| | ᠵᠡᠭᠦᠨᠭᠠᠷ ᠪᠤᠶᠠᠨᠪᠠᠲᠤ | | ᠵᠠᠭ ᠤᠨ ᠭᠠᠯ ᠤᠨ ᠢᠯᠴᠢ | ᠲᠤᠯᠭᠠᠨ ᠬᠠᠪᠢ ᠠᠴᠠ ᠴᠠᠭᠠᠰᠢ ᠥᠭᠡᠢ | ᠵᠢᠪᠠᠷ ᠲᠠᠭᠠᠭᠠᠭᠰᠠᠨ ᠭᠡᠷ ᠮᠢᠨᠢ | ᠮᠥᠰᠥᠨ ᠭᠥᠨᠳᠡᠢ ᠥᠭᠡᠷᠡ ᠥᠭᠡᠢ | ᠵᠢᠭᠠᠬᠠᠨ ᠲᠡᠭᠦᠥ ᠮᠢᠨᠢ ᠰᠠᠷᠠ ᠪᠤᠯᠤᠭᠠᠳ ᠯᠠ | ᠲᠡᠭᠷᠢ ᠳᠤ ᠬᠠᠯᠢᠭᠰᠠᠨ | ᠵᠢᠷᠠᠨ ᠲᠤᠯᠤᠭᠠᠨ ᠤᠨ ᠤ ᠬᠠᠪᠤᠷ ᠴᠠᠭ | ᠪᠠᠶᠢᠭᠰᠠᠨ ᠰᠠᠨ ᠁ | ᠡᠵᠢ ᠮᠢᠨᠢ ᠤᠬᠠᠭᠠ ᠲᠠᠢ ᠤᠬᠠᠭᠠ ᠥᠭᠡᠢ | ᠰᠠᠷᠠ ᠪᠠᠷ ᠤᠭᠢᠯᠠᠵᠤ ᠪᠠᠶᠢᠬᠤ ᠳᠤ | ᠡᠭᠡᠷᠡᠮᠡ ᠲᠠᠯᠠ ᠶᠢᠨ ᠪᠤᠳᠠ ᠤᠷᠭᠤᠮᠠᠯ | ᠥᠨᠳᠥᠰᠥ ᠪᠠᠷ ᠢᠶᠠᠨ ᠪᠤᠯᠭᠤᠷᠠᠵᠤ ᠪᠠᠶᠢᠬᠤ ᠳᠤ | ᠡᠷᠪᠡᠭᠡᠷ ᠤᠯᠠᠭᠠᠨ ᠭᠡᠳᠡᠭ ᠢᠩᠭᠡ | ᠰᠢᠯᠢᠷᠡᠵᠥ ᠭᠥᠳᠡᠭᠡ ᠪᠤᠳᠤᠭᠤᠯᠠᠭᠰᠠᠨ ᠶᠤᠮ | ᠡᠩᠭᠦᠷᠡᠢ ᠤᠯᠠᠭᠠᠨ ᠥᠷᠡ ᠪᠠᠨ | ᠵᠤᠳ ᠤᠨ ᠰᠢᠭᠤᠷᠭᠠᠨ ᠳᠤ ᠠᠯᠳᠠᠭᠰᠠᠨ ᠶᠤᠮ | ᠲᠡᠭᠡᠭᠡᠳ ᠬᠤᠶᠠᠷ ᠡᠭᠡ | ᠠᠳᠠᠯᠢᠬᠠᠨ ᠵᠤᠪᠠᠯᠠᠩ ᠳᠤ ᠤᠨᠠᠭᠰᠠᠨ ᠶᠤᠮ | ᠲᠡᠭᠷᠢ ᠶᠢᠨ ᠭᠠᠰᠢᠭᠤᠨ ᠭᠤᠨᠢᠭ ᠢ | ᠲᠡᠩᠴᠡᠭᠦᠥ ᠬᠤᠪᠢᠶᠠᠵᠤ ᠵᠠᠯᠭᠢᠯᠠᠭᠰᠠᠨ ᠶᠤᠮ | ᠲᠡᠪᠡᠯ ᠢᠶᠠᠨ ᠲᠡᠪᠳᠥᠳᠡᠯᠡ | ᠭᠥᠭᠡᠷᠥᠭᠦᠢ ᠡᠵᠢ ᠮᠢᠨᠢ ᠤᠭᠢᠯᠠᠭᠰᠠᠨ ᠶᠤᠮ | ᠲᠡᠯᠡᠭᠡᠢ ᠪᠠᠨ ᠪᠤᠳᠤᠩᠭᠤᠶᠢᠷᠠᠳᠠᠯᠠ | ᠤᠯᠠᠭᠠᠨ ᠢᠩᠭᠡ ᠪᠤᠶᠢᠯᠠᠭᠰᠠᠨ ᠶᠤᠮ | ᠥᠷᠡᠳᠥ ᠠᠮᠢᠳᠠᠨ ᠨᠢᠭᠡᠨ ᠤ ᠪᠠᠨ | ᠥᠢᠯᠡ ᠶᠢ ᠮᠡᠳᠡᠳᠡᠭ ᠬᠤᠶᠢᠨᠠ | ᠤᠰᠤᠯᠳᠠᠭᠰᠠᠨ ᠪᠤᠳᠤᠭᠤ ᠶᠢ ᠨᠢ ᠲᠡᠭᠦᠷᠴᠥ ᠢᠷᠡᠭᠡᠳ | ᠡᠵᠢ ᠮᠢᠨᠢ | ᠥᠨᠥᠷᠯᠡᠭᠦᠯᠥᠨ ᠥᠨᠥᠷᠯᠡᠭᠦᠯᠥᠨ | ︽ᠥᠨᠥᠴᠢᠨ ᠴᠠᠭᠠᠨ ᠪᠤᠳᠤᠭᠤ︾ ᠠᠶᠠᠯᠵᠤ | ᠤᠯᠠᠭᠠᠨ ᠢᠩᠭᠡ ᠲᠠᠢ ᠪᠠᠨ ᠵᠡᠷᠭᠡᠴᠡᠵᠥ ᠤᠭᠢᠯᠠᠭᠰᠠᠭᠠᠷ | ᠤᠩᠭᠤᠨ ᠲᠡᠯᠡᠩ ᠢ ᠨᠢ ᠰᠢᠪᠳᠤᠷᠴᠤ ᠪᠢᠯᠡ | ᠲᠤᠮᠤ ᠭᠥᠷᠡᠩ ᠨᠢᠳᠤᠨ ᠠᠴᠠ ᠪᠠᠨ | ᠨᠢᠯᠪᠤᠰᠤ ᠠᠰᠬᠠᠷᠠᠭᠤᠯᠤᠭᠰᠠᠭᠠᠷ ᠭᠤᠷᠪᠠᠳᠡᠭᠢ ᠡᠳᠥᠷ ᠲᠤ | ᠲᠤᠷᠮᠤᠭᠤᠷ ᠥᠷᠡ ᠳᠡᠭᠡᠨ ᠴᠢᠨᠥᠷᠡᠭᠰᠡᠨ ᠭᠥᠭᠦ ᠨᠢ | ᠱᠠᠭᠢᠳᠠᠯᠠ ᠢᠪᠢᠯᠵᠤ ᠪᠢᠯᠡ | ᠲᠤᠭᠤᠨᠤ ᠱᠠᠵᠢᠭᠢᠨᠠᠭᠤᠯᠤᠭᠰᠠᠨ ᠥᠯᠥᠨ ᠰᠢᠭᠤᠷᠭᠠ | ᠲᠡᠭᠡᠰᠭᠢᠭᠡᠳ ᠨᠠᠮᠳᠠᠵᠤ ᠪᠢᠯᠡ | ᠲᠤᠯᠤᠭᠠᠳ ᠴᠤᠮᠨᠤᠭᠰᠠᠨ ᠵᠡᠪᠡᠭᠡᠢ ᠮᠠᠨᠠᠨ | ᠢᠩᠭᠡᠨ ᠤ ᠤᠭᠤᠷᠠᠭ ᠲᠤ ᠠᠯᠳᠠᠷᠠᠵᠤ ᠪᠢᠯᠡ | ᠡᠷᠪᠡᠭᠡᠷ ᠭᠡᠳᠡᠭ ᠲᠤᠭᠰᠢᠨ ᠢᠩᠭᠡ ᠢᠩᠭᠡᠵᠥ ᠯᠡ | ︽ᠬᠠᠶᠢᠳᠠᠭ ᠤᠯᠠᠭᠠᠨ︾ ᠢᠶᠠᠷ ᠭᠠᠷᠰᠢᠭᠰᠠᠨ ᠶᠤᠮ | ᠡᠮᠭᠡᠨᠢᠯᠳᠥ ᠤᠴᠠᠷᠠᠯ ᠤᠨ ᠡᠷᠭᠡ ᠪᠠᠷ | ︽ᠭᠥᠮᠥᠨ ᠪᠤᠳᠤᠭᠤ︾ ᠲᠠᠢ ᠪᠤᠯᠤᠭᠰᠠᠨ ᠶᠤᠮ | ᠡᠯᠢᠶᠡᠨ ᠰᠡᠭᠦᠳᠡᠷ ᠴᠦ ᠵᠢᠪᠡᠷᠡᠭᠰᠡᠨ ᠲᠡᠷᠡ ᠵᠢᠯ | ᠮᠠᠨ ᠤ ᠭᠢᠨᠢ ᠰᠠᠭᠠᠯᠢ ᠲᠠᠢ ᠪᠠᠶᠢᠭᠰᠠᠨ ᠶᠤᠮ | ᠡᠨᠡ ᠰᠠᠭᠠᠯᠢ ᠶᠢᠨ ᠥᠭᠭᠦᠭᠡᠵᠢ ᠪᠠᠷ | ᠪᠢ ︽ᠬᠤᠶᠠᠷ ᠡᠵᠢ︾ ᠲᠠᠢ ᠵᠢᠷᠭᠠᠭᠰᠠᠨ ᠶᠤᠮ | ᠭᠠᠭᠴᠠᠬᠠᠨ ᠡᠵᠢ ᠠᠴᠠ ᠮᠢᠨᠢ ᠪᠤᠰᠤᠳ ᠢ | ᠲᠡᠯᠡᠩ ᠳᠡᠭᠡᠨ ᠭᠠᠷ ᠭᠥᠷᠭᠡᠭᠦᠯᠳᠡᠭ ᠥᠭᠡᠢ | ᠭᠠᠩᠳᠠᠭᠰᠠᠨ ᠠᠯᠴᠢᠭᠤᠷ ᠲᠠᠢ ᠲᠤᠯᠤᠭᠠᠢ ᠶᠢ ᠨᠢ ᠥᠨᠥᠷᠯᠡᠭᠡᠳ | ᠭᠡᠨ ᠪᠤᠯᠬᠤ ᠶᠢ ᠲᠠᠨᠢᠨᠠ | ᠭᠠᠳᠠᠨᠠ ᠲᠤᠳᠤᠨᠠ ᠮᠤᠩᠭᠠᠨᠢᠭᠰᠠᠨ ᠡᠵᠢ ᠳᠡᠭᠡᠨ | ᠡᠷᠭᠡᠯᠡᠭᠦ ᠳᠤ ᠮᠢᠨᠢ ᠬᠠᠷᠠᠮᠨᠠᠵᠤ | ᠭᠠᠵᠠᠷ ᠲᠤ ᠨᠠᠭᠠᠴᠢᠬᠠᠬᠤ ᠠᠴᠠ ᠪᠤᠴᠠᠬᠤ ᠥᠭᠡᠢ | ᠴᠡᠭᠡᠵᠢ ᠲᠥᠩᠭᠢᠨᠡᠭᠦᠯᠥᠨ ᠲᠠᠭᠠᠷᠢᠨᠠ | ᠡᠵᠢ ᠶᠢ ᠲᠠᠭᠠᠭᠠᠳ ᠭᠡᠷ ᠲᠤ ᠤᠷᠤᠬᠤ ᠨᠢ | ᠬᠤᠯᠠ ᠥᠭᠡᠢ | ︽ᠡᠪᠡᠢ︕ ᠥᠷᠡ ᠮᠢᠨᠢ ᠰᠥ ᠪᠠᠨ ᠁︾ | ᠭᠡᠭᠦ ᠨᠢ ᠯᠠ ᠲᠤᠳᠠᠭᠰᠠ | ᠭᠡᠳᠥᠨ ᠲᠤᠪᠤᠴᠠᠭ ᠲᠠᠪᠠᠭᠠᠳ ᠯᠠ ᠢᠵᠢᠯᠢ ᠠᠴᠠ ᠪᠠᠨ | ᠲᠠᠰᠤᠷᠠᠨ ᠲᠡᠰᠢᠭᠡᠳ ᠢᠷᠡᠳᠡᠭ | ᠭᠥᠮᠥᠨ ᠪᠠᠷᠠᠳᠠᠭᠰᠠᠨ | ᠭᠡᠷ ᠠᠮᠢ ᠲᠠᠢ ᠠᠮᠢᠳᠠᠨ ᠪᠠᠶᠢᠯᠠ | ᠬᠠᠭᠠᠴᠠᠬᠤᠢ ᠶᠢᠨ ᠵᠣᠪᠠᠯᠠᠩ ᠢ | ᠰᠥ ᠪᠠᠨ ᠰᠠᠭᠠᠯᠭᠠᠵᠤ ᠨᠢᠮᠭᠡᠯᠡᠭᠰᠡᠨ | ᠬᠠᠶᠢᠯᠭᠠᠨ ᠭᠤᠩᠭᠢᠨᠠᠭᠠᠨ ᠳᠤᠨᠢ | ᠭᠠᠯ ᠤᠨ ᠪᠤᠷᠬᠠᠨ ᠲᠠᠶᠢᠳᠬᠤᠷᠠᠭᠰᠠᠨ | ᠬᠠᠶᠢᠷᠡᠳᠤ ᠡᠵᠡᠨ ᠢᠶᠠᠨ ᠥᠷᠡᠴᠢᠯᠡᠵᠥ | ᠰᠡᠳᠭᠢᠯ ᠢᠶᠠᠨ ᠵᠢᠷᠭᠠᠭᠠᠵᠤ ᠶᠠᠪᠤᠭᠰᠠᠨ | ᠬᠠᠶᠢᠳᠠᠭ ᠤᠯᠠᠭᠠᠨ ᠢᠩᠭᠡ ᠮᠢᠨᠢ | ᠲᠥᠷᠪᠡᠨ ᠭᠥᠯ ᠲᠠᠢ ᠡᠭᠡ ᠮᠢᠨᠢ︕ | ᠬᠠᠨᠠᠳᠤ ᠭᠡᠷ ᠤᠨ ᠮᠢᠨᠢ ᠡᠷᠥᠭᠡᠨ ᠤᠭᠤᠰᠤᠷ | ᠡᠳᠥᠷᠵᠢᠨ ᠲᠡᠭᠡᠪᠥᠷ ᠨᠥᠳᠥᠭᠰᠡᠨ | ᠬᠠᠷᠭᠠᠨᠠ ᠶᠢᠨ ᠮᠥᠴᠢᠷ ᠨᠢᠳᠥᠯᠡᠵᠥ ᠠᠮᠵᠢᠭᠠ ᠥᠭᠡᠢ | ᠴᠠᠷᠴᠠᠵᠤ ᠪᠠᠶᠢᠭᠰᠠᠨ ᠲᠡᠷᠡ ᠬᠠᠪᠤᠷ ᠢ | ᠬᠠᠶᠢᠳᠠᠭ ᠤᠯᠠᠭᠠᠨ ᠢᠩᠭᠡᠨ ᠤ ᠪᠠᠨ | ᠬᠠᠯᠭᠢᠭᠰᠠᠨ ᠴᠠᠭᠠᠨ ᠪᠤᠶᠠᠨ ᠢᠶᠠᠷ | ᠬᠠᠨ ᠬᠠᠶᠢᠷᠬᠠᠨ ᠳᠠᠭᠠᠨ ᠡᠷᠭᠦᠭᠦ | ᠰᠠᠴᠤᠯᠢ ᠶᠢᠨ ᠰᠥ ᠲᠠᠢ ᠥᠩᠭᠡᠷᠡᠭᠡᠭᠰᠡᠨ ᠶᠤᠮ ᠵᠠᠭ ᠤᠨ ᠭᠠᠯ ᠤᠨ ᠢᠯᠴᠢ | ᠲᠤᠯᠭᠠᠨ ᠬᠠᠪᠢ ᠠᠴᠠ ᠴᠠᠭᠠᠰᠢ ᠥᠭᠡᠢ | ᠵᠢᠪᠠᠷ ᠲᠠᠭᠠᠭᠠᠭᠰᠠᠨ ᠭᠡᠷ ᠮᠢᠨᠢ | ᠮᠥᠰᠥᠨ ᠭᠥᠨᠳᠡᠢ ᠥᠭᠡᠷᠡ ᠥᠭᠡᠢ | ᠵᠢᠭᠠᠬᠠᠨ ᠲᠡᠭᠦᠥ ᠮᠢᠨᠢ ᠰᠠᠷᠠ ᠪᠤᠯᠤᠭᠠᠳ ᠯᠠ | ᠲᠡᠭᠷᠢ ᠳᠤ ᠬᠠᠯᠢᠭᠰᠠᠨ | ᠵᠢᠷᠠᠨ ᠲᠤᠯᠤᠭᠠᠨ ᠤᠨ ᠤ ᠬᠠᠪᠤᠷ ᠴᠠᠭ | ᠪᠠᠶᠢᠭᠰᠠᠨ ᠰᠠᠨ ᠁ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |