ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠰᠢᠨ᠎ᠡ ᠬᠦᠳᠡᠭᠡ
ᠮᠤᠩᠭᠤᠯᠴᠤᠳ ᠮᠢᠨᠢ ᠶᠠᠭᠠᠬᠢᠯ᠎ᠠ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020/12/3
ᠪᠤᠷᠵᠢᠬᠢᠨ ᠡᠭᠦᠯᠡᠴᠢ ᠵᠢᠷᠭᠤᠭᠠᠨ ᠶᠢᠷᠳᠢᠨᠴᠤ ᠤᠨ ᠵᠢᠮ᠎ᠡ ᠳᠤ᠂ ᠵᠠᠭᠤᠷᠬᠠᠨ ᠨᠠᠰᠤᠯᠠᠭᠰᠠᠨ ᠴᠤ ᠶᠠᠭᠠᠬᠢᠪᠠ᠃ ᠵᠤᠵᠠᠭᠠᠨ ᠳᠡᠤᠬᠡ ᠤᠨ ᠳᠡᠪᠳᠡᠷ ᠲᠤ᠂ ᠵᠢᠷᠤᠭ ᠰᠢᠭ ᠨᠡᠷ᠎ᠡ ᠪᠠᠨ ᠦᠯᠡᠳᠡᠬᠦ ᠶᠤᠮ ᠰᠠᠨ᠃ ᠤᠷᠤᠭ᠎ᠠ ᠪᠤᠰᠤᠭ᠎ᠠ ᠤᠷᠴᠢᠯᠠᠩ ᠳᠤ᠂ ᠤᠨᠴᠠ ᠰᠠᠶᠢᠬᠠᠨ ᠶᠠᠭᠤᠮ᠎ᠠ ᠪᠠᠶᠢᠯ᠎ᠠ ᠬᠡᠰᠡᠨ ᠴᠤ᠂ ᠮᠤᠩᠭᠤᠯ ᠬᠡᠳᠡᠭ ᠳᠠᠷᠬᠠᠨ ᠠᠯᠳᠠᠷ ᠢ᠂ ᠬᠦᠢᠴᠡᠬᠦ ᠶᠠᠭᠤᠮ᠎ᠠ ᠬᠠᠮᠢᠭ᠎ᠠ ᠪᠠᠶᠢᠬᠤ ᠪᠤᠢ᠃ ᠬᠠᠷᠠᠬᠤ ᠶᠢᠨ ᠳᠡᠳᠦᠢ ᠦᠯᠡᠳᠡᠭᠰᠡᠨ᠂ ᠬᠠᠷ᠎ᠠ ᠬᠤᠳᠠ ᠶᠢᠨ ᠪᠠᠭᠤᠷᠢ᠂ ᠰᠡᠷᠪᠠᠶᠢᠵᠦ ᠭᠠᠭᠴᠠᠭᠠᠷ ᠦᠯᠡᠳᠡᠭᠰᠡᠨ᠂ ᠱᠠᠩᠳᠦ ᠶᠢᠨ ᠴᠢᠯᠠᠭᠤᠨ ᠬᠦᠮᠦᠨ᠃ ᠨᠡᠨ ᠨᠢ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ᠂ ᠵᠡᠬᠦᠳᠦ ᠪᠢᠰᠢ ᠦᠨᠡᠨ ᠳᠡᠤᠬᠡ᠃ ᠬᠤᠶᠠᠷ ᠳᠢᠪ ᠤᠨ ᠬᠦᠷᠦᠰᠦᠨ ᠳᠤ᠂ ᠬᠦᠯᠦᠭ ᠤᠨ ᠳᠤᠭᠤᠷᠠᠢ ᠪᠠᠷ ᠳᠠᠮᠤᠭᠤᠯᠤᠭᠰᠠᠨ᠃ ᠠᠤᠭ᠎ᠠ ᠮᠤᠩᠭᠤᠯ ᠤᠨ ᠦᠷᠡᠰ᠂ ᠠᠯᠳᠠᠨ ᠳᠡᠯᠡᠬᠡᠢ ᠳᠤ ᠠᠯᠳᠠᠷᠳᠠᠢ᠃ ᠨᠠᠶᠢᠮᠠᠨ ᠵᠠᠭᠤᠨ ᠤ ᠳᠡᠷᠳᠡᠭᠡ ᠳᠤ᠂ ᠮᠤᠩᠭᠤᠯ ᠨᠡᠷ᠎ᠡ ᠶᠢ ᠠᠯᠳᠠᠷᠰᠢᠭᠤᠯᠤᠭᠰᠠᠨ᠃ ᠳᠦᠷᠪᠡᠨ ᠵᠦᠭ ᠤᠨ ᠤᠯᠠᠨ ᠤᠯᠤᠰ ᠢ᠂ ᠳᠦᠷᠦᠬᠡᠨ ᠳᠤᠤᠷ᠎ᠠ ᠪᠠᠨ ᠬᠤᠷᠢᠶᠠᠭᠰᠠᠨ᠃ ᠳᠠᠪᠤᠨ ᠳᠢᠪ᠂ ᠳᠦᠷᠪᠡᠨ ᠳᠠᠯᠠᠢ ᠳᠤ᠂ ᠠᠯᠳᠠᠷᠳᠤ ᠳᠡᠤᠬᠡ ᠪᠠᠨ ᠦᠯᠡᠳᠡᠬᠡᠭᠰᠡᠨ᠃ ᠢᠶᠢᠮᠤ ᠯᠡ ᠨᠡᠷ᠎ᠡ ᠲᠠᠢ ᠮᠤᠩᠭᠤᠯᠴᠤᠳ ᠡ᠃ ᠳᠡᠶᠢᠮᠤ ᠡ᠂ ᠤᠳᠤ ᠶᠢᠨ ᠮᠤᠩᠭᠤᠯᠴᠤᠳ ᠶᠠᠭᠠᠬᠢᠯ᠎ᠠ᠃ ᠬᠤᠪᠴᠠᠰᠤᠨ ᠤ ᠳᠠᠯᠪᠢᠭᠤᠷ᠂ ᠪᠤᠳᠠᠭᠠᠨ ᠤ ᠤᠭᠤᠳᠠ᠂ ᠰᠠᠷᠬᠠᠳ ᠤᠨ ᠯᠤᠩᠬᠤ᠂ ᠰᠠᠶᠢᠬᠠᠨ ᠦᠯᠡᠳᠡᠭᠰᠡᠨ ᠬᠤᠭᠤᠰᠤᠨ ᠨᠡᠷ᠎ᠡ ᠶᠢᠨ ᠳᠡᠳᠦᠢ᠃ ᠠᠢ ᠳ᠋ᠠ᠂ ᠬᠦᠬᠡᠷᠦᠬᠦᠢ ᠮᠢᠨᠢ᠃ ᠳᠡᠷᠡᠬᠦ ᠵᠠᠭᠤᠨ ᠤ ᠤᠨ ᠤᠳ ᠲᠤ᠂ ᠳᠡᠶᠢᠮᠤ ᠠᠯᠳᠠᠷᠳᠠᠢ ᠮᠤᠩᠭᠤᠯᠴᠤᠳ ᠮᠢᠨᠢ᠃ ᠨᠡᠨ ᠵᠠᠭᠤᠨ ᠳᠤ ᠡᠷᠡᠨ ᠳᠤ᠂ ᠡᠶᠢᠮᠤ ᠯᠡ ᠲᠤᠷᠤᠢ ᠪᠤᠯᠴᠢᠬᠠᠵᠡᠢ᠃ ᠵᠡᠬᠦᠳᠦᠨ ᠠᠴᠠ ᠰᠡᠷᠡᠬᠡᠳ ᠦᠬᠡᠢ᠂ ᠵᠡᠭᠦᠷᠮᠡᠭᠯᠡᠵᠤ ᠪᠠᠶᠢᠭ᠎ᠠ ᠬᠡᠤᠬᠡᠳ᠃ ᠤᠨᠳᠠᠵᠤ ᠪᠠᠶᠢᠭ᠎ᠠ ᠨᠤᠶᠢᠷᠠᠮᠠᠭ ᠯᠤᠤ᠂ ᠤᠶᠠᠭᠠᠳᠠᠢ ᠪᠠᠶᠢᠭ᠎ᠠ ᠳᠤᠭᠰᠢᠨ ᠪᠠᠷᠠᠰ᠂ ᠬᠢᠨᠵᠢᠯᠡᠵᠦ ᠬᠤᠷᠢᠭᠰᠠᠨ ᠠᠷᠰᠠᠯᠠᠨ᠃ ᠡ ᠳ᠋ᠡ᠂ ᠮᠦᠨ ᠴᠤ ᠠᠮᠤᠷ ᠦᠬᠡᠢ ᠶᠠ᠃ ᠤᠳᠤ ᠶᠡᠷᠦ ᠤᠯᠠᠨ ᠳᠤᠯᠳᠭᠠᠢ ᠲᠠᠢ᠂ ᠮᠤᠭᠠᠢ ᠰᠢᠭ ᠶᠠᠭᠤᠮ᠎ᠠ ᠪᠤᠯᠴᠢᠬᠠᠵᠡᠢ᠃ ᠦᠪᠡᠷ ᠤᠨ ᠪᠡᠶ᠎ᠡ ᠪᠠᠨ ᠬᠤᠳᠡᠯᠳᠤᠭᠠᠳ᠂ ᠦᠨ᠎ᠡ ᠶᠡᠭᠡ ᠬᠦᠷᠪᠠᠤ︖᠃ ᠦᠷᠦᠬᠡᠯ ᠤᠨ ᠬᠡᠯᠨ ᠰᠤᠷᠤᠴᠢᠬᠠᠯ᠎ᠠ ᠬᠡᠳ᠂ ᠦᠨᠳᠦᠰᠦᠳᠡᠨ ᠴᠢᠨᠢ ᠴᠢᠮ᠎ᠡ ᠶᠢ ᠮᠠᠭᠳᠠᠪᠠᠤ︖ ᠦᠷ᠎ᠡ ᠪᠠᠨ ᠬᠢᠳᠠᠳ ᠪᠤᠯᠭᠠᠯ᠎ᠠ ᠬᠡᠳ᠂ ᠤᠭᠰᠠᠭ᠎ᠠ ᠴᠢᠨᠢ ᠴᠢᠮ᠎ᠡ ᠶᠢ ᠢᠷᠦᠬᠡᠪᠠᠤ︖᠃ ᠭᠠᠵᠠᠷ ᠨᠤᠳᠤᠭ ᠢᠶᠠᠨ ᠦᠭᠬᠦ ᠳᠤ᠂ ᠭᠠᠭᠴᠠ ᠰᠠᠶᠢᠨ ᠦᠬᠡ ᠬᠡᠯᠡᠪᠠᠤ︖᠃ ᠪᠢᠰᠢ ᠡ ᠪᠢᠰᠢ ᠪᠢ᠂ ᠮᠤᠩᠭᠤᠯ ᠢᠶᠠᠨ ᠮᠠᠭᠤᠯᠠᠬᠤ ᠬᠡᠳ ᠦᠬᠡᠢ᠃ ᠨᠡᠩ ᠴᠤ ᠤᠳᠤᠮ ᠪᠠᠨ ᠮᠠᠭᠤᠯᠠᠬᠤ ᠬᠡᠳ ᠦᠬᠡᠢ᠂ ᠴᠠᠭᠠᠨ᠎ᠠ ᠴᠢᠨᠢ ᠭᠠᠷᠴᠤ ᠮᠠᠭᠳᠠᠬᠤᠴᠤ ᠦᠬᠡᠢ᠂ ᠰᠢᠯᠦᠭᠴᠢ ᠬᠦᠮᠦᠨ ᠤ ᠬᠤᠪᠢ ᠪᠠᠷ᠂ ᠰᠢᠯᠦᠭ ᠪᠠᠨ ᠵᠤᠬᠢᠶᠠᠵᠤ ᠰᠠᠭᠤᠨ᠎ᠠ᠃ ᠰᠢᠯᠦᠭᠯᠡᠬᠦ ᠳᠡᠭᠡᠨ ᠶᠡᠷᠦ ᠰᠢᠯᠦᠭ ᠪᠠᠨ᠂ ᠦᠨᠡᠨ ᠶᠠᠭᠤᠮ᠎ᠠ ᠰᠢᠯᠦᠭᠯᠡᠶ᠎ᠡ ᠬᠡᠵᠦ ᠪᠤᠳᠤᠳᠠᠭ᠃ ᠡᠷᠳᠡ ᠳᠡᠬᠡᠳᠦ ᠪᠠᠨ ᠳᠤᠷᠠᠰᠤᠨ᠂ ᠤᠳᠤ ᠦᠶ᠎ᠡ ᠶᠢ ᠪᠠᠨ ᠪᠢᠴᠢᠶ᠎ᠡ ᠬᠡᠰᠡᠨ ᠶᠤᠮ᠃ ᠨᠠᠶ᠋ᠢ ᠶᠢᠷᠡᠬᠡᠳ ᠤᠨ ᠤᠳ ᠲᠤ᠂ ᠠᠭᠤᠯᠨ ᠮᠠᠩᠬᠠᠨ ᠨᠢ ᠪᠦᠳᠦᠨ᠂ ᠬᠦᠳᠡᠭᠡ ᠳᠠᠯ᠎ᠠ ᠨᠢ ᠰᠠᠷᠠᠭᠤᠯ᠂ ᠬᠦᠷᠦᠬᠡᠰᠦ ᠰᠢᠪᠠᠭᠤ ᠨᠢ ᠡᠯᠪᠡᠭ᠂ ᠰᠡᠷᠡᠭᠡ ᠪᠦᠬᠦ ᠲᠠᠢ ᠳᠡᠮᠡᠬᠡᠳ ᠨᠢ᠂ ᠨᠠᠭᠠᠰᠢ ᠴᠠᠭᠠᠰᠢ ᠪᠠᠨ ᠰᠦᠯᠵᠢᠭᠰᠡᠨ᠃ ᠠᠳᠤᠭᠤᠨ ᠰᠦᠷᠦᠭ ᠤᠨ ᠪᠠᠷᠠᠭ᠎ᠠ᠂ ᠬᠠᠮᠢᠭ᠎ᠠ ᠰᠠᠢ ᠦᠬᠡᠢ ᠦᠵᠡᠭᠳᠡᠭᠰᠡᠨ᠃ ᠬᠦᠪᠦᠩ ᠴᠠᠭᠠᠨ ᠬᠤᠨᠢᠳ ᠨᠢ᠂ ᠬᠦᠳᠡᠭᠡ ᠲᠦᠬᠦᠷᠡᠩ ᠪᠢᠯᠴᠢᠭᠰᠡᠨ᠂ ᠨᠠᠶᠠᠨ ᠨᠢᠬᠡ ᠤᠨᠢ ᠲᠠᠢ᠂ ᠨᠠᠶᠢᠮᠠᠨ ᠬᠠᠨ᠎ᠠ ᠲᠠᠢ ᠮᠤᠩᠭᠤᠯ ᠬᠡᠷ ᠤᠳ᠂ ᠠᠶᠢᠯ ᠪᠤᠯᠭᠠᠨ ᠢᠶᠠᠷ ᠵᠢᠭᠳᠡᠷᠡᠭᠰᠡᠨ᠃ ᠠᠭᠤᠵᠢᠮ ᠳᠡᠷᠯᠢᠭ ᠡᠮᠤᠰᠴᠤ᠂ ᠤᠷᠳᠤ ᠤᠷᠭ᠎ᠠ ᠪᠠᠷᠢᠭᠰᠠᠨ᠃ ᠮᠤᠩᠭᠤᠯ ᠬᠦᠮᠦᠨ ᠵᠦᠩᠳᠡᠬᠡᠨ ᠪᠠᠶᠢᠭᠰᠠᠨ᠃ ᠳᠡᠶᠢᠮᠤ ᠡ᠂ ᠳᠡᠶᠢᠮᠤ ᠳᠡᠷᠨ ᠦᠶ᠎ᠡ ᠶᠢᠨ ᠮᠤᠩᠭᠤᠯᠴᠤᠳ ᠮᠢᠨᠢ᠂ ᠤᠳᠤ ᠬᠠᠮᠢᠭ᠎ᠠ ᠪᠠᠶᠢᠨ᠎ᠠ ᠳ᠋ᠠ᠃ ᠪᠤᠳᠤᠬᠤ ᠠᠴᠠ ᠰᠡᠳᠬᠢᠯ ᠮᠢᠨᠢ ᠤᠶᠠᠷᠠᠵᠤ᠂ ᠰᠠᠨᠠᠬᠤ ᠠᠴᠠ ᠨᠢᠯᠪᠤᠰᠤ ᠮᠢᠨᠢ ᠪᠦᠮᠪᠦᠷᠢᠬᠦ ᠶᠤᠮ᠃ ᠤᠳᠤ ᠨᠤᠳᠤᠭ ᠢᠶᠠᠨ ᠦᠵᠡᠬᠦ ᠳᠤ᠂ ᠳᠡᠨᠢᠬᠡᠷ ᠨᠤᠭᠤᠭᠠᠨ ᠳᠠᠯ᠎ᠠ ᠨᠢ᠂ ᠳᠤᠤᠷ ᠳᠡᠮᠤᠷ ᠢᠶᠠᠷ ᠬᠦᠷᠢᠶᠡᠯᠡᠭᠳᠡᠵᠦ᠂ ᠳᠤᠭᠤᠰᠤ ᠪᠤᠰᠳᠠᠭ ᠶᠢᠨ ᠤᠷᠰᠢᠭ ᠬᠡᠵᠦ᠂ ᠳᠤᠭᠠᠳᠠᠢ ᠮᠠᠯ ᠢ ᠨᠢ ᠴᠠᠭᠠᠵᠢᠯᠠᠪᠠ᠃ ᠡᠷᠳᠡᠨᠢ ᠶᠢᠨ ᠠᠭᠤᠷᠬᠠᠢ ᠲᠠᠢ ᠠᠭᠤᠯᠠᠰ ᠨᠢ᠂ ᠠᠳᠡ ᠳᠡᠨᠳᠡ ᠪᠠᠨ ᠨᠦᠬᠡᠳᠡᠢ᠂ ᠦᠨᠳᠦᠷ ᠴᠠᠭᠠᠨ ᠳᠤᠪᠤ ᠨᠢ᠂ ᠦᠬᠡᠢ ᠪᠤᠯᠤᠭᠠᠳ ᠬᠤᠴᠤᠷᠠᠭᠰᠠᠨ᠃ ᠠᠳᠠᠨ ᠳᠡᠮᠡᠬᠡᠳ ᠤᠨ ᠰᠦᠷᠦᠭ ᠨᠢ᠂ ᠠᠷᠠᠯᠵᠢᠶᠠᠴᠢᠨ ᠬᠤᠤᠵᠨ ᠶᠢᠨ ᠭᠠᠷ ᠲᠤ ᠤᠷᠤᠵᠤ᠂ ᠬᠤᠷ᠎ᠠ ᠳᠡᠯᠳᠦ ᠶᠢᠨ ᠤᠳᠤᠮ ᠨᠢ᠂ ᠬᠤᠶᠠᠷ ᠭᠤᠷᠪᠡ ᠦᠯᠡᠳᠡᠵᠦ᠂ ᠳᠠᠨᠠᠨ ᠴᠠᠭᠠᠨ ᠬᠤᠨᠢᠳ ᠨᠢ᠂ ᠳᠠᠪᠢ ᠵᠢᠷᠠᠭᠠᠳ ᠬᠤᠴᠤᠷᠠᠵᠤ᠂ ᠳᠡᠷᠯᠢᠭ ᠡᠮᠤᠰᠦᠭᠰᠡᠨ ᠮᠤᠩᠭᠤᠯ ᠨᠢ᠂ ᠨᠢ ᠬᠤᠤ ᠮᠠ ᠬᠡᠳᠡᠭ ᠪᠤᠯᠵᠡᠢ᠃ ᠨᠡᠨ ᠨᠤᠳᠤᠭ ᠡᠶᠢᠮᠤ ᠪᠤᠯᠤᠭᠰᠠᠨ ᠴᠤ᠂ ᠡᠳᠡᠬᠡᠳ ᠬᠦᠭᠵᠢᠯᠳᠡ ᠲᠠᠢ ᠪᠠᠶᠢᠨ᠎ᠠ᠃ ᠳᠤᠭᠤᠨᠤᠳᠤ ᠮᠤᠩᠭᠤᠯ ᠬᠡᠷ ᠨᠢ᠂ ᠳᠤᠭᠤᠰᠤᠭᠠᠨ ᠪᠠᠶᠢᠰᠢᠩ ᠪᠠᠷ ᠰᠤᠯᠢᠭᠳᠠᠵᠦ᠂ ᠬᠤᠷᠳᠤᠨ ᠠᠭᠳᠠ ᠶᠢᠨ ᠤᠷᠤᠨ ᠲᠤᠨᠢ᠂ ᠬᠦᠷᠳᠦᠳᠦ ᠮᠠᠰᠢᠨ ᠢᠯᠡᠷᠡᠵᠦ᠂ ᠬᠤᠳᠠ ᠲᠠᠢ ᠮᠠᠯ ᠤᠨ ᠬᠢᠨ ᠤᠷᠤᠨ ᠲᠤᠨᠢ᠂ ᠳᠠᠬᠢᠶ᠎ᠠ ᠭᠠᠭ᠋ᠠᠢ ᠲᠠᠢ ᠪᠤᠯᠵᠦ᠂ ᠬᠡᠯᠡᠬᠦ ᠳᠠᠪᠤᠨ ᠦᠬᠡᠨ ᠳᠤ ᠨᠢ᠂ ᠬᠢᠳᠠᠳ ᠬᠡᠳᠤ ᠳᠤ ᠬᠤᠯᠢᠵᠦ᠂ ᠡᠷ᠎ᠡ ᠡᠮ᠎ᠡ ᠦᠬᠡᠢ ᠡᠮᠤᠰᠡᠬᠦ ᠨᠢ᠂ ᠡᠷᠢᠶᠡᠨ ᠴᠤᠬᠤᠷ ᠪᠤᠯᠵᠦ᠂ ᠤᠷᠳᠤ ᠰᠠᠶᠢᠬᠠᠨ ᠦᠰᠦ ᠪᠠᠨ᠂ ᠡᠷ᠎ᠡ ᠶᠠᠩᠵᠦ ᠪᠠᠷ ᠬᠢᠷᠭᠠᠵᠤ᠂ ᠮᠠᠯ ᠬᠠᠷ᠎ᠠ ᠬᠢᠵᠢᠬᠡ ᠪᠠᠨ᠂ ᠤᠯᠠᠭᠠᠨ ᠶᠠᠭᠠᠨ ᠪᠠᠷ ᠪᠤᠳᠤᠵᠤ᠂ ᠪᠤᠰᠤᠭ᠎ᠠ ᠮᠤᠩᠭᠤᠯ ᠰᠤᠶᠤᠯ ᠨᠢ᠂ ᠠᠩᠬᠢᠯᠢ ᠬᠢᠳᠠᠳ ᠢᠶᠠᠷ ᠰᠤᠯᠢᠭᠳᠠᠵᠡᠢ᠃ ᠦᠨᠡᠬᠡᠷ᠂ ᠬᠦᠭᠵᠢᠯᠳᠡ ᠲᠠᠢ ᠴᠤ ᠶᠤᠮ ᠤᠤ︖ ᠳᠠᠪᠰᠢᠯᠳᠡ ᠲᠠᠢ ᠴᠤ ᠶᠤᠮ ᠤᠤ︖ ᠡᠨᠡᠨ ᠵᠠᠭᠤᠨ ᠳᠤ ᠡᠶᠢᠮᠤ ᠯᠡ ᠪᠠᠶᠢᠨ᠎ᠠ᠃ ᠳᠠᠷᠠᠭᠠᠴᠢ ᠶᠢᠨ ᠵᠠᠭᠤᠨ ᠳᠤ ᠶᠠᠭᠠᠬᠢᠳᠠᠭ ᠪᠤᠯ᠃ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ
 
ᠢᠷᠡᠯᠲᠡ᠄ ᠲᠤᠰ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠵᠢᠷᠡᠨ
ᠠᠯᠠᠱᠠ ᠬᠠᠶᠢᠷᠠᠬᠠᠨ ᠮᠢᠨᠢ
ᠪᠤᠯᠵᠤᠭᠠᠨ ᠤ ᠵᠢᠭᠠᠬᠠᠨ ᠠᠮᠠᠷᠠᠭ
ᠰᠦᠪᠸᠢ ᠮᠢᠨᠢ
ᠴᠡᠩᠬᠡᠷ ᠭᠤᠪᠢ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号