᠶᠢᠶ᠎ᠠ ᠳᠡᠮᠳᠡᠭ ᠦᠢᠯᠨ ᠦᠬᠡ ᠶᠢᠨ ᠰᠢᠡᠵᠢ ᠲᠠᠢ ᠪᠠᠶᠢᠭ᠎ᠠ᠃ ᠨᠦᠬᠦᠬᠡ ᠨᠢ᠂ ︽ᠠᠭᠤᠰᠬᠢ︾ ᠬᠡᠬᠦ ᠦᠬᠡ ᠶᠢᠨ ᠳᠠᠭᠤᠳᠡᠯᠭ᠎ᠠ ᠳᠤ ︽ᠠ᠊︾ ᠶᠢᠨ ᠳᠠᠷᠠᠭ᠎ᠠ ᠤᠷᠤᠭᠰᠠᠨ ︽‍ᠭᠤ᠋︾ ᠶᠢ ︽u︾ ᠪᠠᠷ ᠤᠷᠳᠤᠳᠬᠠᠬᠤ ᠶᠤᠰᠤ ᠶᠢ ᠠᠪᠬᠤ ᠦᠭᠡᠢ ᠪᠤᠯ ᠵᠤᠬᠢᠨ᠎ᠠ᠂ ᠳᠡᠬᠡᠪᠡᠯ ᠰᠠᠶ᠋ᠢ ᠳᠤᠬᠠᠢ ᠶᠢᠨ ᠦᠬᠡ ᠳᠤ ᠬᠡᠶᠢᠰᠪᠤᠷᠢᠯᠡᠭᠳᠡᠨ ᠳᠤᠰᠬᠠᠭᠳᠠᠭᠰᠠᠨ ᠬᠡᠷᠡᠭ ᠪᠤᠳᠡᠰ ᠤᠨ ᠳᠤᠰ ᠪᠠᠶ᠎ᠠ ᠶᠢᠨ ᠬᠢᠨ ᠬᠤᠪᠢᠰᠤᠩᠭᠤᠢ ᠠᠮᠢᠲᠦ ᠬᠦᠳᠡᠯᠬᠡᠬᠡᠨ ᠤ ᠰᠢᠡᠵᠢ ᠶᠢ ᠠᠪᠢᠶᠠᠨ ᠳᠡᠭᠤ ᠪᠠᠷ ᠳᠤᠳᠤᠷᠬᠠᠢ ᠢᠯᠡᠳᠬᠡᠵᠤ ᠴᠢᠳᠡᠬᠤ ᠮᠦᠷᠳᠡᠬᠡᠨ ᠠᠪᠢᠶᠠᠨ ᠳᠡᠭᠤ ᠶᠢᠨ ᠲᠦᠷᠰᠦ ᠳᠤᠳᠤᠷᠡᠭᠤᠯᠬᠤᠢ ᠶᠢ ᠬᠠᠩᠭᠠᠮᠵᠢᠳᠡᠢ ᠪᠤᠯᠭᠠᠵᠤ ᠴᠢᠳᠡᠨ᠎ᠠ᠃ᠠᠩᠬᠠᠷᠤᠯ ᠢᠶᠠᠨ ᠪᠠᠰᠠ ᠵᠢᠭᠠᠬᠠᠨ ᠦᠷᠬᠡᠳᠬᠡᠪᠡᠯ᠂ ︽ᠠᠭᠰᠠᠭ︾ ᠬᠡᠬᠦ ᠳᠡᠶᠢᠪᠤᠷᠢ ᠦᠬᠡ ᠨᠢ᠂ ︽ᠠᠭᠤᠰᠬᠢ︾ ᠬᠡᠬᠦ ᠦᠬᠡ ᠲᠠᠢ ᠬᠡᠳᠤᠨ ᠠᠳᠡᠯᠢᠪᠳᠤᠷ ᠳᠡᠯ᠎ᠠ ᠲᠠᠢ᠂ ︽ᠠᠭᠰᠠᠭ︾ ᠬᠡᠬᠦ ᠦᠬᠡᠨ ᠳᠠᠬᠢ ᠬᠡᠳᠤᠨ ᠠᠪᠢᠶ᠎ᠠ ︵ᠠ᠊᠂ ‍ᠡᠡ᠊ ᠂ ᠰ᠊᠂ ‍ᠭ︶ ᠨᠢ ︽ᠠᠭᠤᠰᠬᠢ︾ ᠬᠡᠬᠦ ᠦᠬᠡᠨ ᠳᠠᠬᠢ ᠬᠡᠳᠤᠨ ᠠᠪᠢᠶ᠎ᠠ ︵ᠠ᠊᠂ ‍ᠡᠡ᠊᠂ ᠰ᠊᠂ ᠭ᠊︶ ᠲᠠᠢ ᠵᠤᠩᠬᠢᠯᠠᠬᠤ ᠳᠡᠯ᠎ᠠ ᠪᠠᠷ ᠲᠦᠷᠦᠯᠰᠢᠨ ᠠᠳᠡᠯᠢᠰᠢᠵᠤ ᠪᠠᠶᠢᠨ᠎ᠠ᠃ ᠳᠤᠰ ᠬᠤᠶᠠᠷ ᠦᠬᠡ ᠳᠡᠭᠤᠳᠠᠯᠭ᠎ᠠ ᠶᠢᠨ ᠬᠤᠪᠢ ᠳᠤ ᠴᠦ ᠨᠠᠯᠢᠶᠠᠳ ᠤᠶᠢᠷᠡᠳᠤᠯᠴᠠᠨ᠎ᠠ᠃ ᠨᠡᠩ ︽ᠠᠭᠰᠠᠭ︾ ᠬᠡᠬᠦ ᠦᠬᠡ ᠪᠠᠷ ᠳᠤᠰᠬᠠᠭᠳᠡᠨ ᠢᠯᠡᠷᠡᠭᠰᠡᠨ ᠬᠦᠳᠡᠯᠬᠡᠬᠡᠨ ᠤ ᠲᠦᠷᠢ ᠪᠠᠶᠢᠳᠡᠯ ᠨᠢ ᠠᠭᠤᠰᠬᠢ ᠶᠢᠨ ᠠᠵᠢᠯᠯᠠᠭᠠᠨ ᠤ ᠲᠦᠷᠢ ᠪᠠᠶᠢᠳᠡᠯ ᠤᠨ ᠨᠢᠬᠡ ᠦᠶᠡᠯᠡᠯ ᠢ ᠮᠡᠰᠢ ᠬᠠᠪᠤᠯᠢᠭ ᠢᠯᠡᠳᠬᠡᠵᠤ ᠴᠢᠳᠡᠨ᠎ᠠ᠃ ᠠᠳᠡ ᠠᠴᠠ ᠮᠤᠩᠭᠤᠯ ᠦᠬᠡ ᠬᠡᠯᠡᠨ ᠤ ᠰᠡᠳᠬᠢᠬᠦᠢ ᠳᠤ ᠨᠢᠭᠳᠠ ᠴᠢᠩᠭ᠎ᠠ ᠲᠦᠷᠰᠦᠯᠢᠭ ᠰᠡᠳᠬᠢᠬᠦᠢ ᠠᠭᠤᠰᠤᠯᠳᠤᠵᠤ ᠪᠠᠶᠢᠬᠤ ᠶᠢ ᠰᠠᠷᠡᠵᠤ ᠤᠯᠵᠤ ᠪᠤᠯᠬᠤ ᠶᠤᠮ᠃ ᠡᠨ᠋ᠨ ᠰᠦᠪᠡᠭᠴᠢ ᠪᠠᠷ ᠰᠢᠡᠵᠢᠪᠡᠯ ᠳᠤᠰ  ᠲᠠᠭᠠᠨ ᠨᠢᠬᠡᠨ ᠰᠤᠳᠤᠯᠭᠠᠨ ᠳᠡᠯᠬᠡᠭᠳᠡᠵᠤ ᠪᠤᠯᠳᠠᠭ᠃ᠠᠳᠡ ᠠᠭᠤᠰᠬᠢ ᠬᠡᠬᠦ ᠦᠬᠡᠨ ᠳᠤ ᠠᠴᠢᠶᠠᠯᠠᠭᠳᠡᠵᠤ ᠪᠦᠬᠦᠢ ᠮᠤᠩᠭᠤᠯ ᠬᠡᠯᠡ ᠰᠡᠳᠬᠢᠬᠦᠢ ᠶᠢᠨ ᠳᠤᠬᠠᠢ ᠬᠡᠰᠡᠭᠬᠡᠨ ᠦᠵᠡᠭᠳᠡᠯ ᠢ ᠳᠤᠭᠠᠴᠢᠵᠤ᠂ ᠳᠠᠷᠡᠭᠠᠬᠢ ᠠᠭᠤᠯᠭ᠎ᠠ ᠶᠢ ᠳᠡᠯᠬᠡᠬᠦ ᠳᠤ ᠲᠦᠷᠰᠦᠯᠢᠭ ᠢᠶᠠᠷ ᠰᠡᠳᠬᠢᠬᠦ ᠤᠷᠤᠨ ᠵᠡᠢ ᠶᠢ ᠪᠤᠢ ᠪᠤᠯᠭᠠᠬᠤ ᠳᠤ ᠵᠤᠷᠢᠭᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃︽ᠠᠮᠨ︾ ᠬᠡᠬᠦ ᠦᠬᠡ ᠪᠠᠷ ᠵᠢᠱᠢᠶᠡᠯᠡᠪᠡᠯ᠄ ᠠᠮᠨ ᠶᠢᠨ ᠠᠩᠭᠠᠶᠢᠬᠤ ᠪᠠ ᠬᠠᠮᠬᠢᠬᠤ ᠬᠦᠳᠡᠯᠬᠡᠬᠡᠨ ᠤ ᠤᠡᠴᠠᠯᠢᠭ ᠨᠢ ᠳᠤᠪᠤᠶᠢᠮ᠎ᠠ ᠪᠠᠶᠢᠳᠠᠭ᠃ ᠳᠡᠬᠦᠨ ᠤ ᠬᠦᠳᠡᠯᠬᠡᠬᠡᠨ ᠤ ᠭᠤᠤᠯ ᠰᠢᠡᠵᠢ ᠶᠢ ᠬᠤᠷᠢᠶᠠᠩᠭᠤᠶᠢᠯᠠᠵᠤ ᠨᠡᠷᠡᠯᠡᠪᠡᠯ ︽ᠠ᠊ — ‍ᠮ᠊ — ᠠ᠊︾ ︵ᠨᠡᠬᠡᠬᠡᠭᠳᠡᠬᠦ — ᠬᠠᠭᠠᠭᠠᠭᠳᠡᠬᠤ — ᠨᠡᠬᠡᠬᠡᠭᠳᠡᠬᠦ︶ ᠳᠠᠷᠤᠢ ︽ᠠᠮᠨ︾ ᠭᠡᠵᠤ ᠨᠡᠷᠡᠯᠡᠭᠳᠡᠬᠦ ᠪᠤᠯᠤᠨ᠎ᠠ᠃ ᠡᠶᠢᠮᠤ ᠤᠡᠴᠠᠯᠢᠭ ᠲᠠᠢ ᠵᠢᠱᠢᠶ᠎ᠠ ᠮᠤᠩᠭᠤᠯ ᠦᠬᠡᠨ ᠳᠤ ᠵᠦᠩᠳᠡᠬᠡᠨ ᠳᠤᠬᠢᠶᠠᠯᠳᠤᠨ᠎ᠠ᠃ ᠳᠤᠬᠠᠶᠢᠯᠠᠪᠠᠯ᠄︽ᠠᠮᠳᠡᠯᠠᠬᠤ᠂ ᠡᠮᠬᠦᠬᠦ᠂ ᠴᠢᠮᠬᠢᠬᠦ᠂ ᠬᠤᠮᠢᠬᠤ᠂ ᠬᠦᠮᠦᠷᠢᠬᠦ︾ ᠵᠡᠷᠬᠡ ᠦᠬᠡᠰ ᠨᠢ ᠬᠤᠶᠠᠷ ᠡᠳᠡᠬᠡᠳ ᠠᠴᠠ ᠬᠠᠰᠢᠵᠤ ᠬᠠᠭᠠᠬᠤ ᠤᠡᠴᠠᠯᠢᠭ ᠪᠦᠬᠦᠢ ᠬᠦᠳᠡᠯᠬᠡᠬᠡᠨ ᠢ ᠢᠯᠡᠳᠬᠡᠵᠡᠢ᠃ ᠡᠳᠡᠬᠡᠷ ᠦᠬᠡᠰ ᠢ ᠦᠬᠦᠯᠡᠬᠦ ᠦᠶᠠᠰ ᠤᠨ ᠠᠮᠠᠨ ᠤ ᠤᠷᠤᠯᠴᠠᠬᠤ ᠪᠠᠶᠢᠳᠡᠯ ᠨᠢ ︽ᠠᠮᠨ︾ ᠬᠡᠬᠦ ᠦᠬᠡ ᠶᠢ ᠦᠬᠦᠯᠡᠬᠦ ᠦᠶ᠎ᠠ ᠶᠢᠨ ᠲᠠᠢ ᠮᠡᠰᠢ ᠲᠦᠰᠦᠬᠡᠳᠡᠢ ᠪᠠᠶᠢᠳᠠᠭ᠃ ᠡᠳᠡᠬᠡᠷ ᠦᠬᠡᠰ ᠢ ᠪᠦᠲᠦᠬᠡᠬᠦ ᠦᠡᠲᠦᠰᠦᠨ ᠰᠡᠳᠬᠢᠮᠵᠢ ᠨᠢ ︽ᠠᠮ᠂ ᠡᠮ᠂ ᠢᠮ᠂ ᠤᠮ᠂ ᠦᠮ︾ ᠵᠡᠷᠬᠡ ᠨᠢᠬᠡᠨ ᠪᠦᠯᠦᠭ ᠦᠬᠡᠰ ᠢ ᠮᠦᠷᠳᠡᠨ ᠵᠢᠷᠤᠮᠯᠠᠵᠡᠢ᠃ᠠᠷᠡᠴᠢᠯᠠᠨ ᠳᠤᠳᠤᠮᠳᠡᠬᠤ ᠵᠦᠢᠯ ᠳᠤ ︽ᠭᠠᠮᠨᠠᠬᠤ᠂ ᠡᠮᠨᠡᠬᠦ᠂ ᠬᠢᠮᠠᠭᠠᠳᠡᠬᠤ᠂ ᠳᠤᠳᠤᠮᠳᠡᠬᠤ᠂ ᠦᠮᠦᠭᠯᠡᠬᠦ᠂ ᠬᠦᠮᠦᠵᠢᠬᠦᠯᠬᠦ︾ ᠬᠡᠬᠦ ᠮᠡᠲᠦ ᠦᠬᠡᠰ ᠢ ᠬᠡᠷᠡᠭᠯᠡᠵᠡᠢ᠂ ᠡᠳᠡᠬᠡᠷ ᠦᠬᠡᠰ ᠢ ᠪᠦᠲᠦᠬᠡᠬᠦ ᠦᠡᠲᠦᠰᠦᠨ ᠰᠡᠳᠬᠢᠮᠵᠢ ᠨᠢ ︽ᠠᠮ︾ ᠠᠶᠢᠮᠠᠭ ᠤᠨ ᠨᠢᠬᠡᠨ ᠪᠦᠯᠦᠭ ᠦᠬᠡᠰ ᠢ ᠮᠦᠷᠳᠡᠨ ᠵᠢᠷᠤᠮᠯᠠᠭᠰᠠᠨ ᠮᠡᠲᠦ᠃ ᠪᠠᠰᠠ ᠠᠮᠢ ᠪᠠ ᠠᠮᠢ ᠶᠢᠨ ᠠᠵᠢᠯᠯᠠᠭᠠᠨ ᠢ ᠳᠤᠰᠠᠯᠠᠨ ᠦᠷᠬᠦᠯᠵᠢᠯᠡᠬᠦᠯᠬᠦ ᠳᠤ ᠠᠪᠳᠠᠭ ᠦᠢᠯᠨ ᠬᠡᠷᠡᠭ ᠲᠤ ᠬᠤᠯᠪᠤᠭᠳᠠᠭᠰᠠᠨ ᠦᠬᠡᠰ ︽ᠠᠮᠢ᠂ ᠡᠮ᠂ ᠰᠢᠮ᠎ᠠ᠂ ᠳᠤᠮ᠂ ᠬᠦᠷᠢᠮ︾ ᠵᠡᠷᠬᠡ ᠪᠤᠢ᠃ ᠠᠳᠡᠯᠢ ᠪᠤᠰᠤ ᠠᠮᠢᠳᠡᠨ ᠤ ᠶᠠᠪᠤᠭᠰᠠᠨ ᠵᠡᠮ ᠢ ᠢᠯᠡᠳᠬᠡᠬᠦ ᠳᠤ ︽ᠵᠡᠮ᠂ ᠵᠢᠮ᠂ ᠳᠤᠮ᠂ ᠳᠤᠭᠤᠮ︾ ᠬᠡᠬᠦ ᠮᠡᠲᠦ ᠦᠬᠡᠰ ᠢ ᠬᠡᠷᠡᠭᠯᠡᠵᠡᠢ᠃ ᠬᠡᠷᠡᠴᠢ ᠳᠡᠮᠳᠡᠭ ᠦᠯᠡᠳᠡᠬᠡᠬᠦ ᠠᠷᠭ᠎ᠠ ᠠᠪᠴᠢᠯ ᠳᠤ ︽ᠳᠡᠮᠠᠭᠠᠯᠠᠬᠤ᠂ ᠳᠡᠮᠳᠡᠭᠯᠡᠬᠦ᠂ ᠢᠮᠯᠡᠬᠦ᠂ ᠤᠷᠤᠮᠯᠠᠬᠤ᠂ ᠦᠷᠦᠮᠳᠡᠬᠦ︾ ᠬᠡᠬᠦ ᠮᠡᠲᠦ ᠦᠬᠡᠰ ᠢ ᠬᠡᠷᠡᠭᠯᠡᠪᠡ᠃ᠳᠡᠬᠡᠷᠡᠬᠢ ᠬᠡᠰᠡᠭ ᠳᠤᠭᠠᠴᠢᠯᠳᠡ ᠠᠴᠠ ᠰᠤᠪᠢᠪᠠᠯ᠂ ᠮᠤᠩᠭᠤᠯ ᠦᠬᠡ ᠬᠡᠯᠨ ᠳᠡᠬᠡᠷ᠎ᠠ᠂ ᠦᠢᠯᠨ ᠬᠡᠷᠡᠭ ᠤᠨ ᠰᠢᠡᠵᠢ ᠪᠠᠶᠢᠳᠡᠯ ᠤᠶᠢᠷᠡᠯᠴᠠᠭ᠎ᠠ ᠪᠤᠶᠤ ᠤᠳᠬ᠎ᠠ ᠠᠭᠤᠯᠭ᠎ᠠ ᠶᠢᠨ ᠬᠤᠪᠢ ᠳᠤ ᠤᠶᠢᠷᠡᠯᠴᠠᠭ᠎ᠠ ᠪᠠᠶᠢᠭ᠎ᠠ ᠶᠢ ᠢᠯᠡᠳᠬᠡᠬᠦ ᠳᠤ ᠶᠠᠷᠤ ᠳᠡᠭᠡᠨ ᠵᠢᠷᠤᠮᠯᠠᠳᠠᠭ ᠢᠵᠠᠭᠤᠷ ᠤᠨ ᠪᠦᠯᠦᠭ ︵︽ᠠᠮ᠂ ᠡᠮ᠂ ᠢᠮ᠂ ᠤᠮ᠂ ᠦᠮ︾ ᠮᠡᠲᠦᠰ ᠤᠨ︶ ᠪᠦᠷᠢᠯᠲᠦᠬᠡᠳ ᠪᠠᠶᠢᠭᠰᠠᠨ ᠭᠡᠵᠤ ᠰᠠᠷᠡᠭᠳᠡᠨ᠎ᠠ᠃ᠮᠤᠩᠭᠤᠯ ᠬᠡᠯᠨ ᠪᠤᠯ ᠪᠠᠶᠠᠯᠢᠭ ᠬᠡᠯᠨ ᠬᠦᠭᠵᠢᠭᠰᠡᠨ ᠬᠡᠯᠨ ᠶᠤᠮ᠃ ᠬᠡᠳᠡᠯ᠎ᠠ ︽ᠪᠠᠶᠠᠯᠢᠭ︾ ᠪᠠ ︽ᠬᠦᠭᠵᠢᠭᠰᠡᠨ︾ ᠬᠡᠳᠡᠭ ᠤᠬᠠᠭᠳᠡᠬᠤᠨ ᠪᠤᠯ ᠬᠠᠷᠢᠴᠠᠩᠭᠤᠢ ᠤᠬᠠᠭᠳᠡᠬᠤᠨ ᠪᠤᠯᠤᠨ᠎ᠠ᠃ᠳᠠᠰᠤᠷᠡᠯᠳᠡ ᠦᠭᠡᠢ ᠬᠤᠪᠢᠷᠡᠵᠤ ᠬᠦᠭᠵᠢᠵᠤ ᠪᠠᠶᠢᠭ᠎ᠠ ᠬᠡᠷᠡᠭ ᠦᠵᠡᠭᠳᠡᠯ ᠢ ᠬᠤᠷᠢᠶᠠᠩᠭᠤᠶᠢᠯᠠᠨ ᠳᠤᠰᠬᠠᠳᠠᠭ ᠦᠬᠡ ᠬᠡᠯᠨ ᠵᠢᠴᠢ ᠳᠡᠬᠦᠨ ᠤ ᠬᠦᠭᠵᠢᠯ ᠨᠢ ᠬᠡᠷᠡᠭ ᠦᠵᠡᠭᠳᠡᠯ ᠤᠨ ᠬᠤᠪᠢᠷᠡᠯᠳᠡ ᠶᠢ ᠳᠡᠭᠠᠵᠤ ᠠᠮᠵᠢᠨ᠂ ᠬᠡᠷᠡᠭ ᠪᠤᠳᠡᠰ ᠢ ᠨᠡᠩ ᠨᠠᠷᠢᠯᠢᠭ ᠤᠨᠤᠪᠴᠢᠳᠡᠢ ᠳᠤᠰᠬᠠᠬᠤ ᠶᠢ ᠵᠤᠷᠢᠪᠠᠯ ᠦᠬᠡ ᠬᠡᠯᠨ ᠨᠢ ᠳᠠᠷᠤᠢ ᠤᠯᠠᠮ ᠪᠠᠶᠠᠯᠢᠭᠵᠢᠨ ᠬᠦᠭᠵᠢᠬᠦ ᠬᠠᠨᠳᠤᠰᠢ ᠲᠠᠢ ᠪᠤᠯᠤᠨ᠎ᠠ᠃ ᠳᠡᠶᠢᠮᠤ ᠠᠴᠠ ᠠᠰᠠᠭᠤᠳᠡᠯ ᠤᠨ ᠭᠤᠤᠯ ᠨᠢ         ︽ᠪᠠᠶᠠᠯᠢᠭ︾ ᠪᠠ ︽ᠬᠦᠭᠵᠢᠭᠰᠡᠨ︾ ᠳᠤ ᠪᠠᠶᠢᠭ᠎ᠠ ᠪᠢᠰᠢ᠂ ᠬᠠᠷᠢᠨ ᠲᠡᠭᠦᠨ ᠤ ᠪᠠᠶᠠᠯᠢᠭ ᠤᠨ ︽ᠰᠢᠯᠲᠠᠭᠠᠨ︾ ᠨᠢ ᠠᠯᠢ ᠪᠤᠯᠬᠤ ᠶᠢ ᠡᠷᠢᠵᠦ ᠲᠤᠲᠤᠯᠠᠭᠠᠳ᠂ ᠬᠦᠭᠵᠢᠯ ᠬᠤᠪᠢᠷᠠᠯ ᠤᠨ ᠪᠠᠶᠢᠲᠠᠯ ᠢ ᠨᠢ ᠠᠵᠢᠵᠤ᠂ ᠴᠢᠨᠠᠭᠰᠢ ᠬᠦᠭᠵᠢᠬᠦ ᠶᠢᠨ ᠵᠢᠮ᠎ᠡ ᠶᠢ ᠲᠠᠨᠢᠵᠤ ᠮᠦᠨᠴᠢᠯᠡᠨ ᠬᠦᠭᠵᠢᠭᠦᠯᠬᠦ ᠪᠤᠯ ᠴᠢᠬᠤᠯᠨ ᠪᠢᠯᠨ᠃ ᠠᠳᠡ ᠬᠡᠯᠡᠭᠰᠡᠨ ︽ᠰᠢᠯᠲᠠᠭᠠᠨ︾ ᠭᠡᠲᠡᠭ ᠨᠢ ᠲᠠᠷᠤᠢ ᠦᠭᠡ ᠬᠡᠯᠡᠨ ᠤ ᠬᠦᠭᠵᠢᠯ ᠬᠤᠪᠢᠷᠠᠯ ᠳᠤ ᠦᠢᠯᠡᠲᠦᠯ ᠦᠵᠡᠭᠦᠯᠲᠡᠭ ᠤᠯᠠᠨ ᠲᠠᠯ᠎ᠠ ᠶᠢᠨ ᠨᠦᠭᠦᠴᠡᠯ ᠰᠢᠯᠲᠠᠭᠠᠨ ᠤ ᠲᠤᠲᠤᠷᠠᠬᠢ ᠦᠨᠳᠦᠰᠦᠨ ᠴᠢᠨᠠᠷ ᠪᠦᠬᠦᠢ ᠰᠢᠯᠲᠠᠭᠠᠨ ᠪᠤᠯᠤᠨ᠎ᠠ᠂ ᠲᠡᠭᠡᠪᠡᠯ ᠡᠨᠡᠬᠦ ᠦᠨᠳᠦᠰᠦᠲᠡᠨ ᠰᠢᠯᠲᠠᠭᠠᠨ ᠢ ᠠᠵᠢᠭᠯᠠᠬᠤ ᠳᠤ ᠪᠠᠨ ᠶᠠᠭ ᠡᠨᠡᠬᠦ ᠮᠤᠩᠭᠤᠯ ᠦᠭᠡ ᠬᠡᠯᠨ ᠶᠢ ᠬᠡᠷᠡᠭᠯᠡᠵᠦ ᠪᠠᠶᠢᠭ᠎ᠠ ᠮᠤᠩᠭᠤᠯᠴᠤᠳ ᠤᠨ ᠲᠤᠮᠲᠠ ᠠᠴᠠ ᠂ ᠲᠠᠷᠤᠢ ᠮᠤᠩᠭᠤᠯᠴᠤᠳ ᠤᠨ ᠨᠡᠶᠢᠭᠡᠮ ᠨᠡᠶᠢᠲᠡ᠂ ᠲᠡᠲᠡᠨ ᠤ ᠠᠮᠢᠲᠤᠷᠠᠯ ᠲᠡᠮᠡᠴᠡᠯ ᠤᠨ ᠤᠷᠴᠢᠨ ᠠᠬᠤᠢ᠂ ᠲᠤᠬᠠᠢ  ᠶᠢᠨ ᠦᠶ᠎ᠡ ᠶᠢᠨ ᠲᠡᠤᠬᠡᠨ ᠨᠦᠭᠦᠴᠡᠯ ᠰᠢᠯᠲᠠᠭᠠᠨ ᠯᠤᠭ᠎ᠠ ᠶᠢᠨ ᠬᠤᠯᠪᠤᠭᠲᠠᠯ ᠤᠨ ᠲᠤᠮᠲᠠ ᠠᠴᠠ ᠨᠡᠩ ᠤᠨᠴᠠᠯᠠᠨ ᠲᠡᠲᠡᠨᠡᠷ ᠤᠨ ᠶᠢᠷᠳᠢᠨᠴᠦ ᠶᠢᠨ ᠬᠡᠷᠡᠭ ᠦᠵᠡᠭᠲᠡᠯ ᠢ ᠵᠢᠭᠠᠨ ᠨᠡᠷᠡᠯᠡᠵᠦ ᠦᠭᠡ ᠬᠡᠯᠨ ᠲᠡᠭᠡᠷ᠎ᠡ ᠬᠡᠶᠢᠰᠪᠦᠷᠢᠯᠡᠨ ᠢᠯᠡᠳᠭᠡᠬᠦ ᠦᠶ᠎ᠡ ᠶᠢᠨ ᠰᠡᠳᠬᠢᠬᠦᠢ ᠶᠢᠨ ᠵᠢᠷᠦᠮᠯᠡᠯ ᠠᠴᠠ ᠠᠵᠢᠭᠯᠠᠬᠤ ᠪᠤᠯᠤᠨ᠎ᠠ᠃ᠮᠤᠩᠭᠤᠯᠴᠤᠳ ᠨᠢ ᠭᠡᠷᠡᠭ ᠪᠤᠲᠠᠰ ᠦᠵᠡᠭᠲᠡᠯ ᠤᠳ ᠢ ᠨᠡᠷᠡᠯᠡᠬᠦ ᠳᠡᠭᠡᠨ ᠬᠠᠮᠢᠶ᠎ᠠ ᠨᠠᠮᠢᠶ᠎ᠠ ᠦᠭᠡᠢ ᠨᠡᠷᠡᠯᠡᠲᠡᠭ ᠪᠢᠰᠢ᠂ ᠬᠠᠷᠢᠨ ᠰᠡᠳᠬᠢᠬᠦᠢ ᠶᠢᠨ ᠴᠢᠩᠭ᠎ᠠ ᠵᠢᠷᠦᠮᠯᠡᠯ ᠲᠠᠢ ᠪᠠᠶᠢᠭᠰᠠᠨ ᠭᠡᠵᠦ ᠦᠵᠡᠨ᠎ᠡ᠃ ᠨᠢᠭᠡᠨᠳᠡ ᠨᠢᠭᠡ ᠵᠦᠢᠯ ᠤᠨ ᠬᠡᠷᠡᠭ ᠪᠤᠲᠠᠰ ᠤᠨ ᠲᠦᠷᠰᠦ ᠪᠠᠶᠢᠳᠡᠯ ᠢᠶᠠᠷ ᠡᠰᠢ ᠪᠠᠷᠢᠮᠳᠡ ᠪᠤᠯᠭᠠᠵᠤ ᠨᠢᠬᠡ ᠬᠡᠷᠡᠭ ᠪᠤᠳᠡᠰ ᠢ ᠵᠢᠭᠠᠨ ᠨᠡᠷᠡᠯᠡᠬᠦ ᠦᠶ᠎ᠡ ᠳᠤ ᠮᠤᠩᠭᠤᠯ ᠦᠭᠡ ᠬᠡᠯᠨ ᠲᠡᠭᠡᠷ᠎ᠡ ᠨᠢᠭᠡᠨ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠪᠦᠷᠢᠮᠦᠰᠦᠨ ᠲᠤᠭᠲᠠᠪᠤᠷᠢᠵᠢᠬᠤ ᠪᠤᠯᠤᠨ᠎ᠠ᠃ ᠡᠭᠦᠨ ᠤ ᠤᠯᠠᠮ ᠠᠴᠠ ᠡᠨᠡᠬᠦ ᠡᠰᠢ ᠪᠠᠷᠢᠮᠳᠠ ᠪᠤᠯᠭᠠᠭᠰᠠᠨ ᠬᠡᠷᠡᠭ ᠪᠤᠲᠠᠰ ᠤᠨ ᠲᠦᠷᠰᠦ ᠪᠠᠶᠢᠲᠠᠯ ᠢ ᠪᠤᠰᠤᠳ ᠬᠡᠷᠡᠭ ᠪᠤᠲᠠᠰ ᠦᠵᠡᠭᠲᠡᠯ ᠲᠠᠢ ᠬᠠᠷᠢᠴᠠᠭᠤᠯᠤᠨ ᠠᠳᠠᠯᠢᠳᠬᠠᠵᠤ᠂ ᠡᠨᠡᠬᠦ ᠡᠰᠢ ᠪᠠᠷᠢᠮᠳᠠ ᠪᠤᠯᠭᠠᠭᠰᠠᠨ ᠬᠡᠷᠡᠭ ᠪᠤᠲᠠᠰ ᠲᠠᠢ ᠲᠦᠰᠦᠭᠡᠷᠬᠦᠨ ᠪᠠᠶᠢᠭ᠎ᠠ ᠲᠡᠲᠡᠭᠡᠷ ᠬᠡᠷᠡᠭ ᠪᠤᠲᠠᠰ ᠦᠵᠡᠭᠲᠡᠯ ᠢ ᠵᠢᠭᠠᠨ ᠨᠡᠷᠡᠯᠡᠬᠦ ᠳᠡᠭᠡᠨ ᠪᠠᠰᠨ ᠬᠦ ᠲᠡᠷᠡᠬᠦ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠠᠴᠠ ᠡᠭᠦᠰᠴᠦ ᠪᠠᠶᠢᠲᠠᠭ ᠤᠨᠴᠠᠯᠢᠭ ᠲᠠᠢ ᠰᠢᠭ᠋ ᠪᠠᠶᠢᠨ᠎ᠠ᠃ᠲᠤᠬᠠᠶᠢᠯᠠᠪᠠᠯ᠄ ᠠᠮᠠᠨ ᠶᠠᠷᠢᠶᠠᠨ ᠳᠤ ᠲᠤᠲᠤᠷᠬᠠᠢ ᠰᠠᠯᠵᠤ ᠰᠤᠨᠤᠰᠳᠠᠳᠠᠭ ︽ᠪᠦ᠊︾ ᠠᠪᠢᠶ᠎ᠠ ᠶᠢ ᠠᠵᠢᠭᠯᠠᠵᠤ ᠦᠵᠡᠪᠡᠯ᠂ ᠡᠷᠲᠡᠨ ᠤ ᠮᠤᠩᠭᠤᠯᠴᠤᠳ ᠨᠢ ᠬᠡᠷᠪᠡ ᠤᠭ ᠮᠤᠲᠤ ᠶᠢᠨ ᠬᠡᠯᠪᠡᠷᠢ ᠲᠦᠷᠰᠦ ᠲᠠᠢ ᠲᠦᠰᠦᠭᠡᠲᠡᠢ ᠪᠠᠶᠢᠲᠠᠭ ᠶᠠᠮᠠᠷ ᠨᠢᠭᠡᠨ ᠬᠡᠷᠡᠭ ᠪᠤᠲᠠᠰ ᠢ ᠦᠵᠡᠵᠦ ᠰᠢᠨᠵᠢᠵᠦ ᠪᠠᠶᠢᠭᠠᠳ ᠲᠡᠭᠦᠨ ᠢ ︽ᠪᠦ᠊︾ ᠡᠬᠢ ᠲᠠᠢ ᠦᠭᠡ ᠪᠠᠷ ᠬᠡᠶᠢᠰᠪᠦᠷᠢᠯᠡᠨ ᠬᠤᠷᠢᠶᠠᠩᠭᠤᠶᠢᠯᠠᠭᠰᠠᠨ ᠪᠤᠯ ᠡᠨᠡ ᠬᠡᠷᠡᠭ ᠪᠤᠲᠠᠰ ᠲᠠᠢ ᠲᠦᠰᠦᠭᠡᠷᠭᠦᠨ ᠬᠡᠷᠡᠭ ᠪᠤᠲᠠᠰ ᠦᠵᠡᠭᠲᠡᠯ ᠤᠳ  ᠢ ᠴᠦ ︽ᠪᠦ᠊︾ ᠡᠬᠢ ᠲᠠᠢ ᠦᠭᠡ ᠪᠠᠷ ᠨᠡᠷᠡᠯᠡᠲᠡᠭ ᠤᠨᠴᠠᠯᠢᠭ ᠪᠠᠶᠢᠭ᠎ᠠ ᠶᠤᠮ ᠰᠢᠭ᠋ ᠰᠠᠨᠠᠭᠲᠠᠨ᠎ᠠ᠃ᠬᠡᠷᠪᠡ᠂ ᠤᠭ ᠮᠤᠲᠤ ᠶᠢ ᠦᠵᠡᠵᠦ ᠰᠢᠨᠵᠢᠨ ᠲᠡᠭᠦᠨ ᠤ ᠬᠡᠯᠪᠡᠷᠢ ᠪᠠᠶᠢᠲᠠᠯ ᠰᠢᠨᠵᠢ ᠮᠠᠶ᠋ᠢᠭ ᠢ ︽ᠪᠦ᠊︾ ᠡᠬᠢ ᠲᠠᠢ ᠦᠭᠡ ᠪᠠᠷ᠂ ᠲᠤᠬᠠᠶᠢᠯᠠᠪᠠᠯ᠂ ︽ᠪᠦᠮᠪᠦᠷᠭᠡᠨ︾ ᠭᠡᠵᠦ ᠬᠡᠶᠢᠰᠪᠦᠷᠢᠯᠡᠨ ᠬᠤᠷᠢᠶᠠᠩᠭᠤᠶᠢᠯᠠᠭᠰᠠᠨ ᠪᠤᠯ᠂ ᠬᠡᠯᠪᠡᠷᠢ ᠲᠦᠷᠰᠦ ᠪᠠᠷ ᠢᠶᠠᠨ ᠤᠭ ᠮᠤᠲᠤᠨ ᠤ ᠪᠦᠮᠪᠦᠷᠢᠭᠡᠨ ᠬᠡᠯᠪᠡᠷᠢ ᠲᠠᠢ ᠲᠦᠰᠦᠭᠡᠲᠡᠢ ᠰᠢᠭ᠋ ᠶᠠᠭᠤᠮ᠎ᠠ ᠪᠤᠲᠠᠰ ᠬᠡᠷᠡᠭ ᠦᠵᠡᠭᠲᠡᠯ ᠢ ᠴᠦ ︽ᠪᠦ᠊︾ ᠡᠬᠢ ᠲᠠᠢ ᠦᠭᠡ ᠪᠠᠷ ᠨᠡᠷᠡᠯᠡᠵᠦ ᠲᠡᠮᠲᠡᠭᠯᠡᠲᠡᠭ ᠪᠠᠶᠢᠨ᠎ᠠ᠃ ᠮᠤᠩᠭᠤᠯ ᠠᠷᠠᠳ ᠤᠨ ᠠᠮᠠᠨ ᠦᠯᠢᠭᠡᠷ ᠲᠤ ︽ᠪᠦᠮᠪᠦᠭᠡᠨ ᠴᠠᠭᠠᠨ ᠭᠡᠷ︾ ᠭᠡᠵᠦ ᠶᠠᠷᠢᠭᠲᠠᠲᠠᠭ ᠪᠠᠶᠢᠭᠰᠠᠨ ᠶᠤᠮ᠃ ᠮᠤᠩᠭᠤᠯᠴᠤᠳ ᠪᠦᠲᠦᠭᠦᠨ ᠮᠤᠲᠤ ᠨᠢ ᠭᠠᠵᠠᠷ ᠤᠨ ᠭᠠᠲᠠᠷᠭᠤ ᠲᠡᠭᠡᠷ᠎ᠡ ᠪᠤᠰᠤᠭ᠎ᠠ ᠪᠠᠷ ᠲᠤᠭᠲᠠᠵᠤ ᠪᠠᠶᠢᠭ᠎ᠠ ᠰᠢᠭ᠋ ᠬᠡᠯᠪᠡᠷᠢ ᠲᠠᠢ ᠵᠤᠬᠢᠶᠠᠭᠰᠠᠨ ᠭᠡᠷ ᠢᠶᠠᠨ ᠪᠦᠮᠪᠦᠭᠡᠨ ᠭᠡᠷ ᠭᠡᠵᠦ᠂ ᠡᠨᠡ ᠭᠡᠷ ᠲᠤ ᠠᠵᠤ ᠲᠦᠷᠦᠵᠤ ᠠᠮᠢᠲᠤᠷᠠᠵᠤ ᠪᠠᠶᠢᠭ᠎ᠠ ᠨᠢᠭᠡ ᠭᠡᠷ ᠬᠦᠮᠦᠰ ᠢ ︽ᠪᠦᠯᠢ︾ ᠭᠡᠵᠦ᠂ ᠡᠨᠡ ᠭᠡᠷ ᠲᠠᠬᠢ ᠬᠦᠮᠦᠰ ᠴᠦᠮ ᠪᠠᠶᠢᠭ᠎ᠠ ᠶᠢ ︽ᠪᠦᠷ᠂ ᠪᠦᠬᠦᠲᠡ᠂ ᠪᠦᠬᠦᠨ︾ ᠬᠡᠬᠦ ᠮᠡᠲᠦ ᠪᠠᠷ ︽ᠪᠦ᠊︾ ᠡᠬᠢ ᠲᠠᠢ ᠦᠭᠡ ᠪᠠᠷ ᠢᠯᠡᠳᠭᠡᠲᠡᠭ ᠪᠤᠯᠤᠭᠰᠠᠨ ᠮᠠᠶ᠋ᠢᠭ ᠲᠠᠢ᠃ᠡᠨᠡ ᠮᠡᠲᠦ ᠪᠠᠷ ᠪᠦᠮᠪᠦᠭᠡᠨ ᠭᠡᠷ ᠤᠨ ᠰᠠᠭᠤᠷᠢ ᠶᠢᠨ ᠬᠡᠯᠪᠡᠷᠢ ᠲᠠᠢ ᠲᠦᠰᠦᠭᠡᠲᠡᠢ ᠲᠦᠷᠰᠦ ᠪᠦᠬᠦᠢ ᠵᠠᠰᠠᠯ ᠤᠨ ᠡᠳ᠋ — ᠬᠦᠮᠦᠨ ᠤ ᠬᠤᠷᠤᠭᠤᠨ ᠵᠠᠰᠠᠯ ᠢ ︽ᠪᠦᠯᠵᠡᠭ︾ ᠭᠡᠵᠦ᠂ ᠮᠤᠩᠭᠤᠯᠴᠤᠳ ᠪᠦᠯᠢ ᠤᠯᠠᠨ ᠢᠶᠠᠷ ᠢᠶᠠᠨ ᠬᠦᠷᠢᠶᠡᠯᠡᠨ ᠴᠤᠭᠯᠠᠵᠤ ᠨᠠᠶᠢᠷᠯᠠᠲᠠᠭ ᠢ ︽ᠪᠦᠵᠢᠭ︾ ᠭᠡᠵᠦ ᠨᠡᠷᠡᠯᠡᠲᠡᠭ ᠪᠤᠯᠤᠭᠰᠠᠨ ᠮᠡᠲᠦ᠃ᠦᠭᠡ ᠬᠡᠯᠡᠨ ᠤ ᠪᠠᠶᠠᠯᠢᠭᠵᠢᠯ ᠪᠠ ᠰᠡᠳᠬᠢᠬᠦᠢ ᠶᠢᠨ ᠬᠦᠭᠵᠢᠯ ᠨᠢ ᠬᠠᠷᠢᠯᠴᠠᠨ ᠠᠬᠢᠭᠤᠯᠲᠠᠭ᠃ ᠬᠦᠮᠦᠰ ᠠᠮᠢᠲᠤᠷᠠᠯ ᠲᠡᠮᠡᠴᠡᠯ ᠲᠤᠮᠲᠠ ᠠᠴᠠ ᠪᠦᠬᠦᠳᠡ ᠤᠯᠠᠨ ᠤ ᠬᠦᠴᠦᠨ ᠨᠢᠭᠡ ᠬᠦᠮᠦᠨ ᠤ ᠬᠦᠴᠦᠨ ᠠᠴᠠ ᠲᠡᠪᠠᠲᠠᠭ ᠭᠡᠰᠡᠨ ᠢ ᠮᠡᠳᠡᠵᠤ ᠡᠬᠢᠯᠡᠭᠰᠡᠨ ᠪᠠᠶᠢᠨ᠎ᠠ᠃ ᠲᠡᠶᠢᠨᠬᠦ ︽ᠪᠦᠯᠬᠦᠮᠲᠡᠯ︾ ᠭᠡᠬᠦ ᠦᠭᠡᠨ ᠠᠴᠠ ︽ᠬᠦᠴᠦᠨ᠂ ᠴᠢᠲᠠᠯ᠂ ᠴᠢᠬᠢᠷᠠᠭ᠂ ᠪᠠᠬᠢ︾ ᠭᠡᠬᠦ ᠮᠡᠲᠦ ᠤᠳᠬ᠎ᠠ ᠠᠭᠤᠯᠭ᠎ᠠ ᠬᠦᠮᠦᠰ ᠤᠨ ᠰᠡᠳᠬᠢᠬᠦᠢ ᠳᠤ ᠲᠤᠰᠬᠠᠭᠲᠠᠬᠤ ᠪᠤᠯᠤᠭᠰᠠᠨ ᠢᠶᠠᠷ ︽ᠪᠦ᠊︾ ᠡᠬᠢ ᠲᠠᠢ ᠦᠭᠡ ᠶᠢ ᠪᠠᠰᠨ ᠶᠠᠭᠤᠮ᠎ᠠ ᠶᠢᠨ ᠭᠠᠲᠠᠬᠤ ᠪᠠᠬᠢ ᠴᠢᠨᠠᠷ ᠢ ᠵᠢᠭᠠᠬᠤ ᠳᠤ ᠬᠡᠷᠡᠭᠯᠡᠵᠦ ︽ᠪᠦᠬᠡ︾ ᠭᠡᠲᠡᠭ ᠦᠭᠡ ᠪᠠᠷ ᠶᠠᠭᠤᠮ᠎ᠠ ᠶᠢᠨ ᠪᠠᠭᠢᠯᠢᠭ᠌ ᠴᠢᠨᠠᠷ ᠢ ᠢᠯᠡᠳᠭᠡᠲᠡᠭ ᠪᠠᠶᠢᠨ᠎ᠠ᠃ ᠡᠭᠦᠨ ᠤ ᠤᠯᠠᠮ ᠢᠶᠠᠷ ᠨᠡᠶᠢᠭᠡᠮ ᠤᠨ ᠠᠵᠢᠯᠯᠠᠭ᠎ᠠ ᠶᠢᠨ ᠠᠭᠤᠯᠭ᠎ᠠ ᠳᠤ ᠢᠯᠡᠷᠡᠭᠰᠡᠨ ᠮᠤᠩᠭᠤᠯᠴᠤᠳ ᠤᠨ ᠡᠷ᠎ᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠲᠤᠮ ᠳᠠᠬᠢ ᠬᠦᠴᠦ ᠲᠤᠷᠪᠢ ᠲᠠᠢ ᠬᠦᠮᠦᠰ ᠤᠨ ᠡᠷ᠎ᠡ ᠶᠢᠨ ᠰᠠᠶᠢᠨ ᠢ ᠲᠡᠮᠡᠴᠡᠵᠦ᠂ ᠪᠠᠷᠢᠯᠲᠤᠨ ᠨᠤᠴᠤᠯᠲᠤᠭᠴᠢᠳ ᠢ ︽ᠪᠦᠬᠡ︾ ᠭᠡᠵᠦ ᠨᠡᠷᠡᠯᠡᠪᠡ᠃ ᠡᠨᠡ ︽ᠪᠦᠭᠡ︾ ᠭᠡᠲᠡᠭ ᠦᠭᠡ ᠳᠤ ᠶᠠᠭᠤᠮ᠎ᠠ ᠶᠢᠨ ᠪᠠᠬᠢᠯᠢᠭ᠌ ᠴᠢᠨᠠᠷ ᠢ ᠵᠢᠭᠠᠭᠰᠠᠨ ᠤᠳᠬ᠎ᠠ ᠪᠠᠶᠢᠬᠤ  ᠪᠠᠷ ᠪᠠᠷᠠᠬᠤ ᠦᠭᠡᠢ ᠤᠯᠠᠨ ᠶᠠᠭᠤᠮ᠎ᠠ ᠬᠤᠷᠠᠵᠤ ᠴᠤᠭᠯᠠᠷᠠᠭᠠᠳ ᠪᠦᠷᠢᠯᠲᠦᠭᠰᠡᠨ ᠴᠤᠭᠴᠠ ᠪᠤᠯᠤᠭᠰᠠᠨ ᠢ ᠵᠢᠭᠠᠭᠰᠠᠨ ᠤᠳᠬ᠎ᠠ ᠲᠠᠢ ᠪᠠᠶᠢᠭ᠎ᠠ ᠶᠤᠮ ᠪᠠᠶᠢᠨ᠎ᠠ᠃ ᠲᠤᠬᠠᠶᠢᠯᠠᠪᠠᠯ᠂ ︽ᠪᠦᠭᠡ︾ ᠭᠡᠲᠡᠭ ᠦᠭᠡ ᠶᠢᠨ ᠵᠢᠭᠠᠵᠤ ᠨᠡᠷᠡᠯᠡᠵᠦ ᠪᠠᠶᠢᠭ᠎ᠠ ᠲᠤᠬᠠᠢ ᠶᠢᠨ ᠬᠦᠮᠦᠨ ᠳᠤ ᠬᠦᠴᠦ ᠲᠠᠮᠢᠷ᠂ ᠬᠤᠷᠴᠠ ᠰᠠᠮᠪᠠᠭ᠎ᠠ᠂ ᠪᠦᠭᠡ ᠶᠢᠨ ᠤᠷᠠᠨ ᠲᠠᠮ ᠪᠦᠷᠢᠯᠲᠦᠭᠰᠡᠨ  ᠢ ᠵᠢᠭᠠᠭᠰᠠᠨ ᠤᠳᠬ᠎ᠠ ᠲᠠᠢ ᠪᠠᠶᠢᠭ᠎ᠠ ᠶᠤᠮ ᠪᠠᠶᠢᠨ᠎ᠠ᠃ᠨᠡᠶᠢᠭᠡᠮ ᠤᠨ ᠬᠦᠭᠵᠢᠯ ᠤᠨ ᠶᠠᠪᠤᠴᠠ ᠳᠤ ᠪᠤᠢ ᠪᠤᠯᠤᠭᠰᠠᠨ ᠶᠠᠭᠤᠮᠠᠰ ᠢ ᠵᠢᠭᠠᠨ ᠨᠡᠷᠡᠯᠡᠬᠦ ᠳᠡᠭᠡᠨ ᠴᠦ ᠲᠡᠲᠡᠭᠡᠷ ᠶᠠᠭᠤᠮᠠᠰ ᠤᠨ ᠬᠡᠯᠪᠡᠷᠢ ᠲᠦᠷᠰᠦ ᠤᠨᠴᠠᠯᠢᠭ ᠰᠢᠨᠵᠢ ᠶᠢ ᠶᠠᠮᠠᠷ ᠨᠢᠭᠡᠨ ᠡᠰᠢ ᠪᠠᠷᠢᠮᠳᠠ ᠪᠤᠯᠭᠠᠭᠰᠠᠨ ᠬᠡᠷᠡᠭ ᠪᠤᠲᠠᠰ  ᠲᠠᠢ ᠬᠤᠯᠪᠤᠭᠲᠠᠭᠤᠯᠤᠨ ᠰᠡᠳᠬᠢᠬᠦ ᠪᠠ ᠡᠨᠡᠬᠦ ᠡᠰᠢ ᠪᠠᠷᠢᠮᠳᠠ ᠪᠤᠯᠭᠠᠭᠰᠠᠨ ᠭᠡᠷᠡᠭ ᠪᠤᠲᠠᠰ ᠲᠠᠢ ᠬᠤᠯᠪᠤᠭᠲᠠᠭᠤᠯᠤᠨ ᠰᠡᠳᠬᠢᠵᠦ ᠪᠠᠶᠢᠭᠠᠳ ᠨᠢᠭᠡᠨᠳᠡ ᠵᠢᠭᠠᠨ ᠨᠡᠷᠡᠯᠡᠭᠲᠡᠭᠰᠡᠨ ᠪᠤᠰᠤᠳ ᠬᠡᠷᠡᠭ ᠪᠤᠲᠠᠰ ᠤᠳ ᠲᠠᠢ ᠴᠦᠮ ᠬᠤᠯᠪᠤᠭᠲᠠᠭᠤᠯᠤᠨ ᠰᠡᠳᠬᠢᠲᠡᠭ᠃ ᠲᠡᠶᠢᠮᠦ ᠳᠡᠭᠡᠨ ᠨᠡᠩ ᠨᠠᠷᠢᠯᠢᠭ ᠰᠡᠳᠬᠢᠨ ᠵᠠᠲᠠᠯᠵᠤ ᠰᠢᠨᠵᠢᠯᠡᠭᠡᠳ ᠤᠨᠤᠪᠴᠢᠲᠠᠢ ᠨᠡᠷᠡᠯᠡᠬᠦ ᠶᠢ ᠵᠤᠷᠢᠲᠠᠭ ᠪᠠᠶᠢᠨ᠎ᠠ᠃ ᠵᠢᠱᠢᠶᠡᠯᠡᠪᠡᠯ᠄ ᠸᠠᠭᠠᠷ ᠪᠤᠲᠤᠩ ᠤᠨ ᠠᠮᠰᠠᠷ ᠢ ᠲᠠᠭᠯᠠᠬᠤ ᠶᠠᠭᠤᠮ᠎ᠠ ᠶᠢ ︽ᠪᠦᠷᠢᠶᠡᠰᠦ︾ ᠭᠡᠲᠡᠭ ᠪᠠᠶᠢᠨ᠎ᠠ᠃ ᠬᠡᠷᠪᠡ ᠪᠤᠲᠤᠩ ᠤᠨ ᠠᠮᠰᠠᠷ ᠢ ᠪᠦᠷᠢᠭᠰᠡᠨ ᠦᠭᠡᠢ ᠪᠠᠶᠢᠭ᠎ᠠ ᠦᠶᠠᠰ ᠪᠤᠳᠤᠩ ᠤᠨ ᠠᠮᠰᠠᠷ ᠨᠢ ᠵᠠᠳᠠᠭᠠᠢ ᠪᠠᠷ ᠢᠶᠠᠨ ᠪᠠᠶᠢᠳᠠᠭ ᠳᠤᠯᠨ ᠳᠡᠬᠦᠨ ᠢ ᠪᠦᠬᠦᠯᠢ ᠬᠡᠯᠪᠡᠷᠢ ᠲᠠᠢ ᠭᠡᠵᠤ ᠦᠵᠡᠭᠰᠡᠨ ᠦᠭᠡᠢ ᠬᠠᠷᠢᠨ ᠳᠠᠷᠡᠬᠦ ︽ᠪᠦᠷᠢᠶᠠᠰᠦ︾ ᠪᠠᠷ ᠪᠤᠳᠤᠩ ᠤᠨ ᠠᠮᠰᠠᠷ ᠢ ᠪᠦᠷᠢᠮᠡᠭᠴᠡ ᠪᠦᠬᠦᠯᠢ ᠪᠦᠲᠦᠨ᠂ ᠪᠢᠲᠡᠬᠦᠦ ᠪᠦᠮᠪᠦᠭᠡᠯᠢᠭ ᠰᠠᠭᠤᠲᠠᠯ ᠦᠭᠬᠦ ᠨᠢ ᠲᠤᠲᠤ ᠲᠤᠯᠨ ︽ᠪᠦ᠊︾ ᠡᠬᠢ ᠲᠠᠢ ᠦᠭᠡ ᠶᠢ ᠲᠠᠷᠤᠢ ᠲᠡᠷᠡᠬᠦ ︽ᠪᠦᠷᠢᠶᠡᠰᠦᠨ︾ ᠲᠡᠭᠡᠷ᠎ᠡ ᠬᠡᠷᠡᠭᠯᠡᠭᠰᠡᠨ ᠮᠡᠲᠦ᠃ ᠡᠨᠡ ᠮᠡᠲᠦ ᠪᠠᠷ ︽ᠪᠦᠷᠭᠦᠭᠡᠰᠦ᠂ ᠪᠦᠲᠦᠭᠡᠯᠭᠡ᠂ ᠪᠦᠭᠯᠡᠭᠡ︾ ᠭᠡᠬᠦ ᠮᠡᠲᠦ ᠤᠯᠠᠨ ᠤᠬᠠᠭᠲᠠᠬᠤᠨ ᠨᠤᠭᠤᠳ ᠪᠦᠷᠢᠯᠲᠦᠭᠰᠡᠨ ᠪᠤᠯᠤᠮᠵᠢᠳᠡᠢ᠃ ᠡᠳᠡᠬᠡᠷ ᠤᠨ ᠤᠯᠠᠮ ᠠᠴᠠ ︽ᠪᠦᠭᠴᠢᠮ᠎ᠠ᠂ ᠪᠦᠷᠬᠦᠭ᠂ ᠪᠦᠷᠦᠢ᠂ ᠪᠦᠳᠡᠬᠢ᠂ ᠪᠦᠳᠡᠩᠰᠡᠬᠦ︾ ᠬᠡᠬᠦ ᠮᠡᠲᠦ ᠤᠬᠠᠭᠳᠡᠬᠤᠨ ᠪᠦᠷᠢᠯᠲᠦᠭᠰᠡᠨ ᠰᠢᠭ᠋ ᠰᠠᠨᠠᠭᠳᠡᠨ᠎ᠠ᠃ᠰᠡᠳᠬᠢᠬᠦᠢ ᠪᠠ ᠦᠬᠡ ᠬᠡᠯᠡᠨ ᠤ ᠬᠠᠷᠢᠴᠠᠭ᠎ᠠ ᠠᠴᠠ ᠦᠵᠡᠪᠡᠯ᠂ ᠦᠬᠡ ᠬᠡᠯᠡᠨ ᠤ ᠮᠡᠲ᠋ᠧᠷᠢᠶᠠᠯ ᠠᠴᠠ ᠰᠠᠯᠤᠭᠰᠠᠨ ᠰᠡᠳᠬᠢᠬᠦᠢ ᠭᠡᠵᠤ ᠪᠠᠶᠢᠬᠤ ᠦᠭᠡᠢ᠂ ᠰᠠᠳᠬᠢᠬᠦᠢ ᠠᠴᠠ ᠰᠠᠯᠤᠭᠰᠠᠨ ᠦᠬᠡ ᠬᠡᠯᠨ ᠭᠡᠵᠤ ᠦᠭᠡᠢ ᠶᠤᠮ᠂ ᠡᠬᠦᠰᠤᠯ  ᠠᠴᠠ ᠨᠢ ᠬᠡᠯᠡᠪᠡᠯ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠤ ᠰᠡᠳᠬᠢᠬᠦᠢ ᠨᠢ ᠦᠬᠡ ᠬᠡᠯᠨ ᠲᠠᠢ ᠬᠠᠮᠳᠤ ᠪᠠᠷ ᠪᠤᠢ ᠪᠤᠯᠤᠭᠰᠠᠨ ᠪᠠᠶᠢᠳᠠᠭ᠃ ᠳᠡᠷᠢᠬᠢᠨ ᠤ ᠳᠤᠰᠬᠠᠬᠤ ᠶᠠᠪᠤᠴᠠ ᠠᠴᠠ ᠨᠢ ᠠᠪᠴᠤ ᠬᠡᠯᠡᠪᠡᠯ ᠰᠡᠳᠬᠢᠬᠦᠢ ᠶᠢᠨ ᠠᠵᠢᠯᠯᠠᠭ᠎ᠠ ᠨᠢ ᠦᠬᠡ ᠬᠡᠯᠡᠨ ᠤ ᠮᠠᠲ᠋ᠧᠷᠢᠶᠠᠯ ᠳᠤ ᠲᠦᠰᠢᠭᠯᠡᠵᠤ ᠶᠠᠪᠤᠭᠳᠠᠳᠠᠭ᠃ ᠳᠡᠬᠦᠡᠴᠢᠯᠠᠨ ᠦᠬᠡ ᠬᠡᠯᠡᠨ ᠤ ᠮᠡᠲ᠋ᠧᠷᠢᠶᠠᠯ ᠢᠶᠠᠷ ᠰᠡᠳᠬᠢᠬᠦᠢ ᠶᠢᠨ ᠠᠵᠢᠯᠯᠠᠭ᠎ᠠ ᠶᠢ ᠪᠠᠬᠢᠵᠢᠬᠦᠯᠳᠡᠭ᠃ ᠰᠡᠳᠬᠢᠬᠦᠢ ᠨᠢ ᠦᠬᠡ ᠬᠡᠯᠨ ᠲᠠᠢ ᠰᠠᠯᠤᠰᠢ ᠦᠭᠡᠢ ᠨᠢᠭᠳᠠ ᠬᠠᠷᠢᠴᠠᠭ᠎ᠠ ᠲᠠᠢ᠃ ᠬᠦᠮᠤᠰ ᠦᠬᠡ ᠬᠡᠯᠡᠨ ᠤ ᠳᠤᠬᠢᠶ᠎ᠠ ᠶᠢ ᠠᠰᠢᠭᠯᠠᠵᠤ ᠬᠡᠶᠢᠰᠪᠤᠷᠢᠯᠡᠨ ᠰᠡᠳᠬᠢᠳᠡᠭ᠃ ᠦᠬᠡ ᠬᠡᠯᠨ ᠬᠡᠲᠦᠢ ᠪᠠᠶᠠᠯᠢᠭᠵᠢᠪᠠᠯ ᠬᠦᠮᠦᠰ ᠤᠨ ᠬᠡᠶᠢᠰᠪᠤᠷᠢ ᠰᠡᠳᠬᠢᠬᠦᠢ ᠶᠢ ᠨᠦᠯᠦᠬᠡᠯᠡᠬᠦ ᠦᠬᠡ ᠬᠡᠯᠡᠨ ᠤ ᠳᠤᠬᠢᠶ᠎ᠠ ᠤᠯᠠᠰᠢᠷᠠᠳᠠᠭ ᠪᠠᠶᠢᠨ᠎ᠠ᠃ᠡᠶᠢᠮᠤ ᠠᠴᠠ ᠦᠬᠡ ᠬᠡᠯᠡᠨ ᠤ ᠬᠦᠭᠵᠢᠯ ᠵᠤᠬᠢᠬᠤ ᠱᠠᠳᠤᠨ ᠳᠤ ᠬᠦᠷᠦᠭᠰᠡᠨᠨ ᠤ ᠰᠡᠬᠦᠯᠡᠷ ᠬᠦᠮᠦᠰ ᠬᠡᠷᠡᠭ ᠪᠤᠳᠡᠰ ᠦᠵᠡᠭᠳᠡᠯ ᠢ ᠵᠢᠭᠠᠵᠤ ᠨᠡᠷᠡᠯᠡᠬᠦ ᠳᠡᠭᠡᠨ ᠶᠠᠮᠠᠷ ᠨᠢᠬᠡᠨ ᠡᠰᠢ ᠪᠠᠷᠢᠮᠳᠡ ᠪᠤᠯᠭᠠᠭᠰᠠᠨ ᠬᠡᠷᠡᠭ ᠪᠤᠳᠡᠰ ᠪᠤᠶᠤ ᠳᠡᠬᠦᠨ ᠲᠠᠢ ᠢᠯᠡᠷᠬᠡᠶᠢᠶ᠎ᠠ ᠲᠦᠰᠦᠬᠡᠳᠡᠢ ᠪᠠᠶᠢᠳᠠᠭ ᠳᠡᠳᠡᠬᠡᠷ ᠬᠡᠷᠡᠭ ᠪᠤᠳᠡᠰ ᠤᠳ ᠲᠠᠢ ᠰᠢᠭᠤᠳ ᠬᠤᠯᠪᠤᠭᠳᠡᠭᠤᠯᠤᠨ ᠰᠡᠳᠬᠢᠵᠤ ᠵᠢᠭᠠᠨ ᠨᠡᠷᠡᠯᠡᠳᠡᠭ ᠪᠢᠰᠢ᠂ ᠬᠠᠷᠢᠨ ᠳᠡᠳᠡᠬᠡᠷ ᠬᠡᠷᠡᠭ ᠪᠤᠳᠡᠰ ᠤᠨ ᠳᠤᠳᠤᠷᠡᠬᠢ ᠠᠯᠢ ᠨᠢᠬᠡᠨ ᠬᠡᠷᠡᠭ ᠪᠤᠳᠡᠰ ᠲᠤᠨᠢ ᠬᠤᠯᠪᠤᠭᠳᠠᠭᠰᠠᠨ ᠤᠡᠴᠠᠭᠠᠢ ᠪᠠᠶᠢᠳᠡᠯ ᠠᠴᠠ ᠡᠰᠢᠯᠠᠵᠤ ᠡᠨᠡᠬᠦ ᠤᠡᠴᠠᠭᠠᠢ ᠪᠠᠶᠢᠳᠡᠯ ᠳᠤ ᠬᠤᠯᠪᠤᠭᠳᠠᠭᠰᠠᠨ ᠪᠤᠰᠤᠳ ᠬᠡᠷᠡᠭ ᠦᠵᠡᠭᠳᠡᠯ ᠢ ᠵᠢᠭᠠᠨ ᠨᠡᠷᠡᠯᠡᠳᠡᠭ᠃ ᠳᠤᠬᠠᠶᠢᠯᠠᠪᠠᠯ᠂ ︽ᠪᠦᠮᠪᠤᠷᠢᠬᠡᠨ᠂ ᠪᠦᠮᠪᠦᠬᠡᠨ᠂ ᠪᠦᠷᠢᠶᠠᠰᠦ︾ ᠬᠡᠬᠦ ᠮᠡᠲᠦ ᠦᠬᠡ ᠨᠢ ᠨᠢᠬᠡ ᠡᠰᠢ ᠪᠠᠷᠢᠮᠳᠡ ᠪᠤᠯᠭᠠᠭᠰᠠᠨ ᠪᠦᠮᠪᠦᠬᠡᠯᠢᠭ ᠬᠡᠯᠪᠡᠷᠢ ᠪᠦᠬᠦᠢ ᠬᠡᠷᠡᠭ ᠪᠤᠳᠡᠰ ᠲᠠᠢ ᠬᠡᠯᠪᠡᠷᠢ ᠲᠦᠷᠰᠦ ᠪᠠᠷ ᠢᠶᠠᠨ ᠢᠯᠡᠷᠬᠡᠢ ᠲᠦᠰᠦᠬᠡᠳᠡᠢ ᠪᠠᠶᠢᠳᠠᠭ ᠬᠡᠷᠡᠭ ᠪᠤᠳᠡᠰ ᠦᠵᠡᠭᠳᠡᠯ ᠢ ᠨᠡᠷᠡᠯᠡᠨ ᠵᠢᠭᠠᠬᠤ ᠳᠤ ᠪᠤᠢ ᠪᠤᠯᠤᠭᠰᠠᠨ ᠪᠠᠶᠢᠬᠤ ᠳᠤ ︽ᠪᠦᠭᠴᠢᠮ᠎ᠠ᠂ ᠪᠦᠷᠬᠦᠭ᠂ ᠪᠦᠷᠤᠢ᠂ ᠪᠦᠳᠡᠬᠢ᠂ ᠪᠦᠳᠡᠩᠰᠡᠬᠦ︾ ᠬᠡᠬᠦ ᠮᠡᠲᠦ ᠦᠬᠡ ᠨᠢ ︽ᠪᠦᠷᠢᠶᠠᠰᠦ︾ ᠬᠡᠬᠦ ᠤᠬᠠᠭᠳᠡᠬᠤᠨ ᠲᠠᠢ ᠬᠤᠯᠪᠤᠭᠳᠡᠵᠤ ᠬᠠᠷᠢᠨ ᠳᠡᠳᠡᠬᠡᠷ ᠦᠬᠡᠰ ᠨᠢ ᠪᠦᠷᠢᠶᠠᠰᠦᠨ ᠤ ᠳᠤᠳᠤᠭᠠᠳᠤ ᠳᠡᠯ᠎ᠠ ᠳᠤ ᠢᠯᠡᠷᠡᠭᠰᠡᠨ ᠤᠡᠴᠠᠭᠠᠢ ᠪᠠᠶᠢᠳᠡᠯ ᠳᠤ ᠬᠤᠯᠪᠤᠭᠳᠡᠵᠤ ᠪᠠᠶᠢᠭ᠎ᠠ ᠬᠡᠷᠡᠭ ᠦᠵᠡᠭᠳᠡᠯ ᠢ ᠵᠢᠭᠠᠭᠰᠠᠨ ᠦᠬᠡᠰ ᠪᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃ᠶᠠᠷᠦᠩᠬᠡᠢ ᠳᠤᠨᠢ ᠠᠪᠴᠤ ᠬᠡᠯᠡᠪᠡᠯ ︽ᠪᠦ᠊︾ ᠡᠬᠢ ᠲᠠᠢ ᠬᠡᠰᠡᠭ ᠦᠬᠡᠨ ᠳᠤ ᠪᠦᠮᠪᠦᠷᠢᠬᠡᠨ ᠪᠦᠮᠪᠦᠬᠡᠯᠢᠭ ᠶᠠᠭᠤᠮ᠎ᠠ ᠶᠢ ᠵᠢᠭᠠᠭᠰᠠᠨ ᠪᠤᠶᠤ ᠦᠳᠬᠡᠷᠡᠨ ᠠᠭᠰᠢᠷᠡᠵᠤ ᠪᠦᠬᠡᠮᠨᠡᠷᠡᠭᠰᠡᠨᠨ ᠶᠠᠭᠤᠮ᠎ᠠ ᠪᠠᠶᠢᠳᠡᠯ ᠢ ᠵᠢᠭᠠᠭᠰᠠᠨ ᠨᠠᠶᠢᠳᠡᠯᠢᠭ ᠤᠳᠬ᠎ᠠ  ᠲᠠᠢ ᠪᠠᠶᠢᠨ᠎ᠠ᠃ᠨᠡᠶᠢᠬᠡᠮ ᠤᠨ ᠶᠠᠮᠠᠷᠴᠤ ᠦᠵᠡᠭᠳᠡᠯ ᠢ ᠰᠢᠡᠵᠢᠬᠦ ᠳᠤ ᠳᠡᠬᠦᠨ ᠤ ᠪᠤᠢ ᠪᠤᠯᠤᠭᠰᠠᠨ ᠪᠠ ᠬᠦᠭᠵᠢᠭᠰᠡᠨ ᠳᠡᠤᠬᠡᠨ ᠦᠡᠲᠦᠰᠦᠨ ᠬᠠᠷᠢᠴᠠᠭ᠎ᠠ ᠶᠢ ᠤᠮᠳᠤᠭᠠᠶᠢᠯᠠᠵᠤ ᠪᠤᠯᠬᠤ ᠦᠭᠡᠢ ᠶᠤᠮ᠃ ᠨᠡᠶᠢᠬᠡᠮ ᠤᠨ ᠦᠵᠡᠭᠳᠡᠯ ᠤᠨ ᠨᠢᠬᠡ ᠨᠢ ᠪᠤᠯᠬᠤ ᠦᠬᠡ ᠬᠡᠯᠡᠨ ᠤ ᠬᠦᠭᠵᠢᠯ ᠪᠤᠯ ᠨᠡᠶᠢᠬᠡᠮ ᠤᠨ ᠬᠦᠭᠵᠢᠯ ᠲᠠᠢ ᠨᠢᠭᠳᠠ ᠬᠤᠯᠪᠤᠭᠳᠡᠵᠤ ᠪᠠᠶᠢᠳᠠᠭ᠃ ᠳᠡᠶᠢᠡᠬᠦ ᠦᠬᠡ ᠬᠡᠯᠡᠨ ᠤ ᠠᠰᠠᠭᠤᠳᠡᠯ ᠢ ᠰᠢᠡᠵᠢᠬᠦ ᠳᠤ ᠳᠡᠤᠬᠡ ᠶᠢᠨ ᠠᠰᠠᠭᠤᠳᠡᠯ ᠬᠤᠯᠪᠤᠭᠳᠠᠳᠠᠭ ᠶᠤᠮ᠃ ᠬᠡᠳᠡᠯ᠎ᠠ ᠦᠬᠡ ᠬᠡᠯᠨ ᠨᠢ ᠰᠡᠳᠬᠢᠬᠦᠢ ᠲᠠᠢ ᠨᠢᠭᠳᠠ ᠬᠠᠷᠢᠴᠠᠭ᠎ᠠ ᠲᠠᠢ ᠳᠤᠯᠨ ᠦᠬᠡ ᠬᠡᠯᠡᠨ ᠤ ᠠᠰᠠᠭᠤᠳᠡᠯ ᠳᠤ ᠪᠠᠰᠠ ᠳᠠᠷᠡᠬᠦ ᠦᠬᠡ ᠬᠡᠯᠨ ᠶᠢ ᠬᠡᠷᠡᠭᠯᠡᠵᠤ ᠪᠠᠶᠢᠭ᠎ᠠ ᠦᠡᠲᠦᠰᠦᠳᠡᠨ ᠤ ᠰᠡᠳᠬᠢᠬᠦᠢ ᠶᠢᠨ ᠠᠰᠠᠭᠤᠳᠡᠯ ᠬᠤᠯᠪᠤᠭᠳᠡᠨ᠎ᠠ᠃ ᠳᠠᠷᠤᠢ ᠦᠡᠦᠰᠦᠳᠡᠨ ᠤ ᠴᠢᠨᠡᠷ ᠬᠤᠯᠪᠤᠭᠳᠡᠬᠤ ᠪᠤᠯᠤᠨ᠎ᠠ᠃ ᠨᠢᠬᠡ ᠦᠡᠲᠦᠰᠦᠳᠡᠨ ᠤ ᠠᠷᠡᠳ ᠲᠦᠮᠡᠨ ᠤ ᠬᠡᠷᠡᠭ ᠤᠴᠢᠷ ᠢ ᠤᠶᠢᠯᠠᠭᠠᠵᠤ ᠪᠠᠶᠢᠭ᠎ᠠ ᠠᠷᠭ᠎ᠠ ᠮᠠᠶ᠋ᠢᠭ ᠨᠢ ᠳᠠᠷᠨ ᠦᠡᠲᠦᠰᠦᠳᠡᠨ ᠤ ᠠᠷᠡᠳ ᠲᠦᠮᠡᠨ ᠤ ᠰᠡᠳᠬᠢᠬᠦᠢ ᠶᠢᠨ ᠠᠷᠭ᠎ᠠ ᠪᠠᠷᠢᠯ ᠲᠠᠢ ᠰᠢᠭᠤᠳ ᠬᠤᠯᠪᠤᠭ᠎ᠠ ᠲᠠᠢ ᠪᠠᠶᠢᠳᠠᠭ᠃ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠪᠤᠯ ᠰᠡᠳᠬᠢᠬᠦᠢ ᠶᠢᠨ ᠠᠵᠢᠯᠯᠠᠭ᠎ᠠ ᠪᠠᠷ ᠳᠡᠮᠵᠢᠭᠤᠯᠵᠤ ᠪᠤᠰᠤᠳᠴᠢ ᠬᠡᠷᠡᠭ ᠪᠤᠳᠡᠰ ᠢ ᠤᠶᠢᠯᠠᠭᠠᠨ ᠡᠵᠡᠮᠰᠢᠳᠡᠭ ᠪᠠᠶᠢᠨ᠎ᠠ᠃ ᠮᠤᠩᠭᠤᠯ ᠦᠡᠲᠦᠰᠦᠳᠡᠨ ᠨᠢ ᠳᠡᠯᠡᠬᠡᠢ ᠶᠢᠨ ᠪᠤᠰᠤᠳ ᠳᠡᠪᠰᠢᠩᠭᠤᠢ ᠦᠡᠲᠦᠰᠦᠳᠡᠨ ᠲᠠᠢ ᠠᠳᠡᠯᠢ ᠪᠠᠷ ᠠᠮᠢᠳᠤᠷᠡᠯ ᠳᠡᠮᠡᠴᠡᠯ ᠤᠨ ᠶᠠᠪᠤᠴᠠ ᠳᠠᠭᠠᠨ ᠪᠤᠰᠤᠳᠴᠢ ᠬᠡᠷᠡᠭ ᠪᠤᠳᠡᠰ ᠤᠨ ᠵᠢᠮ᠎ᠠ ᠶᠤᠰᠤᠨ ᠤ ᠳᠤᠬᠠᠢ ᠮᠡᠰᠢ ᠤᠯᠠᠨ ᠵᠦᠪ ᠤᠶᠢᠯᠠᠭᠠᠭᠳᠡᠬᠤᠨ ᠢ ᠪᠦᠷᠢᠯᠲᠦᠬᠦᠯᠵᠤ ᠴᠢᠳᠠᠭᠰᠠᠨ ᠪᠠᠶᠢᠳᠠᠭ᠃ ᠶᠠᠭ ᠳᠡᠶᠢᠮᠤ ᠠᠴᠠ ᠬᠡᠷᠡᠭ ᠪᠤᠳᠡᠰ ᠤᠨ ᠳᠤᠬᠠᠢ ᠳᠡᠨᠢᠯᠳᠡ ᠶᠢᠨ ᠶᠠᠪᠤᠴᠠ  ᠳᠤ ᠡᠷᠳᠡᠨ ᠤ ᠮᠤᠩᠭᠤᠯᠴᠤᠳ ᠤᠨ ᠤᠶᠤᠨ ᠰᠠᠨᠠᠭᠠᠨ ᠳᠤ ᠬᠤᠪᠢᠰᠤᠩᠭᠤᠢ ᠪᠤᠳᠡᠰᠴᠢ ᠦᠵᠡᠯ ᠤᠨ ᠦᠵᠡᠯ ᠰᠠᠨᠠᠭᠠᠨ  ᠤ ᠤᠯᠨ ᠮᠦᠷ ᠲᠠᠢ ᠪᠤᠯᠤᠭᠰᠠᠨ ᠭᠡᠵᠤ ᠦᠵᠡᠵᠤ ᠪᠤᠯᠬᠤ ᠶᠤᠮ᠃ᠡᠷᠳᠡᠨ ᠤ ᠮᠤᠩᠭᠤᠯᠴᠤᠳ ᠨᠢ ᠬᠡᠷᠡᠭ ᠪᠤᠳᠡᠰ ᠢ ᠠᠵᠢᠭᠯᠠᠨ ᠰᠢᠡᠵᠢᠬᠦ ᠳᠡᠭᠡᠨ ᠦᠷᠦᠬᠡᠰᠦᠯ ᠢᠶᠠᠷ ᠪᠢᠰᠢ ᠬᠠᠷᠢᠨ ᠬᠡᠷᠡᠭ ᠪᠤᠳᠡᠰ ᠦᠵᠡᠭᠳᠡᠯ ᠢ ᠬᠤᠭᠤᠷᠤᠡᠲᠦ ᠨᠢ ᠬᠠᠷᠢᠴᠠᠭᠤᠯᠤᠨ ᠰᠢᠡᠵᠢᠯᠡᠵᠤ᠂ ᠬᠡᠷᠡᠭ ᠪᠤᠳᠡᠰ ᠦᠵᠡᠭᠳᠡᠯ ᠢ ᠨᠠᠷᠡᠯᠡᠵᠤ ᠳᠡᠮᠳᠡᠭᠯᠡᠬᠦ ᠦᠶᠡᠰ ᠮᠤᠩᠭᠤᠯ ᠦᠡᠲᠦᠰᠦᠳᠡᠨ ᠤ ᠨᠡᠶᠢᠬᠡᠮ ᠨᠠᠶᠢᠳᠡ ᠶᠢᠨ ᠳᠤᠮᠳᠡ ᠨᠢᠬᠡᠨᠳᠡ ᠪᠦᠷᠢᠯᠳᠤᠨ ᠳᠤᠭᠳᠡᠪᠤᠷᠢᠵᠢᠭᠰᠠᠨ ᠠᠪᠢᠶ᠎ᠠ ᠳᠤᠬᠢᠶ᠎ᠠ ᠪᠠᠨ ᠬᠡᠷᠡᠭ ᠦᠵᠡᠭᠳᠡᠯ ᠤᠨ ᠨᠠᠶᠢᠳᠡᠯᠢᠭ ᠤᠡᠴᠠᠯᠢᠭ ᠰᠢᠡᠵᠢ ᠳᠡᠬᠡᠷ᠎ᠠ ᠴᠢᠳᠡᠮᠠᠭᠠᠢ ᠪᠠᠷ ᠵᠤᠬᠢᠴᠠᠭᠤᠯᠤᠨ ᠬᠡᠷᠡᠭᠯᠡᠵᠤ ᠪᠠᠶᠢᠳᠠᠭ᠃ ᠡᠨ᠋ᠨ ᠪᠤᠯ ᠳᠡᠳᠡᠨᠡᠷ ᠤᠨ ᠪᠤᠰᠤᠳᠴᠢ ᠬᠡᠷᠭ ᠦᠵᠡᠭᠳᠡᠯ ᠤᠨ ᠦᠪᠡᠷᠮᠢᠴᠠ ᠰᠢᠡᠵᠢ ᠪᠠ ᠨᠠᠶᠢᠳᠡᠯᠢᠭ ᠰᠢᠡᠵᠢ ᠶᠢᠨ ᠳᠡᠯ᠎ᠠ ᠪᠠᠷ ᠬᠢ ᠨᠠᠷᠢᠨ ᠳᠤᠳᠤᠷᠬᠠᠢ ᠠᠵᠢᠭᠯᠠᠯᠳᠡ ᠪᠠ ᠰᠡᠳᠬᠢᠬᠦᠢ  ᠶᠢᠨ ᠬᠦᠡᠴᠠ ᠶᠢ ᠬᠠᠷᠡᠭᠤᠯᠬᠤ ᠶᠤᠮ᠃ᠦᠵᠡᠯ ᠰᠠᠨᠠᠭᠠᠨ ᠤ ᠬᠦᠡᠴᠠ ᠨᠢ ᠦᠬᠡ ᠬᠡᠯᠡᠨ ᠤ ᠪᠠᠭᠳᠡᠭᠠᠮᠵᠢ ᠶᠢ ᠳᠤᠭᠳᠡᠭᠠᠳᠠᠭ ᠪᠢᠯᠨ᠃ ᠬᠦᠮᠦᠰ ᠤᠨ ᠦᠵᠡᠯ ᠰᠠᠨᠠᠭ᠎ᠠ ᠨᠢ ᠰᠠᠷᠡᠭᠤᠯ᠂ ᠳᠡᠨᠢᠯᠳᠡ ᠨᠢ ᠬᠦᠨ ᠬᠦᠡᠵᠡᠬᠡᠢ ᠪᠤᠯ ᠳᠡᠬᠦᠨ ᠤ ᠦᠬᠡ ᠬᠡᠯᠡᠨ ᠳᠤ ᠠᠭᠤᠯᠤᠭᠳᠡᠬᠤ ᠠᠭᠤᠯᠭ᠎ᠠ ᠨᠢ ᠠᠷᠪᠢᠨ ᠪᠠᠶᠢᠳᠠᠭ᠃ ᠳᠤᠷᠤᠭᠰᠢ ᠪᠠᠨ ᠮᠤᠩᠭᠤᠯ ᠦᠡᠲᠦᠰᠦᠳᠡᠨ ᠤ ᠦᠵᠡᠯ ᠰᠠᠨᠠᠭᠠᠨ ᠤ ᠬᠦᠡᠴᠠ  ᠲᠠᠢ ᠬᠤᠯᠪᠤᠭᠳᠠᠭᠰᠠᠨ ᠦᠬᠡ ᠬᠡᠯᠡᠨ ᠤ ᠪᠠᠭᠳᠡᠭᠠᠮᠵᠢ ᠶᠢᠨ ᠳᠤᠬᠠᠢ ᠠᠵᠢᠭᠯᠠᠬᠤ ᠳᠠᠭᠠᠨ    ︽ᠠ᠊︾ ᠡᠬᠢ ᠲᠠᠢ ᠬᠡᠰᠡᠭ ᠦᠬᠡᠰ ᠤᠨ ᠦᠬᠡ ᠬᠡᠯᠡᠨ ᠳᠤ ᠢᠯᠡᠷᠡᠭᠰᠡᠨ ᠬᠡᠰᠡᠭ ᠠᠭᠤᠯᠭ᠎ᠠ ᠲᠠᠢ ᠤᠶᠠᠯᠳᠤᠭᠤᠯᠵᠤ ᠰᠢᠡᠵᠢᠯᠡᠨ᠎ᠠ᠃︽ᠠ᠊︾ ᠡᠬᠡᠰᠢᠭ ᠢ ᠠᠪᠢᠶᠠᠯᠠᠬᠤ ᠦᠶ᠎ᠠ ᠶᠢᠨ ᠠᠮᠠᠨ ᠤ ᠬᠦᠡᠳᠡᠢ ᠶᠢᠨ ᠨᠡᠬᠡᠬᠡᠭᠳᠡᠬᠦ ᠬᠡᠮᠵᠢᠶ᠎ᠠ ᠨᠢ ᠪᠤᠰᠤᠳ ᠡᠬᠡᠰᠢᠭ ᠢ ᠠᠪᠢᠶᠠᠯᠠᠬᠤ ᠦᠶ᠎ᠠ ᠶᠢᠨ ᠠᠮᠠᠨ ᠬᠦᠡᠳᠡᠢ ᠶᠢᠨ ᠨᠡᠬᠡᠬᠡᠭᠳᠡᠬᠦ ᠬᠡᠮᠵᠢᠶ᠎ᠠ ᠠᠴᠠ ᠪᠦᠷ ᠴᠦ ᠶᠡᠭᠡ ᠪᠠᠶᠢᠳᠠᠭ᠃ ᠡᠬᠦᠨ ᠳᠤ ᠰᠡᠳᠬᠢᠬᠦᠢ ᠶᠢᠨ ᠨᠦᠯᠦᠬᠡᠯᠡᠯ ᠤᠷᠤᠰᠢᠵᠤ ᠪᠠᠶᠢᠬᠤ ᠶᠤᠮ᠃ ᠬᠦᠮᠦᠰ ᠤᠨ ᠰᠡᠳᠬᠢᠬᠦᠢ ᠶᠢᠨ ᠠᠵᠢᠯᠯᠠᠭ᠎ᠠ ᠨᠢ ᠬᠦᠮᠦᠰ  ᠤᠨ ᠠᠯᠢᠪᠠ ᠦᠢᠯᠨ ᠬᠦᠳᠡᠯᠬᠡᠬᠡᠨ ᠢ ᠵᠢᠯᠤᠭᠤᠳᠴᠤ ᠪᠠᠶᠢᠳᠠᠭ᠃ ᠬᠦᠮᠦᠰ ᠪᠠᠶᠢᠭᠠᠯᠢ ᠶᠢᠷᠲᠢᠡᠴᠤ ᠶᠢᠨ ᠬᠡᠷᠡᠭ ᠪᠤᠳᠡᠰ ᠦᠵᠡᠭᠳᠡᠯ ᠢ ᠰᠢᠡᠵᠢᠵᠤ ᠳᠡᠬᠦᠨ ᠤ ᠤᠡᠴᠠᠯᠢᠭ ᠰᠢᠡᠵᠢ ᠶᠢ ᠰᠡᠳᠬᠢᠬᠦᠢ ᠪᠠᠷ ᠢᠶᠠᠨ ᠳᠡᠮᠵᠢᠭᠤᠯᠤᠨ ᠦᠬᠡ ᠬᠡᠯᠨ ᠳᠡᠬᠡᠷ᠎ᠠ ᠬᠡᠶᠢᠰᠪᠤᠷᠢᠯᠡᠨ ᠭᠠᠷᠭᠠᠬᠤ ᠦᠶ᠎ᠠ ᠳᠤ ᠦᠬᠦᠯᠡᠬᠦ ᠡᠷᠬᠡᠳᠡᠨ ᠤ ᠬᠤᠪᠢᠷᠡᠯᠳᠡ ᠶᠢᠨ ᠪᠠᠶᠢᠳᠡᠯ ᠨᠢ ᠪᠤᠳᠡᠳᠡᠢ ᠬᠡᠷᠡᠭ ᠪᠤᠳᠡᠰ ᠤᠨ ᠬᠡᠯᠪᠡᠷᠢ ᠪᠠᠶᠢᠳᠡᠯ ᠳᠤ ᠶᠠᠭ ᠨᠦᠯᠦᠬᠡᠯᠡᠭᠳᠡᠬᠦ ᠦᠭᠡᠢ ᠬᠡᠰᠡᠨ ᠶᠠᠪᠤᠳᠡᠯ ᠪᠠᠶᠢᠬᠤ ᠦᠭᠡᠢ ᠶᠤᠮ᠃ ᠬᠠᠷᠢᠨ ᠵᠠᠷᠢᠮ ᠳᠠᠭᠠᠨ ᠮᠡᠰᠢ ᠨᠦᠯᠦᠬᠡᠯᠡᠳᠡᠭ᠂ ᠦᠯᠢᠬᠡᠷᠯᠡᠪᠡᠯ᠂ ᠳᠡᠬᠡᠷ᠎ᠠ ᠬᠡᠰᠡᠭ ᠦᠬᠦᠯᠡᠮᠵᠢ ᠳᠤ ᠬᠢ ︽ᠪᠦ᠊︾ ᠶᠢ ᠠᠪᠢᠶᠠᠯᠠᠬᠤ ᠦᠶ᠎ᠠ ᠳᠤ` ᠬᠤᠶᠠᠷ ᠤᠷᠤᠭᠤᠯ ᠬᠤᠮᠢᠨ ᠨᠠᠶᠢᠯᠠᠵᠤ ᠠᠮᠠᠨ ᠬᠦᠡᠳᠡᠢ ᠳᠤ ᠨᠢᠬᠡᠨ ᠪᠦᠮᠪᠤᠷᠢᠬᠡᠨ ᠤᠷᠤ ᠲᠦᠷᠰᠦᠯᠡᠭᠳᠡᠨ ᠪᠦᠲᠦᠭᠰᠡᠨ ᠨᠢ ᠳᠤᠳᠤᠷᠬᠠᠢ ᠮᠡᠳᠡᠭᠳᠡᠬᠦ ᠶᠤᠮ᠃︽ᠠ᠊︾ ᠡᠬᠢ ᠲᠠᠢ ᠬᠡᠰᠡᠭ ᠪᠦᠯᠦᠭ ᠦᠬᠡᠰ ᠢ ᠠᠵᠢᠭᠯᠠᠪᠠᠯ᠂ ᠮᠤᠩᠭᠤᠯ ᠬᠡᠯᠡᠨ ᠳᠠᠬᠢ ︽ᠠ᠊︾ ᠨᠢ. ᠠᠩ ᠴᠡᠪ ᠭᠠᠷᠴᠤ ᠰᠠᠯᠵᠤ ᠪᠠᠶᠢᠭ᠎ᠠ ᠪᠠᠶᠢᠳᠡᠯ ᠢ ᠵᠢᠭᠠᠳᠠᠭ ᠤᠨ ᠤᠯᠠᠮ ᠠᠴᠠ ᠬᠤᠭᠤᠷᠤᠡᠲᠦ ᠪᠠᠨ ᠵᠤᠬᠢᠬᠤ ᠵᠡᠢ ᠠᠯᠤᠰᠯᠠᠵᠤ ᠪᠠᠶᠢᠳᠠᠭ ᠶᠠᠭᠤᠮᠠᠰ ᠢ ᠵᠢᠭᠠᠬᠤ ᠳᠡᠬᠡᠷ᠎ᠠ ᠰᠢᠯᠵᠢᠵᠤ ᠬᠦᠭᠵᠢᠭᠰᠡᠨ ᠰᠢᠭ᠋ ᠰᠠᠨᠠᠭᠳᠡᠨ᠎ᠠ᠃ᠵᠢᠱᠢᠶᠡᠯᠡᠪᠡᠯ᠄ ᠠᠩ ᠴᠡᠪ ᠤᠨ ︽ᠠᠩ︾ ᠬᠡᠬᠦ ᠦᠬᠡ ᠶᠢᠨ ᠤᠳᠬ᠎ᠠ ᠨᠢ ᠪᠦᠳᠤᠨ ᠪᠠᠶᠢᠭᠰᠠᠨ ᠶᠠᠭᠤᠮ᠎ᠠ ᠰᠠᠯᠵᠤ ᠬᠠᠭᠠᠷᠡᠨ ᠬᠤᠶᠠᠷ ᠳᠡᠰᠢ ᠵᠠᠶᠢᠳᠡᠨ ᠠᠩ ᠵᠠᠭᠠᠭ ᠭᠠᠷᠤᠭᠰᠠᠨ ᠢ ᠵᠢᠭᠠᠵᠠᠢ᠃ ᠬᠡᠳᠡᠯ᠎ᠠ ᠡᠬᠦᠨ ᠠᠴᠠ ᠪᠤᠯᠵᠤ ︽ᠠ᠊︾ ᠠᠪᠢᠶ᠎ᠠ ᠶᠢ ᠡᠨ᠋ᠨ ᠨᠢᠬᠡ ᠶᠠᠭᠤᠮ᠎ᠠ ᠪᠠ ᠳᠠᠷᠨ ᠨᠢᠬᠡ ᠶᠠᠭᠤᠮ᠎ᠠ ᠶᠢ ᠬᠠᠷᠢᠴᠠᠭᠤᠯᠤᠭᠰᠠᠨ ᠤᠳᠬ᠎ᠠ ᠶᠢ ᠢᠯᠡᠳᠬᠡᠬᠦ ᠳᠤ ᠬᠡᠷᠡᠭᠯᠡᠵᠤ ᠪᠤᠯᠬᠤ ᠪᠤᠯᠤᠮᠵᠢᠳᠡᠢ ᠪᠤᠯᠵᠡᠢ᠂ ᠳᠠᠷᠤᠢ ᠡᠨᠡᠬᠦ ᠨᠠᠷᠢᠨ ᠵᠠᠭᠠᠭ ᠤᠨ ᠨᠢᠬᠡ ᠳᠡᠯ᠎ᠠ ᠶᠢ ᠨᠦᠬᠦᠬᠡ ᠳᠡᠯ᠎ᠠ ᠲᠠᠢ ᠬᠠᠷᠢᠴᠠᠭᠤᠯᠵᠤ ᠡᠬᠦᠨ ᠤ ᠤᠯᠠᠮ ᠠᠴᠠ ᠬᠤᠶᠡᠷ ᠡᠳᠡᠬᠡᠳ ᠲᠤ ᠪᠠᠶᠢᠭ᠎ᠠ ᠶᠠᠭᠤᠮ᠎ᠠ ᠪᠤᠳᠡᠰ ᠤᠨ ᠬᠤᠭᠤᠷᠤᠡᠳᠤᠬᠢ ᠤᠷᠤᠨ ᠵᠡᠢ ᠶᠢᠨ ᠬᠠᠷᠢᠴᠠᠭ᠎ᠠ ᠶᠢ ︽ᠠ᠊︾ ᠡᠬᠢᠲᠡᠢ ᠦᠭᠡ ᠪᠠᠷ ᠢᠯᠡᠳᠭᠡᠵᠦ ᠪᠤᠯᠬᠤ ᠪᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃ ᠲᠤᠬᠠᠶᠢᠯᠠᠪᠠᠯ᠂ ᠬᠦᠮᠦᠰ ᠬᠤᠶᠠᠷ ᠭᠠᠷ ᠢᠶᠠᠨ ᠬᠤᠶᠠᠷ ᠲᠡᠰᠢ ᠰᠤᠩᠭᠠᠨ ᠨᠢᠭᠡ ᠰᠢᠯᠤᠭᠤᠨ ᠲᠡᠭᠡᠷ᠎ᠡ ᠤᠷᠤᠰᠢᠬᠤ ᠦᠶᠡᠰ ᠤᠨ ᠬᠤᠶᠠᠷ ᠭᠠᠷ ᠤᠨ ᠠᠯᠠᠭ᠎ᠠ ᠶᠢᠨ ᠵᠠᠶᠢᠲᠠᠭᠰᠠᠨ ᠢ ︽ᠠᠯᠲᠠᠯᠠᠬᠤ︾ ᠭᠡᠵᠡᠢ᠃ ᠬᠦᠮᠦᠰ ᠶᠠᠪᠤᠬᠤ ᠦᠶᠡᠰ  ᠤᠨ ᠬᠤᠶᠠᠷ ᠬᠦᠯ ᠤᠨ ᠵᠠᠶᠢᠲᠠᠨ ᠰᠠᠯᠬᠤ ᠪᠠᠶᠢᠲᠠᠯ ᠢ ︽ᠠᠯᠬᠤᠬᠤ︾ ᠭᠡᠵᠡᠢ᠃ ᠡᠲᠡᠭᠡᠷ ︽ᠠᠩ᠂ ᠠᠯᠲᠠᠯᠠᠬᠤ᠂ ᠠᠯᠬᠤᠬᠤ︾ ᠭᠡᠬᠦ ᠮᠡᠲᠦ ᠦᠭᠡᠰ ᠨᠢ ᠲᠤᠩ ᠢᠪᠴᠤᠤ ᠬᠠᠷᠠᠭᠠᠨ ᠤ ᠲᠤᠲᠤᠷᠠᠬᠢ ᠬᠤᠶᠠᠷ ᠴᠤᠭᠴᠠ ᠪᠡᠶ᠎ᠡ ᠶᠢᠨ ᠤᠶᠢᠷᠠᠯᠴᠠᠭ᠎ᠠ ᠪᠠᠶᠢᠷᠢᠨ ᠳᠤ ᠰᠠᠯᠵᠤ ᠪᠠᠶᠢᠬᠤ ᠪᠠᠶᠢᠲᠠᠯ ᠢ ᠲᠤᠰᠬᠠᠵᠠᠢ᠃ ᠲᠠᠷᠤᠢ ᠰᠠᠯᠤᠩᠭᠢ ᠪᠤᠯᠪᠠᠴᠤ ᠬᠦᠮᠦᠰ ᠤᠨ ᠨᠢᠲᠤᠨ ᠬᠠᠷᠠᠭᠠᠨ ᠳᠤ ᠰᠢᠭᠤᠳ ᠦᠵᠡᠭᠲᠡᠵᠦ ᠪᠠᠶᠢᠭ᠎ᠠ ᠪᠠᠶᠢᠲᠠᠯ ᠢ ᠲᠤᠰᠬᠠᠭᠰᠠᠨ ᠪᠠᠶᠢᠨ᠎ᠠ᠃ᠬᠦᠮᠦᠰ ᠤᠨ ᠬᠡᠶᠢᠰᠪᠦᠷᠢ ᠰᠡᠳᠬᠢᠬᠦᠢ ᠶᠢᠨ ᠴᠢᠲᠠᠪᠤᠷᠢ ᠲᠡᠭᠡᠭᠰᠢᠯᠡᠵᠦ ᠢᠷᠡᠭᠰᠡᠨ ᠢᠶᠠᠷ ᠨᠢᠲᠤᠨ ᠬᠠᠷᠠᠭᠠᠨ ᠳᠤ ᠰᠢᠭᠤᠳ ᠬᠠᠷᠠᠭᠲᠠᠬᠤ ᠦᠭᠡᠢ ᠶᠠᠭᠤᠮ᠎ᠠ ᠦᠵᠡᠭᠳᠡᠯ ᠢ ᠴᠦ ᠬᠤᠭᠤᠷᠤᠨᠲᠤ ᠨᠢ ᠬᠠᠶᠢᠷᠴᠠᠭᠤᠯᠤᠨ ᠰᠡᠳᠬᠢᠬᠦ ᠪᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃ ᠲᠡᠶᠢᠨᠬᠦ᠂ ᠡᠶᠢᠮᠦ ᠮᠠᠶ᠋ᠢᠭ ᠤᠨ ᠰᠡᠳᠬᠢᠬᠦᠢ ᠶᠢᠨ ᠶᠠᠪᠤᠴᠠ ᠳᠤ ᠲᠤᠰᠬᠠᠭᠲᠠᠭᠰᠠᠨ ᠬᠡᠷᠡᠭ ᠦᠵᠡᠭᠲᠡᠯ ᠢ ᠬᠡᠶᠢᠰᠪᠦᠷᠢᠯᠡᠨ ᠬᠤᠷᠢᠶᠠᠩᠭᠤᠶᠢᠯᠠᠵᠤ ᠢᠯᠡᠳᠭᠡᠬᠦ ᠦᠭᠡ ᠬᠡᠯᠨ ᠱᠠᠭᠠᠷᠲᠠᠭᠲᠠᠨ᠎ᠠ᠃ᠵᠢᠱᠢᠶᠡᠯᠡᠪᠡᠯ᠂ ᠠᠩ ᠬᠦᠷᠦᠭᠡ ᠶᠢᠨ ︽ᠠᠩ︾ ᠭᠡᠬᠦ ᠦᠭᠡ ᠨᠢ ᠲᠠᠯᠳᠠ ᠬᠤᠯᠨ ᠵᠠᠢ ᠳᠠᠬᠢ ᠶᠠᠭᠤᠮᠠᠰ ᠢ ᠬᠠᠷᠢᠴᠠᠭᠤᠯᠤᠨ ᠰᠡᠳᠬᠢᠬᠦ ᠶᠠᠪᠤᠴᠠ ᠳᠤ ᠲᠤᠰᠬᠠᠭᠲᠠᠭᠰᠠᠨ ᠭᠡᠷᠡᠭ ᠦᠵᠡᠭᠲᠡᠯ ᠢ ᠬᠡᠶᠢᠰᠪᠦᠷᠢᠯᠡᠨ ᠬᠤᠷᠢᠶᠠᠩᠭᠤᠶᠢᠯᠠᠭᠰᠠᠨ ᠦᠭᠡ ᠪᠤᠯᠬᠤ ᠶᠤᠮ ᠭᠡᠵᠦ ᠦᠵᠡᠨ᠎ᠡ᠃ ᠡᠨᠡ ᠪᠤᠯ ᠠᠩᠨᠠᠬᠤ ᠪᠠᠷ ᠶᠠᠪᠤᠭᠰᠠᠨ ᠬᠦᠮᠦᠨ ᠪᠠ ᠲᠤᠬᠠᠢ ᠶᠢᠨ ᠬᠦᠮᠦᠰ ᠤᠨ ᠤᠷᠤᠨ ᠭᠡᠷ ᠬᠤᠶᠠᠷ ᠢ ᠬᠠᠷᠢᠴᠠᠭᠤᠯᠤᠨ ᠰᠡᠳᠬᠢᠵᠦ᠂ ᠭᠡᠷ ᠬᠦᠮᠦᠨ ᠬᠤᠶᠠᠭᠤᠯᠨ ᠶᠢᠨ ᠬᠤᠯᠨ ᠵᠠᠶᠢᠲᠠᠭᠰᠠᠨ ᠪᠠᠶᠢᠲᠠᠯ ᠢ ᠲᠤᠰᠬᠠᠬᠤ ᠪᠠᠷ ︽ᠠ᠊︾ ᠠᠪᠢᠶ᠎ᠠ ᠶᠢ ᠬᠡᠷᠡᠭᠯᠡᠵᠦ᠂ ᠲᠠᠷᠤᠢ ︽ᠠᠩ︾ ᠭᠡᠬᠦ ᠦᠭᠡ ᠪᠤᠢ ᠪᠤᠯᠤᠭᠰᠠᠨ ᠮᠡᠲᠦ᠃ ᠪᠠᠰᠨ ᠡᠷᠦᠭᠡ ᠭᠡᠷ ᠠᠴᠠ ᠪᠠᠨ ᠬᠤᠯᠠᠲᠠᠨ ᠭᠡᠭᠡᠷ᠎ᠡ ᠭᠠᠲᠠᠭ᠎ᠠ ᠶᠠᠪᠤᠭᠰᠠᠨ ᠢ ︽ᠠᠶᠠᠨ ᠳᠤ ᠶᠠᠪᠤᠭᠰᠠᠨ︾ ᠭᠡᠵᠦ ᠶᠠᠷᠢᠲᠠᠭ ᠪᠠᠶᠢᠨ᠎ᠠ᠃ ᠪᠠᠰᠨ ᠬᠤᠶᠠᠷ ᠶᠠᠭᠤᠮ᠎ᠠ ᠬᠤᠭᠤᠷᠤᠨᠲᠤ ᠪᠠᠨ ᠬᠤᠯᠨ ᠵᠠᠢ ᠳᠤ ᠤᠷᠤᠰᠢᠵᠤ ᠪᠠᠶᠢᠭ᠎ᠠ ᠶᠢ ︽ᠠᠯᠤᠰ︾ ᠭᠡᠬᠦ ᠦᠭᠡ ᠪᠠᠷ ᠢᠯᠡᠳᠭᠡᠲᠡᠭ᠃ᠡᠭᠦᠨ ᠳᠤ ︽ᠠᠯᠬᠤᠬᠤ᠂ ᠠᠩᠨᠠᠬᠤ᠂ ᠠᠯᠤᠰ︾ ᠭᠡᠬᠦ ᠮᠡᠲᠦ ᠦᠭᠡᠰ ᠨᠢ ᠭᠤᠤᠯᠲᠠᠭᠤ ᠬᠤᠶᠠᠷ ᠵᠦᠢᠯ ᠤᠨ ᠠᠳᠠᠯᠢ ᠪᠤᠰᠤ ᠤᠷᠤᠨ ᠪᠠᠶᠢᠷᠢ ᠳᠤ ᠬᠠᠷᠢᠴᠠᠭᠤᠯᠤᠯ ᠬᠢᠵᠦ ᠬᠤᠶᠠᠷ ᠵᠦᠢᠯ ᠤᠨ ᠤᠷᠤᠨ ᠪᠠᠶᠢᠷᠢ ᠳᠠᠬᠢ ᠶᠠᠭᠤᠮ᠎ᠠ ᠪᠤᠲᠠᠰ ᠤᠨ ᠰᠠᠯᠵᠤ ᠵᠠᠶᠢᠲᠠᠨ ᠤᠷᠤᠰᠢᠬᠤ ᠪᠠᠶᠢᠷᠢ ᠶᠢ ᠢᠯᠡᠳᠭᠡᠭᠰᠡᠨ ᠨᠡᠶᠢᠳᠡᠯᠢᠭ ᠤᠳᠬ᠎ᠠ ᠲᠠᠢ ᠪᠠᠶᠢᠨ᠎ᠠ᠃ᠬᠦᠮᠦᠰ ᠤᠨ ᠪᠠᠶᠢᠭᠠᠯᠢ ᠶᠢᠷᠲᠢᠨᠴᠦ ᠶᠢᠨ ᠬᠡᠷᠡᠭ ᠦᠵᠡᠭᠲᠡᠯ ᠤᠨ ᠲᠤᠬᠠᠢ ᠲᠠᠨᠢᠯᠳᠠ ᠨᠢ ᠬᠢᠵᠠᠭᠠᠷ ᠲᠠᠢ ᠵᠤᠭᠰᠤᠩᠬᠢ ᠪᠢᠰᠢ ᠶᠤᠮ᠃ ᠬᠦᠮᠦᠰ ᠤᠨ ᠬᠡᠷᠡᠭ ᠦᠵᠡᠭᠲᠡᠯ ᠤᠨ ᠲᠤᠬᠠᠢ ᠲᠠᠨᠢᠯᠳᠠ ᠨᠢ ᠬᠦᠨᠵᠡᠭᠡᠶᠢᠷᠡᠬᠦ ᠶᠠᠪᠤᠴᠠ ᠳᠤ ︽ᠠᠭᠤᠲᠠᠮ᠂ ᠠᠭᠤᠯᠨ᠂ ᠠᠭᠤᠤ︾ ᠭᠡᠬᠦ ᠮᠡᠲᠦ ᠤᠬᠠᠭᠲᠠᠬᠤᠨ ᠪᠤᠢ ᠪᠤᠯᠵᠠᠢ᠃ ︽ᠠᠭᠤᠲᠠᠮ᠂ ᠠᠭᠤᠯᠨ᠂ ᠠᠭᠤᠤ︾ ᠭᠡᠬᠦ ᠦᠭᠡᠰ ᠨᠢ ︽ᠠᠩ᠂ ᠠᠯᠬᠤᠬᠤ᠂ ᠠᠯᠤᠰ︾ ᠭᠡᠬᠦ ᠮᠡᠲᠦ ᠦᠭᠡᠰ ᠲᠠᠢ ᠵᠤᠬᠢᠬᠤ ᠨᠡᠶᠢᠲᠡᠯᠢᠭ ᠤᠳᠬ᠎ᠠ ᠲᠠᠢ ᠪᠤᠯᠪᠠᠴᠤ ᠠᠭᠤᠯᠭ᠎ᠠ ᠪᠠᠷ ᠤᠯᠠᠮ ᠪᠠᠶᠠᠯᠢᠭ ᠰᠠᠨᠠᠭ᠎ᠠ ᠨᠢ ᠨᠡᠩ ᠬᠦᠨᠵᠡᠭᠡᠢ ᠪᠤᠯᠤᠭᠰᠠᠨ ᠶᠤᠮ᠃ ︽ᠠᠭᠤᠲᠠᠮ︾ ᠭᠡᠬᠦ ᠦᠭᠡ ᠨᠢ ᠨᠢᠭᠡ ᠤᠷᠤᠨ ᠪᠠᠶᠢᠷᠢ ᠳᠠᠬᠢ ᠬᠡᠷᠡᠭ ᠪᠤᠲᠠᠰ ᠪᠠ ᠨᠦᠬᠦᠭᠡ ᠨᠢᠭᠡ ᠤᠷᠤᠨ ᠪᠠᠶᠢᠷᠢ ᠳᠠᠬᠢ ᠬᠡᠷᠡᠭ ᠪᠤᠲᠠᠰ  ᠤᠨ ᠬᠤᠭᠤᠷᠤᠨᠲᠤ ᠪᠠᠨ ᠮᠠᠰᠢ ᠬᠤᠯᠨ ᠳᠤ ᠰᠠᠯᠤᠩᠬᠢᠲᠠ ᠤᠷᠤᠰᠢᠵᠤ ᠪᠠᠶᠢᠬᠤ ᠪᠠᠶᠢᠲᠠᠯ ᠢ ᠲᠤᠰᠬᠠᠭᠰᠠᠨ ᠳᠡᠲᠦᠢ ᠪᠠᠷ ᠵᠤᠭᠰᠤᠭᠰᠠᠨ ᠦᠭᠡᠢ᠂ ᠲᠤᠬᠠᠢ ᠶᠢᠨ ᠲᠤᠭᠤᠷᠢᠨ ᠳᠠᠬᠢ ᠮᠠᠰᠢ ᠤᠯᠠᠨ ᠬᠡᠷᠡᠭ ᠪᠤᠲᠠᠰ ᠤᠳ ᠬᠤᠭᠤᠷᠤᠨᠲᠤ ᠪᠠᠨ ᠬᠤᠯᠨ ᠠᠯᠤᠰᠯᠠᠵᠤ ᠰᠠᠯᠤᠩᠬᠢᠳᠠ ᠤᠷᠤᠰᠢᠬᠤ ᠶᠢ ᠬᠡᠶᠢᠰᠪᠦᠷᠢᠯᠡᠨ ᠰᠡᠳᠬᠢᠵᠦ ᠬᠤᠷᠢᠶᠠᠩᠭᠤᠶᠢᠯᠠᠨ ᠲᠤᠰᠬᠠᠵᠠᠢ᠃ ᠲᠡᠶᠢᠮᠦ ᠠᠴᠠ ︽ᠠ᠊︾ ᠡᠬᠢ ᠲᠠᠢ ᠦᠭᠡ ᠪᠠᠷ ︽ᠶᠡᠭᠡ︾ ᠭᠡᠬᠦ ᠤᠳᠬ᠎ᠠ ᠶᠢ ᠢᠯᠡᠳᠭᠡᠵᠦ ᠪᠤᠯᠬᠤ ᠪᠤᠯᠤᠮᠵᠢᠲᠠᠢ ᠪᠤᠯᠵᠠᠢ᠃ ︽ᠠᠭᠤᠲᠠᠮ᠂ ᠠᠭᠤᠢ᠂ ᠠᠭᠤᠯᠨ᠂ ᠠᠭᠤᠤ᠂ ᠠᠤᠭ᠎ᠠ︾ ᠭᠡᠬᠦ ᠦᠭᠡᠰ ᠪᠦᠷ ︽ᠶᠡᠭᠡ︾ ᠭᠡᠬᠦ ᠤᠳᠬ᠎ᠠ ᠠᠭᠤᠯᠵᠤ ᠪᠠᠶᠢᠭ᠎ᠠ ᠶᠤᠮ᠃ ︽ᠠᠭᠤᠯᠨ︾ ᠨᠢ ᠠᠯᠤᠰ ᠬᠤᠯᠨ ᠠᠴᠠ ᠲᠤᠲᠤᠬᠠᠨ ᠬᠠᠷᠠᠭᠲᠠᠵᠤ ᠪᠠᠶᠢᠲᠠᠭ ᠲᠤᠯᠨ ᠲᠡᠭᠦᠨ ᠤ ︽ᠶᠡᠭᠡ︾ ᠭᠡᠲᠡᠭ ᠢ ᠲᠤᠰᠬᠠᠬᠤ ᠪᠠᠷ ︽ᠠᠭᠤᠯᠨ︾ ᠭᠡᠵᠦ ᠨᠡᠷᠡᠯᠡᠭᠰᠡᠨ ᠰᠢᠭ᠃ ᠡᠨᠡ ᠮᠡᠲᠦ ᠪᠠᠷ ︽ᠠᠭᠯᠠᠭ᠂ ᠠᠪᠤᠷᠭᠤ᠂ ᠠᠰᠤᠷᠤ᠂ ᠠᠰᠠᠭᠷᠠᠮ᠎ᠠ᠂ ᠠᠭᠠᠲᠠᠷ︾ ᠭᠡᠬᠦ ᠦᠭᠡᠰ ᠢᠶᠠᠷ ᠪᠦᠷ ︽ᠶᠡᠭᠡ︾ ᠭᠡᠲᠡᠭ ᠤᠳᠬ᠎ᠠ  ᠶᠢ ᠭᠠᠷᠭᠠᠵᠠᠢ᠃ᠪᠠᠰᠨ ︽ᠠᠬᠠᠮᠠᠳ᠂ ᠠᠪᠤᠭᠠᠢ᠂ ᠠᠪᠤ᠂ ᠠᠬ᠎ᠠ᠂ ᠠᠭ᠎ᠠ︾ ᠭᠡᠬᠦ ᠮᠡᠲᠦ ᠦᠭᠡᠰ ᠲᠤ ᠪᠦᠷ ︽ᠶᠡᠭᠡ︾ ᠭᠡᠬᠦ ᠤᠳᠬ᠎ᠠ ᠠᠭᠤᠯᠵᠤ ᠪᠠᠶᠢᠨ᠎ᠠ᠃ ᠮᠥᠨ ᠴᠦ ︽ᠠᠯᠲᠠᠷ᠂ ᠠᠯᠲᠠᠭ᠎ᠠ᠂ ᠠᠩᠭᠠᠬᠤ᠂ ᠠᠴᠢ᠂ ᠠᠢ︾ ᠭᠡᠬᠦ ᠮᠡᠲᠦ ᠦᠭᠡᠰ ᠲᠤ ᠪᠦᠷ ᠴᠦ ︽ᠶᠡᠭᠡ︾ ᠭᠡᠬᠦ ᠰᠠᠨᠠᠭ᠎ᠠ ᠬᠠᠲᠠᠭᠠᠯᠠᠭᠲᠠᠵᠤ ᠪᠠᠶᠢᠨ᠎ᠠ᠃ ︽ᠠᠯᠲᠠᠷ︾ ᠭᠡᠬᠦ ᠦᠭᠡ ᠪᠤᠯ ᠨᠡᠷ᠎ᠡ ᠨᠢ ᠶᠡᠭᠡ ᠮᠠᠨᠲᠤᠭᠰᠠᠨ ᠢ ᠵᠢᠭᠠᠵᠠᠢ᠃ ︽ᠠᠯᠲᠠᠭ᠎ᠠ︾ ᠭᠡᠬᠦ ᠦᠭᠡ ᠪᠠᠷ ᠶᠡᠭᠡ ᠲᠤᠲᠠᠭᠲᠠᠯ ᠲᠠᠢ ᠶᠢ ᠢᠡᠯᠳᠭᠡᠵᠡᠢ᠃ ︽ᠠᠩᠭᠠᠬᠤ︾ ᠭᠡᠬᠦ ᠦᠭᠡ ᠪᠠᠷ ᠶᠡᠭᠡ ᠤᠮᠲᠠᠭᠠᠰᠤᠭᠰᠠᠨ ᠢ ᠢᠯᠡᠳᠭᠡᠵᠡᠢ᠃ ︽ᠠᠴᠢ︾ ᠭᠡᠵᠦ ᠶᠡᠭᠡ ᠲᠤᠰᠠ ᠶᠢ ᠵᠢᠭᠠᠵᠠᠢ᠃ ︽ᠠᠢ︾ ᠭᠡᠵᠦ ᠶᠡᠭᠡ ᠬᠠᠲᠠᠭᠠᠯᠠᠭᠲᠠᠴᠠ ᠲᠠᠢ ᠪᠠᠶᠢᠭ᠎ᠠ ᠶᠢ ᠲᠤᠰᠬᠠᠵᠠᠢ᠃ᠶᠡᠷᠦᠩᠬᠡᠶᠢᠯᠡᠵᠦ ᠦᠵᠡᠪᠡᠯ ︽ᠠ᠊︾ ᠡᠬᠢ ᠲᠠᠢ ᠬᠡᠰᠡᠭ ᠦᠭᠡᠨ ᠳᠤ ᠠᠩᠭᠠᠶᠢᠵᠤ ᠵᠠᠶᠢᠲᠠᠭᠰᠠᠨ ᠪᠤᠶᠤ ᠶᠡᠭᠡ ᠬᠡᠬᠦ ᠤᠳᠬ᠎ᠠ ᠶᠢ ᠢᠯᠡᠳᠭᠡᠭᠰᠡᠨ ᠨᠡᠶᠢᠳᠡᠯᠢᠭ ᠰᠠᠨᠠᠭ᠎ᠠ ᠠᠭᠤᠯᠵᠤ ᠪᠠᠶᠢᠨ᠎ᠠ᠃ ᠨᠠᠷᠢᠨ ᠰᠢᠨᠵᠢᠪᠡᠯ ︽ᠠ᠊︾ ᠡᠬᠢ ᠲᠠᠢ ᠵᠠᠷᠢᠮ ᠵᠢᠭᠡᠯᠡᠯᠭᠡ ᠦᠭᠡ ︽ᠠᠷᠢᠬᠢ᠂ ᠠᠯᠮᠠᠰ︾ ᠲᠤ ᠴᠦ ᠲᠡᠭᠡᠷ᠎ᠡ ᠶᠠᠷᠢᠭᠰᠠᠨ ᠰᠢᠭ᠋ ᠨᠡᠶᠢᠳᠡᠯᠢᠭ ᠰᠠᠨᠠᠭ᠎ᠠ ᠠᠭᠤᠯᠵᠤ ᠪᠠᠶᠢᠲᠠᠭ ᠨᠢ ᠴᠤᠬᠤᠮ ᠠᠯᠢ ᠦᠶ᠎ᠡ ᠳᠤ ᠬᠡᠨ ᠨᠢ ᠬᠡᠨ ᠠᠴᠠ ᠪᠠᠨ ᠵᠢᠭᠡᠯᠡᠭᠰᠡᠨ ᠪᠤᠢ ᠭᠡᠵᠦ ᠰᠠᠨᠠᠭᠲᠠᠭᠤᠯᠤᠨ᠎ᠠ᠃︽ᠠ᠊︾ ᠡᠬᠢ ᠲᠠᠢ ᠬᠡᠰᠡᠭ ᠦᠭᠡᠰ ᠨᠢ ᠲᠡᠷᠨ ᠮᠡᠲᠦ ᠨᠡᠶᠢᠳᠡᠯᠢᠭ ᠤᠳᠬ᠎ᠠ ᠲᠠᠢ ᠪᠦᠭᠡᠳ ᠪᠠᠰᠨ ᠪᠦᠷ ᠦᠪᠡᠷᠮᠢᠴᠡ ᠤᠳᠬ᠎ᠠ ᠲᠠᠢ ᠲᠤᠯᠨ ᠲᠡᠲᠡᠭᠡᠷ ᠤᠨ ᠲᠤᠰᠬᠠᠭᠰᠠᠨ ᠤᠳᠬ᠎ᠠ ᠨᠢ ᠬᠦᠨᠵᠡᠭᠡᠢ᠂ ᠠᠭᠤᠯᠭ᠎ᠠ ᠨᠢ ᠪᠠᠶᠠᠯᠢᠭ ᠪᠠᠶᠢᠵᠤ ᠬᠦᠮᠦᠰ ᠢ ᠨᠦᠯᠦᠭᠡᠯᠡᠬᠦ ᠬᠦᠴᠦᠨ ᠢᠶᠠᠷ ᠶᠡᠭᠡ ᠪᠠᠶᠢᠲᠠᠭ ᠶᠤᠮ᠃ ᠲᠡᠶᠢᠮᠦ ᠤᠴᠢᠷ ᠠᠴᠠ ᠬᠦᠮᠦᠰ ᠤᠨ ᠰᠡᠳᠬᠢᠬᠦᠢ  ᠤᠨ ᠬᠦᠭᠵᠢᠯ ᠢ ᠠᠬᠢᠭᠤᠯᠬᠤ ᠦᠢᠯᠡᠲᠦᠯ ᠢᠶᠠᠷ ᠴᠢᠩᠭ᠎ᠠ ᠪᠠᠶᠢᠲᠠᠭ᠃ᠲᠡᠭᠡᠷᠡᠬᠢ ᠠᠵᠢᠭᠯᠠᠯᠳᠠ ᠠᠴᠠ ᠦᠵᠡᠪᠡᠯ ︽ᠪᠦ᠊︾ ᠡᠬᠢ ᠲᠠᠢ ᠬᠡᠰᠡᠭ ᠦᠭᠡᠰ ᠪᠠ ︽ᠠ᠊︾ ᠡᠬᠢ ᠲᠠᠢ ᠬᠡᠰᠡᠭ ᠦᠭᠡᠰ ᠨᠢ ᠪᠦᠷ ᠲᠤᠰᠬᠠᠷ ᠲᠤᠰᠬᠠᠷ ᠨᠡᠶᠢᠳᠡᠯᠢᠭ ᠤᠳᠬ᠎ᠠ ᠲᠠᠢ ᠪᠠᠶᠢᠨ᠎ᠠ᠃ ᠭᠡᠪᠡᠴᠦ ᠶᠢᠷᠲᠢᠨᠴᠦ ᠪᠤᠯ ᠬᠢᠵᠠᠭᠠᠷ ᠦᠭᠡᠢ ᠬᠤᠪᠢᠰᠤᠯᠳᠠ ᠶᠢᠨ ᠲᠤᠮᠲᠠ ᠤᠷᠤᠰᠢᠵᠤ ᠪᠠᠶᠢᠭ᠎ᠠ ᠲᠤᠯᠨ ᠶᠢᠷᠳᠢᠨᠴᠦ ᠶᠢᠨ ᠬᠡᠷᠡᠭ ᠦᠵᠡᠭᠲᠡᠯ ᠤᠨ ᠲᠤᠬᠠᠢ ᠬᠡᠶᠢᠰᠪᠤᠷᠢᠯᠡᠯ ᠬᠤᠷᠢᠶᠠᠩᠭᠤᠶᠢᠯᠠᠯ ᠪᠤᠯᠬᠤ ᠦᠭᠡ ᠬᠡᠯᠨ ᠪᠠ ᠲᠡᠭᠦᠨ ᠤ ᠤᠳᠬ᠎ᠠ ᠠᠭᠤᠯᠭ᠎ᠠ ᠶᠢᠨ ᠬᠦᠭᠵᠢᠯᠳᠡ ᠨᠢ ᠡᠨᠡ ᠮᠡᠲᠦ ᠨᠡᠶᠢᠳᠡᠯᠢᠭ ᠤᠳᠬ᠎ᠠ ᠳᠤ ᠬᠢᠵᠠᠭᠠᠷᠯᠠᠭᠲᠠᠨ ᠵᠤᠭᠰᠤᠩᠬᠢᠷᠠᠬᠤ ᠦᠭᠡᠢ ᠪᠦᠭᠡᠳ ᠬᠠᠷᠢᠨ ᠨᠡᠩ ᠬᠦᠨᠵᠡᠭᠡᠶᠢᠷᠡᠨ ᠬᠦᠭᠵᠢᠬᠦ ᠪᠤᠯᠤᠨ᠎ᠠ᠃ ᠲᠤᠬᠠᠶᠢᠯᠠᠪᠠᠯ ︽ᠠᠶᠠᠯᠠᠬᠤ᠂ ᠠᠶᠠᠷᠯᠠᠬᠤ᠂ ᠠᠶᠢᠰᠤᠢ᠂ ᠠᠯᠭᠤᠷ᠂ ᠠᠭᠠᠵᠢᠮ᠂ ᠠᠮᠢ︾ ᠭᠡᠬᠦ ᠮᠡᠲᠦ ᠦᠬᠡᠰ ᠨᠢ ᠲᠡᠭᠡᠷ᠎ᠡ ᠶᠠᠷᠢᠭᠰᠠᠨ ᠰᠢᠭ᠋ ᠨᠡᠶᠢᠳᠡᠯᠢᠭ ᠤᠳᠬ᠎ᠠ ᠶᠢ ᠬᠠᠲᠠᠭᠠᠯᠠᠵᠤ ᠪᠠᠶᠢᠭ᠎ᠠ ᠪᠦᠭᠡᠳ ᠪᠠᠰᠨ ᠬᠦᠲᠡᠯᠭᠡᠭᠡᠨ ᠬᠤᠯᠪᠤᠭᠲᠠᠭᠰᠠᠨ ᠤᠳᠬ᠎ᠠ ᠲᠤᠲᠤᠷᠬᠠᠢ ᠮᠡᠲᠡᠷᠡᠭᠲᠡᠵᠦ ᠪᠠᠶᠢᠨ᠎ᠠ᠃ ᠡᠶᠢᠮᠦ ᠳᠤ ︽ᠠ᠊︾ ᠠᠪᠢᠶ᠎ᠠ  ᠳᠤ ᠠᠮᠢ ᠭᠡᠬᠦ ᠤᠳᠬ᠎ᠠ ᠲᠠᠢ ᠪᠠᠶᠢᠭ᠎ᠠ ᠭᠡᠵᠦ ᠰᠠᠨᠠᠭᠲᠠᠨ᠎ᠠ᠃ᠮᠤᠩᠭᠤᠯ ᠦᠭᠡ ᠬᠡᠯᠨ ᠨᠢ ᠪᠤᠰᠤᠳᠴᠢ ᠶᠢᠷᠳᠢᠨᠴᠦ ᠶᠢᠨ ᠤᠨᠴᠠᠭᠠᠢ ᠬᠠᠷᠢᠶᠠᠯᠠᠭᠲᠠᠬᠤ ᠴᠢᠨᠠᠷ ᠢ ᠬᠡᠶᠢᠰᠪᠦᠷᠢᠯᠡᠨ ᠲᠤᠰᠬᠠᠵᠤ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠤᠯᠠᠮ ᠢᠶᠠᠷ ᠬᠡᠷᠡᠭ ᠪᠤᠲᠠᠰ ᠤᠨ ᠰᠢᠨᠵᠢ ᠴᠢᠨᠠᠷ ᠢ ᠬᠡᠶᠢᠰᠪᠤᠷᠢᠯᠡᠨ ᠲᠤᠰᠬᠠᠬᠤ ᠵᠦᠭ ᠬᠦᠨᠵᠡᠭᠡᠶᠢᠷᠡᠨ ᠬᠦᠭᠵᠢᠲᠡᠭ ᠪᠠᠶᠢᠨ᠎ᠠ᠃ ᠬᠦᠭᠵᠢᠯᠲᠡ ᠶᠢᠨ ᠶᠠᠪᠤᠴᠠ ᠳᠤ ᠮᠤᠩᠭᠤᠯ ᠦᠭᠡᠰ ᠨᠢ ᠵᠤᠬᠢᠬᠤ ᠨᠡᠶᠢᠲᠡᠯᠢᠭ ᠤᠳᠬ᠎ᠠ ᠶᠢᠨ ᠲᠤᠭᠤᠷᠢᠨ ᠳᠤ ᠪᠠᠶᠠᠯᠢᠭᠵᠢᠯ ᠢᠶᠠᠨ ᠤᠯᠵᠤ᠂ ᠤᠯᠠᠩᠬᠢ ᠦᠭᠡ ᠨᠢ ᠨᠡᠶᠢᠳᠡᠯᠢᠭ ᠤᠳᠬ᠎ᠠ  ᠲᠠᠢ ᠪᠠᠶᠢᠲᠠᠭ ᠪᠦᠭᠡᠳ ᠭᠡᠷᠡᠭ ᠦᠵᠡᠭᠲᠡᠯ ᠤᠨ ᠨᠠᠷᠢᠨ ᠢᠯᠭᠠᠭ᠎ᠠ ᠶᠢ ᠲᠤᠰᠬᠠᠭᠰᠠᠨ ᠦᠪᠡᠷᠮᠢᠴᠡ ᠤᠳᠬ᠎ᠠ ᠲᠠᠢ ᠪᠠᠶᠢᠲᠠᠭ᠃ ᠲᠡᠶᠢᠮᠦ ᠠᠴᠠ ᠮᠤᠩᠭᠤᠯ ᠦᠭᠡ ᠬᠡᠯᠨ ᠨᠢ ᠤᠳᠬ᠎ᠠ ᠬᠦᠨ ᠠᠭᠤᠯᠭ᠎ᠠ ᠪᠠᠷ ᠪᠠᠶᠠᠯᠢᠭ ᠪᠠᠶᠢᠲᠠᠭ ᠶᠤᠮ᠃ ᠮᠤᠩᠭᠤᠯᠴᠤᠳ ᠨᠢ ᠪᠤᠰᠤᠳᠴᠢ ᠶᠢᠷᠳᠢᠨᠴᠦ ᠶᠢ ᠤᠶᠢᠯᠠᠭᠠᠬᠤ ᠳᠤ ᠪᠠᠨ ᠴᠢᠲᠠᠮᠠᠭᠠᠢ ᠪᠠᠶᠢᠵᠤ᠂ ᠬᠡᠷᠡᠭ ᠪᠤᠲᠠᠰ ᠤᠨ ᠨᠠᠷᠢᠨ ᠢᠯᠭᠠᠭ᠎ᠠ ᠶᠢ ᠲᠠᠨᠢᠵᠤ ᠢᠯᠡᠷᠡᠭᠦᠯᠦᠨ᠂ ᠡᠨᠡᠬᠦ ᠨᠠᠷᠢᠨ ᠢᠯᠭᠠᠭ᠎ᠠ ᠶᠢ ᠦᠭᠡ ᠬᠡᠯᠨ ᠲᠡᠭᠡᠷ᠎ᠡ ᠬᠡᠶᠢᠰᠪᠦᠷᠢᠯᠡᠨ ᠭᠠᠷᠭᠠᠬᠤ ᠳᠤ ᠪᠠᠨ ᠦᠭᠡᠰ ᠤᠨ ᠵᠤᠬᠢᠬᠤ ᠬᠦᠷᠢᠶᠡᠨ ᠳᠠᠬᠢ ᠨᠡᠶᠢᠳᠡᠯᠢᠭ ᠤᠳᠬ᠎ᠠ ᠳᠤ ᠬᠢᠵᠠᠭᠠᠷᠯᠠᠭᠲᠠᠬᠤ ᠦᠭᠡᠢ ᠪᠠᠶᠢᠲᠠᠭ᠃ ᠡᠶᠢᠮᠦ ᠠᠴᠠ ᠬᠡᠷᠡᠭ ᠪᠤᠲᠠᠰ ᠤᠨ ᠨᠠᠷᠢᠨ ᠢᠯᠭᠠᠭ᠎ᠠ ᠶᠢ ᠲᠤᠰᠬᠠᠭᠰᠠᠨ ᠦᠪᠡᠷᠮᠢᠴᠡ ᠤᠳᠬ᠎ᠠ ᠪᠦᠬᠦᠢ ᠦᠭᠡᠰ ᠨᠢ ᠨᠡᠩ ᠬᠦᠨᠵᠡᠭᠡᠶᠢᠷᠡᠭᠰᠡᠨ ᠨᠡᠶᠢᠳᠡᠯᠢᠭ ᠤᠳᠬ᠎ᠠ ᠶᠢᠨ ᠲᠤᠭᠤᠷᠢᠨ ᠳᠤ ᠲᠠᠰᠤᠷᠠᠯᠳᠠ ᠦᠭᠡᠢ ᠪᠤᠢ ᠪᠤᠯᠵᠤ ᠮᠤᠩᠭᠤᠯ ᠬᠡᠯᠡᠨ ᠤ ᠦᠭᠡᠰ ᠤᠨ ᠰᠠᠩ ᠤᠯᠠᠮ ᠢᠶᠠᠷ ᠪᠠᠶᠠᠯᠢᠭᠵᠢᠲᠠᠭ ᠪᠠᠶᠢᠨ᠎ᠠ᠃ ᠡᠭᠦᠨ ᠠᠴᠠ ᠦᠵᠡᠪᠡᠯ᠂ ᠪᠤᠰᠤᠳᠴᠢ ᠠᠬᠤᠢ ᠠᠴᠠ ᠰᠢᠯᠲᠠᠭᠠᠯᠠᠭᠲᠠᠭᠰᠠᠨ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠰᠡᠳᠬᠢᠬᠦᠢ ᠶᠢᠨ ᠴᠢᠨᠠᠷ ᠪᠤᠯ ᠮᠤᠩᠭᠤᠯ ᠦᠭᠡ ᠶᠢᠨ ᠬᠦᠭᠵᠢᠯᠳᠡ ᠪᠠ ᠪᠠᠶᠠᠯᠢᠭᠵᠢᠯ ᠤᠨ ᠴᠢᠬᠤᠯᠨ ᠰᠢᠯᠲᠠᠭᠠᠨ ᠪᠤᠯᠵᠤ ᠪᠠᠶᠢᠭ᠎ᠠ ᠶᠤᠮ ᠪᠠᠶᠢᠨ᠎ᠠ᠃ᠡᠶᠢᠮᠦ ᠠᠴᠠ ᠪᠢᠲᠡ ᠮᠤᠩᠭᠤᠯ ᠬᠡᠯᠨ ᠰᠤᠶᠤᠯ ᠤᠨ ᠲᠤᠬᠠᠢ ᠰᠤᠲᠤᠯᠬᠤ ᠳᠤ ᠪᠠᠨ ᠦᠰᠦᠭ ᠪᠢᠴᠢᠭ ᠤᠨ ᠬᠦᠷᠢᠶ᠎ᠡ ᠬᠡᠪᠴᠢᠶᠡᠨ ᠳᠤ ᠯᠨ ᠬᠢᠵᠠᠭᠠᠷᠯᠠᠭᠲᠠᠭᠠᠳ ᠪᠤᠯᠬᠤ ᠪᠢᠰᠢ᠂ ᠨᠡᠩ ᠴᠢᠬᠤᠯᠨ ᠨᠢ ᠮᠤᠩᠭᠤᠯᠴᠤᠳ ᠤᠨ ᠤᠵᠢᠭᠤᠷ ᠰᠡᠳᠬᠢᠬᠦᠢ᠂ ᠴᠢᠨᠠᠭᠰᠢᠯᠠᠭᠠᠳ ᠬᠦᠮᠦᠨᠴᠢᠷ ᠤᠨ ᠬᠢᠨ ᠦᠶ᠎ᠡ ᠳᠠᠬᠢ ᠰᠡᠳᠬᠢᠬᠦᠢ ᠶᠢᠨ ᠨᠦᠭᠦᠴᠡᠯ ᠲᠤᠤᠷ᠎ᠠ ᠪᠤᠢ ᠪᠤᠯᠤᠭᠰᠠᠨ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠵᠦᠭ ᠰᠤᠲᠤᠯᠭᠠᠨ ᠢᠶᠠᠨ ᠬᠦᠨᠵᠡᠭᠡᠶᠢᠷᠡᠭᠦᠯᠵᠦ ᠨᠢᠭᠡ ᠶᠡᠭᠡ ᠰᠤᠲᠤᠯᠭᠠᠨ ᠤ ᠠᠢ ᠶᠢ ᠨᠡᠭᠡᠭᠡᠬᠦ ᠡᠭᠦᠷᠭᠡ ᠮᠠᠨ ᠤ ᠡᠮᠦᠨ᠎ᠡ ᠲᠤᠯᠭᠠᠷᠠᠵᠤ ᠢᠷᠡᠪᠡ ᠭᠡᠲᠡᠭ ᠢ ᠤᠶᠢᠯᠠᠭᠠᠪᠠᠯ ᠵᠤᠬᠢᠨ᠎ᠠ᠃    ᠭᠤᠷᠪᠠ᠂ ᠦᠭᠡᠰ ᠤᠨ ᠠᠲᠠᠭ ᠢ ᠬᠤᠯᠪᠤᠭᠲᠠᠭᠤᠯᠤᠨ ᠵᠠᠷᠢᠮ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠶᠢᠨ ᠤᠳᠬ᠎ᠠ ᠪᠦᠬᠦᠢ ᠰᠢᠨᠵᠢ  ᠶᠢ ᠰᠤᠲᠤᠯᠬᠤ ᠲᠤᠬᠠᠢ ᠮᠦᠴᠢᠳᠯᠡᠪᠡᠯᠮᠤᠩᠭᠤᠯ ᠦᠭᠡ ᠨᠢ ᠵᠠᠯᠭᠠᠮᠠᠯ ᠦᠶ᠎ᠡ ᠲᠠᠢ᠂ ᠵᠤᠩᠬᠢᠯᠠᠬᠤ ᠲᠤᠭᠠᠨ ᠤ ᠦᠭᠡ ᠶᠢ ᠬᠡᠲᠦ ᠬᠡᠲᠦᠨ ᠠᠳᠡᠯᠢ ᠪᠤᠰᠤ ᠠᠪᠢᠶᠠᠨ ᠤ ᠬᠡᠰᠡᠭ ᠪᠤᠯᠭᠠᠨ ᠰᠢᠨᠵᠢᠯᠡᠵᠦ ᠪᠤᠯᠤᠨ᠎ᠠ᠂ ᠲᠡᠲᠡᠭᠡᠷ ᠠᠪᠢᠶ᠎ᠠ ᠨᠢ ᠦᠭᠡ ᠦᠰᠦᠭ ᠤᠨ ᠬᠠᠷᠢᠴᠠᠭ᠎ᠠ ᠬᠤᠯᠪᠤᠭᠠᠨ ᠤ ᠲᠤᠮᠲᠠ ᠵᠦᠩᠳᠡᠭᠡᠨ ᠤᠷᠤᠰᠢᠭᠰᠠᠭᠠᠷ ᠪᠠᠶᠢᠭ᠎ᠠ ᠲᠤᠯᠨ ᠡᠨᠡᠬᠦ ᠬᠠᠷᠢᠴᠠᠭ᠎ᠠ ᠬᠤᠯᠪᠤᠭᠠᠨ ᠤ ᠲᠤᠮᠲᠠ  ᠠᠴᠠ ᠪᠢᠳᠡ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠨᠤᠭᠤᠳ ᠤᠨ ᠤᠵᠢᠭᠤᠷ ᠳᠡᠬᠡᠲᠦ ᠴᠠᠭ ᠦᠶ᠎ᠡ ᠳᠠᠬᠢ ᠤᠳᠬ᠎ᠠ ᠪᠦᠬᠦᠢ ᠰᠢᠨᠵᠢ ᠶᠢ ᠰᠤᠪᠢᠵᠤ ᠮᠦᠷᠲᠡᠵᠦ ᠪᠤᠯᠬᠤ ᠶᠤᠮ᠃︽ᠰᠤ᠋᠂ ᠰ᠊︾ ᠠᠪᠢᠶ᠎ᠠ ᠪᠠᠷ ᠦᠭᠡᠰ ᠤᠨ ᠠᠳᠠᠭ ᠢ ᠬᠤᠯᠪᠤᠭᠲᠠᠭᠤᠯᠤᠨ ᠰᠤᠲᠤᠯᠵᠤ ᠲᠡᠷᠡᠬᠦ ᠠᠪᠢᠶᠠᠨ ᠤ ᠤᠳᠬ᠎ᠠ ᠪᠦᠬᠦᠢ ᠰᠢᠨᠵᠢ ᠶᠢ ᠮᠦᠷᠲᠡᠵᠦ ᠦᠵᠡᠪᠡᠯ᠄ᠤᠰᠤ ᠪᠤᠯ ᠬᠦᠮᠦᠨ ᠪᠠ ᠠᠮᠢᠲᠠᠨ ᠳᠤ ᠮᠠᠰᠢ ᠴᠢᠬᠤᠯᠠᠴᠢᠯᠠᠭᠲᠠᠬᠤ ᠵᠦᠢᠯ ᠶᠤᠮ᠃ ᠬᠦᠮᠦᠰ ᠳᠡᠬᠦᠨ ᠲᠠᠢ ᠤᠶᠢᠷᠠᠳᠤᠭᠰᠠᠨ ᠤ ᠳᠠᠷᠠᠭ᠎ᠠ ᠳᠡᠬᠦᠨ ᠢ ᠠᠯᠢ ᠡᠷᠳᠡ ᠳᠡᠨᠢᠵᠤ ᠨᠠᠷᠡᠯᠡᠵᠤ ᠳᠡᠮᠳᠡᠭᠯᠡᠭᠰᠡᠨ ᠨᠢ ᠮᠡᠳᠡᠬᠡᠵᠢ ᠶᠤᠮ᠃ ᠡᠨᠡᠬᠦ ᠤᠮᠳᠠᠭᠠᠨ ᠢ ᠮᠤᠩᠭᠤᠯ ᠦᠬᠡ ᠬᠡᠯᠡᠳᠡᠳ ︽ᠤᠰᠤ︾ ᠭᠡᠵᠤ ᠨᠡᠷᠡᠯᠡᠵᠤ ᠳᠡᠮᠳᠡᠭᠯᠡᠵᠡᠢ᠃ ᠬᠡᠬᠦ ᠳᠡᠭᠡᠨ ᠡᠨᠡᠬᠦ ᠦᠬᠡ  ᠶᠢᠨ ᠤᠳᠬ᠎ᠠ ᠶᠢᠨ ᠭᠤᠤᠯᠳᠠᠯᠭ᠎ᠠ ᠨᠢ ︽ᠰᠤ᠋᠂ ᠰ᠊︾ ᠠᠪᠢᠶ᠎ᠠ ᠳᠡᠬᠡᠷ᠎ᠠ ᠪᠠᠶᠢᠭ᠎ᠠ ᠬᠡᠳᠡᠭ ᠢ ᠪᠢᠳᠡ ᠰᠤᠳᠤᠯᠵᠤ ᠤᠯᠵᠤ ᠪᠤᠯᠬᠤ ᠶᠤᠮ᠃ᠤᠰᠤ᠂ ᠰᠦ᠂ ᠴᠢᠰᠤ᠂ ᠰᠢᠯᠦᠰᠦ᠂ ᠨᠢᠰᠤ᠂ ᠬᠦᠯᠦᠰᠦ᠂ ᠲᠤᠰᠤ᠂ ᠰᠢᠭᠦᠰᠦ᠂ ᠱᠦᠭᠦᠰᠦ᠂ ᠰᠢᠭᠡᠰᠦ᠂ ᠰᠡᠪᠡᠰᠦ᠂ ᠨᠢᠯᠪᠤᠰᠤ᠂ ᠰᠦᠮᠦᠰᠦ᠂ ᠰᠦᠰᠦ᠂ ᠰᠢᠷᠡᠰᠦ᠂ ᠲᠡᠷᠡᠰᠦ᠂ ᠰᠤᠪᠰᠤ᠂ ᠵᠠᠶᠢᠯᠳᠠᠰᠤ᠂ ᠤᠬᠢᠶᠠᠲᠠᠰᠤ᠂ ᠪᠤᠯᠠᠭᠲᠠᠰᠤ ᠭᠡᠬᠦ ᠮᠡᠲᠦ ᠦᠭᠡᠰ ᠨᠢ ᠪᠦᠷ ᠰᠢᠩᠭᠡᠨ ᠪᠡᠶᠡᠲᠦ ᠶᠢ ᠵᠢᠭᠠᠭᠰᠠᠨ ᠤᠳᠬ᠎ᠠ ᠲᠠᠢ ᠪᠠᠶᠢᠭ᠎ᠠ ᠪᠠ ᠡᠲᠡᠭᠡᠷ ᠦᠭᠡᠰ ᠲᠤ ᠨᠢᠭᠡ ᠨᠡᠶᠢᠳᠡᠯᠢᠭ ᠠᠪᠢᠶ᠎ᠠ — ︽ᠰᠤ᠋︾ ᠭᠡᠵᠦ ᠪᠠᠶᠢᠲᠠᠭ᠃ ᠡᠭᠦᠨ ᠠᠴᠠ ᠪᠢᠳᠡ ᠮᠤᠩᠭᠤᠯ ᠬᠡᠯᠡᠨ ᠳᠠᠬᠢ ︽ᠰᠤ᠋︾ ᠠᠪᠢᠶ᠎ᠠ ᠨᠢ ᠰᠢᠩᠭᠡᠨ ᠪᠠᠶᠠᠲᠦ ᠶᠢ ᠢᠯᠡᠳᠭᠡᠬᠦ ᠳᠤ ᠬᠡᠷᠡᠭᠯᠡᠲᠡᠭ ᠭᠤᠤᠯᠲᠠᠯᠭ᠎ᠠ ᠲᠠᠢ ᠠᠪᠢᠶ᠎ᠠ ᠪᠤᠯᠵᠤ ᠪᠠᠶᠢᠭ᠎ᠠ ᠭᠡᠵᠦ ᠵᠦᠢᠴᠢᠯᠡᠵᠦ ᠪᠤᠯᠤᠨ᠎ᠠ᠃ ᠪᠤᠰᠤᠳ ᠠᠪᠢᠶ᠎ᠠ ᠨᠢ ︽ᠰᠤ᠋︾ ᠠᠪᠢᠶ᠎ᠠ ᠳᠤ ᠬᠠᠮᠵᠢᠨ ᠤᠳᠬ᠎ᠠ ᠶᠢᠨ ᠨᠠᠷᠢᠨ ᠢᠯᠭᠠᠭ᠎ᠠ  ᠶᠢ ᠭᠠᠷᠭᠠᠵᠤ ᠪᠠᠶᠢᠪᠠ ᠭᠡᠵᠦ ᠤᠶᠢᠯᠠᠭᠠᠲᠠᠨ᠎ᠠ᠃ᠤᠰᠤ ᠪᠤᠯ ᠪᠠᠶᠢᠭᠠᠯᠢ ᠠᠴᠠ ᠢᠷᠡᠯᠳᠡ ᠲᠠᠢ᠂ ᠬᠡᠶ᠎ᠡ ᠤᠰᠤ ᠨᠢ ᠮᠥᠨ ᠰᠦ᠂ ᠴᠢᠰᠤ᠂ ᠬᠦᠯᠦᠰᠦ ᠵᠡᠷᠭᠡ ᠵᠡᠷᠭᠡ ᠰᠢᠩᠭᠡᠨ ᠪᠡᠶᠡᠳᠦ ᠬᠡᠷᠡᠭ ᠪᠤᠲᠠᠰ ᠤᠨ ᠢᠷᠡᠯᠳᠡ ᠳᠤ ᠨᠢᠭᠲᠠ ᠬᠤᠯᠪᠤᠭᠲᠠᠨ᠎ᠠ᠃ ᠮᠥᠨ ᠡᠭᠦᠨ ᠠᠴᠠ ᠪᠤᠯᠵᠤ ᠤᠲᠠᠰᠤᠯᠢᠭ ᠰᠢᠨᠵᠢ ᠬᠡᠯᠪᠡᠷᠢ ᠲᠠᠢ ᠬᠡᠷᠡᠭ ᠪᠤᠲᠠᠰ ᠦᠵᠡᠭᠲᠡᠯ ᠵᠢᠴᠢ ᠰᠢᠯᠤᠭᠤᠨ ᠰᠤᠪᠤᠲᠠᠭ ᠵᠦᠢᠯᠡᠰ ᠢ ᠨᠡᠷᠡᠯᠡᠬᠦ  ᠳᠡᠭᠡᠨ ᠴᠦ ︽ᠰᠤ᠋︾ ᠠᠪᠢᠶ᠎ᠠ ᠶᠢ ᠭᠤᠤᠯᠴᠢᠯᠠᠨ ᠭᠡᠷᠡᠭᠯᠡᠬᠦ ᠪᠤᠯᠤᠭᠰᠠᠨ ᠰᠢᠭ᠋᠃ ᠲᠤᠬᠠᠶᠢᠯᠠᠪᠠᠯ᠄ᠰᠤᠲᠠᠯ᠂ ᠰᠤᠲᠠᠰᠤ᠂ ᠰᠢᠷᠪᠤᠰᠤ᠂ ᠨᠤᠭᠤᠰᠤ᠂ ᠨᠢᠭᠤᠷᠰᠤ᠂ ᠦᠰᠦ᠂ ᠰᠤᠷᠮᠤᠰᠤ᠂ ᠬᠢᠯᠭᠠᠰᠤ᠂ ᠨᠤᠤᠰᠤ᠂ ᠤᠲᠠᠰᠤ ᠂ ᠲᠠᠭᠡᠰᠦ᠂ ᠲᠠᠮᠠᠰᠤ᠂ ᠤᠶᠠᠭᠠᠰᠤ᠂ ᠬᠦᠯᠢᠶᠡᠰᠦ᠂ ᠡᠷᠢᠶᠡᠰᠦ᠂ ᠮᠢᠨᠲᠠᠰᠤ᠂ ᠰᠡᠮᠡᠲᠡᠰᠦ᠂ ᠰᠢᠯᠦᠰᠦ   ︵ᠠᠭᠠᠯᠵᠢᠨ  ᠤ︶ ᠤᠶᠠᠰᠤ᠂ ᠡᠪᠭᠡᠰᠦ᠂ ᠴᠢᠪᠬᠠᠲᠠᠰᠤ᠂ ᠬᠠᠩᠬᠢᠰᠤ᠂ ᠬᠡᠷᠦᠲᠡᠰᠦ᠂ ᠤᠭᠤᠰᠤᠷ᠂ ᠪᠦᠰᠨ᠂ ᠬᠡᠯᠬᠢᠶᠡᠰᠦ᠂ ᠬᠤᠯᠪᠤᠭᠠᠰᠤ ᠵᠡᠷᠭᠡ᠃ ᠪᠤᠷᠭᠠᠰᠤ᠂ ᠬᠤᠯᠤᠰᠤ᠂ ᠵᠡᠭᠡᠰᠦ᠂ ᠡᠪᠡᠰᠦ᠂ ᠲᠠᠷᠠᠰᠤ᠂ ᠤᠯᠤᠰᠤ᠂ ᠦᠨᠳᠦᠰᠦ᠂ ᠮᠦᠰᠦ ︵ᠲᠠᠪᠤᠨ ᠮᠦᠰᠦ︶᠂ ᠵᠤᠷᠪᠤᠰ᠂ ᠬᠤᠨᠢᠶᠠᠰᠤ᠂ ᠵᠦᠰᠦᠮ᠂ ᠦᠷᠴᠢᠯᠡᠭᠡᠰᠦ᠂ ᠵᠢᠷᠤᠭᠠᠰᠤ᠂ ᠵᠠᠭᠠᠲᠠᠰᠤ᠂ ᠵᠤᠷᠡᠲᠡᠰᠦ᠂ ᠵᠦᠷᠡᠮᠳᠡᠰᠦ᠂ ᠬᠠᠳᠬᠠᠰᠤ ᠵᠡᠷᠭᠡ᠃ᠪᠦᠰ᠂ ᠴᠢᠬᠢᠷᠰᠦ᠂ ᠢᠰᠡᠭᠡᠢ ᠵᠡᠷᠭᠡ ᠨᠢ ᠨᠢᠮᠭᠡᠨ ᠬᠠᠪᠲᠠᠭᠠᠶᠢᠯᠵᠢᠨ ᠰᠢᠨᠵᠢ ᠲᠠᠢ ᠪᠠᠶᠢᠲᠠᠭ᠃ ᠪᠦᠰ ᠢ ᠤᠲᠠᠰᠤᠯᠢᠭ ᠰᠢᠷᠭᠡᠭ ᠢᠶᠠᠷ ᠨᠡᠭᠡᠵᠦ ᠪᠦᠲᠦᠭᠡᠵᠡᠢ᠃ ᠴᠢᠬᠢᠷᠠᠰᠦ ᠶᠢ ᠬᠤᠯᠤᠰᠤ ᠰᠤᠭᠠᠢ ᠵᠡᠷᠭᠡ ᠠᠴᠠ ᠪᠤᠯᠪᠠᠰᠤᠷᠠᠭᠤᠯᠵᠤ ᠠᠪᠤᠭᠰᠠᠨ ᠰᠢᠯᠦᠭᠤᠯᠢᠭ ᠵᠦᠢᠯᠡᠰ᠂ ᠲᠠᠷᠤᠢ ᠴᠤᠭᠤᠲᠠᠰᠤ ᠬᠠᠳᠬᠠᠰᠤ ᠮᠠᠲᠤᠰ ᠢᠶᠠᠷ ᠰᠦᠯᠵᠢᠨ ᠭᠠᠷᠭᠠᠵᠠᠢ᠃ ᠢᠰᠡᠭᠡᠢ ᠶᠢ ᠮᠠᠰᠢ ᠤᠯᠠᠨ ᠰᠢᠷᠭᠡᠭ ᠦᠰᠦ ᠨᠤᠤᠰᠤ ᠪᠠᠷ ᠪᠤᠯᠪᠠᠰᠤᠷᠠᠭᠤᠯᠤᠨ ᠬᠡᠪᠰᠢᠭᠦᠯᠵᠡᠢ᠃ᠠᠳᠡ ᠨᠢᠮᠭᠡᠨ ᠬᠠᠪᠲᠠᠭᠠᠶᠢᠯᠵᠢᠨ ᠰᠢᠨᠵᠢ ᠲᠠᠢ ᠪᠦᠰ᠂ ᠢᠰᠡᠭᠡᠢ᠂ ᠴᠢᠬᠢᠷᠰᠦ ᠮᠡᠲᠦ ᠵᠦᠢᠯᠡᠰ ᠨᠢ ᠤᠳᠡᠰᠦ᠂ ᠨᠤᠤᠰᠤ ᠂ ᠴᠤᠭᠤᠲᠠᠰᠤ ᠮᠡᠲᠦᠰ ᠲᠠᠢ ᠬᠤᠯᠪᠤᠭᠲᠠᠯ ᠲᠠᠢ ᠪᠠᠶᠢᠭ᠎ᠠ᠂ ᠡᠭᠦᠨ ᠠᠴᠠ ᠪᠤᠯᠵᠤ ᠨᠢᠮᠭᠡᠨ ᠬᠠᠪᠲᠠᠰᠤᠯᠢᠭ ᠪᠤᠶᠤ ᠬᠠᠪᠲᠠᠭᠠᠢ ᠵᠦᠢᠯᠡᠰ ᠢ ᠨᠡᠷᠡᠯᠡᠬᠦ ᠳᠤ ︽ᠰᠤ᠋︾ ᠠᠪᠢᠶ᠎ᠠ ᠶᠢ ᠬᠡᠷᠡᠭᠯᠡᠬᠦ ᠪᠤᠯᠤᠮᠵᠢ ᠲᠠᠢ ᠪᠤᠯᠤᠭᠰᠠᠨ ᠰᠢᠭ᠋᠃ ᠲᠤᠬᠠᠶᠢᠯᠠᠪᠠᠯ᠂ ᠢᠰᠡᠭᠡᠢ᠂ ᠢᠰᠦ᠂ ᠪᠦᠰ᠂ ᠴᠦᠰᠡ᠂ ᠴᠢᠬᠢᠷᠰᠦ᠂ ᠠᠷᠠᠰᠤ᠂ ᠬᠦᠷᠦᠰᠦ᠂ ᠵᠤᠯᠪᠤᠲᠠᠰᠤ᠂ ᠰᠤᠷᠰᠦᠨ᠂ ᠬᠠᠯᠢᠰᠤ᠂ ᠬᠠᠶᠢᠷᠰᠤ᠂ ᠬᠤᠯᠢᠰᠤ᠂ ᠳᠤᠷᠡᠰᠦ᠂ ᠲᠤᠤᠰ᠂ ᠬᠤᠴᠢᠶᠠᠰᠤ᠂ ᠬᠤᠪᠴᠠᠰᠤ᠂ ᠬᠦᠲᠦᠰᠦ᠂ ᠤᠶᠢᠮᠤᠰᠤ᠂ ᠬᠠᠪᠢᠰᠤ᠂ ᠴᠠᠭᠠᠰᠤ᠂ ᠴᠠᠰᠤ᠂ ᠮᠦᠰᠦ᠂ ᠬᠦᠭᠡᠰᠦ᠂ ᠵᠢᠩᠭᠢᠰᠦ᠂ ᠬᠢᠮᠤᠰᠤ᠂ ᠰᠠᠭᠰᠤ᠂ ᠬᠤᠯᠲᠤᠰᠤ᠂ ᠬᠠᠷᠠᠭᠤᠯᠲᠠᠰᠤ᠂ ᠬᠠᠭᠤᠲᠠᠰᠤ᠂ ᠬᠠᠷᠪᠢᠰᠤ᠂ ᠪᠠᠭᠯᠠᠭᠠᠰᠤ᠂ ᠨᠦᠬᠦᠭᠡᠰᠦ᠂ ᠢᠯᠳᠡᠰᠦ᠂ ᠪᠦᠷᠢᠶᠠᠰᠦ᠂ ᠪᠦᠷᠬᠦᠬᠡᠰᠦ᠂ ᠬᠠᠶᠢᠰᠤ᠂ ᠰᠢᠪᠠᠭᠠᠰᠤ᠂ ᠬᠠᠨᠲᠠᠭᠠᠰᠤ᠂ ᠬᠦᠬᠡ ᠰᠡᠷᠢᠰᠦ᠂ ᠰᠡᠷᠢᠰᠦ᠂ ᠬᠠᠪᠲᠠᠰᠤ᠂ ᠬᠡᠯᠲᠡᠰ᠂ ᠬᠠᠨᠢᠰᠤ᠂ ᠬᠠᠩᠬᠢᠰᠤ ᠭᠡᠬᠦ ᠮᠡᠲᠦ᠃ᠰᠢᠨᠵᠢᠭᠦᠯ᠎ᠡ᠂ ᠮᠤᠩᠭᠤᠯ ᠬᠡᠯᠡᠨ ᠲᠡᠭᠡᠷ᠎ᠡ ᠠᠯᠢ ᠨᠢᠭᠡᠨ ᠴᠠᠭ ᠦᠶ᠎ᠡ ᠳᠤ ︽ᠰᠤ᠋︾ ᠭᠡᠬᠦ ᠠᠪᠢᠶ᠎ᠠ ᠪᠦᠷᠢᠯᠲᠦᠨ ᠳᠤᠭᠳᠠᠭᠠᠳ ᠵᠤᠬᠢᠬᠤ ᠤᠳᠬ᠎ᠠ ᠶᠢ ᠢᠯᠡᠳᠭᠡᠵᠦ ᠪᠠᠶᠢᠭᠰᠠᠨ ᠢᠶᠠᠨ ᠪᠦᠲᠦᠭᠡᠯᠴᠢ ᠰᠡᠳᠬᠢᠬᠦᠢ ᠶᠢᠨ ᠦᠢᠡᠯᠲᠦᠯ ᠲᠤᠤᠷ᠎ᠠ᠂ ᠲᠡᠷᠨ ᠨᠢ ᠨᠡᠩ ᠤᠯᠠᠨ ᠬᠡᠷᠡᠭ ᠦᠵᠡᠭᠲᠡᠯ ᠢ ᠢᠯᠡᠳᠭᠡᠵᠦ ᠪᠤᠯᠬᠤᠶᠢᠴᠠ ᠴᠢᠲᠠᠮᠠᠭᠠᠢ ᠦᠢᠯᠡᠲᠦᠯ ᠲᠠᠢ ᠠᠪᠢᠶ᠎ᠠ ᠪᠤᠯᠵᠠᠢ᠃ ᠡᠨᠡ ᠨᠢ ᠮᠤᠩᠭᠤᠯᠴᠤᠳ ᠤᠨ ᠬᠡᠷᠡᠭ ᠪᠤᠲᠠᠰ ᠦᠵᠡᠭᠲᠡᠯ ᠤᠨ ᠲᠤᠲᠤᠭᠠᠲᠤ ᠬᠤᠯᠪᠤᠭᠠᠨ ᠤ ᠲᠤᠬᠠᠢ ᠲᠠᠨᠢᠯᠲᠡ ᠶᠢᠨ ᠬᠦᠨᠵᠡᠭᠡᠶᠢᠷᠡᠯ ᠲᠠᠢ ᠨᠢᠭᠲᠠ ᠬᠤᠯᠪᠤᠭ᠎ᠠ ᠲᠠᠢ ᠪᠤᠯᠬᠤ ᠨᠢ ᠮᠡᠲᠡᠭᠡᠵᠢ ᠶᠤᠮ᠃    ᠲᠦᠷᠪᠡ᠂ ᠦᠭᠡᠰ ᠤᠨ ᠡᠯ᠎ᠡ ᠬᠡᠰᠡᠭ ᠤᠨ ᠬᠤᠯᠪᠤᠭᠲᠠᠯ ᠠᠴᠠ ᠠᠪᠢᠶ᠎ᠠ ᠲᠤᠬᠢᠶᠠᠨ ᠤ ᠤᠳᠬ᠎ᠠ ᠪᠦᠬᠦᠢ ᠰᠢᠨᠵᠢ  ᠶᠢ ᠰᠤᠲᠤᠯᠬᠤ ᠲᠤᠬᠠᠢ ᠮᠦᠴᠢᠳᠯᠡᠪᠡᠯᠮᠤᠩᠭᠤᠯᠴᠤᠳ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠶᠢ ᠬᠠᠮᠵᠢᠭᠤᠯᠤᠨ ᠬᠡᠷᠡᠭᠯᠡᠵᠦ ᠪᠤᠲᠤᠯᠢᠶᠠᠨᠲᠠᠢ ᠤᠳᠬ᠎ᠠ ᠶᠢ ᠢᠯᠡᠳᠭᠡᠬᠦ ᠲᠤᠮᠲᠠ ᠵᠦᠢᠴᠡᠯᠲᠦ ᠰᠡᠳᠭᠢᠭᠦᠢ ᠪᠠᠨ ᠤᠯᠠᠮ ᠪᠠᠶᠠᠯᠢᠭᠵᠢᠭᠤᠯᠵᠤ ᠪᠠᠶᠢᠭᠰᠠᠨ ᠨᠢ ᠮᠡᠲᠡᠭᠡᠵᠢ ᠶᠤᠮ᠃ ᠬᠦᠮᠦᠰ ᠤᠨ ᠪᠡᠶ᠎ᠡ ᠭᠠᠵᠠᠷ ᠲᠤ ᠪᠠᠶᠢᠪᠠᠴᠤ᠂ ᠬᠠᠷᠠᠭ᠎ᠠ ᠲᠡᠭᠷᠢ ᠳᠤ ᠬᠦᠷᠲᠡᠭ ᠪᠠᠶᠢᠨ᠎ᠠ᠃ ᠲᠡᠶᠢᠨᠬᠦ ᠰᠡᠳᠬᠢᠭᠦᠢ ᠳᠡᠭᠡᠨ ᠲᠡᠭᠷᠢ ᠪᠠ ᠲᠡᠯᠡᠬᠡᠢ  ᠶᠢ ᠬᠠᠷᠢᠴᠠᠭᠤᠯᠤᠨ ᠰᠡᠳᠬᠢᠬᠦ ᠪᠤᠯᠤᠮᠵᠢ ᠲᠠᠢ ᠪᠤᠯᠵᠠᠢ᠃ ᠬᠡᠰᠡᠭ ᠪᠦᠯᠦᠭ ᠦᠭᠡᠰ ᠲᠤ ᠲᠤᠰᠬᠠᠭᠲᠠᠵᠤ ᠪᠠᠶᠢᠬᠤ ᠠᠴᠠ ᠠᠵᠢᠭᠯᠠᠪᠠᠯ᠂ ᠮᠤᠩᠭᠤᠯᠴᠤᠳ ᠬᠠᠷᠢᠴᠠᠩᠭᠤᠢ ᠲᠡᠭᠡᠭᠰᠢᠲᠡ ᠪᠦᠬᠦᠢ ᠬᠡᠷᠡᠭ ᠦᠵᠡᠭᠲᠡᠯ ᠢ ᠨᠡᠷᠡᠯᠡᠬᠦ ᠳᠡᠭᠡᠨ ︽ᠷ᠊︾ ᠠᠪᠢᠶ᠎ᠠ ᠶᠢ ᠬᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ ᠰᠢᠭ᠋ ᠰᠠᠨᠠᠭᠲᠠᠬᠤ ᠪᠠ ᠬᠠᠷᠢᠴᠠᠩᠭᠤᠢ ᠲᠤᠷᠤᠭᠰᠢᠳᠠ ᠪᠠᠶᠢᠭ᠎ᠠ ᠬᠡᠷᠡᠭ ᠦᠵᠡᠭᠲᠡᠯ ᠢ ᠨᠡᠷᠡᠯᠡᠬᠦ ᠳᠡᠭᠡᠨ ︽‍ᠯ᠊︾ ᠠᠪᠢᠶ᠎ᠠ ᠶᠢ ᠬᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ ᠰᠢᠭ᠋ ᠰᠠᠨᠠᠭᠲᠠᠨ᠎ᠠ᠃ ᠲᠠᠷᠣᠢ ︽ᠷ᠊᠂ ‍ᠯ᠊︾ ᠠᠪᠢᠶ᠎ᠠ ᠪᠠᠷ ᠬᠠᠷᠢᠴᠠᠩᠭᠤᠢ ᠤᠳᠬ᠎ᠠ ᠶᠢ ᠢᠯᠡᠳᠭᠡᠲᠡᠭ ᠰᠢᠭ᠃ᠲᠤᠬᠠᠶᠢᠯᠠᠪᠠᠯ᠄ ᠲᠡᠭᠡᠭᠰᠢᠲᠡ — ᠲᠡᠭᠷᠢ᠂ ᠨᠠᠷᠠ᠂ ᠰᠠᠷᠨ᠂ ᠭᠠᠷᠠᠭ᠂ ᠬᠤᠷᠮᠤᠰᠤᠲᠠ᠂ ᠰᠠᠨᠰᠠᠷ᠂ ᠤᠭᠲᠠᠷᠭᠤᠢ᠂ ᠰᠤᠯᠢᠷ᠂ ᠠᠭᠠᠷ᠂ ᠠᠭᠤᠷ᠂ ᠬᠤᠷ᠎ᠠ᠂ ᠪᠤᠷᠤᠭᠠᠨ ᠮᠡᠲᠦᠰ ᠪᠤᠢ᠃ ᠲᠤᠷᠤᠭᠰᠢᠳᠠ — ᠲᠠᠯ᠎ᠠ᠂ ᠲᠡᠯᠡᠬᠡᠢ᠂ ᠲᠠᠯᠠᠢ᠂ ᠯᠤᠤᠰ᠂ ᠪᠤᠯᠠᠭ ᠮᠡᠲᠦᠰ ᠪᠤᠢ᠃ ᠡᠶᠢᠨᠬᠦ ᠲᠤᠰᠬᠠᠯ ᠢ ᠴᠤᠭᠴᠠᠲᠤ ᠪᠡᠶ᠎ᠡ ᠲᠡᠭᠡᠷ᠎ᠡ ᠠᠴᠠ ᠡᠷᠢᠪᠡᠯ᠄ ᠡᠪᠡᠷ — ᠰᠡᠭᠦᠯ᠂ ᠭᠠᠷ — ᠬᠦᠯ᠂ ᠲᠡᠷᠢᠭᠦᠨ — ᠰᠠᠭᠤᠲᠠᠯ᠂ ᠰᠡᠭᠡᠷ — ᠲᠠᠯᠤ᠂ ᠨᠢᠷᠤᠭᠤ — ᠬᠡᠪᠡᠯᠢ᠂ ᠤᠷᠠᠨ ᠲᠠᠩᠨᠠᠢ — ᠬᠡᠯᠨ᠂ ᠠᠲᠠᠷ — ᠱᠠᠯᠨ᠂ ᠤᠷᠤᠢ — ᠤᠯᠨ᠂ ᠲᠦᠷᠡᠢ — ᠵᠤᠯᠤᠭ ᠭᠡᠬᠦ ᠮᠡᠲᠦ ᠪᠠᠷ ᠲᠤᠰᠬᠠᠭᠲᠠᠨ᠎ᠠ᠃ᠤᠳᠤᠬᠠᠨ ᠳᠤ ᠬᠠᠷᠢᠴᠠᠩᠭᠤᠢ ᠤᠳᠬ᠎ᠠ ᠶᠢ ᠢᠯᠡᠳᠬᠡᠬᠦ ᠳᠡᠭᠡᠨ ︽ᠷ᠊︾ ᠠᠪᠢᠶ᠎ᠠ ᠶᠢ ᠵᠦᠩᠳᠡᠬᠡᠨ ᠬᠡᠷᠡᠭᠯᠡᠵᠤ ᠪᠠᠶᠢᠭ᠎ᠠ ᠃ ᠳᠤᠬᠠᠶᠢᠯᠠᠪᠠᠯ᠄ ᠳᠡᠬᠡᠷ᠎ᠠ ᠳᠤᠤᠷ᠎ᠠ᠂ ᠳᠡᠭᠷᠢ ᠭᠠᠵᠠᠷ᠂ ᠠᠷᠤ ᠦᠪᠤᠷ᠂ ᠤᠷᠲᠦ ᠤᠬᠤᠷ᠂ ᠤᠷᠬᠢᠯ ᠬᠤᠷᠮᠤᠢ᠂ ᠦᠷᠯᠦᠬᠡ ᠤᠷᠤᠢ᠂ ᠬᠢᠷᠠᠭ᠎ᠠ ᠪᠦᠷᠦᠢ᠂ ᠡᠪᠡᠷ ᠳᠤᠭᠤᠷᠡᠢ᠂ ᠬᠤᠩᠰᠢᠶᠠᠷ ᠪᠤᠷᠪᠢ᠂ ᠳᠠᠷᠬᠠᠭᠰᠠᠨ ᠴᠤᠭᠯᠠᠷᠠᠭᠰᠠᠨ᠂ ᠪᠤᠳᠠᠷᠠᠭᠰᠠᠨ ᠲᠦᠪᠯᠡᠷᠡᠭᠰᠡᠨ᠂ ᠰᠠᠷᠨᠢᠭᠰᠠᠨ ᠬᠤᠷᠠᠭᠰᠠᠨ᠂ ᠭᠠᠷ ᠤᠷᠤ᠂ ᠢᠷ᠎ᠠ ᠬᠦᠷ᠂ ᠢᠷ ᠮᠦᠷᠦ᠂ ᠲᠦᠷᠬᠡᠨ ᠠᠯᠭᠤᠷ᠂ ᠦᠷᠡᠵᠢᠬᠦ ᠬᠤᠷᠤᠭᠳᠡᠬᠤ᠂ ᠳᠤᠳᠤᠷᠡᠬᠤ ᠪᠠᠯᠠᠷᠡᠬᠤ ᠬᠡᠬᠦ ᠮᠡᠲᠦ ᠵᠦᠩᠳᠡᠬᠡᠨ ᠳᠤᠬᠢᠶᠠᠯᠳᠤᠨ᠎ᠠ᠃ᠨᠢᠭᠡᠨᠲᠡ ᠦᠭᠡ ᠬᠡᠯᠨ ᠲᠡᠭᠡᠷ᠎ᠡ ᠠᠪᠴᠤ ᠬᠡᠷᠡᠭᠯᠡᠭᠰᠡᠨ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠶᠢ ᠤᠯᠠᠮ ᠪᠦᠲᠦᠭᠡᠯᠴᠢ ᠪᠠᠷ ᠬᠡᠷᠡᠭᠯᠡᠵᠦ ᠴᠢᠲᠠᠪᠠᠯ ᠲᠡᠭᠦᠨ ᠤ ᠬᠡᠷᠡᠭ ᠦᠵᠡᠭᠲᠡᠯ ᠢ ᠢᠯᠡᠳᠭᠡᠬᠦ ᠴᠢᠲᠠᠪᠬᠢ ᠶᠢ ᠤᠯᠠᠮ ᠦᠷᠭᠡᠳᠭᠡᠵᠦ ᠨᠡᠩ ᠦᠷᠭᠡᠨ ᠬᠡᠪᠴᠢᠶᠡᠨ  ᠤ ᠤᠳᠬ᠎ᠠ ᠶᠢ ᠲᠤᠰᠬᠠᠬᠤ ᠳᠤ ᠦᠢᠯᠡᠴᠢᠯᠡᠭᠦᠯᠵᠦ ᠴᠢᠲᠠᠨ᠎ᠠ᠃— ︽ᠷ᠊︾ ᠠᠪᠢᠶ᠎ᠠ ᠶᠢ ᠲᠤᠭᠤᠷᠢᠨ ᠬᠦᠷᠢᠶᠡᠯᠡᠭᠰᠡᠨ ᠬᠡᠷᠡᠭ ᠦᠵᠡᠭᠲᠡᠯ ᠬᠦᠲᠡᠯᠭᠡᠭᠡᠨ ᠶᠠᠪᠤᠲᠠᠯ ᠵᠡᠷᠭᠡ ᠶᠢ ᠢᠡᠯᠳᠭᠡᠬᠦ ᠲᠡᠭᠡᠷ᠎ᠡ ᠦᠷᠭᠡᠳᠭᠡᠨ ᠭᠡᠷᠡᠭᠯᠡᠵᠦ ᠪᠠᠶᠢᠪᠠ᠃ ᠲᠤᠬᠠᠶᠢᠯᠠᠪᠠᠯ᠄ᠲᠤᠭᠤᠷᠢᠭ᠂ ᠴᠠᠭᠠᠷᠢᠭ᠂ ᠲᠦᠭᠦᠷᠢᠭ᠂ ᠲᠡᠷᠭᠡᠯ᠂ ᠨᠠᠷᠠ᠂ ᠰᠠᠷᠠ᠂ ᠵᠡᠭᠡᠷᠡᠩᠬᠡᠢ᠂ ᠪᠦᠭᠡᠷᠡᠩᠬᠡᠢ᠂ ᠬᠦᠷᠢᠶ᠎ᠡ᠂ ᠬᠦᠷᠲᠦ ᠂ ᠭᠠᠷᠬ᠎ᠠ᠂ ᠭᠤᠷᠬᠢ᠂ ᠲᠦᠷᠦᠭᠡ᠂ ᠡᠷᠢᠬᠡ᠂ ᠤᠷᠠᠬ᠎ᠠ᠂ ᠤᠷᠭ᠎ᠠ᠂ ᠠᠮᠰᠠᠷ᠂ ᠦᠷᠢᠯ᠂ ᠲᠠᠷᠪᠤᠰ᠂ ᠲᠡᠭᠡᠷᠮ᠎ᠡ᠂ ᠦᠲᠦᠷᠮ᠎ᠡ᠂ ᠪᠦᠮᠪᠦᠷ᠂ ᠬᠠᠷᠠᠩᠭ᠎ᠠ᠂ ᠬᠡᠩᠭᠡᠷᠭᠡ᠂ ᠡᠭᠡᠷᠦᠦᠯ᠂ ᠪᠡᠭᠡᠷᠦᠦᠯ᠂ ᠰᠤᠷᠬᠢᠷᠠᠢ᠂ ᠡᠷᠬᠢᠬᠦ᠂ ᠲᠤᠭᠤᠷᠢᠬᠤ᠂ ᠡᠷᠬᠢ᠂ ᠱᠤᠷᠠᠭ᠂ ᠤᠷᠢᠶᠠᠬᠤ᠂ ᠬᠤᠷᠠᠶᠢᠯᠠᠬᠤ᠂ ᠬᠤᠷᠭᠤᠬᠤ ᠭᠡᠬᠦ ᠮᠡᠲᠦ᠃ᠤᠷᠴᠢᠯᠠᠩ ᠳᠠᠬᠢ ᠮᠠᠰᠢ ᠤᠯᠠᠨ ᠦᠵᠡᠭᠲᠡᠯ ᠨᠢ ᠬᠦᠮᠦᠰ ᠤᠨ ᠬᠠᠷᠠᠭᠠᠨ ᠳᠤ ᠲᠤᠭᠤᠷᠢᠭ ᠬᠦᠷᠢᠶ᠎ᠡ ᠲᠦᠷᠰᠦ ᠪᠤᠯᠵᠤ ᠬᠠᠷᠠᠭᠲᠠᠲᠠᠭ᠃ ᠨᠠᠷᠨ ᠰᠠᠷᠨ ᠪᠤᠯ ᠲᠡᠷᠨ ᠴᠢᠭ ᠲᠡᠭᠡᠨ ᠲᠤᠭᠤᠷᠢᠭ ᠲᠦᠷᠰᠦ ᠪᠤᠯᠵᠤ ᠬᠠᠷᠠᠭᠲᠠᠵᠤ ᠪᠠᠶᠢᠲᠠᠭ᠃ ᠲᠡᠭᠷᠢ ᠶᠢᠨ ᠬᠤᠷᠮᠤᠢ ᠪᠠ ᠲᠠᠯ᠎ᠠ ᠶᠢᠨ ᠬᠦᠪᠡᠭᠡ ᠨᠢ ᠬᠠᠷᠠᠭᠠᠨ ᠠᠴᠠ ᠬᠡᠲᠦᠢ ᠬᠤᠯᠠᠲᠠᠬᠤ ᠲᠤᠲᠤᠮ ᠢᠶᠠᠨ ᠲᠤᠭᠤᠷᠢᠭ ᠬᠦᠷᠢᠶ᠎ᠡ ᠪᠤᠯᠵᠤ ᠬᠠᠷᠠᠭᠲᠠᠲᠠᠭ᠃ ᠡᠶᠢᠨᠬᠦ ᠦᠵᠡᠭᠲᠡᠯ ᠲᠤᠰᠬᠠᠯ ᠠᠴᠠ ᠪᠤᠶᠤ ᠡᠰᠡᠭᠦᠯ᠎ᠡ ᠡᠭᠦᠨ ᠠᠴᠠ ᠨᠡᠩ ᠬᠦᠨᠵᠡᠭᠡᠢ ᠰᠡᠳᠬᠢᠬᠦᠢ ᠶᠢᠨ ᠲᠤᠰᠬᠠᠯ ᠠᠴᠠ ᠪᠤᠯᠵᠤ ︽ᠤᠷᠴᠢᠬᠤ᠂ ᠤᠷᠴᠢᠯᠠᠩ᠂ ᠰᠠᠨᠰᠠᠷ᠂ ᠤᠭᠲᠠᠷᠭᠤᠢ᠂ ᠲᠡᠭᠷᠢ᠂ ᠭᠠᠵᠠᠷ᠂ ᠪᠦᠮᠪᠦᠷᠴᠡᠭ︾ ᠭᠡᠬᠦ ᠮᠡᠲᠦ ᠤᠬᠠᠭᠲᠠᠬᠤᠨ ᠳᠤ ︽ᠷ᠊︾ ᠠᠪᠢᠶ᠎ᠠ ᠶᠢ ᠬᠡᠷᠡᠭᠯᠡᠵᠦ ᠲᠦᠭᠦᠷᠢᠭ ᠪᠤᠶᠤ ᠲᠤᠭᠤᠷᠢᠯᠳᠠ  ᠶᠢᠨ ᠤᠷᠴᠢᠯ ᠪᠦᠬᠦᠢ ᠤᠨᠴᠠᠯᠢᠭ ᠢ ᠲᠤᠰᠬᠠᠬᠤ ᠬᠡᠰᠡᠨ ᠵᠤᠷᠢᠯᠭ᠎ᠠ ᠲᠠᠢ ᠭᠡᠵᠦ ᠪᠤᠲᠤᠭᠲᠠᠨ᠎ᠠ᠃ ᠭᠡᠷᠪᠡ ᠲᠡᠶᠢᠮᠦ ᠪᠤᠯ ᠮᠤᠩᠭᠤᠯᠴᠤᠳ ᠤᠷᠴᠢᠯᠠᠩ ᠳ᠋ᠡᠬᠢᠨ ᠳᠠᠬᠢ ᠤᠲᠤ ᠭᠠᠷᠠᠭ ᠤᠨ ᠤᠷᠴᠢᠯᠳᠠ ᠡᠷᠬᠢᠯᠳᠡ ᠶᠢᠨ ᠲᠤᠬᠠᠢ ᠨᠡᠩ ᠡᠷᠲᠡ ᠳᠤ ᠮᠠᠭᠠᠳ ᠲᠠᠨᠢᠯᠳᠠ ᠲᠠᠢ ᠪᠤᠯᠴᠢᠬᠠᠭᠰᠠᠨ ᠪᠠᠶᠢᠵᠤ ᠮᠡᠲᠡᠨ᠎ᠡ᠃︽ᠷ᠊︾ ᠠᠪᠢᠶ᠎ᠠ ᠶᠢ ᠪᠠᠰᠨ ᠭᠠᠭᠴᠠ ᠪᠤᠰᠤ ᠵᠦᠢᠯ ᠢ ᠲᠤᠰᠬᠠᠬᠤ ᠳᠤ ᠬᠡᠷᠡᠭᠯᠡᠵᠦ ᠪᠠᠶᠢᠵᠠᠢ᠃ ᠲᠤᠬᠠᠶᠢᠯᠠᠪᠠᠯ᠄ᠦᠷᠦᠭᠡᠰᠦᠨ ᠭᠡᠬᠦ ᠦᠭᠡ ᠨᠢ ᠬᠡᠲᠦᠶᠢᠪᠡᠷ ᠭᠠᠭᠴᠠᠬᠠᠨ ᠪᠤᠲᠠᠭᠠᠯᠢ ᠶᠢ ᠵᠢᠭᠠᠵᠤ ᠪᠠᠶᠢᠪᠠᠴᠤ᠂ ᠲᠡᠷᠨ ᠨᠢ ᠬᠤᠶᠠᠷ ᠪᠤᠶᠤ ᠬᠤᠶᠠᠷ ᠠᠴᠠ ᠲᠡᠭᠡᠭᠰᠢᠬᠢ ᠢᠵᠢᠯ ᠲᠦᠷᠦᠯ ᠤᠨ ᠬᠡᠷᠡᠭ ᠪᠤᠲᠠᠰ ᠤᠨ ᠲᠤᠲᠤᠷᠠᠬᠢ ᠨᠢᠭᠡ ᠶᠢ ᠵᠢᠭᠠᠲᠠᠭ᠃ ᠵᠢᠱᠢᠶ᠎ᠡ᠄ ᠦᠷᠦᠭᠡᠰᠦᠨ ᠡᠪᠡᠷ᠂ ᠦᠷᠦᠭᠡᠰᠦᠨ ᠰᠠᠪᠬ᠎ᠠ ᠭᠡᠬᠦ ᠮᠡᠲᠦ᠃ᠲᠠᠪᠬᠤᠷ᠂ ᠢᠬᠢᠷ᠎ᠠ᠂ ᠵᠦᠢᠷᠡᠢ᠂ ᠬᠤᠶᠠᠷ᠂ ᠬᠠᠪᠢᠷᠭ᠎ᠠ᠂ ᠪᠦᠭᠡᠷ᠎ᠡ᠂ ᠭᠠᠷ᠂ ᠬᠤᠷᠤᠭᠤ᠂ ᠵᠡᠷᠭᠡᠴᠡᠭᠡ᠂ ᠠᠷᠠᠯ ﹇ᠲᠡᠷᠭᠡ﹈ ᠭᠡᠬᠦ ᠮᠡᠲᠦ ᠤᠬᠠᠭᠲᠠᠬᠤᠨ ᠨᠢ ᠲᠠᠷᠤᠢ ᠨᠢᠭᠡ ᠪᠤᠰᠤ ᠵᠦᠢᠯᠡᠰ ᠢ ᠲᠤᠰᠬᠠᠲᠠᠭ᠃ ᠬᠠᠮᠠᠷ ᠭᠡᠬᠦ ᠤᠬᠠᠭᠲᠠᠬᠤᠨ  ᠨᠢ ᠬᠡᠲᠦᠶᠢᠪᠡᠷ ᠨᠢᠭᠡ ᠴᠤᠭᠴᠠ ᠪᠡᠶ᠎ᠡ ᠶᠢ ᠵᠢᠭᠠᠵᠤ ᠪᠠᠶᠢᠭ᠎ᠠ ᠪᠤᠯᠪᠠᠴᠤ ᠲᠡᠭᠦᠨ ᠳᠤ ᠬᠠᠷᠢᠨ ᠨᠢᠭᠡ ᠬᠤᠤᠰ ᠠᠮᠢᠰᠬᠤᠬᠤ ᠰᠦᠪᠡ ᠪᠤᠢ᠃ ᠰᠤᠷᠮᠤᠤᠰᠤ ᠪᠤᠯ ᠦᠨᠳᠦᠰᠨ ᠳᠡᠭᠡᠨ ᠲᠡᠭᠡᠷ᠎ᠡ ᠲᠤᠤᠷ᠎ᠠ ᠬᠤᠶᠠᠷ ᠠᠩᠬᠢ ᠪᠤᠯᠵᠤ ᠪᠠᠶᠢᠷᠢᠯᠠᠵᠠᠢ᠃ ᠡᠨᠡᠴᠢᠯᠡᠨ ᠬᠠᠮᠠᠷ᠂ ᠰᠤᠷᠮᠤᠤᠰᠦ᠂ ᠬᠠᠷᠠᠭ᠎ᠠ᠂ ᠰᠤᠨᠤᠷ᠂ ᠬᠠᠴᠠᠷ᠂ ᠨᠢᠭᠤᠷ᠂ ᠤᠷᠤᠭᠤᠯ ᠵᠡᠷᠭᠡ ᠦᠭᠡᠰ ᠲᠤ ᠪᠦᠷ ᠨᠢᠭᠡ ᠪᠤᠰᠤ ᠵᠦᠢᠯᠡᠰ ᠲᠤᠰᠬᠠᠭᠲᠠᠨ᠎ᠠ᠃ᠨᠠᠶᠢᠷᠠᠭᠤᠯᠬᠤ᠂ ᠦᠷᠭᠦᠯᠵᠢ᠂ ᠲᠡᠪᠲᠡᠷ᠂ ᠰᠤᠲᠤᠷ᠂ ᠲᠡᠭᠲᠡᠷ ᠬᠡᠬᠦ ᠮᠡᠲᠦ ᠦᠭᠡᠰ ᠲᠤ ᠮᠥᠨ ᠯᠠ ᠭᠠᠭᠴᠠ ᠪᠤᠰᠤ ᠵᠦᠢᠯᠡᠰ ᠲᠤᠰᠬᠠᠭᠲᠠᠵᠤ ᠪᠠᠶᠢᠲᠠᠭ᠃ ᠳᠡᠪᠳᠡᠷ᠂ ᠰᠤᠳᠤᠷ ᠬᠡᠬᠦ ᠦᠬᠡᠰ ᠨᠢ ᠭᠠᠭᠴᠠ ᠪᠤᠰᠤ ᠬᠠᠭᠤᠳᠡᠰᠦ ᠲᠠᠢ ᠪᠢᠴᠢᠭ ᠬᠠᠷ᠎ᠠ ᠶᠢᠨ ᠵᠦᠢᠯ ᠢ ᠵᠢᠭᠠᠵᠤ ᠪᠠᠶᠢᠨ᠎ᠠ᠃ᠳᠤᠩᠭᠠᠪᠠᠯ᠄ ᠦᠷᠡᠵᠢᠬᠦ᠂ ᠲᠦᠷᠦᠬᠦ᠂ ᠦᠷᠦᠬᠦ᠂ ᠪᠠᠶᠢᠷᠢᠯᠡᠬᠤ᠂ ᠦᠷᠦᠬᠦ᠂ ᠱᠦᠷᠬᠦᠬᠡᠬᠦ᠂ ᠨᠠᠶᠢᠷᠡᠳᠡᠢ᠂ ᠬᠤᠷᠰᠢᠬᠤ᠂ ᠨᠦᠬᠦᠷ᠂ ᠪᠠᠷᠢᠯᠳᠤᠬᠤ᠂ ᠰᠤᠪᠤᠷᠡᠬᠤ᠂ ᠴᠤᠪᠤᠷᠡᠬᠤ᠂ ᠤᠷᠢᠳᠡᠬᠤ᠂ ᠵᠦᠷᠢᠶ᠎ᠠ᠂ ᠳ᠋ᠤᠭᠠᠷ᠂ ᠴᠤᠬᠤᠷ᠂ ᠪᠢᠳᠡᠷ᠂ ᠬᠠᠯᠳᠠᠷ᠂ ᠡᠷᠢᠶᠠᠨ᠂ ᠶᠠᠷᠦᠩᠬᠡᠢ᠂ ᠬᠤᠷᠡᠯ᠂ ᠠᠷᠪᠢᠨ᠂ ᠰᠢᠷᠤᠢ᠂ ᠭᠤᠯᠢᠷ᠂ ᠬᠤᠪᠢᠷᠡᠬᠤ᠂ ᠰᠢᠷᠡᠯᠳᠤᠬᠦ᠂ ᠰᠠᠶᠢᠷᠡᠭ ᠬᠡᠬᠦ ᠮᠡᠲᠦᠰ ᠤᠨ ᠦᠬᠡᠰ ᠲᠤ ᠭᠠᠭᠴᠠ ᠪᠤᠰᠤ ᠵᠦᠢᠯᠡᠰ ᠠᠶᠠᠠᠳᠡᠭᠠᠨ ᠳᠤᠰᠬᠠᠭᠳᠡᠵᠤ ᠪᠠᠶᠢᠳᠠᠭ᠃ᠡᠨᠡ ᠮᠡᠲᠦ ᠤᠬᠠᠭᠠᠴᠢᠯᠠᠪᠠᠯ᠂ ᠤᠯᠠᠨ ᠲᠤᠭᠠᠨ ᠤ ᠲᠠᠭᠠᠪᠤᠷᠢ ︽ᠨᠠᠷ︾ ᠲᠠᠬᠢ ︽ᠷ᠊︾ ᠠᠪᠢᠶ᠎ᠠ ᠨᠢ ᠤᠯᠠᠨ ᠲᠤᠭ᠎ᠠ  ᠶᠢ ᠵᠢᠭᠠᠬᠤ ᠤᠳᠬ᠎ᠠ ᠶᠢᠨ ᠭᠤᠤᠯ ᠡᠭᠦᠷᠭᠡ ᠶᠢ ᠡᠭᠦᠷᠭᠡᠯᠡᠵᠦ ᠪᠠᠶᠢᠭ᠎ᠠ ᠰᠢᠭ᠋ ᠰᠠᠨᠠᠭᠲᠠᠨ᠎ᠠ᠃ᠪᠢᠷ ᠢ ᠪᠠᠰᠨ ᠮᠠᠰᠢ ᠤᠯᠠᠨ ᠲᠤᠭᠠᠨ ᠤ ᠦᠰᠦ ᠰᠤᠷ ᠢ ᠠᠪᠴᠤ ᠬᠤᠯᠤᠰᠤᠨ ᠮᠤᠲᠤᠨ ᠤ ᠦᠵᠦᠭᠦᠷ ᠲᠤ ᠪᠠᠬᠢᠯᠡᠵᠦ ᠬᠢᠲᠡᠭ᠂ ︽ᠬᠤᠷᠢᠨ ᠨᠢᠭᠡᠲᠦ ᠲᠠᠶᠢᠯᠪᠤᠷᠢ ᠲᠤᠯᠢ︾ ᠳᠤ ︽ᠪᠢᠷ ᠪᠠᠷ ᠬᠢᠵᠦ︾᠂ ︽ᠪᠦᠷ ᠪᠠᠷ ᠭᠢᠵᠦ︾ ᠭᠡᠬᠦ ᠦᠭᠡᠰ ᠢ ᠮᠠᠰᠢ ᠦᠯᠡᠮᠵᠢ ᠶᠢᠨ ᠪᠠᠶᠢᠲᠠᠯ᠂ ᠦᠯᠡᠮᠵᠢ ᠤᠯᠠᠨ ᠤ ᠪᠠᠶᠢᠲᠠᠯ ᠭᠡᠵᠦ ᠲᠠᠶᠢᠯᠪᠤᠷᠢᠯᠠᠵᠠᠢ᠃ ᠡᠲᠡᠭᠡᠷ ᠦᠭᠡᠰ  ᠲᠤ ︽ᠷ᠊︾ ᠠᠪᠢᠶ᠎ᠠ ᠤᠨᠴᠠᠯᠠᠭᠲᠠᠨ᠎ᠠ᠃ ︽ᠨᠠᠶᠢᠷ᠂ ᠬᠤᠷᠢᠮ᠂ ᠬᠤᠷᠠᠯ︾ ᠭᠡᠬᠦ ᠮᠡᠲᠦ ᠦᠭᠡᠰ ᠲᠤ ᠤᠯᠠᠨ ᠬᠦᠮᠦᠰ  ᠤᠨ ᠴᠤᠭᠯᠠᠭᠠᠨ ᠲᠤᠰᠬᠠᠭᠲᠠᠨ᠎ᠠ᠃ ᠡᠲᠡᠭᠡᠷ ᠦᠭᠡᠰ ᠲᠤ ᠮᠥᠨ ︽ᠷ᠊︾ ᠠᠪᠢᠶ᠎ᠠ ᠤᠨᠴᠠᠯᠠᠭᠲᠠᠵᠤ ᠪᠠᠶᠢᠲᠠᠭ᠃ — ︽ᠷ᠊︾ ᠠᠪᠢᠶ᠎ᠠ ᠶᠢᠨ ᠲᠤᠬᠠᠢ ᠨᠠᠷᠢᠨ ᠠᠵᠢᠭᠯᠠᠯᠳᠠ ᠪᠠᠷ ᠲᠠᠮᠵᠢᠭᠤᠯᠵᠤ ᠲᠡᠭᠦᠨ ᠤ ᠦᠭᠡ ᠬᠡᠯᠡᠨ ᠳᠤ ᠦᠵᠡᠭᠦᠯᠵᠦ ᠪᠠᠶᠢᠭ᠎ᠠ ᠨᠡᠩ ᠤᠯᠠᠨ ᠦᠢᠯᠡᠲᠦᠯ ᠢ ᠲᠠᠨᠢᠵᠤ ᠪᠤᠯᠤᠨ᠎ᠠ᠃ᠮᠤᠩᠭᠤᠯ ᠬᠡᠯᠡᠨ ᠳᠠᠬᠢ ︽ᠬ᠋᠊︾ ᠠᠪᠢᠶ᠎ᠠ ᠨᠢ ᠴᠦ ᠨᠡᠯᠢᠶᠡᠳ ᠲᠡᠯᠭᠡᠷ ᠦᠪᠡᠷᠮᠢᠴᠡ ᠰᠢᠨᠵᠢ ᠲᠠᠢ ᠪᠤᠯᠵᠤ ᠭᠦᠭᠵᠢᠪᠡ᠃ ᠲᠤᠬᠠᠶᠢᠯᠠᠪᠠᠯ᠄ᠭᠠᠯ ᠭᠡᠷᠡᠯ ᠳᠤ ᠬᠤᠯᠪᠤᠭᠲᠠᠭᠰᠠᠨ ᠵᠦᠢᠯ ᠳᠤ ︽ᠬ᠋᠊︾ ᠠᠶᠢᠮᠠᠭ ᠤᠨ ᠠᠪᠢᠶ᠎ᠠ ᠶᠢ ᠬᠡᠷᠡᠭᠯᠡᠵᠦ ᠪᠠᠶᠢᠲᠠᠭ᠃ — ᠭᠠᠯ᠂ ᠭᠡᠷ᠂ ᠭᠠᠩᠰᠠ᠂ ᠰᠢᠲᠠᠭᠠᠬᠤ᠂ ᠴᠤᠭ᠂ ᠲᠦᠭᠡᠨ᠎ᠡ᠂ ᠬᠠᠯᠠᠭᠤᠨ᠂ ᠪᠤᠴᠠᠯᠭᠠᠬᠤ᠂ ᠰᠢᠷᠭᠠᠬᠤ᠂ ᠬᠠᠭᠤᠷᠬᠤ᠂ ᠬᠠᠭᠠᠷᠢᠬᠤ᠂ ᠭᠡᠷᠡᠯ᠂ ᠭᠡᠭᠡ᠂ ᠬᠢᠯᠠᠰᠠᠤ᠂ ᠬᠢᠯᠭᠠᠷ᠂ ᠬᠢᠯᠪᠠᠭᠠᠨ᠂ ᠭᠡᠭᠡᠨ᠂ ᠴᠠᠭᠠᠨ᠂ ᠴᠠᠬᠢᠯᠭᠠᠨ᠂ ᠬᠢᠯ᠂ ᠬᠦᠯᠢᠭᠡᠷ᠂ ᠭᠡᠭᠡᠷᠡᠬᠦ᠂ ᠭᠡᠭᠡᠪᠴᠢ᠂ ᠬᠢᠷᠠᠭ᠎ᠠ᠂ ᠬᠠᠶᠠᠭᠠᠷᠠᠬᠤ ᠬᠡᠬᠦ ᠮᠡᠲᠦ᠃ᠨᠡᠪᠲᠡᠷᠡᠯᠴᠡᠭᠡ ᠵᠡᠷᠭᠡ ᠶᠢ ᠰᠠᠭᠠᠲᠠᠭᠠᠵᠤ ᠬᠢᠵᠠᠭᠠᠷᠯᠠᠬᠤ ᠵᠦᠢᠯ ᠢ ᠨᠡᠷᠡᠯᠡᠬᠦ ᠳᠤ ︽ᠬ᠋᠊︾ ᠶᠢᠨ ᠠᠶᠢᠮᠠᠭ ᠤᠨ ᠠᠪᠢᠶ᠎ᠠ ᠵᠦᠩᠲᠡᠭᠡᠨ ᠬᠤᠯᠪᠤᠭᠲᠠᠵᠤ ᠪᠤᠢ᠃ — ᠲᠦᠭᠵᠢᠶ᠎ᠡ᠂ ᠲᠡᠪᠡᠭᠡ᠂ ᠪᠦᠭᠡᠵᠢ᠂ ᠴᠦᠭᠴᠦᠷᠭᠡ᠂ ᠤᠭᠯᠤᠷᠭ᠎ᠠ᠂ ᠬᠤᠯᠤᠭᠤ᠂ ᠬᠠᠭᠠᠯᠭ᠎ᠠ᠂ ᠪᠦᠭᠯᠡᠭᠡ᠂ ᠲᠠᠭᠯᠠᠭ᠎ᠠ᠃ — ᠵᠠᠭᠠᠭ᠂ ᠬᠢᠵᠠᠭᠠᠷ᠂ ᠱᠤᠭᠤᠮ᠂ ᠪᠤᠭᠤᠮᠲᠠ᠂ ᠬᠤᠷᠢᠭᠤᠯ ᠂ ᠬᠢᠨᠲᠡᠨ ᠭᠡᠬᠦ ᠮᠡᠲᠦ᠃ᠲᠦᠪᠯᠡᠷᠡᠵᠦ ᠪᠦᠭᠡᠭᠨᠡᠷᠡᠨ ᠠᠭᠰᠢᠵᠤ ᠬᠠᠭᠠᠭᠲᠠᠭᠰᠠᠨ ᠪᠠᠶᠢᠲᠠᠯ ᠢ ᠲᠤᠰᠬᠠᠬᠤ ᠳᠠᠭᠠᠨ ︽ᠬ᠋᠊︾ ᠶᠢᠨ ᠠᠶᠢᠮᠠᠭ ᠤᠨ ᠠᠪᠢᠶ᠎ᠠ ᠶᠢ ᠬᠡᠷᠡᠭᠯᠡᠲᠡᠭ᠃ — ᠲᠠᠭᠵᠢᠷᠠᠬᠤ᠂ ᠲᠦᠭᠵᠢᠬᠦ᠂ ᠲᠠᠭᠯᠠᠬᠤ᠂ ᠲᠡᠭᠡᠭᠯᠡᠬᠦ᠂ ᠵᠠᠩᠬᠢᠳᠬᠤ᠂ ᠵᠠᠩᠬᠢᠶ᠎ᠠ᠂ ᠭᠤᠭᠴᠤᠭ᠎ᠠ᠂ ᠵᠠᠩᠬᠢᠯᠭ᠎ᠠ᠂ ᠬᠠᠭᠰᠠᠵᠤ᠂ ᠠᠭᠰᠢᠵᠤ᠂ ᠡᠭᠡᠲᠡᠵᠦ᠂ ᠪᠦᠭᠡᠮᠨᠡᠷᠡᠵᠦ᠂ ᠵᠠᠩᠬᠢᠷᠡᠵᠤ᠂ ᠪᠠᠭᠯᠠᠷᠠᠵᠤ᠂ ᠪᠤᠭᠤᠭᠳᠡᠬᠤ᠂ ᠠᠭᠯᠠᠭ᠂ ᠢᠭᠴᠠ᠂ ᠴᠤᠭᠯᠠᠬᠤ᠂ ᠨᠢᠲᠤᠷᠭ᠎ᠠ᠂ ᠨᠢᠭᠲᠠ ᠭᠡᠬᠦ ᠮᠡᠲᠦ᠃ᠰᠡᠳᠬᠢᠬᠦᠢ ᠵᠡᠷᠭᠡ ᠳᠤ ᠰᠠᠭᠠᠳ ᠪᠦᠬᠦᠢ ᠦᠶᠡᠰ ᠤᠨ ᠪᠠᠶᠢᠲᠠᠯ ᠢ ᠢᠯᠡᠳᠭᠡᠬᠦ ᠳᠤ ᠴᠦ ︽‍ᠭ᠊᠂ ᠭ᠊︾ ᠠᠪᠢᠶ᠎ᠠ ᠶᠢ ᠬᠡᠷᠡᠭᠯᠡᠵᠦ ᠪᠤᠢ᠃ ᠲᠤᠬᠠᠶᠢᠯᠠᠪᠠᠯ᠄ ᠲᠠᠲᠠᠭᠠᠯᠵᠠᠬᠤ᠂ ᠡᠭ ᠮᠠᠭ᠂ ᠢᠲᠠᠭ ᠶᠠᠲᠠᠭ᠂ ᠲᠦᠲᠡᠭᠡᠯᠵᠡᠬᠦ᠂ ᠲᠦᠪᠡᠭᠰᠢᠶᠡᠬᠦ᠂ ᠡᠭᠡᠲᠡᠷᠡᠵᠦ᠂ ᠲᠦᠭᠡᠷᠢᠬᠦ ᠵᠡᠷᠭᠡ ᠪᠠ ᠬᠦᠭᠰᠡᠵᠦ᠂ ᠪᠦᠭᠰᠢᠵᠦ᠂ ᠡᠭᠰᠢᠵᠤ᠂ ᠮᠡᠭᠰᠢᠵᠦ᠂ ᠪᠡᠭᠲᠡᠷᠡᠵᠦ᠂ ᠤᠭᠰᠢᠵᠤ᠂ ᠯᠤᠭᠰᠢᠵᠤ᠂ ᠲᠦᠭᠰᠢᠵᠦ ᠯᠦᠭᠰᠢᠵᠦ᠂ ᠬᠠᠭᠰᠢᠵᠤ᠂ ᠠᠭᠰᠠᠵᠤ ᠭᠡᠬᠦ ᠮᠡᠲᠦ᠃ᠬᠤᠲᠤᠭᠤᠷ ᠰᠢᠨᠵᠢ ᠪᠠᠶᠢᠲᠠᠯ ᠬᠤᠯᠪᠤᠭᠲᠠᠭᠰᠠᠨ ᠵᠦᠢᠯ ᠢ ᠨᠡᠷᠡᠯᠡᠵᠦ ᠲᠡᠮᠲᠡᠭᠯᠡᠬᠦ ᠳᠡᠭᠡᠨ ︽ᠬ᠋᠊᠂ ᠭ᠊︾ ᠠᠪᠢᠶ᠎ᠠ ᠶᠢ ᠵᠦᠩᠲᠡᠭᠡᠨ ᠬᠡᠷᠡᠭᠯᠡᠵᠦ ᠪᠠᠶᠢᠪᠠ᠃ — ᠠᠯᠠᠭ᠎ᠠ᠂ ᠬᠤᠨᠲᠠᠭ᠎ᠠ᠂ ᠬᠠᠯᠪᠠᠭ᠎ᠠ᠂ ᠰᠢᠨᠠᠭ᠎ᠠ᠂ ᠠᠶᠠᠭ᠎ᠠ᠂ ᠲᠤᠭᠤᠭ᠎ᠠ᠂ ᠰᠠᠭᠤᠯᠭ᠎ᠠ᠂ ᠠᠭᠠᠷᠤ᠂ ᠬᠦᠨᠦᠭ᠂ ᠬᠤᠪᠤᠭᠤ᠂ ᠠᠷᠤᠭ᠂ ᠰᠠᠭᠰᠤ᠂ ᠬᠤᠳᠲᠤᠭ᠂ ᠬᠦᠨ᠂ ᠭᠤᠤ᠂ ᠭᠠᠩᠭ᠎ᠠ᠂ ᠠᠭᠤᠢ᠂ ᠭᠤᠤᠯ᠂ ᠭᠤᠷᠤᠬ᠎ᠠ᠂ ᠬᠤᠲᠤᠭᠤᠷ᠂ ᠨᠠᠭᠤᠷ᠂ ᠲᠤᠭᠤᠷᠢᠮ᠂ ᠴᠦᠬᠦᠷᠦᠮ᠂ ᠰᠠᠭᠠᠲᠠᠭ᠂ ᠬᠤᠭᠤᠯᠠᠢ᠂ ᠭᠤᠤᠷᠰᠤ᠂ ᠤᠭᠤᠷ᠂ ᠤᠭᠤᠲᠠ᠂ ᠰᠢᠭᠤᠲᠠᠢ᠂ ᠬᠠᠪᠲᠠᠭ᠎ᠠ᠂ ᠬᠤᠲᠤᠭᠤᠲᠤ᠂ ᠴᠦᠮᠦᠭᠡ᠂ ᠭᠤᠲᠤᠯ ﹇ᠭᠤᠲᠤᠰᠤ﹈ ᠭᠡᠬᠦ ᠮᠡᠲᠦ᠃ ᠬᠠᠷᠢᠴᠠᠩᠭᠤᠢ ᠪᠠᠷ ᠰᠡᠳᠬᠢᠵᠦ᠂ ᠬᠡᠪ ᠤᠨ ᠪᠠᠶᠢᠲᠠᠯ ᠠᠴᠠ ᠴᠤᠬᠤᠶᠢᠭᠰᠠᠨ ᠲᠤᠪᠤᠭᠤᠷ ᠰᠢᠨᠵᠢ ᠪᠠᠶᠢᠲᠠᠯ ᠬᠤᠯᠪᠤᠭᠲᠠᠭᠰᠠᠨ ᠵᠦᠢᠯᠡᠰ ᠢ ᠨᠡᠷᠡᠯᠡᠵᠦ ᠲᠡᠮᠲᠡᠭᠯᠡᠬᠦ ᠳᠡᠭᠡᠨ ᠴᠦ ︽ᠬ᠋᠊᠂ ᠭ᠊︾ ᠠᠪᠢᠶ᠎ᠠ ᠶᠢ ᠵᠦᠩᠳᠡᠭᠡᠨ ᠬᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ ᠮᠡᠲᠦ᠃ — ᠱᠠᠭ᠎ᠠ᠂ ᠠᠰᠢᠭ᠂ ᠲᠤᠪᠤᠭᠤᠷ᠂ ᠬᠦᠲᠦᠭᠦᠷ᠂ ᠭᠤᠵᠤᠭᠤᠷ᠂ ᠪᠤᠰᠤᠭ᠎ᠠ᠂ ᠤᠪᠤᠭ᠎ᠠ᠂ ᠲᠤᠪᠤᠴᠠᠭ᠂ ᠤᠷᠬᠢᠯ᠂ ᠠᠰᠬ᠎ᠠ᠂ ᠠᠭᠤᠯᠨ᠂ ᠠᠪᠤᠷᠭᠤ᠂ ᠨᠢᠷᠤᠭᠤ᠂ ᠬᠢᠩᠭ᠎ᠠ᠂ ᠲᠠᠪᠠᠭ᠎ᠠ ᠭᠡᠬᠦ ᠮᠡᠲᠦ᠃ᠤᠯᠠᠨ ᠲᠠᠪᠠᠭ᠎ᠠ ᠨᠢ ᠲᠠᠪᠷᠠᠭ᠎ᠠ ᠪᠤᠯᠵᠤ ᠬᠠᠷᠠᠭᠲᠠᠨ᠎ᠠ᠃ ᠡᠨᠡᠴᠢᠯᠡᠨ ᠲᠠᠪᠠᠷᠠᠭ᠎ᠠ᠂ ᠲᠤᠯᠬᠢᠶᠠᠯᠢᠭ ᠰᠢᠨᠵᠢ ᠪᠠᠶᠢᠲᠠᠯ ᠬᠤᠯᠪᠤᠭᠲᠠᠭᠰᠠᠨ ᠵᠦᠢᠯᠡᠰ ᠢ ᠨᠡᠷᠡᠯᠵᠦ ᠲᠡᠮᠲᠡᠭᠯᠡᠬᠦ ᠳᠡᠭᠡᠨ ︽ᠬ᠋᠊᠂ ᠭ᠊︾ ᠠᠪᠢᠶ᠎ᠠ ᠶᠢ ᠤᠨᠴᠠᠯᠠᠨ ᠬᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ ᠰᠢᠭ᠋᠃ — ᠬᠠᠶᠠᠯᠭ᠎ᠠ᠂ ᠰᠤᠯᠤᠩᠭ᠎ᠠ᠂ ᠵᠡᠷᠭᠡᠯᠭᠡᠨ᠂ ᠬᠦᠷᠪᠡᠯᠵᠡᠨ᠂ ᠮᠤᠰᠬᠢᠯᠲᠤᠬᠤ᠂ ᠤᠭᠠᠯᠵᠨ᠂ ᠭᠡᠭᠦᠯᠵᠡᠨ᠂ ᠭᠤᠬᠢᠯᠵᠡᠨ᠂ ᠴᠠᠯᠬᠢᠶᠠᠨ᠂ ᠲᠤᠯᠬᠢᠶᠠᠨ᠂ ᠲᠠᠪᠠᠯᠭᠠᠨ ᠭᠡᠬᠦ ᠮᠡᠲᠦ᠃ ᠰᠠᠯᠬᠢᠨ ᠤ ᠲᠠᠭᠠᠤ ᠴᠢᠮᠡᠭᠡ ᠵᠡᠷᠭᠡ  ᠶᠢ ︽ᠱᠤᠤᠭᠢᠶᠠᠨ︾ ᠭᠡᠵᠦ ᠨᠡᠷᠡᠯᠡᠵᠦ ᠲᠡᠮᠲᠡᠭᠯᠡᠬᠦ ᠳᠡᠭᠡᠨ ᠮᠥᠨ ᠦᠭᠡᠨ ᠳᠤ ︽ᠭ᠊︾ ᠠᠪᠢᠶ᠎ᠠ ᠶᠢ ᠬᠡᠷᠡᠭᠯᠡᠵᠦ ᠪᠠᠶᠢᠭ᠎ᠠ ᠨᠢ ᠲᠠᠭᠤ ᠴᠢᠮᠡᠭᠡ ᠪᠤᠯ ᠲᠤᠯᠬᠢᠶᠠᠨ ᠬᠡᠯᠪᠡᠷᠢ ᠪᠠᠷ ᠲᠠᠮᠵᠢᠭᠲᠠᠨ ᠪᠠᠶᠢᠭ᠎ᠠ ᠶᠢ ᠲᠠᠳᠬᠠᠯ ᠤᠨ ᠠᠪᠢᠶ᠎ᠠ ᠪᠠᠷ ᠢᠯᠡᠳᠭᠡᠬᠦ ᠵᠤᠷᠢᠯᠭ᠎ᠠ ᠲᠠᠢ ᠠᠴᠠ ᠪᠤᠯᠤᠭᠰᠠ ᠰᠢᠭ᠋ ᠰᠠᠨᠠᠭᠲᠠᠨ᠎ᠠ᠃ ᠮᠥᠨ ᠬᠦ ︽ᠲᠠᠭᠤ ᠴᠢᠮᠡᠭᠡ︾ ᠭᠡᠬᠦ ᠦᠭᠡᠨ ᠳᠤ ᠪᠠᠰᠨ ︽ᠬ᠋᠊᠂ ᠭ᠊︾ ᠠᠪᠢᠶ᠎ᠠ ᠠᠴᠢᠶᠠᠯᠠᠭᠲᠠᠵᠤ ᠪᠠᠶᠢᠬᠤ ᠨᠢ ᠠᠩᠬᠠᠷᠤᠭᠲᠠᠨ᠎ᠠ᠃ᠮᠤᠩᠭᠤᠯᠴᠤᠳ ᠤᠨ ᠬᠡᠶᠢᠰᠪᠦᠷᠢᠯᠡᠨ ᠬᠤᠷᠢᠶᠠᠩᠭᠤᠶᠢᠯᠠᠬᠤ ᠴᠢᠲᠠᠪᠤᠷᠢ ᠤᠨᠴᠠ ᠰᠠᠶᠢᠨ ᠪᠠᠶᠢᠲᠠᠭ ᠲᠤᠯᠨ ᠦᠭᠡ ᠬᠡᠯᠡᠨ  ᠤ ᠪᠠᠭᠲᠠᠭᠠᠮᠵᠢ ᠨᠢ ᠤᠨᠴᠠ ᠪᠠᠶᠠᠯᠢᠭ ᠪᠠᠶᠢᠲᠠᠭ᠃ ︽ᠬ᠋᠊᠂ ᠭ᠊︾ ᠠᠪᠢᠶ᠎ᠠ ᠶᠢᠨ ᠬᠡᠯᠡᠨ ᠤ ᠦᠢᠯᠡᠲᠦᠯ ᠢ ᠦᠷᠭᠡᠳᠭᠡᠬᠦ  ᠳᠡᠭᠡᠨ ᠨᠡᠩ ᠶᠡᠭᠡ ᠤᠷᠤᠨ ᠵᠠᠢ ᠳᠤ ᠬᠠᠨᠲᠤᠵᠤ ︽ᠠᠭᠠᠷ︾ ᠭᠡᠬᠦ ᠵᠡᠷᠭᠡ ᠦᠭᠡ ᠶᠢ ᠪᠦᠲᠦᠭᠡᠵᠦ ᠬᠡᠷᠡᠭᠯᠡᠭᠰᠡᠨ ᠪᠠᠶᠢᠨ᠎ᠠ᠃ ᠬᠠᠷᠠᠬᠤ ᠳᠤ ᠬᠤᠪ ᠬᠤᠭᠤᠰᠤᠨ ᠰᠢᠭ᠋ ᠤᠭᠳᠠᠷᠭᠤᠢ ᠶᠢ ᠮᠤᠩᠭᠤᠯᠴᠤᠳ ᠶᠡᠷᠦᠨᠢ ᠬᠤᠭᠤᠰᠤᠨ ᠭᠡᠵᠦ ᠦᠵᠡᠭᠰᠡᠨ ᠦᠭᠡᠢ ᠬᠠᠷᠢᠨ ᠮᠠᠰᠢ ᠶᠡᠭᠡ ᠲᠦᠷᠰᠦᠯᠡᠨ ᠪᠤᠲᠤᠬᠤᠢ ᠶᠢᠨ ᠬᠦᠴᠦᠨ ᠳᠤ ᠲᠦᠰᠢᠭᠯᠡᠨ᠂ ᠤᠭᠲᠠᠷᠭᠤᠢ  ᠶᠢᠨ ᠴᠡᠭᠡᠯ ᠳᠠᠬᠢ ᠪᠠᠶᠢᠲᠠᠯ ᠢ ᠮᠠᠰᠢ ᠲᠦᠷᠰᠦᠯᠢᠭ ᠢᠶᠠᠷ ᠬᠡᠶᠢᠰᠪᠦᠷᠢᠯᠡᠨ ᠬᠠᠷᠢᠶᠠᠩᠭᠤᠯᠠᠵᠤ᠂ ︽ᠠᠭᠠᠷ︾ ᠬᠡᠲᠡᠭ ᠨᠡᠷ᠎ᠡ ᠬᠠᠶᠢᠷᠠᠯᠠᠵᠠᠢ᠃ ᠡᠭᠦᠨ ᠳᠤ ︽ᠠ᠊᠂ ‍ᠬ᠋᠊᠂ ‍ᠷ︾ ᠵᠡᠷᠭᠡ ᠭᠤᠷᠪᠠᠨ ᠵᠦᠢᠯ ᠤᠨ ᠠᠪᠢᠶᠠᠨ ᠤ ᠦᠭᠡ ᠬᠡᠯᠡᠨ ᠳᠠᠬᠢ ᠵᠠᠷᠢᠮ ᠰᠢᠨᠵᠢ ᠶᠢ ᠠᠰᠢᠭᠯᠠᠵᠤ ᠨᠡᠷᠡᠯᠡᠭᠰᠡᠨ ᠭᠡᠵᠦ ᠰᠠᠨᠠᠭᠲᠠᠨ᠎ᠠ᠃ ᠲᠤᠬᠠᠶᠢᠯᠠᠪᠠᠯ᠂ ︽ᠠ᠊︾ ᠨᠢ ︽ᠶᠡᠭᠡ᠂ ᠶᠡᠭᠡ ᠦᠨᠲᠦᠷ᠂ ᠶᠡᠭᠡ ᠬᠦᠨᠵᠡᠭᠡᠢ᠂ ᠶᠡᠭᠡ ᠤᠷᠤᠨ ᠵᠠᠢ ᠳᠠᠬᠢ︾ ᠭᠡᠰᠡᠨ ᠰᠠᠨᠠᠭ᠎ᠠ ᠠᠬᠤᠢ ᠶᠢ᠂ ︽‍ᠬ᠋᠊︾ ᠨᠢ ︽ᠲᠠᠪᠠᠯᠭᠠᠨ ᠂ ᠲᠤᠯᠬᠢᠶᠠᠯᠢᠭ᠂ ᠠᠤᠭ᠎ᠠ︾ ᠬᠡᠰᠡᠨ ᠰᠠᠨᠠᠭ᠎ᠠ ᠠᠬᠤᠢ ᠶᠢ᠂    ︽‍ᠷ︾ ᠨᠢ ︽ᠳᠡᠬᠡᠷ᠎ᠠ᠂ ᠤᠷᠴᠢᠬᠤ᠂ ᠡᠷᠬᠢᠯᠳᠤᠨ᠂ ᠬᠤᠶᠢᠯᠠᠷᠠᠭᠰᠠᠨ︾ ᠬᠡᠳᠡᠭ ᠰᠠᠨᠠᠭ᠎ᠠ ᠠᠬᠤᠢ ᠶᠢ ᠳᠤᠰ ᠳᠤᠰ ᠢᠯᠡᠷᠡᠬᠦᠯᠵᠤ ᠪᠠᠶᠢᠭ᠎ᠠ ᠰᠢᠭ᠋ ᠰᠠᠨᠠᠭᠳᠡᠨ᠎ᠠ᠃ ᠳᠡᠶᠢᠮᠤ ᠪᠤᠯ ︽ᠠᠭᠠᠷ︾ ᠭᠡᠬᠦ ᠦᠭᠡ ᠨᠢ ︽ᠲᠡᠭᠡᠭᠦᠷ᠂ ᠶᠡᠭᠡ ᠤᠷᠤᠨ ᠵᠠᠢ ᠳᠤ᠂ ᠲᠠᠪᠠᠯᠭᠠᠯᠠᠨ ᠤᠷᠴᠢᠵᠤ᠂ ᠡᠷᠬᠢᠯᠲᠦᠨ ᠬᠤᠶᠢᠯᠠᠷᠠᠭᠰᠠᠨ︾ ᠭᠡᠬᠦ ᠤᠳᠬ᠎ᠠ ᠠᠭᠤᠯᠭ᠎ᠠ ᠶᠢ ᠠᠴᠢᠶᠠᠯᠠᠵᠤ ᠪᠠᠶᠢᠨ᠎ᠠ ᠭᠡᠵᠦ ᠦᠵᠡᠬᠦ ᠳᠤ ᠢᠯᠡᠭᠦᠲᠡᠮ᠎ᠡ ᠦᠭᠡᠢ ᠰᠠᠨᠠᠭᠲᠠᠨ᠎ᠠ᠃ᠬᠡᠯᠨ ᠪᠠ ᠰᠡᠳᠬᠢᠬᠦᠢ ᠨᠢᠭᠲᠠ ᠲᠦᠰᠢᠯᠴᠡᠭᠡ ᠲᠠᠢ᠃ ᠮᠤᠩᠭᠤᠯᠴᠤᠳ ᠦᠭᠡ ᠬᠡᠯᠡᠨ ᠤ ᠪᠠᠨ ᠬᠦᠨ ᠲᠠᠪᠬᠤᠷᠭ᠎ᠠ ᠶᠢ ᠠᠭᠤᠲᠠᠯᠠᠨ ᠰᠤᠲᠤᠯᠬᠤ ᠬᠡᠯᠨ ᠰᠡᠳᠬᠢᠬᠦᠢ ᠶᠢᠨ ᠨᠦᠭᠦᠴᠡᠯ ᠢᠶᠠᠷ ᠲᠠᠪᠠᠭᠤᠯᠢᠭ ᠪᠠᠶᠢᠨ᠎ᠠ᠃ ᠪᠢᠲᠡ ᠦᠭᠡ ᠬᠡᠯᠡᠨ ᠤ  ᠪᠠᠨ ᠭᠠᠶᠢᠬᠠᠮᠰᠢᠭ ᠢ ᠢᠯᠡᠷᠡᠭᠦᠯᠵᠦ ᠴᠢᠲᠠᠭᠠᠳ ᠰᠠᠶ᠋ᠢ᠂ ᠲᠠᠬᠢᠨ ᠦᠭᠡ ᠬᠡᠯᠡᠨ ᠤ ᠭᠠᠶᠢᠬᠠᠮᠰᠢᠭ ᠢ ᠡᠭᠦᠲᠦᠨ ᠪᠦᠲᠦᠭᠡᠵᠦ ᠴᠢᠲᠠᠨ᠎ᠠ᠃ᠬᠥᠮᠣᠨ ᠲᠥᠷᠣᠯᠬᠢᠲᠠᠨ ᠤ ᠲᠡᠦᠬᠡ ᠪᠤᠯ ᠪᠠᠶᠢᠭᠠᠯᠢ ᠨᠡᠶᠢᠭᠡᠮ ᠤᠨ ᠲᠤᠬᠠᠢ ᠲᠠᠨᠢᠯᠲᠠ ᠶᠢᠨ ᠲᠡᠦᠬᠡ ᠮᠥᠨ᠃ ᠨᠢᠭᠡᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠠᠴᠢ ᠴᠢᠨᠠᠷ ᠲᠠᠢ ᠦᠬᠡ ᠬᠡᠯᠨ ᠨᠢ ᠪᠠᠶᠢᠭᠠᠯᠢ ᠨᠡᠶᠢᠭᠡᠮ ᠤᠨ ᠲᠤᠬᠠᠢ ᠲᠠᠨᠢᠯᠲᠡ ᠶᠢᠨ ᠠᠷᠭ᠎ᠠ ᠮᠠᠶ᠋ᠶ᠋ᠭ  ᠢ ᠰᠣᠷᠠᠭ ᠳᠤᠬᠢᠶᠠᠴᠢᠯᠠᠨ ᠠᠴᠢᠶᠠᠯᠠᠵᠣ ᠴᠢᠳᠠᠳᠠᠭ ᠪᠠᠶᠢᠨ᠎ᠠ᠃ ᠲᠡᠶᠢᠮᠣ ᠳᠤ᠂ ᠦᠭᠡ ᠬᠡᠯᠡᠨ ᠤ ᠲᠤᠬᠠᠢ ᠰᠤᠳᠣᠯᠭᠠᠨ  ᠨᠢ ᠳᠡᠤᠬᠡ ᠰᠤᠳᠤᠯᠭᠠᠨ ᠤ ᠣᠮᠳᠠᠭᠠᠶᠢᠯᠠᠵᠣ ᠪᠣᠯᠣᠰᠢ ᠦᠭᠡᠢ ᠬᠡᠰᠩ ᠪᠣᠯᠬᠤ ᠶᠤᠮ ᠪᠠᠶᠢᠨ᠎ᠠ᠃ᠮᠣᠩᠭᠤᠯ ᠦᠬᠡ ᠬᠡᠯᠠᠨ ᠳᠠᠬᠢ ᠡᠭᠡᠰᠢᠭ ᠭᠡᠶᠢᠭᠦᠯᠦᠭᠴᠢ ᠠᠪᠢᠶ᠎ᠠ ᠪᠠ ᠲᠡᠳᠡᠭᠡᠷ ᠤᠨ ᠣᠶᠠᠯᠳᠣᠯ ᠠᠴᠠ ᠪᠦᠲᠦᠭᠰᠡᠨ ᠦᠶ᠎ᠡ ᠭᠡᠬᠦ ᠮᠡᠳᠣᠰ ᠤᠨ ᠠᠪᠢᠶ᠎ᠠ ᠲᠣᠬᠢᠶ᠎ᠠ ᠨᠤᠭᠤᠳ ᠨᠢ ᠮᠣᠩᠭᠤᠯ ᠦᠭᠡ ᠬᠡᠯᠡᠨ ᠤ ᠬᠥᠭᠵᠢᠯ ᠤᠨ ᠶᠠᠪᠣᠴᠨ ᠳᠤ ᠢᠮᠬᠠᠲᠠ ᠠᠮᠢᠳᠣ ᠦᠢᠯᠡᠲᠦᠯ ᠦᠵᠡᠭᠦᠯᠦᠭᠰᠡᠭᠡᠷ ᠪᠠᠶᠢᠭᠰᠠᠨ ᠶᠤᠮ᠃ ᠡᠨᠡ ᠮᠡᠲᠦᠰ ᠤᠨ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠶᠢᠨ ᠲᠤᠬᠠᠢ ᠡᠷᠬᠢᠴᠡᠭᠦᠯᠬᠦ ᠳᠤ᠄ᠦᠭᠡ ᠬᠡᠯᠨ ᠪᠦᠷᠢᠯᠲᠦᠨ ᠲᠤᠭᠲᠠᠨᠢᠬᠤ ᠮᠰᠢ ᠪᠤᠲᠤᠯᠢᠶᠠᠨᠳᠠᠢ ᠶᠠᠪᠤᠴᠠ ᠳᠤ ᠡᠭᠡᠰᠢᠭ ᠬᠡᠶᠢᠭᠦᠯᠦᠭᠴᠢ ᠪᠠ ᠵᠢᠴᠢ ᠲᠡᠲᠡᠭᠡᠷ ᠤᠨ ᠤᠶᠠᠯᠲᠤᠯ ᠠᠴᠠ ᠪᠦᠲᠦᠭᠰᠡᠨ ᠦᠶ᠎ᠡ ᠮᠡᠲᠦᠰ ᠨᠢ ᠤᠳᠬ᠎ᠠ ᠪᠦᠬᠦᠢ ᠰᠢᠨᠵᠢ ᠶᠢ ᠢᠯᠡᠷᠡᠭᠦᠯᠵᠦ ᠪᠠᠶᠢᠭᠰᠠᠨ ᠪᠤᠯᠤᠮᠵᠢ ᠲᠠᠢ᠃ᠲᠤᠰ ᠦᠭᠦᠯᠡᠮᠵᠢ ᠳᠠᠬᠢ ᠬᠡᠰᠡᠭ ᠰᠢᠨᠵᠢᠯᠡᠭᠡ ᠠᠴᠠ ᠦᠵᠡᠪᠡᠯ ᠮᠤᠩᠭᠤᠯ ᠬᠡᠯᠡᠨ ᠤ ᠵᠠᠷᠢᠮ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠨᠢ ᠬᠡᠷᠡᠭ ᠪᠤᠲᠠᠰ ᠦᠵᠡᠭᠲᠡᠯ ᠤᠨ ᠨᠡᠶᠢᠲᠡᠯᠢᠭ ᠰᠢᠨᠵᠢ ᠶᠢ ᠲᠤᠰᠬᠠᠬᠤᠶᠢᠴᠠ ᠴᠢᠲᠠᠯ ᠦᠢᠯᠡᠲᠦᠯ ᠲᠠᠢ ᠪᠠᠶᠢᠲᠠᠭ᠃ ᠡᠨᠡ ᠬᠤᠪᠢ ᠠᠴᠠ ᠰᠢᠨᠵᠢᠪᠡᠯ ᠮᠤᠩᠭᠤᠯ ᠬᠡᠯᠡᠨ ᠤ ᠵᠠᠷᠢᠮ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠨᠢ ᠮᠥᠨ ᠯᠠ ᠤᠳᠬ᠎ᠠ ᠪᠦᠬᠦᠢ ᠰᠢᠨᠵᠢ ᠲᠠᠢ ᠪᠠᠶᠢᠲᠠᠭ᠃ ᠨᠡᠯᠢᠶᠡᠳ ᠬᠡᠲᠦᠨ ᠠᠳᠠᠯᠢ ᠪᠤᠰᠤ ᠲᠦᠷᠦᠯ ᠤᠨ ᠬᠡᠷᠡᠭ ᠪᠤᠲᠠᠰ ᠦᠵᠡᠭᠲᠡᠯ ᠤᠨ ᠨᠡᠶᠢᠲᠡᠯᠢᠭ ᠰᠢᠨᠵᠢ ᠶᠢ ᠢᠯᠡᠳᠭᠡᠬᠦ ᠳᠤ ᠢᠵᠢᠯ ᠨᠢᠭᠡ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠶᠢ ᠭᠤᠤᠯᠴᠢᠯᠠᠨ ᠬᠡᠷᠡᠭᠯᠡᠵᠦ ᠪᠤᠯᠲᠠᠭ᠃ ᠡᠨᠡ ᠬᠤᠪᠢ ᠠᠴᠠ ᠰᠢᠨᠵᠢᠪᠡᠯ ᠮᠤᠩᠭᠤᠯ ᠬᠡᠯᠡᠨ ᠤ ᠵᠠᠷᠢᠮ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠶᠢᠨ ᠤᠳᠬ᠎ᠠ ᠪᠦᠬᠦᠢ ᠰᠢᠨᠵᠢ ᠨᠢ ᠦᠷᠭᠦᠯᠵᠢᠯᠡᠨ ᠦᠷᠭᠡᠵᠢᠵᠦ ᠲᠡᠭᠦᠯᠲᠡᠷᠵᠢᠵᠦ ᠪᠠᠶᠢᠵᠠᠢ᠃ᠮᠤᠩᠭᠤᠯ ᠬᠡᠯᠡᠨ ᠤ ᠦᠭᠡ ᠪᠠ ᠵᠠᠷᠢᠮ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠶᠢ ᠤᠳᠬ᠎ᠠ ᠰᠢᠨᠵᠢ ᠶᠢᠨ ᠬᠤᠪᠢ ᠳᠤ ᠬᠠᠷᠢᠴᠠᠭᠤᠯᠵᠤ ᠦᠵᠡᠪᠡᠯ᠂ ᠦᠭᠡ ᠶᠢᠨ ᠤᠳᠬ᠎ᠠ ᠪᠤᠲᠠᠲᠤ ᠴᠢᠨᠠᠷ ᠲᠠᠢ᠂ ᠲᠦᠪᠯᠡᠷᠡᠩᠭᠦᠢ᠂ ᠬᠠᠷᠢᠴᠠᠩᠭᠤᠢ ᠬᠢᠵᠠᠭᠠᠷᠲᠠᠮᠠᠯ ᠤᠨᠴᠠᠯᠢᠭ  ᠲᠠᠢ᠂ ᠬᠠᠷᠢᠴᠠᠩᠭᠤᠢ ᠲᠤᠭᠲᠠᠭᠤᠨ ᠰᠢᠨᠵᠢ ᠲᠠᠢ᠃ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠶᠢᠨ ᠤᠳᠬ᠎ᠠ ᠪᠦᠬᠦᠢ ᠰᠢᠨᠵᠢ ᠨᠢ ᠵᠠᠷᠢᠮᠲᠤᠭ᠂ ᠬᠡᠶᠢᠰᠪᠦᠷᠢ ᠪᠠᠭᠲᠠᠭᠠᠮᠵᠢᠲᠤ ᠴᠢᠨᠠᠷ ᠲᠠᠢ᠃ ᠲᠡᠯᠭᠡᠷᠡᠩᠭᠦᠢ ᠠᠮᠢᠲᠤᠯᠢᠭ ᠤᠨᠴᠠᠯᠢᠭ ᠲᠠᠢ᠂ ᠬᠤᠪᠢᠰᠤᠮᠠᠬᠠᠢ ᠰᠢᠨᠵᠢ  ᠲᠠᠢ ᠪᠠᠶᠢᠲᠠᠭ᠃ ᠦᠭᠡ ᠶᠢᠨ ᠤᠳᠬ᠎ᠠ ᠨᠢ ᠦᠭᠡᠰ ᠤᠨ ᠰᠠᠩ ᠤᠨ ᠪᠤᠲᠠᠲᠤ ᠦᠷᠭᠡᠳᠭᠡᠯ ᠪᠤᠯᠲᠠᠭ᠃ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠶᠢᠨ ᠤᠳᠬ᠎ᠠ ᠪᠦᠬᠦᠢ ᠰᠢᠨᠵᠢ ᠨᠢ ᠦᠭᠡ ᠬᠡᠯᠡᠨ ᠤ ᠬᠦᠭᠵᠢᠯ ᠤᠨ ᠪᠡᠯᠡᠬᠡᠨ ᠮᠠᠲ᠋ᠧᠷᠢᠶᠠᠯ ᠬᠦᠲᠡᠯᠦᠩᠬᠦᠢ ᠬᠦᠴᠦᠨ ᠵᠦᠢᠯ ᠤᠨ ᠨᠢᠭᠡ ᠪᠤᠯᠲᠠᠭ᠃ᠮᠤᠩᠭᠤᠯ ᠦᠭᠡ ᠬᠡᠯᠡᠨ ᠳᠠᠬᠢ ᠡᠭᠡᠰᠢᠭ ᠭᠡᠶᠢᠭᠦᠯᠦᠭᠴᠢ ᠵᠢᠴᠢ ᠲᠡᠲᠡᠭᠡᠷ ᠤᠨ ᠤᠶᠠᠯᠲᠤᠯ ᠠᠴᠠ ᠪᠦᠲᠦᠭᠰᠡᠨ ᠦᠶ᠎ᠡ ᠮᠡᠲᠦᠰ ᠤᠨ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠨᠤᠭᠤᠳ ᠨᠢ ᠦᠭᠡ ᠯᠦᠭᠡ ᠰᠠᠯᠤᠰᠢ ᠦᠭᠡᠢ ᠴᠤᠭᠴᠠ ᠪᠤᠯᠵᠤ ᠪᠦᠷᠢᠯᠲᠦᠨ ᠲᠤᠭᠲᠠᠯᠴᠠᠵᠤ ᠪᠤᠢ᠃ ᠲᠡᠭᠡᠪᠡᠯ ᠮᠤᠩᠭᠤᠯ ᠦᠭᠡ ᠨᠢ ᠵᠤᠬᠢᠬᠤ ᠲᠠᠯ᠎ᠠ ᠪᠠᠷ ᠬᠡᠶᠢᠰᠪᠦᠷᠢ ᠤᠳᠬ᠎ᠠ ᠪᠠ ᠪᠤᠲᠠᠲᠤ ᠤᠳᠬ᠎ᠠ ᠶᠢ ᠬᠠᠮᠲᠤᠳᠬᠠᠭᠰᠠᠨ ᠦᠪᠡᠷᠮᠢᠴᠡ ᠤᠨᠴᠠᠭᠠᠢ ᠪᠦᠬᠦᠯᠢ ᠴᠤᠭᠴᠠ ᠪᠤᠯᠤᠨ᠎ᠠ᠃ ᠡᠨᠡ ᠨᠢ ᠮᠤᠩᠭᠤᠯ ᠦᠭᠡ ᠬᠡᠯᠨ ᠶᠢ ᠬᠦᠭᠵᠢᠭᠦᠯᠬᠦ ᠳᠤ ᠪᠠᠷᠢᠮᠲᠠᠯᠠᠬᠤ ᠪᠠᠰᠨ ᠨᠢᠭᠡᠨ ᠴᠢᠬᠤᠯᠨ ᠵᠢᠮ᠎ᠡ ᠪᠤᠯᠵᠤ ᠰᠡᠷᠡᠭᠲᠡᠨ᠎ᠡ᠃ᠰᠤᠲᠤᠯᠭᠠᠨ ᠳᠤ ᠨᠢᠭᠡ ᠨᠡᠶᠢᠳᠡ ᠶᠢᠨ ᠤᠨᠴᠠᠯᠢᠭ ᠲᠠᠢ ᠪᠠᠶᠢᠲᠠᠭ᠃ ᠲᠡᠷᠨ ᠨᠢ ᠲᠠᠷᠤᠢ ᠰᠤᠲᠤᠯᠭᠠᠨ ᠤ ᠠᠯᠢᠪᠠ ᠶᠠᠪᠤᠴᠠ ᠪᠤᠯ ᠴᠦᠮ ᠡᠬᠢᠯᠡᠯᠳᠡ ᠪᠤᠯᠤᠨ᠎ᠠ᠂ ᠬᠠᠷᠢᠨ ᠦᠷ᠎ᠡ ᠳ᠋ᠦᠩ ᠪᠢᠰᠢ ᠪᠤᠯᠬᠤ ᠳᠤ ᠤᠷᠤᠰᠢᠨ᠎ᠡ᠃ ᠡᠨᠡ ᠨᠢᠭᠡ ᠬᠤᠪᠢ ᠦᠭᠦᠯᠡᠮᠵᠢ ᠳᠤ᠂ ᠮᠤᠩᠭᠤᠯ ᠦᠭᠡ ᠬᠡᠯᠨ ᠲᠡᠭᠡᠷ᠎ᠡ ᠢᠯᠡᠷᠡᠵᠦ ᠪᠠᠶᠢᠭ᠎ᠠ ᠲᠦᠭᠡᠮᠡᠯ ᠬᠤᠯᠪᠤᠭᠲᠠᠯ ᠤᠨ ᠲᠤᠲᠤᠷᠠᠬᠢ ᠮᠠᠰᠢ ᠢᠯᠨ ᠲᠤᠲᠤᠷᠬᠠᠢ ᠲᠤᠩ ᠦᠴᠦᠭᠡᠨ ᠭᠡᠰᠡᠭ ᠠᠴᠠ ᠬᠦᠢᠭᠡᠨ ᠰᠢᠨᠵᠢᠵᠦ ᠲᠦᠭᠦᠮᠭᠡᠨ ᠲᠤᠭᠠᠴᠢᠭᠰᠠᠨ ᠶᠤᠮ᠃ ᠮᠤᠩᠭᠤᠯ ᠬᠡᠯᠨ ᠭᠡᠲᠡᠭ ᠡᠨᠡᠬᠦ ᠲᠡᠤᠬᠡ ᠶᠢᠨ ᠠᠤᠭ᠎ᠠ ᠬᠡᠷᠡᠭ ᠦᠵᠡᠭᠲᠡᠯ ᠳᠤ ᠨᠡᠩ ᠤᠯᠠᠨ ᠲᠦᠭᠡᠮᠡᠯ ᠬᠤᠯᠪᠤᠭ᠎ᠠ᠂ ᠮᠠᠰᠢ ᠨᠢᠭᠤᠴᠠ ᠲᠠᠯᠲᠠ ᠲᠤᠲᠤᠭᠠᠲᠤ ᠬᠠᠷᠢᠴᠠᠭ᠎ᠠ ᠲᠠᠢ ᠪᠠᠶᠢᠬᠤ ᠨᠢ ᠮᠡᠲᠡᠭᠡᠵᠢ ᠶᠤᠮ᠃ ᠲᠡᠲᠡᠭᠡᠷ ᠠᠴᠠ ᠨᠢᠭᠡ ᠬᠤᠪᠢ ᠢᠡᠯᠷᠡᠭᠦᠯᠦᠭᠰᠡᠨ ᠴᠦ ᠯᠤᠲᠤ ᠶᠡᠭᠡ ᠲᠡᠤᠬᠡ ᠰᠤᠶᠤᠯ ᠤᠨ ᠦᠨ᠎ᠡ ᠴᠡᠨ᠎ᠡ ᠲᠠᠢ ᠪᠤᠯᠬᠤ ᠶᠤᠮ᠃   ᠲᠠᠪᠤ᠂ ᠢᠵᠠᠭᠤᠷ ᠤᠨ ᠪᠦᠯᠦᠭ ᠤᠨ ᠲᠠᠨᠢᠯᠲᠡ ᠪᠠᠷ ᠰᠢᠨᠵᠢᠯᠡᠪᠡᠯᠡᠮᠦᠨ᠎ᠡ ᠬᠡᠰᠡᠭ ᠲᠤ ︽ᠠᠮ︾ ᠠᠶᠢᠮᠠᠭ ᠤᠨ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠶᠢᠨ ᠲᠤᠭᠤᠷᠢᠨ ᠤ ᠬᠡᠲᠦᠨ ᠪᠦᠯᠦᠭ ᠦᠭᠡᠰ ᠤᠨ ᠪᠦᠲᠦᠭᠡᠬᠦ ᠰᠡᠳᠬᠢᠮᠵᠢ ᠪᠠ ᠢᠯᠡᠳᠭᠡᠬᠦ ᠤᠳᠬ᠎ᠠ ᠶᠢᠨ ᠬᠤᠪᠢ ᠳᠠᠬᠢ ᠪᠦᠯᠦᠭᠵᠢᠵᠦ ᠪᠠᠶᠢᠬᠤ ᠤᠨᠴᠠᠯᠢᠭ ᠢ ᠠᠩᠬᠠᠷᠪᠠ ᠃ᠮᠤᠩᠭᠤᠯ ᠬᠡᠯᠡᠨ ᠳᠠᠬᠢ ︽ᠠᠭᠤ᠋᠂ ᠡᠭᠦ᠂ ᠢᠭᠦ᠂ ᠤᠭᠤ᠋᠂ ᠤᠭᠤ᠋᠂ ᠦᠭᠦ︾ ᠵᠡᠷᠭᠡ ᠨᠢᠭᠡᠨ ᠠᠶᠢᠮᠠᠭ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠨᠢ ᠮᠤᠩᠭᠤᠯ ᠬᠡᠯᠡᠨ ᠳᠤ ᠬᠡᠰᠡᠭ ᠦᠭᠡ ᠪᠦᠲᠦᠭᠡᠬᠦ ᠵᠢᠴᠢ ᠤᠳᠬ᠎ᠠ ᠲᠤᠭᠲᠠᠭᠠᠬᠤ ᠢᠵᠠᠭᠤᠷ ᠤᠨ ᠪᠦᠯᠦᠭ  ᠤᠨ ᠰᠢᠨᠵᠢ ᠢᠯᠡᠷᠡᠯ ᠲᠠᠢ ᠪᠠᠶᠢᠭ᠎ᠠ ᠰᠢᠭ ᠪᠠᠶᠢᠨ᠎ᠠ᠃ ᠲᠤᠬᠠᠶᠢᠯᠠᠪᠠᠯ᠄ ᠵᠠᠭᠤᠴᠢ᠂ ᠵᠡᠭᠦᠦ᠂ ᠵᠢᠭᠦᠷ᠂ ᠵᠤᠭᠤᠰ᠂ ᠵᠤᠭᠤᠭ᠎ᠠ᠂ ᠵᠦᠭᠦᠷᠮᠡᠭ ᠵᠡᠷᠭᠡ ᠦᠭᠡᠰ ᠲᠤ ︽ᠠᠭᠤ᠋︾ ᠠᠶᠢᠮᠠᠭ ᠤᠨ ᠨᠢᠭᠡᠨ ᠪᠦᠯᠦᠭ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠤᠷᠤᠰᠢᠵᠤ ᠪᠠᠶᠢᠭ᠎ᠠ ᠪᠠ ᠲᠡᠲᠡᠭᠡᠷ ᠦᠭᠡᠰ ᠨᠢ ᠶᠠᠮᠠᠷ ᠨᠢᠭᠡᠨ ᠦᠢᠯᠨ ᠪᠠᠶᠢᠲᠠᠯ ᠳᠠᠬᠢ ᠵᠠᠭᠤᠴᠢ ᠶᠢ ᠵᠢᠭᠠᠵᠤ ᠨᠡᠷᠡᠯᠡᠭᠰᠡᠨ ᠦᠭᠡ ᠪᠤᠯᠵᠤ ᠪᠤᠢ᠃ᠵᠠᠭᠤᠴᠢ ᠪᠤᠯ ᠬᠦᠮᠦᠨ ᠠᠮᠢᠲᠠᠨ ᠭᠡᠷᠡᠭ ᠪᠤᠲᠠᠰ ᠤᠨ ᠬᠤᠭᠤᠷᠤᠨᠳᠡᠬᠢ ᠬᠠᠷᠢᠴᠠᠭ᠎ᠠ ᠬᠤᠯᠪᠤᠭ᠎ᠠ᠂ ᠬᠤᠪᠢᠷᠠᠯᠳᠠ ᠬᠦᠭᠵᠢᠯᠲᠡ ᠵᠡᠷᠭᠡ ᠳᠤ ᠡᠶᠢᠮᠦ ᠲᠡᠶᠢᠮᠦ ᠦᠢᠯᠡᠲᠦᠯ ᠦᠵᠡᠭᠦᠯᠦᠭᠴᠢ ᠪᠤᠯᠤᠨ᠎ᠠ᠃ ᠵᠡᠭᠦᠦ ᠪᠤᠯ ᠤᠲᠠᠰᠤ ᠪᠠ ᠤᠶᠤᠲᠠᠯ  ᠤᠨ ᠬᠤᠭᠤᠷᠤᠨᠳᠡᠬᠢ ᠵᠠᠭᠤᠴᠢ ᠪᠤᠯᠤᠨ᠎ᠠ᠃ ᠵᠢᠭᠦᠷ ᠪᠤᠯ ᠠᠭᠠᠷ ᠪᠠ ᠰᠢᠪᠠᠭᠤᠨ ᠤ ᠪᠡᠶ᠎ᠡ ᠶᠢᠨ ᠬᠤᠭᠤᠷᠤᠨᠳᠡᠬᠢ ᠵᠠᠭᠤᠴᠢ ᠪᠤᠯᠵᠤ ᠨᠢᠰᠬᠦ ᠦᠢᠯᠨ ᠶᠢ ᠬᠦᠢᠴᠡᠳᠭᠡᠭᠦᠯᠲᠡᠭ᠃ ᠵᠤᠭᠤᠰ ᠵᠤᠭᠤᠭ᠎ᠠ ᠪᠤᠯ ᠮᠠᠰᠢ ᠤᠯᠠᠨ ᠵᠦᠢᠯ ᠳᠤ ᠵᠠᠭᠤᠴᠢᠯᠠᠭᠴᠢ᠃ ᠵᠦᠭᠦᠷᠮᠡᠭ ᠨᠢ ᠬᠦᠮᠦᠨ ᠤ ᠨᠡᠶᠢᠭᠡᠮ ᠪᠠ ᠪᠤᠰᠤᠳ ᠨᠢᠭᠡᠨ ᠴᠤᠭᠴᠠ ᠶᠢᠨ ᠬᠤᠭᠤᠷᠤᠨᠳᠡᠬᠢ ᠰᠠᠶᠢᠨ ᠵᠠᠭᠤᠴᠢ ᠪᠠᠶᠢᠭ᠎ᠠ᠃ ᠡᠲᠡᠭᠡᠷ ᠦᠬᠡᠰ ︽ᠠᠭᠤ᠋︾ ᠠᠶᠢᠮᠠᠭ ᠤᠨ ᠬᠡᠲᠦᠨ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠶᠢᠨ ᠲᠤᠭᠤᠷᠢᠨ ᠳᠤ ᠪᠦᠲᠦᠵᠦ ᠪᠦᠷᠢᠯᠲᠦᠭᠰᠡᠨ ᠪᠠ ︽ᠵᠠᠭᠤᠴᠢ︾ ᠭᠡᠬᠦ ᠦᠭᠡ ᠶᠢᠨ ᠦᠨᠳᠦᠰᠦᠨ ᠤᠳᠬ᠎ᠠ ᠶᠢ ᠬᠠᠲᠠᠭᠠᠯᠠᠵᠠᠢ᠃︽ᠠᠯ᠂ ᠡᠯ᠂ ᠢᠯ᠂ ᠤᠯ᠂ ᠦᠯ︾ ᠵᠡᠷᠭᠡ ᠨᠢᠭᠡᠨ ᠠᠶᠢᠮᠠᠭ ᠠᠪᠢᠶ᠎ᠠ ᠲᠤᠬᠢᠶ᠎ᠠ ᠶᠢᠨ ᠲᠤᠭᠤᠷᠢᠨ ᠳᠤ ᠦᠵᠡᠶ᠎ᠡ᠄ ᠵᠠᠯᠭᠠᠬᠤ᠂ ᠰᠡᠯᠭᠦᠭᠦ᠂ ᠰᠡᠯᠪᠢᠬᠦ᠂ ᠬᠡᠯᠬᠢᠬᠦ᠂ ᠵᠡᠯ᠎ᠡ᠂ ᠵᠠᠯᠯᠠᠨ᠂ ᠡᠯᠬᠦᠬᠦ᠂ ᠵᠢᠯ᠂ ᠨᠡᠶᠢᠯᠡᠬᠦ᠂ ᠵᠤᠯᠭᠤᠬᠤ᠂ ᠬᠤᠯᠪᠤᠬᠤ ᠂ ᠠᠭᠤᠯᠵᠠᠬᠤ᠂ ᠵᠤᠯᠤᠭ᠂ ᠵᠦᠯᠭᠡᠲᠡᠬᠦ᠂ ᠵᠦᠯᠬᠦᠬᠦ᠂ ᠬᠦᠯᠢᠬᠦ᠂ ᠰᠦᠯᠪᠡᠭᠡ ᠭᠡᠬᠦ ᠵᠡᠷᠭᠡ ᠦᠭᠡᠰ ᠨᠢ ︽ᠠᠯ︾ ᠠᠶᠢᠮᠠᠭ ᠤᠨ ᠠᠪᠢᠶ᠎ᠠ ᠲᠤᠬᠢᠶᠠᠨ ᠤ ᠲᠤᠭᠤᠷᠢᠨ ᠳᠤ ᠪᠦᠲᠦᠵᠦ᠂ ᠨᠡᠶᠢᠯᠡᠵᠦ ᠬᠦᠷᠦᠯᠴᠡᠭᠰᠡᠨ ᠬᠤᠷᠰᠢᠵᠤ ᠵᠠᠯᠭᠠᠯᠲᠤᠭᠰᠠᠨ ᠪᠠᠶᠢᠲᠠᠯ ᠢ ᠲᠤᠰᠬᠠᠬᠤ ᠦᠨᠳᠦᠰᠦᠨ ᠤᠳᠬ᠎ᠠ ᠶᠢᠨ ᠲᠤᠭᠤᠷᠢᠨ ᠳᠤ ᠪᠤᠢ ᠪᠤᠯᠵᠠᠢ᠃ ᠰᠢᠪᠠᠭᠤᠳ ᠵᠠᠯᠯᠠᠨ ᠨᠢᠰᠬᠦ ᠳᠡᠭᠡᠨ ᠨᠢᠬᠡ ᠠᠴᠠ ᠨᠦᠬᠦᠬᠡ ᠳᠤ ᠵᠠᠯᠭᠠᠨ ᠦᠷᠬᠦᠯᠵᠢᠯᠡᠭᠰᠡᠨ ᠪᠠᠶᠢᠳᠡᠯ ᠲᠠᠢ᠃ ᠵᠢᠯ ᠬᠡᠳᠡᠭ ᠪᠤᠯ ᠡᠲᠦᠷ ᠬᠤᠨᠤᠭ ︵ᠪᠦᠮᠪᠤᠷᠴᠡᠭ︶ ᠶᠠᠪᠤᠨ ᠶᠠᠪᠤᠭᠰᠠᠭᠠᠷ ᠳᠡᠬᠡᠷ᠎ᠠ ᠵᠢᠯ ᠤᠨ ᠳᠤᠭᠳᠠᠭᠰᠠᠨ ᠴᠠᠭ ᠤᠷᠤᠨ ᠳᠤ ᠬᠦᠷᠴᠤ ︵ᠵᠦᠪᠬᠡᠨ ᠳᠡᠨᠢᠯᠳᠡ ᠶᠢᠨ ᠳᠡᠯ᠎ᠠ ᠪᠠᠷ ᠯᠨ ᠡᠶᠢᠮᠤ︶ ᠰᠢᠨ᠎ᠠ ᠤᠨ ᠤ ᠡᠲᠦᠷ ᠬᠤᠨᠤᠭ ᠤᠳ ᠨᠢ ᠦᠩᠬᠡᠷᠡᠭᠰᠡᠨ ᠤᠨ ᠵᠢᠯ ᠤᠳ ᠤᠨ ᠳᠤᠭᠠᠯᠠᠵᠤ ᠳᠡᠭᠤᠰᠤᠰᠢ ᠦᠭᠡᠢ ᠦᠵᠢᠯ ᠤᠯᠨ ᠮᠦᠷ ᠲᠠᠢ ᠵᠠᠯᠭᠠᠯᠳᠤᠭᠰᠠᠨ ᠬᠡᠳᠡᠭ ᠢ ᠵᠢᠭᠠᠵᠠᠢ᠃ ᠰᠢᠨ᠎ᠠ ᠪᠦᠬᠡᠳᠡᠯ᠎ᠠ ᠬᠠᠭᠤᠴᠢᠷᠠᠭᠰᠠᠳ ᠵᠠᠯᠯᠠᠨ ᠦᠷᠬᠦᠯᠵᠢᠯᠡᠭᠰᠡᠨ ᠢ ᠳᠤᠰᠬᠠᠵᠤ ᠪᠠᠶᠢᠨ᠎ᠠ᠃ ᠴᠠᠭ ᠬᠤᠭᠤᠴᠠᠭ᠎ᠠ ᠪᠤᠯ ᠭᠱᠠᠨ ᠳᠤ ᠰᠢᠨ᠎ᠠ᠂ ᠬᠤᠷᠤᠮ ᠳᠤ ᠬᠠᠭᠤᠴᠢᠨ ᠤ ᠮᠡᠰᠢ ᠲᠦᠷᠬᠡᠨ ᠰᠤᠯᠢᠭᠳᠠᠯ ᠤᠨ ᠤᠷᠴᠢᠯ ᠦᠷᠬᠦᠯᠵᠢᠯᠡᠯ ᠮᠥᠨ᠃ ᠵᠢᠯ ᠬᠡᠳᠡᠭ ᠨᠢ ᠴᠠᠭ ᠬᠤᠭᠤᠴᠠᠭ᠎ᠠ ᠶᠢ ᠵᠢᠭᠠᠭᠰᠠᠨ ᠤᠡᠴᠠᠭᠠᠢ ᠤᠬᠠᠭᠳᠡᠬᠤᠨ ᠪᠤᠯᠤᠭᠰᠠᠨ ᠤ ᠬᠤᠪᠢ ᠳᠤ ᠡᠷᠬᠡᠬᠦᠢ ᠭᠤᠷᠪᠠᠨ ᠴᠠᠭ ᠢ ᠰᠤᠡᠳᠡᠯᠡᠨ᠎ᠠ᠃ ᠳᠠᠷᠤᠢ ᠦᠩᠬᠡᠷᠡᠭᠰᠡᠨ ᠤᠳᠤ ᠢᠷᠡᠬᠡᠲᠦᠢ ᠬᠠᠷᠢᠯᠴᠠᠨ ᠵᠠᠯᠭᠠᠯᠳᠤᠵᠤ ᠵᠠᠯᠯᠠᠨ ᠤᠷᠴᠢᠬᠤ ᠶᠢ ᠵᠢᠭᠠᠵᠤ ᠪᠠᠶᠢᠨ᠎ᠠ᠃ᠡᠨᠡᠬᠦ ︽ᠠᠯ︾ ᠠᠶᠢᠮᠠᠭ ᠠᠪᠢᠶ᠎ᠠ ᠳᠤᠬᠢᠶ᠎ᠠ ᠶᠢᠨ ᠳᠤᠭᠤᠷᠢᠨ ᠳᠤ᠄ ᠵᠤᠯᠠᠬᠤ᠂ ᠵᠤᠯᠭᠠᠭᠠᠬᠤ᠂ ᠨᠦᠬᠦᠯᠡᠬᠡᠬᠦ᠂ ᠡᠯᠳᠡᠬᠦ ᠂ ᠱᠤᠯᠤᠬᠤ᠂ ᠬᠠᠷᠡᠭᠤᠯᠳᠡᠬᠤ᠂ ᠮᠦᠯᠡᠬᠦ᠂ ᠮᠦᠯᠵᠢᠬᠦ᠂ ᠬᠠᠯᠴᠠᠭᠠᠶᠢᠯᠠᠬᠤ᠂ ᠱᠠᠯᠳᠠᠩᠯᠠᠬᠤ᠂ ᠱᠠᠭᠠᠯᠠᠬᠤ᠂ ᠱᠠᠯᠪᠤᠯᠠᠬᠤ ᠂ ᠱᠠᠯᠵᠠᠯᠠᠬᠤ᠂ ᠰᠢᠯᠪᠤᠷᠡᠬᠤ ᠵᠡᠷᠬᠡ ᠦᠬᠡᠰ ᠪᠦᠲᠦᠵᠡᠢ᠃ ᠡᠳᠡᠬᠡᠷ ᠦᠬᠡᠰ ᠦᠡᠲᠦᠰᠦᠨ ᠳᠡᠭᠡᠨ ᠨᠢᠬᠡᠨ ᠳᠡᠪᠬᠤᠷᠭ᠎ᠠ  ᠶᠢᠨ ᠰᠢᠡᠵᠢ ᠲᠠᠢ ᠡᠪᠳᠡᠭᠳᠡᠯ ᠢ ᠳᠤᠰᠬᠠᠵᠠᠢ᠃ᠮᠥᠨ ︽ᠠᠯ︾ ᠠᠶᠢᠮᠠᠭ ᠤᠨ ᠠᠪᠢᠶ᠎ᠠ ᠳᠤᠬᠢᠶ᠎ᠠ ᠶᠢᠨ ᠳᠤᠭᠤᠷᠢᠨ ᠳᠤ᠄ ᠰᠠᠯᠭᠠᠬᠤ᠂ ᠰᠠᠯᠪᠠᠷᠡᠬᠤ᠂ ᠬᠠᠭᠠᠯᠠᠬᠤ᠂ ᠵᠤᠴᠠᠯᠠᠬᠤ᠂ ᠪᠠᠯᠪᠠᠷᠡᠬᠤ᠂ ᠬᠡᠯᠳᠡᠷᠡᠬᠦ᠂ ᠳᠡᠯᠪᠡᠷᠡᠬᠦ᠂ ᠪᠡᠯᠡᠨ᠂ ᠪᠠᠯᠪᠠᠰᠤᠨ᠂ ᠦᠶᠡᠯᠡᠬᠦ᠂ ᠮᠦᠴᠢᠯᠡᠬᠦ᠂ ᠪᠤᠯᠭᠤᠷᠡᠬᠤ᠂ ᠪᠤᠯᠵᠤᠬᠤ᠂ ᠪᠤᠯᠳᠤᠷᠡᠬᠤ᠂ ᠮᠤᠯᠳᠤᠯᠠᠬᠤ᠂ ᠮᠤᠯᠭᠤᠷᠡᠬᠤ᠂ ᠮᠦᠯᠲᠦᠷᠡᠬᠦ᠂ ᠪᠦᠯᠲᠦᠷᠡᠬᠦ   ᠭᠡᠬᠦ ᠮᠡᠲᠦ ᠦᠬᠡᠰ ᠪᠦᠷᠢᠯᠲᠦᠭᠰᠡᠨ ᠰᠢᠭ᠃ ᠳᠡᠳᠡᠬᠡᠷ ᠨᠢ ᠦᠡᠲᠦᠰᠦᠨ ᠳᠡᠭᠡᠨ ᠬᠦᠨ ᠳᠡᠪᠬᠤᠷᠭ᠎ᠠ ᠶᠢᠨ ᠪᠠ ᠨᠤᠴᠢᠳᠡᠢ ᠡᠪᠳᠡᠭᠳᠡᠯ ᠬᠤᠬᠢᠷᠡᠯ ᠢ ᠳᠤᠰᠬᠠᠵᠠᠢ᠃ᠵᠠᠷᠢᠮ ᠳᠡᠯ᠎ᠠ ᠪᠠᠷ ᠠᠩᠬᠠᠷᠬᠤ ᠳᠤ᠄ ᠮᠤᠩᠭᠤᠯ ᠦᠬᠡ ᠨᠢ ᠬᠡᠷᠡᠭ ᠪᠤᠳᠡᠰ ᠢ ᠵᠢᠭᠠᠨ ᠨᠡᠷᠡᠯᠡᠬᠦ ᠶᠢᠨ ᠵᠡᠷᠬᠡ ᠳᠤ ᠳᠡᠷᠡᠬᠦ ᠬᠡᠷᠡᠭ ᠪᠤᠳᠡᠰ ᠠᠴᠠ ᠢᠯᠡᠷᠡᠭᠰᠡᠨ ᠪᠡᠯᠬᠡ ᠳᠡᠮᠳᠡᠭ ᠢ ᠴᠦ ᠵᠢᠭᠠᠨ ᠳᠤᠰᠬᠠᠬᠤ ᠴᠢᠳᠡᠪᠬᠢᠳᠡᠢ ᠪᠠᠶᠢᠭ᠎ᠠ᠃ ᠨᠠᠷᠨ ᠰᠠᠷᠨ  ᠨᠢ ᠪᠠᠶᠢᠭᠠᠯᠢ ᠶᠢᠨ ᠤᠳᠤ ᠭᠠᠷᠠᠭ ᠪᠤᠯᠤᠨ᠎ᠠ᠂ ᠳᠡᠳᠡᠬᠡᠷ ᠨᠢ ᠬᠡᠷᠡᠯ ᠰᠠᠴᠤᠷᠡᠭᠤᠯᠳᠠᠭ ᠦᠪᠡᠷᠮᠢᠴᠠ ᠪᠡᠯᠬᠡ ᠳᠡᠮᠳᠡᠭ  ᠲᠠᠢ᠂ ᠡᠬᠦᠨ ᠳᠤ ︽ᠷᠨ︾ ᠨᠢ ᠶᠠᠭ ᠳᠡᠷᠡᠬᠦ ᠪᠡᠯᠬᠡ ᠳᠡᠮᠳᠡᠭ ᠢ ᠵᠢᠭᠠᠨ ᠳᠤᠰᠬᠠᠭᠴᠢ ᠠᠪᠢᠶ᠎ᠠ ᠮᠥᠨ ᠰᠢᠭ ᠪᠠᠶᠢᠨ᠎ᠠ᠃ ᠳᠤᠬᠠᠶᠢᠯᠠᠪᠠᠯ᠂ ᠰᠠᠴᠤ᠋ + ᠷᠨ— ᠰᠠᠴᠤᠷᠨ᠃ ᠡᠬᠦᠨ ᠳᠠᠬᠢ ᠡᠮᠦᠨ᠎ᠠ ᠬᠡᠰᠡᠭ ᠨᠢ ᠰᠠᠴᠤᠬᠤ᠂ ᠬᠤᠶᠢᠨ᠎ᠠ ᠬᠡᠰᠡᠭ  ᠨᠢ ᠬᠡᠷᠡᠯ ᠢ ᠳᠤᠰ ᠳᠤᠰ ᠵᠢᠭᠠᠨ ᠳᠤᠰᠬᠠᠭᠰᠠᠨ ᠰᠢᠭ᠋ ᠪᠠᠶᠢᠨ᠎ᠠ᠃ ᠠᠳᠡ ᠬᠡᠷᠡᠯ ᠬᠡᠬᠡ ᠲᠠᠢ ᠬᠤᠯᠪᠤᠭᠳᠠᠭᠰᠠᠨ ︽ᠷ᠊︾ ᠬᠡᠶᠢᠬᠦᠯᠦᠭᠴᠢ ᠪᠦᠬᠦᠢ ᠬᠡᠰᠡᠭ ᠦᠬᠡᠰ ᠢ ᠳᠡᠮᠳᠡᠭᠯᠡᠵᠤ ᠪᠤᠯᠤᠨ᠎ᠠ᠃ ᠳᠠᠷᠤᠢ᠂ ᠰᠠᠴᠤᠷᠨ᠂ ᠨᠠᠷᠨ᠂ ᠰᠠᠷᠨ᠂ ᠤᠳᠤ ᠭᠠᠷᠠᠭ᠂ ᠦᠷ᠂ ᠬᠢᠷᠭ᠎ᠠ᠂ ᠦᠷᠯᠦᠬᠡ᠂ ᠡᠷᠳᠡ᠂ ᠡᠲᠦᠷ᠂ ᠤᠷᠤᠢ᠂ ︵ᠪᠦᠷᠳᠡ︶᠂ ᠪᠦᠷᠦᠢ᠂ ᠪᠦᠷᠬᠦᠭ᠂ ᠪᠦᠷᠦᠭ ᠪᠠᠷᠤᠭ᠂ ᠬᠡᠷ ᠭᠠᠯ᠂ ᠬᠡᠷᠡᠯ ᠰᠡᠬᠦᠳᠡᠷ᠂ ᠰᠤᠷ ᠵᠡᠷᠬᠡ᠃ ᠡᠳᠡᠬᠡᠷ ᠨᠢ ︽ᠠᠷ᠂ ᠡᠷ᠂ ᠢᠷ᠂ ᠤᠷ᠂ ᠦᠷ︾ ᠵᠡᠷᠬᠡ ᠨᠢᠬᠡᠨ ᠠᠶᠢᠮᠠᠭ ᠠᠪᠢᠶ᠎ᠠ ᠳᠤᠬᠢᠶ᠎ᠠ ᠶᠢᠨ ᠳᠤᠭᠤᠷᠢᠨ ᠳᠤ ᠪᠦᠲᠤᠯ᠎ᠠ ᠬᠡᠳᠡᠭ ᠨᠢ ᠠᠩᠬᠠᠷᠤᠭᠳᠡᠨ᠎ᠠ᠃ ᠳᠡᠳᠡᠬᠡᠷ ᠨᠢ ᠠᠳᠡᠯᠢ ᠪᠤᠰᠤ ᠬᠡᠮ ᠤᠨ ᠬᠡᠷᠡᠯ ᠬᠡᠬᠡ ᠶᠢ ᠵᠢᠭᠠᠨ ᠳᠤᠰᠬᠠᠵᠤ᠂ ᠠᠳᠡᠯᠢ ᠪᠤᠰᠤ ᠬᠡᠮ ᠤᠨ ᠪᠡᠯᠬᠡ ᠳᠡᠮᠳᠡᠭ ᠢ ᠢᠯᠡᠷᠡᠬᠦᠯᠦᠨ᠎ᠠ᠃ᠳᠡᠶᠢᠮᠤ ᠪᠤᠯ ᠮᠤᠩᠭᠤᠯᠴᠤᠳ ᠦᠩᠬᠡ ᠪᠤᠳᠤᠭ ᠵᠢᠴᠢ ᠦᠩᠬᠡ ᠵᠢᠰᠦᠮ ᠢ ᠴᠦ ᠬᠡᠷᠡᠯ ᠬᠡᠬᠡ ᠲᠠᠢ ᠬᠤᠯᠪᠤᠭ᠎ᠠ ᠲᠠᠢ ᠪᠠᠷ ᠦᠵᠡᠵᠤ ᠪᠠᠶᠢᠪᠠ᠃ ᠵᠢᠱᠢᠶ᠎ᠠ᠄ ᠬᠠᠷ᠎ᠠ᠂ ᠰᠢᠷ᠎ᠠ᠂ ᠤᠯᠠᠪᠢᠷ᠂ ᠪᠤᠷᠤ᠂ ᠬᠦᠷᠡᠩ᠂ ᠪᠠᠷᠡᠭᠠᠨ᠃ ᠰᠠᠷᠡᠯ᠂ ᠵᠡᠬᠡᠷᠳᠡ᠂ ᠬᠡᠬᠡᠷ᠂ ᠬᠤᠩᠭᠤᠷ᠂ ᠳᠡᠷᠢᠬᠢ ᠬᠤᠩᠭᠤᠷ᠂ ᠤᠷᠤᠭ ᠰᠢᠩᠬᠤᠯᠤᠨ᠂ ᠰᠢᠷᠭ᠎ᠠ ᠵᠡᠷᠬᠡ᠃ ᠡᠳᠡᠬᠡᠷ ᠨᠢ ᠮᠥᠨ ︽ᠠᠷ︾ ᠠᠶᠢᠮᠠᠭ ᠤᠨ ᠠᠪᠢᠶ᠎ᠠ ᠳᠤᠬᠢᠶ᠎ᠠ ᠶᠢᠨ ᠳᠤᠭᠤᠷᠢᠨ ᠳᠤ ᠵᠢᠭᠰᠠᠭᠠᠭᠳᠡᠨ᠎ᠠ᠃ ᠪᠠᠰᠠ᠄ ᠬᠠᠷᠰᠢᠯᠠᠬᠤ᠂ ᠬᠡᠷᠦᠬᠦ᠂ ᠳᠤᠤᠷ᠂ ᠳᠤᠷᠮᠤᠰ᠂ ᠳᠤᠷᠭᠤᠭᠠᠬᠤ᠂ ᠤᠷᠭ᠎ᠠ᠂ ᠤᠷᠬ᠎ᠠ᠂ ᠱᠦᠷᠬᠡ᠂ ᠲᠦᠷᠦ᠂ ᠬᠠᠵᠠᠭᠠᠷ᠂ ᠬᠦᠮᠤᠯᠳᠤᠷᠬᠡ᠂ ᠴᠤᠯᠪᠤᠭᠤᠷ᠂ ᠰᠠᠭᠠᠯᠳᠤᠷᠭ᠎ᠠ᠂ ᠪᠤᠭᠤᠯᠳᠤᠷᠭ᠎ᠠ᠂ ᠡᠬᠡᠯᠲᠦᠷᠬᠡ᠂ ᠪᠤᠶᠢᠷᠭᠤᠯᠵᠢ᠂ ᠬᠤᠳᠤᠷᠠᠭ᠎ᠠ᠂ ᠲᠦᠷᠦᠬᠡ᠂ ᠭᠤᠷᠬᠢ᠂ ᠵᠢᠷᠢᠮ᠂ ᠦᠷᠦᠬᠡᠯ᠂ ᠴᠢᠲᠦᠷ ᠵᠡᠷᠬᠡ᠃ ᠡᠳᠡᠬᠡᠷ ᠦᠬᠡᠰ ︽ᠠᠷ︾ ᠠᠶᠢᠮᠠᠭ ᠤᠨ ᠠᠪᠢᠶ᠎ᠠ ᠳᠤᠬᠢᠶ᠎ᠠ ᠶᠢᠨ ᠬᠤᠪᠢ ᠳᠤ ᠪᠦᠯᠦᠭᠵᠢᠨ᠂ ᠳᠤᠷᠭᠤᠭᠠᠵᠤ ᠳᠤᠭᠳᠡᠭᠠᠬᠤ ᠵᠡᠷᠬᠡ ᠦᠡᠲᠦᠰᠦᠨ ᠤᠳᠬ᠎ᠠ ᠶᠢᠨ ᠳᠤᠭᠤᠷᠢᠨ ᠳᠤ ᠪᠦᠲᠦᠵᠤ ᠪᠦᠷᠢᠯᠲᠦᠭᠰᠡᠨ ᠪᠠᠶᠢᠨ᠎ᠠ᠃ᠮᠥᠨ ︽ᠠᠷ︾ ᠠᠶᠢᠮᠠᠭ ᠤᠨ ᠠᠪᠢᠶ᠎ᠠ ᠳᠤᠬᠢᠶ᠎ᠠ ᠶᠢᠨ ᠳᠤᠭᠤᠷᠢᠨ ᠳᠤ᠂ ᠤᠯᠤᠰ ᠬᠡᠷ᠂ ᠨᠤᠳᠤᠭ ᠳᠡᠪᠢᠰᠬᠡᠷ ᠬᠡᠬᠦ ᠦᠡᠲᠦᠰᠦᠨ ᠤᠳᠬ᠎ᠠ ᠶᠢ ᠬᠠᠷᠡᠭᠤᠯᠤᠭᠰᠠᠨ ᠦᠬᠡᠰ ᠤᠨ ᠪᠦᠯᠦᠭ ᠪᠦᠷᠢᠯᠲᠦᠭᠰᠡᠨ ᠪᠠᠶᠢᠳᠠᠭ᠃ ᠳᠠᠷᠤᠢ᠄ ᠬᠢᠵᠠᠭᠠᠷ᠂ ᠬᠡᠷ᠂ ᠭᠠᠵᠠᠷ ᠰᠢᠷᠤᠢ᠂ ᠤᠷᠤᠨ᠂ ᠬᠦᠷ᠂ ᠬᠦᠷᠤᠨ ᠵᠡᠷᠬᠡ᠃ ᠬᠢᠵᠠᠭᠠᠷ— ᠬᠢᠯᠢ ᠬᠢᠵᠠᠭᠠᠷ ᠢ ᠵᠢᠭᠠᠬᠤ ᠶᠢᠨ ᠵᠡᠷᠬᠡ  ᠳᠤ ᠳᠡᠬᠦᠨ ᠳᠤ ᠬᠦᠷᠢᠶᠡᠯᠡᠭᠳᠡᠭᠰᠡᠨ ᠨᠤᠳᠤᠭ ᠳᠡᠪᠢᠰᠬᠡᠷ ᠢ ᠳᠤᠳᠤᠷᠬᠠᠶᠢᠯᠠᠳᠠᠭ᠃ ᠬᠡᠷ — ᠮᠤᠩᠭᠤᠯ ᠬᠡᠯᠡᠨ ᠳᠠᠬᠢ ︽ᠤᠯᠤᠰ ᠬᠡᠷ︾ ᠢ ᠵᠢᠭᠠᠭᠰᠠᠨ ᠠᠯᠢ ᠡᠷᠳᠡᠨ ᠤ ᠦᠬᠡ ᠪᠠᠶᠢᠵᠤ ᠪᠤᠯᠤᠨ᠎ᠠ᠃ ︽ᠬᠡᠷ︾ ᠬᠡᠰᠡᠨ ᠦᠬᠡ ᠬᠡᠷᠡᠯ ᠠᠴᠠ ᠢᠷᠡᠨ᠎ᠠ᠂ ᠬᠡᠷᠡᠯ ᠨᠢ ᠭᠠᠯ ᠲᠠᠢ ᠬᠤᠯᠪᠤᠭᠳᠡᠨ᠎ᠠ᠃ ᠡᠷᠳᠡᠨ ᠤ ᠬᠦᠮᠦᠰ ᠲᠤ ᠠᠪᠴᠤ ᠬᠡᠯᠡᠪᠡᠯ᠂ ᠭᠠᠯ ᠲᠦᠯᠡᠵᠤ ᠳᠠᠯᠪᠢᠭᠰᠠᠨ ᠭᠠᠵᠠᠷ ᠪᠤᠯ ᠳᠠᠷᠤᠢ ︽ᠬᠡᠷ︾ ᠮᠥᠨ᠃ ᠳᠤᠬᠠᠶᠢᠯᠠᠪᠠᠯ᠄ ᠠᠩ ᠰᠢᠪᠠᠭᠤᠨ ᠠᠴᠠ ᠤᠷᠤᠶᠢᠳᠡᠵᠤ ᠪᠤᠴᠠᠭᠰᠠᠳ ᠭᠠᠯ ᠲᠦᠯᠡᠭᠰᠡᠨ ᠪᠠᠶᠢᠴᠠ ᠪᠠᠨ ᠠᠩᠬᠠᠷᠴᠤ᠂ ︽ᠬᠡᠷᠡᠯ ᠬᠠᠮᠢᠭ᠎ᠠ︖ ᠬᠡᠷ ᠬᠠᠮᠢᠭ᠎ᠠ︖︾ ᠭᠡᠵᠤ ᠪᠤᠴᠠᠳᠠᠭ ᠪᠠᠶᠢᠭ᠎ᠠ᠃ ᠬᠦᠮᠦᠰ ᠤᠨ ᠵᠢᠯ ᠤᠨ ᠡᠬᠡᠯᠵᠢᠨ ᠳᠤ ᠨᠡᠬᠦᠵᠤ ᠵᠦᠬᠡᠬᠡᠵᠤ ᠠᠮᠢᠳᠤᠷᠡᠬᠤ ᠳᠠᠭᠠᠨ᠂ ᠨᠢᠬᠡ ᠶᠡᠭᠡ ᠨᠤᠳᠤᠭ ᠳᠡᠪᠢᠰᠬᠡᠷ ᠤᠨ ᠬᠠᠮᠢᠭ᠎ᠠ ᠪᠤᠯᠭᠠᠨ ᠳᠤ ᠭᠠᠯ ᠳᠦᠯᠡᠵᠤ᠂ ᠬᠠᠮᠢᠭ᠎ᠠ ᠪᠤᠯᠭᠠᠨ ᠢᠶᠠᠷ ᠬᠡᠷ ᠢᠶᠠᠨ ᠪᠤᠯᠭᠠᠵᠤ ᠪᠠᠶᠢᠭᠰᠠᠨ ᠤᠴᠢᠷ ᠲᠠᠢ᠃ ᠳᠡᠶᠢᠡᠬᠦ ︽ᠬᠡᠷ︾ ᠬᠡᠬᠦ ᠦᠬᠡ ᠨᠢ ᠶᠠᠪᠤᠭᠠᠨ ᠳᠠᠭᠠᠨ ᠶᠡᠭᠡ ᠨᠤᠳᠤᠭ ᠳᠡᠪᠢᠰᠬᠡᠷ — ︽ᠤᠯᠤᠰ ᠬᠡᠷ︾ ᠢ ᠲᠦᠯᠦᠬᠡᠯᠡᠨ ᠵᠢᠭᠠᠬᠤ ᠴᠢᠳᠡᠪᠬᠢ ᠲᠠᠢ ᠪᠤᠯᠵᠤ ᠪᠤᠯᠤᠨ᠎ᠠ᠃ ᠤᠳᠤ ᠴᠦ ᠬᠡᠰᠡᠨ ᠶᠠᠷᠤ ᠳᠡᠭᠡᠨ ︽ᠤᠯᠤᠰ ᠬᠡᠷ︾ ᠭᠡᠵᠤ ᠬᠤᠯᠪᠤᠨ ᠶᠠᠷᠢᠭᠰᠠᠭᠠᠷ ᠪᠠᠶᠢᠭ᠎ᠠ᠃ ᠭᠠᠵᠠᠷ ᠰᠢᠷᠤᠢ — ︽ᠭᠠᠵᠠᠷ ᠰᠢᠷᠤᠢ ᠶᠢᠨ ᠲᠦᠯᠦᠬᠡ ︾ ᠭᠡᠵᠤ ᠬᠡᠯᠡᠪᠡᠯ᠂ ᠳᠠᠷᠨ ᠨᠢ ᠳᠠᠷᠤᠢ ︽ᠤᠯᠤᠰ ᠲᠦᠮᠡᠨ᠂ ᠤᠰᠤ ᠨᠤᠳᠤᠭ ᠤᠨ ᠲᠦᠯᠦᠬᠡ︾ ᠬᠡᠳᠡᠭ ᠰᠠᠨᠠᠭ᠎ᠠ᠃ ᠤᠷᠤᠨ— ᠤᠯᠤᠰ ᠤᠷᠤᠨ᠃ ᠬᠦᠷ— ᠬᠦᠷ ᠤᠯᠤᠰ᠂ ᠬᠦᠷᠤᠨ— ᠬᠦᠷᠤᠨ ᠲᠦᠷᠦ᠃ᠳᠠᠷᠡᠭᠠᠬᠢ ᠦᠬᠡᠰ ᠲᠤ ︽ᠢ᠊︾ ᠡᠬᠡᠰᠢᠭ ᠤᠡᠴᠠᠯᠠᠭᠳᠡᠨ᠎ᠠ᠃ ᠰᠢᠪᠡᠵᠢ᠂ ᠵᠢᠵᠢᠭ᠂ ᠨᠠᠷᠢᠨ᠂ ᠰᠢᠵᠢᠮ᠂ ᠰᠢᠯᠪᠢ᠂ ᠨᠢᠮᠬᠡᠨ᠂ ᠰᠢᠷᠬᠢᠬᠦ᠂ ᠰᠢᠩᠬᠡᠨ᠂ ᠢᠮᠡᠷᠡᠬᠦ᠂ ᠴᠢᠮᠬᠢᠬᠦ᠂ ᠨᠢᠳᠠᠷᠡᠬᠦ᠂ ᠨᠢᠳᠬᠡᠬᠦ᠂ ᠨᠢᠴᠠᠯᠠᠬᠤ᠂ ᠰᠢᠡᠵᠢᠬᠦ᠂ ᠰᠢᠮᠳᠡᠨ᠂ ᠰᠢᠷᠢᠯᠲᠦᠬᠦ᠂ ᠵᠢᠮᠬᠢᠨ᠂ ᠵᠢᠭᠬᠢᠨ᠂ ᠵᠢᠷ ᠬᠢᠨ᠂ ᠨᠢᠮᠪᠡᠢ᠂ ᠴᠢᠮᠪᠡᠢ᠂ ᠰᠢᠬᠡᠵᠢ᠂ ᠰᠢᠭᠰᠢᠯᠡᠬᠦ ᠬᠡᠲᠦ ᠮᠡᠲᠦ᠃ ᠡᠳᠡᠬᠡᠷ  ᠨᠢ ᠬᠡᠮᠵᠢᠶ᠎ᠠ ᠪᠠᠷ ᠪᠠᠭ᠎ᠠ ᠪᠤᠶᠤ ᠨᠠᠷᠢᠨ ᠨᠢᠭᠳᠠ ᠦᠢᠯᠨ ᠬᠡᠷᠡᠭ ᠢ ᠳᠤᠰᠬᠠᠵᠠᠢ᠃ ᠡᠬᠦᠨ ᠳᠤ ︽ᠢ᠊︾ ᠡᠬᠡᠰᠢᠭ ᠨᠢ ᠪᠦᠯᠦᠭᠵᠢᠯ ᠤᠨ ᠦᠢᠯᠡᠳᠤᠯ ᠭᠠᠷᠭᠠᠭᠰᠠᠨ ᠰᠢᠭ᠋ ᠪᠠᠶᠢᠨ᠎ᠠ᠃ᠳᠠᠷᠡᠴᠢᠯᠠᠨ᠂ ᠮᠤᠩᠭᠤᠯ ᠬᠡᠯᠡᠨ ᠳᠤ ᠦᠨᠡᠡᠬᠦ ᠢᠵᠠᠭᠤᠷ ᠤᠨ ᠪᠦᠯᠦᠭ ᠪᠤᠢ ᠠᠵᠤ᠂ ᠳᠡᠬᠦᠨ ᠤ ᠳᠤᠭᠤᠷᠢᠨ ᠳᠤ ᠠᠳᠡᠯᠢ ᠪᠤᠰᠤ ᠦᠡᠲᠦᠰᠦᠨ ᠤᠳᠬ᠎ᠠ ᠪᠦᠬᠦᠢ ᠦᠬᠡᠰ ᠤᠨ ᠪᠦᠯᠦᠭ ᠢ ᠲᠦᠷᠦᠭᠳᠡᠬᠦᠯᠵᠤ ᠴᠢᠳᠡᠵᠤ ᠪᠠᠶᠢᠭᠰᠠᠨ ᠪᠤᠯ ᠳᠠᠷᠨ ᠨᠢ ᠮᠤᠩᠭᠤᠯ ᠬᠡᠯᠡᠨ ᠤ ᠦᠬᠡᠰ ᠤᠨ ᠰᠠᠩ ᠤᠨ ᠪᠠᠶᠠᠯᠢᠭᠵᠢᠯ ᠳᠤ ᠵᠢᠱᠢᠬᠦᠢ ᠦᠢᠯᠡᠳᠤᠯ ᠦᠵᠡᠬᠦᠯᠵᠤ ᠪᠠᠶᠢᠭᠰᠠᠨ ᠪᠠᠶᠢᠬ᠎ᠠ⁈ᠰᠠᠷᠡᠭᠳᠡᠬᠦ ᠵᠦᠢᠯ᠄ ᠶᠠᠷᠤ ᠨᠢ ᠨᠢᠬᠡᠨᠳᠡ ᠲᠦᠯᠦᠪᠰᠢᠷᠡᠭᠰᠡᠨ ᠢᠵᠠᠭᠤᠷ ᠤᠨ ᠪᠦᠯᠦᠭ ᠲᠠᠬᠢ ᠠᠳᠡᠯᠢ ᠪᠤᠰᠤ ᠠᠪᠢᠶ᠎ᠠ ᠳᠤᠬᠢᠶᠠᠨ ᠤ ᠡᠮᠦᠨ᠎ᠠ ᠬᠤᠶᠢᠨ᠎ᠠ ᠪᠤᠰᠤᠳ ᠪᠦᠷᠢᠯᠲᠦᠬᠦᠨ ᠢ ᠨᠠᠮᠠᠵᠤ ᠤᠳᠬ᠎ᠠ ᠶᠢᠨ ᠢᠯᠭᠠᠭ᠎ᠠ ᠶᠢ ᠳᠤᠳᠤ ᠳᠡᠬᠦᠯᠳᠡᠷ ᠪᠤᠯᠭᠠᠵᠤ ᠪᠤᠯᠳᠠᠭ᠃ ᠦᠬᠡ ᠬᠡᠯᠡᠨ ᠤ ᠠᠳᠡᠯᠢ ᠪᠤᠰᠤ ᠡᠯᠧᠮᠧᠨ᠋ᠲ ᠶᠢ ᠪᠠᠶᠢᠭᠠᠯᠢ ᠨᠠᠶᠢᠬᠡᠮ ᠤᠨ ᠠᠳᠡᠯᠢ ᠪᠤᠰᠤ ᠦᠵᠡᠭᠳᠡᠯ ᠵᠢᠴᠢ ᠠᠳᠡᠯᠢ ᠪᠤᠰᠤ ᠪᠡᠯᠬᠡ ᠳᠡᠮᠳᠡᠭ ᠳᠡᠬᠡᠷ᠎ᠠ ᠬᠡᠷᠡᠭᠯᠡᠵᠤ ᠵᠤᠬᠢᠴᠠᠭᠤᠯᠳᠠᠭ ᠬᠡᠯᠡᠨ ᠤ ᠵᠠᠩ ᠦᠢᠯᠨ ᠨᠢ ᠬᠡᠯᠡᠨ ᠤ ᠡᠯᠧᠮᠧᠨ᠋ᠲ ᠶᠢᠨ ᠤᠳᠬ᠎ᠠ ᠪᠦᠬᠦᠢ ᠰᠢᠡᠵᠢ ᠢᠯᠡᠷᠡᠬᠦᠯᠬᠦ ᠴᠢᠳᠡᠪᠬᠢ ᠶᠢ ᠨᠡᠮᠡᠭᠳᠡᠬᠦᠯᠵᠤ ᠪᠠᠶᠢᠳᠠᠭ᠃ ᠢᠩᠬᠢᠵᠤ ᠶᠠᠷᠢᠬᠤ ᠶᠢᠨ ᠤᠴᠢᠷ ᠬᠡᠪᠡᠯ᠂ ᠠᠳᠡᠯᠢ ᠪᠤᠰᠤ ᠬᠡᠯᠡᠨ ᠤ ᠬᠦᠭᠵᠢᠯᠳᠡ ᠶᠢᠨ ᠳᠡᠤᠬᠡᠨ ᠠᠴᠠ ᠬᠡᠯᠡᠨ ᠤ ᠳᠤᠬᠠᠢ ᠠᠳᠡᠯᠢ ᠪᠤᠰᠤ ᠤᠨᠤᠯ ᠤᠨ ᠰᠢᠰᠲ᠋ᠧᠮ ᠢ ᠮᠡᠳᠡᠷᠡᠵᠤ ᠪᠤᠯᠳᠠᠭ ᠠᠴᠠ᠃ᠠᠯᠢᠪᠠ ᠦᠡᠲᠦᠰᠦᠳᠡᠨ ᠤ ᠦᠬᠡ ᠬᠡᠯᠨ ᠪᠤᠯ ᠴᠦᠮ ᠳᠡᠤᠬᠡᠨ ᠪᠦᠲᠦᠬᠡᠭᠳᠡᠬᠦᠨ ᠮᠥᠨ᠃ ᠳᠡᠳᠡᠬᠡᠷ ᠨᠢ ᠳᠡᠤᠬᠡ ᠶᠢ ᠨᠦᠯᠦᠬᠡᠯᠡᠵᠤ᠂ ᠳᠡᠤᠬᠡᠨ ᠳᠤ ᠤᠯᠠᠨ ᠮᠦᠷ ᠢᠶᠠᠨ ᠦᠯᠡᠳᠡᠬᠡᠳᠡᠭ᠃ ᠠᠯᠢ ᠨᠢᠬᠡ ᠦᠡᠲᠦᠰᠦᠳᠡᠨ ᠤ ᠬᠡᠯᠨ ᠬᠡᠳ ᠪᠤᠰᠤᠳ ᠦᠡᠲᠦᠰᠦᠳᠡᠨ ᠤ ᠬᠡᠯᠨ ᠶᠢ ᠨᠦᠯᠦᠬᠡᠯᠡᠵᠤ ᠳᠡᠡᠳᠡ ᠤᠯᠨ ᠮᠦᠷ ᠢᠶᠠᠨ ᠦᠯᠡᠳᠡᠬᠡᠵᠤ ᠪᠤᠯᠳᠠᠭ᠃ᠶᠠᠷᠤᠳᠡ ᠶᠢᠨ ᠠᠩᠬᠠᠷᠤᠯ ᠳᠤ ᠰᠠᠭᠤᠭᠳᠠᠭᠰᠠᠨ ᠢ ᠠᠳᠡ ᠳᠡᠮᠳᠡᠭᠡᠯᠡᠪᠡᠯ᠄ ᠮᠤᠩᠭᠤᠯ᠂ ᠠᠩᠭ᠍ᠯᠢ᠂ ᠶᠠᠫᠤᠨ ᠬᠡᠯᠡᠨ ᠳᠤ ︽ᠮᠤᠷᠡᠯ︾ ᠬᠡᠬᠦ ᠦᠬᠡ ᠪᠤᠢ᠂ ᠳᠡᠳᠡᠬᠡᠷ ᠨᠢ ︽ᠶᠤᠰᠤ ᠮᠤᠷᠡᠯ︾ ᠬᠡᠬᠦ ᠠᠳᠡᠯᠢᠬᠠᠨ ᠤᠳᠬ᠎ᠠ ᠲᠠᠢ ᠪᠠᠶᠢᠪᠠ᠃ ᠮᠤᠩᠭᠤᠯ᠂ ᠶᠠᠫᠤᠨ ᠬᠡᠯᠡᠨ ᠳᠤ ︽ᠠᠷᠡᠡᠰᠢᠨ︾ ᠬᠡᠬᠦ ᠦᠬᠡ ᠪᠤᠢ᠂ ᠠᠳᠡᠯᠢᠬᠠᠨ ︽ᠵᠠᠩ ᠵᠠᠩᠰᠢᠯ︾ ᠬᠡᠬᠦ ᠤᠳᠬ᠎ᠠ  ᠲᠠᠢ᠃ ᠮᠤᠩᠭᠤᠯ ᠬᠡᠯᠡᠨ ᠳᠠᠬᠢ ︽ᠰᠤᠩᠬᠢᠨ᠎ᠠ︾ ᠬᠡᠬᠦ ᠤᠷᠭᠤᠮᠠᠯ ᠤᠨ ᠨᠡᠷ᠎ᠠ ᠶᠢ ᠲᠦᠪᠡᠳ ᠲᠤ ︽ᠼᠦᠩ︾᠂ ᠬᠢᠳᠡᠳ ᠲᠤ ︽ᠼᠦᠩ︾ ᠬᠡᠳᠡᠭ᠃ ᠮᠤᠩᠭᠤᠯᠴᠤᠳ ᠪᠤᠷᠭᠠᠰᠦ ᠪᠠᠷ ᠬᠦᠷᠤᠵᠤ ᠳᠤᠭᠤᠯ ᠤᠨ ᠰᠢᠪᠡᠭᠡ ᠪᠠᠷᠢᠬᠤ ᠵᠡᠷᠬᠡ ᠳᠤ ᠬᠡᠷᠡᠭᠯᠡᠳᠡᠭ ᠡᠳ᠋ ᠢ ︽ᠪᠠ︾ ᠭᠡᠵᠤ ᠬᠡᠯᠡᠳᠡᠭ᠂ ᠵᠠᠷᠢᠮ ᠨᠤᠳᠤᠭ ᠢᠶᠠᠷ ︽ ᠪᠠᠷ    ︵ᠪᠤᠷ︶︾ ᠭᠡᠵᠤ ᠪᠦᠲᠦᠭᠰᠡᠨ ᠡᠳ᠋ ᠲᠠᠢ ᠨᠢ ᠤᠶᠠᠯᠳᠤᠭᠤᠯᠵᠤ ᠬᠡᠯᠡᠳᠡᠭ ᠬᠡᠯᠴᠡᠳᠡᠭ᠃ ᠠᠮᠧᠷᠢᠺᠠ ᠬᠡᠯᠡᠨ ᠳᠤ ︽ᠪᠠ ᠡᠯ︾ ᠬᠡᠬᠦ ᠦᠬᠡ ᠪᠠᠶᠢᠳᠠᠭ᠂ ᠳᠠᠷᠨ ᠨᠢ ᠪᠤᠷᠭᠠᠰᠦ ᠪᠠᠷ ᠬᠦᠷᠦᠵᠤ ᠮᠠᠯ ᠤᠨ ᠬᠠᠰᠢᠶ᠎ᠠ ᠪᠠᠷᠢᠳᠠᠭ ᠡᠳ᠋ ᠢ ᠵᠢᠭᠠᠵᠡᠢ᠃ ᠮᠤᠩᠭᠤᠯ ᠬᠡᠯᠡᠨ ᠳᠠᠬᠢ ︽ᠬᠦᠮᠦᠨ︾ ᠬᠡᠬᠦ ᠦᠬᠡ ᠨᠢ ᠭᠠᠭᠴᠠ ᠳᠤᠭ᠎ᠠ᠂ ᠤᠯᠠᠨ ᠳᠤᠭ᠎ᠠ ᠶᠢ ᠪᠦᠷ ᠵᠢᠭᠠᠨ᠎ᠠ᠂ ᠠᠮᠧᠷᠢᠺᠠ ᠬᠡᠯᠡᠨ ᠳᠠᠬᠢ ︽ᠬᠦᠮᠦᠨ︾ ᠬᠡᠬᠦ ᠦᠬᠡ ᠨᠢ ︽ᠬᠡᠷ ᠪᠦᠯᠢ︾ ᠬᠡᠬᠦ ᠤᠳᠬ᠎ᠠ ᠲᠠᠢ᠃ ᠮᠤᠩᠭᠤᠯ᠂ ᠬᠢᠳᠡᠳ ᠬᠡᠯᠡᠨ  ᠳᠠᠬᠢ ︽ᠮᠦᠬᠦ︾ ᠬᠡᠬᠦ ᠦᠬᠡ ᠨᠢ ᠤᠳᠬ᠎ᠠ ᠠᠳᠡᠯᠢᠬᠠᠨ ᠪᠠᠶᠢᠳᠠᠭ᠃ ᠡᠨᠠᠴᠢᠯᠠᠨ ᠵᠠᠷᠢᠮ ᠦᠬᠡ ᠶᠢ ᠬᠡᠨ ᠨᠢ ᠬᠡᠨ  ᠠᠴᠠ ᠪᠠᠨ ᠵᠢᠬᠡᠯᠡᠭᠰᠡᠨ ᠬᠡᠳᠡᠭ ᠢ ᠳᠤᠳᠤᠯᠠᠬᠤ ᠳᠤ ᠪᠡᠷᠬᠡ ᠲᠠᠢ ᠶᠤᠮ᠃ ᠬᠡᠶ᠎ᠠ ᠵᠠᠷᠢᠮ ᠦᠬᠡᠰ ᠨᠢ ᠶᠠᠮᠠᠷ ᠨᠢᠬᠡᠨ ᠢᠵᠠᠭᠤᠷ ᠤᠨ ᠪᠦᠯᠦᠭ ᠠᠴᠠ ᠲᠦᠷᠦᠭᠳᠡᠭᠰᠡᠨ ᠪᠠᠶᠢᠪᠠᠯ ᠳᠠᠷᠤᠢ ᠠᠯᠢ ᠬᠡᠯᠡᠨ ᠤ ᠬᠢ ᠬᠡᠳᠡᠭ ᠢ ᠲᠦᠰᠦᠬᠡᠯᠡᠵᠤ ᠪᠤᠯᠬᠤ ᠪᠠᠶᠢᠵᠤ ᠮᠡᠳᠡᠨ᠎ᠠ᠃ᠠᠩᠬᠠᠷᠴᠤ ᠳᠡᠮᠳᠡᠭᠯᠡᠭᠰᠡᠨ ᠬᠡᠳᠤᠨ ᠦᠬᠡᠰ᠄ ᠮᠤᠩᠭᠤᠯ ᠦᠬᠡ ᠪᠠ ᠬᠢᠳᠡᠳ ᠦᠬᠡᠨ ᠳᠤ ᠳᠡᠭᠤᠳᠠᠯᠭ᠎ᠠ ᠲᠦᠰᠦᠬᠡᠷᠬᠦᠨ᠂ ᠤᠳᠬ᠎ᠠ ᠤᠶᠢᠷᠡᠳᠤᠭᠰᠠᠨ ᠦᠬᠡᠰ ᠨᠠᠯᠢᠶᠠᠳ ᠪᠠᠶᠢᠳᠠᠭ ᠶᠤᠮ᠃ᠰᠢᠨ᠎ᠠ —新᠂ ᠮᠤᠳᠤ — 木头᠂ ᠪᠢᠰᠢ— 不是᠂ ᠪᠦᠪᠠᠢ—宝贝᠂ ᠮᠤᠤᠷ— 猫᠂ ᠭᠤᠤ—沟᠂ ᠰᠢᠡᠵᠢ性质᠂ ᠮᠠᠶ᠋ᠢᠭ— 模样᠂ ᠡᠳ᠋ — 物质᠂ ᠪᠢᠷ — 笔᠂ ᠡᠬᠦᠷ—窝᠃ ᠵᠢᠴᠢ—及其᠂ ᠯᠠᠪᠠᠢ—喇叭᠂ ᠴᠤᠬᠤᠢ —石灰᠂ ᠵᠢᠭ᠎ᠠ—教 ᠂ ᠠᠩᠭᠠᠶᠢᠬᠤ— 张开᠂ ᠬᠤᠷᠤᠢ ᠬᠤᠷᠤᠢ—回来回来᠂ ᠴᠢᠩᠭ᠎ᠠ—强᠂ ᠳᠡᠶᠢᠪᠤᠩ— 太平᠂ ᠬᠡᠮ—感冒᠂ ᠪᠠᠶᠢᠯᠳᠤᠭᠠᠨ—摆战᠂ ᠰᠠᠭᠤ—坐᠂ ᠰᠢᠯᠤᠭᠤᠨ—顺利᠂ ᠰᠢᠭᠤᠳ ᠰᠢᠯᠤᠭᠤᠨ᠂ ᠳᠡᠵᠢᠨ—大战᠂ ᠳᠡᠶᠢᠨ ᠳᠡᠵᠢᠨ ᠭᠡᠵᠤ ᠬᠤᠯᠪᠤᠨ ᠶᠠᠷᠢᠳᠠᠭ᠃ ᠴᠤᠬᠤᠮ— 专门᠂ ᠶᠠᠷᠢᠶᠠᠨ ᠳᠤ ︽ᠴᠤᠬᠤᠮᠠᠨ︾ ᠭᠡᠵᠤ ᠬᠡᠯᠡᠳᠡᠭ᠃ ᠬᠡᠷ—阁᠂ ᠬᠠᠭᠠᠯᠭ᠎ᠠ ᠪᠠᠷ ᠬᠠᠨ᠎ᠠ ᠶᠢᠨ ᠨᠢᠲᠦ ᠪᠠ ᠳᠤᠯᠭ᠎ᠠ ᠵᠡᠷᠬᠡ ᠨᠢ ᠬᠠᠷᠠᠭᠳᠡᠵᠤ ᠪᠤᠢ᠃ ᠳᠤᠭᠤᠨᠤ —通᠂ ᠨᠢᠬᠡᠲᠦᠬᠡᠷ ᠵᠢᠷᠤᠯᠭ᠎ᠠ ᠨᠢ ᠰᠡᠬᠦᠭᠳᠡᠭᠰᠡᠨ ᠡᠷᠦᠬᠡ ᠶᠢᠨ ᠪᠠᠶᠢᠴᠠ ᠲᠠᠢ᠂ ᠳᠠᠷᠠᠭ᠎ᠠ ᠬᠡᠲᠦᠨ ᠵᠢᠷᠤᠯᠭ᠎ᠠ ᠨᠢ ᠤᠯᠠᠮᠵᠢᠯᠠᠯᠲᠦ ᠮᠤᠳᠤᠨ ᠳᠤᠭᠤᠨᠤ ᠶᠢᠨ ᠲᠦᠷᠢ ᠲᠠᠢ᠂ ᠨᠡᠪᠳᠡᠷᠡᠬᠦ ᠬᠡᠬᠦ ᠤᠳᠬ᠎ᠠ ᠲᠠᠢ᠃ ᠳᠤᠭᠤᠨᠤ ᠨᠢ ᠳᠠᠷᠤᠢ ᠠᠭᠤᠷ ᠤᠳᠤᠭ᠎ᠠ ᠰᠡᠯᠬᠢ ᠵᠢᠪᠡᠷ ᠢ ᠭᠠᠳᠠᠭᠰᠢᠯᠠᠭᠤᠯᠤᠨ ᠳᠤᠭᠤᠬᠤ ᠨᠦᠬᠡ ᠨᠢᠲᠦ ᠪᠠᠶᠢᠭ᠎ᠠ᠃ ᠬᠦᠢ— 会᠂ ᠬᠤᠷᠡᠵᠤ ᠴᠤᠭᠯᠠᠭᠰᠠᠨ ᠬᠡᠬᠦ ᠤᠳᠬ᠎ᠠ ᠲᠠᠢ ᠦᠬᠡ ᠨᠢ ᠬᠦᠢ ᠨᠢᠬᠡᠲᠦᠯ ᠤᠨ ᠬᠦᠢ ᠲᠠᠢ ᠤᠳᠬ᠎ᠠ ᠤᠶᠢᠷ᠎ᠠ ᠪᠠᠶᠢᠭ᠎ᠠ᠃ ᠬᠦᠷ—火热᠂ ᠬᠦᠭᠵᠢᠶᠠᠨ ᠨᠡᠷᠬᠢᠶᠠᠨ ᠦᠡᠲᠦᠷᠵᠢᠵᠤ ᠬᠠᠯᠠᠭᠤᠨ ᠴᠢᠭ᠋ ᠲᠡᠭᠡᠨ ᠬᠦᠷᠦᠭᠰᠡᠨ ᠢ ︽ᠬᠦᠷ︾ ᠬᠡᠳᠡᠭ ᠪᠠᠶᠢᠭ᠎ᠠ᠃ᠬᠢᠳᠡᠳ ᠬᠡᠯᠡᠨ ᠤ ᠵᠠᠷᠢᠮ ᠦᠬᠡᠰ ᠨᠢ ᠮᠤᠩᠭᠤᠯ ᠦᠬᠡ ᠶᠢᠨ ᠳᠡᠬᠡᠷ᠎ᠠ ᠬᠡᠰᠡᠭ ᠪᠤᠶᠤ ᠳᠤᠤᠷ᠎ᠠ ᠬᠡᠰᠡᠭ ᠠᠴᠠ ᠳᠠᠰᠤᠯᠠᠵᠤ ᠠᠪᠤᠭᠰᠠᠨ ᠪᠠᠶᠢᠴᠠ ᠲᠠᠢ᠃ ᠳᠤᠬᠠᠶᠢᠯᠠᠪᠠᠯ᠄ᠠᠷᠡᠨ—人᠂ ᠦᠭᠡᠢ—无᠂未᠂ ᠦᠨᠤᠷ—味儿᠂ ᠦᠷᠦᠬᠡ — 屋᠂ ᠦᠨᠤᠰᠬᠦ — 吻᠂ ᠴᠢᠨᠠ — 煎᠂ ᠶᠠᠷᠦᠡᠳᠡᠭ—药᠂ ᠢᠳᠡᠰᠢ—食᠂ ᠡᠴᠢ ︵ᠤᠴᠢ︶ —去᠂ ᠳᠡᠬᠡᠲᠦ —爹᠂ ᠤᠯᠠᠨ ᠳᠡᠬᠡᠷ᠎ᠠ ᠦᠶ᠎ᠠ ᠶᠢᠨ ᠠᠪᠤ ᠨᠡᠷ᠂ ᠳᠡᠬᠡᠲᠦᠰ᠃ ᠦᠭᠬᠦᠶ᠎ᠠ—给᠂ ᠤᠷᠢᠶᠠᠬᠤ— 绕᠂ ᠱᠤᠤᠯᠠᠬᠤ— 笑᠂ ᠬᠦᠡᠳᠡᠢ ︵ᠺᠦᠡᠳᠡᠢ︶ —空的᠂ ᠰᠢᠩᠬᠡᠨ —稀᠂ ᠵᠦᠬᠡᠯ—咒᠂ ᠰᠦᠡᠳᠡᠷᠯᠡᠬᠦ —耸᠂ ᠰᠡᠳᠬᠢᠬᠦ — 思᠂ ᠮᠦᠬᠦᠯᠢᠭ 粒᠂ ᠵᠢᠮ—经᠂ ᠬᠢᠶᠠᠨ ᠬᠢ ᠵᠢᠮ— 山海经᠂ ᠯᠤᠭ—垃圾᠂ ᠲᠦᠭᠳᠡᠶᠢᠬᠦ—凸᠂ ᠳᠡᠪᠠᠭ᠎ᠠ— 坝᠂ ᠦᠵᠢᠯ—久᠂ ᠤᠩᠭᠤᠴᠠᠨ —船᠂ ᠴᠠ ︵ᠠᠴᠨ︶ — 杈᠂ ᠮᠠᠩᠯᠠᠢ—蒙᠂ ᠬᠤᠭᠤᠷ —胡᠂ ᠦᠪᠡᠷ—我᠂ ᠪᠠᠷᠢᠭᠤᠯ—把儿᠂ ᠰᠤᠩᠬᠢᠨ᠎ᠠ—葱᠂ ᠬᠡᠷᠪᠡ — 若᠂ ᠠᠷᠴᠠ— 擦᠂ ᠱᠠᠬᠠᠢ— 鞋᠂ ᠦᠵᠡᠨ— 见᠂ ᠤᠯᠵᠨ— 捞着᠂ ᠰᠠᠭᠤᠷᠢ—所᠂ ᠳᠡᠬᠢᠬᠤ —叠᠂ ᠰᠠᠴᠤᠬᠤ—洒᠂ ᠪᠠᠳᠠᠷᠨ — 发达᠂ ᠵᠠᠬᠢ᠂ ᠵᠠᠬᠢᠷᠨ— 指挥᠂ ᠬᠦᠳᠡᠯ — 活动᠂ ᠳᠤᠷᠤᠢ — 弱᠂ ᠴᠢᠪᠬᠢᠨ —恰好᠂ ᠴᠢᠬᠡᠵᠢᠯᠨ —记住了 ᠂ ᠵᠢᠩᠬᠢᠨᠢ—精᠂ ᠵᠢᠭᠠᠬᠠᠨ —点᠂ ᠬᠤᠨ —皇᠂ ᠬᠦᠷ —国᠂ ᠬᠦᠷ ᠤᠯᠤᠰ᠂ ᠬᠦᠷᠤᠨ᠃᠂ ᠠᠤᠭ᠎ᠠ— 伟大᠂ ᠦᠷᠯᠦᠭ ᠳᠡᠶᠢᠴᠢᠨ᠂ ᠶᠠᠭᠤ ᠴᠦ — 又是᠂ ᠠᠨᠠ —焊 ᠬᠡᠬᠦ ᠮᠡᠲᠦ ᠵᠦᠩᠳᠡᠬᠡᠨ ᠳᠤᠬᠢᠶᠠᠯᠳᠤᠨ᠎ᠠ᠃ ᠡᠳᠡᠬᠡᠷ ᠨᠢ ᠮᠥᠨ ᠳᠡᠭᠤᠳᠠᠯᠭ᠎ᠠ ᠤᠳᠬ᠎ᠠ ᠪᠦᠷ ᠤᠶᠢᠷᠡᠳᠤᠵᠤ ᠪᠠᠶᠢᠨ᠎ᠠ᠃᠂ ᠠᠳᠡ  ᠠᠴᠠ ᠨᠠᠭᠠᠲᠦ ᠵᠠᠬ᠎ᠠ ᠳᠠᠭᠠᠨ ᠬᠡᠯᠡᠨ ᠤ ᠨᠦᠯᠦᠭᠡ ᠶᠢ ᠤᠯᠵᠤ ᠬᠠᠷᠠᠲᠠᠭ᠃ᠮᠤᠩᠭᠤᠯ ᠬᠡᠯᠡᠨ ᠤ ᠨᠢᠭᠡᠲᠦᠭᠡᠷ ᠦᠶ᠎ᠡ ᠶᠢᠨ ᠲᠡᠭᠡᠷ᠎ᠡ ︽ᠬ᠊︾ ᠪᠠᠷ ᠬᠠᠯᠬᠠᠯᠠᠬᠤ ᠦᠵᠡᠭᠲᠡᠯ ᠪᠠᠶᠢᠭᠰᠠᠨ᠃ ᠵᠢᠱᠢᠶ᠎ᠡ᠄ ᠤᠯᠠᠭᠠᠨ — ᠬᠤᠯᠠᠭᠠᠨ᠂ ᠦᠭᠡᠯᠦᠨ — ᠬᠦᠭᠡᠯᠦᠨ᠂ ᠤᠵᠢᠭᠤᠷ — ᠬᠤᠵᠢᠭᠤᠷ᠂ ᠠᠨᠠ — ᠬᠠᠨᠠ᠂ ᠤᠬᠠᠭᠠᠨ —— ᠬᠤᠬᠠᠭᠠᠨ ᠵᠡᠷᠭᠡ᠃ ᠶᠠᠷᠢᠶᠠᠨ ᠳᠤ᠂ ︽ᠠ᠊᠂ ᠡ᠊︾ ᠪᠠᠷ ᠬᠠᠯᠬᠠᠯᠠᠬᠤ ᠦᠵᠡᠭᠲᠡᠯ ᠴᠦ ᠪᠤᠢ᠃ ᠴᠠ — ᠠᠴᠠ᠂ ᠷᠠᠰᠢᠶᠠᠨ — ᠠᠷᠰᠢᠶᠠᠨ᠂ ᠷᠠᠰᠢ — ᠠᠷᠰᠢ᠂ ᠷᠠᠳᠨ᠎ᠠ — ᠡᠷᠲᠡᠨᠢ᠂ ᠷᠢᠨᠴᠢᠨ — ᠡᠷᠢᠡᠴᠢᠨ᠂ ᠰᠲ᠋ᠠᠯᠢᠨ — ᠡᠰᠲ᠋ᠠᠯᠢᠨ᠂ ᠯᠢᠲᠡᠷᠢ — ᠰᠯᠢᠳᠡᠷᠢ ᠭᠡᠬᠦ ᠮᠡᠲᠦ᠃ ᠬᠡᠯᠡᠨ ᠤ ᠲᠤᠬᠠᠢ ᠵᠢᠭᠠᠬᠠᠨ ᠲᠤᠬᠢᠶ᠎ᠠ ᠨᠢ ᠴᠦ ᠬᠡᠯᠨ ᠰᠤᠲᠤᠯᠭᠠᠨ ᠤ ᠴᠢᠬᠤᠯᠨ ᠰᠦᠪᠡᠭᠴᠢ ᠪᠠᠶᠢᠵᠤ ᠮᠡᠲᠡᠨ᠎ᠡ᠃ ᠰᠢᠨᠵᠢᠪᠡᠯ᠄ ᠠᠨᠠ —焊᠃ ᠶᠠᠭ ︽ᠠᠨᠠ︾ ᠭᠡᠬᠦ ᠦᠭᠡ ᠶᠢᠨ ᠲᠡᠭᠡᠷ᠎ᠡ ︽ᠬ᠊︾ ᠪᠠᠷ ᠬᠠᠯᠬᠠᠯᠠᠵᠤ ᠡᠷᠲᠡᠨ ᠤ ᠲᠠᠭᠤᠲᠠᠯᠭ᠎ᠠ ᠪᠠᠷ ᠨᠢ ︽ᠬᠠᠨᠠ︾ ᠭᠡᠵᠦ ᠶᠠᠷᠢᠭᠰᠠᠨ ᠰᠢᠭ᠋ ᠪᠠᠶᠢᠨ᠎ᠠ᠃ ᠦᠭᠡᠷ᠎ᠡ ᠪᠠᠷ ᠬᠡᠯᠡᠪᠡᠯ ᠤᠤᠯ ᠦᠭᠡ ᠶᠢᠨ ᠡᠷᠲᠡᠨ ᠤ ᠲᠠᠭᠤᠲᠠᠯᠭ᠎ᠠ ᠪᠠ ᠤᠳᠬ᠎ᠠ ᠨᠢ ᠬᠢᠲᠡᠳ ᠬᠡᠯᠡᠨ ᠳᠤ ᠮᠥᠨ ᠶᠤᠰᠤᠭᠠᠷ ᠢᠶᠠᠨ ᠬᠠᠲᠠᠭᠠᠯᠠᠭᠲᠠᠵᠤ ᠪᠠᠶᠢᠪᠠ᠃ ᠲᠤᠬᠠᠶᠢᠯᠠᠪᠠᠯ᠂ ᠤᠤᠯ ᠬᠡᠯᠡᠨ ᠳᠡᠭᠡᠨ ᠪᠠᠶᠢᠭᠰᠠᠨ ︽ᠬᠠᠨᠠ᠂ ᠬᠤᠯᠠᠭᠠᠨ᠂ ᠬᠤᠬᠠᠭᠠᠨ︾ ᠵᠡᠷᠭᠡ ᠦᠬᠡᠰ ᠨᠢ ᠡᠬᠢᠨ ᠤ ᠬᠡᠶᠢᠭᠦᠯᠦᠭᠴᠢ ᠪᠠᠨ ᠬᠠᠶᠠᠵᠤ ︽ᠠᠨᠠ᠂ ᠤᠯᠠᠭᠠᠨ᠂ ᠤᠬᠠᠭᠠᠨ︾ ᠪᠤᠯᠵᠤ ᠲᠠᠭᠤᠲᠠᠭᠲᠠᠪᠠ᠃ ᠰᠡᠷᠡᠵᠦ ᠤᠯᠬᠤ ᠨᠢ᠄ ᠬᠠᠷᠢ ᠬᠡᠯᠨ ᠶᠢ ᠨᠦᠯᠦᠭᠡᠯᠡᠵᠦ ᠤᠴᠢᠭᠰᠠᠨ ᠦᠭᠡ ᠨᠢ ᠲᠠᠭᠤᠲᠠᠯᠭ᠎ᠠ ᠪᠠ ᠤᠳᠬ᠎ᠠ ᠶᠢᠨ ᠬᠤᠪᠢ ᠳᠤ ᠨᠡᠯᠢᠶᠡᠳ ᠲᠤᠭᠲᠠᠭᠤᠨ ᠪᠠᠶᠢᠲᠠᠭ ᠶᠤᠮ ᠪᠠᠶᠢᠨ᠎ᠠ᠃ ᠬᠡᠶ᠎ᠡ ᠬᠡᠯᠡᠨ ᠤ ᠠᠰᠠᠭᠤᠲᠠᠯ ᠡᠶᠢᠮᠦ ᠬᠢᠯᠪᠡᠷ ᠢᠶᠠᠷ ᠲᠤᠩᠭᠠᠭᠲᠠᠬᠤ ᠪᠢᠰᠢ᠂ ᠬᠠᠷᠢᠨ ᠡᠭᠦᠨ  ᠠᠴᠠ ᠨᠡᠩ ᠪᠤᠲᠤᠯᠢᠶᠠᠨᠲᠠᠢ ᠪᠠᠶᠢᠵᠤ ᠲᠠᠭᠠᠷᠠᠨ᠎ᠠ᠃ ᠲᠤᠬᠠᠶᠢᠯᠠᠪᠠᠯ᠂ ᠨᠠᠭᠠᠯᠲᠤᠭᠤᠯᠵᠤ ᠵᠤᠯᠭᠤᠭᠤᠯᠬᠤ ᠶᠢ ︽ᠨᠠᠭ᠎ᠠ︾ ᠭᠡᠵᠦ ᠲᠡᠮᠲᠡᠭᠯᠡᠲᠡᠭ᠂ ᠶᠠᠷᠢᠶᠠᠨ ᠳᠤ ᠰᠢᠭᠤᠳ ︽ᠨᠠ︾ ᠭᠡᠵᠦ ᠬᠡᠯᠡᠲᠡᠭ ᠪᠠᠶᠢᠨ᠎ᠠ᠃ ᠡᠨᠡᠬᠦ ᠦᠭᠡ ᠶᠢ ︽ᠬᠠᠨᠠ — ᠠᠨᠠ — ᠨᠠ︾ ᠭᠡᠬᠦ ᠲᠠᠷᠠᠭᠠᠯᠠᠯ ᠢᠶᠠᠷ ᠬᠤᠪᠢᠷᠠᠯ᠎ᠠ ᠭᠡᠵᠦ ᠦᠵᠡᠪᠡᠯ᠂ ᠤᠤᠯ ᠦᠭᠡ ᠨᠢ ᠤᠷᠢᠲᠠᠪᠡᠷ ︽ᠬ᠊ ︾ ᠪᠠᠨ ᠤᠷᠬᠢᠵᠤ᠂ ᠲᠠᠷᠠᠭ᠎ᠠ ᠨᠢ ︽ᠠ᠊︾ ᠪᠠᠨ ᠤᠷᠬᠢᠵᠤ᠂ ︽ᠨᠠ︾ ᠪᠤᠯᠤᠯ᠎ᠠ ᠭᠡᠵᠤ ᠦᠵᠡᠨ᠎ᠠ᠃ ᠬᠡᠳᠡᠯ᠎ᠠ ︽ᠨᠠ— ᠠᠨ᠋ᠨ— ᠬᠠᠨᠠ︾ ᠬᠡᠬᠦ ᠳᠠᠷᠡᠭᠠᠯᠠᠯ ᠢᠶᠠᠷ ᠬᠤᠪᠢᠷᠡᠯ᠎ᠠ ᠭᠡᠵᠤ ᠦᠵᠡᠪᠡᠯ᠂ ᠤᠤᠯ ᠦᠬᠡ ᠨᠢ ᠤᠷᠢᠳᠡᠪᠡᠷ ︽ᠠ᠊︾ ᠵᠢᠬᠢᠷᠢᠭᠯᠡᠵᠤ᠂ ᠳᠠᠷᠠᠭ᠎ᠠ ᠨᠢ ︽ᠬ᠊︾ ᠨᠡᠮᠡᠭᠳᠡᠵᠤ ︽ᠬᠠᠨ᠋ᠨ︾ ᠪᠤᠯᠤᠯ᠎ᠠ ᠭᠡᠵᠤ ᠦᠵᠡᠨ᠎ᠠ᠃ ᠦᠨᠡᠨ ᠳᠡᠭᠡᠨ ᠶᠠᠮᠠᠷ ᠴᠢᠭᠯᠡᠯ ᠢᠶᠠᠷ ᠬᠤᠪᠢᠷᠡᠯ᠎ᠠ ᠬᠡᠳᠡᠭ ᠢ ᠳᠤᠩᠭᠠᠬᠤ ᠳᠤ ᠪᠡᠷᠬᠡ ᠪᠠᠶᠢᠳᠠᠭ᠂ ᠮᠥᠨ ᠴᠦ ᠳᠡᠶᠢᠮᠦᠷᠬᠦ ᠵᠢᠮ᠎ᠠ ᠪᠠᠶᠢᠬᠤ ᠦᠭᠡᠢ ᠴᠦ ᠪᠤᠯᠤᠨ᠎ᠠ᠃ ᠬᠠᠷᠢᠨ ᠠᠳᠡ ᠨᠢᠬᠡᠨ ︽ᠨ᠊︾ ᠠᠪᠢᠶ᠎ᠠ ᠤᠡᠴᠠᠯᠠᠭᠳᠡᠵᠤ ᠪᠠᠶᠢᠭ᠎ᠠ ᠶᠢ ᠦᠵᠡᠵᠤ ᠭᠠᠷᠤᠨ᠎ᠠ᠃ ᠬᠡᠲᠦᠢ ︽ᠬ᠊᠂ ᠠ᠊︾ ᠨᠡᠮᠡᠭᠳᠡᠭᠰᠡᠨ ᠴᠦ ᠪᠤᠯᠤᠭ᠂ ᠡᠰᠡᠬᠦᠯ᠎ᠠ ᠤᠷᠬᠢᠭᠳᠠᠭᠰᠠᠨ ᠴᠦ ᠪᠤᠯᠤᠭ᠂ ︽ᠨ᠊︾ ᠠᠪᠢᠶ᠎ᠠ ᠬᠠᠷᠢᠨ ᠢᠮᠠᠭᠳᠡ ᠳᠤᠭᠳᠡᠭᠤᠨ ᠤᠷᠤᠰᠢᠵᠤ ᠪᠠᠶᠢᠨ᠎ᠠ᠃ ᠡᠨ᠋ᠨ ᠮᠠᠳᠤᠴᠢᠯᠠᠨ ︽ᠬᠠᠨ᠋ᠨ᠂ ᠠᠨ᠋ᠨ᠂ ᠨᠠ᠂ ᠨᠠᠭ᠎ᠠ᠂ ᠨᠠᠭᠠᠬᠤ᠂ ᠠᠨᠠᠭᠠᠬᠤ᠂ ᠠᠨᠢ᠂ ᠨᠦᠬᠦᠬᠦ᠂ ᠨᠡᠬᠡᠬᠦ᠂ ᠨᠠᠶᠢᠯᠠᠬᠦ᠂ ᠨᠠᠶᠢᠴᠡᠬᠦ᠂ ᠨᠢᠬᠡᠳᠬᠦ᠂ ᠨᠢᠬᠢᠳᠬᠡᠬᠦ᠂ ᠨᠢᠭᠳᠠᠷᠡᠬᠤ᠂ ᠨᠠᠶᠢᠷᠡᠮᠳᠡᠬᠤ᠂ ᠨᠠᠶᠢᠷ ᠨᠠᠭᠠᠳᠤᠮ᠂ ᠨᠠᠶᠢᠷᠡᠯ᠂ ᠨᠠᠶᠢᠵᠨ᠂ ᠨᠦᠬᠦᠷ᠂ ᠨᠠᠮ᠂ ᠬᠠᠨᠢ᠂ ᠢᠨᠠᠭ᠂ ᠡᠨᠡᠷᠢᠯ᠂ ᠳᠤᠳᠤᠨᠤ︾ ᠵᠡᠷᠬᠡ ᠦᠬᠡᠰ ᠲᠦᠷᠦᠭᠳᠡᠨ ᠬᠦᠭᠵᠢᠯ᠎ᠠ ᠭᠡᠵᠤ ᠦᠵᠡᠵᠤ ᠪᠤᠯᠬᠤ ᠮᠡᠲᠦ᠃ ︽ᠨᠠ︾ ᠠᠪᠢᠶ᠎ᠠ ᠪᠦᠯᠦᠭᠵᠢᠯ ᠤᠨ ᠦᠢᠯᠡᠳᠤᠯ ᠭᠠᠷᠭᠠᠭᠰᠠᠨ ᠪᠠᠶᠢᠵᠤ ᠪᠤᠯᠤᠨ᠎ᠠ᠃ ᠠᠳᠡᠬᠢ ︽ᠨᠠ︾ ᠠᠪᠢᠶ᠎ᠠ ᠶᠢᠨ ᠤᠳᠬ᠎ᠠ ᠠᠭᠤᠯᠭ᠎ᠠ ᠨᠢ ᠬᠡᠯᠨ ᠳᠡᠩᠨᠠᠢ ᠶᠢᠨ ᠨᠡᠶᠢᠯᠡᠭᠰᠡᠨ ᠲᠦᠷᠢ ᠲᠦᠷᠬᠦ ᠲᠠᠢ ᠰᠢᠭᠤᠳ ᠬᠤᠯᠪᠤᠭ᠎ᠠ ᠲᠠᠢ ᠰᠢᠭ᠋ ᠪᠠᠶᠢᠨ᠎ᠠ᠃ ᠮᠤᠩᠭᠤᠯ ᠬᠡᠯᠡᠨ ᠤ ᠡᠨ᠋ᠨ ᠮᠡᠲᠦ ᠦᠵᠡᠭᠳᠡᠯ ᠨᠢ ᠬᠡᠯᠡᠨ ᠤ ᠠᠪᠢᠶ᠎ᠠ ᠪᠤᠯᠭᠠᠨ ᠳᠤ ᠳᠤᠩᠭᠠᠭᠠᠯᠳᠡ ᠬᠢᠬᠦ ᠶᠢ ᠱᠠᠭᠠᠷᠳᠡᠵᠤ ᠪᠠᠶᠢᠭ᠎ᠠ᠂ ᠵᠢᠴᠢ ᠬᠡᠯᠡᠨ ᠤ ᠪᠦᠷᠢᠯᠲᠦᠨ ᠳᠤᠭᠳᠡᠨᠢᠬᠤ ᠳᠤ ᠬᠡᠴᠢᠨᠠᠨ ᠶᠡᠭᠡ ᠰᠡᠳᠬᠢᠯ ᠤᠶᠤᠨ ᠤ ᠦᠷᠡᠭᠳᠡᠯ ᠭᠠᠷᠭᠠᠭᠰᠠᠨ ᠬᠡᠳᠡᠭ ᠢ ᠬᠠᠷᠡᠭᠤᠯᠵᠤ ᠪᠠᠶᠢᠭ᠎ᠠ᠃ ᠬᠡᠲᠦᠢ ᠶᠡᠭᠡ ᠤᠶᠤᠨ ᠤ ᠪᠡᠯᠨ ᠤᠷᠤᠭᠤᠯᠤᠯᠳᠡ ᠲᠠᠢ ᠪᠦᠲᠦᠬᠡᠭᠳᠡᠬᠦᠨ ᠢ ᠳᠤᠩᠭᠠᠭᠠᠬᠤ ᠳᠤ ᠨᠡᠩᠳᠡ ᠶᠡᠭᠡ ᠤᠶᠤᠨ ᠤ ᠬᠦᠳᠡᠯᠮᠤᠷᠢ ᠵᠠᠷᠤᠴᠠᠭᠤᠯᠬᠤ ᠤᠴᠢᠷ ᠲᠠᠢ᠃︽ᠨᠠ᠊︾ ᠠᠪᠢᠶ᠎ᠠ ᠶᠢᠨ ᠦᠬᠡ ᠬᠡᠯᠡᠨ ᠳᠠᠬᠢ ᠴᠢᠳᠡᠪᠬᠢ ᠨᠢ ᠦᠬᠡᠷ᠎ᠠ ᠨᠢᠬᠡ ᠳᠡᠯ᠎ᠠ ᠪᠠᠷ ᠪᠠᠰᠠ ᠠᠩᠬᠠᠷᠤᠭᠳᠡᠵᠤ ᠪᠠᠶᠢᠨ᠎ᠠ᠃ ︽ᠨᠠ᠊︾ ᠶᠢ ᠶᠡᠭᠡ ᠬᠦᠡᠲᠦᠳᠬᠡᠨ ᠳᠡᠬᠡᠲᠦᠯᠡᠭᠰᠡᠨ ᠳᠡᠭᠤᠳᠠᠯᠭ᠎ᠠ ᠳᠤ ᠬᠡᠷᠡᠭᠯᠡᠵᠤ ᠪᠠᠶᠢᠪᠠ᠃ ᠮᠤᠩᠭᠤᠯᠴᠤᠳ ᠤᠷᠴᠢᠯᠠᠩ ᠶᠢᠷᠲᠢᠡᠴᠤ ᠶᠢᠨ ᠬᠠᠮᠤᠭ ᠤᠨ ᠡᠷᠬᠢᠮ ᠳᠡᠬᠡᠲᠦ ᠡᠷᠳᠡᠨᠢ ᠶᠢ ︽ᠨᠠ᠊︾ ᠭᠡᠵᠤ ᠨᠡᠷᠡᠯᠡᠬᠡᠳ ᠳᠡᠬᠦᠨ ᠤ ᠬᠡᠷᠡᠯ ᠰᠠᠴᠤᠷᠠᠭᠤᠯᠳᠠᠭ ᠪᠡᠯᠬᠡ ᠳᠡᠮᠳᠡᠭ ᠢ ᠢᠯᠡᠳᠬᠡᠬᠦ ᠪᠠᠷ ︽ᠷᠨ︾ ᠵᠠᠯᠭᠠᠨ ᠳᠡᠭᠤᠳᠡᠪᠡ᠃ ᠳᠠᠷᠤᠢ ︽ᠨᠠᠷᠨ︾᠂ ᠡᠨᠡᠴᠢᠯᠠᠨ᠂ ᠡᠷᠬᠢᠮ ᠦᠨᠡᠲᠦ᠂ ᠬᠦᠡᠲᠦᠳᠡᠢ ᠵᠦᠢᠯ ᠢ ᠵᠢᠭᠠᠵᠤ ᠨᠡᠷᠡᠯᠡᠬᠦ ᠳᠤ ︽ᠨᠠ᠊︾ ᠶᠢ ᠵᠦᠩᠳᠡᠬᠡᠨ ᠬᠡᠷᠡᠭᠯᠡᠵᠤ ᠪᠠᠶᠢᠪᠠ᠃ ︽ᠨᠠᠷᠨ᠂ ᠨᠠᠠᠳᠢᠨ᠂ ᠡᠷᠳᠡᠨᠢ᠂ ᠴᠢᠡᠳᠡᠮᠤᠨᠢ᠂ ᠦᠨ᠎ᠠ᠂ ᠴᠠᠨ᠎ᠠ᠂ ᠴᠢᠡᠰᠠᠭ᠎ᠠ᠂ ᠴᠢᠨᠡᠷ᠂ ᠨᠡᠷ᠎ᠡ ︵ᠨᠡᠷ᠎ᠡ ᠲᠦᠷᠦ︶᠂ ᠨᠤᠶᠠᠨ᠂ ᠨᠤᠲᠤᠭ ︵ᠡᠬᠡ ᠨᠤᠲᠤᠭ︶ ᠭᠡᠬᠦ ᠮᠡᠲᠦ᠃ ᠡᠬᠡ ᠶᠢᠨ ᠲᠦᠷᠦᠯ ᠰᠠᠲᠤᠨ ᠢ ᠶᠡᠭᠡ ᠬᠦᠨᠲᠦᠳᠭᠡᠵᠦ᠂ ᠨᠡᠷ᠎ᠡ ᠲᠠᠭᠤᠲᠠᠯᠭ᠎ᠠ ᠶᠢᠨ ᠬᠢᠨᠢ ᠡᠮᠦᠨ᠎ᠡ ᠳᠤ          ︽ᠨᠠᠭᠠᠴᠤ᠂ ᠨᠠᠭ᠎ᠠ︾ ᠭᠡᠬᠦ ᠵᠡᠷᠭᠡ ᠦᠭᠡᠰ ᠢᠶᠠᠷ ᠵᠠᠰᠠᠲᠠᠭ ᠪᠠᠶᠢᠨ᠎ᠠ᠃ ᠲᠠᠷᠤᠢ᠂ ᠨᠠᠭᠠᠴᠤ ᠠᠪᠤ᠂ ᠨᠠᠭ᠎ᠠ ᠠᠭ᠎ᠠ᠂ ᠨᠠᠭᠠᠲᠤᠮ ᠭᠡᠬᠦ ᠮᠡᠲᠦ ᠵᠦᠩᠲᠡᠭᠡᠨ᠃ ᠡᠭᠡ ᠶᠢᠨ ᠲᠦᠷᠦᠯ ᠳᠤ ᠬᠠᠮᠢᠶᠠᠲᠠᠭᠤᠯᠤᠭᠰᠠᠨ ᠡᠮᠡᠭᠲᠡᠢ ᠬᠦᠮᠦᠰ ᠤᠨ ᠲᠠᠭᠤᠲᠠᠯᠭ᠎ᠠ ᠳᠤ ︽‍ᠨᠢᠶ᠎ᠠ︾ ᠶᠢ ᠠᠪᠴᠤ ᠬᠡᠷᠡᠭᠯᠡᠲᠡᠭ᠂ ᠭᠡᠬᠦ ᠳᠡᠭᠡᠨ ︽ᠠ᠊᠂ ᠡ᠊᠂ ᠢ᠊᠂ ᠤ᠊᠂ ᠦ᠊︾ ᠪᠦᠯᠦᠭ ᠲᠤ ᠢᠯᠭᠠᠨ ᠳᠠᠭᠤᠳᠠᠳᠠᠭ᠃ ᠲᠠᠷᠤᠢ᠂ ︽ᠠᠨᠢᠶ᠎ᠠ᠂ ᠡᠨᠢᠶ᠎ᠡ᠂ ᠢᠨᠢᠶ᠎ᠡ︾ ᠵᠡᠷᠭᠡ᠃ ᠡᠲᠡᠭᠡᠷ ᠲᠠᠭᠤᠲᠠᠯᠭ᠎ᠠ ᠡᠬᠡᠴᠢᠯᠡᠯ ᠤᠨ ᠤᠪᠤᠭ ᠲᠦᠷᠦᠯ ᠤᠨ ᠦᠶ᠎ᠡ ᠶᠢᠨ ᠦᠩᠭᠡ ᠪᠤᠲᠤᠭ ᠲᠠᠢ ᠪᠠᠶᠢᠭ᠎ᠠ ᠶᠢ ᠦᠵᠡᠵᠦ ᠭᠠᠷᠴᠤ ᠪᠤᠯᠤᠨ᠎ᠠ᠃ ᠲᠠᠷᠤᠢ᠂ ᠡᠮ᠎ᠡ ᠬᠦᠢᠰᠦᠲᠡᠨ ᠢ ᠲᠡᠮᠲᠡᠭᠯᠡᠭᠰᠡᠨ ᠲᠠᠭᠤᠲᠠᠯᠭ᠎ᠠ ᠳᠤ᠂ ︽ᠠᠨᠢᠶ᠎ᠠ᠂ ᠡᠨᠢᠶ᠎ᠡ᠂ ᠢᠨᠢᠶ᠎ᠡ᠂ ᠤᠨᠢᠶ᠎ᠠ᠂ ᠦᠨᠢᠶ᠎ᠡ᠂ ᠢᠩᠭᠡ᠂ ︵ᠬᠤᠨᠢ︶︾ ᠵᠡᠷᠭᠡ ᠪᠤᠢ᠃ ᠦᠨᠢᠶ᠎ᠡ — ᠬᠦᠮᠦᠰ ᠲᠡᠭᠦᠨ ᠤ ᠰᠦ ᠶᠢ ᠤᠤᠭᠤᠲᠠᠭ ᠢᠶᠠᠷ ᠢᠶᠠᠨ ᠡᠭᠡ ᠶᠢᠨ ᠲᠦᠷᠦᠯ ᠤᠨ ᠬᠢᠨ ᠤ ᠲᠠᠭᠤᠲᠠᠯᠭ᠎ᠠ  ᠳᠤ ᠢᠵᠢᠯᠢᠲᠦᠭᠦᠯᠦᠨ ᠮᠠᠰᠢ ᠬᠦᠨᠲᠦᠳᠭᠡᠨ ᠲᠠᠭᠤᠲᠠᠭᠰᠠᠨ ᠨᠢ ᠢᠯᠡᠭᠡᠨ ᠪᠠᠶᠢᠨ᠎ᠠ᠃ᠤᠨᠢᠶ᠎ᠠ — ᠤᠨᠤᠭᠤ — ᠨᠠᠮᠠᠭ᠎ᠠ ︵ᠨᠠᠪᠴᠢ︶᠂ ᠤᠮᠠᠶᠢᠭ᠎ᠠ᠂ ᠤᠮᠠᠢ᠂ ᠠᠮᠰᠠᠷ᠂ ᠡᠮ᠎ᠡ ︵ᠡᠮᠴᠢ᠂ ᠤᠮᠠᠶᠢᠴᠢ ︶᠂ ᠡᠮᠭᠡ᠂ ᠡᠮᠧ᠂ ᠮᠡᠭᠡᠵᠢ᠂ ᠢᠮᠠᠭ᠎ᠠ᠂ ᠦᠮᠧ᠂ ᠮᠦᠮᠦ᠂ ᠬᠦᠮᠦ᠂ ᠬᠦᠮᠦᠨ ᠭᠡᠬᠦ ᠮᠡᠲᠦ ᠲᠦᠷᠦᠭᠲᠡᠨ ᠪᠦᠯᠦᠭᠵᠢᠭᠰᠡᠨ ᠪᠠᠶᠢᠵᠤ ᠮᠡᠲᠡᠨ᠎ᠡ᠃ ᠦᠨᠳᠦᠰᠦᠨ ᠳᠡᠭᠡᠨ ︽ᠠᠮ᠂ ᠡᠮ᠂ ᠢᠮ᠂ ᠤᠮ᠂ ᠦᠮ︾ ᠤᠨ ᠲᠤᠭᠤᠷᠢᠨ  ᠳᠤ ᠪᠦᠯᠦᠭᠵᠢᠨ ᠡᠮ᠎ᠡ ᠬᠦᠢᠰᠦᠲᠡᠨ ᠠᠴᠠ ᠡᠰᠢᠯᠡᠭᠰᠡᠨ ᠨᠢᠭᠡᠨ ᠪᠦᠯᠦᠭ ᠲᠠᠭᠤᠲᠠᠯᠭ᠎ᠠ ᠶᠢ ᠪᠦᠲᠦᠭᠡᠭᠰᠡᠨ ᠰᠢᠭ ᠪᠠᠶᠢᠨ᠎ᠠ᠃ ᠤᠮᠠᠶᠢᠭ᠎ᠠ — ᠤᠮᠤᠭ᠂ ᠤᠪᠤᠭ᠂ ᠤᠪᠤᠭ᠎ᠠ ᠭᠡᠬᠦ ᠮᠡᠲᠦ ᠤᠯᠠᠷᠢᠵᠤ ᠢᠷᠡᠭᠰᠡᠨ ᠪᠠᠶᠢᠵᠤ ᠮᠡᠲᠡᠨ᠎ᠡ᠃ ᠲᠡᠭᠡᠬᠦ ᠳᠤ᠂ ᠤᠪᠤᠭ᠎ᠠ ᠨᠢ ᠡᠴᠦᠰ ᠲᠡᠭᠡᠨ ᠮᠥᠨ ᠯᠠ ᠡᠭᠡ ᠶᠢᠨ ᠲᠦᠷᠦᠯ᠂ ᠡᠮ᠎ᠡ ᠬᠦᠢᠰᠦ ᠶᠢ ᠲᠡᠭᠡᠲᠦᠯᠡᠭᠰᠡᠨ ᠪᠡᠯᠭᠡ ᠲᠡᠮᠲᠡᠭ ᠪᠤᠯᠵᠤ᠂ ᠰᠡᠴᠡ ᠲᠠᠢ ᠤᠪᠤᠭ᠎ᠠ ᠨᠢ ᠲᠠᠷᠤᠢ ᠨᠢᠭᠡᠨ ᠪᠦᠷᠢᠨ ᠪᠦᠲᠦᠨ ︽ᠪᠡᠯᠭᠡ︾ ᠲᠡᠮᠲᠡᠭ ᠢ ᠢᠯᠡᠳᠭᠡᠬᠦ ᠪᠠᠷ ᠵᠤᠷᠢᠭᠰᠠᠨ᠂ ᠡᠭᠡᠴᠢᠯᠡᠯ ᠤᠨ ᠤᠪᠤᠭ ᠲᠦᠷᠦᠯ ᠤᠨ ᠦᠶᠡᠰ ᠤᠨ ᠰᠤᠶᠤᠯ ᠲᠡᠮᠲᠡᠭ ᠢ ᠬᠠᠲᠠᠭᠠᠯᠠᠵᠤ ᠪᠠᠶᠢᠭ᠎ᠠ ᠰᠢᠭ᠋᠃ᠨᠠᠷᠠ ᠪᠤᠯ ᠲᠠᠷᠤᠢ ᠤᠪᠤᠭ᠎ᠠ ᠮᠥᠨ᠂ ᠲᠡᠷᠨ ᠮᠦᠷᠲᠡᠭᠡᠨ ᠰᠡᠴᠡ ᠲᠠᠢ ᠤᠪᠤᠭ᠎ᠠ ᠪᠤᠯᠬᠤ ᠶᠤᠮ ᠪᠠᠶᠢᠨ᠎ᠠ᠃ ︽ᠨᠠᠷᠠᠨ  ᠤ ᠭᠡᠷᠡᠯ ᠰᠠᠴᠤᠷᠠᠨ᠎ᠠ︾ ᠭᠡᠲᠡᠭ ᠦᠭᠡ ᠶᠢ ᠪᠢᠲᠡ ᠬᠡᠴᠢᠨᠡᠨ ᠦᠶ᠎ᠡ ᠠᠮᠠᠨ ᠲᠠᠷᠨᠢ ᠰᠢᠭ᠋ ᠤᠯᠠᠮᠵᠢᠯᠠᠨ ᠶᠠᠷᠢᠭᠰᠠᠭᠠᠷ ᠢᠷᠡᠭᠰᠡᠨ ᠶᠤᠮ᠂ ᠡᠭᠦᠨ ᠳᠤ ︽ᠨᠠᠷᠠ᠂ ᠭᠡᠷᠡᠯ᠂ ᠰᠡᠴᠡ︾ ᠭᠤᠷᠪᠠᠨ ᠦᠭᠡ ᠲᠤᠲᠤᠷᠠᠵᠤ ᠪᠠᠶᠢᠨ᠎ᠠ᠃ ᠠᠳᠡ ᠠᠴᠠ ᠪᠠᠰᠨ ᠨᠢᠭᠡᠨ ᠲᠤᠲᠤᠷᠬᠠᠢ ᠰᠤᠷᠠᠭ ᠲᠤᠬᠢᠶ᠎ᠠ ᠢᠯᠡᠷᠡᠬᠦ ᠪᠤᠯᠤᠨ᠎ᠠ᠃ ᠲᠠᠷᠤᠢ᠄   ︽ᠨᠡᠷᠡ ︵ᠤᠪᠤᠭ᠎ᠠ︶ ᠭᠡᠷᠡᠯ ᠰᠡᠴᠡ ᠲᠠᠢ︾᠃ ᠨᠡᠷᠡ— ᠲᠦᠭ ᠲᠦᠮᠡᠨ ᠢ ᠲᠦᠷᠦᠵᠦ ᠲᠦᠯᠵᠢᠭᠦᠯᠦᠭᠴᠢ ᠡᠭᠡ ᠨᠡᠷᠡ ᠮᠥᠨ᠃ᠰᠠᠶ᠋ᠢ ᠪᠢᠲᠡ ︽ᠨᠡᠷᠨ — ᠤᠪᠤᠭ᠎ᠠ — ᠨᠡᠷᠡ︾ ᠬᠦᠷᠲᠡᠯ᠎ᠡ ᠡᠷᠬᠢᠴᠡᠭᠦᠯᠦᠨ ᠲᠤᠩᠭᠠᠵᠤ᠂ ︽ᠮᠤᠩᠭᠤᠯᠴᠤᠳ  ᠨᠢ ᠨᠡᠷᠡ ᠶᠢ ᠪᠠᠰᠠ ᠤᠪᠤᠭ᠎ᠠ ᠭᠡᠵᠦ ᠦᠵᠡᠵᠦ ᠪᠠᠶᠢᠪᠠ︾ ᠭᠡᠲᠡᠭ ᠰᠡᠷᠡᠯᠲᠡ ᠤᠯᠪᠠ᠃ ᠡᠨᠡ ᠬᠤᠭᠤᠷᠤᠨᠲᠤ ᠬᠡᠲᠦᠨ ᠠᠪᠢᠶ᠎ᠠ ︽ᠨ᠊᠂ ᠮ᠊᠂ ᠪᠡ᠊︾ ᠰᠡᠯᠭᠦᠨ ᠬᠤᠪᠢᠷᠠᠵᠤ ᠦᠭᠡᠰ ᠤᠨ ᠰᠠᠩ ᠪᠠᠶᠠᠯᠢᠭᠵᠢᠪᠠ᠃ ᠲᠠᠭᠠᠤ ᠳᠤᠨᠢ ᠡᠭᠡ ᠶᠢᠨ ᠲᠦᠷᠦᠯ᠂ ᠡᠮ᠎ᠡ ᠬᠦᠢᠰᠦ ᠶᠢᠨ ᠪᠡᠯᠭᠡ ᠲᠡᠮᠲᠡᠭ ᠨᠢ ᠤᠤᠯ ᠦᠭᠡᠰ ᠤᠨ ᠤᠳᠬ᠎ᠠ ᠶᠢ ᠬᠠᠲᠠᠭᠠᠯᠠᠬᠤ ᠳᠤ ᠢᠮᠠᠭᠲᠠ ᠦᠢᠯᠡᠲᠦᠯ ᠦᠵᠡᠭᠦᠯᠦᠭᠰᠡᠭᠡᠷ ᠪᠠᠶᠢᠪᠠ᠃ ᠲᠡᠭᠡᠪᠡᠯ᠄ ︽ᠨ᠊᠂ ᠮ᠊᠂ ᠪᠡ᠊︾ ᠶᠢ ᠢᠵᠠᠭᠤᠷ ᠤᠨ ᠪᠦᠯᠦᠭ ᠭᠡᠵᠦ ᠦᠵᠡᠬᠦ ᠤᠤ⁈ ᠡᠰᠡᠭᠦᠯ᠎ᠡ᠂ ᠪᠠᠶᠢᠭᠠᠯᠢ ᠶᠢᠨ ᠪᠡᠯᠭᠡ ᠲᠡᠮᠲᠡᠭ ᠨᠢ ᠪᠦᠯᠦᠭᠵᠢᠯ ᠤᠨ ᠦᠢᠯᠡᠲᠦᠯ ᠭᠠᠷᠭᠠᠯ᠎ᠠ ᠭᠡᠬᠦ ᠤᠤ⁈ ᠬᠡᠯᠡᠨ ᠤ ᠦᠵᠡᠭᠲᠡᠯ ᠠᠴᠠ ᠠᠪᠴᠤ ᠦᠵᠡᠪᠡᠯ ︽ᠨ᠊᠂ ᠮ᠊᠂ ᠪᠡ᠊︾ ᠨᠢ ᠪᠦᠯᠦᠭᠵᠢᠯ ᠤᠨ ᠦᠢᠯᠡᠲᠦᠯ ᠭᠠᠷᠭᠠᠯ᠎ᠠ ᠭᠡᠵᠦ ᠪᠤᠯᠬᠤ ᠮᠡᠲᠦ᠃ ᠤᠳᠬ᠎ᠠ ᠲᠤᠭᠲᠠᠭᠠᠭᠰᠠᠨ ᠰᠢᠨᠵᠢ ᠠᠴᠠ ᠨᠢ ᠠᠪᠴᠦ ᠦᠵᠡᠪᠡᠯ ᠪᠠᠶᠢᠭᠠᠯᠢ ᠳᠠᠬᠢ ᠲᠦᠰᠦᠭᠡᠲᠡᠢ ᠪᠡᠯᠭᠡ ᠲᠡᠮᠲᠡᠭ ᠨᠢ ᠪᠦᠯᠦᠭᠵᠢᠯ ᠤᠨ ᠦᠢᠯᠡᠲᠦᠯ ᠭᠠᠷᠭᠠᠯ᠎ᠠ ᠭᠡᠵᠦ ᠪᠤᠯᠬᠤ ᠮᠡᠲᠦ᠃ ᠲᠡᠭᠡᠬᠦ ᠳᠤ ᠬᠦᠷᠪᠡᠯ᠂ ︽ᠮᠤᠩᠭᠤᠯ ᠬᠡᠯᠡᠨ ᠤ ᠵᠠᠷᠢᠮ ᠦᠭᠡᠰ ᠤᠨ ᠪᠦᠷᠢᠯᠲᠦᠯ ᠵᠢᠴᠢ ᠲᠡᠲᠡᠭᠡᠷ ᠤᠨ ᠤᠳᠬ᠎ᠠ ᠨᠢ ᠤᠯᠠᠨ ᠢᠵᠠᠭᠤᠷ ᠤᠨ ᠪᠦᠯᠦᠭ ᠠᠴᠠ ᠰᠢᠯᠲᠠᠭᠠᠯᠠᠭᠲᠠᠨ᠎ᠠ︾ ᠬᠡᠲᠡᠭ ᠲᠡᠨᠢᠯᠲᠡ ᠪᠤᠢ ᠪᠤᠯᠵᠤ ᠪᠤᠯᠤᠨ᠎ᠠ᠃ᠮᠤᠩᠭᠤᠯᠴᠤᠳ᠂ ᠨᠡᠷᠡᠨ ᠤ ᠲᠤᠬᠠᠢ ᠰᠤᠶᠤᠯ ᠢᠶᠠᠨ ᠡᠬᠡ ᠶᠢᠨ ᠲᠦᠷᠦᠯ ᠤᠨ ᠲᠤᠬᠠᠢ ᠰᠤᠶᠤᠯ᠂ ᠠᠮᠢᠲᠠᠨ ᠤᠷᠭᠤᠮᠠᠯ  ᠤᠨ ᠲᠤᠬᠠᠢ ᠰᠤᠶᠤᠯ᠂ ᠠᠭᠤᠯᠨ ᠤᠪᠤᠭ᠎ᠠ ᠶᠢᠨ ᠲᠤᠬᠠᠢ ᠰᠤᠶᠤᠯ ᠲᠠᠢ ᠪᠠᠨ ᠨᠢᠭᠲᠠ ᠤᠶᠠᠯᠲᠤᠭᠤᠯᠵᠤ ᠦᠭᠡ ᠬᠡᠯᠡᠨ  ᠤ ᠲᠤᠬᠠᠢ ᠰᠤᠶᠤᠯ ᠢᠶᠠᠨ ᠬᠦᠭᠵᠢᠭᠦᠯᠦᠭᠰᠡᠨ ᠨᠢ ᠶᠠᠭ ᠨᠠᠶᠢᠷᠡᠯ ᠬᠦᠭᠵᠢᠮ ᠡᠭᠦᠰᠭᠡᠬᠦ ᠳᠤ ᠪᠡᠯᠡᠳᠭᠡᠭᠰᠡᠨ ᠡᠯᠳᠡᠪ ᠡᠭᠡᠰᠢᠯᠭᠡᠲᠦ ᠬᠦᠭᠵᠢᠮ ᠤᠨ ᠪᠠᠭᠠᠵᠢᠳ ᠬᠡᠮᠡᠷ ᠦᠭᠡᠰ ᠤᠨ ᠪᠦᠯᠦᠭ ᠪᠤᠯᠵᠤ ᠲᠤᠲᠤᠷᠠᠵᠤ ᠪᠠᠶᠢᠲᠠᠭ᠃ ᠡᠨᠡᠬᠦ ᠪᠠᠶᠢᠭᠠᠯᠢ᠂ ᠠᠮᠢᠲᠤᠷᠠᠯ᠂ ᠰᠤᠶᠤᠯ ᠵᠠᠩᠰᠢᠯ᠂ ᠦᠭᠡ ᠬᠡᠯᠨ ᠲᠡᠭᠡᠲᠦ ᠬᠡᠮᠵᠢᠶᠡᠨ ᠳᠤ ᠤᠶᠠᠯᠲᠤᠭᠰᠠᠨ ᠴᠢᠩᠭ᠎ᠠ ᠨᠢᠭᠲᠠ ᠬᠡᠯᠡᠨ ᠤ ᠲᠤᠭᠲᠠᠯᠴᠠᠭ᠎ᠠ ᠨᠢ᠂ ᠮᠦᠨ ᠬᠡᠯᠡᠨ ᠤ ᠬᠦᠭᠵᠢᠯᠲᠡ ᠶᠢᠨ ᠲᠡᠤᠬᠡ᠂ ᠵᠢᠮ᠎ᠡ᠂ ᠤᠷ᠎ᠠ ᠵᠡᠷᠭᠡ ᠵᠡᠷᠭᠡ ᠶᠢᠨ ᠲᠤᠬᠠᠢ ᠤᠯᠠᠨ ᠲᠠᠯ᠎ᠠ ᠶᠢᠨ ᠰᠤᠷᠠᠭ ᠵᠠᠩᠬᠢ ᠶᠢ ᠲᠤᠰᠬᠠᠵᠤ ᠪᠠᠶᠢᠨ᠎ᠠ᠃ ᠠᠳᠡ ᠠᠴᠠ ᠪᠠᠰᠨ ᠦᠭᠡ ᠬᠡᠯᠡᠨ ᠤ ᠰᠢᠨᠵᠢᠯᠡᠭᠡ ᠰᠤᠲᠤᠯᠭᠠᠨ ᠤ ᠵᠠᠷᠢᠮ ᠲᠠᠯ᠎ᠠ ᠶᠢᠨ ᠵᠢᠮ᠎ᠡ ᠵᠦᠢ ᠶᠢ ᠠᠩᠬᠠᠷᠴᠤ ᠤᠯᠲᠠᠭ ᠪᠠᠶᠢᠨ᠎ᠠ᠃ᠬᠤᠯᠪᠤᠭ᠎ᠠ ᠦᠭᠡᠨ ᠠᠴᠠ ᠬᠡᠯᠡᠨ ᠤ ᠵᠠᠷᠢᠮ ᠦᠵᠡᠭᠲᠡᠯ ᠢ ᠠᠵᠢᠭᠯᠠᠵᠤ ᠪᠤᠯᠤᠨ᠎ᠠ᠃ ᠠᠨᠠᠭᠠᠬᠤ ᠤᠬᠠᠭᠠᠨ — ᠡᠨᠡᠬᠦ ᠬᠤᠯᠪᠤᠭ᠎ᠠ ᠦᠭᠡ ᠶᠢᠨ ᠬᠤᠪᠢᠷᠠᠯᠳᠠ ᠤᠨᠴᠠᠭᠠᠢ ᠪᠠᠶᠢᠨ᠎ᠠ᠃ ᠪᠤᠴᠠᠭᠠᠨ ᠪᠤᠲᠤᠪᠠᠯ᠂ ᠤᠤᠯ ᠬᠤᠯᠪᠤᠭ᠎ᠠ ᠦᠭᠡ ᠨᠢ ︽ᠠᠨᠠ ᠬᠤᠬᠠᠭᠠᠨ︾ ᠭᠡᠲᠡᠭ ᠦᠬᠡ ᠪᠠᠶᠢᠭᠰᠠᠨ ᠢᠶᠠᠨ ᠬᠤᠵᠢᠮ ᠳᠠᠭᠠᠨ ᠬᠤᠪᠢᠷᠠᠭᠠᠳ ︽ᠠᠨᠠᠭᠠᠬᠤ ᠤᠬᠠᠭᠠᠨ︾ ᠪᠤᠯᠤᠭᠰᠠᠨ ᠰᠢᠭ᠋᠃ ᠦᠭᠡᠷ᠎ᠡ ᠪᠠᠷ ᠬᠡᠯᠡᠪᠡᠯ ︽ᠬᠤᠬᠠᠭᠠᠨ︾ ᠭᠡᠬᠦ ᠦᠭᠡ ᠶᠢᠨ ᠳᠡᠬᠡᠷᠡᠬᠢ ︽ᠬ᠊︾ ᠨᠢ ᠡᠮᠦᠨᠡᠬᠢ ︽ᠠᠨᠠ︾ ᠶᠢᠨ ᠲᠤᠤᠷ᠎ᠠ ᠤᠴᠢᠵᠤ ᠨᠡᠶᠢᠯᠡᠭᠰᠡᠨ ᠰᠢᠭ ᠪᠠᠶᠢᠨ᠎ᠠ᠃ ᠦᠰᠦᠭ ᠪᠢᠴᠢᠭ ᠪᠤᠢ ᠪᠤᠯᠬᠤ ᠠᠴᠠ ᠡᠮᠦᠨ᠎ᠡ᠂ ᠦᠭᠡ ᠬᠡᠯᠡᠨ ᠳᠤ ᠨᠡᠩᠳᠡ ᠤᠯᠠᠨ ᠪᠤᠲᠤᠯᠢᠶᠠᠨ ᠲᠠᠢ ᠦᠵᠡᠭᠲᠡᠯ ᠪᠠᠶᠢᠭᠰᠠᠨ ᠨᠢ ᠮᠠᠭᠠᠳ ᠲᠠᠢ᠃ ᠶᠡᠷᠦ ᠨᠢ ᠮᠤᠩᠭᠤᠯᠴᠤᠳ ᠪᠤᠯ ᠰᠢᠯᠦᠭᠴᠢᠨ ᠦᠨᠳᠦᠰᠦᠲᠡᠨ᠂ ᠠᠮᠠᠨ ᠰᠢᠯᠦᠭᠴᠢ ᠭᠡᠵᠦ ᠬᠡᠯᠡᠭᠡᠳ ᠯᠠ ᠪᠠᠶᠢᠭᠰᠠᠨ ᠨᠢ ᠨᠢᠭᠡ ᠬᠤᠪᠢ ᠳᠠᠭᠠᠨ ᠬᠡᠯᠡᠨ ᠤ ᠤᠷᠴᠢᠨ ᠢᠶᠠᠨ ᠪᠦᠷᠢᠯᠲᠦᠭᠦᠯᠬᠦ ᠶᠢᠨ ᠲᠦᠯᠦᠭᠡ᠂ ᠢᠯᠡᠳᠭᠡᠬᠦ ᠤᠳᠬ᠎ᠠ ᠶᠢᠨ ᠤᠷᠴᠢᠨ  ᠢᠶᠠᠨ ᠰᠡᠷᠡᠭᠲᠡᠭᠦᠯᠬᠦ ᠶᠢᠨ ᠡᠭᠦᠲᠡᠨ ᠠᠴᠠ ᠴᠦ ᠰᠢᠯᠦᠭ ᠶᠠᠷᠢᠵᠤ ᠯᠠ ᠪᠠᠶᠢᠬᠤ ᠤᠴᠢᠷ ᠲᠠᠢ ᠪᠠᠶᠢᠭᠰᠠᠨ ᠭᠡᠵᠦ ᠰᠠᠨᠠᠭᠲᠠᠨ᠎ᠠ᠃ᠲᠡᠷᠭᠡ —车᠃ ᠬᠢᠲᠡᠳ ᠬᠡᠯᠡᠨ ᠳᠤ ᠨᠦᠯᠦᠭᠡᠯᠡᠵᠦ ᠤᠴᠢᠭᠰᠠᠨ ᠦᠭᠡ ᠪᠠᠶᠢᠵᠤ ᠮᠡᠲᠡᠨ᠎ᠡ᠃ ᠭᠡᠷᠪᠡ ᠲᠡᠶᠢᠮᠦ ᠪᠤᠯ ︽车︾ ᠨᠢ ︽ᠲᠡᠷᠭᠡ︾ ᠭᠡᠬᠦ ᠦᠭᠡ ᠶᠢᠨ ᠤᠵᠠᠭᠤᠷ ᠲᠠᠭᠤᠲᠠᠯᠭ᠎ᠠ ᠪᠤᠶᠤ ᠤᠳᠬ᠎ᠠ ᠶᠢ ᠦᠨᠳᠦᠰᠦᠨ ᠳᠡᠭᠡᠨ ᠬᠠᠲᠠᠭᠠᠯᠠᠵᠤ ᠪᠤᠯᠤᠨ᠎ᠠ᠃ ︽ᠲ᠊᠂ ᠴ᠊︾ ᠰᠡᠯᠭᠦᠴᠡᠲᠡᠭ᠃ ᠲᠡᠷᠭᠡ ᠭᠡᠬᠦ ᠦᠭᠡ ᠶᠢᠨ ᠤᠳᠬ᠎ᠠ ᠶᠢᠨ ᠢᠷᠡᠯᠲᠡ ︽ᠴ᠊︾ ᠠᠪᠢᠶ᠎ᠠ ᠲᠠᠢ ᠬᠤᠯᠪᠤᠭ᠎ᠠ ᠲᠠᠢ ᠪᠠᠶᠢᠵᠤ ᠮᠡᠲᠡᠨ᠎ᠡ᠃ ᠦᠭᠡᠷ᠎ᠡ ᠪᠠᠷ ᠬᠡᠯᠪᠡᠯ ︽ᠴ᠊︾ ᠠᠪᠢᠶ᠎ᠠ ᠨᠢ ᠶᠠᠭ ᠰᠠᠶᠢᠬᠠᠨ ᠠᠴᠢᠵᠤ ᠲᠡᠭᠡᠭᠡᠬᠦ ᠤᠳᠬ᠎ᠠ ᠲᠡᠭᠡᠷ᠎ᠡ ᠵᠦᠩᠳᠡᠭᠡᠨ ᠬᠤᠯᠪᠤᠭᠲᠠᠵᠤ ᠪᠠᠶᠢᠲᠠᠭ᠃ ᠡᠪᠡᠰᠦ ᠲᠦᠯᠡᠭᠡ ᠦᠯᠢᠵᠦ ᠠᠪᠲᠠᠭ ᠪᠠᠭᠠᠵᠢ ᠶᠢ ︽ᠴᠡ ︵ᠠᠴᠠ︶︾ ᠭᠡᠲᠡᠭ᠃ ᠮᠠᠯ ᠤᠨᠤᠭ᠎ᠠ ᠶᠢᠨ ᠨᠢᠷᠤᠭᠤᠨ ᠲᠡᠭᠡᠷ᠎ᠡ ᠡᠳ᠋ ᠬᠡᠷᠡᠭᠰᠡᠯ ᠵᠤᠬᠢᠴᠠᠭᠤᠯᠤᠨ ᠲᠦᠪᠬᠢᠨᠡᠭᠦᠯᠬᠦ ᠶᠢ ︽ᠠᠴᠠᠬᠤ︾ ᠭᠡᠲᠡᠭ᠂ ᠠᠴᠠ ᠡᠪᠡᠷ ᠲᠠᠢ ᠪᠤᠭᠤ ᠶᠢ ︽ᠴᠠ︾ ᠪᠤᠭᠤ ᠭᠡᠲᠡᠭ᠂ ᠴᠠ ᠪᠤᠭᠤᠨ ᠳᠤ ᠡᠳ᠋ ᠬᠡᠷᠡᠭᠰᠡᠯ ᠠᠴᠢᠵᠤ ᠵᠦᠭᠡᠭᠡᠲᠡᠭ᠂ ᠴᠠ ᠪᠤᠭᠤ ᠪᠠᠷ ᠴᠠᠷᠭ᠎ᠠ ᠴᠢᠷᠦᠭᠦᠯᠲᠡᠭ᠃ ᠴᠠ ᠪᠤᠭᠤ ᠭᠡᠰᠡᠨ ᠨᠢ ᠠᠴᠢᠶᠠᠨ ᠤ ᠪᠤᠭᠤ ᠭᠡᠰᠡᠨ ᠤᠳᠬ᠎ᠠ ᠲᠠᠢ ᠪᠠᠶᠢᠵᠤ ᠮᠡᠲᠡᠨ᠎ᠡ᠂ ︽ᠴᠠᠷᠭ᠎ᠠ︾ ᠭᠡᠲᠡᠭ ᠨᠢ ︽ᠴᠠ ᠠᠷᠭ᠎ᠠ ᠂ ᠠᠴᠠ ᠠᠷᠭ᠎ᠠ᠂ ᠠᠴᠠᠬᠤ ᠠᠷᠭ᠎ᠠ︾ ᠭᠡᠰᠡᠨ ᠦᠭᠡ ᠶᠢᠨ ᠲᠤᠪᠴᠢ ᠬᠡᠯᠡᠯᠭᠡ ᠪᠠᠶᠢᠵᠤ ᠮᠡᠲᠡᠨ᠎ᠡ᠃ ︽ᠴᠠ︾ ᠶᠢ ᠬᠢᠲᠡᠳ ᠬᠡᠯᠡᠨ ᠲᠡᠭᠡᠷ᠎ᠡ ︽ᠴᠧ︾ ᠭᠡᠵᠦ ᠶᠠᠷᠢᠬᠤ ᠵᠢᠱᠢᠶ᠎ᠡ ᠪᠠᠰᠨ ᠪᠠᠶᠢᠨ᠎ᠠ᠃ ᠴᠠ ᠪᠤᠭᠤ ᠲᠡᠵᠢᠭᠡᠲᠡᠭ ᠨᠢᠭᠡᠨ ᠤᠭᠰᠠᠭ᠎ᠠ ᠶᠢ ︽ᠴᠠᠴᠢᠨ︾ ᠭᠡᠲᠡᠭ᠃ ᠬᠢᠲᠡᠳ ᠬᠡᠯᠨ ᠲᠡᠭᠡᠷ᠎ᠡ ᠰᠢᠭᠤᠳ   ︽ᠴᠧᠴᠧᠨ︾ ᠭᠡᠵᠦ ᠲᠠᠭᠤᠲᠠᠵᠤ ᠪᠠᠶᠢᠨ᠎ᠠ᠃ ᠲᠡᠭᠡᠪᠡᠯ᠂ ︽ᠲᠡᠷᠭᠡ᠂ ᠴ᠊᠂车︾ ᠶᠢᠨ ᠬᠤᠯᠪᠤᠭᠲᠠᠯ ᠳᠤ ᠵᠤᠷᠢᠭᠤᠯᠵᠤ ︽ᠴ᠊︾ ᠠᠪᠢᠶ᠎ᠠ ᠪᠦᠬᠦᠢ ᠬᠡᠰᠡᠭ ᠦᠭᠡᠰ ᠠᠴᠠ ᠡᠷᠴᠢᠮ ᠡᠷᠢᠶ᠎ᠡ᠃ ᠴᠢᠬᠢ ᠪᠤᠯ ᠦᠭᠡ ᠲᠠᠭᠤ ᠶᠢ ᠲᠡᠭᠡᠭᠡᠵᠦ ᠠᠴᠠᠵᠤ ᠠᠪᠲᠠᠭ᠂ ᠴᠢᠩᠨᠠᠬᠤ ᠪᠤᠯ ᠲᠠᠷᠤᠢ ᠴᠢᠬᠢᠨ ᠤ ᠡᠭᠦᠷᠭᠡ ᠮᠥᠨ᠂ ᠪᠤᠭᠴᠤ ᠪᠤᠯ ᠨᠤᠮ ᠲᠡᠪᠲᠡᠷ ᠢ ᠠᠴᠢᠶᠠᠯᠠᠲᠠᠭ᠂ ᠪᠢᠴᠢᠭ ᠪᠤᠯ ᠦᠭᠡ ᠦᠰᠦᠭ ᠦᠯᠢᠭᠡᠷ ᠲᠡᠤᠬᠡ ᠶᠢ ᠠᠴᠢᠶᠠᠯᠠᠲᠠᠭ᠂ ᠮᠦᠴᠢ ᠪᠤᠯ ᠡᠵᠡᠨ ᠪᠡᠶ᠎ᠡ ᠪᠠᠨ ᠠᠴᠢᠶᠠᠯᠠᠲᠠᠭ᠃ ᠤᠩᠭᠤᠴᠠᠨ᠂ ᠨᠢᠰᠬᠦ ᠤᠩᠭᠤᠴᠠᠨ ᠵᠡᠷᠭᠡ ᠨᠢ ᠲᠠᠯᠠᠢ ᠪᠠ ᠠᠭᠠᠷ ᠢᠶᠠᠷ ᠠᠶᠠᠯᠠᠬᠤ ᠳᠤ ᠡᠳ᠋ ᠬᠡᠷᠡᠭᠰᠡᠯ ᠵᠡᠷᠭᠡ ᠶᠢ ᠠᠴᠠᠲᠠᠭ᠃ ᠴᠠᠭ ᠪᠤᠯ ᠮᠥᠨ ᠯᠠ ᠠᠴᠢᠶᠠᠯᠠᠭᠴᠢ ᠪᠤᠯᠬᠤ ᠪᠠᠶᠢᠨ᠎ᠠ᠃ ᠤᠷᠤᠨ ᠵᠠᠢ᠂ ᠭᠡᠷᠡᠯ ᠭᠡᠭᠡ᠂ ᠠᠮᠢ ᠨᠠᠰᠤ ᠮᠡᠲᠦ ᠠᠯᠢᠪᠠ ᠶᠢ ᠠᠴᠢᠶᠠᠯᠠᠵᠤ ᠪᠠᠶᠢᠭ᠎ᠠ᠃ ᠴᠠᠭ ᠲᠠᠢ ᠬᠤᠯᠪᠤᠭᠲᠠᠭᠰᠠᠨ ᠮᠦᠴᠨ ᠬᠤᠭᠤᠴᠠᠭ᠎ᠠ ᠬᠡᠬᠦ ᠦᠭᠡᠰ ᠲᠤ ᠪᠠᠰᠨ ᠪᠦᠷ ︽ᠴ᠊︾ ᠠᠪᠢᠶ᠎ᠠ ᠪᠠᠶᠢᠯᠴᠠᠨ᠎ᠠ᠃ ᠡᠲᠡᠭᠡᠷ ︽ᠴᠠ᠂ ᠠᠴᠠ᠂ ᠠᠴᠠᠬᠤ᠂ ᠴᠠ ᠪᠤᠭᠤ᠂ ᠴᠠᠨ᠎ᠠ᠂ ᠴᠠᠷᠭ᠎ᠠ᠂ ᠴᠢᠬᠢ᠂ ᠴᠢᠩᠨᠠᠬᠤ᠂ ᠪᠤᠭᠴᠤ᠂ ᠪᠢᠴᠢᠭ᠂ ᠮᠦᠴᠢ᠂ ᠤᠩᠭᠤᠴᠠᠨ᠂ ᠨᠢᠰᠬᠦ ᠤᠩᠭᠤᠴᠠᠨ᠂ ᠴᠠᠭ᠂ ᠮᠦᠴᠡ᠂ ᠬᠤᠭᠤᠴᠠᠭ᠎ᠠ︾ ᠵᠡᠷᠭᠡ ᠦᠭᠡᠰ ᠨᠢ ︽ᠴ᠊︾ ᠠᠪᠢᠶ᠎ᠠ ᠶᠢᠨ ᠲᠤᠭᠤᠷᠢᠨ ᠳᠤ ᠪᠦᠯᠦᠭᠵᠢᠵᠤ᠂ ᠠᠴᠠᠬᠤ ᠲᠡᠭᠡᠭᠡᠬᠦ ᠭᠡᠰᠡᠨ ᠦᠨᠳᠦᠰᠦᠨ ᠤᠳᠬ᠎ᠠ ᠶᠢᠨ ᠲᠤᠭᠤᠷᠢᠨ ᠳᠤ ᠪᠦᠷᠢᠯᠲᠦᠵᠡᠢ᠃ ᠲᠡᠭᠡᠪᠡᠯ᠂ ︽ᠡᠭᠡᠴᠢ︾ ᠭᠡᠬᠦ ᠦᠭᠡᠨ ᠳᠠᠬᠢ ︽ᠴᠢ︾ ᠠᠪᠢᠶ᠎ᠠ ᠨᠢ ᠤᠤᠯ ᠦᠭᠡ ᠶᠢ ︽ᠡᠬᠡ ᠪᠡᠶ᠎ᠡ ᠶᠢ ᠠᠴᠢᠶᠠᠯᠠᠭᠴᠢ᠂ ᠡᠬᠡ ᠡᠭᠦᠰᠦᠯ ᠢ ᠠᠴᠢᠶᠠᠯᠠᠭᠴᠢ︾ ᠭᠡᠰᠡᠨ ᠤᠳᠬ᠎ᠠ ᠲᠠᠢ ᠪᠤᠯᠭᠠᠵᠠᠢ᠃ ᠲᠡᠭᠦᠨ ᠤ ᠤᠯᠠᠮ ᠠᠴᠠ ︽ᠴᠢ︾ ᠠᠪᠢᠶ᠎ᠠ ᠶᠢ ᠶᠠᠮᠠᠷ ᠨᠢᠭᠡᠨ ᠠᠪᠢᠶ᠎ᠠ ᠲᠤᠬᠢᠶᠠᠨ ᠤ ᠲᠠᠷᠠᠭ᠎ᠠ ᠵᠠᠯᠭᠠᠵᠤ ᠶᠠᠮᠠᠷ ᠨᠢᠭᠡᠨ ᠵᠦᠢᠯ ᠢ ᠲᠠᠭᠠᠭᠠᠵᠤ ᠠᠴᠢᠶᠠᠯᠠᠭᠴᠢ ᠭᠡᠬᠦ ᠤᠳᠬ᠎ᠠ ᠶᠢ ᠢᠯᠡᠳᠭᠡᠵᠦ ᠪᠤᠯᠬᠤ ᠪᠤᠯᠤᠭᠰᠠᠨ ᠰᠢᠭ᠋᠃ ᠵᠢᠱᠢᠶ᠎ᠡ ︽ᠮᠠᠨᠠᠭᠠᠴᠢ᠂ ᠤᠶᠤᠲᠠᠯᠴᠢ᠂ ᠬᠠᠭᠠᠯᠭᠠᠴᠢ᠂ ᠭᠠᠯᠴᠢ᠂ ᠡᠮᠴᠢ᠂ ᠵᠦᠴᠢ᠂ ᠡᠭᠡᠴᠢ᠂ ᠮᠠᠯᠴᠢᠨ᠂ ᠠᠲᠤᠭᠤᠴᠢᠨ ᠭᠡᠬᠦ ᠮᠡᠲᠦ᠃ ᠴᠤᠬᠤᠰ ᠶᠠᠷᠢᠯᠴᠠᠪᠠᠯ᠄ ᠭᠠᠯᠴᠢ — ᠭᠠᠯ ᠲᠤᠭᠤᠭᠠᠨ ᠤ ᠠᠵᠢᠯ ᠢ ᠠᠴᠢᠶᠠᠯᠠᠭᠴᠢ᠂ ᠡᠮᠴᠢ — ᠡᠮ ᠲᠤᠮ᠂ ᠡᠪᠡᠳᠴᠢᠨ ᠬᠡᠮ ᠤᠨ ᠲᠤᠬᠠᠢ ᠠᠵᠢᠯ ᠠᠴᠢᠶᠠᠯᠠᠭᠴᠢ᠂ ᠵᠦᠴᠢ — ︽ᠵᠤᠴᠢᠨ︾ ᠭᠡᠬᠦ ᠦᠭᠡ ᠠᠴᠠ ᠪᠠᠭ᠋ᠠᠨ ᠵᠠᠶᠢᠯᠠᠰᠬᠢᠵᠠᠢ᠂ ᠭᠡᠲᠡᠯ᠎ᠡ ᠲᠡᠭᠦᠨ ᠲᠠᠢ ᠤᠶᠢᠷᠡᠬᠠᠨ ᠪᠠᠶᠢᠨ᠎ᠠ᠃ ᠲᠠᠷᠤᠢ ︽ᠵᠤᠴᠢᠨ ᠢ ᠬᠦᠯᠢᠶᠡᠨ ᠤᠭᠲᠤᠨ ᠲᠤᠬᠢᠨᠠᠭᠤᠯᠤᠭᠴᠢ᠂ ᠵᠦᠢ ᠶᠢ ᠮᠡᠲᠡᠭᠴᠢ︾ ᠭᠡᠰᠡᠨ ᠤᠳᠬ᠎ᠠ ᠲᠠᠢ ᠪᠠᠶᠢᠵᠤ ᠪᠤᠯᠤᠨ᠎ᠠ᠃ ᠤᠲᠤ ᠪᠠᠷ ᠬᠡᠯᠡᠪᠡᠯ         ︽ᠭᠠᠲᠠᠭᠠᠲᠤ ᠬᠠᠷᠢᠯᠴᠠᠭᠠᠨ ᠤ ᠠᠵᠢᠯ ᠶᠠᠪᠤᠲᠠᠯ ᠢ ᠡᠷᠬᠢᠯᠡᠨ ᠬᠠᠷᠢᠭᠤᠴᠠᠭᠴᠢ︾ ᠭᠡᠰᠡᠨ ᠤᠳᠬ᠎ᠠ ᠲᠠᠢ ᠭᠡᠵᠦ ᠦᠵᠡᠨ᠎ᠡ᠃ ᠠᠩᠬᠠᠷᠤᠯ ᠳᠤ ᠤᠷᠤᠬᠤ ᠨᠢ᠄ ᠡᠮᠦᠨᠡᠭᠡᠨ ᠬᠠᠰᠢᠯᠲᠠ ᠳᠠᠬᠢ ᠦᠭᠦᠯᠡᠪᠦᠷᠢ ᠶᠢ ᠦᠶᠡᠴᠢᠯᠡᠨ ᠲᠤᠭᠠᠯᠠᠪᠠᠯ ᠬᠤᠷᠢᠨ ᠭᠤᠷᠪᠠᠨ ᠦᠶ᠎ᠡ ᠪᠤᠯᠤᠨ᠎ᠠ᠂ ︽ᠵᠦᠴᠢ︾ ᠭᠡᠬᠦ ᠦᠭᠡ ᠬᠤᠶᠠᠷᠬᠠᠨ ᠦᠶ᠎ᠡ ᠲᠠᠢ᠂ ᠡᠭᠦᠨᠴᠡ ᠬᠠᠷᠠᠬᠤ ᠳᠤ᠂ ᠨᠢᠭᠡᠨᠳᠡ ᠲᠤᠭᠲᠠᠭᠰᠠᠨ ᠠᠪᠢᠶ᠎ᠠ ᠲᠤᠬᠢᠶᠠᠨ ᠤ ᠤᠳᠬ᠎ᠠ ᠪᠦᠬᠦᠢ ᠰᠢᠨᠵᠢ ᠶᠢ ᠬᠦᠢᠴᠡᠳ ᠠᠰᠢᠭᠯᠠᠵᠤ ᠴᠢᠲᠠᠪᠠᠯ ᠦᠭᠡ ᠬᠡᠯᠨ ᠶᠢ ᠬᠤᠷᠴᠠ ᠤᠨᠤᠪᠴᠢᠲᠠᠢ ᠲᠤᠪᠴᠢ ᠠᠪᠰᠠᠷ ᠬᠡᠷᠡᠭᠯᠡᠵᠦ᠂ ᠤᠳᠬ᠎ᠠ ᠰᠠᠨᠠᠭ᠎ᠠ  ᠶᠢ ᠬᠠᠩᠭᠠᠮᠵᠢᠲᠠᠢ ᠢᠯᠡᠳᠭᠡᠵᠦ ᠪᠤᠯᠲᠠᠭ᠃ ︽ᠵᠦᠴᠢ︾ ᠭᠡᠲᠡᠭ ᠨᠢ ︽ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠳᠠᠬᠢ ᠦᠭᠡ ᠶᠤᠮ ᠲᠤᠯᠨ ᠦᠭᠡᠷ᠎ᠡ ᠨᠢᠭᠤᠴᠠ ᠤᠳᠬ᠎ᠠ ᠪᠠᠰᠨ ᠪᠠᠶᠢᠵᠤ ᠪᠤᠯᠤᠨ᠎ᠠ᠂ ︽ᠵᠦᠭ ᠢ ᠮᠡᠲᠡᠭᠴᠢ᠂ ᠵᠦᠭᠴᠢ︾ ᠭᠡᠬᠦ ᠮᠡᠲᠦ ᠪᠠ ᠪᠤᠰᠤᠳ᠃ ᠤᠴᠢᠷ ᠨᠢ ᠲᠡᠮᠦᠵᠢᠨ ᠮᠡᠷᠬᠢᠳ ᠲᠤ ᠡᠷᠬᠡᠪᠰᠢ ᠴᠡᠷᠢᠭ ᠤᠷᠤᠬᠤ ᠳᠤ ᠵᠦᠭ ᠢ ᠲᠠᠲᠠᠭᠴᠢ ᠨᠢ ᠲᠠᠷᠤᠢ ᠵᠦᠴᠢ ᠮᠦᠨ ᠪᠤᠯᠤᠨ᠎ᠠ᠃ ᠲᠡᠶᠢᠮᠦ ᠮᠦᠷᠲᠡᠭᠡᠨ ᠲᠡᠮᠦᠵᠢᠨ ᠠᠩᠬ᠎ᠠ ᠶᠡᠭᠡ ᠲᠠᠶᠢᠨ ᠤ ᠢᠯᠡᠯᠳᠡ ᠤᠯᠬᠤ ᠵᠦᠭ  ᠢ ᠴᠦ ᠵᠦᠴᠢ ᠲᠠᠲᠠᠵᠤ ᠨᠡᠭᠡᠭᠡᠵᠡᠢ᠃ ᠲᠡᠶᠢᠨᠬᠦ ᠶᠡᠭᠡ ᠬᠠᠷᠢᠴᠠᠭ᠎ᠠ ᠬᠤᠯᠪᠤᠭᠠᠨ ᠲᠡᠭᠡᠷ᠎ᠡ ᠲᠠᠯᠪᠢᠭᠲᠠᠵᠤ ︽ᠵᠦᠴᠢ︾ ᠨᠡᠷ᠎ᠡ ᠪᠤᠢ ᠪᠤᠯᠬᠤᠨ᠎ᠠ᠃ᠪᠦᠮᠪᠦᠷᠴᠡᠭ ᠪᠤᠯ ᠮᠦᠨ ᠨᠢᠭᠡᠨ ᠲᠤᠮᠤ ᠠᠴᠢᠶᠠᠯᠠᠭᠴᠢ ᠮᠦᠨ᠃ ᠪᠢᠲᠡ ᠡᠮᠦᠨ᠎ᠡ ᠬᠡᠰᠡᠭ ᠢᠶᠠᠷ ︽ᠪᠦ᠊᠂ ᠷ᠊᠂ ᠴ᠊᠂ ᠬ᠋᠊ ︾ ᠵᠡᠷᠭᠡ ᠠᠪᠢᠶ᠎ᠠ ᠨᠤᠭᠤᠳ ᠤᠨ ᠵᠠᠷᠢᠮ ᠤᠨᠴᠠᠯᠢᠭ ᠢ ᠲᠤᠰᠪᠤᠷᠢ ᠠᠩᠬ᠎ᠠ ᠠᠯᠬᠤᠮ ᠰᠤᠲᠤᠯᠵᠤ ᠦᠩᠭᠡᠷᠡᠵᠡᠢ᠃ ᠤᠲᠤ ᠡᠨᠡᠬᠦ ︽ᠪᠦᠮᠪᠦᠷᠴᠡᠭ︾ ᠬᠡᠬᠦ ᠤᠬᠠᠭᠲᠠᠬᠤᠨ ᠳᠠᠬᠢ ᠡᠯ᠎ᠡ ᠡᠯᠧᠮᠧᠨ᠋ᠲ ᠶᠢ ᠠᠩᠬᠠᠷᠴᠤ ᠤᠩᠰᠢᠬᠤ ᠦᠶ᠎ᠡ ᠳᠤ᠂ ᠲᠡᠭᠦᠨ ᠳᠠᠬᠢ ᠠᠭᠤᠯᠬᠤᠨ ᠪᠠᠭ᠎ᠠ ᠪᠤᠰᠤ ᠭᠡᠲᠡᠭ ᠨᠢ ᠰᠡᠷᠡᠭᠲᠡᠨ᠎ᠡ᠃ ᠶᠠᠭᠤ ᠴᠦ ᠲᠡᠭᠦᠨ ᠤ ᠪᠦᠮᠪᠦᠷᠢᠭᠡᠨ ᠬᠡᠯᠪᠡᠷᠢ  ᠲᠠᠢ ᠪᠠᠶᠢᠬᠤ᠂ ᠶᠠᠭᠤ ᠴᠦ ᠲᠡᠭᠦᠨ ᠤ ᠪᠦᠮᠪᠦᠷᠴᠦ ᠡᠷᠬᠢᠵᠦ ᠪᠠᠶᠢᠬᠤ᠂ ᠲᠡᠭᠦᠨ ᠤ ᠲᠤᠭᠤᠷᠢᠭ ᠮᠦᠷ ᠢᠶᠠᠷ ᠵᠠᠮᠨᠠᠬᠤ᠂ ᠬᠡᠢ ᠦᠨᠲᠦᠷ ᠲᠤ ᠤᠷᠤᠰᠢᠬᠤ᠂ ᠠᠴᠢᠶᠠᠯᠠᠭᠴᠢ ᠪᠤᠯᠵᠤ ᠪᠠᠶᠢᠭ᠎ᠠ ᠬᠡᠬᠦ ᠮᠡᠲᠦ ᠲᠤᠰᠬᠠᠯ ᠢ ᠰᠡᠷᠡᠵᠦ ᠤᠯᠵᠤ ᠪᠤᠯᠤᠨ᠎ᠠ ᠃ ᠬᠡᠰᠡᠭᠯᠡᠨ ᠰᠢᠨᠵᠢᠪᠡᠯ᠄ ᠪᠦᠮᠪᠦ — ᠪᠦᠮᠪᠦᠶᠢᠭᠰᠡᠨ ᠪᠡᠶ᠎ᠡ ᠪᠤᠯᠬᠤ᠃ ᠪᠦᠮᠪᠦᠷ᠊ — ᠪᠦᠮᠪᠦᠷᠴᠦ ᠡᠷᠬᠢᠵᠦ ᠪᠠᠶᠢᠬᠤ᠃ ᠷ᠊ — ᠬᠡᠢ ᠦᠨᠲᠦᠷ ᠲᠤ᠂ ᠬᠦᠷᠢᠶ᠎ᠡ ᠴᠠᠭᠠᠷᠢᠭ᠃ ᠷᠴᠡ᠊ — ᠤᠷᠴᠢᠬᠤ ᠲᠠᠪᠲᠠᠭᠲᠠᠬᠤ᠃ ᠴᠡ᠊ — ᠠᠴᠠ᠂ ᠠᠴᠢᠶᠠᠯᠠᠭᠴᠢ ᠪᠡᠶ᠎ᠡ ᠪᠤᠯᠵᠤ ᠪᠠᠶᠢᠬᠤ᠃ ᠴᠡᠭ —— ᠴᠠᠭ ᠤᠨ ᠡᠷᠬᠡᠲᠡᠨ᠃ ‍ᠭ᠌ — ᠠᠭᠰᠢᠵᠤ ᠨᠢᠭᠡᠲᠦᠵᠦ ᠪᠦᠭᠡᠭᠨᠡᠷᠡᠭᠰᠡᠨ᠃ ᠭᠡᠬᠦ ᠮᠡᠲᠦ ᠤᠯᠠᠨ ᠤᠯᠠᠨ ᠰᠤᠷᠠᠭ ᠵᠠᠩᠬᠢ ᠬᠠᠲᠠᠭᠠᠯᠠᠭᠲᠠᠵᠤ ᠪᠠᠶᠢᠭ᠎ᠠ ᠶᠤᠮ ᠪᠠᠶᠢᠨ᠎ᠠ᠃ ᠲᠤᠬᠠᠶᠢᠯᠠᠪᠠᠯ᠄ ︽ᠴ᠊︾ ᠠᠪᠢᠶ᠎ᠠ ᠳᠤ ᠡᠶᠢᠨᠬᠦ ᠰᠢᠡᠵᠢ ᠬᠡᠯᠡᠨ ᠤ ᠬᠦᠭᠵᠢᠯᠲᠡ ᠶᠢᠨ ᠲᠡᠤᠬᠡ ᠶᠢᠨ ᠶᠤᠰᠤᠭᠠᠷ ᠯᠠ ᠰᠢᠩᠭᠡᠲᠡᠭ᠂ ᠲᠡᠭᠡᠬᠦ ᠳᠡᠭᠡᠨ ︽ᠴ᠊︾ ᠨᠢ ᠲᠡᠶᠢᠨᠬᠦ ᠤᠳᠬ᠎ᠠ ᠪᠦᠬᠦᠢ ᠰᠢᠨᠵᠢ ᠶᠢ ᠢᠯᠡᠷᠡᠭᠦᠯᠬᠦ ᠶᠤᠰᠤᠲᠠᠢ ᠪᠤᠯᠵᠤ ᠲᠤᠭᠲᠠᠯᠴᠠᠲᠠᠭ᠃ — ᠬᠡᠯᠡᠨ ᠤ ᠲᠡᠤᠬᠡ ᠶᠢᠨ ᠪᠡᠯᠭᠡ ᠲᠡᠮᠲᠡᠭ ᠨᠢ ᠪᠤᠯ ᠤᠶᠤᠨ ᠤᠬᠠᠭᠠᠨ ᠤ ᠬᠦᠴᠦᠨ ᠤ ᠪᠡᠯᠭᠡ ᠲᠡᠮᠲᠡᠭ ᠮᠦᠨ ᠪᠤᠯᠤᠨ᠎ᠠ᠃ ᠶᠠᠮᠠᠷᠪᠠ ᠬᠡᠯᠨ ᠨᠢ ᠲᠡᠷᠡᠬᠦ ᠬᠡᠯᠡᠨ ᠤ ᠬᠡᠰᠢᠭᠦᠨ᠂ ᠲᠡᠷᠡᠬᠦ ᠬᠡᠯᠡᠨ ᠤ ᠬᠦᠮᠦᠨ ᠪᠡᠶ᠎ᠡ ᠶᠢ ᠬᠦᠮᠦᠨ ᠰᠤᠶᠤᠯ ᠵᠦᠭ ᠴᠠᠭ ᠢᠮᠠᠭᠲᠠ ᠬᠦᠲᠦᠯᠦᠨ ᠲᠠᠳᠬᠠᠯᠠᠵᠢᠭᠤᠯᠬᠤ ᠡᠭᠦᠷᠭᠡ ᠶᠢ ᠤᠶᠤᠨ ᠤᠬᠠᠭᠠᠯᠢᠭ ᠬᠦᠴᠦᠨ  ᠳᠡᠭᠡᠨ ᠲᠦᠰᠢᠭᠯᠡᠵᠦ ᠬᠦᠢᠴᠡᠳᠭᠡᠵᠦ ᠪᠠᠶᠢᠲᠠᠭ᠃ ᠬᠡᠯᠨ ᠨᠢ ᠤᠶᠤᠨ ᠤᠬᠠᠭᠠᠯᠢᠭ ᠪᠠᠶᠢᠲᠠᠭ ᠤᠴᠢᠷ ᠠᠴᠠ ᠲᠡᠭᠦᠨ ᠤ ᠬᠦᠭᠵᠢᠯᠲᠡ ᠶᠢᠨ ᠠᠷᠭ᠎ᠠ ᠮᠠᠶ᠋ᠢᠭ ᠨᠢ ᠴᠦ ᠨᠠᠷᠢᠨ ᠪᠤᠲᠤᠯᠢᠶᠠᠨ ᠲᠠᠢ᠂ ᠤᠯᠠᠨ ᠶᠠᠩᠵᠤᠲᠤ ᠴᠢᠨᠠᠷ ᠲᠠᠢ ᠪᠤᠯᠵᠤ ᠴᠢᠲᠠᠪᠠ᠃ ᠲᠡᠶᠢᠨᠬᠦ ᠬᠡᠯᠨ ᠶᠢ ᠲᠠᠨᠢᠵᠤ ᠤᠶᠢᠯᠭᠠᠬᠤ ᠳᠤ ᠠᠮᠢᠲᠤ ᠬᠦᠲᠡᠯᠦᠩᠭᠦᠢ ᠠᠷᠭ᠎ᠠ ᠵᠤᠭᠰᠤᠴᠠ ᠱᠠᠭᠠᠷᠳᠠᠭᠳᠡᠨ᠎ᠠ᠃ ᠬᠡᠯᠨ ᠶᠢ ᠨᠢᠭᠡᠨᠲᠡ ᠤᠶᠤᠨ ᠤᠬᠠᠭᠠᠯᠢᠭ ᠭᠡᠵᠦ ᠦᠵᠡᠭᠰᠡᠨ ᠪᠠᠶᠢᠲᠠᠯ ᠲᠤᠤᠷ᠎ᠠ᠂ ᠬᠡᠯᠡᠨ ᠤ ᠶᠠᠮᠠᠷᠪᠠ ᠨᠢᠭᠡᠨ ᠨᠠᠷᠢᠨ ᠰᠢᠵᠢᠮ᠂ ᠪᠡᠯᠴᠢᠷ ᠨᠢ ᠲᠡᠷᠡᠬᠦ ᠬᠡᠯᠡᠨ ᠤ᠂ ᠮᠥᠨ ᠴᠦ ᠲᠡᠷᠡᠬᠦ ᠬᠡᠯᠡᠲᠡᠳ ᠤᠨ ᠲᠡᠤᠬᠡᠨ ᠦᠵᠡᠭᠲᠡᠯ ᠤᠨ ᠲᠤᠬᠠᠢ ᠰᠤᠷᠠᠭ ᠲᠤᠬᠢᠶ᠎ᠠ ᠮᠦᠨ ᠭᠡᠵᠦ ᠲᠠᠨᠢᠨ᠎ᠠ᠃ᠨᠤᠮᠤᠬᠠᠨ ᠲᠠᠯᠠᠢ — ᠡᠨᠡ ᠦᠭᠡᠨ ᠤ ᠲᠤᠬᠠᠢ ᠬᠦᠮᠦᠰ ᠶᠠᠷᠢᠯᠴᠠᠪᠠ᠃ — ︽ᠮᠤᠩᠭᠤᠯᠴᠤᠳ ᠮᠠᠰᠢ ᠶᠡᠭᠡ ᠰᠠᠯᠬᠢ ᠲᠠᠪᠠᠯᠭᠠᠨ ᠲᠠᠢ ᠲᠠᠯᠠᠢ ᠢ ᠶᠠᠭᠠᠬᠢᠭᠠᠳ ᠨᠤᠮᠤᠬᠠᠨ ᠲᠠᠯᠠᠢ ᠭᠡᠰᠡᠨ ᠪᠤᠢ︖︾ ᠭᠡᠵᠡᠢ᠃ — ︽ᠪᠡᠯᠭᠡ ᠲᠡᠮᠪᠡᠷᠢᠯ ᠢ ᠡᠷᠬᠢᠮᠯᠡᠵᠦ᠂ ᠲᠠᠶᠢᠪᠤᠭᠤᠨ ᠨᠤᠮᠤᠬᠠᠨ ᠪᠠᠶᠢᠬᠤ ᠶᠢ ᠵᠦᠩᠨᠡᠭᠡᠳ ᠲᠠᠭᠡᠵᠦ ᠨᠡᠷᠡᠯᠡᠵᠡᠢ︾ ᠭᠡᠪᠡ᠃ ᠨᠤᠮᠤ + ‍ᠬᠠᠨ — ᠨᠤᠮᠤᠬᠠᠨ᠃ ᠨᠤᠮᠤ ᠬᠡᠯᠪᠡᠷᠢ ᠲᠠᠢ ᠪᠤᠯᠪᠠᠴᠤ ᠲᠡᠷᠨ ᠨᠢ ᠶᠡᠯᠢᠬᠦᠶᠢᠭᠡᠨ ᠬᠡᠬᠦ ᠤᠳᠬ᠎ᠠ ᠲᠠᠢ᠂ ᠦᠭᠡᠷ᠎ᠡ  ᠪᠠᠷ ᠬᠡᠯᠡᠪᠡᠯ ᠡᠨᠡᠬᠦ ᠲᠠᠯᠠᠢ ᠶᠢᠨ ᠭᠠᠲᠠᠷᠭᠤ ᠶᠠᠯᠢᠮ ᠦᠭᠡᠶᠢᠭᠡᠨ ᠨᠤᠮᠤ ᠬᠡᠯᠪᠡᠷᠢ ᠲᠠᠢ ᠭᠡᠲᠡᠭ ᠢ ᠲᠤᠲᠤᠷᠬᠠᠶᠢᠯᠠᠨ ᠲᠤᠰᠬᠠᠵᠤ ᠪᠤᠢ᠃ ᠡᠮᠦᠨᠡᠬᠢ ᠶᠠᠷᠢᠯᠴᠠᠭ᠎ᠠ ᠳᠤ ᠪᠡᠯᠭᠡ ᠲᠡᠮᠪᠡᠷᠢᠯ ᠪᠤᠢ᠂ ᠬᠤᠶᠢᠨᠠᠬᠢ ᠵᠠᠲᠠᠯᠤᠯᠳᠠ ᠨᠢ ᠦᠨᠡᠨ ᠤ ᠬᠤᠪᠢ ᠳᠤ ᠴᠢᠭᠯᠡᠵᠡᠢ᠃ ᠲᠠᠯᠠᠶᠢᠴᠢᠨ ᠤ ᠲᠤᠷᠰᠢᠯᠭ᠎ᠠ ᠦᠭᠡᠢ ᠪᠤᠯ ᠲᠠᠯᠠᠢ ᠶᠢᠨ ᠭᠠᠲᠠᠷᠬᠤ ᠨᠢ ᠬᠠᠷᠠᠭᠠᠨ ᠳᠤ ᠶᠠᠮᠠᠷ ᠰᠢᠤᠬᠠᠨ ᠦᠵᠡᠭᠲᠡᠨ᠎ᠡ ᠭᠡᠲᠡᠭ ᠢ ᠵᠦᠪ ᠲᠤᠭᠠᠴᠠᠵᠤ ᠴᠢᠲᠠᠬᠤ ᠦᠭᠡᠢ ᠶᠤᠮ᠃ ᠮᠤᠩᠭᠤᠯᠴᠤᠳ ᠢ ᠵᠦᠪᠬᠡᠨ ᠲᠠᠯ᠎ᠠ ᠨᠤᠲᠤᠭ ᠤᠨ ᠮᠠᠯᠴᠢᠨ ᠦᠨᠳᠦᠰᠦᠲᠡᠨ ᠭᠡᠵᠦ ᠦᠵᠡᠭᠡᠳ ᠬᠠᠷᠢᠨ ᠲᠡᠲᠡ ᠢ ᠲᠠᠯᠠᠶᠢᠴᠢᠨ ᠦᠨᠳᠦᠰᠦᠲᠡᠨ᠂ ᠲᠠᠷᠢᠶᠠᠴᠢᠨ ᠦᠨᠳᠦᠰᠦᠲᠡᠨ ᠭᠡᠵᠦ ᠦᠵᠡᠬᠦ ᠦᠭᠡᠢ ᠪᠤᠯ ᠲᠡᠲᠡᠨ ᠤ ᠲᠡᠤᠬᠡ ᠶᠢ ᠲᠡᠤᠭᠡ ᠵᠦᠭ ᠲᠤᠨᠢ ᠤᠯᠵᠤ ᠬᠠᠷᠠᠭᠰᠠᠨ ᠦᠭᠡᠢ ᠪᠤᠯᠬᠤ ᠳᠤ ᠬᠦᠷᠲᠡᠭ᠃ ᠮᠤᠩᠭᠤᠯᠴᠤᠳ ᠲᠠᠯᠠᠶᠢᠴᠢᠨ ᠦᠨᠳᠦᠰᠦᠲᠡᠨ ᠪᠠᠶᠢᠵᠤ ᠪᠤᠯᠤᠨ᠎ᠠ᠃ ︽ᠲᠠᠩᠬᠢᠰ ᠬᠡᠲᠦᠯᠡᠵᠦ ᠢᠷᠡᠪᠡ︾ ᠭᠡᠵᠦ ᠲᠡᠤᠬᠡ ᠰᠤᠲᠤᠷ ᠠᠴᠠ ᠴᠦ ᠲᠤᠭᠤᠯᠲᠠᠵᠤ ᠪᠠᠶᠢᠪᠠ᠃ ᠮᠤᠩᠭᠤᠯ ᠦᠭᠡᠰ ᠤᠨ ᠰᠠᠩ ᠳᠤ ᠲᠠᠯᠠᠢ ᠲᠡᠭᠡᠷ᠎ᠡ ᠠᠶᠠᠯᠠᠬᠤ ᠬᠡᠷᠡᠭᠰᠡᠯ ᠤᠨ ᠲᠤᠬᠠᠢ ᠨᠡᠷᠡᠶᠢᠲᠦᠯ ᠠᠴᠠ ᠡᠬᠢᠯᠡᠭᠡᠳ ᠲᠠᠷᠢᠶ᠎ᠠ ᠲᠦᠮᠦᠰᠦᠨ ᠤ ᠨᠡᠷᠡᠶᠢᠲᠦᠯ ᠬᠦᠷᠲᠡᠯ᠎ᠡ ᠲᠦᠷᠦᠯᠬᠢ ᠬᠡᠯᠡᠨ ᠤ ᠤᠨᠴᠠᠯᠢᠭ ᠢᠶᠠᠷ ᠢᠶᠠᠨ ᠪᠦᠷᠢᠨ ᠪᠠᠶᠢᠨ᠎ᠠ᠃ — ᠬᠦᠯᠭᠡ ᠤᠩᠭᠤᠴᠠ᠂ ᠲᠠᠷᠪᠠᠭᠤᠯᠲᠤ ᠤᠩᠭᠤᠴᠠ᠂ ᠰᠤᠮᠤᠨ ᠤᠩᠭᠤᠴᠠ᠂ ᠵᠠᠪᠢ᠂ ᠰᠡᠯ ᠵᠡᠷᠭᠡ᠃ ᠲᠠᠯᠠᠢ ᠶᠢᠨ ᠠᠮᠢᠲᠠᠨ ᠠᠴᠠ ᠬᠠᠯᠢᠮᠤ᠂ ᠮᠦᠷᠬᠦ᠂ ᠭᠡᠯᠲᠡᠭᠡ ᠵᠡᠷᠭᠡ᠃ ᠲᠠᠪᠤᠨ ᠲᠠᠷᠢᠶᠠᠨ ᠤ ᠲᠤᠬᠠᠢ ᠡᠷᠲᠡᠨᠢ ᠰᠢᠰᠢ᠂ ᠨᠤᠶᠠᠨ ᠰᠢᠰᠢ᠂ ᠰᠢᠰᠢ᠂ ᠮᠤᠩᠭᠤᠯ ᠠᠮᠤ᠂ ᠮᠤᠯᠤᠷ ᠠᠮᠤ᠂ ᠬᠤᠨᠤᠭ ᠠᠮᠤ᠂ ᠨᠠᠷᠢᠮᠤ᠂ ᠲᠤᠲᠤᠷᠭ᠎ᠠ᠂ ᠪᠤᠭᠤᠲᠠᠢ᠂ ᠰᠠᠭᠠᠭ᠂ ᠰᠢᠯᠦᠭᠢ᠂ ᠨᠠᠩᠭᠢ ᠵᠡᠷᠭᠡ᠃ ᠮᠤᠩᠭᠤᠯᠴᠤᠳ ᠶᠠᠮᠠᠷ ᠨᠢᠭᠡᠨ ᠲᠠᠯᠠᠢ ᠬᠠᠪᠢᠲᠠᠵᠤ᠂ ᠠᠷᠠᠯ ᠤᠯᠲᠤᠷᠢᠭ ᠢᠶᠠᠷ ᠤᠷᠤᠡᠰᠢᠵᠤ ᠬᠡᠷᠰᠢᠨ᠂ ᠲᠠᠷᠢᠶᠠᠯᠠᠩ ᠠᠵᠤ ᠵᠡᠷᠭᠡ ᠶᠢ ᠤᠶᠠᠯᠲᠤᠭᠤᠯᠵᠤ ᠠᠮᠢᠲᠤᠷᠠᠭᠰᠠᠨ ᠲᠡᠤᠬᠡ ᠲᠠᠢ ᠪᠠᠶᠢᠵᠤ ᠮᠡᠲᠡᠨ᠎ᠡ᠃ᠬᠡᠯᠡᠨ ᠤ ᠰᠤᠷᠠᠭ ᠵᠠᠩᠬᠢ ᠶᠢ ᠰᠠᠶᠢᠲᠤᠷ ᠵᠠᠲᠠᠯᠬᠤ ᠴᠢᠲᠠᠪᠤᠷᠢ ᠨᠢ ᠬᠡᠯᠡᠨ ᠤ ᠮᠠᠲ᠋ᠧᠷᠢᠶᠠᠯ ᠢ ᠤᠶᠢᠯᠭᠠᠬᠤ ᠶᠢᠨ ᠰᠠᠭᠤᠷᠢ ᠮᠥᠨ᠂ ᠬᠡᠯᠡᠨ ᠤ ᠮᠠᠲ᠋ᠧᠷᠢᠶᠠᠯ ᠢ ᠤᠶᠢᠯᠭᠠᠬᠤ ᠲᠤᠲᠤᠮ ᠢᠶᠠᠨ ᠬᠡᠯᠡᠨ ᠤ ᠰᠤᠷᠠᠭ ᠵᠠᠩᠭᠢ ᠳᠤ ᠤᠯᠠᠮ ᠰᠡᠷᠬᠡᠭ ᠪᠤᠯᠲᠠᠭ᠃ ᠲᠤᠬᠠᠶᠢᠯᠠᠪᠠᠯ᠄ ᠨᠢᠭᠤᠴᠠ — ᠤᠤᠯ ᠦᠭᠡ ᠶᠢ ᠬᠦᠮᠦᠰ ᠶᠡᠷᠦ ᠳᠡᠭᠡᠨ ︽ᠨᠢᠭᠤᠴᠠ ᠲᠠᠯᠲᠠ᠂ ᠪᠤᠰᠤᠳ ᠲᠤ ᠮᠡᠲᠡᠭᠦᠯᠬᠦ ᠦᠭᠡᠢ ᠵᠦᠢᠯ︾ ᠭᠡᠬᠦ ᠡᠭᠦᠲᠡᠨ ᠠᠴᠠ ᠠᠩᠬᠠᠷᠴᠤ ᠠᠪᠲᠠᠭ ᠪᠠᠶᠢᠨ᠎ᠠ᠃ ᠬᠠᠷᠢᠨ ᠨᠡᠩ ᠪᠤᠲᠠᠲᠠᠢ ᠲᠡᠭᠡᠷ᠎ᠡ ᠪᠠᠨ ᠤᠤᠯ ᠦᠭᠡᠨ ᠳᠤ ︽ᠤᠶᠢᠯᠭᠠᠬᠤ ᠳᠤ ᠬᠦᠴᠢᠷ᠂ ᠲᠠᠯᠲᠠ ᠨᠦᠭᠡᠴᠡᠭᠡᠨ᠂ ᠪᠡᠷᠭᠡ ᠡᠴᠢᠨ᠎ᠡ ᠠᠭᠤᠯᠭ᠎ᠠ ᠪᠤᠢ︾ ᠭᠡᠬᠦ ᠰᠤᠷᠠᠭ ᠵᠠᠩᠬᠢ ᠯᠠᠪᠲᠠᠢ ᠠᠴᠢᠶᠠᠯᠠᠭᠲᠠᠵᠤ ᠪᠠᠶᠢᠲᠠᠭ᠃ ᠲᠡᠭᠡᠪᠡᠯ      ︽ᠮᠤᠩᠭᠤᠯ ᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠭᠡᠵᠦ ᠶᠠᠷᠢᠬᠤ ᠦᠶ᠎ᠡ ᠳᠤ᠂ ᠠᠳᠡᠬᠢ ︽ᠨᠢᠭᠤᠴᠠ︾ ᠬᠡᠬᠦ ᠦᠭᠡᠨ ᠳᠤ ᠬᠠᠷᠢᠨ ᠦᠭᠡᠷ᠎ᠡ ᠨᠢᠭᠡᠨ ᠰᠤᠷᠠᠭ ᠵᠠᠩᠬᠢ ᠨᠡᠮᠡᠭᠲᠡᠨ᠎ᠡ᠃ ᠲᠠᠷᠤᠢ᠂ ᠠᠷᠭ᠎ᠠ ᠪᠤᠲᠤᠯᠭ᠎ᠠ ᠶᠢᠨ ᠦᠢᠯᠡᠲᠦᠯ ᠲᠠᠢ ᠪᠤᠯᠲᠠᠭ᠃ ᠶᠠᠭᠤᠨ ᠭᠡᠪᠡᠯ ᠂ ︽ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠤ ᠠᠭᠤᠯᠭ᠎ᠠ ᠪᠤᠯ ᠶᠡᠷᠦ ᠨᠢ ᠨᠢᠭᠤᠵᠤ ᠪᠤᠯᠠᠰᠢᠯᠠᠬᠤ ᠭᠡᠰᠡᠨ ᠵᠦᠢᠯ ᠤᠭᠲᠤ ᠪᠢᠰᠢ᠂ ᠬᠠᠷᠢᠨ ᠬᠦᠮᠦᠰ ᠲᠤ ᠲᠦᠭᠡᠭᠡᠵᠦ ᠮᠡᠲᠡᠭᠦᠯᠦᠨ ᠦᠶ᠎ᠡ ᠶᠢᠨ ᠦᠶ᠎ᠡ ᠤᠯᠠᠮᠵᠢᠯᠠᠬᠤ ᠵᠤᠷᠢᠯᠭ᠎ᠠ ᠲᠠᠢ ᠵᠦᠢᠯᠡᠰ ᠮᠥᠨ᠃ ᠶᠠᠭ ᠲᠡᠶᠢᠮᠦ ᠳᠡᠭᠡᠨ᠂ ︽ᠨᠢᠭᠤᠴᠠ︾ ᠭᠡᠬᠦ ᠦᠭᠡ ᠨᠢ ᠬᠦᠮᠦᠰ ᠤᠨ ᠰᠤᠨᠢᠭᠤᠴᠠ ᠰᠡᠳᠭᠢᠴᠡ ᠶᠢ ᠡᠷᠭᠡᠵᠦ ᠤᠭ ᠵᠤᠷᠢᠯᠭ᠎ᠠ ᠳᠤ ᠬᠦᠷᠬᠦ ᠶᠢᠨ ᠠᠷᠭ᠎ᠠ ᠰᠠᠮᠪᠠᠭ᠎ᠠ ᠶᠢ ᠠᠴᠢᠶᠠᠯᠠᠭᠴᠢ ᠪᠤᠯᠵᠠᠢ᠃ ᠮᠡᠳᠡᠬᠡᠵᠢ ︽ᠨᠢᠭᠤᠴᠠ ᠲᠤᠪᠴᠢᠶᠠᠨ︾  ᠳᠤ ᠤᠶᠢᠯᠠᠭᠠᠬᠤ ᠳᠤ ᠬᠦᠴᠢᠷ ᠠᠭᠤᠯᠭ᠎ᠠ ᠵᠢᠴᠢ ᠤᠬᠠᠭᠲᠠᠬᠤᠨ ᠨᠤᠭᠤᠳ ᠵᠦᠩᠲᠡᠭᠡᠨ ᠪᠠᠶᠢᠲᠠᠭ᠃ ᠲᠤᠬᠠᠶᠢᠯᠠᠪᠠᠯ᠂ ᠲᠤᠮᠤᠭ ᠵᠢᠴᠢ ᠬᠦᠮᠦᠨ ᠤ ᠨᠡᠷ᠎ᠡ᠂ ᠭᠠᠵᠠᠷ ᠤᠰᠤᠨ ᠤ ᠨᠡᠷ᠎ᠡ ᠵᠡᠷᠭᠡ ᠳᠤ᠃ ᠲᠡᠶᠢᠨᠬᠦ ︽ᠮᠤᠩᠭᠤᠯ ᠤᠨ ᠨᠢᠭᠤᠴᠨ ᠲᠤᠪᠴᠢᠶᠠᠨ︾ ᠭᠡᠬᠦ ᠨᠡᠷ᠎ᠡ ᠳᠤ᠂ ︽ᠨᠢᠭᠤᠴᠠ︾ ᠭᠡᠬᠦ ᠦᠭᠡ ᠶᠢ ᠠᠪᠴᠤ ᠬᠡᠷᠡᠭᠯᠡᠬᠦ ᠶᠢᠨ ᠰᠢᠯᠲᠠᠭᠠᠨ ᠴᠦᠭᠡᠨ ᠦᠭᠡᠢ ᠠᠵᠠᠢ᠃︽ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠤ ᠡᠭᠢᠨ ᠤ ᠪᠦᠯᠦᠭ ᠤᠨ ᠲᠤᠮᠤᠭ ᠲᠤ ︽ᠪᠦᠷᠲᠡ᠂ ᠴᠢᠨ᠋ᠸ᠎ᠠ᠂ ᠬᠤᠸ᠎ᠠ᠂ ᠮᠡᠷᠡᠯ︾ ᠵᠡᠷᠭᠡ ᠭᠡᠲᠦᠨ ᠨᠢᠭᠤᠴᠠ ᠤᠬᠠᠭᠲᠠᠬᠤᠨ ᠢᠯᠡᠷᠡᠲᠡᠭ ᠪᠠᠶᠢᠨ᠎ᠠ᠃ ᠡᠲᠡᠭᠡᠷ ᠤᠨ ᠲᠤᠬᠠᠢ ᠨᠢᠭᠡ ᠪᠦᠯᠦᠭ ᠡᠷᠲᠡᠮᠲᠡᠳ ᠪᠠ ᠡᠭᠡᠯᠴᠤᠳ ᠵᠦᠢᠯ ᠤᠨ ᠲᠠᠶᠢᠯᠪᠤᠷᠢ ᠬᠢᠵᠦ ᠦᠵᠡᠪᠡ᠃ ᠲᠦᠰᠦᠭᠡᠲᠡᠢ ᠨᠢᠭᠡ ᠵᠦᠢᠯ ᠪᠤᠯ᠄ ︽︿ᠬᠤᠶᠠᠷ﹀ ᠠᠴᠠ ᠭᠡᠲᠦᠯᠵᠦ ᠡᠰᠡ ᠴᠢᠲᠠᠭᠰᠠᠨ︾ ᠪᠠᠶᠢᠵᠠᠢ᠃ ᠲᠠᠷᠤᠢ᠂ ᠬᠤᠶᠠᠷ ᠬᠦᠮᠦᠨ ᠤ ᠨᠡᠷ᠎ᠡ ᠭᠡᠬᠦ ᠪᠤᠶᠤ ᠬᠤᠶᠠᠷ ᠠᠮᠢᠲᠠᠨ ᠤ ᠨᠡᠷ᠎ᠡ ᠬᠡᠬᠦ ᠠᠴᠠ᠃ ᠪᠠᠰᠨ ᠨᠢᠭᠡ ᠵᠦᠢᠯ ᠭᠡᠪᠡᠯ᠄ ᠦᠨᠳᠦᠰᠦᠨ ᠳᠡᠭᠡᠨ ᠡᠴᠢᠭᠡᠴᠢᠯᠡᠯ ᠤᠨ ᠤᠪᠤᠭ ᠲᠦᠷᠦᠯ ᠤᠨ ᠲᠤᠭᠲᠠᠯᠴᠠᠭᠠᠨ ᠤ ᠱᠠᠲᠤᠨ ᠳᠤ ᠲᠠᠯᠪᠢᠵᠤ ᠰᠢᠨᠵᠢᠯᠡᠭᠰᠡᠨ ᠪᠠ ᠲᠠᠯ᠎ᠠ ᠨᠤᠲᠤᠭ᠂ ᠮᠠᠯᠵᠢᠬᠤ ᠰᠤᠶᠤᠯ᠂ ᠠᠩ ᠠᠩᠨᠠᠯ  ᠲᠠᠢ ᠮᠠᠰᠢ ᠤᠶᠢᠷ᠎ᠠ ᠳᠤ ᠲᠠᠯᠪᠢᠵᠤ ᠰᠤᠲᠤᠯᠬᠤ ᠶᠢ ᠠᠶᠠᠨᠲᠠᠭᠠᠨ ᠪᠠᠷᠢᠮᠲᠠᠯᠠᠵᠠᠢ᠃ — ᠲᠡᠷᠡᠬᠦ ︽︿ᠬᠤᠶᠠᠷ﹀  ᠠᠴᠠ ᠭᠡᠲᠦᠯᠵᠦ ᠡᠰᠡ ᠴᠢᠲᠠᠭᠰᠠᠨ︾ ᠲᠠᠨᠢᠯᠲᠠ ᠶᠢᠨ ᠬᠡᠪᠰᠢᠯ ᠨᠢ ᠬᠤᠵᠢᠮ ᠤᠨ ᠬᠦᠮᠦᠰ ᠤᠨ ᠡᠨᠡ ᠲᠠᠯ᠎ᠠ ᠪᠠᠷ ᠬᠢ ᠰᠢᠨᠵᠢᠯᠡᠭᠡ ᠶᠢᠨ ᠬᠦᠷᠢᠶ᠎ᠡ ᠴᠠᠷ᠎ᠠ ᠶᠢ ᠬᠢᠵᠠᠭᠠᠷᠯᠠᠭᠰᠠᠭᠠᠷ ᠪᠠᠶᠢᠪᠠ᠃ ᠬᠡᠲᠦᠢ᠂ ᠬᠡᠯᠡᠨ ᠤ ᠰᠤᠷᠠᠭ ᠵᠠᠩᠬᠢ ᠡᠷᠢᠭᠰᠡᠨ ᠴᠦ ᠲᠡᠷᠨ᠂ ᠲᠤᠮᠤᠭ ᠤᠨ ᠠᠭᠤᠯᠭ᠎ᠠ ᠶᠢ ᠰᠢᠨᠵᠢᠯᠡᠭᠰᠡᠨ ᠴᠦ ᠲᠡᠷᠨ᠂ ᠢᠮᠠᠭᠲᠠ ︽ᠪᠦᠷᠲᠡ ᠴᠢᠨ᠋ᠸ᠎ᠡ᠂ ᠬᠤᠸᠠ ᠮᠡᠷᠡᠯ︾ ᠭᠡᠭᠴᠢ ᠪᠤᠯ ᠬᠤᠶᠠᠷ ᠤᠬᠠᠭᠲᠠᠬᠤᠨ ᠮᠥᠨ᠂ ᠡᠷ᠎ᠡ ᠡᠮ᠎ᠡ ᠬᠤᠶᠠᠭᠤᠯᠨ ᠶᠢ ᠵᠢᠭᠠᠵᠤ ᠪᠤᠢ ᠭᠡᠬᠦ ᠲᠠᠨᠢᠯᠲᠠ  ᠶᠢᠨ ᠬᠤᠪᠢ ᠳᠤ ᠶᠡᠬᠡᠬᠡᠨ ᠡᠷᠬᠢᠴᠡᠭᠡᠳ ᠪᠠᠶᠢᠪᠠ᠃ ᠬᠠᠷᠢᠨ ᠬᠠᠷᠢᠴᠠᠩᠭᠤᠢ ᠪᠠᠷ ︽ᠲᠡᠭᠡᠷ᠎ᠡ ᠲᠡᠭᠷᠢ ᠠᠴᠠ ᠵᠠᠶᠠᠭᠠᠲᠤ︾ ᠭᠡᠬᠦ ᠠᠭᠤᠯᠭ᠎ᠠ ᠶᠢᠨ ᠲᠤᠬᠠᠢ ᠬᠠᠶᠢᠬᠤᠷᠤᠮᠵᠢ ᠪᠠᠭᠠᠳᠡᠵᠡᠢ ᠭᠡᠵᠦ ᠰᠠᠨᠠᠭᠲᠠᠨ᠎ᠠ᠃ ᠤᠤᠯ ᠲᠤᠮᠤᠭ ᠲᠤ᠄ ︽ᠴᠢᠩᠭᠢᠰ ᠬᠠᠭᠠᠨ ᠤ ᠤᠵᠠᠭᠤᠷ᠂ ᠲᠡᠭᠡᠷ᠎ᠡ ᠲᠡᠭᠷᠢ ᠠᠴᠠ ᠵᠠᠶᠠᠭᠠᠲᠤ ᠲᠦᠷᠡᠭᠰᠡᠨ ᠪᠦᠷᠲᠡ ᠴᠢᠨ᠋ᠸ᠎ᠠ ᠠᠵᠤᠭᠤ᠃ ᠭᠡᠷᠭᠡᠢ ᠢᠨᠤ ᠬᠤᠸᠠ ᠮᠡᠷᠡᠯ ᠠᠵᠠᠢ᠃ ᠲᠠᠩᠭᠢᠰ ᠬᠡᠲᠦᠯᠵᠦ ᠢᠷᠡᠪᠡ᠃ ᠤᠨᠠᠨ ᠮᠦᠷᠡᠨ ᠤ ᠲᠡᠷᠢᠭᠦᠨ᠎ᠡ ᠪᠤᠷᠬᠠᠨ ᠬᠠᠯᠲᠤᠨ᠎ᠠ ᠨᠤᠲᠤᠭᠯᠠᠵᠤ ᠲᠦᠷᠦᠭᠰᠡᠨ ᠪᠠᠲᠠᠴᠢ ᠬᠠᠨ ᠠᠵᠤᠭᠤ︾ ᠭᠡᠵᠦ ᠲᠤᠮᠤᠭᠯᠠᠲᠠᠭ᠃ ᠲᠤᠰ ᠲᠤᠮᠤᠭ ᠢ ︽ᠲᠡᠭᠡᠷ᠎ᠡ ᠲᠡᠭᠷᠢ  ᠠᠴᠠ ᠵᠠᠶᠠᠭᠠᠲᠤ︾ ᠭᠡᠬᠦ ᠠᠭᠤᠯᠭ᠎ᠠ ᠶᠢᠨ ᠬᠤᠪᠢ ᠳᠤ ᠠᠩᠬᠠᠷᠬᠤ ᠳᠤ᠂ ᠬᠤᠶᠠᠷ ᠪᠠᠶᠢᠲᠠᠯ ᠮᠡᠲᠡᠭᠲᠡᠵᠡᠢ᠃ ᠲᠠᠷᠤᠢ ᠲᠤᠮᠤᠭ ᠤᠨ ᠡᠬᠢ ᠠᠴᠠ ᠲᠡᠭᠦᠰᠭᠡᠯ ᠵᠦᠭ ᠬᠠᠶᠢᠬᠤ ᠳᠤ ᠲᠤᠲᠠᠭᠰᠠᠨ ᠵᠦᠢᠯ ᠨᠢᠭᠡ ᠪᠤᠢ᠂ ᠲᠡᠭᠦᠰᠭᠡᠯ ᠠᠴᠠ ᠡᠬᠢ ᠵᠦᠭ ᠬᠠᠶᠢᠬᠤ ᠳᠤ ᠢᠯᠡᠭᠦᠲᠡᠭᠰᠡᠨ ᠵᠦᠢᠯ ᠨᠢᠭᠡ ᠪᠤᠢ᠃ ᠡᠨᠡᠬᠦ ᠵᠦᠷᠢᠴᠡᠯᠲᠦ ᠪᠠᠶᠢᠲᠠᠯ ᠨᠢ ᠲᠤᠮᠤᠭ ᠲᠠᠬᠢ ᠰᠤᠷᠠᠭ ᠵᠠᠩᠬᠢ ᠶᠢᠨ ᠵᠠᠲᠠᠯᠤᠯᠳᠠ ᠰᠠᠶᠢᠲᠤᠷ ᠠᠪᠤᠴᠠᠯᠲᠤᠵᠤ ᠴᠢᠲᠠᠭᠠᠲᠤᠢ ᠶᠢ ᠬᠠᠷᠠᠭᠤᠯᠤᠨ᠎ᠠ᠃ ᠦᠭᠡᠷ᠎ᠡ ᠪᠠᠷ ᠬᠡᠯᠡᠪᠡᠯ᠂ ᠠᠳᠡ ᠵᠠᠲᠠᠯᠤᠯᠳᠠ ᠬᠢᠵᠦ ᠰᠢᠨ᠎ᠡ ᠰᠤᠷᠠᠭ ᠲᠤᠬᠢᠶ᠎ᠠ ᠤᠯᠵᠤ ᠪᠤᠯᠬᠤ ᠮᠡᠲᠦ᠃ ᠰᠠᠨᠠᠯ ᠵᠦᠪᠯᠡᠯᠭᠡ ᠪᠤᠯᠭᠠᠬᠤ ᠡᠭᠦᠲᠡᠨ  ᠠᠴᠠ ᠵᠠᠲᠠᠯᠤᠯᠳᠠ ᠬᠢᠵᠦ ᠦᠵᠡᠶ᠎ᠡ᠃ᠤᠷᠢᠲᠠᠪᠡᠷ᠂ ︽ᠠᠯᠤᠩᠭᠤᠸ᠎ᠠ ᠡᠬᠡ ᠴᠡᠤᠬᠡᠨ ᠰᠢᠷ᠎ᠠ ᠬᠦᠮᠦᠨ ᠤ ᠲᠤᠬᠠᠢ ᠲᠤᠮᠤᠭ︾ ᠤᠨ ᠠᠭᠤᠯᠭ᠎ᠠ ᠠᠴᠠ ᠲᠤᠪᠴᠢ ᠠᠵᠢᠭᠯᠠᠶ᠎ᠠ᠃ ᠡᠨᠡ ᠲᠤᠮᠤᠭ ᠲᠤ ᠮᠠᠰᠢ ᠦᠳᠭᠡᠨ ᠰᠤᠷᠠᠭ ᠵᠠᠩᠭᠢ ᠬᠠᠲᠠᠭᠠᠯᠠᠭᠲᠠᠵᠤ ᠪᠠᠶᠢᠨ᠎ᠠ᠃ ᠠᠳᠡ ᠠᠴᠠ ᠮᠠᠨ  ᠳᠤ ᠵᠠᠷᠢᠮ ᠲᠠᠯ᠎ᠠ ᠶᠢᠨ ᠲᠠᠨᠢᠯᠲᠠ ᠶᠢᠨ ᠠᠷᠭ᠎ᠠ ᠮᠠᠶ᠋ᠢᠭ ᠢ ᠬᠠᠩᠭᠠᠵᠤ ᠦᠭᠭᠦᠨ᠎ᠡ᠃ᠠᠯᠤᠩᠭᠤᠸ᠎ᠠ ᠡᠬᠡ — ᠲᠡᠭᠷᠢ ᠠᠴᠠ ᠡᠰᠢ ᠲᠠᠢ ᠭᠤᠷᠪᠠᠨ ᠬᠦᠪᠡᠭᠦᠳ ᠪᠤᠲᠤᠨᠴᠢᠷ ᠮᠤᠩᠬᠠᠭ ᠵᠡᠷᠭᠡ ᠶᠢ ᠲᠦᠷᠦᠪᠡ᠃ ᠪᠠᠰᠨ ᠢᠯᠨ ᠨᠢᠭᠡᠨ ᠪᠤᠢ᠂ ᠲᠠᠯᠲᠠ ᠨᠢᠭᠡᠨ ᠪᠤᠢ᠃ ᠢᠯᠨ ᠨᠢᠭᠡᠨ ᠪᠤᠯ ᠠᠯᠤᠩᠭᠤᠸ᠎ᠠ ᠡᠬᠡ ᠮᠥᠨ᠂ ᠲᠡᠷᠨ ᠪᠤᠯ ᠡᠨᠡᠬᠦ ᠲᠤᠮᠤᠭ ᠤᠨ ᠡᠭᠦᠰᠦᠯ ᠪᠦᠷᠢᠯᠲᠦᠯ ᠤᠨ ᠭᠤᠤᠯ ᠲᠤᠯᠭᠠᠭᠤᠷᠢ ᠪᠡᠶ᠎ᠡ ᠪᠤᠯᠤᠨ᠎ᠠ᠃ ᠲᠠᠯᠲᠠ ᠨᠢᠬᠡᠨ ᠭᠡᠭᠴᠢ ᠪᠤᠯ ᠪᠠᠶᠢᠭᠠᠯᠢ ᠶᠢᠨ ᠬᠦᠴᠦᠨ ᠴᠡᠤᠬᠡᠨ ᠰᠢᠷ᠎ᠠ ᠬᠦᠮᠦᠨ ᠪᠤᠯᠤᠨ᠎ᠠ᠃ ᠠᠯᠤᠩᠭᠤᠸ᠎ᠠ ᠡᠬᠡ ᠪᠤᠰᠤᠳ ᠲᠤ ᠪᠠᠶᠢᠭ᠎ᠠ ᠦᠭᠡᠢ ᠪᠢᠯᠢᠭ ᠪᠠ ᠴᠤᠭᠴᠠ ᠪᠠᠷ ᠢᠶᠠᠨ ᠪᠠᠶᠢᠭᠠᠯᠢ ᠶᠢᠨ ᠬᠦᠴᠦᠨ ᠴᠡᠤᠬᠡᠨ ᠰᠢᠷ᠎ᠠ ᠬᠦᠮᠦᠨ ᠲᠠᠢ ᠰᠤᠷᠠᠭ ᠵᠠᠩᠬᠢ ᠨᠡᠪᠲᠡᠷᠡᠵᠦ ᠂ ᠪᠤᠲᠤᠨᠴᠢᠷ ᠵᠡᠷᠭᠡ ᠶᠢ ᠲᠦᠷᠦᠬᠦ ᠡᠭᠦᠷᠭᠡ ᠶᠢ ᠪᠡᠶᠡᠯᠡᠭᠦᠯᠵᠡᠢ᠃ ᠲᠠᠷᠤᠢ ᠠᠯᠤᠩᠭᠤᠸ᠎ᠠ ᠡᠬᠡ ᠪᠤᠯ ᠡᠨᠡᠬᠦ ᠲᠤᠮᠤᠭ ᠲᠤ ᠲᠤᠲᠠᠭᠲᠠᠵᠤ ᠪᠤᠯᠤᠰᠢ ᠦᠭᠡᠢ ᠪᠤᠲᠠ ᠡᠷᠬᠡᠲᠡᠨ ᠮᠥᠨ᠃ ᠴᠡᠤᠬᠡᠨ ᠰᠢᠷ᠎ᠠ ᠬᠦᠮᠦᠨ ᠨᠢ ᠠᠯᠤᠩᠭᠤᠸ᠎ᠠ ᠡᠬᠡ ᠶᠢᠨ ᠬᠡᠪᠡᠯᠢ ᠳᠤ ᠰᠢᠩᠭᠡᠵᠦ ᠦᠯᠡᠲᠡᠬᠦ ᠳᠤ᠂ ᠬᠠᠷᠢᠨ ᠬᠦᠯᠦᠭ ᠨᠢ ᠰᠢᠷ᠎ᠠ ᠨᠤᠬᠠᠢ ︵ᠪᠤᠶᠤ ᠰᠢᠷ᠎ᠠ ᠯᠤᠤᠬᠠᠢ︶ ᠨᠠᠷᠠᠨ ᠰᠠᠷᠨ ᠶᠢᠨ ᠬᠢᠯ ︵ᠬᠢᠯᠢ︶ ᠢᠶᠠᠷ ᠪᠤᠴᠠᠲᠠᠭ᠃ — ᠲᠤᠮᠤᠭ ᠲᠤ᠂ ᠪᠤᠲᠠ ᠡᠷᠬᠡᠲᠡᠨ᠂ ᠪᠠᠶᠢᠭᠠᠯᠢ ᠶᠢᠨ ᠬᠦᠴᠦᠨ᠂ ᠦᠷ᠎ᠡ ᠳ᠋ᠦᠩ ᠵᠡᠷᠭᠡ ᠬᠦᠢᠴᠡᠯᠲᠦᠵᠦ ᠲᠤᠮᠤᠭ ᠤᠨ ᠵᠤᠬᠢᠶᠠᠩᠭᠤᠢ ᠡᠮᠬᠢ ᠲᠢᠭᠯᠢᠮ ᠲᠠᠢ ᠪᠤᠯᠵᠠᠢ᠃ ᠡᠶᠢᠮᠦ ᠳᠤᠮᠤᠭ ᠡᠷᠬᠡᠪᠰᠢ ᠨᠢᠭᠡᠨ ᠦᠪᠡᠷᠮᠢᠴᠡ ᠲᠠᠯ᠎ᠠ ᠪᠠᠷ ᠢᠶᠠᠨ ᠤᠡᠴᠠᠯᠠᠭᠳᠡᠬᠤ ᠤᠴᠢᠷ ᠲᠠᠢ᠃ ᠲᠠᠷᠤᠢ᠂ ᠲᠡᠭᠷᠢ ᠠᠴᠠ ᠡᠰᠢ ᠲᠠᠢ ᠬᠦᠪᠡᠬᠦᠳ ᠬᠡᠮᠡᠬᠦᠯ᠎ᠡ ᠨᠢᠭᠡᠨ ᠪᠤᠲᠠ ᠡᠷᠬᠡᠲᠡᠨ — ᠡᠬᠡ ᠪᠡᠶ᠎ᠡ ᠢᠯᠡᠷᠡᠬᠦ ᠤᠴᠢᠷ ᠲᠠᠢ᠂ ᠬᠠᠷᠢᠨ ᠪᠠᠰᠨ ᠨᠢᠭᠡᠨ ᠪᠤᠲᠠ ᠡᠷᠬᠡᠲᠡᠨ — ᠡᠴᠢᠭᠡ ᠪᠡᠶ᠎ᠡ ᠢᠯᠡᠷᠡᠬᠦ ᠤᠴᠢᠷ ᠦᠭᠡᠢ᠃ ᠡᠰᠡ ᠲᠠᠶᠢᠨ ᠪᠤᠯᠬᠤᠯ᠎ᠠ ︽ᠲᠡᠭᠷᠢ ᠶᠢᠨ ᠬᠦᠪᠡᠬᠦᠳ︾ ᠭᠡᠬᠦ ᠠᠭᠤᠯᠭ᠎ᠠ ᠲᠠᠢ ᠪᠠᠨ ᠬᠠᠷᠰᠢᠯᠲᠤᠨ᠎ᠠ ᠪᠠᠶᠢᠬ᠎ᠠ᠃ᠪᠦᠷᠲᠡ ᠴᠢᠨ᠋ᠸ᠎ᠠ ᠬᠤᠸ᠎ᠠ ᠮᠡᠷᠡᠯ — ᠡᠮᠦᠨᠡᠬᠡᠨ ᠬᠡᠰᠡᠭ ᠲᠤ ︽ᠲᠡᠭᠡᠷ᠎ᠡ ᠲᠡᠭᠷᠢ ᠠᠴᠠ ᠵᠠᠶᠠᠭᠠᠲᠤ︾ ᠭᠡᠬᠦ ᠠᠭᠤᠯᠭ᠎ᠠ  ᠶᠢᠨ ᠬᠤᠪᠢ ᠳᠤ ᠠᠵᠢᠭᠯᠠᠬᠤ ᠳᠤ᠂ ᠲᠤᠲᠠᠭᠰᠠᠨ ᠨᠢᠭᠡ᠂ ᠢᠯᠡᠭᠦᠲᠡᠭᠰᠡᠨ ᠨᠢᠭᠡ ᠪᠤᠢ ᠭᠡᠵᠡᠢ᠃ ᠤᠲᠤ ᠪᠡᠭᠡᠯᠡᠵᠦ ᠶᠠᠷᠢᠶ᠎ᠠ᠄ ᠲᠤᠮᠤᠭ ᠲᠤ ︽ᠲᠡᠭᠡᠷ᠎ᠡ ᠲᠡᠭᠷᠢ ᠠᠴᠠ ᠵᠠᠶᠠᠭᠠᠲᠤ︾ ᠭᠡᠵᠦ ᠲᠤᠷᠠᠲᠤᠨ᠎ᠠ᠂ ᠡᠨᠡ ᠨᠢ ︽ᠲᠡᠭᠷᠢ ᠶᠢᠨ ᠬᠦᠪᠡᠭᠦᠨ︾ ᠭᠡᠬᠦ ᠲᠤᠷᠠᠲᠤᠯ ᠲᠠᠢ ᠲᠦᠰᠦᠭᠡᠲᠡᠢ᠂ ᠤᠳᠬ᠎ᠠ ᠲᠡᠭᠡᠷ᠎ᠡ ᠪᠠᠨ ᠢᠵᠢᠯᠢᠳᠤᠨ᠎ᠠ᠃ ᠬᠡᠷᠪᠡ᠂ ︽ᠲᠡᠭᠷᠢ  ᠠᠴᠠ ᠵᠠᠶᠠᠭᠠᠲᠤ︾ ᠬᠦᠮᠦᠨ ᠨᠢ ᠪᠠᠲᠠᠴᠢ ᠬᠠᠨ ᠮᠥᠨ ᠪᠤᠯ ᠲᠡᠭᠦᠨ ᠢ ᠲᠤᠷᠦᠭᠰᠡᠨ ᠡᠬᠡ ᠪᠡᠶ᠎ᠡ ︵ᠡᠰᠡᠭᠦᠯ᠎ᠡ ᠬᠤᠸ᠎ᠠ ᠮᠡᠷᠡᠯ︶ ᠢᠯᠡᠷᠡᠬᠦ ᠤᠴᠢᠷ ᠲᠠᠢ᠂ ᠬᠠᠷᠢᠨ ᠪᠠᠰᠨ ᠨᠢᠭᠡᠨ ᠡᠴᠢᠭᠡ ᠪᠡᠶ᠎ᠡ ︵ᠡᠰᠡᠭᠦᠯ᠎ᠡ ᠪᠦᠷᠲᠡ ᠴᠢᠨ᠋ᠸ᠎ᠠ︶ ᠢᠯᠡᠷᠡᠬᠦ ᠤᠴᠢᠷ ᠦᠭᠡᠢ᠃ ᠬᠡᠶ᠎ᠡ ᠠᠳᠡ ᠢᠯᠡᠭᠦᠲᠡᠭᠰᠡᠨ ᠨᠢᠭᠡ ᠪᠤᠢ᠃ ᠬᠡᠷᠪᠡ᠂ ︽ᠲᠡᠭᠷᠢ ᠠᠴᠠ ᠵᠠᠶᠠᠭᠠᠲᠤ︾ ᠬᠦᠮᠦᠨ ᠨᠢ ᠪᠦᠷᠲᠡ ᠴᠢᠨ᠋ᠸ᠎ᠠ ᠮᠥᠨ ᠪᠤᠯ ᠲᠡᠭᠦᠨ ᠢ ᠲᠦᠷᠦᠭᠰᠡᠨ ᠡᠬᠡ ᠪᠡᠶ᠎ᠡ — ᠲᠤᠮᠤᠭ ᠤᠨ ᠡᠭᠦᠰᠦᠯ ᠪᠦᠷᠢᠯᠲᠦᠯ ᠤᠨ ᠭᠤᠤᠯ ᠲᠤᠯᠭᠠᠭᠤᠷᠢ ︵ᠪᠤᠲᠠ ᠡᠷᠬᠡᠲᠡᠨ︶ ᠢᠯᠡᠷᠡᠬᠦ ᠤᠴᠢᠷ ᠲᠠᠢ᠂ ᠬᠡᠶ᠎ᠡ ᠠᠳᠡ ᠢᠯᠡᠷᠡᠭᠰᠡᠨ ᠦᠭᠡᠢ᠂ ᠲᠠᠷᠤᠢ ᠲᠤᠲᠠᠭᠰᠠᠨ ᠨᠢᠭᠡ ᠪᠤᠢ᠃ ᠠᠲᠡᠬᠢ᠂ ᠢᠯᠡᠭᠦᠲᠡᠭᠰᠡᠨ ᠪᠤᠶᠤ ᠲᠤᠲᠠᠭᠰᠠᠨ ᠰᠢᠨᠵᠢ ᠨᠢ ᠲᠤᠮᠤᠭ ᠤᠨ ᠵᠤᠬᠢᠶᠠᠩᠭᠤᠢ ᠶᠢ ᠡᠮᠬᠢ ᠦᠭᠡᠢ ᠪᠤᠯᠭᠠᠭᠰᠠᠨ ᠮᠡᠲᠦ ᠰᠠᠨᠠᠭᠲᠠᠨ᠎ᠠ᠃ ᠮᠤᠩᠭᠤᠯᠴᠤᠳ ᠪᠠᠶᠢᠭᠠᠯᠢ ᠶᠢᠨ ᠶᠠᠭᠤᠮ᠎ᠠ ᠦᠵᠡᠭᠲᠡᠯ ᠢ ᠴᠦ ᠪᠡᠶ᠎ᠡ ᠴᠤᠭᠴᠠ ᠳᠤ ᠤᠶᠠᠯᠲᠤᠭᠤᠯᠵᠤ ᠪᠡᠶᠡᠵᠢᠭᠦᠯᠵᠦ ᠰᠢᠨᠵᠢᠲᠡᠭ᠃ ︽ᠤᠨᠤᠨ ᠮᠦᠷᠡᠨ ᠤ ᠲᠡᠷᠢᠭᠦᠨ᠎ᠡ ᠪᠤᠷᠬᠠᠨ ᠬᠠᠯᠲᠤᠨ᠎ᠠ ︾ ᠭᠡᠲᠡᠭ ᠨᠢ ᠪᠤᠷᠬᠠᠨ ᠬᠠᠯᠲᠤᠨ ᠢ ᠤᠨᠤᠨ ᠮᠦᠷᠡᠨ ᠤ ᠲᠡᠷᠢᠭᠦᠨ ᠭᠡᠵᠦ᠂ ︽ᠪᠡᠶ᠎ᠡ ᠲᠡᠷᠢᠭᠦᠲᠦ ᠲᠡᠪᠡᠯ ᠵᠠᠬᠠᠲᠤ︾ ᠬᠡᠬᠦ ᠵᠦᠢ ᠲᠤᠭᠲᠠᠯ ᠳᠤ ᠲᠤᠬᠢᠷᠠᠭᠤᠯᠵᠤ ᠲᠤᠭᠠᠴᠢᠵᠤ ᠪᠠᠶᠢᠭ᠎ᠠ ᠤᠴᠢᠷ ᠮᠥᠨ᠃ ᠲᠠᠶᠢᠨ ᠠᠲᠠᠯ᠎ᠠ᠂ ᠨᠢᠭᠡᠨ ᠲᠡᠤᠬᠡᠨ ᠴᠢᠬᠤᠯᠨ ᠬᠦᠮᠦᠨ ︵ᠡᠰᠡᠭᠦᠯ᠎ᠡ ᠪᠦᠷᠲᠡ ᠴᠢᠨ᠋ᠸ᠎ᠠ︶ ᠢ ᠵᠦᠪᠬᠡᠨ ︽ᠲᠡᠭᠷᠢ ᠠᠴᠠ ᠵᠠᠶᠠᠭᠠᠲᠤ︾ ᠬᠡᠮᠡᠨ ᠬᠡᠶᠢᠰᠪᠦᠷᠢ ᠲᠤᠷᠠᠲᠤᠭᠠᠳ᠂ ᠡᠬᠡ ᠡᠬᠦᠰᠬᠡᠯ ᠢ ᠤᠮᠲᠠᠭᠠᠶᠢᠯᠠᠨ᠎ᠠ ᠭᠡᠲᠡᠭ ᠨᠢ ᠮᠠᠲᠠᠭ ᠲᠦᠷᠦᠭᠦᠯᠦᠮ᠎ᠡ ᠤᠴᠢᠷ ᠪᠤᠯᠲᠠᠭ᠃ ᠡᠨᠡ ᠨᠢ ᠮᠥᠨ ᠨᠢᠭᠤᠴᠠ᠂ ᠤᠶᠢᠯᠠᠭᠠᠬᠤ ᠳᠤ ᠬᠦᠴᠢᠷ᠂ ᠪᠡᠷᠭᠡ ᠡᠴᠢᠨ᠎ᠡ ᠠᠭᠤᠯᠭ᠎ᠠ ᠪᠠᠶᠢᠭ᠎ᠠ ᠶᠢ ᠲᠤᠰᠬᠠᠵᠤ ᠪᠠᠶᠢᠭ᠎ᠠ᠃ᠤᠭ ᠲᠤᠮᠤᠭ ᠤᠨ ᠲᠤᠬᠠᠢ ᠲᠡᠮᠭᠲᠡᠭᠯᠡᠭᠰᠡᠨ ᠤᠲᠤᠬᠢ ᠦᠭᠦᠯᠡᠪᠦᠷᠢ ᠳᠤ ᠨᠢᠭᠡᠯᠨ ᠵᠤᠭᠰᠤᠴᠠ ᠨᠡᠮᠡᠪᠡᠯ ᠪᠦᠬᠦᠶᠢᠯᠨ ᠲᠤᠮᠤᠭ ᠤᠨ ᠰᠤᠷᠠᠭ ᠵᠠᠩᠬᠢ ᠳᠤ ᠶᠡᠬᠡᠭᠡᠨ ᠬᠤᠪᠢᠷᠠᠯᠳᠠ ᠭᠠᠷᠤᠨ᠎ᠠ᠃ ᠲᠠᠷᠤᠢ ︽ᠲᠡᠭᠡᠷ᠎ᠡ ᠲᠡᠭᠷᠢ ᠠᠴᠠ ᠵᠠᠶᠠᠭᠠᠲᠤ ᠲᠦᠷᠦᠭᠰᠡᠨ ᠪᠦᠷᠲᠡ ᠴᠢᠨ᠋ᠸ᠎ᠠ ᠠᠵᠤᠭᠤ︾ ᠭᠡᠲᠡᠭ ᠦᠭᠦᠯᠡᠪᠦᠷᠢ ᠳᠤ ᠨᠢᠭᠡ ᠴᠡᠭ ᠨᠡᠮᠡᠵᠦ᠂ ︽ᠲᠡᠭᠡᠷ᠎ᠡ ᠲᠡᠭᠷᠢ ᠠᠴᠠ ᠵᠠᠶᠠᠭᠠᠲᠤ᠂ ᠲᠦᠷᠦᠭᠰᠡᠨ ᠪᠦᠷᠲᠡ ᠴᠢᠨ᠋ᠸ᠎ᠠ ᠠᠵᠤᠭᠤ︾ ᠭᠡᠵᠦ ᠬᠤᠪᠢᠷᠠᠭᠠᠳ ᠰᠢᠨᠵᠢᠪᠡᠯ ᠲᠤᠮᠤᠭ ᠲᠠᠬᠢ ︽ᠪᠦᠷᠲᠡ ᠴᠢᠨ᠋ᠸ᠎ᠠ᠂ ᠭᠡᠷᠭᠡᠢ᠂ ᠬᠤᠸᠠ ᠮᠡᠷᠡᠯ︾ ᠵᠡᠷᠭᠡ ᠦᠭᠡᠰ ᠨᠢ ᠤᠲᠤᠬᠢ ᠤᠶᠢᠯᠠᠭᠠᠯᠳᠠ ᠠᠴᠠ ᠦᠭᠡᠷ᠎ᠡ ᠦᠭᠡᠷ᠎ᠡ ᠰᠤᠷᠠᠭ ᠵᠠᠩᠬᠢ ᠢᠯᠡᠷᠡᠭᠦᠯᠵᠦ ᠪᠤᠯᠤᠨ᠎ᠠ᠃ ᠲᠤᠬᠠᠶᠢᠯᠠᠪᠠᠯ᠄ ︽ᠴᠢᠩᠭᠢᠰ ᠬᠠᠭᠠᠨ ᠤ ᠢᠵᠠᠭᠤᠷ ᠲᠡᠭᠡᠷ᠎ᠡ ᠲᠡᠭᠷᠢ ᠠᠴᠠ ᠵᠠᠶᠠᠭᠠᠲᠦ᠃︾ — ᠡᠨᠡ ᠬᠡᠰᠡᠭ ᠨᠢ ᠲᠤᠮᠤᠭ ᠤᠨ ᠢᠯᠡᠳᠭᠡᠬᠦ ᠬᠡᠰᠡᠨ ᠰᠠᠨᠠᠭ᠎ᠠ ᠶᠢ ᠨᠢᠭᠡᠨᠲᠡ ᠬᠡᠶᠢᠰᠪᠦᠷᠢᠯᠡᠨ ᠲᠤᠰᠬᠠᠵᠠᠢ᠃ ︽ᠲᠦᠷᠦᠭᠰᠡᠨ ᠪᠦᠷᠲᠡ︾ — ᠡᠨᠡ ᠨᠢ ︽ᠪᠠᠲᠠᠴᠢ ᠬᠠᠨ ᠢ ᠲᠦᠷᠦᠭᠰᠡᠨ ᠪᠦᠷᠲᠡ︾ ᠭᠡᠬᠦᠴᠢᠯᠡᠨ ᠰᠤᠷᠠᠭ ᠲᠤᠬᠢᠶ᠎ᠠ ᠨᠡᠶᠢᠯᠡᠵᠦ ᠪᠠᠶᠢᠬᠤ ᠰᠢᠭ᠋᠃ ᠲᠡᠶᠢᠮᠦ ᠪᠤᠯ ︽ᠴᠢᠨ᠋ᠸ᠎ᠠ︾ ᠭᠡᠲᠡᠭ ᠨᠢ ᠪᠦᠷᠲᠡ ᠶᠢᠨ ᠠᠵᠢᠯ ᠡᠭᠦᠷᠭᠡᠯᠡᠯ᠂ ᠤᠭᠰᠠᠭ᠎ᠠ ᠭᠠᠷᠤᠯ ᠳᠤ ᠬᠤᠯᠪᠤᠭᠲᠠᠭᠰᠠᠨ ᠰᠤᠷᠠᠭ ᠵᠠᠩᠬᠢ ᠪᠠᠶᠢᠵᠤ ᠪᠤᠯᠤᠨ᠎ᠠ᠃ ᠲᠡᠭᠦᠨ ᠤ ᠤᠯᠠᠮ ᠠᠴᠠ ︽ᠭᠡᠷᠭᠡᠢ᠂ ᠬᠤᠸᠠ ᠮᠡᠷᠡᠯ︾ ᠵᠡᠷᠭᠡ ᠨᠢ ᠪᠦᠷᠲᠡ ᠶᠢᠨ ᠤᠷᠤᠰᠢᠵᠤ ᠠᠮᠢᠲᠤᠷᠠᠵᠤ ᠪᠠᠶᠢᠭᠰᠠᠨ ᠭᠠᠵᠠᠷ ᠤᠰᠤᠨ ᠤ ᠨᠡᠷᠡᠶᠢᠲᠦᠯ ᠳᠤ ᠬᠤᠯᠪᠤᠭᠲᠠᠭᠰᠠᠨ ᠦᠭᠡᠰ ᠪᠠᠶᠢᠵᠤ ᠪᠤᠯᠤᠨ᠎ᠠ᠃ ᠲᠡᠨᠲᠡ ᠠᠴᠠ ᠪᠠᠨ ᠲᠠᠩᠬᠢᠰ ᠭᠡᠲᠦᠯᠵᠦ ᠢᠷᠡᠭᠰᠡᠨ ᠪᠠᠶᠢᠵᠤ ᠮᠡᠲᠡᠬᠦ᠃ — ᠡᠶᠢᠮᠦ ᠵᠠᠭᠪᠤᠷ ᠲᠡᠭᠡᠷ᠎ᠡ ᠲᠠᠯᠪᠢᠵᠤ ᠦᠵᠡᠭᠦᠯᠡᠷ᠂ ᠤᠭ ᠲᠤᠮᠤᠭ ᠲᠤ᠂ ᠪᠤᠲᠠ ᠡᠷᠭᠡᠲᠡᠨ ︵ᠪᠦᠷᠲᠡ︶᠂ ᠪᠠᠶᠢᠭᠠᠯᠢ ᠶᠢᠨ ᠬᠦᠴᠦᠨ ︵ᠲᠡᠭᠡᠷ᠎ᠡ ᠲᠡᠭᠷᠢ︶᠂ ᠦᠷ᠎ᠡ ᠳ᠋ᠦᠩ ︵ᠪᠠᠲᠠᠴᠢ ᠬᠠᠨ︶ ᠬᠦᠢᠴᠡᠯᠲᠦᠵᠦ᠂ ᠵᠤᠬᠢᠶᠠᠩᠭᠤᠢ ᠡᠮᠬᠢ ᠲᠢᠭᠯᠢᠮ ᠲᠠᠢ ᠪᠤᠯᠵᠤ ᠢᠷᠡᠨ᠎ᠡ᠃ ᠲᠠᠷᠤᠢ᠂ ︽ᠲᠤᠲᠠᠭᠰᠠᠨ ᠨᠢᠭᠡ᠂ ᠢᠯᠡᠭᠦᠲᠡᠭᠰᠡᠨ ᠨᠢᠭᠡ︾ ᠭᠡᠬᠦ ᠪᠠᠶᠢᠲᠠᠯ ᠭᠠᠷᠬᠤ ᠦᠭᠡᠢ᠃︽ᠪᠦᠷᠲᠡ ᠴᠢᠨ᠋ᠸ᠎ᠠ᠂ ᠭᠡᠷᠬᠡᠢ᠂ ᠬᠤᠸᠠ ᠮᠡᠷᠡᠯ︾ ᠵᠡᠷᠭᠡ ᠦᠭᠡᠰ ᠲᠤ ᠪᠠᠰᠨ ᠨᠢᠭᠡ ᠠᠯᠬᠤᠮ ᠤᠨ ᠰᠢᠨᠵᠢᠯᠡᠭᠡ ᠬᠢᠬᠦ ᠬᠡᠯᠡᠨ ᠤ ᠨᠦᠭᠦᠴᠡᠯ ᠮᠠᠨ ᠳᠤ ᠪᠠᠶᠢᠨ᠎ᠠ᠃ ᠲᠤᠬᠠᠶᠢᠯᠠᠪᠠᠯ᠄ ᠪᠦᠷᠲᠡ — ᠭᠡᠷᠡᠯ ᠭᠡᠭᠡ ᠲᠠᠢ ᠬᠤᠯᠪᠤᠭᠲᠠᠭᠰᠠᠨ ᠦᠭᠡ ᠪᠠᠶᠢᠵᠤ ᠪᠤᠯᠤᠨ᠎ᠠ ᠭᠡᠵᠦ ᠡᠮᠦᠨ᠎ᠡ ᠬᠡᠰᠡᠭ ᠲᠤ ᠨᠢᠭᠡᠨᠳᠡ ᠲᠡᠮᠲᠡᠭᠯᠡᠵᠦ ᠦᠩᠭᠡᠷᠡᠪᠡ᠃ ᠡᠰᠡᠭᠦᠯ᠎ᠡ ︽ᠪᠦᠷᠦᠢ  ᠠᠴᠠ ᠡᠷᠲᠡ︾ ᠶᠢᠨ ᠲᠡᠭᠷᠢ ᠶᠢᠨ ᠪᠠᠷᠡᠭᠤᠨ ᠬᠤᠶᠢᠨ᠎ᠠ ᠬᠡᠰᠡᠭ ᠢ ᠨᠡᠶᠢᠲᠡᠮ ᠬᠡᠶᠢᠭᠦᠯᠦᠭᠴᠢ ᠲᠤᠯᠤᠩ ᠲᠤᠶᠠᠭ᠎ᠠ ᠶᠢ ᠵᠢᠭᠠᠭᠰᠠᠨ ᠪᠠᠶᠢᠵᠤ ᠪᠤᠯᠬᠤ᠃ ᠴᠢᠨ᠋ᠸ᠎ᠠ — ᠡᠨᠡ ᠦᠭᠡ ᠶᠢ ︽ᠴᠢ᠊ ‍ᠨ᠋᠊ ‍ᠸ᠎ᠠ︾ ᠭᠡᠬᠦ ᠭᠤᠷᠪᠠᠨ ᠭᠡᠰᠡᠭ ᠲᠤ ᠠᠵᠢᠭᠯᠠᠵᠤ ᠪᠤᠯᠤᠨ᠎ᠠ᠃ ︽ᠴ᠊︾ ᠠᠪᠢᠶ᠎ᠠ ᠶᠢᠨ ︽ᠠᠴᠠᠵᠤ ᠲᠡᠭᠡᠭᠡᠬᠦ︾ ᠲᠠᠢ ᠵᠦᠭᠲᠡᠭᠡᠨ ᠬᠤᠯᠪᠤᠭᠲᠠᠵᠤ ᠪᠠᠶᠢᠭᠰᠠᠨ ᠨᠢᠭᠡᠨ ᠤᠨᠴᠠᠯᠢᠭ ᠢ ᠡᠮᠦᠨ᠎ᠡ ᠭᠡᠰᠡᠭ ᠲᠤ ᠠᠩᠬᠠᠷᠪᠠ᠃ ᠲᠤᠮᠤᠭ ᠲᠠᠬᠢ ︽ᠲᠠᠩᠬᠢᠰ ᠭᠡᠲᠦᠯᠵᠦ ᠢᠷᠡᠪᠡ︾ ᠭᠡᠲᠡᠭ  ᠲᠤ ᠰᠢᠯᠲᠠᠭᠠᠯᠠᠵᠤ ︽ᠤᠩᠭᠤᠴᠠ᠂ ᠤᠩᠭᠤᠴᠠᠨ︾ ᠭᠡᠬᠦ ᠤᠳᠬ᠎ᠠ ᠲᠡᠭᠡᠷ᠎ᠡ ᠪᠤᠲᠤᠯᠬᠢᠯᠠᠵᠤ ᠪᠤᠯᠬᠤ ᠮᠡᠲᠦ᠃ ︽ᠨ᠊︾ ᠶᠢ ᠡᠮᠦᠨ᠎ᠠ ᠬᠡᠰᠡᠭ ᠲᠤ ᠠᠩᠬᠠᠷᠴᠤ ᠬᠡᠲᠦᠨ ᠵᠦᠢᠯ ᠤᠨ ᠤᠨᠴᠠᠯᠢᠭ ᠲᠠᠢ ᠪᠠᠶᠢᠭ᠎ᠠ ᠶᠢ ᠲᠠᠨᠢᠵᠤ ᠤᠯᠪᠠ᠃ ᠠᠳᠡ ᠲᠤᠮᠤᠭ ᠲᠠᠬᠢ ᠠᠭᠤᠯᠭ᠎ᠠ ᠶᠢᠨ ᠤᠷᠴᠢᠨ ᠲᠤᠭᠤᠷᠢᠨ ᠳᠤ ᠲᠤᠯᠲᠤᠶᠢᠯᠠᠵᠤ᠂ ︽ᠨᠤᠶᠠᠨ ᠠᠬᠠᠯᠠᠭᠴᠢ︾ ᠭᠡᠬᠦ ᠤᠳᠬ᠎ᠠ ᠲᠠᠢ ᠪᠠᠶᠢᠭᠰᠠᠨ ᠭᠡᠵᠦ ᠦᠵᠡᠵᠦ ᠪᠤᠯᠬᠤ ᠮᠡᠲᠦ᠃ ᠲᠡᠭᠡᠭᠰᠡᠭᠡᠷ ︽ᠴᠢ᠊᠂ ᠨ᠊︾ ᠭᠡᠪᠡᠯ ︽ᠤᠩᠭᠤᠴᠠᠨ ᠤ ᠨᠤᠶᠠᠨ ᠠᠬᠠᠯᠠᠭᠴᠢ︾ ᠭᠡᠬᠦ ᠰᠠᠨᠠᠭ᠎ᠠ ᠶᠢ ᠲᠤᠰᠬᠠᠭᠰᠠᠨ ᠪᠠᠶᠢᠵᠤ ᠪᠤᠯᠤᠨ᠎ᠠ᠃ ‍ᠸ᠎ᠠ — ᠰᠤᠲᠤᠷ ᠬᠦᠷᠪᠡᠭᠦᠯᠦᠭᠴᠢ ᠬᠠᠭᠤᠴᠢᠨ ᠶᠦᠲ᠋ᠤᠭ ᠶᠤᠨᠲᠠᠠᠭᠤᠮᠪᠤ ᠭᠡᠭᠴᠢ ᠪᠠᠶᠢᠪᠠ᠂ ᠲᠡᠭᠦᠨ ᠤ ᠲᠤᠯᠤᠲᠤᠭᠠᠷ ᠦᠶ᠎ᠡ ᠶᠢᠨ ᠠᠴᠢ ᠰᠢᠨ᠎ᠡ ᠶᠦᠲ᠋ᠤᠭ ᠶᠤᠨᠲᠠᠠᠭᠤᠮᠪᠤ ᠭᠡᠵᠦ ᠪᠠᠶᠢᠪᠠ᠃ ᠬᠤᠶᠠᠭᠤᠯᠨ ᠶᠢ ᠬᠠᠮᠲᠤ ᠳᠤᠨᠢ ︽ᠶᠦᠲ᠋ᠤᠬᠸ᠎ᠠ︾ ᠭᠡᠵᠦ ᠲᠤᠪᠴᠢᠯᠠᠨ ᠵᠢᠭᠠᠲᠠᠭ ᠬᠡᠯᠴᠡᠲᠡᠭ᠃ ᠠᠲᠡ ᠠᠴᠠ ︽‍ᠸ᠎ᠠ︾ ᠭᠡᠬᠦ ᠦᠭᠡ ᠨᠢ ᠢᠯᠡᠷᠬᠡᠶ᠎ᠡ ︽ᠤᠪᠤᠭ︾ ᠭᠡᠬᠦ ᠤᠳᠬ᠎ᠠ ᠲᠠᠢ ᠪᠠᠶᠢᠬᠤ ᠶᠢ ᠤᠯᠵᠤ ᠬᠠᠷᠠᠨ᠎ᠠ᠃ ᠲᠡᠭᠡᠪᠡᠯ ︽ᠴᠢᠨ᠋ᠸ᠎ᠠ︾ ᠭᠡᠪᠡᠯ       ︽ᠤᠩᠭᠤᠴᠠᠨ ᠤᠪᠤᠭ ᠲᠠᠢ︾ ᠭᠡᠰᠡᠨ ᠰᠠᠨᠠᠭ᠎ᠠ ᠶᠢ ᠬᠠᠷᠠᠭᠤᠯᠤᠭᠰᠠᠨ ᠪᠠᠶᠢᠵᠤ ᠪᠤᠯᠬᠤ ᠮᠡᠲᠦ᠃ ᠡᠷᠲᠡᠨ ᠤ ᠬᠦᠮᠦᠰ ᠤᠨ ᠪᠦᠯᠦᠭᠯᠡᠯ ᠨᠢ ᠦᠨᠲᠦᠷ ᠪᠠᠶᠢᠷᠢ ᠰᠠᠭᠤᠷᠢᠳᠡᠨ  ᠢᠶᠠᠨ ᠲᠠᠭᠠᠵᠤ ᠤᠪᠤᠭᠰᠢᠲᠠᠭ ᠪᠠᠶᠢᠬ᠎ᠠ᠃ ᠤᠪᠤᠭ᠂ ᠠᠬᠠᠯᠠᠭᠴᠢ᠂ ᠨᠤᠶᠠᠨ ᠤ ᠠᠯᠢ ᠨᠢ ᠴᠦ ᠪᠤᠯᠤᠭ ᠶᠡᠷᠦ ᠳᠡᠭᠡᠨ ᠨᠤᠶᠠᠯᠠᠬᠤ ᠪᠠᠶᠢᠷᠢ ᠰᠠᠭᠤᠷᠢ ᠶᠢ ᠲᠤᠰᠬᠠᠲᠠᠭ᠃ ᠲᠡᠭᠡᠪᠡᠯ ᠦᠬᠦᠯᠡᠪᠦᠷᠢ ︽ᠲᠦᠷᠡᠭᠰᠡᠨ ᠪᠦᠷᠲᠡ ᠴᠢᠨ᠋ᠸ᠎ᠠ ᠠᠵᠤᠭᠤ︾ ᠭᠡᠲᠡᠭ ᠨᠢ ︽ᠲᠦᠷᠡᠭᠰᠡᠨ ᠪᠦᠷᠲᠡ ᠤᠩᠭᠤᠴᠠᠨ ᠨᠤᠶᠠ ᠠᠵᠤᠭᠤ︾ ᠭᠡᠰᠡᠨ ᠤᠳᠬ᠎ᠠ ᠲᠠᠢ ᠪᠠᠶᠢᠵᠤ ᠪᠤᠯᠬᠤ ᠮᠡᠲᠦ᠃ ᠭᠡᠷᠭᠡᠢ — ᠡᠨᠡ ᠦᠭᠡ ᠤᠯᠤᠰ ᠭᠡᠷ ᠢ ᠵᠢᠭᠠᠭᠰᠠᠨ ᠦᠭᠡ ᠪᠠᠶᠢᠵᠤ ᠪᠤᠯᠤᠨ᠎ᠠ᠃ ︽ᠭᠡᠷᠭᠡᠢ︾ ᠭᠡᠰᠡᠨ ᠦᠭᠡ ︽ᠭᠡᠷ︾ ᠭᠡᠰᠡᠨ ᠦᠭᠡ ᠠᠴᠠ ᠢᠷᠡᠨ᠎ᠡ᠃ ᠬᠢᠵᠠᠭᠠᠷ᠂ ᠭᠡᠷ᠂ ᠤᠷᠤᠨ᠂ ᠬᠦᠷ᠂ ᠬᠦᠷᠦᠨ ᠵᠡᠷᠭᠡ ᠦᠭᠡᠰ ᠤᠨ ᠬᠠᠷᠢᠴᠠᠭ᠎ᠠ ᠬᠤᠯᠪᠤᠭᠠᠨ ᠤ ᠲᠤᠬᠠᠢ ᠡᠮᠦᠨ᠎ᠡ ᠬᠡᠰᠡᠭ ᠲᠤ ᠠᠩᠬᠠᠷᠪᠠ᠃ ᠬᠤᠸ᠋ᠨ ᠮᠡᠷᠡᠯ — ᠭᠠᠵᠠᠷ ᠤᠨ ᠨᠡᠷ᠎ᠡ ᠪᠠᠶᠢᠵᠤ ᠮᠡᠲᠡᠨ᠎ᠡ᠃ ᠦᠨᠳᠦᠰᠦᠨ ᠳᠡᠭᠡᠨ ︽ᠬᠠᠮ ᠠᠷᠠᠯ︾ ᠭᠡᠬᠦ ᠬᠡᠯᠡᠯᠭᠡ ᠲᠠᠢ ᠤᠶᠢᠷ᠎ᠠ ᠪᠠᠶᠢᠨ᠎ᠠ᠃ ᠡᠮᠦᠨ᠎ᠡ ᠬᠡᠰᠡᠭ  ᠢᠶᠠᠷ ᠪᠢᠲᠡ ︽ᠠᠨ᠋ᠨ ᠬᠤᠬᠠᠭᠠᠨ︾ ᠭᠡᠬᠦ ᠬᠤᠯᠪᠤᠭ᠎ᠠ ᠦᠭᠡ ᠨᠢ ︽ᠠᠨᠠᠭᠠᠬᠤ ᠤᠬᠠᠭᠠᠨ︾ ᠭᠡᠵᠦ ᠬᠤᠪᠢᠷᠠᠭᠰᠠᠨ ᠰᠢᠭ᠋ ᠭᠡᠵᠦ ᠰᠡᠵᠢᠭ ᠲᠠᠭᠠᠮᠠᠭ ᠡᠭᠦᠰᠭᠡᠵᠡᠢ᠃ ︽ᠮᠡᠷᠡᠯ︾ ᠭᠡᠬᠦ ᠦᠭᠡᠨ ᠳᠠᠬᠢ ︽ᠮ᠊︾ ᠨᠢ ᠡᠮᠦᠨᠡᠬᠢ ᠦᠭᠡ ᠶᠢᠨ ᠲᠤᠤᠷ᠎ᠠ ᠨᠡᠶᠢᠯᠡᠪᠡᠯ ︽ᠬᠠᠮ︾ ᠪᠤᠯᠵᠤ᠂ ᠬᠤᠯᠪᠤᠭ᠎ᠠ ᠦᠭᠡ ︽ᠬᠠᠮ ᠠᠷᠠᠯ︾ ᠭᠡᠬᠦ ᠲᠠᠭᠤᠲᠠᠯᠭ᠎ᠠ ᠪᠤᠢ ᠪᠤᠯᠵᠤ ᠢᠷᠡᠨ᠎ᠡ᠃ ︽ᠬᠠᠮᠤᠭ ᠠᠷᠠᠯ︾᠂ ︽ᠤᠯᠠᠨ ᠠᠷᠠᠯ ᠤᠯᠲᠤᠷᠢᠭ︾ ᠭᠡᠲᠡᠭ ᠰᠠᠨᠠᠭ᠎ᠠ ᠶᠢ ᠲᠤᠰᠬᠠᠭᠰᠠᠨ ᠪᠠᠶᠢᠵᠤ ᠪᠤᠯᠤᠨ᠎ᠠ᠃ ᠬᠡᠶ᠎ᠡ ︽ᠬ᠊᠂ ᠺᠠ᠊︾ ᠰᠡᠯᠭᠦᠵᠦ᠂ ︽ᠨ᠊᠂ ᠮ᠊︾ ᠰᠡᠯᠭᠦᠵᠦ ᠪᠠᠶᠢᠲᠠᠭ᠃ ᠲᠡᠶᠢᠮᠦ ᠪᠤᠯ ︽ᠬᠠᠮ᠂ ᠬᠤᠮ᠂ ᠬᠦᠮ       ︵ᠠᠷᠠᠯ︶︾ ᠨᠢ ︽ᠬᠠᠨ᠎ᠠ᠂ ᠬᠤᠨ᠎ᠠ᠂ ᠬᠦᠨ᠎ᠡ ︵ᠠᠷᠠᠯ︶︾ ᠪᠤᠯᠵᠤ ᠲᠠᠭᠤᠲᠠᠭᠲᠠᠬᠤ ᠪᠤᠶᠤ ᠡᠰᠡᠭᠦᠯ᠎ᠡ ︽ᠺᠠᠨ᠎ᠠ᠂ ᠺᠡᠤᠨ᠎ᠡ᠂ ᠺᠦᠨ᠎ᠡ ︵ᠠᠷᠠᠯ︶︾ ᠭᠡᠬᠦ ᠮᠡᠲᠦ ᠲᠠᠭᠤᠲᠠᠭᠲᠠᠬᠤ ᠪᠤᠯᠤᠮᠵᠢ ᠲᠠᠢ᠃ ᠶᠠᠭᠤ ᠭᠡᠶ᠎ᠡ ᠠᠷᠠᠯ ᠤᠯᠲᠤᠷᠢᠭ ᠢ ᠵᠢᠭᠠᠭᠰᠠᠨ ᠰᠢᠭ᠋ ᠯᠡ ᠪᠠᠶᠢᠨ᠎ᠠ᠃ ᠴᠡᠭᠴᠡ ᠲᠠᠢ ᠶᠠᠷᠢᠪᠠᠯ᠄ ︽ᠴᠢᠩᠭᠢᠰ ᠬᠠᠭᠠᠨ ᠤ ᠢᠵᠠᠭᠤᠷ ᠲᠡᠭᠡᠷ᠎ᠡ ᠲᠡᠭᠷᠢ ᠠᠴᠠ ᠵᠠᠶᠠᠭᠠᠲᠤ᠂ ᠲᠦᠷᠦᠭᠰᠡᠨ ᠪᠦᠷᠲᠡ ︵ᠤᠩᠭᠤ᠋ —︶ ᠴᠠᠨ ᠨᠤᠶ᠋ᠨ ᠠᠵᠤᠭᠤ᠃ ᠭᠡᠷ ᠬᠢ ᠨᠢ ᠬᠠᠮ ᠠᠷᠠᠯ ᠠᠵᠠᠢ᠃ ᠲᠠᠩᠬᠢᠰ ᠭᠡᠲᠦᠯᠵᠦ ᠢᠷᠡᠪᠡ᠃ ᠤᠨᠠᠨ ᠮᠦᠷᠡᠨ ᠤ ᠲᠡᠷᠢᠭᠦᠨ᠎ᠡ ᠪᠤᠷᠬᠠᠨ ᠬᠠᠯᠲᠤᠨ᠎ᠠ ᠨᠤᠲᠤᠭᠯᠠᠵᠤ ᠲᠦᠷᠡᠭᠰᠡᠨ ᠪᠠᠲᠠᠴᠢ ᠬᠠᠨ ᠠᠵᠤᠭᠤ︾᠃ᠦᠭᠡ ᠬᠡᠯᠨ ᠪᠤᠯ ᠤᠨᠴᠠᠭᠠᠢ ᠰᠤᠶᠤᠯ ᠮᠥᠨ᠂ ᠲᠡᠷᠨ ᠨᠢ ᠤᠯᠠᠨ ᠵᠦᠢᠯ ᠤᠨ ᠤᠨᠴᠠᠭᠠᠢ ᠰᠢᠨᠵᠢ ᠶᠢ ᠢᠯᠡᠷᠡᠭᠦᠯᠲᠡᠭ᠃ ᠦᠭᠡ ᠬᠡᠯᠨ ᠨᠢ ᠲᠡᠤᠬᠡᠨ ᠬᠦᠭᠵᠢᠯᠲᠡ ᠶᠢᠨ ᠶᠠᠪᠤᠴᠠ ᠳᠠᠭᠠᠨ ᠤᠯᠠᠨ ᠤᠯᠠᠨ ᠬᠡᠯᠨ ᠵᠦᠢ ᠶᠢᠨ ᠵᠢᠮ᠎ᠡ ᠶᠤᠰᠤ ᠶᠢ ᠢᠯᠡᠷᠡᠭᠦᠯᠦᠭᠰᠡᠨ ᠪᠠᠶᠢᠵᠤ ᠪᠤᠯᠬᠤ᠂ ᠲᠡᠲᠡᠭᠡᠷ ᠲᠤ ᠬᠠᠷᠢᠯᠴᠠᠨ ᠠᠬᠢᠭᠤᠯᠬᠤ ᠬᠠᠷᠢᠯᠴᠠᠨ ᠭᠠᠲᠠᠭᠤᠷᠴᠢᠯᠠᠬᠤ ᠵᠦᠢ ᠲᠤᠭᠲᠠᠯ ᠪᠤᠢ ᠪᠤᠯᠤᠭᠰᠠᠨ ᠪᠠᠶᠢᠵᠤ ᠪᠤᠯᠬᠤ᠂ ᠴᠤᠬᠤᠮ ᠶᠠᠮᠠᠷ ᠪᠤᠯᠬᠤ ᠡᠰᠡᠬᠦ ᠶᠢ ᠲᠤᠬᠠᠢ ᠶᠢᠨ ᠬᠡᠯᠡᠨ ᠤ ᠬᠦᠭᠵᠢᠯᠲᠡ  ᠶᠢᠨ ᠲᠡᠤᠬᠡᠨ ᠶᠠᠪᠤᠴᠠ ᠰᠢᠢᠳᠪᠦᠷᠢᠯᠡᠨ ᠲᠤᠭᠲᠠᠭᠠᠨ᠎ᠠ᠃ ᠬᠦᠮᠦᠰ ᠪᠠᠶᠠᠴᠢ ᠪᠠᠷ ᠶᠠᠮᠠᠷ ᠴᠦ ᠵᠦᠷᠢᠴᠡᠯ ᠦᠭᠡᠢ ᠬᠡᠯᠪᠡᠷᠢ ᠳᠤ ᠮᠠᠭᠠᠳᠯᠠᠨ ᠲᠤᠭᠲᠠᠭᠠᠵᠤ ᠴᠢᠲᠠᠬᠤ ᠦᠭᠡᠢ᠃ ᠡᠨᠡ ᠨᠢ ᠬᠡᠯᠡᠨ ᠤ ᠪᠤᠰᠤᠳᠴᠢ ᠰᠢᠨᠵᠢ ᠶᠢᠨ ᠬᠢᠨᠢ ᠪᠠᠰᠨ ᠨᠢᠭᠡᠨ ᠢᠯᠡᠷᠡᠯ ᠮᠥᠨ᠃ ᠬᠦᠮᠦᠨ ᠲᠦᠷᠦᠯᠬᠢᠲᠡᠨ ᠤ ᠪᠦᠲᠦᠭᠡᠭᠰᠡᠨ ᠰᠤᠶᠤᠯ ᠤᠨ ᠵᠦᠢᠯ ᠳᠤ᠂ ᠦᠭᠡ ᠬᠡᠯᠨ ᠪᠤᠯ ᠬᠠᠮᠤᠭ ᠤᠨ ᠤᠷᠲᠤ ᠤᠲᠠᠭᠠᠨ ᠲᠡᠤᠬᠡ ᠲᠠᠢ ᠰᠤᠶᠤᠯ ᠤᠨ ᠬᠠᠭᠤᠴᠢᠳ ᠤᠨ ᠨᠢᠭᠡ ᠪᠤᠯᠤᠨ᠎ᠠ᠃ ᠶᠠᠭᠤ ᠴᠦ ᠬᠠᠭᠤᠴᠢᠳ ᠮᠦᠷᠲᠡᠭᠡᠨ ᠪᠠᠰᠨ ᠬᠤᠪᠢᠷᠠᠵᠤ ᠬᠦᠭᠵᠢᠵᠦ ᠪᠠᠶᠢᠭ᠎ᠠ ᠰᠢᠨ᠎ᠡ ᠬᠡᠷᠡᠭ ᠦᠵᠡᠭᠲᠡᠯ ᠪᠤᠯᠤᠨ᠎ᠠ᠃ ᠲᠡᠷᠡᠴᠢᠯᠡᠨ ᠮᠤᠩᠭᠤᠯ ᠬᠡᠯᠨ ᠪᠤᠯ ᠮᠠᠰᠢ ᠦᠷᠭᠡᠴᠡ ᠪᠠ ᠬᠦᠨᠴᠡ ᠲᠠᠢ ᠨᠢᠭᠡᠨ ᠶᠡᠭᠡ ᠠᠬᠤᠢ ᠰᠤᠶᠤᠯ ᠪᠤᠯᠤᠨ᠎ᠠ᠃ ᠮᠦᠨ ᠴᠤᠭᠴᠠ  ᠪᠠᠷ ᠢᠶᠠᠨ ᠨᠢᠭᠡᠨ ᠮᠤᠨᠲᠤᠭ ᠲᠤᠮᠤ ᠰᠤᠶᠤᠯ ᠤᠨ ᠬᠠᠭᠤᠴᠢᠳ ᠪᠤᠯᠤᠨ᠎ᠠ᠃ ᠲᠤᠰ ᠨᠢᠮᠭᠡᠨ ᠦᠭᠦᠯᠡᠯ ᠢᠶᠠᠷ ᠲᠠᠮᠵᠢᠵᠤ ᠮᠤᠩᠭᠤᠯ ᠬᠡᠯᠡᠨ ᠤ ᠲᠤᠬᠠᠢ ᠡᠶᠢᠮᠦ ᠲᠡᠶᠢᠮᠦ ᠵᠢᠮ᠎ᠡ ᠶᠤᠰᠤ ᠶᠢ ᠦᠭᠦᠯᠡᠨ ᠲᠤᠭᠠᠴᠠᠵᠤ ᠲᠡᠶᠢᠯᠬᠦ ᠦᠭᠡᠢ ᠪᠠᠶᠢᠭ᠎ᠠ᠃ ᠲᠠᠰᠢᠷᠠᠮ ᠢᠶᠠᠷ ᠰᠡᠷᠡᠵᠦ ᠤᠯᠤᠭᠰᠠᠨ ᠵᠦᠢᠯ ᠭᠡᠪᠡᠯ᠄ ᠮᠤᠩᠭᠤᠯ ᠬᠡᠯᠡᠨ ᠤ ᠰᠡᠳᠭᠢᠭᠦᠢ ᠠᠯᠢ ᠡᠷᠲᠡ ᠲᠦᠷᠰᠦᠯᠢᠭ ᠰᠡᠳᠬᠢᠭᠦᠢ᠂ ᠵᠦᠢᠴᠡᠯᠲᠦ ᠰᠡᠳᠭᠢᠭᠦᠢ ᠶᠢᠨ ᠪᠤᠯᠪᠠᠰᠤᠷᠠᠩᠭᠤᠢ ᠱᠠᠲᠤᠨ ᠳᠤ ᠬᠦᠷᠪᠡ᠃ ᠡᠨᠡ ᠬᠠᠷᠢᠶᠠᠨ ᠠᠴᠠ ᠪᠤᠯᠵᠤ ᠦᠪᠡᠷᠮᠢᠴᠡ ᠤᠨᠴᠠᠯᠢᠭ ᠲᠠᠢ ᠦᠭᠡ ᠬᠡᠯᠨ ᠪᠠᠨ ᠰᠠᠶᠢᠲᠤᠷ ᠪᠦᠷᠢᠯᠲᠦᠭᠦᠯᠵᠡᠢ᠃ ᠭᠠᠭᠴᠠ ᠦᠶᠡᠲᠦ ᠦᠭᠡ᠂ ᠵᠦᠢᠴᠡᠯ ᠦᠶᠡᠲᠦ ᠦᠭᠡ᠂ ᠨᠢᠭᠡ ᠢᠵᠠᠭᠤᠷᠲᠤ ᠦᠭᠡᠰ ᠤᠨ ᠪᠦᠯᠦᠭ᠂ ᠢᠵᠠᠭᠤᠷ ᠤᠨ ᠪᠦᠯᠦᠭᠲᠦ ᠦᠭᠡᠰ ᠤᠨ ᠪᠦᠯᠦᠭ ᠭᠡᠬᠦ ᠮᠡᠲᠦ ᠪᠠᠶᠠᠯᠢᠭ ᠦᠭᠡᠰ ᠤᠨ ᠰᠠᠩ ᠲᠠᠢ ᠲᠡᠭᠡᠲᠦ ᠬᠡᠮᠵᠢᠶᠡᠨ ᠤ ᠤᠷᠠᠯᠢᠭ ᠴᠢᠨᠠᠷ ᠲᠠᠢ᠂ ᠬᠦᠭᠵᠢᠯ ᠤᠨ ᠰᠠᠭᠤᠷᠢ ᠲᠠᠢ ᠦᠭᠡ ᠬᠡᠯᠡᠨ ᠤ ᠰᠢᠰᠲ᠋ᠧᠮ ᠢ ᠪᠦᠷᠢᠯᠲᠦᠭᠦᠯᠵᠡᠢ᠃ ᠪᠠᠶᠢᠭᠠᠯᠢ ᠶᠢᠨ ᠦᠵᠡᠭᠲᠡᠯ᠂ ᠠᠵᠤ ᠠᠮᠢᠲᠤᠷᠠᠯ᠂ ᠰᠤᠶᠤᠯ ᠵᠠᠩᠰᠢᠯ᠂ ᠦᠭᠡ ᠬᠡᠯᠡ ᠵᠡᠷᠭᠡ ᠶᠢ ᠲᠡᠭᠡᠲᠦ ᠬᠡᠮᠵᠢᠶᠡᠨ ᠳᠤ ᠠᠭᠤᠰᠤᠯᠲᠤᠭᠤᠯᠵᠤ ᠬᠡᠯᠡᠨ ᠤ ᠰᠤᠷᠠᠭ ᠵᠠᠩᠭᠢ  ᠶᠢ ᠤᠨ ᠤᠲᠠᠭᠠᠨ ᠠᠴᠢᠶᠠᠯᠠᠵᠤ ᠬᠠᠲᠠᠭᠠᠯᠠᠬᠤ ᠴᠢᠲᠠᠪᠬᠢ ᠲᠠᠢ ᠲᠡᠭᠦᠯᠲᠡᠷ ᠬᠡᠯᠨ ᠶᠢ ᠪᠦᠷᠢᠯᠲᠦᠭᠦᠯᠵᠡᠢ᠃ᠠᠪᠢᠶᠠᠨ ᠲᠠᠭᠤᠨ ᠤ ᠲᠦᠷᠰᠦ ᠲᠤᠲᠤᠷᠠᠭᠤᠯᠬᠤᠢ ᠶᠢ ᠮᠠᠰᠢ ᠠᠩᠬᠠᠷᠴᠤ᠂ ᠭᠡᠶᠢᠭᠦᠯᠦᠭᠴᠢ ᠠᠪᠢᠶ᠎ᠠ ᠪᠠᠷ ᠪᠤᠲᠠᠰ ᠤᠨ ᠤᠳᠬ᠎ᠠ ᠶᠢ ᠢᠯᠡᠷᠡᠭᠦᠯᠬᠦ ᠶᠢ ᠵᠤᠷᠢᠵᠤ᠂ ᠡᠭᠡᠰᠢᠭ ᠠᠪᠢᠶ᠎ᠠ ᠪᠠᠷ ᠬᠡᠯᠡᠨ ᠳᠠᠬᠢ ᠤᠳᠬ᠎ᠠ ᠶᠢᠨ ᠬᠡᠯᠪᠡᠷᠢ ᠶᠢ ᠲᠤᠲᠤᠷᠠᠭᠤᠯᠬᠤ ᠪᠠᠷ ᠵᠤᠷᠢᠵᠠᠢ᠃ ᠡᠨᠡ ᠨᠢ ᠬᠡᠯᠡ ᠪᠠᠷ ᠤᠳᠬ᠎ᠠ ᠶᠢ ᠢᠯᠡᠳᠭᠡᠬᠦ ᠭᠡᠭᠴᠢ ᠨᠢ ᠬᠡᠯᠨ ᠪᠠᠷ ᠣᠳᠬ᠎ᠠ ᠶᠢ ᠢᠯᠡᠳᠭᠡᠬᠦ ᠪᠠᠷ ᠵᠤᠷᠢᠬᠤ ᠶᠠᠪᠤᠴᠠ ᠮᠥᠨ ᠭᠡᠲᠡᠭ ᠢ ᠰᠡᠷᠡᠭᠲᠡᠭᠦᠯᠵᠦ ᠪᠠᠶᠢᠨ᠎ᠠ᠃ ᠦᠭᠡᠰ ᠤᠨ ᠰᠠᠩ᠂ ᠬᠡᠯᠡᠨ ᠤ ᠤᠷᠴᠢᠨ ᠵᠡᠷᠭᠡ ᠨᠢ ᠬᠡᠯᠨ ᠪᠠᠷ ᠤᠳᠬ᠎ᠠ ᠶᠢ ᠢᠯᠡᠳᠭᠡᠬᠦ ᠪᠠᠷ ᠵᠤᠷᠢᠬᠤ ᠶᠠᠪᠤᠴᠠ ᠶᠢᠨ ᠪᠡᠶᠡᠯᠡᠭᠲᠡᠬᠦ ᠪᠠ ᠦᠷᠭᠦᠯᠵᠢᠯᠡᠬᠦ  ᠶᠢᠨ ᠬᠡᠯᠡᠨ ᠤ ᠬᠤᠪᠢ ᠳᠠᠬᠢ ᠬᠠᠮᠤᠭ ᠤᠨ ᠤᠶᠢᠷ᠎ᠠ ᠵᠠᠭᠤᠴᠢ ᠤᠷᠴᠢᠨ ᠮᠥᠨ᠃ ᠬᠡᠯᠨ ᠶᠢ ᠬᠦᠭᠵᠢᠭᠦᠯᠬᠦ ᠠᠰᠠᠭᠤᠲᠠᠯ ᠨᠢ ᠡᠨᠡᠬᠦ ᠵᠠᠭᠤᠴᠢ ᠤᠷᠴᠢᠨ ᠢ ᠬᠡᠷᠬᠢᠨ ᠪᠤᠲᠤᠯᠬᠢᠯᠠᠬᠤ ᠲᠠᠢ ᠮᠠᠰᠢ ᠶᠡᠭᠡ ᠬᠤᠯᠪᠤᠭ᠎ᠠ ᠲᠠᠢ ᠪᠠᠶᠢᠨ᠎ᠠ᠃ᠰᠤᠶᠤᠯ ᠤᠨ ᠬᠠᠭᠤᠴᠢᠳ ᠤᠨ ᠲᠤᠬᠠᠢ ᠲᠠᠨᠢᠯᠲᠡ ᠨᠢ ᠡᠷᠲᠡᠮ ᠰᠢᠨᠵᠢᠯᠡᠭᠡᠨ ᠠᠴᠠ ᠰᠠᠯᠵᠤ ᠴᠢᠲᠠᠬᠤ ᠦᠭᠡᠢ᠂ ᠰᠢᠨ᠎ᠡ ᠬᠡᠷᠡᠭ ᠦᠵᠡᠭᠲᠡᠯ ᠨᠢ ᠰᠤᠶᠤᠯ ᠠᠮᠢᠲᠤᠷᠠᠯ ᠲᠠᠢ ᠤᠶᠠᠯᠲᠤᠬᠤ ᠶᠠᠪᠤᠴᠠ ᠳᠤ ᠬᠦᠭᠵᠢᠯᠲᠡ ᠶᠢᠨ ᠠᠷᠭ᠎ᠠ ᠬᠡᠯᠪᠡᠷᠢ ᠪᠠᠨ ᠲᠡᠭᠦᠯᠲᠡᠷᠵᠢᠭᠦᠯᠦᠨ᠎ᠡ᠃ ᠲᠡᠶᠢᠮᠦ ᠪᠤᠯ ᠬᠡᠯᠡᠨ ᠤ ᠠᠰᠠᠭᠤᠲᠠᠯ ᠲᠡᠭᠡᠷ᠎ᠡ ᠨᠢᠭᠡᠨ ᠶᠡᠷᠦᠩᠬᠡᠶᠢᠯᠡᠭᠰᠡᠨ ᠡᠷᠲᠡᠮ ᠪᠠᠶᠢᠵᠤ ᠪᠤᠯᠤᠨ᠎ᠠ᠃ ᠲᠠᠷᠤᠢ᠂ ᠬᠡᠯᠨ ᠶᠢ ᠬᠦᠭᠵᠢᠭᠦᠯᠬᠦ ᠤᠯᠠᠨ ᠲᠦᠮᠡᠨᠴᠢ ᠠᠵᠢᠯᠯᠠᠭ᠎ᠠ ᠪᠤᠯ ᠬᠡᠯᠡᠨ ᠤ ᠲᠤᠬᠠᠢ ᠠᠷᠠᠳᠴᠢᠯᠠᠭᠰᠠᠨ ᠰᠢᠨᠵᠢ ᠲᠠᠢ᠂ ᠤᠲᠠᠭᠠᠨ ᠲᠠᠭᠠᠭᠠᠮᠠᠭᠠᠢ ᠡᠷᠲᠡᠮ ᠰᠢᠨᠵᠢᠯᠡᠭᠡᠨ ᠮᠥᠨ ᠭᠡᠵᠦ ᠰᠡᠷᠡᠭᠲᠡᠨ᠎ᠡ᠃ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ
 
ᠢᠷᠡᠯᠲᠡ᠄ ᠲᠤᠰ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠵᠢᠷᠡᠨ
ᠠᠯᠠᠱᠠ ᠬᠠᠶᠢᠷᠠᠬᠠᠨ ᠮᠢᠨᠢ
ᠪᠤᠯᠵᠤᠭᠠᠨ ᠤ ᠵᠢᠭᠠᠬᠠᠨ ᠠᠮᠠᠷᠠᠭ
ᠰᠦᠪᠸᠢ ᠮᠢᠨᠢ
ᠴᠡᠩᠬᠡᠷ ᠭᠤᠪᠢ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号